spot_img
Home Blog Page 5129

ରାଜଧାନୀ ବସ୍ତିରେ ପୋଲିସ ମିତ୍ର: ହଟିବ ଅପରାଧ, ଦୃଢ ହେବ ବନ୍ଧୁତ୍ୱ

ଭୁବନେଶ୍ବର: ରାଜଧାନୀ ବସ୍ତିକୁ ଅପରାଧମୁକ୍ତ କରିବା ପାଇଁ ବସ୍ତିକୁ ଚାଲ ଅଭିଯାନକୁ ଜୋରଦାର କରିଛି ପୋଲିସ୍ । ବସ୍ତିରେ ବନ୍ଧୁତ୍ବରେ ହାତ ବଢାଇବା ପାଇଁ ଆଉ ପାଦେ ଆଗେଇ ପୋଲିସ ଗଢିଲା ପୋଲିସ ମିତ୍ର । ବସ୍ତିରେ ଅପରାଧ ଓ ଅପରାଧିକ କାର୍ଯ୍ୟ କଳାପକୁ ରୋକିବାକୁ ପଦକ୍ଷେପ । ପ୍ରଥମ ପର୍ଯ୍ୟାୟରେ ଭୁବନେଶ୍ବରର ବିଭିନ୍ନ ବସ୍ତିରେ ୧୦୦ ଜଣଙ୍କୁ ପୋଲିସ ମିତ୍ରକୁ ଟ୍ରେନଂ ଦେଇଛି ପୋଲିସ । ବସ୍ତିରେ ବନ୍ଧୁତ୍ବରୁ ସୁରକ୍ଷା । ଅପରାଧ ମୁକ୍ତ ବସ୍ତି ପାଇଁ ଆଣ୍ଟା ଭିଡିଲା ପୋଲିସ୍ । କଳା ତ୍ରିଭୁଜକୁ ରୋକିବ ବସ୍ତି ଓ ପୋଲିସ୍ ମିତ୍ର । ବସ୍ତିକୁ ଚାଲ ଅଭିଯାନରେ ବସ୍ତିମିତ୍ର ପରେ ପୋଲିସ ମିତ୍ର । ବସ୍ତିରେ କ୍ରାଇମ ଜଗିବେ ପୋଲିସ ମିତ୍ର । ପୋଲିସ ମିତ୍ରକୁ ଗୁରୁମନ୍ତ୍ର ଦେଲେ ସିପି ଓ ଡିସିପି ।

ବସ୍ତିରେ ନିଶା କାରାବାର ଓ ଅପରାଧ କାର୍ଯ୍ୟକଳାପ ଉପରେ ରହିବ ନଜର । ପ୍ରଥମ ପର୍ଯ୍ୟାୟରେ 100 ଜଣଙ୍କ ସହ ଆଲୋଚନା କରିଛନ୍ତି ପୋଲିସ କମିଶନର ଓ ଡିସିପି । ସେମାନଙ୍କୁ ସ୍ୱତନ୍ତ୍ର ଟି-ସାର୍ଟ, ଆଇ କାର୍ଡ ଦେବା ସହ ସାମାଜିକ ଦାଇତ୍ୱକୁ ନେଇ ଦିନିକିଆ ତାଲିମ ଦିଆଯାଇଛି । ପୋଲିସ ମିତ୍ରର ଚରିତ୍ର ପଞ୍ଜିକା ଉପରେ ଗୁରୁତ୍ବ ଦେଇଛି ପୋଲିସ । ପ୍ରଥମ ପର୍ଯ୍ୟାୟରେ ୧ ହଜାର ଜଣ ଯୁବକଙ୍କୁ ପ୍ରଶିକ୍ଷଣ ଦିଆଯିବ । ଯେଉଁମାନଙ୍କ ଅପରାଧୀ ପୃଷ୍ଠଭୂମି, ନିଶାସେବନକାରୀ ନଥିବେ ଓ କୌଣସି ରାଜନୈତିକ ଦଳରେ ନଥିବେ ସେମାନଙ୍କୁ ଚିହ୍ନଟ କରି ପୋଲିସ ବିଭିନ୍ନ ସାମାଜିକ କାର୍ଯ୍ୟକ୍ରମ ଉପରେ ପ୍ରଶିକ୍ଷଣ ଦେବେ । ଏ ମାନଙ୍କ ଜରିଆରେ ବସ୍ତି ରେ ଘଟୁଥିବା ଅପରାଧ ସହଜରେ ରୋକା ଯାଇପାରିବ ବୋଲି ପୋଲିସ କମିଶନର କହିଛନ୍ତି ।

