ମଧ୍ୟପ୍ରାଚ୍ୟ ଯୁଦ୍ଧକୁ ଏକମାସ ବିତିଥିଲେ ସୁଦ୍ଧା ସମାଧାନ ନେଇ କୌଣସି ରାସ୍ତା ବାହାରିପାରୁ ନାହିଁ । ଏହାରି ଭିତରେ ନିଜ ଦେଶରେ ବିରୋଧର ଶିକାର ହୋଇଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଆମେରିକାର ପାରମ୍ପରିକ ସହଯୋଗୀ ମଧ୍ଯ ଖୋଲାଖୋଲି ସମର୍ଥନ ଦେଉ ନାହାନ୍ତି । ତେଣୁ ଇରାନକୁ ଧ୍ବଂସ କରିବାକୁ ଚେତାବନୀ ଦେଉଥିବା ଟ୍ରମ୍ପଙ୍କ ସ୍ବର ଦିନକୁ ଦିନ ବଦଳିବାରେ ଲାଗିଛି । ଯୁଦ୍ଧ ବିରତି ନେଇ ଆଲୋଚନା ଜାରି ରହିଥିବା ଟ୍ରମ୍ପ କହୁଥିବାବେଳେ କୌଣସି ଆଲୋଚନା ହୋଇ ନଥିବା ସ୍ପଷ୍ଟ କରିଛି ତେହେରାନ । ଏଥିରୁ ସ୍ପଷ୍ଟ ହେଉଛି ଏହି ଭୟଙ୍କର ଯୁଦ୍ଧ ଭିତରେ ଏକା ହୋଇଯାଇଛନ୍ତି ଉଭୟ ଆମେରିକା ଓ ଇସ୍ରାଏଲ । ୨୮ ଫେବୃଆରୀରୁ ଆରମ୍ଭରୁ ଆକ୍ରମଣାତ୍ମକ ରଣନୀତି ରଖିଥିବା ଦୁଇଦେଶର ସ୍ଥିତି ଏବେ ବଦଳିବାରେ ଲାଗିଥିବା ନଜରକୁ ଆସିଛି । ତଥାପି ମୁହଁଟାଣ ରଖିବାକୁ ଗୋଟିଏ ପରେ ଗୋଟିଏ ଚେତାବନୀ ଦେଇ ଚାଲିଛନ୍ତି ରାଷ୍ଟ୍ରପତି ଟ୍ରମ୍ପ । ସବୁ ଚେତାବନୀର କଡ଼ା ଜବାବ ଦେଇଛି ଇରାନ । ଇରାନ ପକ୍ଷରୁ ଇରାକ ଉପରେ ବଡ଼ ଆକ୍ରମଣ କରାଯାଇଛି ।ସୁଲେମାନୀ ସ୍ଥିତ ଅମେରିକା ୟୁନିଭର୍ସିଟିକୁ ଟାର୍ଗେଟ କରିଛି ତେହେରାନ । ସେପଟେ ୨୪ ଘଣ୍ଟା ଭିତେର ଇସ୍ରାଏଲ ଉପରେ ୪୩ ହମଲା କରାଯାଇଥିବା ଦାବି କରିଛି ହିଜବୁଲ୍ଲା । ସେପଟେ ବର୍ତ୍ତମାନ ସୁଦ୍ଧା ଇରାନର ୧୧ ହଜାର ସ୍ଥାନକୁ ମିଳିତ ସେନା ଟାର୍ଗେଟ କରିଥିବା ହ୍ବାଇଟ ହାଉସ ପକ୍ଷରୁ ସୂଚନା ଦିଆଯାଇଛି । ଆମରିକା ବିଦେଶ ମନ୍ତ୍ରୀ ମାର୍କୋ ରୁବିୟୋ କହିଛନ୍ତି, ଇରାନର ମିସାଇଲ ଓ ଡ୍ରୋନ ଉତ୍ପାଦନ କେନ୍ଦ୍ର ପୂରା ନଷ୍ଟ କରିବାକୁ ଚାଲିଛି ଯୋଜନା । ହର୍ମୁଜ ପ୍ରଣାଳୀ ମୁକ୍ତ କରିବାକୁ ଆମେରିକୀୟ ସେନା ମୁତୟନ ହୋଇଛନ୍ତି । ଇରାନ ଯଦି ହର୍ମୁଜ ପ୍ରଣାଳୀ ଉପରେ କଟକଣା ବନ୍ଦ ନକରେ ତେବେ ସ୍ଥିତି ଭୟଙ୍କର ହେବ । ଇସ୍ରାଏଲ ଓ ଆମେରିକା ଇରାନ ରାଜଧାନୀ ତେହେରାନ ସମେତ ଅନ୍ୟ ପ୍ରମୁଖ ସହରଗୁଡ଼ିକରେ ଗତକାଲି ରାତି ସାରା ଆକ୍ରମଣ କରିଛନ୍ତି। ଆମେରିକା ଏବେ ସ୍ଥଳଯୁଦ୍ଧ ପାଇଁ ଜୋରଦାର ପ୍ରସ୍ତୁତି ଚଳାଇବା ସହ ପଶ୍ଚିମ ଏସିଆ ରାଷ୍ଟ୍ରଗୁଡ଼ିକରେ ୫୭ ହଜାର ଆମେରିକୀୟ ସୈନ୍ୟ ଠୁଳ କଲାଣି । ଇତିମଧ୍ୟରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଇରାନକୁ କଡ଼ା ଚେତାବନୀ ଦେଇ କହିଛନ୍ତି, ଯଦି ଖୁବ୍ଶୀଘ୍ର ଯୁଦ୍ଧ ଶେଷ ପାଇଁ ଇରାନ ଓ ଆମେରିକା ମଧ୍ୟରେ କୌଣସି ଚୁକ୍ତି ନ ହୁଏ ତେବେ ଆମେ ଇରାନର ବିଦ୍ୟୁତ୍ କେନ୍ଦ୍ର ଓ ଖାର୍ଗ ଦ୍ବୀପକୁ ସମ୍ପୂର୍ଣ୍ଣ ଧ୍ବଂସ କରିଦେବୁ ।
ଶୀତଳା ମନ୍ଦିରରେ ଦଳାଚକଟା : ୮ ମହିଳା ମୃତ
ନାଳନ୍ଦା : ବିହାର ନାଳନ୍ଦା ଜିଲ୍ଲା ଶୀତଳା ମନ୍ଦିରରେ ଦଳାଚକଟା। ଧାର୍ମିକ ଉତ୍ସବ ଚାଲିଥିବାବେଳେ ଘଟିଛି ଦଳାଚକଟା। ଦଳାଚକଟାରେ ୮ ମହିଳା ମୃତ, କିଛି ଭକ୍ତ ଆହତ ହୋଇଥିବା ସୂଚନା। ପୂଜା ଲାଗି ହଜାର ହଜାର ଶ୍ରଦ୍ଧାଳୁ ଏକତ୍ରିତ ହେବା ପରେ ଘଟିଥିଲା ଅଘଟଣ। ଦଳାଚକଟାରେ ମୃତକଙ୍କ ସଂଖ୍ୟା ଅଧିକ ହେବାର ଆଶଙ୍କା ରହିଛି। ଘଟଣାସ୍ଥଳରେ ପୋଲିସର ଉଦ୍ଧାରକାର୍ଯ୍ଯ ଜାରି ରହିଛି। ଘଟଣାସ୍ଥଳରେ ପହଞ୍ଚି ପୋଲିସ ତଦନ୍ତ ଜାରି ରଖିଛି। ଘଟଣାର ତଦନ୍ତ ଲାଗି ମୁଖ୍ୟ ଶାସନ ସଚିବଙ୍କୁ ନିର୍ଦ୍ଦେଶ ଦେଇଛନ୍ତି ରାଜ୍ୟ ସରକାର। ଆହତମାନଙ୍କ ଚିକିତ୍ସା ଲାଗି ସ୍ବତନ୍ତ୍ର ବ୍ୟବସ୍ଥା ଗ୍ରହଣ କରାଯାଇଛି।
ରନ୍ଧନ ଗ୍ଯାସ କଳାବଜାରୀ ଅଭିଯୋଗ ପରେ ରେଡ
