spot_img
Home Blog Page 2774

ଓଡ଼ିଶାରେ ବଢୁଛି ଇଲେକ୍ଟ୍ରିକ ଗାଡ଼ିର ଚାହିଦା

ଭୁବନେଶ୍ୱର : ସଫଳ ହେଉଛି ରାଜ୍ୟ ସରକାରଙ୍କ ପ୍ରଦୂଷଣ ମୁକ୍ତ ପରିବେଶ ଯୋଜନା। ପ୍ରୋତ୍ସାହନ ଯୋଗୁଁ ଅନ୍ୟ ରାଜ୍ୟ ତୁଳନାରେ ଓଡ଼ିଶାରେ ବଢୁଛି ଇଲେକ୍ଟ୍ରିକ ଗାଡ଼ିର ଚାହିଦା।

ଇଭି ଗାଡ଼ି କିଣା ବାବଦକୁ ରାଜ୍ୟ ସରକାର ସବସିଡି ବାବଦରେ ଖର୍ଚ୍ଚ କରିଛନ୍ତି ୭୦ କୋଟିରୁ ଉର୍ଦ୍ଧ୍ବ ଟଙ୍କା। ତେଣୁ ୨୦୨୪ ସୁଦ୍ଧା ରାଜ୍ୟରେ ଇଭି ଗାଡ଼ିର ସଂଖ୍ୟା ଆହୁରି ବଢିବ ବୋଲି ଆଶା ରଖିଛି ପରିବହନ ବିଭାଗ। ବର୍ତ୍ତମାନ ସୁଦ୍ଧା ମୋଟ ୪୨. ୩୮୨ ଇଲେକଟ୍ରିକ୍ ଗାଡି ରାସ୍ତାରେ ଚାଲୁଛି । ସେଥିମଧ୍ୟରୁ ୨ ଚକିଆ ୩୭ ହଜାର ୪୨୨, ୩ ଚକିଆ ୩ ହଜାର ୮୯୨ ଓ ୧ ହଜାର ୬୮ଟି ୪ ଚକିଆ ଗାଡ଼ି ଚାଲୁଛି।

ଆଗାମୀ ଦିନରେ ଏହାର ସଂଖ୍ୟା ଆହୁରି ବୃଦ୍ଧି ପାଇବ ସହ ଇଲେଟ୍ରିକ ଗାଡି ଅଧିକରୁ ଅଧିକ ବିକ୍ରିହେବ ଆକଳନ କରିଛି ରାଜ୍ୟ ପରିବହନ ବିଭାଗ।

୨୭ ତାରିଖରୁ ବାଲିଯାତ୍ରା, ମହାନଦୀ ପଠାରେ ଜମିବ ବାଣିଜ୍ୟ ମେଳା

କଟକ: ପାଖେଇ ଆସିଲାଣି କଟକ ବାଲିଯାତ୍ରା। ୨୭ ତାରିଖରୁ ମହାନଦୀ ପଠାରେ ଜମିବ ବାଣିଜ୍ୟ ମେଳା। ସାମିଲ ହେବେ ରାଜ୍ୟ ତଥା ରାଜ୍ୟ ବାହାରର ବ୍ୟବସାୟୀ। କଟକ ବାଲିଯାତ୍ରାର ଅନ୍ୟତମ ପ୍ରମୁଖ ଆକର୍ଷଣ ହେଉଛି ଓରମାସ। ପ୍ରତିବର୍ଷ ମହାନଦୀ ବାଲୁକା ଶଯ୍ୟାରେ ଅନୁଷ୍ଠିତ ଜାତୀୟ ସ୍ତରୀୟ ପଲ୍ଲିଶ୍ରୀ ମେଳା। ୨୦୨୨ରେ ଏଠାରେ ୩୫୦ ଷ୍ଟଲ ହୋଇଥିବା ବେଳେ ଏଥର ୪୫୦ ଷ୍ଟଲ ଖୋଲିବ। ମିଶନ ଶକ୍ତି, ନାବାର୍ଡ, ହସ୍ତଶିଳ୍ପ, ବୟନ ଶିଳ୍ପ ସାଙ୍ଗକୁ ବାହାର ରାଜ୍ୟର ଉଦ୍ୟୋଗୀ ତାଙ୍କ ଉତ୍ପାଦ ନେଇ ଏଠାକୁ ଆସିବେ। ଯାତ୍ରାର ସିଂହ ଭାଗ ଆର୍ଥିକ କାରବାର ପଲ୍ଲିଶ୍ରୀ ମେଳାରେ ହୋଇଥାଏ । ସେଥିପାଇଁ ଏବେଠାରୁ ଆରମ୍ଭ ହେଲାଣି ଷ୍ଟଲ ନିର୍ମାଣ। ଏଥର ମଧ୍ୟ ବେଶ ଭଲ ବ୍ୟବସାୟ ହେବ ବୋଲି ଆଶା ରଖିଛନ୍ତି ଆୟୋଜକ ।

ଏଥର ଯାତ୍ରାର ଅନ୍ୟତମ ଆକର୍ଷଣ ସାଜିବାକୁ ଯାଉଛି ଗ୍ରାମୀଣ ଓଡିଶା । ସୁବାସ କ୍ରିଏସନ ପକ୍ଷରୁ ପ୍ରଥମ ଥର ପାଇଁ କଟକ ଇନ କଟକରେ କରାଯାଉଥିବା ପ୍ରାୟ ୨୮ ଟି ପ୍ରକଳ୍ପରେ ଗୋପାଳନ, କୁକୁଡ଼ା, ବତକ, ଛେଳି ପାଳନ, ମାଛ ଚାଷ, ଛତୁ ଚାଷ ଆଦି ଗ୍ରାମ୍ୟ ପରିବେଶ ମଧ୍ୟରେ ଉପସ୍ଥାପନ କରାଯିବ। ଏହା ଦେଖଣାହାରୀଙ୍କୁ ଆନନ୍ଦ ଦେବା ସହିତ ଓଡିଶାର ଶିକ୍ଷିତ ଯୁବକ ଯୁବତୀଙ୍କୁ ଆତ୍ମ ନିର୍ଭରଶୀଳ ହେବା ପାଇଁ ପ୍ରେରଣା ଯୋଗାଇବ। ପ୍ରକଳ୍ପକୁ ପୂର୍ଣ୍ଣାଙ୍ଗ ରୂପ ଦେବାକୁ ଲାଗି ପଡ଼ିଛନ୍ତି କାରିଗର।

