spot_img
Home Blog Page 5199

ମନିଷ ମୃତ୍ୟୁ: ଚାକିରିରୁ ବିଦା ହେଲେ ନିଲମ୍ବିତ କନେଷ୍ଟବଳ ପ୍ରସନ୍ନ ବେହେରା

ଭୁବନେଶ୍ୱର: ଚାକିରିରୁ ବିଦା ହେଲେ ନିଲମ୍ବିତ ଭୁବନେଶ୍ବର ହାବିଲଦାର କନେଷ୍ଟବଳ ସଂଘ ସମ୍ପାଦକ ପ୍ରସନ୍ନ ବେହେରା । ଗିରଫ ହେବା ପରେ ଭୁବନେଶ୍ବର ଡିସିପି ତୁରନ୍ତ କାର୍ଯ୍ୟନୁଷ୍ଠାନ ଗ୍ରହଣ କରିଛନ୍ତି । ସମ୍ବିଧାନର ଧାରା ୩୧୧ (୨)(ଖ) ପ୍ରୟୋଗ କରି ଚାକିରିରୁ ବହିଷ୍କାର କଲେ ଭୁବନେଶ୍ବର ଡିସିପି ଉମାଶଙ୍କର ଦାଶ । ପ୍ରସନ୍ନଙ୍କ ବିରୋଧରେ ୮ଟି ବିଭାଗୀୟ ପ୍ରୋସିଡିଂ ଚାଲିଥିବା ବେଳେ ୫ଟି ଫୌଜଦାରି ମାମଲା ରହିଛି ।

ଗତକାଲି ପ୍ରସନ୍ନଙ୍କୁ ଗିରଫ କରିଥିଲା ତମାଣ୍ଡୋ ଥାନା ପୋଲିସ । ଗିରଫର ଦିନକ ପୂର୍ବରୁ ନିଲମ୍ବିତ ହୋଇଥିଲେ ଭୁବନେଶ୍ବର କନେଷ୍ଟବଳ ଓ ହାବିଲଦାର ସଂଘର ସାଧାରଣ ସମ୍ପାଦକ ପ୍ରସନ୍ନ ବେହେରା । ମନୀଷ ଅନୁରାଗ ହତ୍ୟା ମାମଲାରେ ଚର୍ଚ୍ଚାକୁ ଆସିଥିଲା ହୋଟେଲ ସାଉଥ ସିଟି । ସେହି ହୋଟେଲର ବାରକୁ ବେଆଇନ ଭାବରେ ଚଲାଇବା ସହିତ ନିଜେ ପ୍ରସନ୍ନ ସେଠାରେ ରଙ୍ଗୀନ ଆସର ଜମାଉଥିଲେ ।

ପୋଲିସର ତଦନ୍ତ ପରେ ସବୁ କଥା ସ୍ପଷ୍ଟ ହୋଇଥିଲା । ଗତକାଲି ପ୍ରସନ୍ନ ବେହେରାଙ୍କ ସହିତ ହୋଟେଲ ମାଲିକ ପ୍ରଦ୍ୟୁମ୍ନ ଜେନା ଓ ବାର୍‌ ମ୍ୟାନେଜର ଗିରଫ ହୋଇଛନ୍ତି । ପୂର୍ବରୁ ପ୍ରସନ୍ନ ବିଭିନ୍ନ ମାମଲାରେ ୪ଥର ସସ୍‌ପେଣ୍ଡ ହୋଇଥିଲେ । ମନିଷଙ୍କ ମୃତ୍ୟୁ ଅଭିଯୋଗରେ ପୋଲିସ ତାଙ୍କ  ତିନି ବନ୍ଧୁଙ୍କୁ ଗିରଫ କରିଥିବାବେଳେ ଗତକାଲି କନଷ୍ଟେବଳ ପ୍ରଶନ୍ନ ବେହେରାଙ୍କୁ ମଧ୍ୟ ଗିରଫ କରିଥିଲା  ।

