spot_img
Home Blog Page 5128

ଯବାନଙ୍କୁ ଗୁଳି ମାରିଲେ ଯବାନ: ୪ ମୃତ, ୩ ଗୁରୁତର

ସୁକମା: ଛତିଶଗଡ଼ ସୁକମା ଜିଲ୍ଲା ମାରାଇଗୁଡ଼ା ସିଆରପିଏଫ କ୍ୟାମ୍ପରେ ଗୁଳିକାଣ୍ଡ । ସାଥୀ ଯବାନଙ୍କ ଗୁଳିରେ ଚାଲିଗଲା ୪ ଯବାନଙ୍କ ଜୀବନ । ୩ ଜଣ ଗୁରୁତର । ମୃତ ଯବାନମାନେ ହେଲେ ଧାନଜୀ, ରାଜୀବ ମଣ୍ଡଳ, ରାଜମଣି କୁମାର ଯାଦବ ଓ ଧର୍ମେନ୍ଦ୍ର କୁମାର । ସେହିପରି ଗୁରୁତରମାନେ ହେଲେ ଧନଞ୍ଜୟ କୁମାର ସିଂ, ଧର୍ମାତ୍ମା କୁମାର ଓ ମଳୟ ରଞ୍ଜନ ମହାରଣା ।

ଗୁରୁତର ଯବାନଙ୍କୁ ମେଡିକାଲରେ ଭର୍ତ୍ତି କରାଯାଇଛି । ସମସ୍ତ ମୃତାହତ ସିଆରପିଏଫ ୫୦ ବାଟାଲିୟନର ଯବାନ ।  ପରସ୍ପର ମଧ୍ୟରେ ଝଗଡ଼ା ପରେ ଯବାନ ଜଣକ ନିଜ ସର୍ଭିସ ବନ୍ଧୁକରୁ ଗୁଳିମାଡ଼ କରିଥିବା ଜଣାପଡିଛି । ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି ସୁକମା ଏସପି ।

T20 World Cup: ଆଜି ଭାରତ- ନାମିବ୍ୟା ମୁକାବିଲା

ନୂଆଦିଲ୍ଲୀ: ଅଧାରେ ରହିଗଲା ଟି-୨୦ ବିଶ୍ବକପ୍ ଜିତିବା ସ୍ବପ୍ନ । ଆଫଗାନିସ୍ତାନର ପରାଜୟ ଭାରତର ସବୁ ଆଶକୁ କରିଦେଲା ଧୂଳିସାତ । ଏବେ ଖାଲି ହାତରେ ସ୍ବଦେଶ ଫେରିବ ଭାରତୀୟ କ୍ରିକେଟ୍ ଟିମ୍ ।

ଗତକାଲି ଆଫଗାନିସ୍ତାନଠାରୁ ନ୍ୟୁଜିଲ୍ୟାଣ୍ଡ ଜିତିବା ପରେ ଭାରତ ଟୁର୍ଣ୍ଣାମେଣ୍ଟରୁ ବାଦ ପଡିଛି । ଆଜି ନାମିବ୍ୟା ସହ ମ୍ୟାଚ୍ ଖେଳିବ ଭାରତ । ଅପରାହ୍ନରେ ଦୁବାଇରେ ହେବ ଏହି ମ୍ୟାଚ୍ । ପ୍ରଥମ ଦୁଇଟି ମ୍ୟାଚ୍ ହାରି ବ୍ୟାକଫୁଟରେ ଥିଲା ଭାରତ । ତେବେ ସ୍କଟଲ୍ୟାଣ୍ଡ ଓ ଆଫଗାନିସ୍ତାନଠାରୁ ଜିତିବା ପରେ ଭାରତର ସେମି ଆଶା ଉଜ୍ଜିବୀତ ହୋଇଥିଲା । ହେଲେ ଆଫଗାନିସ୍ତାନଠାରୁ ନ୍ୟୁଜିଲ୍ୟାଣ୍ଡ ଜିତିବା ପରେ ଭାରତର ସମସ୍ତ ଆଶା ଧୂଳିସାତ ହୋଇଯାଇଛି । ଗ୍ରୁପ୍ Bରୁ ସେମିଫାଇନାଲରେ ପହଞ୍ଚିଛନ୍ତି ପାକିସ୍ତାନ ଓ ନ୍ୟୁଜିଲ୍ୟାଣ୍ଡ । ୨୦୦୭ରେ ଭାରତ ପ୍ରଥମ ଟି-୨୦ ବିଶ୍ବକପ ହାତେଇବାରେ ସକ୍ଷମ ହୋଇଥିଲା । ଏହା ପରଠୁ ଟିମ ଇଣ୍ଡିଆ ଚାମ୍ପିଅନ୍ ହେବା ଲକ୍ଷ୍ୟରେ ରହିଥିଲେ ମଧ୍ୟ ସଫଳ ହୋଇପାରି ନାହିଁ  ।

