ନନ୍ଦିଘୋଷ ବ୍ୟୁରୋ : ଇନ୍‌ଷ୍ଟାଗ୍ରାମର ୨୦ ହଜାରରୁ ଅଧିକ ଆକାଉଣ୍ଟ ହ୍ୟାକ୍, ମେଟାରେ ସୁରକ୍ଷା ତ୍ରୁଟି ବାହାର କରି ସାଇବର ଅପରାଧୀମାନେ ହଜାର ହଜାର ଇନଷ୍ଟାଗ୍ରାମ ଆକାଉଣ୍ଟ ହେକ କରିଛନ୍ତି । ମେଟାର ସୂଚନା ଅନୁଯାୟୀ, ଏହି ସାଇବର ଆକ୍ରମଣରେ  ୨୦ ହଜାରରୁ ଅଧିକ ଆକାଉଣ୍ଟ ପ୍ରଭାବିତ ହୋଇଛି । କମ୍ପାନୀ ଏହି ସୁରକ୍ଷା ତ୍ରୁଟିକୁ ସ୍ବାକାର କରିବା ସହ  ସମସ୍ୟାର ସମାଧାନ ପାଇଁ ପଦକ୍ଷେପ ନେବା ଜଣାଯାଇଛି । ବ୍ୟବହାରୀଙ୍କ ଆକାଊଣ୍ଟ ସୁରକ୍ଷା ବଢାଇବା ସହ TWO-FACTOR AUTHENICATION  ସକ୍ରିୟ କରିବାକୁ ପରାମର୍ଶ ଦିଆଯାଇଛି ।

ବିଶେଷଜ୍ଞ ମତ ଅନୁଯାୟୀ, ଏକ ଦୃଢ ପାସୱାଡ ବ୍ୟବହାର କରିବା ସହ ଯେକୌଣସି ଲିଙ୍କରେ  କ୍ଲିକ ନ କରିବା, ଏହା କରିବା ଦ୍ବାରା ସାଇବର ଠକେଇ ଠାରୁ ରକ୍ଷା ପାଇପାରିବା । ଇନଷ୍ଟାଗ୍ରାମରେ ୨୦ ହଜାରରୁ  ଆକାଉଣ୍ଟର ବଢିଲା ସୁରକ୍ଷା ଚିନ୍ତା  ମେଟା  ସ୍ବାକାର କରିଛି ଯେ ଏହାର AI ଜରିଆରେ  ରିକଭରି ମାଧ୍ୟମରେ ଏକ ତ୍ରୁଟିର ସୁଯୋଗ ନେଇ ସାଇବର ଅପରାଧୀ ମାନେ  ୨୦ ହଜାରରୁ ଅଧିକ ଇନଷ୍ଟାଗ୍ରାମ ଆକାଉଣ୍ଟ ହ୍ୟାକ କରାଯାଇଛି । ସାଇବର ଠକମାନେ ଏହି ଦୁର୍ବଳତାକୁ ବ୍ୟବହାର କରି ୟୁଜରମାନଙ୍କ ପାସୱାଡ ରିସେଟ କରି ଲିଙ୍କ୍ ହାସଲ କରିବା ସହ ଅନେକ ଆକାଉଣ୍ଟକୁ ନିଜ ଆୟତକୁ ନେଇଥଲେ । ରିପୋର୍ଟ  ଅନୁଯାୟୀ, ଏହି ସାଇବର ଠକେଇ ମାନେ, ଇ-ମେଲ–ଠିକଣା, ଡାଇରେ୍କ୍ଟ ମେସେଜ  କିମ୍ବା ଜନ୍ମତାରିଖ ସହ ଜଡିତ ଅନ୍ୟାନ୍ୟ ବ୍ୟକ୍ତିଗତ ତଥ୍ୟ  ହେକର ମାନଙ୍କ ହାତକୁ ଯାଇଥାଏ । ଏହି ଘଟଣା ପରେ  ସୋସିଆଲ ମିଡିଆ ସୁରକ୍ଷାକୁ ନେଇ ଏକ ନୂଆ ଚିନ୍ତା ସୃଷ୍ଟି ହୋଇଛି ।

