spot_img
Home Blog Page 5142

ପଞ୍ଚାୟତ ନିର୍ବାଚନ ପାଇଁ ସର୍ବଦଳୀୟ ବୈଠକ ଡାକିଲେ ରାଜ୍ୟ ନିର୍ବାଚନ କମିଶନ

ଭୁବନେଶ୍ୱର: ପଞ୍ଚାୟତ ନିର୍ବାଚନ ପାଇଁ ଆସନ୍ତାକାଲି ବସିବ ସର୍ବଦଳୀୟ ବୈଠକ । ଭୋଟର ତାଲିକା ପ୍ରସ୍ତୁତି ସହ ସୁରୁଖୁରୁରେ ପଞ୍ଚାୟତ ନିର୍ବାଚନ ପାଇଁ ରାଜ୍ୟ ନିର୍ବାଚନ କମିଶନ ସର୍ବଦଳୀୟ ବୈଠକ ଡକାଇଛନ୍ତି । ଆସନ୍ତାକାଲି ପୂର୍ବାହ୍ନ ୧୧ଟାରେ ଏହି ବୈଠକ ବସିବ।

ଏହି ବୈଠକରେ ନିର୍ଭୁଲ ଭୋଟର ତାଲିକା ପ୍ରସ୍ତୁତି ଉପରେ ଗୁରୁତ୍ୱ ଦିଆଯିବ । ଭୋଟର ତାଲିକା ପ୍ରସ୍ତୁତି ସହ ନିର୍ବାଚନ ପ୍ରକ୍ରିୟା ବାବଦରେ ହେବ ଆଲୋଚନା । ବୈଠକରେ ବିଜେଡିରୁ ଯୋଗଦେବେ ବରିଷ୍ଠ ବିଧାୟକ ଦେବୀ ପ୍ରସାଦ ମିଶ୍ର । ଦଳ ପକ୍ଷରୁ ଯୋଗଦେବାକୁ ଦେବୀ ମିଶ୍ରଙ୍କୁ ବିଜେଡି ସଭାପତି ନବୀନ ପଟ୍ଟନାୟକ ମନୋନୀତ କରିଛନ୍ତି । ପୂର୍ବରୁ ୱାର୍ଡ ମେମ୍ବର, ସରପଞ୍ଚ, ସମିତି ସଭ୍ୟ ଓ ବ୍ଲକ୍‌ ଅଧ୍ୟକ୍ଷ ସଂରକ୍ଷଣ ତାଲିକା ଜିଲ୍ଲାପାଳମାନେ ଚୂଡ଼ାନ୍ତ କରି ରାଜ୍ୟ ନିର୍ବାଚନ କମିଶନଙ୍କୁ ଦେବା ସହ ପଞ୍ଚାୟତିରାଜ ବିଭାଗ ଜିଲ୍ଲା ପରିଷଦ ସଂରକ୍ଷଣ ତାଲିକା ଚୂଡ଼ାନ୍ତ କରିସାରିଛି।

SEC Called All Party Meeting Ahead Of Panchayat Poll

ଭାରତର ନିର୍ବାଚନ କମିଶନ ୨୦୨୧ର ଭୋଟର ତାଲିକା ଦେଇସାରିଛନ୍ତି । ରାଜ୍ୟ ନିର୍ବାଚନ କମିଶନ ଏହି ତାଲିକା ସଂଶୋଧନ କରିବେ ବୋଲି ସର୍ବଦଳୀୟ ବୈଠକ ଡାକିଛନ୍ତି । ସେପଟେ ରାଜନୈତିକ ଦଳ ବି ପ୍ରସ୍ତୁତ । ବିଜେଡି ସବୁବର୍ଗର ଲୋକଙ୍କ ପ୍ରିୟ ହୋଇଥିବାରୁ ପଞ୍ଚାୟତ ନିର୍ବାଚନରେ ୨୦୧୭ ଅପେକ୍ଷା ଭଲ ପ୍ରଦର୍ଶନ କରିବ ବୋଲି କହିସାରିଛି । ସେହିପରି ଦୁଇ ବିରୋଧୀ ବିଜେପି ଓ କଂଗ୍ରେସ ପୂର୍ବାପେକ୍ଷା ଭଲ କରିବେ ବୋଲି କହିଛନ୍ତି । ସଂରକ୍ଷଣ ନେଇ କେତେକ ଅଭିଯୋଗ ମଧ୍ୟ ସର୍ବଦଳୀୟ ବୈଠକରେ ଉଠାଇବେ ବୋଲି କହିଛନ୍ତି । ଏଥର ବୁଥ୍‌ରେ ନୁହେଁ, ବ୍ଲକରେ ପଞ୍ଚାୟତ ଭୋଟ୍‌ ଗଣିତ କରାଯିବ ।

ଭାରତ ପାଖରେ ଅଛି କେତେ ସୁନା ?

ନୂଆଦିଲ୍ଲୀ: ‘ସୁନା’ ଗୋଟେ ଦେଶର ଭାଗ୍ୟ ନିର୍ଣ୍ଣୟ କରିଥାଏ । ଯେଉଁ ଦେଶ ପାଖରେ ଯେତେ ସୁନା ଗଚ୍ଛିତ ଥାଏ ତାହାର ଅର୍ଥନୀତିକୁ ସେତେ ସୁଦୃଢ଼ ଓ ଶକ୍ତିଶାଳି ବିବେଚନା କରାଯାଇଥାଏ । ଅର୍ଥନୀତିରେ କୌଣସି ସମସ୍ୟା ଦେଖା ଦେଲେ ଆବଶ୍ୟକ ସ୍ଥଳରେ ବିଦେଶୀ ନେଣଦେଣରେ ଏହି ସୁନା ଦେଶର କାମରେ ଆସିଥାଏ । ଏବେ ଭାବୁଥିବେ ଭାରତ ପାଖରେ କେତେ ସୁନା ଗଚ୍ଛିତ ଅଛି ଓ ଏହାକୁ କିଏ କେଉଁଠି ଗଚ୍ଛିତ ରଖିଥାଏ ।

ଅଛି କେତେ ସୁନା ?