କାର୍ଟୁନିଷ୍ଟ କିଶୋର ରଥଙ୍କ ପରଲୋକ, ଶୋକ ପ୍ରକାଶ କଲେ ମୁଖ୍ୟମନ୍ତ୍ରୀ

ଭୁବନେଶ୍ବର: କଟାକ୍ଷ କିଶୋର ଭାବେ ପରିଚିତ ବରିଷ୍ଠ କାର୍ଟୁନିଷ୍ଟ କିଶୋର ରଥଙ୍କ ପରଲୋକ । ହୃଦଘାତରେ ୫୮ ବର୍ଷ ବୟସରେ ତାଙ୍କର ଦେହାନ୍ତ ହୋଇଛି । ସେ ଦୈନିକ ଖବରକାଗଜ ସମ୍ବାଦରେ କାର୍ଯ୍ୟରତ ଥିଲେ । ସମ୍ବାଦରେ ପ୍ରକାଶିତ ‘କଟାକ୍ଷ’ ପାଇଁ ବେଶ୍ ଘରେ ଘରେ ପରିଚିତ ଥିଲେ କିଶୋର । ସମାଜିକ ପ୍ରସଙ୍ଗକୁ ଭିନ୍ନ ଅନ୍ଦାଜରେ ‘କଟାକ୍ଷ’ ମାଧ୍ୟମରେ ପ୍ରକାଶ କରୁଥିଲେ କିଶୋର । ସୋମବାର ଭୋରରେ ଶ୍ବାସପ୍ରଶ୍ବାସ ନେବାରେ ସମସ୍ୟା ହେବାରୁ ତାଙ୍କୁ ମେଡିକାଲରେ ଭର୍ତ୍ତି କରାଯାଇଥିଲା । ଚିକିତ୍ସାଧୀନ ଅବସ୍ଥାରେ ତାଙ୍କ ପରଲୋକ ହୋଇଛି ।

କିଶୋରଙ୍କ ପରଲୋକକୁ ନେଇ ଶୋକ ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସେ କହିଛି, ‘ଲୋକପ୍ରିୟ ବ୍ୟଙ୍ଗ ଚିତ୍ରକର କିଶୋର ରଥଙ୍କ ଦେହାନ୍ତ ବିଷୟରେ ଜାଣି ମୁଁ ଦୁଃଖିତ। ସମାଜର ବିଭିନ୍ନ ପ୍ରସଙ୍ଗକୁ ବ୍ୟଙ୍ଗ ଚିତ୍ର ମାଧ୍ୟମରେ ଉପସ୍ଥାପନ କରିବାର ନିଜ ସ୍ୱତନ୍ତ୍ର ଶୈଳୀ ପାଇଁ ସେ ସର୍ବଦା ସ୍ମରଣୀୟ ରହିବେ। ତାଙ୍କ ଅମର ଆତ୍ମାର ସଦଗତି କାମନା କରିବା ସହ ଶୋକସନ୍ତପ୍ତ ପରିବାର ସଦସ୍ୟଙ୍କ ପ୍ରତି ମୋର ସମବେଦନା ଜଣାଉଛି।’

ସେହିପରି କିଶୋରଙ୍କ ବିୟୋଗରେ ଶୋକ ପ୍ରକାଶ କରିଛନ୍ତି ରାଜ୍ୟ ସରକାରଙ୍କ ଗଣମାଧ୍ୟମ ପରାମର୍ଶଦାତା ମାନସ ମଙ୍ଗରାଜ । ଶୋକ ସନ୍ତପ ପରିବାରକୁ ସମବେଦନା ଜଣାଇଛନ୍ତି ମାନସ ମଙ୍ଗରାଜ ।

