spot_img
Home Blog Page 5132

CRPFରେ ଚାକିରି କରେଇ ଦେବାକୁ କହି ଲକ୍ଷାଧିକ ଟଙ୍କା ହଡ଼ପ: ୨ଜଣଙ୍କୁ ଗିରଫ ପରେ କୋର୍ଟ ଚାଲାଣ

ଭଦ୍ରକ: ଚାକିରି କରାଇଦେବା ନାଁରେ ଟଙ୍କା ହଡ଼ପ, ୨ ଗିରଫ । ଚେକ ବାଉନ୍ସରୁ ଫିଟିଲା ଗୁମର । ସି.ଆର.ପି.ଏଫରେ ଚାକିରି କରିଦେବାକୁ କହି ଲକ୍ଷାଧିକ ଟଙ୍କା ହଡ଼ପ ଘଟଣା ସାମ୍ନାକୁ ଆସିଛି । ଏନେଇ ଅଭିଯୋଗ ହେବା ପରେ ୨ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ଭଦ୍ରକ ଜିଲ୍ଲା ବନ୍ତ ପୋଲିସ । ସୂଚନା ଅନୁଯାୟୀ ଭଦ୍ରକ ଗ୍ରାମାଞ୍ଚଳ ଥାନା ଗଣିଜାଙ୍ଗ ପଞ୍ଚାୟତ ବେଲଦାର କରୁଣାକର ରାଉତ ନାମକ ଜଣେ ବ୍ୟକ୍ତି ସିଆର.ପି.ଏଫ. ରେ ଚାକିରି କରାଇଦେବାକୁ ଅନେକ ଯୁବକଙ୍କୁ ପ୍ରଲୋଭନ ଦେଖାଇଥିବା ଅଭିଯୋଗ ହୋଇଥିଲା । ଏନେଇ ଏକାଧିକ କିସ୍ତିରେ ପ୍ରାୟ ୫ ଲକ୍ଷରୁ ଅଧିକ ଟଙ୍କା ସେ ନେଇଥିବା ଜଣାପଡିଛି ।

ତେବେ ପ୍ରତିଶ୍ରୁତି ମୁତାବକ ଚାକିରି ନହେବାରୁ ସତ୍ୟପ୍ରକାଶ ନାମକ ଜଣେ ଯୁବକ କରୁଣାକରଙ୍କୁ ଦେଇଥିବା ଟଙ୍କା ମାଗିବାରୁ କରୁଣାକର ଏକ ଚେକ ଦେଇଥିଲେ । ଯାହାକି ପରବର୍ତ୍ତୀ ପର୍ଯ୍ୟାୟରେ ବାଉନ୍ସ ହୋଇ ଫେରି ଆସିଥିଲା । ଏନେଇ ଉଭୟଙ୍କ ମଧ୍ୟରେ ବଚସା ହୋଇ ଶେଷରେ ଥାନା ପର୍ଯ୍ୟନ୍ତ କଥା ଯାଇଥିଲା । ପୁଲିସ ଅଭିଯୋଗ ପାଇବା ପରେ ତଦନ୍ତ ଆରମ୍ଭ କରିଥିଲା । ଶେଷରେ ଏହି ଘଟଣାରେ କରୁଣାକର ରାଉତ ସହ ବନ୍ତ ଥାନା ନିଳୋକ ପଞ୍ଚାୟତ ଅନ୍ତର୍ଗତ ବୁଢ଼ଗଢିଆ ଗ୍ରାମର କିଷାନ ନାୟକ ମଧ୍ୟ ସମାନ ଠକେଇ କରିଥିବା ଜମାପଡିବା ପରେ ଉଭୟଙ୍କୁ ଗିରଫ କରି କୋର୍ଟଚାଲାଣ କରିଛି ।

ଏଥିସହିତ ପଢ଼ନ୍ତୁ: ଧାର ଟଙ୍କା ପାଇଁ ବୋମା ମାଡ଼: ସାନ ଭାଇର ବୋମା ମାଡ଼ରେ ବଡ଼ ଭାଇ ମୃତ

ଥାନାରେ ନିଆଁ ଲାଗି ୨୫ରୁ ଅଧିକ ଗାଡ଼ି ଜଳି ପାଉଁଶ

0

ଗୁଜୁରାଟ : ଗୁଜୁରାଟ ଖେଡ଼ା ପୋଲିସ ଷ୍ଟେସନରେ ଗତକାଲି ଏକ ଅଭାବନୀୟ ଘଟଣା ଦେଖିବାକୁ ମିଳିଛି  ।  ନିଆଁ ଲାଗି ୨୫ରୁ ଅଧିକ ଗାଡ଼ି ଜଳି ପାଉଁଶ ହୋଇଯାଇଛି । ଗତକାଲି ଖେଡ଼ା ଥାନାରେ ହଠାତ୍ ନିଆଁ ଲାଗିଥିଲା  । ନିଆଁ ଲାଗିବା କ୍ଷଣି ଥାନାର ପାଖଆଖ ଅଞ୍ଚଳରେ ଥିବା ସମସ୍ତ ଗାଡ଼ି ଜଳିଯାଇଥିବା ଖବର ମିଳିଛି  । ଏଥିରେ ୨୫ଟି ଗାଡ଼ି ପୋଡ଼ିଯାଇଥିବା କୁହାଯାଉଛି । ନିଆଁକୁ ଆୟତ୍ତ କରିବା ଲାଗି ସଙ୍ଗେ ସଙ୍ଗେ ଦମକଳବାହିନୀଙ୍କୁ ଖବର ଦିଆଯାଇଥିଲା  । ମାତ୍ର ସେତେବେଳକୁ ସମସ୍ତ ଗାଡ଼ିରେ ନିଆଁ ଲାଗିଯାଇଥିଲା  ଏବଂ ଏହାକୁ ଆୟତ୍ତ କରିବା ଅସମ୍ଭବ ହୋଇପଡ଼ିଥିଲା  ।

