କେନ୍ଦୁଝର : ଅନେକ ସମୟ ଅପେକ୍ଷାପରେ ହାତୀ ଛୁଆକୁ କୋଳେଇ ନେଲା ମା’ହାତୀ । ଅଲଗା ହୋଇଥିବା ହାତୀ ଶାବକକୁ ହାତୀପଲଙ୍କ ସହ ମିଶାଇଲେ ବନ କର୍ମଚାରୀ । ଦୀର୍ଘ ୨ ଘଣ୍ଟାର ପ୍ରଚେଷ୍ଟା ପରେ ୨୨ ଟିକିଆ ହାତୀପଲରୁ ଅଲଗା ହୋଇଥିବା ଛୁଆହାତୀକୁ ମା ହାତୀ ସହିତ ମିଶାଇଲେ ବନ ବିଭାଗ ଓ ସ୍ଥାନୀୟ ଲୋକେ । ଏଭଳି ଏକ ଦୃଶ୍ୟ ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ପାଟଣା ରେଞ୍ଜ ସାହାରପଡା ସେକ୍ସନ୍ ଗୋହିରା ଗାଁରେ । ୨୨ଟିକିଆ ହାତୀପଲ ମଧ୍ୟରୁ ଏକ ଛୁଆହାତୀ ଅଲଗା ହୋଇ ମାଆକୁ ଖୋଜି ଏଣେତେଣେ ଦଉଡ଼ୁଥିଲା । ଏନେଇ ଲୋକେ ବନ ବିଭାଗକୁ ଖବର ଦେଇଥିଲେ । ବନ ବିଭାଗର କଥା ମାନି ହାତୀଛୁଆଟିକୁ କୌଣସି ଲୋକ ଛୁଇଁ ନଥିଲେ । ଏଥିପାଇଁ ପୁନର୍ବାର ତା ଛୁଆକୁ ମାଆ ହାତୀ କୋଳେଇ ନେଇ ସାଙ୍ଗରେ ବୁଲାଉଥିବା ଦେଖିବାକୁ ମିଳିଛି l ସ୍ଥାନୀୟ ଲୋକ ଓ ବନ ବିଭାଗର ଉଦ୍ୟମ ପାଇଁ ଛୁଆ ହାତୀଟି ମାଆ ପାଖକୁ ଫେରିଥିବାରୁ ସ୍ଥାନୀୟ ଅଞ୍ଚଳରେ ଖୁସିର ଲହରୀ ଖେଳି ଯାଇଛି l
ମହିଳା ସଂରକ୍ଷଣ ବିଲ୍ ନେଇ BJDର ଆଭିମୁଖ୍ୟ ସ୍ପଷ୍ଟ
ଭୁବନେଶ୍ବର: ମହିଳା ସଂରକ୍ଷଣ ବିଲ୍ ନେଇ ବିଜୁ ଜନତା ଦଳର ଆଭିମୁଖ୍ୟ ସ୍ପଷ୍ଟ। ସଂରକ୍ଷଣ ବ୍ୟବସ୍ଥା ନଥାଇ ବି ଦଳ ପକ୍ଷରୁ ଏକ ତୃତୀୟାଂଶ ମହିଳାଙ୍କୁ ଗତ ଲୋକସଭା ନିର୍ବାଚନରେ ପ୍ରାର୍ଥୀ କରିଥିଲା। ପୂର୍ବରୁ ଦଳ ୩୩ ପ୍ରତିଶତ ମହିଳାଙ୍କୁ ସଂରକ୍ଷଣ ଦେବା ନେଇ ଦାବି କରିଆସୁଛି । ସଂସଦରେ ମଧ୍ୟ ଏ ନେଇ ବାରମ୍ବାର ଦାବି ଉଠାଇଛି ବିଜେଡି। ଏପରିକି ଦେଶ ସାରା ବୁଲି ବୁଲି ବିଭିନ୍ନ ଦଳର ମୁଖିଆମାନଙ୍କୁ ଭେଟି ସହଯୋଗ ଲୋଡିଛି । ବିଲକୁ ଉପରାଷ୍ଟ୍ରପତି ଯଦି ସମର୍ଥନ କରୁଛନ୍ତି, ଦେଶରେ ଏହାକୁ ନେଇ ସହମତି ହେବ। ମହିଳା ସଂରକ୍ଷଣ ବିଲ ଦୀର୍ଘ ଦିନ ହେବ ପଡିରହିଛି। ପ୍ରସଙ୍ଗକୁ ନେଇ ବିଜୁ ଜନତା ଦଳ ସବୁଠୁ ଆଗରେ ରହିବ।
