ବାଲିଗୁଡ଼ା: ଓଡ଼ିଶାର କାଶ୍ମୀର ଦାରିଙ୍ଗିବାଡ଼ିରେ ତୁଷାରପାତ । ଦାରିଙ୍ଗିବାଡ଼ି ସହ ସିମନବାଡ଼ି, ବାଡ଼ାବାଙ୍ଗା ପରି ଅଞ୍ଚଳରେ ତୁଷାରପାତ ହୋଇଥିବା ସୂଚନା ମିଳିଛି । ବର୍ଷା ଛାଡ଼ିଯିବା ପରେ ଗତ ଦୁଇ ଦିନ ହେଲା ଅଞ୍ଚଳରେ ଶୀତ ଲହରୀ ଜାରି ରହିଛି ।
ତାପମାତ୍ରା କମିବା ସହ ଆଜି ତୁଷାରପାତ ହୋଇଛି । ଏହାସହ ଘନ କୁହୁଡ଼ିର ଚାଦର ତଳେ ରହିଛି ପୂରା ଅଞ୍ଚଳ । ସକାଳ ୧୦ଟା ଯାଏଁ ଏଭଳି ସ୍ଥିତି ଲାଗି ରହୁଛି । ପ୍ରଭାବିତ ହୋଇଛି ସାଧାରଣ ଜୀବନଯାତ୍ରା ।
ଦାରିଙ୍ଗିବାଡ଼ି ସହ ବାଲିଗୁଡ଼ା, କ.ନୂଆଗାଁ, ତୁମୁଡ଼ିବନ୍ଧ, କୋଟଗଡ଼ ଓ ବେଲଘରରେ ଜାରି ରହିଛି ଶୀତ ଲହରୀ ।
ଭୁବନେଶ୍ୱର: ମହାରାଷ୍ଟ୍ର ପରେ ଓଡିଶା। ୨୦୨୧ ଜନଗଣନା ସହ ରାଜ୍ୟର ସାମାଜିକ, ଅର୍ଥନୈତିକ, ଶିକ୍ଷାଗତ ଏବଂ ଅନ୍ୟ ପଛୁଆ ବର୍ଗଙ୍କ ପାଇଁ ମିଳିତ ଭାବେ ଗଣନା କରିବାକୁ କେନ୍ଦ୍ର ନିକଟରେ ଦାବି କରିବ ଓଡ଼ିଶା। ମହାରାଷ୍ଟ୍ର ସକରାର ବିଧାନସଭାରେ ସଂକଳ୍ପ ପାରିତ କରିଥିବା ବେଳେ ଓଡିଶା ସରକାର କ୍ୟାବିନେଟ୍ରେ ଏହି ସଂକଳ୍ପ ପାରିତ କରିଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ ବୈଠକରେ ଏନେଇ ସଂକଳ୍ପ ଗୃହୀତ ହୋଇଛି। ତେବେ ଏହାଦ୍ଵାରା ରାଜ୍ୟକୁ କ’ଣ ଫାଇଦା ମିଳିବ, ଆଜିର କ୍ୟାବିନେଟ୍ ବୈଠକରେ ବିସ୍ତୃତ ବିବରଣୀ ଦେଇଛନ୍ତି ସରକାର।
୧୯୩୧ ମସିହା ଢାଞ୍ଚାରେ ହୋଇଥିଲା ୨୦୧୧ ମସିହାର ସର୍ଭେ । କିନ୍ତୁ ଏ ଯାଏଁ ପ୍ରକାଶ ପାଇନି ରିପୋର୍ଟ । ବିନା ରିପୋର୍ଟରେ କେମିତି ହୋଇ ପାରିବ ପଛୁଆବର୍ଗର ବିକାଶ? ଏ ପ୍ରଶ୍ନକୁ ବିଶ୍ଳେଷଣ କରି ରାଜ୍ୟ ସରକାର ଆଜି କ୍ୟାବିନେଟ୍ ବୈଠକରେ ନେଇଛନ୍ତି ନୂଆ ସଂକଳ୍ପ।