ସୂଚନାରୁ ଅନୁସାରେ ଘଟଣାରେ କୈାଣସି ବ୍ୟକ୍ତି କ୍ଷତି ନ ହୋଇଥିବା ଜଣାପଡ଼ିଛି  । ବର୍ତ୍ତମାନ ସୁଦ୍ଧା ଥାନାରେ ନିଆଁ ଲାଗିବାର କାରଣ ସ୍ପଷ୍ଟ ହୋଇନଥିବା କଥା ଥାନାର ଜଣେ ବରିଷ୍ଠ କର୍ମଚାରୀ ସୂଚନା ଦେଇଛନ୍ତି  । ଖୁବ୍ ଶୀଘ୍ର ଯାଞ୍ଚ କରାଯାଇ ଏହାର କାରଣ ସ୍ପଷ୍ଟ କରାଯିବ ବୋଲି ଥାନାଧିକାରୀ ପ୍ରକାଶ କରିଛନ୍ତି  । ନିଆଁ ଏତେ ପରିମାଣରେ ବଢ଼ିଯାଇଥିଲା ଯେ ଏହାକୁ ଆୟତ୍ତ କରିବା କଷ୍ଟକର ହୋଇଯାଇଥିଲା  ।

ନ୍ୟୁଜିଲାଣ୍ଡ ବିପକ୍ଷରେ ଖେଳିବେ ଆଫଗାନିସ୍ତାନ ଷ୍ଟାର ସ୍ପିନର ମୁଜିବ !

ଦୁବାଇ: ଚଳିତ ଟି-୨୦ ବିଶ୍ବକପରେ ଭାରତ ସେମିଫାଇନାଲ ଯିବ କି ନାହିଁ ତାହା ଆଫଗାନିସ୍ତାନ ଉପରେ ନିର୍ଭର । ଆଜି ଯଦି ଆଫଗାନିସ୍ତାନ ନ୍ୟୁଜିଲାଣ୍ଡକୁ ପରାସ୍ତ କରେ ତେବେ ଭାରତ ସେମିଫାଇନାଲକୁ ଯାଇପାରିବ । ଟୁର୍ଣ୍ଣାମେଣ୍ଟର ପ୍ରଥମ ଦୁଇଟି ମ୍ୟାଚରେ ଭାରତ ଶୋଚନୀୟ ପରାଜୟ ପରେ ଅଡୁଆରେ ପଡ଼ିଥିଲା ଟିମ୍ ଇଣ୍ଡିଆ । କିନ୍ତୁ ଏହା ପରେ ଲଗାତାର ଭାବରେ ଦୁଇଟି ମ୍ୟାଚରେ ଦମଦାର କମବ୍ୟାକ କରିଥିଲା ବିରାଟ ବ୍ରିଗେଡ । ତୃତୀୟ ମ୍ୟାଚରେ ଆଫଗାନିସ୍ତାନ ଓ  ଚତୁର୍ଥ ମ୍ୟାଚରେ ସ୍କଟଲାଣ୍ଡକୁ ପରାସ୍ତ କରି ସେମିଫାଇନାଲ  ଯିବା ପାଇଁ ପୁଣି ରେସରେ ରହିଛି ଟିମ୍ ଇଣ୍ଡିଆ । ତେବେ ଭାରତ ସେମିଫାଇନାଲକୁ ଯିବା ପାଇଁ ହେଲେ ଆଜି ଆଫଗାନିସ୍ତାନ ନ୍ୟୁଜିଲାଣ୍ଡକୁ ପରାଜୟ କରିବାକୁ ପଡ଼ିବ । ତେବେ ଏହି ମ୍ୟାଚ ଉପରେ ପ୍ରତ୍ୟେକ ଭାରତୀୟଙ୍କ ନଜର ରହିବ ।

ତେବେ ଏହି ବଡ଼ ମ୍ୟାଚ ପୂର୍ବରୁ ଭାରତକୁ  ମିଳୁଛି ଏକ ଖୁସି ଖବର । ଆଫଗାନିସ୍ତାନ ଓ ନ୍ୟୁଜିଲାଣ୍ଡ ମ୍ୟାଚ ପୂର୍ବରୁ ଆଫଗାନିସ୍ତାନର ଷ୍ଟାର ସ୍ପିନ୍ନର ମୁଜିବ ଉର ରେହମାନ ଫିଟ୍ ହୋଇଛନ୍ତି । ଆହାତ କାରଣରୁ ଭାରତ ବିପକ୍ଷ ମ୍ୟାଚରେ ଖେଳିନଥିଲେ ମୁଜିବ । କିନ୍ତୁ ନ୍ୟୁଜିଲାଣ୍ଡ ବିପକ୍ଷ ମ୍ୟାଚ ପୂର୍ବରୁ ମୁଜିବ ଜିମରେ ଅଭ୍ୟାସ କରୁଥିବା ଭିଡିଓ ସୋସିଆଲ ମିଡିଆରେ ସେୟାର କରିଥିଲେ । ଯାହାକୁ ଦେଖି ଆଶା କରାଯାଉଛି କି ମୁଜିବ ଆଜି ନ୍ୟୁଜିଲାଣ୍ଡ ବିପକ୍ଷ ମ୍ୟାଚରେ ଖେଳିବେ । ଚଳିତ ଟି-୨୦ ବିଶ୍ବକପରେ ମୁଜିବ ଦୁଇଟି ମ୍ୟାଚ ଖେଳି ୬ଟି ଓ୍ବିକେଟ ଅକ୍ତିଆର କରିଥିଲେ । ସେଥିମଧ୍ୟରୁ ସ୍କଟଲାଣ୍ଡ ବିପକ୍ଷରେ ୨୦ ରନ ଦେଇ ୫ ଓ୍ବିକେଟ ଅକ୍ତିଆର କରିଥିଲେ । ଯଦି ମୁଜିବଙ୍କ ଟି-୨୦ କ୍ୟାରିୟର କଥା ଦେଖିବା ତାହାଲେ  ସେ ଟି-୨୦ ଅନ୍ତର୍ଜାତୀୟରେ ଦମଦାର ପ୍ରଦର୍ଶନ କରିଛନ୍ତି । ସେ ଏପର୍ଯ୍ୟନ୍ତ ୨୧ଟି ମ୍ୟାଚ ଖେଳିଥିବା ବେଳେ ୩୧ଟି ଓ୍ବିକେଟ ଅକ୍ତିଆର କରିଛନ୍ତି । ତେଣୁ ଯଦି ମୁଜିବ ଆଜି ନ୍ୟୁଜିଲାଣ୍ଡ ବିପକ୍ଷରେ ମ୍ୟାଚ ଖେଳିବେ ତେବେ ନ୍ୟୁଜିଲାଣ୍ଡ ବ୍ୟାଟ୍ସମ୍ୟାନମାନଙ୍କୁ ଅଡୁଆରେ ପକାଇ ପାରିବେ ।

