କୋରାପୁଟ: ଲକ୍ଷ୍ମୀପୁର ଏସବିଆଇରୁ ବଡ଼ଧରଣର ଚୋରି ଅଭିଯୋଗ । କୋଟିଏ ଟଙ୍କାର ସୁନା ଚୋରି ହୋଇଥିବା ନେଇ ଥାନାରେ ପହଁଚିଲା ଅଭିଯୋଗ । ସୂଚନା ମୁତାବକ ଜଣେ ଅସ୍ଥାୟୀ କର୍ମଚାରୀ ଏହି ସୁନା ଚୋରି ପଛରେ ପ୍ରତ୍ୟକ୍ଷ ଭାବେ ରହିଛନ୍ତି । ପ୍ରାୟ ୧କେଜି ୬୧୦ ଗ୍ରାମ୍ ସୁନା ଲୁଟ୍ ହୋଇଥିବା ଅଭିଯୋଗ କରିଛନ୍ତି ବ୍ୟାଙ୍କ କର୍ତ୍ତୁପକ୍ଷ ।
ଅସ୍ଥାୟୀ କର୍ମଚାରୀ ଶେଖର କୂଳଦୀପଙ୍କ ନାଁରେ ଥାନାରେ ଏତଲା ଦେଇଛନ୍ତି ବ୍ୟାଙ୍କ କର୍ତ୍ତୁପକ୍ଷ । ସୁନା ଲୁଟ୍ କରି ଉକ୍ତ କର୍ମଚାରୀ ଜଣଙ୍କ ପ୍ରାୟ ଦେଢମାସ ହେଲା ଫେରାର୍ ହୋଇଥିବା ଅଭିଯୋଗ ହୋଇଛି । ସେପଟେ ଅଭିଯୋଗ ପାଇବା ପରେ ପୋଲିସ ତନାଘନା ଆରମ୍ଭ କରିଛି ।
ଭୁବନେଶ୍ୱର: ରାଜଧାନୀରେ ପୁଣି ମାତିଲେ ଲୁଟେରା । ସାମ୍ବାଦିକଙ୍କୁ ଖଣ୍ଡା ଦେଖାଇ ଲୁଟିଲେ ମୋବାଇଲ ଓ ସୁନା ମୁଦି। ନୟାପଲୀ ଥାନାଠୁ ମାତ୍ର 100 ମିଟର ଦୂରରେ ଏଭଳି ଘଟଣା ଘଟିଛି। ଲୁଟର ଶିକାର ହୋଇଛନ୍ତି କଳିଙ୍ଗ ଟିଭି ସାମ୍ବାଦିକ ସୌମ୍ୟ ରଞ୍ଜନ ସେଠୀ । ଗତକାଲି ରାତି 11ଟାରେ ଡ୍ୟୁଟି ସାରି ଘରକୁ ଫେରୁଥିବା ସମୟରେ କସ୍ତୁରବା ସ୍କୁଲ ନିକଟରେ ଲୁଟେରା ସମ୍ବାଦିକଙ୍କୁ ପ୍ରଥମେ ଅଟକାଇଥିଲେ ।
ପରେ ବେକରେ ମାରଣାସ୍ତ୍ର ଲଗେଇ ଦୁଇଟି ମୋବାଇଲ ନେବା ସହ ହାତରୁ ସୁନା ମୁଦି ଖୋଲିବା ପାଇଁ କହିଥିଲେ । ହାତରୁ ମୁଦି ନ ଖୋଲିବାରୁ ଆଙ୍ଗୁଠିକୁ ଖଣ୍ଡାରେ ଆକ୍ରମଣ କରି ମୁଦି ନେଇଯାଇଥିବା ଅଭିଯୋଗ ହୋଇଛି । ସୌମ୍ୟଙ୍କ ବେକ ଓ ଆଙ୍ଗୁଠିରେ କ୍ଷତ ଚିହ୍ନଟ ଅଛି । ଲୁଟେରା ଘଟଣା ସ୍ଥଳରୁ ଫେରାର ହେବା ପରେ ଖବର ପାଇ ଘଟଣା ସ୍ଥଳରେ ପହଞ୍ଚି ଥିଲା ପୋଲିସ ।
