ଭୁବନେଶ୍ୱର: ହନୁମାନ ପଇସା ପାଇଁ ଅପହରଣ । ହନୁମାନ ପଇସା ଦେବାକୁ କହି ସାଢେ ତିନି ଲକ୍ଷ ଟଙ୍କା ଠକି ନେଇଥିବା ଯୁବକଙ୍କୁ ଅପହରଣ । ଅପହରଣର ଶିକାର ହୋଇଥିବ ବିବେକାନନ୍ଦ ମହାଲିଙ୍କୁ ଉଦ୍ଧାର କରିଛି ତାମାଣ୍ଡୋ ଥାନା ପୋଲିସ । ବିବେକାନନ୍ଦଙ୍କୁ କିଛି ଯୁବକ ଅପହରଣ କରି ଭରତପୁର ଅଞ୍ଚଳରେ ଥିବା ଏକ ହୋଟେଲର ୬ ମହଲା ଉପରେ ରଖିଥିଲେ । ଅପହରଣ କରିବା ପରେ ବିବେକାନନ୍ଦଙ୍କୁ ଉକ୍ତ ଯୁବକମାନେ ତାଙ୍କୁ ବାନ୍ଧି ନିସ୍ତୁକ ମାଡ଼ ମାରିବା ସହିତ ଘର ଲୋକଙ୍କୁ ଫୋନ୍ କରି ୨୫ ଲକ୍ଷ ଟଙ୍କା ଦେବାକୁ ଧମକ ଦେଇଥିଲେ । ଏହି ଅପହରଣ ନେଇ ପରିବାର ଲୋକଙ୍କ ପକ୍ଷରୁ ଅଭିଯୋଗ ହେବା ପରେ ଭରତପୁର ଓ ତମାଣ୍ଡୋ ଥାନା ମିଳିତ ଚଢାଉ କରି ହୋଟେଲ ଭିତରୁ ଯୁବକଙ୍କୁ ଉଦ୍ଧାର କରିଛି । ବିବେକାନନ୍ଦ ନିଜ ଘର କେନ୍ଦ୍ରାପଡ଼ାରୁ ଭୁବନେଶ୍ୱର ଆସୁଥିବା ବେଳେ କଟକ ରାସ୍ତାରେ ତାଙ୍କୁ ଅପହରଣ କରାଯାଇଥିଲା । ତମାଣ୍ଡୋ ପୋଲିସ ବିବେକାନନ୍ଦଙ୍କୁ ଉଦ୍ଧାର କରିବା ସହ ହୋଟେଲ ଭିତରୁ ତିନି ଅଭିଯୁକ୍ତଙ୍କୁ ଗିରଫ କରାଯାଇଛି ।
ଗଣିତ ଆରମ୍ଭ: ଉତ୍ତରପ୍ରଦେଶରେ ଆଗରେ ବିଜେପି, ପଞ୍ଜାବରେ ଆଗୁଆ ଆପ୍
ନୂଆଦିଲ୍ଲୀ: ୫ ରାଜ୍ୟରେ ହୋଇଥିବା ବିଧାନସଭା ନିର୍ବାଚନ ଫଳାଫଳ ନେଇ ଭୋଟ ଗଣତି ଆରମ୍ଭ ହୋଇଛି । ଗଣତି ପରେ ୫ ରାଜ୍ୟରେ ପ୍ରାରମ୍ଭିକ ଟ୍ରେଣ୍ଡ ସାମ୍ନାକୁ ଆସିବାରେ ଲାଗିଛି । ଏକଜିଟ୍ ପୋଲରେ ଯାହା ଦେଖିବାକୁ ମିଳିଥିଲା ତାହା ପ୍ରାରମ୍ଭିକ ଟ୍ରେଣ୍ଡ ଅନୁସାରେ ଦେଖିବାକୁ ମିଳୁଛି । ଅର୍ଥାତ ଏକଜିଟ୍ ପୋଲ ଅନୁସାରେ ଉତ୍ତରପ୍ରଦେଶରେ ଭାରତୀୟ ଜନତା ପାର୍ଟି ଆଗୁଆ ରହିଥିବାବେଳେ ପଞ୍ଜାବରେ ଆଗୁଆ ରହିଛି ଆମ୍ ଆଦମୀ ପାର୍ଟି ।
ପ୍ରାରମ୍ଭିକ ଟ୍ରେଣ୍ଡ ଅନୁସାରେ ଉତ୍ତରପ୍ରଦେଶରେ ବର୍ତ୍ତମାନ ସୁଦ୍ଧା ୧୯୮ଟି ଆସନରେ ପ୍ରାରମ୍ଭିକ ଟ୍ରେଣ୍ଡ ସାମ୍ନାକୁ ଆସିଛି । ଏହି ୧୯୮ଟି ଆସନ ମଧ୍ୟରୁ ବିଜେପି ୧୧୯ଟି ଆସନରେ ଆଗୁଆ ରହିଥିବାବେଳେ ସମାଜବାଦୀ ପାର୍ଟି ୭୩ଟି ଆସନରେ ଆଗୁଆ ରହିଛି । ସେହିପରି ବିଏସପି ୪ଟି ଓ କଂଗ୍ରେସ ଗୋଟିଏ ଆସନରେ ଆଗୁଆ ରହିଛି । ଯଦି ପଞ୍ଜାବ କଥା କହିବା ତାହାଲେ ପଞ୍ଜାବରେ ୯୩ଟି ଆସନରେ ବର୍ତ୍ତମାନ ସୁଦ୍ଧା ପ୍ରାରମ୍ଭିକ ଟ୍ରେଣ୍ଡ ସାମ୍ନାକୁ ଆସୁଛି । ୯୩ଟି ଆସନରୁ ଆପ୍ ୪୦ଟି ଆସନରେ ଆଗୁଆ ରହିଥିବାବେଳେ କଂଗ୍ରେସ ୩୬ ଓ ବିଜେପି ୨ଟି ଆସନରେ ଆଗୁଆ ରହିଛି ।
ସେହିପରି ଗୋଆରେ ୨୯ଟି ଆସନରେ ଆସିଥିବା ପ୍ରାରମ୍ଭିକ ଟ୍ରେଣ୍ଡରୁ ୧୨ଟି ଆସନରେ ବିଜେପି ଆଗୁଆ ରହିଥିବାବେଳେ ୧୫ଟି ଆସନରେ କଂଗ୍ରେସ ଓ ୨ଟି ଆସନରେ ତୃଣମୂଳ କଂଗ୍ରେସ ଆଗୁଆ ରହିଛି । ଉତ୍ତରାଖଣ୍ଡରେ ମଧ୍ୟ ଆଗୁଆ ରହିଛି ବିଜେପି । ଉତ୍ତରଖଣ୍ଡରେ ୬୨ଟି ଆସନରେ ପ୍ରାରମ୍ଭିକ ଟ୍ରେଣ୍ଡ ଆସିଥିବାବେଳେ ୩୧ଟି ଆସନରେ ବିଜେପି ଓ ୨୯ଟି ଆସନରେ କଂଗ୍ରେସ ଆଗୁଆ ରହିଛି । ଅନ୍ୟପକ୍ଷରେ ମଣିପୁର କଥା କହିବା ତାହାଲେ ମଣିପୁରରେ ୨୯ଟି ଆସନ ମଧ୍ୟରୁ ୧୪ଟି ଆସନରେ ବିଜେପି, ୬ଟି ଆସନରେ କଂଗ୍ରେସ, ୪ଟି ଆସନରେ ଏନପିଫ ଓ ଦୁଇଟି ଆସନରେ ଏନପିପି ଆଗୁଆ ରହିଛି ।
ଉତ୍ତରପ୍ରଦେଶର ୪୦୩ ଆସନର ଚାଲିଛି ମତଗଣନା, ୮୦ ଆସନରେ ବିଜେପି ଆଗୁଆ
ଲକ୍ଷ୍ନୋ: ଉତ୍ତର ପ୍ରଦେଶରେ ଆରମ୍ଭ ହୋଇଯାଇଛି ଭୋଟ ଗଣତି । ସକାଲ ୮ଟାରୁ ଭୋଟ ଗଣତି ଆରମ୍ବ ହୋଇଯାଇଛି । ଭୋଟ ଗଣତି ଆରମ୍ଭରୁ କଣ ରହିଛି ଫଳାଫଳ । ଏକଜିଟ ପୋଲରେ ଉତ୍ତର ପ୍ରଦେଶରେ ବିଜେପିରେ ଲଗାତର ଦ୍ୱିତୀୟ ଥର ପ୍ରବଳ ବହୁମତରେ ଆସିପାରେ ।
୮ଟା ୨୦: ଉତ୍ତରପ୍ରଦେଶର ୪୦୩ ଆସନର ଚାଲିଛି ମତଗଣନା । ଉତ୍ତରପ୍ରଦେଶର ପ୍ରାରମ୍ଭିକ ଟ୍ରେଣ୍ଡରେ ବିଜେପି ଆଗୁଆ । ବିଜେପି ୮୦ ଆସନରେ ଆଗୁଆ ଥିବାବେଳେ ୪୮ ଆସନରେ ସମାଜବାଦୀ ପାର୍ଟି, ୨ଟି ଆସନରେ କଂଗ୍ରେସ, ୩ଟି ଆସନରେ ବିଏସପି ଆଗୁଆ ରହିଛି ।
ଆଜି ’ଅପରେସନ ଗଙ୍ଗା’ର ଅନ୍ତିମ ଦିନ, ସନ୍ଧ୍ୟାରେ ୟୁକ୍ରେନ ଛାଡ଼ିବ ଭାରତର ଶେଷ ବିମାନ
