spot_img
Home Blog Page 5198

ଗାଁ ପାଲଟିଲା ରଣକ୍ଷେତ୍ର, ୮ ଆହତ ମେଡିକାଲରେ ଭର୍ତ୍ତି

ବୌଦ୍ଧ:  ବଢିଗାଁ ପଂଚାୟତ ଯୋଗୀଭୋଗରା ଗାଁ ପାଲଟିଲା ରଣକ୍ଷେତ୍ର । ଦୁଇ ପରିବାର ମଧ୍ୟରେ ଗଣ୍ଡଗୋଳ ଘଟି ୮ ଆହତ । ସମସ୍ତ ଆହତଙ୍କୁ ଆମ୍ବୁଲାନସ୍ ଯୋଗେ ବୌଦ୍ଧ ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଛି  । ଗତକାଲି ରାତିରେ ସ୍ଥାନୀୟ ସରପଞ୍ଚଙ୍କ ପରିବାର ଓ ବେହେରା ପରିବାର ମଧ୍ୟରେ କୌଣସି କାରଣକୁ ନେଇ ଗଣ୍ଡଗୋଳ ହୋଇଥିଲା । ପରସ୍ପରର ମଧ୍ୟରେ ଆକ୍ରମଣରେ ଉଭୟ ପରିବାରର ୮ ଜଣ ସଦସ୍ୟ ଆହତ ହୋଇଛନ୍ତି ।

ଆହତ ମାନେ ହେଲେ ସରପଞ୍ଚଙ୍କ ସ୍ବାମୀ ଅଜିତ ସେଠୀ, ଦେଢସୁର ପ୍ରଦୀପ ସେଠୀ, ଶ୍ୱଶୁର ଚହଟୀ ସେଠୀ । ସେହିପରି ବେହେରା ପରିବାରର ବାବୁଲା ବେହେରା, ଅନନ୍ତ ବେହେରା, ବୈକୁଣ୍ଠ ବେହେରା, ସ୍ବାଧୀନ ବେହେରା ଓ ଦିବସ ବେହେରା ମଧ୍ୟ ଆହତ ହୋଇଛନ୍ତି । ରାଜନୈତିକ କାରଣ ନା ଅନ୍ୟ କୌଣସି କାରଣରୁ ଗଣ୍ଡଗୋଳ ହୋଇଛି ଜଣା ପଡିନାହିଁ । ଘଟଣାସ୍ଥଳରେ ପୋଲିସ ପହଞ୍ଚି ଅଧିକ ତଦନ୍ତ କରୁଛି ।

ଅମାନିଆ ହେଲେ ଓଡ଼ିଶା ଭୋଗିବ ପଶ୍ଚିମବଙ୍ଗ ସ୍ଥିତି

ଭୁବନେଶ୍ୱର: ଅମାନିଆ ହେଲେ ଓଡ଼ିଶା ଭୋଗିବ ପଶ୍ଚିମବଙ୍ଗ ସ୍ଥିତି । ରାଜ୍ୟରେ କରୋନା ନିୟନ୍ତ୍ରଣରେ ରହିଥିଲେ ମଧ୍ୟ ବିପଦ ଟଳିନାହିଁ । ଏଭଳି ସମୟରେ କେତେକ ଅମାନିଆ କଟକଣା ମାନୁନଥିବା ଦେଖିବାକୁ ମିଳିଛି । ରାଜଧାନୀ ଭୁବନେଶ୍ବରରେ ଅଧିକ ଲୋକ ଅମାନିଆ ହେଉଥିବା ଦେଖିବାକୁ ମିଳିଛି । ଫଳରେ ରାଜଧାନୀରେ କରୋନା ସଂକ୍ରମଣ କମିବାର ନାଁ ନେଉନାହିଁ । ଶତପ୍ରତିଶତ ଟିକାକରଣ ହୋଇଥିଲେ ମଧ୍ୟ କେତେକ ଲୋକଙ୍କ ବେପରୁଆ ନୀତି ପୁଣି ବିପଦକୁ ଆମନ୍ତ୍ରଣ କରୁଛି । କଟକଣା ଓ ସଚେତନତା ସତ୍ତ୍ବେ ରାଜଧାନୀରେ ଲକ୍ଷଣହୀନ କୋଭିଡ୍ ରୋଗୀ ବିନାମାସ୍କରେ ବୁଲୁଛନ୍ତି ।

କୋଭିଡ୍ ନିୟମ କଡ଼ାକଡ଼ି ନକଲେ ଦଶହରା ପରେ ପଶ୍ଚିମବଙ୍ଗରେ କୋଭିଡ୍ ସ୍ଥିତି ଯେପରି ହୋଇଛି ଓଡ଼ିଶାରେ ମଧ୍ୟ ସେପରି ହୋଇପାରେ ବୋଲି ସ୍ବାସ୍ଥ୍ୟ ବିଶେଷଜ୍ଞ ଆକଳନ କରିଛନ୍ତି । ଏବେ ଓଡ଼ିଶାରେ ସ୍ଥିତି ଭଲ ଥିଲେ ମଧ୍ୟ ନିୟମ ମାନିବାକୁ ପଡିବ । ଆଗାମୀ ୨ରୁ୩ ମାସ ନିୟମ ଠିକ ଭାବେ ପାଳନ କଲେ ମହାମାରୀ ଆଉ ଫେରିବ ନାହିଁ ବୋଲି ବୋଲି ସ୍ବାସ୍ଥ୍ୟ ବିଶେଷଜ୍ଞ କହିଛନ୍ତି । ସେପଟେ ଖୁବଶୀଘ୍ର ଦୀପାବଳି ପାଇଁ ଗାଇଡଲାଇନ୍କୁ ଜାରି କରିବେ ରାଜ୍ୟ ସରକାର ।

