spot_img
Home Blog Page 2915

ରବିବାର ଦୁର୍ଘଟଣାର ଦିନ: ଭିନ୍ନ ଭିନ୍ନ ସ୍ଥାନରେ ୩ ମୃତ, ୨୦ରୁ ଅଧିକ ତୀର୍ଥଯାତ୍ରୀ ଆହତ

ଭୁବନେଶ୍ବର: ରବିବାର ସକାଳୁ ସକାଳୁ ଭିନ୍ନ ଭିନ୍ନ ସ୍ଥାନରୁ ଆସିଛି ଦୁଃଖଦ ଖବର । ଦୁଇଟି ସ୍ଥାନରେ ଦୁର୍ଘଟଣାରେ ମର୍ଣ୍ଣିଂ ଓ୍ବାକ କରୁଥିବା ବେଳେ ୩ ଯୁବକଙ୍କ ମୃତ୍ୟୁ ଘଟିଛି । ଗୋଟିଏ ସ୍ଥାନରେ ଶ୍ରୀକ୍ଷେତ୍ର ଯାଉଥିବା ତୀର୍ଥଯାତ୍ରୀ ବସ୍ ଦୁର୍ଘଟଣାଗ୍ରସ୍ତ ହୋଇ ୨୦ରୁ ଅଧିକ ପର୍ଯ୍ୟଟକ ଆହତ ହୋଇଛନ୍ତି ।

ମର୍ଣ୍ଣିଂ ଓ୍ବାକ ହେଲା କାଳ

ପାଲଲହଡା ଥାନା ୪୯ ନମ୍ବର ଜାତୀୟ ରାଜପଥ ମୁକ୍ତାପୁର ନିକଟରେ ଅଜଣା ଗାଡ଼ି ଦୁଇଜଣ ଯୁବକଙ୍କ ମୃତ୍ୟୁ ଘଟିଛି । ଯୁବକ ଦ୍ବୟ ହେଲେ ମୁକ୍ତାପୁର ଗ୍ରାମର ମାଧବ ସାମାଡ଼ ଏବଂ ସୁସବ ଗ୍ରାମର ରାଜେଶ ଶୁଣ୍ଢୀ । ଉଭୟ ମର୍ଣ୍ଣିଂ ଓ୍ବାକ କରୁଥିବା ବେଳେ କୌଣସି ଗାଡ଼ି ସେମାନଙ୍କୁ ଧକ୍କା ଦେଇ ଚାଲି ଯାଇଥିଲା । ଘଟଣାସ୍ଥଳରେ ଉଭୟଙ୍କ ମୃତ୍ୟୁ ଘଟିଛି । ପାଲଲହଡା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ଯୁକ୍ତଦୁଇ ଛାତ୍ରଙ୍କ ଉପରେ ଚଢ଼ିଗଲା ଭ୍ୟାନ୍

ସେହିପରି ବଲାଙ୍ଗୀର ଜିଲ୍ଲା ପାଟଣାଗଡ଼ ରାସ୍ତା ଗେଡାବାଞ୍ଜି ଛକରେ ଦୁର୍ଘଟଣା ଘଟି ମର୍ଣ୍ଣିଂ ଓ୍ବାକ କରୁଥିବା ଜଣେ ଯୁବକଙ୍କ ମୃତ୍ୟୁ ଘଟିଛି । ଏକ୍ ପିକଅପ ଭ୍ୟାନ ଯୁବକଙ୍କ ଉପରେ ଚଢ଼ି ଯାଇଥିଲା । ଫଳରେ ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଥିଲା । ମୃତ ଯୁବକ ହେଲେ ଯୁକ୍ତଦୁଇ ଛାତ୍ର ପୁରୁଷୋତ୍ତମ ଭୁଏ I ପୋଲିସ ଘଟଣାସ୍ଥଳରେ ପହଞ୍ଚି ଭ୍ୟାନ ଡ୍ରାଇଭରଙ୍କୁ ଗିରଫ କରିଛି । ଦୁର୍ଘଟଣା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଥିଲା । ଉତ୍ତ୍ୟକ୍ତ ଲୋକେ ଏବଂ ଆଦିବାସୀ ସଙ୍ଘ ପକ୍ଷରୁ ରାସ୍ତାରୋକ କରାଯାଇଛି । ଘଟଣା ସ୍ଥଳରେ ସଦର ଥାନା ପୋଲିସ ପହଞ୍ଚି ଲୋକଙ୍କୁ ବୁଝାଶୁଝା କରୁଛି ।

ଶ୍ରୀକ୍ଷେତ୍ରରେ ପହଞ୍ଚିବା ପୂର୍ବରୁ ଦୁର୍ଘଟଣା

ବାଲେଶ୍ବର ଜିଲ୍ଲା ସୋର ୧୬ ନମ୍ବର ଜାତୀୟ ରାଜପଥ କଲଲେଜ ଛକ ମନୋରଞ୍ଜନ ଢାବା ନିକଟରେ ଏକ ତୀର୍ଥଯାତ୍ରୀ ବସ୍ ଦୁର୍ଘଟଣାଗ୍ରସ୍ତ ହୋଇ ୨୦ରୁ ଅଧିକ ପର୍ଯ୍ୟଟକ ଆହତ ହୋଇଛନ୍ତି । ଏହି ତୀର୍ଥଯାତ୍ରୀମାନେ ନେପାଳ ବଙ୍କେ ଅଞ୍ଚଳରୁ ମହାପ୍ରଭୁ ଶ୍ରୀଜଗନ୍ନାଥଙ୍କ ଦର୍ଶନ ପାଇଁ ପୁରୀ ଯାଉଥିଲେ । ଢାବା ନିକଟରେ ଛିଡ଼ା ହୋଇଥିବା ଏକ ଟ୍ରକକୁ ଟୁରିଷ୍ଟ ଇଣ୍ଡିଆ ନାମକ ଘରୋଇ ବସଟି ଧକ୍କା ଦେଇଥିଲା । ଆହତମାନଙ୍କୁ ଉଦ୍ଧାର କରାଯାଇ ସୋର ଡାକ୍ତରଖାନାରେ ଭର୍ତ୍ତି କରାଯାଇଛି ।