T20 World Cup Update: ପାକିସ୍ତାନକୁ ୧୫୨ ରନର ଟାର୍ଗେଟ ଦେଲା ଭାରତ

  • ପାକିସ୍ତାନକୁ ୧୫୧ ରନର ଟାର୍ଗେଟ ଦେଲା ଭାରତ  । ୮ ୱିକେଟ ହରାଇ ୨୦ ଓଭରରେ ଦଳ ସଂଗ୍ରହ କରିଛି ୧୫୧  ।
  • ଗୋଟେ ପରେ ଗୋଟେ ୱିକେଟ ହରାଉଛି ଭାରତ    । ୧୮ ଓଭରରେ ଭାରତ ୫ ୱିକେଟ ହରାଇଥିଲା ବେଳେ ୧୯ ଓଭରରେ ଦଳ ୬ ୱିକେଟ ହରାଇଛି  ।
  • ୧୨ ଓଭରରେ ଭାରତ ପୁଣି ଏକ ୱିକେଟ ହରାଇଛି  । ରିଶଭ ପନ୍ଥ ଭଲ ଫର୍ମାଟରେ ଥିବାବେଳେ କ୍ୟାଚ ଆଉଟ ହୋଇଛନ୍ତି  । ସେପଟେ ପନ୍ତଙ୍କ ସ୍ଥାନରେ ଆସିଛନ୍ତି ଜାଡ଼େଜା  ।
  • ୩୧ ରନରେ ତିନି ୱିକେଟ ହରାଇଲା ଭାରତୀୟ ଦଳ  । କେଏଲ ରାହୁଲଙ୍କ ପରେ ବ୍ୟାଟ୍ସମ୍ୟାନ ସୂର୍ଯ୍ୟ କୁମାର ଆଉଟ  ।
  •  ପ୍ରଥମ ଓଭରରେ ପ୍ରଥମ ଆଉଟ ହୋଇଥିଲେ ରୋହିତ ଶର୍ମା  । ପାକିସ୍ତାନ ବୋଲର ସହିନ ଆଫ୍ରିଦଙ୍କ ବଲରେ ପାଭିଲିୟନ ଫେରିଥିଲେ  ରୋହିତ  । ସେହିପରି ସାହିନଙ୍କ ବଲରେ ଓପନର ବ୍ୟାଟ୍ସମ୍ୟାନ କେଅଲ ରାହୁଲ ମଧ୍ୟ ୱିକେଟ ହୋଇଥିଲେ  । ଭାରତୀୟ ଟିମ ୫ ଓଭର ପରିସମାପ୍ତି ସୁଦ୍ଧା ୨ ୱିକେଟ ହରାଇ ୩୦ ରନ ସଂଗ୍ରହ କରିଛି ଟିମ  ।
  • ବ୍ୟାଟିଂ କରିବ ଭାରତ  । ଆଜି ଦୁବାଇରେ ଖେଲାହେବାକୁ ଯାଉଥିବା ହାଇଭୋଲଟେଜ ଇଣ୍ଡିଆ-ପାକିସ୍ତାନ T20 ବିଶ୍ୱକପ ମ୍ୟାଚରେ ଟସ ଜିତି ପାକିସ୍ତାନ ବୋଲିଂ ନିଷ୍ପତ୍ତି ନେଇଛି । ଭାରତ ଟସ୍ ଜିତିଥିବାବେଳେ ଭାରତକୁ ବ୍ୟାଟିଂ କରିବାକୁ ଯାଉଛି  । ପ୍ରଥମେ ବୋଲିଂ ନିଷ୍ପତି ନେଇଛି ପାକିସ୍ତାନ  । ସେପଟେ ଏହି ମ୍ୟାଚ ଉପରେ ସାରା ଦେଶର ନଜର ରହିଛି  ।

 

ଉତ୍ତରପ୍ରଦେଶରୁ ଦେଶର ପ୍ରଥମ ଜିକା ଭାଇରସ୍ ସଂକ୍ରମିତ ଚିହ୍ନଟ ହୋଇଛନ୍ତି

ଲକ୍ଷ୍ଣୌ: ଉତ୍ତରପ୍ରଦେଶର କାନପୁରରୁ ଦେଶର ପ୍ରଥମ ଜିକା ଭାଇରସ୍ ରୋଗୀ ଚିହ୍ନଟ ହୋଇଛନ୍ତି । ଭାରତୀୟ ବାୟୁ ସେନାର ଜଣେ ଅଧିକାରୀ ଏହି ଭାଇରାସ୍ ଦ୍ୱାରା ସଂକ୍ରମିତ ହୋଇଥିବା ବେଳେ ସେ ମେଡିକାଲରେ ଭର୍ତ୍ତି ହୋଇଛନ୍ତି । ମୁଖ୍ୟ ଚିକିତ୍ସାଧିକାରୀ ନେପାଳ ସିଂହଙ୍କ କହିବା ହେଲା ଯେ, ବାୟୁସେନା କର୍ମଚାରୀ ଜଣଙ୍କ ଭାଇରାସ୍ ପ୍ରଭାବରେ ଭିଷଣ ଜ୍ଜର ହୋଇଛି । ଗତ କିଛି ଦିନ ହେଲେ ସେ ଜ୍ଜରରେ ପୀଡ଼ିତ ଥିବା ବେଳେ ଇଣ୍ଡିଆନ୍ ଏୟାର ଫୋର୍ସ (IAF)ର ଚିକିତ୍ସାଳୟରେ ଚିକିତ୍ସିତ ହେଉଛନ୍ତି । ଏଥିସହିତ ଆଉ ୨୨ ଜଣଙ୍କ ନମୁନା ସଂଗ୍ରହ ହୋଇଥିବା ବେଳେ ଲକ୍ଷଣ ଥିବା ବ୍ୟକ୍ତିଙ୍କୁ ମଧ୍ୟ ପରୀକ୍ଷା ନେଇ ପଠାଯାଇଛି ।

ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଅନୁଯାୟୀ ଜିକା ଜୀବାଣୁ ଏଡିସ୍ ମଶା ଦ୍ୱାରା ସଂକ୍ରମିତ ହୁଏ। ଏହି ରୋଗ  ପ୍ରଥମେ ୧୯୫୨ମସିହାରେ ଉଗାଣ୍ଡା ଏବଂ ତାଞ୍ଜାନିଆର ମଣିଷମାନଙ୍କଠାରେ ଚିହ୍ନଟ ହୋଇଥିଲା। ସାମାନ୍ୟ ଜ୍ୱର, ଦେହରେ ଦାଗ, ମାଂସପେଶୀ ଏବଂ ଗଣ୍ଠି ଯନ୍ତ୍ରଣା କିମ୍ବା ମୁଣ୍ଡବିନ୍ଧା ଏହି ରୋଗର ଲକ୍ଷଣ ବୋଲି କୁହାଯାଇଛି। ଅଧିକାଂଶ ଲକ୍ଷଣ ଦୁଇ-ସାତ ଦିନ ପର୍ଯ୍ୟନ୍ତ ରହିପାରେ। ଯୌନ ସମ୍ପର୍କ ମାଧ୍ୟମରେ ଏହି ଭାଇରସ ଆଉ ଜଣକୁ ସଂକ୍ରମିତ କରିପାରେ ବୋଲି ବିଶେଷଜ୍ଞମାନେ କହିଛନ୍ତି। ଏଣୁ ଏହି ସମୟରେ ସଂକ୍ରମିତଙ୍କୁ ଯୌନ ସମ୍ପର୍କକୁ ମଧ୍ୟ ବାରଣ କରାଯାଇଛି ।

ଏଥିସହିତ ପଢ଼ନ୍ତୁ: ଫୋନ୍ ପେ’ରେ ରିଚାର୍ଜ କଲେ ଦେବାକୁ ପଡ଼ୁଛି ଅଧିକ ଟଙ୍କା

‘ଯଦି ଶାହରୁଖ ଖାନ ବିଜେପିରେ ମିଶନ୍ତି ତେବେ ଡ୍ରଗ୍ସ ହୋଇଯିବ ଚିନି ପାଉଡର’

ମହାରାଷ୍ଟ୍ର ମନ୍ତ୍ରୀ ଛଗନ ଭୁଜବଳ ଶନିବାର ବିଜେପିକୁ ଟାର୍ଗେଟ କରି କହିଛନ୍ତି ଯଦି ଅଭିନେତା ଶାହରୁଖ ଖାନ ବିଜେପିରେ ଯୋଗ ଦିଅନ୍ତି, ତେବେ ଡ୍ରଗ୍ସ ସବୁ ଚିନି ପାଉଡରରେ ପରିଣତ ହେବ । ଭୁଜବଲ ମୁମ୍ବାଇର ଡ୍ରଗ୍ସ ମାମଲା ବିଷୟରେ କହୁଥିଲେ । ଯେଉଁଥିରେ ଶାହାରୁଖଙ୍କ ପୁଅ ଆର୍ଯ୍ୟନ୍ ଖାନଙ୍କୁ ଗିରଫ କରାଯାଇଛି । କଥାବାର୍ତ୍ତା ସମୟରେ ସେ ଏପରି କହିଛନ୍ତି ।

ଡ୍ରଗ୍ସ ମାମଲାରେ ମହାରାଷ୍ଟ୍ର ସରକାର କ୍ରମାଗତ ଭାବରେ ଏନସିବିକୁ ଟାର୍ଗେଟ କରୁଛି । ଏହାପୂର୍ବରୁ ତାଙ୍କ ସରକାରରେ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଏବଂ ମନ୍ତ୍ରୀ ନବାବ ମଲିକ ମଧ୍ୟ ଏନସିବି ତଦନ୍ତ ଉପରେ ପ୍ରଶ୍ନ ଉଠାଇଛନ୍ତି । ଏନସିପି ନେତା ଖଛଗନ ଭୁଜବଳ କହିଛନ୍ତି, ଗୁଜୁରାଟର ମୁଣ୍ଡ୍ରା ବନ୍ଦରରେ ଜବତ ହୋଇଥିବା ୩୦୦୦କିଲୋଗ୍ରାମ ହେରୋଇନ ମାମଲାର ଯାଞ୍ଚ କରିବା ପରିବର୍ତ୍ତେ ଏନସିପି ଶାହାରୁଖ ଖାନଙ୍କ ପଛରେ ପଡିଯାଇଛି ।

