spot_img
Home Blog Page 5115

ରାବିଡ଼ି ଖାଇଲେ ମୁଖ୍ୟମନ୍ତ୍ରୀ, କହିଲେ ବହୁତ ବଢ଼ିଆ

କଟକ: ରାବିଡ଼ି ଖାଇଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କହିଲେ ବହୁତ ବଢ଼ିଆ । ଆଜି କଟକ ଅରିଲୋରେ ଓମଫେଡ ମେଗା ଠାଏରୀ ଫାର୍ମ ଉଦଘାଟନ କରିଥିଲେ । ଏହାସହ ଅତ୍ୟାଧୁନିକ ମେଗା ଡାଏରୀ ପ୍ଲାଣ୍ଟ ପରିଦର୍ଶନ କରିଥିଲେ । ଏହି ଅବସରରେ ଡାଏରୀ ଫାର୍ମ ତରଫରୁ ମୁଖ୍ୟମନ୍ତ୍ରୀଙ୍କୁ ପ୍ଲାଣ୍ଟରେ ପ୍ରସ୍ତୁତ ଦହି ଓ ରାବିଡ଼ି ଦିଆଯାଇଥିଲା । ମୁଖ୍ୟମନ୍ତ୍ରୀ ରାବିଡ଼ି ଖାଇବା ପରେ ଏହାର ସ୍ବାଦକୁ ବହୁତ ପ୍ରଶଂସା କରିଥିଲେ । ଏହାସହ ପୂର୍ବ ଭାରତର ଏହି ପ୍ଲାଣ୍ଟର ଅତ୍ୟାଧୁନିକ ପ୍ରଣାଳିକୁ ପ୍ରଶଂସା କରିଥିଲେ ।

ଓଡ଼ିଶାରେ ଦୁଗ୍ଧ ଉତ୍ପାଦନର ଏକ ନୂଆ ଯୁଗ ଆରମ୍ଭ ହୋଇଛି । ପ୍ଲାଣ୍ଟରୁ ଦୈନିକ ୫ଲକ୍ଷ ଲିଟର ଦୁଗ୍‌ଧ ଉତ୍ପାଦନ ହେବ । ପରେ ୧୦ ଲକ୍ଷ ଲିଟରକୁ ବୃଦ୍ଧି ପାଇବ ଉତ୍ପାଦନ । ଦୈନିକ ୨ ଲକ୍ଷ ଲିଟର ଗୁଣ୍ଡ ଦୁଗ୍‌ଧ ଉତ୍ପାଦିତ ହେବ । ଦୁଗ୍‌ଧ ପ୍ରକ୍ରିୟାକରଣ ପ୍ଲାଣ୍ଟ ପାଇଁ ୨୬୩ କୋଟି ଟଙ୍କା ବ୍ୟୟ ହୋଇଛି । ଏଥିରେ ନିଯୁକ୍ତି ବଢିବା ସହ ୬ ଲକ୍ଷ ଦୁଗ୍‌ଧ ଚାଷୀ ଉପକୃତ ହେବେ । ସ୍କୁଲ, କଲେଜ, ଛାତ୍ରଛାତ୍ରୀଙ୍କ ସହ ବହୁ ପରିଦର୍ଶକ ବୁଲି ପାରିବେ । ମତ୍ସ୍ୟ ଓ ପ୍ରାଣୀ ସମ୍ପଦ ବିକାଶ ବିଭାଗ ପକ୍ଷରୁ ପ୍ରତିଷ୍ଠା ହୋଇଥିବା ଏହି ପ୍ଲାଣ୍ଟ ରାଜ୍ୟରେ ଦୁଗ୍ଧ ଓ ଦୁଗ୍ଧ ଜାତ ସାମଗ୍ରୀ ଉତ୍ପାଦନ, ବଣ୍ଟନ ଓ ନିଯୁକ୍ତି କ୍ଷେତ୍ରରେ ଅଧିକ ସୁଯୋଗ ସୃଷ୍ଟି କରିବ ।

ପ୍ଳାଣ୍ଟର ଲୋକାର୍ପଣ କରି ମୁଖ୍ୟମନ୍ତ୍ରୀ ଖୁସି ବ୍ୟକ୍ତ କରିବା ସହ ଓମ୍‌ଫେଡର ବିକାଶରେ ପ୍ରାୟ ୩ ଲକ୍ଷ ଚାଷୀଙ୍କ ଅବଦାନ ରହିଥିବା କହିଛନ୍ତି ମୁଖ୍ୟମନ୍ତ୍ରୀ । ସେ ଆହୁରି କହିଛନ୍ତି, ‘ଚାଷୀଙ୍କ ସ୍ୱର୍ଥ ରକ୍ଷା ପାଇଁ ଓମଫେଡ୍ କାର୍ଯ୍ୟ କରିଆସୁଛି । ପ୍ଳାଣ୍ଟରୁ ଦୈନିକ ୫ ଲକ୍ଷ ଲିଟର ଦୁଗ୍ଧ ପ୍ରସେସିଂ କରାଯିବା ସହ, ସ୍କିମ୍ଡ ମିଲ୍ , ପନୀର ଓ ଫ୍ଳେଭର ମିଲ୍କ ମଧ୍ୟ ଉତ୍ପାଦନ କରାଯିବ । ଏହା ଚାଷୀଙ୍କ ରୋଜଗାର ବଢ଼ାଇବ । ସବୁ କାର୍ଯ୍ୟକ୍ରମର ଲକ୍ଷ୍ୟ ଚାଷୀଙ୍କ ଆୟ ବଢ଼ାଇବା ।’

ପ୍ରସେସିଂ ପ୍ଳାଣ୍ଟ ଆଦି ନିର୍ମାଣ ପାଇଁ ରାଜ୍ୟ ସରକାର ୫୦ ଲକ୍ଷ ଟଙ୍କା ପର୍ଯ୍ୟନ୍ତ ସବସିଡି ଦିଆଯାଉଥିବା କହିଛନ୍ତି ମୁଖ୍ୟମନ୍ତ୍ରୀ । କରୋନା କାଳରେ ଦୁଗ୍ଧ ଚାଷୀଙ୍କୁ ରାଜ୍ୟ ସରକାର ୬ ହଜାର ଟଙ୍କା ଲେଖାଏଁ ସହାୟତ ଯୋଗାଇ ଦେଇଥିବା ମୁଖ୍ୟମନ୍ତ୍ରୀ କହିବା ସହ ସରକାର ଚାଷୀଙ୍କ ସହ ଅଛନ୍ତି ବୋଲି ଆଶ୍ୱାସନା ଦେଇଛନ୍ତି ।

