spot_img
Home Blog Page 5332

ଦିନକ ପରେ ମୁଖ୍ୟମନ୍ତ୍ରୀଙ୍କ ବଲାଙ୍ଗୀର ଗସ୍ତ: ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ କରିବେ ସ୍ମାର୍ଟ କାର୍ଡ ପ୍ରଦାନ

ବଲାଙ୍ଗୀର ପାଇଁ ବିକାଶର ବ୍ଲୁପ୍ରିଣ୍ଟ । ଆଉ ଦିନକ ପରେ ବଲାଙ୍ଗୀରରେ ବିଜୁ ସ୍ୱାସ୍ଥ୍ୟ କଲ୍ୟାଣ କାର୍ଡ ବଣ୍ଟନ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଥିସହ ହରିଶଙ୍କର, ନୃସିଂହନାଥ ରୂପାନ୍ତର ପ୍ରକଳ୍ପର ଶିଳାନ୍ୟାସ କରିବେ । ବଲାଙ୍ଗୀରର ବିକାଶ ପାଇଁ ପ୍ରାୟ ୬ଶହକୋଟି ଟଙ୍କାର ପ୍ରକଳ୍ପ ଉଦଘାଟନ ଓ ଭିତ୍ତପ୍ରସ୍ତର ସ୍ଥାପନ କାର୍ଯ୍ୟକ୍ରମ ରହିଛି । ତୃଣମୂଳସ୍ତରରେ ଯୋଜନାର ସଫଳ ରୂପାୟନ ପାଇଁ ଜିଲ୍ଲାର ୧୪ଟି ବ୍ଲକ ପାଇଁ ୧୧ଜଣ ମନ୍ତ୍ରୀ ଓ ୧୬ଜଣ ଦଳୀୟ ଉପଦେଷ୍ଟାଙ୍କୁ ମୁଖ୍ୟମନ୍ତ୍ରୀ ଦାୟିତ୍ବ ଦେଇଛନ୍ତି ।

ସୁସ୍ଥ ବଲାଙ୍ଗୀର ପାଇଁ ସ୍ମାର୍ଟ ସ୍ୱପ୍ନ । ବଲାଙ୍ଗୀର ବିକାଶରେ ଯୋଡ଼ିହେବ ନୂଆ ଫର୍ଦ୍ଦ । ବଦଳିବ ଭିତ୍ତଭୂମି, ଲାଗିବ ବିକାଶର ରଙ୍ଗ । ହରିଶଙ୍କର, ନୃସିଂହନାଥ ପ୍ରକଳ୍ପର ପଡିବ ନିଅ । ୨୨ତାରିଖରେ ବଲାଙ୍ଗୀର ଗସ୍ତରେ ଯାଇ ବିଜୁ ସ୍ୱାସ୍ଥ୍ୟ କଲ୍ୟାଣ କାର୍ଡ ବଣ୍ଟନ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କାର୍ଡ ଦେଖାଇ ମାଗଣାରେ ଉନ୍ନତ ସ୍ୱାସ୍ଥ୍ୟ ସେବା ପାଇପାରିବେ । ପ୍ରତି ପରିବାରକୁ ୫ଲକ୍ଷ ଟଙ୍କା ଓ ମହିଳାଙ୍କୁ ୧୦ଲକ୍ଷ ଟଙ୍କା ପର୍ଯ୍ୟନ୍ତ ଚିକିତ୍ସା ସହାୟତା ମିଳିବ । ଜାତୀୟ ଖାଦ୍ୟ ସୁରକ୍ଷା ଓ ରାଜ୍ୟ ଖାଦ୍ୟ ସୁରକ୍ଷା ହିତାଧିକାରୀଙ୍କୁ ମିଳିବ ସ୍ମାର୍ଟ ହେଲଥ କାର୍ଡ। ରାଜ୍ୟ ସହ ଦେଶର ୨୦୦ଟି ହସପିଟାଲରେ କାର୍ଡ ଜରିଆରେ ମିଳିବ ଚିକିତ୍ସା ସୁବିଧା ।

ସ୍ୱତନ୍ତ୍ର ବିମାନ ଯୋଗେ ତୁଷୁରା ଏୟାରଷ୍ଟ୍ରିପରେ ପହଞ୍ଚିବେ ମୁଖ୍ୟମନ୍ତ୍ରୀ। ସେଠାରୁ ଟିଟିଲାଗଡ଼ ମିନି ଷ୍ଟାଡିୟମ ଯାଇ ହିତାଧିକାରୀଙ୍କୁ ସ୍ମାର୍ଟ ହେଲଥ୍ କାର୍ଡ ବଣ୍ଟନ କରିବେ । ଏହାପରେ ପାଟଣାଗଡ଼ରେ ବିଜୁ ସ୍ମାର୍ଟ ହେଲଥ୍ କାର୍ଡ ବଣ୍ଟନ ସହ ହରିଶଙ୍କର ନୃସିଂହନାଥ ବିକାଶ ପ୍ରକଳ୍ପର ଶିଳାନ୍ୟାସ ହେବ । ବଲାଙ୍ଗୀର ଅତ୍ୟାଧୁନିକ ବସଷ୍ଟାଣ୍ଡ ଉଦଘାଟନ କରିବା ସହ ପାନୀୟ ଜଳଯୋଗାଣ, କୃଷି, ଜଳସେଚନ ଭଳି ବିକାଶମୂଳକ ପ୍ରକଳ୍ପର ଶିଳାନ୍ୟାସ କରିବା କାର୍ଯ୍ୟକ୍ରମ ରହିଛି ।