ଆଉ ୪ଦିନ ପରେ ଐତିହାସିକ ବାଲିଯାତ୍ରା ହୋଇଥିବାରୁ ବ୍ୟବସାୟୀଙ୍କ ଠାରୁ ଆରମ୍ଭ କରି ଦର୍ଶକ ତଥା କଳାକାର ସମସ୍ତେ ଏହାକୁ ନେଇ ବେଶ ଉତ୍କଣ୍ଠିତ ।

ଦୀପିକାଙ୍କ କାଜୁଆଲ ଡେଟିଂ ମନ୍ତବ୍ୟ ସମର୍ଥନରେ ଟ୍ୱିଙ୍କିଲ୍ ଖାନ୍ନା

ନନ୍ଦିଘୋଷ ବ୍ୟୁରୋ : ନିକଟରେ ଦୀପିକା ପାଦୁକୋନ ଦେଇଥିବା କାଜୁଆଲ୍ ଡେଟିଂ ମନ୍ତବ୍ୟକୁ ନେଇ ଅକ୍ଷୟ କୁମାରଙ୍କ ପତ୍ନୀ ଟ୍ୱିଙ୍କଲ ଖାନ୍ନାଙ୍କ ପ୍ରତିକ୍ରିୟା ସାମ୍ନାକୁ ଅାସିଛି । ଦୀପିକାଙ୍କୁ ସମର୍ଥନ କରୁଥିବାବେଳେ ସେ ସମାଜ ଉପରେ ପ୍ରଶ୍ନ ଉଠାଇଛନ୍ତି । ନିକଟରେ ବଲିଉଡର ପାୱାର ପ୍ୟାକ୍ ଦମ୍ପତି ଦୀପିକା ପାଦୁକୋନ ଏବଂ ରଣଭୀର ସିଂଙ୍କୁ କରଣ ଜୋହରଙ୍କ ଚାଟ୍ ସୋ ‘କଫି ସହିତ କରାନ୍ 8’ ରେ ଦେଖିବାକୁ ମିଳିଥିଲା ​​| ଏହି ଶୋ’ରୁ ଆସିବା ପରେ ଅଭିନେତ୍ରୀଙ୍କୁ ପ୍ରବଳ ଟ୍ରୋଲର ସାମ୍ନା କରିବାକୁ ପଡିଥିଲା । ବାସ୍ତବରେ, ବାର୍ତ୍ତାଳାପ ସମୟରେ ଅଭିନେତ୍ରୀ ସ୍ୱୀକାର କରିଥିଲେ ଯେ ପ୍ରାରମ୍ଭରେ ସେ ରଣଭୀର ସିଂଙ୍କ ସହିତ ଗମ୍ଭୀର ନଥିଲେ ଏବଂ ସେ କାଜୁଆଲିଟି ଡେଟ୍ କରୁଥିଲେ | ଦୀପିକାଙ୍କ ଏହି ବିବୃତ୍ତି ଏକ ଆଲୋଡ଼ନ ସୃଷ୍ଟି କରିଥିଲା । ସୋସିଆଲ ମିଡିଆରେ ଏହି ଅଭିନେତ୍ରୀଙ୍କୁ ଟ୍ରୋଲ କରାଯାଇଥିଲା। Ranveer-Deepika's dreamy proposal to wedding video: 5 major revelations on KWK 8 - India Today

ବର୍ତ୍ତମାନ ଦୀପିକାଙ୍କ ସମର୍ଥନରେ ଟ୍ୱିଙ୍କଲ ଖାନ୍ନା ବାହାରିଛନ୍ତି । ଟ୍ୱିଙ୍କଲ୍ ତାଙ୍କ ସ୍ତମ୍ଭରେ ଲେଖିଛନ୍ତି ଯେ ଆମେ ଏପରି ଏକ ଦେଶରେ ବସବାସ କରୁଛୁ ଯେଉଁଠାରେ କୁକୁର କିମ୍ବା ଗଛକୁ ବିବାହ କରିବା ଗ୍ରହଣୀୟ, କିନ୍ତୁ ଆପଣ ସମାନ ଲିଙ୍ଗର ବ୍ୟକ୍ତିଙ୍କୁ ବିବାହ କରିପାରିବେ ନାହିଁ । ମୋର ମନେ ଅଛି ଥରେ ମୋ ବିଲ୍ଡିଂରେ ଥିବା ଏକ ମାଉସୀ ମୋତେ ଏକ ଝିଅ ବିଷୟରେ କହିଥିଲେ ଯାହାର ବାପା ତାଙ୍କୁ ଏକ କୁକୁର ସହିତ ବିବାହ କରିଥିଲେ | ସେ କୁହନ୍ତି, ‘ପ୍ରଥମେ ସେ ଯାହା କହିଥିଲେ ମୁଁ ବିଶ୍ୱାସ କରି ନଥିଲି । ତା’ପରେ ସେ ମୋତେ ଏକ ଖବର ପଢାଇଥିଲେ ଯେଉଁଥିରେ ଲେଖାଥିଲା ଯେ, ଝାରଖଣ୍ଡର ଜଣେ ଝିଅ ଶେରୁ ନାମକ ଏକ କୁକୁରକୁ ବିବାହ କରିଥିଲେ | ମାଉସୀ କହିଛନ୍ତି ଯେ ଝିଅଟି ଶୁଭ ଅଟେ ଏବଂ ଏହା କରିବା ଦ୍ୱାରା ଝିଅଟିର ସମସ୍ତ ଦୋଷ କୁକୁର ଉପରେ ପଡ଼ିବ । ଟ୍ୱିଙ୍କଲ ଆହୁରି ମଧ୍ୟ ଲେଖିଛନ୍ତି ଯେ’ ଯଦି ଆପଣ ଏକ ସୋଫା କିଣିବାକୁ ସ୍ଥିର କରିଛନ୍ତି, ତେବେ ଆପଣ ଦୋକାନକୁ ଯାଇ କେଉଁ ସୋଫା ଆରାମଦାୟକ ଏବଂ ଭଲ ବୋଲି ଜାଣିପାରିବେ ନାହିଁ ? କିନ୍ତୁ ଯେତେବେଳେ ସେହି ବ୍ୟକ୍ତିଙ୍କ କଥା ଆସେ, ବିକଳ୍ପଗୁଡ଼ିକୁ ନ ଦେଖି ଆପଣ କେବଳ ଗୋଟିଏ ବାଛିବେ ତାହେଲେ ବୋକା ବୋଲି ଆଶା କରାଯାଏ | ମୁଁ ଭାବୁଛି ଦୀପିକାଙ୍କ ନିଷ୍ପତ୍ତି ବହୁତ ଭଲ | ଏହା କରିବା ଦ୍ୱାରା ଅନେକ ମହିଳା କୁକୁର ଏବଂ ବେଙ୍ଗମାନଙ୍କୁ ବିବାହରୁ ରକ୍ଷା ପାଇପାରିବେ |

