spot_img
Home Blog Page 2775

ଦୁଇଦିନିଆ ମୁମ୍ବାଇ ଗସ୍ତରେ ମୁଖ୍ୟମନ୍ତ୍ରୀ

ଭୁବନେଶ୍ୱର : ଦୁଇଦିନିଆ ମୁମ୍ବାଇ ଗସ୍ତରେ ଗଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆଜି ସନ୍ଧ୍ୟାରେ ଏସିଆନ ଓ୍ବାଇଲଡ଼ ଲାଇଫ ଟ୍ରଷ୍ଟର ଏକ କାର୍ଯ୍ୟକ୍ରମରେ ଯୋଗଦେବେ । ଏସିଆନ ହାର୍ଟ ଇନଷ୍ଟିଚ୍ୟୁଟର ପ୍ରତିଷ୍ଠାତା ଡାକ୍ତର ରମାକାନ୍ତ ପଣ୍ଡାଙ୍କ ଉଦ୍ୟମରେ ପ୍ରତିଷ୍ଠା ହୋଇଛି ଏସିଆନ ଓ୍ବାଇଲଡ଼ ଲାଇଫ ଟ୍ରଷ୍ଟ ।

ଆସନ୍ତାକାଲି ସନ୍ଧ୍ୟାରେ ଫେରିବେ ମୁଖ୍ୟମନ୍ତ୍ରୀ । ମୁଖ୍ୟମନ୍ତ୍ରୀଙ୍କ ସହ ଯାଇଛନ୍ତି ଫାଇଭ-ଟି ଓ ନବୀନ ଓଡିଶାର ଅଧ୍ୟକ୍ଷ ଭି.କେ. ପାଣ୍ଡିଆନ । ସନ୍ଧ୍ୟା ୭ ଟାରେ ଏହି କାର୍ଯ୍ୟକ୍ରମରେ ଯୋଗ ଦେବେ। ପରଦିନ ଅପରାହ୍ଣ ୪ ଟା ୪୫ରେ ମୁମ୍ବାଇ ଛାଡ଼ି ସନ୍ଧ୍ୟା ୬ଟା ୩୦ରେ ଭୁବନେଶ୍ୱରରେ ପହଞ୍ଚିବେ।

ଭୀଷଣ ବର୍ଷାରେ ବେହାଲ ତାମିଲନାଡୁ

ନନ୍ଦିଘୋଷ ବ୍ୟୁରୋ : ଭୀଷଣ ବର୍ଷାରେ ବେହାଲ ତାମିଲନାଡୁ। ଇରୋଡ ସହରରେ ପ୍ରବଳ ବର୍ଷାରୁ ଜଳବନ୍ଦୀ ସ୍ଥିତି ସୃଷ୍ଟି ହୋଇଛି । ବର୍ଷାକୁ ଦୃଷିରେ ରଖି  ପୁଡୁଚେରୀରେ ଆଜି ସ୍କୁଲ ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି ରାଜ୍ୟ ସରକାର। ଭାରତୀୟ ପାଣିପାଗ ବିଜ୍ଞାନ ପକ୍ଷରୁ କେରଳ, ତାମିଲନାଡୁ, ପୁଡୁଚେରୀକୁ ଅରେଞ୍ଜ ଆର୍ଲଟ ଜାରି କରାଯାଇଛି। ପୂର୍ବତଟ ମୌସୁମୀ ବାୟୁ ପ୍ରବାହରେ ଭୀଷଣ ବର୍ଷା ହୋଇଥିବାରୁ ଆଇଏମଡିଙ୍କ ପକ୍ଷରୁ କେରଳ ଓ ତାମିଲନାଡୁରେ ଲୋକଙ୍କୁ ସତର୍କ ରହିବାକୁ କୁହାଯାଇଛି ।

ଏହି ଖବର ପଢନ୍ତୁ : ଆସନ୍ତା କାଲି ସୂର୍ଯ୍ୟ କିରଣ ଦେଖିବେ ଟନେଲରେ ଫସିଥିବା ଶ୍ରମିକ !

କେରଳରେ ଆଜି ଏବଂ ଆସନ୍ତାକାଲି ପ୍ରବଳ ବର୍ଷା ହେବାର ସମ୍ଭାବନା ରହିଛି। ଚେନ୍ନାଇ ସ୍ଥିତି ଆଂଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ  ତାମିଲନାଡୁର ୧୦ରୁ ଅଧିକ ଜିଲ୍ଲାରେ ଆଗାମୀ ଦୁଇ ଦିନ ପର୍ଯ୍ୟନ୍ତ ପ୍ରବଳ ବର୍ଷା ହେବ ବୋଲି ଆକଳନ କରାଯାଇଛି। କେରଳର ତିରୁୱନନ୍ତପୁରମରେ ୫ରୁ ୭ସେଣ୍ଟିମିଟର ପର୍ଯ୍ୟନ୍ତ ବର୍ଷା ରେକର୍ଡ କରାଯାଇଛି ।

ଆସନ୍ତା କାଲି ସୂର୍ଯ୍ୟ କିରଣ ଦେଖିବେ ଟନେଲରେ ଫସିଥିବା ଶ୍ରମିକ !