କମିଶନରେଟ ପୋଲିସ ପକ୍ଷରୁ ଫୋକସ ବସ୍ତି ଭାବରେ ୩୦ଟି ବସ୍ତିକୁ ବସ୍ତିକୁ ଚାଲ ଅଭିଯାନରେ ସାମିଲ କରିଛି । ପ୍ରାଥମିକ ପର୍ଯ୍ୟାୟରେ ୫ ଶହ ଜଣ ଜଣ ଯୁବକଙ୍କୁ ଟ୍ରେନିଂ ଦେବାକୁ ଚିହ୍ନଟ କରିଛି ପୋଲିସ । ପୂର୍ବରୁ ବସ୍ତିକୁ ଚାଲ ଅଭିଯାନ କରି ବସ୍ତି ବାସିନ୍ଦାଙ୍କ ସହ ସୁ ସଂପର୍କ ରଖିବା ପ୍ରୟାସ ଆରମ୍ଭ କରିଥିଲା ପୋଲିସ । ଏହି କ୍ରମରେ ପ୍ରତି ବସ୍ତି ପାଇଁ 2 ଜଣ ପୋଲିସ ଅଧିକାରୀଙ୍କୁ ବସ୍ତି ମିତ୍ର ଭାବେ ନିଯୁକ୍ତ କରାଯାଇଛି । ବସ୍ତିକୁ ଚାଲ ଅଭିଯାନ ଆରମ୍ଭ ହେବା ଦିନ ଠାରୁ ବସ୍ତିରେ ଅପରାଧ ଓ କୌଣସି ସମସ୍ୟା ନେଇ ଥାନାକୁ ଆସିବା ମାମଲା କମିଛି ବୋଲି ଡିସିପି କହିଛନ୍ତି ।

କିନ୍ନରଙ୍କୁ ମାଡ଼ ମାରିବା ପଡିଲା ମହଙ୍ଗା, ବନ୍ଧାହେଲେ କନେଷ୍ଟବଳ

ଢେଙ୍କାନାଳ: କିନ୍ନରଙ୍କୁ ମାଡ଼ ମାରିବା ଓ ଲୁଟ୍ ଘଟଣାରେ କନେଷ୍ଟବଳ ସମେତ ଦୁଇ ଜଣ ଗିରଫ । ପୋଲିସ କନେଷ୍ଟବଳ ମାନସ ରଞ୍ଜନ ନାଏକ ଓ ତାଙ୍କ ସହଯୋଗୀ ପିତିରି ପଞ୍ଚାୟତର ପୂର୍ବତନ ସରପଞ୍ଚ ଶୁଶାନ୍ତ ନାଏକଙ୍କୁ ଗିରଫ ହୋଇଛନ୍ତି । ଉଭୟଙ୍କୁ କୋର୍ଟ ଚାଲାଣ କରିଛି ପୋଲିସ । କାମାକ୍ଷାନଗର-ପରଜଙ୍ଗ ଥାନା ଗଡ଼ପଳାଶୁଣୀ ଅଞ୍ଚଳର ଘଟଣା ।

ତେଲକୋଇରୁ ଭୁବନେଶ୍ୱର ଫେରୁଥିବା କିନ୍ନର କିନ୍ନର ମହମାୟାଙ୍କ ଗାଡିକୁ ଅଟକାଇ ଆକ୍ରମଣ କରିଥିଲେ କନେଷ୍ଟବଳ ଓ ତାଙ୍କ ସହଯୋଗୀ । ମାଡ଼ମାରିବା ସହ ସେମାନଙ୍କ ପାଖରୁ ସୁନା ଗହଣା ଲୁଟ କରିଥିବା ଥାନାରେ ଏତଲା ହୋଇଥିଲା । ପରେ ପୋଲିସ କନେଷ୍ଟବଳ ମାନସ ରଞ୍ଜନ ନାଏକଙ୍କ ସହ ପିତିରି ପଞ୍ଚାୟତର ପୂର୍ବତନ ସରପଞ୍ଚ ଶୁଶାନ୍ତ ନାଏକଙ୍କୁ ଗିରଫ କରି କୋର୍ଟ ଚାଲାଣ କରିଛି ।

କଳାହାଣ୍ଡିରେ ପହଁଚିବ ସ୍ମାର୍ଟ କାର୍ଡ, ସୋମବାର ବାଣ୍ଟିବେ ମୁଖ୍ୟମନ୍ତ୍ରୀ

ଭୁବନେଶ୍ୱର: ଏବେ କଳାହାଣ୍ଡି ପାଳି । ସମ୍ବଲପୁର ପରେ କେବିକେରେ ପହଁଚିବ ସ୍ମାର୍ଟ ସ୍ୱାସ୍ଥ୍ୟ କାର୍ଡ  ।   ଗୋଟିଏ କାର୍ଡ ସ୍ୱାସ୍ଥ୍ୟର ଯତ୍ନ ପାଇଁ ଯଥେଷ୍ଟ । ଖୋଦ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୋମବାର କଳାହାଣ୍ଡିରେ ପ୍ରଦାନ କରିବେ BSKY ସ୍ମାର୍ଟ କାର୍ଡ  ।  ସବୁ ରୋଗର ମାଷ୍ଟର କାର୍ଡ ବିଏସକେୱାଇ ସ୍ମାର୍ଟ ହେଲଥ କାର୍ଡ । ଗରିବଙ୍କ ଆଶା ବାଡ଼ି ସାଜିଛି ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା । ବିଭିନ୍ନ ଜଟିଳ ରୋଗରେ ପୀଡ଼ିତ ହିତାଧିକାରୀ ଏହି କାର୍ଡ଼ ଜରିଆରେ ଉନ୍ନତମାନର ଚିକିତ୍ସା ସୁବିଧା ପାଉଛନ୍ତି । ଏପରି ସ୍ଥିତିରେ ସଭିଙ୍କ ସ୍ୱାସ୍ଥ୍ୟର ସ୍ମାର୍ଟ କାର୍ଡ ବିତରଣ ଜାରି ରଖିଛନ୍ତି ମୁଖ୍ୟମନ୍ତ୍ରୀ  ।