ଓଡ଼ିଶା ମୁହାଁ ବଡ଼ବଡ଼ ଶିଳ୍ପଦ୍ୟୋଗୀ

ଭୁବନେଶ୍ୱର: ଶିଳ୍ପ ସମୃଦ୍ଧ ହେଉଛି ଓଡ଼ିଶା । ସାରା ବିଶ୍ବର ଅଗ୍ରଣୀ ରାଜ୍ୟ ଭାବେ ଉଭା ହେଉଛି ରାଜ୍ୟ । ଓଡ଼ିଶା ମୁହାଁ ବିଶ୍ବର ବଡ଼ବଡ଼ ଶିଳ୍ପଦ୍ୟୋଗୀ । ଶିଳ୍ପ ପ୍ରତିଷ୍ଠାନ ପାଇଁ ସୁଯୋଗ ସୃଷ୍ଟି କରିଛନ୍ତି ରାଜ୍ୟ ସରକାର। ଦିନଥିଲା ଓଡିଶା ରାଉରକେଲାରେ ଏକ ମାତ୍ର ଷ୍ଟିଲପ୍ଲାଣ୍ଟ ଥିଲା । ଏବେ ୭ ଟି ଷ୍ଟିଲ ପ୍ଲାଣ୍ଟ ପ୍ରତିଷ୍ଠା ହୋଇ ପାରିଛି। ଓଡିଶାରେ ରହିଛି ଶିଳ୍ପ କ୍ଷେତ୍ରରେ ଅଦ୍ଭୁତପୂର୍ଣ୍ଣ ଭିତ୍ତିଭୂମି । ଏଥିପାଇଁ ସାରା ବିଶ୍ବରୁ ଶିଳ୍ପଦ୍ୟୋଗୀ ଏଠାରେ ନିଜର ଶିଳ୍ପ ପ୍ରତିଷ୍ଠା କରିବାକୁ ଆଗ୍ରହ ପ୍ରକାଶ କରୁଛନ୍ତି। ଓଡିଶାର କଂସରିଗୁଡ଼ାରେ ଶହେ କୋଟି ଡଲାର ନିବେଶ କରି ନୂଆ ଆଲୁମିନା ରିଫାଇନରି କରୁଛି ହିଣ୍ଡାଲକୋ। ଏହାସହ ସମ୍ବଲପୁର ହୀରାକୁଦ ଲପଙ୍ଗାରେ ୩ ହଜାର ୮୦୦ କୋଟି ଟଙ୍କା ପୁଞ୍ଜନିବେଶରେ ଏକ ଆଲୁମିନିୟମ ରୋଲିଂ ମିଲ୍ ପ୍ରକଳ୍ପ ସ୍ଥାପନ କରିବ । ଏହାସହ ଇଲେକ୍ଟ୍ରିକ ବ୍ୟାଟେରୀ ପାଇଁ ଆଲୁମିନିୟମ ଫଏଲ୍ ତିଆରି ପାଇଁ ହିଣ୍ଡାଲକୋ ଲପଙ୍ଗାରେ ଏକ ପ୍ଲାଣ୍ଟ ବି ସ୍ଥାପନ କରିବ। ଇଣ୍ଡିଆନ ଇନଷ୍ଟିଚ୍ୟୁଟ ଅଫ ମେଟାଲସର ୭୭ ତମ ବାର୍ଷିକ ବୈଷୟିକ ସମ୍ମିଳନୀରେ ଏହି ସୂଚନା ଦେଇଛନ୍ତି ଆଇଆଇଏମ କନକ୍ଳେଭ ସଭାପତି ତଥା ହିଣ୍ଡାଲକୋ ଇଣ୍ଡଷ୍ଟ୍ରିଜ ପରିଚାଳନା ନିର୍ଦ୍ଦେଶକ ସତୀଶ ପାଇ ।

ଜଗତସିଂହପୁରରେ JSW ଷ୍ଟିଲର ପ୍ରସ୍ତାବିତ ମେଗା ଇସ୍ପାତ ପ୍ଲାଣ୍ଟ ସମ୍ପର୍କରେ ଅଧ୍ୟକ୍ଷ ସଜ୍ଜନ ଜିନ୍ଦଲ ସୂଚନା ଦେଇଛନ୍ତି । ପ୍ଲାଣ୍ଟରେ ଅନେକ କାମ ଜାରି ରହିଛି। ଆଗାମୀ କିଛି ମାସରେ ଏହାର ଅଗ୍ରଗତି ଦେଖିବାକୁ ମିଳିବ। ରାଜ୍ୟ ସରକାରଙ୍କ ସହଯୋଗ ଯୋଗୁଁ କମ୍ପାନୀମାନେ ଏଠାରେ ନିଜର ଶିଳ୍ପ ପ୍ରତିଷ୍ଠା କରିବାକୁ ଆଗ୍ରହ ଦେଖାଉଥିବା କହିଛନ୍ତି JSW ଅଧ୍ୟକ୍ଷ ।

