ମୁମ୍ବାଇ: ଇନଭେଷ୍ଟରର୍ସ ମିଟ୍ ପୂର୍ବରୁ ମୁମ୍ବାଇରେ ଶିଳ୍ପପତିଙ୍କୁ ଭେଟିଲେ ମୁଖ୍ୟ ଶାସନ ସଚିବ ସୁରେଶ ମହାପାତ୍ର । ରାଜ୍ୟରେ ନିବେଶ ପାଇଁ ବ୍ୟବସ୍ଥା ସମ୍ପର୍କରେ ଶିଳ୍ପପତିଙ୍କୁ ବୁଝାଇ କହିଥିଲେ ସୁରେଶ ମହାପାତ୍ର । ଶିଳ୍ପପତିଙ୍କ ସହ ଓ୍ୱାନ୍ ଟୁ ଓ୍ୱାନ୍ ବୈଠକ କରିଥିଲେ ମୁଖ୍ୟ ଶାସନ ସଚିବ । ମୁଖ୍ୟମନ୍ତ୍ରୀଙ୍କ ନବୀନ ପଟ୍ଟନାୟକଙ୍କ ଶାସନ କାଳରେ ନିବେଶ ପାଇଁ ରାଜ୍ୟରେ ଉତ୍କୃଷ୍ଟ ବାତାବରଣ ସୃଷ୍ଟି ହୋଇଛି । ୧୫ଟି ଶିଳ୍ପ ସଂସ୍ଥାର ବରିଷ୍ଠ ଅଧିକାରୀଙ୍କ ସହ ଆଲୋଚନା ହୋଇଛି ।
ଋଷିଆକୁ ପୁଣି ୟୁକ୍ରେନର ଝଟକା, ଆଉ ଏକ ବଡ଼ ସହରକୁ କବଜା କଲା ସେନା
କିଭ୍: ଋଷ ଓ ୟୁକ୍ରେନ୍ ଯୁଦ୍ଧ ଭିତରେ ପୁଟିନ୍ ସରକାରଙ୍କୁ ପୁଣି ଝଟକା । ଆଉ ଏକ ବଡ଼ ସହରକୁ ନିଜ ଅଧିନକୁ ନେଲା ୟୁକ୍ରେନ୍ । ଉତ୍ତରପୂର୍ବ ଅଞ୍ଚଳରେ ବଡ଼ ଆକ୍ରମଣ କରି ନିଜ ସହରକୁ ନିଜ ଅଧିନକୁ ନେଇଛି ୟୁକ୍ରେନ୍ । ସେଠାରେ ଋଷ୍ ସେନା ଥିଲେ ମଧ୍ୟ ୟୁକ୍ରେନ୍ ସେନାଙ୍କ ଆକ୍ରମଣର ସାମ୍ନା କରିପାରିନଥିଲେ । ଏଥିରେ ୫୯ ଜଣ ଋଷ ସେନାଙ୍କ ମୃତ୍ୟୁ ହୋଇଥିବା ବେଳେ ୨୦ରୁ ଅଧିକ ଟ୍ୟାଙ୍କକୁ ଧ୍ୱଂସ କରାଯାଇଛି । ସହରର ୫୦୦ ବର୍ଗ କିଲୋମିଟର ଅଞ୍ଚଳରେ ଏବେ ୟୁକ୍ରେନର କବଜା ରହିଛି ।
ସେପ୍ଟେମ୍ବର ମାସ ଆରମ୍ଭରୁ ୟୁକ୍ରେନ୍ ସେନା ସ୍ୱତନ୍ତ୍ର ଅପରେସନ ମାଧ୍ୟମରେ ଜୋରଦାର ଆକ୍ରମଣ ଆରମ୍ଭ କରିଛି । କିଛି ଦିନ ତଳେ ଖାରକିଭ୍ ସହରକୁ ନିଜ ଅଧିନକୁ ନେଇଥିଲା ୟୁକ୍ରେନ୍ । ରାଷ୍ଟ୍ରପତି ଜେଲେନସ୍କି ଏଭଳି ଆକ୍ରମଣ ପାଇଁ ନିର୍ଦ୍ଦେଶ ଦେଇଥିବା ଜଣାପଡିଛି । ସେପଟେ ଋଷିଆ ୟୁକ୍ରେନ୍ ବିରୋଧରେ ସ୍ୱତନ୍ତ୍ର ଅପରେସନ ଆରମ୍ଭ କରିବା ପାଇଁ ପୁଟିନ୍ ନିର୍ଦ୍ଦେଶ ଦେଇଥିବା ଚର୍ଚ୍ଚା ହେଉଛି ।