ଉତ୍ତରାଖଣ୍ଡ : ଉତ୍ତରକାଶୀ ଟନେଲରେ ଫସିଛନ୍ତି ୪୧ ଶ୍ରମିକ। ବିତିଗଲାଣି ୧୧ ଦିନ। ଦିନରାତି ଏକ କରି ଉଦ୍ଧାର କାର୍ଯ୍ୟ ଜାରି ରଖିଛନ୍ତି ଉଦ୍ଧାରକାରୀ ଟିମ୍। ଏପର୍ଯ୍ୟନ୍ତ ଟନେଲର ୩୯ ମିଟର ପର୍ଯ୍ୟନ୍ତ ଖନନ କରାଯାଇଛି। ସମୁଦାୟ ୫୭ ରୁ ୬୦ ମିଟର ପର୍ଯ୍ୟନ୍ତ ଖନନ କରାଯିବ ବୋଲି ଉଦ୍ଧାରକାରୀ ଟିମର ସଦସ୍ୟ କହିଛନ୍ତି । ଆହୁରୀ ମଧ୍ୟ କହିଛନ୍ତି ଯେ,  ଯଦି ସବୁ କିଛି ଠିକ୍ ରୁହେ ତେବେ ଆଜି ରାତି ସୁଦ୍ଧା ଉଦ୍ଧାର କାର୍ଯ୍ୟ ଶେଷ ହେବ ବୋଲି ଆଶା କରାଯାଉଛି।

ଗତକାଲି ଶ୍ରମିକଙ୍କ ପ୍ରଥମ ଭିଡିଓ ସାମ୍ନାକୁ ଆସିଥିଲା । ଫସି ରହିଥିବା ଶ୍ରମିକଙ୍କୁ ଗତକାଲି ପ୍ରଥମ ଥର ରନ୍ଧା ଖାଦ୍ୟ ପାଇପ ସାହାର୍ଯ୍ୟରେ ପଠାଯାଇଥିଲା । ଶ୍ରମିକମାନେ ସୁରକ୍ଷିତ ଥିବା ଭିଡିଓରୁ ଜଣାପଡିଛି । ଖୁବଶୀଘ୍ର ଶ୍ରମିକମାନେ ଉଦ୍ଧାର ହେବେ ବୋଲି କୁହାଯାଉଛି ।


ଏହି ଉଦ୍ଧାର କାର୍ଯ୍ୟରେ ଭାରତୀୟ ସେନା, NDRF, SDRF, BRO, NHIDCL, ଉତ୍ତରାଖଣ୍ଡ ପୋଲିସ, SJVNL, RVNL, ଲାରସେନ୍ ଆଣ୍ଡ ଟୁବ୍ରୋ, THDC, ବିପର୍ଯ୍ୟୟ ପରିଚାଳନା ବିଭାଗ, ଜିଲ୍ଲା ପ୍ରଶାସନ, ONGC, ITBP, ରାଜ୍ୟ PWD, DRDO, ପରିବହନ ମନ୍ତ୍ରଣାଳୟ, ଗୃହ ସୁରକ୍ଷା କର୍ମୀମାନେ ଜଡିତ ଅଛନ୍ତି ।

