spot_img
Home Blog Page 5409

ଆଶା ସଞ୍ଚାର କରୁଛି ସାମ୍ଭାବ୍ୟ ଲଘୁଚାପ, ବଢିପାରେ ବର୍ଷାର ପରିଣାମ

ଭୁବନେଶ୍ୱର: ତିନିମାସର ଲୁଚକାଳି ଖେଳ ପରେ ଆଶା ସଞ୍ଚାର କରୁଛି ସାମ୍ଭାବ୍ୟ ଲଘୁଚାପ । ସେପ୍ଟେମ୍ବର ୫ ତାରିଖରେ ସୃଷ୍ଟି ହେବାକୁ ଥିବା ଲଘୁଚାପ ପ୍ରଭାବରେ ରାଜ୍ୟରେ ବର୍ଷାର ପରିମାଣ ବୃଦ୍ଧି ପାଇବ । ମୌସୁମୀ ଟ୍ରପଲାଇନ୍ ପ୍ରଭାବରେ ଆସନ୍ତା ଦୁଇ ଦିନ ପର୍ଯ୍ୟନ୍ତ ରାଜ୍ୟର କିଛି ସ୍ଥାନରେ ଘଡଘଡି ବିଜୁଳି ସହ ବର୍ଷା ହେବାର ସମ୍ଭାବନା ରହିଛି । ୪ ତାରିଖ ବେଳକୁ ରାଜ୍ୟରେ ବର୍ଷାର ପରିମାଣ ବଢିବ । ବିଶେଷ କରି ଦକ୍ଷିଣ ଓଡ଼ିଶାରେ ବର୍ଷାର ପରିମାଣ ବଢିବ ।

ମାଲକାନଗିରି, କୋରାପୁଟ, ନବରଙ୍ଗପୁର, ନୂଆପଡା, କଳାହାଣ୍ଡି, କନ୍ଧମାଳ, ବୌଦ୍ଧ, ଅନୁଗୁଳ, କେନ୍ଦୁଝର, ମୟୁରଭଞ୍ଜ ଏବଂ ବଲାଙ୍ଗିରରେ ପ୍ରବଳରୁ ଅତି ପ୍ରବଳ ବର୍ଷା ହେବା ନେଇ ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର । ସେପଟେ ଚଳିତ ମୌସୁମୀ ସିଜିନ୍ ଅନୁସାରେ ଜୁନ୍ ୧ ତାରିଖରୁ ସେପ୍ଟେମ୍ବର ୧ ତାରିଖ ପର୍ଯ୍ୟନ୍ତ ରାଜ୍ୟରେ ୯୩୫.୮ ମିଲିମିଟର ବର୍ଷା ହେବାକଥା । କିନ୍ତୁ ଏହି ସମୟ ମଧ୍ୟରେ ୬୬୬.୧ ମିଲିମିଟର ବର୍ଷା ରେକର୍ଡ କରାଯାଇଛି । ଯାହା ସ୍ବାଭାବିକ ବର୍ଷାଠାରୁ ୨୯ ପ୍ରତିଶତ କମ୍ ।

