ନନ୍ଦିଘୋଷ ବ୍ୟୁରୋ : ଲେବାନନରେ ପୁଣି ବୋମା ପକାଇଲା ଇସ୍ରାଏଲ । ଏଥିରେ ୪୦ ଜଣଙ୍କର ମୃତ୍ୟୁ ହୋଇଛି । ୪୦ ମୃତକଙ୍କ ମଧ୍ୟରେ ଅନେକ ଶିଶୁ ଥିବା ଲେବନାନ୍ ଅଧିକାରୀମାନେ ସୂଚନା ଦେଇଛନ୍ତି। ଗାଜା ଓ ହେଜବୁଲ୍ଲା ସହ ସଂଘର୍ଷ ଜାରି ରଖିଛି ଇସ୍ରାଏଲ। ଇତି ମଧ୍ୟରେ ଇସ୍ରାଏଲ ପୁଣି ଥରେ ଏୟାର ଷ୍ଟ୍ରାଇକ୍ କରିଛି। ଲେବନାନର ରାଜଧାନୀ ବେରୁଟ ସହର ଉପରେ କରିଛି ବୋମା ବର୍ଷା। ଏଥିରେ ଶିଶୁଙ୍କ ସମେତ ୪୦ ଜଣ ପ୍ରାଣ ହରାଇଛନ୍ତି। ଏନେଇ ଲେବନାନ୍ ଅଧିକାରୀମାନେ ଶନିବାର କହିଛନ୍ତି।ଲେବାନନର ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ନଭେମ୍ବର ୮ ତାରିଖ ଶୁକ୍ରବାର ଦିନ ସମୁଦ୍ର କୂଳରେ ଥିବା ସହର ଟାୟାରରେ ୭ ଜଣଙ୍କର ମୃତ୍ୟୁ ଘଟିଛି। ତେବେ ଆକ୍ରମଣ ପୂର୍ବରୁ ଇସ୍ରାଏଲ ସେନା ସହରର ଅନେକ ସ୍ଥାନକୁ ଖାଲି କରିବାକୁ ନିର୍ଦ୍ଦେଶ ଦେଇଥିଲା। ତେବେ ବେରୁଟ ସହର ଉପରେ ଆକ୍ରମଣ କରିବା ପୂର୍ବରୁ କିନ୍ତୁ ଇସ୍ରାଏଲ ସେନା କୌଣସି ଆଗୁଆ ସୂଚନା ଦେଇନଥିଲା। ସେପଟେ ହୁତି ବିଦ୍ରୋହୀମାନେ ଇସ୍ରାଏଲର ନେଭାଟିମ ଏୟାରବେସକୁ ‘ବାଲିଷ୍ଟିକ୍ କ୍ଷେପଣାସ୍ତ୍ର’ ସହିତ ଟାର୍ଗେଟ କରିଥିବା ଦାବି କରିଛନ୍ତି।
ଇସ୍ରାଏଲ ଆକ୍ରମଣ ପରେ ଲେବାନନରେ ଉଦ୍ଧାର କାର୍ଯ୍ୟ ଜାରି ରହିଛି, ଆକ୍ରମଣ ପରେ ଉଦ୍ଧାର ହୋଇଥିବା ମୃତକଙ୍କ ଶରୀରର ଡିଏନଏ ପରୀକ୍ଷା କରାଯିବ। ଲେବାନନର ସ୍ୱାସ୍ଥ୍ୟ ମନ୍ତ୍ରଣାଳୟ ଶନିବାର କହିଛି ଯେ ନିକଟବର୍ତ୍ତୀ ସହରଗୁଡ଼ିକରେ ହୋଇଥିବା ଆକ୍ରମଣରେ ୧୩ ଜଣଙ୍କ ମୃତ୍ୟୁ ଘଟିଛି। ଏଥିରେ କିଛି ଡାକ୍ତର ମଧ୍ୟ ସାମିଲ ଥିଲେ। ଏହାବ୍ୟତୀତ ବାଲବେକ୍ ନିକଟରେ ଇସ୍ରାଏଲର ଏୟାର ଷ୍ଟ୍ରାଇକରେ ମଧ୍ୟ ୨୦ ଜଣଙ୍କ ମୃତ୍ୟୁ ଘଟିଛି।
ସେପଟେ ଇସ୍ରାଏଲ ସେନା ଏକ ବିବୃତି ଜାରି କରି କହିଛି ଯେ ଟାୟାର ଓ ବାଲବେକରେ ହେଜବୁଲ୍ଲାର ଆଡ୍ଡାକୁ ଟାର୍ଗେଟ୍ କରି ଆକ୍ରମଣ କରାଯାଇଛି। ଏହି ବେସ୍ ଗୁଡ଼ିକ ମଧ୍ୟରେ ଲଢୁଆ ବିମାନ, ଅପରେସନାଲ ଆପାର୍ଟମେଣ୍ଟ ଏବଂ ଅସ୍ତ୍ରଶସ୍ତ୍ର ଷ୍ଟୋର ଅନ୍ତର୍ଭୁକ୍ତ । ଲେବନାନ ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ଇସ୍ରାଏଲ ଗତ ବର୍ଷଠାରୁ ଲେବାନନରେ ଆକ୍ରମଣ କରୁଛି। ଯେଉଁଥିରେ ବର୍ତ୍ତମାନ ସୁଦ୍ଧା ୩ ହଜାର ୧୩୬ ଜଣଙ୍କର ମୃତ୍ୟୁ ଘଟିଛି। ମୃତକଙ୍କ ମଧ୍ୟରେ ୬୧୯ ଜଣ ମହିଳା ଓ ୧୯୪ ଜଣ ଶିଶୁ ଅଛନ୍ତି।