ବିଜେଡି ଏହି ପ୍ରସଙ୍ଗ ବାରମ୍ବାର ଉଠାଇଛି। ଏହି ପ୍ରସଙ୍ଗରେ ବିଜେଡିର ପ୍ରସ୍ତାବକୁ ସବୁ ରାଜନୈତିକ ଦଳ ଏକପ୍ରକାର ସମର୍ଥନ ଦେଇଛନ୍ତି । ଆନୁଷ୍ଠାନିକ ଭାବେ ବିଧି ବ୍ୟବସ୍ଥା ଭିତରେ ସଂରକ୍ଷଣ ବିଲ ଆସି ସଂସଦରେ ଗୃହୀତ ହେବ ବୋଲି ବିଜେଡି ବିଧାୟକ ଅମର ଶତପଥୀ କହିଛନ୍ତି। ୨୦୧୦ ମସିହାରେ ରାଜ୍ୟସଭାରେ ମହିଳା ସଂରକ୍ଷଣ ବିଲ୍ ପାସ ହୋଇଥିଲେ ବି ଲୋକସଭାରେ ପାରିତ ହୋଇପାରିନଥିଲା। ଗତ ସୋମବାର ସଂସଦରେ ମହିଳା ଆବଶ୍ୟକ ପ୍ରତିନିଧିତ୍ବ ଖୁବ୍ ଶୀଘ୍ର ପାଇବେ ବୋଲି ଉପରାଷ୍ଟ୍ରପତି ଏକ କାର୍ଯ୍ୟକ୍ରମରେ କହିଥଲେ। ଉପରାଷ୍ଟ୍ରପତି ଜଗଦୀପ ଧନଖଡ଼ଙ୍କ ବୟାନ ପରେ ସେପ୍ଟେମ୍ବର ୧୮ରୁ ୨୨ ତାରିଖ ପର୍ଯ୍ୟନ୍ତ ସଂସଦର ସ୍ବତନ୍ତ୍ର ଅଧିବେଶନରେ ମହିଳା ସଂରକ୍ଷଣ ବିଲ୍ ଆସିବା ନେଇ ଚର୍ଚ୍ଚା ଜୋର ଧରିଛି।
ଅଭିନୟ ସାଙ୍ଗକୁ ଘର ପରିବାର ଛାଡ଼ି କୃଷ୍ଣଙ୍କ ଭକ୍ତିରେ ଅଭିନେତ୍ରୀ
ନୂଆଦିଲ୍ଲୀ: ଆଜି ହେଉଛି ପବିତ୍ର ଜନ୍ମାଷ୍ଟମୀ । ଶ୍ରୀକୃଷ୍ଣଙ୍କ ଭକ୍ତିରେ ବିଭୋର ଭକ୍ତ । ଗାଁଠୁ ସହର ସବୁଠି ଉତ୍ସବ ମୁଖର । ଲୋକ ଭୋଗ ବିଳାସ ସହ ଜୀବନ ଜିଉଁଥିବାବେଳେ ଭକ୍ତିରେ ବିଶ୍ବାସ କରନ୍ତି । କିନ୍ତୁ ଅଭିନୟ ସହ ପରିବାର ଛାଡ଼ି କୃଷ୍ଣଙ୍କ ଭକ୍ତିରେ ନିଜକୁ ହଜାଇ ଦେଇଛନ୍ତି ଅଭିନେତ୍ରୀ । ’ଅନୁପମା’ ସରିଏଲର ନନ୍ଦିନୀ । ଯିଏକି ଘରେ ଘରେ ପରିଚିତ ଥିଲେ । ଗତବର୍ଷ ସେ ସୋସିଆଲ ମିଡିଆ ଜରିଆରେ ଜଣାଇଥିଲେ କି, ସେ ଅଭିନୟ ଛାଡ଼ି କୃଷ୍ଣ ଭକ୍ତି କରୁଛନ୍ତି ।