ଆସନ୍ତାକାଲି କଳାହାଣ୍ଡିରେ ହିତାଧିକାରୀଙ୍କୁ କାର୍ଡ଼ ଦେବାକୁ ଯାଉଛନ୍ତି ମୁଖ୍ୟମନ୍ତ୍ରୀ । ମୁଖ୍ୟମନ୍ତ୍ରୀଙ୍କ ଗସ୍ତକୁ ନଜରରେ ରଖି ଜିଲ୍ଲା ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି ସରିଛି । ଜିଲ୍ଲାବାସୀ ମୁଖ୍ୟମନ୍ତ୍ରୀଙ୍କୁ ସ୍ବାଗତ କରିବାକୁ ଅପେକ୍ଷା କରିଛନ୍ତି । ଦେଶରେ ପ୍ରଥମ ରାଜ୍ୟ ଭାବେ ଓଡ଼ିଶା ସ୍ବାସ୍ଥ୍ୟକ୍ଷେତ୍ରରେ ଡିଜିଟାଲ କାର୍ଡ ପ୍ରଚଳନ କରିଛି । ରାଜ୍ୟରେ ସାଢେ ୩କୋଟି ଲୋକ ଏହି ଯୋଜନାରେ ସାମିଲ ହୋଇଛନ୍ତି ।  ଯୋଜନାରେ ପୁରୁଷମାନଙ୍କ ପାଇଁ ୫ଲକ୍ଷ ଓ ମହିଳାମାନେ ୧୦ ଲକ୍ଷ ଯାଏଁ ଚିକିତ୍ସା ସୁବିଧା ରହିଛି । ରାଜ୍ୟର ସମସ୍ତ ସରକାରୀ ହସ୍ପିଟାଲ ଏବଂ ରାଜ୍ୟ ତଥା ରାଜ୍ୟ ବାହାରର ୨୦୦ରୁ ଅଧିକ ଘରୋଇ ହସ୍ପିଟାଲରେ ଏହି ସୁବିଧା ମିଳିବ ।

ଜୁଆ ଖେଳରୁ ଯୁବକଙ୍କୁ ଗୁଳି କରି ହତ୍ୟା

ଉତ୍ତରପ୍ରଦେଶ : ଉତ୍ତରପ୍ରଦେଶର ଜାଲୈାନ ଅଞ୍ଚଳରେ ଗୁଳି ମାଡ଼ରେ ଜଣେ ଯୁବକଙ୍କ ମୃତ୍ୟୁ ଘଟିଛି  । ଯୁବକଙ୍କୁ ଆଉ କେହି ନୁହେଁ ବରଂ ତାଙ୍କ ନିଜ ବନ୍ଧୁ ଗୁଳି ହତ୍ୟା କରିଥିବା କୁହାଯାଉଛି  । ଜୁଆ ଖେଳ ଯୋଗୁଁ ଯୁବକଙ୍କୁ ଗୁଳି ମାରିଥିବା ଜଣାପଡ଼ିଛି  । ଗୁଳି ଶବ୍ଦ ଶୁଣି ଆଖପାଖ ଲୋକ ଦୈାଡ଼ି ଆସିଥିଲେ  । ପୋଲିସ ଘଟଣାସ୍ଥଳରେ ପହଁଞ୍ଚି ଅଭିଯୁକ୍ତକୁ ଗିରଫ କରିବା ସହ ଗୁଳିକରାଯାଇଥିବା ବନ୍ଧୁକ ମଧ୍ୟ ଜବତ କରିଛି  । ମୃତ ବ୍ୟକ୍ତି ଜଣକ ନାଁ ରାଜକୁମାର ବୋଲି ଜଣାପଡ଼ିଛି  ।

ଘଟଣାଟି କୋତବାଲୀ ଅଞ୍ଚଳର କାନପୁର-ଝାଂସୀ ରାଜପଥର ପ୍ରଧାନ ନାମକ ଏକ ଢାବା ନିକଟରେ ଘଟିଛି  । ତିନି ଜଣ ସାଙ୍ଗ ବାଇକରେ ଯାଉଥିବା ସମୟରେ ଶେଷରେ ବସିଥିବା ବ୍ୟକ୍ତି ଜଣକ ମଝିରେ ବସିଥିବା ଯୁବକଙ୍କ ମୁଣ୍ଡରେ ଗୁଳି ଚଳାଇଥିଲା  । ଘଟଣାସ୍ଥଳରେ ହିଁ ଯୁବକ ଜଣକ ଟଳିପଡ଼ିଥିଲେ  ।  ଢାବାରେ ଥିବା ଲୋକେ ସଙ୍ଗେ ସଙ୍ଗେ ପୋଲିସଙ୍କୁ ଖବର ଦେଇଥିଲେ  । ଖବର ପାଇ ପୋଲିସ ତୁରନ୍ତ ଘଟଣାସ୍ଥଳରେ ପହଁଞ୍ଚି ଅଭିଯୁକ୍ତଙ୍କୁ ଗିରଫ କରିଥିଲା  । ଡାକ୍ତରଖାନା ନେବା ସମୟରେ ଯୁବକଙ୍କ ମୃତ୍ୟୁ ଘଟିଥିଲା  । ପୋଲିସ  ଯୁବକଙ୍କ ମୃତ ଶରୀରକୁ ବ୍ୟବଚ୍ଛେଦ ନିମନ୍ତେ ପଠାଇଛି  । ଜୁଆ ଖେଳକୁ ନେଇ ଉଭୟଙ୍କ ମଧ୍ୟରେ ବିବାଦ ହୋଇଥିଲା  । ଯେଉଁଥିରେ ଯୁବକଙ୍କ ମୃତ୍ୟୁ ଘଟିଥିଲା ବୋଲି ଏଏପି ରାକେଶ କୁମାର ସିଂ ସୂଚନା ଦେଇଛନ୍ତି  ।

