ପୁରୀ: ଫୋକସରେ ପଞ୍ଚାୟତ ନିର୍ବାଚନ। ପଞ୍ଚାୟତ ନିର୍ବାଚନକୁ ତୁଲାଇବା ପାଇଁ ତୟାର ହେଉଛି ବିଜେଡି। ପଞ୍ଚାୟତ ସ୍ଥରରେ କେମିତି କାର୍ଯ୍ୟ କରିବାକୁ ହେବ। କେମିତି ସବୁ ଲୋକଙ୍କୁ ଏକଜୁଟ କରିବାକୁ ହେବ ସେନେଇ ଦିଆଯାଉଛି ପ୍ରଶିକ୍ଷଣ। ଲୋକଙ୍କ ପାଖରେ ସେମାନଙ୍କର ହକ୍‌ର ଯୋଜନା ପହଞ୍ଚାଇବା ପାଇଁ ଦିଆଯିବ ଟ୍ରୋନିଂ। ପ୍ରତି ପଞ୍ଚାୟତ ସ୍ଥରରେ ବିଜେଡ କରୁଛି ପ୍ରଶିକ୍ଷଣ ଶିବିର। ପୁରୀରେ ମଧ୍ୟ ପଞ୍ଚାୟତ ନିର୍ବାଚନ ଦାୟିତ୍ୱ ତୁଲାଇବା ପାଇଁ ଛାତ୍ର ଓ ଯୁବ ବିଜେଡି କର୍ମକର୍ତ୍ତାଙ୍କୁ ଦିଆଯାଉଛି ଟ୍ରେନିଂ।

ଆଜି ଯୁବ ଓ ଆସନ୍ତାକାଲି ଛାତ୍ର ବିଜେଡି ସଂଗଠନର ହେବ ପ୍ରଶିକ୍ଷଣ ଶିବିର। ପୁରୀରେ ହେବାକୁ ଥିବା ଏହି ପ୍ରଶିକ୍ଷଣ ଶିବିରରେ ରାଜ୍ୟ ସରକାରଙ୍କ ଲୋକାଭିମୁଖୀ ଯୋଜନା ଲୋକଙ୍କ ପାଖରେ ପହଞ୍ଚାଇବାକୁ ବ୍ଲକସ୍ତରୀୟ ବିଜେଡି ଯୁବ ଓ ଛାତ୍ରନେତାଙ୍କୁ ଦିଆଯିବ ଟ୍ରେନିଂ। ଦୁଇ ଦିନ ଯାକ ଭର୍ଚୁଆଲରେ ଯୁବ ଓ ଛାତ୍ର ବିଜେଡିକୁ ଟିପସ୍ ଦେବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।

ଡିଜିଟାଲ ମାଧ୍ୟମରେ ଲୋକଙ୍କୁ ଯୋଡ଼ି ଘରେ ଘରେ ଫାଇଭ୍-ଟିର ସଫଳତା ଦେଖାଇବା ନେଇ ପ୍ରଶିକ୍ଷଣ ଦିଆଯିବ। ପ୍ରଥମ ଥର ପାଇଁ ଦଳର ସମସ୍ତ ୩୧୪ ବ୍ଲକ ସଭାପତି ଓ ୧୧୯ ପୌର ସଭାପତିଙ୍କୁ ଦିଆଯିବ ଟ୍ରେନିଂ। ପଞ୍ଚାୟତ ନିର୍ବାଚନରେ ଯୁବ ଓ ଛାତ୍ର ଗୋଷ୍ଠୀର ବଡ଼ ଭୂମିକା ରହିଛି। ସେମାନଙ୍କୁ ନେଇ ବିଜୟର ରୋଡମ୍ୟାପ ପ୍ରସ୍ତୁତ କରିବ ବିଜେଡି ।

ସୁନ୍ଦରଗଡ଼: ସୁନ୍ଦରଗଡ଼ ବଣାଇରେ ଥମୁନି ଦୁଇ ଦନ୍ତାଙ୍କ ଉତ୍ପାତ। ଆଜି ପୁଣି ହାତୀ ଆକ୍ରମଣରେ ଜଣେ ବୃଦ୍ଧା ଗୁରୁତର ହୋଇଛନ୍ତି। ଦୀର୍ଘ ଦିନ ହେଲା ବନଖଣ୍ଡ ର ବିଭିନ୍ନ ବନାଞ୍ଚଳରେ ହାତୀ ଉପଦ୍ରବର ଚିତ୍ର ଦେଖାଯାଉଥିବା ବେଳେ ବଣାଇଁ ସହର କୁ ମଧ୍ୟ ଗତ ଦୁଇଦିନ ତଳେ ଦୁଇଟି ଦନ୍ତାହାତୀ ପ୍ରବେଶ କରି ଆତଙ୍କ ଖେଳାଇଛନ୍ତି। ଗତକାଲି ଦରେଇକଲା ନିକଟରେ ଜଗିଂ କରୁଥିବା ବେଳେ ହାତୀ ଆକ୍ରମଣରେ ଗୁରୁତର ହୋଇ ଜଣେ ଯୁବତୀ ରାଉରକେଲା ମେଡିକାଲରେ ଚିକିତ୍ସାଧିନ ଅଛନ୍ତି।

ଆଜି ସକାଳୁ ବୃଦ୍ଧା ବୁଦୁନି କୁଅଁର ଘର ଆଗରେ ବାସନ ମାଜୁ ଥିବା ବେଳେ ହାତୀ ଆକ୍ରମଣର ଶିକାର ହୋଇଛନ୍ତି। ବୁଦୁନିଙ୍କୁ ପ୍ରଥମେ ବଣାଇ ଉପଖଣ୍ଡ ଚିକିତ୍ସାଳୟ ଏବଂ ପରେ ରାଉରକେଲା ଚିକିତ୍ସା ନିମନ୍ତେ ସ୍ଥାନାନ୍ତରିତ କରାଯାଇଥିବା ଜଣାପଡିଛି। ଏହି ହାତୀଦୁଇଟି କୁ ଘଉଡାଇବା ପାଇଁ ବନ ବିଭାଗ ପକ୍ଷରୁ ଉଦ୍ୟମ ଜାରି ରହିଥିଲେ ହେଁ କୌଣସି ସୁଫଳ ମିଳିପାରିନାହିଁ। ଲୋକଙ୍କୁ ସଚେତନ କରାଇବାକୁ ଡ଼ାକବାଜି ଯନ୍ତ୍ର ମାଧ୍ୟମରେ ପ୍ରଚାର କରାଯାଉଛି।

ସେପଟେ ଦନ୍ତା ଆକ୍ରମଣରେ ଚାଷୀ ଗୁରୁତର ହୋଇ ଖୋର୍ଦ୍ଧା ମେଡିକାଲରେ ଚିକିତ୍ସିତ ହେଉଛନ୍ତି। ଆହତ ଚାଷୀର ନାମ ହେଉଛି ଛବି ଜେନା। ଖୋର୍ଦ୍ଧା ମଳିପଡାର ଛବି ଜେନା ଗତରାତିରେ ନିଜ ଚାଷ ଜମିରେ ଧାନ ଫସଲ ଜଗିଥିବା ବେଳେ ଗୋଡିପଡା ଟୋଲଗେଟ ନିକଟରେ ହାତୀ ଆକ୍ରମଣର ସମୁଖୀନ ହୋଇଥିଲେ। ଗୁରୁତର ଅବସ୍ଥାରେ ଖୋର୍ଦ୍ଧା ମେଡିକାଲରେ ଚିକିତ୍ସା ଚାଲିଛି। ବର୍ତ୍ତମାନ ପାଚିଲା ଧାନ ଖାଇବାକୁ ହାତୀ ପଲ ଚାଷ କ୍ଷେତରେ ପହଂଚି ଧନ ଜୀବନ ନଷ୍ଟ କରୁଛନ୍ତି। ବନ ବିଭାଗ ତରଫରୁ ବ୍ୟାପକ ପେଟ୍ରୋଲିଂର ଆବଶ୍ୟକତା ରହିଛି।

କଲିକତା: ମାଛ ପାଇଁ ନିଲାମି ଡାକରା।  ଲକ୍ଷେ ନୁହେଁକି ୨ ଲକ୍ଷ ନୁହେଁ। ୩୬ ଲକ୍ଷ ୫୩ ହଜାର ଟଙ୍କାରେ ବିକ୍ରି ହେଲା ବିଶାଳକାୟ ମାଛ। ଟ୍ରକ୍‌ ଟ୍ରକ୍‌ ମାଛ ପାଇଁ ଆପଣମାନେ ନିଲାମ ହେଉଥିବାର ଯାଣିଥିବେ। ହେଲେ ଗୋଟିଏ ମାଛ ପାଇଁ ନିଲାମ କେବେ ଶୁଣି ନଥିବେ। ହିଁ ଆଜ୍ଞା, ଏଭଳି ଏକ ମାଛ ଯାହା ଦେଖିଲେ ଆପଣମାନେ ଆଶ୍ଚର୍ଯ୍ୟ ହୋଇଯିବେ। ପଶ୍ଚିମବଙ୍ଗ ସୁନ୍ଦରବନ ଅଞ୍ଚଳର ୫ଜଣ ମତ୍ସ୍ୟଜୀବୀ ମାଛ ଧରିବା ବେଳେ ଜାଲରେ ପଡିଥିଲା ୧ କ୍ୱିଣ୍ଟାଲ ୧୮ କେଜି ଓଜନର ଏହି ବିଶାଳକାୟ ମାଛ।