ସ୍ୱାସ୍ଥ୍ୟସେବା କ୍ଷେତ୍ରରେ ନୂଆ ଅଧ୍ୟାୟ ଲେଖିଛି ବିଜୁ ସ୍ୱାସ୍ଥ୍ୟ କଲ୍ୟାଣ କାର୍ଡ । ମାଲକାନଗିରି, ସୁନ୍ଦରଗଡ଼ ପରେ ବଲାଙ୍ଗିରରେ ସ୍ମାର୍ଟକାର୍ଡ ବଣ୍ଟନର ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ । ସେପଟେ ଗନ୍ଧମାର୍ଦ୍ଦନ ପର୍ବତ ଅଞ୍ଚଳରେ ହରିଶଙ୍କର, ନୃସିଂହ ନାଥ ବିକାଶ ପ୍ରକଳ୍ପର ପଡିବ ନିଅ । ଦୁଇ ମନ୍ଦିର ବିକାଶ ବେଳେ ସାଂସ୍କୃତିକ, ଧାର୍ମିକ, ପାରିବେଶିକ ଓ ଦୁଃସାହସିକ ପର୍ଯ୍ୟଟନକୁ ଗୁରୁତ୍ବ ଦେଉଛନ୍ତି ରାଜ୍ୟ ସରକାର ।

ଆଫଗାନିସ୍ତାନର ହ୍ରଦରେ ବାେଟିଂ କରୁଛି ତାଲିବାନ

କାବୁଲ: ଆଫଗାନିସ୍ତାନକୁ କବଜା କରିବା ପରେ ତାଲିବାନ ସରକାର ଗଠନ କରିଛି । ଯାହା ପରେ ତାଲିବାନ ଆତଙ୍କବାଦୀଙ୍କ ଗୋଟିଏ ପରେ ଗୋଟିଏ ଭିଡ଼ିଓ ଭାଇରାଲ୍ ହେବାରେ ଲାଗିଛି । ଏବେ କିଛି ତାଲିବାନୀ ହିନ୍ଦୁ କୁଶ ପାହାଡର ହ୍ରଦରେ ବୋଟିଂ କରୁଥିବା ନଜର ଆସିଛି।

ଏହି ଫଟୋକୁ ଜଣାଶୁଣା ସାମ୍ବାଦିକ ଜେକ୍ ହେନରେହନ ସୋସିଆଲ୍ ମିଡିଆରେ ଶେୟାର କରିଛନ୍ତି । ଡେଲି ମେଲ୍ ରିପୋର୍ଟ ଅନୁସାରେ, ଏହି ଫଟାେ Band-e-Amir  ନ୍ୟାସନାଲ୍ ପାର୍କରେ ଉଠାଯାଇଥିଲା । ଏହି ନ୍ୟାସନାଲ୍ ପାର୍କ ଖାସକରି ଆନ୍ତର୍ଜାତୀୟ ପର୍ଯ୍ୟଟକଙ୍କ ମଧ୍ୟରେ ଲୋକପ୍ରିୟ। ବାମିୟାନରୁ ପାଖାପାଖି ୪୫ ମି. ଦୂରରେ ଅବସ୍ଥିତ ଏହି ନ୍ୟାସନାଲ୍ ପାର୍କରେ ୬ଟି ଗଭୀର ନୀଳ ହ୍ରଦ ରହିଛି ।

 

ଜୋରଦାର ହେବ ଆଇନଗତ ଲଢ଼େଇ: ସତ୍ୟପାଠ ଦାଖଲ ନେଇ ପୂର୍ବତନ ଜଳ ଆୟୋଗ ଅଧ୍ୟକ୍ଷ ରାଜେଶ କୁମାର ନିଯୁକ୍ତ