ବାଜିବ ସ୍କୁଲ ଘଣ୍ଟା, ୧୮ ମାସ ପରେ ସ୍କୁଲ ଯିବେ ଅଷ୍ଟମ ଛାତ୍ରଛାତ୍ରୀ

ଭୁବନେଶ୍ୱର:  ଆଜିଠୁ ଶ୍ରେଣୀ ଗୃହରେ ବସି ପାଠ ପଢିବେ ଅଷ୍ଟମ ଛାତ୍ରଛାତ୍ରୀ । ଦୀର୍ଘ ୧୮ମାସ ପରେ ବିଦ୍ୟାଳୟ ଖୋଲୁଥିବାରୁ ଉତ୍ସାହିତ ଅଛନ୍ତି ଛାତ୍ରଛାତ୍ରୀ । କରୋନା କଟକଣାରେ ସକାଳ ୯ଟାରୁ ୧୨ଟା ୩୦ ଯାଏ ହେବ କ୍ଲାସ୍ । ପୂର୍ବରୁ ସ୍କୁଲ ପରିସରକୁ ସଫେଇ କରାଯିବା ସହିତ କ୍ଲାସ ରୁମକୁ ସାନିଟାଇଜ୍ କରାଯାଇଛି । ପିଲାମାନେ ମାସ୍କ ପିନ୍ଧିବା ସହିତ ସାମାଜିକ ଦୂରତା ରକ୍ଷା କରିବେ । ସ୍କୁଲରେ ପିଲାଙ୍କୁ ଦିଆଯିବନି ମଧ୍ୟାହ୍ନ ଭୋଜନ । ଶିକ୍ଷକ କି ଛାତ୍ରଛାତ୍ରୀଙ୍କ ସାମାନ୍ୟ ଲକ୍ଷଣ ଦେଖାଦେଲେ ବିଦ୍ୟାଳୟ ପ୍ରବେଶ ଅନୁମତି ନାହିଁ ।

ତେବେ ଆଜି ଓ ଆସନ୍ତାକାଲି ପିଲାଙ୍କୁ ପାଠ ପଢାଯିବନାହିଁ । ପିଲାଙ୍କ ମଧ୍ୟରେ ଆଲୋଚନା, ତର୍କ ପ୍ରତିଯୋଗିତା ଭଳି ବିଭିନ୍ନ ଏକ୍ସଟ୍ରା କରିକୁଲାର ଆକ୍ଟିଭିଟିଜ୍ କରାଯିବ । ସବୁ ପିଲାଙ୍କ ଶିକ୍ଷଣ ସ୍ତରରେ ଆଲୋଚନା ହେବ । ୨୭ରେ ଓଡିଆ, ୨୮ରେ ଗଣିତ ଓ ୨୯ରେ ଇଂରାଜୀ ବିଷୟରେ ଘଣ୍ଟାକର ପରୀକ୍ଷା ହେବ । ଏଥିପାଇଁ ପ୍ରଶ୍ନପତ୍ର ଓସେପା ଓ ଏସସିଇଆରଟି ଯୋଗାଇବ । ଏହି ଆକଳନର ଫଳାଫଳ ପରେ ବିଶ୍ଳେଷଣ ହେବ ।

ପ୍ରତି ଛାତ୍ରଛାତ୍ରୀଙ୍କ ପାଇଁ ପ୍ରତିକାତ୍ମକ ଶିକ୍ଷା ପ୍ରଧାନଶିକ୍ଷକଙ୍କ ଦ୍ବାରା କରାଯିବ । ପଢା ସହଜ କରିବାକୁ ସପ୍ତମ ଶ୍ରେଣୀର ସହଜ ପାଠ ପଢାଯିବ । ସେପଟେ ସ୍କୁଲ୍ ଛାଡିଥିବା ଛାତ୍ରଛାତ୍ରୀଙ୍କ ସର୍ଭେ ସରିଛି । ସେମାନଙ୍କୁ ପୁଣି ବିଦ୍ୟାଳୟ ଫେରାଇ ଆଣିବାକୁ ଯୋଗାଯୋଗ କରାଯିବ । ଶିକ୍ଷକ ପ୍ରତିଦିନ ଲେସନ ନୋଟ୍ ପ୍ରସ୍ତୁତ କରିବା ସହିତ ପଢା ସମ୍ପର୍କିତ ୩୦ ମିନିଟର ବୈଠକ କରିବେ ପ୍ରଧାନଶିକ୍ଷକ । ସିଆରସିସି, ଏବିଇଓ, ଏଡିଇଓ, ଡିଇଓ ପ୍ରତିଦିନ ସ୍କୁଲରେ ତଦାରଖ ପାଇଁ ଯିବେ ।