ମେଟା ବର୍ତ୍ତମାନ ପ୍ରଭାବିତ ୟୁଜରମାନଙ୍କୁ ସୂଚନା ଦେବା ସହ ବ୍ୟବସ୍ଥାକୁ ଆହୁରି ମଜବୁତ କରିବା ପାଇଁ ବ୍ୟବସ୍ଥା ଚଲାଇଛି । ବିଶେଷଜ୍ଞମାନେ  ୟୁଜରମାନଙ୍କୁ  ଟୁ-ଫ୍ୟାକ୍ଟର ଅଥେଣ୍ଟିକେସନ୍ ସକ୍ରିୟ  କରିବା ପାଇଁ  ଏବଂ ଦୃଢ ପାସୱାଡ  ବ୍ୟବହାର କରିବାକୁ ସୂଚନା ଦେଇଛନ୍ତି । ମେଟାରେ ସୂଚନା ଅନୁସାରେ , ଏହି ଘଟଣା ଏହାର HIGH TOUCH SUPPORT  ଟୁଲରେ  ଥିବା ଏକ ସୁରକ୍ଷା ତ୍ରୁଟି ଯୋଗୁଁ ଘଟିଛି ବୋଲି ଯାହା ଜଣାଯାଇଛି । ଏହା ଏକ AI ଆକାଉଣ୍ଟ  ରିକଭରି ବ୍ୟବସ୍ଥା ଯାହା ଇନଷ୍ଟାଗ୍ରାମ  ଆକାଉଣ୍ଟ ର ଆକ୍ସେସ୍ ହରାଇଥିବା  ବ୍ୟବହାରକାରୀଙ୍କୁ ସହାୟତା କରିବା ପାଇଁ ତିଆରି କରାଯାଇଥିଲା । ରିପୋର୍ଟ ଅନୁଯାୟୀ, ହ୍ୟାକରମାନେ ଏହି ତ୍ରୁଟିର ସୁଯୋଗ ନେଇ ପାସୱାର୍ଡ ରିସେଟ୍ ଲିଙ୍କ୍ ହାସଲ କରିଥିଲେ। ବିଶେଷକରି ଯେଉଁ ଆକାଉଣ୍ଟରେ TWO-FACTOR AUTHENICATION  ନଥିଲା, ସେଗୁଡ଼ିକ ସର୍ବାଧିକ ପ୍ରଭାବିତ ହୋଇଛି। ମେଟା କହିବା  ଅନୁସାରେ ଆକ୍ରମଣକାରୀମାନେ ଆକାଉଣ୍ଟ ରିକଭରି ପ୍ରକ୍ରିୟାର ଦୁର୍ବଳତାକୁ ବ୍ୟବହାର କରି ଅନିୟମତା  ଭାବେ ଆକାଉଣ୍ଟରେ ପ୍ରବେଶ କରିଥିଲେ। ଏହି ଘଟଣା ପରେ କମ୍ପାନୀ ସୁରକ୍ଷା ବ୍ୟବସ୍ଥାକୁ ଅଧିକ ମଜବୁତ କରିବା ସହ ବ୍ୟବହାରକାରୀଙ୍କୁ TWO-FACTOR AUTHENICATION ସକ୍ରିୟ କରିବାକୁ ପରାମର୍ଶ ଦେଇଛି  ।

