spot_img
Home Blog Page 5112

T20 World Cup: ନ୍ୟୁଜିଲ୍ୟାଣ୍ଡ ଆଗରେ ୧୬୭ ରନ ବିଜୟ ଲକ୍ଷ

ଦୁବାଇ: ଟି-୨୦ ବିଶ୍ବକପରେ ଆଜି ଇଂଲଣ୍ଡ ଓ ନ୍ୟୁଜଲ୍ୟାଣ୍ଡ ମଧ୍ୟରେ ମୁକାବିଲା ହେଉଛି । ଇଂଲଣ୍ଡ ପ୍ରଥମେ ବ୍ୟାଟି କରି ୪ ଓ୍ବିକେଟ୍ ହରାଇ ୧୬୬ ରନ୍ କରିଛି । ଦଳ ପକ୍ଷରୁ ଜୋସ୍ ବଟଲର୍ ୨୯ ରନ୍ କରିଥିବା ବେଳେ ମଲାନ୍ ୪୧ ରନ୍ କରିଥିଲେ । ମୋଇନ୍ ଅଲ୍ଲୀ ୩୭ ବଲରୁ ୫୧ ରନ୍ କରି ସଂଗ୍ରହ କରିଥିଲେ । ନ୍ୟୁଜିଲ୍ୟାଣ୍ଡ ତରଫରୁ ସାଉଥି, ମିଲନ, ସୋଧି ଏବଂ ଜେମସ୍ ଗୋଟିଏ ଲେଖାଏଁ ଓ୍ବିକେଟ୍ ନେଇଛନ୍ତି ।

ରିପୋର୍ଟ ଲେଖାଯିବା ବେଳକୁ ନ୍ୟୁଜିଲ୍ୟାଣ୍ଡ ୬ ଓଭରରେ ଦୁଇ ଓ୍ବିକେଟ ହରାଇ ୩୬ ରନ୍ କରିଛି । ଗୁପଟିଲ୍ ୪ ରନ୍ କରି ଆଉଟ ହୋଇଥିବା ବେଳେ କେନ୍ ୫ ନର କରି କରିଛନ୍ତି । ମିଚେଲ ୧୨ ଓ କନଓ୍ବେ ୧୪ ରନ୍ କରି ବ୍ୟାଟିଂ କରୁଛନ୍ତି । ଇଂଲଣ୍ଡ ତରଫରୁ କ୍ରିସ୍ ଓ୍ବାକସ୍ ଦୁଇଟି ଓ୍ବିକେଟ ନେଇଛନ୍ତି ।

ଅନୁଗୁଳରେ ହେବ କୋଲ୍‌ କରିଡର୍‌, ଜିଲ୍ଲାରେ 12ଟି ନୂଆ ଖଣି କାର୍ଯ୍ୟକ୍ଷମ ହେବ

ଅନୁଗୁଳ:  ଜିଲ୍ଲାରେ ତିଆରି ହେବ ନୂଆ କୋଲ୍‌ କରିଡର୍‌ । ଜିଲ୍ଲାରେ 12ଟି ନୂଆ ଖଣି କାର୍ଯ୍ୟକ୍ଷମ ହେବ । ଏନେଇ 2 ମାସ ଭିତରେ ଦାଖଲ କରାଯିବ ପ୍ରୋଜେକ୍ଟ ରିପୋର୍ଟ । ଅନୁଗୁଳ ଓ ଢେଙ୍କାନାଳ ଜିଲ୍ଲାରେ ଶିଳ୍ପାୟନ ନେଇ ଉଚ୍ଚସ୍ତରୀୟ ସମୀକ୍ଷା କରି ଏ ସୂଚନା ଦେଇଛନ୍ତି ମୁଖ୍ୟମନ୍ତ୍ରୀଙ୍କ ମୁଖ୍ୟ ପରାମର୍ଶଦାତା ଅସିତ ତ୍ରିପାଠୀ । ସେହିପରି ଢେଙ୍କାନାଳ ଓ ଅନୁଗୁଳରେ 2 ଟି ନୂଆ MSME ପାର୍କ ନିର୍ମାଣ କରାଯିବ । ନାଲକୋର ସମ୍ପ୍ରସାରଣ ପାଇଁ ବ୍ରାହ୍ମଣୀ ନଦୀରୁ ଜଳଯୋଗାଣ କରାଯିବାକୁ ଯୋଜନା ରହିଛି ।

ସେହିପରି ଆଲୁମିନିୟମ ପାର୍କର ସମ୍ପ୍ରସାରଣ କରାଯିବ । ପାଉଁଶ ସୁପରିଚାଳନା ପାଇଁ ଖଣି କର୍ତ୍ତୃପକ୍ଷଙ୍କ ସହ ଆଲୋଚନା କରିଛନ୍ତି ଅସିତ ତ୍ରିପାଠୀ । ବନ୍ଦ ହୋଇଥିବା ଖଣିରେ ଭର୍ତ୍ତି କରାଯିବ ପାଉଁଶ । ଜିଲ୍ଲାରେ ଚାଷ ଓ ଶିଳ୍ପ ପାଇଁ ଅନେକ ସମ୍ଭାବନା ରହିଛି । ଏଥିପାଇଁ ଉଭୟକୁ ଗୁରୁତ୍ୱ ଦେଇ କାମ କରାଯିବ ବୋଲି ସୂଚନା ଦେଇଛନ୍ତି ଅସିତ ।