ସେ କହିଛନ୍ତି ଯଦି ଶାହାରୁଖ ଖାନ ବିଜେପିରେ ଯୋଗ ଦିଅନ୍ତି ତେବେ ଡ୍ରଗ୍ସ ଚିନି ପାଉଡରରେ ପରିଣତ ହେବ । ଅକ୍ଟୋବର ୨ରେ କ୍ରୁଜରୁ ଆର୍ଯ୍ୟ ଖାନଙ୍କୁ ଏନସିବି ଗିରଫ କରିଥିଲା । ସେ ବର୍ତ୍ତମାନ ନ୍ୟାୟିକ ହେପାଜତରେ ଅଛନ୍ତି ଏବଂ ତାଙ୍କ ଜାମିନ ଆବେଦନକୁ ଟ୍ରାଏଲ କୋର୍ଟ ପ୍ରତ୍ୟାଖ୍ୟାନ କରିଛନ୍ତି । ଆର୍ଯ୍ୟନ୍ ଖାନ୍ ଆର୍ଥର ରୋଡ୍ ଜେଲରେ ରହିଛନ୍ତି ।

ଏନଜିପିଏସ୍ ଜେଲ୍ ଆର୍ଯ୍ୟନ୍, ତାଙ୍କ ବନ୍ଧୁ ଅରବାଜ୍ ମର୍ଜେଣ୍ଟ ଏବଂ ମୁମୁନ୍ ଧାମଚାଙ୍କ ଜାମିନ ଆବେଦନକୁ ପ୍ରତ୍ୟାଖ୍ୟାନ କରିଛି । ଏହି ତିନିଜଣଙ୍କୁ ଜାମିନ ନାମଞ୍ଜୁର କରିବାବେଳେ ସ୍ୱତନ୍ତ୍ର ଅଦାଲତ ନଜର ରଖିଛନ୍ତି ଯେ ଆର୍ଯ୍ୟନ୍ ଖାନଙ୍କ ପ୍ରଥମ ହ୍ୱାଟସ୍ ଆପ୍ ଚାଟ୍ ଦର୍ଶାଉଛି ଯେ ସେ ନିୟମିତ ଭାବରେ ବେଆଇନ ନିଶା କାରବାରରେ ଜଡିତ ଅଛନ୍ତି ।

ଫୋନ୍ ପେ’ରେ ରିଚାର୍ଜ କଲେ ଦେବାକୁ ପଡ଼ୁଛି ଅଧିକ ଟଙ୍କା

ନୂଆଦିଲ୍ଲୀ: ଏଣିକି ଘରେ ବସି ରିଚାର୍ଜ କଲେ ଦେବାକୁ ପଡ଼ିବ ଅଧିକ ଟଙ୍କା । ବହୁଳ ବ୍ୟବହୃତ ଇଲୋକଟ୍ରନିକ୍ସ ଓ୍ୱାଲେଟ୍ ଫୋନ୍ ପେ’ ମାଧ୍ୟମରେ ରିଚାର୍ଜ କଲେ ଦେବାକୁ ପଡ଼ୁଛି ଏକ୍ସଟ୍ରା ଚାର୍ଜ । ଦେଶରେ ପ୍ରଥମ ଥର ପାଇଁ ଏହି ଆପ୍ ୟୁପିଆଇ ବେସଡ୍ ଟ୍ରାଞ୍ଜେକସନ୍ ପାଇଁ ଫିସ୍ ନେବା ଆରମ୍ଭ କରିଦେଇଛି । ୫୦ ଟଙ୍କାରୁ ଅଧିକ ଟଙ୍କାର ରିଚାର୍ଜ କଲେ ଟ୍ରାଞ୍ଜାକସନ୍‌ର ପ୍ରୋସେସିଂ ଫି’ ଦେବାକୁ ପଡ଼ୁଛି ।