ଶିଳ୍ପ କ୍ଷେତ୍ରରେରେ ଓଡିଶା ଏଵେ ଦେଶର ଡବଲ ଡିଜିଟ ଛୁଇଁଛି । ମୁଖ୍ୟମନ୍ତ୍ରୀଙ୍କ ପ୍ରୟାସ ପାଇଁ ଏଵେ ଓଡିଶା ଶିଳ୍ପ କ୍ଷେତ୍ରରେ ପୁଞ୍ଜି ନିବେଶ ପାଇଁ ବିଶ୍ୱର ପ୍ରମୁଖ ଡେଷ୍ଟିନେସନ ପାଲଟିଛି ।

୪୬ ବର୍ଷର ଆଇନଗତ ଲଢେଇ ପରେ ମିଳିଲା ନ୍ୟାୟ

କଟକ : ହାଇକୋର୍ଟଙ୍କ ଐତିହାସିକ ରାୟ । ପରିଣତ ବୟସରେ ବୃଦ୍ଧାଙ୍କୁ ମିଳିବ ପେନସନ । ଛୟାଳିସି ବର୍ଷର ଆଇନଗତ ଲଢେଇ ପରେ ମିଳିଲା ନ୍ୟାୟ । ୯୧ ବର୍ଷିୟ ବୃଦ୍ଧା ପାଇବେ ମୃତ ସ୍ୱାମୀଙ୍କ ପେନସନ । ସ୍ୱlମୀଙ୍କ ମୃତ୍ୟୁ ପରେ ପେନସନ ପାଇବା ପାଇଁ ଚଳାଇଥିବା ସଂଘର୍ଷରେ ଲାଗିଛି ବିରାମ, ଆସନ୍ତା ଦୁଇ ମାସ ମଧ୍ୟରେ ବୃଦ୍ଧାଙ୍କୁ ସମସ୍ତ ପ୍ରାପ୍ୟ ପ୍ରଦାନ କରିବାକୁ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ । ଏପରି ଘଟଣା ଦେଖିବାକୁ ମିଳିଛି ପାଟଖୁରା ଡେରାବିଶ ବ୍ଲକ ପଲେଇ କନ୍ଦରପୁର ଗ୍ରାମରେ । ବୃଦ୍ଧାଙ୍କ ସ୍ୱାମୀ ବେଣୁଧର ସାହୁ ଦୁହୁରିଆ ରତ୍ନାକର ଏମି ସ୍କୁଲରେ ଚାକିରୀ କରିଥିଲେ । ଚାକିରୀ କାଳ ମଧ୍ୟରେ ତାଙ୍କର ମୃତ୍ୟୁ ହୋଇଥିଲା  ।

ପରେ ପତ୍ନୀ ହୀରା ସାହୁ ପରିବାର ପ୍ରତିପୋଷଣ ନିମନ୍ତେ ସ୍ୱାମୀଙ୍କ ପେନସନ ପାଇ ଚେଷ୍ଟା କରିଥିଲେ ହେଲେ ସେ ସଫଳ ହୋଇନଥିଲେ । ଦିନ ପରେ ଦିନ ବିତିଯାଇଥିଲେ ମଧ୍ୟ ଜିଲ୍ଲା କୋର୍ଟ ଓ ଶେଷରେ ହାଇକୋର୍ଟରେ କେଶ ଚାଲିଥିଲା  । ଆଜି ମାନ୍ୟବର ଉଚ୍ଚ ନ୍ୟାୟାଳୟ ଐତିହାସିକ ରାୟ ଶୁଣାଇଛନ୍ତି  । ଯାହାକୁ ନେଇ ପରିବାର ଲୋକଙ୍କ ମଧ୍ୟରେ ଖୁସିର ଲହରୀ ଖେଳି ଯାଇଛି  ।

ଶୀତଦିନରେ ଗରମ ପାଣିରେ ଗାଧୋଇବା ଉଚିତ୍ କି ଥଣ୍ଡା ପାଣିରେ ?

ନନ୍ଦିଘୋଷ ବ୍ୟୁରୋ : ଶୀତଦିନରେ ଗରମ ପାଣିରେ ଗାଧୋଇବା ଉଚିତ୍ କି ଥଣ୍ଡା ପାଣିରେ। ଏଭଳି ପରିସ୍ଥିତିରେ ଆପଣ କେଉଁ ପାଣିରେ ଗାଧୋଇବେ, ଯାହା ଶରୀର ପାଇଁ ଲାଭଦାୟକ ହେବ। ଚାଲନ୍ତୁ ଜାଣିବା..