 

 

 

 

 

ପୋଲିସକୁ ଚକମା ଦେଉଛି KBN ଗ୍ୟାଙ୍ଗ, ଖୋଲା ଆକାଶରେ ଗର୍ଜୁଛି ବନ୍ଧୁକ

ଭୁବନେଶ୍ୱର: କେ.ବି.ଏନ୍ ଗ୍ୟାଙ୍ଗର ଫାୟାରିଂ କ୍ୟାମ୍ପ୍ । ଖୋଲା ଆକାଶରେ ଅନ୍ଧାର ରାତିରେ ଗର୍ଜୁଛି ବନ୍ଧୁକ । ଭିଲେନ୍ ଶିଖୁଛି ବ୍ଲାକ୍ ଫାୟରିଂ । ବନ୍ଧୁକକୁ କେମିତି ଲକ୍ କରାଯାଏ । ଆଉ କେମିତି ଟ୍ରିଗର ଦବାଯାଏ । ଭିଡିଓକୁ ସୋସିଆଲ ମିଡିଆରେ ପୋଷ୍ଟ କରି ଜାହିର କରୁଛି ଦବଦବା । ବନ୍ଧୁକ ଟ୍ରେନିଂର ଦୁଇଟି ଭିଡିଓ ଭାଇରାଲ ହୋଇଛି । ଗୋଟିଏ ଭିଡିଓ ୧୪ ସେକେଣ୍ଡର ହୋଇଥିବା ବେଳେ ଆଉ ଭିଡିଓ ୧୫ସେକେଣ୍ଡର । ଭିଡିଓରେ ଅପରାଧି ମୁହଁ ନ ଦେଖାଇ ଭିଡିଓ ସୁଟ୍ କରିଛି । ୧୪ ସେକେଣ୍ଡ ଭିଡିଓରେ ଦୁଇ ଜଣ ଯୁବକ କଥା ହେଉଥିବାବେଳେ ଜଣେ ଯୁବକ ୮ରୁ ୧୦ ରାଉଣ୍ଡ ଫାଇରିଂ କରୁଛି । ଆଉ ଗୋଟିଏ ଭିଡିଓରେ ମାଉଜରରେ କ୍ୟାଟ୍ରିଜ୍ କେମିତି ଲୋଡ କରୁଛି । ଆଉ ତା’ ପରେ ଦୁଇ ରାଉଣ୍ଡ ଫାଇରିଂ ହେଉଛି ।

ଭିଡିଓ ଗୁଡିକ ପୁରୁଣା । ସେଥି ମଧ୍ୟରୁ କିଛି ଅପରାଧିଙ୍କୁ ଗିରଫ କରାଯାଇଛି । ଅନ୍ୟ ଅଭିଯୁକ୍ତଙ୍କୁ ନେଇ ତଦନ୍ତ ଚାଲିଛି ବୋଲି ପୋଲିସ କମିଶନର କହିଛନ୍ତି । କେ.ବି.ଏନ୍ ଗ୍ରୁପର ଏଭଳି ଭୟାନ୍ନକ ଭିଡିଓ ନୁଆଁ ନୁହେଁ । ପୂର୍ବରୁ ଏହି ଗ୍ୟାଙ୍ଗର ୪ଟି ଭିଡିଓ ଭାଇରାଲ୍ ହୋଇଛି । ଯେଉଁଥିରେ ଖଣ୍ଡା ଧରି ବିଚ ରାସ୍ତାରେ ମତୁଆଲ ହେଉଥିବାର ଭିଡିଓ ଭାଇରାଲ ହୋଇଛି । ଅପରାଧି ଧରିଥିବା ବନ୍ଧୁକ ମଧ୍ୟରେ ଗୋଟିଏ ଚୋରୀ ବନ୍ଧୁକ ହୋଇଥିବା ବେଳେ ଏହାକୁ ଜବତ କରିଛି ପୋଲିସ୍ । ଏବେକାର ଭାଇରାଲ ବନ୍ଧୁକ ପୋଲିସ ନଜରକୁ ଆସିଛି । ସେହଭଳି ଏହି ଗ୍ୟାଙ୍ଗକୁ ଧରିବା ପାଇଁ ସ୍ପେଶାଲ ୨୬ ଟିମ୍ ଗଠନ ହୋଇଛି । ଖୁବଶୀଘ୍ର ଅପରାଧୀ ମାନଙ୍କୁ ଗିରଫ କରାଯିବ ବୋଲି ଡିସିପି କହିଛନ୍ତି ।

