କଟକ : କଟକ ମଧୁପାଟଣା ଛକରେ ଥିବା ମାଛ ଗୋଦାମ ଓ ଏକ ବିଲଡିଂରେ ବଡ଼ ଧରଣର ଅଗ୍ନିକାଣ୍ଡ ଘଟିଛି । ରାତି ପ୍ରାୟ ୪ଟା ସମୟରେ ପ୍ରଥମେ ମାଛ ଗୋଦାମରେ କୌଣସି କାରଣରୁ ନିଆଁ ଲାଗିଥିଲା । ପରେ ନିଆଁ ବ୍ୟାପୀ ପାଖରେ ଥିବା ଏକ ଛଅ ତାଲା ବିଲଡିଂକୁ ବ୍ୟାପୀଥିଲା । ପରେ ୩ଟି ଦମକଳ ଗାଡି ଆସି ନିଆଁ ଲିଭା କାମରେ ଲାଗିଥିଲେ । ଦୀର୍ଘ ୩ ଘଣ୍ଟାର ପରିଶ୍ରମ କରି ନିଆଁକୁ ଆୟତ୍ତ କରିବାକୁ ଚେଷ୍ଟା କରୁଛନ୍ତି । ନିଆଁର କାରଣ ଜଣା ପଡି ନ ଥିଲେ ସୁଦ୍ଧା ସର୍ଟ ସର୍କିଟ ରୁ ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଉଛି ।

ରାଉରକେଲା : ଓଡିଶା ଛତିଶଗଡ ସୀମାନ୍ତବର୍ତ୍ତୀ ସୁନ୍ଦରଗଡ଼ ଜିଲ୍ଲା ଜାମଝରିଆ ଜଙ୍ଗଲରେ ଚାଲିଥିବା ଏକ ବଡ଼ ଧରଣର ଜୁଆ ଆଡ୍ଡାରେ ରେଡ । ଖବର ପାଇ ଚଢ଼ାଉ କଲା ହେମଗିରି ଥାନା ପୋଲିସ । ୨୬ ଜଣ ଜୁଆଡ଼ି ଗିରଫ । ଗିରଫ ଅଭିଯୁକ୍ତଙ୍କ ନିକଟରୁ ୧୧ ଲକ୍ଷ ୧୬ ହଜାର ୯୦୦ ଟଙ୍କା ଜବତ କରାଯାଇଛି । ଏହାସହ ୩୧ ଟି ମୋବାଇଲ, ୩ଟି କାର ଓ ୯ ଟି ବାଇକ ଜବତ କରାଯାଇଥିବା ସୁନ୍ଦରଗଡ଼ ଏସପି ଅମ୍ରିତ ପାଲ କୌର ସୁଚନା ଦେଇଛନ୍ତି । ଓଡିଶା ଛତିଶଗଡ଼ ସୀମାନ୍ତବର୍ତ୍ତୀ ଜଙ୍ଗଲରେ ସୂଚନା ପରେ ସୁନ୍ଦରଗଡ଼ ଏସପି ଅମ୍ରିତ ପାଲ କୌର ଙ୍କ ନିର୍ଦ୍ଦେଶରେ ପୋଲିସ ପକ୍ଷରୁ ଚଢ଼ଉ କରାଯାଇଥିଲା । ତେବେ ଏହି ବେଆଇନ ଜୁଆ କାରବାରରେ ଆଉ କେଉଁ ମାନେ ସମ୍ପୃକ୍ତ ଅଛନ୍ତି ସେନେଇ ପୋଲିସ ପକ୍ଷରୁ ତଦନ୍ତ ଆରମ୍ଭ ହୋଇଛି ।

