spot_img
Home Blog Page 5200

ନଭେମ୍ବର ୧୯ରେ ହେବାକୁ ଯାଉଛି ବିଶ୍ୱର ଶେଷ ଚନ୍ଦ୍ର ଗ୍ରହଣ, ଏହି ରାଶି ଉପରେ ପଡ଼ିବ ଅଧିକ ପ୍ରଭାବ

ନୂଆଦିଲ୍ଲୀ: ଜ୍ୟୋତିଷ ଶାସ୍ତ୍ର ଅନୁସାରେ, ସବୁ ପ୍ରକାର ଗ୍ରହଣକୁ ଅଶୁଭ କୁହାଯାଏ। ଏହି ଗ୍ରହଣ ବେଳେ ସମସ୍ତ ଜୀବ-ଜନ୍ତୁ ଓ ମଣିଷ ଉପରେ ଏହାର ନକାରତ୍ମକ ପ୍ରଭାବ ପଡିଥାଏ। କୁହାଯାଏ ଯେ, ଚନ୍ଦ୍ର ଗ୍ରହଣ ବେଳେ କୌଣସି ପ୍ରକାର ମାଙ୍ଗଳିକ କାର୍ଯ୍ୟ କରାଯିବା ଉଚିତ୍ ନୁହେଁ। ୨୦୨୧ ରେ ସବୁଠାରୁ ପ୍ରଥମେ ଚନ୍ଦ୍ର ଗ୍ରହଣ ୨୬ ମଇ ୨୦୨୧ ରେ ଲାଗିଥିଲା ଓ ୨୦୨୧ ର ଶେଷରେ ଚନ୍ଦ୍ର ଗ୍ରହଣ ୧୯ ନଭେମ୍ବରରେ ହେବାକୁ ଯାଉଛି।

ଏହି ଗ୍ରହଣ ଆଶିଂକ ରୂପରେ ଲାଗିବ, ଯାହାକି ଭାରତ, ଆମେରିକା, ଉତ୍ତର ୟୁରୋପ, ପୂର୍ବ ଏସିଆ, ଅଷ୍ଟେ୍ରଲିଆ ଓ ପ୍ରଶାନ୍ତ ମହାସାଗରରେ ଦେଖିବାକୁ ମିଳିବ। ଏଥର ବର୍ଷର ଦ୍ବିତୀୟ ଚନ୍ଦ୍ର ଗ୍ରହଣ କିଛି ରାଶି ସହିତ ଦେଶ ଦୁନିଆ ପାଇଁ ଖୁବ୍ ଗୁରୁତ୍ବପୂର୍ଣ୍ଣ ରହିବ। ଏହି ଶେଷ ଗ୍ରହଣ ବୃଷ ରାଶିରେ ଲାଗିବାକୁ ଯାଉଛି। ଏହି ଲୋକଙ୍କୁ ସମସ୍ୟାରେ ପକାଇପାରେ। ତେବେ ଏହା  ଆଶିଂକ ଗ୍ରହଣ ଅଟେ, ତେଣୁ ସୂତକ କାଳ ଲାଗିବ ନାହିଁ।

୧୦୦ କୋଟି ଟିକାକରଣକୁ ନେଇ ପ୍ରଶ୍ନ ଉଠାଇଲା ଶିବସେନା: କହିଲେ, ଖୁବଶୀଘ୍ର ପ୍ରମାଣ ଦେବୁ

ମୁମ୍ବାଇ: ଦେଶରେ କରୋନା ଟିକାକରଣକୁ ନେଇ ପ୍ରଶ୍ନ ଉଠାଇଛନ୍ତି ଶିବସେନା ସାଂସଦ ସଞ୍ଜୟ ରାଓ୍ୱତ । ସେ କହିଛନ୍ତି ଯେ ଦେଶରେ ହିତାଧିକାରୀଙ୍କୁ ଏପର୍ଯ୍ୟନ୍ତ ୨୩ କୋଟିରୁ ଅଧିକ ଡୋଜ ଦିଆଯାଇ ନାହିଁ । ଶନିବାର ମହାରାଷ୍ଟ୍ରର ନାଶିକରେ ଏକ ପାର୍ଟି ବୈଠକ ବେଳେ ରାଓ୍ୱତ କହିଛନ୍ତି ଯେ ୧୦୦ କୋଟି ଡୋଜ ଦିଆଯାଇଥିବା ଦାବି ମିଥ୍ୟା ଏବଂ  ଖୁବ୍ ଶୀଘ୍ର ସେ ଏହାର ପ୍ରମାଣ ଦେବେ ।

