ନୂଆଦିଲ୍ଲୀ: ଭାରତୀୟ ନୌସେନାରେ ସାମିଲ ହେଲା ବାହୁବଳୀ । ଆଇଏନଏସ ବିନ୍ଧ୍ୟଗିରିକୁ ଉତ୍ସର୍ଗ କରିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ । ପ୍ରୋଜେକ୍ଟ ୧୭ ଆଲାଫା ଫ୍ରିଗେଟ ବର୍ଗର ଷଷ୍ଠ ଜାହାଜକୁ କୋଲକାତାର ଗାର୍ଡନ ରିଚ ସିପବିଲଡର୍ସ ଆଣ୍ଡ ଇଞ୍ଜିନିୟର୍ସ ଲିମିଟେଡରେ ଏହାର ହୋଇଛି ଉଦଘାଟନ ।
ପୂର୍ବରୁ ଏହି ବର୍ଗର ଆଇଏନଏସ ନୀଳଗିରି, ଉଦୟଗିରି, ହିମଗିରି, ତାରାଗିରି, ଦୁନାଗିରି ଲଞ୍ଚ ହେବା ପରେ ଷଷ୍ଠ ଜାହାଜ ଭାବେ ବିନ୍ଧ୍ୟଗିରିକୁ ଲଞ୍ଚ କରାଯାଇଛି । କର୍ଣ୍ଣାଟକର ଏକ ପର୍ବତର ନାମାନୁସାରେ ଏହାକୁ ନାମିତ କରାଯାଇଛି । ଏହା ବୈଷୟିକ ଭାବେ ଅଧିକ ଉନ୍ନତ ଓ ଅଧିକ ଶକ୍ତିଶାଳୀ । ଭାରତର ନୌଐତିହ୍ୟର ଏହା ଏକ ଉଜ୍ବଳ ନିଦର୍ଶନ ବୋଲି କୁହାଯାଇଛି । ଏଥିରେ ଅତ୍ୟାଧୁନିକ ଷ୍ଟିଲଥ ଫିଚର, ଅସ୍ତ୍ରଶସ୍ତ୍ର ଓ ସେନସର ରହିଛି ।