ଦିନିକିଆ ବିଶ୍ବକପ୍: ଆଜି ଭାରତ-ଅଷ୍ଟ୍ରେଲିଆ ମୁକାବିଲା

ଚେନ୍ନାଇ: ବିଶ୍ବକପ୍ ବିଗୁଲ ବାଜି ସାରିଥିବା ବେଳେ ଆଜି ଭାରତ ଆରମ୍ଭ କରିବ ଅଭିଯାନ । ଚେନ୍ନାଇ ଏମଏ ଚିଦାମ୍ବରମ୍ ଷ୍ଟାଡିୟମରେ ଅଷ୍ଟ୍ରେଲିଆକୁ ଭେଟିବ ଘରୋଇ ଟିମ୍ ଭାରତ । ଅପରାହ୍ଣ ୨ଟାରୁ ଆରମ୍ଭ ହେବ ଖେଳ ।

ରୋହିତ ଶର୍ମାଙ୍କ ନେତୃତ୍ବରେ ପଡ଼ିଆକୁ ଓହ୍ଲାଇ ବିଶ୍ବକପ ଅଭିଯାନ ଆରମ୍ଭ କରିବ ଭାରତ । ଭାରତର ଓପନର ଶୁଭମନ ଗିଲ୍ ପ୍ରଥମ ମ୍ୟାଚରୁ ବାଦ ପଡ଼ିପାରନ୍ତି । ଗିଲଙ୍କୁ ଡେଙ୍ଗୁ ହୋଇଥିବାବେଳେ ସେ ଖେଳିବେ କି ନାହିଁ ତାହା ନିଶ୍ଚିତ ହୋଇନାହିଁ । ଯଦି ଗିଲ ନଖେଳନ୍ତି ତେବେ ତାଙ୍କ ବଦଳରେ ଇଶାନ କିଷନ ରୋହିତଙ୍କ ସହିତ ଓପନିଂ କରିପାରନ୍ତି । ଟିମରେ ବିରାଟ କୋହଲି, ଶ୍ରେୟସ ଆୟାର, କେଏଲ ରାହୁଲ, ହାର୍ଦ୍ଦିକ ପାଣ୍ଡ୍ୟା, ରବିନ୍ଦ୍ର ଜାଡେଜା, ରବିଚନ୍ଦନ ଅଶ୍ବିନୀ, ଜସପ୍ରୀତ ବୁମରା, ମହମ୍ମଦ ସିରାଜ, କୁଲଦୀପ ଯାଦବଙ୍କୁ ସ୍ଥାନ ମିଳିପାରେ ।

ବିଶ୍ବକପ ଇତିହାସରେ ୫ ଥର ଚାମ୍ପିୟନ ଅଷ୍ଟ୍ରେଲିଆ । ୧୯୮୩ ଓ ୨୦୧୧ ପରେ ଭାରତ ପୁନର୍ବାର ବିଶ୍ବକପ ଜିତିବାକୁ ଆଶା ରଖିଛି । ଓ୍ବାର୍ଲ୍ଡକପରେ ଭାରତ ସମୁଦାୟ ୮୯ ମ୍ୟାଚ ଖେଳି ୫୩ଟିରେ ବିଜୟ ହାସଲ କରିଛି । ୩୩ ମ୍ୟାଚରେ ପରାଜିତ ହୋଇଛି । ଅଷ୍ଟ୍ରେଲିଆ ବିପକ୍ଷରେ ଭାରତ ୧୨ଟି ମ୍ୟାଚ ଖେଳି ମାତ୍ର ୪ଟିରେ ବିଜୟୀ ହୋଇଥିବାବେଳେ ୮ଟିରେ ପରାଜିତ ହୋଇଛି । ତେବେ ଅତୀତର ରେକର୍ଡକୁ ଭୁଲି ଭାରତ ନୂଆ ରେକର୍ଡ କରିବାକୁ ଲକ୍ଷ୍ୟ ରଖିଛି । ବିଶ୍ବକପ ପୂର୍ବରୁ ଅଷ୍ଟ୍ରେଲିଆ ବିପକ୍ଷ ସିରିଜରେ ମଧ୍ୟ ଭାରତ ଭଲ ପ୍ରଦର୍ଶନ କରିଥିଲା । ଆଜି ବିଜୟରୁ ବିଶ୍ବକପ ଅଭିଯାନ ଆରମ୍ଭ କରିବାକୁ ଦଳ ଆଶା ରଖିଛି । ସେପଟେ ଅଷ୍ଟ୍ରେଲିଆ ମଧ୍ୟ ଶକ୍ତିଶାଳୀ ଟିମ୍ ସହିତ ପଡ଼ିଆକୁ ଓହ୍ଲାଇବ ।