ସିଧାସଳଖ କାହାର ନାଁ ନ ନେଇ ସେ କହିଛନ୍ତି ‘ତୁମେ କେତେ ମିଛ କହିବ ? ଗତ ୧୫ ଦିନ ମଧ୍ୟରେ ୨୦ ହିନ୍ଦୁ ଏବଂ ଶିଖ୍ ନିହତ ହୋଇଛନ୍ତି, ୧୭ ରୁ ୧୮ ସୈନିକ ସହିଦ ହୋଇଛନ୍ତି, ଚୀନ୍ ଅରୁଣାଚଳ ପ୍ରଦେଶ ଏବଂ ଲଦାଖରେ ସମସ୍ୟା ସୃଷ୍ଟି କରୁଛି କିନ୍ତୁ ଆମେ ୧୦୦ କୋଟି ଟିକା ଡୋଜ ପାଇଁ ଉତ୍ସବ ପାଳନ କରୁଛୁ, ଯାହା ମିଥ୍ୟା ଅଟେ । ଏହି ସଂଖ୍ୟାଗୁଡିକ କିଏ ଗଣନା କଲା ?

ଅନ୍ୟପକ୍ଷରେ ଏହାର ଜବାବ ରଖିଛନ୍ତି, ମହାରାଷ୍ଟ୍ର ବିଜେପି ମୁଖପାତ୍ର କେଶବ ଉପାଧ୍ୟାୟ କହିଛନ୍ତି ଯେ ଶିବସେନା ନେତାମାନେ ଏପରି ଭିତ୍ତିହୀନ ବିବୃତ୍ତି ଦେବାରେ ଅଭ୍ୟସ୍ତ । ସେ କହିଛନ୍ତି ଯେ ଯେତେବେଳେ ସିଧାସଳଖ ଆକଳନ ଉପଲବ୍ଧ ହୁଏ, ରାଓ୍ୱତଙ୍କ ବିବୃତ୍ତି ସ୍ପଷ୍ଟ ହାସ୍ୟାସ୍ପଦ ଅଟେ ।

ଏଥିସହିତ ପଢ଼ନ୍ତୁ: ଏହି ବ୍ୟକ୍ତି ନେଲେ ୧୦୦ କୋଟି ତମ ଟିକା

 

କବାଡିଖାନାରେ ଉଜ୍ଜ୍ୱଳା ସିଲିଣ୍ଡର, ଯୋଜନାର ଏଭଳି ଅବସ୍ଥାକୁ ନେଇ ବିଜେପିକୁ ଟାର୍ଗେଟ କରିଛି କଂଗ୍ରେସ

ନୂଆଦିଲ୍ଲୀ: କବାଡିଖାନାରେ ଉଜ୍ଜ୍ୱଳା ସିଲିଣ୍ଡର । କେନ୍ଦ୍ର ସରକାର ସବୁଠୁ ଅଧିକ ପ୍ରଚାର କରୁଥିବା ଯୋଜନା ଉଜ୍ଜ୍ବଳା ଯୋଜନାର ଏଭଳି ଅବସ୍ଥାକୁ ନେଇ ବିଜେପିକୁ ଟାର୍ଗେଟ କରିଛି କଂଗ୍ରେସ । ରନ୍ଧନ ଗ୍ୟାସ ମୂଲ୍ୟ ଅହେତୁକ ବୃଦ୍ଧି ପାଇଥିବାରୁ ହିତାଧିକାରୀମାନେ ଉଜ୍ଜ୍ବଳା ଯୋଜନାରେ ମିଳିଥିବା ସିଲିଣ୍ଡର କବାଡ଼ିଆଙ୍କୁ ବିକ୍ରି କରିଦେଉଛନ୍ତି । ସୋସିଆଲ ମିଡିରେ ଭାଇରାଲ ହେଉଥିବା ଏହି ଭିଡିଓଟି ମଧ୍ୟପ୍ରଦେଶର । ଭିଣ୍ଡ ଜିଲ୍ଲାରେ ଥିବା ଏକ କବାଡ଼ିଖାନାରେ ଉଜ୍ଜ୍ବଳା ସିଲିଣ୍ଡର ଗଦା ହୋଇ ପଡ଼ିରହିଛି। ରାଜ୍ୟ କଂଗ୍ରେସ ମୁଖ୍ୟ ତଥା ପୂର୍ବତନ ମୁଖ୍ୟମନ୍ତ୍ରୀ କମଲ ନାଥ ଭିଡିଓକୁ ଟ୍ବିଟ କରି ବିଜେପିକୁ ଟାର୍ଗେଟ କରିଛନ୍ତି । କହିଛନ୍ତି, ଜବଲପୁରରୁ ଉଜ୍ଜ୍ବଳା ଯୋଜନାର ଦ୍ବିତୀୟ ପର୍ଯ୍ୟାୟ ଶୁଭାରମ୍ଭ ହୋଇଥିଲା । କେନ୍ଦ୍ର ଗୃହମନ୍ତ୍ରୀ ଏହିଠାରୁ ଯୋଜନାର ଆରମ୍ଭ କରିଥିଲେ । ହେଲେ ଦରବୃଦ୍ଧି ପରେ ସ୍ଥିତି ଏଭଳି ହୋଇଛି ବୋଲି ଟ୍ବିଟ କରିଛନ୍ତି କମଲନାଥ ।