ଆଉ କଳାକନା ବୁଲେଇ ପାରିବେନି ରିୟଲ ଇଷ୍ଟେଟ୍ ବିଲଡର, ଆଇନରେ ସଂଶୋଧନ କଲେ ରାଜ୍ୟ ସରକାର
ଭୁବନେଶ୍ୱର: ଗ୍ରାହକଙ୍କୁ ଆଶ୍ବସ୍ତି । ଆଉ ଗ୍ରାହକଙ୍କୁ କଳାକନା ବୁଲେଇ ପାରିବେନି ରିୟଲ ଇଷ୍ଟେଟ୍ ବିଲଡର । ଆସିଲା ନୂଆ ରିୟଲ୍ ଇଷ୍ଟେଟ୍ ନିୟମ । ଆଗଭଳି ଆଉ ଗ୍ରାହକଙ୍କୁ ଆର୍ଥିକ ଶୋଷଣର ଶିକାର ହେବାକୁ ପଡ଼ିବନି । ରାଜ୍ୟ ସରକାର ଓଡ଼ିଶା ରିୟଲ୍ ଇଷ୍ଟେଟ୍ ଆଇନରେ କରିଛନ୍ତି ସଂଶୋଧନ । ବୁକିଂ ସମୟରେ ଗ୍ରାହକଙ୍କ ସହିତ ଚୁକ୍ତିନାମା ଅନୁଯାୟୀ ଧାର୍ଯ୍ୟ ହୋଇଥିବା ଟିକସ୍ ଆଉ ପରିବର୍ତ୍ତନ ହେବ ନାହିଁ । ପ୍ରତ୍ୟେକ ବୁକିଂ ସବରେଜିଷ୍ଟ୍ରାରଙ୍କ ପାଖରେ ପଞ୍ଜିକୃତ ହେବ । ବୁକିଂ ପରେ ଜିଏସଟି କିମ୍ବା ସରକାରୀ ଟିକସ୍ ପରିବର୍ତ୍ତନ ହେଲେ ବୋଝ ଆଉ ଗ୍ରାହକଙ୍କ ଉପରେ ପଡିବନି । ଅତିରିକ୍ତ ବୋଝ ବିଲଡର ବହନ କରିବେ ।
ଆପାର୍ଟମେଣ୍ଟରେ ପ୍ରତ୍ୟେକ ପଞ୍ଜିକୃତ କିଣାବିକାକୁ ଓରେରା ଓ୍ବେବସାଇଟରେ ବିଲଡର ଅପଲୋଡ କରିବାକୁ ବାଧ୍ୟ । ଏହାଦ୍ୱାରା ଗୋଟିଏ ଫ୍ଲାଟକୁ ଏକାଧିକ ଥର କିଣାବିକା ରୋକାଯାଇପାରିବ । କୌଣସି ପରିସ୍ଥିତିରେ ଚୁକ୍ତିନାମା ରଦ୍ଦ କରିବାକୁ ହେଲେ ଗ୍ରାହକକୁ ବିଲଡର ୩୦ ଦିନିଆ ନୋଟିସ ଦେବ । ବିଲଡର ଗ୍ରାହକର ସମସ୍ତ ପ୍ରାପ୍ୟ ୪୫ ଦିନ ଭିତରେ ଦେବାକୁ ବାଧ୍ୟ । ଅକୁପାନ୍ସି ସାର୍ଟିଫିକେଟ୍ ପ୍ରଦାନ ସହ ବାସ୍ତବ ଫ୍ଲାଟ୍ ପଜେସନ୍ ଗ୍ରାହକକୁ ନ ମିଳିବା