ବ୍ରଜରାଜନଗର: ସୁରୁଖୁରୁରେ ସରିଲା ବ୍ରଜରାଜନଗର ଉପନିର୍ବାଚନ ଭୋଟିଂ । ଇଭିଏମରେ ସିଲ୍ ହେଲା ପ୍ରାର୍ଥୀଙ୍କ ଭାଗ୍ୟ । କିଛି ବୁଥରେ ଭୋଟରଙ୍କ ଧାଡ଼ି ଲମ୍ବିଥିବାରୁ ସେଠାରେ ମତଦାନ ଜାରି ରହିଛି । ତେବେ ସନ୍ଧ୍ୟା ୫ଟା ସୁଦ୍ଧା ୬୯ ପ୍ରତିଶତ ମତଦାନ ହୋଇଥିବା ସୂଚନା ଦେଇଛନ୍ତି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ । ୩ଟାରୁ ୪ଟା ମଧ୍ୟରେ ଝଡ଼ବର୍ଷା ପାଇଁ ଭୋଟଦାନ ବାଧାପ୍ରାପ୍ତ ହୋଇଥିଲା । ସକାଳୁ ୩ଟି EVMରେ ତ୍ରୁଟି ଦେଖାଯାଇଥିଲା । ପରେ ଏକ ବୁଥରେ ସମସ୍ୟା ଦେଖାଦେଇଥିଲ । ୩ଟି ଲେଖାଏ ବାଲଟ ୟୁନିଟ ଓ କଣ୍ଟ୍ରୋଲ ୟୁନିଟ ପରିବର୍ତ୍ତନ କରାଯାଇଛି । କୌଣସି ସ୍ଥାନରେ ହିଂସା ହୋଇନାହିଁ । ସମସ୍ତ ବୁଥରେ ଶାନ୍ତିପୂର୍ଣ୍ଣ ମତଦାନ ହୋଇଛି । ଗତବର୍ଷ ୬୮ ପ୍ରତିଶତ ମତଦାନ ହୋଇଥିଲା । ଏଥର ଭୋଟିଂ ହାର ଗତଥରର ହାରକୁ ଟପିବ ବୋଲି କହିଛନ୍ତି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ।
୯ ବର୍ଷର ପ୍ରେମ ଓ ୭ ବର୍ଷର ବିବାହ ପରେ ବି ସ୍ବାମୀର ମାନିଲାନି ମନ, ପର ସ୍ତ୍ରୀକୁ ନେଇ ଫେରାର
ଭୁବନେଶ୍ୱର: ସ୍ୱାମୀ ମୋର ସିନ୍ଦୁର ଆଉ କାହାର । ସ୍ୱାମୀ ମୋର ସତ୍ୟବାନ ଆଉ କାହାର । ଏ ସବୁ କୌଣସି ଚଳଚିତ୍ର କି ନାଟାକର କାହଣୀ ନୁହେଁ । ବାସ୍ତବରେ ଭୁବନେଶ୍ବରରେ ଏଭଳି ଘଟଣା ଘଟିଛି । ସ୍ବାମୀର ହ୍ବାଟସପ୍ ଷ୍ଟାଟସ ଖୋଲି ଦେଇଛି ରଙ୍ଗିଲା ସତ୍ୟବାନର ସତ । ଯାହାକୁ ନେଇ ରାଜଧାନୀରେ ଚାଞ୍ଚଲ୍ୟ ଖେଳାଇ ଦେଇଛି । ସ୍ବାମୀ ସୁଧାଂଶୁ ସାହୁ ନାମରେ ସାଂଘାତିକ ଅଭିଯୋଗ ଆଣିଛନ୍ତି ପତ୍ନୀ । ଗତାକାଲି ସାବିତ୍ରୀ ଅମାବାସ୍ୟା ଥିଲା, ସ୍ବାମୀଙ୍କ ଦୀର୍ଘାୟୁ କାମନା କରିବା ପାଇଁ ଘରକୁ ଡାକି ପୂଜା କରି ଜୁହାର ହୋଇଥିଲେ । ୪୦ ମିନିଟ ପରେ ଦେଖିଲା ବେଳକୁ ସ୍ବାମୀ ତାଙ୍କ ହ୍ଟାଟସଅପ ଷ୍ଟାଟସରେ ବିବାହିତା ପ୍ରେମିକା ସହିତ ସତ୍ୟବାନ ସାଜିଥିଲେ ।