କିଭ୍: ଅପରେସନ ଗଙ୍ଗାର ଆଜି ଶେଷ ଦିନ । ସନ୍ଧ୍ୟାରେ ୟୁକ୍ରେନ ଛାଡିବ ଭାରତର ଶେଷ ବିମାନ । ମିଶନର ଶେଷ ପର୍ଯ୍ୟାୟରେ ବାହୁଡ଼ିବେ ପ୍ରାୟ ୭୦୦ ଛାତ୍ରଛାତ୍ରୀ । ବିଶେଷ କରି ୟୁକ୍ରେନର ସୁମିରେ ଫସିଥିବା ଡାକ୍ତରୀ ଛାତ୍ରଛାତ୍ରୀ ନିରାପଦରେ ଭାରତ ଫେରିବେ । ସେମାନଙ୍କ ଉଦ୍ଧାର ଲାଗି ବେଶ୍ ଉଦ୍ୟମ କରିଥିଲା ଭାରତୀୟ ଦୂତାବାସ । ଏନେଇ ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ ଓ ୟୁକ୍ରେନ ରାଷ୍ଟ୍ରପତି ଭୋଲୋଦିମିର ଜେଲେନସ୍କିଙ୍କ ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଲୋଚନା କରିଥିଲେ । ଗତ ଫେବ୍ରୁଆରୀ ୨୨ରୁ ଆରମ୍ଭ ହୋଇଥିଲା ଅପରେସନ ଗଙ୍ଗା । ଏହି ମିଶନରେ ବର୍ତ୍ତମାନ ସୁଦ୍ଧା ୧୮ ହଜାରରୁ ଅଧିକ ଭାରତୀୟ ସ୍ୱଦେଶ ଫେରିଲେଣି ।
ଅନ୍ୟପକ୍ଷରେ ୟୁକ୍ରେନ ସ୍ଥିତି ଉପରୁ ସସପେନ୍ସ ଏପର୍ଯ୍ୟନ୍ତ ବି ହଟୁନି । ରାଷ୍ଟ୍ରପତି ଜେଲେନସ୍କିଙ୍କ ଭିନ୍ନ ଭିନ୍ନ ବୟାନ ଯୁଦ୍ଧ ସ୍ଥିତି ସମ୍ପର୍କରେ ଦ୍ୱନ୍ଦ ସୃଷ୍ଟି କରିଛି । ତଥାପି ନାଟୋ ପ୍ରତି ସେ ଅନାଗ୍ରହୀ ଥିବା ସ୍ପଷ୍ଟ ହୋଇଥିବାବେଳେ ଆଗକୁ ସେ କି ପଦକ୍ଷେପ ନେବେ ତାହାର ସୂଚନା ମିଳିନାହିଁ । ସେପଟେ ରାଜଧାନୀ କିଭ୍ ଦଖଲ କରିବା ପାଇଁ ଆଗଉଛି ଋଷ ବାହିନୀ । କିଭ୍ ଠାରୁ ମାତ୍ର ୪୦ ମାଇଲ ଦୂରରେ ଠୁଳ ହେଲେଣି ଋଷ ସୈନ୍ୟ । ୟୁକ୍ରେନର ବିଭିନ୍ନ ସହରରେ ବୋମାମାଡ ଜାରି ରହିଛି । କ୍ରମଶଃ ବିଶ୍ୱ ସମୁଦାୟ ନିକଟରେ ଅଲଗା ହୋଇପଡୁଥିବା ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ ଲୁକ ଇଷ୍ଟ ନୀତି ଆପଣାଇବା ନେଇ ସୂଚନା ମିଳିଛି ।
ଫଳାଫଳ ପୂର୍ବରୁ ମନ୍ଦିର ଦର୍ଶନ କଲେ ଯୋଗୀ ଆଦିତ୍ୟ
ନୂଆଦିଲ୍ଲୀ: ଉତ୍ତର ପ୍ରଦେଶ, ପଞ୍ଜାବ ସମେତ ୫ରାଜ୍ୟର ୬୯୦ ବିଧାନସଭା ଆସନର ଆସିବ ଫଳାଫଳ । ଭୋଟ ଗଣତି ଗୁରୁବାର ସକାଳ ୮ରୁ ଆରମ୍ଭ ହୋଇଯାଇଛି । ୨ମାସ ହେବ ଜାରି ରହିଥିବା ନିର୍ବାଚନର ଘମାସାନ ରାଜନୈତିକ ଲଢେଇର ଆଜି ସମାପ୍ତି ଘଟିବ । ଏକଜିଟ୍ ପୋଲରେ ବିଜେପି ଶାସନକୁ ଫେରିବ ବୋଲି କୁହାଯାଉଥିବା ବେଳେ ଏହା କେତେ ସତ ହେବ ତାହା ଉପରେ ନଜର ।