କେନ୍ଦ୍ରର ଚାରଧାମ ପ୍ରକଳ୍ପକୁ ସୁପ୍ରିମକୋର୍ଟଙ୍କ ଝଟ୍‌କା

0

ନୂଆଦିଲ୍ଲୀ: କେନ୍ଦ୍ରର ଚାରଧାମ ପ୍ରକଳ୍ପକୁ ସୁପ୍ରିମ ଝଟ୍‌କା । ଚାରିଧାମ ହାଇଓ୍ୱେ ପ୍ରଶସ୍ତୀକରଣ ପ୍ରକଳ୍ପକୁ ନେଇ ସୁପ୍ରିମକୋର୍ଟଙ୍କ ଗୁରୁତ୍ୱପୂର୍ଣ୍ଣ ପରାମର୍ଶ । ଦେଶର ସୁରକ୍ଷା ଆଳରେ ପରିବେଶ ନଷ୍ଟ କରାଯାଇ ପାରିବ ନାହିଁ । ହିମାଳୟର ବିଭିନ୍ନ ଅଞ୍ଚଳରେ ହାଇଓ୍ୱେ ପ୍ରଶସ୍ତୀକରଣ ପ୍ରୋଜେକ୍ଟକୁ ବିରୋଧ କରି ଦାଏର ଜନସ୍ବାର୍ଥ ମାମଲାର ଶୁଣାଣି କରି ଖଣ୍ଡପୀଠ ଏହି ରାୟ ଶୁଣାଇଛନ୍ତି ।

ଚାରିଧାମ ଯାତ୍ରୀଙ୍କ ପାଇଁ ହିମାଳୟ ବକ୍ଷରେ ହାଇଓ୍ୱେ ପ୍ରଶସ୍ତୀକରଣ କାର୍ଯ୍ୟ ଆରମ୍ଭ ହୋଇଛି । ଏହି ପ୍ରକଳ୍ପ ପାଇଁ ଏବେ ସୁଦ୍ଧା ପ୍ରାୟ ୨୫ହଜାର ଗଛ କଟା ସରିଲାଣି । ଏଥିଯୋଗୁ ଭୂସ୍ଖଳନ ଓ ହିମସ୍ଖଳନ ବୃଦ୍ଧି ପାଉଥିବା ବେଳେ ଏହି କ୍ଷତିକୁ ଭରଣା କରାଯାଇପାରିବ ନାହିଁ ବୋଲି ବହୁ ପରିବେଶବିତ୍ ଓ ସ୍ୱେଚ୍ଛାସେବୀ ସଂଗଠନ ପକ୍ଷରୁ ଅଭିଯୋଗ ହୋଇଥିଲା ।

ତେବେ ଉକ୍ତ ପ୍ରକଳ୍ପ କେବଳ ଚାରିଧାମ ଯାତ୍ରୀଙ୍କ ପାଇଁ ନୁହେଁ ବରଂ ସୀମାରେ ସେନା ନିକଟକୁ ଅସ୍ତ୍ରଶସ୍ତ୍ର ଯୋଗାଣ ଓ ସେନା ଅଧିକାରୀଙ୍କ ଯା’ଆସ ପାଇଁ ବ୍ୟବହାର ହେବ ବୋଲି କୋର୍ଟରେ ଯୁକ୍ତି ବାଢ଼ିଥିଲେ ଆଟର୍ଣ୍ଣି ଜେନେରାଲ କେକେ ବେଣୁଗୋପାଳ । ମାତ୍ର ହିମାଳୟ ହାଇଓ୍ୱେ ପ୍ରଶସ୍ତୀକରଣ କାର୍ଯ୍ୟ ଚୀନ୍ ସୀମାଠାରୁ ଶହେ କିମି ଦୂରରେ ହେଉଥିବାରୁ ଏହା ସେନାର କୌଣସି କାର୍ଯ୍ୟରେ ଆସିବନି ବୋଲି ପ୍ରତିପକ୍ଷ ଓକିଲ ଯୁକ୍ତି ବାଢ଼ିଥିଲେ । ଦୁଇପକ୍ଷର ଯୁକ୍ତି ଶୁଣିବା ପରେ ଦେଶର ସୁରକ୍ଷା ସାଙ୍ଗକୁ ପରିବେଶ ସୁରକ୍ଷାକୁ ମଧ୍ୟ ଗୁରୁତ୍ୱ ଦିଆଯିବା ଆବଶ୍ୟକ ବୋଲି ଜଷ୍ଟିସ ଡି ୱାଇ ଚନ୍ଦ୍ରଚୂଡ଼ଙ୍କ ଖଣ୍ଡପୀଠ ରାୟ ଶୁଣାଇଛନ୍ତି।

ସୁପ୍ରିମକୋର୍ଟରେ ହାଜର ହେଲେ ପ୍ରଧାନମନ୍ତ୍ରୀ ଇମ୍ରାନ ଖାନ୍

ପେଶାଓ୍ବାର: ୨୦୧୪ ପେଶାଓ୍ବାର ଆର୍ମି ସ୍କୁଲ ହତ୍ୟା ମାମଲାରେ ପାକିସ୍ତାନ ସୁପ୍ରିମକୋର୍ଟରେ ହାଜର ହେଲେ ପ୍ରଧାନମନ୍ତ୍ରୀ ଇମ୍ରାନ ଖାନ୍ । କହିଲେ- ଆାଇନ ତା’ ବାଟରେ କାମ କରିବ । ଏ ଦେଶରେ କେହି ସେଚ୍ଚାଟ ନୁହଁନ୍ତି । ମୁଁ ଆଇନର ଶାସନ ଉପରେ ବିଶ୍ବାସ କରେ ।