ପୂର୍ବାଞ୍ଚଳ ଇଣ୍ଡିଆ ସ୍କିଲ୍ସ-୨୦୨୧ରେ ଶୀର୍ଷରେ ଓଡ଼ିଶା, ମିଳିଲା ୨୩ ସ୍ୱର୍ଣ୍ଣ

ଭୁବନେଶ୍ୱର: ଇଣ୍ଡିଆ ସ୍କିଲ୍ସ-୨୦୨୧ରେ ଓଡ଼ିଶାକୁ ସଫଳତା । ପାଟଣାରେ ଆୟୋଜିତ ପୂର୍ବାଞ୍ଚଳ ଇଣ୍ଡିଆ ସ୍କିଲ୍ସ ପ୍ରତିଯୋଗିତାରେ ଓଡ଼ିଶା ୨୩ଟି ସ୍ୱର୍ଣ୍ଣ ପଦକ ପାଇଛି । ୩୯ଟି କୌଶଳରେ ୮୫ ଜଣ ଓଡ଼ିଆ ଭାଗ ନେଇଥିଲେ । ସଫଳତାର ସହ ଜାତୀୟ ସ୍ତରରେ ସ୍ଥାନ ପାଇଛନ୍ତି ।

ପୂର୍ବାଞ୍ଚଳ ପାଇଁ ହୋଇଥିବା ପ୍ରତିଯୋଗିତାରେ ସର୍ବାଧିକ ପଦକ ପାଇଛି ଓଡ଼ିଶା । ୨୧ଟି କୌଶଳରେ ୨୩ଟି ସ୍ୱର୍ଣ୍ଣ ପଦକ, ୧୯ଟି କୌଶଳରେ ୨୦ଟି ରୌପ୍ୟ ପଦକ ମିଳିଛି । ଏହି ସଫଳତା ପାଇଁ ପ୍ରତିଯୋଗୀଙ୍କୁ ଟ୍ୱିଟ୍ କରି ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।

ଅକ୍ଟୋବର ୨୦ରୁ ୨୩ ମଧ୍ୟରେ ପାଟଣାରେ ଅନୁଷ୍ଠିତ ପ୍ରତିଯୋଗିତାରେ ୮ଟି ରାଜ୍ୟର ୨୪୦ ପ୍ରତିଯୋଗୀ ଭାଗ ନେଇଥିଲେ । ଏଥିରେ ବିଜୟ ଲାଭ କରିଥିବା ପ୍ରତିଯୋଗୀ ୨୦୨୧ ଡିସେମ୍ବରରେ ହେବାକୁ ଥିବା ଇଣ୍ଡିଆ ସ୍କିଲ୍ ନ୍ୟାସନାଲ ପାଇଁ ଯୋଗ୍ୟ ବିବେଚିତ ହୋଇଛନ୍ତି ।

ଗୋଲ୍ଡ ମେଡାଲ ପାଇଥିବା ପ୍ରତିଯୋଗୀଙ୍କୁ ୨୧ ହଜାର ସହ ପଦକ ଏବଂ ରୌପ୍ୟ ପାଇଥିବା ପ୍ରତିଯୋଗୀଙ୍କୁ ୧୧ ହଜାର ଟଙ୍କା ପଦକ ଦିଆଯାଇଛି । ଏଥିରେ ଆଣ୍ଡାମାନ ଓ ନିକୋବର, ଆସାମ, ବିହାର, ଝାଡ଼ଖଣ୍ଡ, ମିଜୋରାମ, ଓଡ଼ିଶା, ତ୍ରିପୁରା ଓ ପଶ୍ଚିମବଙ୍ଗର ପ୍ରତିଯୋଗୀ ଭାଗ ନେଇଥିଲେ ।

ସାଉଥ ସୁପରଷ୍ଟାର ରଜନୀକାନ୍ତ ପାଇବେ ଦାଦା ସାହେବ ଫାଲକେ ପୁରସ୍କାର, ଟ୍ୱିଟ୍ କରି ରଖିଲେ ପ୍ରତିକ୍ରିୟା