ଖଣ୍ଡଗିରି ପୋଲିସ ହାତରେ ପାଞ୍ଚ ଜଣିଆ ଆନ୍ତ ଜିଲ୍ଳା ଲୁଟେରା ଗ୍ୟାଙ୍ଗ

ଭୁବନେଶ୍ବର : ରାଜଧାନୀ ଭୁବନେଶ୍ବରରେ ଡକାୟତି ଯୋଜନା ପଣ୍ଡ । ଖଣ୍ଡଗିରି ଥାନା ପୋଲିସ ହାତରେ ପାଞ୍ଚ ଜଣିଆ ଆନ୍ତ ଜିଲ୍ଳା ପେଶାଦାର ଲୁଟେରା ଗ୍ୟାଙ୍ଗ । ଅଭିଯୁକ୍ତଙ୍କ ଠାରୁ ଖଣ୍ଡା, ଛୁରୀ , ଲଙ୍କାଗୁଣ୍ଡ, ସହ  2 ଟି ବାଇକ୍ ଜବତ କରାଯାଇଛି । ଏହି 5 ଡକାୟତ ଗ୍ୟାଙ୍ଗ 4 ଜିଲା ନୟାଗଡ଼, ପୁରୀ , କେନ୍ଦ୍ରାପଡ଼ା ଓ ଭୁବନେଶ୍ବର ପୋଲିସ ପାଇଁ ଥିଲେ ମୋଷ୍ଟ ୱାଣ୍ଟେଡ । ଏମାନେ ଜେଲ ଭିତରୁ ହିଁ ତିଆରି କରିଛନ୍ତି ଡକାୟତ ଗ୍ୟାଙ୍ଗ । ଜାମିନରେ ଆସିବା ପରେ ପୁଣି ଥରେ ଗ୍ୟାଙ୍ଗ ଆକ୍ଟିଭ କରିବା ସହ ପୂଜା ସମୟରେ ଜୋରଦାର ଡକାୟତି କରିବା  ପାଇଁ ଯୋଜନା କରିଥିଲେ ।

ଗ୍ୟାଙ୍ଗ ବିରୋଧରେ ହତ୍ୟା ଓ ଡକାୟତି ମାମଲା ରହିଛି ।  ଗିରଫ ଅଭିଯୁକ୍ତ ମାନେ ହେଲେ ପୁରୀ ଅଞ୍ଚଳର ମୁରଲୀ ବେହେରା,ଗଂଜାମ ଅଞ୍ଚଳର ଶଙ୍କର ଡାକୁଆ,ପୁରୀ ଅଞ୍ଚଳର ମାନସ ପ୍ରଧାନ,ବରମୁଣ୍ଡା ଅଞ୍ଚଳର ମଣ୍ଟୁ ପାଇକରାଏ, ଓ ନୟାଗଡ଼ ଜିଲ୍ଲାର ଆକାଶ ନାୟକ  । ମଣ୍ଟୁ ନାମରେ ପୂର୍ବରୁ ବିଭିନ୍ନ ଥାନାରେ 23 ଟି ମାମଲା ରହିଛି । ମୂରଲୀ ବେହେରା ନାମରେ 3 ଟି ଓ ଶଙ୍କର ନାମରେ 3 ମାମଲା ରହିଛି । ଏମାନଙ୍କ ବିରୋଧରେ 110 ଦଫା ଲଗାଇବ ପୋଲିସ ।

ସାଲେପୁର ହରେକୃଷ୍ଣ ପୃଷ୍ଟି ହତ୍ୟାକାଣ୍ଡ ଘଟଣାରୁ ଉଠିଲା ପରଦା

କଟକ : କଟକ ଜିଲ୍ଲା ସାଲେପୁର ହରେକୃଷ୍ଣ ପୃଷ୍ଟି ହତ୍ୟାକାଣ୍ଡ ଘଟଣାରୁ ଉଠିଲା ପରଦା । ପୂର୍ବ ଶତ୍ରୁତାକୁ କେନ୍ଦ୍ରକରି 4 ଜଣ ସାଙ୍ଗଙ୍କ ସହ ମିଶି ନିଜ ଦାଦାକୁ ହତ୍ୟା କରିବା ସହ ଖୁଡ଼ିଙ୍କୁ ମରଣାନ୍ତକ ଆକ୍ରମଣ କରିଥିଲା ପୁତୁରା । ଗତ 5 ତାରିଖ ଦିନ ସକାଳେ କୁଳିଆ ଠାରେ ନିଜ ଜଳଖିଆ ଦୋକାନରୁ ହରେକୃଷ୍ଣଙ୍କ ରକ୍ତ ଜୁଡୁବୁଡୁ ମୃତଦେହ ସହ ତାଙ୍କ ପତ୍ନୀ ଅନ୍ନପୂର୍ଣ୍ଣାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଥିଲା ସାଲେପୁର ପୋଲିସ । ତାଙ୍କୁ କଟକ ବଡ଼ ମେଡ଼ିକାଲ ନିଆଯାଇଥିଲା । ପୂର୍ବଦିନ ରାତିରେ ପୁତୁରା ଭରତ ପୃଷ୍ଟି ନିଜର 4 ଜଣ ସାଙ୍ଗ ଦୀପକ କୁମାର ବେହେରା, ରବୀନ୍ଦ୍ର ସାହୁ, ଲକ୍ଷ୍ମୀଧର ସାହୁ, ବୀରକିଶୋର ସାହୁଙ୍କ ସହ ଭୋଜି କରିଥିଲା ।

ସେଠାରେ ଦାଦାଙ୍କୁ ହତ୍ୟା କରିବା ପାଇଁ ଯୋଜନା କରିଥିଲା । ଯୋଜନା ମୁତାବକ ଦାଦା ଖୁଡି ଉଭୟ ରାତିରେ ଶୋଇଥିବା ବେଳେ ଦୁଇଟି ଟାଙ୍ଗିଆରେ ଭରତ ଓ ତାର ସାଙ୍ଗମାନେ ଅତି ବିଭତ୍ସ ଭାବେ ହତ୍ୟା କରିଥିଲେ । ଘଟଣାରେ ସମସ୍ତ ଅଭିଯୁକ୍ତଙ୍କୁ ଗିରଫ କରିବା ସହ ହତ୍ୟାକାଣ୍ଡରେ ବ୍ୟବହୃତ ହୋଇଥିବ ଦୁଇଟି ଟାଙ୍ଗିଆ ଜବତ କରାଯାଥିବା ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି କଟକ ଗ୍ରାମାଞ୍ଚଳ ଅତିରିକ୍ତ ଏସପି ।