୭ଟି ଜିଲ୍ଲାରେ ସ୍ୱାଭାବିକ ବର୍ଷା ହୋଇଥିବା ବେଳେ ୨୩ ଜିଲ୍ଲାରେ ନିଅଣ୍ଟିଆ ବର୍ଷା ରେକର୍ଡ କରାଯାଇଛି । ମାଲକାନଗିରି, ଖୋର୍ଦ୍ଧା, କୋରାପୁଟ, କଟକ,ପୁରୀ, କେନ୍ଦ୍ରାପଡା, ଏବଂ ଜଗତସିଂହପୁରରେ ସ୍ବାଭାବିକ ବର୍ଷା ହୋଇଥିବା ବେଳେ ବାକି ସବୁ ଜିଲ୍ଲାରେ ନିଅଣ୍ଟିଆ ବର୍ଷା ରେକର୍ଡ ହୋଇଛି । ୪୦ କିମ୍ବା ତାଠାରୁ ଅଧିକ ନିଅଣ୍ଟିଆ ବର୍ଷା ପାଇଁ ୩ ଟି ଜିଳ୍ଲା ଭଦ୍ରକ, ବଲାଙ୍ଗିର ଏବଂ ଯାଜପୁର ସର୍ବାଧିକ ପ୍ରଭାବିତ ହୋଇଛି । ବାକି ୨୦ ଜିଲ୍ଲାରେ ୨୦ରୁ ୩୯ ପ୍ରତିଶତ ନିଅଣ୍ଟିଆ ରହିଛି । କେବଳ ଅଗଷ୍ଟ ମାସରେ ୪୪ ପ୍ରତିଶତ ନିଅଣ୍ଟିଆ ବର୍ଷା ହୋଇଥିବା ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ କୁହାଯାଇଛି ।

୨୬ ବର୍ଷରେ ପାଇଲେ ବାପାର ପରିଚୟ; ଇନଷ୍ଟାଗ୍ରାମରେ ହେଲା ଭେଟ

ଆମେରିକାର ଜଣେ ୨୬ ବର୍ଷୀୟ ଯୁବକ ପ୍ରଥମ ଥର ପାଇଁ ନିଜ ବାଏଲୋଜିକାଲ୍ ବାପାଙ୍କୁ ସୋସିଆଲ୍ ମିଡିଆରେ ସାକ୍ଷାତ କରିଛନ୍ତି । ସମ୍ପୃକ୍ତ ବ୍ୟକ୍ତି ଜଣକ ଏହି କଥାବାର୍ତ୍ତାର ଚାର୍ଟକୁ ମଧ୍ୟ ସୋସିଆଲ୍ ମିଡିଆରେ ଶେୟାର କରିଛନ୍ତି । ଆଉ ଏହି ଚାର୍ଟ ଦେଖୁଦେଖୁ ଖୁବ୍ ଭାଇରାଲ୍ ହେବାରେ ଲାଗିଛି ।

ଡେଲି ମେଲର ଏକ ରିପୋର୍ଟ ଅନୁଯାୟୀ, କେମରୁନ୍ ନାମକ ଜଣେ ଯୁବକ ୧୮ ବର୍ଷ ବୟସରେ ଜାଣିବାକୁ ପାଇଥିଲେ ଯେ, ସେ ଯାହାକୁ ବାପା ବୋଲି ଡାକୁଛନ୍ତି ସେ ତାଙ୍କର ପ୍ରକୃତ ବାପା ନୁହଁନ୍ତି । କିନ୍ତୁ ଡିଏନଏ ପରୀକ୍ଷା କରିବା ଲାଗି ସେ ପାଖାପାଖି ୨୬ ବର୍ଷ ଯାଏଁ ଅପେକ୍ଷା କରିଥିଲେ ।

ଏହି ସମୟ ଭିତରେ ୨୦୨୦ ମସିହା ଜୁନ୍ ରେ କେମରୁନ୍ ସୋସିଆଲ୍ ମିଡିଆରେ ଜଣେ ବ୍ୟକ୍ତିଙ୍କୁ ଭେଟିଥିଲେ, ଆଉ ତାଙ୍କୁ ନିଜର ବାଏଲୋଜିକାଲ୍ ବାପା ବୋଲି ସନ୍ଦେହ କରିଥିଲେ । ଧିରେଧିରେ ତାଙ୍କ ସହ ଚାର୍ଟିଂ ଆରମ୍ଭ କରିଥିଲେ ଆଉ ଦୁହେଁ ପରସ୍ପର ସହ ଫୁଟେଜ ଶେୟାର କରିଥିଲେ । ପରେ ସେମାନେ ପରସ୍ପରକୁ ଦେଖା ମଧ୍ୟ କରିଥିଲେ ।