ଚେନ୍ନାଇ: ସାଉଥ ସୁପରଷ୍ଟାର ରଜନୀକାନ୍ତଙ୍କୁ ମିଳିବ ଦାଦା ସାହେବ ଫାଲକେ ପୁରସ୍କାର । ଚେନ୍ନାଇ ସ୍ଥିତ ବାସଭବନରେ ସେ ଏନେଇ ସାମ୍ୱାଦିକଙ୍କୁ ଜଣାଇଛନ୍ତି । ବୈଠକ କରି ସୁପରଷ୍ଟାର କହିଛନ୍ତି ଯେ ସେ ଏହି ସମ୍ମାନଜନକ ପୁରସ୍କାର ପାଇବାକୁ କେବେ ଆଶା କରିନଥିଲେ । ସେ ଏହା ମଧ୍ୟ କହିଛନ୍ତି ଯେ ତାଙ୍କୁ ପୁରସ୍କାର ପାଇବା ଦେଖିବାକୁ ତାଙ୍କ ପରାମର୍ଶଦାତା କେବି (କେ ବାଲାଚାନ୍ଦ) ସାର୍ ଜୀବିତ ନାହାଁନ୍ତି ବୋଲି କହିବା ସହ ଅତ୍ୟନ୍ତ ଦୁଃଖପ୍ରକାଶ କରିଥିଲେ ।

ଗଣମାଧ୍ୟମ ସହ କଥାବାର୍ତ୍ତା କରି ସେ କହିଛନ୍ତି, “ମୁଁ ଦାଦାସାହେବ ଫାଲକେ ପୁରସ୍କାର ପାଇଥିବାରୁ ମୁଁ ବହୁତ ଖୁସି ଅଟେ । ଗଣମାଧ୍ୟମ ରିପୋର୍ଟ ଅନୁଯାୟୀ, ରଜନୀକାନ୍ତ ଆସନ୍ତାକାଲି ଦିଲ୍ଲୀରେ ଆୟୋଜିତ ହେବାକୁ ଥିବା ପୁରସ୍କାର କାର୍ଯ୍ୟକ୍ରମରେ ଯୋଗଦେବେ ଏବଂ ସେଠାରୁ ସେ ପୁରସ୍କାର ଗ୍ରହଣ କରିବେ । ଏପ୍ରିଲ୍ ୨୦୨୧ରେ କେନ୍ଦ୍ର ମନ୍ତ୍ରୀ ପ୍ରକାଶ ଜାଭଡେକର ଘୋଷଣା କରିଛନ୍ତି ଯେ ଗତ ଚାରି ଦଶନ୍ଧି ଧରି ଭାରତୀୟ ସିନେମାରେ ଅବଦାନ ପାଇଁ ସୁପରଷ୍ଟାର ରଜନୀକାନ୍ତଙ୍କୁ ସମ୍ମାନଜନକ ଦାଦାସାହେବ ଫାଲକେ ପୁରସ୍କାରରେ ସମ୍ମାନିତ କରାଯାଇଛି ।

ତେବେ, COVID-19 ମହାମାରୀ ହେତୁ ପୁରସ୍କାର କାର୍ଯ୍ୟକ୍ରମ ବିଳମ୍ବରେ କରାଯାଇଛି । ଭାରତର ଅନ୍ୟତମ ଲୋକପ୍ରିୟ ତାରକା ରଜନୀକାନ୍ତଙ୍କୁ ୨୦୦୦ରେ ପଦ୍ମ ଭୂଷଣ ଏବଂ ୨୦୧୬ରେ ଭାରତ ସରକାର ପଦ୍ମଭୂଷଣ ପ୍ରଦାନ କରିଛନ୍ତି । ରଜନୀକାନ୍ତ ତାମିଲ ସିନେମାରେ ଆପୋରଭା ରାଗଙ୍ଗାଲଙ୍କ ସହ ଡେବ୍ୟୁ କରିଥିଲେ । ତାଙ୍କର ଅନେକ ହିଟ୍ ମଧ୍ୟରେ ‘ବାଶା’, ‘ଶିବାଜୀ’ ଏବଂ ‘ଏଣ୍ଟିରାନ୍’ ଭଳି ଚଳଚ୍ଚିତ୍ର ରହିଛି।

ସେ ତାଙ୍କ ପ୍ରଶଂସକଙ୍କ ମଧ୍ୟରେ ଥାଲାଇଭର୍ (ନେତା) ଭାବରେ ଜଣାଶୁଣା । ସିନେମା ଜଗତରେ ଭାରତରେ ଦିଆଯାଇଥିବା ସର୍ବୋଚ୍ଚ ସମ୍ମାନ ଦାଦାସହେବ ଫାଲକେ ପୁରସ୍କାର । ଏହାକୁ ଜାତୀୟ ଚଳଚ୍ଚିତ୍ର ପୁରସ୍କାର ସହିତ ଚଳଚ୍ଚିତ୍ର ମହୋତ୍ସବ ନିର୍ଦ୍ଦେଶାଳୟ, ସୂଚନା ଏବଂ ପ୍ରସାରଣ ମନ୍ତ୍ରଣାଳୟ, ଭାରତ ସରକାର ପ୍ରଦାନ କରିଛନ୍ତି । ଏହି ପୁରସ୍କାର ଅଭିନେତ୍ରୀ ଦେବିକା ରାନୀଙ୍କୁ ପ୍ରଥମ ଥର ପାଇଁ ପ୍ରଦାନ କରାଯାଇଥିଲା ।