ଉତ୍ତର ଭାରତରେ ଶୀତଋତୁ ଆରମ୍ଭ ହୋଇସାରିଛି। ଏବଂ ତାପମାତ୍ରା କ୍ରମାଗତ ଭାବରେ ହ୍ରାସ ପାଇବାରେ ଲାଗିଛି । ଶୀତଦିନରେ ଅଧିକାଂଶ ଲୋକ ଗାଧୋଇବା ପାଇଁ ଗରମ ପାଣିର ବ୍ୟବହାର କରିଥାନ୍ତି। ଆଉ କିଛି ଲୋକ ଥଣ୍ଡା ପାଣିରେ ଗାଧୋଇବାକୁ ପସନ୍ଦ କରିଥାନ୍ତି। ତେବେ ପ୍ରଶ୍ନ ଉଠୁଛି କି, ଶୀତ ଦିନରେ କେଉଁ ପାଣିରେ ଗାଧୋଇଲେ ଶରୀର ପାଇଁ ଅଧିକ ଲାଭଦାୟକ ହୋଇଥାଏ। ତେବେ ଚାଲନ୍ତୁ ଜାଣିବା ଏହା ଉପରେ ଆୟୁର୍ବେଦ ଡାକ୍ତାରଙ୍କ ମତ କ’ଣ ରହିଛି।

ଆୟୁର୍ବେଦ ଡାକ୍ତର ଅଭିନାଭ ରାଜ କହିଛନ୍ତି ଯେ, ଥଣ୍ଡା ପାଗରେ ଅଧିକ ଗରମ ପାଣିରେ ନଗାଧୋଇ କି ଉଷୁମ ପାଣିରେ ଗାଧୋଇବା ଉଚିତ୍। ଉଷୁମ ପାଣିରେ ଗାଧୋଇବା ଦ୍ୱାରା ସ୍ୱାସ୍ଥ୍ୟ ଭଲ ରହିଥାଏ। ଏବଂ ଆମ ଶରୀରର ରକ୍ତ ସଞ୍ଚାଳନରେ ଉନ୍ନତି ହୋଇଥାଏ। ଏହାସହ ଥଣ୍ଡା ଓ କାଶ ହେବାର ଆଶଙ୍କା ହ୍ରାସ ପାଇଥାଏ। ଉଷୁମ ପାଣି ଶରୀରକୁ ସଫା ରଖିବା ସହ ଚର୍ମ ସମସ୍ୟା ଦୂର କରିଥାଏ। ଏହାସହ ଲୋକମାନଙ୍କୁ ଶୀତରୁ ମୁକ୍ତି ଦେଇଥାଏ।

ଶୀତରେ ଥଣ୍ଡା ପାଣିରେ ଗୋଧେଇଲେ ଶରୀରର କୌଣସି କ୍ଷତି ହୋଇନଥାଏ। ଯଦି ଥଣ୍ଡା, ଜ୍ୱର, କାଶ ହେଉଛି ତେବେ ଥଣ୍ଡା ପାଣିରେ ନଗାଧୋଇ ଉଷୁମ ପାଣିରେ ଗାଧୋଇବା ଭଲ ବୋଲି ଡାକ୍ତର ଅଭିନାଭ କହିଛନ୍ତି।

 

ଆଦାନୀଙ୍କୁ ମମତାଙ୍କ ବଡ ଝଟକା, ଛଡ଼ାଇ ନେଲେ ୨୫ହଜାର କୋଟିର ପ୍ରକଳ୍ପ

ନନ୍ଦିଘୋଷ ବ୍ୟୁରୋ : ‘କେସ ଫର୍ କ୍ୱରି’ ମାମଲାରେ ଟିଏମସି ସାଂସଦ ମହୁଆ ମିତ୍ରଙ୍କ ବିରୋଧରେ ଆସିଥିବା ଅଭିଯୋଗ ମଧ୍ୟରେ ମମତା ବାନାର୍ଜୀ ଆଦାନୀ ଗ୍ରୁପ ବିରୋଧରେ ଏକ ବଡ ପଦକ୍ଷେପ ନେଇଛନ୍ତି। ପ୍ରଶ୍ନ ହେଉଛି ଏମିତି କାହିଁକି କଲେ ମମତା ? ଟିଏମସି ସାଂସଦ ମହୁଆ ‘କେସ ଫର୍ କ୍ୱରି’ ମାମଲାରେ ଗୁରୁତର ଅଭିଯୋଗର ସମ୍ମୁଖୀନ ହୋଇଛନ୍ତି । ଲୋକସଭା ନୈତିକ ପ୍ୟାନେଲ ତାଙ୍କୁ ବହିଷ୍କାର କରିବାକୁ ସୁପାରିଶ କରିଛି । ଟିଏମସି ସାଂସଦ ଏବଂ ଆଦାନୀ ଗ୍ରୁପ୍ ମଧ୍ୟରେ ଚାଲିଥିବା ଏହି ବିବାଦ ମଧ୍ୟରେ ପଶ୍ଚିମବଙ୍ଗ ସରକାର ଏକ ବଡ ପଦକ୍ଷେପ ନେଇଛନ୍ତି । ମମତା ବାନାର୍ଜୀ ସରକାର ଆଦାନୀ ଗ୍ରୁପରୁ ୨୫ହଜାର କୋଟି ଟଙ୍କା ମୂଲ୍ୟର ଏକ ପ୍ରକଳ୍ପ ଛଡ଼ାଇ ନେଇଛନ୍ତି। ସୂଚନା ଅନୁଯାୟୀ, ତାଜପୁର ବନ୍ଦରର ବିକାଶ ପାଇଁ ଆଦାନୀ ଗ୍ରୁପକୁ ୨୫ ହଜାର କୋଟି ଟଙ୍କା ପ୍ରକଳ୍ପ ଦିଆଯାଇଥିଲା । ନଭେମ୍ବର ୨୦ରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ସ୍ପଷ୍ଟ କରିଛନ୍ତି ଯେ ଖୁବ ଶୀଘ୍ର ଏହି ପ୍ରକଳ୍ପ ପାଇଁ ଟେଣ୍ଡର ପ୍ରଦାନ କରାଯିବ। ରିପୋର୍ଟ ଅନୁଯାୟୀ, ପୂର୍ବରୁ ଏହି ପ୍ରକଳ୍ପ ଆଦାନୀ ଗ୍ରୁପକୁ ହସ୍ତାନ୍ତର କରାଯାଇଥିଲା। କିନ୍ତୁ ବର୍ତ୍ତମାନ ମମତା ବାନାର୍ଜୀ ଘୋଷଣା କରିଛନ୍ତି ଯେ ଏଥିପାଇଁ ପୁଣି ତାଜା ଟେଣ୍ଡର କରାଯିବ। Mamata Banerjee-led govt cancels initial pact with Adani Ports for Tajpur  project - BusinessToday