ହ୍ୟାକରମାନେ କିପରି ଆକାଉଣ୍ଟ ହ୍ୟାକ୍ କଲେ ; ରିପୋର୍ଟ ଅନୁଯାୟୀ, AI ସପୋର୍ଟ ୱର୍କଫ୍ଲୋରେ ଏକ ଗୁରୁତର ତ୍ରୁଟି ଥିଲା। ଆକାଉଣ୍ଟ ରିକଭରି ସମୟରେ ଦିଆଯାଇଥିବା ଇମେଲ୍ ଠିକଣା ଜହିତ  ଇନ୍‌ଷ୍ଟାଗ୍ରାମ ଆକାଉଣ୍ଟ ସହ ପ୍ରକୃତରେ ଜଡିତ କି ନୁହେଁ, ସିଷ୍ଟମ ତାହା ଜାଣିବାକୁ ଚେଷ୍ଟା  କରୁନଥିଲା ।ଏହି ଦୁର୍ବଳତାର ସୁଯୋଗ ନେଇ ହ୍ୟାକରମାନେ ସପୋର୍ଟ ବଟ୍ କୁ ବିଶ୍ୱାସ କରାଇ ପୀଡ଼ିତଙ୍କ ଆକାଉଣ୍ଟ ସହ ଏକ ନୂଆ ଇମେଲ୍ ଠିକଣା ଯୋଡ଼ିଦେଇଥିଲେ। ପରେ ସେମାନେ ପାସୱାର୍ଡ ରିସେଟ୍ ପାଇଁ ଅନୁରୋଧ କରିଥିଲେ ଏବଂ ରିସେଟ୍ କୋଡ୍ ପାଇବା ପରେ ଆକାଉଣ୍ଟକୁ ପ୍ରବେଶ କରିଥିଲେ। ଅନଲାଇନରେ ସାମ୍ନାକୁ ଆସିଥିବା ଭିଡିଓ ଓ ସ୍କ୍ରିନସଟ୍‌ ରେ ଏହି ଦାବିରେ ଯାହା ଜଣାଯାଇଛି  ।

 କେଉଁ ତଥ୍ୟ ପ୍ରଭାବିତ ହୋଇଛି, ବ୍ୟବହାରକାରୀ କ’ଣ କରିବେ?

ମେଟାର ନୋଟିଫିକେସନ୍ ଅନୁଯାୟୀ, ପ୍ରଥମ ସଫଳ ସାଇବର ଆକ୍ରମଣ ୧୭ ଏପ୍ରିଲ ୨୦୨୬ ଆସପାସ ରେ  ଘଟିଥିଲା। କମ୍ପାନୀ ଏପର୍ଯ୍ୟନ୍ତ କେଉଁ କେଉଁ ତଥ୍ୟ ଚୋରି ହୋଇଛି ତାହା ସ୍ପଷ୍ଟ କରିନାହିଁ। ତେବେ ଖବର ଅନୁସାରେ, ବ୍ୟବହାରକାରୀଙ୍କ ଫଟୋ, ଇ-ମେଲ୍ ଠିକଣା, ଡାଇରେକ୍ଟ ମେସେଜ୍, ଆକାଉଣ୍ଟ କାର୍ଯ୍ୟକଳାପ ରେକର୍ଡ, ସହ ଅନ୍ୟାନ୍ୟ ବ୍ୟକ୍ତିଗତ ସୂଚନା ପ୍ରଭାବିତ ହୋଇଥାଇପାରେ ବୋଲି ସନ୍ଦେହ କରାଯାଉଛି ।କିଛି ତ୍ରୁଟି ପାଇଁ   କେତେକ ଚର୍ଚ୍ଚିତ ଆକାଉଣ୍ଟ ମଧ୍ୟ ପ୍ରଭାବିତ ହୋଇଥିବା ଜଣାଯାଇଛି । ସେଥିରେ SEPHORA, BARACK OBAMA  ହ୍ୱାଇଟ୍ ହାଉସ୍ ଆକାଉଣ୍ଟ ଏବଂ United States Space Forceର ଚିଫ୍ ମାଷ୍ଟର ସାର୍ଜେଣ୍ଟଙ୍କ ଆକାଉଣ୍ଟ ରହିଛି । ବ୍ୟବହାରକାରୀମାନଙ୍କୁ ତୁରନ୍ତ (TWO-FACTOR AUTHENICATION) ସକ୍ରିୟ କରିବା, ଏକ ଦୃଢ  ପାସୱାର୍ଡ ବ୍ୟବହାର କରିବା ଏବଂ ସନ୍ଦେହଜନକ ଲିଙ୍କ୍ କିମ୍ବା ମେସେଜ୍‌ରୁ ସତର୍କ ରହିବାକୁ ପରାମର୍ଶ ଦିଆଯାଇଛି।