 

ନାଇଜେରିଆ ଜେଲ ଉପରେ ବନ୍ଧୁକଧାରୀଙ୍କ ଆକ୍ରମଣ, ୮୦୦ ଅପରାଧୀ ଫେରାର

ନାଇଜେରିଆ: ନାଇଜେରିଆ ଜେଲ ଉପରେ ବନ୍ଧୁକଧାରୀଙ୍କ ଆକ୍ରମଣ । ଡିନାମାଇଟ ଲଗାଇ କାନ୍ଥ ଉଡାଇ ଦେବାରୁ କେଇ କ୍ଷଣରେ ମୁକୁଳିଗଲେ ୮୦୦ ରୁ ଅଧିକ ଅପରାଧୀ । ଓୟୋରେ ଥିବା ଏକ ଜେଲରେ ଏହା ଘଟିଛି । ସେମାନଙ୍କ ମଧ୍ୟରୁ ୫୭୫ ଜଣ ବିଚାରାଧୀନ ବନ୍ଦୀ ଥିଲେ । ଫେରାର ଅପରାଧୀଙ୍କ ମଧ୍ୟରୁ ୨୬୦ ଅପରାଧୀଙ୍କୁ ଧରାଯାଇପାରିଛି ।

ବିସ୍ଫୋରଣ ପରେ କେବଳ ୬୪ଜଣଙ୍କୁ ଛାଡି ଅନ୍ୟ ସମସ୍ତେ ବାହାରି ଯାଇଥିଲେ । ଦେଶରେ ଇସଲାମିକ ଆତଙ୍କବାଦୀ ସଂଗଠନର ପ୍ରଭାବ ବଢୁଥିବାବେଳେ ଉତ୍ତର ପଶ୍ଚିମାଞ୍ଚଳରେ ଅପରାଧୀ ଗ୍ୟାଙ୍ଗ ବେଶ୍ ସକ୍ରିୟ ରହିଛନ୍ତି । ଛାତ୍ରଛାତ୍ରୀମାନଙ୍କୁ ମୁଣ୍ଡଜାମିନ ରଖି ଅର୍ଥ ଆଦାୟ କରିବା ଦେଶରେ ଏକ ସାଧାରଣ ଘଟଣାରେ ପରିଣତ ହୋଇଛି । ଗତ ଏପ୍ରିଲରେ ଇମୋ ରାଜ୍ୟରେ ମଧ୍ୟ ଏକ ଜେଲରୁ ୧୮୦୦ ଅନ୍ତେବାସୀ ଫେରାର ହୋଇଯାଇଥିଲେ ।

ଭାରତ ସହ ବିବାଦ ଭିତରେ ଚୀନର ନୂଆ ସୀମା ଆଇନ

ନୂଆଦିଲ୍ଲୀ: ଦୁଇ ଦେଶ ମଧ୍ୟରେ କଥାବାର୍ତ୍ତା ବିଫଳ ହୋଇଥିବାବେଳେ ଚୀନ ଏକ ନୂଆ ସୀମା ଆଇନ ଗୃହିତ କରିଛି । ସୀମାର ସୁରକ୍ଷା ଓ ସୀମାନ୍ତରେ ନିଜର ପ୍ରାଧାନ୍ୟ ବିସ୍ତାର ଲାଗି ଏହି ଆଇନ ପ୍ରସ୍ତୁତ ହୋଇଛି । ଚୀନର ନୂଆ ଆଇନ ଭାରତ ଲାଗି ଅଧିକ ସମସ୍ୟା ସୃଷ୍ଟି କରିବା ଆଶଙ୍କା ରହିଛି । ନ୍ୟାସନାଲ ପିପୁଲ୍ସ କଂଗ୍ରେସ ବା ଏନପିସିର ଷ୍ଟାଣ୍ଡିଂ କମିଟି ଏହି ନୂଆ ଆଇନକୁ ମଞ୍ଜୁରୀ ଦେଇଛି । ଆସନ୍ତା ବର୍ଷ ଜାନୁଆରୀ ୧ରୁ ଏହି ନୂଆ ଆଇନ ଲାଗୁ ହେବ । ଏଥିରେ ସୀମାର ସାର୍ବଭୌମତ୍ବ ଓ ସୀମାନ୍ତ ସଂହତି ଉପରେ ଗୁରୁତ୍ବ ଦିଆଯାଇଛି । ସୀମାନ୍ତକୁ ଶକ୍ତିଶାଳୀ କରିବା, ଅର୍ଥନୈତିକ ଓ ସାମାଜିକ ବିକାଶ, ସାଧାରଣ ସେବାକୁ ଅଧିକ କରିବ, ଭିତ୍ତିଭୂମିର ବିକାଶ, ସ୍ଥାନୀୟ ଲୋକଙ୍କୁ ସହଯୋଗ କରିବା, ସୀମାରେ ପ୍ରତିରକ୍ଷାକୁ ମଜଭୁତ କରିବା ଆଦି ଉପରେ ଗୁରୁତ୍ବ ଦିଆଯାଇଛି । ସମାନତା, ପାରସ୍ପରିକ ଆସ୍ଥା, ସୌହାର୍ଦ୍ଦ୍ୟପୂର୍ଣ୍ଣ ଆଲୋଚନା ଉପରେ ଗୁରୁତ୍ବ ଦେବା ଲାଗି ଏଥିରେ ବ୍ୟବସ୍ଥା ରହିଛି । ବର୍ତ୍ତମାନ ସୁଦ୍ଧା ଭାରତ ଓ ଭୁଟାନ ସମେତ ୧୨ଟି ରାଷ୍ଟ୍ର ସହ ଚୀନର ସୀମା ବିବାଦ ଲାଗି ରହିଛି ।