ଉମରକୋଟ : ରନ୍ଧନ ଗ୍ଯାସ କଳାବଜାରୀ ଅଭିଯୋଗ ପରେ ରେଡ । ଉମରକୋଟର ବିଭିନ୍ନ ସ୍ଥାନରେ ଜିଲ୍ଲା ପ୍ରଶାସନ ଓ ପୋଲିସର ଚଢ଼ାଉ । ବିପୁଳ ଗ୍ଯାସ ସିଲିଣ୍ଡର ଜବତ । ଉମରକୋଟ ସନ୍ତୋଷୀ ନଗରର ଜଣେ ବ୍ୟକ୍ତିଙ୍କ ଘରେ ଗ୍ୟାସ ଥିବା ସୂଚନା ପାଇ ଚଢାଉ କରିଥିଲା ପୋଲିସ । ସେଠାରୁ ଅନେକ ଟାଙ୍କି ଜବତ ହୋଇଥିବାବେଳେ ଦୀପକ ଶର୍ମା ନାମକ ଗ୍ୟାସ ବେପାରୀ ପୁରୁଣା ବସଷ୍ଟାଣ୍ଡ ସ୍ଥିତ ଶୌଚାଳୟରେ ୫ଟି ଖାଲି ହାଣ୍ଡି ରଖିଥିବା ବେଳେ ପୋଲିସ ଓ ଯୋଗାଣ ବିଭାଗ ଜବତ କରିଛି । ସେହିପରି ଝରୀଗାଁ ରୋଡର ମନୋଜ ଅଗ୍ରୱାଲଙ୍କ ନିକଟରୁ ୩୩ ଟି ଖାଲି ସିଲିଣ୍ଡର ଜବତ କରାଯାଇଛି । ଅନ୍ୟପଟେ ନୂଆ ବସଷ୍ଟାଣ୍ଡରୁ ଉଠା ଦୋକାନୀଙ୍କ ପାଖରୁ କିଛି ଘରୋଇ ସିଲିଣ୍ଡର ଜବତ କରାଯାଇଛି ।
ଏନଏସି ଅଧିକାରୀଙ୍କ ମନମୁଖୀ କାର୍ଯ୍ୟକୁ ବିରୋଧ…
ଚାନ୍ଦବାଲି : ଚାନ୍ଦବାଲି ଏନଏସି ଅଧିକାରୀଙ୍କ ମନମୁଖୀ କାର୍ଯ୍ୟକୁ ବିରୋଧ କଲେ ଅଧ୍ୟକ୍ଷାଙ୍କ ସମେତ କାଉନସିଲର । ଶାସକ ଦଳର କର୍ମୀଙ୍କୁ କାମ ବଣ୍ଟନ କରି ଖୁସି କରୁଥିବା ଅଭିଯୋଗ । ପ୍ରତିବାଦରେ ଚାନ୍ଦବାଲି ଏନ ଏ ସି ଅଧିକାରୀଙ୍କୁ ଘେରିଲେ ଅଧ୍ୟକ୍ଷା, ଉପାଧ୍ୟକ୍ଷଙ୍କ ସମେତ କାଉନସିଲର । ଅଭିଯୋଗ ମୁତାବକ ଚାନ୍ଦବାଲି ଏନଏସି ର ପ୍ରତ୍ୟେକ ୱାର୍ଡ ବିଭିନ୍ନ ପ୍ରକାରର ଉନ୍ନୟନ ମୂଳକ କାର୍ଯ୍ୟ ଚାଲୁ ରହିଛି । ମାତ୍ର କେଉଁଠି କେତେ ଟଙ୍କାର କେଉଁ କାର୍ଯ୍ୟ ହେଉଛି ସେ ବିଷୟରେ ଅବଗତ ନାହାନ୍ତି ଅଧ୍ୟକ୍ଷାଙ୍କ ସମେତ କାଉନସିଲର । ଏନଏସି ଅଧିକାରୀଙ୍କ ମନମୁଖୀ କାର୍ଯ୍ୟକୁ ବିରୋଧ କରିଛନ୍ତି କଂଗ୍ରେସ ଓ ବିଜେଡି ଦଳର କାଉନସିଲର । ଯଦି ଏନଏସି ଅଧିକାରୀ ଏମିତି କାର୍ଯ୍ୟରୁ ବିରତ ନ ହୁଅନ୍ତି ତେବେ ଏନଏସି ଅଫିସରେ ଚାବି ପକାଇବା ସହ ଆନ୍ଦୋଳନକୁ ଜୋରଦାର କରାଯିବ ବୋଲି ଚେତାବନୀ ଦେଇଛନ୍ତି ବିଜେଡି ଓ କଂଗ୍ରେସ । ଅନ୍ୟ ପଟେ ଏ ବିଷୟରେ କ୍ୟାମେରା ଆଗରେ କିଛି କହିବାକୁ ମନା କରିଛନ୍ତି ଏନଏସି ଅଧିକାରୀ ।