ଜନ୍ମ ମାଟିରେ ପହଞ୍ଚିଲା ସହିଦ ଓଡ଼ିଆ ଯବାନ ସରୋଜ ଦାସଙ୍କ ପାର୍ଥିବ ଶରୀର

ଢେଙ୍କାନାଳ : ଜନ୍ମମାଟିରେ ସହିଦ ଓଡ଼ିଆ ଯବାନ ସରୋଜ ଦାସ । କାମାକ୍ଷାନଗର କେନ୍ଦୁଢିପରେ ପହଞ୍ଚିଛି ସହିଦ ସରୋଜଙ୍କ ପାର୍ଥିବ ଶରୀର । ବିଶାଳ ଶୋଭାଯାତ୍ରାରେ ଶେଷଥର ପାଇଁ ଗାଁକୁ ଯାଇଛନ୍ତି ସରୋଜ । ହଜାର ହଜାର ଲୋକ ସରୋଜଙ୍କ ଶେଷଯାତ୍ରାରେ ସାମିଲ ହୋଇଛନ୍ତି  । ସମସ୍ତଙ୍କ ଆଖିରେ ଗର୍ବ ଆଉ ବିଚ୍ଛେଦର ଲୁହ । କିଛି ସମୟରେ ଜନ୍ମମାଟିରେ ରାଷ୍ଟ୍ରୀୟ ମର୍ଯ୍ୟାଦା ସହିତ ସରୋଜଙ୍କ ଶେଷକୃତ୍ୟ ସମ୍ପନ୍ନ ହେବ । ଭୁବନେଶ୍ବର ବିମାନ ବନ୍ଦରରେ ସହିଦ ଓଡ଼ିଆ ଯବାନ ସରୋଜ ଦାସଙ୍କ ପାର୍ଥିବ ଶରୀର ପହଞ୍ଚିବା ପରେ ଦିଆଯାଇଥିଲା ଗାର୍ଡ ଅଫ୍ ଅନର ।
ଏହି ସମୟରେ ରାଜ୍ୟପାଳ ପ୍ରଫେସର ଗଣେଶି ଲାଲ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ମନ୍ତ୍ରୀ ପ୍ରଫୁଲ ମଲ୍ଲିକ , ଢେଙ୍କାନାଳ ସାଂସଦ ମହେଶ ସାହୁ, ବିଧାୟକ ସୁଧିର ସାମଲ , ବିଏସଏଫର ବରିଷ୍ଠ ଅଧିକାରୀ, ଅବସର ପ୍ରାପ୍ତ ସେନାଅଧିକାରୀ, ବିଜେପି ବିଧାୟକ ଲଳିତେନ୍ଦୁ ମହାପାତ୍ରଙ୍କ ସହିତ ସହିଦ ସରୋଜଙ୍କ ବଡଭାଇ ମନୋଜ ଦାସ  ବିମାନ ବନ୍ଦରରେ ଉପସ୍ଥିତ ରହିଥିଲେ  ।

ଶାରଦୀୟ ପୂଜାକୁ ଶାନ୍ତି ଶୃଙ୍ଖଳାର ସହ ଶେଷ କରିବା ପାଇଁ ବିଏମସି ପକ୍ଷରୁ ଗୁରୁତ୍ବପୂର୍ଣ୍ଣ ବୈଠକ

ଭୁବନେଶ୍ବରରେ : ଶାରଦୀୟ ପୂଜାକୁ ଶାନ୍ତି ଶୃଙ୍ଖଳାର ସହ ଶେଷ କରିବା ପାଇଁ ବିଏମସି ପକ୍ଷରୁ ଗୁରୁତ୍ବପୂର୍ଣ୍ଣ ବୈଠକ ଅନୁଷ୍ଟିତ ହୋଇଯାଇଛି । ବୈଠକରେ ରାଜଧାନୀର ୧୮୫ଟି ପୂଜା ମଣ୍ଡପର ସଭାପତି, ସମ୍ପାଦକଙ୍କ ସମେତ ବିଭିନ୍ନ ବିଭାଗର ଅଧିକାରୀମାନେ ଉପସ୍ଥିତ ଥିଲେ । ଭୁବନେଶ୍ବର ମେୟର ସୁଲୋଚନା ଦାସଙ୍କ ଅଧ୍ୟକ୍ଷତାରେ ହୋଇଥିବା ଏହି ବୈଠକରେ ପୂଜା ମଣ୍ଡପ ନିକଟରେ ଥିବା ରାସ୍ତା ସମସ୍ୟା, ଲାଇଟ୍ ସମସ୍ୟା, ପରିମଳ ବ୍ୟବସ୍ଥା, ମୁକୁଳା ଡ୍ରେନ୍ ସମସ୍ୟା ନେଇ ପୂଜା କମିଟିର ସଦସ୍ୟମାନେ ଅବଗତ କରାଇଥିଲେ । ଚଳିତ ବର୍ଷ ଦୁର୍ଗାପୂଜାକୁ ପଲିଥିନ୍ ମୁକ୍ତ ପୂଜା କରିବା ସହ ପରିମଳକୁ ଗୁରୁତ୍ବ ଦେବାକୁ ବୈଠକରେ ନିଷ୍ପତ୍ତି ହୋଇଛି । ବିଶେଷ କରି ପୂଜା ପୂର୍ବରୁ ସମସ୍ତ ରାସ୍ତାକୁ ମରାମତି କରିବା ସହ ରାସ୍ତାରେ ଧସି ରହିଥିବା ଗଛକୁ କାଟିବା ପାଇଁ ସଂପୃକ୍ତ ବିଭାଗ ଗୁଡିକକୁ ନିର୍ଦ୍ଦେଶ ଦିଆଯାଇଛି ।Rain may spoil Dussehra celebrations in Odisha - odishabytes