୨୫ କୋଟି ଟପିଲା ବିଶ୍ବରେ କରୋନା ଆକ୍ରାନ୍ତଙ୍କ ସଂଖ୍ୟା

ନୂଆଦିଲ୍ଲୀ: କରୋନା କବଳରେ ପୂରା ବିଶ୍ବ । ହନ୍ତସନ୍ତ କରୁଛି, ଜୀବନ ନେଉଛି । ବର୍ତ୍ତମାନ ସୁଦ୍ଧା ପୂରା ଦୁନିଆରେ ୨୫ କୋଟି ଲୋକଙ୍କ ଗ୍ରାସି ସାରିଲାଣି କାଳ ରୂପୀ କରୋନା ମହାମାରୀ । ଗଲାଣି ୫୦ ଲକ୍ଷ ଲୋକଙ୍କ ଜୀବନ ।

ସଂକ୍ରମଣରେ ଶୀର୍ଷରେ ରହିଛି ଆମେରିକା । ଏଠାରେ ମୋଟ ସଂକ୍ରମିତଙ୍କ ସଂଖ୍ୟା ପାଖାପାଖି ୫ କୋଟି ଛୁଇଁଛି । ସେହିଭଳି ସାଢେ ୭ ଲକ୍ଷରୁ ଅଧିକ ଲୋକଙ୍କ ଜୀବନ ନେଇଛି ମହାମାରୀ । ଦ୍ବିତୀୟ ସ୍ଥାନରେ ଅଛି ଭାରତ । ମୋଟ ସଂକ୍ରମିତଙ୍କ ସଂଖ୍ୟା ୩ କୋଟି ୪୩ ଲକ୍ଷରୁ ଅଧିକ ଥିବାବେଳେ ମୃତ୍ୟୁ ସଂଖ୍ୟା ୪ ଲକ୍ଷ ୬୦ ହଜାରରେ ଛୁଇଁଛି । ତୃତୀୟ ସ୍ଥାନରେ ରହିଛି ବ୍ରାଜିଲ । ଏଠାରେ ମୋଟ ଆକ୍ରାନ୍ତଙ୍କ ସଂଖ୍ୟା ୨ କୋଟି ୧୮ ଲକ୍ଷରୁ ଅଧିକ ଥିବା ବେଳେ ମୃତ୍ୟୁ ସଂଖ୍ୟା ହେଇଛି ୬ ଲକ୍ଷ ୯ ହଜାର ।

ବିଜେପିର କ୍ଷମତା ଅପବ୍ୟବହାର ପ୍ରତିବାଦରେ ରାଷ୍ଟ୍ରୀୟ ବିରୋଧ ଦିବସ

ନୂଆଦିଲ୍ଲୀ: ଗାଦି ମୋହରେ କ୍ଷମତାର ଅପବ୍ୟବହାର କରୁଛି ବିଜେପି । ବିଶେଷ କରି ବିଜେପି ଶାସିତ ରାଜ୍ୟରେ ଅସୁରକ୍ଷିତ ସଂଖ୍ୟାଲଘୁ ସମ୍ପ୍ରଦାୟର ଲୋକେ । ଏମାନଙ୍କ ଉପରେ ବଢୁଛି ଅତ୍ୟାଚାର । ପୂରା ଦେଶରେ ଉଠିବାରେ ଲାଗିଛି ବିରୋଧର ସ୍ବର । ପ୍ରତିବାଦରେ ଆଜି ଦେଶବ୍ୟାପୀ ରାଷ୍ଟ୍ରୀୟ ବିରୋଧ ଦିବସ ପାଳନ କରୁଛି ଅଲ୍ ଇଣ୍ଡିଆ ସେଣ୍ଟ୍ରାଲ୍ କାଉନସିଲ୍ ଅଫ୍ ଟ୍ରେଡ ୟୁନିୟନ୍ (AICCTU)। ସିପିଆଇଏମଏଲର ଏହି ଶାଖା ସାରା ଦେଶରେ ବିଜେପିକୁ ବିରୋଧ କରିବ ।