ବିଶ୍ବ ଶକ୍ତିଙ୍କ ସହ ତୁଳନାରେ ଭାରତ ସୁନା ଭଣ୍ଡାର ଏବେ ବହୁତ ପଛରେ ରହିଚି କହିଲେ ଭୁଲ ହେବ ନାହିଁ । ତେବେ ଭାରତର ସୁନା ଭଣ୍ଡାର ଗତ ଦୁଇ ବର୍ଷ ହେଲା ଉତ୍ସାହଜନକ ଭାବେ ବୃଦ୍ଧି ପାଇବାରେ ଲାଗିଛି । ଏବେ ସୁନା ଗଚ୍ଛିତ ରଖିବାରେ ଭାରତ ବିଶ୍ବରେ ନବମ ସ୍ଥାନରେ ରହିଛି ।

ଦେଶର ସୁନା କିଣିବା ଓ ରଖିବା କାମ ଭାରତୀୟ ରିଜର୍ଭ ବ୍ୟାଙ୍କ ବା RBI କରିଥାଏ । ବର୍ତ୍ତମାନ ଆରବିଆଇ ପାଖରେ ପାଖାପାଖି ୬୪୦ ଅରବ ଡଲାର ଅର୍ଥାତ ୪୬.୮୩ ଲକ୍ଷ କୋଟି ଟଙ୍କାର ବିଦେଶୀ ମୁଦ୍ରା ଭଣ୍ଡାର ରହିଛି । ଏଥିରୁ ପାଖାପାଖି ୭୪୪ ଟନ ସୁନା ଭାବରେ ଗଚ୍ଛିତ ରହିଛି । ଗତ ୧୨ ମାସ ମଧ୍ୟରେ ଆରବିଆଇ ସୁନା ଭଣ୍ଡାରରେ ଭଲ ବୃଦ୍ଧି ଘଟିଛି । ଗତ ବର୍ଷକ ମଧ୍ୟରେ ଆରବିଆଇ ୭୫ ଟନ୍ ସୁନା କିଣିଛି ।

ଆରବିଆାଇ ଦ୍ବାରା ଜାରି ରିପୋର୍ଟ ଅନୁସାରେ ୨୦୨୧ ସେପ୍ଟେମ୍ବର ପର୍ଯ୍ୟନ୍ତ ୭୪୩.୮୪ ଟନ୍ ସୁନା ଗଚ୍ଛିତ ଅଛି । ଏହା ୨୦୨୦ ସେପ୍ଟମ୍ବର ତୁଳନାରେ ୧୧ ପ୍ରତିଶତ ଅଧିକ । ସେପ୍ଟେମ୍ବର ୨୦୨୦ରେ ଆରବିଆଇ ସୁନା ଭଣ୍ଡାରରେ ୬୬୮.୨୫ ପ୍ରତିଶତ ସୁନା ଗଚ୍ଛିତ ଥିଲା । ଗତ ୧୨ ମାସ ଭିତରେ ଅଧିକ ୭୫.୫୯ ଟନ୍ ସୁନା କିରାଯାଇଛି ।

କେତେ ଟଙ୍କାର ସୁନା ?

ବର୍ତ୍ତମାନର ବଜାର ମୂଲ୍ୟ ଦେଖିଲେ ଆରବିଆଇ ପାଖରେ ପାଖାପାଖି ୩.୨ ଲକ୍ଷ କୋଟି ଟଙ୍କାର ସୁନା ରହିଛି । ଇଣ୍ଡିଆନ ଏକ୍ସପ୍ରେସ ରିପୋର୍ଟ ଅନୁସାରେ ଗୋଟିଏ ବର୍ଷରେ ଆରବିଆଇର ଗୋଲଲ୍ଡ ହୋଲ୍ଡିଂ ଭ୍ୟାଲୁ ପାଖାପାଖି ୭୧୫୦ କୋଟି ଟଙ୍କା ବଢ଼ିଛି ।

ଗତ ଦୁଇ ବର୍ଷରେ ଆରବିଆଇ ସୁନା ଭଣ୍ଡାରରେ ପାଖାପାଖି ୧୨୫.୬ ଟନ୍ ବୃଦ୍ଧି ଘଟିଛି । ଏହି କାରଣରୁ ଭାରତ ବିଶ୍ବରେ ସୁନା ଗଚ୍ଛିତ ରଖିବାରେ ନବମ ସ୍ଥାନକୁ ଉଠି ପାରିଛି ।

କେଉଁଠି ଅଛି ଏତେ ସୁନା ?

ଏବେ ଭାବୁଥିବେ ଏତେ ପରିମାଣର ସୁନା କେଉଁଠି ରହିଥାଏ ଓ ଏହାର ସୁରକ୍ଷା ପାଇଁ ବି ବ୍ୟବସ୍ଥା କରାଯାଇଛି । ରିଜର୍ଭ ବ୍ୟାଙ୍କ ଅନୁସାରେ ୪୫୧.୫୪ ଟନ୍ ସୁନା ବ୍ୟାଙ୍କ ଅଫ୍ ଇଂଲଣ୍ଡ ଓ ବ୍ୟାଙ୍କ ଅଫ୍ ଇଣ୍ଟରନ୍ୟାସନାଲ ସେଟଲମେଣ୍ଟସ୍ (BIS)ରେ କହା ସୁରକ୍ଷା ମଧ୍ୟରେ ବିଦେଶରେ ରଖାଯାଇଛି । ବାକି ୨୯୨.୩୦ ଟନ୍ ସୁନା ଦେଶ ଭିତରେ ରହିଛି ।

ଦେଶରେ ଦୀପାବଳି ଦିନ ୫ ଲକ୍ଷ ଟୀକାକରଣ; ସେଥିରୁ ରାଜ୍ୟରେ ହୋଇଛି ୧ ଲକ୍ଷ ୫୪ ହଜାର ଭ୍ୟାକ୍ସିନେସନ୍