ସୂଚନାଯୋଗ୍ୟ, ୨୦୨୪ ସେପ୍ଟେମ୍ବରରୁ ଇସ୍ରାଏଲ ଲଗାତାର ଲେବାନନ ଉପରେ ଆକ୍ରମଣ କରୁଛି। ତେବେ ହିଜବୁଲ୍ଲା ସହ ଇସ୍ରାଏଲର ସଂଘର୍ଷ ଗତ ବର୍ଷ ଅକ୍ଟୋବର ମାସରୁ ଜାରି ରହିଛି। ସେପଟେ ହିଜବୁଲ୍ଲା ମଧ୍ୟ ରକେଟ୍ ଓ ଡ୍ରୋନ୍ ଜରିଆରେ ଲଗାତାର ଆକ୍ରମଣ କରୁଛି। ସୂଚନାଯୋଗ୍ୟ, ନଭେମ୍ବର ୯ ତାରିଖ ଶନିବାର ଦିନ ହିଜବୁଲ୍ଲା ତେଲ ଅବିଭର ଦକ୍ଷିଣରେ ଥିବା ଏକ ସାମରିକ କାରଖାନା ଉପରେ ଆକ୍ରମଣ କରିଥିଲା।
ଲେବାନନରେ ପୁଣି ବୋମା ପକାଇଲା ଇସ୍ରାଏଲ, ୪୦ ମୃତ
ଟିମ ଇଣ୍ଡିଆ ଚାମ୍ପିୟନ୍ସ ଟ୍ରଫି ଖେଳିବାକୁ ପାକିସ୍ତାନ ଯିବାକୁ ମନା କରିବା ପରେ ଆସିଲା ବଡ଼ ଖବର
ନନ୍ଦିଘୋଷ ବ୍ୟୁରୋ: ପାକିସ୍ତାନରେ ଖେଳାଯିବାକୁ ଥିବା ଚାମ୍ପିୟନ୍ସ ଟ୍ରଫିକୁ ନେଇ ଚର୍ଚ୍ଚା ଥମିବାର ନାଁ ନେଉନାହିଁ । ଭାରତ ପାକିସ୍ତାନ ଯିବାକୁ ବିସିସିଆଇ ପକ୍ଷରୁ ସିଧାସିଧା ମନା କରାଯିବାପରେ ଏବେ ଗଣମାଧ୍ୟମରେ ଏହାକୁ ନେଇ ଚର୍ଚ୍ଚା ଆରମ୍ଭ ହୋଇଛି । ଫେବୃଆାରୀ ୧୯ରୁ ୯ ମାର୍ଚ୍ଚ ପର୍ଯ୍ୟନ୍ତ ଖେଳାଯିବାକୁ ଥିବା ଏହି ଟୁର୍ଣ୍ଣାମେଣ୍ଟ ପାଇଁ ଆଇସିସି ପକ୍ଷରୁ ଏଯାବତ କାର୍ଯ୍ୟସୂଚୀ ଘୋଷଣା କରାଯାଇନାହିଁ । ୧୧ ନଭେମ୍ବରରେ ଲାହୋରରେ ଚାମ୍ପିୟନ୍ସ ଟ୍ରଫିକୁ ନେଇ ଏକ କାର୍ଯ୍ୟକ୍ରମ ଅନୁଷ୍ଠିତ ହେବାକୁ ଥିଲା । କିନ୍ତୁ ଏନେଇ କୌଣସି ସ୍ପଷ୍ଠୀକରଣ ମିଳିନାହିଁ । ପାକିସ୍ତାନ ପକ୍ଷରୁ ଏବେ କୁହାଯାଉଛି କି, ସେମିତି କୌଣସି କାର୍ଯ୍ୟକ୍ରମ ନଥିଲା । ଏହା କେବଳ ଏକ ଗୁଜବ । ତେବେ ବିସିସିଆଇ ପକ୍ଷରୁ ପାକିସ୍ତାନ ଯିବାକୁ ମନା କରିବା ପରେ ଏବେ ହାଇବ୍ରିଡ୍ ମଡେଲରେ ଖେଳ ହେବ ବୋଲି କୁହାଯାଉଛି ।
ଏକ ଜାତୀୟ ଗଣମାଧ୍ୟମର ରିପୋର୍ଟକୁ ଯଦି ବିଶ୍ବାସ କରାଯାଏ ତାହେଲେ ହାଇବ୍ରିଡ୍ ମଡେଲରେ ଅନୁଷ୍ଠିତ ହେବାକୁ ଥିବା ଏହି ଟୁର୍ଣ୍ଣାମେଣ୍ଟରେ ଭାରତର ମ୍ୟାଚ ଗୁଡ଼ିକ ୟୁଏଇରେ ଖେଳାଯିବ । ୨୦୨୩ ଏସିଆ କପ ମଧ୍ୟ ପାକିସ୍ତାନ ଆୟୋଜନ କରିଥିବାବେଳେ ଭାରତ ସମସ୍ତ ମ୍ୟାଚ ଶ୍ରୀଲଙ୍କାରେ ଖେଳିଥିଲା । କାରଣ ପାକିସ୍ତାନ ଯିବାକୁ ସରକାର ସିଧାସଳଖ ମନା କରି ଦେଇଥିଲେ । ଏବେ ମଧ୍ୟ ପାକିସ୍ତାନ ଯିବା ଉପରେ ପ୍ରତିବନ୍ଧକ ଲାଗିଛି ।
କ‘ଣ ଶେଷ ହୋଇଯିବ କି ସୂର୍ଯ୍ୟ ? ଯାହାକୁ ନେଇ ଆଶ୍ଚର୍ଯ୍ୟ ଜନକ ଖୁଲାସା କରିଛି ନାସା