ନୂପୁର ଅଳଙ୍କାର: ଶକ୍ତିମାନ, ଘର କି ବେଟି ଲକ୍ଷ୍ମୀୟାଁ ଭଳି ଘରେ ଘରେ ପରିଚିତ ଟିଭି ସିରିୟଲରେ ଭଅିନୟ କରିଥିବା ନୂପୁର ପରିବାର ସାଙ୍ଗକୁ ଅଭିନୟ ଛାଡ଼ି ଦେଇଛନ୍ତି । କୃଷ୍ଣଙ୍କ ପ୍ରେମରେ ନିଜକୁ ହଜାଇ ଦେଇଥିବା ନଜର ଆସିଛନ୍ତି ।
ପ୍ରିୟଙ୍କା ପଣ୍ଡିତ: ଭଜପୁରୀ ଅଭିନେତ୍ରୀ ପ୍ରିୟଙ୍କା ଆଜିକାଲି କୃଷ୍ଣଙ୍କ ଭକ୍ତି କରୁଥିବା ଦେଖିବାକୁ ମିଳୁଛନ୍ତି । କିନ୍ତୁ କିଛି ବର୍ଷ ପୂର୍ବେ ତାଙ୍କର ଏକ ଏମଏମଏସ ଭିଡିଓ ଭିଡିଓ ଭାଇରାଲ ହୋଇଥିଲା । ଏହାପରେ ସେ ଅଭିନୟ ଛାଡ଼ିବା ସହ ଭଗବାନଙ୍କ ଭକ୍ତି କରିବା ଆରମ୍ଭ କରିଛନ୍ତି ।
ନୂଆ ନୁହେଁ ପୁରୁଣା ସଂସଦ ଭବନରେ ହେବ ସ୍ବତନ୍ତ୍ର ଅଧିବେଶନ
ନୂଆଦିଲ୍ଲୀ: ଆସନ୍ତା ସେପ୍ଟେମ୍ବର ୧୮ ତାରିଖରୁ ସ୍ବତନ୍ତ୍ର ଅଧିବେଶନ ଡକାଇଛନ୍ତି ପ୍ରଧାନମନ୍ତ୍ରୀ । ତେବେ ନୂଆ ସଂସଦ ଭବନରେ ଏହି ସ୍ବତନ୍ତ୍ର ଅଧିବେଶନ ଅନୁଷ୍ଠିତ ହେବ ବୋଲି ଚର୍ଚ୍ଚା ହେଉଥିଲା । କିନ୍ତୁ ସେମିତି କିଛି ହେବ ନାହିଁ ବୋଲି ସ୍ପଷ୍ଠ ହୋଇଛି । ନୂଆ ସଂସଦ ଭବନରେ ସ୍ବତନ୍ତ୍ର ଅଧିବେଶନ ଅନୁଷ୍ଠିତ ହେବ ବୋଲି ଏ.ଏନ.ଆଇ. ପକ୍ଷରୁ ଏକ ଟ୍ବିଟ୍ କରାଯାଇଛି । ଏହି ସୂତ୍ରକୁ ଦେଖିବାକୁ ଗଲେ ପୁରୁଣା ସଂସଦ ଭବନରେ ଅଧିବେଶନ ଅନୁଷ୍ଠିତ ହେବ ।
ଗଣେଷ ଚତୁର୍ଥୀରେ ସଂସଦର ନୂତନ ଗୃହ ଉଦଘାଟନ ହେବା ସହ ଏହି ନୂଆ ଗୃହରେ ସ୍ୱତନ୍ତ୍ର ଅଧିବେଶନ ଅନୁଷ୍ଠିତ ହେବାକୁ ଯାଉଛି । ୧୮ ତାରିଖର ବୈଠକ ପୁରୁଣା ସଂସଦ ଗୃହରେ ଅନୁଷ୍ଠିତ ହେବ । ମାତ୍ର ୧୯ ରୁ ୨୨ ତାରିଖ ପର୍ଯ୍ୟନ୍ତ ୪ଟି କାର୍ଯ୍ୟ ଦିବସ ନୂଆ ସଂସଦରେ ଅନୁଷ୍ଠିତ ହେବ ।
