ନୂଆଦିଲ୍ଲୀ: ‘ନିର୍ଭୟା’ ଦୋଷୀଙ୍କୁ ମାର୍ଚ୍ଚ ୨୦ରେ ଫାଶୀ ଦିଆଯିବ ନା ନାହିଁ । ଏହାକୁ ନେଇ ପୁଣି ଦେଖାଦେଇଛି ସନ୍ଦେହ । ଫାଶୀକୁ ୩୬ ଘଣ୍ଟାରୁ କମ୍ ସମୟ ଥିବା ବେଳେ, ଦିଲ୍ଲୀ ହାଇକୋର୍ଟରେ ପୁଣିଥରେ ଆବେଦନ କରିଛି ମୁକେଶ ସିଂହର ଓକିଲ । ଘଟଣା ଦିନ ସେ ଦିଲ୍ଲୀରେ ନଥିବା ନେଇ ଯୁକ୍ତି ବାଢ଼ିଛନ୍ତି । ପୂର୍ବରୁ ସମାନ୍ ମାମଲା ତଳ କୋର୍ଟରେ ଖାରଜ ହୋଇଥିବା ବେଳେ ହାଇକୋର୍ଟ ରାୟ ସଂରକ୍ଷିତ ରଖିଛନ୍ତି । ୟୁପିର ମିରଟରୁ ଆସିଥିବା ଜହ୍ଲାଦ ପବନ ଆଜି ସକାଳେ ଡମି ଫାଶୀ ପ୍ରସ୍ତୁତ କରି ପ୍ରକ୍ରିୟା ଆରମ୍ଭ କରିଛନ୍ତି ।
ଫାଶୀ ପାଇଁ ୫୦ ଘଣ୍ଟାରୁ ବି କମ୍ ସମୟ ବାକି । ତେବେ ଫାଶୀ ହେବ କି ନାହିଁ ସେ ନେଇ ପୁଣି ଦେଖାଦେଇଛି ସନ୍ଦେହ । କାରଣ, ଫାଶୀରୁ ବର୍ତ୍ତିବା ପାଇଁ ନିର୍ଭୟା ଗଣଦୁଷ୍କର୍ମ ଓ ହତ୍ୟା ମାମଲାରେ ୪ ଦୋଷୀଙ୍କର ପଇଁତରା ବାଜି ଶେଷ ହେଉନି । ବୁଧବାର ଦିଲ୍ଲୀ ହାଇକୋର୍ଟରେ ନୂଆ ମାମଲା ଦାୟର କରିଛନ୍ତି ମୁକେଶ ସିଂହଙ୍କ ଓକିଲ ଏମ.ଏଲ ଶର୍ମା । ଗଣଦୁଷ୍କର୍ମ ରାତିରେ ମୁକେଶ ଦିଲ୍ଲୀରେ ନଥିଲା ଏବଂ ୧୭ ଡିସେମ୍ବରରେ ପୋଲିସ ତାକୁ ରାଜସ୍ଥାନରୁ ଗିରଫ କରିଥିବା ଓକିଲ କୋର୍ଟଙ୍କୁ କହିଛନ୍ତି । ତେଣୁ ଫାଶୀ ଦଣ୍ଡକୁ କୋହଳ କରାଯାଉ ବୋଲି ସେ ଆବେଦନ କରିଛନ୍ତି । ସମାନ ମାମଲା ତଳକୋର୍ଟରେ ମଙ୍ଗଳବାର ଖାରଜ ହେବା ପରେ ପୁଣିଥରେ ଏହାକୁ ହାଇକୋର୍ଟରେ ଦାଖଲ କରାଯାଇଛି । କୋର୍ଟ ବୁଧବାର ଶୁଣାଣି କରି ରାୟ ସଂରକ୍ଷିତ ରଖିଛନ୍ତି ।
ଦିଲ୍ଲୀର ପଟିଆଲା ହାଉସକୋର୍ଟଙ୍କ ପୂର୍ବ ଆଦେଶ ମୁତାବକ ୨୦ ମାର୍ଚ୍ଚ ସକାଳ ୫ଟା ୩୦ରେ ୪ ଦୋଷୀ ପୱନ, ମୁକେଶ, ଅକ୍ଷୟ ଓ ବିନୟକୁ ଫାଶୀ ଦିଆଯିବ । ଏଥିପାଇଁ ତିହାର ଜେଲ୍ ପରିସରରେ ଫାଶୀ ପାଇଁ ପ୍ରକ୍ରିୟା ଆରମ୍ଭ ହୋଇଛି । ଉତ୍ତରପ୍ରଦେଶର ମିରଟରୁ ପବନ ଜହ୍ଲାଦ୍ ତିହାର ଜେଲ ପରିସରରେ ପହଞ୍ଚି ଡମି ଫାଶୀ ପ୍ରସ୍ତୁତ କରିଛନ୍ତି । ସ୍ୱତନ୍ତ୍ର ସେଲରେ ଥିବା ୪ ଦୋଷୀଙ୍କର ମେଡିକାଲ୍ ଟେଷ୍ଟ ପରେ ସେମାନଙ୍କର ଶେଷ ଇଚ୍ଛା ପଚରାଯିବ ଏବଂ ଶୁକ୍ରବାର ସକାଳେ ଫାଶୀ ଦିଆଯିବ ।
୨୦୧୨ ଡିସେମ୍ବର ୧୬ ତାରିଖରେ ଦିଲ୍ଲୀରେ ଚଳନ୍ତା ବସରେ ଜଣେ ପାରାମେଡିକାଲ୍ ଛାତ୍ରୀଙ୍କୁ ୬ ଜଣ ଗଣଦୁଷ୍କର୍ମ ଓ ହତ୍ୟା କରିଥିଲେ । ମୁଖ୍ୟ ଅଭିଯୁକ୍ତ ରାମ ସିଂର ୨୦୧୩ରେ ଜେଲ୍ ପରିସରରେ ମୃତ୍ୟୁ ହୋଇଥିବା ବେଳେ ଜଣେ ନାବାଳକଙ୍କୁ ସୁଧାର ଗୃହକୁ ପଠାଇ ଦିଆଯାଇଥିଲା । ଏବେ ଦୋଷୀଙ୍କ ଓକିଲ ଏ.ପି ସିଂହ ଫାଶୀ ଟାଳିବା ପାଇଁ ଭିନ୍ନ ଭିନ୍ନ ଆଇନଗତ ପ୍ରକ୍ରିୟା ଆପଣାଉଛନ୍ତି ।
ଶୁକ୍ରବାର ଅପରାହ୍ଣ ୨ଟା ସୁଦ୍ଧା 