ଏଥିପାଇଁ ବଡ଼ ବଡ଼ ମେସିନକୁ ନିୟୋଜିତ କରାଯାଇଛି। ଶ୍ରମିକଙ୍କ ଉଦ୍ଧାର ଲାଗି ୨୪ ଘଣ୍ଟିଆ ଚାଲିଛି ରେସକ୍ୟୁ ଅପରେସନ। ଫାଇଭ୍ ପଏଣ୍ଟ ପ୍ଲାନ୍ ଉପରେ ଚାଲିଛି କାମ। ଉପର, ଆଗ, ପଛ ସହ ଦୁଇ ପଟୁ ଚାଲିଛି ଡ୍ରିଲିଂ । ସମାନ୍ତରାଳ ଭାବେ ହରିଜଣ୍ଟାଲ ଡ୍ରିଲିଂ ମଧ୍ୟ ଚାଲିଛି । ବର୍ତ୍ତମାନ ଏହା ୩୯ ମିଟର ଖୋଳା ସରିଲାଣି। ମୋଟ ୬୦ ମିଟର ଥିବାରୁ ଆଉ ମାତ୍ର ୨୧ ମିଟର ରହିଛି । ଯେଉଁପଟେ ପ୍ରଥମେ ଶ୍ରମିକଙ୍କ ନିକଟରେ ପହଞ୍ଚିବେ ସେହିପରେ ଉଦ୍ଧାରକାର୍ଯ୍ୟ ଆରମ୍ଭ ହେବ। ଟନେଲ ଧସିବା ସ୍ଥଳରେ ୪୦ଟି ଆମ୍ବୁଲାନ୍ସ ଆଣି ରଖାଯାଇଛି। ଶ୍ରମିକଙ୍କୁ ଉଦ୍ଧାର ପରେ ତୁରନ୍ତ ସେମାନଙ୍କୁ ନିକଟ ହସ୍ପିଟାଲକୁ ନିଆଯିବ। ଯଦି କିଛି ଅସୁବିଧା ହୁଏ ତେବେ ଉଦ୍ଧାରକାର୍ଯ୍ୟ ୨ରୁ ୧୫ ଦିନ ପର୍ଯ୍ୟନ୍ତ ମଧ୍ୟ ଚାଲିପାରେ ବୋଲି କହିଛନ୍ତି ଉଦ୍ଧାରକାରୀ ଟିମର ସଦସ୍ୟ।

 

 

’ଗୁଗୁଲ ବୟ’ଙ୍କ ଜ୍ଞାନ ଦେଖି ଆଶ୍ଚର୍ଯ୍ୟ ହେଲେ ଅମିତାଭ, ଜାଣନ୍ତୁ ବିରାଟଙ୍କ ସମ୍ପର୍କରେ ଅଜଣା କଥା

ନୂଆଦିଲ୍ଲୀ: ’କୈନ ବନେଗା କରୋଡ ପତି’ରେ ବିଗ୍ ବି ଅମିତାଭ ବଚ୍ଚନଙ୍କ ଉଡିଲା ହୋସ୍ । ୮ ବର୍ଷର ଗୁଗୁଲ ବୟର ଜ୍ଞାନ ଦେଖି ଆଶ୍ଚର୍ଯ୍ୟ ହେଲେ ବିଗ୍ ବି । ‘କୌନ୍ ବନେଗା କରୋଡପତି ଜୁନିୟରସ’ରେ ଅନେକ ପିଲାମାନେ ଭାଗ ନେଉଛନ୍ତି। ସମସ୍ତ ପିଲାମାନେ କେହି କାହାଠାରୁ କମ୍ ନୁହଁନ୍ତ । ସେମାନଙ୍କର ପ୍ରିତିଭା ଏବଂ ଜ୍ଞାନ ଦେଖି ବିଗ୍ ବି ଙ୍କ ସହ ପୁରା ଦେଶ ଆଶ୍ଚର୍ଯ୍ୟ ହୋଇଛି। ସୋ’ର ଗୋଟିଏ ଏପିସୋଡରେ ‘ଗୁଗୁଲ ବୟ’  ବିରାଟ ଆୟର ଆସିଥିଲେ। ବିରାଟଙ୍କ ସ୍ମରଣ ଶକ୍ତି, ବିଚିକ୍ଷଣ ବୃଦ୍ଧି ଏବଂ ପ୍ରଶ୍ନର ଉତ୍ତର ଫଟାଫଟ୍ ଦେବା ଦେଖି ବିଗ୍ ବି ଆଶ୍ଚର୍ଯ୍ୟ ଚକିତ ହୋଇଥିଲେ ।

ବିରାଟଙ୍କ ବିଷୟରେ ଯେତେବେଳେ ତାଙ୍କ ମା’ଙ୍କୁ ପଚାରା ଯାଇଥିଲା ସେତେବେଳେ ସେ କହିଥିଲେ ଯେ, ବିରାଟର ସ୍ମରଣ ଶକ୍ତି ଅନ୍ଯ ପିଲାଙ୍କ ଠାରୁ ଭିନ୍ନ । ସେ ବହୁତ୍ ଜଲଦି ମନେ ରଖିବା ସହ ଅନେକ ଆଶ୍ଚର୍ଯ୍ୟ ହେଲା ଭଳି କାର୍ଯ୍ୟ କରିଥାନ୍ତି ।  ୬ ବର୍ଷରୁ ଜଣାପଡିଥିଲା ଯେ, ବିରାଟଙ୍କ ପ୍ରଖର ସ୍ମରଣ ଶକ୍ତି ଅଛି । ଏହା ଭଗବାନଙ୍କ ବରଦାନ ବୋଲି କହିଛନ୍ତି ବିରାଟଙ୍କ ମାଆ ।