ଭୁବନେଶ୍ୱର: ମହାନଦୀ ପାଇଁ ଆଇନଗତ ଲଢ଼େଇ ଜୋରଦାର ହେବ । ଛତିଶଗଡ଼ ସହିତ ଲାଗିଥିବା ବିବାଦର ହେବ ଅବସାନ । ଟ୍ରିବ୍ୟୁନାଲରେ ଦାଖଲ ପାଇଁ ସତ୍ୟପାଠ ପ୍ରସ୍ତୁତ କରିବାକୁ କେନ୍ଦ୍ରୀୟ ଜଳ ଆୟୋଗର ପୂର୍ବତନ ଅଧ୍ୟକ୍ଷ ରାଜେଶ କୁମାରଙ୍କୁ ରାଜ୍ୟ ଜଳସମ୍ପଦ ବଭାଗ ନିଯୁକ୍ତ କରିଛି । ମହାନଦୀ ଓଡ଼ିଶାର ଜୀବନରେଖା ହୋଇଥିବାରୁ ରାଜନୀତି ନକରି ରାଜ୍ୟ ସ୍ୱାର୍ଥ ପାଇଁ ବିରୋଧୀ ଉଦ୍ୟମ କରିବା ଉଚିତ ବୋଲି ବିଜେଡି କହିଛି । ଅନ୍ୟପଟେ ପରସ୍ପର ଉପରେ କାଦୁଅ ଫିଙ୍ଗା ରାଜନୀତିରେ ମାତିଛନ୍ତି ବିରୋଧୀ । ଆଉ ଚଳିବନି ଛତିଶଗଡ଼ର ମନ୍‌ମାନି । ଟ୍ରିବ୍ୟୁନାଲରେ ତଥ୍ୟ ଭିତ୍ତିକ ଯୁକ୍ତି ରଖିବ ଓଡ଼ିଶା । ସତ୍ୟପାଠ ପ୍ରସ୍ତୁତି ପାଇଁ ନିଯୁକ୍ତ ହେଲେ ଅଧିକାରୀ । ମହାନଦୀ ବିବାଦକୁ ନେଇ ବୟାନବାଜି । ମହାନଦୀ ଜଳ ନେଇ ଓଡ଼ିଶା ଓ ଛତିଶଗଡ଼ ମଧ୍ୟରେ ଲାଗି ରହିଛି ବିବାଦ । ମାମଲା ଏବେ ଟ୍ରିବ୍ୟୁନାଲରେ ପହଞ୍ଚିଛି । ଛତିଶଗଡ଼ ସରକାର ବେଆଇନ ଭାବେ ମହାନଦୀର ଉପରେ ମୁଣ୍ଡରେ ବ୍ୟାରେଜ ନିର୍ମାଣ କରିଛନ୍ତି । ଯାହାକୁ ବିରୋଧ କରି ଆଇନଗତ ଲଢ଼େଇ ଲଢୁଛି ଓଡ଼ିଶା । ଛତିଶଗଡ଼ର ଏହି ବେଆଇନ କାମର ଦଶା ଭୋଗୁଛନ୍ତି ଓଡ଼ିଶାବାସୀ । ଉଭୟ ମୌସୁମୀ ଓ ଅଣ-ମୌସୁମୀ ଋତୁରେ ଓଡ଼ିଶାରେ ଜଳଭାବ ଦେଖାଦେଉଛି । ଏନେଇ ଜଳ ବିବାଦ ପ୍ରାଧିକରଣରେ ସତ୍ୟପାଠ ଜରିଆରେ ବଳିଷ୍ଠ ଯୁକ୍ତି ବାଢ଼ିବ ରାଜ୍ୟ । ଏଥିଲାଗି କେନ୍ଦ୍ରୀୟ ଜଳ ଆୟୋଗର ପୂର୍ବତନ ଅଧ୍ୟକ୍ଷ ରାଜେଶ କୁମାରଙ୍କୁ ରାଜ୍ୟ ସରକାର ନିଯୁକ୍ତି ଦେଇଛନ୍ତି । ହକ୍ ପାଇଁ ଲଢ଼େଇ ଜାରି ରହିବ ବୋଲି ବିଜେଡି କହିଛି ।

ଛତିଶଗଡ଼ ମହାନଦୀ ଉପର ମୁଣ୍ଡରେ ବ୍ୟାରେଜ ନିର୍ମାଣ କରିବା ବିରୋଧରେ ସଂସଦରୁ ଆରମ୍ଭ କରି ଟ୍ରିବ୍ୟୁନାଲ ଯାଏ ତଥ୍ୟ ରଖି ନ୍ୟାୟ ଦାବି କରିଛି ଓଡ଼ିଶା । ହେଲେ ସମସ୍ୟାର ସମାଧାନ ହେଉନି କି ରାଜନୀତି ଥମିବାର ନାଁ ନେଉନାହିଁ । ଜଳ ବିବାଦର ସମାଧାନ ପାଇଁ ଛତିଶଗଡ଼ ଓ କେନ୍ଦ୍ର ସରକାରଙ୍କ ଭୂମିକାକୁ ନେଇ ପ୍ରଶ୍ନ ଉଠୁଥିବା ବେଳେ ବିରୋଧୀ ମଧ୍ୟ ପରସ୍ପରକୁ ଦୋଷ ଦେଉଛନ୍ତି । ରାଜ୍ୟ ସରକାରଙ୍କ ନୂଆ ପଦକ୍ଷେପ ଦ୍ୱାରା ଓଡ଼ିଶା ଓ ଛତିଶଗଡ଼ ମଧ୍ୟରେ ଲାଗିଥିବା ଜଳ ବିବାଦର ସମାଧାନ ହେବ ବୋଲି ଆଶା ସଂଚାର ହୋଇଛି ।

ରାଜ୍ୟରେ କରୋନା କାଳରେ ବଢ଼ିଚାଲିଛି ଅଣସଂକ୍ରାମକ ରୋଗ: ଜାତୀୟ ହାରଠୁ ବି ଅଧିକ ରହିଛି ରାଜ୍ୟ

ଭୁବନେଶ୍ୱର: ରାଜ୍ୟରେ କିପରି ସ୍ୱାସ୍ଥ୍ୟ ବିଗୁଡିଛି, କରୋନା ସମୟରେ କିପରି ଅଣସଂକ୍ରାମକ ରୋଗ ବଢ଼ିଚାଲିଛି । ଏ ନେଇ ଚିନ୍ତାଜନକ ଚିତ୍ର ଦେଇଛି ଆସୋଚାମ । ଓଡ଼ିଶାରେ ଅଣସଂକ୍ରାମକ ରୋଗ ହାର ଜାତୀୟ ହାର ଠାରୁ ଢେର ଅଧିକ ରହିଛି ।