’ଇଣ୍ଡିଆ’ ବନାମ ’ଭାରତ’, ଜାଣନ୍ତୁ କ’ଣ କହୁଛନ୍ତି ବିରୋଧୀ ନେତା
ନୂଆଦିଲ୍ଲୀ: ଇଣ୍ଡିଆ ବନାମ ଭାରତ । ଏହାକୁ ନେଇ ଏବେ ସାରା ଦେଶରେ ଦେଖିବାକୁ ମିଳିଛି ରାଜନୀତି । ନାଁ ବଦଳିରେ କଣ ହେବ । କାହିଁକି ବଦଳାଇବାକୁ ଚାହୁଁଛନ୍ତି । ସେପଟେ ଇଣ୍ଡିଆ ମେଣ୍ଟକୁ ନେଇ ମଧ୍ୟ ଗଣମାଧ୍ୟମରେ ଖବରର ଶିରୋନାମା ପାଲଟିଛି । ତେବେ ଯଦି ନାଁ ବଦଳେ ତାହେଲେ କଣ ହେବ ଏହାକୁ ନେଇ ବିଶିଷ୍ଟ ରାଜନେତାମାନେ ଭିନ୍ନ ଭିନ୍ନ ମତମାନ ଦେଇଛନ୍ତି ।
ମମତା ବାନାର୍ଜୀ: କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ସେ କହିଛନ୍ତି କି, ଜି-୨୦ ଶିଖର ସମ୍ମିଳନୀ କାର୍ଡରେ କେନ୍ଦ୍ର ସରକାର ଭାରତ ଉଲ୍ଲେଖ କରିଛନ୍ତି । ଆମେ ଇଂରାଜୀରେ ଇଣ୍ଡିଆ ଏବଂ ହିନ୍ଦୀରେ ଭାରତ କହୁ । ଯାହା ସମସ୍ତେ ବେଶ ଭଲଭାବେ ଜାଣନ୍ତି । କିନ୍ତୁ ହଠାତ ଏମିତି କଣ ହେଲା ଯେ ନାମ ପରିବରର୍ତ୍ତନ କରିବାକୁ ପଡ଼ିଲା ।
ଏମ୍.କେ. ଷ୍ଟାଲିନ୍: ତାମିଲନାଡ଼ୁ ମୁଖ୍ୟମନ୍ତ୍ରୀ ଷ୍ଟାଲିନ୍ କହିଛନ୍ତି କି, ଫାସିବାଦୀ ବିଜେପି ଶାସନକୁ ହଟାଇବା ପାଇଁ ବିରୋଧୀମାନେ ଏକ ମେଣ୍ଟ ଗଠନ କରିଛନ୍ତି । ଯାହାର ନାମ ’ଇଣ୍ଡିଆ’ ରଖିଛନ୍ତି । ବିଜେପି ନାମ ଡରରେ ଭାରତ ନାମ ରଖିଛନ୍ତି ।
ଅଧିର ରଞ୍ଜନ ଚୌଧୁରୀ: ହିନ୍ଦୁ ନାମ ଇଂରେଜମାନେ ଦେଇଛନ୍ତି । ମୋତେ ଲାଗୁଛି କି, ପିଏମ ମୋଦି ’ଇଣ୍ଡିଆ’ ନାମକୁ ଡରୁଛନ୍ତି । ଯେବେଠାରୁ ’ଇଣ୍ଡିଆ’ ନାମରେ ଗଠବନ୍ଧନ ହୋଇଛି ସେବେଠାରୁ ମୋଦି ଏହି ନାମକୁ ଘଣା କରୁଛନ୍ତି । ଯଦି ତାଙ୍କୁ ଇଂରେଜଙ୍କ ପ୍ରତି ଏତେ ଘୃଣା ରହିଛି ତାହେଲେ ରାଷ୍ଟ୍ରପତି ଭବନ ଯାହା ଭାଇସରାୟଙ୍କ ଘରଥିଲା ଏହାକୁ କଣ ପରିତ୍ୟାଗ କରାଯିବ କି?
ଅରବିନ୍ଦ କେଜ୍ରିଓ୍ବାଲ: ଯଦି କିଛି ଦଳର ଗଠବନ୍ଧନର ନାମ ଇଣ୍ଡିଆ ରଖାଗଲା ତାହେଲେ ଦେଶର ନାମ ବଦଳାଇବା ଦୁର୍ଭାଗ୍ୟଜନକ । ଦେଶ ହେଉଛି ୧୪୦ କୋଟି ଲୋକଙ୍କର କେଉଁ ଦଳର ନୁହେଁ । ଯଦି ଇଣ୍ଡିଆ ବଦଳରେ ଗଠବନ୍ଧନ ଭାରତ ନାମରେ ହୋଇଥାନ୍ତା ତାହେଲେ କଣ ଦେଶର ନାମ ବିଜେପି ରଖିଥାନ୍ତେ କି? ବିଜେପିକୁ ଲାଗୁଛି କି, ସେମାନଙ୍କର ଭୋଟ କମିଯିବ । ଏଣୁ ସେମାନେ ନାମ ବଦଳାଇବାକୁ ଚାହୁଁଛନ୍ତି ।
ଲିବରେସନ: ସିପିଆଇ ବିଧାୟକ କହିଛନ୍ତି ଯେ ମୋଦି ସରକାର ନୋଟବନ୍ଦୀ ପରେ ନାମବନ୍ଦୀ କରିବାକୁ ଯାଉଛନ୍ତି ।
ତେଜସ୍ବି ଯାଦବ: ବିହାରର ଉପମୁଖ୍ୟମନ୍ତ୍ରୀ ତେଜସ୍ବୀ ଯାଦବ କହିଛନ୍ତି କି, ପ୍ରଧାନନ୍ତ୍ରୀ ପୂର୍ବରୁ କହୁଥିଲେ ଭୋଟ୍ ଫର୍ ଇଣ୍ଡିଆ, ମେକ ଇଣ୍ଡିଆ । ସେତେବେଳେ କଣ ଇଂରେଜଙ୍କ ପ୍ରତି ତାଙ୍କର ଘୃଣା ନଥିଲା । ’ଇଣ୍ଡିଆ’ ଗଠବନ୍ଧନ ହେବା ପରେ ବିଜେପି ଡରିଯାଇଛି । ତେବେ ମିଳିତ ମଞ୍ଚର ସ୍ଲୋଗାନ ରହିଛି କି, ଜୁଡେଗା ଇଣ୍ଡିଆ ଜିତେଗା ଭାରତ । ଯଦି ଭାରତ ସହ କୌଣସି ଅସୁବିଧା ନାହିଁ ତାହେଲେ ଇଣ୍ଡିଆ ଲେଖିବାରେ କଣ ଅସୁବିଧା ରହିଛି । ଇଣ୍ଡିଆ ଏବଂ ଭାରତ ସମାନ ତେବେ ଏହି ସମୟରେ ଏମିତି ରାଜନୀତି କରିବା ପଛରେ କେବଳ ଭୟ ହିଁ ରହିଛି ।
ରାଘବ ଚଢ଼ା: ଏବେ ଆମର ଜାତୀୟ ପରିଚୟ ଏବେ ବିଜେପିର ବ୍ୟକ୍ତିଗତ ସମ୍ପତ୍ତି ନୁହେଁ ।
ମସ୍କୋରେ ଉତ୍ତର କୋରିଆ-ଋଷ ଭେଟଘାଟ, ଚିନ୍ତା ପ୍ରକଟ କଲା ଆମେରିକା
ମସ୍କୋ: ଋଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ସାକ୍ଷାତ କରିପାରନ୍ତି ନର୍ଥକୋରିଆ ନେତା କିମ୍ ଜଙ୍ଗ ଉନ । କ୍ଷେପଣାସ୍ତ୍ର ପରୀକ୍ଷଣକୁ ନେଇ ଆମେରିକା ଟାର୍ଗେଟରେ ନର୍ଥ କୋରିଆ ଥିବାବେଳେ କିମଙ୍କ ମସ୍କୋଗସ୍ତ ବିବାଦ ସୃଷ୍ଟି କରିବା ସମ୍ଭାବନା ସୃଷ୍ଟି ହୋଇଛି । ଆମେରିକା ପକ୍ଷରୁ କୁହାଯାଇଛି- ୟୁକ୍ରେନ ଯୁଦ୍ଧ କାରଣରୁ ନର୍ଥକୋରିଆ ଠାରୁ ଋଷ ଯୁଦ୍ଧାସ୍ତ୍ର କ୍ରୟ କରିବା ସମ୍ଭାବନା ରହିଛି । ପ୍ରତିବଦଳରେ ନର୍ଥକୋରିଆ ଋଷଠାରୁ ଖାଦ୍ୟ ଓ ଶକ୍ତି ସହାୟତା ଚାହିଁପାରେ ବୋଲି ସୂଚନା ମିଳିଛି ।
