spot_img
Home Blog Page 5143

କଟକଣାରେ ଚାଲିଛି ମହାକାଳୀଙ୍କ ମହାପୂଜା

ଭଦ୍ରକ: ଆରମ୍ଭ ହୋଇଛି ମହାକାଳୀଙ୍କ ମହାପୂଜା । ଗତକାଲି ରାତିରୁ ମଣ୍ଡପରେ ମାଆଙ୍କର ପୂଜାର୍ଚ୍ଚନା ଆରମ୍ଭ ହୋଇଛି । ଭଦ୍ରକର ଅଧିଷ୍ଠାତ୍ରୀ ଦେବୀ ମାଆ ଭଦ୍ରକାଳୀଙ୍କର ସପ୍ତମାତୃକା ପୂଜାର୍ଚ୍ଚନା ହେଉଛି। ସାତ ଦିନରେ ସାତଟି ଵେଶରେ ଶ୍ରଦ୍ଧାଳୁଙ୍କୁ ଦର୍ଶନ ଦେଉଛନ୍ତି ମାଆ। ଆଜି ଦ୍ୱିତୀୟ ଦିନରେ ମହାକାଳୀ ବେଶରେ ମାଆ ଭକ୍ତଙ୍କୁ ଦର୍ଶନ ଦେଉଛନ୍ତି ।

ସବୁବେଳେ ମାଆ ଶାନ୍ତ ରୂପରେ ଦର୍ଶନ ଦେଉଥିବାବେଳେ ଆଜି ଉଗ୍ର ରୂପ ଧାରଣକରି ଦର୍ଶନ ଦେଉଛନ୍ତି । ଭଦ୍ରକର ଚରମ୍ପାରେ ୧୧ଟି ମଣ୍ଡପରେ ମାଆ ପୂଜା ପାଉଛନ୍ତି । କଟକଣାରେ ବିଧି ରକ୍ଷା ହେଉଥିବାବେଳେ ଶ୍ରଦ୍ଧାଳୁଙ୍କ ସମାଗମକୁ ସମ୍ପୁର୍ଣ୍ଣ ବାରଣ କରାଯାଇଛି। ସବୁବର୍ଷ ୧୦ଦି ଧରି ପୂଜା ହେଉଥିବାବେଳେ କରୋନା ପାଇଁ ଚଳିତବର୍ଷ ମାତ୍ର ୨ ଦିନ ପରେ ମାଆଙ୍କୁ ବିସର୍ଜନ କରାଯିବ ବୋଲି ସୂଚନା ମିଳିଛି।

ସେପଟେ କଟକରେ ମଧ୍ୟ କଟକଣାରେ ମାଆଙ୍କ ପୂଜା ଅନୁଷ୍ଠିତ ହେଉଛି । ସହରର ୭୧ଟି ପୂଜା ମଣ୍ଡପରେ ଗତକାଲି ରାତିରୁ ପୂଜାର୍ଚ୍ଚନା ଆରମ୍ଭ ହୋଇଛି। ନୂତନ ପୋଷାକ ଓ ଆଭୁଷଣରେ ସଜ୍ଜିତ ହୋଇ ଭକ୍ତଙ୍କୁ ଦର୍ଶନ ଦେଉଛନ୍ତି ମାଆ।

ଯୁବ ବ୍ୟବସାୟୀ ଅବିନାଶଙ୍କ ମୃତଦେହ ଉଦ୍ଧାର, ଦୁଇ ଦିନ ତଳେ ନିଖୋଜ ଥିଲେ

ଭୁବନେଶ୍ୱର: ଦୟାନଦୀରେ ନିଖୋଜ ହୋଇପଡିଥିବା ଅବିନାଶଙ୍କ ମୃତଦେହ ଉଦ୍ଧାର କରାଯାଇଛି। ଦୀର୍ଘ ୩୩ ଘଣ୍ଟା ପରେ ନିଖୋଜ ଅବିନାଶଙ୍କ ମୃତଦେହ ଉଦ୍ଧାର ହୋଇଛି । ଖୋଜାଖୋଜି ସମୟରେ ଆଜି ଭୋର ୫ଟାରେ ମୃତଦେହ ଉଦ୍ଧାର କରିଥିଲେ ସ୍ଥାନୀୟ ଲୋକ ଓ ପୋଲିସ।

ସୂଚନା ଅନୁଯାୟୀ, ନିଖୋଜ ଥିବା ସ୍ଥାନର ୬ ଶହ ମିଟର ଦୂର କଣ୍ଟି ପଞ୍ଚାୟତର ଲେମ୍ବୁଆପଡା ମୌଜାରୁ ମୃତଦେହ ଉଦ୍ଧାର ହୋଇଛି। ଦୁଇ ଦିନ ପୂର୍ବରୁ ଦୟାନଦୀରେ ଗାଧୋଇବା ବେଳେ ପାଣିରେ ବୁଡ଼ିଯାଇ ନିଖୋଜ ଥିଲେ ପାତ୍ରପଡାର ଯୁବ ବ୍ୟବସାୟୀ ଅବିନାଶ।