ଆପଣ ଯଦି ୫୦ ଟଙ୍କାରୁ କମ୍‌ ଟଙ୍କା ଫୋନ୍‌ରେ ରିଚାର୍ଜ କରୁଛନ୍ତି ତେବେ କୌଣସି ଦେୟ ଦେବାକୁ ପଡ଼ିବ ନାହିଁ। କିନ୍ତୁ ୫୦ ଟଙ୍କାରୁ ଅଧିକ ଏବଂ ୧୦୦ ଟଙ୍କାରୁ କମ୍‌ ରିଚାର୍ଜ କଲେ ଆପଣଙ୍କୁ ୧ ଟଙ୍କା ଏବଂ ୧୦୦ ଟଙ୍କାରୁ ଅଧିକ ଟଙ୍କାର ରିଚାର୍ଜ କଲେ ଆପଣଙ୍କୁ ୨ ଟଙ୍କା ଦେୟ ଦେବାକୁ ପଡ଼ିବ। ସେପଟେ ଫୋନ୍ ପେ’ ମୁଖପାତ୍ର କହିଛନ୍ତି , ଦେୟ ନେଉଥିବା ଏହା ପ୍ରଥମ ପେମେଣ୍ଟ ପ୍ଲାଟଫର୍ମ ନୁହେଁ । ବରଂ ବିଲ୍ ପେମେଣ୍ଟ ଉପରେ ଏହା ଏକ ଛୋଟ ଚାର୍ଜ କରୁଥିବା ଏକ ଷାଣ୍ଡାର୍ଡ ପ୍ରାକ୍ଟିସ୍ । ଏବଂ କମ୍ପାନୀ କେବଳ କ୍ରେଡିଟ୍ କାର୍ଡରୁ ପେମେଣ୍ଟରେ ପ୍ରୋସେସିଂ ଫିସ୍ ନେବ ବୋଲି ସୂଚନା ଦେଇଛି । କିନ୍ତୁ ଯେକୌଣସି କାର୍ଡରୁ ପେମେଣ୍ଟ ବେଳେ ପ୍ରୋସେସିଂ ଫି’ ନିଆଯାଉଥିବା ଦେଖିବାକୁ ମିଳିଛି ।  ସୂଚନା ଥାଉ କି, ବର୍ତ୍ତମାନ ସମୟରେ ପାଖାପାଖି ୩୦୦ ମିଲିୟନରୁ ଅଧିକ ୟୁଜର୍ସ ଫୋନ୍‌ ପେ’ ବ୍ୟବହାର କରୁଛନ୍ତି।

ଖାଦ୍ୟ ଖୋଜୁ ଖୋଜୁ ଜାଲରେ ଫସିଗଲା ମାଙ୍କଡ ଛୁଆ, ରେସ୍କ୍ୟୁ କଲେ ସ୍ୱେଚ୍ଛାସେବୀ

ଭଦ୍ରକ: ଜାଲ ଭିତରୁ ମାଙ୍କଡ଼ ଛୁଆକୁ ଉଦ୍ଧାର କରିଲେ ସ୍ୱେଛାସେବୀ ସଙ୍ଗଠନ ।  ଜାଲ ମଧ୍ୟରେ ଫସିରହି କଲବଲ ହେଉଥିବା କୁନି ମାଙ୍କଡ଼ର ଜୀବନ ବଞ୍ଚାଇଲେ ଫ୍ରେଣ୍ଡ୍ସ ଗ୍ରୁପ ସ୍ୱେଛାସେବୀ ସଙ୍ଗଠନ । ଘଟଣାକ୍ରମ ଅନୁଯାୟୀ, କୁନି ମାଙ୍କଡ଼ଟି ଖାଦ୍ୟ ଅନ୍ୱେଷଣରେ ଆସି ଜାଲରେ ଫସି ଯାଇଥିଲା  । ଆଜି ଚରମ୍ପା ବରାଳପୋଖରୀ ଗ୍ରାମର ରମେଶ ସାହୁଙ୍କ ଘର ଛାତ ଉପରେ ଏକ କୁନି ମାଙ୍କଡ ଟି ଜାଲ ରେ ପୁରା ଗୁଡେଇ ଯାଇଥିଲା ।

ଜାଲରୁ ବାହାରିବା ପାଇଁ ଯେତେ ଚେଷ୍ଟା କରିଥିଲେ ମଧ୍ୟ ବାହାରି ପାରୁନଥିଲା  । ଜୀବନ ବିକଳରେ ଜାଲ ମଧ୍ୟରେ ଛଟ ପଟ ହୋଇ ଚିତ୍କାର ଛାଡୁଥିଲା ଏହି କୁନି ମାଙ୍କଡ଼  । ଏହି ଖବର ଫ୍ରେଣ୍ଡ୍ସ ଗ୍ରୁପର ସଦସ୍ୟ ମାନେ ଜାଣିବା ପରେ ସଙ୍ଗେ ସଙ୍ଗେ ସେମାନଙ୍କର ଅପରେସନ ଆରମ୍ଭ କରିଥିଲେ  । ଜାଲ ଟିକୁ କାଟି କୁନି ମାଙ୍କଡ଼ କୁ ସୁରକ୍ଷିତ ଭାବେ ଉଦ୍ଧାର କରିଥିଲେ  । ଜାଲରୁ ବାହାରିବା ପରେ କୁନି ମାଙ୍କଡ଼ଟି ଦୌଡ଼ି ବାହାରକୁ ପଳାଇଥିଲା  । ସେପଟେ  ଫ୍ରେଣ୍ଡ୍ସ ଗ୍ରୁପର ସଦସ୍ୟ ମାନଙ୍କର ଏଭଳି କାର୍ଯ୍ୟକୁ ସାଧରଣରେ ପ୍ରଶଂସା କରାଯାଇଛି  ।