ଖାଦ୍ୟ ବଦଳରେ ଖାଉଛେ ବିଷ । ମୃତ୍ୟୁକୁ ଡାକୁଛି ଆଧୁନିକ ଜୀବନଚର୍ଯ୍ୟା । ଫାଷ୍ଟଫୁଡ଼ ଆଗରେ ଫଳ, କ୍ଷୀର ତୁଚ୍ଛ । ସଂକ୍ରମଣଠୁ ଅଧିକ ଭୟଙ୍କର ଅଣସଂକ୍ରାମକ ରୋଗ । କରୋନା ମହାମାରୀ ସମସ୍ତଙ୍କ ପାଇଁ ଚିନ୍ତାର କାରଣ ହୋଇଥିବା ବେଳେ ଦାରିଦ୍ର୍ୟ, ଖରାପ ଖାଦ୍ୟାଭ୍ୟାସ, ବାୟୁ ପ୍ରଦୂଷଣ, ଚିକିତ୍ସା ଅବହେଳାରୁ ଅଣସଂକ୍ରମକ ରୋଗ ବ୍ୟାପିବାରେ ଲାଗିଛି । ଆସୋଚାମ ସୂଚନା ଅନୁଯାଇ ଓଡିଶାରେ ଅଣସଂକ୍ରାମକ ରୋଗର ବ୍ୟାପିବା ହାର ୨୭.୧୯ ପ୍ରତିଶତ ଥିବାବେଳେ ଜାତୀୟ ହାର ରହିଛି ୧୧.୬୩ ପ୍ରତିଶତ । ପେଟ ରୋଗ କ୍ଷେତ୍ରରେ ଜାତୀୟ ହାର ୩.୧୯% ଥିବାବେଳେ ରାଜ୍ୟରେ ଏହି ହାର ୧୫.୯୧% ରହିଛି । ଅଧିକ ଆମିଷ ଖାଦ୍ୟ, ଲାଲ ମାଂସ ଖାଇବା, ଜଙ୍କ ଫୁଡ ଏବଂ କମ୍ ପରିମାଣ ଫଳ ଖାଇବା ଦ୍ୱାରା ପେଟ ରୋଗ ଓ ମଧୁମେହ ଭଳି ରୋଗ କାୟା ବିସ୍ତାର କରିବାରେ ଲାଗିଛି ।

ରାଜ୍ୟରେ ଜଙ୍କ ଫୁଡ଼ ଚାହିଦା ଅଧିକ ବଢି ଥିବାରୁ ରୋଗର ହାର ମଧ୍ୟ ବଢୁଛି । ସେହିଭଳି ପ୍ରଦୂଷିତ ବାୟୁ କାରଣରୁ ମସ୍ତିଷ୍କ ବିକୃତି ଭଳି ରୋଗ ଦେଖାଯାଉଛି । ଉଚ୍ଚ ରକ୍ତଚାପ, ମଧୁମେହ, ଶ୍ୱାସ ରୋଗ, ମସ୍ତିଷ୍କ ଜନିତ ରୋଗ ଅନ୍ୟ ରାଜ୍ୟ ତୁଳନାରେ ଓଡିଶା ରେ ଅଧିକ ଥିବାରୁ ଉଦବେଗ ପ୍ରକାଶ କରିଛନ୍ତି ବିଶେଷଜ୍ଞ । ଖାଦ୍ୟାଭ୍ୟାସ, ଜୀବନଶୈଳୀରେ ପରିବର୍ତ୍ତନ ସହ ବ୍ୟାୟାମ ଓ ଯୋଗ କଲେ ଏଭଳି ବ୍ୟାଧିକୁ ଚେକ ଦିଆଯାଇପାରିବ ।

ଆଖଡା ପରିଷଦର ଅଧ୍ୟକ୍ଷ ମହନ୍ତ ନରେନ୍ଦ୍ର ଗିରିଙ୍କ ଆତ୍ମହତ୍ୟା

ପ୍ରୟାଗରାଜ: ଆଖଡା ପରିଷଦର ଅଧ୍ୟକ୍ଷ ମହନ୍ତ ନରେନ୍ଦ୍ର ଗିରିଙ୍କ ସନ୍ଦେହଜନକ ଭାବେ ମୃତ୍ୟୁ ଘଟିଛି । ସୂଚନାନୁସାରେ, ପ୍ରୟାଗରାଜରେ ତାଙ୍କର ମୃତ୍ୟୁ ହୋଇଛି ।

ତାଙ୍କ ମୃତଦେହ ଝୁଲନ୍ତା ଅବସ୍ଥାରେ ବାଘବରୀ ମଠରୁ ଜବତ ହୋଇଛି ।ତାଙ୍କ ମୃତ୍ୟୁ ପରେ ଆଖଡା ପରିଷଦ ମଧ୍ୟରେ ବିବାଦ ଦେଖାଦେଇଥିବା ଜଣାପଡିଛି । ମହନ୍ତ ନରେନ୍ଦ୍ର ଗିରିଙ୍କ କୋଠରୀ ଭିତରୁ ବନ୍ଦ ରହିଥିଲା, ପରେ ସନ୍ଦେହ ହେବାରୁ ତାଙ୍କ କବାଟ ଖୋଲାଯାଇଥିଲା । ପରେ ତାଙ୍କୁ ଝୁଲନ୍ତା ଅବସ୍ଥାରେ ଠାବ କରାଯାଇଥିଲା ବେଳେ  ମୃତଦେହ ନିକଟରୁ ଏକ ସୁଇସାଇଡ୍ ନୋଟ ମଧ୍ୟ ଜବତ ହୋଇଥିଲା । ଯେଉଁଥିରେ ସେ ମାନସିକ ସ୍ତରରେ ବିଚଳିତ ଥିବା ଉଲ୍ଲେଖ ରହିଥିଲା । ଯାହା ଫଳରେ ସେ ଆତ୍ମହତ୍ୟା କରିିଥିବା ଚର୍ଚ୍ଚା ହେଉଛି ।