ପୁଷ୍ଟି ନିରାପତ୍ତାରେ ଦୁଗ୍ଧର ଗୁରୁତ୍ୱ ବିଷୟରେ ଉଲ୍ଲେଖ କରି ମୁଖ୍ୟମନ୍ତ୍ରୀ ଦୁଗ୍ଧ ଉତ୍ପାଦନ ବୃଦ୍ଧି ପାଇଁ ଆହ୍ୱାନ ଜଣାଇଥିଲେ ଏବଂ ଶ୍ୱେତ ବିପ୍ଳବ ଆଣିବା ପାଇଁ ସରକାରଙ୍କ ଉଦ୍ୟମରେ ସମସ୍ତଙ୍କର ସହଯୋଗ କାମନା କରିଥିଲେ । ରାଜ୍ୟରେ ଓମ୍‌ଫେଡ୍‌ର ଦୁଗ୍ଧ ସଂଗ୍ରହ କ୍ଷମତା ଦୈନିକ ୧୦ ଲକ୍ଷ ଲିଟରକୁ ବୃଦ୍ଧି କରିବାକୁ ଲକ୍ଷ୍ୟ ରଖାଯାଇଛି ବୋଲି ମୁଖ୍ୟମନ୍ତ୍ରୀ ପ୍ରକାଶ କରିଥିଲେ ।

ସୂଚନାଯୋଗ୍ୟ, ଦୁଇ ଦଶକରେ ରାଜ୍ୟରେ ଦୁଗ୍ଧ ଉତ୍ପାଦନ ତିନିଗୁଣ ବୃଦ୍ଧି ପାଇଛି । ୨୦୦୦ ମସିହାରେ ରାଜ୍ୟରେ ଦୁଗ୍ଧ ଉତ୍ପାଦନ ୮ ଲକ୍ଷ ୭୫ ହଜାର ମେଟ୍ରିକ ଟନ୍‌ ଥିବାବେଳେ ୨୦୨୦ରେ ଏହା ୨୩ ଲକ୍ଷ ୭୦ ହଜାର ମେଟ୍ରିକ ଟନ୍‌କୁ ବୃଦ୍ଧି ପାଇଛି । ବର୍ତ୍ତମାନ ଓମ୍‌ଫେଡ୍‌ ଦ୍ୱାରା ଦୈନିକ ସଂଗୃହିତ ୫ ଲକ୍ଷ ଲିଟର ଦୁଗ୍ଧ ଓମ୍‌ଫେଡ୍‌ର ୪୦୫ଟି ଶୀତଳୀକରଣ କେନ୍ଦ୍ରରେ କରାଯାଉଛି ଏବଂ ୧୩ ଟି ପ୍ଲାଣ୍ଟରେ ପ୍ରକ୍ରିୟାକରଣ କରାଯାଉଛି ।

୨୦୨୨ ବେଳକୁ ଦେଖାଦେବ ସିରିଞ୍ଜ ସମସ୍ୟା, ଚେତାବନୀ ଦେଲା WHO

ନୂଆଦିଲ୍ଲୀ: କରୋନା ସଂକ୍ରମଣକୁ ଦୂରେଇବା ପାଇ ସାରା ଦେଶରେ ଟିକାକରଣକୁ ଗୁରୁତ୍ୱ ଦିଆଯାଇଛି । ଅନେକ ସମୟରେ ଟିକା ଅଭାବ ଭଳି ସମସ୍ୟା ମଧ୍ୟ ଦେଖାଦେଇଥିବା ବେଳେ ସମସ୍ୟା ଦୂର ମଧ୍ୟ ହୋଇଛି। ଏହାମଧ୍ୟରେ ଦେଖାଦେଇଛି ସିରିଞ୍ଜ ସମସ୍ୟା । ଖାଲି ଏତିକି ନୁହେଁ ଆସନ୍ତା ବର୍ଷ ବିଶ୍ୱରେ ବ୍ୟାପକ ସିରିଞ୍ଜ ଅଭାବ ଦେଖାଦେଇପାରେ ବୋଲି ଚର୍ଚ୍ଚା ହେଉଛି।

ଆସନ୍ତାବର୍ଷ ବିଶ୍ୱରେ ପ୍ରାୟ ୨୦୦ କୋଟି ସିରିଞ୍ଜ ଆବଶ୍ୟକତା ଥିବା ବେଳେ, ସେହି ପରିମାଣର ସିରିଞ୍ଜ ଉତ୍ପାଦିତ ହେବାର ସମ୍ଭାବନା ନାହିଁ ବୋଲି ଆଶଙ୍କା କରିଛି ବିଶ୍ୱ ସ୍ୱାସ୍ଥ୍ୟ ସଂଗଠନ । ଏହା ଯୋଗୁ ଟିକା ଦାନ ପ୍ରକ୍ରିୟା ମଧ୍ୟ ବାଧାପ୍ରାପ୍ତ ହେବ ବୋଲି କହିଛି WHO । ସଂଗଠନର ବରିଷ୍ଠ ପରାମର୍ଶଦାତା ଲିସା ହେଡମ୍ୟାନ କହିଛନ୍ତି- ବିଶ୍ୱରେ ଟିକା ଉତ୍ପାଦନ ପ୍ରକ୍ରିୟା ବଢିଥିବାବେଳେ ସେହି ଅନୁପାତରେ ସିରିଞ୍ଜ ଉତ୍ପାଦନ ବଢିନାହିଁ । ଟିକା ଅନୁସାରେ ସିରିଞ୍ଜ ଉତ୍ପାଦନ ମଧ୍ୟ ବଢାଇବା ଦରକାର ବୋଲି ସେ କହିଛନ୍ତି।