ଉତ୍ତର ପ୍ରଦେଶରେ ଭଜପା ଓ ସପା ମଧ୍ୟରେ ଟକ୍କର ଜୋରଦାର ହୋଇଛି । ଫଳାଫଳ ପୂର୍ବରୁ ଯୋଗୀ ଆଦିତ୍ୟ ନାଥ ଆଜି ମନ୍ଦିର ଦର୍ଶନ କରିଛନ୍ତି । ଏହାସହ ଉତ୍ତର ପ୍ରଦେଶରେ ବିଜେପି ସରକାର ପୁଣି ଆସିବାକୁ ଆସା ପ୍ରକଟ କରିଛନ୍ତି ଯୋଗୀ । ସେହିପରି ପଞ୍ଜାବରେ କଂଗ୍ରେସକୁ ଟକ୍କର ଦେବାକୁ ଆମ ଆଦମି ପାର୍ଟି ଅଣ୍ଟା ଭିଡ଼ିଛି । ଏହି ୨ ରାଜ୍ୟ ବ୍ୟତୀତ ଉତ୍ତରାଖଣ୍ଡ, ଗୋଆ ଏବଂ ମଣିପୁରରେ କଂଗ୍ରେସ, ଆପ୍ ଓ ଭାରତୀୟ ଜନତା ପାର୍ଟି ଘମାସାନ ଲଢେଇ ଚାଲିବ ।
କେଉଁ ରାଜ୍ୟରେ କେତେ ବିଧାନସଭା ଆସନ ?
ଉତ୍ତର ପ୍ରଦେଶ ୪୦୩
ପଞ୍ଜାବ ୧୧୭
ଉତ୍ତରାଖଣ୍ଡ ୭୦
ଗୋଆ ୪୦
ମଣିପୁର ୬୦
ଆରମ୍ଭ ହେଲା ୫ ରାଜ୍ୟରେ ଭୋଟ ଗଣତି, ପୋଷ୍ଟାଲ ବାଲଟ ଗଣତି ପରେ ଖୋଲିବ ଇଭିଏମ
ନୂଆଦିଲ୍ଲୀ: ୫ ରାଜ୍ୟର ବିଧାନସଭା ଫଳାଫଳ ପାଇଁ ଆରମ୍ଭ ହୋଇଛି ଗଣତି । ପ୍ରଥମ ପର୍ଯ୍ୟାୟରେ ପୋଷ୍ଟାଲ ବାଲାଟ ଭୋଟ୍ ଗଣତି ଆରମ୍ଭ ହୋଇଛି । ପୋଷ୍ଟାଲ ବାଲାଟ ଭୋଟ୍ ଗଣତି ହେବା ପରେ ଇଭିଏମ ଭୋଟ ଗଣତି ହେବ । କଡ଼ା ସୁରକ୍ଷା ମଧ୍ୟରେ ବିଭିନ୍ନ ସ୍ଥାନରେ ଭୋଟ ଗଣତି ଜାରି ରହିଛି । ତେବେ ଆଉ କିଛି ସମୟ ମଧ୍ୟରେ ବିଭିନ୍ନ ରାଜ୍ୟରେ ପାରମ୍ଭିକ ଟ୍ରେଣ୍ଡ ସାମ୍ନାକୁ ଆସିବ । ୫ ରାଜ୍ୟରେ ୬୯୦ ବିଧାନସଭା ଆସନରେ ଆସିବ ଫଳାଫଳ ।
Counting of votes begin for Assembly elections in five States including Uttar Pradesh pic.twitter.com/i27mN8EoIv
— ANI (@ANI) March 10, 2022
ତେବେ ସର୍ବାଧିକ ଆସନ ଥିବା ଉତ୍ତରପ୍ରଦେଶରେ କିଏ ସିଂହାସନ ଦଖଲ କରିବ ତାହା ଉପରେ ରହିଛି ସମସ୍ତଙ୍କ ନଜର । ଯୋଗୀ ସରକାରଙ୍କ ରିପିଟ୍ ନା ପରିବର୍ତ୍ତନକୁ ଭୋଟ୍ ଦେଇଛନ୍ତି ୟୁପିବାସୀ । ଏହା ଉପରେ ସାରା ଦେଶର ନଜର । ଏକଜିଟ୍ ପୋଲରେ ବିଜେପି ଶାସନକୁ ଫେରିବ ବୋଲି କୁହାଯାଉଥିବା ବେଳେ ଏହା କେତେ ସତ ହେବ ତାହା ଉପରେ ନଜର । ସେପଟେ ପଞ୍ଜାବ ବି ଦେଖିବ ବିଗ୍ ଫାଇଟ୍ । ଦିଲ୍ଲୀ ପରେ ଏଠାରେ ଚାଲିବକି ଝାଡ଼ୁ । ସେପଟେ ମଣିପୁର, ଉତ୍ତରାଖଣ୍ଡ ଓ ଗୋଆରେ ମଧ୍ୟ ନେତାଙ୍କ ଛାତି ଧଡ଼ଧଡ଼ ହେଲାଣି ।
ଆଉ କିଛି ସମୟ ପରେ ଆସିବ ୫ ରାଜ୍ୟର ବିଧାନସଭା ଫଳାଫଳ, ୟୁପି ଓ ପଞ୍ଜାବ ଉପରେ ରହିଛି ନଜର