ଆର୍ଯ୍ୟନ ଖାନ ଗିରଫଦାରୀ ମାମଲା: NCB ଅଧିକାରୀ ସମୀର ୱାଙ୍ଖଡେଙ୍କୁ ୮ କୋଟି ଟଙ୍କା ଦିଆଯିବା ନେଇ ଅଭିଯୋଗ

ମୁମ୍ବାଇ: ଆର୍ଯ୍ୟନ ଖାନ ଗିରଫଦାରୀ ମାମଲାରେ ଟ୍ବିଷ୍ଟ । ଡ୍ରଗସ ପାର୍ଟିରେ ରେଡ ଘଟଣାରେ ଜଣେ ସାକ୍ଷୀ ଦେଇଛନ୍ତି ଚାଞ୍ଚଲ୍ୟକର ବୟାନ । ଏନସିବିର ଜୋନାଲ ନିର୍ଦ୍ଦେଶକ ସମୀର ଓ୍ବାଙ୍ଖଡେ ଓ ଆର୍ଯ୍ୟନଙ୍କ ସହ ସେଲଫି ଉଠାଇଥିବା କେ.ପି. ଗୋସାଭିଙ୍କ ମଧ୍ୟରେ ଥିବା ସମ୍ପର୍କ ନେଇ ସାକ୍ଷୀ ଜଣକ ବୟାନ ଦେଇଛନ୍ତି । ତେବେ ଏହି ଅଭିଯୋଗକୁ ଖଣ୍ଡନ କରିଛନ୍ତି ଓ୍ବାଙ୍ଖଡେ । ଏକ ସତ୍ୟପାଠରେ ପ୍ରଭାକର ସାଇଲ କହିଛନ୍ତି- କେ.ପି. ଗୋସାଭି ଓ ସାମ ଡି ସୌଜା ନାମକ ଜଣେ ବ୍ୟକ୍ତିଙ୍କ ମଧ୍ୟରେ ୧୮ କୋଟି ଟଙ୍କା ଦେବାନେବା କଥା ସେ ଶୁଣିଛନ୍ତି ।

ଏହା ସହ ଏହି ଟଙ୍କାରୁ ୮ କୋଟି ଟଙ୍କା ସମୀର ଓ୍ବାଙ୍ଖଡେଙ୍କୁ ଦିଆଯିବା ନେଇ ବାର୍ତ୍ତାଳାପ ହୋଇଥିଲା ବୋଲି ସେ କହିଛନ୍ତି । ଏପରିକି ସେ ଏହି ଟଙ୍କା ଗୋସାଭିଙ୍କଠାରୁ ପାଇଥିଲେ ଏବଂ ସୌଜାଙ୍କୁ ଦେଇଥିଲେ ବୋଲି ସାକ୍ଷୀ ଜଣକ କହିଛନ୍ତି । ଗତ ଅକ୍ଟୋବର ୨ ତାରିଖରେ ହୋଇଥିବା ରେଭ ପାର୍ଟି ରେଡ ଘଟଣାରେ କିଛି ସାକ୍ଷୀଙ୍କ ବୟାନ ନେଇଥିଲା ଏନସିବି । ତେବେ ସାକ୍ଷୀଙ୍କ ଏହି ଅଭିଯୋଗକୁ ଖଣ୍ଡନ କରିଛନ୍ତି ଓ୍ବାଙ୍ଖଡେ । ଠିକ୍ ସମୟରେ ଏହାର ଉଚିତ ଜବାବ ଦେବେ ବୋଲି ଓ୍ବାଙ୍ଖଡେ କହିଛନ୍ତି ।