ସୂଚନାଯୋଗ୍ୟ, ୨୦୧୪ ଡିସେମ୍ବର ୧୬ରେ ଆର୍ମି ପବ୍ଲିକ ସ୍କୁଲରେ ତେହରିକ ଏ ତାଲିବାନ ପାକିସ୍ତାନ (ଟିଟିପି) ଆକ୍ରମଣ କରିଥିଲା । ଏଥିରେ ୧୩୨ ପିଲାଙ୍କ ସହ ୧୪୦ ଜଣଙ୍କ ମୃତ୍ୟୁ ଘଟିଥିଲା । ଇମ୍ରାନ ସରକାର ଟିଟିପି ସହ ଶାନ୍ତି ବୁଝାମଣା କରିବା ପରେ ଏହି ଘଟଣା ପୁଣି ଚର୍ଚ୍ଚାକୁ ଆସିଛି । ମୃତ ପିଲାଙ୍କ ପରିବାର ଲୋକେ ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଛନ୍ତି । ମାମଲାରେ କୋର୍ଟ ଇମ୍ରାନଙ୍କୁ ହାଜର ହେବାକୁ ନିର୍ଦ୍ଦେଶ ଦେଇଥିଲେ । ମାମଲାର ପରବର୍ତ୍ତି ଶୁଣାଣି ୪ ସପ୍ତାହ ପରେ ହେବ ।

ଜିୟୋ ନ୍ୟୁଜ୍ ଅନୁସାରେ ଘଟଣାକୁ ୭ ବର୍ଷ ବିତି ଯାଇଥିଲେ ବି ଏପର୍ଯ୍ୟନ୍ତ ଆଖିଦେଖା କାର୍ଯ୍ୟାନୁଷ୍ଠାନ ହୋଇନାହିଁ । ଟିଟିପି ଗଣ ହତ୍ୟା ପାଇଁ ନିଜକୁ ଦାୟୀ କରିଥିଲେ ବି କୌଣସି ସରକାର ଏହି ଆତଙ୍କବଦୀ ସଂଗଠନ ବିରୋଧରେ କାର୍ଯ୍ୟାନୁଷ୍ଠାନ ନେଇନାହାନ୍ତି । ମୃତ ପିଲାଙ୍କ ପରିବାର ସୁପ୍ରିମେକାର୍ଟର ଦ୍ବାରସ୍ଥ ହୋଇ ଘଟଣା ପାଇଁ ଟିଟିପି ଯେତିକି ଦାୟୀ, ତା’ଠାରୁ ଅଧିକ କେନ୍ଦ୍ର ସରକାର ଦାୟୀ ବୋଲି ଅଭିଯୋଗ କରି ଗାଦିରେ ବସିଥିବା ବଡ଼ ଅଧିକାରୀ ଓ ନେତାଙ୍କ ଜବାବ ଚାହିଁଥିଲେ ।

ସୁପ୍ରିମକୋର୍ଟ ସମନ ଜାରି କରିବା ପରେ ପ୍ରଥମେ ପାକିସ୍ତାନ ଆଟର୍ଣ୍ଣିଂ ଜେନେରାଲ କୋର୍ଟରେ ହାଜର ହୋଇଥିଲେ । ଏହାପରେ ଇମ୍ରାନଙ୍କୁ ହାଜର ହେବାକୁ ନୋଟିସ୍ ହୋଇଥିଲା । ଚିଫ୍ ଜଷ୍ଟିସ୍ ଅଫ୍ ପାକିସ୍ତାନ (ସିଜେପି) ଗୁଲଜାର ଅହମ୍ମଦଙ୍କ ବେଞ୍ଚରେ ଇମ୍ରାନ ହାଜର ହୋଇ କହିଥିଲେ- ମୁଁ ଦେଶରେ ଆଇନର ଶାସନ ଚାହିଁଛି । ହେଲେ, ଏହା ବି ଧ୍ୟାନ ରଖିବାକୁ ପଡ଼ିବ ଏ ଦେଶରେ କେହି ସୁଚ୍ଚୋଟ ନୁହଁନ୍ତି । ଏଥିପାଇଁ ସେ There are no holy cows in Pakistan ବାକ୍ୟ ବ୍ୟବହାର କରିଥିଲେ ।

ସୂଚନାଯୋଗ୍ୟ, ଘଟଣା ବେଳେ ଇମ୍ରାନ ପ୍ରଧାନମନ୍ତ୍ରୀ ନଥିଲେ । ତଥାପି ସେ ସୁପ୍ରିମକୋର୍ଟରେ ହାଜର ହୋଇଥିଲେ । କାରଣ, ସେ ବିରୋଧୀ ଓ ତତ୍କାଳୀନ ନବାବ ସରିଫଙ୍କ ସରକାରଙ୍କୁ ଫସାଇବାକୁ ନିଜେ କୋର୍ଟରେ ହାଜର ହୋଇଥିବା କୁହାଯାଉଛି । ପାକିସ୍ତାରେ ଦେଢ ବର୍ଷ ପରେ ନିର୍ବାଚନ ହେବାକୁ ଅଛି । ଇମ୍ରାନଙ୍କ ପାକିସ୍ତାନ ଏ ଇନସାଫ (ପିଟିଆଇ) ସେନା ଦୟାରୁ ପ୍ରଥମ ଥର ପାଇଁ ସରକାର ଗଠନ କରିବାକୁ ସକ୍ଷମ ହୋଇଛି । ହେଲେ ତାଙ୍କ ସରକାର ସବୁ କ୍ଷେତ୍ରରେ ବିଫଳ ହୋଇଛି । କୋର୍ଟରେ ହାଜର ହେବା ବାହାନାରେ ସେ ବିରୋଧୀଙ୍କୁ ଟାର୍ଗେଟ କରିଛନ୍ତି । ଆତଙ୍କବାଦୀ କାର୍ଯ୍ୟକଳାପରେ ଦେଶରେ ୮୦ ହଜାର ଲୋକଙ୍କ ମୃତ୍ୟୁ ଘଟିଥିବା ବେଳେ ୪୮୦ ଡ୍ରୋନ ଆକ୍ରମଣ ହୋଇଛି, ଏଥିପାଇଁ ଦାୟୀ କିଏ ବୋଲି ସେ କୋର୍ଟରେ ପ୍ରଶ୍ନ କରିତିଲେ ? ଏହାର ଉତ୍ତରରେ ଚିଫ୍ ଜଷ୍ଟିସ୍ କହିଥିଲେ, ତୁମେ ଦେଶର ପ୍ରଧାନମନ୍ତ୍ରୀ, ଏହାର ଉତ୍ତର ତୁମେ ନିଜେ ଖୋଜ ।