ଭୁବନେଶ୍ୱର: ଦୀପାବଳିରେ ଟିକାକରଣରେ ଆଗରେ ଓଡ଼ିଶା । ଦେଶରେ ପ୍ରାୟ ୫ ଲକ୍ଷ ଟୀକାକରଣ ହୋଇଥିବା ବେଳେ ରାଜ୍ୟରେ ୧ ଲକ୍ଷ ୫୪ ହଜାର ଡୋଜ ଟିକାକକରଣ ହୋଇ ରେକର୍ଡ ସୃଷ୍ଟି ହୋଇଛି । ବର୍ତ୍ତମାନ ସୁଦ୍ଧା ୮୦% ଲୋକ ପ୍ରଥମ ଡୋଜ ନେଇଛନ୍ତି । ଡିସେମ୍ବର ସୁଦ୍ଧା ସମସ୍ତଙ୍କୁ ପ୍ରଥମ ଡୋଜ ଦେବାକୁ ନିଷ୍ପତ୍ତି ନେଇଛି ସ୍ୱାସ୍ଥ୍ୟ ବିଭାଗ । ଏନେଇ ସୂଚନା ଦେଲେ ପରିବାର କଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ ।

ଅନ୍ୟ ଦେଶରେ ସଂକ୍ରମଣ ବୃଦ୍ଧି ପାଉଥିବାରୁ ଟୀକାକରଣ ଅଧିକ ତ୍ୱରାନ୍ୱିତ କରାଯାଉଛି । ବର୍ତ୍ତମାନ ସୁଦ୍ଧା ରାଜ୍ୟରେ ମୋଟ ୩ କୋଟି ୮୨ ଲକ୍ଷ ଡୋଜ ଟୀକା କରଣ ସରିଲାଣି । ପ୍ରଥମ ଡୋଜ ୨ କୋଟି ୬୧ ଲକ୍ଷ ୧୮ ହଜାର ୭୦୪ଜଣ ନେଇଛନ୍ତି । ଦିତୀୟ ଡୋଜ ନେଇଛନ୍ତି ୧ କୋଟି ୨୧ ଲକ୍ଷ ୪୦ ହଜାର ୮୨୩ ଜଣ । ବର୍ତ୍ତମାନ ସୁଦ୍ଧା ୪୬ ଲକ୍ଷ ଡୋଜ ଟୀକା ମହଜୁଦ ରହିଥିବା ବେଳେ ୮୦ ପ୍ରତିଶତ ପ୍ରଥମ ଡୋଜ ସରିଛି ।

ଯେଉଁ ମାନଙ୍କର ଦିତୀୟ ଡୋଜ ସମୟ ହେଲାଣି ସେମାନଙ୍କୁ ଟୀକା ଦେବାକୁ ଗୁରୁତ୍ୱ ଦିଆଯାଉଛି । ୟୁରୋପିଆନ ଦେଶରେ ବ୍ୟାପକ ଟୀକାକରଣ ପରେ ବି ସଂକ୍ରମଣ ବଢୁଛି । ଦୁଇ ଡୋଜ ଟୀକା ନେବା ପରେ ବି କୋଭିଡ ନିୟମ ମାନିବାକୁ ପଡିବ । ପ୍ରାୟ ଦୁଇ ସପ୍ତାହ ହେବ ପ୍ରଥମ ଡୋଜ ଅପେକ୍ଷା ଦିତୀୟ ଡୋଜ ଅଧିକ ଟୀକାକରଣ ହେଉଛି ।

ଆସନ୍ତାକାଲି ବିଜେଡିରେ ଯୋଗଦେବେ ପୂର୍ବତନ କଂଗ୍ରେସ ନେତା ପ୍ରଦୀପ ମାଝୀ

ଭୁବନେଶ୍ୱର: ଆସନ୍ତାକାଲି ବିଧିବଦ୍ଧ ଭାବେ ବିଜେଡିରେ ଯୋଗ ଦେବେ କଂଗ୍ରେସରୁ ଇସ୍ତଫା ଦେଇଥିବା ବରିଷ୍ଠ ନେତା ପ୍ରଦୀପ ମାଝୀ। ନବରଙ୍ଗପୁରରେ ଏକ ସ୍ୱତନ୍ତ୍ର କାର୍ଯ୍ୟକ୍ରମରେ ମିଶ୍ରଣ ପର୍ବରେ ସେ ଶଙ୍ଖ ଧରିବେ । ନିଜ ସମର୍ଥକମାନଙ୍କୁ ଧରି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଉପସ୍ଥିତିରେ ବିଜେଡିରେ ମିଶିବେ।

ବିଜେଡିରେ ମିଶିବା ନେଇ ପୂର୍ବରୁ ସୂଚନା ଦେଇଥିଲେ ପ୍ରଦୀପ ମାଝୀ। ଗତ ୨୨ ତାରିଖରେ ପ୍ରଦୀପ କଂଗ୍ରେସ ନେତୃତ୍ୱ ପ୍ରତି ଅଙ୍ଗୁଳି ଉଠାଇ ଦଳରୁ ଇସ୍ତଫା ଦେଇଥିଲେ । କଂଗ୍ରେସ ହାଇକମାଣ୍ଡ, ପ୍ରଭାରୀ ଓ ପିସିସି ସଭାପତିଙ୍କୁ ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଉଥିବା ଉଲ୍ଲେଖ କରି ପତ୍ର ପଠାଇଥିଲେ। ଦଳରେ କାମ କରିବାକୁ ସୁଯୋଗ ମିଳୁନଥିବାରୁ ଦୁଃଖରେ ଦଳ ଛାଡ଼ୁଥିବା ଲେଖିଥିଲେ । ରାଜ୍ୟବାସୀଙ୍କ ପାଖରେ କଂଗ୍ରେସ ତାର ବିଶ୍ୱସନୀୟତା ହରାଇଛି ବୋଲି ଇସ୍ତଫା ପତ୍ରରେ ପ୍ରଦୀପ ଉଲ୍ଲେଖ କରିଥିଲେ। କଂଗ୍ରେସ ଛାଡିବାବେଳେ ପିସିସି କାର୍ଯ୍ୟକାରୀ ସଭାପତି ଦାୟିତ୍ୱରେ ଥିଲେ ଦକ୍ଷିଣ ଓଡ଼ିଶାର ଏହି ନେତା।