ପର୍ଯ୍ୟନ୍ତ ବିଲଡର ସମସ୍ତ ପ୍ରକାର ସରକାରୀ ଟିକସ ବହନ କରିବ । ଅକୁପାନ୍ସି ପ୍ରମାଣପତ୍ର ମିଳିବା ଦେବାର ୩ ମାସ ଭିତରେ ଆପାର୍ଟମେଣ୍ଟ୍ ଆସୋସିଏସନକୁ ସର୍ବସାଧାଣଙ୍କ ବ୍ୟବହାର ପାଇଁ ଉଦ୍ଦିଷ୍ଟ ସ୍ଥାନ ବିଲଡର ପ୍ରଦାନ କରିବେ । ଫଳରେ ପାର୍କିଂ, ଜିମ୍ ଓ ମଣ୍ଡପର ମାଲିକାନା ଆଉ ବିଲଡର ପାଖରେ ରହିବ ନାହିଁ ।
ମହଙ୍ଗା ପଡ଼ିଲା ନିୟମ ଉଲ୍ଲଂଘନ, ନିୟମ ନମାନିବାରୁ ଆପାର୍ଟମେଣ୍ଟ ଭିତରେ ଆବର୍ଜନା ପକାଇଲା BMC
ଭୁବନେଶ୍ୱର: ମହଙ୍ଗା ପଡ଼ିଲା ନିୟମ ଉଲଂଘନ । ନିୟମ ନମାନିବାରୁ ଆପାର୍ଟମେଣ୍ଟ ଭିତରେ ଆବର୍ଜନା ପକାଇଲା ବିଏମସି । ଘର ଘର ବୁଲି ବିଏମସି ପକ୍ଷରୁ ଅଳିଆ ସଂଗ୍ରହ କରାଯାଉଛି । ବାରମ୍ବାର ଲୋକଙ୍କ ମଧ୍ୟରେ ସଚେତନତା ସୃଷ୍ଟି ପରେ ବି କିଛି ବ୍ୟକ୍ତି ଓ ବ୍ୟବସାୟିକ ପ୍ରତିଷ୍ଠାନ ଅବହେଳା କରୁଛନ୍ତି । ଏଥିରେ ଖିଲାପ କରିବା ଅଭିଯୋଗରେ ୬୦ ନମ୍ବର ଓ୍ୱାର୍ଡର କୈଳାଶ ଆପାର୍ଟମେଣ୍ଟ ବିରୋଧରେ ବିଏମସି ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ନେଇଛି ।
ଆପାର୍ଟମେଣ୍ଟ ମୁଖ୍ୟ ଫାଟକ ସମ୍ମୁଖରେ ଜେସିବି ଜରିଆରେ ବାହାରର ଅଳିଆ ନେଇ ପକାଇ ଦେଇଛି ବିଏମସି । ଫଳରେ ଆପାର୍ଟମେଣ୍ଟର ବାସିନ୍ଦା ସମସ୍ୟାର ସମ୍ମୁଖୀନ ହୋଇଛନ୍ତି । ନିଜ ଭୁଲ ବୁଝିବା ସହ ଆଗକୁ ଏଭଳି ଘଟଣାର ପୁନରାବୃତ୍ତି ହେବ ନାହିଁ ବୋଲି ସେମାନେ କହିଛନ୍ତି । ପୂର୍ବରୁ ମଧ୍ୟ ଚନ୍ଦ୍ରଶେଖରପୁର ଅଞ୍ଚଳରେ ଏଭଳି ଅନୁରୁପ ଘଟଣା ଘଟିଥିଲା । ବିଏମସି ପକ୍ଷରୁ ଜାରି ହୋଇଥିବା ୫ ମିଟର ପରିଧିର ପରିମଳ ଦାୟିତ୍ତ୍ୱ ନିଜେ ନେବାକୁ ପରାମର୍ଶ ଦିଆଯାଇଛି । ଏଥିରେ ଖିଲାପ କଲେ ଆଗକୁ ଏଭଳି କାର୍ଯ୍ୟାନୁଷ୍ଠାନ ଜାରି ରହିବ ବୋଲି କହିଛନ୍ତି ବିଏମସି ଡେପୁଟି କମିଶନର ।
ବିନା ଖର୍ଚ୍ଚରେ ପୁରୀରେ ହବିଷ୍ୟ ପାଳିବେ ହବିଷ୍ୟାଳି
ପୁରୀ: ବିନା ଖର୍ଚ୍ଚରେ ପୁରୀରେ ହବିଷ୍ୟ ପାଳିବେ ହବିଷ୍ୟାଳି । ବ୍ରତଧାରୀଙ୍କୁ ମିଳିବ ରହିବା, ଖାଇବା ଓ ପୂଜାର୍ଚ୍ଚନାର ସୁବିଧା । ରାଜ୍ୟ ସରକାରଙ୍କ ହବିଷ୍ୟାଳି ଯୋଜନା ପାଇଁ ଆଜିଠୁ ଆରମ୍ଭ ହୋଇଛି ଆବେଦନ । ଆସନ୍ତା ୨୯ ତାରିଖ ମଧ୍ୟରେ www.puri.nic.in ଓ୍ୱେବସାଇଟରେ ଯାଇ ଫର୍ମ ପୂରଣ କରିପାରିବେ ଆବେଦନକାରୀ । ଏହାକୁ ଜିଲ୍ଲାପାଳଙ୍କ କାର୍ଯ୍ୟାଳୟରେ ଦାଖଲ କରିବେ । ଆବେଦନକାରୀ ଡବଲ ଡୋଜ୍ ଟିକା ନେଇଥିବା ଜରୁରୀ । ଫର୍ମରେ ଫଟୋ, ପରିଚୟ ପତ୍ର ଓ କୋଭିଡ ଡବଲ ଡୋଜ ପ୍ରମାଣ ପତ୍ର ପ୍ରଦାନ କରିବା ବାଧ୍ୟତାମୂଳକ ।
ଦୁଇବର୍ଷ କରୋନା ପାଇଁ ହବିଷ୍ୟାଳି ଯୋଜନା ବନ୍ଦ ରହିଥିବା ବେଳେ ଚଳିତ ବର୍ଷ ପଞ୍ଜିକରଣ ଆରମ୍ଭ ହୋଇଛି । ବ୍ରତଧାରୀମାନେ ରହିବା ପାଇଁ ନୂତନ କରି ନିର୍ମାଣ ହୋଇଛି ବୃନ୍ଦାବତୀ ସ୍ଥାୟୀ ଶିବିର । ଶିବିରରେ ହବିଷ୍ୟାଳୀଙ୍କ ପାଇଁ ପୂଜା ସାମଗ୍ରୀ, ଚଉରା, ଆକାଶଦୀପ, ବ୍ରତ ରଖିବା ପାଇଁ ସ୍ବତନ୍ତ୍ର ବ୍ରାହ୍ମଣ ବ୍ୟବସ୍ଥା କରାଯିବ । ପ୍ରବଚନ, ପୁରାଣ ପାଠ, ମାଗଣା ଚିକିତ୍ସା ସହ ମହାପ୍ରସାଦ ସେବନ ଓ ମହାପ୍ରଭୁଙ୍କ ଦର୍ଶନ ପାଇଁ ମଧ୍ୟ ସ୍ବତନ୍ତ୍ର ବ୍ୟବସ୍ଥା କରିବ ପ୍ରଶାସନ ।
ଜରୁରୀ ଔଷଧ ତାଲିକାରୁ ହଟିଲା ୨୬ ଔଷଧ, ରାଣ୍ଟିଡିନ୍ ତାଲିକାରୁ ବାଦ୍