ସାରା ଦେଶରେ ବୋହୁଛି ବିଜେପି ବିରୋଧୀ ହାଓ୍ବା । ତ୍ରିପୁରାରେ ଆଇନ ଓ କ୍ଷମତାର ଅପବ୍ୟବହାର କରୁଛି ବିଜେପି ସରକାର । ଫ୍ୟାକ୍ଟ ଫାଇଣ୍ଡିଂ ଟିମକୁ ଆକ୍ରମଣ, ସୋସିଆଲ ମିଡିଆରେ ନିନ୍ଦା କରୁଥିବା ଲୋକଙ୍କ ବିରୋଧରେ ନିଆଯାଇଛି ବେଆଇନ୍ କାର୍ଯ୍ୟାନୁଷ୍ଠାନ । ବିଭିନ୍ନ ରାଜ୍ୟରେ ସାଂପ୍ରଦାୟିକ ହିଂସା ପାଇଁ ବିଜେପିକୁ ଦାୟୀ କରିଛି AICCTU । ଧର୍ମ ନିରପେକ୍ଷ ଗଣତାନ୍ତ୍ରିକ ସ୍ବରକୁ ଦବାଇବାକୁ ବିଜେପି ଅପଚେଷ୍ଟା କରୁଥିବା ଅଭିଯୋଗ କରିଛି ଟ୍ରେଡ ୟୁନିୟନ । ଏହାକୁ ବିରୋଧ କରି ଆଜି ଦେଶବ୍ୟାପୀ ବିକ୍ଷୋଭ ପ୍ରଦର୍ଶନ କରିବ ଏଆଇସିସିଟିୟୁ । ସମସ୍ତ ରାଜ୍ୟର ରାଜଧାନୀରେ ବିଜେପିକୁ ବିରୋଧ କରାଯିବ । ୟୁଏପିଏ ବଳରେ ବିଜେପି ଦମନଲୀଳା କରୁଥିବାରୁ, ଆଇନକୁ ଉଚ୍ଛେଦ କରିବାକୁ ସଂଗଠନ ଦାବି କରିଛି ।

କଳାହାଣ୍ଡିବାସୀଙ୍କୁ ନବୀନ ଦେବେ ସ୍ବାସ୍ଥ୍ୟ ଗ୍ୟାରେଣ୍ଟି, ବାଣ୍ଟିବେ BSKY ସ୍ମାର୍ଟ କାର୍ଡ

କଳାହାଣ୍ଡି: ଚିକିତ୍ସା ଖର୍ଚ୍ଚ ପାଇଁ କଳାହାଣ୍ଡିବାସୀଙ୍କୁ ହେବାକୁ ପଡ଼ିବନି ଆଉ ହନ୍ତସନ୍ତ । ନିଜର ହେଉ କି ପରିବାରର, ଚିକିତ୍ସା ଖର୍ଚ୍ଚ ପାଇଁ ଆଉ ଏଠି ସେଠି ହାତ ପତାଇବାକୁ ପଡ଼ିବନି । କାରଣ ମୁଖ୍ୟମନ୍ତ୍ରୀ ଜିଲ୍ଲାବାସୀଙ୍କ ପାଇଁ ଆଣୁଛନ୍ତି ସ୍ବାସ୍ଥ୍ୟ ଗ୍ୟାରେଣ୍ଟି । ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଜିଲ୍ଲାବାସୀଙ୍କୁ ଆଜି ବାଣ୍ଟିବେ ସ୍ମାର୍ଟ ହେଲଥ କାର୍ଡ ।

ସ୍ମାର୍ଟ ହେବ କଳାହାଣ୍ଡି । ବିଏସକେଓ୍ବାଇରେ ଯୋଡ଼ି ହେବ ଆଉ ଏକ ସଫଳତାର ଫର୍ଦ୍ଦ । ଆଜି କଳାହାଣ୍ଡିରେ ବିଏସକେଓ୍ବାଇ ସ୍ମାର୍ଟ କାର୍ଡ଼ର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ । ଜିଲ୍ଲା ଗସ୍ତରେ ଯାଇ ସାଢେ ୪ ଲକ୍ଷ ହିତାଧିକାରୀଙ୍କୁ ବିଏସକେଓ୍ବାଇ କାର୍ଡ଼ ବାଣ୍ଟିବେ ମୁଖ୍ୟମନ୍ତ୍ରୀ । ଏଥିସହିତ ଜିଲ୍ଲାବାସୀଙ୍କୁ ଭେଟି ଦେବେ ଅନେକ ପ୍ରକଳ୍ପ ।