ଆତଙ୍କବାଦୀଙ୍କ ଚାପରେ ମୁଣ୍ଡ ନୁଆଁଇଲେ ଇମ୍ରାନ: ଟିଏଲ୍‌ପି ଉପରେ ଜାରି ନିଷେଧାଦେଶକୁ କଲେ ପ୍ରତ୍ୟାହାର

ଇସଲାମାବାଦ: ଆତଙ୍କବାଦୀଙ୍କ ଚାପରେ ମୁଣ୍ଡ ନୁଆଁଇଲେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାଁ । ଦୁର୍ଦ୍ଦାନ୍ତ ଆତଙ୍କବାଦୀ ସଂଗଠନ ତେହରିକ-ଇ-ଲାବାଇକ-ପାକିସ୍ତାନ ବା ଟିଏଲପି ଉପରେ ଜାରି ନିଷେଧାଦେଶକୁ ସରକାର ହଟାଇ ନେଇଛନ୍ତି । ଅନେକ ଆତଙ୍କବାଦୀ ଆକ୍ରମଣରେ ସାମିଲ ଏହି ସଂଗଠନକୁ ଆତଙ୍କବାଦୀ ସଂଗଠନ ତାଲିକାରୁ ବାଦ୍ ଦେବା ଲାଗି ଜୋରଦାର ଆନ୍ଦୋଳନ ଚାଲିଥିଲା ।

ବିଭିନ୍ନ ହିଂସାତ୍ମକ କାର୍ଯ୍ୟକଳାପ ଯୋଗୁ ଏହି ସଂଗଠନକୁ ଗତ ଏପ୍ରିଲରେ ନିଷିଦ୍ଧ ଘୋଷଣା କରାଯାଇଥିଲା । ନିଷିଦ୍ଧ ତାଲିକାରୁ ହଟାଇବା ଲାଗି ଗତମାସରେ ଦଶରେ ବିଭିନ୍ନ ସ୍ଥାନରେ ହିଂସାକାଣ୍ଡ ସୃଷ୍ଟି ହେବା ସହ ସରକାରଙ୍କ ଉପରେ ଚାପ ପକାଯାଇଥିଲା । ଗତ କିଛି ଦିନ ମଧ୍ୟରେ ବିଭିନ୍ନ ହିଂସା ଯୋଗୁ ୧୦ ପୋଲିସଙ୍କ ସମେତ ୨୧ ଜଣ ବ୍ୟକ୍ତି ପ୍ରାଣ ହରାଇଥିଲେ । ଟିଏଲପିକୁ ନିଷିଦ୍ଧ ଘୋଷଣା ସତ୍ତ୍ୱେ ଚାପ ଯୋଗୁ ସରକାର ଗତ କିଛିଦିନ ମଧ୍ୟରେ ୨ ହଜାରରୁ ଅଧିକ ଆତଙ୍କବାଦୀଙ୍କୁ ମୁକ୍ତ କରିଥିଲେ । ଏବେ ନିଷେଧାଦେଶ ଉଠିବା ପରେ ଆହୁରି ଅନେକ କର୍ମୀଙ୍କୁ ମୁକ୍ତ କରି ଦିଆଯିବ । ଗତ ଅକ୍ଟୋବର ୨୫ରେ ସଂଗଠନର ୩୫୦ ଜଣ କର୍ମୀଙ୍କୁ ବି ସରକାର ମୁକ୍ତ କରି ଦେଇଥିଲେ । ଏହି ଆତଙ୍କବାଦୀ ସଂଗଠନ ଉପରୁ ନିଷେଧାଦେଶ ହଟାଯିବା ପରେ ଦେଶରେ ଅଧିକ ହିଂସାତ୍ମକ କାର୍ଯ୍ୟକଳାପ ବୃଦ୍ଧି ପାଇବା ଆଶଙ୍କା କରାଯାଉଛି । ଟିଏଲପିକୁ କଟକଣା ମୁକ୍ତ କରିବା ପରେ ଅନ୍ୟ କିଛି ଦୁର୍ଦ୍ଦାନ୍ତ ଆତଙ୍କବାଦୀ ସଂଗଠନ ମଧ୍ୟ ଏହି ଦାବି କରିବା ସମ୍ଭାବନା ଦେଖାଦେଇଛି ।

ଏଥିସହିତ ପଢ଼ନ୍ତୁ: କ୍ରୁଜ୍‌ ଡ୍ରଗ୍ସ ପାର୍ଟି ମାମଲାରେ ବଡ଼ ଖୁଲାସା: ଅର୍ଥ ଆଦାୟ ପାଇଁ ଆର୍ଯ୍ୟନଙ୍କୁ କରାଯାଇଥିଲା ଗିରଫ