ନନ୍ଦିଘୋଷ ବ୍ୟୁରୋ : ଦିନେ ସୂର୍ଯ୍ୟ ଅନ୍ତ ହେବ ଏବଂ ପୃଥିବୀରେ ଜୀବନ ମଧ୍ୟ ଶେଷ ହେବ । ମହାକାଶ ବୈଜ୍ଞାନିକମାନେ ଏପରି ସମ୍ଭାବନା ପ୍ରକାଶ କରିଛନ୍ତି । ସୂର୍ଯ୍ୟ ହେଉଛି ୪.୫ ବିଲିୟନ ବର୍ଷ ପୁରୁଣା ତାରକା, ହାଇଡ୍ରୋଜେନ୍ ଏବଂ ହିଲିୟମର ଏକ ଗରମ ଜ୍ୟୋତି ପେଣ୍ଡୁ । ସୂର୍ଯ୍ୟ ଆମର ସୌର ପ୍ରଣାଳୀର କେନ୍ଦ୍ରରେ ଅଛି । ଏହା ପୃଥିବୀଠାରୁ ୧୫୦ ନିୟୁତ କିଲୋମିଟର ଦୂରରେ ।
ସୂର୍ଯ୍ୟ ସୌର ମଣ୍ଡଳର ଏକମାତ୍ର ତାରା । ଏହାର ଶକ୍ତି ବିନା ପଅଥିବୀରେ ଜୀବନସମ୍ଭବ ନୁହେଁ । ସୂର୍ଯ୍ୟ ହେଉଛି ଏକମାତ୍ର ତାରକା, ଯାହାର ବ୍ୟାସାର୍ଦ୍ଧ ୭ ଲକ୍ଷ କିଲୋମିଟର । ସୂର୍ଯ୍ୟଙ୍କ ପାଇଁ ଲାଟିନ ଶଦ୍ଦ ହେଉଛି ସୋଲ୍ । ଯାହା ସୂର୍ଯ୍ୟଙ୍କ ପରି ଓ ଅନେକ ସୂର୍ଯ୍ୟ ସମ୍ବନ୍ଧୀୟ ଶଦ୍ଦର ମୂଳ ଅଟେ । ପ୍ରାଚୀନ ଗ୍ରୀକ ପୁରାଣରେ ହେଲିଓସ୍ ସୂର୍ଯ୍ୟ ଦେବତାଙ୍କୁ ବୁଝାଏ ।
ଜାତୀୟ ଗଣମାଧ୍ୟମ ରିପୋର୍ଟ ଅନୁଯାୟୀ, ଆମେରିକାର ସ୍ପେସ୍ ଏଜେନ୍ସି ନାସାର ସ୍ପେସ୍ ବୈଜ୍ଞାନିକମାନେ ପୂର୍ବାନୁମାନ କରିଛନ୍ତି ଯେ ସମସ୍ତ ତାରାଙ୍କ ପରି ସୂର୍ଯ୍ୟଙ୍କ ଶକ୍ତି ମଧ୍ୟ ଦିନେ ଶେଷ ହୋଇଯିବ । ଏହା ଏକ ଲାଲ୍ ବୃହତ୍ ତାରକାରେ ପରିଣତ ହେବ, ଯାହା ବୋଧହୁଏ ବୁଧ , ଶୁକ୍ର ଏବଂ ପୃଥିବୀକୁ ମଧ୍ୟ ଗ୍ରାସ କରିବ ।
ସୂର୍ଯ୍ୟ ସୌର ପ୍ରଣାଳୀରେ ବାସ କରି ପୃଥିବୀ ପାଇଁ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରନ୍ତି । ଏହି କାରଣରୁ ପୃଥିବୀରେ ଜୀବନ ଅଛି । ମଣିଷ, ଉଦ୍ଭିଦ, ପ୍ରାଣୀ ସମସ୍ତେ ଏହି କାରଣରୁ ବଞ୍ଚନ୍ତି । ଏପରି ପରିସ୍ଥିତିରେ, ଯଦି ସୂର୍ଯ୍ୟ ସମାପ୍ତ ହୁଏ, ତେବେ ପୃଥିବୀରେ ଅନ୍ଧକାର ରହିବ ।ପ୍ରକୃତି ଏବଂ ଜୀବନ ନଷ୍ଟ ହୋଇଯିବ ।
ଏପ୍ରିଲ୍ ୨୦୨୪ ରେ ରୟାଲ୍ ଜ୍ୟୋତିର୍ବିଜ୍ଞାନ ସୋସାଇଟି (MNRAS)ର ମାସିକ ପତ୍ରିକାରେ ପ୍ରକାଶିତ ରିପୋର୍ଟ ଅନୁଯାୟୀ, ସୂର୍ଯ୍ୟଙ୍କର ମଧ୍ୟ ସୀମିତ ଜୀବନ ଅଛି । ଦିନେ ସୂର୍ଯ୍ୟ ମରିଯିବେ ଏବଂ ଆମ ପୃଥିବୀ ସମେତ ସୌର ପ୍ରଣାଳୀର କିଛି ଅଂଶ ସୂର୍ଯ୍ୟଙ୍କ ଦ୍ୱାରା ଶୋଷିତ ହେବ । ସୂର୍ଯ୍ୟ ସେମାନଙ୍କୁ ଶୋଷିବା ପରେ ସେଗୁଡ଼ିକ ଅଦୃଶ୍ୟ ହୋଇଯିବେ ।
ରାଜ୍ୟରେ ନାରୀ ଅସୁରକ୍ଷିତ, ଏଥିପାଇଁ ମୁଖ୍ୟମନ୍ତ୍ରୀ ଦାୟୀ : ବିଜେଡି