ଗୁଣି ସନ୍ଦେହରେ ଶାଶୁକୁ ହାଣିଲା ବୋହୂ…
ଉଦଳା : ଶାଶୁକୁ ହାଣିଲା ବୋହୂ । ଗୁଣି ସନ୍ଦେହରେ ଶାଶୁକୁ ଅତି ନିଷ୍ଠୁର ଭାବେ ଘର ଭିତରେ ପନିକିରେ ହାଣିଲା ବୋହୂ। ଆଉ ଏ ସବୁର ଦେଖଣାହାରି ସାଜିଥିଲା ପୁଅ। ମୟୂରଭଞ୍ଜ ଉଦଳା ଥାନା ଏନଏସି ୬ ନମ୍ବର ୱାର୍ଡରେ ଘଟିଛି ଏଭଳି ଘଟଣା। ଗାଁର ସାବିତ୍ରୀ ଦତ୍ତ ଘର ବାହାରେ ବସିଥିବା ବେଳେ ଅଚାନକ ବୋହୂ ମାମି ଦତ୍ତ ଆସି ସାବିତ୍ରୀଙ୍କୁ ଘର ଭିତରକୁ ଘୋଷାରି ନେଇଥିଲେ। ସେଠାରେ ବେତବାଡ଼ିରେ ନିର୍ଘାତ ମାଡ଼ ମାରିବା ପରେ ପନିକିରେ ଅନ୍ଧାଧୂନ ହାଣି ଚାଲିଲେ। ତେବେ ଆକ୍ରମଣରେ ଗୁରୁତର ହୋଇ ସାବିତ୍ରୀ ଚିତ୍କାର କରିବାରୁ ପଡୋଶୀ ଉଦ୍ଧାର କରି ପୋଲିସକୁ ଖବର ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ଗୁରୁତର ଅବସ୍ଥାରେ ଶାଶୁକୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛି। ଆକ୍ରମଣ କରିଥିବା ବୋହୂକୁ ଅଟକ ରଖି ପଚରାଉଚରା କରୁଛି ପୋଲିସ.
ଗୋରୁ ଗାଡି ଅଟକାଇବାକୁ ଯାଇ ଜଣେ ମୃତ ଜଣେ ଗୁରୁତର
ସୋର : ଗୋରୁ ଗାଡି ଅଟକାଇବାକୁ ଯାଇ ଜଣେ ମୃତ ଜଣେ ଗୁରୁତର l ବାଲେଶ୍ୱର ଜିଲ୍ଲା ସୋର ଥାନା ୧୬ ନମ୍ବର ଜାତୀୟ ରାଜପଥ ବାରିକପୁର ନିକଟରେ ଦୁର୍ଘଟଣା । ଗୋରୁ ଗାଡି ଅଟକାଉଥିବା ବେଳେ ଦୁର୍ଘଟଣାର ଶିକାର ହୋଇ ଜଣେ ଯୁବକଙ୍କ ମୃତ୍ୟୁ ହୋଇଥିବା ବେଳେ ଅନ୍ୟଜଣେ ଗୁରୁତର ଆହତ ହୋଇଛନ୍ତି । ଗୋରୁ ଚାଲାଣ ହେଉଥିବା ଖବର ପାଇ କିଛି ଗୋସୁରକ୍ଷା ବାହିନୀର ଯୁବକ ଗାଡିକୁ ଅଟକାଇବା ପାଇଁ ପିଛା କରିଥିଲେ। ଗାଡିଟି ଦ୍ରୁତ ଗତିରେ ଯାଉଥିବା ବେଳେ ଖନ୍ତାପଡ଼ା ଥାନା କସବା ଜୟପୁର ପଞ୍ଚାୟତ ଅଳସୁଁଆ ଗ୍ରାମର କୃପାସିନ୍ଧୁ ବେହେରା ଓ ଲମ୍ବୋଧର ମହାପାତ୍ର ଏକ ବାଇକରେ ଗାଡିକୁ ପିଛା କରିଥିଲେ । ଗୋରୁ ବୋଝେଇ ଗାଡିଟି ଖନ୍ତାପଡା ନିକଟ ପଣପଣା ନିକଟରେ ବାଇକରେ ଥିବା ୨ ଜଣ ଯୁବକଙ୍କୁ ଧକା ଦେଇ ଫେରାର ହୋଇଯାଉଥିବା ବେଳେ ଖନ୍ତାପଡା ପୋଲିସ ଗାଡିକୁ ଜବତ କରିଥିଲା । ଦୁର୍ଘଟଣାର ଶିକାର ହୋଇଥିବା ଯୁବକ ଦୁଇଜଣଙ୍କୁ ସ୍ଥାନୀୟ ଲୋକେ ଉଦ୍ଧାର କରି ସୋର ଡ଼ାକ୍ତରଖାନାକୁ ଆଣିଥିବା ବେଳେ ସେଠାରେ ଡାକ୍ତର କୃପାସିନ୍ଧୁଙ୍କୁ ମୃତ ଘୋଷଣା କରିଥିଲେ ଓ ଲମ୍ବୋଦରଙ୍କ ଅବସ୍ଥା ସଙ୍କଟାପନ୍ନ ଥିବାରୁ ତାଙ୍କୁ ବାଲେଶ୍ୱର ଓ ପରେ କଟକ ବଡ ଡ଼ାକ୍ତରଖାନାକୁ ସ୍ଥାନାନ୍ତର କରାଯାଇଛି ।
ଏରସମା ଥାନା ପରିସରରେ ହାଇଡ୍ରାମା ; ଗିରଫ ଭୟରେ ବିଷ ପିଇଦେଲା ଯୁବକ
ନନ୍ଦିଘୋଷ ବ୍ୟୁରୋ : ଏରସମା ଥାନା ପରିସରରେ ହାଇ ଡ୍ରାମା । ଗିରଫ ଭୟରେ ବିଷ ପିଇଦେଲା ଯୁବକ । ଉଦ୍ଧାର ପରେ ପ୍ରଥମେ ଏରସମା ମେଡିକାଲ ପରେ ଜିଲ୍ଲା ଚିକିତ୍ସାଳୟ ସ୍ଥାନାନ୍ତର । ଜଗତସିଂହପୁର ଜିଲ୍ଲା ଏରସମା ବ୍ଲକ କୁଞ୍ଜକୋଠି ପଞ୍ଚାୟତ କନାଗୁଳି ଗାଁର ଅନାଦି ରାଉତ ସ୍ତ୍ରୀ ଓ ପିଲାମାନଙ୍କୁ ବାରମ୍ବାର ନିର୍ଯାତନା ଦେଉଥିବା ଅଭିଯୋଗ ହୋଇଥିଲା । ଏନେଇ ସ୍ତ୍ରୀ, ପରିବାର ସହ ସ୍ଵାମୀ ଙ୍କ ବିରୋଧରେ ଏରସମା ଥାନାକୁ ଏତଲା ଦେବାକୁ ଆସିଥିବା ବେଳେ ଅନାଦି ହଠାତ୍ ଉତ୍ତେଜିତ ହୋଇ ଥାନା ପରିସରରେ ସ୍ତ୍ରୀ ଓ ଶଶୁରଙ୍କୁ ଗାଳିଗୁଲଜ ସହ ମାଡ଼ ମାରିଥିଲା । ପରେ ଗିରଫ ଭୟରେ ସେ ସେଠାରେ ବିଷ ପିଇଦେଇଥିଲା । ଥାନା ଅଧିକାରୀ ପ୍ରେମ୍ ଜିତ ଦାସ ତୁରନ୍ତ ଅନାଦିକୁ ଉଦ୍ଧାର କରି ଏରସମା ମେଡିକାଲକୁ ନେଇଥିବା ବେଳେ ଅବସ୍ଥା ଗୁରୁତର ହେବାରୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ଘଟଣାକୁ ନେଇ ପୋଲିସ ତଦନ୍ତ ଜାରି ଜାରି ରଖିଛି ।