କେମରୁନ୍ ନିକଟରେ ଟ୍ୱିଟର୍ ରେ ନିଜର ଏହି କାହାଣୀ ଶେୟାର କରିଥିଲେ । ଯେଉଁଥିରେ ବାଏଲୋଜିକାଲ୍ ପିତାଙ୍କ ସହ ସ୍କ୍ରିନସଟ୍ ଥିଲା ।

୨୦୧୪ ତୁଳନାରେ ୨୬ ପ୍ରତିଶତ କମ୍ ରହିଛି ଅଶୋଧିତ ତୈଳ: ସରକାର ଆୟ କରିଛନ୍ତି ୨୩ ଲକ୍ଷ କୋଟି

ନୂଆଦିଲ୍ଲୀ: ବୁଧବାର ବିଭିନ୍ନ ପ୍ରସଂଗରେ କେନ୍ଦ୍ର ସରକାରଙ୍କୁ ଘେରିଛନ୍ତି କଂଗ୍ରସ ନେତା ରାହୁଲ ଗାନ୍ଧୀ । ମନିଟାଇଜେସନ୍ ଠାରୁ ନେଇ ଦରବୃଦ୍ଧି ପ୍ରସଂଗରେ କେନ୍ଦ୍ରକୁ ସମାଲୋଚନା କରିଛନ୍ତି । ପୂର୍ବରୁ ପ୍ରଧାନମନ୍ତ୍ରୀ ଡିମନିଟାଇଜେସନ୍ କରିଥିବା ବେଳେ ଏବେ ଅର୍ଥମନ୍ତ୍ରୀ ମନିଟାଇଜେସନ୍ କଥା କହୁଛନ୍ତି । ଏହା ଦ୍ୱାରା କେବଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୪ରୁ ୫ ଜଣ ବ୍ୟବସାୟୀ ବନ୍ଧୁ ଲାଭବାନ ହେବେ । ସେହିଭଳି ଦରବୃଦ୍ଧି ପ୍ରସଂଗରେ ସେ କହିଛନ୍ତି ଯେ, ୨୦୧୪ ମସିହାରେ ୟୁପିଏ ସରକାର ଅଫିସ୍ ଛାଡ଼ିଲା ବେଳକୁ ଗ୍ୟାସ୍ ସିଲିଣ୍ଡର ପିଛା ୪୧୦ ଟଙ୍କା ରହିଥିବା ବେଳେ ବର୍ତ୍ତମାନ ଏହା ୮୮୫ ଟଙ୍କାରେ ପହଞ୍ଚିଲାଣି । ଗ୍ୟାସ୍ ସିଲିଣ୍ଡର ଦର ୧୧୬ ପ୍ରତିଶତ ବଢ଼ିଥିବା ବେଳେ ୨୦୧୪ଠାରୁ ପେଟ୍ରୋଲ ଦର ଏଯାବତ୍ ୪୨ ପ୍ରତିଶତ ଓ ଡିଜେଲ ଦର ୫୫ ପ୍ରତିଶତ ବଢ଼ିଛି । ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦର କମିବା ସତ୍ତ୍ୱେ ମୋଦି ସରକାର ପ୍ରେଟ୍ରୋଲିୟମ୍ ସାମଗ୍ରୀ ଉପରେ ଦରବୃଦ୍ଧି କରୁଛନ୍ତି ।