କଟକ : କଟକରେ କଲେଜ ଛାତ୍ରୀଙ୍କୁ ଗଣ ଦୁଷ୍କର୍ମ ଘଟଣାକୁ ନେଇ ଡିସିପିଙ୍କୁ ଭେଟିଲା ବିଜେଡି ଫ୍ୟାକ୍ଟ ଫାଇଣ୍ଡିଂ ଟିମ୍ । ଡିସିପିଙ୍କ ଭେଟିବା ପରେ ରାଜ୍ୟ ସରକାରଙ୍କ ଉପରେ ବର୍ଷିଲା ବିଜେଡି । ବିଜେଡି ନେତ୍ରୀ ସ୍ନେହାଙ୍ଗିନୀ ଛୁରିଆ କହିଛନ୍ତି, ଏହା ଏକ ଲଜ୍ଜା ଜନକ ଓ ସମ୍ବେଦନଶୀଳ ଘଟଣା । ପୀଡିତାଙ୍କ ଏତଲା ନ ରଖିବା ଏକ ଦୁଃଖର କଥା । ଯାହା ପୋଲିସ ପ୍ରଶାସନ ତରଫରୁ ଅବହେଳା କରାଯାଇଛି । ନବୀନ ପଟ୍ଟନାୟକ ସରକାର ସମୟରେ ଥାନାକୁ ମୋ ସରକାର ଅନ୍ତଃର୍ଭୁତ କରାଯାଇଥିଲା । ଯେକୌଣସି ବିଷୟ କେହି ଏତଲା ଦେଲା ଗ୍ରହଣ କରାଯାଉଥିଲା । ଏବେ ଏତଲା ବି ଗ୍ରହଣ କରାଯାଉନାହିଁ । ଅଭିଯୁକ୍ତ କିଛି ଗିରଫ ହୋଇଥିଲେ ମଧ୍ୟ କିଛି ଅଭିଯୁକ୍ତ ବାହାରେ ଅଛନ୍ତି । ସେମାନଙ୍କୁ ମଧ୍ୟ ଗିରଫ କରିବା ପାଇଁ ବିଜେଡି ଦାବି କରିଛି । ସେହି କାଫେ ବେଆଇନ ଭାବେ ଚାଲୁଥିବା ବେଳେ ସେଥିରେ ବେଆଇନ ଭାବେ ହୁକାବାର ଚାଲୁଥିବା ମଧ୍ୟ ଅଭିଯୋଗ କରିଛି ବିଜେଡି ଟିମ୍ । ନିକଟରେ ବିଜେପି କର୍ପୋରେଟରଙ୍କ ଘର ଥିବା ବେଳେ ବିଜେପି ପାର୍ଟି ଅଫିସ ମଧ୍ୟ ଥିଲା । ସେହି ସ୍ଥାନରେ ଏହି ଲଜ୍ଜାକର ଘଟଣା ଘଟିଛି । ହୁକା ପାଇଁ କିଏ ଅନୁମତି ଦେଇଛି, ତାହାକୁ ତଦନ୍ତ ପରିସରଭୁକ୍ତ କରିବା ପାଇଁ ଦାବି କରିଛି ବିଜେଡି । ରାଜ୍ୟର ବିଜେପି ସରକାର ଲୋକଙ୍କ ସରକାର କହୁଥିବା ବେଳେ ଏଠାରେ ନାରୀ ସୁରକ୍ଷିତ ନାହାନ୍ତି । ପ୍ରତ୍ୟେକ କ୍ଷେତ୍ରରେ ମହିଳାମାନେ ଅସୁକ୍ଷିତ ଅଛନ୍ତି । ଦିନକୁ ଦିନ ଦୁଷ୍କର୍ମ ଘଟଣା ବଢିଚାଲିଛି । ଅଭିଯୁକ୍ତମାନଙ୍କ ବିରୋଧରେ କୌଣସି କାର୍ଯ୍ୟନୁଷ୍ଠାନ ନିଆଯାଉ ନଥିବା ବିଜେଡି ଅଭିଯୋଗ କରିଛି । ଆଇନଗତ କାର୍ଯ୍ୟାନୁଷ୍ଠାନ ନ ହେବା ସହ ମାମଲାକୁ ରୁଜୁ ହୋଇପାରୁନି । ଏହି ସରକାର ସମୟରେ ମହିଳା ଅସୁରକ୍ଷିତ ବୋଲି ଅଭିଯୋଗ ଆଣି ବିଜେଡ଼ି ମୁଖ୍ୟମନ୍ତ୍ରୀଙ୍କୁ ଦାୟୀ କରିଛି । ଦୋଷୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନେବା ସହ ପୀଡ଼ିତାଙ୍କୁ ନ୍ୟାୟ ଦେବାକୁ ଦାବି କରିଛି ବିଜେଡି ।
କାନ୍ଦିବାରୁ ଅଢ଼େଇ ବର୍ଷର ଝିଅକୁ ପିଟିପିଟି ମାରିଦେଲା ରାକ୍ଷସ ବାପା
