ସୁବର୍ଣ୍ଣପୁର: ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ରେଞ୍ଜ ବାଘପାଲି ସଂରକ୍ଷିତ ଜଙ୍ଗଲରୁ ଏକ କଳରାପତରିଆ ବାଘର ଗଳିତ ମୃତଦେହ ଉଦ୍ଧାର ହୋଇଛି । କଲରାପତରିଆ ବାଘର ମୃତ୍ୟୁ କେଉଁ କାରଣରୁ ହୋଇଛି ତାହା ଏପର୍ଯ୍ୟନ୍ତ ଜଣାପଡ଼ିନାହିଁ । ତେବେ ବାଘର ମୃତ୍ୟୁ ଖବର ପାଇ ଘଟଣାସ୍ଥଳକୁ ବନ ବିଭାଗ ଯାଇ ତଦନ୍ତ ଆରମ୍ଭ କରିଛି ।
ସୂଚନା ଅନୁସାରେ ଆଜି ସକାଳୁ ଜଙ୍ଗଲରେ ବାଘଟିର ମୃତ ଦେହ ପଡ଼ିଥିବା ସ୍ଥାନୀୟ ଅଂଚଳର କିଛି ଲୋକ ଦେଖିଥିଲେ ପରେ ବନ ବିଭାଗକୁ ଖବର ଦେଇଥିଲେ । ପରେ ଘଟଣା ସ୍ଥଳରେ ବନ ବିଭାଗର କର୍ମଚାରୀମାନେ ପହଞ୍ଚି ବାଘର ମୃତଦେହକୁ ଜବତ କରି ଘଟଣା ସମ୍ପର୍କରେ ଅଧିକ ଅନୁସନ୍ଧାନ ଜାରି ରଖିଛନ୍ତି ।
ନନ୍ଦିଘୋଷ ବ୍ୟୁରୋ: ପୋଷା ଜନ୍ତୁ ନିଜ ମାଲିକଙ୍କୁ ଆକ୍ରମଣ କରିଥିବାର ଅନେକ ଖବର ସାମ୍ନାକୁ ଆସିଛି । କିନ୍ତୁ ଏମିତି ଏକ ଖବର ଆସିଛି ଯାହା ଶୁଣିଲେ ପଶୁ ପାଳିବା ପାଇଁ ଲୋକ ଭୟ କରିବେ । ଏକ ଗୃହପାଳିତ ପଶୁ ନିଜ ମାଲିକଙ୍କୁ ମାରି ଖାଇ ଦେଇଥିବାର ଖବର ଏବେ ଚର୍ଚ୍ଚାରେ ରହିଛି । ଅଷ୍ଟ୍ରେଲିଆରୁ ଏକ ଖବର ସାମ୍ନାକୁ ଆସିଛି, ଯେଉଁଠି ଏକ ପୋଷା କଙ୍ଗାରୁ ମାଲିକ ସହ ଥିବା ସମୟରେ ହିଂସକ ହୋଇଯାଇଥିଲା ।
କଙ୍ଗାରୁ ଟି ମାଲିକ ଉପରେ ଆକ୍ରମଣ କରି ହତ୍ୟା କରିଦେଇଛି । ଏବେ ପୋଲିସ ଏହି କଙ୍ଗାରୁକୁ ଦଣ୍ଡ ଦେବ । ସୂଚନାନୁଯାୟୀ, ଏହି ଘଟଣା ଅଷ୍ଟ୍ରେଲିଆର ଏକ ସହରରେ ଘଟିଛି । ବିବିସିର ଏକ ରିପୋର୍ଟ ଅନୁଯାୟୀ, ଏହି କଙ୍ଗାରୁ ପୋଷା ଅବଶ୍ୟ ଥିଲା କିନ୍ତୁ ଏକ ଜଙ୍ଗଲି କଙ୍ଗାରୁ ଥିଲା । ଏକ ୭୭ ବର୍ଷୀୟ ବୃଦ୍ଧା ଏହାକୁ ପାଳିଥିଲେ ।