ସବୁ ରୋଗର ମାଷ୍ଟର କାର୍ଡ ହେଉଛି ବିଏସକେୱାଇ ସ୍ମାର୍ଟ ହେଲଥ କାର୍ଡ । ଗରିବଙ୍କ ଆଶା ବାଡ଼ି ସାଜିଛି ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା । ବିଭିନ୍ନ ଜଟିଳ ରୋଗରେ ପୀଡ଼ିତ ହିତାଧିକାରୀ ଏହି କାର୍ଡ଼ ଜରିଆରେ ପାଉଛନ୍ତି ଉନ୍ନତମାନର ଚିକିତ୍ସା ସୁବିଧା । ରାଜ୍ୟର କୋଣ, ଅନୁକୋଣରୁ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାରେ ଅନେକ ଗରିବ ଲୋକ ଉପକୃତ ହେଉଛନ୍ତି । ରାଜ୍ୟରେ ସାଢେ ୩ କୋଟି ଲୋକ ଏହି ଯୋଜନାରେ ସାମିଲ ହୋଇଛନ୍ତି । ପୁରୁଷମାନେ ୫ଲକ୍ଷ ଓ ମହିଳାମାନେ ୧୦ ଲକ୍ଷ ଯାଏଁ ଚିକିତ୍ସା ସୁବିଧା ପାଇବେ । ରାଜ୍ୟର ସମସ୍ତ ସରକାରୀ ହସ୍ପିଟାଲ ଏବଂ ରାଜ୍ୟ ତଥା ରାଜ୍ୟ ବାହାରର ୨୦୦ରୁ ଅଧିକ ଘରୋଇ ହସ୍ପିଟାଲରେ ଏହି ସୁବିଧା ମିଳିବ ।

ମୁଖ୍ୟମନ୍ତ୍ରୀଙ୍କ ଗସ୍ତକୁ ନଜରରେ ରଖି ଜିଲ୍ଲାରେ କଡ଼ା ସୁରକ୍ଷା ବ୍ୟବସ୍ଥା କରାଯାଇଛି । ପ୍ରଶାସନ ପକ୍ଷରୁ ପ୍ରସ୍ତୁତି ଶେଷ ହୋଇଥିବା ବେଳେ ମୁଖ୍ୟମନ୍ତ୍ରୀଙ୍କ ଅପେକ୍ଷାରେ ରହିଛନ୍ତି ଜିଲ୍ଲାବାସୀ ।

ସେହିପରି ନୂଆପଡ଼ା ଜିଲ୍ଲାରେ ମଧ୍ୟ ସ୍ମାର୍ଟ କାର୍ଟ ବଣ୍ଟନ କରାଯିବ । ମୁଖ୍ୟମନ୍ତ୍ରୀ ଭିଡିଓ କନଫରେନସିଂରେ ସ୍ମାର୍ଟ ହେଲଥ କାର୍ଡ ବଣ୍ଟନର ଶୁଭାରମ୍ଭ କରିବେ । ଏଥିପାଇଁ ନୂଆପଡ଼ା ଜିଲ୍ଲା ସଦର ମହକୁମା ସମେତ ୫ଟି ବ୍ଲକ ଓ ୩ଟି ବିଜ୍ଞାପିତ ଅଞ୍ଚଳ ପରିଷଦରେ ପ୍ରସ୍ତୁତି ସରିଛି । ଜିଲ୍ଲାରେ ୧ ଲକ୍ଷ ୭୨ ହଜାର ୬୪୩ କାର୍ଡ ବଣ୍ଟନ ଶହ ୪ ଶହ ୭୯ କୋଟି ଟଙ୍କାର ବିଭିନ୍ନ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ କାର୍ଯ୍ୟକ୍ରମ ରହିଛି । ଏଥିପାଇଁ ଜିଲ୍ଲାରେ ୫ଜଣ ମନ୍ତ୍ରୀ ଆସୁଥିବା ବେଳେ ସ୍କୁଲ ଓ ଗଣଶିକ୍ଷା ସମୀର ରଞ୍ଜନ ଦାସ ପହଞ୍ଚିଛନ୍ତି ।

ଅପରାଜିତାଙ୍କ ରାଲିରେ ବିଜେପି କର୍ମୀଙ୍କୁ ଆକ୍ରମଣ, ଭିଡ଼ିଓ କରିବାରୁ ମାଡ଼

ଭୁବନେଶ୍ୱର: ବିଜେପିର ଆଉ ଗୋଷ୍ଠୀ କନ୍ଦଳ ପଦାରେ ପଡିଛି । ଗୋଟିଏ ଗୋଷ୍ଠୀର ବିଜେପି କର୍ମୀଙ୍କୁ ଆଉ ଏକ ଗୋଷ୍ଠୀର ବିଜେପି କର୍ମୀ ଆକ୍ରମଣ କରିଥିବା ଅଭିଯୋଗ ହୋଇଛି । ରବିବର ସଂଧ୍ୟାରେ ଏହି ଘଟଣା ଘଟିଛି ଭୁବନେଶ୍ବର ନୟାପଲ୍ଲୀ ଅଞ୍ଚଳର ଆଇଆରସି ଭିଲେଜରେ । ଭୁବନେଶ୍ବର ସାଂସଦ ଅପରାଜିତାଙ୍କ ରାଲି ବେଳେ ବିଜେପି ସମର୍ଥକଙ୍କୁ ଅପରାଜିତାଙ୍କ ବାଉଂସର ମାନେ ଆକ୍ରମଣ କରିଥିବା ଅଭିଯୋଗ ହୋଇଛି ।