ଅଧିକ ପଢନ୍ତୁ- ନଦୀରେ ବୁଡ଼ି ଯୁବ ବ୍ୟବସାୟୀ ନିଖୋଜ, ହତ୍ୟା କରାଯାଇଥିବା ସନ୍ଦେହ

https://youtu.be/fs0VoWdF86g

ଦୀପାବଳି ପରେ ଦିଲ୍ଲୀରେ ବଢ଼ିଲା ବାୟୁ ପ୍ରଦୂଷଣ

ନୂଆଦିଲ୍ଲୀ: ପୁଣି ଚିନ୍ତା ବଢ଼ାଇଲା ଦିଲ୍ଲୀର ବାୟୁ ପ୍ରଦୁଷଣ । କଟକଣା ସତ୍ତ୍ବେ ଦିଲ୍ଲୀ-ଏନସିଆରରେ ମାତ୍ରାଧିକ ବାଣ ଫୁଟିବା ଫଳରେ ପ୍ରଦୂଷଣ ବଢିଛି । ଫଳ ସ୍ବରୂପ ରାଜଧାନୀ ଦିଲ୍ଲୀ ଓ ଏହାର ଆଖପାଖ ଅଞ୍ଚଳରେ ପ୍ରଦୂଷଣ ଅତି ଗମ୍ଭୀର ସ୍ତରକୁ ଚାଲି ଯାଇଛି । ଆଜି ସକାଳୁ ସକାଳୁ ଦିଲ୍ଲୀରେ ବାୟୁର ମାନ ଅତି ବିପଦଜ୍ଜନକ ସ୍ଥିତିରେ ପହଞ୍ଚିଛି । ଆଜି ସକାଳେ ଦିଲ୍ଲୀ ଜନପଥରେ AQI ୬୫୫.୦୭ରେ ପହଞ୍ଚିଯାଇଛି ।  ଏହା ପ୍ରଭାବରେ ବହୁ ଲୋକଙ୍କ ଆଖିରୁ ପାଣି ବାହାରୁଥିବା ବେଳେ ଗଳା ଦରଜ ହେବା ପରି ଲକ୍ଷଣ ମଧ୍ୟ ଦେଖାଯାଉଛି । ଏପରିକି ନିଶ୍ବାସ ପ୍ରଶ୍ବାସ ନେବାରେ କଷ୍ଟ ଅନୁଭବ କରୁଛନ୍ତି ଲୋକେ । ଏହାଦ୍ବାରା ଅଧିକ ପ୍ରଭାବିତ ହେଉଛନ୍ତି ବୟସ୍କ ଓ ଛୋଟ ପିଲା । ତେବେ ଏଭଳି ସ୍ଥିତି ଆଗକୁ ଦୁଇ ଦିନ ମଧ୍ୟରେ ଠିକ୍ ହେବ ନାହିଁ ତେଣୁ ଲୋକ ଆହୁରି ଅସୁବିଧାର ସମ୍ମୁଖୀନ ହେବେ ବୋଲି ଚେତାବନୀ ଦିଆଯାଇଛି । ପ୍ରଦୂଷଣ ରୋକିବାକୁ ଦିଲ୍ଲୀ ସରକାର୍କ ପକ୍ଷରୁ ବହୁତ ଆଗରୁ ଏକ ବଡ଼ ଆକ୍ସନ ପ୍ଲାନ୍ ପ୍ରସ୍ତୁତ କରାଯାଇଥିଲା । କାର୍ଯ୍ୟାନୁଷ୍ଠାନ ପାଇଁ କଡ଼ା ଚେତବାନୀ ମଧ୍ୟ ଦେଇଥିଲେ । କିନ୍ତୁ ଗତକାଲି ଲୋକ ଏହି ନିୟମକୁ ମାନିନଥିଲେ । ସନ୍ଧ୍ୟାରୁ ରାଜଧାନୀରେ ଆରମ୍ଭ ହୋଇଯାଇଥିଲା ଆତସବାଜୀ । ବାଣ ଫୁଟାଇବା ଉପରେ ଦିଲ୍ଲୀ ସରକାର ରୋକ ଲଗାଇଥିଲେ ବି ଲୋକମାନେ ଦିଲ୍ଲୀ ରାଜରାସ୍ତାକୁ ଆସି ବାଣ ଫୁଟାଇଥିଲେ ।  ଯାହା ଫଳରେ ଗତକାଲି ରାତିରୁ ଦିଲ୍ଲୀ ଆକାଶ ଧୂଆଁମୟ ହୋଇଯାଇଥିଲାବେଳେ ଆଜି ସକାଳୁ ମଧ୍ୟ ଆକାଶ ଧୂଆଁମୟ ହୋଇରହିଥିଲା ।