ବିଜେଡି ପ୍ରତି ବଢୁଛି ବିଶ୍ୱାସ, ପ୍ରଣବଙ୍କ ଉପସ୍ଥିତିରେ ଦଳରେ ମିଶିଲେ ତୁଙ୍ଗ ଯୁବ ନେତା

ଯାଜପୁର: ବିଜେଡି ପ୍ରତି ବଢୁଛି ବିଶ୍ୱାସ । ଆହୁରି ସଶକ୍ତ ହେଉଛି ଯାଜପୁର ବିଜେଡି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସ୍ୱଚ୍ଛ ଶାସନ ଓ ବିଜେଡି ନେତାଙ୍କ ନିମର୍ଳ ଭାବମୂର୍ତ୍ତି ଉପରେ ଭରସା କରି ଦଳରେ ସାମିଲ ହେଉଛନ୍ତି ଅନ୍ୟ ଦଳର ଅନେକ ନେତା ଓ କର୍ମୀ । ଏନେଇ ଆଜି ଯାଜପୁର ବ୍ଲକ ଭୁବନେଶ୍ବରପୁର ପଞ୍ଚାୟତରେ ଅନୁଷ୍ଠିତ ହୋଇଯାଇଛି ମିଶ୍ରଣ ପର୍ବ ।

ଯାଜପୁର ବିଧାୟକ ତଥା ବିଜେଡିର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ଉପସ୍ଥିତିରେ ବିଜେଡିରେ ସାମିଲ ହୋଇଛନ୍ତି ୫୦ରୁ ଅଧିକ କଂଗ୍ରେସର ଆଗ ଧାଡ଼ିର ନେତା ଓ ଯୁବ ଗୋଷ୍ଠି ସଦସ୍ୟ । ତେବେ ଏହି କାର୍ଯ୍ୟକ୍ରମ ଅବସରରେ ପଞ୍ଚାୟତ ବାସୀ ବିଧାୟକଙ୍କୁ ଏକ ରୋଡ଼ ଶୋ ମାଧ୍ୟମରେ ଶଙ୍ଖ ହୁଳହୁଳି ପକାଇ ସଭାସ୍ଥଳକୁ ପାଛୋଟି ନେଇଥିଲେ ।

ପଞ୍ଚାୟତର ଆହୁରି କିପରି ଉନ୍ନତି ହେବ ଏବଂ ମହିଳା ମାନେ କିପରି ନିଜେ ସ୍ୱାବଲମ୍ବୀ ହୋଇପାରିବେ ସେନେଇ ବିଧାୟକ ଉଦବୋଧନ ଦେଇଥିଲେ । ମିଶ୍ରଣ ପର୍ବରେ ଯାଜପୁର ପୂର୍ବତନ ପୌରାଧକ୍ଷ ଭବପ୍ରସାଦ ଦାସ,ସ୍ଥାନୀୟ ସରପଞ୍ଚ ମାନସ ରଞ୍ଜନ ରାୟ,ଯାଜପୁର ବ୍ଲକ ସଭାପତି ପରେସ ବିଶ୍ୱାଳ ,ଉପ ସଭାପତି ପ୍ରକାଶ ତ୍ରିପାଠୀ, ବ୍ଲକ ଅଧ୍ୟକ୍ଷ ଉପସ୍ଥିତ ରହିଥିଲେ ।

T20 World Cup: ଲଜ୍ୟାଜ୍ଜନକ ପରାଜୟ, ପ୍ରଥମ ଥର ଭାରତ ବିପକ୍ଷରେ ପାକିସ୍ତାନର ବିଜୟ

ଦୁବାଇ: ଭାରତର ଐତିହାସିକ ପରାଜୟ  ।  ଭାରତ ପାକିସ୍ତାନ ମୁକାବିଲାରେ ପାକିସ୍ତାନର ବିଜୟ । ୧୫୨ ରନ୍‌ର ଲକ୍ଷ୍ୟକୁ ସହଜରେ ପୂରଣ କଲା ପାକିସ୍ତାନ । ବିନା କୌଣସି ଓ୍ବିକେଟ ହରାଇ ପାକିସ୍ତାନ ବିଜୟ ଲକ୍ଷ୍ୟ ପୂରଣ କରିଛି । ପାକିସ୍ତାନ କ୍ୟାପ୍‌ଟେନ୍‌ ବାବର ୬୮ ରନ୍‌ କରିଥିବା ବେଳେ ରିଜଓ୍ବାନ୍‌ ୭୯ ରନ୍‌ କରିଛନ୍ତି । ଭାରତ ୭ ଓ୍ବିକେଟ ହରାଇ ୧୫୧ ରନ୍‌ କରିଥିଲା । କ୍ୟାପ୍‌ଟେନ ବିରାଟ କୋହଲି ସର୍ବାଧିକ ୫୭ ରନ୍‌ କରିଥିବା ବେଳେ ରିସଭ ପନ୍ଥ ୩୯ ରନ୍‌ କରିଥିଲେ ।