ବର୍ତ୍ତମାନ ସୁଦ୍ଧା ବିଶ୍ୱରେ ୭୨୫ କୋଟି କୋଭିଡ ଟିକା ଦିଆଗଲାଣି । ଜନସଂଖ୍ୟା ବଢିବା ସହ କୋଭିଡ ଡୋଜ ବଢୁଥିବା ବେଳେ ସେହି ଅନୁପାତରେ ସିରିଞ୍ଜ ସଂଖ୍ୟା ମଧ୍ୟ ବଢିବ । ପୁଣି ପିଲାଙ୍କୁ ଟିକାଦାନ ପ୍ରକ୍ରିୟା ଚାଲିଥିବାରୁ ସିରିଞ୍ଜର ବ୍ୟାପକ ଆବଶ୍ୟକତା ରହିଛି ବୋଲି ସେ କହିଛନ୍ତି । ଯଦି ଟିକାଦାନ ଲାଗି ଉନ୍ନତମାନର ସିରିଞ୍ଜର ଅଭାବ ରୁହେ ତେବେ ଅଣନିରାପଦ ସିରିଞ୍ଜ ବ୍ୟବହାର କରାଯିବାର ଆଶଙ୍କା ରହିଛି ବୋଲି ସେ କହିଛନ୍ତି । ରପ୍ତାନୀ ଉପରେ କଟକଣା ଜାରି ହେଲେ ଆଗକୁ ଆହୁରି ବଡ ସମସ୍ୟା ସୃଷ୍ଟି ହୋଇପାରେ ବୋଲି ସେ ଚେତାବନୀ ଦେଇଛନ୍ତି ।

୨୨ ଘଣ୍ଟା ପରେ ସରିଲା ଭିଜିଲାନ୍ସ ଚଢ଼ାଉ; କୋଟି କୋଟି ଟଙ୍କାର ସମ୍ପତ୍ତି ଠାବ

ଭୁବନେଶ୍ବର: କୁବେର ଅଧିକାରୀଙ୍କ କଳା ସାମ୍ରାଜ୍ୟ। ଯେତେ ଗଣିଲେ ସେତେ ବାହାରୁଛି। କୋଟି କୋଟି ଟଙ୍କାର ସଂପତ୍ତି ଆକଳନ କରୁଛି ଭିଜିଲାନ୍‌ସ। ଲଗାତର ୨୨ଘଣ୍ଟା ରେଡ୍ ପରେ ଭୋର ୩ଟାରେ ସରିଲା ଯାଞ୍ଚ ପ୍ରକ୍ରିୟା । ଯାଞ୍ଚ ବେଳେ ସାମ୍ନାକୁ ଆସିଛି ପୋଲିସ ହାଉସିଂ କର୍ପୋରେସନର ଉପପ୍ରବନ୍ଧକ ପ୍ରତାପ ସାମଲଙ୍କ ଆୟ ବହିର୍ଭୂତ ସମ୍ପତ୍ତିର ତାଲିକା। ୩କୋଟି ୪୧ଲକ୍ଷ ୫୮ହଜାର ୪୧୨ର ୨୫ଟି ପ୍ଲଟ୍ ରହିଛି ପ୍ରତାପଙ୍କ ନାଁରେ । ଗୋଠପାଟଣାରେ ଥିବା ୫ମହଲା ବିଶିଷ୍ଟ ବହୁତଳ ପ୍ରାସାଦର ମୂଲ୍ୟ ହେବ ୩କୋଟି ୮୯ଲକ୍ଷ ୬୦ ହଜାର । ଅନ୍ୟ ପ୍ଲଟ୍ ଓ ବିଲଡିଂର ମୂଲ୍ୟ ଏଯାଏ ନିରୂପଣ ହୋଇନି । ଓଡ଼ିଶା ଭିଜିଲାନ୍ସର ଟେକନିକାଲ ୱିଙ୍ଗ ମୂଲ୍ୟାୟନ ଜାରି ରଖିଛନ୍ତି ।

ପ୍ରତାପ ଓ ତାଙ୍କ ପରିବାର ନାଁରେ ଥିବା ୧୧ଟି ବ୍ୟାଙ୍କ ଆକାଉଣ୍ଟରେ ରହିଛି କୋଟିଏ ୬୧ ଲକ୍ଷ ୩୫ ହଜାର ୮୧୨ । ବ୍ୟାଙ୍କ ଆକାଉଣ୍ଟ ସିଜ୍ କରାଯାଇଛି । ୫୭ଲକ୍ଷ ୭୨ହଜାର ୧୫୦ଟଙ୍କାର ବୀମା ରହିଛି ପ୍ରତାପଙ୍କ ନାଁରେ । ପ୍ରତାପଙ୍କୁ ଅଟକ ରଖି ପଚାଉଚରା କରୁଛି ଭିଜିଲାନ୍ସ । ୩୩ ବର୍ଷର ଚାକିରି କାର୍ଯ୍ୟକାଳ ଭିତରେ ସେ ଏତେ ଆୟ ବହିର୍ଭୁତ ସମ୍ପତ୍ତିର କିଭଳି ମାଲିକ ହେଲେ ସେନେଇ ତଦନ୍ତ ଚଳାଇଛି ଭିଜିଲାନ୍ସ।

ଗତକାଲି ୧୦ଟି ସ୍ଥାନରେ ଭିଜିଲାନ୍ସ ରେଡ୍ କରିଥିଲା । ଆଇଆରସି ଭିଲେଜ ସ୍ଥିତ ଘରେ ଚଢ଼ାଉ ବେଳେ ଟିଭି ପେଟି ଭିତରେ ୩୬ ଲକ୍ଷ ନଗଦ ଟଙ୍କା ପଡୋଶୀ ଘରକୁ ଫୋପାଡିବା ବେଳେ ମାଡି ବସିଥିଲା ଭିଜିଲାନ୍‌ସ। ପ୍ରତାପ, ତାଙ୍କ ପୁଅ ଓ ସ୍ତ୍ରୀଙ୍କ ନାଁରେ ଭୁବନେଶ୍ୱରରେ ୧୭ଟି ପ୍ଲଟ ସହ ୨ଟି ବିଲ୍ଡିଂ ରହିଛି । ଭଦ୍ରକ ବାସୁଦେବପୁରରେ ୫ଟି ପ୍ଲଟ ଓ ଗୋଟିଏ ଘର ଠାବ କରିଥିଲା ଭିଜିଲାନ୍ସ । ସେହିପରି ଅଧ କେଜିଏ ସୁନା ମଧ୍ୟ ଜବତ ହୋଇଛି ।