ଅଭିଯୋଗକାରିଣୀଙ୍କ ସୂଚନା ଅନୁସାରେ ଉଭୟ ବି-ଟେକ ପାଠ ପଢିବା ସମୟରେ ପ୍ରେମ ସଂପର୍କ ଗଢି ଉଠିଲା । ଗତ ୨୦୧୬ରେ ପ୍ରେମ ବିବାହ କରିଥିଲେ । ଗୋଟିଏ ୩ ବର୍ଷର ଝିଅ ମଧ୍ୟ ତାଙ୍କର ଅଛି । ଏବେ ବାହାଘରର ୭ ବର୍ଷ ପରେ ତାଙ୍କର ବାଲ୍ୟ ବନ୍ଧୁଙ୍କ ପତ୍ନୀଙ୍କ ପ୍ରେମରେ ପଡି ତାଙ୍କୁ ନେଇ ଏବେ ରହୁଛନ୍ତି । ସଂପୃକ୍ତ ମହିଳାଙ୍କ ସ୍ବାମୀ ସୁନାଖଳା କୋପରେଟିଭ ସୋସାଇଟିରେ ସମ୍ପାଦକ ଭାବରେ ଚାକିରୀ କରନ୍ତି । ଏବେ ସ୍ୱାମୀଙ୍କ ନାଁରେ ଥାନାରେ ଏତଲା ଦେଇ ନ୍ୟାୟ ମାଗୁଛନ୍ତି ସ୍ତ୍ରୀ । ଖଣ୍ଡଗିରି ଥାନାରେ ସ୍ୱାମୀ ସୁଧାଂଶୁ ଶେଖର ସାହୁଙ୍କ ବିରୋଧରେ ଅଭିଯୋଗ ପରେ ବି କୌଣସି କାର୍ଯ୍ୟାନୁଷ୍ଠାନ ହେଉନଥିବା ଅଭିଯୋଗ କରିଛନ୍ତି ସ୍ତ୍ରୀ ।
ବିଚ୍ ବଜାରରେ ଉଲଗ୍ନ ନାଚ, ଶୋଇଛି ପ୍ରଶାସନ
ଗଜପତି: ସମାଜରେ ଲଜ୍ଜ୍ୟାର ସମସ୍ତ ସୀମା ପାର। ଆଇନ କାନୁନକୁ ଖାତିରି ନାହିଁ, ସହର ମଝିରେ, ଶହ ଶହ ଜନ ଗହଳିରେ ହେଉଛି ଉଲଗ୍ନ ନାଚ । ତା ସାଙ୍ଗକୁ ରାତି ତମାମ ଜମୁଛି ମଦର ଆସର । ଆଉ ବେଫିକର ହୋଇ ନାଚୁଛନ୍ତି ଯୁବତୀ । କେତେବେଳେ ଅଧା କପଡ଼ାରେ ତ ଆଉ କେତେ ବେଳେ ବିନା କପଡ଼ାରେ । ଏଭଳି ଦୃଶ୍ୟ ଦେଖିବାକୁ ମିଳିଛି ଗଜପତି ଜିଲ୍ଲା ହାଡୁଭାଙ୍ଗି ପଞ୍ଚାୟତ ସଦର ମହକୁମାରେ ।
କିଛି ଦିନ ଧରି ସ୍ଥାନ ପରିବର୍ତ୍ତନ କରି କରି ବିଳମ୍ବିତ ରାତିରେ ଆୟୋଜିତ ହେଉଛି ଏଭଳି ନୃତ୍ୟର ଆସର । ଯାହା ବିଦେଶର କେସୀନୋଠାରୁ ବି ଅଧିକ । ଏହା ସହ ଖୋଲା ପଡ଼ିଆରେ ହେଉଛି ଜୁଆ ଖେଳ । ସବୁଠାରୁ ବିଡ଼ମ୍ବନାର ବିଷୟ ହେଉଛି ଅଞ୍ଚଳରେ ଏହି ଆୟୋଜନରେ ଭାଗ ନେବା ପାଇଁ ମାଇକ ସାହାଯ୍ୟରେ ବାରମ୍ବାର ଘୋଷଣା ହେଉଛି । ନୃତ୍ୟ ଚାଲିବା ସମୟରେ ଘୋଷଣା ହେଉଛି ଯେ ଗରମାଗରମ ମସଲା ଡ୍ୟାନ୍ସର ମଜା ନିଅନ୍ତୁ । କିନ୍ତୁ କେହି ଭିଡିଓ ଉଠାଇବା ପାଇଁ ଚେଷ୍ଟା କରନ୍ତୁ ନାହିଁ ଯଦି ରେକର୍ଡ କରିବା ବେଳେ ଧରା ପଡିବେ ତେବେ ଫୁଲ ରାଉଣ୍ଡ ଗୁଳି ଫୁଟିବ ।
ତେବେ ଚିନ୍ତାର ବିଷୟ ଯେ, ଯେତେବେଳେ ଗଜପତି ଜିଲ୍ଲାର ଧର୍ମୀୟ ଭାବନା ସହ ସଂସ୍କୃତି ଓ ପରମ୍ପରା ସାରା ରାଜ୍ୟରେ ଉଚ୍ଚ ସ୍ଥାନରେ ରହିଛି ପୁଣି ଏହି ମାଟିରେ ଜନ୍ମ ନେଇଥିବା ମହାପୁରୁଷଙ୍କ ନିତି ଓ ଆଦର୍ଶ ସମାଜରେ ପ୍ରେରଣାର ଉତ୍ସ ହୋଇଛି। ଏପରି ସ୍ଥଳେ ଜିଲ୍ଲାର ଏକ ନିର୍ଦ୍ଦିଷ୍ଟ ଅଞ୍ଚଳରେ ଏଭଳି ଦୃଶ୍ୟ ଦେଖିବାକୁ ମିଳିଛି । ଯାହା ସମସ୍ତଙ୍କୁ ଚକିତ କରିଛି। ଏହାକୁ ନେଇ ବିଭିନ୍ନ ମହଲରେ ପ୍ରତିକ୍ରିୟା ଦେଖାଯାଉଛି। ଏଭଳି କାର୍ଯ୍ୟକ୍ରମ କିଏ ଆୟୋଜନ କରୁଛି ? ଏଥିରେ କେଉଁମାନେ ସମ୍ପୃକ୍ତ ? କାହାର ପ୍ରୋତ୍ସାହନରେ ଏଭଳି ଘୃଣ୍ୟ କାର୍ଯ୍ୟକ୍ରମ ଚାଲୁଛି ? ପୋଲିସ ପାଖରେ ଖବର ନାହିଁ କି ? ଏଥିରେ ପୋଲିସର ଏତେ ନିଷ୍କ୍ରିୟତା କାହିଁକି ? ଏତେ ବଡ଼ କାର୍ଯ୍ୟକ୍ରମ ପଛରେ ନିଶ୍ଚିତ ଭାବରେ କିଛି ପ୍ରଭାବଶାଳୀ ବ୍ୟକ୍ତିଙ୍କ ସହଯୋଗ ରହିଛି। ଏନେଇ ସ୍ବତନ୍ତ୍ର ତଦନ୍ତ ଆବଶ୍ୟକତା ରହିଥିବା ବୁଦ୍ଧିଜୀବୀ ମହଲରେ ଦାବି ହୋଇଛି।
ପୁରୀ ସମୁଦ୍ରକୂଳରେ ଲାଗିଲା ଶିବ ଲିଙ୍ଗର ଶକ୍ତିଶିଳା
ପୁରୀ: ପୁରୀ ସମୁଦ୍ରରେ କୂଳରେ ଲାଗିଛି ଶିବ ଲିଙ୍ଗର ଶକ୍ତିଶିଳା । ଲାଇଟ ହାଉସ ବେଳାଭୂମିରେ ଏହି ବିରଳ ଶିଳା ଦେଖିବାକୁ ମିଳିଛି । ଶିବ ଲିଙ୍ଗର ମଧ୍ୟମ ପାର୍ଶ୍ବ ବହୁ ପୁରାତନ ହୋଇଥିବା ଅନୁମାନ କରାଯାଉଛି । ତେବେ ଏହା ଗଙ୍ଗବଂଶ ରାଜତ୍ବ କାଳରୁ ଅଧିକ ପୁରୁଣା ହୋଇଥିବା ସୂଚନା ମିଳୁଛି । ତେବେ ଏହି ଶିବ ଲିଙ୍ଗର ଶକ୍ତିଶିଳା କେଉଁଠୁ ଆସିଛି ସେନେଇ ପ୍ରତ୍ନତାତ୍ତ୍ବିକ ବିଭାଗ ପକ୍ଷରୁ ତଦନ୍ତ କରାଯିବାର ଆବଶ୍ୟକତା ରହିଛି । ତେବେ ଏହା ପୂର୍ବରୁ ନିକଟ ଅତୀତରେ ଯାଇଥିବା ବାତ୍ୟା ଅସାନୀରେ ଏକ ସ୍ୱର୍ଣ୍ଣ ରଥ ମଧ୍ୟ କେଉଁଆଡୁ ଆସି ଶ୍ରୀକାକୁଲମରେ କୂଳରେ ଲାଗିଥିଲା ।
ସ୍କୁଲରେ ପଶି କାଶ୍ମୀରୀ ପଣ୍ଡିତ ମହିଳା ଶିକ୍ଷକଙ୍କୁ ହତ୍ୟା କଲେ ଆତଙ୍କବାଦୀ
ଶ୍ରୀନଗର: ଜାମ୍ମୁ-କାଶ୍ମୀରରେ ଟାର୍ଗେଟ କିଲିଂ । ସ୍କୁଲରେ ସନ୍ଦିଗ୍ଧ ଆତଙ୍କୀଙ୍କ ଖୁନିଖେଳ । ଆତଙ୍କବାଦୀଙ୍କ ଟାର୍ଗେଟରେ କାଶ୍ମୀର ପଣ୍ଡିତ । ଅଭିନେତ୍ରୀ ଅମରି ଭଟ୍ଟ ହତ୍ୟାକୁ ସପ୍ତାହେ ବିତି ନଥିବା ବେଳେ ଆଉ ଜଣେ ପଣ୍ଡିତ ମହିଳାଙ୍କୁ ହତ୍ୟା କରିଛନ୍ତି ଆତଙ୍କବାଦୀ । ଜାମ୍ମୁ-କାଶ୍ମୀରର କୁଲଗାମଠାରେ ସ୍କୁଲରେ ଶିକ୍ଷକ ଥିବା ପଣ୍ଡିତ ମହିଳାଙ୍କୁ ଗୁଳି କରି ହତ୍ୟା କରାଯାଇଛି । ସ୍କୁଲରେ ପଶି ଆତଙ୍କବାଦୀ ତାଙ୍କୁ ଗୁଳି କରିଥିବା ବେଳେ ଚିକିତ୍ସାଧୀନ ଅବସ୍ଥାରେ ହସ୍ପିଟାଲରେ ତାଙ୍କ ମୃତ୍ୟ ହୋଇଛି । କୁଲଗାମଠାରେ ଆତଙ୍କବାଦୀଙ୍କ ଗୁଳିକାଣ୍ଡ ପରେ ପୂରା ଅଞ୍ଚଳକୁ ଘେରାବନ୍ଦୀ କରାଯାଇଛି । ସର୍ଚ୍ଚ ଅପରେସନ ଆରମ୍ଭ ହୋଇଥିଲା ବେଳେ ସୁରକ୍ଷାକର୍ମୀ ଆଲର୍ଟରେ ରହିଛନ୍ତି । କାଶ୍ମୀର ମିଡ଼ିଆ ମୁତାବକ, ମୃତ ମହିଳା ରଜନୀ ୯୦ ଦଶକରେ କାଶ୍ମୀରରୁ ପଳାୟନ ପରେ ପୁଣି ଥରେ ଘାଟିକୁ ଫେରିଥିଲେ ।
