ହାଇଦ୍ରାବାଦ: ହାଇଟେକ ସିଟି ହାଇଦ୍ରାବାଦରେ ନାରକୀୟ କାଣ୍ଡ । ଜଣେ ନାବାଳିକାଙ୍କୁ ମର୍ସିଡିଜ କାରରେ ଗଣଦୁଷ୍କର୍ମ ଅଭିଯୋଗ । ଏହି ଘଟଣାରେ ଜଣେ ବିଧାୟକ ତଥା ତେଲେଙ୍ଗାନା ସଂଖ୍ୟାଲଘୁ ବୋର୍ଡ ଅଧ୍ୟକ୍ଷଙ୍କ ପୁଅ ସମେତ ୫ ଜଣ ସ୍କୁଲ ଛାତ୍ର ସାମିଲ ଥିବା ଅଭିଯୋଗ ହୋଇଛି । ସମସ୍ତ ଛାତ୍ର ଏକାଦଶ ଓ ଦ୍ବାଦଶ ଶ୍ରେଣୀର ହୋଇଥିବା ଜଣାଯାଇଛି । ଏନେଇ ହାଇଦ୍ରାବାଦ ଜୁବଲି ହିଲ୍ସ ପୋଲିସ ଷ୍ଟେସନରେ ଏକ ମାମଲା ରୁଜୁ ହୋଇଛି । ପୋଲିସ ଆଇପିସିର ଧାରା ୩୫୪ ଓ ୩୭୬ ଅନୁସାରେ ପକ୍ସୋ ଆକ୍ଟରେ ମାମଲା ରୁଜୁ କରି ତଦନ୍ତ ଚଳାଇଛି ।
୧୭ ବର୍ଷ ବୟସ୍କା ପୀଡ଼ିତାଙ୍କ ମେଡିକାଲ ପରୀକ୍ଷା କରାଇଛି । ଘଟଣାରେ ବ୍ୟବହୃତ ମର୍ସିଡିଜ ବେଞ୍ଜ କାର୍କୁ ଜବତ କରିଛି ପୋଲିସ । ଶନିବାର ରାତିରେ ଏହି ନାବାଳିକ ଜଣକ ଜଣେ ସାଂଗ ସହ ଏକ ପବ୍କୁ ଯାଇଥିଲେ । ପରେ ସେମାନେ ଫେରିବା ବାଟରେ ୫ଜଣ ଛାତ୍ର ତାଙ୍କୁ କାରରେ ଗଣଦୁଷ୍କର୍ମ କରିଥିବା ଅଭିଯୋଗ ହୋଇଛି । ଗତ ଶନିବାର ଏକ ପବ୍ ସାମନାରେ ଏହି ନାବାଳକମାନଙ୍କ ସହ ନାବାଳିକା ଜଣକ ଠିଆହୋଇଥିବାର ସିସିଟିଭି ଦୃଶ୍ୟ ରହିଛି ।
ଭାବେ ଦର୍ଶାଯାଇଛି । ରାଜଧାନୀ ଭୁବନେଶ୍ୱର ମହାନଗର ନିଗମର ସଫେଇ କାମ ଏକ ଠିକା ସଂସ୍ଥା ନେଇଛି । ଜାଗୃତି ଏହି କାମ ନେଇଥିଲା ବେଳେ ଶ୍ରମ ଆଇନର ଉଲ୍ଲଂଘନ କରାଯାଇ ସଫେଇ କାମରେ ନିୟୋଜିତ ପୁରୁଷ ଓ ମହିଳାମାନଙ୍କୁ ଧାର୍ଯ୍ୟ ମଜୁରୀ ଠାରୁ କମ ପ୍ରଦାନ କରାଯାଉଛି । ସଫେଇ କର୍ମଚାରୀଙ୍କର ଭବିଷ୍ୟତ ପାଇଁ ଇପିଏଫ୍ କିମ୍ବା ଇଏସଆଇ ବାବଦ ଟଙ୍କା ପଇଠ କରାଯାଉ ନାହିଁ । ଉଭୟ ଜାଗୃତି ଓ ରାମକୋ ଠିକା ସଂସ୍ଥା ଶ୍ରମ ଆଇନକୁ ମାନୁ ନଥିବା ଅଭିଯୋଗ ହେଉଛି । ବର୍ଷ ବର୍ଷ ଧରି ସଫେଇ କର୍ମଚାରୀମାନେ ଅବହେଳିତ ଓ ଶୋଷିତ ହୋଇ ଚାଲିଥିଲେ ମଧ୍ୟ ସରକାର ଶ୍ରମ ବିଭାଗ ହାତବାନ୍ଧି ବସିଛି । ଗରିବ କର୍ମଚାରୀମାନେ ଦହଗଞ୍ଜ ହେଉଛନ୍ତି ।