କେବଳ ଦିଲ୍ଲୀ ନୁହେଁ, ପଡୋଶୀ ସହର ଗୁଡିକରେ ବି ଏଭଳି ପ୍ରଦୂଷଣ ବଢିଛି । ଦୀପାବଳି ଯୋଗୁଁ ପ୍ରଦୂଷଣ ବଢିବା ସହ ଏକ୍ୟୁଆଇ ମଧ୍ୟ ଉପରମୁହାଁ ହୋଇଛି । ପଡୋଶୀ ଜିଲ୍ଲାରେ ଚଳିତ ବର୍ଷ ଫାର୍ମ ନିଆଁ ଲାଗି ନଥିବା ସହ ପ୍ରବଳ ବର୍ଷ ହେବାରୁ ବାୟୁ ପ୍ରଦୂଷଣ ହ୍ରାସ ପାଇଥିଲା । କେବଳ ଦିଲ୍ଲୀ ନୁହେଁ ଦିଲ୍ଲୀର ଆଖପାଖ ଅଞ୍ଚଳରେ ବି ବାୟୁ ପ୍ରଦୂଷଣର ସ୍ଥିତି ସମାନ । ଫରିଦାବାଦରେ ବାୟୁର ଗୁଣବତା ୪୨୪ ରହିଛି । ସେହିପରି ଭାବରେ ଗଜିଆବାଦରେ AQI ୪୪୨, ଗୁରଗାଁରେ AQI ୪୨୩ ଓ ନୋଏଡାରେ AQI ରହିଛି ୪୩୧ । ସାଧାରଣତଃ ବାୟୁର ଗୁଣବତ୍ତା ୫୦ ମଧ୍ୟରେ ଥିଲେ ତାହାକୁ ଭଲ କୁହାଯାଇଥାଏ। ବାୟୁର ଗୁଣବତ୍ତା ୫୦ରୁ ୧୦୦ ମଧ୍ୟରେ ଥିଲେ ଏହା ସନ୍ତୋଷଜନକ, ୧୦୦ରୁ ୨୦୦ ମଧ୍ୟରେ ମଧ୍ୟମ, ୩୦୦ ମଧ୍ୟରେ ଥିଲେ ଖରାପ, ୩୦୧ରୁ ୪୦୦ ମଧ୍ୟରେ ବହୁତ ଖରାପ ଓ ୪୦୧ରୁ ୫୦୦ ମଧ୍ୟରେ ଥିଲେ ତାହାକୁ ଗମ୍ଭୀର ଶ୍ରେଣୀରେ ବିବେଚନା କରାଯାଇ ।

 

କ୍ରିକେଟକୁ ଅଲବିଦା କଲେ ୱେଷ୍ଟଇଣ୍ଡିଜର ଅଲରାଉଣ୍ଡର ଡ୍ୱେନ୍ ବ୍ରାଭୋ

ନୂଆଦିଲ୍ଲୀ: କ୍ରିକେଟକୁ ଅଲବିଦା କହିଲେ ୱେଷ୍ଟଇଣ୍ଡିଜର ଅଲରାଉଣ୍ଡର ଡ୍ୱେନ୍ ବ୍ରାଭୋ । ଟି-୨୦ ବିଶ୍ୱକପ ପରେ ଅନ୍ତର୍ଜାତୀୟ କ୍ରିକେଟରୁ ଅବସର ନେବା ନେଇ ଘୋଷଣା କରିଛନ୍ତି ବ୍ରାଭୋ। ଏନେଇ ଆଇସିସି ପକ୍ଷରୁ ସୂଚନା ଦିଆଯାଇଛି।

ଆସନ୍ତାକାଲି ଅଷ୍ଟ୍ରେଲିଆ ବିପକ୍ଷ ମ୍ୟାଚ୍ ହେବ ବ୍ରାଭୋଙ୍କ ଶେଷ ମ୍ୟାଚ୍। ଅନେକ ବଡ ବଡ ମ୍ୟାଚରେ ଦମଦାର ପ୍ରଦର୍ଶନ କରି ୱେଷ୍ଟଇଣ୍ଡିଜ କ୍ରିକେଟ ଟିମରେ ଏକ ସ୍ୱତନ୍ତ୍ର ସ୍ଥାନ ସୃଷ୍ଟି କରିପାରିଛନ୍ତି ବ୍ରାଭୋ । ୨୦୦୪ରୁ ଅନ୍ତର୍ଜାତୀୟ କ୍ରିକେଟରେ ପାଦ ଦେଇଥିଲେ ଏହି ଅଲରାଉଣ୍ଡର। ବ୍ରାଭୋ ୪୦ଟି ଟେଷ୍ଟ, ୧୬୪ଟି ଦିନିକିଆ ଓ ୯୦ଟି ଟି-୨୦ ମ୍ୟାଚ ଓ ୧୨୪୫ ରନ୍ ବନାଇଛନ୍ତି । ଏହାବ୍ୟତିତ ସେ ୭୮ ୱିକେଟ୍ ମଧ୍ୟ ନେଇଛନ୍ତି ।

ଏକ ସାକ୍ଷାତକାର ଅବସରରେ ସେ କହିଥିଲେ, ‘‘ମୋତେ ଲାଗୁଛି ଏବେ ସନ୍ୟାସ ନେବାର ସମୟ ଆସିଗଲାଣି। ମୋର କ୍ୟାରିଅର୍ ବହୁତ ଭଲରେ ଯାଇଛି । ୧୮ ବର୍ଷ ଯାଏଁ ମୁଁ ୱେଷ୍ଟଇଣ୍ଡିଜ ପକ୍ଷରୁ ପ୍ରତିନିଧିତ୍ୱ କରିବା ସହ ଅନେକ ସଂଘର୍ଷ ଦେଖିଛି ।

