କଳାହାଣ୍ଡି: ବାଟରେ ଜଗିବସିଥିଲା ଯମ । ହସଖୁସୀର ପରିବାରରେ ଲାଗିଗଲା ଅଶୁଭ ନଜର । ମାଆ କୋଳରୁ ପୁଅକୁ ଛଡାଇନେଲା ବିଧାତା । ପୁଅକୁ ବଡ କରିବାକୁ ସ୍ବପ୍ନ ଦେଖିଥିବା ମାଆବାପାଙ୍କ ସ୍ବପ୍ନରେ ଲାଗିଗଲା ବିରାମ । କେଡେ ନିର୍ଦ୍ଦୟ ଏ ବିଧାତା । ଜନ୍ମ କରିଥିବା ବାପା ସାମ୍ନାରେ ନେଇଗଲା ପୁଅର ଜୀବନ । ଆଜ୍ଞା ହଁ ବାପାଙ୍କ ସହ ୬ ବର୍ଷର ପୁଅ ମାମୁଁ ଘରକୁ ହସ ଖୁସିରେ ଯାଉଥିଲା। । ହେଲେ ବାଟରେ ଘଟିଥିଲା ଏଭଳି ଘଟଣା , ଯାହା ସେଠାରେ ଉପସ୍ଥିତ ଲୋକଙ୍କୁ କିଛି ସମୟ ପାଇଁ କରିଦେଇଥିଲା ନିସ୍ତବ୍ଧ । ମୃତ୍ୟୁର ଦୂତ ହୋଇ ଏକ ଅଜଣା ହାଇୱା ବାପ ପୁଅଙ୍କ ବାଇକକୁ ପଛ ପଟୁ ଧକ୍କା ଦେଇଥିଲା। ରାସ୍ତାରେ ଛିଟିକି ପଡିଲା ନାବଳକ ପୁଅ । ବାପାଙ୍କ ଆଖି ଆଗରେ ଛଟପଟ ହୋଇ ଚାଲିଗଲା ୬ବର୍ଷର ନାବାଳକ ପୁଅର ଜୀବନ ।
ବାପା ଗୁରୁତର ଅବସ୍ଥାରେ ମେଡିକାଲରେ ଜୀବନ ମରଣ ସହିତ ସଂଗ୍ରାମ କରୁଛନ୍ତି। ଏମିତି କିଛି ଘଟଣା ଘଟିଛି କଳାହାଣ୍ଡି ଜିଲ୍ଲା କୋକସରା ଥାନା ଡହାଗାଁ ହାଇସ୍କୁଲ ନିକଟରେ। ମୃତକ ହେଲେ ହୃଷିକେଶ ନାଏକଙ୍କ ୬ ବର୍ଷର କ୍ଷିରୋଦ। ଏହି ଘଟଣାକୁ ନେଇ ଉତ୍ତେଜନା ଦେଖାଦେଇଥିଲା। ମୃତକଙ୍କ ପରିବାରକୁ କ୍ଷତିପୂରଣ ସହାୟତା ପାଇଁ ପରିବାର ଓ ସମ୍ପର୍କୀୟମାନେ ଡହଗାଁରେ ରାସ୍ତାରୋକ କରିଥିଲେ।