ନନ୍ଦିଘୋଷ ବ୍ୟୁରୋ: ବାପା ସାଜିଲା ରାକ୍ଷସ । ନିଜର ସାବତ ଝିଅକୁ ମାରିଦେଲା ବାପା । କାନ୍ଦିବାରୁ ଅଢ଼େଇ ବର୍ଷର ଝିଅକୁ ବାପା ମାରି ଦେଇଥିବା ଅଭିଯୋଗ ହୋଇଛି । ମୁମ୍ବାଇରୁ ସାମ୍ନାକୁ ଆସିଛି ଏଭଳି ଏକ ଲୋମହର୍ଷକ ଘଟଣା । ପୋଲିସ ଖବର ପାଇବା ପରେ ଅଭିଯୁକ୍ତ ବାପାକୁ ଗିରଫ କରିଛି । ପୋଲିସର ରିପୋର୍ଟ ମୁତାବକ ଅଭିଯୁକ୍ତ ଜଣକ ହତ୍ୟା କରିଥିବା ଝିଅ ହେଉଛି ତାଙ୍କର ସାବତ ଝିଅ । ଝିଅର ପ୍ରକୃତ ବାପା ମାଙ୍କୁ ଛାଡ଼ି ଦେଇଛନ୍ତି । ୬ ମାସ ପୂର୍ବେ ସେ ଅଭିଯୁକ୍ତକୁ ବିବାହ କରିଥିଲେ । ଅଭିଯୁକ୍ତ ଜଣକ ଜଣେ ଟେମ୍ପୋ ଡ୍ରାଇଭର । ଝିଅର ମାଆ ପରଘରେ କାମ କରୁଥିଲେ । ତେବେ ସେ ବାହାରକୁ କାମ କରିବା ପାଇଁ ଯାଇଥିବାବେଳେ ଘରକୁ ବାପା ଆସିଥିଲେ । ଝିଅ କାନ୍ଦୁଥିବା ଦେଖି ବିରକ୍ତ ହୋଇଥିଲେ । ଆଉ ଝିଅକୁ ମାରି ଦେଇଥିଲେ ।
ଘରକୁ କାମରୁ ଫେରିବା ପରେ ମା ଝିଅ ଶୋଇଥିବା ଭାବି ଉଠାଇ ନଥିଲେ । ମାତ୍ର ଦୀର୍ଘ ସମୟ ପର୍ଯ୍ୟନ୍ତ ନଉଠିବାରୁ ସନ୍ଦେହ ହୋଇଥିଲା । ଏବଂ ଉଠାଇଥିଲେ । କିନ୍ତୁ ଝିଅ ଉଠି ନଥିଲା । ଏହାପରେ ସେ ଅଭିଯୁକ୍ତ ବାପାକୁ କହିଥିଲେ । କିନ୍ତୁ ତାଙ୍କ କଥାରେ ସନ୍ଦେହ ହେବାରୁ ପୋଲିସକୁ ଖବର ଦେଇଥିଲେ । ପୋଲିସ ଅଭିଯୁକ୍ତକୁ ଗିରଫ କରି ରିମାଣ୍ଡରେ ନେଇଛି । ମହିଳାଙ୍କ କହି ଅନୁସାରେ ଲାଳନ ପାଳନ କାରଣରୁ ସେ ଏଭଳି ଏକ ନିଷ୍ପତ୍ତି ନେଇଛନ୍ତି । ଅଧିକାଂଶ ସମୟରେ ବିରକ୍ତ ହେବା ସହ ଝିଅକୁ ମାରିବା ପାଇଁ ମଧ୍ୟ ଉଦ୍ୟମ କରିଥିଲେ ।
କଟକରେ କଲେଜ ଛାତ୍ରୀଙ୍କୁ ଗଣ ଦୁଷ୍କର୍ମ ଘଟଣା, ଡିସିପିଙ୍କୁ ଭେଟିଲା ବିଜେଡି ଫ୍ୟାକ୍ଟ ଫାଇଣ୍ଡିଂ ଟିମ୍
କଟକ: କଟକରେ କଲେଜ ଛାତ୍ରୀଙ୍କୁ ପୁରୁଷ ବନ୍ଧୁ ଓ ତାଙ୍କ ସାଙ୍ଗ ମିଶି ଗଣ ଦୁଷ୍କର୍ମ ଘଟଣା । କଟକରେ ପହଞ୍ଚିଲା ବିଜେଡି ଫ୍ୟାକ୍ଟ ଫାଇଣ୍ଡିଂ ଟିମ୍ । ବିଜେଡି ପ୍ରତିନିଧି ଦଳ କଟକରେ ପହଞ୍ଚି ଡିସିପିଙ୍କୁ ଭେଟି ଦାବି ପତ୍ର ପ୍ରଦାନ କରିଛି । ଦୋଷୀଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନେବା ସହ ପୀଡ଼ିତାଙ୍କୁ ନ୍ୟାୟ ଦେବାକୁ ଦାବି କରିଛି ବିଜେଡି ।
ସୂଚନାଯୋଗ୍ୟ, ଦଶହରା ସମୟରେ କଟକ ପୁରୀଘାଟ ଥାନା ଅଞ୍ଚଳରେ ଏକ କାଫେରେ ଛାତ୍ରୀ ଜଣକ ତାଙ୍କ ପୁରୁଷ ବନ୍ଧୁଙ୍କ ସହ ଜନ୍ମଦିନ ପାଳନ କରିଥିଲେ । ସେଠାରେ ଛାତ୍ରୀଙ୍କ ଅଜାଣତରେ ଅଶ୍ଳୀଳ ଭିଡିଓ ଉତ୍ତୋଳନ କରିଥିଲେ ବୟଫ୍ରେଣ୍ଡ୍ । ଏଥିରେ ତାଙ୍କୁ କାଫେ ମାଲିକ ସହଯୋଗ କରିଥିଲେ । ପରେ କାଫେ ମାଲିକ ଓ ପୁରୁଷ ବନ୍ଧୁ ଓ ତାଙ୍କ ସାଙ୍ଗମାନେ ତାଙ୍କୁ ବାରଙ୍ଗ ଅଞ୍ଚଳର ଏକ ଘରକୁ ଡାକି ସେଠାରେ ଗଣଦୁଷ୍କର୍ମ କରିଥିଲେ । ଘଟଣାରେ ପୋଲିସ ୬ ଜଣଙ୍କୁ ଗିରଫ କରିଛି ।