ଅଷ୍ଟ୍ରେଲିଆ ପୋଲିସର ଏକ ବୟାନ ଅନୁଯାୟୀ, ମାଲିକ ଅର୍ଥାତ ମୃତକଙ୍କ ଶବ ପଶ୍ଚିମୀ ଅଷ୍ଟ୍ରେଲିଆର ରେଡମଣ୍ଡର କମ୍ ଜନସଂଖ୍ୟା ବିଶିଷ୍ଚ ସହରରେ ପଡିଥିବାର ମିଳିଥିଲା । ତେବେ ସବୁଠୁ ବଡ଼ କଥା ହେଉଛି କଙ୍ଗାରୁ ମଧ୍ୟ ଶବ ପାଖରେ ଉପସ୍ଥିତ ଥିଲା । କେବଳ ଏତିକି ନୁହେଁ ଆମ୍ବୁଲାନ୍ସ ଚାଳକ ଦଳକୁ ଶବ ପାଖକୁ ପହଞ୍ଚିବା ପାଇଁ କଙ୍ଗାରୁ ଅଟକାଇଥିଲା ।
ରିପୋର୍ଟ ମୁତାବିକ, ପୋଲିସ କହିଛି ଯେ କଙ୍ଗାରୁକୁ ଗୁଳି ମାରିବାକୁ ପଡ଼ିବ କାରଣ ଏହା ଏବେ କାହା ଉପରେ ବି ଆକ୍ରମଣ କରିପାରେ । ବିଶେଷଜ୍ଞଙ୍କ କହିବା ମୁତାବିକ ଏହି କାର୍ଯ୍ୟାନୁଷ୍ଠାନ ନିୟମାନୁସାରେ ହେବ । ପୋଲିସ କହିଛି ଯେ, କଙ୍ଗାରୁକୁ ଏକ ଜଙ୍ଗଲି ପଶୁ ଜଣାଯାଇଥାଏ କିନ୍ତୁ ବ୍ୟକ୍ତିଜଣଙ୍କ ଏହାକୁ ପାଳିତ ପଶୁ ଭାବରେ ରଖିଥିଲେ ।
ପାଟକୁରା: କୂଳ ପୁରୋହିତଙ୍କ କଳା କାରନାମା । ଚାକିରି କରାଇଦେବା ନାଁରେ ଜଜମାନଙ୍କଠାରୁ ଲକ୍ଷାଧିକ ଟଙ୍କା ଲୁଟିଛନ୍ତି ନନା । ଅଭିଯୋଗ ଆସିଛି କେନ୍ଦ୍ରାପଡ଼ା ନିକିରାଇ ଥାନା ଅଧୀନ ଢୋଲ ଯମରା ଗାଁରୁ । ଗ୍ରାମର ରବୀନ୍ଦ୍ର ସାହୁଙ୍କ ପୁଅକୁ ସେନାରେ ଚାକିରି କରାଇ ଦେବାକୁ କହି ପୁରୋହିତ ବାସୁଦେବ ପଣ୍ଡା ଟଙ୍କା ମାଗିଥିଲେ ।
ରବୀନ୍ଦ୍ର ସୁନା ଅଳଙ୍କାର ଓ ଜମି ବିକ୍ରି କରି ୧୫ଲକ୍ଷ ଟଙ୍କା ଦେଇଥିଲେ । ମାତ୍ର ଚାକିରି ହୋଇ ନଥିବା ବେଳେ ପୁରୋହିତ ମଧ୍ୟ ଧରାଛୁଆଁ ଦେଉ ନାହାନ୍ତି । ସେହିପରି ଜମରା ଅଞ୍ଚଳର କରୁଣାକର ରଣାଙ୍କ ଭାଇଙ୍କୁ ରକ୍ତ କର୍କଟ ହୋଇଥିବା କହିବା ସହ ଚିକିତ୍ସା ପାଇଁ ୬୫ ଲକ୍ଷ ଖର୍ଚ୍ଚ ହେବ ବୋଲି କହିଥିଲେ । କରୁଣାକର ପୁରୋହିତଙ୍କୁ ୬ଲକ୍ଷ 10ହଜାର ଟଙ୍କା ଦେଇଥିଲେ ।