ନୂଆଦିଲ୍ଲୀ: ୨୪ ଫାଇନାଲ ପୂର୍ବରୁ କିଏ ମାରିବ ସେମିଫାଇନାଲ ବାଜି । କିଏ ଜିତିଛି ଜନତାଙ୍କ ଦିଲ୍ । କାହା ସପକ୍ଷରେ ଯିବ ଜନମତ । କେତେ ସତ ହେବ ଏକଜିଟ୍ ପୋଲ୍ । ୫ରାଜ୍ୟରେ କାହାର ଚାଲିବ ରାଜ୍ । ଆଉ କିଛି ସମୟ ପରେ ଖୋଲିବ ଇଭିଏମ୍, ଗଣତି ହେବ ଭୋଟ୍ । ସାରା ଦେଶର ନଜର ଏବେ ଉତ୍ତରପ୍ରଦେଶ ଉପରେ । ୫ ରାଜ୍ୟର ୬୯୦ ବିଧାନସଭା ଆସନର ଆସିବ ଫଳାଫଳ । ସର୍ବାଧିକ ଆସନ ଥିବା ରାଜ୍ୟ ଉତ୍ତରପ୍ରଦେଶରେ କିଏ ଦଖଲ କରିବ ସିଂହାସନ । ଯୋଗୀଙ୍କ ସରକାର ରିପିଟ୍ ହେବ ନା ପରିବର୍ତ୍ତନକୁ ଭୋଟ୍ ଦେଇଛନ୍ତି ୟୁପିବାସୀ । ଏହା ଉପରେ ରହିଛି ସାରା ଦେଶର ନଜର । ଏକଜିଟ୍ ପୋଲରେ ବିଜେପି ଶାସନକୁ ଫେରିବ ବୋଲି କୁହାଯାଉଥିବା ବେଳେ ଏହା କେତେ ସତ ହେବ ତାହା ଉପରେ ପୂରା ଭାରତର ନଜର ରହିଛି ।
Stage set for counting of votes in Uttar Pradesh
3-tier security in place at the counting centre with CAPF, PAC & civil police deployed. Thorough checking and frisking of polling agents, officials etc. being done before entry to the centre:ADCP West Lucknow
Visuals from Lucknow pic.twitter.com/Nzl9YTWf0N
— ANI UP/Uttarakhand (@ANINewsUP) March 10, 2022
ଅନ୍ୟପକ୍ଷରେ ପଞ୍ଜାବରେ ଦେଖିବାକୁ ମିଳିବ ବିଗ୍ ଫାଇଟ୍ । ଦିଲ୍ଲୀ ପରେ ଏଠାରେ ଚାଲିବକି ଝାଡ଼ୁ । ସେପଟେ ମଣିପୁର, ଉତ୍ତରାଖଣ୍ଡ ଓ ଗୋଆରେ ମଧ୍ୟ ନେତାଙ୍କ ଛାତି ଧଡ଼ଧଡ଼ ହେଲାଣି । ଆଉ କିଛି ସମୟ ପରେ ଇଭିଏମ ଖୋଲିବ । ପ୍ରଥମ ପର୍ଯ୍ୟାୟରେ ପୋଷ୍ଟାଲ ବାଲଟ ହିସାବ କରାଯିବ । ଗଣତି ପାଇଁ କଡ଼ା ସୁରକ୍ଷା ବ୍ୟବସ୍ଥା ଆପଣାଯାଇଥିବା ବେଳେ ନିର୍ବାଚନୀ ହିଂସାକୁ ନଜରରେ ରଖି ଆଲର୍ଟରେ ଅଛି ପ୍ରଶାସନ ।
ଶ୍ରୀମନ୍ଦିର ଐତିହ୍ୟ କରିଡରକୁ ଏଏସଆଇ ଡିଜିଙ୍କ ପ୍ରଶଂସା, କାର୍ଯ୍ୟରତ ଅଧିକାରୀଙ୍କ ବିବାଦୀୟ ବୟାନ କାହିଁକି ?