J&K | Army and Police deployed at High School, in Gopalpora area of Kulgam where a teacher from Jammu region was shot dead by terrorists. pic.twitter.com/ILAg9oB6qg
— ANI (@ANI) May 31, 2022
ଏହି ଜଘନ୍ୟ କାଣ୍ଡରେ ସମ୍ପୃକ୍ତ ଆତଙ୍କବାଦୀଙ୍କୁ ତୁରନ୍ତ ଚିହ୍ନଟ କରାଯାଇ ଉପଯୁକ୍ତ ଶାସ୍ତି ଦିଆଯିବ ବୋଲି କାଶ୍ମୀର ଜୋନ୍ ପୋଲିସ କହିଛି । ସେପଟେ ଅବନ୍ତିପୁରରେ ସୁରକ୍ଷାକର୍ମୀଙ୍କ ଏନକାଉଣ୍ଟରରେ ଦୁଇ ଆତଙ୍କବାଦୀ ନିହତ ହୋଇଛନ୍ତି । ମୃତ ଦୁଇ ଆତଙ୍କୀ ଜୈଶ-ଏ-ମହମ୍ମଦର ସଦସ୍ୟ ବୋଲି ଜଣାପଡ଼ିଛି ।
ଭୁବନେଶ୍ବରରେ ଚାଞ୍ଚଲ୍ୟ, ଯୌତୁକ ପାଇଁ ନବବଧୂକୁ ହତ୍ୟା ଅଭିଯୋଗ !
ଭୁବନେଶ୍ୱର: ରାଜଧାନୀରେ ଚାଞ୍ଚଲ୍ୟ । ବିବାହର ମାସେ ପରେ ଯୌତୁକ ପାଇଁ ନବବଧୂଙ୍କୁ ହତ୍ୟା ଅଭିଯୋଗ । ଅଭିଯୋଗ ଆଣିଲେ ଝିଅଙ୍କ ବାପଘର ଲୋକ । ଖଣ୍ଡଗିରି ଥାନାରେ ମାମଲା ରୁଜୁ ପରେ ଗିରଫ ହୋଇଛନ୍ତି ସ୍ବାମୀ ପ୍ରକାଶ ଖୁଣ୍ଟିଆ । ପ୍ରକାଶ ବିରୋଧରେ ଧାରା 302, 498 ଓ 304 (B)ରେ ମାମଲା ରୁଜୁ ହୋଇଛି । ଗତ ଏପ୍ରିଲ ୨୮ ତାରିଖରେ ଭଦ୍ରକ ତିହିଡି ଅଣ୍ଡରାଇର ରାଧାକାନ୍ତ ନାୟକ ନିଜ ଝିଅ ପ୍ରଭାବତୀଙ୍କର ଭୁବନେଶ୍ୱର ସରକାନ୍ତରାର ପ୍ରମୋଦ ଖୁଣ୍ଟିଆଙ୍କ ପୁଅ ପ୍ରକାଶ ଖୁଣ୍ଟିଆଙ୍କ ସହ ବିବାହ ହୋଇଥିଲା ।
ଗତ ମେ ୨୯ରେ ହଠାତ ବାପଘର ଲୋକ ଖବର ପାଇଲେ ଯେ ଝିଅ ଫାଶୀ ଲଗାଇ ଆତ୍ମହତ୍ୟା କରିଛି । ବାପଘର ଲୋକ ଭୁବନେଶ୍ୱର ଆସିବା ବେଳକୁ ଅନ୍ତିମ ସଂସ୍କାର ପାଇଁ ଝିଅର ମରଶରୀର ନିଆଯାଉଥିବା ଦେଖିଥିଲେ । ଗତକାଲି ଉକ୍ତ ମହିଳାଙ୍କ ମା’ ମାଧବୀ ନାୟକ ଖଣ୍ଡଗିରି ଥାନାରେ ଏତଲା ଦେଇଛନ୍ତି । ଝିଅକୁ ବାହାଘର ପରେ ନିର୍ଯାତନା ଦିଆଯାଉଥିଲା ବୋଲି ବାପଘର ଲୋକ ଅଭିଯୋଗ କରିଛନ୍ତି । ସେପଟେ ପୋଷ୍ଟମର୍ଟମ ଓ ସାଇଣ୍ଟିଫିକ ଟିମ୍ ରିପୋର୍ଟକୁ ଆଧାର କରି ତଦନ୍ତ କରୁଛି ପୋଲିସ ।
ବ୍ରଜରାଜନଗର ଉପ-ନିର୍ବାଚନ; ଦିନ ୩ଟା ସୁଦ୍ଧା ୫୭ ପ୍ରତିଶତ ମତଦାନ