ତେବେ ପ୍ରାଥମିକ ତଦନ୍ତ ପରେ ଏହା ହତ୍ୟାକାଣ୍ଡ ନୁହେଁ ବୋଲି ପୋଲିସ କହିଛି । କିନ୍ତୁ ତାଙ୍କ ମୃତ୍ୟୁର କାରଣ ଆତ୍ମହତ୍ୟା ନା ଆଉ କିଛି ସେନେଇ ପୋଲିସ ଏପର୍ଯ୍ୟନ୍ତ ସ୍ପଷ୍ଟ କରି ନାହିଁ। ଏହି ଖବର ପରେ ପୋଲିସ ସମଗ୍ର ଅଞ୍ଚଳକୁ ସିଲ୍ କରିବା ସହ ଏବଂ ବାରବରି ମଠରେ କାହାକୁ ପ୍ରବେଶ କରିବାକୁ ଦିଆଯାଉ ନାହିଁ। ଅପରପକ୍ଷେ ଫୋରେନସିକ୍ ଟିମ୍ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି କରିଛି ।

ପାକିସ୍ତାନରେ ମସଜିଦ୍‌ରୁ ପାଣି ପିଇବାରୁ ବନ୍ଦୀ ହେଲେ ହିନ୍ଦୁ ପରିବାର

ନୂଆଦିଲ୍ଲୀ: ଏଠି ପାଣି ପାଇଁ ମଧ୍ୟ ସଜା ଭୋଗିବାକୁ ପଡ଼େ। ଏହି ଦେଶରେ ଟ୍ୟାପ୍‌ରୁ ପାଣି ନେଲେ ବନ୍ଦୀ ଭଳି ନିର୍ଯାତନାର ଶିକାର ହେବାକୁ ପଡ଼େ। ହଁ ଆମେ ଆମର ପଡ଼ୋଶି ଶତ୍ରୁ ଦେଶ ପାକିସ୍ତାନ କଥା କହୁଛୁ। ପାକିସ୍ତାନର ପଞ୍ଜାବରେ ଜଣେ ଗରିବ କୃଷକକୁ ଏଭଳି ପରିସ୍ଥିତିର ସାମ୍ନା ହେବାକୁ ପଡ଼ିଛି। ମସଜିର ଟ୍ୟାପ୍‌ରୁ କୃଷକ ଜଣକ ପିଇବା ପାଇଁ ପାଣି ନେବାରୁ କୃଷକ ଜଣକୁ ବହୁ ଅସୁବିଧାର ସାମ୍ନା ହେବାକୁ ପଡ଼ିଥିଲା। ସେମାନଙ୍କୁ ମାଡ଼ ମାରିବା ସହ ବନ୍ଦୀ ମଧ୍ୟ କରିଦେଇଥିଲେ। ଏମିତି ଏକ ଘଟଣା ଦେଖିବାକୁ ମିଳିଛି ପାକିସ୍ତାନ ପଞ୍ଜାପର ରହମିୟାର ଖାନ ସହରରେ।

ସୂଳଚନା ମୁତାବକ, ଆଲାମ ରାମ ଭିଲ ତାଙ୍କ ପତ୍ନୀଙ୍କ ସହ ପୁରା ପରିବାର ବିଲରେ କପା ଚାଷ କରନ୍ତି। ଶୋଷ ଲାଗିବାରୁ ପରିବାରର କିଛି ଲୋକ ପାଖରେ ଥିବା ଏକ ମସଜିଦକୁ ପାଣିପାଇଁ ଯାଇଥିଲେ। ତେବେ ପାଣି ଆଣିବା ସମୟରେ ମସଜିଦର ପବିତ୍ରତା ନିୟମକୁ ଭାଙ୍ଗିଥିବାରୁ ସ୍ଥାନୀୟ ଜମିଦାର ଏବଂ ଲୋକ ମିଶି ଉକ୍ତ ପରିବାରକୁ ମାଡ଼ ମାରିଥିଲେ। ସେତିକିରେ ସରିନଥିଲା ବର୍ବରତାର କାହାଣୀ। କପା କାମ ସାରି ଘରକୁ ଫେରୁଥିବା ବେଳେ ସେମାନଙ୍କୁ ବନ୍ଦୀରକି ନିର୍ଯାତନା ଦେଇଥିଲେ ଲୋକେ।

ନିର୍ଯାତନାର ଶିକାର ହୋଇଥିବା ପିଡ଼ିତ ମାନେ ପୋଲିସ୍‌କୁ କହିଥିଲେ ମଧ୍ୟ ପୋଲିସ କୌଣସି ଏତଲା ରୁଜୁ କରିନଥିଲା। କାରଣ ଆକ୍ରମଣକାରୀମାନେ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ତେହେରିକ-ଇ-ଇନସାଫ ଦଳର ସ୍ଥାନୀୟ ସାଂସଦଙ୍କ ସହ ଜଡିତ ଥିଲେ। ପୋଲିସର ନିଷ୍କ୍ରିୟତାକୁ ବିରୋଧ କରି ପୀଡ଼ିତ ମାନେ ପୋଲିସ ଷ୍ଟସନ ସାମ୍ନାରେ ବିରୋଧ କରିଥିଲେ।