ଝିଅଙ୍କୁ ପ୍ରେମଜାଲରେ ଫଶାଇଥିବା ନକଲି IRS ଅଧିକାରୀ ଗିରଫ
ନନ୍ଦିଘୋଷ ବ୍ୟୁରୋ: ମିଠା ମିଠା କଥା କହୁଥିଲେ, ଝିଅଙ୍କୁ ପ୍ରେମ ଜାଲରେ ଫସାଉଥିଲେ । ବଡ଼ ଅଧିକାରୀ କହି ସ୍ବପ୍ନ ଦେଖାଇ ଝିଅଙ୍କ ସହ ରଖୁଥିଲେ ଖରାପ ସମ୍ପର୍କ । ଏପରିକି ସେମାନଙ୍କ ଅଶ୍ଲୀଳ ଫଟୋ ଏବଂ ଭିଡିଓ ରଖି ପରେ ବ୍ଲାକମେଲ କରୁଥିଲେ । ଆଉ ଯୁବତୀଙ୍କଠାରୁ ଟଙ୍କା ମାଗୁଥିଲେ । ଏପରି ଏକ ଖବର ରାଜସ୍ଥାନରୁ ସାମ୍ନାକୁ ଆସିଛି । ବିହାରରେ ନକଲି ଆଇପିଏସ ଅଧିକାରୀ ଧରାପଡ଼ିଥିବାବେଳେ ଏବେ ଜଣେ IRS ଅଧିକାରୀ ସାମ୍ନାକୁ ଆସିଛନ୍ତି । ଯିଏକି ଝିଅଙ୍କୁ ମିଛ ପ୍ରଲୋଭୋନ ଦେଖାଉଥିବା ଅଭିଯୋଗ ହୋଇଛି । ପୋଲିସ ତାଙ୍କୁ ଗିରଫ କରିଛି । ଜୟପୁରର ନ୍ୟାସନାଲ ନାର୍କୋଟିକ୍ସ ବ୍ୟୁରୋରେ କାମ କରୁଥିବା କହିଥିବା ଜଣାପଡ଼ିଛି । ଏହି ଘଟଣା ଥାନାରେ ପହଞ୍ଚିବା ପରେ ପୋଲିସ ଅଭିଯୁକ୍ତକୁ ଗିରଫ କରିଛି । ପୋଲିସ ଖବର ପାଇବା ପରେ ଜଣେ ପିଡ଼ିତାଙ୍କ ମାଧ୍ୟମରେ ଅଭିଯୁକ୍ତକୁ ହୋଟେଲକୁ ଡକାଇଥିଲା ଏବଂ ଗିରଫ କରିବାରେ ସଫଳ ହୋଇଛି । ସେ ୨୦୨୦ ବ୍ୟାଚରେ IRS ବୋଲି ନିଜକୁ ପରିଚୟ ଦେଇଥିଲା । ଯେଉଁଠାରେ କି, ଏବେ ଜେନେରାଲ ନିର୍ଦ୍ଦେଶକ ଅଛନ୍ତି ଘନଶ୍ୟାମ ସୋନି । କିନ୍ତୁ ସେ ନିଜକୁ ନିର୍ଦ୍ଦେଶକ ବୋଲି ପରିଚୟ ଦେଇ ଝିଅଙ୍କୁ ପ୍ରେମ ଜାଲରେ ଫସାଉଥିବା ଅଭିଯୋଗ ହୋଇଛି ।
ଗିରଫ ଅଭିଯୁକ୍ତର ନାମ ହେଉଛି ସରଭେଶ କୁମାଓ୍ବତ । ପୋଲିସର ପ୍ରାଥମିକ ତଦନ୍ତରୁ ଜଣାପଡ଼ିଥିବା ସୂତ୍ରକୁ ଯଦି ବିଶ୍ବାସ କରାଯାଏ ତାହେଲେ ଅଭିଯୁକ୍ତ ଜଣକ ୨୫ ଜଣ ଝିଅକୁ ଏପରି ଫସାଇଛି । ସେମାନଙ୍କଠାରୁ ଲକ୍ଷ ଲକ୍ଷ ଟଙ୍କା ମଧ୍ୟ ଠକି ନେଇଛି । ଏନେଇ ଥାନାରେ ମଧ୍ୟ ମାମଲା ହୋଇଛି । ସରଭେଶର ମୋବାଇଲ ଯାଞ୍ଚ କରିବା ପରେ ଜଣା ପଡ଼ିଛି କି, ସେ ଏଭଳି ଅନେକ ଝିଅଙ୍କ ସହ ଅଶ୍ଲିଳ ଚାଟ୍ ଏବଂ ପ୍ରେମ ଜାଲରେ ଫସାଉଥିଲା । ଏବଂ ପରେ ସେମାନଙ୍କୁ ବ୍ଲାକମେଲ କରି ଲକ୍ଷାଧିକ ଟଙ୍କାର ଚୂନ ଲଗାଇଛି । ଏହି ଘଟଣାକୁ ନେଇ ଏବେ ଚର୍ଚ୍ଚା ଜୋର ଧରିଥିବାବେଳେ ଆଗକୁ ଆଉ କେତେଜଣ ଅଭିଯୋଗ କରୁଛନ୍ତି ତାହା ଉପରେ ରହିଛି ପୋଲିସର ନଜର ।