ସୋ’ରେ ବିରାଟଙ୍କ ସ୍କୁଲ ଶିକ୍ଷୟୀତ୍ରୀଙ୍କୁ ପଚାରା ଯିବାରୁ ସେ ବିରାଟଙ୍କ ପ୍ରଂଶସା କରିଥିଲ । ଶିକ୍ଷୟତ୍ରୀ କହିଥିଲେ କି ବିରାଟ ବହୁତ ଶୀଘ୍ର ସବୁ ଜିନିଷ ମନେ ରଖିଦବା ସହ ସମସ୍ତ ପ୍ରଶ୍ନର ଉତ୍ତର ସଠିକ୍ ଦେଇଥାନ୍ତି । ସ୍କୁଲରେ ବିରାଟ୍ ’ଗୁଗୁଲ ବୟ’ ନାମରେ ପରିଚିତ । ବିରାଟ ପାଠ ପଢା ସହ ଚେସ୍ ଏବଂ ସଙ୍ଗୀତରେ ମଧ୍ୟ ମାହିର ଅଟନ୍ତି । ମାତ୍ର ୮ ବର୍ଷ ବୟସରେ ୩୦ଟି ଷ୍ଟେଟ୍ ଆୱାର୍ଡ ଜିତିଛନ୍ତି । ଏବଂ ବିରାଟ ବଡ ହୋଇ ଚେସରେ ଗ୍ରାଣ୍ଡ ମାଷ୍ଟର ହେବେ ବୋଲି ଲକ୍ଷ୍ୟ ରଖିଛନ୍ତି ।

ଡେଷ୍ଟ୍ରୟର INS ଇମ୍ଫାଲରୁ ବ୍ରହ୍ମୋସ ମିସାଇଲର ସଫଳ ପରୀକ୍ଷଣ

ନୂଆଦିଲ୍ଲୀ: ଭାରତୀୟ ନୌସେନାର ଯୁଦ୍ଧପୋତରୁ ବ୍ରହ୍ମୋସ ମିସାଇଲର ସଫଳ ପରୀକ୍ଷଣ। ଯୁଦ୍ଧ ଜାଜାଜରୁ ଏହି ବ୍ରହ୍ମୋସ ମିସାଇଲର ଅପଗ୍ରେଡ୍ ଭର୍ସନର ପରୀକ୍ଷଣ କରାଯାଇଛି। ଭାରତୀୟ ନୌସେନାର ଯୁଦ୍ଧ ଜାହାଜ ଆଇଏନଏସ ଇମ୍ଫାଲରୁ ଏହି ସୁପରସୋନିକ କ୍ରୁଜ୍ ମିସାଇଲ ବ୍ରହ୍ମୋସର ପରୀକ୍ଷଣ କରଯାଇଥିଲା । ବ୍ରହ୍ମୋସକୁ ଛାଡିବା ପରେ ଉପରକୁ ଉଠି ୯୦ଡିଗ୍ରୀରେ ବୁଲି କ୍ଷୀପ୍ର ଗତିରେ ଯାଇ ଟାର୍ଗେଟକୁ ମାଡ଼ କରିଥିଲା। ପ୍ରଥମଥର ଲାଗି ନୋସୈନାରେ ସାମିଲ ହେବା ପୂର୍ବରୁ କୌଣସି ଯୁଦ୍ଧପୋତରୁ ବ୍ରହ୍ମୋସ ମିସାଇଲକୁ ଛଡା ଯାଇଥିଲା । ଚଳିତ ବର୍ଷ ଶେଷ ସୁଦ୍ଧା ଏହି ଯୁଦ୍ଧପୋତକୁ ଭାରତୀୟ ନୋସେନାରେ ସାମିଲ କରାଯିବ। ଆଇଏନଏସ୍ ଇମ୍ଫାଲକୁ ମାଝଗାଓଁ ଡକୟାର୍ଡରେ ନିର୍ମାଣ କରାଯାଇଛି ।ଯୁଦ୍ଧପୋତର ଓଜନ ୭ ହଜାର ୪ଶହ ଟନ ହୋଇଥିବାବେଳେ ଲମ୍ବ ୫୩୫ ଫୁଟ୍।