ସୂଚନା ମୁତାବକ ଭୁବନେଶ୍ବର ନୟାପଲ୍ଲୀ ଥାନାରେ ହୋଇଥିବା ଅଭିଯୋଗ ଅନୁସାରେ ସଂଧ୍ୟାରେ ସାଂସଦ ଅପରାଜିତା ଷଡ଼ଙ୍ଗୀ ଆଇଆରସି ଭିଲେଜ ଲେନ୍‌ ୬ରେ ଥିବା ରାମେଶ୍ବର ମନ୍ଦିର ପାଖରେ ରାଲି କରୁଥିଲେ । ରାଲି ବେଳେ ସେଠାରେ କିଛି ଲୋକଙ୍କ ସହ ଅପରାଜିତା ଆଲୋଚନା କରୁଥିବା ବେଳେ ବଟକୃଷ୍ଣ ରାଉତ ନାମକ ଜଣେ ଯୁବକ ମୋବାଇଲରେ ଭିଡିଓ ଉତ୍ତୋଳନ କରୁଥିଲେ । ବଟକୃଷ୍ଣ ରାଉତ ମଧ୍ୟ ବିଜେପିର ଜଣେ ସମର୍ଥକ ।

ତେବେ ଅପରାଜିତାଙ୍କ ବାଉଂସର ଭାବେ ପରିଚିତ ଜିମ୍ ବାପି ଓ ତାଙ୍କର ଆଉ ଦୁଇ ଜଣ ସହଯୋଗୀ ବଟକୃଷ୍ଣଙ୍କ ଉପରେ ଆକ୍ରମଣ କରିଥିଲେ । ଅଭଦ୍ର ଭାଷାରେ ଗାଳିଗୁଲଜ କରିବା ସହ ମୋବାଇଲ ଛଡେଇ ନେଇ ଭିଡିଓକୁ ଡିଲିଟ କରିଥିଲେ । ଏହାପରେ ମଧ୍ୟ ତାଙ୍କୁ ନିସ୍ତୁକ ମାଡ଼ ମାରିଥିଲେ । ବଟକୃଷ୍ଣ ଏନେଇ ନୟାପଲ୍ଲୀ ଥାନାରେ ଲିଖିତ ଅଭିଯୋଗ କରିଛନ୍ତି । ବଟକୃଷ୍ଣଙ୍କୁ ଡାକ୍ତରୀ ପରୀକ୍ଷା କରିବା ସହ ନୟାପଲ୍ଲୀ ପୋଲିସ ଘଟଣାର ତଦନ୍ତ କରୁଛି ।

ସ୍ତ୍ରୀର ଚରିତ୍ରକୁ ସନ୍ଦେହ କରି ସ୍ୱାମୀ ଘଟାଇଲା ଏମିତି, ମୃତ୍ୟୁ ସହ ଲଢୁଛି ପତ୍ନୀ…

କେନ୍ଦୁଝର: ସୀମା ଟପିଗଲା ସ୍ୱାମୀ  ।  ସ୍ତ୍ରୀ ଚରିତ୍ର ସନ୍ଦେହରେ ଘଟାଇବସିଲା ବର୍ବର କାଣ୍ଡ  । ଯାହା ଭାଷାରେ ପ୍ରକାଶ ଅସହଜ  । ସେଭଳି କିଛି ଘଟଣା ଘଟାଇଛି ନୃସଂସ ସ୍ୱାମୀ  ।  ସ୍ତ୍ରୀକୁ ନିସ୍ତୁକ ମାଡ଼ ମାରିବା ଏବଂ ଗୁପ୍ତାଙ୍ଗରେ ବାଲି ମାଟି ପୁରାଇବା ସହିତ ଅଗ୍ନି ସଂଯୋଗ କରିଥିବା ଅଭିଯୋଗ ହୋଇଛି  ।  ଗୁରୁତର ସ୍ତ୍ରୀ ପ୍ରଥମେ କେନ୍ଦୁଝର ଜିଲ୍ଲା ବଲାଣୀ ସେଲ୍ ଡାକ୍ତରଖାନା ଓ ପରେ ଜିଲ୍ଲା ମୁଖ୍ୟ ଚିକିତ୍ସାଳୟ ସ୍ଥାନାନ୍ତର ହୋଇଛନ୍ତି  ।  ଏଭଳି ଘଟଣା ଘଟିଛି କେନ୍ଦୁଝର ଜିଲ୍ଲା ବଲାଣୀ ଥାନା ଅନ୍ତର୍ଗତ ଡବ୍ଲ୍ୟୁ ହଟିଂ ଠାରେ  ।