ଇସଲାମାବାଦରେ ନିର୍ମାଣ ହେବ ପ୍ରଥମ ହିନ୍ଦୁ ମନ୍ଦିର; ବହୁ ବିବାଦ ପରେ ମିଳିଲା ଅନୁମତି

ଇସଲାମାବାଦ: ପାକିସ୍ତାନ ରାଜଧାନୀ ଇସଲାମାବାଦରେ ନିର୍ମାଣ ହେବ ପ୍ରଥମ ହିନ୍ଦୁ ମନ୍ଦିର । କିଛି ଦିନ ପୂର୍ବେ ପାକିସ୍ତାନ ରାଜଧାନୀ ଇସଲାମାବାଦରେ ବିବାଦ ଦେଖିବାକୁ ମିଳିଥିଲା । ଯେତେବେଳେ ହିନ୍ଦୁ ସମୁଦାୟଙ୍କ ପାଇଁ ଆବଣ୍ଟିତ ହୋଇଥିବା ଜମିକୁ ରଦ୍ଧ କରାଯିବା ପରେ ସୃଷ୍ଟି ହୋଇଥିଲା ଏହି ବିବାଦ । ହିନ୍ଦୁଙ୍କ ଆବଣ୍ଟିତ ହୋଇଥିବା ଜମିରେ ମନ୍ଦିର, ଶ୍ମଶାନ ଘାଟ ଓ ସାମୁଦିୟକ କେନ୍ଦ୍ର ନିର୍ମାଣ ହେବାର ଥିଲା । ତେବେ ଏହି ଘଟଣା ଉପରେ ଆଲୋଚନା ପରେ ଏହି ଜମିକୁ ପୁଣି ଥରେ ହିନ୍ଦୁ ସମୁଦାୟଙ୍କୁ ଆବଣ୍ଟିତ କରାଯାଇଥିଲା । ଡୋନ୍ ନ୍ୟୁଜ ପେପରର ଏକ ରିପୋର୍ଟ ଅନୁସାରେ ରାଜଧାନୀ ବିକାଶ ପ୍ରାଧିକରଣ ଇସଲାମାବାଦ ହାଇକୋର୍ଟରେ ଏକ ମାମଲାରେ ଶୁଣାଣି ସମୟରେ କ୍ୟାପିଟାଲ ଡେଭଲପମେଣ୍ଟ ଅଥରିଟି ସୋମବାର କୋର୍ଟରେ କହିଛନ୍ତି କି ହିନ୍ଦୁ ସମ୍ପ୍ରଦାୟକୁ ଦିଆଯାଇଥିବା ଜମିକୁ ବାତିଲ କରାଯାଇଛି । ସିଡତିଏର ପରାମର୍ଶଦାତା ଜାଭେଦ ଇକବାଲ କୋର୍ଟଙ୍କୁ କହିଛନ୍ତି କି ନାଗରିକ ଏଜେନ୍ସି ଚଳିତ ବର୍ଷ ଫେବୃଆରୀରେ ହିନ୍ଦୁ ସମ୍ପ୍ରାଦାୟ ପାଇଁ ଜମି ବାତିଲ କରିସାରିଛି ।

ରିପୋର୍ଟ ଅନୁଯାୟୀ ୨୦୧୬ରେ ଇସଲାମାବାଦରେ ୦.୫ ଏକର ଜମି ହିନ୍ଦୁ ସମ୍ପ୍ରଦାୟଙ୍କୁ ଦିଆଯାଇଥିଲା । ଏହି ଜମିରେ ହିନ୍ଦୁ ମନ୍ଦିର, ଶ୍ମଶାନ ଓ ସମ୍ପ୍ରଦାୟିକ  କେନ୍ଦ୍ର ନିର୍ମାଣ କରାଯାଇଥାନ୍ତା । ଜମି ଆବଣ୍ଟନ ବାତିଲ ହେବା ପେ ପାକିସ୍ତାନୀ ସୋସିଆଲ ମିଡିଆରେ ହିନ୍ଦୁ ସମ୍ପ୍ରଦାୟ କ୍ରେଧ ପ୍ରକାଶ କରିଥିଲେ । ଏହି ପ୍ରସଙ୍ଗରେ ସିଡିଏ ମୁଖପାତ୍ର ଆସିଫ ରାଜା କହିଛନ୍ତି ଯେ ସରକାରଙ୍କ ନିଷ୍ପତି ପରେ ବିଭିନ୍ନ କାର୍ଯ୍ୟାଳୟ, ବିଶ୍ବବିଦ୍ୟାଳୟ ଏବଂ ଅନ୍ୟାନ ଅନୁଷ୍ଠାନକୁ ଦିଆଯାଇଥିବା ଜମି ଆବଣ୍ଟନ ବାତିଲ କରାଯାଇଛି । ଯେଉଁ ଜମିରେ କୌଣସି ନିର୍ମାଣ କାର୍ଯ୍ୟ ଆରମ୍ଭ ହୋଇନାହିଁ ସେ ସବୁ ଜମିକୁ ବାତିଲ କରାଯାଇଛି । କିନ୍ତୁ ନାଗରିକ ଏଜେନ୍ସି ସମ୍ପୃକ୍ତ ଅଧିକାରୀମାନେ କ୍ୟାବିନେଟର ଏହି ନିଷ୍ପତିକୁ ଭୁଲ ବୁଝିଥିଲେ । ଏହି କାରଣରୁ ହିନ୍ଦୁ ସମ୍ପ୍ରଦାୟକୁ ଦିଆଯାଇଥିବା ଜମି ମଧ୍ୟ ବାତିଲ କରାଯାଇଥିଲା । ସେ ଆହୁରି କହିଛନ୍ତି କି ଯେହେତୁ ମନ୍ଦିର ପାଇଁ ଆବଣ୍ଟିତ ଜମିରେ ସୀମା ପ୍ରଚୀର ନିର୍ମାଣ ପାଇଁ ଅନୁମୋଦନ ମିଳିସାରିଛି  । ତେଣୁ ଏହି ଜମିକୁ ବାତିଲ କରାଯାଇପାରିବ ନାହିଁ । ଯେଉଁ ଜମିରେ ନିର୍ମାଣ କାର୍ଯ୍ୟ କରାଯାଇ ନାହିଁ ସେହି ସବୁ ଜମିକୁ ବାତିଲ କରାଯାଇଛି । ତେବେ ଏପରି ଘଟଣାରେ କାହରି ଉଦ୍ଦେଶ୍ୟ ନାହିଁ । କ୍ୟାବିନେଟର ନିଷ୍ପତି ପାଇଁ କିଛି ଦ୍ବନ୍ଦ ସୃଷ୍ଟି ହୋଇଥିଲା । ତେବେ ଏହି ମାମଲାରେ ଉଚ୍ଚ ପଦକ୍ଷେପଙ୍କ ହସ୍ତକ୍ଷେପ ପରେ ଜମି ଆବଣ୍ଟନ ପୁନଃସ୍ଥାପିତ ହୋଇଛି ।