ରବିନ୍ଦ୍ର ଜାଡେଜା ୧୩ ରନ୍‌, ହାର୍ଦ୍ଦିକ ପାଣ୍ଡ୍ୟା ୧୧ ରନ୍‌, ଭୁବନେଶ୍ବର କୁମାର ୫ ରନ୍‌ କରିଥିଲେ । ସେହି ଭଳି କେ ଏଲ ରାହୁଲ ୩ ରନ୍‌ କରିଥିବା ବେଳେ ରୋହିତ ଶର୍ମା ଖାତା ଖୋଲିପାରିନଥିଲେ । ଆରମ୍ଭରୁ ଭାରତର ବ୍ୟାଟିଂ ବିପର୍ଯ୍ୟୟ ହୋଇଥିଲା । ପ୍ରଥମ ଓଭରରେ ଓପନର ରୋହିତ ବିନା ରନରେ ପାଭିଲିୟନ ଫେରିଥିଲେ । ସେହିପରି ପାକିସ୍ତାନ ବୋଲର ସାହିନଙ୍କ ବଲରେ ଓପନର ବ୍ୟାଟ୍ସମ୍ୟାନ କେ.ଏଲ ରାହୁଲ ମଧ୍ୟ ଆଉଟ୍ ହୋଇଥିଲେ । ରାହୁଲଙ୍କ ପରେ ୧୧ରନ୍ କରି ବ୍ୟାଟ୍ସମ୍ୟାନ ସୂର୍ଯ୍ୟ କୁମାର ମଧ୍ୟ ଆଉଟ୍ ହୋଇଥିଲେ ।

ମଧ୍ୟକ୍ରମରେ ବିରାଟ କୋହଲି ଓ ରିଶଭ ପନ୍ଥ ଭଲ ଖେଳୁଥିବା ସମୟରେ ପୁଣି ଭାରତକୁ ଲାଗିଥିଲା ଆଉ ଏକ ଝଟକା । ୩୦ବଲରେ ୩୮ରନ୍ କରି ଆଉଟ୍ ହୋଇଥିଲେ ପନ୍ଥ । ପାକିସ୍ତାନର ସାହିନ ଆଫ୍ରିଦି ୩ଟି ଓ୍ବିକେଟ ନେଇଥିବା ବେଳେ ହାସନ ଅଲ୍ଲି ଦୁଇଟି ଓ୍ବିକେଟ ନେଇଥିଲେ । ସହଦାବ ଖାନ୍‌ ଏବଂ ହରିଶ ରୌଫ ଗୋଟିଏ ଲେଖାଏଁ ଓ୍ବିକେଟ ନେଇଥିଲେ । ପାକିସ୍ତାନ ଟସ୍‌ ଜିତିଥିବା ବେଳେ ପ୍ରଥମେ ବୋଲିଂ ପାଇଁ ନିଷ୍ପତ୍ତି ନେଇଥିଲା ।

’ମହାଲିଙ୍ଗ କଲେଜ ଓ ସ୍କୁଲକୁ ମିଥ୍ୟାରେ ବଦନାମ କରାଯାଉଛି’

କଳାହାଣ୍ଡି: ମମିତା ମେହେର ହତ୍ୟା ମାମଲାରେ ଦୋଷୀ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ହେଉ । ତେବେ ବିନା ପ୍ରମାଣରେ ମହାଲିଙ୍ଗ କଲେଜ ଓ ସ୍କୁଲକୁ ବଦନାମ କରାଯାଉଛି । କୌଣସି ପ୍ରମାଣ ନଥାଇ ମହାଲିଙ୍ଗ କଲେଜ ଓ ସ୍କୁଲରେ ସେକ୍ସ ରାକେଟ୍ ଚାଲିଥିବା ରିପୋର୍ଟ ପ୍ରକାଶ ପାଉଛି ।

ଏଭଳି ଖବର ପ୍ରଚାର ପ୍ରସାର ଦ୍ୱାରା ଛାତ୍ରଛାତ୍ରୀଙ୍କ ଭବିଷ୍ୟତ ଅନ୍ଧାରକୁ ଠେଲି ହୋଇଯାଉଛି । ତେଣୁ ବିନା ପ୍ରମାଣରେ ଏଭଳି ରିପୋର୍ଟ ପ୍ରକାଶ ନକରିବାକୁ କଳାହାଣ୍ଡି ପିପୁଲ୍‌ସ କମିଟି ପକ୍ଷରୁ ସାମ୍ବାଦିକ ସମ୍ମିଳନୀରେ କୁହାଯାଇଛି ।

ହାତବନ୍ଧା ଅବସ୍ଥାରେ ମିଳିଲା ଯୁବତୀଙ୍କ ମୃତଦେହ, ଦୁଷ୍କର୍ମ ପରେ ହତ୍ୟା ହୋଇଥିବା ଅଭିଯୋଗ

କେନ୍ଦୁଝର: ହାତବନ୍ଧା ଅବସ୍ଥାରେ ଯୁବତୀଙ୍କ ମୃତଦେହ ଉଦ୍ଧାର । କେନ୍ଦୁଝର ଜିଲ୍ଲା ପଣ୍ଡାପଡ଼ା ଥାନା ବସନ୍ତପୁରର ବୁଢ଼ା ଖମଣ ସାହିରୁ ଜଣେ ଯୁବତୀଙ୍କର ହାତବନ୍ଧା ଅବସ୍ଥାରେ ମୃତଦେହ ଉଦ୍ଧାର କରାଯାଇଛି । ଘର ନିକଟସ୍ଥ ଏକ ଗଡ଼ିଆ ମଧ୍ୟରୁ ମିଳିଛି ଯୁବତୀଙ୍କର ମୃତଦେହ । ଗଡିଆ ପାଖ ଗଛମୂଳରୁ ଯୁବତୀଙ୍କର ଅନ୍ତଃବସ୍ତ୍ର ଓ ଚପଲ ମିଳିଛି । ଗତକାଲି ରାତିରେ ପରିବାର ଲୋକେ ଝିଅ ଘରେ ନଥିବା ଜାଣିବାକୁ ପାଇଥିଲେ । ରାତିରେ ଅନେକ ଖୋଜା ଖୋଜି ପରେ ମଧ୍ୟ ସେ ମିଳିନଥିଲେ ।