ଭକ୍ତଙ୍କ ସଂଖ୍ୟାକୁ ଦୃଷ୍ଟିରେ ରଖି ବିଏମସି ପକ୍ଷରୁ ପୂଜା ମଣ୍ଡପ ନିକଟରେ ଏକ କଣ୍ଟ୍ରୋଲରୁମ୍ ଖୋଲିବାକୁ ନିଷ୍ପତ୍ତି ନିଆଯାଇଛି । ଏହି କଣ୍ଟ୍ରୋଲରୁମରେ ଜଣେ ଅଧିକାରୀ ରହିବା ସହ ସ୍ଥାନୀୟ କର୍ପୋରେଟର ସବୁ ବୁଝିବେ ବୋଲି କୁହାଯାଇଛି । ବୈଠକରେ ବିଏମସି କମିଶନର ବିଜୟ ଅମୃତା କୁଲାଙ୍ଗେ, କମିଶନରେଟ ପୋଲିସର ବରିଷ୍ଠ ଅଧିକାରୀ, ଟାଟା ପାଓ୍ବାର, ଓ୍ବାଟକୋ ଅଧିକାରୀ, ପୂର୍ତ୍ତ ବିଭାଗର ଅଧିକାରୀ ଏବଂ ଅଗ୍ନିଶମ ବାହିନୀର ଅଧିକାରୀମାନେ ଉପସ୍ଥିତ ଥିଲେ । ପୂଜା, ରାବଣପୋଡି ସହ ଭସାଣିକୁ ସୁରୁଖୁରୁରେ କରିବା ପାଇଁ ବୈଠକରେ ଆଲୋଚନା ହୋଇଛି ।

ଜାନୁଆରୀ ଏକ ତାରିଖରେ ପ୍ରକଳ୍ପର ଶିଳାନ୍ୟାସ କରିବେ ମୁଖ୍ୟମନ୍ତ୍ରୀ

ଭୁବନେଶ୍ୱର : ସ୍ବପ୍ନରେ ରହିବନି ମେଟ୍ରୋ ପ୍ରକଳ୍ପ । ନୂଆବର୍ଷରେ ମେଟ୍ରୋ ପ୍ରକଳ୍ପର ଶୁଭ ଦେବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଜାନୁଆରୀ ଏକ ତାରିଖରେ ପ୍ରକଳ୍ପର ଶିଳାନ୍ୟାସ କରିବେ ମୁଖ୍ୟମନ୍ତ୍ରୀ  ।  ୪ ବର୍ଷ ମଧ୍ୟରେ ପ୍ରକଳ୍ପ ଶେଷ କରିବାକୁ ଲକ୍ଷ୍ୟ ରଖିଛନ୍ତି ରାଜ୍ୟ ସରକାର  । ଏଥିପାଇଁ ୫ ହଜାର ୯୨୯ କୋଟି ଟଙ୍କାର ଡିପିଆରକୁ ମଞ୍ଜୁରୀ ଦେଇଛନ୍ତି ମୁଖ୍ୟମନ୍ତ୍ରୀ  । ପ୍ରକଳ୍ପର ସବୁ ଖର୍ଚ୍ଚ ରାଜ୍ୟ ସରକାର ବହନ କରିବାକୁ ଥିବାବେଳେ ଚଳିତବର୍ଷ ବଜେଟରେ ୨୧୦ କୋଟି ଟଙ୍କା ବ୍ୟୟବରାଦ କରାଯାଇଛି  ଫାଇଭ-ଟି ଉପକ୍ରମରେ ମେଟ୍ରୋ ଟ୍ରେନ ପ୍ରକଳ୍ପକୁ ସାମିଲ କରିଛନ୍ତି ରାଜ୍ୟ ସରକାର । ପ୍ରଥମ ପର୍ଯ୍ୟାୟରେ ଭୁବନେଶ୍ବର ବିମାନ ବନ୍ଦରରୁ କଟକ ତ୍ରିଶୁଳିଆ ଯାଏ ମେଟ୍ରୋ ଟ୍ରେନ ଗଡ଼ିବ । ପରେ ଖୋର୍ଦ୍ଧା ଓ ପୁରୀ ସହରକୁ ଏହାକୁ ସଂପ୍ରସାରିତ କରାଯିବ । ରାସ୍ତାର ମଧ୍ୟ କିମ୍ବା ପାର୍ଶ୍ବରେ ଯିବ ପ୍ରସ୍ତାବିତ ମେଟ୍ରୋ  ।   ୨୬ କିଲୋମିଟରରେ ରହିବ ୨୦ଟି ଷ୍ଟେସନ । ଗତ ଏପ୍ରିଲ ପହିଲାରେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଫାଇଭ-ଟି ସଚିବଙ୍କ ସମେତ ଅନ୍ୟ ବରିଷ୍ଠ ଅଧିକାରୀମାନେ ପ୍ରକଳ୍ପ ଅଞ୍ଚଳ ପରିଦର୍ଶନ କରିଥିଲେ । ଦିଲ୍ଲୀ ମେଟ୍ରୋ ରେଳ ନିଗମ ରାଜ୍ୟ ସରକାରଙ୍କୁ ବିସ୍ତୃତ ପ୍ରକଳ୍ପ ରିପୋର୍ଟ ପ୍ରଦାନ କରିଛି  ।  ଗାଡ଼ି ଚଳାଚଳ, ଟ୍ରାଫିକ ଦୃଷ୍ଟି କୋଣରୁ ଭୁବନେଶ୍ବ-କଟକ ରାସ୍ତା ଜାମ୍ ରହୁଥିବା ବେଳେ ବିକଳ୍ପ ରାସ୍ତା ଭାବେ ରିଙ୍ଗ ରୋଡ଼ ପ୍ରସ୍ତୁତ ହୋଇଛି ।Delhi Metro Rail Corporation submits Bhubaneswar metro DPR to Odisha govt-  The New Indian Express