ଭୁବନେଶ୍ବର: ଶ୍ରୀମନ୍ଦିର ସୁରକ୍ଷା ପାଇଁ ନିର୍ମାଣଧୀନ ଐତିହ କରିଡର କାମକୁ ନେଇ ସନ୍ତୋଷ ପ୍ରକାଶ କଲେ ଏଏସଆଇ ଡିଜି । ଗତମାସ ୨୧ ତାରିଖରେ ଶ୍ରୀକ୍ଷେତ୍ର ପରିଦର୍ଶନରେ ପୁରୀ ଆସିଥିଲେ ଭାରତୀୟ ପ୍ରତ୍ନତତ୍ତ୍ବ ବିଭାଗର ଡିଜି ବିଦ୍ୟାବତୀ । ୭୫ ମିଟର ସୁରକ୍ଷା କରିଡର ପାଇଁ ନିର୍ମାଣ ହେଉଥିବା ଉନ୍ନତିମୂଳକ କାର୍ଯ୍ୟକୁ ସେ ବୁଲି ଦେଖିଥିଲେ । ରାଜ୍ୟ ସରକାରଙ୍କ ଉଦ୍ଦ୍ୟେଶ ଡିଜି ଲେଖିଥିଲେ ଐତିହ କରିଡର କାମକୁ ଏଏସଆଇ ସମ୍ପୂର୍ଣ୍ଣ ସହଯୋଗ କରିବ ।
ନନ୍ଦିଘୋଷ ଟିଭି ହାତରେ ଲାଗିଛି ଡିଜି ବିଦ୍ୟାବତୀଙ୍କ ଭିଜିଟ ନୋଟର ଦସ୍ତାବିଜ । ଏଥିରେ ରାଜ୍ୟ ସରକାରଙ୍କ ଶ୍ରୀମନ୍ଦିରର ପ୍ରକଳ୍ପକୁ ସେ ପ୍ରଶଂସା କରିଛନ୍ତି । ପ୍ରକଳ୍ପ କାମରେ ସାଧରଣ ଲୋକ, ସେବାୟତ ଓ ଭକ୍ତଙ୍କ ସୁବିଧା ପାଇଁ ଯେଉଁସବୁ ବିକାଶମୂଳକ କାମ କରାଯିବା କଥା ସେଗୁଡିକୁ ଶୀଘ୍ର କିଭଳି ଶେଷ କରାଯିବ ତା ଉପରେ ଟିପ୍ପଣୀ ଦେଇଛନ୍ତି | ତେବେ କେନ୍ଦ୍ର ସରକାରଙ୍କ ଅଧୀନରେ ଥିବା ଏହି ସଂସ୍ଥାର ସର୍ବୋଚ୍ଚ ଅଧିକାରୀ ଏଭଳି ମତ ଦେଇଥିବା ବେଳେ ରାଜ୍ୟରେ କାର୍ଯ୍ୟରତ ଅଧିକାରୀ ଅରୁଣ ମଲ୍ଲିକଙ୍କ ବିବାଦୀୟ ଓ ବିଭ୍ରାନ୍ତିକର ବୟାନ ଏବେ ପଦାରେ ପଡିଛି । ଶ୍ରୀକ୍ଷେତ୍ରର ବିକାଶ କାମକୁ ବାଟ ଓଗାଳୁଥିବା ଏହି ଅଧିକାରୀଙ୍କୁ ନେଇ ଏବେ ସବୁଠି ବିରୋଧ ହୋଇଛି ।
ଛତ୍ରବଜାର ବ୍ରିଜ ଭୁଶୁଡ଼ିବା ଘଟଣା: ମୁଖ୍ୟମନ୍ତ୍ରୀଙ୍କ ଶୋକ, ମୃତକଙ୍କ ପରିବାରକୁ ୩ ଲକ୍ଷ ଟଙ୍କାର କ୍ଷତିପୂରଣ ଘୋଷଣା
ଭୁବନେଶ୍ବର: କଟକ ଛତ୍ରବଜାର ପୁରୁଣା ବ୍ରିଜ ଭୁଶୁଡ଼ିବା ଘଟଣାକୁ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗଭୀର ଶୋକ ପ୍ରକାଶ କରିଛନ୍ତି । ଏହାସହ ମୃତାହତଙ୍କ ପରିବାରକୁ ସମବେଦନା ଜଣାଇଛନ୍ତି ମୁଖ୍ୟମନ୍ତ୍ରୀ । ମୃତକଙ୍କ ପରିବାରକୁ ୩ ଲକ୍ଷ ଟଙ୍କାର ଅନୁକମ୍ପାମୂଳକ ରାଶି ଘୋଷଣା କରିବା ସହ ଘଟଣାର ଆରଡିସି ସ୍ତରୀୟ ତଦନ୍ତ କରିବାକୁ ନିର୍ଦ୍ଦେଶ ଦେଇଛନ୍ତି । ଦୁର୍ଘଟଣାରେ ଆହତଙ୍କୁ ସମସ୍ତ ପ୍ରକାରର ଚିକିତ୍ସା ସୁବିଧା ଯୋଗାଇ ଦେବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେବା ସହ ସେମାନଙ୍କ ଆଶୁ ଆରୋଗ୍ୟ କାମନା କରିଛନ୍ତି ।