ହେଲେ ପରବର୍ତ୍ତୀ ସମୟରେ ତାଙ୍କୁ ରକ୍ତ କର୍କଟ ହୋଇ ନଥିବା ଜଣାପଡ଼ିଥିଲା । ତେବେ ପୁରୋହିତଙ୍କୁ ଟଙ୍କା ମାଗିବାରୁ ସେ ଧମକ ଦେଉଥିବା ଅଭିଯୋଗ ହୋଇଛି । ପୁରୋହିତଙ୍କ ନାଁରେ ଏକାଧିକ ଅଭିଯୋଗ ଆସିବା ପରେ ସେ ଫେରାର ହୋଇଯାଇଥିବା ଜଣାପଡ଼ିଛି ।
ଭୁବନେଶ୍ୱର: ଭୁବନେଶ୍ବରରେ ଆଉ ଜଣେ ଛାତ୍ରଙ୍କ ଆତ୍ମହତ୍ୟା । ଗଙ୍ଗପଡ଼ାରେ ଏକ ଘରୋଇ କଲେଜରେ ଜଣେ ଛାତ୍ର ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ମୃତ ଛାତ୍ର ହେଲେ ସୂର୍ଯ୍ୟପ୍ରକାଶ ପଲାଇ । ସେ ଯୁକ୍ତ ଦୁଇ ପ୍ରଥମ ବର୍ଷର ଛାତ୍ର ଥିଲେ । ଗତକାଲି ରାତିରେ ସୂର୍ଯ୍ୟପ୍ରକାଶ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ହତ୍ୟା ସନ୍ଦେହରେ ଇନ୍ ଫୋ ଭ୍ୟାଲି ଥାନାରେ ପରିବାର ଲୋକ ଏତଲା ଦେଇଛନ୍ତି ।
ଘଟଣାସ୍ଥଳରେ ପୋଲିସ ପହଞ୍ଚିବା ପୂର୍ବରୁ କଲେଜ କର୍ତ୍ତୃପକ୍ଷ ତରବରିଆ ଭାବେ କବାଟ ଭାଙ୍ଗି ମୃତଦେହକୁ ଏମସକୁ ନେଇଥିଲେ । ତଦନ୍ତ ପାଇଁ କଲେଜରେ ସାଇଣ୍ଟିଫିକ ଟିମ୍ ପହଞ୍ଚିଛି। ଅନ୍ୟପଟେ ସାମ୍ନାକୁ ଆସିଲା ସୂର୍ଯ୍ୟପ୍ରକାଶଙ୍କ ସୁଇସାଇଡ ନୋଟ । ମୃତ୍ୟୁ ପୂର୍ବର ଅକୁହା କଥା ଲେଖି ଜୀବନ ହାରିଛନ୍ତି ସୂର୍ଯ୍ୟପ୍ରକାଶ । ୪୧୦ ନମ୍ବର ରୁମରୁ ସୁଇସାଇଡ଼ ନୋଟକୁ ଜବତ କରିଛି ପୋଲିସ ।
ସୁଇସାଇଡ ନୋଟ ଜବତ ପରେ ବଢ଼ିଛି ପୋଲିସର ସନ୍ଦେହ । ଧଳା କାଗଜରେ ଓଡ଼ିଆରେ ଲେଖାଯାଇଛି ସୁଇସାଇଡ ନୋଟ । ମୁଁ କେଉଁ କାରଣରୁ ମରୁଛି, ତାହା କହି ପାରୁନି । ସବୁ ଭୁଲ ମୋର, କଲେଜର କିଛି ଭୁଲ ନାହିଁ । ଏହାସହ ସାଙ୍ଗମାନଙ୍କ ଭବିଷ୍ୟତ ନଷ୍ଟ ନହେଉ ବୋଲି ସୁଇସାଇଡ୍ ନୋଟରେ ଉଲ୍ଲେଖ ରହିଛି । ସେହିପରି ସୁଇସାଇଡ ନୋଟରେ I Love You Mama ବୋଲି ଲେଖା ଯାଇଥିବା ଜଣାପଡିଛି ।