ଆଜି ସକାଳେ ସାହି ପଡିଶାଙ୍କୁ ଖବର ଦେଇ ପୁଣି ଖୋଜା ଖୋଜି କରାଯାଇଥିଲା । ଆଜି ଅପରାହ୍ନ ୩ଟା ବେଳେ ଘର ନିକଟରେ ଥିବା ଏକ ଗଡ଼ିଆରୁ ହାତବନ୍ଧା ଅବସ୍ଥାରେ ଝିଅର ମୃତଦେହ ମିଳିଥିଲା । ଯୁବତୀଙ୍କୁ ଦୁଷ୍କର୍ମ ପରେ ହତ୍ୟା କରାଯାଇଥିବା ଅଭିଯୋଗ ହୋଇଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

T20 World Cup Update: ପ୍ରଥମ ଓଭରରେ ୧୦ ରନ୍, ତିନି ଓଭରରେ ୨୨

    • ପ୍ରଥମ ଓଭରରେ ପାକିସ୍ତାନର ସୁଦୃଢ ବ୍ୟାଟିଂ  । ୬ ବଲରେ ୧୦ ରନ ଅକ୍ତିଆର କଲା ଦଳ  । ଓପନିଂରେ ଦଳ ପକ୍ଷରୁ ବାବର ଆଜାମ ଏବଂ ମହମ୍ମଦ ରିଜୱାନ ଅଛନ୍ତି  । ସେହିପରି ତିନି ଓଭର ପରିସମାପ୍ତି ସୁଦ୍ଧା ଦଳ ୨୨ ରନ ସଂଗ୍ରହ କରିଥିବାବେଳେ କୌଣସି ମଧ୍ୟ ୱିକେଟ ହରାଇ ନାହିଁ  ।

କେନ୍ଦ୍ରରେ ସଚିବ ପାହ୍ୟାକୁ ପଦୋନ୍ନତି ହେଲେ ୨ ଓଡ଼ିଶା କ୍ୟାର୍ଡର IAS

ଭୁବନେଶ୍ୱର: କେନ୍ଦ୍ରରେ ସଚିବ ପାହ୍ୟାକୁ ପଦୋନ୍ନତି ପାଇଲେ ଓଡିଶା କ୍ୟାଡ଼ର୍ର ଦୁଇଜଣ ଆଇଏଏସ ଅଧିକାରୀ। ସେମାନେ ହେଲେ 1990 ବ୍ୟାଚ ଆଇଏଏସ ଅଧିକାରୀ ଆରତୀ ଆହୁଜା ଓ ମନୋଜ ଆହୁଜା। ଏବେ ଏହି ଦୁଇଜଣ ଆଇଏଏସ ଅଧିକାରୀ କେନ୍ଦ୍ର ଡେପୁଟଏସନ୍ରେ ରେ ଅଛନ୍ତି। 1990 ବ୍ୟାଚର 27 ଜଣ ଆଇଏସଙ୍କୁ ପଦନ୍ନତି ମିଳିଛି । ଏ ନେଇ କେନ୍ଦ୍ର ନିଯୁକ୍ତି ସଂକ୍ରାନ୍ତ କ୍ୟାବିନେଟ କମିଟି ମଞ୍ଜୁରୀ ଦେଇଛି।

ଶାନ୍ତ ମୟୂରଭଞ୍ଜକୁ ଅଶାନ୍ତ କରୁଛି ବିଜେପି: ବିଜେଡି

ମୟୂରଭଞ୍ଜ: ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗତ ୨୨ ତାରିଖରେ ମୟୂରଭଞ୍ଜବାସୀଙ୍କ ସ୍ୱାସ୍ଥ୍ୟର ସୁରକ୍ଷା ନିମନ୍ତେ ବିଜୁ ସାସ୍ଥ୍ୟ କଲ୍ୟାଣ ଯୋଜନାରେ ସ୍ମାର୍ଟ ହେଲ୍‌ଥ କାର୍ଡ ବଣ୍ଟନ ପାଇଁ ଆସିଥିବା ସମୟରେ ଭାରତୀୟ ଜନତା ପାର୍ଟି ତରଫରୁ ଯେଭଳି କଳାପତାକା ଦେଖାଇବା ପାଇଁ ଉଦ୍ୟମ କରାଗଲା ତାହାକୁ ଜିଲ୍ଲା ବିଜୁ ଜନତା ଦଳ ତୀବ୍ର ଭର୍ସନା କରିଛି। ବିଭିନ୍ନ ପ୍ରସଙ୍ଗରେ ରବିବାର ସନ୍ଧ୍ୟା ସମୟରେ ହୋଟେଲ ଅମ୍ବିକା ଠାରେ ପ୍ରେସ ମିଟ ମାଧ୍ୟମରେ ସୂଚନା ଦେଇଛନ୍ତି। ଏହି ସମ୍ମିଳନୀରେ ରାଜ୍ୟ ସରକାରଙ୍କ ରାଜସ୍ୱ ମନ୍ତ୍ରୀ ସୁଦାମ ମାରାଣ୍ଡିଙ୍କ ସହିତ ରାଜ୍ୟ ମୁଖପାତ୍ର ଅନୁଭବ ପଟ୍ଟନାୟକ, ପ୍ରିୟବ୍ରତ ମାଝି, ବିଜେଡି ଜିଲ୍ଲା ସହ ପର୍ଯ୍ୟବେକ୍ଷକ ଜନ୍ମଜୟ ଲେଙ୍କା, ପୁର୍ବତନ ଉପବାଚସ୍ପତି ସାନନ୍ଦ ମାରାଣ୍ଡି, ପୁର୍ବତନ ରାଜ୍ୟସଭା ସାଂସଦ ସରୋଜିନୀ ହେମ୍ବ୍ରମ, ରାଜ୍ୟ ସାଧାରଣ ସମ୍ପାଦକ ଦେବାଶିଷ ମାରାଣ୍ଡି, ପୁର୍ବତନ ବିଧାୟକ ଭାଦବ ହାଁସଦା ଉପସ୍ଥିତ ଥିଲେ।

ତେବେ ମାନ୍ୟବର ମୁଖ୍ୟମନ୍ତ୍ରୀ ଆଦିବାସୀ ବହୁଳ ମୟୂରଭଞ୍ଜ ଜିଲ୍ଲାର ୬ ଲକ୍ଷରୁ ଉର୍ଦ୍ଧ୍ଵ ପରିବାରକୁ ସ୍ବାସ୍ଥ୍ୟ ସୁରକ୍ଷା ଦେବା ପାଇଁ ୧୦ ଲକ୍ଷ ଟଙ୍କାର ସାସ୍ଥ୍ୟ ବୀମା କାର୍ଡ ବଣ୍ଟନ କାର୍ଯ୍ୟର ଶୁଭାରମ୍ଭ କରିଥିଲେ। ଏହି ସ୍ୱାସ୍ଥ୍ୟ ବୀମା କାର୍ଡ ବଳରେ ପରିବାରର ସମସ୍ତ ସଦସ୍ୟ/ସଦସ୍ୟ ବିଭିନ୍ନ ବେସରକାରୀ ହସପିଟାଲ, ନସିଂ ହୋମରେ ମାଗଣା ଚିକିତ୍ସାର ସୁବିଧା ପାଇପାରିବେ। ଏତତ୍ ବ୍ୟତୀତ ମାନ୍ୟବର ମୁଖ୍ୟମନ୍ତ୍ରୀ ଜିଲ୍ଲାବାସୀଙ୍କ ଉନ୍ନତି ନିମନ୍ତେ ପ୍ରାୟ ୨ ହଜାରରୁ ଉଦ୍ଧ କୋଟି ଟଙ୍କାର ସାସ୍ଥ୍ୟ, ଶିକ୍ଷା, ପାନୀୟ ଜଳ, ଗମନାଗମନ ତଥା ଅନ୍ୟାନ୍ୟ ସୁବିଧା ନିମନ୍ତେ ବିଭିନ୍ନ ପ୍ରକଳ୍ପର ଉଦ୍‌ଘାଟନ ଓ ଶିଳାନ୍ୟାସ କରି ଜିଲ୍ଲାବାସୀଙ୍କ ଉଦ୍ଦେଶ୍ୟରେ ଅର୍ପଣ କରିଥିଲେ ଏଭଳି ଏକ ଜନହିତକର କାର୍ଯ୍ୟ ନିମନ୍ତେ ମୁଖ୍ୟମନ୍ତ୍ରୀ ଜିଲ୍ଲାକୁ ଆସିଥିବା ବେଳେ ବିଜେପି ଦଳ ଏହାକୁ ବିରୋଧ କରିବା ଜିଲ୍ଲାବାସୀଙ୍କ ନିମନ୍ତେ ଅପମାନ ଅଟେ।

ବିରୋଧ ପ୍ରଦର୍ଶନ କରିବା ନିମନ୍ତେ ଭାରତୀୟ ଜନତାପାର୍ଟି ଜିଲ୍ଲା ବାହାରର ଦଳୀୟ କର୍ମକର୍ତ୍ତାକୁ ଆଣି ପ୍ରଦର୍ଶନ କରିବା ଅତ୍ୟନ୍ତ ଲଜ୍ଜାକର ବିଷୟ। ଶାନ୍ତ ମୟୂରଭଞ୍ଜ ଜିଲ୍ଲାକୁ ବାହାରର ଗୁଣା ଆଣି ଅଶାନ୍ତ କରିବାକୁ ମୟୂରଭଞ୍ଜବାସୀ କେବେ ଗ୍ରହଣ କରିବେ ନାହିଁ। ଅତୀତରେ ଫାଇଲିନ, ଫନି, ୟଶ ବାତ୍ୟା ସମୟରେ ବିଜେଡି ଦଳ ମୟୂରଭଞ୍ଜବାସୀଙ୍କ ପଛରେ ଛିଡା ହୋଇଥିବା ବେଳେ ଭାରତୀୟ ଜନତା ପାର୍ଟିର ନେତା ଓ କର୍ମୀଙ୍କ ଦର୍ଶନ ସାଧାରଣ ଜନତା କରିପାରି ନ ଥିଲେ। କେନ୍ଦ୍ରରେ ବିଜେପି ଦଳ କ୍ଷମତାକୁ ଆସିବାର ୭ ବର୍ଷରୁ ଉର୍ଦ୍ଧ୍ବ ସମୟ ହୋଇଯାଇଥିଲେ ମଧ୍ୟ ମୟୂରଭଞ୍ଜବାସୀଙ୍କ ନିମନ୍ତେ କେତୋଟି ପ୍ରକଳ୍ପ ଆଣିପାରିଛନ୍ତି ବୋଲି ପ୍ରଶ୍ନ କରିଛି ବିଜେଡି। କେନ୍ଦ୍ରୀୟ ଯୋଜନାରେ ଜିଲ୍ଲାର ବିକାଶ ନିମନ୍ତେ ଏ ପର୍ଯ୍ୟନ୍ତ ସେଭଳି କୌଣସି ଆଖୁ ଦୃଶିଆ କାର୍ଯ୍ୟ ମଧ୍ୟ କରାଯାଇ ନାହିଁ।