 

ଅଯୋଧ୍ୟା ରାମ ମନ୍ଦିର; ୨୦୨୩ ଶେଷ ବେଳକୁ ଦର୍ଶନ ସୁଯୋଗ ପାଇବେ ଶ୍ରଦ୍ଧାଳୁ

ଅଯୋଧ୍ୟା: ଉତ୍ତରପ୍ରଦେଶର ଅଯୋଧ୍ୟାରେ ରାମ ମନ୍ଦିରର ନିର୍ମାଣ କାର୍ଯ୍ୟ ଜୋରସୋରରେ ଚାଲିଛି । ଏହାର ନିର୍ମାଣ କାର୍ଯ୍ୟ  ନଭେମ୍ବର ୨୧ ତାରିଖ ସୁଦ୍ଧା ସରିବା ନେଇ ଆଶା କରାଯାଉଥିବା ବେଳେ ଆସନ୍ତା ବର୍ଷ ୨୦୨୩ ମସିହା ଡିସେମ୍ବର ବେଳକୁ ଶ୍ରଦ୍ଧାଳୁ ଦର୍ଶନ ସୁଯୋଗ ପାଇବେ ବୋଲି ସୂଚନା ମିଳିଛି ।

ଗଣମାଧ୍ୟମରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଅଯୋଧ୍ୟାରେ ରାମ ମନ୍ଦିର ନିର୍ମାଣର ତଦାରଖ କରୁଥିବା ବିଶ୍ୱ ହିନ୍ଦୁ ପରିଷଦ (ଭିଏଚପି) ନେତା ଗୋପାଳ କହିଛନ୍ତି ଯେ, ମନ୍ଦିରର କାର୍ଯ୍ୟ ଅନେକାଂଶରେ ସରିଥିବା ବେଳେ ଆଉ କିଛି କାମ ବାକି ରହିଛି । ଏ କାମ ଗୁଡିକ ଦ୍ରୁତ ଗତିରେ ଚାଲିଥିବା ବେଳେ ଆସନ୍ତା ୧୫ ଦିନ ମଧ୍ୟରେ  କାର୍ଯ୍ୟ ସମାପ୍ତ ହେବ । ମନ୍ଦିରର ପ୍ରତିଷ୍ଠା କାର୍ଯ୍ୟ ଚଳିତ ବର୍ଷ ନଭେମ୍ବର ମାସରେ ସମ୍ପୂର୍ଣ୍ଣ ଶେଷ ହୋଇଯିବ।

ଅଧିକ ପଢନ୍ତୁ- ୧୨ ଲକ୍ଷ ଦୀପ ଜଳାଇ ବିଶ୍ୱ ରେକର୍ଡ; ଆଲୋକ ମାଳାରେ ଝଲସୁଛି ଅଯୋଧ୍ୟା ନଗରୀ

ଅପରପକ୍ଷେ ଦୀପାବଳି ଅବସରରେ ପୁରା ଦେଶ ଉଲ୍ଲସିତ ହୋଇଥିବା ବେଳେ ଅଯୋଧ୍ୟାରେ ଆୟୋଜିତ ହୋଇଥିଲା ଦୀପୋତ୍ସଭ କାର୍ଯ୍ୟକ୍ରମ। ୧୨ଲକ୍ଷ ଦୀପ ଜାଳି ଚଳିତ ବର୍ଷ ଗିନିଜ ବୁକ ଅଫ୍ ରେକର୍ଡରେ ସ୍ଥାନ ପାଇବ ଅଯୋଧ୍ୟା । ୧୨ ଲକ୍ଷ ଦୀପ ମଧ୍ୟରୁ କେବଳ ପ୍ରଭୁ ଶ୍ରୀରାମଙ୍କ ପାଦରେ ୯ ଲକ୍ଷ ଦୀପ ଜଳାଯାଇଥିଲା। ବାକି ସ୍ଥାନରେ ୩ ଲକ୍ଷର ଦୀପ ପ୍ରଜ୍ୱଳିତ କରାଯାଇଥିଲା । ସେପଟେ ଛୋଟ ଛୋଟ ମଞ୍ଚ ପ୍ରସ୍ତୁତ କରାଯାଇ ଦୀପୋତ୍ସବ ହୋଇଛି। ଅଯୋଧ୍ୟା ନଗରୀରେ ପ୍ରଭୁ ରାମଚନ୍ଦ୍ର ଓ ଦେବୀ ସୀତାଙ୍କୁ ବନ୍ଦାପନା ସହିତ ପ୍ରତୀକାତ୍ମକ ଶୋଭାଯାତ୍ରାରେ ଭଗବାନ ରାମ ଏବଂ ମାତା ସୀତାଙ୍କ ଭୂମିକାରେ ଅଭିନୟ କରୁଥିବା କଳାକାରଙ୍କୁ ମଧ୍ୟ ପୂଜାର୍ଚ୍ଚନା କରାଯାଇଥିଲା ।