ଏଣିକି କେନ୍ଦ୍ର ନିକଟରେ ଦାବି କରିବେ, ସାଧାରଣ ଜନଗଣନା ସହ ସମାଜିକ, ଅର୍ଥନୈତିକ, ଶିକ୍ଷାଗତ ଏବଂ ଅନ୍ୟାନ୍ୟ ଜାତିଗତ ପଛୁଆ ବର୍ଗଙ୍କ ଗଣନା ପାଇଁ। ନୂଆ ଫର୍ମାଟରେ ଗଣନା ବେଳେ ସ୍ୱତନ୍ତ୍ର ସ୍ତମ୍ଭ ରଖିବାକୁ ପ୍ରସ୍ତାବ ଦେବେ। କାରଣ ଏଭଳି କିଛି ତଥ୍ୟ ମିଳିଲେ, ପଛୁଆ ବର୍ଗର ବିକାଶ ପାଇଁ ପଦକ୍ଷେପ ନିଆଯାଇପାରିବ।
ସମ୍ବିଧାନର ଧାରା- ୧୫ ଏବଂ ଉପଧାରା- ୪ରେ ପଛୁଆ ବର୍ଗ ଏବଂ ଅନୁସୂଚିତ ଜାତି ଓ ଜନଜାତି ଲୋକଙ୍କ ପାଇଁ ସ୍ୱତନ୍ତ୍ର ବିକାଶ ଯୋଜନା କରିବାକୁ ରାଜ୍ୟଗୁଡ଼ିକ ଅଧିକୃତ। ଏପରିକି ପଛୁଆବର୍ଗଙ୍କ ପାଇଁ ସଂରକ୍ଷଣ ବ୍ୟବସ୍ଥା, ରାଜ୍ୟର ଅଧିକାର। ହେଲେ ରିପୋର୍ଟ ନଥିଲେ, କେମିତି ଯୋଗାଇ ଦିଆଯିବ ତମାମ୍ ସୁବିଧା ସୁଯୋଗ। ତେଣୁ ଏହି ମିଳିତ ଗଣନା ପରେ ତୁରନ୍ତ ତଥ୍ୟ ପ୍ରକାଶ କରିବାକୁ ସଂକଳ୍ପରେ ପ୍ରସ୍ତାବ ରହିଛି।
ଆଧୁନିକ ଭାରତ ଗଠନ ଦିଗରେ ଓଡ଼ିଶା ଅନେକ ଆଗେଇଛି । ମାନବ ସମ୍ବଳ ବିକାଶରେ ରାଜ୍ୟର ପ୍ରଦର୍ଶନ ଉଲ୍ଲେଖନୀୟ। କିନ୍ତୁ ଏଦିଗରେ ଆହୁରି କିଛି ବିକାଶମୂଳକ କାର୍ଯ୍ୟ କରିବାର ଆବଶ୍ୟକତା ରହିଛି । ତେଣୁ ଏସ୍ସିବିସି ତାଲିକା ଏବଂ ସେମାନଙ୍କ ଭୌଗୋଳିକ ଅବସ୍ଥିତି ସମ୍ପର୍କରେ ନିର୍ଦ୍ଦିଷ୍ଟ ତଥ୍ୟ ରାଜ୍ୟ ସରକାରଙ୍କ ପାଇଁ ଜରୁରୀ। ୨୦୨୧ ଜନଗଣନାରେ ସମାଜିକ, ଅର୍ଥନୈତିକ ଓ ଅନ୍ୟାନ୍ୟ ଜାତିଗତ ପଛୁଆ ବର୍ଖଙ୍କ ଗଣନା ପାଇଁ ବିସ୍ତୃତ ବିବରଣୀ ସଂଗ୍ରହ ପାଇଁ କୈାଣସି ବ୍ୟବସ୍ଥା ନାହିଁ । ଏ ଦୃଷ୍ଟିରୁ କ୍ୟାବିନେଟରେ ସେହି ବର୍ଗର ଲୋକଙ୍କ ଗଣନା ପାଇଁ କେନ୍ଦ୍ର ନିକଟରେ ଦାବି କରିବାକୁ ସଂକଳ୍ପ ଗୃହୀତ ହୋଇଛି । ଯଦି ଏହା କାର୍ଯ୍ୟକାରୀ ହୁଏ, ତାହା ହେବ ମହାତ୍ମା ଗାନ୍ଧୀଙ୍କ ୧୫୦ତମ ଜନ୍ମ ବାର୍ଷିକୀ ଅବସରରେ ତାଙ୍କୁ ଶ୍ରେଷ୍ଠ ଶ୍ରଦ୍ଧାଞ୍ଜଳି।