ଅବିଭକ୍ତ କୋରାପୁଟ ଜିଲ୍ଲାର ବିକାଶ ପାଇଁ ବିଜେଡିରେ ଯୋଗଦେବି: ପ୍ରଦୀପ ମାଝୀ

ନବରଙ୍ଗପୁର: ଖୁବ୍‌ଶୀଘ୍ର ବିଜେଡିରେ ମିଶିବେ ପୂର୍ବତନ କଂଗ୍ରେସ ସାଂସଦ ପ୍ରଦୀପ ମାଝୀ । ସପ୍ତାହକ ମଧ୍ୟରେ ବିଜେଡିରେ ଆନୁଷ୍ଠାନିକ ଭାବେ ଯୋଗଦେବେ । ଅବିଭକ୍ତ କୋରାପୁଟ ଜିଲ୍ଲାର ବିକାଶ ପାଇଁ ସେ ବିଜେଡିରେ ସାମିଲ ହେବେ ବୋଲି ବୋଲି ପ୍ରଦୀପ ମାଝୀ କହିଛନ୍ତି । ରବିବାର ଅନୁଷ୍ଠିତ ଏକ ସାମ୍ୱାଦିକ ସମ୍ମିଳନୀରେ ସେ କହିଛନ୍ତି ଯେ, ଅବିଭକ୍ତ କୋରାପୁଟ ଜିଲ୍ଲାରେ ଅନେକ ସମସ୍ୟା ରହିଛି ଏବଂ ସେ ସମସ୍ୟାର ସମାଧାନ ପାଇଁ କଂଗ୍ରେସର ଏବେ ଶକ୍ତି ନାହିଁ ।

ରାଜ୍ୟରେ କଂଗ୍ରେସ ଦଳ ଆଗକୁ ବଢ଼ିପାରିବ ନାହିଁ । ବିଜେଡି ଦୀର୍ଘଦିନ ଧରି ଓଡ଼ିଶାରେ ଏକ ସ୍ଥିର ସରକାର ଦେଇଛି । ଦିନକୁ ଦିନ ବିଜେଡିର ଶକ୍ତି ବଢ଼ିଚାଲିଛି । ବିଜେଡି ସହାୟତାରେ ସମସ୍ୟାର ସମାଧାନ ହୋଇପାରିବ । ତାହାକୁ ନଜରରେ ରଖି ସେ କଂଗ୍ରେସ ଛାଡ଼ିଥିବା କହିଛନ୍ତି । କଂଗ୍ରେସର ଅଧଃପତନ ହୋଇଛି, ବିଶ୍ୱସନୀୟତା ହରାଇଛି ଦଳ । ଦଳର ଅଧଃପତନ ପାଇଁ ନିଜକୁ ୩୦%ଦାୟୀ କଲେ ପ୍ରଦୀପ । ଛାତି ଉପରେ ପଥର ରଖି କଂଗ୍ରେସ ଛାଡ଼ିଥିବା କହିଲେ ପ୍ରଦୀପ । ବିଜେଡି ଓ କଂଗ୍ରେସର ବିଚାରଧାରାରେ କୌଣସି ଫରକ୍ ନାହିଁ । ସବୁ ବର୍ଗର ଲୋକଙ୍କୁ ନେଇ ଆଗେଇ ଚାଲିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  ।ବିଜେଡିରେ ରହି ଜନସେବାକୁ ବ୍ୟାପକ କରିବେ । ଗଣତନ୍ତ୍ରରେ ଦଳବଦଳ କିଛି ନୂଆ କଥା ନୁହେଁ, ଲୋକଙ୍କ ପରାମର୍ଶରେ ଦଳବଦଳ କରିଥିବା କହିଛନ୍ତି ପ୍ରଦୀପ ।