ଅଧିକ ପଢନ୍ତୁ- କଂଗ୍ରେସରୁ ଇସ୍ତଫା ଦେଲେ ବରିଷ୍ଠ କଂଗ୍ରେସ ନେତା ପ୍ରଦୀପ ମାଝୀ

ନିକଟରେ ଏକ ସାମ୍ୱାଦିକ ସମ୍ମିଳନୀରେ ସେ କହିଥିଲେ, ଅବିଭକ୍ତ କୋରାପୁଟ ଜିଲ୍ଲାରେ ଅନେକ ସମସ୍ୟା ରହିଛି ଏବଂ ସେ ସମସ୍ୟାର ସମାଧାନ ପାଇଁ କଂଗ୍ରେସର ଏବେ ଶକ୍ତି ନାହିଁ । ବିଜେଡି ସହାୟତାରେ ସମସ୍ୟାର ସମାଧାନ ହୋଇପାରିବ । ଗଣତନ୍ତ୍ରରେ ଦଳବଦଳ କିଛି ନୂଆ କଥା ନୁହେଁ, ଲୋକଙ୍କ ପରାମର୍ଶରେ ଦଳବଦଳ କରିଥିବା କହିଛନ୍ତି ପ୍ରଦୀପ ।

ସାବଧାନ: ଥଣ୍ଡା ପାନୀୟ ହୋଇପାରେ ହୃଦଘାତ ଓ ମୃତ୍ୟୁର କାରଣ

ନୂଆଦିଲ୍ଲୀ: ଥଣ୍ଡା ପାନୀୟ ବା କୋଲ ଡ୍ରିଙ୍କସ୍ ପିଉଛନ୍ତି କି ? ଯଦି ନେଉଛନ୍ତି ସାବଧାନ ହୋଇଯାଆନ୍ତୁ । କାରଣ ଏହା ଆପଣଙ୍କ ହୃଦଘାତ, ହୃଦୟ ରୋଗ ଓ ମୃତ୍ୟୁର କାରଣ ହୋଇପାରେ । ଯଦି ଆପଣ ଚିନିର ବିକଳ୍ପ ଭାବେ ଆର୍ଟିଫିସିଆଲ ମିଠାଯୁକ୍ତ ଖାଦ୍ୟ ନେଉଛନ୍ତି ଓ ସାଧାରଣ ପାନୀୟ ବଦଳରେ ଡାଏଟ ଡ୍ରିଙ୍କସ୍ (ଥଣ୍ଡା ପାନୀୟ) ନେଉଛନ୍ତି ତେବେ ତ ଆପଣଙ୍କ ସ୍ବାସ୍ଥ୍ୟ ପ୍ରତି ରହିଛି ବଡ଼ ବିପଦ । ୫୦ରୁ ୫୯ ବର୍ଷର ୮୦ ହଜାର ମହିଳାଙ୍କ ଉପରେ କରାଯାଇଥିବା ଏକ ସର୍ଭେରୁ ଏହା ସ୍ପଷ୍ଟ ହୋଇଛି ।

୧୨ ବର୍ଷ ରିସର୍ଚ୍ଚର ରିପୋର୍ଟ

ଆଲବର୍ଟ ଆଇନଷ୍ଟାଇନ କଲେଜ ଅଫ୍ ମେଡିସିନ ସେଣ୍ଟରରେ ୧୨ ବର୍ଷ ଧରି ହୃଦଘାତକୁ ନେଇ ଏହି ସର୍ଭେ କରାଯାଇଥିଲା । ରିସଚ୍ଚର୍ସଙ୍କ କହିବା ଅନୁସାରେ ଦିନକୁ ଦୁଇରୁ ଅଧିକ ଥର ଥଣ୍ଡା ପାନୀୟ ପିଉଥିବା ମହିଳାଙ୍କ କ୍ଷେତ୍ରରେ ଇସ୍କୋମିକ ଷ୍ଟ୍ରୋକର ବିପଦ ବଢ଼ି ଯାଇଥାଏ । ଏଥିରେ କୁହାଯାଇଛି ୫.୧ ପ୍ରତିଶତ ମହିଳା ଏମିତି ଥିଲେ ଯେଉଁମାନେ ଦୁଇରୁ ଅଧିକ ଥର ଥଣ୍ଡା ପାନୀୟ ନେଉଥିଲେ । ଏମାନଙ୍କ କ୍ଷେତ୍ରରେ ହୃଦଘାତର ସମ୍ଭାବନା ଅଧିକ ରହିଛି ।

ଆପଣଙ୍କ ପ୍ରତି ରହିଛି କେତେ ବିପଦ ?

ଦିନକୁ ଦୁଇରୁ ଅଧିକ ଥର ଥଣ୍ଡା ପାନୀୟ ନେଉଥିବା ମହିଳାଙ୍କ କ୍ଷେତ୍ରରେ ଇସ୍କୋମିକ ଷ୍ଟ୍ରୋକ୍ ସମ୍ଭାବନା ୨୩ ପ୍ରତିଶତ ବଢ଼ି ଯାଇଥାଏ । ସେହିପରି କୋରୋନାରୀ ହୃଦୟ ରୋଗର ସମ୍ଭାବନା ୨୯ ପ୍ରତିଶତ ଓ ମୃତ୍ୟୁ ସମ୍ଭାବନା ୧୬ ପ୍ରତିଶତ ବଢ଼ିଯାଇଥାଏ । ଏହାସହ ମସ୍ତିଷ୍କର ଧମନୀରେ ରକ୍ତ ଜମା ହୋଇ ଏହା ସାଧାରଣ ଷ୍ଟ୍ରୋକର ବି କାରଣ ହୋଇପାରେ ।

ଆର୍ଟିଫିସିଆଲ ମିଠା କ’ଣ ?