ଅଧିକ ପଢନ୍ତୁ- ଭୂମିପୂଜନ ପାଇଁ ଏବେ ଏମିତି ଦିଶୁଛି ଅଯୋଧ୍ୟା, ଦେଖିଲେ ଆପଣଙ୍କ ମନବି ଖୁସି ହୋଇଯିବ

ପରଲୋକରେ ପଶ୍ଚିମବଙ୍ଗର ପଞ୍ଚାୟତିରାଜ ମନ୍ତ୍ରୀ ସୁବ୍ରତ ମୁଖାର୍ଜୀ

କୋଲକାତା: ପରଲୋକରେ ବରିଷ୍ଠ ତ୍ରୁଣମୂଳ କଂଗ୍ରେସ ନେତା ତଥା ପଶ୍ଚିମବଙ୍ଗ ପଞ୍ଚାୟତିରାଜ ମନ୍ତ୍ରୀ ସୁବ୍ରତ ମୁଖାର୍ଜୀ । ହୃଦଘାତରେ ତାଙ୍କର ମୃତ୍ୟୁ ହୋଇଛି । ମୃତ୍ୟୁ ବେଳକୁ ତାଙ୍କୁ ୫୭ ବର୍ଷ ବୟସ ହୋଇଥିଲା । ଶ୍ବାସ ପ୍ରଶ୍ବାସରେ ବାଧା ହେବାରୁ ଅକ୍ଟୋବର ୨୪ରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେ ସୁସ୍ଥ ମଧ୍ୟ ହୋଇସାରିଥିଲେ ଏବଂ ତାଭ୍କୁ ଡିସଚାର୍ଜ କରିବା ପାଇଁ ଯୋଜନା କରାଯାଇଥିଲା । କିନ୍ତୁ ଗତକାଲି ରାତି ୯.୨୨ରେ ହୃଦଘାତ ଫଳରେ ମୃତ୍ୟୁ ବରଣ କରିଥିଲେ । ସୁବ୍ରତଙ୍କ ମୃତ୍ୟୁ ନେଇ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଘୋଷଣା କରିଥିଲେ ।

ସୁବ୍ରତ ମୁଖାର୍ଜୀଙ୍କ ବିୟୋଗରେ ଗଭୀର ଶୋକ ବ୍ୟକ୍ତ କରିଛନ୍ତି ମୁଖ୍ୟମନ୍ତ୍ରୀ ମମତା ବାନାର୍ଜୀ । ସେ କହିଛନ୍ତି ମୁଁ ଜୀବନରେ ଅନେକ ବିପର୍ଯ୍ୟୟର ସମ୍ମୁକୀନ ହୋଇଛି କିନ୍ତୁ ଏହା ମୋ ପାଇଁ ବଡ଼ ଝଟକା । ମୁଁ ଭାବୁ ନାହିଁ ସୁବ୍ରତ ଦାଙ୍କ ପରି ଆଉ କିଏ ଏତେ ପରିଶ୍ରମୀ ବ୍ୟକ୍ତି ଥିଲେ । ଦଳ ଓ ତାଙ୍କ ନିର୍ବାଚନମଣ୍ଡଳୀ ଥିଲା ତାଙ୍କର ପ୍ରାଣ । ମୁଁ ସୁବ୍ରତଙ୍କ ମର ଶରୀର ଦେଖିପାରିବି ନାହିଁ ବୋଲି କହିଛନ୍ତି ମମତା ବାନାର୍ଜୀ ।

ସୁବ୍ରତ ମୁକାର୍ଜୀଙ୍କୁ ଆଜି ଶେଷ ଶ୍ରଦ୍ଧାଞ୍ଜଳି ଜଣାଇବା ପାଇଁ ତାଙ୍କ ମୃତଦେହକୁ ସରକାରୀ ବାସଭବନ ଅଡିଟୋରିୟମ ରବୀନ୍ଦ୍ର ସଦାନକୁ ନିଆଯିବ । ସେଠାରୁ ଏହାକୁ ତାଙ୍କ ବାଲିଗୁଞ୍ଜ ଘରକୁ ଏବଂ ପରେ ତାଙ୍କ ପୈତୃକ ଘରକୁ ନିଆଯିବ ବୋଲି ଶ୍ରୀମତୀ ବାନାର୍ଜୀ କହିଛନ୍ତି । ସୁବ୍ରତ ମୁଖାର୍ଜୀ ଥିଲେ କାଲକାଟା ମୁନିସିପାଲ କର୍ପୋରେସନର ପ୍ରଥମ ମେୟର । ତୃଣମୂଳ କଂଗ୍ରେସରେ ଯୋଗ ଦେବା ପୂର୍ବରୁ ସେ କଂଗ୍ରେସର ଜଣେ ବରିଷ୍ଠ ନେତା ଥିଲେ । ଇନ୍ଦିରା ଗାନ୍ଧୀ ଓ ରାଜୀବ ଗାନ୍ଧୀଙ୍କ ସହ ତାଙ୍କର ଥିଲା ନିବିଡ ସମ୍ପର୍କ ।