ମାଛଟିର ନାଁ ତେଲିଆ ପୋଡା। ଜାଲରେ ମାଛଟି ପଡ଼ିବା ପରେ ଏହାକୁ ବଜାରରେ ବିକ୍ରି ପାଇଁ ନିଆଯାଇଥିଲା। ଯାହାକୁ ଦେଖିବାକୁ ଲୋକଙ୍କ ଭିଡ ଜମିବା ସହ ନିଲାମି ଡକାଯାଇଥିଲା। ଶେଷରେ ଜଣେ ବ୍ୟବସାୟୀ ମାଛଟିକୁ ୩୬ଲକ୍ଷ ୫୩ ହଜାର ଟଙ୍କାରେ କିଣି ନେଇଥିଲେ। ଏତେବଡ଼ ମାଛକୁ ଦେଖି ଆଶ୍ଚର୍ଯ୍ୟ ଚକିତ ହୋଇଯାଇଥିଲେ ଲୋକ।

ଭୁବନେଶ୍ୱର: ଜୟ ଜଗନ୍ନାଥ ରସଗୋଲା ଆମର…। ଏବେ ଏହି ଭିଡିଓ ସବୁ ସୋସିଆଲ ମିଡିଆ ସାଇଡରେ ଘନ ଘନ ସେୟାର ହେବାରେ ଲାଗିଛି। ବୁଢ଼ା ଠାରୁ ଟୋକା ସମସ୍ତଙ୍କ ହ୍ୱାଟସ୍ଆପ ଷ୍ଟାଟସ୍ରେ ଏହି ଭିଡିଓ। ଫେସ୍‌ବୁକ ଖୋଲିଲେ ଜୟ ଜଗନ୍ନାଥ ରସଗୋଲା ଆମରର ଭିଡିଓ। ଆଉ ଏହି ଭିଡିଓକୁ ଗୋଟିଏ ଥର ନୁହେଁ ବାରମ୍ବର ଦେଖିବାକୁ ପସନ୍ଦ କରୁଛନ୍ତି ସମସ୍ତେ। ରସଗୋଲାକୁ ନେଇ ଚାଲିଛି ହକ୍ ସାବ୍ୟସ୍ତ। ରସଗୋଲା ହେଉଛି ଓଡ଼ିଶାର। ଆକୁ ଆମଠାରୁ ଆଉ କେହି ନେଇ ପାରିବେ ନାହିଁ। କଲିକତାର ରସୋଗୁଲା ହୋଇଥାଇପାରେ ହେଲେ ରସଗୋଲା ହେଉଛି ଓଡ଼ିଶାର।

ଏଭଳି ଏକ ମଜାଦାର ଭିଡ଼ିଓ ସୋସିଆଲ ମିଡିଆରେ ଦେଖିବାକୁ ମିଳିଛି। ଚର୍ଚ୍ଚିତ ରିଆଲିଟି ସୋ ସାରେଗାମାପାରେ ପ୍ରତିଯୋଗୀ ହୋଇଯାଇଥିବା ଓଡ଼ିଆ ଝିଅଙ୍କର ଏଭଳି ଜବାବ ଏବେ ସବୁ ଓଡ଼ିଆ ଜନସାଧାରଣଙ୍କ ମନରେ ଖୁସି ଭରି ଦେଇଛି। ଯୁବତୀ ଜଣଙ୍କ ହେଉଛନ୍ତି କଟକର ସ୍ଥିତି ପଦ୍ମା ଦାଶ। ସାରେଗାମାପା ସୋ’ ରେ ଜଜ୍ ହିମେଶ ରେଶମିୟାଙ୍କ ପ୍ରଶ୍ନ ଥିଲା ଓଡ଼ିଶାରୁ ଆସିଛ ଯଦି ତେବେ କୁହ ରସଗୋଲା କାହାର । ଏତିକି ଶୁଣିବା ପରେ କଟକ ଝିଅ ସ୍ଥିତି ପଦ୍ମା କହିଥିଲେ ‘ଯାହା ବି ହେଇଯାଉ ଜୟ ଜଗନ୍ନାଥ ରସଗୋଲା ଆମର’। ରସୋଗୁଲା କଲିକତାର ହୋଇଥାଇପାରେ ହେଲା ଜୟ ଜଗନ୍ନାଥ ରସଗୋଲା ଆମର। ମହାପ୍ରଭୁ ଜଗନ୍ନାଥ ରସଗୋଲା ଖାଇବାକୁ ଭଲ ପାଆନ୍ତି। ଜଗନ୍ନାଥ ଆମର, ତେଣୁ ରସଗୋଲା ବି ଆମର। ବାସ୍ ଏହି କିଛି କ୍ଷଣର ଭିଡିଓ ଏବେ ସୋସିଆଲ ମିଡିଆରେ ଖୁବ୍ ଜୋରରେ ଭାଇରାଲ ହେଉଛି।