ବ୍ରଜରାଜନଗର: ବ୍ରଜରାଜନଗର ଉପନିର୍ବାଚନରେ ବିଧାୟକ ବାଛୁଛନ୍ତି ଭୋଟର । ଦିନ ୩ଟା ସୁଦ୍ଧା ୫୭ ପ୍ରତିଶତ ମତଦାନ ହୋଇଛି । ଶାନ୍ତିଶୃଙ୍ଖଳାରେ ଚାଲିଛି ଭୋଟ ଗ୍ରହଣ । କରୋନା ଓ ଖରାକୁ ନଜରରେ ରଖି ଭୋଟରଙ୍କ ପାଇଁ ବ୍ୟବସ୍ଥା ହୋଇଛି । ପ୍ରାର୍ଥୀଙ୍କ ଭାଗ୍ୟ ପରୀକ୍ଷା କରୁଛନ୍ତି ୨ ଲକ୍ଷରୁ ଅଧିକ ଭୋଟର । ସଂଧ୍ୟା ୬ଟା ପର୍ଯ୍ୟନ୍ତ ଚାଲିବ ମତଦାନ । ୨୨ଟି ନୂଆ ବୁଥ୍ ସମେତ ୨୭୯ ବୁଥରେ ମତଦାନ ଚାଲିଛି । ୬୦ଟି ସମ୍ବେଦନଶୀଳ ବୁଥରେ ମାଇକ୍ରୋ ଅବଜରଭର ଓ ସେଣ୍ଟ୍ରାଲ ଫୋର୍ସ ନିୟୋଜିତ ହୋଇଛନ୍ତି ।
ଏଥିସହ ୩୦ଟି ମଡେଲ ପୋଲିଂ ସହ ୫ଟି ପିଙ୍କ୍ ବୁଥରେ ଚାଲିଛି ଭୋଟିଂ। ଏହି ୫ଟି ପିଙ୍କ୍ ବୁଥରେ କେବଳ ମହିଳା ପୋଲିଂ କର୍ମଚାରୀ ନିଯୁକ୍ତ ରହିଛନ୍ତି । ବ୍ରଜରାଜନଗର ଉପନିର୍ବାଚନରେ ୧୨୮୮ ଜଣ ପୋଲିଂ ଅଫିସର ନିଯୁକ୍ତ ହୋଇଥିବା ବେଳେ, ଆଇନ ଶୃଙ୍ଖଳା ପାଇଁ ୧୦୦୦ ପୋଲିସ କର୍ମଚାରୀ ମୁତୟନ ହୋଇଛନ୍ତି । ସେହିଭଳି ସମ୍ବେଦନଶୀଳ ବୁଥରେ ୩ କମ୍ପାନୀ ସେଣ୍ଟ୍ରାଲ ଆର୍ମ ଫୋର୍ସ ମୁତୟନ ହୋଇଛନ୍ତି । ୫୦ ପ୍ରତିଶତ ବୁଥରେ ଓ୍ବେବକାଷ୍ଟିଂ କରାଯାଉଛି । ବରିଷ୍ଠ ଭୋଟର ଏବଂ ଦିବ୍ୟାଙ୍ଗ ଭୋଟରଙ୍କ ପାଇଁ ସବୁ ବୁଥରେ ରାମ୍ପ, ହ୍ବିଲଚେୟାର ସହ ସ୍ବେଚ୍ଛାସେବୀଙ୍କୁ ନିୟୋଜିତ କରାଯାଇଛି ।
ଜୁନ୍ ୨ରେ ପଦ୍ମ ଧରିବେ ହାର୍ଦ୍ଦିକ ପଟେଲ
ଗାନ୍ଧୀନଗର: ପଦ୍ମ ଧରିବେ ହାର୍ଦ୍ଦିକ ପଟେଲ । ଜୁନ ୨ରେ ବିଜେପିରେ ସାମିଲ ହେବେ ବୋଲି ସେ ଗଣମାଧ୍ୟମକୁ ସୂଚନା ଦେଇଛନ୍ତି । ଦଳୀୟ ନେତୃତ୍ବକୁ ବିରୋଧ କରି ନିକଟରେ କଂଗ୍ରେସ ହାତ ଛାଡ଼ିଥିଲେ ଗୁଜରାଟର ଏହି ପଟିଦାର ନେତା । ମେ ୧୯ରେ ହାର୍ଦ୍ଦିକ କଂଗ୍ରେସରୁ ଇସ୍ତଫା ଦେଇଥିଲେ । ନିଜର ୧୫ ହଜାର ସମର୍ଥକଙ୍କ ସହ ସେ ବିଜେପିରେ ସାମିଲ ହେବେ ବୋଲି ସୂଚନା ଦେଇଛନ୍ତି । ରାଜ୍ୟ ସଭାପତି CR ପାଟିଲ ଉପସ୍ଥିତ ରହି ତାଙ୍କୁ ବିଜେପିର ସଦସ୍ୟତା ପ୍ରଦାନ କରିବେ ।
Hardik Patel to join BJP on 2nd June – he confirms to ANI. He had recently quit Congress. pic.twitter.com/xtgGjQ9hhm
— ANI (@ANI) May 31, 2022
କଂଗ୍ରେସରୁ ଇସ୍ତଫା ଦେବା ପୂର୍ବରୁ ହାର୍ଦ୍ଦିକ ଟ୍ୱିଟର ହ୍ୟାଣ୍ଡେଲରେ ତାଙ୍କ ପାର୍ଟିର ନାଁ ଓ ପଦ ହଟାଇଥିଲେ । ଏହାପରେ ଅନୁମାନ କରାଯାଉଥିଲା କି ହାର୍ଦ୍ଦିକ କଂଗ୍ରେସ ଛାଡ଼ିବାକୁ ନିଷ୍ପତ୍ତି ନେଇଛନ୍ତି । ତେବେ ଶେଷରେ ମେ’ ୧୯ରେ ହାର୍ଦ୍ଦିକ କଂଗ୍ରେସ ଛାଡି କଂଗ୍ରେସକୁ ବଡ଼ ଝଟକା ଦେଇଥିଲେ । କାହିଁକି ନା ଚଳିତ ବର୍ଷ ଗୁଜରାଟରେ ବିଧାନସଭା ନିର୍ବାଚନ ଅନୁଷ୍ଠିତ ହେବ । ତେଣୁ ହାର୍ଦ୍ଦିକ ବିଜେପିରେ ସାମିଲ ହେବା କଂଗ୍ରେସ ପାଇଁ ବହୁତ ବଡ ଝଟକା ଲାଗିପାରେ ।