ଏହା ଏକ ଡିଜେଲ-ଇଲେକ୍ଟ୍ରିକ୍ ଚାଲିତ ଯୁଦ୍ଧପୋତ। ସର୍ବାଧିକ ୫୬ କିମି ବେଗରେ ଏହା ଗତି କରିପାରିବ। ଏହାକୁ ୩୩ କିଲୋମିଟର ଗତିରେ ଚଳାଇଲେ ଏହା ୧୫ ହଜାର କିଲୋମିଟର ପର୍ଯ୍ୟନ୍ତ ଚାଲିପାରିବ। ଏହା ୪୫ ଦିନ ପର୍ଯ୍ୟନ୍ତ ସମୁଦ୍ରରେ ବିଚରଣ କରିପାରିବ । ଏଥିରେ ୪ଟି ବୋଟ୍ ମଧ୍ୟ ରହିଛି ।ଦେଶର ଏହା ନୂତନ ଗାଇଡେଡ଼ ମିସାଇଲ ଡ୍ରେଷ୍ଟ୍ରୟର। ଭାରତୀୟ ନୋସେନା ଏବଂ ପ୍ରତିରକ୍ଷା ଗବେଷଣା ସଂସ୍ଥା ପକ୍ଷରୁ ଏହି ପରୀକ୍ଷଣ କରାଯାଇଥିଲା ।ସ୍ବଦେଶୀ ଜ୍ଞାନକୌଶଳରେ ଯୁଦ୍ଧପୋତ ମିସାଇଲର ବିକାଶ ସହ ସଫଳ ପରୀକ୍ଷଣ ଯୋଗୁଁ ପ୍ରତିରକ୍ଷାମନ୍ତ୍ରୀ ଡିଆରଡିଓ ଏବଂ ନୌବାହିନୀ କର୍ତ୍ତୃପକ୍ଷଙ୍କୁ ଅଭିନନ୍ଦନ ଜଣାଇଥିଲେ।

ବିଜେପି ଛାଡ଼ି ବିଜେଡିରେ ମିଶିଲେ ତ୍ରିପୁରାରୀ ଗରଡ଼ା

ଭୁବନେଶ୍ବର: ବିଜେଡିକୁ ଫେରିଲେ କୋରାପୁଟ ବିଜେପି ପ୍ରାର୍ଥୀ ତ୍ରିପୁରାରୀ ଗରଡା ।  ବୁଧବାର ଶଙ୍ଖ ଭବନରେ ଦଳର ଏକ ମିଶ୍ରଣ ପର୍ବରେ ତ୍ରିପୁରାରୀ ଶଙ୍ଖ ଫୁଙ୍କିଛନ୍ତି । ତାଙ୍କୁ ସାଂସଦ ମାନସ ମଙ୍ଗରାଜ ଦଳକୁ ପାଛୋଟି ନେଇଛନ୍ତି । ଏହି ଅବସରରେ ବରିଷ୍ଠ ନେତା ଦିବ୍ୟଶଙ୍କର ମିଶ୍ର, ଝିନ୍ନ ହିକକା ପ୍ରମୁଖ ଦଳୀୟ ନେତା ଉପସ୍ଥିତ ଥିଲେ । ମୁଖ୍ୟମନ୍ତ୍ରୀଙ୍କ ବିକାଶ କାର୍ଯ୍ୟରେ ଆକୃଷ୍ଟ ହୋଇ ତ୍ରିପୁରାରୀ ବିଜେଡିରେ ସାମିଲ ହୋଇଛନ୍ତି । ତ୍ରିପୁରାରୀଙ୍କ ସହ ବିଜେପିର ଅନେକ କର୍ମକର୍ତ୍ତା ଓ ସମର୍ଥକ ସାମିଲ ହୋଇଛନ୍ତି । ତ୍ରିପୁରାରୀ ୨୦୧୯ରେ ବିଜେପିରେ ଯୋଗ ଦେଇ ପ୍ରାର୍ଥୀ ହୋଇଥିଲେ । ବିଜେପିର କାର୍ଯ୍ୟଶୈଳୀ ବଦଳିଛି । ଯାହା ତାଙ୍କୁ ପସନ୍ଦ ଲାଗିଲାନି । ତେଣୁ ସେ ପୁଣି ଥରେ ବିଜେଡିକୁ ଫେରିଆସିଲେ ବୋଲି ବିଜେଡିରେ ମିଶିବା ପରେ ତ୍ରିପୁରାରୀ ପ୍ରତିକ୍ରିୟାରେ କହିଛନ୍ତି । ମୁଖ୍ୟମନ୍ତ୍ରୀଙ୍କ ବିକାଶ କାର୍ଯ୍ୟରେ ଅନୁପ୍ରାଣିତ ହୋଇ ଫେରିଆସିଲି ବୋଲି କହିଛନ୍ତି ତ୍ରିପୁରାରୀ । ବିଜେଡି ପକ୍ଷରୁ ତ୍ରିପୁରାରୀଙ୍କୁ ଶୁଭେଚ୍ଛା ଜଣାଇଛନ୍ତି ସାଂସଦ ମାନସ ମଙ୍ଗରାଜ । ତ୍ରିପୁରାରୀଙ୍କ ଯୋଗଦାନ କୋରାପୁଟରେ ବିଜେଡିକୁ ଆହୁରି ମଜବୁତ କରିବ ବୋଲି ସେ ଆଶା କରିଛନ୍ତି ।