ରେଳବାଇ କ୍ଷେତ୍ରରେ କେନ୍ଦ୍ର ସରକାର ମୟୂରଭଞ୍ଜକୁ କ୍ରମାଗତ ଭାବେ ଅବହେଳା କରିଚାଲିଛନ୍ତି। ଆଜିର ସମୟରେ ପେଟ୍ରୋଲ, ଡିଜେଲ ଦର ଶହେ ଟଙ୍କାରୁ ଉର୍ଦ୍ଧ୍ବ ହୋଇଥିବାବେଳେ ରନ୍ଧନ ଗ୍ୟାସର ଦର ଏକ ହଜାର ଟଙ୍କାରେ ପହଞ୍ଚିବାକୁ ବସିଛି। ଖାଉଟୀ ଦ୍ରବ୍ୟର ଦର ହୁ ହୁ ହୋଇ ବଢି ଚାଲିଥିବା ବେଳେ କେନ୍ଦ୍ରର ବିଜେପି ସରକାର ହାତ ଟେକି ଦେଇ ସାଧାରଣ ଜନତାକୁ ଦୁଃଖ ଦୁର୍ଦ୍ଦଶାକୁ ଠେଲି ଦେଇଛନ୍ତି। ଦେଶରେ ଏଭଳି ଅଭାବନୀୟ ଦୁର୍ଦ୍ଦଷା ଆଗରୁ କେବେ ଦେଖାଯାଇ ନ ଥିଲା। ଏଭଳି ପରିସ୍ଥିତିରେ ସାଧାରଣ ଜନତାଙ୍କ ଦୃଷ୍ଟିକୁ ଅନ୍ୟ ଆଡକୁ ନେବା ପାଇଁ ବିଜେପି ଦଳ ଜିଲ୍ଲାବାହାର ବ୍ୟକ୍ତିମାନଙ୍କୁ ଆଣି ଜିଲ୍ଲାରେ ଶାନ୍ତର ବାତାବରଣକୁ ଅଶାନ୍ତ କରିବାକୁ ହୀନ ପ୍ରୟାସ କରୁଅଛି। ଅତୀତରେ ଜିଲ୍ଲାର ବିଭିନ୍ନ କେନ୍ଦ୍ରରେ ରାଜ୍ୟ ସରକାର ଜିଲ୍ଲାବାସୀଙ୍କୁ କରୋନା ଦାଉରୁ ରକ୍ଷା କରିବା ନିମନ୍ତେ ଟୀକା ଦେବାର ବ୍ୟବସ୍ଥା କରିଥିବା ବେଳେ ଉକ୍ତ କେନ୍ଦ୍ରରେ ଭାରତୀୟ ଜନତା ପାର୍ଟିର ନେତାମାନେ ଅନୁପ୍ରବେଶ କରି  ମୁଖ୍ୟମନ୍ତ୍ରୀଙ୍କ ଫଟୋକୁ ଅସମ୍ମାନ, ଜିଲ୍ଲାର ଏକମାତ୍ର କେନ୍ଦ୍ର ମନ୍ତ୍ରୀଙ୍କ ମୁଖ୍ୟମନ୍ତ୍ରୀ, ପ୍ରଶାସନିକ ଅଧିକାରୀମାନଙ୍କ ବିରୁଦ୍ଧରେ ଅପମାନ ସୂଚୀନ ମନ୍ତବ୍ୟ ଦେବା ବେଳେ ବିଜୁ ଜନତା ଦଳର କର୍ମୀମାନେ କେବେବି ଏଭଳି ଅଶୋଭନୀୟ, ହୀନ ଆଚାରଣ କରିନାହାନ୍ତି ମାତ୍ର ବିଜେପି ଜିଲ୍ଲା ବାହାରର ଲୋକଙ୍କୁ ଆଣି ଆଇନଭଙ୍ଗ କରି ମୁଖ୍ୟମନ୍ତ୍ରୀଙ୍କ ସୁରକ୍ଷା ବ୍ୟାରିକେଡକୁ ଭାଙ୍ଗି ଏଭଳି ଆଚରଣ କରିବାକୁ ବିଜୁ ଜନତା ଦଳ ନିଶ୍ଚିତ ଭାବେ ପ୍ରତିବାଦ କରିବ।