ନାହିଁ ନାହିଁରେ ସରକାରୀ ଡାକ୍ତରଖାନା ; ଆବଶ୍ୟକ ଡାକ୍ତର, ନର୍ସ ଓ କର୍ମଚାରୀ ନଥିବା ଅଭିଯୋଗ
ନନ୍ଦିଘୋଷ ବ୍ୟୁରୋ : ରାଉରକେଲା ସରକାରୀ ଡାକ୍ତରଖାନାକୁ ଦୈନିକ ଏକ ହଜାରରୁ ଅଧିକ ରୋଗୀ ଚିକିତ୍ସିତ ହେଵା ପାଇଁ ଆସି ବିଭିନ୍ନ ଅସୁବିଧାର ସମ୍ମୁଖିନ ହେଉଥିବା ଅଭିଯୋଗ ହେଉଛି । ହସ୍ପିଟାଲରେ ଆବଶ୍ୟକ ଡାକ୍ତର, ନର୍ସ ଓ କର୍ମଚାରୀ ନଥିବା ବେଳେ ଏହର ପରିମଳ ଅତ୍ୟନ୍ତ ଦୟନୀୟ । ଡାକ୍ତରଖାନାରେ ୧୩୮ ଟି ଡାକ୍ତରୀ ପଦଵୀ ଆବଶ୍ୟକ ରହିଥିବା ବେଳେ ୫୮ ଡାକ୍ତର ପଦବୀ ଖାଲି ରହିଛି । ସେହିପରି ୧୫୮ ଜଣ ନର୍ସ ପଦବୀ ଖାଲି । ଡାକ୍ତରଖାନା ପରିସରରେ ଥିବା ଓ୍ବାଟର ଏଟିଏମ ଅଚଳ ହୋଇ ରହିଥିବା ବେଳେ ଡ଼ାକ୍ତରଖାନା ପରିସରରେ ପରିମଳ ଓ ସଫେଇ ବ୍ୟବସ୍ଥା ଠିକ ନଥିବା ଅଭିଯୋଗ ହେଉଛି । ଅଭିଯୋଗ ପରେ ରଘୁନାଥପାଲ୍ଲି ବିଧାୟକ ଡାକ୍ତରଖାନା ଗସ୍ତ କରି ସ୍ଥିତି ଅନୁଧ୍ୟାନ କରିଥିଲେ । ଡାକ୍ତରଖାନା ପରିସରର ପରିମଳ ଓ ସଫେଇ ବ୍ୟବସ୍ଥା ଠିକ ରଖିବା ପାଇଁ ଠିକା ସଂସ୍ଥା ଓ ବିଭାଗୀୟ ଅଧିକାରୀଙ୍କୁ ବିଧାୟକ ତାଗିଦ ତାଗିଦ କରିଛନ୍ତି ।
ନେପାଳର ପୂର୍ବତନ ପ୍ରଧାନମନ୍ତ୍ରୀ ଗିରଫ ; କେପି ଓଲିଙ୍କୁ ଗିରଫ କଲା ପୋଲିସ
ନନ୍ଦିଘୋଷ ବ୍ୟୁରୋ : ନେପାଳର ପୂର୍ବତନ ପ୍ରଧାନମନ୍ତ୍ରୀ କେପି ଓଲି ଶର୍ମା ଗିରଫ। ଗତ ରାତିରେ ତାଙ୍କୁ ଗିରଫ କରାଯାଇଛି। ପ୍ରଥମେ ଭକ୍ତପୁର ଗୁଣ୍ଡୁରେ ଥିବା ବାସଭବନରୁ ତାଙ୍କୁ ଉଠାଇ ନେଇଥିଲା ପୋଲିସ । ତା ପରେ ବିଧିବଦ୍ଧ ଭାବେ ଗିରଫ କରାଯାଇଛି। ଜେନ୍ ଜି ଆନ୍ଦୋଳନ ବେଳେ ତାଙ୍କ ସରକାର ଯେଉଁ ଦମନଲୀଳା କରିଥିଲେ ତାହା ନରସଂହାର କରି ଏହି ଆକ୍ସନ ନେଇଛି ପୋଲିସ। ଏହା ସହିତ ନେପାଳର ପୂର୍ବତନ ଗୃହ ମନ୍ତ୍ରୀଙ୍କୁ ମଧ୍ୟ ଗିରଫ କରାଯାଇଛି। ଜେନ୍ ଜି ଆନ୍ଦୋଳନ ବେଳେ ନରସଂହାର ଲାଗି ଏହି ଦୁଇ ଜଣଙ୍କୁ ଦାୟୀ କରିଛନ୍ତି ନୂଆ ସରକାର ଓ ଉଭୟଙ୍କୁ ଗିରଫ କରିଛନ୍ତି। ଗତକାଲି ହିଁ ପ୍ରଧାନମନ୍ତ୍ରୀ ଭାବେ ଶପଥ ନେଇଥିଲେ ବାଲେନ ଶାହ। ନୂଆ ସରକାର ଗଠନ ହୋଇଥିଲା ଏବଂ କ୍ଷମତାକୁ ଆସୁ ଆସୁ ଆକ୍ସନ ନେଇଛନ୍ତି ବାଲେନ। ଗତ ବର୍ଷ ନେପାଳରେ ହୋଇଥିବା ଜେନ୍ ଜି ଆନ୍ଦୋଳନରେ କେଲି ଓଲି ସରକାରର ପତନ ହୋଇଥିଲା। ତା ପରେ ହୋଇଥିବା ନିର୍ବାଚନରେ ଯୁବ ଆଇକନ ତଥା କାଠମାଣ୍ଡୁର ମେୟର ବାଲେନ ଶାହଙ୍କ ପାର୍ଟି ବହୁମତ ହାସଲ କରିଥିଲା ଓ ସରକାର ଗଠନ କରିଥିଲା।
ପୁରୀରେ ଆର୍ମି ଚିଫ୍ ଜେନେରାଲ ଉପେନ୍ଦ୍ର ଦ୍ଵିବେଦୀ ; ସେ ଶ୍ରୀମନ୍ଦିର ଯାଇ ମହାପ୍ରଭୁଙ୍କ ଦର୍ଶନ କରିଛନ୍ତି
ନନ୍ଦିଘୋଷ ବ୍ୟୁରୋ : ପୁରୀରେ ଆର୍ମି ଚିଫ୍ ଜେନେରାଲ ଉପେନ୍ଦ୍ର ଦ୍ଵିବେଦୀ। ସେ ଶ୍ରୀମନ୍ଦିର ଯାଇ ମହାପ୍ରଭୁଙ୍କ ଦର୍ଶନ କରିଛନ୍ତି। ଶ୍ରୀଜିଉଙ୍କୁ ଦର୍ଶନ କରି ଶ୍ରୀମନ୍ଦିରରୁ ବାହାରିବା ପରେ ସେ କହିଛନ୍ତି, ରତ୍ନ ସିଂହାସନରେ ଚତୁର୍ଦ୍ଧାମୂର୍ତ୍ତିଙ୍କୁ ଦର୍ଶନ କରି ବିମୋହିତ ହୋଇଯାଇିଥିଲି। ଦେଶବାସୀଙ୍କ ସୁରକ୍ଷା ପାଇଁ ମହାପ୍ରଭୁଙ୍କ ନିକଟରେ ପ୍ରାର୍ଥନା କରିଛି। ଭାରତୀୟ ସେନା ପାଇଁ କୌଣସି ପ୍ରକାର ପ୍ରତିବନ୍ଧକର ସମ୍ମୁଖୀନ ଯେମିତି ନ ହେବ, ସେଥିପାଇଁ ଶ୍ରୀଜିଉଙ୍କ ଆଶିଷ ଭିକ୍ଷା କରିଥିଲେ। ଭିତରକାଠ ନିକଟରେ ଦର୍ଶନ ଓ ପୂଜା କରିବା ପରେ ସେ ବଟ ଗଣେଶ, ମା ବିମଳା, ମା ମହାଲକ୍ଷ୍ମୀ, ରୋଷଶାଳା ଓ କୋଇଲିବୈକୁଣ୍ଠରେ ମହାପ୍ରଭୁଙ୍କ ସମାଧିସ୍ଥଳ ଆଦି ବୁଲି ଦେଖିଥିଲେ।