ଉତ୍କଳ ସଙ୍ଗୀତ ମହାବିଦ୍ୟାଳୟରେ ବିପିଏ ଦ୍ୱିତୀୟ ବର୍ଷରେ ପାଠ ପଢୁଛନ୍ତି ସ୍ଥିତିପଦ୍ମା ଦାଶ। ବାପା ସୁଶୀଲ ଦାଶ ଓ ଦାଦା ସୁବାସ ଦାଶ ମଧ୍ୟ ଜଣେ ଭଲ କଣ୍ଠଶିଳ୍ପୀ ଭାବେ ପରିଚିତ। ବାପା ଦାଦାଙ୍କ ପ୍ରେରଣାରୁ ଏତେ ବାଟ ଆସିପାରିଛି ବୋଲି କହିଛନ୍ତି ସ୍ଥିତିପଦ୍ମା । ସରିୟାଲିଟି ସୋ’ କୁ ଗୀତ ଗାଇବା ପାଇଁ ଯାଇଥିବା ବେଳେ ଏଭଳି ପ୍ରଶ୍ନର ସାମ୍ନା କରିବାକୁ ପଡ଼ିଥିଲା ସ୍ଥିତିଙ୍କୁ। ତେବେ ତାଙ୍କ ପୂର୍ବରୁ ମଧ୍ୟ କଲିକତାର ଝିଅଙ୍କୁ ସମାନ ପ୍ରଶ୍ନ ପଚରାଯାଇଥିଲା। ସେମାନଙ୍କର ଉତ୍ତର ସ୍ଥିତିଙ୍କ ସାମ୍ନାରେ ଫିକା ପଡ଼ିଯାଇଥିଲା। ଏବେ ରସଗୋଲା ପାଇଁ ସ୍ଥିତି ପୁରା ଓଡ଼ିଶାରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି।

ଭୁବନେଶ୍ୱର: ଭୁବନେଶ୍ୱର ମନୀଷ ଦାସ ହତ୍ୟା ମାମଲା। ଅଭିଯୁକ୍ତଙ୍କର ହେବ ଲାଏ ଡିଟେକ୍ସନ ଟେଷ୍ଟ। ୩ ହତ୍ୟାକାରୀଙ୍କ ମିଛ ଧରିବାକୁ କୋର୍ଟରେ ଆବେଦନ କଲା ପୋଲିସ । ଅମ୍ରିତ, ମୃତ୍ୟୁଞ୍ଜୟ ଓ ଦିନେଶର ହେବ ଲାଏ ଡିଟେକ୍ସନ ଟେଷ୍ଟ। ରିମାଣ୍ଡ ସମୟରେ ପଚରା ହୋଇଥିବା ପ୍ରଶ୍ନକୁ ନେଇ ହୋଇପାରେ ଲାଏ ଡିଟେକ୍ସନ ଟେଷ୍ଟ। କୋର୍ଟରୁ ଅନୁମତି ମିଳିଲେ କରାଯିବ ଲାଏ ଡିଟେକ୍ସନ ଟେଷ୍ଟ। ମନୀଷ ଓ ତାଙ୍କ ସାଙ୍ଗମାନେ ଘଟଣାଦିନ ରାତିରେ ହୋଟେଲରେ ମଉଜ କରିବା ପରେ ୩୫ ହଜାର ଟଙ୍କାର ବିଲକୁ ନେଇ ବଚସା ହୋଇଥିଲା।