ସୂଚନା ଅନୁଯାୟୀ, ବଲାଣୀ ଥାନା ଡବ୍ଲ୍ୟୁ ହଟିଂ ର ଆକାଶ ତିରିଆ, ନିଜ ସ୍ତ୍ରୀ ପୂର୍ଣ୍ଣିମାଙ୍କର ଅନ୍ୟ ପୁରୁଷ ସହ ସଂପର୍କ ଥିବା ସନ୍ଦେହ କରି ଶନିବାର ରାତିରେ ନିସ୍ତୁକ ମାଡ଼ ମାରିବା ସହିତ ଜୋର ଜବରଦସ୍ତ ସ୍ତ୍ରୀକୁ ମଦ ପିଆଇ ଏଭଳି ଘଟଣା ଭିଆଇଛି  । ଏନେଇ ପରବର୍ତ୍ତୀ ସମୟରେ  ବଲାଣୀ ଥାନାରେ ଅଭିଯୋଗ ହୋଇଛି  । ଗୁରୁତର ପୂର୍ଣ୍ଣିମାକୁ ପ୍ରଥମେ ବଲାଣୀ ସେଲ୍ ଡାକ୍ତରଖାନାରେ ଭର୍ତ୍ତି କରାଯାଇଥିଲା  ।  ସେଠାରେ ଅବସ୍ଥା ଗୁରୁତର ହେବାରୁ ଜିଲ୍ଲା ମୁଖ୍ୟ ଚିକିତ୍ସାଳୟ ସ୍ଥାନାନ୍ତର କରାଯାଇଛି  ।

ଏନେଇ ପରିବାରର ଅଭିଯୋଗ ପରେ ଅଭିଯୁକ୍ତକୁ ଅଟକ ରଖି ତଦନ୍ତ ଆରମ୍ଭ କରିଛି ପୋଲିସ  । ସେପଟେ ପତ୍ନୀଙ୍କ ସମ୍ପର୍କୀୟ ତାଙ୍କ ସ୍ୱାମୀକୁ ହିଁ ସିଧାସଳଖ ଅକ୍ଷେପ କରିଛନ୍ତି  । ଏହି ଘଟଣା ସେ  ଘଟାଇଛନ୍ତି  । ମଦ୍ୟପାନ କରି ଏପରି କରିଛନ୍ତି କିନ୍ତୁ କେଉଁ କାରଣରୁ ଏହା ହୋଇଛି ତାହା ଆମେ ଜାଣି ନାହୁଁ ବୋଲି କହିଛନ୍ତି ଚିକିତ୍ସିତ ମହିଳାଙ୍କ ସମ୍ପର୍କୀୟ  ।

ରାଜଧାନୀରେ ଚାଞ୍ଚଲ୍ୟ, ପରିତ୍ୟକ୍ତ କୂଅରେ ବୃଦ୍ଧଙ୍କ ମୃତଦେହ

ଭୁବନେଶ୍ବର:  ଲିଙ୍ଗରାଜ ଥାନା ଲେନ୍ ୮ ର ଏକ ଘର ଭିତରେ ଥିବା ପରିତ୍ୟକ୍ତ କୂଅ ଭିତରୁ ବୃଦ୍ଧଙ୍କ ସନ୍ଦେହଜନକ ଅବସ୍ଥାରେ ମୃତଦେହ ଉଦ୍ଧାର । ଭଙ୍ଗା ଘର ଭିତରେ ଏକୁଟିଆ ଜୀବନ ବିତାଉଥିଲେ ୮୦ ବର୍ଷୀୟ ବୃଦ୍ଧ ଅଜିତ କୁମାର ବୀର । ଗତ ତିନିଦିନ ହେବ ସେ ନିଖୋଜ ହୋଇଯାଇଥିଲେ । ତେବେ ସକାଳେ କିଛି ଯୁବକ ସେହି ରାସ୍ତା ଦେଇ ଯାଉଥିବାବେଳେ କୂଅରୁ ଦୁର୍ଗନ୍ଧ ବହାରିବାରୁ ସନ୍ଦେହ ହୋଇଥିଲା ।