ନୂଆଦିଲ୍ଲୀ: ଆଉ ବଜାରରେ ମିଳିବନି ରାଣ୍ଟିଡିନ୍ ଔଷଧ । ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ଜାରି ହୋଇଥିବା ଜରୁରୀ ଔଷଧ ତାଲିକାରୁ ରାଣ୍ଟିଡିନକୁ ହଟାଯାଇଛି । ନ୍ୟାସନାଲ ଲିଷ୍ଟ ଅଫ୍ ଏସେନସିଆଲ ମେଡିସିନକୁ ନେଇ ସରକାରଙ୍କ ପକ୍ଷରୁ ତାଲିକା ଜାରି ହୋଇଛି । ଏଥିରେ ରାଣ୍ଟିଡିନ୍ ଟାବଲେଟକୁ ବାଦ ଦିଆଯାଇଛି । ଏହି ମେଡିସିନ୍ ଏବେ ସାରା ବିଶ୍ୱରେ ଚିନ୍ତାର କାରଣ ପାଲଟିଛି ।
ଅନେକ ସ୍ଥାନରେ ଏହି ମେଡିସିନରେ କ୍ୟାନସର ଉପାଦାନ ଥିବା ସ୍ପଷ୍ଟ ହେବା ପରେ ପଦକ୍ଷେପ ନେଇଛି ସ୍ୱାସ୍ଥ୍ୟ ମନ୍ତ୍ରାଳୟ । ଏହି ମେଡିସିନକୁ ଡିସିଜିଆଇ ପକ୍ଷରୁ ମଧ୍ୟ ଅନୁଧ୍ୟାନ କରାଯାଉଛି । ସାଧାରଣରେ ଏହି ଔଷଧକୁ ଗ୍ୟାସଟିକ୍ ସମସ୍ୟା ଦୂର କରିବା ପାଇଁ ଖାଇଥାନ୍ତି । ଏହି ଆଣ୍ଟାସିଡ୍ ବିଭିନ୍ନ ବ୍ରାଣ୍ଡରେ ବଜାରରେ ଉପଲବ୍ଧ ହେଉଥିବା ବେଳେ ସେଗୁଡିକର ମଧ୍ୟ ସ୍କୃଟିନି କରାଯାଉଛି । ଜାରି ହୋଇଥିବା ତାଲିକାରୁ ମୋଟ ୨୬ଟି ମେଡିସିନକୁ ବାଦ ଦିଆଯାଇଥିବା ବେଳେ ୩୪ଟି ନୂଆ ଔଷଧକୁ ସ୍ଥାନ ଦିଆଯାଇଛି ।
ସିକନ୍ଦରାବାଦ ଅଗ୍ନିକାଣ୍ଡ: ପ୍ରାଣ ହରାଇଥିବା ୮ ଜଣଙ୍କ ମଧ୍ୟରେ ୨ ଓଡ଼ିଆ
କଟକ: ସିକନ୍ଦରାବାଦର ଏକ ଇ-ବାଇକ ଶୋ’ ରୁମରେ ଭୟାବହ ଅଗ୍ନିକାଣ୍ଡରେ ପ୍ରାଣ ହରାଇଥିବା ୮ଜଣଙ୍କ ମଧ୍ୟରେ ଓଡ଼ିଶାର ଦୁଇ ଜଣ ଅଛନ୍ତି । କଟକର ଏକ ନବ ବିବାହିତ ଦମ୍ପତ୍ତି ଏହି ଅଗ୍ନକାଣ୍ଡରେ ଜୀବନ୍ତ ଜଳି ଯାଇଛନ୍ତି । ଏହି ଦୁଇ ଜଣ ହେଲେ କଟକ କାଫଲା ବଜାର ମହାନ୍ତି ସାହିର ଚନ୍ଦନ ଜେଠୀ ଓ ତାଙ୍କ ପତ୍ନୀ ମିତାଲି ମହାପାତ୍ର । ଗତବର୍ଷ ଚନ୍ଦନ ଓ ମିତାଲି ବିବାହ କରିଥିଲେ । ବାଙ୍ଗାଲୋରର ଏକ ଘରୋଇ କଂପାନୀରେ କାମ କରୁଥିଲେ ଚନ୍ଦନ । ଉଭୟେ ହାଇଦ୍ରାବାଦ ବୁଲିବାକୁ ଯାଇ ସିକନ୍ଦରାବାଦର ରୁବି ଲଜରେ ରହିଥିଲେ । ହେଲେ ଗତକାଲି ରାତିରେ ହଠାତ୍ ତଳ ମହଲାରେ ଥିବା ଇ-ବାଇକ୍ ଶୋ ରୁମରେ ନିଆଁ ଲାଗି ଯାଇଥିଲା । ଆଖି ପିଛୁଳାକେ ୪ ମହଲା ବିଶିଷ୍ଟ ବିଲ୍ଡିଂ ଜଳି ଉଠିଥିଲା ।
ଏହି ଅଗ୍ନିକାଣ୍ଡରେ ୮ ଜଣ ଜୀବନ୍ତ ଦଗ୍ଧ ହୋଇଯାଇଥିବା ବେଳେ ପ୍ରାୟ ୧୫ ଜଣ ଗୁରୁତର ହୋଇଛନ୍ତି । ବିଲ୍ଡିଂର ଗ୍ରାଉଣ୍ଡ ଫ୍ଲୋରରେ ଥିବା ଇଲେକ୍ଟ୍ରିକ ସ୍କୁଟର ଶୋ’ ରୁମ ଚାର୍ଜିଂ ପଏଣ୍ଟରୁ ନିଆଁ ଲାଗିଥିବା ସନ୍ଦେହ କରାଯାଉଛି । ଏହି ବିଲ୍ଡିଂରେ ଏକ ହୋଟେଲ ଓ ରେଷ୍ଟୁରାଣ୍ଟ ଚାଲୁଥିବା ବେଳେ ପ୍ରବଳ ନିଆଁ ଦେଖି ଲୋକମାନେ ଭୟରେ ତଳକୁ ଡେଇଁ ପଡ଼ିଥିଲେ । ବିଲ୍ଡିଂ ଭିତରେ ୨୪ ଜଣ ଫସି ରହିଥିବା ବେଳେ ୮ଜଣ ଜୀବନ୍ତ ଦଗ୍ଧ ହୋଇ ଯାଇଥିଲେ । ଅନ୍ୟମାନଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଛି । ଅଗ୍ନିଶମ ବାହିନୀ ଓ ପୋଲିସ ପହଞ୍ଚି ନିଆଁକୁ ଆୟତ୍ତ କରିବା ସହ ଲୋକମାନଙ୍କୁ ଉଦ୍ଧାର କରିଥିଲେ । ଫସି ରହିଥିବା ଲୋକମାନଙ୍କୁ ଝରକା ପଟେ କ୍ରେନ୍ ଯୋଗେ ଉଦ୍ଧାର କରାଯାଇଥିଲା । ସେପଟେ ପୁଅବୋହୂଙ୍କ ମୃତ୍ୟୁ ଖବର ପାଇବା ପରେ ତାଙ୍କ ପରିବାର ଲୋକେ ସିକନ୍ଦରବାଦ୍ ଅଭିମୁଖେ ବାହାରିଛନ୍ତି ।
ଜୋରଦାର ହେବ ଟ୍ରାଫିକ୍ ଚେକିଂ, NH ଓ ଭୁବନେଶ୍ୱରର ସମସ୍ତ ଛକରେ କଡ଼ାକଡ଼ି ହେବ ଯାଞ୍ଚ