ସୂଚନାଯୋଗ୍ୟ, କଟକ ଛତ୍ର ବଜାରର ପୁରୁଣା ପୋଲ ନିକଟରେ ଥିବା କାନ୍ଥ ଭୁଶୁଡି ଦୁଇ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଆହତ ହୋଇଛନ୍ତି । କାନ୍ଥ ତଳେ ଦବି ଥିବା ଆହତଙ୍କୁ ଉଦ୍ଧାର କରାଯାଇ ଏସସିବି ମେଡିକାଲରେ ଭର୍ତ୍ତି କରାଯାଇଛି । ତାଳଦଣ୍ଡା କେନାଲ ପୁନରଉଦ୍ଧାର ସହ ରାସ୍ତା ଚୌଡା ଏବଂ ପୋଲର ପାର୍ଶ୍ବ ପାଚେରୀ ମରାମତି ପାଇଁ ଖୋଳା ଯାଉଥିଲା । ଏହି ସମୟରେ ପୋଲ ନିକଟରେ ଥିବା ଏକ କାନ୍ଥ ଭୁଶୁଡି ପଡିଥିଲା । ଦେଢ ଘଣ୍ଟାରୁ ଦୁଇଘଣ୍ଟା ଧରି ଉଦ୍ଧାର କାର୍ଯ୍ୟରେ ଲାଗିଥିଲେ ଅଗ୍ନିଶମ ବାହିନୀ ଓ ଓଡ୍ରାଫ ଟିମ । ଜିଲ୍ଲାପାଳ ଓ ପୋଲିସ କମିଶନର ଘଟଣା ସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରିଛନ୍ତି । ଡିସିପିଙ୍କ ସହ ଅଘଟଣ ନେଇ ଆଲୋଚନା କରିଛନ୍ତି ପୋଲିସ କମିଶନର । ସେପଟେ କାନ୍ଥଟି କିଭଳି ଭୁଶୁଡିଲା ତାହାର ତଦନ୍ତ କରାଯିବ ବୋଲି ଜିଲ୍ଲାପାଳ କହିଛନ୍ତି ।
ସତ ହେବ କି ଏକଜିଟ ପୋଲ ? କାଲି ଆସିବ ଆସିବ ୫ ରାଜ୍ୟର ୬୯୦ ଆସନର ଫଳାଫଳ
ନୂଆଦିଲ୍ଲୀ: ରାତି ପାହିଲେ ହଟିବ ସସପେନ୍ସ । ଆସିବ ୫ ରାଜ୍ୟର ୬୯୦ ଆସନର ଫଳାଫଳ । ସତ ହେବ କି ଏକଜିଟ ପୋଲର ଆକଳନ ? ନିର୍ଦ୍ଧାରିତ ହେବ ୫ ମୁଖ୍ୟମନ୍ତ୍ରୀ ସମେତ ବିଭିନ୍ନ ଦଳର ହେଭିୱେଟଙ୍କ ଭାଗ୍ୟ । ଉତ୍ତରପ୍ରଦେଶରେ ସହଜ ସ୍ଥିତିରେ ବିଜେପି ଥିବାବେଳେ ଏକଜିଟ୍ ପୋଲ ଭୁଲ ହେବ ବୋଲି ସୂଚନା ଦେଇଛି ସମାଜବାଦୀ ପାର୍ଟି । ଉତ୍ତରାଖଣ୍ଡରେ ବିଜୟକୁ ନେଇ ଚାଲିଛି ବାଜି । ମଣିପୁରରେ ଡେରା ପକାଇଛି କଂଗ୍ରେସ । ଗୋଆରେ ଚାଲିଛି ରିସର୍ଟ ରାଜନୀତି । ପଞ୍ଜାବରେ ଆପ୍ର ଚାଲିଛି ଅଙ୍କକଷା ।
କେଉଁ ରାଜ୍ୟରେ, କାହା ସରକାର ?