T20 WC, Ind Vs Pak: ଭାରତୀୟ ଦଳକୁ ନିଦ ବଟିକା ଦେଲେ ହିଁ ପାକିସ୍ତାନ ଦଳ ଜିତି ପାରିବ: ସୋଏବ ଅଖତର

ଆଉ କିଛି ସମୟ ପରେ ଟି –୨୦ ବିଶ୍ୱକପରେ ମୁହାଁମୁହିଁ ହେବେ ଭାରତ ଏବଂ ପାକିସ୍ତାନ ଦଳ । ବିଶ୍ୱକପ ଇତିହାସରେ ଆଜି ପର୍ଯ୍ୟନ୍ତ ପାକିସ୍ତାନ ଭାରତକୁ ପରାସ୍ତ କରିପାରି ନାହିଁ । ଏଥର ମଧ୍ୟ ଉଭୟ ଦଳକୁ ଦେଖିଲେ ଫଳାଫଳ ସମାନ ହେବ ବୋଲି ଜଣାପଡିଛି । ଭାରତୀୟ ଦଳ ପୁଣି ଥରେ ଇତିହାସ ପୁନରାବୃତ୍ତି କରିପାରିବ, ଏହି ସମୟରେ ଯେତେବେଳେ ପାକିସ୍ତାନର ପୂର୍ବତନ ବୋଲର ଶୋଏବ ଅଖତରଙ୍କୁ ମ୍ୟାଚ ବିଷୟରେ ପଚରାଯାଇଥିଲା, ସେତେବେଳେ ସେ ଏକ ମଜାଦାର ଉତ୍ତର ଦେଇଥିଲେ।

ଏକ ଶୋ’ରେ ଶୋଏବ ଅଖତରଙ୍କୁ ପଚରାଯାଇଥିଲା ଯେ ଟିମ୍ ଇଣ୍ଡିଆକୁ ପରାସ୍ତ କରିବା ପାଇଁ ପାକିସ୍ତାନ କ’ଣ କରିବା ଉଚିତ୍? ଏହା ଉପରେ ଶୋଏବ ଅଖତର ଥଟ୍ଟା କରି କହିଛନ୍ତି ଯେ ଭାରତୀୟ ଦଳକୁ ନିଦ ବଟିକା ଦେବାକୁ ପଡିବ, ବିରାଟ କୋହଲିଙ୍କ ଇନଷ୍ଟାଗ୍ରାମକୁ ବନ୍ଦ କରିବାକୁ ପଡିବ ଏବଂ ଏମଏସ ଧୋନିଙ୍କୁ ଖେଳିବାକୁ ନ ଆସିବାକୁ ପଡିବ ।

ତେବେ ଏହି ପରିହାସ ପରେ ଶୋଏବ କହିଛନ୍ତି ଯେ ପାକିସ୍ତାନକୁ ଷ୍ଟ୍ରାଇକ ହାରକୁ ଅଧିକ ଭଲ ରଖିବାକୁ, ଅଧିକ ଓପନିଂ ସ୍କୋର କରିବାକୁ ଏବଂ ସଠିକ୍ ସ୍କୋରରେ ପହଞ୍ଚିବାକୁ ପଡିବ ଯାହା ଦ୍ୱାରା ବୋଲିଂ ୟୁନିଟ୍ ସୁଯୋଗ ପାଇବ।

ସେହିଭଳି ଶୋ’ରେ ହରଭଜନ ସିଂ କହିଛନ୍ତି ଯେ ‘ଆମକୁ ଭଲ ଆରମ୍ଭ କରିବାକୁ ହେବ, ଆମର ଖେଳ ଖେଳିବାକୁ ହେବ ଏବଂ କୌଣସି ପ୍ରକାର ଚାପ ନେବା ଉଚିତ ନୁହଁ । ଶୋଏବ ଅଖତର ମଧ୍ୟ ଏକ ଟୁଇଟ୍ କରିଛନ୍ତି ଯେଉଁଥିରେ ସେ ବାବର ଆଜାମଙ୍କୁ ଏକ ବିଶେଷ ବାର୍ତ୍ତା ଦେଇଛନ୍ତି ଏବଂ ଲେଖିଛନ୍ତି ଯେ ଆପଣଙ୍କୁ ଭୟଭୀତ ହେବାର ନାହିଁ ।

