ମୁମ୍ବାଇ: ଅକ୍ଟୋବର ୨ ରେ, ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି) ମୁମ୍ବାଇରୁ ଗୋଆ ଅଭିମୁଖେ ଯାଉଥିବା ଏକ କ୍ରୁଜ ଉପରେ କରିଥିଲା ଚଢାଉ। ଏହି ସମୟରେ ଅନେକ ଲୋକ ଏହି କ୍ରୁଜରେ ଡ୍ରଗ୍ସ ପାର୍ଟି କରୁଥିଲେ | ଏହି ସମୟରେ ପୋଲିସ ଶାହରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କ ସମେତ ୮ ଜଣଙ୍କୁ ଗିରଫ କରିଥିଲା। ଏହି ଆଠ ଜଣଙ୍କ ଭିତରେ ଆର୍ଯ୍ୟନ୍ ଖାନଙ୍କ ବନ୍ଧୁ ଅରବାଜ୍ ମାର୍ଚାଣ୍ଟ ଏବଂ ମୁମୁନ୍ ଧମେଚାଙ୍କ ନାମ ମଧ୍ୟ ରହିଥିଲା । ହେଲେ ଗିରଫ ସମୟରେ କେବଳ ଏତିକି ଖବର ମିଳିଥିଲା,ସମସ୍ତେ ନିଜ ନିଜ ଡ୍ରେସ,ସାର୍ଟ ଏବଂ ପ୍ୟାଣ୍ଟରେ ଡ୍ରଗ୍ସ ଲୁଚାଇ ପାର୍ଟୀକୁ ଆସିଥିଲେ । ଅରବାଜ୍ ନିଜ ଜୋତା ଭିତରେ ଏକ ଜିପ୍ ଲକ୍ ପ୍ୟାକେଟରେ ଡ୍ରଗ୍ସ ରଖିଥିବା କଥା ସ୍ବିକାର କରିଥିଲେ । ହେଲେ ବର୍ତ୍ତମାନ ଏକ ଚାଂଚଲ୍ୟକର ଭିଡିଓ ସାମ୍ନାକୁ ଆସିଛି । ଯେଉଁଥିରେ କିଛି ସାନିଟାରୀ ପ୍ୟାଡରେ ଡ୍ରଗ୍ସ ରଖି ପାର୍ଟୀକୁ ଅଣାଯାଇଥିଲା ବୋଲି ସୂଚନା ମିଳୁଛି ।
#AryanKhanDrugCase Drugs being recovered from sanitary pad from ship room of accused munmun
(Exclusive footage) #DrugsParty pic.twitter.com/V2gcZktVLT— Gyanendra Shukla (@gyanu999) October 9, 2021
ତେବେ ଏହି ଖବର ଏପର୍ଯ୍ୟନ୍ତ ନିଶ୍ଚିତ ହୋଇନାହିଁ। କିନ୍ତୁ ବର୍ତ୍ତମାନ ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେଉଛି। ଏମିତିକି ଟୁଇଟରରେ ଜଣେ ସାମ୍ବାଦିକ ଏହି ଭିଡିଓକୁ ସେୟାର କରି ମୁନମୁନ ଧମେଚାଙ୍କ ନାଁ ଲେଖି ପୋଷ୍ଟ କରିଛନ୍ତି । ଏହି ଭିଡିଓ ସେୟାର କରି ସେ ଲେଖିଛନ୍ତି ଯେ କ୍ରୁଜରେ ମୁନ୍ମୁନଙ୍କ ପାଖରୁ ଏହି ସାନିଟାରୀ ପ୍ୟାଡରୁ ଡ୍ରଗ୍ସ ଉଦ୍ଧାର କରାଯାଇଛି। ଏହି ଭିଡିଓରେ ଏହା ଦେଖିବାକୁ ମିଳେ ଯେ ଜଣେ ମହିଳା ସାନିଟାରୀ ପ୍ୟାଡ୍ ଖୋଲୁଛନ୍ତି, ଯେଉଁଥିରେ ଏକ କାଗଜରେ ଡ୍ରଗ୍ସ ଗୋଡେଇ ହୋଇ ରଖାଯାଇଥିଲା | ଏହି ଭିଡିଓର ସତ୍ୟତା କେତେ ରହିଛି ତାହା ଏଯାଏଁ ସ୍ପଷ୍ଟ ହୋଇ ନାହିଁ। ମୁନମୁନ ଏବେ ବିଚାର ବିଭାଗୀୟ ହାଜତରେ ଅଛନ୍ତି। ମୁନମୁନ ଜଣେ ମୋଡେଲ୍ ଏବଂ ଗୋଟିଏ ସମ୍ଭ୍ରାନ୍ତ ପରିବାରରୁ ଆସିଛନ୍ତି। ମାତ୍ର ସେ ଦୀର୍ଘ ସମୟ ଧରି ଦିଲ୍ଲୀରେ ରହୁଛନ୍ତି। ମୁନମୁନଙ୍କ ଇନଷ୍ଟାଗ୍ରାମ ଆକାଉଣ୍ଟରେ କିଛି ଫଟୋରେ ସେଲିବ୍ରିଟିଙ୍କ ସହ ନଜର ଆସିଛନ୍ତି ମୁନମୁନ।
ଏପରି ପରିସ୍ଥିତିରେ, ପାନ୍ କାର୍ଡର ଆବଶ୍ୟକତାକୁ ବୁଝି ସମସ୍ତେ ଏହାକୁ ତିଆରି କରନ୍ତି । ତେଣୁକରି ଯଦି ଆପଣ ଭାବୁଛନ୍ତି ଯେ ଆପଣଙ୍କର ନାମ କିମ୍ବା ଅନ୍ୟ କୌଣସି ବି ଭୁଲ ଆପଣଙ୍କ ପାନ୍ କାର୍ଡରେ ହେଇଛି କିମ୍ବା ଆପଣ କିଛି ପରିବର୍ତ୍ତନ କରିବାକୁ ଚାହୁଁଛନ୍ତି । ତେବେ ଏହା କେମିତି ହେଇପାରିବ ତାର ଉତ୍ତର ଜାଣିରଖନ୍ତୁ । ଏଥିପାଇଁ ଏକ ସରଳ ଉପାୟ ଅଛି, ଯାହା ବିଷୟରେ ଆମେ ଆପଣଙ୍କୁ କହିବାକୁ ଯାଉଛୁ | ତେବେ ଆସନ୍ତୁ ଜାଣିବା ଆପଣ କିପରି ନିଜ ପାନ୍ କାର୍ଡରେ ସଂଶୋଧନ କରିପାରିବେ ।ପାନକାର୍ଡରେ କିଛି ଭୁଲ୍ କିମ୍ବା ତ୍ରୁଟି ଥିଲେ, ଆପଣ ଏହାକୁ ଅଫଲାଇନ କିମ୍ବା ଅନଲାଇନ ଦୁଇଟି ଉପାୟରେ ସଂଶୋଧନ କରିପାରିବେ ।