BCCI ଜାରି କଲା ଘରୋଇ ସୂଚୀ; କେଉଁ କେଉଁ ଟିମ୍ ସହ ଲଢିବ ଭାରତ, ଜାଣନ୍ତୁ…

ନୂଆଦିଲ୍ଲୀ: ବୋର୍ଡ ଅଫ୍ କଣ୍ଟ୍ରୋଲ୍ ଫର କ୍ରିକେଟ୍ ଇନ୍ ଇଣ୍ଡିଆ (ବିସିସିଆଇ) ସୋମବାର ଦିନ ୨୦୨୧-୨୨ ଅନ୍ତର୍ଜାତୀୟ ଘରୋଇ ସିଜନର ସୂଚୀ ଘୋଷଣା କରିଛି। ତଦନୁଯାୟୀ, ଜୁନ୍ ୨୦୨୨ ସୁଦ୍ଧା ଚାରୋଟି ଦେଶ ଭାରତ ଗସ୍ତ କରିବାର କାର୍ଯ୍ୟକ୍ରମ ରହିଛି । ୟୁଏଇ ଏବଂ ଓମାନରେ ଅନୁଷ୍ଠିତ ହେବାକୁ ଥିବା T-20 ବିଶ୍ୱକପ ପରେ ଏହି ମ୍ୟାଚ୍ ସବୁ ଆରମ୍ଭ ହେବ । ଭାରତରେ ନ୍ୟୁଜିଲ୍ୟାଣ୍ଡ ୩ଟି T-20 ଏବଂ ଦୁଇଟି ଟେଷ୍ଟ ସିରିଜ ଖେଳିବ। ଟିମ୍ ନଭେମ୍ବର ୨୦୨୧ରୁ ଜୁନ୍ ୨୦୨୨ ମଧ୍ୟରେ ଘରୋଇ ମାଟିରେ ୪ଟି ଟେଷ୍ଟ, ୧୪ T20  ଓ ୩ଟି ଏକଦିବସୀୟ ମ୍ୟାଚ୍ ଖେଳିବ ।

ନ୍ୟୁଜିଲ୍ୟାଣ୍ଡ ବିପକ୍ଷ T-20 ସିରିଜର ମ୍ୟାଚ୍ ଗୁଡିକ ଜୟପୁର, ରାଞ୍ଚି ଏବଂ କୋଲକାତାରେ ଖେଳାଯିବ । ସେହିପରି ଟେଷ୍ଟ ସିରିଜର ମ୍ୟାଚ କାନପୁର ଏବଂ ମୁମ୍ବାଇରେ ଖେଳାଯିବ। ନ୍ୟୁଜିଲ୍ୟାଣ୍ଡ ପରେ ୱେଷ୍ଟଇଣ୍ଡିଜ୍ ଟିମ୍ ଭାରତ ଗସ୍ତ ପାଇଁ ପ୍ରସ୍ତାବ ଦିଆଯାଇଛି, ଯେଉଁଠାରେ ଫେବୃଆରୀ ୨୦୨୨ରେ କାରିବିଆନ୍ ଦଳ ତିନି ମ୍ୟାଚ୍ ବିଶିଷ୍ଟ T-20 ଏବଂ ଏକଦିବସୀୟ  ସିରିଜ୍ ଖେଳିବ।

ତେବେ ODI ସିରିଜର ମ୍ୟାଚ୍ ଅହମ୍ମଦାବାଦ, ଜୟପୁର ଏବଂ କୋଲକାତାରେ ଅନୁଷ୍ଠିତ ହେବାକୁ ଥିବାବେଳେ T20 ସିରିଜ କଟକ, ଭାଇଜାଗ ଏବଂ ତ୍ରିଭେନ୍ଦ୍ରମରେ ଖେଳିବାର କାର୍ଯ୍ୟକ୍ରମ ରହିଛି ।

ମାନହାନୀ ମାମଲା: କଙ୍ଗନା କହିଲେ ‘କୋର୍ଟ ଉପରେ ଆଉ ଭରସା ନାହିଁ’

ମୁମ୍ବାଇ: ମାନହାନୀ ମାମଲାରେ ବଲିଉଡ ଅଭିନେତ୍ରୀ କଙ୍ଗନା ରାଣାୱତ ସଙ୍ଗୀତକାର ଜାଭେଦ ଅଖତରଙ୍କ ବିରୋଧରେ କାଉଣ୍ଟର କେସ୍ କରିଛନ୍ତି। କଙ୍ଗନାଙ୍କ ବିରୋଧରେ ଜାଭେଦ ଅଖତର ମାନହାନୀ କେସ୍ ଦାଏର କରିଥିବା ବେଳେ ଆଜି ବମ୍ବେର ଅନ୍ଧେରୀ କୋର୍ଟରେ ହାଜର ହୋଇଥିଲେ ।

ଅଭିନେତ୍ରୀ କଙ୍ଗନା କୋର୍ଟରେ ହାଜର ହେବା ପରେ ଏହି ମାମଲାର ଶୁଣାଣିକୁ ନଭେମ୍ବର ୧୫ ଯାଏଁ  ସ୍ଥଗିତ କରିଛନ୍ତି ।ତେବେ କଙ୍ଗନା ମଧ୍ୟ ଜାଭେଦ ଅଖତରଙ୍କ ବିରୋଧରେ କାଉଣ୍ଟର କେସ୍ କରିବା ସହ କୋର୍ଟ ଉପରେ ଆଉ ତାଙ୍କର ଭରସା ନଥିବା କହିଛନ୍ତି । ତାଙ୍କୁ କାହିଁକି ବ୍ୟକ୍ତିଗତ ଭାବେ କୋର୍ଟରେ ହାଜର ପାଇଁ କୁହାଯାଇଛି ବୋଲି ସେ ପ୍ରଶ୍ନ ମଧ୍ୟ କରିଛନ୍ତି । ତାଙ୍କ ଓକିଲ ଏହି ପ୍ରସଙ୍ଗକୁ ସିଏମଏମ କୋର୍ଟକୁ ଟ୍ରାନ୍ସଫର ପାଇଁ ଆବେଦନ କରିଛନ୍ତି। ତେବେ ପୂର୍ବ ଶୁଣାଣିରେ  କଙ୍ଗନା କୋର୍ଟରେ ହାଜର ନହୋଇଥିବା ବେଳେ କୋର୍ଟ ତାଙ୍କୁ ପ୍ରଶ୍ନ କରିଥିଲେ । ଆଉ କହିଥିଲେ, ଯଦି କଙ୍ଗନା ପରବର୍ତ୍ତୀ ଶୁଣାଣିରେ କୋର୍ଟରେ ହାଜର ନ ହୁଅନ୍ତି, ତା’ହେଲେ ତାଙ୍କ ବିରୋଧରେ ଗିରଫ ୱାରେଣ୍ଟ ଜାରି କରାଯିବ।

