ଭୁବନେଶ୍ୱର: ଭିଜିଲାନ୍ସ ଜାଲରେ ଭୁବନେଶ୍ବର ରଘୁନାଥପୁର କଳାରାହାଙ୍ଗର ପ୍ରାଣୀଧନ ନିରୀକ୍ଷକ । ପ୍ରାଣୀଧନ ନୀରିକ୍ଷକ ଜଗନ୍ନାଥ ରାଉତଙ୍କ ବାସଭବନରେ ରେଡ୍ କରିଛି ଭିଜିଲାନ୍ସ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଖୋର୍ଦ୍ଧା ଓ କଟକ ଜିଲ୍ଲାର ୯ଟି ସ୍ଥାନରେ ଏକକାଳୀନ ରେଡ୍ କରୁଛି ଭିଜିଲାନ୍ସ । ଭୁବନେଶ୍ୱର ରଘୁନାଥପୁର ରୟାଲ ଲାଗୁନ ଆପାର୍ଟମେଣ୍ଟରେ ଥିବା ଘର, ରଘୁନାଥପୁରରେ ଥିବା ଗୋବିନ୍ଦ ଭବନ ନାମକ ୩ ମହଲା କୋଠା, ରଘୁନାଥପୁରରେ ଥିବା ୨ ମହଲା କୋଠା, ଗାଁ ପୋଖରୀ ପାଖରେ ଥିବା ଘର, ଗ୍ରୀନ ଗାର୍ଡେନ ଆପାର୍ଟମେଣ୍ଟରେ ଥିବା ଫ୍ଲାଟରେ ଚଢ଼ାଉ ଚାଲିଛି । ସେହିପରି କଳାରାହାଙ୍ଗରେ ଥିବା ଭେଟେନାରୀ କାର୍ଯ୍ୟାଳୟ ଓ ରୟାଲ ଆରକେଡରେ ଥିବା ଫ୍ଲାଟରେ ଚଢ଼ାଉ ଚାଲିଛି । ବାଙ୍କୀ ଚାରିଘରିଆରେ ଥିବା ଆଉଟହାଉସରେ ମଧ୍ୟ ଚଢ଼ାଉ ହୋଇଛି । ଏହି ଭିଜିଲାନ୍ସ ରେଡରେ ୫ ଡିଏସପି, ୧୦ ଇନସ୍ପେକ୍ଟର ସାମିଲ ହୋଇଛନ୍ତି ।
ରଥଯାତ୍ରା ପାଇଁ ତତ୍ପର ପ୍ରଶାସନ, ଆଜି ପୁରୀ ଜିଲ୍ଲାପାଳଙ୍କ ଅଧ୍ୟକ୍ଷତାରେ ବସିବ ବୈଠକ
ପୁରୀ: ଆସନ୍ତା ଜୁଲାଇ ୧ରେ ମହାପ୍ରଭୁ ଜଗନ୍ନାଥଙ୍କ ଘୋଷଯାତ୍ରା । ବିଶ୍ୱ ପ୍ରସିଦ୍ଧ ରଥଯାତ୍ରା ପାଇଁ ଆରମ୍ଭ ହୋଇସାରିଛି ପ୍ରସ୍ତୁତି । ରଥଯାତ୍ରା ପାଇଁ ତତ୍ପର ପ୍ରଶାସନ । ଆଜି ପୁରୀ ଜିଲ୍ଲାପାଳଙ୍କ ଅଧ୍ୟକ୍ଷତାରେ ବସିବ ବୈଠକ । ଗୁରୁତ୍ବପୂର୍ଣ୍ଣ ବୈଠକରେ ବିଭିନ୍ନ ବିଭାଗର ଅଧିକାରୀ ଯୋଗଦେବା ସହ ରଥଯାତ୍ରା ସମୟରେ ଅନୁସଙ୍ଗିକ ସୁବିଧା ସୁଯୋଗ କିଭଳି ଭକ୍ତ ପାଇବେ ସେନେଇ ବିଶେଷ ଭାବେ ଆଲୋଚନା କରାଯିବ । ମୁଖ୍ୟତଃ ପୁରୀର ସୁରକ୍ଷା ବ୍ୟବସ୍ଥା ସହ ଶୃଙ୍ଖଳିତ ନୀତିକାନ୍ତି, ରାସ୍ତାଘାଟ ମରାମତି, ସ୍ୱାସ୍ଥ୍ୟ, ବିଦ୍ୟୁତ୍ ଓ ଅନ୍ୟାନ୍ୟ ବିଭାଗ ଆଲୋଚନା କରାଯିବ । ରଥ ସମନ୍ୱୟ କମିଟି ବୈଠକ ପୂର୍ବରୁ ଆଜି ବସିବ ଏହି ବୈଠକ ।
ସେପଟେ ଚାଲିଛି ରଥ ନିର୍ମାଣ କାର୍ଯ୍ୟ । କରତୀ ସେବାୟତଙ୍କ ଦ୍ୱାରା ଆରମ୍ଭ ହୋଇଛି ତୁମ୍ଭ କଟା କାର୍ଯ୍ୟ । ତିନି ରଥର ତୁମ୍ଭ କଟାଯାଉଥିବା ବେଳେ ତୁମ୍ଭକୁ ପରବର୍ତ୍ତି ସମୟରେ ସାଲ କରାଯିବ । ପ୍ରଥମ ଦିନରେ ୩ ରଥ ପାଇଁ ତୁମ୍ବ ନିର୍ମାଣ କରାଯାଇଛି । ପ୍ରାଥମିକ ଭାବରେ ୩ରଥ ପାଇଁ ୪୨ଟି ଚକର ଆବଶ୍ୟକତା ଥିବାବେଳେ ୪୨ଟି ତୁମ୍ବ ନିର୍ମାଣ କାର୍ଯ୍ୟ କରୁଛନ୍ତି ବିଶ୍ବକର୍ମା ମହାରଣା ଓ କରତି ସେବାୟତ ।