କଟକ: ଯୁବକଙ୍କ ଆତ୍ମହତ୍ୟାର ଭିଡିଓ ଭାଇରାଲ୍। ଏଥିରେ ଯ଼ୁବକ ଜଣକ ଆତ୍ମହତ୍ୟାର କାରଣ କହୁଥିବା ଦେଖିବାକୁ ମିଳିଛି। ଭିଡିଓ ସହ ଚିଠି ବି ସୋସିଆଲ୍ ମିଡିଆରେ ଭାଇରାଲ ହୋଇଛି । ଯୁବକ ଜଣଙ୍କ ନିଜେ ନିଜ ଭିଡିଓ ସୁଟିଂ କରିଥିବା କୁହାଯାଉଛି ।
ଏହି ଭାଇରାଲ ଭିଡିଓ ଲାଗିଛି ନନ୍ଦିଘୋଷ ଟଭି ହାତରେ । କଟକ ଛତ୍ରବଜାର ମାତୃଭବନ ନିକଟ ରେଳ ଧାରଣାରେ ଜଣେ ଯୁବକ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ତାଙ୍କ ମୃତଦେହ ଉଦ୍ଧାର କରଛି ପୋଲିସ । ମୃତ ଯୁବକ ହେଲେ କଟକ ହରିପୁର ରାଉସା ପାଟଣାର ମନୋଜ ସ୍ୱାଇଁ ।
ମନୋଜଙ୍କର ଦୀର୍ଘଦିନ ହେଲା ଜଣେ ଯୁବତୀଙ୍କ ସହ ପ୍ରେମ ସଂପର୍କ ଥିଲା । ହେଲେ ଯୁବତୀ ଜଣକ ଅନ୍ୟ ଜଣଙ୍କୁ ବିବାହ କରିବା ପାଇଁ ସ୍ଥିର କରିବାରୁ ଦୁହିଁଙ୍କ ମଧ୍ୟରେ ଝଗଡ଼ା ହୋଇଥିଲା । ଏହାପରେ ମନୋଜ ଆତ୍ମହତ୍ୟା କରିବେ ବୋଲି ଭିଡିଓରେ କହିଛନ୍ତି । ତାପରେ ରେଳ ଧାରଣାରୁ ତାଙ୍କ ମୃତଦେହ ଉଦ୍ଧାର କରାଯାଇଛି ।
https://youtu.be/HGXdinv3Ub0
ଭୁବନେଶ୍ୱର: ସନ୍ଧ୍ୟାରେ ମାର୍କେଟ ବିଲ୍ଡିଂରେ ଆତଙ୍କ ପଛରେ ୧୨ ନାବାଳକ । ସମୁଦାୟ ୨୧ ଜଣଙ୍କୁ ଚିହ୍ନଟ କରିଛି କମିଶନରେଟ୍ ପୋଲିସ । ୧୮ ଜଣଙ୍କୁ ଗିରଫ କରାଯାଇଛି । ଫେରାର୍ ରହିଛନ୍ତି ମୁଖ୍ୟ ଅଭିଯୁକ୍ତ ଗୋପୀ ସହ ଚିଣ୍ଟୁ ଓ ପ୍ରୀତମ । ଏନେଇ ପୋଲିସ କମିଶନର ସୁଧାଂଶୁ ଷଡ଼ଙ୍ଗୀ ସୂଚନା ଦେଇଛନ୍ତି ।