ଭୋପାଳ: ସବୁ ସୀମା ଟପିଯାଇଛି ଜନପିପାଶୁ ପୁରୁଷ । ନିଜର ଭୋକ ମେଣ୍ଟାଇବା ପାଇଁ ଛୋଟ ଛୋଟ ଶିଶୁଙ୍କୁ ବି ଛାଡୁନାହାନ୍ତି । ମଧ୍ୟପ୍ରଦେଶ ରାଜଧାନୀ ଭୋପାଳ ଏବଂ ଝାରଖଣ୍ଡ ରାଞ୍ଚିରୁ ଦୁଇଟି ଲଜ୍ଜାଜନକ ଘଟଣା ସାମ୍ନାକୁ ଆସିଛି । ଯାହା ଶୁଣିଲେ ଆପଣ ମଧ୍ୟ ପୁରୁଷ ସମାଜକୁ ଧିକ୍କାର କରିବେ । ଦୁଇଟି ସ୍ଥାନାରେ ଶିଶୁ କନ୍ୟାଙ୍କ ସହ ବଳାତ୍କାର ହୋଇଛି । ଭୋପାଳର ଏକ ଜଣାଶୁଣା ସ୍କୁଲର ବସ୍ ଡ୍ରାଇଭର ଏବଂ ମହିଳା ହେଲ୍ପରଙ୍କୁ ପୋଲିସ ଗିରଫ କରିଛି ।
ଅଭିଯୋଗ ଯେ, ସ୍କୁଲ ବସ୍ ଡ୍ରାଇଭର ବସ୍ ଭିତରେ ୩ ବର୍ଷର ଶିଶୁ କନ୍ୟାଙ୍କ ସହ ଦୁଷ୍କର୍ମ କରିଛି ଏବଂ ବସରେ ଉପସ୍ଥିତ ମହିଳା ହେଲ୍ପର ମାମଲାକୁ ଲୁଚାଇବା ପାଇଁ ଉଦ୍ୟମ କରିଛନ୍ତି । ସୂଚନନୁଯାୟୀ, ଭୋପାଳର ଏକ ପ୍ରତିଷ୍ଠିତ ଘରୋଇ ସ୍କୁଲରେ ଶିଶୁ ଜଣଙ୍କ ନର୍ସରୀରେ ପାଠ ପଢ଼ୁଛି । ପରିବାରବର୍ଗ ପୋଲିସକୁ କହିଛନ୍ତି ଯେ, ସ୍କୁଲରୁ ଶିଶୁ ପୁତ୍ରୀ ଘରକୁ ଆସିବା ପରେ ଡ୍ରେସ ବଦଳାଇବା ସମୟରେ ଶିଶୁର ମାଆ ତାର ପ୍ରାଇଭେଟ ପାର୍ଟରେ ଚିହ୍ନ ଦେଖିଥିଲେ । ଏହାପରେ ସେ ଆଶ୍ଚର୍ଯ୍ୟ ଚକିତ ହୋଇଯାଇଥିଲେ ।
ମାଆ ଯେତବେଳେ ଶିଶୁ ପୁତ୍ରୀଙ୍କୁ ପଚାରିଥିଲେ ତେବେ ଶିଶୁ ଜଣଙ୍କ କହିଥିଲେ ଯେ ସ୍କୁଲ ବସ୍ ଡ୍ରାଇଭର ଖରାପ ସ୍ପର୍ଶ କରିଛନ୍ତି । ଏହାପରେ ପରିବାର ଲୋକେ ସ୍କୁଲ କର୍ତ୍ତୃପକ୍ଷଙ୍କୁ ଏନେଇ ଅଭିଯୋଗ କରିବା ପରେ ଏହାକୁ ସେମାନେ ପ୍ରତ୍ୟାକ୍ଷାନ କରିଥିଲେ । ଏହାପରେ ପରିବାର ଲୋକେ ପୋଲିସରେ ମାମଲା ରୁଜୁ କରିଥିଲେ । ପୋଲିସ ୩୭୬ ଧାରା ଆଧାରରେ ଡ୍ରାଇଭରକୁ ଗିରଫ କରିଛି । ସେହିପରି ମହିଳା ହେଲ୍ପରଙ୍କୁ ମଧ୍ୟ ଗିରଫ କରାଯାଇଛି ।