ଗୌତମ ଗମ୍ଭୀରଙ୍କ ଘର ବାହୁଡ଼ା, କେକେଆରର ତୁଲାଇବେ ମେଣ୍ଟର ଦାୟିତ୍ବ

ନୂଆଦିଲ୍ଲୀ: ଆଇପିଏଲ ଟିମ କୋଲକାତା ନାଇଯ ରାଇଡର୍ସ ଟିମକୁ ଫେରିଲେ ଗୌତମ ଗମ୍ଭୀର। ୨୦୨୪ ସିଜିନରେ ତୁଲାଇବେ ମେଣ୍ଟର ଦାୟିତ୍ବ। ଲକ୍ଷ୍ନୌ ସୁପର ଜାଏଣ୍ଟର ମେଣ୍ଟର ପଦ ଛାଡ଼ିଥିବାବେଳେ ଟିମ ଏବଂ ମାଲିକଙ୍କୁ ଧନ୍ୟବାଦ ଜଣାଇଛନ୍ତି ଭାରତୀୟ କ୍ରିକେଟ ଦଳର ଏହି ପୂର୍ବତନ ବ୍ୟାଟ୍ସମ୍ୟାନ । ଏହାସହ କେକେଆରର ନୂଆ ମେଣ୍ଟର ଦାୟିତ୍ବ ତୁଲାଇବା ନେଇ କୋଲକାତା ନାଇଟ ରାଇଡର୍ସ ପକ୍ଷରୁ ଏକ ପ୍ରେସ ରିଲିଜରେ ପ୍ରକାଶ କରାଯାଇଛି । ଶାହାରୁଖ ଖାନଙ୍କ ଟିମ କୋଲକାତାର ମୁଖ୍ୟ କୋଚ ଦାୟିତ୍ବ ତୁଲାଉଥିବା ଚନ୍ଦ୍ରକାନ୍ତ ପଣ୍ଡିତଙ୍କ ସହ ଆଲୋଚନା କରିବା ସହ ଦଳ କିଭଳି ଆଗାମୀ ସିଜିନରେ ପ୍ରଦର୍ଶନ କରିବ ସେ ନେଇ ଆଲୋଚନା ମଧ୍ୟ କରିଛନ୍ତି ।

୨୦୧୧ରୁ ୧୦୧୭ ପର୍ଯ୍ୟନ୍ତ କେକେଆର ଟିମର ଅଧିନାୟକଭାବେ ଖେଳିଛନ୍ତି ଗୌତମ ଗମ୍ଭୀର । ତାଙ୍କ ଅଧିନାୟକତ୍ବରେ ଦଳ ଦୁଇ ଦୁଇଥର ଚାମ୍ପିୟନ ମଧ୍ୟ ହୋଇଛି । କିନ୍ତୁ ଶେଷ ସମୟରେ ୨୦୧୮ ଆଇପିଏଲ ସିଜିନରେ ଦିଲ୍ଲୀ ପକ୍ଷରୁ ଖେଳିଥିବାବେଳେ ଖରାପ ପ୍ରଦର୍ଶନ କରିଥିଲେ । ଏହାପରେ ସେ ଆଇପିଏଲରୁ ସନ୍ୟାସ ନେଇଥିଲେ । ପରେ ୨୦୨୨ ଏବଂ ୨୩ ସିଜିନରେ ନୂଆ ଟିମ ଲକ୍ଷ୍ନୌର ମେଣ୍ଟରଭାବେ କାର୍ଯ୍ୟ ତୁଲାଇଥିଲେ । ଦଳ ଭଲ ପ୍ରଦର୍ଶନ କରିଥିଲେ ସୁଦ୍ଧା କପ ହାତେଇ ପାରିନାହିଁ । ଏବେ ପୁଣିଥରେ କେକେଆରକୁ ଫେରିଥିବାବେଳେ ଦଳ ଶକ୍ତିଶାଳି ହେବ ବୋଲି ଆଶା ରଖାଯାଇଛି ।