କମୁଛି ତାପମାତ୍ରା, ଓଡ଼ିଶାରେ ଅନୁଭୂତ ହେଲାଣି ଶୀତ

ଭୁବନେଶ୍ୱର: ଫେରିଗଲା ମୌସୁମୀ ଆସିଲା ଶୀତ । ଉତ୍ତର ଦିଗରୁ ଓଡ଼ିଶାକୁ ମାଡି ଆସୁଛି ପବନ । ଉପାନ୍ତରୁ ଉପକୂଳ ସବୁଠି କମିଲାଣି ତାପମାତ୍ରା । ଫୁଲବାଣୀରେ ସର୍ବନିମ୍ନ ତାପମାତ୍ରା ୧୫ ଦଶମିକ ୮ଡିଗ୍ରୀ ରହିଥିବାବେଳେ ଓଡ଼ିଶାର କାଶ୍ମୀର କୁହାଯାଉଥିବା ଦାରିଙ୍ଗବାଡିରେ ୧୨ଡିଗ୍ରୀକୁ ଖସିଛି ତାପମାତ୍ରା । ଗତ ୨୪ଘଣ୍ଟା ଭିତରେ ରାଜ୍ୟର ୧୧ ଟି ସ୍ଥାନରେ ୨୦ଡିଗ୍ରୀ ତଳେ ରହିଛି ତାପମାତ୍ରା ।

ଆସନ୍ତା ୪ରୁ ୫ଦିନ ମଧ୍ୟରେ ରାଜ୍ୟରେ ଆହୁରି ଶୀତ ବଢିବ ବୋଲି ସୂଚନା ଦେଇଛି ଆଞ୍ଚଳିକ ପାଣିପାଗ କେନ୍ଦ୍ର । ଆସନ୍ତା ୨୪ଘଣ୍ଟା ମଧ୍ୟରେ ଆଭ୍ୟନ୍ତରୀଣ ଓଡ଼ିଶାର ତାପମାତ୍ରା ୧୨ରୁ ୧୯ଡିଗ୍ରୀ ମଧ୍ୟରେ ରହିବ । ଉପକୂଳ ଓଡ଼ିଶାର ଜିଲ୍ଲା ଗୁଡିକରେ ସର୍ବାଧିକ ତାପମାତ୍ରା ୨୧ଡିଗ୍ରୀ ରହିବ ବୋଲି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ଆଗକୁ ଉଭୟ ଦିନ ଓ ରାତିର ତାପମାତ୍ରା ୧ରୁ ୨ଡିଗ୍ରୀ କମିବା ସମ୍ଭାବନା ରହିଛି ।

ପାକିସ୍ତାନୀ ଟିଭି ଚ୍ୟାନେଲରେ ପ୍ରସାରିତ ହୋଇପାରିବ ନାହିଁ ଅନ୍ତରଙ୍ଗ ଦୃଶ୍ୟ

ଇସ୍‌ଲାମାବାଦ: ଟିଭି ଚ୍ୟାନେଲ ଗୁଡ଼ିକରେ ପ୍ରସାରିତ ହେଉଥିବା ଦୃଶ୍ୟ ନେଇ କଟକଣା ଜାରି କରିଛି ପାକିସ୍ତାନ । ପାକିସ୍ତାନୀ ଟିଭି ଚାନେଲଗୁଡ଼ିକ ପକ୍ଷରୁ ବିଭିନ୍ନ କାର୍ଯ୍ୟକ୍ରମ ପ୍ରସାରଣରେ ପ୍ରେମ ଓ ଆଲିଙ୍ଗନ ତଥା ଅନ୍ୟ ଅନ୍ତରଙ୍ଗ ଦୃଶ୍ୟ ପ୍ରତି କଟକଣା ଜାରି କରାଯାଇଛି। ଏଭଳି ଦୃଶ୍ୟ ଇସ୍‌ଲାମ ପ୍ରତି ଅପମାନଜନକ ବୋଲି ଦର୍ଶାଯାଇଛି। ପାକିସ୍ତାନର ଇସ୍‌ଲାମିକ ଆଦର୍ଶ, ଶିକ୍ଷା, ସଂସ୍କୃତି କ୍ଷେତ୍ରରେ ଏଭଳି ଦୃଶ୍ୟ ପରିପନ୍ଥୀ ବୋଲି ପାକିସ୍ତାନ ଇଲେକ୍‌ଟ୍ରୋନିକ ମିଡିଆ ରେଗୁଲେଟୋରୀ ଅଥରିଟି (ପେମ୍ରା) ପକ୍ଷରୁ ପ୍ରକାଶିତ ବିଜ୍ଞପ୍ତିରେ ପ୍ରକାଶ । ପ୍ରେମ ଓ ଆଲିଙ୍ଗନ ଭଳି ଦୃଶ୍ୟ ଅଶାଳୀନ ବୋଲି ଏଥିରେ ଉଲ୍ଲେଖ ହୋଇଛି ।