ପୋଲିସ କମିଶନର ଅଭିଯୁକ୍ତଙ୍କ ବିରୋଧରେ ଦଙ୍ଗା ଭଳି ସଙ୍ଗୀନ ଦଫା ଲାଗିଥିବା ସୂଚନା ଦେଇଛନ୍ତି । ଏଥିସହ ସେମାନଙ୍କ ବିରୋଧରେ ହତ୍ୟା ଉଦ୍ୟମ ଦଫା ଲାଗିଛି । ଫେରାର୍ ଅଭିଯୁକ୍ତମାନଙ୍କୁ ଧରିବାକୁ ପୋଲିସ ୩ଟି ଟିମ୍ ଗଠନ କରିଛି । ସେମାନଙ୍କୁ ଧରିବାକୁ ବିଭିନ୍ନ ସ୍ଥାନରେ ଚଢ଼ାଉ ଜାରି ରହିଥିବା ସିପି କହିଛନ୍ତି ।
ଶୁକ୍ରବାର ସନ୍ଧ୍ୟାରେ ପ୍ରାୟ ୩୦ ଜଣ ମୁଖାପିନ୍ଧା ଦୁର୍ବୃତ୍ତ ମାର୍କେଟ ବିଲ୍ଡିଂରେ ଆତଙ୍କ ଖେଳାଇଥିଲେ । ମାରଣାସ୍ତ୍ର ଧରି ଉଠାଦୋକାନୀ ଗ୍ରାହକଙ୍କୁ ଆକ୍ରମଣ କରିଥିଲେ । ଏଥିରେ ୩ ଦୋକାନୀଙ୍କ ସହ ୨ କନେଷ୍ଟବଳ ଆହତ ହୋଇଥିଲେ । ୨ କନେଷ୍ଟବଳଙ୍କୁ ପୁରସ୍କୃତ କରାଯିବ ବୋଲି ସିପି ସୂଚନା ଦେଇଛନ୍ତି ।
ଏଥିସହ ପୋଲିସ ଆକ୍ରମଣ ପଛର କାରଣ କହିଛି । ଗୁରୁବାର ରାତିରେ ଭାଇ ଉଭଣୀ ଘଣ୍ଟା କିଣିବାକୁ ଏକ ଘଣ୍ଟା ଦୋକାନକୁ ଯାଇଥିଲେ । ସେଠାରେ ଦୋକାନୀଙ୍କ ସହ ସେମାନଙ୍କ ଯୁକ୍ତିତର୍କ ହୋଇଥିଲା । ଆଉ ମାମଲା ଯାଇ ପହଞ୍ଚିଥିଲା ଥାନାରେ । ଏହି ଘଟଣା ପରେ ଗତକାଲି କିଛି ଦୁର୍ବୃତ୍ତ ମୁଖାପିନ୍ଧି ଉଠାଦୋକାନୀଙ୍କୁ ଆକ୍ରମଣ କରିଥିଲେ ।
କଟକ: ଇରଣର ୧୫ ଜଣିଆ ଶିଳ୍ପଦ୍ୟୋଗୀ ପ୍ରତିନିଧି ଦଳ କଟକରେ । ମ୍ୟାରି ଟାଇମ୍ ମ୍ୟୁଜିୟମ ବୁଲି ଓଡ଼ିଶାର ନୌବାଣିଜ୍ୟ ଇତିହାସକୁ କଲେ ପ୍ରଶଂସା । ଓଡ଼ିଶାରେ ଶିଳ୍ପ ସ୍ଥାପନ ପାଇଁ ଆଗ୍ରହ ପ୍ରକଟ କଲେ ।
ରାଉରକେଲା: ବନ୍ଦ ଘରୁ ଉଦ୍ଧାର ହେଲା ୪ ଜଣଙ୍କ ମୃତଦେହ । ସୁନ୍ଦରଗଡ଼ ରାଜଗାଙ୍ଗପୁର ଆଇଟି କଲୋନୀର ଏକ ବନ୍ଦ ଘରୁ ପୋଲିସ ୪ଟି ମୃତଦେହ ଉଦ୍ଧାର କରିଛି । ବାପାମାଆଙ୍କ ସହ ୨ ଛୁଆଙ୍କ ମୃତଦେହ ମିଳିଛି । ବନ୍ଦ ଘରଟି ଜଣେ ଓସିଏଲ କର୍ମଚାରୀଙ୍କର ବୋଲି ଜଣାପଡ଼ିଛି ।