ମୁମ୍ବାଇରେ ସୁଟକେଶ ଭିତରେ ସୁନ୍ଦରଗଡ଼ ଯୁବତୀଙ୍କ ମୃତଦେହ

ବ୍ୟୁରୋ ରିପୋର୍ଟ: ମୁମ୍ବାଇରେ ସୁଟକେଶ ଭିତରେ ସୁନ୍ଦରଗଡ଼ ଯୁବତୀଙ୍କ ମୃତଦେହ । ହତ୍ୟା ପରେ ଅଭିଯୁକ୍ତ ଓସ୍କାର ମନୋଜ ବାର୍ଲା ଫେରାର ହେଉଥିବା ବେଳେ ଥାନେ ରେଲଓ୍ବେ ଷ୍ଟେସନରୁ ଗିରଫ କରିଛି କୁର୍ଲା ପୋଲିସ । ଗିରଫ ପରେ ତିନି ଦିନିଆ ରିମାଣ୍ଡରେ ଆଣି ପଚରାଉଚରା କରୁଛି ପୋଲିସ । ଅଭିଯୁକ୍ତ ମନୋଜ ସୁନ୍ଦରଗଡ଼ ତଳସରା ଥାନା ସାହେବଡେରା ଗାଁର ବୋଲି ଜଣାପଡିଛି । ଗତ ୧୯ ତାରିଖରେ ମୁମ୍ବାଇ କୁର୍ଲା ସିଏସଟି ଷ୍ଟେସନ ନିକଟ ଏକ ରାସ୍ତାରୁ ମୃତଦେହ ଭର୍ତ୍ତି ସୁଟକେଶ ଜବତ କରିଥିଲା ରେଳବାଇ ପୋଲିସ । ସୁଟକେଶରୁ ଜଣେ ଯୁବତୀଙ୍କ ମୃତଦେହ ରେଳବାଇ ପୋଲିସ ଉଦ୍ଧାର କରିଥିଲା । ତଦନ୍ତ ପରେ ମୃତକ ସୁନ୍ଦରଗଡ଼ ଜିଲ୍ଲାର ବୋଲି ପଡ଼ିଥିଲା । ମୃତକ ହେଉଛନ୍ତି ସୁନ୍ଦରଗଡ଼ ଜିଲ୍ଲା ଲେଫିପଡ଼ା ଅଞ୍ଚଳର ପ୍ରତିମା କେରକେଟା । ଯୁବତଙ୍କ ମୃତ ଦେହ ଆଣିବାକୁ ପରିବାର ଲୋକ ମୁମ୍ବାଇ ଯାଇଛନ୍ତି । ପୋଲିସ ସୂଚନା ଅନୁସାରେ ମନୋଜ ଓ ପ୍ରତିମା ମୁମ୍ବାଇର ଧରାବି ଅଞ୍ଚଳରେ ଲିଭ-ଇନରେ ରହୁଥିଲେ । ହେଲେ ଅନ୍ୟ ଜଣେ ଯୁବକଙ୍କ ସହ ପ୍ରେମ ସମ୍ପର୍କ ଥିବା ସନ୍ଦେହ କରି ପ୍ରେମିକାକୁ ତଣ୍ଟି ଚିପି ହତ୍ୟା କରିଛି ମନୋଜ ।

ଡିଭିଲିୟର୍ସଙ୍କ ପସନ୍ଦର ବିଶ୍ବକପ ପ୍ଲେଇଙ୍ଗ ୧୧, ସ୍ଥାନ ପାଇଲେ ୫ ଭାରତୀୟ ଖେଳାଳି

ନୂଆଦିଲ୍ଲୀ: ନିକଟରେ ସରିଛି ଦିନିକିଆ ବିଶ୍ବକପ । ଭାରତକୁ ହରାଇ ଅଷ୍ଟ୍ରେଲିଆ ହୋଇଛି ବିଶ୍ବ ବିଜେତା । ବିଶ୍ବକପରେ ପସନ୍ଦର ପ୍ଲେଇଙ୍ଗ ୧୧ ଦଳ ବାଛୁଛନ୍ତି ଦିଗଜ କ୍ରିକେଟର । ଏହି ଅବସରରେ ନିଜର ପସନ୍ଦର ପ୍ଲେଇଙ୍ଗ ୧୧ ବାଛିଛନ୍ତି ଦକ୍ଷିଣ ଆଫ୍ରିକାର ପୂର୍ବତନ ଅଧିନାୟକ ଏ.ବି. ଡିଭିଲିୟର୍ସ । ଯେଉଁଥିରେ ସେ ୫ଜଣ ଖେଳାଳିଙ୍କୁ ସ୍ଥାନ ଦେଇଛନ୍ତି । ରୋହିତ ଶର୍ମା ଏବଂ ବିରାଟ କୋହଲିଙ୍କ ଭଳି ଅଭିଜ୍ଞ ଖେଳାଳିଙ୍କୁ ନିଜ ଦଳରେ ସ୍ଥାନ ଦେଇଛନ୍ତି । ତେବେ ଟ୍ରିଭସ ହେଡ ଏବଂ ରୋହିତ ଶର୍ମାଙ୍କୁ ଓପନରଭାବେ ବାଛିଛନ୍ତି । ବିଶ୍ବକପ ଫାଇନାଲରେ ହେଡ ଦମଦାର ଶତକୀୟ ପାଳି ଖେଳି ଅଷ୍ଟ୍ରେଲିଆକୁ ଜିତାଇଥିଲେ ।