ଲଗାତର ଭିଡିଓ ଭାଇରାଲ ହେବାପରେ ବି ପୋଲିସ ଏ ପର୍ଯ୍ୟନ୍ତ କ’ଣ କାର୍ଯ୍ୟାନୁଷ୍ଠାନ ନେଇଛି ବୋଲି ପ୍ରଶ୍ନ କରିଛନ୍ତି ବରିଷ୍ଠ ଆଇନଜିବୀ ବନ ମହାନ୍ତି ।  ୨୦୨୦ରେ ୩୭ଟି ବନ୍ଧୁକ ଜବତ ହୋଇଥିବା ବେଳେ ୨୦୨୧ ଏବେ ସୁଦ୍ଧା ୧୦ରୁ ଅଧିକ ବେଆଇନ ବନ୍ଧୁକ ଜବତ କରିଛି ପୋଲିସ । ଭୁବନେଶ୍ବରରେ ଚୋରା ବନ୍ଧୁକର ଚୋରା ବାଟକୁ ଜଗିବାରେ ବିଫଳ ହୋଇଛି ପୋଲିସ । ଏଠି ପ୍ରଶ୍ନ, ଫେଲ ମାରୁଛି କି କମିଶନରେଟ ପୋଲିସର ଗୁଇନ୍ଦା ବିଭାଗ ?

ଭାରତର ସେମିଫାଇନାଲ ଆଶା ଧୂଳିସାତ;  ଆଇସିସି ଟୁର୍ଣ୍ଣାମେଣ୍ଟରେ ପୁଣି ନିରାଶ କଲା ଟିମ୍ ଇଣ୍ଡିଆ

ଦୁବାଇ: ଆଇସିସି ଟୁର୍ଣ୍ଣାମେଣ୍ଟରେ ପୁଣି ନିରାଶ କଲା ଟିମ୍ ଇଣ୍ଡିଆ । ଚଳିତ ଟି-୨୦ ବିଶ୍ବକପ ସେମିଫାଇନାଲ ଖେଳିବା ଆଶା ଧୂଳିଶାତ୍ ହୋଇଛି ଭାରତର । ତେବେ ଆଜିର ମ୍ୟାଚରେ ଭାରତ ପାଇଁ ଥିଲା ଗୁରୁତ୍ବପୂର୍ଣ୍ଣ । ଯଦି ଆଜି ମ୍ୟାଚରେ ଆଫଗାନିସ୍ତାନ ବିଜୟ ଲାଭ କରେ ତେବେ ଭାରତ ସେମିଫାଇନାଲ ଯାଇପାରିଥାନ୍ତା । କିନ୍ତୁ ଏହି ମ୍ୟାଚରେ ନ୍ୟୁଜିଲାଣ୍ଡ ବିଜୟଲାଭ କରିଛି । ଯାହା ଫଳରେ ଭାରତର ସେମିଫାଇନାଲ ଆଶା ଧୂଳିସାତ ହୋଇଛି । ୨୦୧୩ ଚମ୍ପିଆନ୍ସ ଟ୍ରଫି ପରେ ଭାରତ ଆଉ କୌଣସି ଆଇସିସି ଟ୍ରଫି ଜିତି ପାରି ନାହିଁ ।  ଚଳିତ ଟି-୨୦ ବିଶ୍ବକପ ଆରମ୍ଭରୁ ଫେଭୋରାଇଟ ଥିଲା କିନ୍ତୁ ଭାରତ ଭାରତ ଚଳିତ ବିଶ୍ବକପରେ ଟପ୍-୪ ଦଳ ମଧ୍ୟକୁ ଯାଇ ପାରିନାହିଁ ।

ଭାରତ ତା’ର ପ୍ରଥମ ମ୍ୟାଚରେ ପାରମ୍ପାରିକ ପ୍ରତିଦ୍ବନ୍ଦୀ ପାକିସ୍ତାନଠାରୁ ଶୋଚନୀୟ ପରାଜୟ ପରେ ଦ୍ବିତୀୟ ମ୍ୟାଚରେ କମବ୍ୟାକ କରିବ ବୋଲି ଆଶା କରାଯାଉଥିଲା । କିନ୍ତୁ ଦ୍ବିତୀୟ ମ୍ୟାଚରେ ମଧ୍ୟ କିଛି କମାଲ କରିପାରିନଥିଲା ଟିମ୍ ଇଣ୍ଡିଆ । ଯାହା ଫଳରେ ଦ୍ବିତୀୟ ମ୍ୟାଚରେ ମଧ୍ୟ ନ୍ୟୁଜିଲାଣ୍ଡଠାରୁ ଶୋଚନୀୟ ପରାଜୟ ବରଣ କରିଥିଲା ଟିମ୍ ଇଣ୍ଡିଆ । ଲଗାତର ଦୁଇଟି ମ୍ୟାଚରେ ପରାଜୟ ବରଣ କରିବା ପରେ ସେମି ଆଶା ଏକ ପ୍ରକାର ଧୂଳିସାତ ହୋଇଯାଇଥିଲା । କିନ୍ତୁ ଭାରତ ଆଫଗାନିସ୍ତାନ ଓ ସ୍କଟଲାଣ୍ଡଠାରୁ ବଡ଼ ବିଜୟ ହାସଲ କରି ଭାରତ ସେମିଫାଇନାଲ ଖେଳିବ ବୋଲି ଆଶା କରାଯାଉଥିଲା । ଆଜି ମ୍ୟାଚ ଯଦି ଆଫଗାନିସ୍ତାନ ବିଜୟଲାଭ କରିଥାନ୍ତା ତେବେ ଭାରତ ସେମିଫାଇନାଲ ଖେଳି ପାରିଥାନ୍ତା । କିନ୍ତୁ ଏହି ସ୍ବପ୍ନ ଏବେ ଭାରତ ପାଇଁ ସ୍ବପ୍ନ ହୋଇଯାଇଛି ।