ଏଥିସହିତ ପଢ଼ନ୍ତୁ: ଭୁଶୁଡୁଛି ବିରୋଧୀଙ୍କ ଶିବିର

ଭୂମିକମ୍ପ, ବନ୍ୟା, ବଜ୍ରାଘାତ, ଝଡ ଆଦି କ୍ଷେତ୍ରରେ ଦାୟୀ ରହିବନି ବ୍ୟାଙ୍କ

ନୂଆଦିଲ୍ଲୀ: ବଦଳିଲା ବ୍ୟାଙ୍କ ଲକର ନିୟମ । ବ୍ୟାଙ୍କ ଦ୍ବାରା ପ୍ରଦାନ କରାଯାଉଥିବା ଏହି ସୁବିଧା ଲାଗି କିଛି ନିୟମରେ ପରିବର୍ତ୍ତନ ଆଣିଛି ଭାରତୀୟ ରିଜର୍ଭ ବ୍ୟାଙ୍କ । ଆସନ୍ତା ଜାନୁଆରୀ ୧ରୁ ଲାଗୁ ହେବ ନିୟମ । ନୂଆ ବ୍ୟବସ୍ଥା ଅନୁସାରେ ଭୂମିକମ୍ପ, ବନ୍ୟା, ବଜ୍ରାଘାତ, ଝଡ ଆଦି କ୍ଷେତ୍ରରେ ବ୍ୟାଙ୍କ ଦାୟୀ ରହିବ ନାହିଁ । ତେବେ ଏହାର ସୁରକ୍ଷା ନିଶ୍ଚିତ କରିବା ଦିଗରେ ବ୍ୟାଙ୍କ ପଦକ୍ଷେପ ନେବ । ଡକାୟତି ଓ ଚୋରି କ୍ଷେତ୍ରରେ ବ୍ୟାଙ୍କ ଦାୟୀ ରହିବା ବ୍ୟବସ୍ଥା ରହିବ । ଲକର ଏଗ୍ରିମେଣ୍ଟରେ ଏଣିକି ଏକ ନୂଆ ବ୍ୟବସ୍ଥା ରହିବ । ଏଥିରେ ଗ୍ରାହକ ଲକରର କ୍ଷତି ପହଞ୍ଚାଇବା ପରି କୌଣସି ସାମଗ୍ରୀ ରଖିବେ ନାହିଁ ବୋଲି ବ୍ୟବସ୍ଥା ରହିବ ।

ବ୍ୟାଙ୍କିଂ ଓ ପ୍ରଯୁକ୍ତିକୁ ଆଧାର କରି ଆରବିଆଇ ଏହି ନିଷ୍ପତ୍ତି ନେଇଛି । ଭାରତୀୟ ବ୍ୟାଙ୍କ ଆସୋସିଏସନ ବା ଆଇବିଏର ଫିଡବ୍ୟାକକୁ ଭିତ୍ତି କରି ଏହି ନିୟମରେ ପରିବର୍ତ୍ତନ କରାଯାଇଛି । ଅନେକ ସମୟରେ ଲକରକୁ ଭଡାରେ ନେଇଥିବା ଗ୍ରାହକମାନେ ଲକରର ମ୍ୟାନେଜମେଣ୍ଟ କରୁନାହାନ୍ତି ବା ଚାର୍ଜ ବି ଠିକ୍ ସମୟରେ ଦାଖଲ କରୁନାହାନ୍ତି । ଠିକ୍ ସମୟରେ ଦେୟ ପାଉ ନଥିବାରୁ ବ୍ୟାଙ୍କଗୁଡିକ ଅସୁବିଧାର ସମ୍ମୁଖୀନ ହେଉଛନ୍ତି । ତେଣୁ ଲକର ଆଲଟମେଣ୍ଟ ସମୟରେ ଟର୍ମ ଡିପୋଜିଟ ନେବା ଲାଗି ବ୍ୟାଙ୍କଗୁଡିକୁ କୁହାଯାଇଛି ।

ଏଥିରେ ରହିଛି ୩ ବର୍ଷର ଭଡା ତଥା ଲକର ଭାଙ୍ଗିବା ଲାଗି ଆବଶ୍ୟକ ହେଉଥିବା ଖର୍ଚ୍ଚ । ତେବେ ବର୍ତ୍ତମାନ ରହିଥିବା ଲକର ହୋଲଡରଙ୍କ କ୍ଷେତ୍ରରେ ଟର୍ମ ଡିପୋଜିଟ ଦାଖଲ କରିବା ବ୍ୟବସ୍ଥା ରହିବ ନାହିଁ । ଏହା ସହ ଯେଉଁମାନେ ବର୍ତ୍ତମାନ ଆକାଉଣ୍ଟ ଅପରେଟ କରୁଛନ୍ତି ସେମାନଙ୍କ ଲାଗି ବି ଏହି ନିୟମ ଲାଗୁ ହେବ ନାହିଁ । ଯଦି ଲକର ଭଡା ଆଗୁଆ ନିଆଯାଇଥାଏ ତେବେ ପରେ ଏହା ଫେରାଇ ଦିଆଯିବ । ଯଦି ଗ୍ରାହକ ଲଗାତର ୩ ବର୍ଷ ଧରି ଭଡା ନଦେବେ ତେବେ ବ୍ୟାଙ୍କ କର୍ତ୍ତୃପକ୍ଷ ଲକରକୁ ଭାଙ୍ଗିପାରିବେ । ପ୍ରାକୃତିକ ବିପର୍ଯ୍ୟୟ ସମୟରେ ବି ସେମାନଙ୍କ ଉପଭୋକ୍ତାଙ୍କୁ ଅବଗତ କରାଇବା ଲାଗି ବ୍ୟବସ୍ଥା କରିବେ ।