ଧାର ଟଙ୍କା ପାଇଁ ବୋମା ମାଡ଼: ସାନ ଭାଇର ବୋମା ମାଡ଼ରେ ବଡ଼ ଭାଇ ମୃତ

ନୟାଗଡ଼: ଧାର ଟଙ୍କା ପାଇଁ ଭାଇ ହେଲା ବଇରୀ । ସାନଭାଇର ବୋମା ମାଡ଼ରେ ବଡ଼ଭାଇ ମୃତ । ଅଭିଯୁକ୍ତ ସାନ ଭାଇ ଗିରଫ ତା’ଠାରୁ ୪ଟି ଅଫୁଟା ବୋମା ଜବତ । ଘଟଣା ଘଟିଛି ନୟାଗଡ଼ ଓଡ଼ଗାଁ ମାଣିକପାଟଣା ଛକଠାରେ । ସାନ ଭାଇର ବୋମା ମାଡ଼ରେ ଗୁରୁତର ଆହତ ହୋଇଥିବା ବଡ଼ ଭାଇର ଆଜି ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି ।

ଘଟଣାରେ ପୋଲିସ ଅଭିଯୁକ୍ତ ସାନ ଭାଇ ଚକ୍ରଧର ନାୟକ ଏବଂ ତାର ସହଯୋଗୀ ମନୋଜ ମହାରଣାକୁ ଗିରଫ କରିବା ସହ ୪ଟି ଅଫୁଟା ବୋମା ସମେତ ଏକ ବାଇକ ଜବତ କରିଛି । ଗତକାଲି ସନ୍ଧ୍ୟାରେ ଧାର ଟଙ୍କାକୁ ନେଇ ଦୁଇ ଭାଇଙ୍କ ମଧ୍ୟରେ ପ୍ରଥମେ କଥା କଟାକଟି ଏବଂ ପରେ ଧମକ ଦେବା ଆରମ୍ଭ ହେବା ପରେ ସାନଭାଇ ରାଗି ଯାଇ ଭାଇକୁ ଜୀବନରୁ ମାରିଦେବାକୁ ଯୋଜନା କରିଥିଲା । ସାଙ୍ଗ ମନୋଜ ମହାରଣାଠାରୁ ବୋମା ଆଣି ବଡ଼ଭାଇ ପଦ୍ମନାଭ ଯାଉଥିବା ବେଳେ ତା ଉପରକୁ ଫୋପାଡିଥିଲା । ବୋମା ମାଡ଼ରେ ବଡ଼ଭାଇ ଗୁରୁତର ହୋଇ ମେଡିକାଲରେ ଭର୍ତ୍ତି ହୋଇଥିଲେ । ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି ।

ଏଥିସହିତ ପଢ଼ନ୍ତୁ: ଆସନ୍ତା ୧୦ ତାରିଖରୁ ରାଜ୍ୟରେ ବଢ଼ିବ ଶୀତ: ୨ରୁ୩ ଡିଗ୍ରୀ କମିବ ତାପମାତ୍ରା

କ୍ରୁଜ୍‌ ଡ୍ରଗ୍ସ ପାର୍ଟି ମାମଲାରେ ବଡ଼ ଖୁଲାସା: ଅର୍ଥ ଆଦାୟ ପାଇଁ ଆର୍ଯ୍ୟନଙ୍କୁ କରାଯାଇଥିଲା ଗିରଫ

ମୁମ୍ୱାଇ: ଆର୍ଯ୍ୟନ ଖାନ ଡ୍ରଗ୍ସ ମାମଲାରେ ଟ୍ୱିଷ୍ଟ । ଅର୍ଥ ଆଦାୟ କରିବା ଲାଗି ଆର୍ଯ୍ୟନଙ୍କୁ ଗିରଫ କରିବା ପାଇଁ ପୂର୍ବରୁ ଯୋଜନା ହୋଇଥିଲା ବୋଲି ଜଣେ ସାକ୍ଷୀ ବୟାନ ଦେଇଛନ୍ତି । ମୁମ୍ବାଇ ପୋଲିସ ନିକଟରେ ସାକ୍ଷୀ ବିଜୟ ପାଗାରେ କହିଛନ୍ତି, ଆର୍ଯ୍ୟନଙ୍କୁ ଗିରଫ କରିବା ଲାଗି ଗତ ସେପ୍ଟେମ୍ବର ୨୭ରେ ଯୋଜନା ଚୂଡାନ୍ତ ହୋଇଥିଲା । ପରେ ଅକ୍ଟୋବର ୨ରେ କ୍ରୁଜ ଜାହାଜରେ ରେଡ ହୋଇଥିଲା । ଗତ ୩ ଓ ୪ ତାରିଖରେ ତାଙ୍କର ଏହି ବୟାନକୁ ପୋଲିସ ରେକର୍ଡ କରିଥିଲା । ଏହି ବୟାନ ଦେବା ପରେ ତାଙ୍କ ଠାରୁ ସ୍ୱାକ୍ଷର ନିଆଯାଇଥିଲା । ପାଗାରେ କହିଛନ୍ତି, କ୍ରୁଜରେ ଡ୍ରଗ୍ସ ସେବନ ପ୍ରସଂଗରେ ସୁନୀଲ ପାଟିଲ ନାମକ ଜଣେ ବ୍ୟକ୍ତି ଏନସିବିର ଯୋଗସୂତ୍ରରେ ଥିଲେ ଏବଂ ନିୟମିତ ସୂଚନା ପ୍ରଦାନ କରୁଥିଲେ ।