କିଛିଦିନ ହେବ ଘରଟି ବନ୍ଦ ରହିଥିଲା । ସକାଳୁ ପଚା ଦୁର୍ଗନ୍ଧ ହେବାରୁ ଲୋକେ ସନ୍ଦେହ କରି ପୋଲିସକୁ ଖବର ଦେଇଥିଲେ । ରାଜଗାଙ୍ଗପୁର ଥାନା ପୋଲିସ ଓ ସାଇଣ୍ଟିଫିକ୍ ଟିମ୍ ପହଞ୍ଚି ମୃତ ରଞ୍ଜିତ ପ୍ରସାଦ, ତାଙ୍କ ସ୍ତ୍ରୀ ଓ ୨ ଛୁଆଙ୍କ ମୃତଦେହ ଉଦ୍ଧାର କରିଛି ।
ତଦନ୍ତ ଚାଲିଛି, ଶବ ବ୍ୟବଚ୍ଛେଦ ପରେ ସମୂହ ମୃତ୍ୟୁର କାରଣ ଜଣାପଡ଼ିବ ବୋଲି ପୋଲିସ ସୂଚନା ଦେଇଛି ।
ରାଉରକେଲା: ରାଜଗାଙ୍ଗପୁର ଆଇଟି କଲୋନୀର ଏକ ବନ୍ଦ ଘରୁ ୪ ଜଣଙ୍କ ମୃତଦେହ ଉଦ୍ଧାର । ସାଇଣ୍ଟିଫିକ୍ ଟିମ୍ ଓ ରାଜଗାଙ୍ଗପୁର ଥାନା ପୋଲିସ ପକ୍ଷରୁ ତଦନ୍ତ ଆରମ୍ଭ ।
ଢେଙ୍କାନାଳ: ଜୀବନ ବଞ୍ଚାଉଥିବା ଆମ୍ବୁଲାନ୍ସ ଚାଳକ ନିଶାଶକ୍ତ ଅବସ୍ଥାରେ ! ରୋଗୀଙ୍କୁ ଠିକଣା ସ୍ଥାନରେ ପହଞ୍ଚେଇବା ଯାହାର କର୍ତ୍ତବ୍ୟ ସେ, ମଦ ପିଇ ମାତାଲ ଅବସ୍ଥାରେ ଆମ୍ବୁଲାନ୍ସ ଚଳାଉଛି । ଏମିତି କରି ଚାଳକ ଜଣଙ୍କ ନୂଆ ଟ୍ରାଫିକ କଟକଣାକୁ ଫୁ କରିଛନ୍ତି । ନିଶା ଦ୍ରବ୍ୟ ସେବନ କରି ବେପରୁଆ ଭାବେ ଗାଡି ଚଳାଇ ଜଣେ ବ୍ୟକ୍ତିଙ୍କୁ ଧକ୍କା ମଧ୍ୟ ଦେଇଥିଲେ ।
ଜୀବନ ବଞ୍ଚାଉଥିବା ଆମ୍ବୁଲାନ୍ସ ଚାଳକ ଟ୍ରାଫିକ୍ ନିୟମକୁ ଖୋଲାଖୋଲି ଉଲ୍ଲଂଘନ କରୁଥିବା ଦେଖିବାକୁ ମିଳିଛି । ଢେଙ୍କାନାଳ ତମୁସିଙ୍ଗା ଅଞ୍ଚଳରେ ଜଣେ ମଦ୍ୟପ ଆମ୍ବୁଲାନ୍ସ ଚାଳକ ଦ୍ରୁତଗତିରେ ଗାଡି ଚଳାଇ ଜଣେ ବ୍ୟକ୍ତିଙ୍କୁ ଧକ୍କା ଦେଇଥିଲା । ଘଟଣାକୁ ନେଇ ସ୍ଥାନୀୟ ଲୋକ ପଚାରିବାରୁ ସେ ଜାବୁଡ଼ା ଦେବା କଥା କହିବା ସହ ବାଉଳି ହେଉଛନ୍ତି । ଘଟଣା ପରେ ଗାଡିକୁ ପିଛା କରି ପଣଡୁଆ ନିକଟରେ ଅଟକାଇଥିଲେ ତମୁସିଙ୍ଗା ଥାନା ଅଧିକାରୀ । ମଦ୍ୟପ ଚାଳକକୁ ଥାନା ଅଧିକାରୀ ଅଟକ ରଖିଛନ୍ତି । ଚାଳକ ଜଣକ କଟକ ତିଗିରିଆ ଅଞ୍ଚଳର ଦୁଷ୍ମନ୍ତ ବେହେରା ।