ଏହାପୂର୍ବରୁ ଶିଳ୍ପପତି ଗୌତମ ଆଦାନୀ କୋଲକାତା ଗ୍ଲୋବାଲ ବ୍ୟବସାୟ ସମ୍ମିଳନୀ ୨୦୨୨ ରେ ଅଂଶଗ୍ରହଣ କରିଥିଲେ। ଏଠାରେ ସେ ୧୦ ହଜାର କୋଟି ଟଙ୍କା ବିନିଯୋଗ ଘୋଷଣା କରିଥିଲେ। ଦୁଇମାସ ପରେ, ଗତ ବର୍ଷ ଅକ୍ଟୋବରରେ ମମତା ବାନାର୍ଜୀ ନିଜେ LOI (ଚିଠି ଅଫ୍ ଇଣ୍ଟେଣ୍ଟ) କୁ କୋଲକାତାର ଆଦାନୀ ବନ୍ଦରର ସିଇଓ କରଣ ଆଦାନୀଙ୍କୁ ଦେଇଥିଲେ।  ଯେତେବେଳେ ରାଜ୍ୟ ସରକାର ଏହି ପ୍ରକଳ୍ପର ଦାୟିତ୍ୱ ଆଦାନୀ ଗ୍ରୁପକୁ ଦେଇଥିଲେ, ସେତେବେଳେ ଏହାକୁ ନେଇ ଅନେକ ଆଲୋଚନା ହୋଇଥିଲା। କୁହାଯାଇଥିଲା ଯେ ଗୋଟିଏ ପଟେ ବିରୋଧୀ ଆଦାନୀ ଗୋଷ୍ଠୀ ଉପରେ ଆକ୍ରମଣ କରୁଥିବାବେଳେ ଅନ୍ୟ ପଟେ ମମତା ସରକାର ବଡ ପ୍ରକଳ୍ପର କାର୍ଯ୍ୟକୁ ସମାନ ଗୋଷ୍ଠୀକୁ ହସ୍ତାନ୍ତର କରୁଛନ୍ତି। ଅଭିଯୋଗ ଅନୁଯାୟୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ବଦନାମ ତଥା ଲଜ୍ଜିତ କରିବା ପାଇଁ ଟିଏମସି ସାଂସଦ ମହୁଆ ମିତ୍ର ଗୌତମ ଆଦାନୀଙ୍କୁ ଟାର୍ଗଟ୍ କରୁଥିଲେ। ଏହାକୁ ନେଇ ଲୋକସଭା ନୈତିକ ପ୍ୟାନେଲ ଏହି ଘଟଣାର ଅନୁସନ୍ଧାନ କରିଛି। ନଭେମ୍ବର ୯ରେ ପ୍ୟାନେଲ୍ ଏହାର ରିପୋର୍ଟ ଉପସ୍ଥାପନ କରିଥିଲା ​​| ସାଂସଦଙ୍କୁ ବହିଷ୍କାର କରିବାକୁ ପ୍ୟାନେଲ ସୁପାରିଶ କରିଛି । ୬ ସଦସ୍ୟ ଏହାର ସପକ୍ଷରେ ଭୋଟ୍ ଦେଇଥିବାବେଳେ ୪ ଜଣ ସଦସ୍ୟ ଏହାକୁ ବିରୋଧ କରିଥିଲେ।

 

ସ୍କୁଲ ପିଲା ପଢିବେ ରାମାୟଣ, ମହାଭାରତ !

ନୂଆଦିଲ୍ଲୀ : ସ୍କୁଲ ପାଠ୍ୟପୁସ୍ତକରେ ଅନ୍ତର୍ଭୁକ୍ତ ହେବ ରାମାୟଣ ଏବଂ ମହାଭାରତ। ଏଥର ପିଲାମାନେ ପଢିବେ ରାମାୟଣ, ମହାଭାରତ। ଏନେଇ ଏନସିଇଆରଟିର ୭ ଜଣିଆ କମିଟି ସୁପାରିଶ କରିଛି।

ଜାତୀୟ ଶିକ୍ଷା ଗବେଷଣା ଓ ତାଲିମ ପରିଷଦ ବା (ଏନସିଆରଟି)ର ସିଲାବସରେ ରାମାୟଣ ଏବଂ ମହାଭାରତ ଭଳି ଉପନ୍ୟାସଗୁଡିକ ସାମିଲ ହୋଇପାରେ। NCERTର ୭ ଜଣିଆ ସଦସ୍ୟ ପାଠ୍ୟପୁସ୍ତକରେ ରାମାୟଣ ଓ ମହାଭାରତକୁ ଅର୍ନ୍ତଭୁକ୍ତ କରିବା ଲାଗି ସୁପାରିଶ କରିଛି। ସପ୍ତମରୁ ଦ୍ୱାଦଶ ଶ୍ରେଣୀ ଛାତ୍ରଛାତ୍ରୀଙ୍କୁ ରାମାୟଣ ଓ ମହାଭାରତ ଶିକ୍ଷା ଦେବାକୁ ଗୁରୁତ୍ୱ ଦିଆଯାଇଛି। ସାମାଜିକ ବିଜ୍ଞାନ ପାଠ୍ୟକ୍ରମରେ ସ୍ଥାନ ଦେବାକୁ ସୁପାରିଶ କରାଯାଇଛି। ଏହାସହ ସ୍କୁଲ କାନ୍ଥରେ ଆଞ୍ଚଳିକା ଭାଷାରେ ସମ୍ବିଧାନର ମୁଖବନ୍ଧ ଲେଖାଯିବାକୁ ପରାମର୍ଶ ଦେଇଛନ୍ତି କମିଟିର ଅଧ୍ୟକ୍ଷ ସି.ଆଇ ଆଇଜାକ୍ ।