ପୂର୍ବରୁ ପାଟିଲଙ୍କ ସମ୍ପର୍କରେ ମଧ୍ୟ ବ୍ୟବସାୟୀ ସାମ ଡି ସୌଜା ନିଜ ବୟାନରେ ଉଲ୍ଲେଖ କରିଥିଲେ । ଗତ କିଛି ମାସ ଧରି ପାଟିଲଙ୍କ ସହ ପାଗାରେ ବାସ କରୁଥିଲେ । ଗତ ସେପ୍ଟେମ୍ବର ୨୭ ତାରିଖରେ ଏକ ତାରକା ହୋଟେଲରେ ପାଟିଲ ରହିଥିଲେ ଏବଂ ସେହି ହୋଟେଲରେ ଅନ୍ୟତମ ସାକ୍ଷୀ କେ.ପି. ଗୋସାଭିଙ୍କ ନାଁରେ ମଧ୍ୟ ଏକ ରୁମ୍ ବୁକ୍ କରାଯାଇଥିଲା । ରେଡର କିଛି ଦିନ ପୂର୍ବରୁ ବିଜେପି କର୍ମୀ ମନୀଷ ଭାନୁଶାଳୀ, ଗୋସାଭି ଓ ପାଟିଲଙ୍କ ମଧ୍ୟରେ ସାକ୍ଷାତ ଆଲୋଚନା ହୋଇଥିଲା । ଏପରିକି ପାଟିଲଙ୍କୁ ଭାନୁଶାଲୀ ଆଲିଙ୍ଗନ କରିବା ସହ ଏକ ବଡ କାମ ହୋଇଗଲା ବୋଲି କହିଥିଲେ । ଏହା କି କାମ ଥିଲା ସେନେଇ ପାଗାରେ ସୂଚନା ପାଇ ନଥିଲେ । ମାତ୍ର ରେଡ ପରେ ସବୁ କିଛି ସ୍ପଷ୍ଟ ହୋଇଗଲା ବୋଲି ସେ କହିଛନ୍ତି ।

ଏଥିସହିତ ପଢ଼ନ୍ତୁ: ମୁଁ ବଲିଉଡରେ କାମ କରିବାକୁ ଚାହୁଁଛି : ଡ୍ୱେନ୍ ଜନସନ୍

ସ୍ୱାବଲମ୍ୱୀ କରିଛି ଗୋଲାପ ଚାଷ: ୨ରୁ ୩ ଲକ୍ଷ ଟଙ୍କା ରୋଜଗାର କରୁଛନ୍ତି ଚାଷୀ

ସମ୍ୱଲପୁର: ଗୋଲାପ ଫୁଲ ଚାଷ କରି ସ୍ୱାବଲମ୍ୱୀ ତିନି ଚାଷୀ । ଦୃଢ ଇଚ୍ଛା ଶକ୍ତି ଓ କଠିନ ପରିଶ୍ରମ ବଳରେ ସଫଳ ଚାଷୀ ବନିଛନ୍ତି ଧର୍ମନାରାୟଣ ଓ ତାଙ୍କ ସାଥୀ । ଚାଷ ପାଇଁ ସମ୍ବଲପୁର ଜିଲ୍ଲା ଉଦ୍ୟାନ ବିଭାଗ ସହଯୋଗ କରୁଥିବା ବେଳେ ବର୍ଷକୁ ୨ରୁ ୩ ଲକ୍ଷ ଟଙ୍କା ରୋଜଗାର କରୁଛନ୍ତି ଚାଷୀ । ଆଉ ଚାଷ ପାଇଁ ବିଭିନ୍ନ ସରକାରୀ ଓ ବେସରକାରୀ ଅନୁଷ୍ଠାନରୁ ପୁରସ୍କୃତ ହୋଇଛନ୍ତି ।

ଗୋଲାପର ଗାଁ ସନାତନପାଲି । ପରିଚୟ ଦେଉଛି ଗୋଲାପ ଫୁଲ ଚାଷ । ଆତ୍ମନିର୍ଭର ହେଉଛନ୍ତି ଚାଷୀ । ଦୃଢ ଇଚ୍ଛା ଶକ୍ତି ଓ କଠିନ ପରିଶ୍ରମ ବଳରେ ଗୋଲାପ ଫୁଲ ଚାଷ କରି ସଫଳ ଚାଷୀ ହୋଇପାରିଛନ୍ତି ସମ୍ବଲପର ଜିଲ୍ଲା ସନାତନପାଲିର ଧର୍ମନାରାୟଣ ପ୍ରଧାନ । ନିଜସ୍ୱ ସ୍ୱଳ୍ପ ଜମିରେ ଗୋଲାପ ଚାଷ କରି ବର୍ଷକୁ ୨ରୁ ୩ ଲକ୍ଷ ଟଙ୍କା ପର୍ଯ୍ୟନ୍ତ ଲାଭ କରୁଛନ୍ତି । ଏହା ସହ ଅନ୍ୟମାନଙ୍କୁ ପ୍ରଶିକ୍ଷଣ ଦେଇ ଗୋଲାପ ଚାଷ ପ୍ରତି ଯୁବକଙ୍କୁ ଆକୃଷ୍ଟ କରୁଛନ୍ତି । ଏଥିପାଇଁ ତାଙ୍କୁ ବିଭିନ୍ନ ସରକାରୀ ଓ ବେସରକାରୀ ଅନୁଷ୍ଠାନ ପୁରସ୍କୃତ କରିଛି ।

ଆଧୁନିକ ପ୍ରଣାଳୀରେ ଗୋଲାପ ଚାଷ କରୁଛନ୍ତି ଧର୍ମପରାୟଣ ଏବଂ ତାଙ୍କ ସାଥି । ଏଥିପାଇଁ ଉଦ୍ୟାନ କୃଷି ବିଭାଗ ଉନ୍ନତମାନର ଚାରା ମାଗଣାରେ ଯୋଗାଇ ଦେଉଛି । ମାତ୍ର କରୋନା ପାଇଁ ବେପାର ସାମାନ୍ୟ ମାନ୍ଦ ହୋଇଥିଲେ ମଧ୍ୟ ଜାତୀୟ ଉଦ୍ୟାନ କୃଷି ମିଶନ ଯୋଜନାରେ ୫୦ ପ୍ରତିଶତ ସବ୍‌ସିଡି ଚାଷୀ ଦିଆଯାଇଛି ବୋଲି ଉଦ୍ୟାନ କୃଷି ଉପ ନିର୍ଦ୍ଦେଶକ କହିଛନ୍ତି ।

ଏଥିସହିତ ପଢ଼ନ୍ତୁ: ଆସନ୍ତା ୧୦ ତାରିଖରୁ ରାଜ୍ୟରେ ବଢ଼ିବ ଶୀତ: ୨ରୁ୩ ଡିଗ୍ରୀ କମିବ ତାପମାତ୍ରା

ଆସନ୍ତା ୧୦ ତାରିଖରୁ ରାଜ୍ୟରେ ବଢ଼ିବ ଶୀତ: ୨ରୁ୩ ଡିଗ୍ରୀ କମିବ ତାପମାତ୍ରା

ଭୁବନେଶ୍ୱର: ରାଜ୍ୟରେ ଧିରେ ଧିରେ ବଢୁଛି ଶୀତ । ଏବେ ଓଡ଼ିଶାକୁ ଉତ୍ତର ଦିଗରୁ ଶୁଷ୍କ ଥଣ୍ଡା ପବନ ବହୁଥିବାରୁ ଆସନ୍ତା ୧୦ ତାରିଖରୁ ରାଜ୍ୟରେ ଶୀତର ପରିମାଣ ବଢିବ । ବିଶେଷ କରି ଉପକୂଳ ଓଡ଼ିଶାରେ ସ୍ୱାଭାବିକ ଠାରୁ ୨ ରୁ ୩ ଡିଗ୍ରୀ ତାପମାତ୍ରା କମିବାକୁ ଥିବା ବେଳେ ଆଭ୍ୟନ୍ତରୀଣ ଓଡ଼ିଶାରେ ସ୍ୱାଭାବିକ ଠାରୁ ୩ ରୁ ୪ ଡିଗ୍ରୀ ତାପମାତ୍ରା କମିବ ବୋଲି ପାଣିପାଗ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି । ସେପଟେ ଭୟ ବଢ଼ାଉଛି ଲଘୁଚାପ । ନଭେମ୍ବର ଦ୍ୱିତୀୟ ଓ ତୃତୀୟ ସପ୍ତାହରେ ଦୁଇଟି ଲଘୁଚାପ ସୃଷ୍ଟି ହେବାର ସମ୍ଭାବନା ରହିଛି ।

ଏହାର ପ୍ରଭାବରେ ରାଜ୍ୟର ଦକ୍ଷିଣ ଓଡ଼ିଶାର ଜିଲ୍ଲାରେ କିଛି ସ୍ଥାନରେ ସାମାନ୍ୟରୁ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି । ଆସନ୍ତା ୯ ତାରିଖ ବେଳକୁ ଦକ୍ଷିଣ-ପୂର୍ବ ବଙ୍ଗୋପସାଗରରେ ଏକ ଲଘୁଚାପ କ୍ଷେତ୍ର ସୃଷ୍ଟି ହେବ ବୋଲି ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି । ଏହା କ୍ରମେ ଘନିଭୂତ ହୋଇ ୧୨ କିମ୍ବା ୧୩ ତାରିଖରେ ତାମିଲନାଡୁ ଏବଂ ତତ୍ ସଂଲଗ୍ନ ଦକ୍ଷିଣ ଆନ୍ଧ୍ରପ୍ରଦେଶ ଉପକୂଳରେ ସ୍ଥଳଭାଗ ଛୁଇଁବାର ସମ୍ଭାବନା ରହିଛି । ଚେନ୍ନାଇ ସହ ତାମିଲନାଡୁ ଓ ଦକ୍ଷିଣ ଆନ୍ଧ୍ର ଉପକୂଳରେ ପ୍ରବଳ ବର୍ଷା ହେବ। ଏହା ପ୍ରଭାବରେ ଭୁବନେଶ୍ବର, ଗୋପାଳପୁର, ପୁରୀ ଓ ପାରାଦୀପ ସମେତ ସମୁଦ୍ର ସଂଲଗ୍ନ ଅଞ୍ଚଳରେ ୧୧ ଓ ୧୨ ତାରିଖରେ ପ୍ରବଳ ବର୍ଷା ହେବ । ଉପକୂଳ ଜିଲ୍ଲାର ସଂଲଗ୍ନ ଜିଲ୍ଲାରେ ପାଗ ମେଘୁଆ ସହିତ ହାଲୁକାରୁ ସ୍ବଳ୍ପ ବର୍ଷା ହୋଇପାରେ। ରାୟଗଡ଼ା, କୋରାପୁଟ, ଓ ମାଲକାନଗିରିରେ ମଧ୍ୟ ହାଲୁକାରୁ ସ୍ବଳ୍ପ ବର୍ଷାର ସମ୍ଭାବନା ରହିଛି ।

ଏଥିସହିତ ପଢ଼ନ୍ତୁ: ବନ୍ଦ ପାଳନରେ ଲୋକଙ୍କୁ ହଇରାଣ କରୁଛି ବିଜେପି: ଦେଖନ୍ତୁ ବିଭିନ୍ନ ସ୍ଥାନର ଦୃଶ୍ୟ