ସୂଚନାଯୋଗ୍ୟ ଯେ ଗତବର୍ଷ ଜୁଲାଇରେ ପାକିସ୍ତାନର କଟରପନ୍ଥୀ ଗୋଷ୍ଠୀ ଇସଲାମାବାଦରେ ସରକାରୀ ଅର୍ଥରେ ଏକ ହିନ୍ଦୁ ମନ୍ଦିର ନିର୍ମାଣ କାର୍ଯ୍ୟକୁ ସମାଲୋଚନା କରିଥିଲେ ଏବଂ ଏହି କାରଣରୁ ସିଡିଏ ଉକ୍ତ ସ୍ଥାନରେ ନିର୍ମାଣକୁ ବନ୍ଦ କରିଥିଲା । ତେବେ ଗତବର୍ଷ ଡିସେମ୍ବରରେ ଏହି ଜମିର ସୀମା ପ୍ରାଚୀର ନିର୍ମାଣ ପାଇଁ ଅନୁମତି ଦିଆଯିବା ପରେ ଏହି ସମସ୍ୟାର ସମାଧାନ କରାଯାଇଥିଲା । ଇସଲାମାବାଦର ସୟଦପୁର ଗ୍ରାମରେ ପୂର୍ବରୁ ଏକ ମନ୍ଦିର ଥିଲା, କିନ୍ତୁ ସେହି ମନ୍ଦିରକୁ ଦଶନ୍ଧି ପୂର୍ବରୁ ନଷ୍ଟ ହୋଇଯାଇଥିଲା ।

ବିବାହ କରିବେ ରାଜକୁମାର ରାଓ, ୩ ଦିନ ପରେ ପ୍ରେମିକାଙ୍କ ହାତ ଧରିବେ

ବିବାହକୁ ଆଉ ମାତ୍ର ତିନି ଦିନ ବାକି । ହାତକୁ ଦି ହାତ ହେବେ ବଲିଉଡ ଅଭିନେତା ରାଜକୁମାର ରାଓ । ରିପୋର୍ଟ ଅନୁସାରେ ଚଣ୍ଡିଗଡ଼ରେ ପାରମ୍ପରିକ ରୀତିନୀତିରେ ବିବାହ କରିବେ ରାଜକୁମାର ଓ ତାଙ୍କ ପ୍ରେମିକା ପତ୍ରଲେଖା । ଉଭୟେ ଜୟପୁରରେ ବିବାହ କରିବା ପାଇଁ ନିଷ୍ପତ୍ତି ନେଇଥିଲେ । ମାତ୍ର ବର୍ତ୍ତମାନ ସେ ଚଣ୍ଡିଗଡ଼ରେ ବିବାହ କରିବାକୁ ଧାର୍ଯ୍ୟ କରିଛନ୍ତି । ଚଳଚ୍ଚିତ୍ର ଜଗତରୁ ଖୁବ୍ କମ୍ ଅତିଥି ବାହାଘରରେ ସାମିଲ ହେବା କଥା ଶୁଣାଯାଉଛି ।

ଦୀର୍ଘ ୧୧ ବର୍ଷ ଧରି ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢ଼ିଉଠିଥିବା ବେଳେ ଆସନ୍ତା ନଭେମ୍ବର ୧୩ ତାରିଖରେ ଦୁହେଁ ବିବାହ ବନ୍ଧନରେ ବାନ୍ଧିହେବାକୁ ଯାଉଛନ୍ତି । ୨୦୧୦ରୁ ଉଭୟଙ୍କ ମଧ୍ୟରେ ଭଲପାଇବା ଆରମ୍ଭ ହୋଇଥିଲା ଏବଂ ଅନେକ ବର୍ଷ ଧରି ଦୁହେଁ ଲିଭଇନରେ ରହୁଥିଲେ । ରାଜକୁମାର ପତ୍ରଲେଖାଙ୍କୁ ପ୍ରଥମ ଥର ପାଇଁ ଏକ ଟିଭି ବିଜ୍ଞାପନରେ ଦେଖିଥିଲେ । ସେବେଠୁ ପତ୍ରଲେଖା ତାଙ୍କୁ ପସନ୍ଦ ଆସିଥିଲେ । ଏହାପରେ ପତ୍ରଲେଖା ମଧ୍ୟ ରାଜକୁମାରଙ୍କୁ ଭଲପାଇ ବସିଥିଲେ ।  ହଂସଲ ମେହେତା ନାମକ ଚଳଚ୍ଚିତ୍ର ସିଟିଲାଇଟସରେ ଉଭୟେ କାମ ମଧ୍ୟ କରିଛନ୍ତି । ଏବେ ଦୁହେଁ ବିବାହ କରିବାକୁ ଯାଉଛନ୍ତି ।