୭ଜଣିଆ କମିଟିର ସୁପାରିଶକୁ ଏବେ ଜାତୀୟ ସିଲାବସ ଏବଂ ଶିକ୍ଷାଦାନ, ଶିକ୍ଷା ସାମଗ୍ରୀର ବିକାଶ ପାଇଁ ଗଠିତ ୧୯ଜଣିଆ କମିଟି ନିକଟକୁ ପଠାଯିବ । କମିଟି ଦ୍ୱାରା ଏହାର ସମୀକ୍ଷା ପରେ ଚୂଡାନ୍ତ ନିଷ୍ପତ୍ତି ନିଆଯିବ। ରାମାୟଣ ଓ ମହାଭାରତ ଗ୍ରନ୍ଥର ବିଷୟବସ୍ତୁକୁ ସାମାଜିକ ବିଜ୍ଞାନ ସିଲାବସରେ ସ୍ଥାନିତ କରାଗଲେ ଏହା ଅତ୍ୟନ୍ତ ଫଳପ୍ରଦ ହୋଇପାରିବ ବୋଲି କମିଟି କହିଛି ।

ଏହାପୂର୍ବରୁ ଉକ୍ତ ପ୍ୟାନେଲ ପାଠ୍ୟପୁସ୍ତକରେ ଦେଶର ନାମ ‘ଇଣ୍ଡିଆ’ରୁ’ ଭାରତ ‘କୁ ପରିବର୍ତ୍ତନ କରିବାକୁ ପରାମର୍ଶ ଦେଇଥିଲା। ପ୍ରାଚୀନ ଇତିହାସ ବଦଳରେ ପାଠ୍ୟକ୍ରମରେ, ‘ଶାସ୍ତ୍ରୀୟ ଇତିହାସ’ ଆରମ୍ଭ କରିବାକୁ ମଧ୍ୟ ପରାମର୍ଶ ଦିଆଯାଇଛି।

ଦେହରେ କିରୋସିନି ଢାଳି ଯୁବକ କଲେ ଆତ୍ମହତ୍ୟା

ଭୁବନେଶ୍ୱର : ରାଜଧାନୀରେ ଆତ୍ମାହୁତି । ପାରିବାରିକ ବିବାଦ, ଜମି ବିକ୍ରି ଟଙ୍କା ଓ ନିଶା ପାଇଁ ଚରମ ନିଷ୍ପତ୍ତି । ବଡ଼ଗଡ଼ ଥାନା କେଶୁରା ଗାଁ ର ଲକ୍ଷ୍ମଣ ପ୍ରଧାନଙ୍କ ଏମ୍ସ ହସ୍ପିଟାଲରେ ମୃତ୍ୟୁ ହୋଇଛି । ଗତକାଲି ଅପରାହ୍ନରେ ନିଜେ ଲକ୍ଷ୍ମଣ ଘଟାଇଥିଲେ ନାରକୀୟ କାଣ୍ଡ । ନିଜ ଦେହରେ କିରାସିନି ଢାଳି ଯୁବକ ଜଣଙ୍କ ଦେହରେ ନିଆଁ ଲଗାଇଦେଇଥିଲେ । ସ୍ଥାନୀୟ ଲୋକଙ୍କ ତାଙ୍କୁ ଉଦ୍ଧାର କରି ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରିଥିଲେ  । ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି  ।  ସୁଧା ସେଠାରେ ତାଙ୍କର ମୃତ୍ୟୁ ହୋଉଥିବା ଜଣାପଡିଛି । ଲକ୍ଷ୍ମଣ କିଛି ଦିନ ତଳେ ନିଜ ଶ୍ବଶୁର ଘର ଜମି ବିକି ୩୨ ଲକ୍ଷ ଟଙ୍କା ଧାର ରେ ଆଣିଥିଲେ । ନିଜେ ଅଟୋ ଚଳାନ୍ତି, ହେଲେ ରାତି ହେଲେ ସାଙ୍ଗ ମାନଙ୍କ ପିଛାରେ ମଦ ନିଶାରେ ଲକ୍ଷ ଲକ୍ଷ ଟଙ୍କା ଉଡାନ୍ତି।

ଏପରିକି ବ୍ରାଉନସୁଗର ଭଳି ନିଶା ଖାଇ ଜମି ବିକା ଟଙ୍କା ଇଡ଼ାଇଦେଇଥିଲେ ଲକ୍ଷ୍ମଣ। ତେଣୁ ହାତଉଧାରୀ କରି ଋଣ ଭାରରେ ବୁଡିଯାଇଥିବା କହିଛନ୍ତି ଗାଁ ଲୋକେ । ସେପଟେ ପୋଲିସ ସିସିଟିଭିକୁ ଜବତ କରିଛି । କଲ ରେକର୍ଡ ଯାଞ୍ଚ କରୁଛି । ପରିବାର ଲୋକଙ୍କୁ ପଚରାଉଚରା କରୁଥିବାରୁ ଖୁବଶୀଘ୍ର ସତ ପଦାକୁ ଆସିବ ବୋଲି କହିଛନ୍ତି ସ୍ଥାନୀୟ ସରପଞ୍ଚ ।

ରୋହିତଙ୍କୁ କ୍ୟାପେଟେନ ପଦରୁ ବିଦା କରିବ କି BCCI ?