ଖୋଲିବ ୪୨୦ ପ୍ରେମୀ ଯୁଗଳଙ୍କ ମୁଖା, ଆଜିଠୁ ୩ ଦିନିଆ ରିମାଣ୍ଡରେ ଯିବେ ବଣ୍ଟି ବବଲି
ଭୁବନେଶ୍ୱର: ଖୋଲିବ ୪୨୦ ପ୍ରେମୀ ଯୁଗଳଙ୍କ ମୁଖା । ଭୁବନେଶ୍ୱର ଘରୋଇ ଇଞ୍ଜିନିୟରିଂ କଲେଜରୁ ୯୭ ଲକ୍ଷ ଟଙ୍କା ହଡପ ମାମଲା । ଆଜିଠୁ ୩ ଦିନିଆ ରିମାଣ୍ଡରେ ଯିବେ ପ୍ରେମୀଯୁଗଳ । ପୁରୁଷ ବନ୍ଧୁ ବିକାଶ କୁମାର ଓ ପ୍ରେମିକାକୁ ମୁହାଁ ମୁହିଁ ଜେରା କରିବ ତମାଣ୍ଡୋ ଥାନା ପୋଲିସ । ୪୨୦ ପ୍ରେମୀ ଯୁଗଳଙ୍କ ମୁଖା ଖୋଲିବାକୁ ଗୁଡ଼ାଇ ତୁଡ଼ାଇ ପ୍ରଶ୍ନ କରିବ ପୋଲିସ । ଲୁଟ୍ ଟଙ୍କାରେ ରାଜ୍ୟ ବାହାରେ କରୁଥୁଲେ ଅଏସୀ । ସିମଲା, ଜାମ୍ମୁ କଶ୍ମୀର, ଦିଲ୍ଲୀ ଭଳି ଟୁରିଷ୍ଟ ଲୋକେସନରେ ବୁଲୁଥିବା ଫଟୋ ସୋସିଆଲ ମିଡିଆରେ ଭାଇରାଲ ହେଉଛି । ଏପରିକି ପ୍ରେମିକା ଦେଇଥିବା ୯୭ ଲକ୍ଷ ଟଙ୍କାରୁ ୬୫ ଲକ୍ଷ ଟଙ୍କାର ଅନଲାଇନରେ ଜୁଆ ଖେଳିଥିବା ପୋଲିସ ଆଗରେ ମାନିଛି ବିକାଶ । ବିକାଶ ମୋବାଇଲକୁ ନେଇ ଖୋଳତାଡ଼ କରୁଛି ପୋଲିସ । ମୋବାଇଲରୁ ଟଙ୍କା ସମ୍ବନ୍ଧୀୟ ତଥ୍ୟ ଓ ଏକାଧିକ ଅନଲାଇନ ଗେମ୍ ଆପ ଥିବା ପୋଲିସ ହାତରେ ପ୍ରମାଣ ଲାଗିଛି ।
ଡ୍ରିଙ୍କ୍ ଫ୍ରମ୍ ଟ୍ୟାପକୁ ଅନୁସରଣ ଲାଗି ଅନ୍ୟ ରାଜ୍ୟକୁ କେନ୍ଦ୍ରର ପରାମର୍ଶ, ଓଡ଼ିଶା ଆସି ସମୀକ୍ଷା କଲେ କର୍ଣ୍ଣାଟକ ଅଧିକାରୀ
ଭୁବନେଶ୍ୱର: ଦେଶର ମଡେଲ ଓଡ଼ିଶାର ‘ଡ୍ରିଙ୍କ ଫ୍ରମ ଟ୍ୟାପ୍’ । ଓଡ଼ିଶାକୁ ଅନୁସରଣ ଲାଗି ଅନ୍ୟ ରାଜ୍ୟକୁ କେନ୍ଦ୍ରର ପରାମର୍ଶ । ଓଡ଼ିଶା ଆସି ଟ୍ୟାପରୁ ପାଣି ପିଇଲେ କର୍ଣ୍ଣାଟକ ଅଧିକାରୀ । ରାଜ୍ୟ ସରକାର ଆରମ୍ଭ କରିଥିବା ୨୪ ଘଣ୍ଟିଆ ‘ଡ୍ରିଙ୍କ ଫ୍ରମ ଟ୍ୟାପ୍’ ପାନୀୟ ଜଳ ଯୋଜନା ଏବେ ଦେଶ ପାଇଁ ମଡେଲ୍ ସାଜିଛି । ଓଡ଼ିଶାର ବିଭିନ୍ନ ପୌରାଞ୍ଚଳରେ ଅତ୍ୟାଧୁନିକ ଜ୍ଞାନକୌଶଳ ଦ୍ୱାରା ଜଳକୁ ବିଶୁଦ୍ଧ କରାଯାଇ ଯୋଗାଇ ଦିଆଯାଉଛି । ଲୋକମାନେ ଏହାକୁ ସିଧାସଳଖ ଟ୍ୟାପରୁ ପାଣି ନେଇ ପିଇ ପାରୁଛନ୍ତି ।