ଆର୍ଟିଫିସିଆଲ ମିଠା ଏକ ପ୍ରକାର କେମିକାଲ । ଯାହାକୁ ଚିନିର ବିକଳ୍ପ ଭାବେ ବ୍ୟବହାର କରାଯାଏ । ବିଶେଷ କରି ଥଣ୍ଡା ପାନୀୟରେ ଏହାର ବହୁଳ ବ୍ୟବହାର କରାଯାଇଥାଏ । ଯାହା ପ୍ରାୟତଃ ସବୁ ବର୍ଗର ମହିଳାଙ୍କ ପସନ୍ଦ । ଖାଦ୍ୟ ପଦାର୍ଥ ଓ ପାନୀୟକୁ ମିଠା କରିବାକୁ ଚିନି ବଦଳରେ ଏହାକୁ ବ୍ୟବହାର କରାଯାଇଥାଏ । ସ୍ବାଦରେ ଏହା ଆପଣଙ୍କ ପାଟିକୁ ମିଠା ଲାଗିପାରେ । ହେଲେ, ସ୍ବାସ୍ଥ୍ୟ ପ୍ରତି ଏହା ଟାଣି ଆଣେ ହୃଦଘାତ ଭଳି ବଡ଼ ବିପଦ । ଯାହା ଆପଣଙ୍କ ମୃତ୍ୟୁର କାରଣ ପାଲଟି ପାରେ ।

ଭାରତରେ କ’ଣ ରହିଛି ସ୍ଥିତି ?

ରିସର୍ଚ୍ଚ ରିପୋର୍ଟ ଅନୁସାରେ ପଶ୍ଚିମବଙ୍ଗ ଓ ଛତିଶଗଡ଼ରେ ଷ୍ଟ୍ରୋକ୍ ମାମଲା ଦେଶର ଅନ୍ୟ ରାଜ୍ୟମାନଙ୍କ ତୁଳନାରେ ଅଧିକ ରହିଛି । ଏହାର କାରଣ ସ୍ପଷ୍ଟ ହୋଇ ନଥିଲେ ବି ଏହାର ମୁକାବିଲା ପାଇଁ ହୃଦଘାତ ଚିକିତ୍ସାର ଭିତ୍ତିଭୂମିକୁ ସୁଦୃଢ଼ କରିବାକୁ ପଡ଼ିବ । ହୃଦଘାତ ପରି ସମସ୍ୟାରୁ ଦୂରେଇ ରହିବାକୁ ହେଲେ ଡାଇବେଟିସ ଓ ରକ୍ତଚାପ ନିୟନ୍ତ୍ରଣରେ ରହିବା ଆବଶ୍ୟକ । ଏହାସହ ଯଦି ଆପଣ ସ୍କୋକିଂ (ସିଗାରେଟ୍) କରୁଛନ୍ତି ତେବେ ତୁରନ୍ତ ବନ୍ଦ କରନ୍ତୁ । ଏହା ବି ଆପଣଙ୍କ ହୃଦଘାତର କାର ହୋଇପାରେ ।

ଖୋର୍ଦ୍ଧାରେ ଖସୁଛି ଦୈନିକ କରୋନା ମାମଲା; ସଂକ୍ରମଣ ରୋକିବା ସମସ୍ତଙ୍କ ଦାୟିତ୍ୱ ବୋଲି କହିଲେ ଲକ୍ଷ୍ମୀକାନ୍ତ ସେଠୀ

ଭୁବନେଶ୍ୱର: ଦୀର୍ଘ ଦିନ ପରେ ଖୋର୍ଦ୍ଧା ଜିଲ୍ଲାରେ ଶହେ ତଳକୁ ଖସିଛି ଦୈନିକ କରୋନା ସଂକ୍ରମଣ। ରାଜ୍ୟର ୨୦ ଜିଲ୍ଲାରେ ୧୭୦ ଜଣ ନୂଆ ସଂକ୍ରମିତ ଚିହ୍ନଟ ହୋଇଥିବା ବେଳେ ଖୋର୍ଦ୍ଧାରୁ ମାତ୍ର ୬୧ଜଣ ଚିହ୍ନଟ ହୋଇଛନ୍ତି। ୧୦ଟି ଜିଲ୍ଲାରୁ କେହି କରୋନା ସଂକ୍ରମିତ ଚିହ୍ନଟ ହୋଇନାହାନ୍ତି । ଭୁବନେଶ୍ୱରରେ ସଂକ୍ରମିତଙ୍କ ସଂଖ୍ୟା ପ୍ରଥମ ଥର ପାଇଁ ୫୦ ତଳକୁ ଖସିଛି ।

ଏନେଇ ରାଜଧାନୀ ବାସୀଙ୍କୁ ଧନ୍ୟବାଦ ଦେଇଛନ୍ତି ଭୁବନେଶ୍ୱର ମହାନଗର ନିଗମ (ବିଏମସି)ର ଅତିରିକ୍ତ କମିଶନର ଲକ୍ଷ୍ମୀକାନ୍ତ ସେଠୀ। ସେ କହିଛନ୍ତି ଯେ ପାର୍ବଣରେ ସଂକ୍ରମଣ ବଢ଼ିବା ନେଇ ଆଶଙ୍କା କରାଯାଉଥିଲା । ତେବେ ଲୋକ ସଚେତନ ହୋଇ କଟକଣା ମାନିଥିବାରୁ ଏହି ସ୍ଥିତି ଠିକ୍ ରହିଛି । ତଥାପି ଏବେ ଅବହେଳା ନକରି ଅନୁଶାସନ ଭିତରେ ରହି ସଂକ୍ରମଣ ସଂଖ୍ୟାକୁ ଶୂନରେ ପହଞ୍ଚାଇବା ସମସ୍ତଙ୍କ ଦାୟିତ୍ୱ ବୋଲି ବିଏମସି ଅତିରିକ୍ତ କମିଶନର ଲକ୍ଷ୍ମୀକାନ୍ତ ସେଠୀ କହିଛନ୍ତି। ଯେପର୍ଯ୍ୟନ୍ତ କରୋନା ସଂକ୍ରମଣ ଶୂନରେ ନପହଞ୍ଚିଛି ସେଯାଏଁ ଆମକୁ ସତର୍କ ଓ ସଚେତନ ରହିବାକୁ ପଡିବ। କରୋନା ଭାଇରସ୍ ସମ୍ପୂର୍ଣ୍ଣ ଦୂରେଇ ନଯିବା ଯାଏଁ ଆମର ଏହି ଯୁଦ୍ଧ ଚାଲି ରହିବ ବୋଲି ସେ ଜନସାଧାରଣଙ୍କୁ ଆହ୍ୱାନ କରିଛନ୍ତି । କାରଣ ସଂକ୍ରମଣ ବଢିବା ଓ କମିବା ଲୋକଙ୍କ ଉପରେ ନ୍ୟସ୍ତ।