କୋଣାର୍କ : ୧୫ ଏପ୍ରିଲ, ୨୦୨୬ । ସମୁଦ୍ରରେ ମାଛ ଧରା ଉପରେ ଲାଗିଲା କଟକଣା । ଜୁନ ୧୪ରେ ହଟିବ କଟକଣା । ହାତରେ ଆଉ ଅଳ୍ପ ଦିନ । ହେଲେ ମତ୍ସ୍ୟଜୀବୀଙ୍କ ମନରେ ଖୁସି ନାହିଁ । ତେଲ ତାତିଲେ ଧୀବର ହତାଶ । କିପରି ସମୁଦ୍ରକୁ ନେଇକି ଯିବେ ବୋଟ ? ଚିନ୍ତାରେ ୧୫ ହଜାରରୁ ଉର୍ଦ୍ଧ୍ଵ ମତ୍ସ୍ୟଜୀବୀଙ୍କ ପରିବାର । ଏଭଳି ଦୃଶ୍ୟ ଦେଖିବାକୁ ମିଳିଛି ପୁରୀ ଜିଲ୍ଲା ଅସ୍ତରଙ୍ଗ ବ୍ଲକ ଅଞ୍ଚଳରେ । ସ୍ଥିତି ଏଭଳି ହେଲାଣି କି, ଆଶଙ୍କା ଭିତରେ ହଜାର ହଜାର ମତ୍ସ୍ୟଜୀବୀ ସେମାନଙ୍କ ବୋଟ ଅନ୍ୟକୁ ଟେକି ଦେବାକୁ ସଜବାଜ ହେଲେଣି । ଅନେକ ଦାଦନ ମୁହାଁ ହେବା ସହ ପେଟପାଟଣା ପାଇଁ ବାହାର ରାଜ୍ୟକୁ ଗଲେଣି ।…

ସମୁଦ୍ରକୁ ମାଛ ଧରିବାକୁ ଗଲେ ଥରକେ ଟ୍ରଲରରେ ୨୫ ଶହ ଲିଟର ଡିଜେଲ ନେବାକୁ ପଡ଼େ । ଲିଟର ପିଛା ହାହାହାରି ଶହେ ଟଙ୍କା ହିସାବ କଲେ ଅଢେଇ ଲକ୍ଷ ଟଙ୍କା ଖର୍ଚ୍ଚ ହେବ । ଏଥିସହ ୪୦ ହଜାର ଟଙ୍କାର ବରଫ, ୨୦ ହଜାରର ରାସନ ସହ ଅନ୍ୟାନ୍ୟ ଖର୍ଚ୍ଚ ଅଛି । ମାତ୍ର ସେହି ଅନୁପାତରେ ମାଛ ପଡୁନାହାନ୍ତି । ପୂର୍ବରୁ ଡିଜେଲ ବାବଦକୁ ୬୦ ହଜାର ଟଙ୍କା ଖର୍ଚ୍ଚ ହେଉଥିଲା । ତାହା ବୃଦ୍ଧି ପାଇ ୨ ଲକ୍ଷରୁ ଉର୍ଦ୍ଧ୍ଵ ଟପିଲାଣି । ଋଣ ସୁଝିବାକୁ ହାତ ଗଣତି ବୋଟ ସମୁଦ୍ରକୁ ଯାଉଥିଲା । ପୁଣି ଡିଜେଲ ଦର ବୃଦ୍ଧି ମତ୍ସ୍ୟଜୀବୀ ଓ ବୋଟ ମାଲିକଙ୍କ ମେରୁଦଣ୍ଡ ଦୋହଲାଇ ଦେଇଛି । ପହିଲି ରଜରୁ ସମୁଦ୍ରକୁ ବୋଟ ଗଡିବ କି ନାହିଁ ତାକୁ ନେଇ ଲାଗି ରହିଛି ଅନିଶ୍ଚିତତା । ମାଛଧରା ବନ୍ଦ ହୋଇଗଲେ ହଜାର ହଜାର ପରିବାରର ଜୀବିକା ଉଜୁଡିଯିବ । ଧାର କରଜ କରି ବୋଟ ଚଳାଉଥିବା ମାଲିକ, ମତ୍ସ୍ୟଜୀବୀ ଓ କର୍ମଚାରୀଙ୍କ ସ୍ଥିତି ଦୟନୀୟ ହୋଇପଡିବ । ସରକାର ତୁରନ୍ତ ଡିଜେଲ ଉପରେ ରିହାତି ଘୋଷଣା ନ କଲେ । ଅସ୍ତରଙ୍ଗରୁ ବୋଟ ଉଠିଯିବା ସହ ମାଛ ଦର ଆକାଶଛୁଆଁ ହେବା ନିଶ୍ଚିତ ।

ରାୟଗଡା : ଶୁଣିଲାନି ପ୍ରଶାସନ । ନିଜସ୍ଵ ଉଦ୍ୟମରେ କେନାଲ ମରାମତି କଲେ ଗ୍ରାମବାସୀ । ହାତରେ କୋଡି କୋଦାଳ ଧରି କିଏ ମାଟି ହାଣୁଛି । ତ ଆଉ କିଏ ବାଲି ସିମେଣ୍ଟ ବୋହୁଛି । ଏ ଦୃଶ୍ୟ ହେଉଛି ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ନିମଝୋଲା ଗାଁର । ପ୍ରଶାସନ ନିକଟରେ ବାରମ୍ବାର ଗୁହାରି କରି ନିରାଶ ହେବା ପରେ ଗ୍ରାମବାସୀ ମିଳିତ ଉଦ୍ୟମରେ କେନାଲ ମରାମତି କରିଛନ୍ତି । ଦୀର୍ଘ ଦିନ ହେବ କେନାଲ ଭାଙ୍ଗି ପାଣି ଅନ୍ୟତ୍ର ଚାଲିଯାଉଥିଲା । ବର୍ଷା ଜଳ କ୍ଷେତକୁ ମାଡୁ ନଥିଲା । ଚାଷ କାମ ବାଧାପ୍ରାପ୍ତ ହେଉଥିଲା । ଏବେ ପୁଣି ୯ ଶହ ଏକର ଜମିରେ ସୁନାର ଫସଲ ଫଳିବ ବୋଲି କହିଛନ୍ତି ଚାଷୀ ।…

ମାଝୀଗୁଡା ପଞ୍ଚାୟତ କୁରାଡି, ବାଲିପଦର ଓ ନିମଝୋଲା ଗାଁ ଲୋକଙ୍କ ମିଳିତ ଉଦ୍ୟମରେ ହେଲା କେନାଲ ମରାମତି । ପୂର୍ବରୁ ଏହି କାମ ରାୟଗଡା ଆଇଟିଡିଏ ବିଭାଗ କରିଥିଲା । କେନାଲ ମରାମତି ପାଇଁ ଚାଷୀ ଅନେକ ଥର ବିଭାଗକୁ ଲିଖିତ ଭାବେ ଜଣାଇଥିଲେ । ହେଲେ କୌଣସି ସୁଫଳ ମିଳିଥିବା ଅଭିଯୋଗ ହୋଇଛି । ଅନ୍ୟପଟେ ଚାଷୀଙ୍କ ସ୍ବାର୍ଥକୁ ଦୃଷ୍ଟିରେ ରଖି କେନାଲ ମରାମତି କାର୍ଯ୍ୟ ହେବ ବୋଲି କହିଛନ୍ତି ରାୟଗଡା ଅତିରିକ୍ତ ଜିଲ୍ଲାପାଳ । ଚାଷୀଙ୍କ ଦୁଃଖ ପ୍ରଶାସନ କେବେ ଶୁଣୁଛି ? ତାହା ଦେଖିବାକୁ ବାକି ରହିଲା ।

ପିପିଲି : ରୋଗଶଯ୍ୟାରେ ମହିଳା । ତାଙ୍କ ପକ୍ଷେ ଚାଲିକି ଯିବା ତ ଦୂରର କଥା । ନିଜ କାମ ନିଜେ କରିବା ହେଉନି ସମ୍ଭବ । ଏ ହେଉଛନ୍ତି ପିପିଲି ଗୋବିନ୍ଦପୁର ପଞ୍ଚାୟତ ଭାଲିଆବିଲି ଗାଁର ପଦ୍ମାବତୀ ପରିଡ଼ା । ବୟସ ୫୦ । ଦୀର୍ଘ ୭ ବର୍ଷ ହେଲା ଶଯ୍ୟାଶାୟୀ ଅଛନ୍ତି । ମେଡିକାଲ ପକ୍ଷରୁ ତାଙ୍କୁ ୪୦ ବଦଳରେ ୩୦ ପ୍ରତିଶତ ଦିବ୍ୟାଙ୍ଗ ପ୍ରମାଣପତ୍ର ଯୋଗାଇ ଦିଆଯାଇଛି । ଫଳରେ ସେ ଭତ୍ତା ପାଇବାରୁ ବଞ୍ଚିତ ଅଛନ୍ତି । ସରକାରୀ ସହାୟତା ଭାବେ ତାଙ୍କୁ କେବଳ ହୁଇଲ ଚେୟାର ଯୋଗାଇ ଦିଆଯାଇଛି ।…
ପଦ୍ମାବତୀଙ୍କ ଶଶୁର ବଳରାମ ପରିଡାଙ୍କୁ ବି ୮୪ ବର୍ଷ ଅତିକ୍ରମ କଲାଣି । ହେଲେ ତାଙ୍କୁ ବର୍ଦ୍ଧିତ ଭତ୍ତା ବଦଳରେ ଏକ ହଜାର ଟଙ୍କା ମିଳୁଛି । ଯାହା ସରକାରୀ ଅଧିକାରୀଙ୍କ ଦାୟିତ୍ଵହୀନତାକୁ ପଦାରେ ପକାଇଛି । ଘଟଣାକୁ ଗମ୍ଭୀରତାର ସହିତ ନେଇଛନ୍ତି ପିପିଲି ବିଡିଓ । ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀଙ୍କୁ ଘଟଣାର ଅନୁଧ୍ୟାନ କରି ପଦ୍ମାବତୀଙ୍କ ପରିବାରକୁ ତୁରନ୍ତ ଖାଉଟି କାର୍ଡ ଯୋଗାଇ ଦେବାକୁ ନିର୍ଦ୍ଦେଶ ଦେଇଛନ୍ତି । ଏଥିସହ ପଦ୍ମାବତୀଙ୍କୁ କିଭଳି ଭତ୍ତା ମିଳିପାରିବ ସେନେଇ ପଦକ୍ଷେପ ନିଆଯିବ ବୋଲି କହିଛନ୍ତି । ପଦ୍ମାବତୀଙ୍କୁ କେବେ ମିଳୁଛି ସରକାରୀ ସୁବିଧା ? ତାକୁ ହିଁ ଅପେକ୍ଷା ।