ରାଜ୍ୟରେ ଚାଲୁ ରହିଥିବା ଏହି ଯୋଜନାକୁ ଅନ୍ୟ ରାଜ୍ୟଗୁଡ଼ିକ କେମିତି ଲାଗୁ କରିପାରିବେ ତାହା ଉପରେ କେନ୍ଦ୍ର ସରକାର ଗୁରୁତ୍ୱ ଦେଇଛନ୍ତି । ଏଥିପାଇଁ ଏହି ମଡେଲକୁ ଗ୍ରହଣ କରି ନିଜ ନିଜ ରାଜ୍ୟବାସୀଙ୍କୁ ଜଳ ଯୋଗାଇ ଦେବାକୁ କେନ୍ଦ୍ର ସରକାର ଏକ ବିଜ୍ଞପ୍ତି ଜାରି କରିଛନ୍ତି । କମ୍ ଦିନ ମଧ୍ୟରେ ରାଜ୍ୟରେ ବହୁ ସଫଳତା ହାସଲ କରିଥିବା ଏହି ଯୋଜନା ଓଡ଼ିଶା ଜଳ ଆୟୋଗ ‘ୱାଟକୋ’ ଦ୍ୱାରା ପରିଚାଳିତ ହେଉଛି । ତେଣୁ ୱାଟକୋର ମୁଖ୍ୟ କାର୍ଯ୍ୟନିର୍ବାହୀ ପ୍ରଦୀପ୍ତ ସ୍ୱାଇଁଙ୍କୁ କେନ୍ଦ୍ର ସରକାର ଗଠନ କରିଥିବା ଜାତୀୟ ଟାସ୍କ ଫୋର୍ସର ସଦସ୍ୟ ଭାବରେ ନିଯୁକ୍ତି ଦେଇଛନ୍ତି । ଓଡ଼ିଶାରେ କିପରି ଏହି ଯୋଜନା କାର୍ଯ୍ୟକାରୀ ହେଉଛି ସେ ସମ୍ପର୍କରେ ରାଜ୍ୟର ଅଭିଜ୍ଞତା ବୁଝିବା ପାଇଁ ବିଭିନ୍ନ ରାଜ୍ୟ ଆଗ୍ରହ ପ୍ରକାଶ କରିଛନ୍ତି ।
ନିକଟରେ କର୍ଣ୍ଣାଟକର ଏକ ୨୦ ଜଣିଆ ଉଚ୍ଚସ୍ତରୀୟ ପ୍ରଶାସନିକ ଦଳ ଓଡ଼ିଶା ଆସି ରାଜ୍ୟର ବିଭିନ୍ନ ସ୍ଥାନରେ ବୁଲି ଏହି ଯୋଜନାର ରୂପରେଖ ଦେଖିଛନ୍ତି । ୨୦ ସଦସ୍ୟ ବିଶିଷ୍ଟ ଦଳରେ କର୍ଣ୍ଣାଟକ ନଗର ଉନ୍ନୟନ ବିଭାଗର ସଚିବ, ଜଳ ଯୋଗାଣ ଓ ଡ୍ରେନେଜ୍ ବୋର୍ଡର ପରିଚାଳନା ନିର୍ଦ୍ଦେଶକ ଏହି ଗସ୍ତରେ ଆସିଥିଲେ । ସେମାନେ ରାଜ୍ୟ ନଗର ଉନ୍ନୟନ ବିଭାଗର ପ୍ରମୁଖ ଶାସନ ସଚିବ ଜି.ମାଥିଭାଥନନଙ୍କ ସହିତ ଆଲୋଚନା କରିଛନ୍ତି । ଏହା ସହିତ ବୈଷୟିକ, କାର୍ଯ୍ୟନିର୍ବାହୀ, କାର୍ଯ୍ୟକ୍ଷମ, ରକ୍ଷଣାବେକ୍ଷଣ ଆଦି କାର୍ଯ୍ୟ ଦେଖିବା ସହ ଓଡ଼ିଶା ବରିଷ୍ଠ ଅଧିକାରୀଙ୍କଠାରୁ ଅଭିଜ୍ଞତା ଗ୍ରହଣ କରିଛନ୍ତି । ଏହି ଟିମ୍ ପୁରୀ ଏବଂ ଭୁବନେଶ୍ୱରର ବିଭିନ୍ନ ଅଞ୍ଚଳ ପରିଦର୍ଶନ କରି କ୍ଷେତ୍ରସ୍ତରରେ ସ୍ଥିତି ଦେଖିଛନ୍ତି ।
ସଫଳତାର ଶୀର୍ଷରେ ପହଞ୍ଚିବ ଇସ୍ରୋ, ଶୁକ୍ର ମିଶନ ପାଇଁ ଅଣ୍ଟା ଭିଡ଼ିଛି ଭାରତୀୟ ମହାକାଶ ଗବେଷଣା କେନ୍ଦ୍ର
ନୂଆଦିଲ୍ଲୀ: ସଫଳତାର ଶୀର୍ଷରେ ପହଞ୍ଚିବ ଭାରତୀୟ ମହାକାଶ ଗବେଷଣାକାରୀ ସଂସ୍ଥା ଇସ୍ରୋ । ଚନ୍ଦ୍ର ଏବଂ ମଙ୍ଗଳ ମିଶନର ସଫଳତା ପରେ ଶୁକ୍ର ମିଶନ ପାଇଁ ଅଣ୍ଟା ଭିଡ଼ିଛି ଇସ୍ରୋ । ଶୁକ୍ର ଗ୍ରହର କକ୍ଷପଥକୁ ଅନ୍ତରୀକ୍ଷ ଯାନ ପଠାଇବାକୁ ଯୋଜନା ପ୍ରସ୍ତୁତ କରାଯାଇଛି । ଶୁକ୍ର ଗ୍ରହର ଜଳବାୟୁ ବିଷୟରେ ଅଧ୍ୟୟନ କରିବା ଏହି ମିଶନର ଉଦ୍ଦେଶ୍ୟ । ସୌର ମଣ୍ଡଳର ସବୁଠୁ ଗରମ ରହୁଥିବା ଗ୍ରହର ଭୂପୃଷ୍ଠ ତଳେ କ’ଣ ରହିଛି ଏବଂ ସଲଫ୍ୟୁରିକ ଏସିଡର ବାଦଲ ତଳର ରହସ୍ୟ ବିଷୟରେ ଜାଣିବା ପାଇଁ ଇସ୍ରୋ ଅଣ୍ଟା ଭିଡ଼ିଛି । ଭେନସ ବିଜ୍ଞାନ ଉପରେ ଦିନିକିଆ ବୈଠକକୁ ସମ୍ଵୋଧିତ କରି ଇସ୍ରୋ ଅଧ୍ୟକ୍ଷ ଏସ ସୋମନାଥ କହିଛନ୍ତି, ଶୁକ୍ର ମିଶନ ଉପରେ କଳ୍ପନା କରାଯାଇଛି ।