ଗମନାଗମନକୁ ନବୀନ ସରକାର ଯଥେଷ୍ଟ ଗୁରୁତ୍ବ ଦେଉଥିବା ବେଳେ ରାଜ୍ୟର ପ୍ରଥମ ରେଳ ପ୍ରକଳ୍ପ ଉପରେ ସହରବାସୀଙ୍କ ନଜର ରହିଛି । ପୂର୍ବରୁ ରାଜ୍ୟସରକାର ଅତିରିକ୍ତ ବଜେଟରେ ମେଟ୍ରୋ ରେଳ ପାଇଁ ୨୧୦ କୋଟି ଟଙ୍କା ବ୍ୟୟ ବରାଦ କରିଥିଲେ । ଫଳରେ ପ୍ରାଥମିକ ପର୍ଯ୍ୟାୟରେ ଭୁବନେଶ୍ବରରୁ ତ୍ରିଶୂଳିଆ ମେଟ୍ରୋ ଟ୍ରେନ ଗଡ଼ିବ ଆଶା ପୂରଣ ହେବାକୁ ଯାଉଛି  । ଫାଇଭ-ଟି ଉପକ୍ରମରେ ମେଟ୍ରୋ ଟ୍ରେନ ପ୍ରକଳ୍ପକୁ ସାମିଲ କରିଥିଲେ ରାଜ୍ୟ ସରକାର ।   ପ୍ରଥମ ପର୍ଯ୍ୟାୟରେ ଭୁବନେଶ୍ବର ବିମାନ ବନ୍ଦରରୁ ତ୍ରିଶୁଳିଆ ଯାଏ ଚାଲିବ ଟ୍ରେନ  । ପରେ ଖୋର୍ଦ୍ଧା ଓ ପୁରୀ ସହରକୁ ଏହାକୁ ସଂପ୍ରସାରିତ କରାଯିବ ।  ୨୬ କିଲୋମିଟରରେ ରହିବ ୨୦ଟି ଷ୍ଟେସନ । ଖର୍ଚ୍ଚ ହେବାକୁ ଥିବା ୬ହଜାର କୋଟି ସମ୍ପୂର୍ଣ୍ଣ ଭାବେ ରାଜ୍ୟ ସରକାର ବହନ କରିବେ ।

ବିଶ୍ୱକପ ଇତିହାସରେ ଯୋଡ଼ିହେଲା ଦକ୍ଷିଣ ଆଫ୍ରିକାର ଜବରଦସ୍ତ ରେକର୍ଡ

ନନ୍ଦିଘୋଷ ବ୍ୟୁରୋ : ଦକ୍ଷିଣ ଆଫ୍ରିକାର ବ୍ୟାଟ୍ସମ୍ୟାନ୍ ଆଡେନ ମାର୍କରମ ODI ବିଶ୍ୱକପ ଇତିହାସରେ ଦ୍ରୁତତମ ଶତକ ହାସଲ କରିଛନ୍ତି। ସେ  ସନ୍ଧ୍ୟାରେ ଅରୁଣ ଜେଟଲୀ ଷ୍ଟାଡିୟମରେ ଶ୍ରୀଲଙ୍କା ବିପକ୍ଷରେ ୪୯ ବଲରେ ଏହି ଶତକ ହାସଲ କରିଛନ୍ତି । ଏହା ସହ ସେ ଆୟର୍ଲାଣ୍ଡର ‘କେଭିନ୍ ଓବ୍ରେନ’ ଶତକ ରେକର୍ଡକୁ ଭାଙ୍ଗିଛନ୍ତି, ଯାହା ସେ ୨୦୧୧ ବିଶ୍ୱକପରେ ଇଂଲଣ୍ଡ ବିପକ୍ଷରେ ସ୍କୋର କରିଥିଲେ। ମାର୍କରମ ୪୯ ଟି ବଲରେ ୧୦୬ ରନର ଜବରଦସ୍ତ ଇନିଂସ ଖେଳିଥିଲେ, ଯେଉଁଥିରେ ତାଙ୍କ ବ୍ୟାଟରୁ ୧୪ଟି ଚାରି ଓ ତିନୋଟି ଛକା ଦେଖିବାକୁ ମିଳିଥିଲା ​​|  ଶ୍ରୀଲଙ୍କା ବୋଲଙ୍କୁ ଧୁଳୁ ଚଟାଇଥିଲେ । ଟସ୍ ହାରିବା ପରେ ପ୍ରଥମେ ବ୍ୟାଟିଂ କରି ଦକ୍ଷିଣ ଆଫ୍ରିକା ନିର୍ଦ୍ଧାରିତ ୫୦ ଓଭରରେ ପାଞ୍ଚ ୱିକେଟ୍ ହରାଇ ୪୨୮ ରନ୍ ସଂଗ୍ରହ କରିଥିଲା । ବିଶ୍ୱକପ ଇତିହାସରେ କୌଣସି ଦଳ ଏଭଳି ସ୍କୋର କରିନାହାନ୍ତି, ଏହା ହେଉଛି ସର୍ବାଧିକ ସ୍କୋର | ବିଶ୍ୱକପରେ ପ୍ରଥମ ଥର ପାଇଁ ତିନି ଜଣ ବ୍ୟାଟ୍ସମ୍ୟାନ୍ ଗୋଟିଏ ଇନିଂସରେ ଶତକ ହାସଲ କରିଥିଲେ। ଦକ୍ଷିଣ ଆଫ୍ରିକା ପାଇଁ ଓପନର୍ କ୍ୱିଣ୍ଟନ୍ ଡି କକ୍ (୧୦୦) ରାସି ଭାନ୍ ଡେର୍ ଡୁସେନ୍ (୧୦୮) ଏବଂ ଆଡେନ ମାର୍କରମ (୧୦୬) କରିବା ସହ ପଡ଼ିଆରେ ନିଆଁ ଲଗାଇ ଦେଇଥିଲେ। ବିଶ୍ୱକପ୍‌ର ଗୋଟିଏ ଇନିଂସରେ ସର୍ବାଧିକ ରେକର୍ଡ ଦେଖିବାକୁ ମିଳିଥିଲା ।एडन मार्करम ने ठोका विश्व कप इतिहास का सबसे तेज शतक आतिशी बल्लेबाजी से लगा रिकॉर्ड्स का मेला - south africa vs sri lanka aiden markram hits fastest century highest score world