ଅପରପକ୍ଷରେ ମନିଟାଇଜେସନ୍ ନାଁରେ ସରକାର ଦେଶର ମୂଲ୍ୟବାନ ସମ୍ପତ୍ତି ବିକ୍ରି କରୁଥିବା ରାହୁଲ ଅଭିଯୋଗ କରିଛନ୍ତି । ସେ କହିଛନ୍ତି ଯେ ‘ଆମ ସମୟରେ ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦର ୩୨ ପ୍ରତିଶତରୁ ଅଧିକ ଆଉ ଏବେ ଅଶୋଧିତ ତୈଳ ଦର ୨୬ ପ୍ରତିଶତରରୁ କମ୍ ରହିଛି । ଅନ୍ତର୍ଜାତୀୟ ବଜାରରେ ଦାମ୍ କମୁଛି କିନ୍ତୁ ଭାରତରେ ଦାମ୍ ବଢ଼ୁଛି । ’

ଜିଡିପିର ନୂଆ ପରିଭାଷା

ସରକାର ଜିଡିପିର ପରିଭାଷାକୁ ବଦଳାଇଦେଇଥିବା କହିଛନ୍ତି ରାହୁଲ । ସରକାର ଜିଡିପିରେ ପେଟ୍ରୋଲ, ଡିଜେଲ ଓ ଗ୍ୟାସ୍ ଆୟକୁ ଯୋଡ଼ିଦେଇଛନ୍ତି । ସରକାର ଏବାବଦକୁ ୨୩ ଲକ୍ଷ କୋଟି ଟଙ୍କା ଆୟ କରିଛନ୍ତି । ଆଉ ଏହି ଟଙ୍କା କୁଆଡ଼େ ଗଲା ବୋଲି ପ୍ରଶ୍ନ କରିଛନ୍ତି ରାହୁଲ ।

ସରକାର ଭୟଭୀତ

ରାହୁଲ କହିଛନ୍ତି ଯେ, ପ୍ରଧାନମନ୍ତ୍ରୀ ଓ ଅର୍ଥମନ୍ତ୍ରୀ ଭୟଭୀତ । ସେ ବୁଝିପାରୁନାହାନ୍ତି ଯେ, କ’ଣ କରିବାକୁ ପଡ଼ିବ । ଆମ ପ୍ରଧାନମନ୍ତ୍ରୀ ଭୟଭୀତ । ଏହାକୁ ଦେଖି ଚୀନ ମଧ୍ୟ ତା’ ଯୋଜନା ପ୍ରସ୍ତୁତ କରୁଛି । ଦେଶର ନେତୃତ୍ୱ ଓ ଆର୍ଥିକ ସ୍ଥିତି  ସଂକଟରେ ଥିବାରୁ ଯାହା ବାହାର କରାଯାଇପାରିବ ତାହା ବାହାର କରିଦିଆଯାଉଛି ।

ଏଥିସହିତ ପଢ଼ନ୍ତୁ: ପୁଣି ଫେଲ୍ ମାରିଲା ପଞ୍ଜଶୀରରେ ପ୍ରବେଶ ଉଦ୍ୟମ: ୩୫୦ ଜଣ ତାଲିବାନୀ ନିପାତ

ଯୁବତୀଙ୍କୁ ପ୍ରେମ କଲେ, ଯୁବତୀଙ୍କ ମାଆ ଆକାଉଣ୍ଟରୁ ଟଙ୍କା ଲୁଟିନେଲେ

ଝାରସୁଗୁଡ଼ା:  ଯୁବତୀଙ୍କୁ ବିବାହର ପ୍ରଲୋଭନ ଦେଖାଇ ଟଙ୍କା ଲୁଟ ଅଭିଯୋଗରେ ୱେବ ପୋର୍ଟାଲ ସାମ୍ବାଦିକ ଗିରିଫ । ଗିରଫ ଜଣକ ହେଲେ ଜନନୀ ପୋର୍ଟାଲର ସାମ୍ବାଦିକ ଦୀପକ ଦେହୁରୀ । ମିଲିଥିବା ସୂଚନା ମୁତାବକ ଦୀପକ ଝାରସୁଗୁଡ଼ା ବଡମାଲ ଥାନା ଅଞ୍ଚଳର ଜଣେ ଯୁବତୀଙ୍କୁ ପ୍ରେମ ଜାଲରେ ଫସାଇବା ସହ ବିବାହର ପ୍ରଲୋଭନ ଦେଖାଇଥିଲେ  । ପରବର୍ତ୍ତୀ ସମୟରେ ଭଲ ପାଇବାର ସୁଯୋଗ ନେଇ ଉକ୍ତ ବ୍ୟକ୍ତି ଜଣଙ୍କ  ଯୁବତୀଙ୍କ ମାଆଙ୍କ ଆକାଉଣ୍ଟରେ ଥିବା ୨ଲକ୍ଷ ୫୦ ହଜାର ଟଙ୍କା ନେଇ ଫେରାର ମାରିଥିଲେ ।