ଉକ୍ତ ଯୁବକମାନେ ଦେଖିଥିଲେ ଯେ କୂଅ ଭିତରେ ବୃଦ୍ଧ ଜଣଙ୍କ ମୃତଦେହ  ପଡିଥିଲା  ।  ପରେ ଲିଙ୍ଗରାଜ ଥାନାକୁ ଖବର ଦେଇଥିଲେ । ପୋଲିସ, ଅଗ୍ନିଶମ ବାହିନୀ ଓ ପ୍ରଦୀପ ସେବା ଟ୍ରଷ୍ଟ ପହଞ୍ଚି ଉଦ୍ଧାର କରିଥିଲେ । ମୃତ ଅଜିତଙ୍କ ଫୋନରୁ ତାଙ୍କ ସମ୍ପର୍କୀୟମାନଙ୍କୁ ପୋଲିସ ଖବର ଦେଇଛନ୍ତି । କେଉଁ ପରିସ୍ଥିତିରେ ଏଭଳି ମୃତ୍ୟୁ ହେଲା ସେନେଇ ତଦନ୍ତ ଚାଲିଛି ।

‘କୁକୁର ମଲେ ସମବେଦନା ସୁଅ ଛୁଟୁଛି, ଚାଷୀଙ୍କ ମୃତ୍ୟୁରେ ସମସ୍ତେ ଚୁପ’

ନୂଆଦିଲ୍ଲୀ:  ପୁଣି ଥରେ କେନ୍ଦ୍ର ସରକାରଙ୍କୁ ହରଡଘଣାରେ ପକାଇଛନ୍ତି ମେଘାଳୟ ରାଜ୍ୟପାଳ ସତ୍ୟପାଲ ମଲ୍ଲିକ । ନିଜ ଅଭିଭାଷଣରେ କେନ୍ଦ୍ର ସରକାରଙ୍କୁ ତେରେଚ୍ଛା ବାଣ ମାରିଛନ୍ତି ମଲ୍ଲିକ । କହିଛନ୍ତି, ତିନି କୃଷି ଆଇନ୍ ବିରୋଧରେ ସାରା ଦେଶରେ ଆନ୍ଦୋଳନ ଜାରି ରହିଛି । ଚାଷୀମାନେ କେବେ ବି ଏତେ ବଡ ଆନ୍ଦୋଳନ କରିନଥିଲେ । ଦେଶବ୍ୟାପୀ ଆନ୍ଦୋଳନ ହେଉଥିଲେ ମଧ୍ୟ ସମସ୍ତେ ଚୁପ ରହିଛନ୍ତି। ଆନ୍ଦୋଳନ ସମୟରେ ୬ ଶହ ଚାଷୀଙ୍କ ମୃତ୍ୟୁ ହୋଇଛି ।

ହେଲେ କେହି ବି ଜଣେ ଦିଲ୍ଲୀ ନେତା ଆହା ଟିକେ କହିନାହାଁନ୍ତି । ଗୋଟେ କୁକୁର ମରିବା ପରେ ସମବେଦନାର ସୁଅ ଛୁଟୁଛି । ହେଲେ ୬ ଶହ ଚାଷୀଙ୍କ ମୃତ୍ୟୁ କୁ ନେଇ ସଂସଦରେ କୌଣସି ପ୍ରସ୍ତାବ ପାରିତ ହେଲା ନାହିଁ । କୃଷି ଆଇନ୍ ପ୍ରସଙ୍ଗରେ ଯିଏ ବି ମୁହଁ ଖୋଲୁଛି ସେ ବିବାଦୀୟ ହୋଇପଡୁଛି । ହେଲେ ଏଥି ପ୍ରତି ମୋର ଭୟ ନାହିଁ । ଦିଲ୍ଲୀରୁ ଯେବେ ବି ଫୋନ୍ ଆସିବ ମୁଁ ସେବେ ମୋ ପଦରୁ ଇସ୍ତଫା ଦେବା ପାଇଁ ପ୍ରସ୍ତୁତ ବୋଲି କହିଛନ୍ତି ମେଘାଳୟ ରାଜ୍ୟପାଳ ସତ୍ୟପାଲ ମଲ୍ଲିକ ।