ଗତ ୨୦୨୦ରେ ନିଜର ଆକାଶ ସୀମାକୁ ବନ୍ଦ କରିବା ପରେ ସମ୍ଭବତଃ ଏହା ହେବ କିମଙ୍କ ପ୍ରଥମ ବିଦେଶ ଗସ୍ତ । ଗତ ଜୁଲାଇରେ ଋଷ ପ୍ରତିରକ୍ଷା ମନ୍ତ୍ରୀ ସର୍ଗେଇ ସୋଇଗୁ ନର୍ଥକୋରିଆ ଗସ୍ତ କରିଥିଲେ ଏବଂ ଦୁଇ ଦେଶ ମଧ୍ୟରେ ପ୍ରତିରକ୍ଷା ସହଯୋଗ ସମ୍ପର୍କରେ ଆଲୋଚନା କରିଥିଲେ ।
ଆମେରିକା, ଜାପାନ ଓ ସାଉଥକୋରିଆ ମଧ୍ୟରେ ସାମରିକ ମେଣ୍ଟ ଶକ୍ତିଶାଳୀ ହେଉଥିବାବେଳେ ନର୍ଥକୋରିଆ ଓ ଋଷର ସହଭାଗିତାକୁ ଏହି ୩ ରାଷ୍ଟ୍ର ସହଜରେ ଗ୍ରହଣ କରିପାରୁନାହାନ୍ତି । ଗତବର୍ଷ ଋଷକୁ ନର୍ଥକୋରିଆ ଗୁଳିଗୋଳା, ରକେଟ ଆଦି ସହାୟତା କରିଥିଲା ବୋଲି ଆମେରିକା ସନ୍ଦେହ କରିଥିଲା । ସେପଟେ ଯଦି ୟୁକ୍ରେନ ବିରୋଧୀ ଯୁଦ୍ଧରେ ଋଷକୁ ନର୍ଥକୋରିଆ ଅସ୍ତ୍ରଶସ୍ତ୍ର ଯୋଗାଏ ତେବେ ନର୍ଥକୋରିଆକୁ ମୂଲ୍ୟ ଦେବାକୁ ପଡିପାରେ ବୋଲି ସତର୍କ କରାଇଛନ୍ତି ଆମେରିାକର ଜାତୀୟ ନିରାପତ୍ତା ପରାମର୍ଶଦାତା ଜେକ ସୁଲିଭାନ ।
ପୁଣି ଏକ ଚିଠିରେ ‘ପ୍ରାଇମ ମିନିଷ୍ଟର ଅଫ ଭାରତ’ ଉଲ୍ଲେଖ, ତାତିଲା କଂଗ୍ରେସ
ନୂଆଦିଲ୍ଲୀ: ଇଣ୍ଡିଆ ବନାମ ଭାରତକୁ ନେଇ ଜାରି ରହିଛି ବିବାଦ । ଗ୍ରୁପ୨୦ ନେତାଙ୍କ ନୈଶ୍ୟ ଭୋଜି ଲାଗି ରାଷ୍ଟ୍ରପତିଙ୍କ ନିମନ୍ତ୍ରଣ ପତ୍ରରେ ପ୍ରେସିଡେଣ୍ଟ ଅଫ ଇଣ୍ଡିଆ ବଦଳରେ ପ୍ରେସିଡେଣ୍ଟ ଅଫ ଭାରତ ଉଲ୍ଲେଖ ଥିବାବେଳେ ଅନ୍ୟ ଏକ ପତ୍ରରେ ପ୍ରାଇମ ମିନିଷ୍ଟର ଅଫ ଭାରତ ଲେଖାଯିବାକୁ ନେଇ ବଢିଛି ବିବାଦ ।