ଏହା ଉପରେ ରିପୋର୍ଟ ପ୍ରସ୍ତୁତ କରାଯାଇଛି ଏବଂ କେତେ ଖର୍ଚ୍ଚ ହେବ ବଜେଟ୍ ଆକଳନ କରାଯାଇଛି । ଶୁକ୍ର ଉପରେ ମିଶନ ଏବଂ ଏହାକୁ ସ୍ଥାପିତ କରିବା ଭାରତ ପକ୍ଷେ ସମ୍ଭବ, କାରଣ ବର୍ତ୍ତମାନ ଭାରତ ନିକଟରେ ସେହି କ୍ଷମତା ରହିଛି । ୨୦୨୪ ଡିସେମ୍ବରରେ ଭାରତ ଏହି ମିଶନ କାର୍ଯ୍ୟକାରୀ କରିବାକୁ ଯୋଜନା ରଖିଛି । ଆମେରିକା ସହିତ ଅନେକ ଦେଶ ଶୁକ୍ରକୁ ଅନ୍ତରୀକ୍ଷ ଯାନ ପଠାଇବାକୁ ଯୋଜନା କରୁଛନ୍ତି । ବୈଜ୍ଞାନିକମାନେ ଜାଣିବାକୁ ଚେଷ୍ଟା କରୁଛନ୍ତି ଯେ, ଏହି ଉତ୍ତପ୍ତ ଗ୍ରହର ସ୍ଥିତି କେମିତି ରହିଛି । ବିଶେଷଜ୍ଞ ଦାବି କରୁଛନ୍ତି ଯେ ଶୁକ୍ର ଦିନେ ପୃଥିବୀ ପରି ଥିଲା । ଜଳବାୟୁ ପରିବର୍ତ୍ତନ କାରଣରୁ ଶୁକ୍ରର ସ୍ଥିତି ଏମିତି ହୋଇଥିବା କୁହାଯାଉଛି ।
ବ୍ରଜରାଜନଗର ଉପନିର୍ବାଚନ ପାଇଁ କସରତ, ରଣନୀତି ପ୍ରସ୍ତୁତ କରିବାରେ ବ୍ୟସ୍ତ ତିନି ପ୍ରମୁଖ ଦଳ
ବ୍ରଜରାଜନଗର: ବ୍ରଜରାଜନଗର ଉପନିର୍ବାଚନ ପାଇଁ କସରତ ଆରମ୍ଭ କରିଛନ୍ତି ୩ ଦଳ । ନିର୍ବାଚନ ରଣନୀତି ପ୍ରସ୍ତୁତ କରିବାରେ ଲାଗି ପଡ଼ିଛନ୍ତି ତିନି ପ୍ରମୁଖ ଦଳ । ପ୍ରାର୍ଥୀ ଚୟନ ନେଇ ଆରମ୍ଭ ହୋଇଛି ବିଚାରବିମର୍ଷ । ଶାସକ ବିଜେଡି ବ୍ରଜରାଜନଗରେ ବଡ଼ ବ୍ୟବଧାନରେ ବିଜୟୀ ହେବା ପାଇଁ ପ୍ରସ୍ତୁତ କରିଛି ବ୍ଲୁ-ପ୍ରିଣ୍ଟ । ସେହିପରି ବିଜେପି ଓ କଂଗ୍ରେସ ଉପଯୁକ୍ତ ପ୍ରାର୍ଥୀ ସନ୍ଧାନରେ ରହିଛନ୍ତି । ତେବେ ମେ’ ୮ ତାରିଖ ସୁଦ୍ଧା କଂଗ୍ରେସ ପ୍ରାର୍ଥୀ ଘୋଷଣା କରିବ । ପ୍ରାର୍ଥୀ ହେବା ପାଇଁ ୩ ଜଣ ଆଶାୟୀ ଦଳୀୟ ଟିକେଟ ପାଇଁ ଆବେଦନ କରିଥିବା କହିଛନ୍ତି ପିସିସି ସଭାପତି । ମେ’ ୧୧ ତାରିଖ ପର୍ଯ୍ୟନ୍ତ ଆଶାୟୀ ପ୍ରାର୍ଥୀ ନାମାଙ୍କନ ଦାଖଲ କରିବେ । ମେ’ ୧୨ରେ ନାମାଙ୍କନ ପତ୍ର ଯାଞ୍ଚ କରାଯିବ । ମେ’ ୧୭ ତାରିଖରେ ପ୍ରାର୍ଥିପତ୍ର ପ୍ରତ୍ୟାହାରର ଶେଷ ଦିନ ରହିଛି । ପ୍ରାର୍ଥିପତ୍ର ପ୍ରତ୍ୟାହାର ପରେ ମେ’ ୩୧ ତାରିଖରେ ବ୍ରଜରାଜନଗର ଆସନରେ ଉପନିର୍ବାଚନ ପାଇଁ ହେବ ଭୋଟ୍ ଗ୍ରହଣ ହେବାକୁ ଥିବାବେଳେ ଜୁନ ୩ରେ ଭୋଟ୍ ଗଣତି ହେବ ।