ଆସନ୍ତା ମାସରେ ପୁରୀରେ ଶ୍ରୀମନ୍ଦିର ପରିକ୍ରମା କାର୍ଯ୍ୟକ୍ରମା, ପୂର୍ଣ୍ଣାହୂତିରେ ଯୋଗଦେଇ ପାରନ୍ତି ମୁଖ୍ୟମନ୍ତ୍ରୀ

ପୁରୀ: ଶ୍ରୀମନ୍ଦିର ପରିକ୍ରମା ପ୍ରକଳ୍ପ ନିର୍ମାଣ କାର୍ଯ୍ୟ ପାଇଁ ଆରମ୍ଭ ହେଲା ପ୍ରସ୍ତୁତି । ଆସନ୍ତା 22 ତାରିଖରେ ପ୍ରକଳ୍ପ ନିର୍ମାଣ କାର୍ଯ୍ୟର ଭୂମିପୂଜନ କରାଯିବ । ଏଥିପାଇଁ ସ୍ବତନ୍ତ୍ର ଯଜ୍ଞ ଆୟୋଜିତ ହେବ । ଏଥିରେ ପୁରୀ ଗଜପତି ମହାରାଜା କର୍ତ୍ତା ଭାବେ ଦାୟିତ୍ବ ତୁଲାଇବେ । 24 ତାରିଖ ଦିନ ଯଜ୍ଞରେ ପୂଣ୍ଣାହୁତି ହେବ ।

ଏହି କାର୍ଯ୍ୟକ୍ରମକୁ ଭବ୍ୟ କରିବାକୁ ସମସ୍ତ ପ୍ରକାର ବନ୍ଦୋବସ୍ତ କରିଛନ୍ତି ଶ୍ରୀମନ୍ଦିର ପ୍ରଶାସନ । ୨୨ରେ ଭୂମି ପୂଜନ କାର୍ଯ୍ୟକ୍ରମ ରହିଥିବାବେଳେ ୨୪ରେ ରହିଛି ପୂର୍ଣ୍ଣାହୂତି ରହିଛି ।  ଅନ୍ୟପଟେ ପୁର୍ଣ୍ଣାହୁତି ଦିନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗଦେବାର କାର୍ଯ୍ୟକ୍ରମ ମଧ୍ୟ ରହିଛି ।

ଚଳିତ ବର୍ଷର ଶେଷ ‘ଚନ୍ଦ୍ର ଗ୍ରହଣ’; ଜାଣନ୍ତୁ କିଭଳି ପ୍ରଭାବ ପଡିବ…

0

ନୂଆଦିଲ୍ଲୀ: ଚଳିତ ବର୍ଷର ଦ୍ୱିତୀୟ ତଥା ଶେଷ ‘ଚନ୍ଦ୍ର ଗ୍ରହଣ’ ନଭେମ୍ବର ୧୯ ତାରିଖରେ ଲାଗିବାକୁ ଯାଉଛି। ତେବେ ଏହା ପୂର୍ବରୁ ଗତ ମେ ମାସରେ ପ୍ରଥମ ଚନ୍ଦ୍ର ଗ୍ରହଣ ଲାଗି ସାରିଛି।

ଆଉ ଏବେ ଶେଷ ଚନ୍ଦ୍ର ଗ୍ରହଣ ନଭେମ୍ବର ୧୯ ତଥା କାର୍ତ୍ତିକ ପୂର୍ଣ୍ଣିମା ଅବସରରେ ପଡୁଛି । ଧର୍ମର ମାସ କାର୍ତ୍ତିକ ପୂର୍ଣ୍ଣିମାକୁ ନେଇ ଜ୍ୟୋତିଷ ଶାସ୍ତ୍ରରେ ଖୁବ୍ ମହତ୍ୱ ରହିଛି । ଏଭଳି ସ୍ଥଳେ ଚନ୍ଦ୍ର ଗ୍ରହଣ ଲୋକଙ୍କ ଜୀବନ ଉପରେ ପ୍ରଭାବ ମଧ୍ୟ ପକାଇବ।  ଏହା ଆଶିଂକ ଚନ୍ଦ୍ର ଗ୍ରହଣ ହୋଇଥିବାରୁ ଦେଶର ଅଧିକାଂଶ ସ୍ଥାନରେ ଦେଖାଯିବ ନାହିଁ। କେବଳ ଆସାମ ଓ ଅରୁଣାଚଳ ପ୍ରଦେଶର କିଛି ଅଂଶରେ ଦୃଶ୍ୟମାନ ହେବ।

ଚଳିତ ଥର ଆଶିଂକ ଚନ୍ଦ୍ର ଗ୍ରହଣ ପଡୁଥିବାରୁ ସୁତକ କାଳ ରହିବ ନାହିଁ। ଗଙ୍ଗା ସ୍ନାନ ଓ ଦୀପ ଦାନ ଭଳି ଧାର୍ମିକ କାର୍ଯ୍ୟ ଏହି ଦିନରେ କରିହେବ । ଜ୍ୟୋତିଷ ଶାସ୍ତ୍ର ଅନୁସାରେ ନଭେମ୍ବର ୧୯ ତାରିଖ ଶୁକ୍ରବାର ଦିନ ପଡୁଥିବା ଚନ୍ଦ୍ର ଗ୍ରହଣ ଭାରତୀୟ ସମୟାନୁସାରେ ସକାଳ ୧୧ଟା ୩୦ମି.ରୁ ଲାଗୁହୋଇ ସନ୍ଧ୍ୟା ୫ଟା ୩୩ମି.ରେ ସରିବ।