ଆଜି ଟି-୨୦ ବିଶ୍ବକପରେ ମୁହାଁମୁହିଁ ହେବେ ଭାରତ-ସ୍କଟଲାଣ୍ଡ

ଦୁବାଇ: ଟି-୨୦ ବିଶ୍ବକପରେ ଆଜି ମୁହାଁମୁହଁ ହେବେ ଭାରତ ଓ ସ୍କଟଲାଣ୍ଡ । ସନ୍ଧ୍ୟା ୭ଟାରେ ଦୁବାଇରେ ଖେଳାଯିବ ଏହି ମ୍ୟାଚ । ଆଜିର ମ୍ୟାଚକୁ ଜିତି ସେମିଫାଇନାଲ୍ ଆଶା ଉଜିବୀତ କରିବା ଲକ୍ଷ୍ୟରେ ରହିଛି ଟିମ୍ ଇଣ୍ଡିଆ । ଚଳିତ ଟି-୨୦ ବିଶ୍ବକପରେ ପ୍ରଥମ ଦୁଇଟି ମ୍ୟାଚରେ ଶୋଚନୀୟ ପରାଜୟ ପରେ ତୃତୀୟ ମ୍ୟାଚରେ କମବ୍ୟାକ କରିଥିଲା ବିରାଟ ବାହିନୀ ।  ତୃତୀୟ ମ୍ୟାଚରେ ଆଫଗାନିସ୍ତାନ ବିପକ୍ଷରେ ଏକ ଦମଦାର ବିଜୟ ଲାଭ କରିଥିଲା ଭାରତ। କର ବା ମର ମ୍ୟାଚରେ ଚମତ୍କାର ପ୍ରଦର୍ଶନ କରି ସେମିଫାଇନାଲ ଯିବା ଆଶା ଉଜ୍ଜିବୀତ ରଖିଛି ଟିମ୍ ଇଣ୍ଡିଆ । ଆଫଗାନିସ୍ତାନ ବିପକ୍ଷରେ ଉଭୟ ବ୍ୟାଟିଂ ଓ ବୋଲିଂରେ ଭଲ ପ୍ରଦର୍ଶନ କରିଥିଲା ଭାରତ । ବ୍ୟାଟିଂ କ୍ଷେତ୍ରରେ ଦୁଇ ଓପନର ରୋହିତ ଶର୍ମା ଓ କେଏଲ ରାହୁଲ ଶତକୀୟ ପାର୍ଟନରସିପ୍ କରିଥିଲେ ।  ଏହାପରେ ଋଷଭ ପନ୍ତ ଓ ହାର୍ଦ୍ଦିକ ପାଣ୍ଡ୍ୟା ମଧ୍ୟ ଧୁଆଁଧାର ଫିନିସିଂ କରିଥିଲେ । ଏହାପରେ ବୋଲିଂ କଥା କହିବା ଯଦି ତାହାଲେ ସବୁ ବୋଲର ଭଲ ପ୍ରଦର୍ଶନ କରିଥିଲେ । ବିଶେଷ କରି ରବିଚନ୍ଦ୍ରନ ଅଶ୍ବିନ ଯେଉଁ ଭଳି ଭାବରେ ବୋଲିଂ କରିଥିଲେ ତାହା ଟିମ୍ ପାଇଁ ବେଶ୍ ଗୁରୁତ୍ବପୂର୍ଣ୍ଣ ଥିଲା ।

ତେବେ ଆଫଗାନିସ୍ତାନ ବିପକ୍ଷରେ ବଡ଼ ବିଜୟ ପରେ ଆଜି ସ୍କଟଲାଣ୍ଡ ବିପକ୍ଷରେ ମଧ୍ୟ ସେହି ଫର୍ମ ବଜାୟ ରଖିବାକୁ ଚେଷ୍ଟା କରିବ ବିରାଟ ବ୍ରିଗେଡ । ତେବେ ଭାରତ ସେମିଫାଇନାଲକୁ ଯିବାକୁ ହେଲେ ଏହି ମ୍ୟାଚରେ ବିଜୟଲାଭ କରିବା ନିହାତି ଦରକାର ।  ଖାଲି ବିଜୟ ଲାଭ କଲେ ହେବନି ସ୍କଟଲାଣ୍ଡ ବିପକ୍ଷରେ ଏକ ବଡ଼ ବିଜୟ ହାସଲ କରିବାକୁ ପଡ଼ିବ ଭାରତକୁ । କାହିଁକି ନା ଭାରତର ନେଟ୍ ରନ ରେଟ ବହୁତ ଖରାପ ଅଛି । ତେଣୁ ଆଜିର ମ୍ୟାଚରେ ଏକ ବଡ଼ ବିଜୟ ହାସଲ କରି ନେଟ୍ ରନ ରେଟ ବୃଦ୍ଧି କରିବାକୁ ଚେଷ୍ଟା କରିବ । ଏଣୁ ଆଜିର ମ୍ୟାଚ୍ ଜିତିବାକୁ ଜୋରଦାର ଉଦ୍ୟମ କରିବ ଟିମ୍ ଇଣ୍ଡିଆ । ତେବେ ଆଜିର ମ୍ୟାଚରେ ଭାରତ ବିଜୟ ହାସଲ କରିବା ପରେ ଆସନ୍ତା ୭ ତାରିଖରେ ହେବାକୁ ଥିବା ନ୍ୟୁଜିଲାଣ୍ଡ-ଆଫଗାନିସ୍ତାନ ମ୍ୟାଚ ଉପରେ ରହିବ ସମସ୍ତଙ୍କ ନଜର । ଯଦି ଏହି ମ୍ୟାଚରେ ଆଫଗାନିସ୍ତାନ ବିଜୟ ଲାଭ କରିବେ ତେବେ ଭାରତ ସେମିଫାଇନାଲ ଯାଇପାରିବ ।