ଧିରେ ଧିରେ ଅଶାନ୍ତ ହେଉଛି ସମୁଦ୍ର, ୧୨ରୁ ୩୬ ଘଣ୍ଟା ମଧ୍ୟରେ ଲଘୁଚାପର ରୂପ ନେବ ଘୂର୍ଣ୍ଣିବଳୟ
ଭୁବନେଶ୍ୱର: ଧିରେ ଧିରେ ଅଶାନ୍ତ ହେଉଛି ସମୁଦ୍ର । ଆସନ୍ତା ୧୨ରୁ ୩୬ ଘଣ୍ଟା ମଧ୍ୟରେ ଲଘୁଚାପର ରୂପ ନେବ ଘୂର୍ଣ୍ଣିବଳୟ । ଉତ୍ତର-ପଶ୍ଚିମ ଦିଗରେ ଗତି କରିବା ସହ ଘନୀଭୂତ ହୋଇ ଗୋଟିଏ ଅବପାତରେ ପରିଣତ ହେବାର ସମ୍ଭାବନା ରହିଛି । ଆସନ୍ତାକାଲିଠାରୁ ପୂର୍ବ କେନ୍ଦ୍ରୀୟ ବଙ୍ଗୋପସାଗରରେ ଆରମ୍ଭ ହେବ ବର୍ଷା । ଘଣ୍ଟା ପ୍ରତି ୬୦ ରୁ ୭୦ କିଲୋମିଟର ବେଗରେ ପବନ ବହିବ । ଏହି ସମୟରେ ମତ୍ସଜୀବୀଙ୍କୁ ସମୁଦ୍ର ଯିବାକୁ ବାରଣ କରିଛି ଭାରତୀୟ ପାଣିପାଗ ବିଭାଗ ।
ସକ୍ରିୟ ହେଉଛି ଘୁର୍ଣ୍ଣିବଳୟ ପ୍ରଭାବରେ ଆସନ୍ତା କାଲି ସୃଷ୍ଟି ହେଇପାରେ ଲଘୁଚାପ କ୍ଷେତ୍ର pic.twitter.com/pOvQUBzzTX
— Meteorological Centre, Bhubaneswar (@mcbbsr) May 5, 2022
ତେବେ କ’ଣ ରହିବ ବାତ୍ୟାର ତୀବ୍ରତା ଓ କେଉଁଠି ଲ୍ୟାଣ୍ଡଫଲ କରିବ ତାହା ଆସନ୍ତା କାଲି ପରେ ସ୍ପଷ୍ଟ ହେବ । ଦକ୍ଷିଣ ଆଣ୍ଡାମାନ ସାଗରରେ ସୃଷ୍ଟି ହୋଇଥିବା ଘୂର୍ଣ୍ଣିବଳୟ ଧିରେ ଧିରେ ଘନୀଭୂତ ହେବାରେ ଲାଗିଛି । ଲଘୁଚାପଟି ବାତ୍ୟାର ରୂପ ନେଇ ଓଡ଼ିଶା ଉପକୂଳରେ ହିଟ୍ କରିବା ନେଇ ପାଣିପାଗ ସଂସ୍ଥା ଓ୍ବିଣ୍ଡିରୁ ଜଣାପଡ଼ୁଛି । ଗୋପାଳପୁରଠାରୁ ବାଲେଶ୍ୱର ମଧ୍ୟରେ ସ୍ଥଳଭାଗ ଛୁଇଁବା ସମ୍ଭାବନା ରହିଛି । ସେପଟେ ଆସନ୍ତା ୪ ଦିନ ପର୍ଯ୍ୟନ୍ତ ଉପକୂଳ ସମେତ ଦକ୍ଷିଣ ଓଡ଼ିଶାର ଅନେକ ଜିଲ୍ଲାରେ ପ୍ରଚଣ୍ଡ ଘଡଘଡି ବିଜୁଳି ସହ ବର୍ଷା ସମ୍ଭାବନା ଥିବାରୁ ସତର୍କ ରହିବାକୁ ପରାମର୍ଶ ଦେଇଛି ପାଣିପାଗ କେନ୍ଦ୍ର ।
ଏହି ୫ଟି ରାଶିଙ୍କର ବଢ଼ିବ ରୋଜଗାର
ମେଷ : ଋଣ ନେଇଥିବା ବ୍ୟକ୍ତି ଋଣ ସୁଝିପାରେ | ଆପଣଙ୍କୁ ଆପଣଙ୍କ ଶେଷ ସମୟ ଛୁଆଙ୍କ ସହିତ ଖର୍ଛ କରିବା କଥା, ତାହା ପାଇଁ ଆପଣଙ୍କୁ କିଛି ବିଶେଷ ବି କରିବାକୁ ପଡି ପାରେ | ପ୍ରେମର ଉଲ୍ଲାସ ଅନୁଭବ କରି ପାଇଁ ଆପଣ କେହି ଜଣେ ନୂଆ ଭୟକ୍ତିଙ୍କ ଭେଟି ପାରନ୍ତି | କିଛି ଲୋକଙ୍କୁ ବ୍ୟବସାୟ ଓ ଶିକ୍ଷା କ୍ଷେତ୍ରରେ ଲାଭ ମିଳି ପାରେ |