ନୂଆଦିଲ୍ଲୀ : କ୍ରିକେଟ ବିଶ୍ୱକପ୍ ପରେ ଆକ୍ସନ ନେବ କି ବିସିସିଆଇ? ଅଧିନାୟକ ପଦରୁ ହଟିବେ କି ରୋହିତ? ଏବେ ରୋହିତଙ୍କ ଭବିଷ୍ୟତ କ’ଣ ହେବ ? BCCI ଡାକିଲା ବୈଠକ। ବୈଠକରେ ହୋଇପାରେ ବଡ ନିଷ୍ପତ୍ତି।

ଭାରତୀୟ କ୍ରିକେଟ ଟିମର ଅଧିନାୟକ ରୋହିତ ଶର୍ମା। ରୋହିତ ବାହିନୀ ବିଶ୍ୱକପରେ ଇତିହାସ ସୃଷ୍ଟି କରିବାରେ ବଞ୍ଚିତ ହୋଇଛନ୍ତି । ଅଷ୍ଟ୍ରେଲିଆ ସହ ଖେଳାଯାଉଥିବା ଫାଇନାଲ ମ୍ୟାଚରେ ଟିମ୍ ଇଣ୍ଡିଆକୁ ପଛରେ ପକାଇ କଙ୍ଗାରୁ ଟିମ ବିଶ୍ୱକପ୍ ଟ୍ରଫି ହାତେଇ ନେଇଛି। ଟିମ୍ ଇଣ୍ଡିଆ ଖେଳାଳିଙ୍କ ସମେତ କ୍ରିକେଟ୍ ପ୍ରଶଂସକମାନେ ଏହି ପରାଜୟର ଦୁଃଖରୁ ଧୀରେ ଧୀରେ ବାହାରକୁ ଆସିବାକୁ ଚେଷ୍ଟା କରୁଛନ୍ତି।

ତେବେ ଏହି ସବୁ ମଧ୍ୟରେ ଆଉ ଏକ ଖବର ସାମ୍ନାକୁ ଆସିଛି, କ୍ରିକେଟ୍ ବୋର୍ଡ ଅଫ୍ ଇଣ୍ଡିଆ (ବିସିସିଆଇ) କ୍ୟାପଟେନ ରୋହିତ ଶର୍ମା ଏବଂ ମୁଖ୍ୟ ଚୟନକର୍ତ୍ତା ଅଜିତ ଅଗରକରଙ୍କ ସହ ଏକ ବୈଠକ ଡକାଇଛନ୍ତି। ଏହି ବୈଠକରେ ଆସନ୍ତା ୪ ବର୍ଷ ପାଇଁ  ତିନୋଟି ଫର୍ମାଟ୍ ଉପରେ ଆଲୋଚନା କରିବାକୁ ବିସିସିଆଇ ଚାହୁଁଛି  ।

ଏହି ବୈଠକରେ କ’ଣ ନିଷ୍ପତ୍ତି ହେବ ସେ ନେଇ ଚର୍ଚ୍ଚା ଜୋର ଧରିଛି । କୁହାଯାଉଛି ଯେ, କ୍ୟାପଟେନ ପଦରୁ ରୋହିତ ଶର୍ମା ହଟି ପାରନ୍ତି । ଯଦି ସେ ହଟିବେ ତାହାଲେ କିଏ କ୍ୟାପଟେନ ହେବ ସେ ନେଇ ବି ଚର୍ଚ୍ଚା ହେଉଛି । ଚଳିତ ବିଶ୍ବକପର ପ୍ରତେକ ମ୍ୟାଚକୁ ଦେଖିଲେ ରୋହିତ ବାହିନୀ ପ୍ରତି ଲୋକଙ୍କର ବହୁ ଆଶା ଥିଲା । ସବୁ ମ୍ୟାଚ୍ ଜିତି ଜିତି ଆସିଥିଲେ ବେଳେ ଶେଷକୁ ପରାଜୟର ସାମ୍ନା କରିବାକୁ ପଡ଼ିଥିଲା ।

ସୂଚନା ଅନୁସାରେ ଏହି ବୈଠକରେ ରୋହିତ ଶର୍ମା ଚୟନକର୍ତ୍ତାଙ୍କୁ କହିଥିଲେ ଯେ, ଯଦି T-20ରେ ତାଙ୍କ ନାଁ ପାଇଁ ବିଚାର କରାଯାଏ ନାହିଁ ତେବେ ତାଙ୍କର କୌଣସି ଆପତ୍ତି ନାହିଁ। ଭାରତୀୟ ଚୟନକର୍ତ୍ତାମାନେ ଯୁବକମାନଙ୍କୁ ଅଗ୍ରାଧିକାର ଦେବାକୁ ଚାହୁଁଛନ୍ତି । ତେଣୁ ମୋ ନାଁ ନ ରହିଲେ ବି କୌଣସି ଆପତ୍ତି ନାହିଁ । ଏମିତି ହେଲେ ନୂଆ ଖେଳାଳିଙ୍କୁ ସୁଯୋଗ ମିଳିବ । ଏଠାରେ ଆମେ କହି ରଖିବାକୁ ଚହୁଁଛୁ ଯେ, ପରବର୍ତ୍ତୀ ODI ବିଶ୍ୱକପ ୨୦୨୭ ମସିହାରେ ହେବ। ସେତେବେଳେ ରୋହିତଙ୍କ ବୟସ ପ୍ରାୟ ୪୦ ବର୍ଷ ହୋଇଥିବ।

ଖବର ଅନୁଯାୟୀ, ବୋର୍ଡ ଏବଂ ଚୟନକର୍ତ୍ତାମାନେ ଆଗାମୀ ଆଇପିଏଲ୍ ଏବଂ T-20 ବିଶ୍ୱକପ୍ ୨୦୨୪ ପରେ ୱାନ ଡେ’ ପାଇଁ ଯୋଜନା ପ୍ରସ୍ତୁତ କରିବେ। ସେମାନଙ୍କ ପାଇଁ ସବୁଠାରୁ ବଡ ଟାର୍ଗେଟ ହେଉଛି ଏକ ଦୀର୍ଘ ସମୟ ପର୍ଯ୍ୟନ୍ତ ଜଣେ ଅଧିନାୟକ ପ୍ରସ୍ତୁତ କରିବା । ଭାରତୀୟ ଦଳ ଡିସେମ୍ବରରେ ଦକ୍ଷିଣ ଆଫ୍ରିକା ଗସ୍ତ କରିବ । ସେଠାରେ ୨ ଟି ଟେଷ୍ଟ ଏବଂ ୩ଟି ୱାନ ଡେ’ ସିରିଜ୍ ମ୍ୟାଚ ଖେଳିବ।