ଲକ୍ଷ୍ନୌ: ଆଜି ଉତ୍ତର ପ୍ରଦେଶର ବୁନ୍ଦେଲଖଣ୍ଡ ଏକ୍ସପ୍ରେସୱେ ଉଦଘାଟନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ପିଏମଙ୍କ ଗସ୍ତ ପାଇଁ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି । ଗତ ଫେବୃଆରୀ ୨୯, ୨୦୨୦ରେ ଏକ୍ସପ୍ରେସ ୱେର ଶିଳାନ୍ୟାସ କରିଥିଲେ ପିଏମ । ୨୮ ମାସ ମଧ୍ୟରେ ସମୂର୍ଣ୍ଣ ହୋଇଛି ଏକ୍ସପ୍ରେସୱେ । ଏଥିଯୋଗୁଁ ମାତ୍ର ୬ ଘଣ୍ଟାରେ ଚିତ୍ରକୁଟରୁ ଦିଲ୍ଲୀ ଯିବା ହେବା ସହଜ ।
ଚିତ୍ରକୁଟ, ବାନ୍ଦା, ମହୋବା, ହମିରପୁର, ଜଲୌନ, ଇଟାୱା ହୋଇ ଆଗ୍ରା ଓ ଲକ୍ଷ୍ନୌକୁ ଯୋଡିବ ବୁନ୍ଦେଲଖଣ୍ଡ ଏକ୍ସପ୍ରେସୱେ । ୨୯୬ କିଲୋମିଟର ଲମ୍ବ ୪ ଲେନ୍ ବିଶିଷ୍ଟ ଏହି ଏକ୍ସପ୍ରେସ ୱେର ନିର୍ମାଣ କରିଛି ଉତ୍ତର ପ୍ରଦେଶ ଏକ୍ସପ୍ରେସୱେ ଉଦ୍ଦ୍ୟୋଗିକ ବିକାଶ ପ୍ରାଧିକରଣ । ୧୪.୮୫୦ କୋଟି ଟଙ୍କା ବ୍ୟୟ ବରାଦରେ ନିର୍ମିତ ଏହି ଏକ୍ସପ୍ରେସ ୱେ ଆଗକୁ ୬ ଟିକିଆ ବିଶିଷ୍ଟ ରାସ୍ତାରେ ବିସ୍ତାରିତ କରିବା ପାଇଁ ଯୋଜନା ଚାଲିଛି ।
ଏହି ଅଞ୍ଚଳରେ ଯୋଗାଯୋଗରେ ସୁଧାର ଆସିବା ସହ ଆର୍ଥିକ ବିକାଶକୁ ପ୍ରୋତ୍ସାହିତ କରିବ ବୁନ୍ଦେଲଖଣ୍ଡ ଏକ୍ସପ୍ରେସ ୱେ । କାରଣ ସ୍ଥାନୀୟ ଲୋକଙ୍କୁ ରୋଜଗାରର ଅବସର ମିଳିବ । ୮ ନଦୀ ବାଗେନ, କେନ, ଶ୍ୟାମା, ଚନ୍ଦାବଲ, ବିରମା, ଯମୁନା, ବେତୱା ଓ ସେଙ୍ଗାର ନଦୀ ଉପରେ ନିର୍ମାଣ ହୋଇଛି ଏହି ଏକ୍ସପ୍ରେସ ୱେ ।