ପୁରୀ : ପୁଣି ଅନଲାଇନରେ ମହାପ୍ରସାଦ ଖଜା ବିକ୍ରି । ଏ ନେଇ ସବୁ ମହଲରେ ତୀବ୍ର ଅସନ୍ତୋଷ ପ୍ରକାଶ ପାଇଛି । ପୁରୀ ଶ୍ରୀଜଗନ୍ନାଥଙ୍କ ମହାପ୍ରସାଦ ଖଜାକୁ ଅନଲାଇନ ଓ ହୋମ ଡେଲିଭରି ମାଧ୍ୟମରେ ବିକ୍ରି କରାଯାଉଥିବା ଘଟଣାକୁ ନେଇ ଉଦବେଗ ପ୍ରକାଶ କରିଛନ୍ତି ସେବାୟତ । ସେବକମାନେ ଏହାକୁ ମହାପ୍ରସାଦର ପରମ୍ପରା ଓ ମର୍ଯ୍ୟାଦାର ଉଲ୍ଲଙ୍ଘନ ବୋଲି କହିଛନ୍ତି ।ବ୍ରଜମେଳାର ପକ୍ଷରୁ ଶୁଦ୍ଧ ଦେଶୀ ଘିଅରେ ପ୍ରସ୍ତୁତ ପ୍ରିମିୟମ ଖଜା ସହ ଶୁଖିଲା ଅନ୍ନ ମହାପ୍ରସାଦ ଘରେ ବସି ଡେଲିଭରି ଦେବା ପାଇଁ ସୋସିଆଲ ମିଡିଆରେ ବିଜ୍ଞାପନ ଦିଆଯାଇଛି । ଅର୍ଡର ପାଇଁ ମୋବାଇଲ ନମ୍ବର ଓ ହ୍ୱାଟ୍ସଆପ୍ ଲିଙ୍କ ବି ଦିଆଯାଇଛି । ମହାପ୍ରସାଦ କେବଳ ଶ୍ରୀମନ୍ଦିର ଆନନ୍ଦ ବଜାରୁ ହିଁ କିଣାଯାଇ ସେବନ କରାଯାଇପାରିବ । ଅନଲାଇନ ବିକ୍ରି ଓ କୋରିୟର ମାଧ୍ୟମରେ ପଠାଇବା ପରମ୍ପରା ବିରୁଦ୍ଧ ବୋଲି ଅଭିଯୋଗ କରିଛନ୍ତି ସେବାୟତ ।

#ପୁଣି_ଅନଲାଇନରେ_ମହାପ୍ରସାଦ_ଖଜା_ବିକ୍ରି
ଏନେଇ ସବୁ ମହଲରେ ତୀବ୍ର ଅସନ୍ତୋଷ ପ୍ରକାଶ ପାଇଛି । ପୁରୀ ଶ୍ରୀଜଗନ୍ନାଥଙ୍କ ମହାପ୍ରସାଦ ଖଜାକୁ ଅନଲାଇନ ଓ ହୋମ ଡେଲିଭରି ମାଧ୍ୟମରେ ବିକ୍ରି କରାଯାଉଥିବା ଘଟଣାକୁ ନେଇ ଉଦବେଗ ପ୍ରକାଶ କରିଛନ୍ତି ସେବାୟତ । #nandighoshatv #puri #jagannathtemple #khajasell #online pic.twitter.com/BOvlRTxSU3

— NandighoshaTV (@NandighoshaTV) June 1, 2026

ଭୁବନେଶ୍ୱର : ହାତରେ ବନ୍ଧୁକ, ରାସ୍ତାରେ ଯବାନ । ଭୁବନେଶ୍ୱରରେ ବୁଲୁଛନ୍ତି ବନ୍ଧୁକଧାରୀ ଯବାନ । ନନ୍ଦିଘୋଷ ଟିଭି ହାତରେ ଲାଗିଛି Exclusive ଭିଜୁଆଲ । ରାଜଧାନୀବାସୀଙ୍କ ସୁରକ୍ଷା ପାଇଁ ଅତ୍ୟାଧୁନିକ ଅସ୍ତ୍ର ଧରି ରାଜରାସ୍ତାରେ ସୁରକ୍ଷା ବାହିନୀ । ସ୍ପେଶାଲ ଟାକ୍ଟିକାଲ ଗ୍ରୁପ ବା STG ର ଯବାନ ମାନେ ଗତକାଲି ବିଳମ୍ବିତ ରାତିରେ ରାଜଧାନୀ ରାସ୍ତାରେ ପାଇଁତରା ମାରିଛନ୍ତି । ବାଣୀବିହାର, ମାଷ୍ଟର କ୍ୟାଣ୍ଟିନ, ଏଜି ଛକ, ଜୟଦେବ ବିହାର ପ୍ରମୁଖ ସ୍ଥାନରେ ଆରମ୍ବ ହୋଇଛି ପାଇଁତରା । କିଛିଦିନ ତଳେ ଭିଡ଼ ହିଂସା ସହ ସହରରେ ଅପରାଧିକ ତତ୍ତ୍ୱଙ୍କୁ ଦମନ ପାଇଁ STG ଟିମ ମେମ୍ବରଙ୍କୁ ଦିଆଯାଇଥିଲା ସ୍ପେଶାଲ ଟ୍ରେନିଂ । ସହରରେ ବଢୁଥିବା ଅପରାଧ, ଚୋରି, ଲୁଟ, ନିଶା କାରବାର ଆଦି ରୋକିବା ପାଇଁ ଛକ ବଜାର ମାନଙ୍କରେ STG ପକ୍ଷରୁ ଆରମ୍ଭ ହୋଇଛି ସ୍ପେଶାଲ ଅପରେସନ । ସହରରେ ପ୍ରବେଶ ପଥରେ ନାକାବନ୍ଦୀ ସହ ସ୍ଥାନୀୟ ପୋଲିସ ସହାୟତାରେ ଚାଲିଛି ଏହି ଅପରେସନ । ଆଗାମୀ ଦିନରେ ଏହି ଅପରେସନ ଆହୁରି ଜୋରଦାର କରାଯିବ ବୋଲି ସୂଚନା ଦେଇଛନ୍ତି ବରିଷ୍ଠ ଅଧିକାରୀ ।