 

ରାଜ୍ୟରେ ଦିନକରେ ୧୭୦ ଆକ୍ରାନ୍ତ ଚିହ୍ନଟ ହୋଇଛନ୍ତି । ତନ୍ମଧ୍ୟରେ ସଂଗରୋଧରୁ ୯୮ ଓ ସ୍ଥାନୀୟ ଅଞ୍ଚଳରୁ ୭୨ ସଂକ୍ରମିତ ରହିଛନ୍ତି। ନୂଆ ଆକ୍ରାନ୍ତଙ୍କ ମଧ୍ୟରେ ୧୮ ବର୍ଷରୁ କମ୍‌ ବୟସର ୨୪ ଜଣ । ୩ ହଜାର ୬୫୧ କୋଭିଡ ରୋଗୀ ଏବେ ବି ଚିକିତ୍ସାଧୀନ ରହିଥିବା ବେଳେ  ମୋଟ କରୋନା ମୃତ୍ୟୁ ସଂଖ୍ୟା ୮ ହଜାର ୩୫୦କୁ ବୃଦ୍ଧି ପାଇଛି । ତେବେ ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ୩ ଜଣଙ୍କ ଜୀବନ ନେଇଛି କରୋନା ଭାଇରସ ।

ତିହାର ଜେଲରେ VIP ଟ୍ରିଟମେଣ୍ଟ

ନୂଆଦିଲ୍ଲୀ: ପୁଣି ଚର୍ଚ୍ଚାରେ ତିହାର ଜେଲ । ତିହାର ଜେଲ ପ୍ରଶାସନ ବିରୋଧରେ ପୁଣି ଥରେ ଗୁରୁତର ଅଭିଯୋଗ ଆସିଛି । ଏଥର ଜେଲ ନିୟମକୁ ଫୁ କରି ଜେଲ ଅଧୀକ୍ଷକଙ୍କ କାର୍ଯ୍ୟାଳୟରେ ଜଣେ କଏଦୀ ତାଙ୍କ ପିତାଙ୍କୁ ଭେଟିଥିବା ଅଭିଯୋଗ ଆସିଛି । ରାଜନୈତିକ କାରଣରୁ ତାଙ୍କ ପିତା ଜେଲ ନିୟମରେ ଖିଲାଫ କରି ତାଙ୍କ ପୁଅକୁ ଭେଟିବା ସହ ମନପସନ୍ଦର ଖାଦ୍ୟ ଖାଇବାକୁ ଦିଆଯାଉଥିବାର ଅଭିଯୋଗ ହେଉଛି ।

ସୂଚନା ଅନୁସାରେ ରଚିତ ସିଂଘଲ ନାମରେ ଜଣେ ଅଭିଯୁକ୍ତ ତିହାର ଜେଲରେ ରହିଛନ୍ତି । ଫୁଡ୍ ଡେଲିଭରୀ ବୟକୁ ମାରିବା ଘଟଣାରେ ଜେଲରେ ଅଛନ୍ତି ରାଚିତ । ଏହି ଅଭିଯୁକ୍ତ ଯେଉଁ ଜେଲରେ ରହିଛନ୍ତି ସେହି ଜେଲର ଅଧୀକ୍ଷକ ଭାବରେ ରାକେଶ ଚୌଧୁରୀଙ୍କୁ ପୋଷ୍ଟିଂ କରାଯାଇଛି । ତେବେ ରାକେଶ ଚୌଧୁରୀଙ୍କ ନାମରେ ଅଭିଯୋଗ ହୋଇଛି କି ସେ ଅଭିଯୁକ୍ତଙ୍କ ପିତା ସଂଜୟ ସିଂଘଲଙ୍କୁ ତାଙ୍କ କାର୍ଯ୍ୟାଳୟରେ ବସାଇବା ସହ ତାଙ୍କ କାର୍ଯ୍ୟାଳୟରେ ହିଁ ଅଭିଯୁକ୍ତ ସହ ଦେଖା କରାଇଥିଲେ  ଏବଂ ଜେଲର ନିୟମ ଭାଙ୍ଗି ଅଭିଯୁକ୍ତଙ୍କ ପାଇଁ ମନପସନ୍ଦ ଖାଦ୍ୟର ବ୍ୟବସ୍ଥା କରିଥିଲେ । ତେବେ ଏହାର ପ୍ରମାଣ ଜେଲ ନମ୍ବର ୧୬ର ଏଣ୍ଟ୍ରି ରେଜିଷ୍ଟରରେ ରେକର୍ଡ କରାଯାଇଛି । କେଉଁ ସମୟରେ କଏଦୀଙ୍କ ପିତା ଜେଲକୁ ଆସିଥିଲେ ଓ କେତେ ସମୟ ସେ ଜେଲ ଅଧୀକ୍ଷକଙ୍କ କାର୍ଯ୍ୟାଳୟରେ ବସିଥିଲେ ଏହାର ସମସ୍ତ ପ୍ରମାଣ ସିସିଟିଭିରେ ରହିଛି । ତେବେ ଜେଲରେ ଥିବା କଏଦୀଙ୍କ ପିତା ଜଣେ ବଡ଼ ଦୁଗ୍ଧ ବ୍ୟବସାୟୀ ଓ ସେ ଏକ ରାଜନୈତିକ ଦଳ ସହ ସଂଶ୍ଲିଷ୍ଟ । ସୂଚନାଯୋଗ୍ୟ ଗତକାଲି ଏହି ଅଭିଯୁକ୍ତଙ୍କ ଜାମିନ କୋର୍ଟ ଦ୍ବାରା ଖାରଜ କରାଯାଇଛି । ଯାହା ପରେ ଜେଲ ନିୟମକୁ ଫୁ କରି ଏହି ସବୁ ବ୍ୟବସ୍ଥା କରାଯାଇଛି । ଜେଲ ନିୟମ ଅନୁଯାୟୀ ଜେଲ ପରିସରରେ ଜେଲ ଅଧୀକ୍ଷକଙ୍କ କାର୍ଯ୍ୟାଳୟରେ କେହି ଅଭିଯୁକ୍ତଙ୍କୁ ସାକ୍ଷାତ କରିପାରିବେ ନାହିଁ । କିନ୍ତୁ ରାକେଶ ଚୌଧୁରୀ କିପରି ଭାବରେ ତାଙ୍କ କାର୍ଯ୍ୟାଳୟରେ ତାଙ୍କ ପିତାଙ୍କୁ ଦେଖା କଲେ ତାହାକୁ ନେଇ ଏବେ ପ୍ରଶ୍ନବାଚୀ ସୃଷ୍ଟି ହୋଇଛି ।