ଭୁବନେଶ୍ୱର: ଆଗକୁ ଜୋରଦାର ହେବ ଟ୍ରାଫିକ ଚେକିଂ । ନିସ୍ତାର ପାଇବେନି ନିୟମ ଖିଲାପକାରୀ । ହେଲମେଟଠାରୁ ଗାଡ଼ି କାଗଜପତ୍ର ହେବ ଚେକିଂ । NH ଓ ଭୁବନେଶ୍ୱରର ସମସ୍ତ ଛକରେ କଡ଼ାକଡ଼ି ଯାଞ୍ଚ ହେବ । ବିଶେଷ କରି ମଦ୍ୟପ ଗାଡ଼ି ଚାଳକ ସାବଧାନ ହେବାକୁ ଚେତାଇ ଦେଇଛି ପରିବହନ ବିଭାଗ । ପରିବହନ ବିଭାଗ ପକ୍ଷରୁ ଚାଲିଥିବା ସ୍ୱତନ୍ତ୍ର ଡ୍ରାଇଭରରେ ଗତ ଦୁଇ ଦିନରେ ଧରା ପଡିଛନ୍ତି ୫୯୯ ଜଣ ମଦ୍ୟପ ଡ୍ରାଇଭର । ଏହା ସହ ଗତ ଦୁଇ ଦିନ ମଧ୍ୟରେ ୩୩୮ଟି ଡ୍ରାଇଭିଂ ଲାଇସେନ୍ସ ଜବତ ହୋଇଛି । ସେହିପରି ୨୨୨ ଜଣ ମଦ୍ୟପ ଡ୍ରାଇଭର ଗିରଫ ହୋଇଛନ୍ତି । ମୋଟ ୧୫୬୮ ଟି ମାମଲା ରୁଜୁ ହୋଇଥିବା ବେଳେ ୧୫୩୨ ଟି ଇ- ଚାଲାଣ କଟାଯାଇଛି ।
ସୂର୍ଯ୍ୟକିରଣ ଶୋ’ ପାଇଁ ପ୍ରସ୍ତୁତି, ଭୁବନେଶ୍ୱରରେ ପହଞ୍ଚିଲା N-୩୨ ବିମାନ
ଭୁବନେଶ୍ୱର: ଓଡ଼ିଶାରେ ହେବ ସୂର୍ଯ୍ୟ କିରଣ ଶୋ’ । ଭୁବନେଶ୍ୱରର ବିମାନ ବନ୍ଦରରେ ପହଞ୍ଚିଛି N-୩୨ ବିମାନ । ଏୟାର ଶୋ’ ପାଇଁ ଆଜି ସମସ୍ତ ବିମାନ ଭୁବନେଶ୍ୱରରେ ପହଞ୍ଚିବ ବୋଲି କହିଛନ୍ତି ବିଜୁ ପଟ୍ଟନାୟକ ବିମାନ ବନ୍ଦର ନିର୍ଦ୍ଦେଶକ । ବାୟୁସେନାର ଇଣ୍ଡକସନ ଟିମ୍ ନେଇ ଆସିଥିବା N-32 ବିମାନ ଭୁବନେଶ୍ୱର ବିମାନ ବନ୍ଦରରେ ଅବତରଣ କରିସାରିଛି । ସୂର୍ଯ୍ୟକିରଣ ଶୋ’ରେ ଭାଗ ନେବାକୁ ଥିବା ୧୧ଟି ହକ୍ ବିମାନ କର୍ଣ୍ଣାଟକ ବିଦାରରୁ ଆସୁଛି । ଏୟାର ଶୋ ପାଇଁ ଯନ୍ତ୍ରାଂଶ ନେଇ ଆସୁଥିବା C-17 ଗ୍ଲୋବ ମାଷ୍ଟର ମଧ୍ୟ ଆଜି ପହଞ୍ଚିବ ।