ଟି-୨୦ ବିଶ୍ୱକପ୍‌ରେ ମୁହାଁମୁହିଁ ହେବେ ଆଫଗାନିସ୍ତାନ-ନ୍ୟୁଜିଲ୍ୟାଣ୍ଡ: ସେମିଫାଇନାଲ ପାଇଁ ଭାରତର ଶେଷ ଆଶା

ଦୁବାଇ: ରବିବାର ଆବୁଧାବିରେ ଖେଳାଯିବ ଟି-ଟ୍ୱେଣ୍ଟି ବିଶ୍ୱକପର ବହୁ ପ୍ରତିକ୍ଷୀତ ମ୍ୟାଚ୍ । ଯେଉଁ ମ୍ୟାଚରେ ନ୍ୟୁଜିଲ୍ୟାଣ୍ଡ ଓ ଆଫଗାନିସ୍ତାନ ମଧ୍ୟରେ ଦେଖିବାକୁ ମିଳିବ କଡ଼ା ଟକ୍କର । ଏହି ମ୍ୟାଚରେ ଭାରତ ଖେଳୁନଥିଲେ ବି ପ୍ରତିଟି ଭାରତୀୟଙ୍କ ନଜର ଏହି ମ୍ୟାଚ ଉପରେ ରହିଛି । ନ୍ୟୁଜିଲ୍ୟାଣ୍ଡ ଓ ଆଫଗାନିସ୍ତାନ ମ୍ୟାଚର ଫଳାଫଳ ଭାରତ ସେମିଫାଇନାଲ ଯିବାର ଭାଗ୍ୟ ନିରୂପଣ କରିବ । ଯଦି ନ୍ୟୁଜିଲାଣ୍ଡକୁ ଆଫଗାନିସ୍ତାନ ହରାଉଛି ତେବେ ଭାରତର ସେମିଫାଇନାଲ ଖେଳିବା ବାଟ ସଫା ହେବ । ଏହାସହ ଶେଷ ମ୍ୟାଚରେ ଭାରତ ନାମିବ୍ୟାଠୁ ଜିତିବା ଆବଶ୍ୟକ । ଆଜି ଦିନ ୩ଟା ୩୦ରେ ଆବୁଧାବିରେ ନ୍ୟୁଜିଲାଣ୍ଡକୁ ଭେଟିବ ଆଫଗାନିସ୍ତାନ । ତେବେ ଉଭୟ ନ୍ୟୁଜିଲ୍ୟାଣ୍ଡ ଓ ଆଫଗାନିସ୍ତାନ ପାଇଁ ମଧ୍ୟ ସେମିଫାଇନାଲ ଖେଳିବାର ସୁଯୋଗ ରହିଛି । ଯଦି ନ୍ୟୁଜିଲାଣ୍ଡ ବିଜୟ ହାସଲ କରୁଛି ତେବେ ୫ଟି ମ୍ୟାଚରୁ ୪ଟି ବିଜୟ ସହ ୮ ପଏଣ୍ଟ ପାଇ ଗ୍ରୁପ ୨ରୁ ସିଧାସଳକ ସେମିରେ ପହଞ୍ଚି ଯିବ । ସେପଟେ ଆଫଗାନିସ୍ତାନ ମଧ୍ୟ ବଡ଼ ବ୍ୟବଧାନରେ ନ୍ୟୁଜିଲାଣ୍ଡକୁ ହରେଇ ସେମିଫାଇନାଲକୁ ଯିବ ପାଇଁ ଚେଷ୍ଟା କରିବ ।

ଅନ୍ୟପକ୍ଷରେ ସାରଜାରେ ରାତିରେ ଖେଳାଯିବାକୁ ଥିବା ପାକିସ୍ତାନ-ସ୍କଟ୍‌ଲାଣ୍ଡ୍ ମୁକାବିଲା ଗୁରୁତ୍ବହୀନ ‌ହୋଇପଡ଼ିଛି। ପାକିସ୍ତାନ ଏହି ମ୍ୟାଚ୍‌ ଜିତି ଅପରାଜେୟ ପ୍ରଦର୍ଶନ ସହ ସେମିଫାଇନାଲ୍ ଯିବାକୁ ଲକ୍ଷ୍ୟ ରଖିଛି। ସ୍କଟଲାଣ୍ଡ୍ କିନ୍ତୁ ସାନ୍ତ୍ୱନାମୂଳକ ବିଜୟ ଆଶାରେ ରହିବ। ପାକିସ୍ତାନ ସେମିଫାଇନାଲ୍ ସୁଯୋଗ ହାତେଇ ସାରିଥିବାରୁ ଏହ‌ି ମ୍ୟାଚ୍‌ରେ ପରୀକ୍ଷା ନିରୀକ୍ଷା କଲେ ସ୍କଟ୍‌ଲାଣ୍ଡ୍‌ ଏହାର ଫାଇଦା ଉଠାଇପାରେ। ୨୦୧୬ ବିଶ୍ବକପ୍‌ ପରଠାରୁ ୟୁଏଇରେ ଆଫଗାନିସ୍ତାନ ୯ ମ୍ୟାଚ୍‌ରେ ଆଗ ବ୍ୟାଟିଂ କରି ୮ଟି ଜିତିଥିବାରୁ ଏଭଳି ସୁଯୋଗ ଅପେକ୍ଷାରେ ରହିପାରୋ।

ଏଥିସହିତ ପଢ଼ନ୍ତୁ: ବନ୍ଦ ପାଳନରେ ଲୋକଙ୍କୁ ହଇରାଣ କରୁଛି ବିଜେପି: ଦେଖନ୍ତୁ ବିଭିନ୍ନ ସ୍ଥାନର ଦୃଶ୍ୟ

ସାହା ହେଲା ବିଏସ୍‌କେଓ୍ୱାଇ: ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଲେ ଦେବରାଜ, କହିଲେ ସ୍ମାର୍ଟ କାର୍ଡ ନଥିଲେ ଘର ବିକ୍ରି କରିବାକୁ ପଡ଼ିଥାନ୍ତା