ଅନ୍ୟପକ୍ଷରେ ଝାଡ଼ଖଣ୍ଡର ରାଞ୍ଚି ଜିଲ୍ଲାରେ ସୋମବାର ଏକ ୨୨ ବର୍ଷୀୟ ବ୍ୟକ୍ତି ଛଅ ବର୍ଷର ଝିଅକୁ ଚକଲେଟର ଲୋଭ ଦେଇ କଥିତ ରୂପରେ ତା ସହ ଦୁଷ୍କର୍ମ କରିଛି । ଘଟଣା ପରେ ଫେରାର ଥିବା ଅଭିଯୁକ୍ତ ଯୁବକକୁ ପୋଲିସ ଗିରଫ କରିଛି । ପୋଲିସ ଅନୁସାରେ, ଅଭିଯୁକ୍ତ ତିନି ଚାରି ଦିନ ପୂର୍ବେ ଝିଅ ସହିତ କଥିତ ରୂପରେ ଟଣାଓଟରା ମଧ୍ୟ କରିଥିଲା ।
ଲକ୍ଷ୍ନୌ: ଆକାଶରେ ଦେଖାଗଲା ରହସ୍ୟମୟୀ ଦୃଶ୍ୟ । ଗତକାଲି ରାତିରେ ଉତ୍ତରପ୍ରଦେଶର ଆକାଶରେ ଆଲୋକମାଳା ସଦୃଶ ଦୃଶ୍ୟ ଦେଖାଯାଇଥିଲା । ରହସ୍ୟମୟ ଆଲୋକମାଳାକୁ ଦେଖି ଅନେକ ଆଶ୍ଚମ୍ବିତ ହୋଇଛନ୍ତି । ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌ ଏବଂ ଲକ୍ଷ୍ମୀପୁର ଖେରି ଭଳି ସହରର ଆକାଶରେ ଏହି ଅପୂର୍ବ ଦୃଶ୍ୟ ଦେଖାଯାଇଛି । ଆଲୋକର ଏକ ଧାଡି ଟ୍ରେନ ଭଳି ଗତି କରୁଥିବାର ଦେଖାଯାଇଥିଲା।
ତେବେ ଏହା ବିଶ୍ୱର ସବୁଠୁ ଧନୀ ବ୍ୟକ୍ତି ଟେସ୍ଲା ଏବଂ ସ୍ପେଶ ଏକ୍ସର ମାଲିକ ଏଲନ ମସ୍କଙ୍କ ଷ୍ଟାରଲିଙ୍କ ଇଣ୍ଟରନେଟ୍ ସାଟେଲାଇଟ୍ ଅଟେ । ଯାହା କି ସୋମବାର ରାତିରେ ଭାରତର ଆକାଶ ଦେଇ ଗତି କରିଥିଲା । ଏଲନ ମସ୍କ ଏହି ସାଟେଲାଇଟକୁ ପ୍ରତି ଦ୍ୱିତୀୟ ମାସରେ ନିଜର ଫାଲ୍କନ-୯ ରକେଟ ଦ୍ୱାରା ମହାକାଶକୁ ଛାଡ଼ିଥାନ୍ତି । ଏହି ରକେଟରେ ଦୁଇଟି ଷ୍ଟେଜ ରହିଥାଏ ।
ପ୍ରଥମ ଷ୍ଟେଜ ସାଧାରଣତଃ ଲଞ୍ଚିଂର ୯ ମାସ ପରେ ପୃଥିବୀପୃଷ୍ଠକୁ ଫେରି ଆସିଥାଏ । ଯେତବେଳେ କି ଦ୍ୱିତୀୟ ଷ୍ଟେଜ ଷ୍ଟାରଲିଙ୍କ ସାଟେଲାଇଟ୍ସକୁ ପୃଥିବୀର ନିମ୍ନ କକ୍ଷରେ ସ୍ଥାପିତ କରିଥାଏ । ଦ୍ୱିତୀୟ ଷ୍ଟେଜ କିଛି ସମୟ ପରେ ପୃଥିବୀ ପୃଷ୍ଠରେ କ୍ରାସ ଲ୍ୟାଣ୍ଡିଂ କରିଥାଏ । ଏହା ପୂର୍ବରୁ ଗତ ବର୍ଷ ଡିସେମ୍ବରରରେ ମଧ୍ୟ ପଞ୍ଜାବରେ ଷ୍ଟାରଲିଙ୍କ ସାଟେଲାଇଟ୍ସ ଦେଖିବାକୁ ମିଳିଥିଲା ।