ସିଦ୍ଧୁ ମୁସେବାଲାଙ୍କ ଶରୀର ଫୁଟି ବାହାରି ପଡ଼ିଛି ୨୪ଟି ଗୁଳି
ଅମୃତସର: ଭୟଭୀତ କରିଛି ପଞ୍ଜାବୀ ଗାୟକଙ୍କ ପୋଷ୍ଟମର୍ଟମ ରିପୋର୍ଟ । ପାଞ୍ଚ ଜଣିଆ ଡାକ୍ତରୀ ପ୍ୟାନେଲ କରିଛି ପୋଷ୍ଟମର୍ଟମ । କିନ୍ତୁ ପୋଲିସକୁ ହସ୍ତାନ୍ତର ହୋଇନାହିଁ ଏହି ରିପୋର୍ଟ । ମିଳିଥିବା ଗୁପ୍ତ ସୂଚନା ମୁତାବକ ସିଦ୍ଧୁ ମୁସେବାଲାଙ୍କୁ ହୋଇଛି ୩୦ ରାଉଣ୍ଡ ଫାୟାରିଂ । କିନ୍ତୁ ଭୟଭୀତ କରିଛି ଏହି ଗୁଳିକାଣ୍ଡ । କାରଣ ୩୦ ଗୁଳି ମଧ୍ୟରୁ ୨୪ଟି ଗୁଳି ସିଦ୍ଧୁ ମୁସେବାଲାଙ୍କ ଶରୀର ପଶି ବାହାରି ଯାଇଛି । ହାଇ ଟେକନିକ ବନ୍ଧୁକରେ ଫାୟାରିଂ ହୋଇଥିବା ଅନୁମାନ କରାଯାଉଛି ।
ମନସା ଜିଲ୍ଲା ହସ୍ପିଟାଲରେ ପୋଷ୍ଟମର୍ଟମ ଚାଲିଥିଲା । ଏହି ସମୟରେ ଜଣା ପଡିଥିଲା ଯେ, ମୁସେବାଲାଙ୍କ ଶରୀରରେ ଦୁଇ ଡର୍ଜନରୁ ଅଧିକ ଗୁଳି ବାଜିଛି । ଅଧିକ ରକ୍ତସ୍ରାବ ଯୋଗୁଁ ହିଁ ସିଦ୍ଧୁଙ୍କ ମୃତ୍ୟୁ ଘଟିଛି । ତେବେ ସିଦ୍ଧୁଙ୍କ ଜୀବନ ପ୍ରତି ବିପଦ ଥିବା ଦର୍ଶାଇ ତତ୍କାଳୀନ କଂଗ୍ରେସ ସରକାର ସୁରକ୍ଷା ଯୋଗାଇ ଦେଇଥିବାବେଳେ ଆପ ସରକାର ନିକଟରେ ଉଠାଇଥିଲା ସୁରକ୍ଷା ବ୍ୟବସ୍ଥା । ସେପଟେ ଭିଆଇପି ସୁରକ୍ଷା ହଟିବାର ଗୋଟିଏ ଦିନ ପରେ ମୁସେବାଲାଙ୍କୁ ହୋଇଛି ଗୁଳିକାଣ୍ଡ । ଯାହା ସମଗ୍ର ଦେଶରେ ଚର୍ଚ୍ଚାର ବିଷୟ ପାଲଟିଛି ।
କଂଗ୍ରେସର ବିଧାୟକ ପ୍ରାର୍ଥୀ ତଥା ପଞ୍ଜାବର ପ୍ରସିଦ୍ଧ ଗାୟକ ସିଦ୍ଧୁ ମୁସେବାଲାକୁ ମାରିବା ପାଇଁ ମିଳିଥିଲା ସୁପାରୀ । ସୁପାରୀ ନେଇଥିଲା ଗାହ୍ଗଷ୍ଟାର ଶାହାରୁଖ । ଶାହାରୁଖ ମୁସେବାଲାଙ୍କ ମାନେଜର ଥିବାବେଳେ ଗୋଲଡ଼ୀ ଏବଂ ଲରେନ୍ସ ସୁପାରୀ ଦେଇଥିବା ପୋଲିସ ଜାଣିବାକୁ ପାଇଛି । ତେବେ ସବୁଠାରୁ ଆଶ୍ଚର୍ଯ୍ୟ କଲାଭଳି କଥା ହେଉଛି, ମୁସେବାଲାଙ୍କ ଶରୀରରେ କେମିତି ୨୪ଟି ଗୁଳି ପ୍ରବେଶ କରି ବାହାରି ପଡିଛି । ଏହି ଅତ୍ୟାଧୁନିକ କ୍ଷମତା ସମ୍ପର୍ଣ୍ଣ ବନ୍ଧୁକ ଆସିଲା କେଉଠୁ ? ଏହି ହତ୍ୟାକାଣ୍ଡ ପଛରେ କାହାର ହାତ ରହିଛି ? ସୁପାରୀ ନେଇଥିବା ମ୍ୟାନେଜର ମର୍ଡର କରିଛି ନା ଆଉ କିଏ ?