ଏନେଇ ଥାନାରେ ଅଭିଯୋଗ କରିଥିଲେ ଯୁବତୀଙ୍କ ପରିବାର  ।  ଅଭିଯୋଗ ପରେ ସୁନ୍ଦରଗଡ଼ ଦର୍ଲିପାଲିରୁ ଅଭିଯୁକ୍ତ ସାମ୍ବାଦିକଙ୍କୁ ଗିରଫ କରିବାରେ ସଫଳ ହୋଇଛି ପୋଲିସ । ତାଙ୍କ ପାଖରୁ ଜନନୀ news ପୋର୍ଟାଲର ସାମ୍ବାଦିକ ପରିଚୟପତ୍ର, ବିଭିନ୍ନ ସନ୍ଦିଗ୍ଧ କାଗଜପତ୍ର ଜବତ କରିଛି ପୋଲିସ । ଗିରଫ ଯୁବକର ଘର ରାଉରକେଲା ଅଞ୍ଚଳରେ ବୋଲି ପୋଲିସ ସୂଚନା ଦେଇଛି । ଭୁବନେଶ୍ୱରରେ କିଛି ନ୍ୟୁଜ ପୋର୍ଟାଲ ସାମ୍ବାଦିକ ଜଣେ ବ୍ୟକ୍ତିଙ୍କୁ ଅପହରଣ କରି ବଟି ମାଗୁଥିବା ନେଇ ଅଭିଯୋଗ ହୋଇଥିଲା  ।

ପୋଲିସ ତଦନ୍ତ ଚଳାଇବା ସହିତ ଉକ୍ତ ବ୍ୟକ୍ତି ଜଣଙ୍କୁ ଉଦ୍ଧାର କରିଥିଲେ  । ଘଟଣାରେ ସଂଶ୍ଲିଷ୍ଟ ଥିବା ସାମ୍ବାଦିଙ୍କୁ ଗିରଫ କରିଛି ପୋଲିସ  । ସେପଟେ ଝାରସୁଗୁଡ଼ାରୁ ମଧ୍ୟ ଆସିଛି ଏଭଳି ଏକ ଘଟଣା  । ଦିନକୁ ଦିନ ନ୍ୟୁଜ ପୋଟାର୍ଲର ମାତ୍ରାଧିକ ବୃଦ୍ଧି ସାଙ୍ଗକୁ ସାମ୍ବାଦିକ ପରିଚୟ ଦେଇ ଅନେକ ଦଲାଲଗିରି କରୁଥିବା ଅଭିଯୋଗ ହୋଇ ଆସିଛି  । ଯାହାକୁ ନେଇ ଏବେ ଚିନ୍ତାରେ ପୋଲିସ  ବିଭାଗ ।