ଯେତେବେଳେ ମାର୍କରମ ବ୍ୟାଟିଂ କରିବାକୁ ପଡ଼ିଆକୁ ଆସିଥିଲେ, ଦକ୍ଷିଣ ଆଫ୍ରିକା ସ୍କୋରବୋର୍ଡରେ ୩୧ ଓଭରରେ ୨୧୪ ରନ୍ ସଂଗ୍ରହ କରିଥିଲା । ଯେତେବେଳେ କ୍ୱିଣ୍ଟନ୍ ଡି କକ୍ ପ୍ରଥମ ବିଶ୍ୱକପ୍ ୧୦୦ ସ୍କୋର କରିବା ପରେ ପାଭିଲିୟନକୁ ଫେରିଥିଲେ, ମାର୍କରମ ତାଙ୍କର ସାହସିକତା ପ୍ରଦର୍ଶନ କରିବାର ସୁଯୋଗ ପାଇଲେ | ତାଙ୍କ ସାଥୀ ରାସି ଭାନ୍ ଡେର୍ ଡୁସେନ୍ ଙ୍କ ସହ ସେ ଶ୍ରୀଲଙ୍କା ବୋଲରଙ୍କ ବଲ୍କୁ ପଟିଯାଲିଥିଲେ । ଏହି ସମୟରେ ରସି ବିଶ୍ୱକପ ଇତିହାସରେ ନିଜର ୨୦୦ ତମ ଶତକ ହାସଲ କରିଥିଲେ । ବିଶ୍ୱକପରେ ଦ୍ରୁତତମ ଶତକ ହାସଲ କରିଥିବା ବ୍ୟାଟ୍ସମ୍ୟାନ୍ ତାଲିକାରେ ଦକ୍ଷିଣ ଆଫ୍ରିକାର ପୂର୍ବତନ ଅଧିନାୟକ ଏବି ଡି ଭିଲିୟର୍ସଙ୍କ ନାମ ମଧ୍ୟ ଅନ୍ତର୍ଭୁକ୍ତ ହୋଇଛି ।

ପ୍ରକାଶ ପାଇଲା କୋଷ୍ଚିନ ବ୍ୟାଙ୍କ୍, ପରୀକ୍ଷାର୍ଥୀଙ୍କ ପ୍ରସ୍ତୁତିରେ କେତେ ସହାୟକ ହେବ ଜାଣନ୍ତୁ ?

କଟକ : ଯୁକ୍ତଦୁଇ ବୋର୍ଡ ପରୀକ୍ଷାର୍ଥୀଙ୍କ ପାଇଁ ଖୁସି ଖବର । ପ୍ରଥମ ଥର ଲାଗି ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପ୍ରକାଶ କଲା କୋଷ୍ଚିନ ବ୍ୟାଙ୍କ୍ । ପରୀକ୍ଷାର୍ଥୀ ମାନେ କୋଷ୍ଚିନ ବ୍ୟାଙ୍କରୁ ପ୍ରଶ୍ନ ନେଇ ପରୀକ୍ଷା ପାଇଁ ପ୍ରସ୍ତୁତି କରିପାରିବେ । CBSE ଓ ICSE ବୋର୍ଡ ପକ୍ଷରୁ ପ୍ରତିବର୍ଷ କୋଷ୍ଚିନ ବ୍ୟାଙ୍କ୍ ଜାରି କରାଯାଇଥାଏ । ଯାହାକି ପରୀକ୍ଷାର୍ଥୀଙ୍କ ପ୍ରସ୍ତୁତିରେ ସହାୟକ ହୁଏ । chseodisha.nic.in ଓ୍ବବସାଇଟରେ କୋଷ୍ଚିନ ବ୍ୟାଙ୍କ୍ ଉପଲବ୍ଧ ଅଛି । ପ୍ରଥମ ପର୍ଯ୍ୟାୟରେ ଫିଜିକ୍ସ, କେମିଷ୍ଟ୍ରି, ମ୍ୟାଥେମାଟିକ୍ସ ଓ ବାୟୋଲୋଜି ବିଷୟର ପ୍ରଶ୍ନ ଉପଲବ୍ଧ ।