କାର ଓଲଟି ୩ ମହିଳା ସମେତ ୫ ମୃତ

0

ରାଜସ୍ଥାନ ଜୟସାଲମେର ଜିଲ୍ଲା ରାମଗଡ଼ ଅଞ୍ଚଳରେ ଆଜି ଏକ ଅଭାବନୀୟ ଘଟଣା ଘଟିଛି  । ଏକ ସଡ଼କ ଦୁର୍ଘଟଣାରେ ତିନି ମହିଳାଙ୍କ ସମେତ ୫ ଜଣଙ୍କ ମୃତ୍ୟୁ ହୋଇଥିବା ଜଣାପଡ଼ିଛି  । ସମସ୍ତେ କାର ଯୋଗେ ତନୋତ ମାତାଙ୍କ ମନ୍ଦିର ଦର୍ଶନ ନିମନ୍ତେ ଯାଉଥିଲେ  । କାରଟି ଦ୍ରୁତ ଗତିରେ ଆସୁଥିବାରୁ ଭାରସାମ୍ୟ ହରାଇ ରାସ୍ତାରୁ ଓଲଟିପଡ଼ିଥିଲା  । ଯେଉଁଥିରେ ୫ ଜଣଙ୍କ ମୃତ୍ୟୁ ହୋଇଥିଲା  । ମୃତକଙ୍କ ମଧ୍ୟରୁ ତିନି ଜଣ ମହିଳା ଥିବା ଜଣାପଡ଼ିଛି  ।

ସୂଚନାନୁସାରେ କାରଟି ଦ୍ରୁତ ଗତିରେ ଆସୁଥିବାରୁ ଭାରସାମ୍ୟ ହରାଇ ଓଲଟି ପଡ଼ିଥିଲା ଓ ଏକ ଘାଇରେ ଖସିପଡ଼ିଥିଲା  । ଘଟଣାସ୍ଥଳରେ ୩ ଜଣଙ୍କ ମୃତ୍ୟୁ ଘଟିଥିବା ବେଳେ ୨ ଜଣଙ୍କୁ ରାମଗଡ଼ ଡାକ୍ତରଖାନା ନିଆଯାଇଥିଲା  । ମାତ୍ର ପରେ ଡାକ୍ତର ଦୁହିଁଙ୍କୁ ମୃତ ଘୋଷଣା କରିଥିଲା  ।

ମିଡିଆ ରିପୋର୍ଟ ଅନୁସାରେ କାରରେ ଥିବା ସମସ୍ତ ବ୍ୟକ୍ତି ଗଙ୍ଗାନଗର ଅଞ୍ଚଳର  । ରାମଗଡ଼ ପୋଲିସ ଘଟଣାସ୍ଥଳରେ ପହଁଞ୍ଚି ଘଟଣାର ଯାଞ୍ଚ ଆରମ୍ଭ କରିଛନ୍ତି  । ଘଟଣାଟି ରାମଗଡ଼ ଅଞ୍ଚଳରୁ ୨୦ କିଲୋମିଟର ଦୂରରେ ଘଟିଥିଲା  । ପୋଲିସର ସୂଚନାନୁସାରେ କାରଟି ନିୟନ୍ତ୍ରଣ ହରାଇ ୧୫୦ଫୁଟ ତଳ ଘାଇକୁ ଖସି ପଡ଼ିଥିଲା  । ଏହି ସଡ଼କ ଦୁର୍ଘଟଣାରେ ମୃତ୍ୟୁ ହୋଇଥିବା ବ୍ୟକ୍ତି ହେଉଛନ୍ତି ଅର୍ଜିତ(୨୪), ଅନ୍ଦୁ(୨୪), ବର୍ଷିକା(୨୬), ବିଶାଲ(୩୨), ରିଙ୍କୁ(୨୮)  ।