ତେବେ ବର୍ଷର ଶେଷ ଚନ୍ଦ୍ର ଗ୍ରହଣ ବୃଷ ରାଶିରେ ଲାଗିବାକୁ ଯାଉଛି। ଯେଉଁଥିପାଇଁ ଏହି ରାଶିର ବ୍ୟକ୍ତିଙ୍କୁ ସତର୍କ ରହିବାକୁ ପଡିବ । ଜ୍ୟୋତିଷ ଶାସ୍ତ୍ର ଅନୁସାରେ ଗ୍ରହଣ ପରେ ସେମାନଙ୍କୁ କିଛି ଦାନ କରିବାକୁ ପଡିବ । ଯାହା ଫଳରେ ଅଶୁଭ ପ୍ରଭାବ କିଛିଟା  କମ୍ ହେବ ।

ସର୍ବଦଳୀୟ ବୈଠକରେ କୋଟିଆ ପାଇଁ ଏକ ସ୍ୱର, ସରକାରଙ୍କୁ ବିରୋଧିଙ୍କ ପ୍ରଶଂସା

ଭୁବନେଶ୍ୱର: କୋଟିଆ ପାଇଁ ସମସ୍ତେ ଏକ ।  ମଙ୍ଗଳବାର ଓଡ଼ିଶା ଓ ଆନ୍ଧ୍ର ମୁଖ୍ୟମନ୍ତ୍ରୀଙ୍କ ଆଲୋଚନା ପରେ ଆଜି କୋରାପୁଟରେ ବସିଥିଲା ସର୍ବଦଳୀୟ ବୈଠକ । ଏହି ବୈଠକରେ ବିଜେଡି, ବିଜେପି ଓ କଂଗ୍ରେସର ନେତାମାନେ ସାମିଲ ହୋଇଥିଲେ । କୋଟିଆରେ ଲାଗି ରହିଥିବା ବିବାଦର ସମାଧାନ ପାଇଁ ଦୁଇ ରାଜ୍ୟର ମୁଖିଆ ଆଲୋଚନା କରିଥିବାରୁ ଏଥି ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କୃତଜ୍ଞତା ଜଣାଇଛନ୍ତି ତିନି ଦଳର ନେତା ।

ଆଗାମୀ ଦିନରେ ମୁଖ୍ୟ ଶାସନ ସଚିବ ସ୍ତରୀୟ ଆଲୋଚନାରେ କୋରାପୁଟ ଜିଲ୍ଲାର ସମସ୍ତ ତଥ୍ୟ ଭିତ୍ତିକ କାଗଜ ପତ୍ର ପ୍ରଦାନ କରାଯିବ । ଏଥି ପାଇଁ ସମସ୍ତ ସହଯୋଗ କରାଯିବ ବୋଲି ସର୍ବଦଳୀୟ ବୈଠକରେ ନିଷ୍ପତ୍ତି ହୋଇଛି । ମୁଖ୍ୟ ଶାସନ ସଚିବ ସ୍ତରୀୟ ଆଲୋଚନା ପୂର୍ବରୁ ସର୍ବଦଳୀୟ ବୈଠକର ଏକ ଟିମ୍ ଓଡିଶା ସରକାରଙ୍କ ମୁଖ୍ୟ ଶାସନ ସଚିବଙ୍କୁ ଭେଟି ଆଲୋଚନା କରିବା ପାଇଁ ପ୍ରସ୍ତାବ ଗୃହୀତ ହୋଇଛି ।

ବୈଠକରେ ଜୟପୁର ବିଧାୟକ ତାରା ବାହିନୀପତି , କୋରାପୁଟ ବିଧାୟକ ରଘୁରାମ ପଡାଲ , ପଟାଙ୍ଗି ବିଧାୟକ ପ୍ରୀତମ ପାଢ଼ୀ, ବିଜେପି ନେତା ଜୟରାମ ପାଙ୍ଗିଙ୍କ ସହ ସାମାଜିକ ସଙ୍ଗଠନ ଓ ବହୁ ବୁଦ୍ଧିଜୀବୀ ସାମିଲ ହୋଇଥିଲେ । କୋଟିଆ ପାଇଁ ସମସ୍ତ ଦଳ ଏକଜୁଟ ହୋଇଥିବାରୁ ସମସ୍ୟାର ସମାଧାନ ହେବା ନେଇ ଆଶା ସଞ୍ଚାର ହୋଇଛି ।

ନିଶା ଦହିୟା ଜୀବିତ, ହତ୍ୟା ଖବର ଗୁଜବ

ସୋନିପତ: ଜାତୀୟସ୍ତରର କୁସ୍ତିଯୋଦ୍ଧା ନିଶା ଦହିୟା ଓ ତାଙ୍କ ଭାଇ ସୁରକ୍ଷିତ ଅଛନ୍ତି । ନିଜେ ନିଶା ଏକ ଭିଡିଓ ପୋଷ୍ଟ କରି ସ୍ପଷ୍ଟ କରିଛନ୍ତି । ନିଶା ଓ ତାଙ୍କ ଭାଇଙ୍କୁ ଦୁର୍ବୃତ୍ତ ଗୁଳି କରି ହତ୍ୟା କରିଥିବା ଖବର ଜାତୀୟ ଗଣମାଧ୍ୟମରେ ପ୍ରସାରିତ ହୋଇଥିଲା । ଏହାପରେ ନିଶା ଭିଡିଓ ଜାରି କରି କହିଛନ୍ତି, ‘ମୁଁ ବଞ୍ଚିଛି । ମୋତେ କେହି ଗୁଳି କରି ହତ୍ୟା କରି ନାହାଁନ୍ତି । ମୋ ଭାଇ ବି ସଂପୂର୍ଣ୍ଣ ସୁରକ୍ଷିତ ଅଛି ।’