ସୋମବାର ଦିନ କୋର୍ଟରେ ତାଙ୍କର ଆଟେଣ୍ଡାସ୍ ମାର୍କ କରାଯାଇଥିଲା। ଏଥିସହିତ କଙ୍ଗନାଙ୍କ ଟ୍ରାନ୍ସଫର୍ ଆବେଦନ ଶୁଣାଣୀ ଆଗାମୀ ନଭେମ୍ବର ୧୫ରେ କରାଯିବ ବୋଲି ସୂଚନା ମିଳିଛି ।  ତେବେ କଙ୍ଗନାଙ୍କ ଓକିଲ ଯୁକ୍ତି କରିଛନ୍ତି ଯେ ମାମଲାରେ ଜାମିନ ପାଇବା ପରେ ମଧ୍ୟ ତାଙ୍କ ମହକିଲଙ୍କୁ ବାରମ୍ବାର କୋର୍ଟରେ ହାଜର ହେବାକୁ ବାଧ୍ୟ କରାଯାଉଛି ।

ଦାନା ବାନ୍ଧୁଛି ଆଉ ଏକ ଲଘୁଚାପ: ୨୬ରୁ ରାଜ୍ୟର ଅଧିକାଂଶ ଜିଲ୍ଲାରେ ବର୍ଷିବ

ଭୁବନେଶ୍ୱର: ପୁଣି ବଙ୍ଗୋପସାଗରରେ ଦାନା ବାନ୍ଧୁଛି ଆଉ ଏକ ଲଘୁଚାପ । ୨୬ରୁ ରାଜ୍ୟର ଅଧିକାଂଶ ଜିଲ୍ଲାରେ ପ୍ରବଳ ବର୍ଷା ସମ୍ଭାବନା । ୨୫ରେ ପୂର୍ବ-କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟି ହେବ ଘୂର୍ଣ୍ଣିବଳୟ । ଉତ୍ତର-ପୂର୍ବ ବଙ୍ଗୋପସାଗର ଅଞ୍ଚଳରେ ଘୁର୍ଣ୍ଣିବଳୟର ପ୍ରଭାବ ବଢିବ । ଘନିଭୂତ ହୋଇ ୪୮ ଘଣ୍ଟା ପରେ ପଶ୍ଚିମ-ଉତ୍ତର-ପଶ୍ଚିମ ଦିଗରେ ଗତି କରିବ । ପରେ ଉପକୂଳ ଓଡିଶା ଆଡ଼କୁ ମୁହାଁଇବ ।

୨୬ ତାରିଖରୁ ରାଜ୍ୟରେ ପ୍ରବଳ ବର୍ଷା ସମ୍ଭାବନା । ସୂଚନା ଦେଲା ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର । ୨୫ ସେପ୍ଟେମ୍ବର ବେଳକୁ ପୂର୍ବ-କେନ୍ଦ୍ରୀୟ ତତ-ସଂଲଗ୍ନ ଉତ୍ତର-ପୂର୍ବ ବଙ୍ଗୋପସାଗର ଅଞ୍ଚଳରେ ଘୁର୍ଣ୍ଣିବଳୟ ସୃଷ୍ଟି ହେବାର ସମ୍ଭାବନା। ସୃଷ୍ଟି ହେବାର ୪୮ ଘଣ୍ଟା ପରେ ପଶ୍ଚିମ-ଉତ୍ତର-ପଶ୍ଚିମ ଦିଗରେ ଗତି କରି ଓଡିଶା ଉପକୂଳରେ ପହଞ୍ଚିବା ସମ୍ଭାବନା । ୨୬ ତାରିଖରୁ ରାଜ୍ୟରେ ପ୍ରବଳ ବର୍ଷା ସହ ବୃଦ୍ଧି ହେବା ନେଇ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ଆକଳନ ।

ଏଥିସହିତ ପଢ଼ନ୍ତୁ: ବିଦ୍ୟାଭାରତୀଙ୍କୁ କ୍ରାଇମବ୍ରାଞ୍ଚର ୫୦ ପ୍ରଶ୍ନ: ପରକୀୟାପ୍ରୀତି ନେଇ ମଧ୍ୟ କରିଛି ପ୍ରଶ୍ନ