ବିଜେଡି ପ୍ରତି ବଢୁଛି ବିରୋଧିଙ୍କ ପ୍ରୀତି, ଗଞ୍ଜାମରେ ଶଙ୍ଖ ଗର୍ଜନ

ଗଞ୍ଜାମ: ବିଜେଡି ପ୍ରତି ବଢୁଛି ବିରୋଧୀଙ୍କ ଆସ୍ଥା । ବିରୋଧୀ ଶିବିର ଛାଡି ବିଜୁ ଜନତା ଦଳରେ ସାମିଲ ହେଉଛନ୍ତି ନେତା ଓ କର୍ମୀ । ଗଂଜାମ ଜିଲ୍ଲା କବିସୂର୍ଯ୍ୟନଗର ନିର୍ବାଚନମଣ୍ଡଳୀ ଅନ୍ତର୍ଗତ ଶିକୁଳା ପଂଚାୟତରେ ବିଜେଡିର ମିଶ୍ରଣପର୍ବ ଅନୁଷ୍ଠିତ ହୋଇଛି । ବିଧାୟିକା ଲତିକା ପ୍ରଧାନଙ୍କ ନେତୃତ୍ବରେ ଆୟୋଜିତ ମିଶ୍ରଣ ପର୍ବରେ ସମସ୍ତଙ୍କୁ ଦଳକୁ ସ୍ବାଗତ କରାଯାଇଛି ।

ବରିଷ୍ଠ ବିଜେପି ନେତା ତ୍ରିନାଥ ବେହେରାଙ୍କ ସହିତ ଶତାଧିକ କର୍ମୀ ବିଜେଡିରେ ସାମିଲ ହୋଇଛନ୍ତି । ମୁଖ୍ୟମନ୍ତ୍ରୀଙ୍କ ସ୍ବଚ୍ଛ ଶାସନ ଓ ଲୋକାଭୀମୁଖି ଯୋଜନାରେ ପ୍ରଭାବିତ ହୋଇ ବିଜେଡିରେ ସାମିଲ ହୋଇଛନ୍ତି ବିଜେପି କର୍ମୀ । ଆଗାମୀ ଦିନରେ ପଂଚାୟତ ଓ ପୌର ନିର୍ବାଚନ ଥିବାବେଳେ ଏହା ପୂର୍ବରୁ ତୃଣମୂଳସ୍ତରରେ ବିଜେଡି ଆହୁରି ସଶକ୍ତ ହେବାରେ ଲାଗିଛି ।

ପଞ୍ଜାବରେ ୧୧୭ ଆସନରେ ନିର୍ବାଚନ ଲଢ଼ିବ ବିଜେପି

ଚଣ୍ଡିଗଡ଼: ଆସନ୍ତା ବର୍ଷ ହେବାକୁ ଥିବା ପଞ୍ଜାବ ନିର୍ବାଚନରେ ଏକାକୀ ଲଢ଼ିବ ବିଜେପି । ପଞ୍ଜାବର ସମସ୍ତ ୧୧୭ଟି ଆସନରେ ପ୍ରାର୍ଥୀ ଦେବ ଭାରତୀୟ ଜନତା ପାର୍ଟି । ଏନେଇ ପଞ୍ଜାବ ବିଜେପି ସଭାପତି ଅଶ୍ବିନୀ ଶର୍ମା କହିଛନ୍ତି । ଦିଲ୍ଲୀରେ ଆୟୋଜିତ ଜାତୀୟ କାର୍ଯ୍ୟକାରିଣୀ ବୈଠକରେ ଭର୍ଚୁଆଲ ମୋଡରେ ଯୋଗ ଦେଇ ଏହା କହିଛନ୍ତି ଅଶ୍ବିନୀ ଶର୍ମା । ତେବେ ୨୦୧୭ରେ ହୋଇଥିବା ପଞ୍ଜାବ ନିର୍ବାଚନରେ କଂଗ୍ରେସ ୭୭ଟି ସିଟ୍ ଜିତି ସରକାର କରିଥିଲା । ଏହା ପୂର୍ବରୁ ପଞ୍ଜାବରେ ୧୦ ବର୍ଷ ଧରି ବିଜେପି ଓ ଅକାଳୀ ଦଳର ସରକାର ଥିଲା ।

ତେବେ ୨୦୧୭ ମସିହାରେ ପଞ୍ଜାବରେ ହୋଇଥିବା ବିଧାନସଭା ନିର୍ବାଚନରେ କଂଗ୍ରେସ ପରେ ଦ୍ବିତୀୟ ସ୍ଥାନରେ ଥିଲା ଆମ୍ ଆଦମୀ ପାର୍ଟି । ୧୧୭ ସଦସ୍ୟ ବିଶିଷ୍ଟ ପଞ୍ଜାବ ବିଧାନସଭାରେ ୨୦ଟି ସିଟ୍ ଜିତିଥିଲା ଆମ୍ ଆଦମୀ ପାର୍ଟି । ଆମ୍ ଆଦମୀ ପାର୍ଟି ପରେ ୧୫ଟି ସିଟ୍ ଜିତି ତୃତୀୟ ସ୍ଥାନରେ ଥିଲା ଶିରୋମଣୀ ଅକାଳୀ ଦଳ । ୨୦୧୭ରେ ବିଜେପି ଶୋଚନୀୟ ପରାଜୟ ବରଣ କରିଥିଲା । ବିଜେପି ପଞ୍ଜାବରେ ମାତ୍ର ୩ଟି ଆସନ ଜିତିଥିଲା ।