ମୁସେବାଲାଙ୍କୁ ପଞ୍ଜାବର ମନସା ଗ୍ରାମ ପାଖରେ ହୋଇଥିଲା ଫାୟାରିଂ । ମନସା ଗ୍ରାମ ନିକଟରେ ମୁସେବାଲା ନିଜ ମହିନ୍ଦ୍ରା ଗାଡିରେ ଆସୁଥିବାବେଳେ ଏକ ଧଳା ରଙ୍ଗର କାରରେ କିଛି ଦୁର୍ବୁତ୍ତ ଆସିଥିଲେ । ଏବଂ ସିଦ୍ଧୁ ମୁସେବାଲାଙ୍କ ଗାଡିକୁ ଆଖିବୁଜା ଗୁଳି ଚାଳନା କରିଥିଲେ । ମୁସେବାଲାଙ୍କ ମୃତ୍ୟୁ ଘଟିଥିବାବେଳେ ସାଥିରେ ଥିବା ଦୁଇ ଜଣ ସହାୟକ ଗୁରୁତର ଆହତ ହୋଇଛନ୍ତି ।
ପଞ୍ଜାବରେ ରହିଛି ଦେଶର ୧୦ ପ୍ରତିଶତ ବନ୍ଧୁକ; ସକ୍ରିୟ ବହୁ ଗ୍ୟାଙ୍ଗ
ଚଣ୍ଡିଗଡ଼: ପଞ୍ଜାବ ଦେଶର ଏଭଳି ରାଜ୍ୟ ଯେଉଁଠାରୁ ବର୍ଷକୁ ୨କୋଟି ଟନ୍ ଗହମ ଉତ୍ପାଦନ ହୁଏ ଏବଂ ୧.୨୫ ମିଲିୟନ୍ ଟନ୍ ଚାଉଳ ଉତ୍ପାଦନ ହୋଇଥାଏ । ଏବଂ ପଞ୍ଜାବ ସେହି ରାଜ୍ୟ ଯେଉଁଠାରେ ବଡ଼ ବଡ଼ ଗ୍ୟାଙ୍ଗଷ୍ଟର ଗଢ଼ି ଉଠିଛନ୍ତି । ଏବଂ ଏହି ଗ୍ୟାଙ୍ଗ ଗୁଡ଼ିକ ମଧ୍ୟରେ ଗ୍ୟାଙ୍ଗଓ୍ୱାର ମଧ୍ୟ ହୋଇଥାଏ । ଏବେ ଜଣାଶୁଣା ଗାୟକ ସିଦ୍ଧୁ ମୁସେଓ୍ୱାଲାଙ୍କ ହତ୍ୟା ପରେ ଏଠାକାର ଗ୍ୟାଙ୍ଗ ଗୁଡ଼ିକୁ ନେଇ ପୁଣି ଚର୍ଚ୍ଚା ଆରମ୍ଭ ହୋଇଛି ।
ଏଠାରେ ଚାଲିଥିବା ଗ୍ୟାଙ୍ଗଓ୍ୱାର କୌଣସି ହିନ୍ଦୀ ଫିଲ୍ମ କାହାଣୀଠାରୁ କମ୍ ନୁହଁ । ଏଠାରେ ଗୋଟିଏ ଗ୍ୟାଙ୍ଗର ଲୋକଙ୍କୁ ଅନ୍ୟ ଏକ ଗ୍ୟାଙ୍ଗ ଲୋକ ହତ୍ୟା କରିଥାଏ । ଏବଂ ସେହି ଗ୍ୟାଙ୍ଗ ଲୋକ ଏହାର ପ୍ରତିଶୋଧ ନେବାକୁ ହତ୍ୟାକାରୀକୁ ମାରିଥାଏ । ଏବଂ ନିରନ୍ତର ଭାବେ ଚାଲିଥାଏ ।
ଆଉ ଏହି ଗ୍ୟାଙ୍ଗଓ୍ୱାର ପଞ୍ଜାବୀ ଗାୟକ ଶୁଭଦୀପ ସିଂହ ସିଦ୍ଧୁଙ୍କ ଜୀବନ ନେଇଥିବା କୁହାଯାଉଛି । ପୋଲିସ ମଧ୍ୟ ଏହି ହତ୍ୟାକାଣ୍ଡକୁ ଗ୍ୟାଙ୍ଗଓ୍ୱାର ସହିତ ଯୋଡ଼ିଛି । ଶୁଭଦୀପ ସିଂହ ଯାହାକୁ ସମସ୍ତେ ସିଦ୍ଧୁ ମୁସେଓ୍ୱାଲା ଭାବରେ ଜାଣନ୍ତି ତାଙ୍କୁ ଲକ୍ଷ ଲକ୍ଷ ଲୋକ ପସନ୍ଦ କରନ୍ତି । ତାଙ୍କ ସୁରକ୍ଷା ହଟାଯିବାର ମାତ୍ର ଦିନକ ପରେ ତାଙ୍କୁ ହତ୍ୟା କରାଯାଇଛି । ତେବେ ସିଦ୍ଧୁ ମୁସେଓ୍ୱାଲାଙ୍କୁ ହତ୍ୟା କରିଥିବା ଲରେନ୍ସ ବିଷୋଇ ଏବଂ ତାଙ୍କ ବଡ଼ ଭାଇ ଗୋଲ୍ଡ ବରାଡ଼ ସ୍ୱୀକାର କରିଛନ୍ତି ।