ଗୀତ ଗାଇ ପ୍ରତିବାଦ, ଷ୍ଟେଜ ସୋ ପାଇଁ ଅନୁମତି ମାଗିଲେ ଗାୟକ ଓ ଗୀତିକାର

ଭୁବନେଶ୍ୱର: ଗାୟକ ଓ ଗୀତିକାରଙ୍କ ଅଭିନବ ପ୍ରତିବାଦ । ଗଛମୂଳରେ ଗୀତଗାଇ ରାଜ୍ୟ ସରକାରଙ୍କୁ ନିବେଦନ କରିଛନ୍ତି ସଂଗୀତ କଳାକାର । କରୋନା କଟକଣା ମଧ୍ୟରେ ଷ୍ଟେଜ୍ ସୋ’କୁ ଅନୁମତି ଦେବାକୁ ଗୁହାରି କରିଛନ୍ତି ଏହି କଳାକାର । ଏନେଇ ମୁଖ୍ୟମନ୍ତ୍ରୀ ଏବଂ ସଂସ୍କୃତି ମନ୍ତ୍ରୀଙ୍କୁ ଦାବିପତ୍ର ପ୍ରଦାନ କରିଛି ଓଡିଆ ମ୍ୟୁଜିକ ଆର୍ଟିଷ୍ଟ ୱେଲଫେଆର ଆସୋସିଏସନ । ଆସୋସିଏସନର କହିବା ଅନୁଯାୟୀ, ବାହାଘର ଭଳି ଅଢେଇଶହ ଲୋକରେ ବି ହୋଇପାରିବ ଷ୍ଟେଜ୍ ସୋ’ । ତେଣୁ ଷ୍ଟେଜ ସୋ କୁ ଅନୁମତି ମାଗିଛନ୍ତି କଣ୍ଠଶିଳ୍ପୀ ଏବଂ ସଙ୍ଗୀତକାର  ।

ଏଥିପାଇଁ ଅନୁମତି ଦେବାକୁ ନିବେଦନ କରାଯାଇଛି । ଗତ ୮ମାସ ହେବ ରୋଜଗାର ହରାଇ ଆର୍ଥିକ ଭାରସାମ୍ୟ ହରାଇଛନ୍ତି ମଞ୍ଚ ସଂଗୀତ କଳାକାର । କିଛି କଳାକାର ନିଜର ବାଦ୍ୟଯନ୍ତ୍ର ବିକ୍ରି କରିସାରିଥିବା ବେଳେ, କେହିକେହି ନିଜର ବୃତ୍ତି ପରିବର୍ତ୍ତନ କରି ପରିବା, ମାଛ, ଛତୁ ଆଦି ରାସ୍ତା କଡରେ ବିକ୍ରୟ କରୁଛନ୍ତି । ଏଥିଲାଗି ଆଗାମୀ ଗଣେଶ ପୂଜାଠାରୁ ମଞ୍ଚ ସଂଗୀତ କାଯ୍ୟକ୍ରମ ପରିବେଷଣ ର ଅନୁମତି ପ୍ରଦାନ କରିବାକୁ ଦାବି କରିଛି ଆସୋସିଏସନ।

ଆଇସିୟୁରେ ଭର୍ତ୍ତି ହେଲେ ସାଏରା ବାନୋ

ମୁମ୍ବାଇ: ଦିବଙ୍ଗତ ଅଭିନେତା ଦିଲୀପ କୁମାରଙ୍କ ପତ୍ନୀ ସାଏରା ବାନୋ ଆଇସିୟୁରେ ଭର୍ତ୍ତି ହୋଇଛନ୍ତି । ନିକଟ ଅତୀତରେ ସ୍ୱାସ୍ଥ୍ୟ ଜନିତ ସମସ୍ୟା ଯୋଗୁଁ ସେ ମୁମ୍ବାଇର ହିନ୍ଦୁଜା ହସ୍ପିଟାଲରେ ଭର୍ତ୍ତି ହୋଇଥିଲେ ।