 

ଶୀତୁଆ ସକାଳର ମଜା ନେଉଛନ୍ତି କନ୍ଧମାଳ ବାସୀ

ଦାରିଙ୍ଗବାଡି: ଶୀତରେ ଥରୁଛି କନ୍ଧମାଳ। ଓଡ଼ିଶାର କାଶ୍ମୀର ବୋଲାଉଥିବା ଦାରିଙ୍ଗବାଡିରେ ଲଗାତାର ତାପମାତ୍ରା କମିବା ସହିତ ଶୀତ ବଢିବାରେ ଲାଗିଛି। କନ୍ଧମାଳର ଶୀତ ବେଶ୍ ସ୍ବତନ୍ତ୍ର । ହାଲୁକା କୁହୁଡି ସହିତ ଠୋପାଠୋପା କାକର ବିନ୍ଦୁର ମଜା ଉଠାଉଛନ୍ତି ଲୋକେ।

ଶୀତର ମଜା ନେବା ପାଇଁ ସକାଳୁ ସକାଳୁ ଚା ଦୋକାନରେ ଭିଡ ଜମୁଥିବାବେଳେ ପଡିଆରେ ବ୍ୟାୟାମ ପାଇଁ ଗହଳି ଦେଖିବାକୁ ମିଳୁଛି। ନିଜକୁ ଫିଟ୍ ରଖିବା ପାଇଁ ସବୁ ବର୍ଗର ଲୋକେ ସକାଳୁ ମର୍ଣ୍ଣି ଓ୍ବାକ୍, ଯୋଗ, ବ୍ୟାୟାମ କରି ଫୁର୍ତ୍ତି ହେଉଛନ୍ତି।

ଆଜି କେଦାରନାଥ ଯିବେ ପ୍ରଧାନମନ୍ତ୍ରୀ ମୋଦି; ଶଙ୍କରାଚାର୍ଯ୍ୟଙ୍କ ସମାଧି କରିବେ ଉଦଘାଟନ

ଡେରାଡୁନ: ଆଜି କେଦାରନାଥ ଯିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।  ଆଜି କେଦାରନାଥ ଗସ୍ତ କରି ଆଦି ଗୁରୁ ଶଙ୍କରାଚାର୍ଯ୍ୟଙ୍କ ସମାଧି ଉଦଘାଟନ କରିବେ । ପ୍ରଧାନମନ୍ତ୍ରୀ ମୋଦୀ ଆଜି କେଦାରନାଥ ଧାମରେ ପୂଜାର୍ଚ୍ଚନା ବି କରିବେ । ସୂଚନା ଅନୁଯାୟୀ ମୋଦି ଆଜି ସକାଳ ୭.୩୦ରେ କେଦାରନାଥରେ ପହଞ୍ଚିବେ । କେଦାରନାଥ ଧାମର ମୁଖ୍ୟ ପୂରୋହିତ ଓମକେଶ୍ବର ଶୁକ୍ଳା ମୋଦିଙ୍କ ପୂଜାର୍ଚ୍ଚନା କରିବେ । ପ୍ରଧାନମନ୍ତ୍ରୀ ମୋଦି ପ୍ରାୟ ଅଧଘଣ୍ଟା ଧରି ବିଶେଷ ପୂଜାର୍ଚ୍ଚନା କରିବାର କାର୍ଯ୍ୟକ୍ରମ ରହିଛି । ମୋଦି ପୂଜା ସମୟରେ ବାଂଗବର ବସ୍ତ୍ର ଭଗବାନ କେଦାରନାଥଙ୍କୁ ଅର୍ପଣ କରିବେ । କେଦାରନାଥ ଧାମରେ ଷୋଡଶୋ ପୂଜା କରିବେ ମୋଦି ।  ଏହି ଗସ୍ତ ସମୟରେ ପ୍ରଧାନମନ୍ତ୍ରୀ ମୋଦି ଲୋକଙ୍କୁ ସମ୍ବୋଧିତ କରିବାର କାର୍ଯ୍ୟକ୍ରମ ମଧ୍ୟ ରହିଛି ।