ବୃଷ : ଆଜି ଆପଣଙ୍କ ଜୀବନ ସାଥୀ ଆପଣଙ୍କୁ ସହାୟକ ଓ ସହଯୋଗ ଦେବେ | ଆପଣଙ୍କର ପ୍ରେମୀ ଆପଣଙ୍କର ସବୁବେଳେ ଭଲ ଚିନ୍ତା କରନ୍ତି | ତେଣୁ ଯଦି ସେ ରାଗି ଯାଆନ୍ତି ତାଙ୍କୁ ଜବାବ ନଦେଇ ବୁଝିବାକୁ ଚେଷ୍ଟା କରନ୍ତୁ |
ମିଥୁନ : ଆଜି ନିଜ ସାଥୀ କଥା ଶୁଣିକି ମନ ଦୁଃଖ ହୋଇ ପାରେ | ନିଜ ଭାବନା କୁ ନିଯନ୍ତ୍ରଣରେ ରଖନ୍ତୁ ନହେଲେ ପରେ ପଶ୍ଚାତାପ କରିବାକୁ ପଡି ପାରେ | ଏହି ସମୟ ବିଦେଶରେ ବ୍ୟବସାୟ କରିବା ପାଇଁ ଉତମ ରହିବ |
କର୍କଟ : ମାତୃପକ୍ଷରୁ ଆଜି ଆପଣଙ୍କୁ କୌଣସି ଧନଲାଭ ହୋଇପାରେ | ଲୋକଙ୍କ ସହିତ ଠିକ ଭାବରେ ପ୍ରସ୍ତୁତ ହୁଅନ୍ତୁ, ବିଶେଷ କରିକି ଯେଉଁ ମାନେ ଆପଣଙ୍କୁ ପ୍ରେମ କରନ୍ତି ଓ ଆପଣଙ୍କ ଯତ୍ନ ନିଅନ୍ତି | କେବଳ ସ୍ପଷ୍ଟ ବୁଝାମଣା ମାଧ୍ୟମରୁ ଆପଣଙ ଆପଣଙ୍କ ଜୀବନ-ସାଥୀଙ୍କୁ ଭାବନାତ୍ମକ ଭାବରେ ସାହାଯ୍ୟ ଦେଇ ପାରିବେ |
ସିଂହ : ଆପଣଙ୍କୁ ଆଜି ଆପଣଙ୍କ କାର୍ଯ୍ୟାଳୟରେ ଉତ୍ତମ କାର୍ଯ୍ୟ କରିବା ପାଇଁ ଉପହାର ମିଳି ପାରେ | ସାଂସାରିକ ମୋହରୁ ଦୂରରେ ଆପଣ ଆଜି ଆନନ୍ଦର ଖୋଜରେ ଆଧ୍ୟାତ୍ମିକଗୁରୁଙ୍କୁ ଭେଟିବାକୁ ଯାଇପାରନ୍ତି |
କନ୍ୟା : ଅର୍ଥ ଅବସ୍ଥାରେ ବୃଦ୍ଧି କରିବା ପାଇଁ ଚିଂହା ଲୋକଙ୍କଠୁ ନୂଆ ସ୍ରୋତ ମିଳି ପାରେ | କୌଣସି ପ୍ରିୟ ବ୍ୟତିଙ୍କ ସହ ପରସ୍ପର କଥାବାର୍ତା ନ ହେବା କାରଣରୁ,ଯିଏ କି ବହୁତ ମନେ ପଡୁଛନ୍ତି ଆପଣ ମାନସିକ ଚାପ ଅନୁଭବ କରି ପାରନ୍ତି | ଆପଣଙ୍କ ସାଥୀକୁ ଭାବନାତ୍ମକ ଦୃଷ୍ଟିରେ ବ୍ଲାକମେଲ କରନ୍ତୁ ନାହିଁ |
ତୁଳା : ହୁତ ଦିନରୁ ଅଟକି ଥିବା ଅର୍ଥଆଜି ମିଳିବାଯୋଗୁଁଅର୍ଥ ଅବସ୍ଥାରେ ଉନ୍ନତି ହେବ ସାଙ୍ଗ ମାନେ ସନ୍ଧ୍ୟା ବେଳେ କୌଣସି ବଢ଼ିଆ ଯୋଜନା ବନେଇ ଆପଣଙ୍କ ଦିନ ଖୁସି ଭରା କରିବାକୁ ଚେଷ୍ଟା କରିବେ | ଆଜି ଏହି ସୁନ୍ଦର ଦିନରେ ପ୍ରେମ ସମ୍ବନ୍ଧରେ ଆସୁଥିବା ପ୍ରତେକଟି ଅଭିଯୋଗ ସମାପ୍ତ ହେବ |
ବିଛା : ଆପଣଙ୍କୁ ଧନ ପ୍ରାପ୍ତି ହୋଇପାରେ | ସାଙ୍ଗ ଓ ଜୀବନସାଥୀ ଆରାମ ଓ ଖୁସି ଦେବେ, ନଚେତ ବାକି ଦିନଯାକ ନିରାଶ ହୋଇ ବିତିବ | ଗୋଟେ ରସମୟ ଦେଖା ସାକ୍ଷାତ ଆପଣଙ୍କ ପ୍ରେମ ଜୀବନରେ ଖୁସିର ଛୁଙ୍କ ମାରିଲା ପରି କାମ କରିବ |