ଭୁବନେଶ୍ୱର: ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାର ଆଉ ଏକ ସଫଳତା । ଅସମୟରେ ସାହା ହେଲା ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାର ସ୍ମାର୍ଟ ହେଲ୍ଥ କାର୍ଡ । ବିନା ମୂଲ୍ୟରେ ଚିକିତ୍ସିତ ହେଲେ ଖୋର୍ଦ୍ଧାର ଦେବରାଜ ସାହୁ । ଯାହାଙ୍କ ବିଷୟରେ ଏକ ଭିଡିଓ ଟ୍ୱିଟ୍ କରି ଅବଗତ କରାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଆଉ ଲେଖିଛନ୍ତି ସ୍ୱାସ୍ଥ୍ୟ ସଂକଟ ସମୟରେ ଆର୍ଥିକ ଚିନ୍ତା ଦୂର କରି ଏହି ଯୋଜନା ଲୋକମାନଙ୍କ ପ୍ରକୃତ ବନ୍ଧୁ ସାଜିଛି ।

ଭିଡିଓରେ ପ୍ରଦର୍ଶିତ ଖୋର୍ଦ୍ଧାର ଦେବରାଜ ସାହୁ ବାହାର ରାଜ୍ୟରେ ଏକ ଘରୋଇ କମ୍ପାନୀରେ କାର୍ଯ୍ୟ କରୁଥିଲେ । ତାଙ୍କ ଆଙ୍ଗୁଳିରେ ଦରଜ ହେବାରୁ ସେ ସେଠାକର ସ୍ଥାନୀୟ ହସ୍ପିଟାଲରେ ଡାକ୍ତରଙ୍କୁ ଦେଖାଇଥିଲେ । କିନ୍ତୁ କୌଣସି ସୁଫଳ ପାଇନଥିଲେ । ଶେଷରେ ସେ ଓଡ଼ିଶା ଫେରିଥିଲେ । ଏବଂ ଏମ୍ସରେ ଡାକ୍ତରଙ୍କୁ ଦେଖାଇଥିଲେ । ଡାକ୍ତର ତାଙ୍କୁ ଅପରେସନ୍ କରିବାକୁ ପରାମର୍ଶ ଦେଇଥିଲେ । ଆଉ ଏ ବାବଦକୁ ପାଖାପାଖି ୨ଲକ୍ଷ ଟଙ୍କା ଖର୍ଚ୍ଚ ହେବ ବୋଲି କହିଥିଲେ । ଏହା ଶୁଣି ଚିନ୍ତାରେ ପଡ଼ିଯାଇଥିଲା  ଦେବରାଜ । ଏହି ବ୍ୟୟବହୁଳ ଅପରେସନ୍ ତାଙ୍କ ପକ୍ଷେ ଅସମ୍ଭବ ଭଳି ମନେ ହେଉଥିଲା । କିନ୍ତୁ ଡାକ୍ତର ତାଙ୍କ ଅସୁବିଧା ଜାଣି ଆଶ୍ୱାସନା ଦେଇଥିଲେ । ରାଶନ କାର୍ଡ ଥିବା କଥା ପଚାରିଥିଲେ । ଦେବାରାଜ ତାଙ୍କ କଥାରେ ହଁ ଭରିଥିଲେ । ତା’ପରେ ଆରମ୍ଭ ହୋଇଥିଲା ଅପରେସନ୍ ପାଇଁ ପ୍ରକ୍ରିୟା । ଆଉ ଅପରେସନ୍ ପୂର୍ବରୁ ତାଙ୍କ ପାଖକୁ ଏକ ମେସେଜ୍ ଆସିଥିଲା । ଯେଉଁଥିରେ ତାଙ୍କ ଆକାଉଣ୍ଟରୁ ୧ଲକ୍ଷ ୮୦ ହଜାର ଟଙ୍କା କଟିଥିବା ବେଳେ ଆଉ ୩ଲକ୍ଷ ୨୦ ହଜାର ଟଙ୍କା ବଳକା ଥିବା ଉଲ୍ଲେଖ ଥିଲା । ସେତେବେଳେ ସେ ଜାଣିବାକୁ ପାଇଥିଲେ ଯେ, ଏହି ଅପରେସନ୍ ତାଙ୍କ ବିଏସ୍‌କେଓ୍ୱାଇ ଯୋଜନା ଅନୁଯାୟୀ ହୋଇଛି । ଯାହା ଫଳରେ ତାଙ୍କର ଅପରେସନ୍ ହୋଇପାରିଛି । ଏହା ପରେ ତାଙ୍କ ଖୁସି କହିଲେ ନସରେ  । ଏଥିଲାଗି ସେ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି । ଆଉ କହିଛନ୍ତି ଅସମୟରେ ସାହା ହୋଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସରକାର ଏ ଯୋଜନା ନଥିଲେ ସେ ତାଙ୍କୁ ଘର ବିକ୍ରି କରିବାକୁ ପଡ଼ିଥାନ୍ତି । ପୂର୍ବରୁ ମଧ୍ୟ ଏଭଳି ଅନେକ ନିର୍ଦ୍ଦଶନ ଦେଖିବାକୁ ମିଳିଛି । ଏହି ବିଏସ୍‌କେଓ୍ୱାଇ କାର୍ଡ ଜରିଆରେ ଅନେକ ଲୋକେ ବିନା ମୂଲ୍ୟରେ ଚିକିତ୍ସା କରାଇବା ସହ ଆର୍ଥିକ ମେରୁଦଣ୍ଡ ଭୁଶୁଡ଼ିବାରୁ ରକ୍ଷା ପାଇଛନ୍ତି ।