ନନ୍ଦିଘୋଷ ବ୍ୟୁରୋ : ଲୋକସଭା ଆସନ ପୁନଃସୀମାନିର୍ଦ୍ଧାରଣ ବିଲକୁ ଜୋରଦାର ବିରୋଧ କରି ପୂରା ତାମିଲନାଡୁରେ ବିକ୍ଷୋଭ ପ୍ରଦର୍ଶନ କରିଛି ଡିଏମକେ। ଏଥିରେ ମୁଖ୍ୟମନ୍ତ୍ରୀ ଷ୍ଟାଲିନ, ଉପମୁଖ୍ୟମନ୍ତ୍ରୀ ଉଦୟନିଧିଙ୍କ ସମେତ ବହୁ ନେତା ସାମିଲ ହୋଇଛନ୍ତି। ସାରା ରାଜ୍ୟର ଲୋକେ କଳା ପତାକା ପ୍ରଦର୍ଶନ କରିଛନ୍ତି। ତାମିଲନାଡୁ ପ୍ରତି ଅନ୍ୟାୟ କରାଯାଉଛି ବୋଲି ସେମାନେ ଅଭିଯୋଗ କରିଛନ୍ତି । ନମକ୍କାଲରେ ମୁଖ୍ୟମନ୍ତ୍ରୀ ଷ୍ଟାଲିନ ସୀମା ପୁନଃନିର୍ଦ୍ଧାରଣ ବିଲର ନକଲ ପୋଡିଥିବା ଜଣାଯାଇଛି। ଏହା ଏକ ଷଡ଼ଯନ୍ତ୍ର ଓ ଏକ କଳା ଆଇନ ବୋଲି ସେ ଅଭିହିତ କରିଛନ୍ତି ।
ସାରା ରାଜ୍ୟରେ ଏହି ବିଲ ବିରୋଧରେ ଜନମତ ଜାଗ୍ରତ ଲାଗି ସେ ଆହ୍ବାନ ଦେଇଛନ୍ତି । ଏହି ବିଲ୍ ଲାଗି ଆଗକୁ କେନ୍ଦ୍ରକୁ ଅଧିକ ମୂଲ୍ୟ ଦେବାକୁ ପଡ଼ିବ ବୋଲି ଚେତାବନୀ ଦେଇଛନ୍ତି ଷ୍ଟାଲିନ। ସଂସଦରେ ବି ବିଲକୁ ବିରୋଧ କରିଛନ୍ତି ଡିଏମକେ ସାଂସଦ।