ପ୍ରଥମେ ଲୋକମାନେ ଏହାକୁ ଦେଖିବା ପରେ ଭୟଭୀତ ହୋଇଯାଇଥିଲେ । ହେଲେ ଏହା ସମ୍ପର୍କରେ ଜାଣିବା ପରେ ଆଶ୍ୱସ୍ତି ମିଳିଥିଲା । ଏଲନ ମସ୍କ ନିଜର ଏହି ଷ୍ଟାରଲିଙ୍କ ଇଣ୍ଟରନେଟ୍ ସାଟେଲାଇଟ୍ ବଳରେ ସାରା ବିଶ୍ୱକୁ ମହାକାଶରୁ ଉତ୍ତମ ଏବଂ ଦ୍ରୁତ ଇଣ୍ଟରନେଟ୍ ସେବା ଦେବାକୁ ଚାହୁଁଛନ୍ତି । ଏହି ସାଟେଲାଇଟ ସେବାର ଲାଭ ଏବେ ୪୦ ଦେଶ ଉଠାଉଛନ୍ତି । ରୁଷ୍ ଏବଂ ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧ ସମୟରେ ମଧ୍ୟ ଏଲନ ମସ୍କ ଷ୍ଟାରଲିଙ୍କ ସାଟେଲାଇଟ୍ ଜରିଆରେ ୟୁକ୍ରେନକୁ ଇଣ୍ଟରନେଟର ସୁବିଧା ଦେଇଥିଲେ ।
ଭୁବନେଶ୍ୱର: ରାଜଧାନୀ ଭୁବନେଶ୍ୱରରେ ବଢ଼ୁଛି ଆତ୍ମହତ୍ୟ ମାଲମା । ଆଜି ଭୁବନେଶ୍ବରରେ ଆଉ ଏକ ଆତ୍ମହତ୍ୟା ଘଟଣା ସାମ୍ନାକୁ ଆସିଛି । ଗଙ୍ଗପଡ଼ାରେ ଏକ ଘରୋଇ କଲେଜରେ ଜଣେ ଛାତ୍ର ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ମୃତ ଛାତ୍ର ହେଲେ ସୂର୍ଯ୍ୟପ୍ରକାଶ ପଲାଇ । ସେ ଯୁକ୍ତ ଦୁଇ ପ୍ରଥମ ବର୍ଷର ଛାତ୍ର ଥିଲେ ।
ଗତକାଲି ରାତିରେ ସୂର୍ଯ୍ୟପ୍ରକାଶ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ହତ୍ୟା ସନ୍ଦେହରେ ଇନ୍ ଫୋ ଭ୍ୟାଲି ଥାନାରେ ଏତଲା ଦେଇଛନ୍ତି ପରିବାର ଲୋକ । ଘଟଣାସ୍ଥଳରେ ପୋଲିସ ପହଞ୍ଚିବା ପୂର୍ବରୁ ତରବରିଆ ଭାବେ କବାଟ ଭାଙ୍ଗି ମୃତଦେହକୁ ଏମସକୁ ନେଇଥିଲେ କଲେଜ କର୍ତ୍ତୃପକ୍ଷ । ତଦନ୍ତ ପାଇଁ କଲେଜକୁ ଯିବ ସାଇଣ୍ଟିଫିକ ଟିମ୍ ।