ଆସନ୍ତାକାଲି ଶୋ’ ହେବାକୁ ଥିବା ସ୍ଥାନରେ ମ୍ୟାପିଂ କରିବ ଏୟାରଫୋର୍ସ । ଭୁବନେଶ୍ୱରରେ ୧୫ ତାରିଖରେ ଫୁଲ ଡ୍ରେସ ରିହରସଲ ହେବ । ୧୭ ତାରିଖ ପୁରୀରେ ହେବ ଫୁଲ ଡ୍ରେସ ରିହରସଲ । ତେବେ ୧୬ ତାରିଖରେ ଭୁବନେଶ୍ବରରେ ଏୟାର ଶୋ ହେବାକୁ ଥିବା ବେଳେ, ଏଥିପାଇଁ ବର୍ତ୍ତମାନ ସୁଦ୍ଧା ଅନୁମତି ମିଳିନି ବୋଲି କହିଛନ୍ତି ବିଜୁ ପଟ୍ଟନାୟକ ବିମାନ ବନ୍ଦର ନିର୍ଦ୍ଦେଶକ । ଭୁବନେଶ୍ବର ଲାଗି ବେସାମରିକ ବିମାନ ଚଳାଚଳ ମନ୍ତ୍ରାଳୟ ଅନୁମତି ଦେବ ବୋଲି ସେ କହିଛନ୍ତି । ସେପଟେ ଏୟାର ଶୋ ପାଇଁ ଗ୍ରାଉଣ୍ଡର ସ୍ଥିତି ପରଖିଛନ୍ତି ପୋଲିସ କମିଶନର ଓ ଡିସିପି । ସୁରକ୍ଷା ବ୍ୟବସ୍ଥା ଓ ଟ୍ରାଫିକ ବ୍ୟବସ୍ଥା କିପରି ହେବ ସେନେଇ ସମୀକ୍ଷା କରାଯାଇଛି ।
ପଶ୍ଚିମବଙ୍ଗ ସରକାର ବିରୋଧରେ ବିକ୍ଷୋଭ ପ୍ରଦର୍ଶନ ବେଳେ ବିଜେପି କର୍ମୀ ଓ ପୋଲିସ ମୁହାଁମୁହିଁ
କୋଲକାତା: ମମତାଙ୍କ ବିରୋଧରେ ବିଜେପିର ମୋର୍ଚ୍ଚା । ପଶ୍ଚିମବଙ୍ଗ ସରକାର ବିରୋଧରେ ବିଜେପିର ହଲ୍ଲାବୋଲ । ସରକାରଙ୍କ ବିଭିନ୍ନ ନୀତିକୁ ବିରୋଧ କରି ନବାନ୍ନ ଅଭିଯାନର ଆୟୋଜନ କରିଛି ବିଜେପି । ସରକାର ବିରୋଧୀ ବିକ୍ଷୋଭ ବେଳେ ବହୁ ବିଜେପି ନେତାଙ୍କୁ ଉଠାଇ ନେଇ ଅଟକ ରଖିଛି ପୋଲିସ । ବିକ୍ଷୋଭ ପ୍ରଦର୍ଶନ ବେଳେ ପୋଲିସ ସହ ମୁହାଁମୁହିଁ ହୋଇଛନ୍ତି ବିଜେପି କର୍ମୀ ।
ବିରୋଧୀ ଦଳ ନେତା ଶୁଭେନ୍ଦୁ ଅଧିକାରୀଙ୍କ ସମେତ ବିଜେପି ରାଜ୍ୟ ସାଧାରଣ ସମ୍ପାଦକ ଲକେଟ ଚାଟାର୍ଜୀ ଓ ବହୁ ନେତା ଏହି ବିକ୍ଷୋଭରେ ସାମିଲ ହୋଇଥିବା ବେଳେ ପୋଲିସ ସେମାନଙ୍କୁ ଅଟକ ରଖିଛି । ଶହ ଶହ ବିଜେପି କର୍ମୀ ଟ୍ରେନରେ କୋଲକାତା ଅଭିମୁଖେ ଯାଉଥିବାରୁ ରେଲଓ୍ବେ ଷ୍ଟେସନ ଆଖପାଖରେ ବ୍ୟାରିକେଡ ଲଗାଇଛି ପୋଲିସ ।