ରାଜଧାନୀରେ ଦୁର୍ଘଟଣା: କାରକୁ ଧକ୍କା ଦେଲା ପରିବା ବୋଝେଇ ଟ୍ରକ
ଭୁବନେଶ୍ବର: ରାଜଧାନୀ ଭୁବନେଶ୍ବରର ନୟାପଲ୍ଲୀରେ ଭୟଙ୍କର ଦୁର୍ଘଟଣା । ପଛରୁ ଦ୍ରୁତ ଗତିରେ ଏକ ପରିବା ବୋଝେଇ ଟ୍ରକ ଆସି ଦୁଇଟି କାରକୁ ଦେଲା ଧକ୍କା । ଫଳରେ ତିନି ଜଣ ଆହତ ହୋଇଛନ୍ତି ।
ଦୁର୍ଘଟଣା ନୟାପଲ୍ଲୀ ଓଭର ବ୍ରିଜ୍ ଉପରେ ଘଟିଛି । ଓଭର ବ୍ରିଜ୍ ଉପରେ କାରଟି ଯାଉଥିବା ବେଳେ ପଛପଟୁ ପରିବା ବୋଝେଇ ଟ୍ରକଟି ଦ୍ରୁତ ଗତିରେ ଆସି ଗୋଟିଏ ପରେ ଗୋଟିଏ ଦୁଇଟି କାରକୁ ଧକ୍କା ଦେଇଥିଲା । ଦୁର୍ଘଟଣା ପରେ ଟ୍ରକ ସହ ଡ୍ରାଇଭର ଫେରାର ହୋଇଯାଇଛି । ତେବେ ଦୁର୍ଘଟଣା ସମୟରେ ଟ୍ରକରୁ ପିଆଜ, ରସୁଣ, ଅଦା, ଟମାଟୋ ସହ ଅନ୍ୟ ପରିବା ଛିଟିକି ରାସ୍ତା ଉପରେ ପଡ଼ି ରହିଛି । ଦୁର୍ଘଟଣାରେ ତିନି ଜଣ ଆହତ ହୋଇଛନ୍ତି । ସେମାନଙ୍କ ସ୍ବାସ୍ଥ୍ୟାବସ୍ଥା ଗୁରୁତର ରହିଛି । ଆହତମାନଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି ।
‘ପତି-ପତ୍ନୀ ଗୋଟିଏ ବେଡ଼ରେ ଶୁଅନ୍ତି କିନ୍ତୁ ପ୍ରେମ ମୋବାଇଲକୁ କରନ୍ତି’
ନନ୍ଦିଘୋଷ ବ୍ୟୁରୋ: ପୁଣିଥରେ ଚର୍ଚ୍ଚାରେ ବିଜେପି ସାଂସଦ ଜନାର୍ଦ୍ଦନ ମିଶ୍ରା । ରେବାର ଏକ ଇଞ୍ଜିନିୟରିଂ କଲେଜରେ ଏକ କାର୍ଯ୍ୟକ୍ରମରେ ଯୋଗ ଦେବା ଅବସରରେ ସେ ଦେଇଥିବା ଏକ ବିବୃତ୍ତି ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ଯାହାକୁ ନେଇ ଜନାର୍ଦ୍ଦନ ବେଶ ଚର୍ଚ୍ଚାରେ ରହିଛନ୍ତି । ସେ କହିଛନ୍ତି କି, ସ୍ବାମୀ ସ୍ତ୍ରୀ ଗୋଟିଏ ବେଡରେ ଶୁଅନ୍ତି ସତ ମାତ୍ର ଜଣେ ଉତ୍ତରକୁ ମୁହଁ କଲେ ଅନ୍ୟ ଜଣେ ଦକ୍ଷିଣକୁ ମୁହଁ କରନ୍ତି । ଆଉ ସେମାନେ ନିଜ ନିଜର ମୋବାଇଲରେ ବ୍ୟସ୍ତ ରୁହନ୍ତି । ମୋବାଇଲ ଏବେ ସ୍ବାମୀ ସ୍ତ୍ରୀ ପ୍ରେମ କରୁଛନ୍ତି । ଏହାସହ ସେ କହିଛନ୍ତି କି, ୬୦ ବର୍ଷ ପରେ ସ୍ବାମୀ ସ୍ତ୍ରୀଙ୍କ ସମ୍ପର୍କ ଏମିତି ହେବ କି, ଛୁଆ ସବୁ ଅନଲାଇନରେ ଜନ୍ମ ହେବେ । ତେବେ ଛୁଆମାନେ ଷ୍ଟିଲ୍ ହୁଅନ୍ତୁ ବା ମାଂସ ହାଡର । ସାଂସଦଙ୍କ ଏଭଳି ବିବୃତ୍ତି ଶୁଣି ଉପସ୍ଥିତ ଛାତ୍ରଛାତ୍ରୀମାନେ ହସିଥିଲେ । ଆଉ ଏହି ସମୟର ଭିଡିଓଟି ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି ।