ସୂଚନାଯୋଗ୍ୟ, ଟିଭି ଚ୍ୟାନେଲଠାରୁ ଆରମ୍ଭ କରି ୱେବ୍ ସାଇଟର ଶିରୋନାମା ପାଲଟି ଥିଲା ନିଶାଙ୍କୁ ହତ୍ୟା କରାଯାଇଥିବା ଖବର । ହରିୟାଣାରେ ଏକ ଗୁଳିକାଣ୍ଡରେ ନିଶା ଦହିୟା ନାମକ ଜଣେ ଯୁବତୀଙ୍କ ମୃତ୍ୟୁ ହୋଇଥିବା ସୂଚନା ରହିଛି । ନାଁ ସମାନ ଥିବାରୁ ନ୍ୟାଶନାଲ ଚାମ୍ପିୟନ ନିଶାଙ୍କୁ ହତ୍ୟା କରାଯାଇଛି ବୋଲି ବିଭିନ୍ନ ଜାତୀୟ ଗଣମାଧ୍ୟମ ଖବର ପ୍ରସାରିତ କରିଥିଲେ ।

ନିଶା ନିକଟରେ ବିଶ୍ବ କୁସ୍ତି ଯୋଦ୍ଧା ପ୍ରତିଯୋଗୀତାରେ ବ୍ରୋଞ୍ଜ ମେଡାଲ୍ ପାଇଥିଲେ । ଏହାପୂର୍ବରୁ ସେ ଅନେକ ଜାତୀୟସ୍ତରର ପ୍ରତିଯୋଗୀତାରେ ନିଜ ପ୍ରତିଭା ଦେଖାଇ ସାରିଛନ୍ତି । ତେବେ ଆଜି ଏଭଳି ଏକ ଖବର ପ୍ରସାରଣ ଓ ଏହାକୁ ନିଶାଙ୍କ ଖଣ୍ଡନ ଏକ ରୋଚକ ପରିସ୍ଥିତି ସୃଷ୍ଟି କରିଥିଲା ।

ଟି-୨୦ ବିଶ୍ବକପ ସେମିଫାଇନାଲ; ଟସ୍ ଜିତିଲା ନ୍ୟୁଜିଲାଣ୍ଡ; ବ୍ୟାଟିଂ କରିବ ଇଂଲଣ୍ଡ

ଦୁବାଇ: ଚଳିତ ଟି-୨୦ ବିଶ୍ବକପରେ ଆଜି ପ୍ରଥମ ସେମିଫାଇନାଲ ଖେଳାଯାଉଛି । ଆବୁଧାବିର ଶେଖ ଜାୟଦ ଷ୍ଟାଡିୟମରେ ପ୍ରଥମ ସେମିଫାଇନାଲ ମ୍ୟାଚ ଖେଳାଯାଉଛି । ଏହି ମ୍ୟାଚରେ ମୁହାଁମୁହିଁ ହେଉଛନ୍ତି ଇଂଲଣ୍ଡ ଓ ନ୍ୟୁଜିଲାଣ୍ଡ । ତେବେ ଏହି ମ୍ୟାଚରେ ଟସ୍ ଜିତି ବୋଲିଂର ନିଷ୍ପତି ନେଇଛି ନ୍ୟୁଜିଲାଣ୍ଡ । ତେବେ ଚଳିତ ଟି-୨୦ ବିଶ୍ବକପର ଏହି ବଡ଼ ମ୍ୟାଚ ପୂର୍ବରୁ ଟିମ୍ ଇଂଲଣ୍ଡକୁ ଲାଗିଛି ଏକ ବଡ଼ ଝଟକା ।  ଇଂଲଣ୍ଡ ଦଳର ଷ୍ଟାର ବ୍ୟାଟ୍ସମ୍ୟାନ ଜେସନ ରାୟ ଆଘାତ କାରଣରୁ ବିଶ୍ବକପରୁ ବାହାରି ଯାଇଛନ୍ତି । ଯାହା ଫଳରେ ଆଜି ପ୍ରଥମ ସେମିଫାଇନାଲରେ ତାଙ୍କ ସ୍ଥାନରେ ଜୋଶ ବଟଲରଙ୍କ ସହ ଓପନିଂ କରିବେ ଜନି ବେୟାରଷ୍ଟୋ । ସେହିପରି ନ୍ୟୁଜିଲାଣ୍ଡ କଥା କହିବା ତାହାଲେ ସେମିଫାଇନାଲ ମ୍ୟାଚରେ ନ୍ୟୁଜିଲାଣ୍ଡ ପକ୍ଷରୁ କୌଣସି ପରିବର୍ତ୍ତନ କରାଯାଇନାହିଁ ।