ପରବର୍ତ୍ତୀ ପର୍ଯ୍ୟାୟରେ ଅନ୍ୟ ବିଷୟର ପ୍ରଶ୍ନ ଅପ୍ ଲୋଡ କରାଯିବ । କୋଷ୍ଚିନ ବ୍ୟାଙ୍କ୍ ନେଇ ପିଲା ମାନଙ୍କୁ ସଚେତନ କରିବାକୁ ସବୁ ଯୁକ୍ତ ଦୁଇ କଲେଜ୍ ଅଧ୍ୟକ୍ଷଙ୍କୁ ସିଏଚଏସଇ ପକ୍ଷରୁ ଚିଠି ।

୧୦୭ ମେଡାଲ ସହ ଏସିଆନ ଗେମ୍ସରେ ଅଭିଯାନ ଶେଷ କଲା ଭାରତ

ହଙ୍ଗଝୋଉ: ଏସିଆନ ଗେମ୍ସରେ ଭାରତର ଅଭିଯାନ ଶେଷ ହୋଇଯାଇଛି । ଚଳିତ ଏସିଆନ ଗେମ୍ସରେ ଭାରତ ନିଜର ସର୍ବଶ୍ରେଷ୍ଠ ପ୍ରଦର୍ଶନ କରିଛି । ଏସିଆନ ଗେମ୍ସ ୨୦୨୩ରେ ଭାରତୀୟ ଖେଳାଳି ୧୦୭ ପଦକ ଜିତିଛନ୍ତି । ଏସିଆନ ଗେମ୍ସ ଇତିହାସରେ ଭାରତ ପ୍ରଥମଥର ପାଇଁ ୧୦୦ ପଦକ ଅତିକ୍ରମ କରିଛି । ଭାରତ ୨୮ସ୍ୱର୍ଣ୍ଣ ବ୍ୟତୀତ ୩୮ ରୌପ୍ୟ ଏବଂ ୪୧ ବ୍ରୋଞ୍ଜ ପଦକ ଜିତିଛି । ଅଭିଯାନ ଶେଷ ସୁଦ୍ଧା ଭାରତ ମେଡାଲ ତାଲିକାର ଚତୁର୍ଥ ସ୍ଥାନରେ ରହିଛି । ସେହିପରି ଚୀନ ତାଲିକାର ଶୀର୍ଷରେ ରହିଛି । ୧୯୪ ସ୍ୱର୍ଣ୍ଣ ସମେତ ୩୬୮ ମେଡାଲ ଜିତିଛି ଡ୍ରାଗନ । ଏହାପରେ ଦ୍ୱିତୀୟ ଏବଂ ତୃତୀୟ ସ୍ଥାନରେ କ୍ରମଶଃ ଜାପାନ ଏବଂ ଦକ୍ଷିଣ କୋରିଆ ରହିଛନ୍ତି । ଜାପାନ ୪୮ ସ୍ୱର୍ଣ୍ଣ ସମେତ ୧୭୭ ମେଡାଲ ଜିତିଥିବା ବେଳେ ଦକ୍ଷିଣ କୋରିଆ ୩୯ ସ୍ୱର୍ଣ୍ଣ ସମେତ ୧୮୩ ପଦକ ଜିତିଛି ।

ଏସିଆନ ଗେମ୍ସର ପ୍ରଥମ ଦିନ ଭାରତୀୟ ଖେଳାଳି ୫ ମେଡାଲ ଜିତି ଭଲ ଆରମ୍ଭ କରିଥିଲେ । ଏହାପରେ ଦ୍ୱିତୀୟ ଦିନ ଭାରତ ଖାତାରେ ୬ ମେଡାଲ ଚଢିଥିଲା । ସେହିପରି ତୃତୀୟ, ଚତୁର୍ଥ ଏବଂ ପଞ୍ଚମ ଦିନରେ ଭାରତ କ୍ରମଶଃ ୩, ୮ ଏବଂ ୩ ପଦକ କବଜା କରିଥିଲା । ଭାରତୀୟ ଖେଳାଳିଙ୍କ ଦମଦାର ପ୍ରଦର୍ଶନ ଆଗକୁ ମଧ୍ୟ ଜାରି ରହିଥିଲା । ଭାରତ ଷଷ୍ଠ, ସପ୍ତମ, ଅଷ୍ଟମ ଏବଂ ନବମ ଦିନରେ କ୍ରମଶଃ ୮, ୫, ୧୫ ଏବଂ ୭ ମେଡାଲ ଜିତିଥିଲା । ଭାରତୀୟ ଖେଳାଳି ଦଶମ, ଏଗାରତମ, ବାରତମ, ତେରତମ ଏବଂ ଚଉଦତମ ଦିନରେ କ୍ରମଶଃ ୯, ୧୨, ୫, ୯ ଏବଂ ୧୨ ମେଡାଲ ନିଜ ନାଁରେ କରିଥିଲେ । ଏହା ପୂର୍ବରୁ ଭାରତ ୨୦୦୮ ଏସିଆନ ଗେମ୍ସରେ ଚମତ୍କାର ପ୍ରଦର୍ଶନ କରିଥିଲା । ଭାରତ ଜାକର୍ତ୍ତା ଏସିଆନ ଗେମ୍ସରେ ୭୦ ପଦକ ଜିତିଥିଲା । କିନ୍ତୁ ଏବେ ଭାରତୀୟ ଖେଳାଳି ନିଜର ପୂରୁଣା ରେକର୍ଡକୁ ପଛରେ ପକାଇ ଦେଇଛନ୍ତି ।