ତେବେ ରବିବାର ଦଳର ଜାତୀୟ କାର୍ଯ୍ୟନିର୍ବାହୀ ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଗୃହମନ୍ତ୍ରୀ ଅମିତ ଶାହ ଏବଂ ବିଜେପି ରାଷ୍ଟ୍ରୀୟ ସଭାପତି ଜେପି ନଡ୍ଡା ଯୋଗ ଦେଇଥିଲେ । ଆସନ୍ତା ବର୍ଷ ୭ଟି ରାଜ୍ୟରେ ବିଧାନ ସଭା ନିର୍ବାଚନ ରଣନୀତି ନେଇ ବୈଠକରେ ଆଲୋଚନା ହୋଇପାରେ।

ବାହାଘର ସ୍ମୃତିକୁ ଫ୍ରେମରେ ସାଉଁଟିଲେ ପ୍ରିୟଙ୍କା ନିକ୍

ବାହାଘର ହିନ୍ଦୁ ଧର୍ମର ଏକ ସ୍ୱତନ୍ତ୍ର ପରମ୍ପରା  । ବାହାଘର ସ୍ମୃତିକୁ ସମସ୍ତେ ନିଜ ଘରେ ସାଉଁଟି ରଖଥାନ୍ତି  । ସେ ସ୍ୱାମୀ-ସ୍ତ୍ରୀଙ୍କ ବାହାଘର ଫଟୋ ହେଉ ଅବା ଦୁହିଁଙ୍କ ଭଲପାଇବା  । ଫିଲ୍ମ ତାରକା ସମସ୍ତଙ୍କଠୁ ଭିନ୍ନ ଉପାୟ ଚିନ୍ତା କରି ସବୁବେଳେ ଚର୍ଚ୍ଚାରେ ଥାନ୍ତି  । ସୁନ୍ଦରୀ ପ୍ରିୟଙ୍କା ଓ ତାଙ୍କ ସ୍ୱାମୀ ନିକ୍ ଠିକ୍ ଏହିଭଳି ଏକ ଭିନ୍ନ ସ୍ମୃତି ତିଆରି କରି ଚର୍ଚ୍ଚାକୁ ଆସିଛନ୍ତି  ।

ପ୍ରିୟଙ୍କା ଚୋପ୍ରା ନିଜ ଦେଶୀ ଅନ୍ଦାଜ ପାଇଁ ସବୁବେଳେ ଚର୍ଚ୍ଚାରେ ଥାନ୍ତି  । ବିଦେଶରେ ଥାଇ ମଧ୍ୟ ଭାରତୀୟ ପର୍ବକୁ ପାଳନ କରିବାକୁ ଭୁଲନ୍ତି ନାହିଁ  । ଉଭୟେ ବାହାଘରର ଏକ ସ୍ମୃତିକୁ ସାଉଁଟି ରଖିବାକୁ ନିଷ୍ପତ୍ତି ନେଇଥିଲେ  । ପ୍ରିୟଙ୍କା ଏବଂ ନିକ୍ ଦିପାବଳୀରେ ଦୁହିଁଙ୍କ ଫଟୋ ସେୟାର କରିବା ସହ ସମସ୍ତ ଭାରତବାସୀଙ୍କୁ ଦୀପାବଳିର ଶୁଭେଚ୍ଛା ଜଣାଇଛନ୍ତି  । ଏହି ଫଟୋରେ ପ୍ରିୟଙ୍କା ସୁନ୍ଦର କାରିଗରୀର ଲେହେଙ୍ଗା ପିନ୍ଧିଥିବା ବେଳେ ନିକ୍ ଲାଲ ରଙ୍ଗର କୁର୍ତ୍ତା ପିନ୍ଧିବାର ଦେଖାଯାଇଥିଲା  ।

ଗତ ଦୁଇ ବର୍ଷ ତଳେ ୨୦୧୮ ଡିସେମ୍ବର ୧ରେ ପ୍ରିୟଙ୍କା, ନିକ୍ ପରସ୍ପର ବିବାହ ବନ୍ଧନରେ ବାନ୍ଧି ହୋଇଥିଲେ  । ବାହାଘରରେ ଉଭୟଙ୍କ ମଧ୍ୟରେ ବିବାହ ଗଣ୍ଠି ପଡ଼ିଥିଲା ଓ ଏହି ବିବାହ ଗଣ୍ଠିକୁ ଉଭୟେ ଏକ ଫ୍ରେମ ମାଧ୍ୟମରେ ସନ୍ତକ ଭାବେ ନିଜ ଘରେ ରଖିଛନ୍ତି। ଯାହାର ଫଟୋ ମଧ୍ୟ ସୋସିଆଲ ମିଡିଆରେ ସେୟାର କରିଛନ୍ତି  । ଏଭଳି ଫ୍ରେମକୁ ସମସ୍ତ ଫ୍ୟାନ୍ସ ଖୁବ୍ ପସନ୍ଦ କରିଛନ୍ତି  ଏଥିସହ ଫଟୋରେ କମେଣ୍ଟ ମଧ୍ୟ ଦେଇଛନ୍ତି  ।