ଲରେନ୍ସ ବର୍ତ୍ତମାନ ତିହାର ଜେଲ୍ରେ କଏଦ ଅଛନ୍ତି । ତିହାର ଜେଲରୁ ହିଁ ମୁସେଓ୍ୱାଲାଙ୍କ ହତ୍ୟା ଯୋଜନା ହୋଇଥିଲା । ଅନ୍ୟ ପକ୍ଷରେ ଗୋଲ୍ଡି ବରାଡ଼ କାନାଡ଼ାରେ ରହୁଥିଲା ।
ଏଯାବତ୍ ମିଳିଥିବା ସୂଚନା ଅନୁଯାୟୀ, ସିଦ୍ଧୁ ମୁସେଓ୍ୱାଲାଙ୍କୁ ବିକ୍ରମ ସିଂହ ଓରଫ ବିକ୍କି ମିଦୁଖେଡାଙ୍କ ହତ୍ୟାର ପ୍ରତିଶୋଧ ନେବାକୁ ଯାଇ କରାଯାଇଛି । ମିଦୁଖେଡ଼ା ଯୁବ ଅକାଳି ଦଳର ନେତା । ଯାହାଙ୍କ ହତ୍ୟା ୮ଅଗଷ୍ଟ ୨୦୨୧ରେ ମୋହାଲିରେ ଦିନ ଦ୍ୱିପ୍ରହରରେ କରାଯାଇଥିଲା । ମିଦୁଖେଡ଼ା ଗ୍ୟାଙ୍ଗଷ୍ଟର ବିଷ୍ଣୋଇର ଅତି ଘନିଷ୍ଠ ଥିଲେ । ମିଦୁଖେଡ଼ାଙ୍କ ହତ୍ୟା ମାମଲାରେ ମ୍ୟାନେଜର ଶଗନ ପ୍ରିତ ସିଂହଙ୍କ ନାମ ସମ୍ନାକୁ ଆସୁଛି । କିନ୍ତୁ ପୋଲିସ ତାକୁ ଧରିବା ପୂର୍ବରୁ ସେ ଅଷ୍ଟ୍ରେଲିଆ ଫେରାରେ ହେବାରେ ସଫଳ ହୋଇଥିଲା ।
ତେବେ ସିଦ୍ଧୁ ମୁସେଓ୍ୱାଲାଙ୍କ ହତ୍ୟା ପରେ ପଞ୍ଜାବରେ ଗନ୍ କଲଚର ଉପରେ ମଧ୍ୟ ପ୍ରଶ୍ନ ଉଠିଛି । ପଞ୍ଜାବ ଗାୟକ ଦଲେର ମେହନ୍ଦୀ ଇଣ୍ଡିଆ ଟୁଡେ ସହ କଥାବାର୍ତ୍ତା ବେଳେ କହିଛନ୍ତି କି କେନ୍ଦ୍ର ସରକାର ଏବଂ ପଞ୍ଜାବ ସରକାର ଗୀତରେ ବ୍ୟବହାର ହେଉଥିବା ଶଦ୍ଧ ପ୍ରତି ଧ୍ୟାନଦେବା ଆବଶ୍ୟକ ଥିବା କହିଛନ୍ତି । ଯଦି ଗୀତରେ ଡ୍ରଗ୍ସ, ବନ୍ଧୁକ, ଡ୍ରଗ୍ସ ଏବଂ ମହିଳାଙ୍କ ପ୍ରତି ଆପତ୍ତିଜନକ ଶଦ୍ଧ ବ୍ୟବହାର ହୋଇଥିବ ତେବେ ସେଭଳି ଗାୟକଙ୍କୁ ଓ୍ୱାର୍ଣ୍ଣି ଦେବା ସହିତ ତାଙ୍କୁ ରୋକାଯିବା ଆବଶ୍ୟକ ବୋଲି କହିଛନ୍ତି ।
ଏଥିସହିତ ପଢ଼ନ୍ତୁ: ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜଣାଇଲେ ଓ ରାଜ୍ୟର ସ୍ୱରକୁ ଶାଣିତ କରିବାର ପ୍ରତିଶ୍ରୁତି ଦେଲେ