କାମୋଦ୍ଦୀପକ ପୋଷାକ ପରିଧାନ, ଶଯ୍ୟା ତଥା ମିଳନର ଦୃଶ୍ୟ, ପରକୀୟା ସମ୍ପର୍କ ଆଦି ଇସ୍‌ଲାମିକ୍‌ ଆଦର୍ଶର ପରିପନ୍ଥୀ ହୋଇଥିବାରୁ ଏଗୁଡ଼ିକର ପ୍ରସାରଣ ନିଷେଧ କରାଯାଇଛି । ସମ୍ପ୍ରତି ପ୍ରସାରିତ ବିଭିନ୍ନ କାର୍ଯ୍ୟକର ସୂଚୀକୁ ସେହି ଅନୁସାରେ ସମୀକ୍ଷା ଓ ଆବଶ୍ୟକ ନିୟନ୍ତ୍ରଣ କରିବା ପାଇଁ ପେମ୍ରା କର୍ତ୍ତୃପକ୍ଷ ସମସ୍ତ ଚାନେଲକୁ ନିର୍ଦେଶ ଦେଇଛନ୍ତି। ବିଦେଶୀ ଚାନେଲ କ୍ଷେତ୍ରରେ ଏହି ନିର୍ଦେଶାବଳୀ କଡ଼ାକଡ଼ି ପାଳନ କରାଯିବାକୁ କୁହାଯାଇଛି।

ଏଥିସହିତ ଏ ପଦକ୍ଷେପ ନେବାର କାରଣ ନେଇ ପେମ୍ରା ପକ୍ଷରୁ କୁହାଯାଇଛି ଯେ, ସାଧାରଣ ଲୋକଙ୍କୁ ପକ୍ଷରୁ ଅଭିଯୋଗ ହାେଇଛି ଯେ, ପାକିସ୍ତାନୀ ଟିଭି ଚ୍ୟାନେଲରେ ପ୍ରସାରିତ ହେଉଥିବା ଡ୍ରାମାରେ ପାକିସ୍ତାନର ବାସ୍ତବ ଚିତ୍ର, ସଂସ୍କୃତି ଓ ପରମ୍ପରା ପ୍ରତିଫଳିତ ହେଉନାହିଁ ।

ଅପରାଧ ମୁକ୍ତି ହେବ ବସ୍ତି, ସାଧାରଣ ଲୋକଙ୍କ ସହ ବନ୍ଧୁତା ବାନ୍ଧୁଛି ପୋଲିସ

ଭୁବନେଶ୍ୱର: ଅପରାଧ ମୁକ୍ତ ବସ୍ତି ପାଇଁ ଭୁବନେଶ୍ୱର କମିଶନରେଟ ପୋଲିସର ଜୋରଦାର ପ୍ରୟାସ । ଲୋକଙ୍କ ନିକଟତର ହେବା ସହ ବସ୍ତି ଲୋକଙ୍କ ସହ ମିଶି ସଫେଇ କଲା ପୋଲିସ । ବସ୍ତି ଲୋକଙ୍କୁ ମନରେ ପୋଲିସ ପ୍ରତି ଥିବା ଭୟ ଦୂର ଓ ସମସ୍ୟା ସମାଧାନ କରିବୂାକୁ ପୋଲିସ ଏଭଳି  ପଦକ୍ଷେପ ନେଇଛି ।

ଆଜି ଭୁବନେଶ୍ବରରେ ବିଭିନ୍ନ ବସ୍ତିରେ ପୋଲିସର ବସ୍ତି ମିତ୍ର ବସ୍ତି ବାସିନ୍ଦାଙ୍କ ସିହତ ମିଶି ସଚେତନତା କରିଥିଲା । ସାଧାରଣ ଲୋକଙ୍କ ସହ ପୋଲିସ କିପରି ବନ୍ଧୁତ୍ୱ ସ୍ଥାପନ କରିବ  । ସାଧାରଣ ଲୋକ ଯେପରି ପୋଲିସ ପାଖରେ ଅଭିଯୋଗ କରିବାକୁ ସହଜ ମନେ କରିବେ, ସେନେଇ ପୋଲିସ ଏଭଳି ପଦକ୍ଷେପ ଗ୍ରହଣ କରିଛି  ।