ଧନୁ : ଆଜି ଆପଣଙ୍କୁ କୌଣସି ସ୍ରୋତରୁ ଅର୍ଥ ପ୍ରାପ୍ତି ହୋଇପାରେ ଯାହାଦ୍ୱାରା ଆପଣଙ୍କର ଅନେକ ଆର୍ଥିକ ସମସ୍ୟାର ସମାଧାନ ହୋଇପାରେ | ମାତା-ପିତାଙ୍କ ସ୍ୱାସ୍ଥ୍ୟରେ ବୃଦ୍ଧି ହେବ ଓ ଆପଣଙ୍କ ଉପରେ ପ୍ରେମର ବର୍ଷା କରିବେ | ଆଜି ନିଜ ସାଥୀକୁ ନିଜ ଅବସ୍ଥା ଜଣାଇବାରେ ଅସୁବିଧା ଅନୁଭବ କରିବେ |
ମକର : ଆପଙ୍କ ଆକର୍ଷଣ ଓ ବ୍ୟକ୍ତିତ୍ୱ କାରଣରୁ ଆପଣଙ୍କୁ କିଛି ନୂଆ ମିତ୍ର ମିଳି ପାରନ୍ତି | ଗତ ଦିନର ମିଠା ସ୍ମୃତି ଆପଣଙ୍କୁ ବ୍ୟସ୍ତ ରଖିବା | କାମ-କାର୍ଯ୍ୟଠୁ ଜଡିତ କଥାରେ ସାଙ୍ଗ ମାନଙ୍କର ବିଶେଷ ସହଯୋଗ ଲାଭକାରୀ ରହିବ | ଆଜି ନିଜ ହିସାବରେ କିଛି ବି କାମ ହେବ ନାହିଁ କିନ୍ତୁ ତାହା ଯୋଗୁଁ ମନଦୁଃଖ କରନ୍ତୁ ନାହିଁ |
କୁମ୍ଭ : ଅତ୍ୟଧିକ ଖର୍ଚ୍ଚ ଓ ସନ୍ଦେହଜନକ ଆର୍ଥିକ ଯୋଜନାରୁ ଦୁରେଇ ରୁହନ୍ତୁ | ଆପଣଙ୍କୁ ଆପଣଙ୍କ ଶେଷ ସମୟ ଛୁଆଙ୍କ ସହିତ ଖର୍ଛ କରିବା କଥା, ତାହା ପାଇଁ ଆପଣଙ୍କୁ କିଛି ବିଶେଷ ବି କରିବାକୁ ପଡି ପାରେ | ପ୍ରେମ ଏକ ଏମିତିଆ ଭାବନା ଯାହାକି ନା କେବଳ ଅନୁଭବ କରା ଯିବା କଥା, ତା ଛଡ଼ା ପ୍ରିୟ ସହିତ ବାଣ୍ଟିବା ବି କଥା |
ଛକରେ ବସିଥିବା ବେଳେ ଯୁବକଙ୍କୁ ଦୁର୍ବୃତ୍ତଙ୍କ ଗୁଳିମାଡ଼
କେନ୍ଦ୍ରାପଡ଼ା: କେନ୍ଦ୍ରାପଡ଼ାରେ ଗର୍ଜିଲା ବନ୍ଧୁକ । ନିକିରାଇ ଥାନା ସଦାନନ୍ଦପୁର ଛକରେ ଯୁବକଙ୍କୁ ଗୁଳିମାଡ଼ ହୋଇଛି । ସଦାନନ୍ଦପୁର ଛକରେ ବସିଥିବା ସମୟରେ ସ୍ଥାନୀୟ ରଘୁଦେଇପୁର ଗାଁର ଅଜୟ ପତିଙ୍କୁ ୨ ଜଣ ଦୁର୍ବୃତ୍ତ ଗୁଳିମାଡ଼ କରିଥିଲେ । ଅଜୟ ପତିଙ୍କ ହାତରେ ଗୁଳି ବାଜିଛି ।
ଅଜୟ ପତିଙ୍କ ଘର ଡେରାବିଶ ବ୍ଲକ ରଘୁଦେଇପୁର ଅଞ୍ଚଳରେ ହୋଇଥିବା ବେଳ ସେ କୌଣସି କାମରେ ନିକିରେଇ ଥାନା ସଦାନନ୍ଦପୁର ଛକ ନିକଟକୁ ଆସିଥିଲେ । ଏହି ସମୟରେ ତାଙ୍କ ଉପରକୁ ଗୁଳିମାଡ଼ କରି ଦୁର୍ବୃତ୍ତ ଫେରାର୍ ହୋଇ ଯାଇଛନ୍ତି । ତେବେ ଗୁଳିମାଡ଼ର କାରଣ ଅସ୍ପଷ୍ଟ ରହିଛି ।
୫ କୋଟିରୁ ଆରମ୍ଭ ହୋଇଥିଲା LIC କମ୍ପାନୀ, ଏବେ ୬ ଲକ୍ଷ କୋଟି ସମ୍ପତି
ନନ୍ଦିଘୋଷ ବ୍ୟୁରୋ: ଦେଶର ସର୍ବ ବୃହତ ବୀମା କମ୍ପାନୀ ଭାରତୀୟ ଜୀବନ ବୀମା ନିଗମ । ଦିନେ ୫ କୋଟିରୁ ଆରମ୍ଭ ହୋଇଥିବା କମ୍ପାନୀ ଏବେ ୬ ଲକ୍ଷ କୋଟିରେ ପହଁଚିଛି । ୬୫ ବର୍ଷ ଧରି ଯୋଗାଇ ଆସିଛି ସେବା । ଭାରତର ପ୍ରତ୍ୟକ ଗାଁରେ ପହଁଚିଛି LIC । ୧୮୧୮ ମସିହାରେ ଜନ୍ମ ନେଇଥିଲା LIC । ପ୍ରଥମରେ ନାମ ରଖାଯାଇଥିଲା ଓରିଏଣ୍ଟାଲ ଲାଇଫ ଇନ୍ସୁରାନ୍ସ । ସେତେବେଳେ କେବଳ ଇଂରେଜ ମାନଙ୍କର ଜୀବନ ବୀମା ଥିଲା ଏହି କମ୍ପାନୀ । କିନ୍ତୁ ଦୀର୍ଘ ୫୨ ବର୍ଷ ଧରି ଏହା କେବଳ ଗୋରା ସରକାରଙ୍କୁ ସେବା ଯୋଗାଇଆସୁଥିଲା ।