ଅନ୍ୟପକ୍ଷରେ ଏହି ମ୍ୟାଚକୁ ଜିତି ଦିନିକିଆ ବିଶ୍ବକପର ଫାଇନାଲ ମ୍ୟାଚରେ ପରାଜୟର ବଦଲା ନେବାକୁ ଚେଷ୍ଟା କରିବ ନ୍ୟୁଜିଲାଣ୍ଡ । ୨୦୧୯ରେ ହୋଇଥିବା ଦିନିକିଆ ବିଶ୍ବକପରେ ନ୍ୟୁଜିଲାଣ୍ଡକୁ ସୁପର ଓଭରରେ ପରାସ୍ତ କରିଥିଲା । ତେବେ ସେହି ମ୍ୟାଚରେ ପରାଜୟର ପ୍ରତିଶୋଧ ନେବାକୁ ଆଜି ପଡ଼ିଆକୁ ଓହ୍ଲାଇବ ନ୍ୟୁଜିଲାଣ୍ଡ । ଅନ୍ୟପକ୍ଷରେ ଉଭୟ ଇଂଲଣ୍ଡ ଓ ନ୍ୟୁଜିଲାଣ୍ଡ ସବୁ କ୍ଷେତ୍ରରେ ଦମଦାର ପ୍ରଦର୍ଶନ କରିଛି ଏହି ଟୁର୍ଣ୍ଣାମେଣ୍ଟରେ । ତେଣୁ ଆଜିର ମ୍ୟାଚରେ କଡା ଟକ୍କର ଦେଖିବାକୁ ମିଳିବ ବୋଲି ଆଶା କରାଯାଉଛି ।

ମୁଖ୍ୟମନ୍ତ୍ରୀ ଉଦଘାଟନ କଲେ ‘ରକ୍ଷକ’, ତାଲିମ ନେବେ ୩୦ ହଜାର ଜୀବନ ରକ୍ଷାକାରୀ

ଭୁବନେଶ୍ୱର: ମୁଖ୍ୟମନ୍ତ୍ରୀ  ନବୀନ ପଟ୍ଟନାୟକ ଆଜି ଲୋକସେବା ଭବନର କନ୍‌ଭେନ୍‌ସନ ସେଣ୍ଟର ଠାରେ ସଡକ ସୁରକ୍ଷା ପାଇଁ ଏକ ଅଭିନବ ତାଲିମ କାର୍ଯ୍ୟକ୍ରମ ‘ରକ୍ଷକ’ର ଶୁଭାରମ୍ଭ କରିଛନ୍ତି । ରାଜ୍ୟ ପରିବହନ ବିଭାଗ ଦ୍ୱାରା ଆୟୋଜିତ ଏହି ତାଲିମ କାର୍ଯ୍ୟକ୍ରମରେ ୩୦ ହଜାର ପ୍ରଥମ ଜୀବନ ରକ୍ଷାକାରୀ (First Responder) ତାଲିମ ପାଇବେ। ୩୦୦ ପ୍ରଶିକ୍ଷକ ରାଜ୍ୟର ୩୦ଟି ଜିଲ୍ଲାରେ ୩୦ ସପ୍ତାହ ପାଇଁ ତାଲିମ ପ୍ରଦାନ କରିବେ । ଏହାଦ୍ବାରା ସଡକ ଦୁର୍ଘଟଣାର ଶିକାର ହେଉଥିବା ବ୍ୟକ୍ତି ମାନଙ୍କୁ ତୁରନ୍ତ ସହାୟତା ଓ ଚିକିତ୍ସା ମିଳିପାରିବ ଓ ଅନେକ ଜୀବନ ବଞ୍ଚାଯାଇ ପାରିବ ବୋଲି ମୁଖ୍ୟମନ୍ତ୍ରୀ  ଆଶାପ୍ରକାଶ କରିଛନ୍ତି ।

କାର୍ଯ୍ୟକ୍ରମରେ ନିଜର ଅଭିଭାଷଣ ରଖି ମୁଖ୍ୟମନ୍ତ୍ରୀ କହିଥିଲେ ଯେ ସଡକ ଦୁର୍ଘଟଣା କେବଳ ଜଣେ ବ୍ୟକ୍ତି ବା ଗୋଟିଏ ପରିବାରର କ୍ଷତି ନୁହେଁ। ଏହା ସମାଜର କ୍ଷତି । ତେଣୁ ଏହାକୁ ରୋକିବା ପାଇଁ ଆମେ ସମସ୍ତେ ଏକାଠି ହୋଇ କାମ କରିବା ଦରକାର ବୋଲି ସେ ମତବ୍ୟକ୍ତ କରିଥିଲେ। ମୁଖ୍ୟମନ୍ତ୍ରୀ ପୁଣି କହିଥିଲେ ଯେ ଏ କ୍ଷେତ୍ରରେ ଡ୍ରାଇଭର ମାନଙ୍କର ଯେତିକି ଦାୟିତ୍ବ, ସଡକ ବ୍ୟବହାର କରୁଥିବା ବ୍ୟକ୍ତିର ମଧ୍ୟ ସେତିକି ଦାୟିତ୍ବ । ତା ସହିତ ଦୁର୍ଘଟଣା ସ୍ଥଳରେ ଥିବା ଅନ୍ୟ ଲୋକମାନଙ୍କର ମଧ୍ୟ ବିଶେଷ ଦାୟିତ୍ବ ରହିଛି। ତେଣୁ ସେମାନେ ସାମାନ୍ୟ ସହଯୋଗ କଲେ, ଅନେକ ଜୀବନ ରକ୍ଷା ହୋଇପାରିବ ଓ ଅନେକ ପରିବାର ଦୁର୍ଦ୍ଦିନରୁ ରକ୍ଷା ପାଇପାରିବେ ବୋଲି ସେ କହିଥିଲେ।