ଅନ୍ୟପଟେ ଏଇ ଲୁଟ ନେଇ ନୟାପଲି ଥାନାରେ ଲିଖିତ ଅଭିଯୋଗ କରିଛନ୍ତି ସାମ୍ବାଦିକ ସୌମ୍ୟ ରଞ୍ଜନ ସେଠି । ସୌମ୍ୟଙ୍କ ଠୁ ଅଭିଯୋଗ ଗ୍ରହଣ କରିବା ପରେ ତଦନ୍ତ ଚଳାଇଛି ନୟାପଲି ଥାନା ପୋଲିସ ।
ପଟ୍ଟାମୁଣ୍ଡାଇ: ପଟ୍ଟାମୁଣ୍ଡାଇରେ ପୂର୍ବ ଶତ୍ରୁତାକୁ ନେଇ ହୋଇଛି ଗୋଷ୍ଠୀ ସଂଘର୍ଷ । ଗତକାଲି ବିଳମ୍ବିତ ରାତିରେ ପଟ୍ଟାମୁଣ୍ଡାଇ ନୂଆଗାଁରେ ଗୋଷ୍ଠୀ ସଂଘର୍ଷର ଉଗ୍ରରୂପ ଦେଖିବାକୁ ମିଳିଛି । ଗ୍ରାମର ନୃସିଂହ ପଣ୍ଡା ଓ ତାଙ୍କ ପରିବାର ଉପରକୁ ଗତକାଲି ରାତିରେ କିଛି ଲୋକ ଏକତ୍ରିତ ହୋଇ ସଂଘବଧ ଭାବେ ଆକ୍ରମଣ କରିବା ସହି ଘରର ଆସବାପତ୍ର ଭଙ୍ଗାରୁଜା କରିଥିଲେ । ଏହି ଆକ୍ରମଣରେ ନୃସିଂହ ପଣ୍ଡା ଓ ତାଙ୍କ ପରିବାର ସହି ଅନ୍ୟ ପକ୍ଷର ମଧ୍ୟ ଦୁଇ ଜଣ ଆହତ ହୋଇଛନ୍ତି । ୪ ଜଣ ଆହତ ହୋଇ ପଟ୍ଟାମୁଣ୍ଡାଇ ଡାକ୍ତରଖାନାରେ ଭର୍ତ୍ତି ହୋଇଥିବାବେଳେ ନୃସିଂହ ପଣ୍ଡା ଓ ତାଙ୍କ ପୁଅ ଗୁରୁତର ହେବାରୁ ତାଙ୍କୁ ପ୍ରଥମେ କେନ୍ଦ୍ରାପଡ଼ା ଓ ପରେ କଟକ ମୁଖ୍ୟ ଡାକ୍ତରଖାନା ସ୍ଥାନାନ୍ତର କରାଯାଇଛି । ଘଟଣାସ୍ଥଳରେ ପରିସ୍ଥିତି ଅଣାୟତ୍ତ ହେବାରୁ ଏକ ପ୍ଲାଟୁନ ଫୋର୍ସ ନିୟୋଜିତ କରାଯାଇଛି । ପୋଲିସ ଘଟଣା ସ୍ଥଳରେ ପହଞ୍ଚି ୩ ଜଣଙ୍କୁ ଅଟକ ରଖି ତଦନ୍ତ ଆରମ୍ଭ କରିଛି ।
ପାରାଦୀପ: ପାରାଦୀପ ଜେଏସଡବ୍ଲ୍ୟୁ ପ୍ରକଳ୍ପକୁ ବିରୋଧ କରି ଦୀର୍ଘ ଦିନ ହେଲା ଆନ୍ଦୋଳନ କରୁଥିବା ଢ଼ିଙ୍କିଆ ଗାଁରେ ଆଜି ପଶିଛି ପୋଲିସ । ଢିଙ୍କିଆର ତିନିଟି ଯାକ ପ୍ରବେଶ ପଥରେ ବାଉଁଶ ଗେଟ୍ ନିର୍ମାଣ କରି ଗାଁକୁ କୌଣସି ପ୍ରଶାସନିକ ଅଧିକାରୀଙ୍କୁ ପ୍ରବେଶ କରାଇ ନଦେବାକୁ ଜିଦରେ ଅଡି ବସିଥିଲେ ଗ୍ରାମବାସୀ । କିନ୍ତୁ ଆଜି ପାଖାପାଖି ୧୫ ପ୍ଲାଟୁନ ପୋଲିସ ଫୋର୍ସ ଢିଙ୍କିଆର ପହଞ୍ଚି ଗାଁକୁ ପଶିବା ଉଦ୍ୟମ ସମୟରେ ପୋଲିସ ଓ ଗ୍ରାମବାସୀଙ୍କ ମଧ୍ୟରେ ମୁହାଁମୁହିଁ ସ୍ଥିତି ଉପୁଜିଥିଲା । ପୋଲିସ ଗାଁରେ ପଶିବା ପରେ ଢିଙ୍କିଆ ଗାଁ ସମ୍ପୂର୍ଣ୍ଣ ଶୂନଶାନ୍ ହୋଇଯାଇଛି ।
ପୂର୍ବରୁ ମାହାଳ, ଗୋବିନ୍ଦପୁର ଗାଁର ପାନ ଚାଷୀ ସେମାନଙ୍କ ପାନ ବରଜ କମ୍ପାନୀକୁ ଦେବା ସହିତ କ୍ଷତିପୂରଣ ମଧ୍ୟ ନେଉଥିଲେ । ଏମିତିକି ଢିଙ୍କିଆର କିଛି ଲୋକ ମଧ୍ୟ ବରଜ ଦେଇଥିଲେ । ପୋଲିସ ଗାଁରେ ପ୍ରବେଶ ନ କରି ଲୋକଙ୍କ ସହିତ ମିଶି କାର୍ଯ୍ୟ କରୁଥିଲା । କିନ୍ତୁ ଆଜି ପୋଲିସ ଗାଁରେ ପଶିବାରୁ ପୋଲିସ ସହ ଠେଲାପେଲା ସ୍ଥିତି ସୃଷ୍ଟି ହୋଇଥିଲା ।
କୋରାପୁଟ: କରୋନାରେ ଆକ୍ରାନ୍ତ ହେଲେ ଆଉ ଜଣେ ସାଂସଦ । କୋରାପୁଟ ସାଂସଦ ସପ୍ତଗିରି ଉଲ୍ଲାକା କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏନେଇ ସେ ଟ୍ୱିଟ୍ କରି ସୂଚନା ଦେଇଛନ୍ତି । ଟ୍ୱିଟ କରି ସପ୍ତଗିରି କହିଛନ୍ତି କି ’ମୁଁ କୋଭିଡ ପଜିଟିଭ୍ ଚିହ୍ନଟ ହୋଇଛି । ମୋ ମଧ୍ୟରେ କରୋନାର ସାମାନ୍ୟ ଲକ୍ଷଣ ଦେଖାଦେଇଛି । ଯାହା ଫଳରେ ମୁଁ ଏବେ ଘରେ ଆଇସୋଲେସନରେ ରହିଛି । ଯେଉଁମାନେ ମୋ ସଂପର୍ଶରେ ଆସିଛନ୍ତି ସେମାନେ ତୁରନ୍ତ ଆଇସୋଲେସନରେ ରହି କରୋନା ପରୀକ୍ଷା କରନ୍ତୁ’ ବୋଲି ଟ୍ୱିଟ୍ କରି କହିଛନ୍ତି ସପ୍ତଗିରି ଉଲ୍ଲାକା ।
I have tested positive for Covid-19 with mild symptoms. Have isolated myself at home. Request all those who have come in contact with me in the last few days to isolate themselves and get tested.