ରାଜସ୍ଥାନରେ ମର୍ମନ୍ତୁଦ ଦୁର୍ଘଟଣା; ୧୨ ଜଣ ଜୀବନ୍ତ ଦଗ୍ଧ

ଯୋଧପୁର: ରାଜସ୍ଥାନରେ ଘଟଛି ବଡ଼ ଧରଣର ଦୁର୍ଘଟଣା । ଦୁର୍ଘଟଣା ପରେ ହୁ ହୁ ହୋଇ ଜଳିଲା ବସ୍ ଓ ଟ୍ରେଲର । ରାଜସ୍ଥାନର ବାରମେର ଜିଲ୍ଲାର ଯୋଧପୁର ଜାତୀୟ ରାଜପଥରେ ଥିବା ଭଣ୍ଡିଆବାସ ଗ୍ରାମ ନିକଟରେ ଏକ ବସ୍ ଓ ଟ୍ରେଲର ମୁହାଁମୁହିଁ ଧକ୍କା ହୋଇଥିଲେ । ଯାହା ଫଳରେ ବସ୍ ଓ ଟ୍ରେଲର ନିଆଁ ଲାଗିଥିଲା । ଅଗ୍ନିକାଣ୍ଡ ଫଳରେ ଘଟଣା ସ୍ଥଳରେ ୧୨ ଜଣ ଜୀବନ୍ତ ଦଗ୍ଧ ହୋଇଛନ୍ତି । ତେବେ ଏହି ଦୁର୍ଘଟଣା ସମୟରେ ବସରେ ୨୫ ଜଣ ଯାତ୍ରୀ ଥିଲେ ।

ଘଟଣାସ୍ଥଳରେ ପୋଲିସ, ଅଗ୍ନିଶବ ବାହିନୀ ଓ ଅନ୍ୟ ପ୍ରଶାସନିକ ଅଧିକାରୀ ପହଞ୍ଚିଥିବାବେଳେ ଉଦ୍ଧାର କାର୍ଯ୍ୟ ଜାରି ରହିଛି । ରଙ୍ଗ ରୁଟ୍‌ରେ ଆସୁଥିବା ଟ୍ୟାଙ୍କର ସହ ଧକ୍କା ହେବା ଯୋଗୁ ବସ୍‌ଟି ଜଳି ଯାଇଥିବା ପ୍ରାଥମିକ ସୂତ୍ରରୁ ପ୍ରକାଶ । ଏହି ଦୁର୍ଘଟଣା ପରେ ରାଜପଥରେ ଟ୍ରାଫିକ ଜାମ୍ ହୋଇଥିଲା । ତେବେ ଏହି ଘଟଣା ପରେ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ୍ ରିଲିଫ ଓ ଉଦ୍ଧାର କାର୍ଯ୍ୟ ପାଇଁ ଜିଲ୍ଲା କଲେକ୍ଟରଙ୍କୁ ନିର୍ଦ୍ଦେଶ ଦେଇଛନ୍ତି । ଆହାତଙ୍କୁ ଚିକିତ୍ସା କରିବାକୁ ମଧ୍ୟ କହିଛନ୍ତି ଅଶୋକ ଗେହଲଟ ।

ସିଘୁଂ ସୀମାରେ କୃଷକଙ୍କ ଝୁଲନ୍ତା ମୃତଦେହ ଉଦ୍ଧାର

ସୋନିପତ: ହରିୟାଣାର ସିଘୁଂ ବର୍ଡରରେ ଜାରିଥିବା ଚାଷୀ ଆନ୍ଦୋଳନ ମଧ୍ୟରେ ଆଉ ଜଣେ ଚାଷୀଙ୍କ ଝୁଲନ୍ତା ମୃତଦେହ ଉଦ୍ଧାର କରାଯାଇଛି। ମୃତଦେହ ସ୍ଥାନୀୟ ଏକ ନିମ ଗଛରେ ଝୁଲୁଥିବା ନଜର ଆସିଥିଲା । ସମ୍ପୃକ୍ତ ବ୍ୟକ୍ତି ଜଣକ ପଞ୍ଜାବର ଫତେଗଡ଼ ସାହିବ ଅଞ୍ଚଳର ବାସିନ୍ଦା ହୋଇଥିବା ବେଳେ ଦୀର୍ଘ ଦିନ ଧରି କୃଷକ ଆନ୍ଦୋଳନରେ ସାମିଲ ଥିଲେ।

କୁଣ୍ଡଳି ଥାନା ପୋଲିସ ଶବ ଜବତ କରିବା ସହ ତଦନ୍ତ ଆରମ୍ଭ କରିଛି । ସୂଚନା ଅନୁସାରେ ଫତେଗଡ଼ ସାହିବ ଅଞ୍ଚଳର ୪୫ ବର୍ଷୀୟ ଗୁରୁପ୍ରିତ ସିଂହ ଅନେକ ଦିନ ଧରି ନିଜ ସାଙ୍ଗମାନଙ୍କ ସହ ସିଘୁଂ ବର୍ଡରର ଏକ ଟ୍ରଲିରେ ରହିଥିଲେ । ଦୀପାବଳି ଅବସରରେ ତାଙ୍କ ସାଙ୍ଗସାଥୀ ମାନେ ଘରକୁ ଫେରିଯାଇଥିବା ବେଳେ ସେ ଏକୁଟିଆ ରହୁଥିଲେ ।

12 opposition parties extend their support to Samyukta Kisan Morcha

ବୁଧବାର ସକାଳେ ହୁଡା ସେକ୍ଟରର ଅଂଶଲ ସୁଶାନ୍ତ ସିଟି ନିକଟ ନାଙ୍ଗଲ ରୋଡର ପାର୍କର ମଲ୍ ନିକଟ ଏକ ନିମ ଗଛରେ ଗୁରୁପ୍ରିତଙ୍କୁ ଝୁଲନ୍ତା ଅବସ୍ଥାରେ ଦେଖିଥିଲେ ଆନ୍ଦୋଳନକାରୀ । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚିବା ସହ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଦେଇଛି । ପୋଲିସ ଅନ୍ୟ କୃଷକଙ୍କୁ ପଚରାଉଚରା କରିବା ସହ ପରିବାର ବର୍ଗଙ୍କୁ ଏନେଇ ଅବଗତ କରାଇଛି । ତେବେ ଏହି ଘଟଣା ହତ୍ୟା ନା ଆତ୍ମହତ୍ୟା ସେନେଇ ପୋଲିସ ଛାନଭିନ୍ ଆରମ୍ଭ କରିଛି ।

କରୋନା ବଟିକା ମଗାଇବ ଓଡ଼ିଶା: ଡିସିଜିଆଇଙ୍କ ଅନୁମତିକୁ ଅପେକ୍ଷା

ଭୁବନେଶ୍ୱର: କରୋନା ବଟିକା ମଗାଇବ ଓଡ଼ିଶା । ୟୁକେରେ ପ୍ରସ୍ତୁତ ମୋଲନୁପିରାଭିର କ୍ୟାପସୁଲ୍ ମଗାଇବ ରାଜ୍ୟ । ମୋଲନୁପିରାଭିର ବଟିକା ୫୦% ମୃତ୍ୟୁ ରୋକୁଛି । ତେବେ ଡ୍ରଗ୍ସ କଣ୍ଟ୍ରୋଲରର ଅନୁମତି ମିଳିଲେ ବଟିକା ମଗାଯିବ ବୋଲି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର କହିଛନ୍ତି । ଏପଟେ ରାଜ୍ୟରେ କରୋନା ସଂକ୍ରମଣ କମିବା ଖୁସିର କଥା । ସଂକ୍ରମଣ କମିଲେ ବି ସତର୍କ ଓ ସଚେତନ ରହିବା ଆବଶ୍ୟକ ।

ୟୁରୋପୀୟ ଦେଶମାନଙ୍କରେ ସଂକ୍ରମଣ ଦ୍ରୁତ ଗତିରେ ବଢୁଛି । କଟକଣା କୋହଳ ଯୋଗୁଁ ସେଠାରେ ବଢୁଛି ସଂକ୍ରମଣ । ଏହି ସଂକ୍ରମଣ ବଢିବା ଆମ ପାଇଁ ଚିନ୍ତାର କାରଣ ବୋଲି ବିଜୟ ମହାପାତ୍ର କହିଛନ୍ତି । ୨ରୁ ୩ମାସ ଆମକୁ ଆହୁରି ସଚେତନ ରହିବାକୁ ପଡ଼ିବ । କରୋନା କଟକଣା ମାନିବାକୁ ପଡ଼ିବ ବୋଲି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର କହିଛନ୍ତି ।

ଅନ୍ୟ ପକ୍ଷରେ କୋଭିଡ ମୃତକଙ୍କ ପରିବାରକୁ ଆର୍ଥିକ ଅନୁକମ୍ପାମୂଳକ ସହାୟତା ରାଶି ପ୍ରଦାନ ନେଇ  ପ୍ରକ୍ରିୟା ଆରମ୍ଭ ହୋଇଛି । ପ୍ରତ୍ୟେକ ପରିବାରକୁ ୫୦ହଜାର ଟଙ୍କା ଲେଖାଏଁ ସହାୟତା ପ୍ରଦାନ କରାଯିବ । ଏଥିପାଇଁ ମୃତକଙ୍କ ପରିବାର ପକ୍ଷରୁ ଆବେଦନ କରିବାକୁ ହେବ । ଏନେଇ ପ୍ରକ୍ରିୟା ଆରମ୍ଭ ହୋଇସାରିଛି । ଆବେଦନକାରୀଙ୍କୁ ଏଥିପାଇଁ କୋଭିଡ ପଜିଟିଭ୍ ସାର୍ଟିଫିକେଟ ସହିତ ମୃତ୍ୟୁ ପ୍ରମାଣ ପତ୍ର ସହ ଆବେଦନ କରିବାକୁ ହେବ ।

ପରେ ଆବେଦନକାରୀଙ୍କୁ ମିଳିବ କୋଭିଡ ଜନିତ ମୃତ୍ୟୁ ସାର୍ଟିଫିକେଟ । ସାର୍ଟିଫିକେଟ ସହିତ ଜିଲ୍ଲାପାଳଙ୍କ କାର୍ଯ୍ୟାଳୟରେ ଅନଲାଇନ୍ ଓ ଅଫଲାଇନ୍ ଯେକୌଣସି ଗୋଟିଏ ଫର୍ମାଟରେ ଆବେଦନ କରିବାକୁ ହେବ । ଆବେଦନ କରିବାର ମାସକ ମଧ୍ୟରେ ସମ୍ପୃକ୍ତ ପରିବାରକୁ ୫୦ହଜାର ଟଙ୍କାର ଆର୍ଥିକ ସହାୟତା ରାଶି ମିଳିବ । ଏଥିପାଇଁ ଏକ ଟୋଲ ଫ୍ରି ନମ୍ବର ୧୫୫୩୩୫ ଜାରି କରାଯାଇଛି ।

ଏଥିସହିତ ପଢ଼ନ୍ତୁ: କୋଭିଡ ମୃତକଙ୍କ ପରିବାରକୁ ୫୦ ହଜାର ଟଙ୍କାର ଆର୍ଥିକ ସହାୟତା ପ୍ରଦାନ କରିବେ ରାଜ୍ୟ ସରକାର, ପ୍ରକ୍ରିୟା ଆରମ୍ଭ

ପ୍ରିୟଙ୍କାଙ୍କ ନିର୍ବନ୍ଧ ମୁଦି: ଯାହାର ମୂଲ୍ୟରେ ଆପଣ କିଣିପାରିବେ ବଡ଼ ବିଳାସପୂର୍ଣ୍ଣ ଘର

ବଲିଉଡ୍ ଅଭିନେତ୍ରୀ ପ୍ରିୟଙ୍କାଙ୍କ ବିବାହ ଜୋଧପୁରର ବିଳାସପୂର୍ଣ୍ଣ ପ୍ରାସାଦ ଉମେଦ ଭବନରେ ଅନୁଷ୍ଠିତ ହୋଇଥିଲା । ତାଙ୍କ ବିବାହ ପୋଷାକରୁ ଆରମ୍ଭ କରି ସେ ପିନ୍ଧିଥିବା ନିର୍ବନ୍ଧ ମୁଦି ସମସ୍ତ ଜିନିଷ ନିଶ୍ଚିତ ଭାବେ କୋଟି କୋଟି ଟଙ୍କାର ହୋଇଥିବ ଏଥିରେ ସନ୍ଦେହ ନାହିଁ । ମାତ୍ର ଆପଣ ଜାଣିଛନ୍ତି କି ପ୍ରିୟଙ୍କା ନିଜ ନିର୍ବନ୍ଧରେ ପିନ୍ଧିଥିବା ମୁଦିର ମୂଲ୍ୟ କେତେ ?