ଭୋଟ୍ ଗଣତିର ସବୁ ଅପଡେଟ୍
ଉତ୍ତରପ୍ରଦେଶରୁ ଉତ୍ତରାଖଣ୍ଡ
ପଞ୍ଜାବରୁ ଗୋଆ ପୁଣି ମଣିପୁର
କେଉଁଠି କାହାକୁ ବହୁମତ
ଦେଖନ୍ତୁ ୫ ରାଜ୍ୟ ଜନାଦେଶର ଫଳାଫଳ ଆମ ସହିତ#ElectionResults #AssemblyElections2022 #Result2022 #NandighoshaTV pic.twitter.com/10EzfqlnhT— NandighoshaTV (@NandighoshaTV) March 9, 2022
୨୦୨୪ ଫାଇନାଲ ପୂର୍ବରୁ ସେମିଫାଇନାଲରେ କାହାର ହେବ ବିଜୟ । ଆସିବ ୫ ରାଜ୍ୟର ୬୯୦ ବିଧାନସଭା ଆସନର ଫଳାଫଳ । କାହାକୁ କିଏ ଦେବ ମାତ୍ ? ହାଇପ୍ରୋଫାଇଲ ସିଟରେ କିଏ ପିନ୍ଧିବେ ମୁକୁଟ ? କଣ ହେବ ବରିଷ୍ଠ ନେତାଙ୍କ ରାଜନୈତିକ ଭାଗ୍ୟ ? ଜନମତ ଗଣିତରେ କଣ ରହିବ ସମୀକରଣ ? ଏକଜିଟ ପୋଲ ହିଟ୍ ନା ମିସ୍, ଚାଲିଛି ବିଚାରବିମର୍ଶ । ଫଳାଫଳ ପରେ ପରବର୍ତ୍ତୀ ରଣନୀତି ଦେଇ ସବୁ ଦଳର ହାଇକମାଣ୍ଡ ଦିଲ୍ଲୀରେ ଜାରି ରଖିଛନ୍ତି ଗୋଟି ଚାଳନା ।
ଏଥିସହ ପଢ଼ନ୍ତୁ: କାଲି ଆସିବ ୫ ରାଜ୍ୟର ଜନାଦେଶ, କଣ ରହିବ ରାଜ୍ୟପାଳଙ୍କ ଭୂମିକା ?
ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ସମାଜବାଦୀ ପାର୍ଟି ନେତା ଅଖିଳେଶ ଯାଦବ, ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି, ପଞ୍ଜାବ ମୁଖ୍ୟମନ୍ତ୍ରୀ ଚରଣଜିତ ସିଂ ଚନ୍ନି, ମଣିପୁର ମୁଖ୍ୟମନ୍ତ୍ରୀ ଏନ. ବୀରେନ ସିଂ, ଗୋଆ ମୁଖ୍ୟମନ୍ତ୍ରୀ ପ୍ରମୋଦ ସାୱନ୍ତଙ୍କ ରାଜନୈତିକ ଭବିଷ୍ୟତ ଉପରେ ଦେଶବାସୀଙ୍କ ନଜର ରହିଛି ।
#କେଉଁ_ରାଜ୍ୟରେ #କାହା_ସରକାର ?
ଭୋଟ୍ ଗଣତିର ସବୁ ଅପଡେଟ୍
ଦେଖନ୍ତୁ ୫ ରାଜ୍ୟ ଜନାଦେଶର ଫଳାଫଳ ଆମ ସହିତ । ଆସନ୍ତାକାଲି ସକାଳ ୭ଟା ୩୦ରୁ #ElectionResults #AssemblyElections2022 #Result2022 #NandighoshaTV pic.twitter.com/HXNNxBagy2— NandighoshaTV (@NandighoshaTV) March 9, 2022
ଉତ୍ତରପ୍ରଦେଶରେ ବିଜେପି ରିପିଟ୍ ହେବ ବୋଲି ଏକଜିଟ୍ ପୋଲ କରିଛି ଭବିଷ୍ୟବାଣୀ । କିନ୍ତୁ ଏକଜିଟ୍ ପୋଲ ଫଳାଫଳ ଭୁଲ ହେବ ବୋଲି ଦାବି କରିଛି ଏସପି । ସମାଜବାଦୀ ପାର୍ଟି ଲଡୁ ବାଣ୍ଟିବ ବୋଲି କହିଛନ୍ତି ଆରଜେଡି ନେତା ତେଜସ୍ୱୀ ଯାଦବ । ଉତ୍ତରାଖଣ୍ଡରେ କଂଗ୍ରେସ ସହ କଡା ଟକ୍କର ହେବ ବୋଲି ସୂଚନା ଦେଇଛନ୍ତି ପୂର୍ବତନ ମୁଖ୍ୟମନ୍ତ୍ରୀ ତ୍ରିବେନ୍ଦ୍ର ସିଂ ରାୱତ । ବିଜେପି, କଂଗ୍ରେସ ମଧ୍ୟରେ ଚାଲିଛି ଛକାପଞ୍ଝା । ମଣିପୁରରେ ଝୁଲା ବିଧାନସଭା ନେଇ ଚାଲିଛି କଳ୍ପନାଜଳ୍ପନା । ଏକଜିଟ୍ ପୋଲକୁ ନେଇ ଚାଲିଛି ଜାତୀୟ ଓ ଆଞ୍ଚଳିକ ଦଳ ମଧ୍ୟରେ ଭିତିରି ଆଲୋଚନା । ଗୋଆରେ ଘଡ଼ିକେ ଛୁଟୁଛି ଘୋଡ଼ା ।