୧୮୭୦ ମସିହାରେ ଏହା ଭାରତୀୟ ଲାଇଫ୍ ଇନସ୍ୟୁରାନ୍ସରେ ପରିଣତ ହୋଇଥିଲା । ଏବଂ ଭାରତୀୟ ଲୋକଙ୍କୁ ହକ ମିଳିଥିଲା । ପରବର୍ତ୍ତୀ ସମୟରେ ୧୯୫୬ ମସିହାରେ ୨୪୫ କମ୍ପାନୀଙ୍କୁ ମିସାଇ ଗଠିତ ହୋଇଥିଲା LIC । ଯେଉଁଥିରେ ୧୫୪ ବାରତୀୟ ବୀମା କମ୍ପାନୀ, ୭୫ ପ୍ରାଇଭେଟ କମ୍ପାନୀ ଏବଂ ୧୬ଟି ବିଦେଶୀ କମ୍ପାନୀ ସାମିଲ ରହିଥିଲେ । ଦୀର୍ଘ ଦିନ ଅପେକ୍ଷାରେ ପଡିଲା ଯବନୀକା । LIC ଖୋଲିଲା ଇନସିଆଲ ପବ୍ଲିକ ଅଫର –ଆଇପିଓ । ପ୍ରାରମ୍ଭିକ ସର୍ବସାଧାରଣ ଅଫର ବା IPO ଏପନିଂ ହୋଇଛି । ପ୍ରାୟ ୨୧ ହଜାର କୋଟି ଟଙ୍କାର ଆଇପିଓ ଅର୍ଥାତ ୨୨ ଦଶମିକ ୧୪ କୋଟି ସେୟାର ବଜାରକୁ ଛାଡିବ । ପ୍ରତ୍ୟେକ ସେୟାରର ମୂଲ୍ୟ ୯୦୨ରୁ ୯୪୯ ଟଙ୍କା ରହିଛି ।
ପଲିସିଧାରୀଙ୍କୁ ପ୍ରତି ସେୟାରରେ ମିଳିବ ୬୦ ଟଙ୍କାର ରିହାତି । ଖୁଚୁରା କର୍ମଚାରୀଙ୍କ ପାଇଁ ୪୫ ଟଙ୍କାର ରିହାତି ଦିଆଯିବ । ଆଇପିଓ ବନ୍ଦ ହେବାର ଏକ ସପ୍ତାହ ପରେ ମେ’ ୧୭ ତାରିଖରେ ସେୟାର ବଜାରରେ ଲିଷ୍ଟ ହେବ । ୩ ଦଶମିକ ୫ ପ୍ରତିଶତ ଅଂଶଧନ ବିକ୍ରି କରିବ ଏଲଆଇସି । ସଂସ୍ଥାଗତ ଓ ଖୁଚୁରା ନିବେଶକଙ୍କ ପାଇଁ ଆଜି ଆଇପିଓ ଖୋଲିଥିବା ବେଳେ ଏହି ମାସ ୯ରେ ବନ୍ଦ ହେବ । ଆଇପିଓ ଜରିଆରେ ନିବେଶକଙ୍କଠାରୁ ୨୧ ହଜାର କୋଟି ଉଠାଇବା ଲକ୍ଷ୍ୟ ରଖାଯାଇଛି । ସେୟାର ବଜାରରେ ପ୍ରତିଥର ହ୍ରାସ ଘଟିଲେ ଭାରତ ସରକାର ଏଲଆଇସି ଉପରେ ନିର୍ଭର କରୁଥିଲେ । ଏବେ ସେହି ଏଲଆଇସିର ଅଂଶୀଦାର ହେବା ପାଇଁ ସାଧାରଣ ଜନତାଙ୍କ ପାଇଁ ଆସିଛି ସୁଯୋଗ ।
ଆଇପିଓ ଜରିଆରେ ସରକାର ଏଲଆଇସିରୁ ୩ ଦଶମିକ ୫ ପ୍ରତିଶତ ଅଂଶଧନ ପ୍ରତ୍ୟାହାର କରିବା ପାଇଁ ଲକ୍ଷ୍ୟ ରଖିଛନ୍ତି । ପୂର୍ବରୁ ୫ ପ୍ରତିଶତ ଅଂଶୋଧନ ନେଇ ଆଲୋଚନା ହେଉଥିବାବେଳେ ଏହାକୁ କମାଇ ଦିଆଯାଇଛି । ସେପଟେ ଏଲଆଇସିର ଆଇପିଓ ବ୍ୟହସ୍ଥାକୁ ବିରୋଧ କରିଛନ୍ତି ଅନେକ ବ୍ୟକ୍ତି । ସରକାର ଏକ ସୁନା ଅଣ୍ଡା ଦିଆ କୁକୁଡା ବିକ୍ରୀ କରୁଛନ୍ତି ବୋଲି ଅଭିଯୋଗ ହୋଇଛି ।