କିଛି ଦିନ ତଳେ ଏକ ସାକ୍ଷାତକାରରେ ପ୍ରିୟଙ୍କା ପିନ୍ଧିଥିବା ମୁଦିର ମୂଲ୍ୟ କହିଥିଲେ । ଯାହାର ଦାମ୍ ଶୁଣି ସମସ୍ତେ ହତବାକ୍ ହୋଇଯାଇଥିଲେ । ଏହି ସାକ୍ଷାତକାରରେ ତାଙ୍କୁ ପରରାଯାଇଥିଲା ଯେ ତାଙ୍କ ପାଖରେ ଥିବା ସବୁଠାରୁ ମହଙ୍ଗା ଅଳଙ୍କାର କେଉଁଟି ? ଏହାର ଉତ୍ତରରେ ସେ କହିଥିଲେଯେ ସେ ପିନ୍ଧିଥିବା ନିର୍ବନ୍ଧ ମୁଦି ସବୁଠୁ ମହଙ୍ଗା ଅଳଙ୍କାର, ଯାହାର ମୂଲ୍ୟ ୨.୧ କୋଟି ଟଙ୍କା । ଯାହା ଏକ ବଡ଼ ବିଳାସପୂର୍ଣ୍ଣ ଘର ସଙ୍ଗେ ସମାନ । ଏଥିସହ ସେ ମୁରିକି ହସି କହିଥିଲେ ଯଦି ମୁଁ ବର୍ତ୍ତମାନ ମୋ ନିର୍ବନ୍ଧ ମୁଦିର ନାଁ ନ ନିଏ, ତେବେ ମୋ ସ୍ୱାମୀ ନିକ୍ ମତେ ଜୀବନରୁ ମାରିଦେବେ । ଏହି ମୁଦି ସହିତ ମୋର ଅନେକ ସ୍ମୃତି ଜଡ଼ିତ ଥିବାରୁ ମୁଁ ଏହାକୁ ପସନ୍ଦ ଅଧିକ ପସନ୍ଦ କରେ ବୋଲି ପ୍ରିୟଙ୍କା କହିଥିଲେ ।

ପରବର୍ତ୍ତୀ ନୌସେନା ମୁଖ୍ୟ ହେବେ ଆର ହରି କୁମାର; ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ବାହାରିଲା ବିଜ୍ଞପ୍ତି

ନୂଆଦିଲ୍ଲୀ: ଦେଶର ପରବର୍ତ୍ତୀ ନୌସେନା ମୁଖ୍ୟ ହେବେ ଭାଇସ ଆଡ଼ମିରାଲ ଆର. ହରି କୁମାର । ଆସନ୍ତା ୩୦ ତାରିଖରେ ନୌସେନା ମୁଖ୍ୟ ଭାବେ ସେ ଦାୟିତ୍ବ ଗ୍ରହଣ କରିବେ । ପ୍ରତିରକ୍ଷା ମନ୍ତ୍ରାଳୟ ପକ୍ଷରୁ ଏହି ବିଜ୍ଞପ୍ତି ପ୍ରକାଶ ପାଇଛି । ବର୍ତ୍ତମାନ ନୌସେନାର ମୁଖ୍ୟ ଅଛନ୍ତି ଆଡ଼ମିରାଲ କରମବୀର ସିଂ । ସେ ଆସନ୍ତା ନଭେମ୍ବର ୩୦ରେ ଅବସର ନେବା ପରେ ତାଙ୍କ ସ୍ଥାନରେ ଆର.ହରି କୁମାରଙ୍କୁ ଏହି ଗୁରୁତ୍ବପୂର୍ଣ୍ଣ ଦାୟିତ୍ବ ମିଳିବ । ବର୍ତ୍ତମାନ ଆର ହରି କୁମାର ଓ୍ବେଷ୍ଟର୍ଣ୍ଣ ନାଭାଲ କମାଣ୍ଡରେ ଫ୍ଲାଗ ଅଫିସର କମାଣ୍ଡିଂ ଇନ୍ ଚିଫ ଭାବରେ କାର୍ଯ୍ୟ କରୁଛନ୍ତି ।

ଭାଇସ ଆଡ଼ମିରାଲ ଆର ହରି କୁମାରଙ୍କ ଜନ୍ମ ୧୨ ଏପ୍ରିଲ ୧୯୬୨ମସିହାରେ । ସେ ଭାରତୀୟ ନୌସେନାର ଏକଜିକ୍ୟୁଟିଭ ଶାଖାରେ ୧ ଜାନୁଆରୀ ୧୯୮୩ରେ ସାମିଲ ହୋଇଥିଲେ । ନୌସେନାରେ ୩୯ବର୍ଷର କାର୍ଯ୍ୟକାଳ ମଧ୍ୟରେ ସେ ନୌସେନାର ବିଭିନ୍ନ ପଦ ପଦବୀରେ କାମ କରିଛନ୍ତି । ଆଇଏନଏସ୍ ବିରାଟ ଓ ମିସାଇଲ ବିଧ୍ବଂସକାରୀ ଆଇଏନଏସ୍ ରଣବୀରର ପରିଚାଳନା ଦାୟିତ୍ବ ସମ୍ପାଦନ କରିଛନ୍ତି । ଏହାସହ ଇଣ୍ଟିଗ୍ରେଟେଡ଼ ଡ଼ିଫେନ୍ସ ଷ୍ଟାଫ ମୁଖ୍ୟ ଭାବେ ମଧ୍ୟ କାର୍ଯ୍ୟ କରିବାର ଅଭିଜ୍ଞତା ରଖିଛନ୍ତି ଆର ହରି କୁମାର ।