— Saptagiri Ulaka (@saptagiriulaka) January 14, 2022
ସୂଚନା ଅନୁସାରେ ରାଜ୍ୟରେ ଦିନକୁ ଦିନ କରୋନା ସଂକ୍ରମଣ ହୁ ହୁ ହୋଇ ବଢ଼ିବାରେ ଲାଗିଛି । ଲଗାତର ଦୁଇ ଦିନ ହେବ ରାଜ୍ୟରେ ୧୦ ହଜାର ଉପରେ ରହିଛି କରୋନା ସଂକ୍ରମଣ । ଗତ ୨୪ ଘଣ୍ଟାରେ ରାଜ୍ୟରେ ୧୦ ହଜାର ୨୭୩ ଆକ୍ରାନ୍ତ ଚିହ୍ନଟ ହୋଇଛି ।
ନୂଆଦିଲ୍ଲୀ: ଜାନୁଆରୀ ୩୧ରୁ ଆରମ୍ଭ ହେବ ସଂସଦର ବଜେଟ୍ ଅଧିବେଶନ । ବଜେଟ୍ ଅଧିବେଶନ ନେଇ ଆଜି ପ୍ରକାଶ ପାଇଛି ବିଜ୍ଞପ୍ତି । ଫେବ୍ରୁଆରୀ ପହିଲାରେ ଉପସ୍ଥାପିତ ହେବ କେନ୍ଦ୍ରୀୟ ବଜେଟ୍ । ପ୍ରଥମ ପର୍ଯ୍ୟାୟ ବଜେଟ ଅଧିବେଶନ ଫେବ୍ରୁଆରୀ ୧୧ ପର୍ଯ୍ୟନ୍ତ ଚାଲିବ । ବଜେଟ ଅଧିବେଶନର ଦ୍ୱିତୀୟ ପର୍ଯ୍ୟାୟ ଅଧିବେଶନ ମାର୍ଚ୍ଚ ୧୪ରୁ ଆରମ୍ଭ ହୋଇ ଏପ୍ରିଲ ୮ ପର୍ଯ୍ୟନ୍ତ ଚାଲିବ । ଫେବୃଆରୀ ୧ରେ ସରକାର ୨୦୨୨-୨୩ ଆର୍ଥିକ ବର୍ଷ ପାଇଁ ବଜେଟ୍ ଉପସ୍ଥାପନ କରିବେ । ରାଜ୍ୟସଭାର ୨୫୬ ତମ ଅଧିବେଶନ ଜାନୁୟାରୀ ୩୧ ସୋମବାର ଅନୁଷ୍ଠିତ ହେବ । କରୋନା ମୁକାବିଲା ନେଇ କ’ଣ ପଦକ୍ଷେପ ନିଆଯାଇଛି, ସେନେଇ ସଂସଦ ପରିସରରେ ଅନୁଧ୍ୟାନ କରିଛନ୍ତି ଲୋକସଭା ବାଚସ୍ପତି ଓମ୍ ବିର୍ଲା ।
Budget session of Parliament to start on January 31 pic.twitter.com/fvcTIW32Jf
— ANI (@ANI) January 14, 2022
ନୂଆଦିଲ୍ଲୀ: ବରିଷ୍ଠ ସାମ୍ବାଦିକ କମଲ ଖାନଙ୍କ ପରଲୋକ । ହୃଦଘାତରେ NDTVର ବରିଷ୍ଠ ସାମ୍ବଦିକଙ୍କ ପରଲୋକ ଘଟିଛି । ୬୧ ବର୍ଷୀୟ ବୟସରେ ବରିଷ୍ଠ ସାମ୍ବାଦିକ କମଲ ଖାନ୍ଙ୍କର ଲକ୍ଷ୍ନୌର ବଟଲର ପ୍ୟାଲେସ କଲୋନୀରେ ମୃତ୍ୟୁବରଣ କରିଛନ୍ତି । କମଲ ଖାନ୍ ଉତ୍ତରପ୍ରଦେଶରେ NDTVର କାର୍ଯ୍ୟକାରୀ ସମ୍ପାଦକ ଭାବେ କାର୍ଯ୍ୟ କରୁଥିଲେ । ଆଜି ସକାଳୁ ସେ ଛାତିରେ ଯନ୍ତ୍ରଣା ଅନୁଭବ କରିଥିଲେ । ଛାତିରେ ଯନ୍ତ୍ରଣା ଅନୁଭବ କରିବାରୁ ତାଙ୍କୁ ତୁରନ୍ତ ହସ୍ପିଟାଲ ନିଆଯାଇଥିଲା । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ବରିଷ୍ଠ ସାମ୍ବାଦିକ କମଲ ଖାନଙ୍କ ମୃତ୍ୟୁରେ ସାମ୍ବାଦିକ ଜଗତରେ ଶୋକର ଛାୟା ଖେଳି ଯାଇଛି । ବିଗତ ୩ ଦଶକ ଧରି ସେ ସାମ୍ବାଦିକତା କରି ଆସୁଥିଲେ । NDTVରେ ଗତ ୨୨ ବର୍ଷ ଧରି କାର୍ଯ୍ୟ କରୁଥିଲେ କମଲ ଖାନ ।
We are all devastated by the loss of Kamal Khan, an NDTV veteran and one of the country’s best journalists. pic.twitter.com/NZSS2bQOR5
— NDTV (@ndtv) January 14, 2022
अत्यंत दुखद!
एनडीटीवी के वरिष्ठ संवाददाता जनाब कमाल खान साहब का इंतक़ाल, अपूरणीय क्षति।
दिवंगत आत्मा को शांति दे भगवान।
शोकाकुल परिजनों के प्रति गहन संवेदना।
भावभीनी श्रद्धांजलि। pic.twitter.com/vsqms7gcJb
— Samajwadi Party (@samajwadiparty) January 14, 2022
କମଲ ଖାନଙ୍କ ମୃତ୍ୟୁରେ ଶୋକ ପ୍ରକାଶ କରିଛନ୍ତି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ଯୋଗୀ ଆଦିତ୍ୟନାଥ ଶୋକସନ୍ତପ ପରିବାରଙ୍କ ପ୍ରତି ଗଭୀର ସମବେଦନା ଦେବା ସହ ଏହା ସାମ୍ବାଦିକତା ପାଇଁ ଏକ ଅପୂରଣୀୟ କ୍ଷତି ବୋଲଳି କହିଛନ୍ତି ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ସେହିପରି ସମାଜବାଦୀ ପାର୍ଟି ପକ୍ଷରୁ ଟ୍ୱିଟ୍ କରି ଶୋକସନ୍ତପ ପରିବାର ପ୍ରତି ସମବେଦନା ଜଣାଇଛନ୍ତି ।
ଭୁବନେଶ୍ୱର: ରାଜ୍ୟର ସବୁ ହସ୍ପିଟାଲ, ମେଡିକାଲ କଲେଜ ପାଇଁ ନୂଆ ଗାଇଡଲାଇନ ଆସିଛି । ହସ୍ପିଟାଲରେ ସବୁବେଳେ ଅଧିକ ଗହଳି ହୋଇଥାଏ । ତେଣୁ ସେଠାରେ ସଂକ୍ରମଣର ଆଶଙ୍କା ଅଧିକ ରହିଛି । ତେଣୁ ଅତି ଦରକାର ନଥିଲେ ରୋଗୀମାନେ ହସ୍ପିଟାଲକୁ ବାରମ୍ବାର ଆସନ୍ତୁ ନାହିଁ ବୋଲି ଅପିଲ୍ କରିଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର । ଯେଉଁମାନଙ୍କ ସାଧାରଣ ରୋଗ ରହିଛି, ସେମାନଙ୍କ ଲାଗି ଟେଲିମେଡିସିନ ସେବା ଆରମ୍ଭ ହୋଇଛି । ସେଠାରେ ଯୋଗାଯୋଗ କରି ସେମାନେ ଔଷଧ ନେଇପାରିବେ । ଏମିତିକି ଓପିଡିରେ ଆଟେଣ୍ଡାନ୍ସ ମଧ୍ୟ କମାଇବାକୁ ବି କୁହାଯାଇଛି । ହସ୍ପିଟାଲରେ ମାଇନର ସର୍ଜରୀ ନୁହେଁ, ଏବେ କେବଳ ଜରୁରୀକାଳୀନ ସର୍ଜରୀକୁ ପ୍ରାଥମିକତା ଦିଆଯିବ ।
ଯେପରି ରାଜ୍ୟରେ ସଂକ୍ରମଣ ନ ବଢ଼ିବ, ସେଥିଲାଗି ଏଭଳି କଟକଣା ଲଗୁକରାଯାଇଛି । ଏହି କଟକଣା ରୋଗୀଙ୍କ ଭଲ ପାଇଁ କରାଯାଇଥିବା କହିଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର । ସବୁଦିଗକୁ ଧ୍ୟାନରେ ରଖି ସରକାର ଉଚିତ ପଦକ୍ଷେପ ନେଉଛନ୍ତି । ସମ୍ଭାବ୍ୟ ସିଭିୟରିଟିକୁ ନଜରରେ ରଖି ଭିତ୍ତିଭୂମି ପ୍ରସ୍ତୁତ ରଖିଛି ସ୍ୱାସ୍ଥ୍ୟ ବିଭାଗ । ସର୍ଭେଲାନ୍ସ ଚାଲିଛି, ଟିକାକରଣ ମଧ୍ୟ ଜୋରସୋରରେ ଚାଲିଛି । ଗତ ବର୍ଷର ପଜିଟିଭ ହାର ଏବଂ ଚଳିତ ବର୍ଷର ପଜିଟିଭ୍ ହାର ଦେଖିଲେ ଜାଣିପାରିବେ କେତେ ହସ୍ପିଟାଲାଇଜେସନ ଆବଶ୍ୟକ ହେଉଛି ? ହସ୍ପିଟାଲ କ୍ଷେତ୍ରରେ ରାଜ୍ୟ ଭଲ ସ୍ଥିତିରେ ଅଛି । ଆବଶ୍ୟକ ପଡ଼ିଲେ ଆଗକୁ ଟେଷ୍ଟିଂ ବଢ଼ାଯିବ, ନଚେତ କମାଯିବ ବୋଲି କହିଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର ।
କୋଲକାତା: ବିକାନେର-ଗୁଆହାଟି ଏକ୍ସପ୍ରେସ ଲାଇନଚ୍ୟୁତ ଘଟଣା । ଆଜି ସରିଲା ଉଦ୍ଧାର କାର୍ଯ୍ୟ । ଏହି ଦୁର୍ଘଟଣାରେ ମୃତ୍ୟୁସଂଖ୍ୟା ୯କୁ ବୃଦ୍ଧି ପାଇଛି । ଏଥିସହ ୩୬ ଆହତଙ୍କୁ ବିଭିନ୍ନ ମେଡିକାଲରେ ଭର୍ତ୍ତି କରାଯାଇଛି । ଟ୍ରେନରେ ଥିବା ବାକି ଯାତ୍ରୀଙ୍କୁ ସ୍ୱତନ୍ତ୍ର ଟ୍ରେନ ଯୋଗେ ଗୁଆହାଟି ସ୍ଥାନାନ୍ତର କରାଯାଇଛି । ସେପଟେ କେମିତି ହେଲା ରେଳ ଦୁର୍ଘଟଣା? ଟ୍ରେନ୍ ଲାଇଚ୍ୟୁତ ହେବାର କାରଣ କ’ଣ? ବିକାନେର- ଗୁଆହାଟି ଏକ୍ସପ୍ରେସର ପ୍ରାୟ ୧୨ ବଗି ଲାଇନଚ୍ୟୁତ ଘଟଣାର କାରଣ ଖୋଜୁଛି ଉଚ୍ଚସ୍ତରୀୟ ତଦନ୍ତ କମିଟି ।