 

ବୈତରଣୀର ମୁଆଁଘାଟରେ କୁମ୍ଭୀର ଆତଙ୍କ; ମତ୍ସ୍ୟଜୀବୀ ବଖାଣିଲେ ହୃଦୟଥରା କାହାଣୀ

ଚାନ୍ଦବାଲି: ଚାନ୍ଦବାଲି ନିକଟସ୍ଥ ବୈତରଣୀ ନଦୀର ମୁଆଁଘାଟରେ କୁମ୍ଭୀର ଆତଙ୍କ। ଅଳ୍ପକେ ବର୍ତ୍ତିଲେ ୪ ମତ୍ସ୍ୟଜୀବୀ। ମତ୍ସ୍ୟଜୀବୀ ବଖାଣିଲେ ହିଂସ୍ର କୁମ୍ଭୀରର ଝାମ୍ଫ ମାରିବା ଅନୁଭୂତି ।

ସୂଚନା ଅନୁଯାୟୀ, ଗତକାଲି ରାତି ପ୍ରାୟ ୯ଟା ସମୟରେ ଏକ ଡଙ୍ଗା ନେଇ ନଦୀକୁ ଯାଇଥିଲେ ମତ୍ସ୍ୟଜୀବୀ । ଜାଲ ମାରିବା ବେଳେ ଦେଖିବାକୁ ପାଇଥିଲେ ୧୫ଫୁଟର କୁମ୍ଭୀର । ହିଂସ୍ର କୁମ୍ଭୀର ବାରମ୍ବାର ଝାମ୍ଫ ମାରିଥିଲା । କୁମ୍ଭୀରକୁ ଘଉଡାଇବାକୁ ଚେଷ୍ଟା କରିଥିଲେ ମଧ୍ୟ କୁମ୍ଭୀର ସେ ସ୍ଥାନ ଛାଡି ଯାଇନଥିଲା । ଫଳରେ ମତ୍ସ୍ୟଜୀବୀ ଜୀବନ ବଞ୍ଚାଇବାକୁ ଜାଲ ଛାଡି ଡଙ୍ଗା ନେଇ ପଳାଇ ଆସିଥିବା କହିଛନ୍ତି।

ଗତ କିଛିଦିନ ହେଲା ଚାନ୍ଦବାଲି ଠାରୁ ଧାମନଗର ଗାନ୍ଧିଘାଟ ଦୀର୍ଘ ୨୫ କିଲୋମିଟର ନଦୀରେ ସନ୍ତରଣ କରିବା ସହ ହିଂସ୍ର ହୋଇ ଖାଦ୍ୟ ଅନ୍ବେଷଣରେ କେତେବେଳେ ଗୃହପାଳିତ ପଶୁ ତ ଆଉ କେତେବେଳେ ମଣିଷଙ୍କୁ କୁମ୍ଭୀର ଝାମ୍ଫି ନେଉଥିବା ଖବର ନଜର ଆସୁଛି।

ଖୁବଶୀଘ୍ର ଖୋଲିବ ୬ଷ୍ଠ ଏବଂ ୭ମ ଶ୍ରେଣୀ; ସଚେତନତା ଓ ସୁରକ୍ଷା ପାଇଁ କରାଯିବ ସ୍ୱତନ୍ତ୍ର ଅଭିଯାନ

ଭୁବନେଶ୍ୱର: ଖୁବଶୀଘ୍ର ରାଜ୍ୟରେ ଖୋଲିବ ଷଷ୍ଠ ଏବଂ ସପ୍ତମ ଶ୍ରେଣୀ। ଶ୍ରେଣୀଗୃହରେ ବସି ପାଠ ପଢିବେ ଛାତ୍ରଛାତ୍ରୀ। ଏବେ ବି କରୋନା ସଂକ୍ରମଣର ଭୟ ଥିବାରୁ ସ୍କୁଲ ଖୋଲିବା ପରେ ସଚେତନତା ଓ ସୁରକ୍ଷା ଉପରେ ଗୁରୁତ୍ୱ ଦେବ ରାଜ୍ୟ ଶିଶୁ ଅଧିକାର ସୁରକ୍ଷା ଆୟୋଗ।

ଏନେଇ ଆୟୋଗ ପକ୍ଷରୁ ଆସନ୍ତା ୨୦ ତାରିଖରୁ ରାଜ୍ୟବ୍ୟାପୀ ଆରମ୍ଭ ହେବ ସ୍ୱତନ୍ତ୍ର ଅଭିଯାନ। ୪୦ ଦିନ ଧରି କାର୍ଯ୍ୟକ୍ରମର ଆୟୋଜନ କରାଯିବ । ଏହା ପୂର୍ବରୁ ୧୯ ତାରିଖରେ ଶିଶୁ ବିଧାନସଭାର ଆୟୋଜନ କରାଯିବ। କାର୍ଯ୍ୟକ୍ରମ ବିଧାନସଭା ପରିସରରେ କରିବା ପାଇଁ ଆୟୋଗ ଯୋଜନା କରିଥିବା ବେଳେ ଏଥିପାଇଁ ବାଚସ୍ପତିଙ୍କ ଅନୁମତିକୁ ଅପେକ୍ଷା ରହିଛି।