ବିଂଶତମ ଏସିଆନ-ଇଣ୍ଡିଆ ସମ୍ମିଳନୀ ଓ ଅଷ୍ଟାଦଶତମ ପୂର୍ବ ଏସିଆ ସମ୍ମିଳନୀ ଲାଗି ପ୍ରସାରିତ ପତ୍ରରେ ପ୍ରାଇମ ମିନିଷ୍ଟର ଅଫ ଭାରତ ଲେଖାଯାଇଛି । ଏହି ପ୍ରସଙ୍ଗକୁ ନେଇ କଟାକ୍ଷ କରିଛନ୍ତି କଂଗ୍ରେସ ସାଧାରଣ ସମ୍ପାଦକ ଜୟରାମ ରମେଶ । ସେ କହିଛନ୍ତି ବିରୋଧୀ ମେଣ୍ଟର ନାମ ଇଣ୍ଡିଆ ରହିବାରୁ ହିଁ ଏସବୁ ନାଟକ ଚାଲିଛି ।
ଆସନ୍ତା ୧୮ରୁ ୨୨ ଯାଏ ସଂସଦ ଅଧିବେଶନ ବସିବାକୁ ଯାଉଥିବାବେଳେ ଗ୍ରୁପ-୨୦ ସମ୍ମିଳନୀ ୯ ଓ ୧୦ରେ ଅନୁଷ୍ଠିତ ହେବ । ସେହିପରି ବିଭିନ୍ନ ଅନ୍ତର୍ଜାତୀୟ ସମ୍ମିଳନୀ ଅନୁଷ୍ଠିତ ହେବାକୁ ଯିବା ପୂର୍ବରୁ ଭାରତ ଓ ଇଣ୍ଡିଆକୁ ନେଇ ବିବାଦ ନାଟକୀୟ ପରିସ୍ଥିତି ସୃଷ୍ଟି କରିଛି । । ସେହିପରି କଂଗ୍ରେସ ନେତା ଶଶୀ ଥରୁର କହିଛନ୍ତି- ଇଣ୍ଡିଆକୁ ଭାରତ ବୋଲି କହିବାରେ ସେପରି କୌଣସି ସାମ୍ବିଧାନିକ ପ୍ରତିବନ୍ଧକ ନାହିଁ ।
ତେବେ ଶହ ଶହ ବର୍ଷ ଧରି ଚାଲିଆସିଥିବା ଇଣ୍ଡିଆ ଶବ୍ଦକୁ ହଟାଇଦେବା ବୋକାମୀ ହେବ । ଇଣ୍ଡିଆ ନାମକୁ ପାକିସ୍ତାନର ପ୍ରତିଷ୍ଠାତା ମହମ୍ମଦ ଅଲି ଜିନ୍ନା ବିରୋଧ କରିଥିଲେ ବୋଲି ସେ କହିଛନ୍ତି ।
ଆସୁଛନ୍ତି ଆମେରିକା ରାଷ୍ଟ୍ରପତି ବାଇଡେନ, ନିୟୋଜିତ ହେବେ ୨୧ରୁ ୨୮ ବର୍ଷ ବୟସ୍କ ଅଫିସର
ନୂଆଦିଲ୍ଲୀ: ଅତ୍ୟାଧୁନିକ ହେଲିକପ୍ଟରରୁ ବିଶ୍ବର ସବୁଠାରୁ ଦାମୀ କାର୍ । ଅତ୍ୟାଧୁନିକ ଅସ୍ତ୍ରଶସ୍ତ୍ର ଠାରୁ ଆରମ୍ଭ କରି ହଜାର ହଜାର ରାଉଣ୍ଡ ବୁଲେଟ, ହ୍ୟାଣ୍ଡକଫ୍, ବ୍ୟାଟନ, ଚାରି ପାଦିଆ ବମ୍ବ ଡିଟେକ୍ଟର, ଏକ କଣ୍ଟ୍ରୋଲ ରୁମ ଓ ଏକ ପାରାଲାଲ କମ୍ୟୁନିକେସନ ସିଷ୍ଟମ । ଆସନ୍ତାକାଲି ଆମେରିକା ରାଷ୍ଟ୍ରପତି ଜୋ ବାଇଡେନ ଭାରତ ଗସ୍ତରେ ଆସୁଥିବାବେଳେ ତାଙ୍କ ଲାଗି କରାଯାଇଛି ହାଇପ୍ରୋଫାଇଲ ସିକ୍ୟୁରିଟି ବ୍ୟବସ୍ଥା ।
ବାଇଡେନଙ୍କ ଲାଗି ସ୍ବତନ୍ତ୍ର ବ୍ୟବସ୍ଥା ହେଉଥିବାବେଳେ ତାଙ୍କର ପାଖେ ପାଖେ ରହି ସୁରକ୍ଷା ଦେବେ ସବୁଠାରୁ ଅଧିକ ପ୍ରଶିକ୍ଷିତ ଓ ସର୍ବାଧିକ ଫିଟ ଅଫିସର ଯାହାଙ୍କ ବୟସ ୨୧ରୁ ୨୮ ବର୍ଷ ମଧ୍ୟରେ ହୋଇଥିବ । ସେହି ଅଫିସରମାନଙ୍କ ନିକଟରେ ଏମ୪, ଗ୍ଲକ ପରି ପିସ୍ତଲ, ଲଙ୍ଗରେଞ୍ଜ ଓ ସର୍ଟରେଞ୍ଜ ଅସ୍ତ୍ରଶସ୍ତ୍ର ରହିବ । ସେହିପରି ସେମାନଙ୍କ ନିକଟରେ ରହିବ ବୁଲେଟ ପ୍ରୁଫ ବ୍ୟବସ୍ଥା ।