ଜିଲ୍ଲାର ବିଜେପି ସଂଗଠନ କ’ଣ ଏତେ ଦୁର୍ବଳ ଯେ ସେମାନଙ୍କୁ ବାହାର ଜିଲ୍ଲାର କାର୍ଯ୍ୟକର୍ତ୍ତାଙ୍କ ସାହାଯ୍ୟ ଦରକାର ପଡୁଛି ? ଜିଲ୍ଲାର ବିକାଶ ଓ ପ୍ରଗତି ନିମନ୍ତେ କାଣିଚାଏ ଉଦ୍ୟମ ନ କରି ଓଡ଼ିଶାର ମୁଖ୍ୟମନ୍ତ୍ରୀ ଯେତେବେଳେ ଜିଲ୍ଲାର ବିକାଶ ଓ ସାସ୍ଥ୍ୟ ରକ୍ଷା ନିମନ୍ତେ ସାଧାରଣ ଜନତାଙ୍କୁ ସାହାଯ୍ୟ କରିବାକୁ ଆସିଥିବା ବେଳେ ଏଭଳି ବିରୋଧ ଔଷଧ ବିକଳରେ ତାଟିଆ କାମୁଡିବା ସଦୃଶ ଅଟେ। ଜିଲ୍ଲାର ଶାନ୍ତ ବାତାବରଣକୁ ଯେ କେହି ଅଶାନ୍ତ କରିବ ବିଜୁ ଜନତା ଦଳ ତାହାକୁ କେବେ ବି ବରଦାସ୍ତ କରିବ ନାହିଁ। ମାନ୍ୟବର ମୁଖ୍ୟମନ୍ତ୍ରୀଙ୍କ ଓଡ଼ିଶାର ସାଧାରଣ ଜନତାଙ୍କୁ ଏଭଳି ସାସ୍ଥ୍ୟ କାର୍ଡ ପ୍ରଦାନ କରିବା ସମଗ୍ର ଭାରତ ବର୍ଷରେ ବିରଳ ଅଟେ ସାଧାରଣ ଜନତାଙ୍କ ସ୍ବାସ୍ଥ୍ୟ ସୁରକ୍ଷା ନିମନ୍ତେ ସମଗ୍ର ଜିଲ୍ଲାରେ ଏହି ସାସ୍ଥ୍ୟ କାର୍ଡ ବଣ୍ଟନ କାର୍ଯ୍ୟ ଚାଲିଥିବା ବେଳେ ଏହାକୁ ଭଣ୍ଡୁର କରିବା ପାଇଁ ଆସନ୍ତା ୨୫ ତାରିଖରେ ବିଜେପି ବନ୍ଦ ଡାକରା ଦେଇଛି  ।

ବିଜେପି ଦଳ ଜିଲ୍ଲାରେ ସ୍ବାସ୍ଥ୍ୟ ସେବା ଠିକ୍ ନାହିଁ ବୋଲି ସଫେଇ ଦେଇ ବନ୍ଦ ଡାକରାର ଆହ୍ବାନ ଦେଇଥିବା ବେଳେ ବିଜୁ ଜନତା ଦଳ ଏହି ଅଭିଯୋଗକୁ ଖଣ୍ଡନ କରୁଛି କରୋନା କାଳରେ ସିଲିଣ୍ଡର ଅଭିବାରୁ ଦେଶର ବିଭିନ୍ନ ରାଜ୍ୟରେ ହଜାର ହଜାର ଲୋକ ମୃତ୍ୟୁବରଣ କରୁଥିବା ସମୟରେ ଓଡ଼ିଶାର ମୁଖ୍ୟମନ୍ତ୍ରୀ ସବୁଠାରୁ ଅଧିକ କରୋନା ଆକ୍ରାନ୍ତ ରାଜ୍ୟମାନଙ୍କୁ ସିଲିଣ୍ଡର ଯୋଗାଣ କରି ଜୀବନ ରକ୍ଷା କରିବା ସହିତ ଉଦାହରଣ ସୃଷ୍ଟି କରିଥିଲେ। ରାଜ୍ୟ ସରକାରଙ୍କ ବନ୍ୟା, ବାତ୍ୟା ଓ କରୋନା କାଳର ସଠିକ୍ ମୁକାବିଲାକୁ ଦେଶ ଓ ବିଦେଶରେ ପ୍ରଶଂସା କରାଯାଉଥିବା ବେଳେ ଜିଲ୍ଲା ବିଜେପି ଦଳ କୌଣସି କାରଣ ନ ଥାଇ ବନ୍ଦ ଡାକରା ଦେବା ଅର୍ଥ ସାଧାରଣ ଜନତାଙ୍କ ସାର୍ଥରେ ବାଧା ଦେବା ଅଟେ। ଆଦିବାସୀ ଅଧୁଷିତ ମୟୂରଭଞ୍ଜ ଜିଲ୍ଲାର କୋଣ ଅନୁକୋଣରେ ମୁଖ୍ୟମନ୍ତ୍ରୀଙ୍କ ଏହି ସାସ୍ଥ୍ୟ କାର୍ଡ ବଣ୍ଟନ ପ୍ରତି ସମର୍ଥନ ବଢିଚାଲିଥିବା ବେଳେ ଏଥିରେ ଇର୍ଷାନ୍ବିତ ହୋଇ ବିଜେପି ଦଳ ଏହି ବନ୍ଦ ଡାକରା ଦେଇଛି ଜିଲ୍ଲାବାସୀଙ୍କ ସ୍ବାର୍ଥରେ ବାଧା ଦେଉଥିବା ବିଜେପି ଦଳକୁ ମୟୂରଭଞ୍ଜବାସୀ କେବେ ବି କ୍ଷମା ଦେବେ ନାହିଁ ବୋଲି ଗଣମାଧ୍ୟମର ପ୍ରତିନିଧି ମାନଙ୍କୁ ଜଣାଇଛନ୍ତି।