ପର୍ଣ୍ଣୋଗ୍ରାଫି ମାମଲାରେ ରାଜ କୁନ୍ଦ୍ରାଙ୍କୁ ମିଳିଲା ଜାମିନ

ମୁମ୍ବାଇ: ପର୍ଣ୍ଣୋଗ୍ରାଫି ମାମଲାରେ ବଲିଉଡ ଅଭିନେତ୍ରୀ ଶିଳ୍ପା ସେଟ୍ଟୀଙ୍କ ସ୍ବାମୀ ତଥା ବିଜନେସମ୍ୟାନ୍ ରାଜ କୁନ୍ଦ୍ରାଙ୍କୁ ମୁମ୍ବାଇ କୋର୍ଟ ଜାମିନ ପ୍ରଦାନ କରିଛନ୍ତି । କୋର୍ଟ ପକ୍ଷରୁ ତାଙ୍କୁ ୫୦ ହଜାର ଟଙ୍କାର ମୁଚାଲିକାରେ ଜାମିନ ପ୍ରଦାନ କରାଯାଇଛି । ପୂର୍ବରୁ ପର୍ଣ୍ଣୋଗ୍ରାଫିକ ଫିଲ୍ମ ସୁଟିଂ କରି ଅର୍ଥ ଲାଭ କରୁଥିବା ଅଭିଯୋଗରେ ଗିରଫ ହୋଇଥିଲେ କୁନ୍ଦ୍ରା।

ବିଭିନ୍ନ ଆପରେ କୁନ୍ଦ୍ରା ଅଶ୍ଳୀଳ ଫିଲ୍ମର ବ୍ୟବସାୟ ଚଳାଇଥିବା ଅଭିଯୋଗ ମଧ୍ୟ ହୋଇଥିଲା। ଚଢାଉ ବେଳେ କୁନ୍ଦ୍ରାଙ୍କ ଘରୁ ପୁଳାପୁଳା ଟଙ୍କାର ସନ୍ଧାନ କରି ତରାଟି ହୋଇଯାଇଥିଲା କ୍ରାଇମ ବ୍ରାଞ୍ଚ ଆଖି । ଗତ ଫେବ୍ରୁଆରୀ ୪ ତାରିଖରୁ ପର୍ଣ୍ଣ ଫିଲ୍ମ ରାକେଟର ଗୁମୁର ଫିଟିବା ଆରମ୍ଭ ହୋଇଥିଲା । କୁନ୍ଦ୍ରାଙ୍କୁ ନାଁରେ ଆଇପିସିର ଧାରା ୪୨୦, ୩୪, ୨୯୨, ୨୯୩ ଓ ଆଇଟି ଆକ୍ଟର ୬୭, ୬୭-କ ଧାରାରେ କରାଯାଇଥିଲା ଗିରଫ।

ତେବେ ଅନେକ ନବାଗତାଙ୍କୁ ସିନେମା ଓ ଟିଭିରେ ଅଭିନୟ କରିବା ଲୋଭ ଦେଖାଇ କୁନ୍ଦ୍ରାଙ୍କ ନେଟଓ୍ବାର୍କରେ ଚାଲିଥିଲା ବ୍ଲାକମେଲିଂ । ହ୍ବାଟସଆପ, ଇନଷ୍ଟାଗ୍ରାମ, ଟ୍ବିଟର ଆଦି ସାଇଟରେ ଏହାର ଟ୍ରେଲର ପ୍ରସାରଣ କରିବା ପରେ ବିଭିନ୍ନ ପର୍ଣ୍ଣ ସାଇଟ, ମୋବାଇଲ ଆପରେ ଏହି ଭିଡିଓ ଲୋଡ କରୁଥିଲେ ଗ୍ୟାଙ୍ଗ । ପର୍ଣ୍ଣ ଇଣ୍ଡଷ୍ଟ୍ରିରେ କୁନ୍ଦ୍ରା ନିବେଶ କରିଥିଲେ ପ୍ରାୟ ୧୦ କୋଟି ଟଙ୍କା ।

ଅଧିକ ପଢନ୍ତୁ- ଇନ୍‌ସାଇଡର ଟ୍ରେଡିଂ ଅଭିଯୋଗରେ ରାଜ କୁନ୍ଦ୍ରା ଓ ଶିଳ୍ପା ସେଟ୍ଟୀଙ୍କୁ ୩ଲକ୍ଷ ଟଙ୍କାର ଜରିମାନା ଲଗାଇଲେ SEBI   

ତେବେ ତଳ କୋର୍ଟରେ ଜାମିନ ଆବେଦନ ଖାରଜ ହୋଇଥିବାବେଳେ ପରେ ବମ୍ବେ ହାଇକୋର୍ଟରେ ଆବେଦନ କରିଥିଲେ ରାଜ କୁନ୍ଦ୍ରା ।  ୨୦୨୦ ମସିହାରେ ପର୍ଣ୍ଣ ଫିଲ୍ମ ରାକେଟରେ ସାଇବର ପୁଲିସ ଦ୍ୱାରା ପଞ୍ଜୀକୃତ ମାମଲାରେ ଜାମିନ ଲାଗି କୋର୍ଟଙ୍କ ଦ୍ୱାରସ୍ଥ ହୋଇଥିଲେ ରାଜ କୁନ୍ଦ୍ରା । ସେ ତାଙ୍କ ଆବେଦନରେ କହିଥିଲେ ଯେ ଗତ ବର୍ଷ ସାଇବର ପୋଲିସ ଦ୍ୱାରା ପଞ୍ଜୀକୃତ ହୋଇଥିବା ଏତଲାରେ ତାଙ୍କ ନାମ ଅନ୍ତର୍ଭୁକ୍ତ ହୋଇନାହିଁ। ପୂର୍ବରୁ ପୋଲିସକୁ ନିଜର ବିବୃତ୍ତି ଦେଇଛନ୍ତି ଏବଂ ତଦନ୍ତରେ ସମ୍ପୂର୍ଣ୍ଣ ସହଯୋଗ କରିଛନ୍ତି । ଏବଂ ତାଙ୍କ ବିରୋଧରେ କୌଣସି ପ୍ରମାଣ ନାହିଁ ବୋଲି ସେ ଆବେଦନରେ ଦର୍ଶାଇଥିଲେ।