ଦେଖନ୍ତୁ ଏହି ଭଡିଓକୁ, ମଦ୍ୟପ ଚାଳକ ଜଣକ ଘଟଣା ନେଇ କେମିତି ଅବାନ୍ତର ଯୁକ୍ତି କରୁଛନ୍ତି ଏବଂ ନିଶା ସେବନ କରିଥିବା ମାନୁଛନ୍ତି । ଦୁଷ୍ମନ୍ତ ଗତକାଲି ଘରୋଇ ଆମ୍ବୁଲାନ୍ସରେ ଏକ ମୃତଦେହକୁ କଟକରୁ ନେଇ ରାଉରକେଲାରେ ଛାଡିଥିଲେ । ଫେରିବା ବେଳେ ତୁମସିଙ୍ଗା ନିକଟରେ ତାଙ୍କ ଅସ୍ୱାଭାବିକ ଆଚରଣ ଦେଖି ପୋଲିସକୁ ଖବର ଦେଇଥିଲେ ସ୍ଥାନୀୟ ଲୋକେ । ଏହାପରେ ଗାଡିକୁ ପିଛା କରିଥିଲେ ତୁମସିଙ୍ଗା ଥାନାଧିକାରୀ ।
ରାଉରକେଲା: ସେଣ୍ଟ୍ରାଲ ଏକ୍ସସାଇଜ୍ ଵିଭାଗର ଜଣେ ବରିଷ୍ଠ ଅଧିକାରୀଙ୍କ ବାସଭବନରେ CBI ରେଡ୍ । ରାଉରକେଲା ସହର ସେକ୍ଟର-୬ରେ ଥିବା ବାସଭବନରେ ଚଢାଉ ।
ସୁରଟ: ଗୁଜରାଟର ସୁରଟରେ ଓଡ଼ିଆ ବ୍ୟକ୍ତିଙ୍କୁ ଫାଶୀ ଦଣ୍ଡାଦେଶ । ନିଜ ନାବାଳିକା ଝିଅକୁ ଦୁଷ୍କର୍ମ ଓ ହତ୍ୟା ମାମଲାରେ ଟୁକୁନା ଓରଫ ବୁଧିଆ ଦାସକୁ ଦଣ୍ଡ ଶୁଣାଇଲେ ସୁରଟ ପୋକ୍ସୋ କୋର୍ଟ । ଟୁକୁନାଙ୍କ ଘର ଗଞ୍ଜାମ ଜିଲ୍ଲା ବରଗଡ ଥାନା ପଟାପାବୁଲି ଗାଁର ବୋଲି ସୂଚନା ମିଳିଛି । ୨୦୧୭ ମସିହା ଜୁନ୍ ୨୯ ତାରିଖରେ ସୁରଟ ଡୁମସ୍ ଅଞ୍ଚଳରେ ଦୋଷୀ ଟୁକନା ନାବଳିକା ଝିଅକୁ ଦୁଷ୍କର୍ମ ପରେ ହତ୍ୟା କରିଥିଲା ।
ତଦନ୍ତ ସମୟରେ ଟୁକୁନା ହିଁ ଝିଅକୁ ହତ୍ୟା କରିଥିବା ପ୍ରମାଣିତ ହୋଇଥିଲା । ମୃତ୍ୟୁ ବେଳେ ନାବାଳିକା ଜଣକ ୬ ମାସର ଗର୍ଭବତୀ ଥିଲେ । ଗର୍ଭସ୍ଥ ଶିଶୁ ଟୁକୁନାର ହୋଇଥିବା ଡିଏନ୍ଏ ଟେଷ୍ଟରୁ ଜଣାପଡିଥିଲା । ଟୁକୁନା ନିଜର ପାପ ଲୁଚେଇବାକୁ ଯାଇ ଝିଅକୁ ତଣ୍ଟିଚିପି ହତ୍ୟା କରିଥିଲା । ଘଟଣାକୁ ନେଇ ସେ ସମୟରେ ସୁରଟ ଓ ଓଡ଼ିଶାରେ ଚାଞ୍ଚଲ୍ୟ ଖେଲିଯାଇଥିଲା ।