West Bengal: Railway Minister Ashwini Vaishnaw reaches the train accident site near Domohani, Jalpaiguri
He says, "A statutory inquiry has been initiated. PM Modi is monitoring the situation & I'm in constant touch with him. I wish a speedy recovery to the injured." pic.twitter.com/eiamXGjxb2
— ANI (@ANI) January 14, 2022
ଅନ୍ୟପକ୍ଷରେ ଆଜି ଦୁର୍ଘଟଣାସ୍ଥଳରେ ପହଞ୍ଚି ସ୍ଥିତି ପରଖିଛନ୍ତି କେନ୍ଦ୍ର ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ । ରେଳ ମନ୍ତ୍ରୀଙ୍କ ସହ ବରିଷ୍ଠ ପ୍ରଶାସନିକ ଅଧିକାରୀ ଓ ମେଡିକାଲ୍ ଟିମ୍ ମଧ୍ୟ ଘଟଣାସ୍ଥଳରେ ଉପସ୍ଥିତ ରହିଛି । ଏହି ଘଟଣା ଯାଞ୍ଚ ରେଲଓ୍ୱେ ସେଫ୍ଟି କମିଶନର ପୁରା ଘଟଣାର ଯାଞ୍ଚ କରୁଛି । ଏହି ଘଟଣାରେ ମୃତ୍ୟୁ ବରଣ କରିଥିବା ପରିବାରକୁ ୫ ଲକ୍ଷ ଟଙ୍କା ଓ ଆହତଙ୍କୁ ୧ ଲକ୍ଷ ଟଙ୍କା ସହାୟତା ଦେବାକୁ ଘୋଷଣା କରିଛନ୍ତି ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ।
ସୂଚନା ଅନୁସାରେ ଗତକାଲି ସନ୍ଧ୍ୟାରେ ପଶ୍ଚିମବଙ୍ଗ ମୋୟନାଗୁରି ନିକଟରେ ବଡ଼ ଧରଣର ଟ୍ରେନ ଦୁର୍ଘଟଣା ହୋଇଥିଲା । ବିକାନେର- ଗୁଆହାଟି ଏକ୍ସପ୍ରେସର ପ୍ରାୟ ୧୨ ବଗି ଲାଇନଚ୍ୟୁତ ହୋଇଥିଲା । ଏହି ଦୁର୍ଘଟଣା ସମ୍ପର୍କରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସହ ଆଲୋଚନା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଅନ୍ୟପକ୍ଷରେ ଏହି ଘଟଣାର ଉଚ୍ଚସ୍ତରୀୟ ତଦନ୍ତ ପାଇଁ ନିର୍ଦ୍ଦେଶ ଦେଇଛି ରେଳ ମନ୍ତ୍ରଣାଳୟ ।