ରାଜନଗର : କେନ୍ଦ୍ରାପଡା ଜିଲ୍ଲାରେ ପୁଣି ଥାର୍ଡ ଡିଗ୍ରୀ ଅଭିଯୋଗ । ଚୋରା ମଦ କାରବାର ନେଇ ଅଭିଯୋଗ କରିବାକୁ ମାଡ଼ ମାରିଥିବା ଅଭିଯୋଗ ଆଣିଲେ ଜଣେ ଯୁବକ। ମଦ ବେପାରୀ ସହ ଥାନାରେ ପିଟିଲେ ଅବକାରୀ ବିଭାଗର ୪ ଜଣ କର୍ମଚାରୀ। । ଚୋରା ମଦ କାରବାରକୁ ନେଇ ମୁଖ୍ୟମନ୍ତ୍ରୀଙ୍କ ନିକଟରେ ଅଭିଯୋଗ କରିଥିଲେ ରାଜନଗର ଥାନା ବାରଦିଆ ଗାଁର ବିନୋଦ କୁମାର ଦାସ । ଅଭିଯୋଗ କରିବାରୁ ତାଙ୍କ ନାଁରେ ମିଛ ମାମଲା କରିବା ସହ ତାଙ୍କୁ ମାଡ଼ ମରାଯାଇଛି । ଚୋରା ମଦ ବେପାରୀ ସହ ମିଶି ଅବକାରୀ ବିଭାଗର ଏସ ଆଇ ଓ ଅନ୍ୟ ୪ ଜଣ କର୍ମଚାରୀ ଗାଡି ଭିତରେ ନିର୍ମମ ଭାବେ ପିଟିବା ସହିତ ଲହୁଲୁହାଣ କରିଛନ୍ତି । ଯୁବକଙ୍କୁ ରାଜନଗର ଥାନାରେ ପ୍ରାୟ ୧୧ ଘଣ୍ଟା ଧରି ଅଟକ ରଖାଯାଇଥିବା ନେଇ ଯୁବକ ଜଣଙ୍କ ମୁଖ୍ୟମନ୍ତ୍ରୀଙ୍କୁ ଓ ରାଜନଗର ଥାନାରେ ଲିଖିତ ଭାବେ ଜଣାଇଛନ୍ତି । ନ୍ୟାୟ ପାଇଁ ମୁଖ୍ୟମନ୍ତ୍ରୀଙ୍କୁ ଗୁହାରି କରିଛନ୍ତି ତାଙ୍କ ପରିବାର।

ପୋଲସରା : ଗଞ୍ଜାମ କବିସୂର୍ଯ୍ୟନଗର ଥାନା ପୋଲିସ ବିରୋଧରେ ସାଂଘାତିକ ଅଭିଯୋଗ । ଅଟକ ଯୁବକକୁ ପିଟି ପିଟି ନୟାନ୍ତ ପରେ ମେଡିକାଲରେ ଯୁବକଙ୍କ ମୃତ ଅଭିଯୋଗ । ମୃତ ଯୁବକଙ୍କ ଘର ସୁବୁଳିଆ ଗାଁରେ । ମୃତ ଯୁବକଙ୍କ ନାମ ସୁଶାନ୍ତ ସାହୁ । ଏକ ପଥର ଫୁଟା ମାମଲା ପୋଲିସ ଯୁବକକୁ ଥାନାକୁ ଉଠାଇ ଆଣିଥିଲା । ଯୁବକଙ୍କ ମୃତକୁ ନେଇ ବଢୁଛି ଅସନ୍ତୋଷ । ଥାନା ସମ୍ମୁଖ ପୋଲିସ ଫୋର୍ସ ମୁତୟନ ।