ମୋହନା: ଥାନାରେ ପଶି ପୋଲିସକୁ ଆକ୍ରମଣ । ଗଜପତି ଜିଲ୍ଲା ମୋହନା ଅଡ଼ବା ଥାନାରେ ପଶି ପୋଲିସ କର୍ମଚାରୀଙ୍କୁ ଆକ୍ରମଣ କରିବା ସହ ଭଙ୍ଗାରୁଜା କରିଛନ୍ତି ଗାଁ ଲୋକ । ଗଞ୍ଜେଇ ଚୋରା ଚାଲାଣ ଅଭିଯୋଗରେ ଝରଣପୁର ଗ୍ରାମର ବିଶ୍ବନାଥ ଭୂୟାଁଙ୍କ ଘରେ ପଶି ଗଞ୍ଜେଇ ରଖିବା ଅଭିଯୋଗରେ ତାଙ୍କୁ ଗିରଫ କରିଥିଲା । ପ୍ରତିବାଦରେ ଆଜି ଅଡବା ଥାନାରେ ପଶି ଭଙ୍ଗାରୁଜା କରିଛନ୍ତି ଉତ୍ୟକ୍ତ ଲୋକେ ।
୨୦୦ରୁ ଅଧିକ ଲୋକ ଲୋକେ ଥାନାରେ ପଶିବା ଶହ ବ୍ୟାପକ ଭଙ୍ଗାରୁଜା କରିଛନ୍ତି । ମିଥ୍ୟା ମାମଲାରେ ଫସାଇ ଜଣଙ୍କୁ ଗିରଫ କରାଯାଇଥିବା ଗାଁ ଲୋକ ଅଭିଯୋଗ କରିଛନ୍ତି । ଖବର ପାଇ ଆର. ଉଦୟଗିରି ଏସଡିପିଓ, ମୋହନା ବିଡ଼ିଓ ଘଟଣା ସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିଛନ୍ତି l ବର୍ତ୍ତମାନ ପର୍ଯ୍ୟନ୍ତ ଥାନା ଆଗରେ ଲୋକଙ୍କ ଧାରଣା ଜାରି ରହିଛି ।
ଲକ୍ଷ୍ନୌ: ଉତ୍ତରପ୍ରଦେଶର ବରେଲିରେ ହୃଦୟ ବିଦାରକ ଘଟଣା ସାମ୍ନାକୁ ଆସିଛି । ଚାର୍ଜରେ ବସିଥିବା ମୋବାଇଲ ବ୍ୟାଟେରୀ ଫାଟି ନିଷ୍ପାପ ଶିଶୁର ମୃତ୍ୟୁ ହୋଇଯାଇଛି । ଫରିଦପୁରର ପଚୌମୀ ଗାଁରେ ଚାର୍ଜିଂରେ ଲାଗିଥିବା ମୋବାଇଲର ବ୍ୟାଟେରୀ ଫାଟିବା ଦ୍ୱାରା ଲାଗିଥିବା ନିଆଁରେ ୮ ମାସର ଶିଶୁ ଗମ୍ଭୀର ରୂପରେ ଜଳିଯାଇଥିଲା । ଗୁରୁତର ଅବସ୍ଥାରେ ପରିବାର ଲୋକେ ଜିଲ୍ଲା ହସ୍ପିଟାଲ ନେଇଥିଲେ ।
ହସ୍ପିଟାଲରେ ଚିକିତ୍ସା ସମୟରେ ଶିଶୁର ମୃତ୍ୟୁ ହୋଇଯାଇଛି । ଫରିଦପୁରର ପଚୌମୀ ଗାଁରେ ରହିଥିବା ସୁନୀଲ କୁମାରଙ୍କ ଘରେ ସୋଲାର ପ୍ଲେଟ ଲାଗିଛି । ଏହି ସୋଲାର ପ୍ଲେଟ ଦ୍ୱାରା ମୋବାଇଲ ଚାର୍ଜିଂ ଏବଂ ଘରର ଲାଇଟ୍ ଜଳେ । ସୋଲାରରେ ଚାର୍ଜିଂ ସମୟରେ ସେ ମୋବାଇଲ ଖଟ ଉପରେ ରଖିଦେଇଥିଲେ । ସେହି ଖଟ ଉପରେ ତାଙ୍କର ଆଠ ମାସର ଶିଶୁପୁତ୍ରୀ ରୋଲି ଶୋଇଥିଲା । ପରିବାର ଲୋକଙ୍କ କହିବା ଅନୁଯାୟୀ, ଅଚାନକ ମୋବାଇଲର ବ୍ୟାଟେରୀ ବ୍ଲାଷ୍ଟ ହୋଇଯାଇଥିଲା ।