ସୂଚନା ଅନୁଯାୟୀ, ସାଏରା ଗତ ୩ ଦିନ ତଳେ ବ୍ଲଡ୍ ପ୍ରେସର କାରଣରୁ ମେଡିକାଲରେ ଭର୍ତ୍ତି ହୋଇଥିଲେ। ଯାହା ପରେ ତାଙ୍କୁ ଆଇସିୟୁକୁ ସ୍ଥାନାନ୍ତରିତ କରାଯାଇଥିଲା ।

https://www.instagram.com/p/CSUFkC-hoAa/?utm_source=ig_web_copy_link

ନିକଟରେ ସାଏରା ତାଙ୍କ ପତି ଦିଲୀପ କୁମାରଙ୍କୁ ହରାଇଥିଲେ । ସାଏରା ଓ ଦିଲୀପ ପ୍ରାୟ ୫୪ ବର୍ଷ ହେବ ଏକାଠି ରହିଥିବା ବେଳେ ତାଙ୍କ ପ୍ରେମ କାହାଣୀ ମଧ୍ୟ ଖୁବ୍ ଚର୍ଚ୍ଚିତ ।

ଅଧିକ ପଢନ୍ତୁ- ଚାଲିଗଲେ ଦିଲୀପ କୁମାର, ୯୮ ବର୍ଷ ବୟସରେ ଦେହାନ୍ତ

ହିନ୍ଦୀ ସିନେମାର ଜଣେ ଭେଟରାନ କଳାକାର ଥିଲେ ଦିଲୀପ କୁମାର । ୯୮ ବର୍ଷ ବୟସରେ ତାଙ୍କର ଦେହାନ୍ତ ହୋଇଥିଲା। ଦିଲୀପଙ୍କ ପ୍ରଥମ ହିଟ୍ ଫିଲ୍ମ ଥିଲା ଜୁଗନୁ । ଯେଉଁଥିରେ ସେ ଅଭିନେତ୍ରୀ ନୁର ଜହାନଙ୍କ ନଜର ଆସିଥିଲେ । ଏହା ପରେ ଦିଲୀପ ସହିଦ ଓ ମେଲା ଭଳି ହିଟ୍ ଫିଲ୍ମ ଦର୍ଶକଙ୍କୁ ଭେଟି ଦେଇଥିଲେ । ପରେ ସେ ନରଗିସ୍ ଓ ବନ୍ଧୁ ରାଜ କପୁରଙ୍କ ସହ ଫିଲ୍ମ ସବନମରେ କାମ କରିଥିଲେ । ଏହି ଫିଲ୍ମ ବକ୍ସ ଅଫିସରେ ହିଟ୍ ହୋଇଥିଲା । ୧୯୫୦ର ସମୟ ଦିଲୀପ କୁମାରଙ୍କର ଥିଲା । ସେତେବେଳେ ତାଙ୍କର ପ୍ରତିଟି ଫିଲ୍ମ ହିଟ୍ ହେଉଥିଲା । ଦିଲୀପ ଅନେକ ଗମ୍ଭୀର ଅଭିନୟ କରିଥିଲେ । ଫଳରେ ତାଙ୍କୁ ବଲିଉଡର ଟ୍ରାଜେଡି କିଙ୍ଗ ନାଁ ମିଳିଥିଲା ।

 

ଲଗାତର ଦ୍ୱିତୀୟ ଥର ପାଇଁ ୧ଲକ୍ଷ କୋଟି ଟପିଲା ଜିଏସ୍‌ଟି ସଂଗ୍ରହ, କିନ୍ତୁ ପୂର୍ବାପେକ୍ଷା କମିଛି