ସେପଟେ ରୋହିତ ଚଳିତ ବିଶ୍ବକପରେ ଦମଦାର ବ୍ୟାଟିଂ କରି ୫ଶହରୁ ଅଧିକ ସ୍କୋର କରିଛନ୍ତି । ତେବେ ଡିଭିଲିୟର୍ସଙ୍କ ପସନ୍ଦର ପ୍ଲେଇଙ୍ଗ ୧୧ରେ ରହିଥିବା ୫ ଜଣ ଭାରତୀୟ ଖେଳାଳି ହେଲେ ରୋହିତ ଶର୍ମା, ବିରାଟ କୋହଲି, ଶ୍ରେୟସ ଆୟାର, ରବିନ୍ଦ୍ର ଜାଡେଜା ଏବଂ ମହମ୍ମଦ ସାମି । ଅନ୍ୟପଟେ ବିଦେଶୀ ଖେଳାଳିଙ୍କ ମଧ୍ୟରେ ରହିଛନ୍ତି ଟ୍ରାଭିସ ହେଡ୍, ରଚିନ ରବିନ୍ଦ୍ର, ମ୍ୟାକ୍ସଓ୍ବେଲ, ଆଦାମ ଜାମ୍ପା, ଦିଲଶନ ମଦୁଶଙ୍କା ଏବଂ କୋଏଟଜି ।

ଡିଭିଲିୟର୍ସ ଏକ ସନ୍ତୁଳିତ ଦଳ ବାଛିଥିବାବେଳେ ପେସର ସ୍ପିନର ଏବଂ ଅଲରାଉଣ୍ଡର ସ୍ଥାନ ପାଇଛନ୍ତି । ମ୍ୟାକ୍ସଓ୍ବେଲ ଏବଂ ରବିନ୍ଦ୍ର ଜାଡେଜା ଉଭୟ ବୋଲିଂ ସାଙ୍ଗକୁ ବ୍ୟାଟିଂ କରିପାରିବେ । ବୋଲରଙ୍କ ମଧ୍ୟରେ ପେସରମାନେ ମଧ୍ୟ ଚଳିତ ବିଶ୍ବକପରେ ଦମଦାର ପ୍ରଦର୍ଶନ କରିଛନ୍ତି ।

 

ବାଘ ଆତଙ୍କ, ଗାଁରେ ପଶି ଗାଇକୁ ଖାଇଲା

ଗଜପତି: ଗାଈକୁ ମାରି ଖାଇଲା ବାଘ । ଗଜପତି ଜିଲ୍ଲା ରାୟଗଡ ବ୍ଲକ କୁମୁଲୁସିଂ  ଅଁଳାବର ଗାଁ ଜଙ୍ଗଲରେ ଗାଈକୁ ଖାଇଲା ମହାବଳ ବାଘ । ଯାହାର ଫଟୋ ଟ୍ରାପ କ୍ୟାମେରାରେ କଏଦ ହୋଇଛି । ମହାବଳ ବାଘଟି ଗତ ଦୁଇ ଦିନ ହେଲା ଆନ୍ଧ୍ର ପ୍ରଦେଶର ସାରାଳି ନିକଟରେ ବୁଲୁଥିବାର ଖବର ରହିଥିଲା । ବର୍ତ୍ତମାନ ବାଘଟି ଦେବଗିରି ବନାଞ୍ଚଳର କୁମୁଲୁସିଙ୍ଗି ବିଟ୍‌ ଇଲାକାରେ ଚଳପ୍ରଚଳ କରୁଥିବାର ଦେଖାଯାଇଛି । ଏନେଇ ଗ୍ରାମବାସୀଙ୍କୁ ସତର୍କ କରାଇଛି ବନବିଭାଗ ।ସରକାରୀ ନିୟମ ଅନୁସାରେ  ଗାଈ ମାଲିକ ରୁସାନ ଶବରଙ୍କୁ  ୩୭ ହଜାର ୫୦୦ ଟଙ୍କା ଦିଆଯିବ ବୋଲି ସୂଚନା ମିଳିଛି ।