ପରିବାର ଲୋକଙ୍କୁ ଜଣାପଡ଼ିବା ପୂର୍ବରୁ ନିଆଁ ସମ୍ପୂର୍ଣ୍ଣ ଖଟରେ ବ୍ୟାପିଯାଇଥିଲା । ଶିଶୁ ରୋଲି ନିଆଁ କରାଳରେ ଆସିଯାଇଥିଲା । ପରିବାର ଲୋକେ ନିଆଁ ଲିଭାଇଲା ବେଳକୁ ଗମ୍ଭୀର ରୂପରେ ଶିଶୁ ଜଳିଯାଇଥିଲେ । ପରିବାର ଲୋକେ ପାଖ ଡାକ୍ତରଖାନା ନେଇଯାଇଥିଲେ ଏବଂ ସେଠାରେ ଡାକ୍ତର ପ୍ରାଥମିକ ଚିକିତ୍ସା କରିବା ପରେ ୱାର୍ଡରେ ଭର୍ତ୍ତି କରିଥିଲେ । ଶିଶୁ ଟି ୩୦ ପ୍ରତିଶତ ଜଳିଯାଇଥିଲା । ଚିକିତ୍ସା ସମୟରେ ମୃତ୍ୟୁ ଘଟିଛି ।
ଚଣ୍ଡିଗଡ଼: ବିଫଳ ହେଲା ଆତଙ୍କୀ ଆକ୍ରମଣ ଷଡଯନ୍ତ୍ର । ଆଇଇଡି ବିସ୍ଫୋରକ ଜବତ କଲା ପୋଲିସ । ହରିୟାଣାର କୈଥଲରେ ଆତଙ୍କ ସୃଷ୍ଟି କରିବା ପାଇଁ ଏକ ବଡ଼ ଷଡଯନ୍ତ୍ର ବିଫଳ ହୋଇଛି । ଏକ ଲୁହା ବାକ୍ସରୁ ଏକ କେଜି ଆଇଇଡି ଜବତ କରିଛି ପୋଲିସ । ବମ ନିରୋଧକ ଟିମ୍ ବିସ୍ଫୋରକକୁ ନିଷ୍କ୍ରିୟ କରିଛନ୍ତି । ସମ୍ପୂର୍ଣ୍ଣ ଅଞ୍ଚଳକୁ ସିଲ୍ କରାଯାଇଛି । ତେବେ ଏହି ଆଇଇଡି କିଏ ରଖିଥିଲା ଏବେ କେଉଁ ଉଦ୍ଦେଶ୍ୟରେ ତାର ତଦନ୍ତ ଚାଲିଛି । ଅନୁମାନ କରାଯାଉଛି ଯେ ବଡ଼ଧରଣର ଆତଙ୍କୀ ଆକ୍ରମଣ କରିବାର ଯୋଜନା ହେଉଥିଲା ।
ହରିୟାଣା ପୋଲିସର ସ୍ପେଶାଲ ଟାସ୍କ ଫୋର୍ସକୁ ଏହାର ଗୁଇନ୍ଦା ସୂଚନା ମିଳିଥିଲା । ପୋଲିସ କହିଛି ଯେ, ଆଇଇଡି ଆରଡିଏକ୍ସରେ ଭରି ରହିଥିଲା ଏବଂ ଜିନ୍ଦ ରୋଡରେ କାଞ୍ଚି ଚୌକର ଏକ ଗାଁର ରାସ୍ତା କଡ଼ରୁ ଜବତ କରାଯାଇଛି । ସୂଚନାଥାଉକି ଗତ ମାସରେ କୁରୁକ୍ଷେତ୍ର ଜିଲ୍ଲାର ଶାହାବାଦ ପାଖ ଏକ ସ୍ଥାନରୁ ପ୍ରାୟ ୧.୩ କେଜି ଆରଡିଏକ୍ସ ସହ ଭରିରହିଥିବା ଆଇଇଡି ଜବତ କରାଯାଇଥିଲା ।