ଅନୁମତି ନମିଳିଲେ ଜୟଦେବ ଭବନରେ କାର୍ଯ୍ୟକ୍ରମ ଆୟୋଜନ କରାଯିବ। ଏଥିରେ ଶିଶୁମାନଙ୍କୁ ସାମିଲ କରାଯିବ ବୋଲି ସୂଚନା ଦେଇଛନ୍ତି ରାଜ୍ୟ ଶିଶୁ ଅଧିକାର ସୁରକ୍ଷା ଆୟୋଗ ଅଧ୍ୟକ୍ଷା ସନ୍ଧ୍ୟାବତୀ ପ୍ରଧାନ।

 

 

କେଦାରନାଥରେ ମୋଦି; ଲୋକାର୍ପଣ କଲେ ଆଦି ଶଙ୍କରାଚାର୍ଯ୍ୟଙ୍କ ସମାଧି

ଡେରାଡୁନ: ଉତ୍ତରାଖଣ୍ଡର କେଦାରନାଥରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି  । ଆଜି ସକାଳୁ ପ୍ରଧାନମନ୍ତ୍ରୀ ମୋଦି ଡେରୁଡୁନ ବିମାନ ବନ୍ଦରରେ ପହଞ୍ଚିବା ପରେ ଉତ୍ତରାଖଣ୍ଡ ରାଜ୍ୟପାଳ ଗୁରମିତ ସିଂ ଏବଂ ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି ମୋଦିଙ୍କୁ ସ୍ବାଗତ କରିଥିଲେ । ନରେନ୍ଦ୍ର ମୋଦି କେଦାରନାଥରେ ପହଞ୍ଚି ବାବାଙ୍କ ଦର୍ଶନ କରିଛନ୍ତି । କେଦାରନାଥଙ୍କ ଦର୍ଶନ କରିବା ସହ ପୂଜାର୍ଚ୍ଚନା କରିଛନ୍ତି ପ୍ରଧାନମନ୍ତ୍ରୀ  । ମନ୍ଦିରରେ ବାବାଙ୍କ ଦର୍ଶନ କରିବା ପରେ ଅନେକ ବିକାଶମୂଳକ କାର୍ଯ୍ୟର ତଦାରଖ କରିବେ ମୋଦି  । ୧୦୦ କୋଟିରୁ ଉର୍ଦ୍ଧ ଟଙ୍କା ମୂଲ୍ୟରେ ନିର୍ମାଣ ହୋଇଥିବା ବିଭିନ୍ନ ପ୍ରକଳ୍ପର ଶୁଭାରମ୍ଭ କରିବେ ମୋଦି ।

ଏହାପରେ ପ୍ରଧାନମନ୍ତ୍ରୀ ମୋଦି ସେଠାରେ ଆଦି ଗୁରୁ ଶଙ୍କରାଚାର୍ଯ୍ୟଙ୍କ ସମାଧି ଲୋକାର୍ପଣ କରିଥିଲେ ପ୍ରଧାନମନ୍ତ୍ରୀ । ୩୫ ଟନ ଓଜନ ବିଶିଷ୍ଟ ଆଦି ଗୁରୁ ଶଙ୍କରାଚାର୍ଯ୍ୟଙ୍କ ସମାଧି ୨୦୧୯ରୁ ନିର୍ମାଣ ଆରମ୍ଭ କରିଥିଲେ । ଉତ୍ତରାଖଣ୍ଡ ଜଳ ପ୍ରଳୟରେ ଆଦି ଶଙ୍କରାଚାର୍ଯ୍ୟଙ୍କ ସମାଧି ଧ୍ୱଂସ ପାଇ ଯାଇଥିଲା। ଏହାକୁ ପୁଣିଥରେ ତିଆରି କରାଯାଇଛି। ମୋଦି କେଦାରନାଥ ଆଜି ଆସୁଥିବାରୁ ଏଥିପାଇଁ ପ୍ରସ୍ତୁତି ଜୋରସୋରରେ ଚାଲିଛି। ପ୍ରଧାନମନ୍ତ୍ରୀଙ୍କ ଏହି କାର୍ଯ୍ୟକ୍ରମ ୮୭ଟି ସ୍ଥାନରେ ସିଧାପ୍ରସାରଣ ହେବ । ଶଙ୍କରାଚାର୍ଯ୍ୟଙ୍କ ସମାଧି ଉଦଘାଟନ କରିବା ପରେ ସେ ସେହି କାର୍ଯ୍ୟକ୍ରମକୁ ମଧ୍ୟ ସମ୍ବୋଧିତ କରିବେ । ଏଥିପାଇଁ ଏହି କାର୍ଯ୍ୟକ୍ରମକୁ ଦେଶର ବିଭିନ୍ନ ପ୍ରାନ୍ତରୁ ସାଧୁ ସନ୍ଥଙ୍କୁ ନିମନ୍ତ୍ରଣ କରାଯାଇଛି । ମୋଦିଙ୍କ ଗସ୍ତକୁ ଦୃଷ୍ଟିରେ ରଖି କେଦାରନାଥ ମନ୍ଦିରକୁ ୮ କୁଇଣ୍ଟାଲ ଫୁଲରେ ସଜାଯାଇଛି । ଅନ୍ୟପକ୍ଷରେ ପ୍ରଧାନମନ୍ତ୍ରୀଙ୍କ ଗସ୍ତକୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥାକୁ କଡ଼ା କଡ଼ି କରାଯାଇଛି । ମୋଦି କେଦାରନାଥ ଦର୍ଶନ କରିବା ସମୟରେ ଅନ୍ୟ ଭକ୍ତଙ୍କୁ ଦର୍ଶନ ପାଇଁ ବାରଣ କରାଯାଇଥିଲା ।