ତାଲିମ ବ୍ୟବସ୍ଥା ଉପରେ ଆଲୋକପାତ କରି ମୁଖ୍ୟମନ୍ତ୍ରୀ କହିଲେ ଯେ ଆପଣମାନେ ହେଉଛନ୍ତି ଜଣେ ଜଣେ ଉତ୍ତମ ନାଗରିକ (Good Samaritan)। ଦୁର୍ଘଟଣାର ପ୍ରଥମ ଏକ ଘଣ୍ଟା ସବୁଠାରୁ ଗୁରୁତ୍ବପୂର୍ଣ୍ଣ । ଏହି ସମୟରେ ଆମେ ଯଦି ତୁରନ୍ତ ଚିକିତ୍ସା କରିବା, ତେବେ ଆମେ ଅନେକ ଜୀବନ ରକ୍ଷା କରିପାରିବା ବୋଲି ସେ କହିଥିଲେ।ବିପଦରେ ଥିବା ଲୋକର ଜୀବନ ବଞ୍ଚାଇବା ଠାରୁ ବଡ ପୁଣ୍ୟ କିଛି ନାହିଁ ବୋଲି ମତ ଦେଇ ମୁଖ୍ୟମନ୍ତ୍ରୀ କହିଥିଲେ ଯେ ସଡକ ଦୁର୍ଘଟଣାର ଶିକାର ହେଉଥିବା ଲୋକ ମାନଙ୍କୁ ସାହାଯ୍ୟ ପାଇଁ ଆଗେଇ ଆସୁଥିବା ଲୋକକୁ ୨୦୦୦ ଟଙ୍କା ସହାୟତା ଦେବାର ବ୍ୟବସ୍ଥା କରାଯାଇଛି । ଏହାସହିତ ଦୁର୍ଘଟଣାର ଶିକାର ହୋଇଥିବା ବ୍ୟକ୍ତି ମାନଙ୍କର ଚିକିତ୍ସା ପାଇଁ ରାଜ୍ୟ ସରକାର ୧୪୭ କୋଟି ଟଙ୍କାର ଏକ ପାଣ୍ଠି ଗଠନ କରିଛନ୍ତି ।

ସଡକ ଦୁର୍ଘଟଣା ରୋକିବା ପାଇଁ ସରକାରଙ୍କ ଏ ଉଦ୍ୟମରେ ସହଯୋଗ କରିବା ପାଇଁ ମୁଖ୍ୟମନ୍ତ୍ରୀ ନିବେଦନ କରିଥିଲେ । ବିଭିନ୍ନ ଅଣ-ସରକାରୀ ସଂଗଠନ (NGO) ମାନେ ସଡକ ଦୁର୍ଘଟଣା ସମୟରେ ତୁରନ୍ତ ସହାୟତା ଯୋଗାଇଦେବା ଓ ସଚେତନତା ସୃଷ୍ଟି କ୍ଷେତ୍ରରେ ଯେଉଁ ଉଦ୍ୟମ କରୁଛନ୍ତି, ମୁଖ୍ୟମନ୍ତ୍ରୀ ତାର ଉଚ୍ଚ ପ୍ରଶଂସା କରିଥିଲେ। ସେମାନଙ୍କର ଏହି ଉଦ୍ୟମ ସଫଳ ହେବ ଓ ଦୁର୍ଘଟଣାଜନିତ ମୃତ୍ୟୁ ସଂଖ୍ୟା କମିପାରିବ ବୋଲି ମୁଖ୍ୟମନ୍ତ୍ରୀ ଆଶାପ୍ରକାଶ କରିଥିଲେ । ଏହି ତାଲିମ କାର୍ଯ୍ୟକ୍ରମ ପାଇଁ ପରିବହନ ବିଭାଗକୁ ଧନ୍ୟବାଦ ଦେବା ସହିତ ରାଜ୍ୟସ୍ତରରେ ଏଭଳି କାର୍ଯ୍ୟକ୍ରମ ପ୍ରଥମ ବୋଲି କହିଥିଲେ । ତାଲିମ କାର୍ଯ୍ୟକ୍ରମ ଶେଷ ହେବା ପରେ ସଡକ ସୁରକ୍ଷା କ୍ଷେତ୍ରରେ ବହୁତ ଉନ୍ନତି ଆସିପାରିବ ବୋଲି ମୁଖ୍ୟମନ୍ତ୍ରୀ କହିଥିଲେ ।

କାର୍ଯ୍ୟକ୍ରମରେ ଯୋଗ ଦେଇଥିବା ବିଭିନ୍ନ ସ୍ବେଚ୍ଛାସେବୀ, ରେଡକ୍ରସ ଓ ଅନ୍ୟାନ୍ୟ ସଂସ୍ଥା ମାନଙ୍କୁ ମୁଖ୍ୟମନ୍ତ୍ର ଧନ୍ୟବାଦ ଦେଇ ଜୀବନ ରକ୍ଷା କ୍ଷେତ୍ରରେ ସମସ୍ତଙ୍କ ସହଯୋଗ କାମନା କରିଥିଲେ । କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ରକ୍ଷକ ତାଲିମ କାର୍ଯ୍ୟକ୍ରମର ଲୋଗୋ ଉନ୍ମୋଚନ କରିବା ସହିତ ଏହାର ୱେବସାଇଟ OPTICS ଉଦ୍‌ଘାଟନ କରିଥିଲେ । ତାଲିମରେ ଯୋଗ ଦେଇଥିବା first responder ମାନଙ୍କୁ କିଟ୍‌ ଓ ଟି-ସାର୍ଟ ବଣ୍ଟନ କରିଥିଲେ । ଏହି କାର୍ଯ୍ୟକ୍ରମରେ ଯୋଗ ଦେଇ ବାଣିଜ୍ୟ ଓ ପରିବହନ ମନ୍ତ୍ରୀ  ପଦ୍ମନାଭ ବେହେରା ସଡକ ଦୁର୍ଘଟଣା ରୋକିବା ପାଇଁ ରାଜ୍ୟ ସରକାରଙ୍କ ପକ୍ଷରୁ ନିଆଯାଉଥିବା ବିଭିନ୍ନ କାର୍ଯ୍ୟକ୍ରମ ସଂପର୍କରେ ଆଲୋକପାତ କରିଥିଲେ ।