ପରେ ହତ୍ୟା କରି ପ୍ରମାଣ ନଷ୍ଟ ପାଇଁ ପୋଖରୀରେ ଫିଙ୍ଗିଦେଇଥିଲେ ସାଙ୍ଗ। ମାମଲାରେ ୩ଜଣଙ୍କଠୁ ସତ ଉଗାରିବାକୁ ପୋଲିସର କରିବ ଲାଏ ଡିଟେକ୍ସନ ଟେଷ୍ଟ। ସେପଟେ ଚର୍ଚ୍ଚାକୁ ଆସିଥିବା ହୋଟେଲ ସାଉଥ୍ ସିଟି ଓ ବାର୍‌ ବେଆଇନ ଭାବେ କୋଭିଡ ଗାଇଡଲାଇନ ନମାନି ଚଲାଉଥିବାରୁ କନଷ୍ଟେବଳ ପ୍ରସନ୍ନ ବେହେରାକୁ ଗିରଫ କିରଛି ପୋଲିସ। ଏହାସହ ହୋଟେଲ ମାଲିକ ପ୍ରଦ୍ୟୁମ୍ନ ଜେନା ଓ ସାଉଥ ସିଟି ବାର ମ୍ୟାନେଜର ଶୋଭିତ୍ ଜେନା ମଧ୍ୟ ଜେଲରେ। ହୋଟେଲରେ ରେଡ୍ ବେଳେ ଜବତ ହୋଇଥିଲା ବିପୁଳ ମଦ।

ଭୁବନେଶ୍ୱର: ରାଜ୍ୟରେ ଧିରେ ଧିରେ ବଢୁଛି ଶୀତ। ସକାଳୁ ସକାଳୁ କୁହୁଡ଼ିର ଥଣ୍ଡା ବଳୟ ମନକୁ ମତୁଆଲା କରୁଛି। ପୂର୍ବ ବର୍ଷ ଅପେକ୍ଷା ଏଥର ଲୋକେ ଜଲଦି ଶିତ ବସ୍ତ୍ର ପିନ୍ଧିବା ଆରମ୍ଭ କଲେଣି। ଥଣ୍ଡା ପଡ଼ିବା କାରଣରୁ ଚା ଦୋକାନ ସାମ୍ନାରେ ଭିଡ଼ ଜମୁଛି। ରାଜ୍ୟର ୧୦ଟି ସ୍ଥାନରେ ତାପମାତ୍ରା ୨୦ ଡିଗ୍ରୀ ତଳକୁ ଖସିଥିବା ବେଳେ ଶୀତ ଅନୁଭୁତ ହେଲାଣି।

କନ୍ଧମାଳ ଜିଲ୍ଲାର ବାଲିଗୁଡ଼ା, ଦାରିଙ୍ଗବାଡ଼ି, କ. ନୂଆଗାଁ, ତୁମୁଡିବନ୍ଧରେ କମିବାରେ ଲାଗିଛି ତାପମାତ୍ରା। ତାପମାତ୍ରା ହ୍ରାସ ପାଇବା ଯୋଗୁଁ ରାସ୍ତା ଘାଟ କୁହୁଡିମୟ ହୋଇଛି। ପ୍ରାତଃରେ ପହିଲି ଶୀତର ମଜା ଉଠାଉଛନ୍ତି ଅଞ୍ଚଳବାସୀ। ଦାରିଙ୍ଗବାଡିରେ ୧୨ ଡିଗ୍ରୀ ତଳେ ପାରା ରହିଛି। ରାସ୍ତା ଘାଟ ସବୁଠି ଘନ କୁହୁଡିର ଆସ୍ତରଣ ଜମିଛି। ପ୍ରାତଃ ଭ୍ରମଣ ସହ ଜିମ୍, ଷ୍ଟାଡିୟମ ଓ ରାସ୍ତା ପାର୍ଶ୍ୱରେ ବ୍ୟୟାମ କରି ନିଜକୁ ଫିଟ୍ ରଖୁଛନ୍ତି ଲୋକେ।

ଆସନ୍ତା ୪ ଦିନ ପର୍ଯ୍ୟନ୍ତ ରାଜ୍ୟରେ ପାଗ ମୁଖ୍ୟତଃ ଶୁଖିଲା ରହିବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର। ମେଘମୁକ୍ତ ଆକାଶ ଏବଂ ଉତ୍ତରା ପବନ ବହିବା ଆରମ୍ଭ ହେଉଥିବାରୁ ଉଭୟ ଦିନ ଓ ରାତ୍ରୀର ତାପମାତ୍ରା ୧ ରୁ ୨ ଡିଗ୍ରୀ ପର୍ଯ୍ୟନ୍ତ କମିବ ବୋଲି ଆକଳନ କରାଯାଉଛି। ଫଳରେ ରାଜଧାନୀ ଭୁବନେଶ୍ୱର ସେମତ ଉପକୂଳ ଏବଂ ଆଭ୍ୟନ୍ତରୀଣ ଓଡ଼ିଶାର ଜିଲ୍ଲା ଗୁଡିକରେ ଶୀତ ଅନୁଭୁତ ହେବ।