ନୂଆଦିଲ୍ଲୀ: ଭାରତୀୟ କ୍ରିକେଟ ଦଳର ଷ୍ଟାର ଅଲରାଉଣ୍ଡର ରବୀନ୍ଦ୍ର ଜାଡେଜା ତାଙ୍କ ନୂଆ ଲୁକ୍ ପାଇଁ ଲଗାତାର ସୋସିଆଲ ମିଡିଆରେ ଚର୍ଚ୍ଚାରେ ଅଛନ୍ତି । କେତେବେଳେ ଖଣ୍ଡା ଧରି ବୁଲାଉଥିବା ଫଟୋ ଭାଇରାଲ ହେଉଥିବାବେଳେ କେତେବେଳେ ହର୍ସ ରାଇଡିଂ କରୁଥିବାର ନଜର ଆସିଥାନ୍ତି । କିନ୍ତୁ ଏବେ ଆଉ ଏକ ନୂଆ ଲୁକରେ ନଜର ଆସିଛନ୍ତି ଜାଡେଜା । ଯେଉଁ ଲୁକ୍ ଜାଡେଜାଙ୍କ ଫ୍ୟାନମାନଙ୍କୁ ବେଶ୍ ପସନ୍ଦ ଆସିଛି । ରବୀନ୍ଦ୍ର ଜାଡେଜା ସୋସିଆଲ ମିଡିଆରେ ତାଙ୍କର ଏକ ନୂଆ ଲୁକ୍ ସେୟାର କରିଛନ୍ତି । ଯେଉଁଥିରେ ସେ ସାଉଥ ଇଣ୍ଡିଆନ୍ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ଲୁକରେ ନଜର ଆସିଛନ୍ତି । ନିକଟରେ ବକ୍ସ ଅଫିସରେ ଧମାକାଦାର କଲେକ୍ସନ କରିଛି ଅଲ୍ଲୁ ଅର୍ଜୁନ ଷ୍ଟାରର ’ପୁଷ୍ପା’ । କରୋନା କାଳରେ ଫିଲ୍ମଟି ଦର୍ଶକଙ୍କ ଭିତରେ ଆଦୃତ ଲାଭ କରିଛି ।
View this post on Instagram
Pushpa ante Flower anukunnava
Fireuuuu🔥P.S- Smoking and consumption of tobacco is injurious to health. I do not endorse any form of smoking and the beedi used in the image is for graphic purposes only. pic.twitter.com/yykAlGLLwb
— Ravindrasinh jadeja (@imjadeja) January 12, 2022
ଜାଡେଜା ନ୍ୟୁ ଲୁକରେ ପୁଷ୍ପା ଫିଲ୍ମର ହିରୋ ଅଲ୍ଲୁ ଅର୍ଜୁନଙ୍କ ପରି ନଜର ଆସିଛନ୍ତି । କେବଳ ଅଲ୍ଲୁ ଅର୍ଜୁନଙ୍କ ଲୁକକୁ କପି କରିନାହାନ୍ତି ରବୀନ୍ଦ୍ର ଜାଡେଜା । ଅଲ୍ଲୁ ଅର୍ଜୁନଙ୍କ ପରି ମଧ୍ୟ ଡାଏଲଗ କହୁଛନ୍ତି ଜାଡେଜା । ଜାଡେଜା ଉଭୟ ଫଟୋ ଓ ଭିଡିଓକୁ ସୋସିଆଲ ମିଡିଆରେ ସେୟାର କରିଛନ୍ତି । ଫଟୋ ସେୟାର କରି କ୍ୟାପସନରେ ଜାଡେଜା ଲେଖିଛନ୍ତି କି ‘ଏହା ଏକ ଗ୍ରାଫିକାଲ ଫଟୋ । ସିଗାରେଟ୍, ବିଡି ଏବଂ ତମାଖୁ ସ୍ୱାସ୍ଥ୍ୟ ପାଇଁ ହାନିକାରକ। ଏଥିରୁ କ୍ୟାନ୍ସର ହୁଏ’ । ଜାଡେଜା ଇନଷ୍ଟାଗ୍ରାମରେ ଏହି ପୋଷ୍ଟ ସେୟାର କରିବା ପରେ ଅଭିନେତା ଅଲ୍ଲୁ ଅର୍ଜୁନ ମଧ୍ୟ ତାଙ୍କ ପୋଷ୍ଟରେ କମେଣ୍ଟ କରିଛନ୍ତି ।