କାର୍ଯ୍ୟକ୍ରମରେ ସାଂସଦ କହିଥିଲେ କି, ମୁଁ ଦେଉଥିବା ବିବୃତ୍ତିକୁ ଆପଣ ବିଚାର କରିବେ । ମଣିଷ ଦ୍ବାରା ତିଆରି ହୋଇଥିବା ଯନ୍ତ୍ର ମୋବାଇଲ । କିନ୍ତୁ ସ୍ବାମୀ ସ୍ତ୍ରୀ ଗୋଟିଏ ବେଡରେ ଶୋଇ ମଧ୍ୟ ପରସ୍ପରକୁ ନଦେଖି ବିପରୀତ ଦିଗକୁ ମୁହଁ କରି ଶୋଇଥାନ୍ତି । ଆଉ ଏବେ ଅନଲାଇନରେ ବିବାହ ଏବଂ ଛୁଆ ମଧ୍ୟ ହେବେ । ତେବେ ଏହାସହ ଛାତ୍ରଛାତ୍ରୀଙ୍କୁ ବୁଝାଇ କହୁଥିଲେ କି, ଇଞ୍ଜିନିୟରିଂ ଛାତ୍ରଛାତ୍ରୀଙ୍କ ସମାଜରେ ବହୁ ଗୁରୁତ୍ବୂପର୍ଣ୍ଣ ଭୂମିକା ରହିଛି । ସେପଟେ ଏହା ପୂର୍ବରୁ ମଧ୍ୟ ସାଂସଦ ଦେଇଥିବା ଏକ ବିବୃତ୍ତି ପାଇଁ ମଧ୍ୟ ଗଣମାଧ୍ୟମରେ ଚର୍ଚ୍ଚାରେ ରହିଥିଲେ । ସେ କହିଥିଲେ କି, IAS ଅଧିକାରୀଙ୍କୁ ଜୀବନ୍ତ ସମାଧି ଦିଆଯାଉ । ଯାହାକୁ ନେଇ ତାଙ୍କୁ ସୋସିଆଲ ମିଡିଆରେ ମଧ୍ୟ ଟ୍ରୋଲ କରାଯାଇଥିଲା । ଆଉ ଏବେ ପୁଣି ଏଭଳି ଏକ ବିବୃତ୍ତି ଦେବା ପରେ ଏହା ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି ।
୫୦ ଟଙ୍କା ପାଇଁ ଟାଙ୍ଗିଆ ଓ ଲୁହା ରଡରେ ମହିଳା ଏବଂ ତାଙ୍କ ପୁଅଙ୍କୁ ଆକ୍ରମଣ
ଅନୁଗୋଳ: ମାତ୍ର ୫୦ ଟଙ୍କା ପାଇଁ ମାଆ ଓ ପୁଅକୁ ଆକ୍ରମଣ । ମହିଳାଙ୍କ ଦିଅର ଓ ପୁତୁରା ମାଆ, ପୁଅଙ୍କୁ ଆକ୍ରମଣ ଟାଙ୍ଗିଆ ଓ ଲୁହା ରଡରେ ଆକ୍ରମଣ କରି ଲହୁଲୁହାଣ କରିଥିବା ଅଭିଯୋଗ । ଘଟଣା ଘଟିଛି ଅନୁଗୋଳ ଜିଲ୍ଲା ଜରପଡା ଥାନା କୁଶିକିଳା ଗାଁରେ ।ଗୁରୁତର ହେଲେ ଲବଙ୍ଗ ସାହୁ ଏବଂ ତାଙ୍କ ପୁଅ ଲିକୁ ।
ଅଭିଯୋଗ ଅନୁସାରେ, ଲବଙ୍ଗ ଓ ତାଙ୍କ ଦିଅରଙ୍କ ପରିବାର ଗୋଟିଏ ଘରେ ରହୁଛନ୍ତି । ଲବଙ୍ଗଙ୍କ ପରିବାର ଲୋକେ ଘରେ ନଥିବା ବେଳେ ଲିକୁଙ୍କ ପକେଟରୁ ୫୦ ଟଙ୍କା ଚୋରି ହୋଇଥିଲା । ଟଙ୍କା ଚୋରି ପଛରେ ଦିଅରଙ୍କ ପରିବାର ଲୋକଙ୍କ ହାତ ଥିବା ଲବଙ୍ଗ ସନ୍ଦେହ କରିଥିଲେ । ଏହାକୁ ନେଇ ଘର ଭିତରେ କିଏ ଟଙ୍କା ଚୋରି କରିଛି କହି ଦିଅରଙ୍କୁ ଗାଳିଗୁଲଜ କରିଥିଲେ ।
ଯାହାକୁ ନେଇ ଦିଅର ଓ ତାଙ୍କ ପୁଅଙ୍କ ସହ ଲବଙ୍ଗଙ୍କର ବଚସା ହୋଇଥିଲା । ଏଥିରେ ଉତକ୍ଷିପ୍ତ ହୋଇ ଦିଅର ଓ ତାଙ୍କ ପୁଅ ଲବଙ୍ଗଙ୍କୁ ଟାଙ୍ଗିଆ ଓ ଲୁହା ରଡରେ ଆକ୍ରମଣ କରିଥିଲେ । ଏହାଦେଖି ଲିକୁ ମାଆକୁ ବଞ୍ଚାଇବାକୁ ସେଠାରେ ପହଞ୍ଚି ଥିବା ବେଳେ ତାକୁ ମଧ୍ୟ ଆକ୍ରମଣ କରିଥିଲେ ।
ଉଭୟ ମାଆ, ପୁଅଙ୍କ ସ୍ବାସ୍ଥ୍ୟାବସ୍ଥା ଗୁରୁତର ରହିଛି । ସେମାନଙ୍କୁ ଉଦ୍ଧାର କରାଯାଇ ଅନୁଗୋଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।