ସୁରକ୍ଷା ଟିମ ନିକଟରେ ଚାରିପାଦିଆ ବମ୍ବ ଡିଟେକ୍ଟର ନିୟୋଜିତ ହେବ । ଏହି ଡିଟେକ୍ଟରଗୁଡିକ ବାଇଡେନଙ୍କ ଚାରିପାଖକୁ ଯାଞ୍ଚ କରିବ । ବାଇଡେନଙ୍କ ଯିବା ଆସିବା ଲାଗି ଦି ବିଷ୍ଟ ସମେତ ଲଙ୍ଗରେଞ୍ଜ ଯାନ ଗୁଡିକୁ ହସ୍ତାନ୍ତର ପ୍ରକ୍ରିୟା ଜାରି ରହିଛି । ବାଇଡେନ ପହଞ୍ଚିବା ପୂର୍ବରୁ ବିମାନବନ୍ଦର ଆଖପାଖ ଅଞ୍ଚଳ ଖାଲି କରିଦିଆଯିବ ।
୧୮ରୁ ସଂସଦର ସ୍ବତନ୍ତ୍ର ଅଧିବେଶନ, ଆଜି ପ୍ରଧାନମନ୍ତ୍ରୀଙ୍କୁ ଚିଠି ଲେଖିବେ ସୋନିଆ
ନୂଆଦିଲ୍ଲୀ: ସଂସଦର ସ୍ବତନ୍ତ୍ର ଅଧିବେଶନ ପ୍ରସଙ୍ଗ। ଆଜି ପ୍ରଧାନମନ୍ତ୍ରୀଙ୍କୁ ଚିଠି ଲେଖିବେ କଂଗ୍ରେସ ସଂସଦୀୟ ଦଳ ନେତ୍ରୀ ସୋନିଆ ଗାନ୍ଧୀ । ସ୍ବତନ୍ତ୍ର ଅଧିବେଶନ ଏଜେଣ୍ଡା ସ୍ପଷ୍ଟ କରିବାକୁ ଚିଠି ଲେଖିବେ ସୋନିଆ ।
୨୪ ବିରୋଧୀ ଦଳ ପକ୍ଷରୁ ପ୍ରଧାନମନ୍ତ୍ରୀଙ୍କୁ ଚିଠି ଲେଖାଯିବ । ସଂସଦର ସ୍ବତନ୍ତ୍ର ଅଧିବେଶନ ଡକାଯାଇଥିବା ବେଳେ ଏଜେଣ୍ଡା ସାର୍ବଜନୀନ କରିବାକୁ ଦାବି କରିବେ ବିରୋଧୀ । ଆସନ୍ତା ୧୮ରୁ ୨୨ ଯାଏଁ ବସିବ ସଂସଦର ସ୍ବତନ୍ତ୍ର ଅଧିବେଶନ ।
ପୁରୀ କେନାଲକୁ ଗାଧୋଇବାକୁ ଆସି ଭାସିଗଲେ, ଏବେବି ନାବାଳକର ମିଳୁନି ପତ୍ତା
ପୁରୀ: କେନାଲରେ ଭାସିଗଲେ ନାବାଳକ । ବାଲିଅନ୍ତା ରଙ୍ଗବଜାର ନିକଟ ପୁରୀ କେନାଲରେ ୧୭ ବର୍ଷର ନାବାଳକ ଭାସିଯାଇଛନ୍ତି । ନିଖୋଜ ନାବାଳକ ଝାରପଡ଼ା ଅଞ୍ଚଳର । ଗତକାଲି ସାଙ୍ଗମାନଙ୍କ ସହ ନଦୀକୁ ଗାଧୋଇବାକୁ ଆସିଥିବା ବେଳେ ନାବାଳକ ଜଣଙ୍କ ଭାସିଯାଇଥିଲେ।
ଅନେକ ଖୋଜାଖୋଜି ପରେ ବି ତାଙ୍କ ପତ୍ତା ମିଳିପାରିନାହିଁ । ଏବେ ବି ଅଗ୍ନିଶମ ବାହିନୀ ସର୍ଚ୍ଚ ଅପରେସନ ଚଳାଇଛି ।