ପ୍ରଧାନମନ୍ତ୍ରୀ ଯେଉଁ କାର୍ଯ୍ୟକ୍ରମରେ ଶଙ୍କରାଚାର୍ଯ୍ୟଙ୍କ ସମାଧି ଉଦଘାଟନ କରିବେ ସେହି କାର୍ଯ୍ୟକ୍ରମ ୮୭ଟି ସ୍ଥାନରେ ସିଧାପ୍ରସାରଣ ହେବ । ୨୦୧୩ ଉତ୍ତରାଖଣ୍ଡ ଜଳ ପ୍ରଳୟରେ ଆଦି ଶଙ୍କରାଚାର୍ଯ୍ୟଙ୍କ ସମାଧି ଧ୍ୱଂସ ପାଇ ଯାଇଥିଲା। ଏହାକୁ ପୁଣିଥରେ ତିଆରି କରାଯାଇଛି। ମୋଦି କେଦାରନାଥ ଆଜି ଆସୁଥିବାରୁ ଏଥିପାଇଁ ପ୍ରସ୍ତୁତି ଜୋରସୋରରେ ଚାଲିଛି। ଶଙ୍କରାଚାର୍ଯ୍ୟଙ୍କ ସମାଧି ଉଦଘାଟନ କରିବା ପରେ ସେ ସେହି କାର୍ଯ୍ୟକ୍ରମକୁ ମଧ୍ୟ ସମ୍ବୋଧିତ କରିବେ । ଏଥିପାଇଁ ଏହି କାର୍ଯ୍ୟକ୍ରମକୁ ଦେଶର ବିଭିନ୍ନ ପ୍ରାନ୍ତରୁ ସାଧୁ ସନ୍ଥଙ୍କୁ ନିମନ୍ତ୍ରଣ କରାଯାଇଛି । ଏଥିସହ ଆଜି କେଦାରନାଥ ଗସ୍ତରେ ଆସି ପ୍ରାୟ ୧୫୦ କୋଟି ଟଙ୍କା ମୂଲ୍ୟରେ ନିର୍ମାଣ ହୋଇଥିବା ବିଭିନ୍ନ ଭିତ୍ତିଭୂମି ପ୍ରକଳ୍ପର ଉଦଘାଟନ କରିବେ ପ୍ରଧାନମନ୍ତ୍ରୀ। ମୋଦିଙ୍କ ଗସ୍ତକୁ ଦୃଷ୍ଟିରେ ରଖି କେଦାରନାଥ ମନ୍ଦିରକୁ ୮ କୁଇଣ୍ଟାଲ ଫୁଲରେ  ସଜାଯାଇଛି ।

ଭୁଲ୍ ଇଞ୍ଜେକ୍ସନରୁ ରୋଗୀ ମୃତ୍ୟୁ ଅଭିଯୋଗ, ମେଡିକାଲରେ ଉତ୍ତେଜନା

ବାଲିଗୁଡ଼ା: ମାରିଦେଲା ଡାକ୍ତରଙ୍କ ଭୁଲ ଇଞ୍ଜେକ୍ସନ୍ । ଏଭଳି ଅଭିଯୋଗ ଆସିଛି କନ୍ଧମାଳ ଜିଲ୍ଲା ବାଲିଗୁଡ଼ା ଉପଖଣ୍ଡ ଚିକିତ୍ସାଳୟରୁ । ରୋଗୀ ମୃତ୍ୟୁକୁ ନେଇ ଡାକ୍ତରଖାନା ପରିସରରେ ଉତ୍ତେଜନା ପ୍ରକାଶ ପାଇଛି । ମୃତକ ହେଲେ ସଲାଗୁଡ଼ା ତେଲେପଙ୍ଗା ଗାଁର ରବିଚନ୍ଦ୍ର ଦିଗାଲ । ଅଭିଯୋଗ ଅନୁସାରେ ରବିଚନ୍ଦ୍ରଙ୍କର ଗୋଡ଼ରେ ଯନ୍ତ୍ରଣା ସହିତ ଜର ହେଉଥିଲା । ଫଳରେ ବାଲିଗୁଡ଼ା ଉପଖଣ୍ଡ ଚିକିତ୍ସାଳୟରେ ରବିଚନ୍ଦ୍ରଙ୍କୁ ଭର୍ତ୍ତି କରାଇଥିଲେ ପରିବାର ଲୋକ ।

Patient Dies In Baliguda Hospital For Wrong Injection

ଏହାର କିଛି ସମୟ ପରେ ତାଙ୍କର ମୃତ୍ୟୁ ହୋଇଥିଲା । ଡାକ୍ତରଙ୍କ ଭୁଲ୍ ଇଞ୍ଜେକ୍ସନ ଦେବାରୁ ତାଙ୍କର ମୃତ୍ୟୁ ହୋଇଥିବା ପରିବାର ଲୋକ ଅଭିଯୋଗ କରିଛନ୍ତି । ଘଟଣାସ୍ଥଳରେ ବାଲିଗୁଡ଼ା ଏସଡିପିଓ ଓ ଥାନା ଅଧିକାରୀ ପହଞ୍ଚି ଲୋକଙ୍କୁ ବୁଝାସୁଝା କରିବା ସହିତ ତଦନ୍ତ ଆରମ୍ଭ କରିଛନ୍ତି ।