ନୂଆଦିଲ୍ଲୀ: ୧ଲକ୍ଷ କୋଟି ଟପିଲା ଦ୍ରବ୍ୟ ଓ ସେବା କର (ଜିଏସ୍‌ଟି) ସଂଗ୍ରହ । ଲଗାତାର ଦ୍ୱିତୀୟ ମାସ ପାଇଁ ୧ଲକ୍ଷ କୋଟି ଟପିଲା ଜିଏସଟି ସଂଗ୍ରହ । ଅଗଷ୍ଟ ମାସରେ ଜିଏସ୍‌ଟି ବାବଦକୁ ସରକାର ୧.୧୨ ଲକ୍ଷ କୋଟି ଟଙ୍କା ସଂଗ୍ରହ କରିଛନ୍ତି। ଏହା ଗତବର୍ଷ ଏହି ସମୟରେ ସଂଗ୍ରହ ହୋଇଥିବା ଜିଏସ୍‌ଟି ରାଜସ୍ୱ ଠାରୁ ୩୦% ଅଧିକ। କିନ୍ତୁ ଜୁଲାଇ ମାସରେ ହୋଇଥିବା ଜିଏସ୍‌ଟି ତୁଳନାରେ କମ୍ । ଜୁଲାଇ ମାସରେ ୧.୧୬ଲକ୍ଷ କୋଟି ଆଦାୟ ହୋଇଥିଲା । ୨୦୨୧ ମସିହା ଅଗଷ୍ଟ ମାସରେ ଜିଏସ୍‌ଟି ରାଜସ୍ୱ ସଂଗ୍ରହ ପରିମାଣ ୧,୧୨,୦୨୦ କୋଟି ରହିଛି। ଏହା ମଧ୍ୟରେ କେନ୍ଦ୍ରୀୟ ଜିଏସ୍‌ଟିର ପରିମାଣ ୨୦,୫୨୨ କୋଟି ଓ ରାଜ୍ୟ ଜିଏସ୍‌ଟି ୨୬,୬୦୫ କୋଟି ରହିଥିବା ବେେଳ ୫୬ ହଜାର ୨୪୭ କୋଟି ଆଜିଏସଟି ରହିଛି ।

ତେବେ ଏଥର ଜୁଲାଇ ମାସ ତୁଳନାରେ କମ ହୋଇଥିଲେ ହେଁ ୨୦୨୦ ଅଗଷ୍ଟ ମାସରେ ୮୬,୪୪୯ କୋଟିର ଜିଏସ୍‌ଟି ସଂଗ୍ରହ ତୁଳନାରେ ୩୦ ପ୍ରତିଶତ ଅଧିକ । ଦୀର୍ଘ ୯ ମାସ ଜିଏସ୍‌ଟି ରାଜସ୍ୱ ସଂଗ୍ରହ ୧ ଲକ୍ଷ କୋଟି ଟଙ୍କା ଉପରେ ରହିବା ପରେ ଚଳିତ ବର୍ଷ ଜୁନ ମାସରେ ଏହା ହ୍ରାସ ପାଇଥିଲା। ମହାମାରୀ କରୋନାର ଦ୍ୱିତୀୟ ଲହର ପାଇଁ ଏପରି ଘଟିଥିବା କୁହାଯାଇଥିଲା। ତେବେ ସଂକ୍ରମଣ କମିବା ପରେ କଟକଣା ହଟିବାରୁ ଜୁଲାଇ ମାସରେ ଜିଏସ୍‌ଟି ସଂଗ୍ରହ ରେକର୍ଡ ୧.୧୬ ଲକ୍ଷ କୋଟିରେ ପହଞ୍ଚିଥିଲା। ଆଗକୁ ମଧ୍ୟ ଏହା ବଢ଼ିବ ବୋଲି ଆଶା କରାଯାଉଛି ।

ଏଥିସହିତ ପଢ଼ନ୍ତୁ: ଆଫଗାନିସ୍ତାନକୁ ଫେରିଲା ଲାଡେନ୍ ସହଯୋଗୀ: କଶ୍ମୀର ସମସ୍ୟା ଘନିଭୂତ ଆଶଙ୍କା

ଏହି ସାପ ବିଷରୁ ନଷ୍ଟ ହେବ କରୋନା ଭାଇରସ୍…

ନୂଆଦିଲ୍ଲୀ: ସାରା ବିଶ୍ୱରେ କରୋନା ଭାଇରସ୍ କାୟା ବିସ୍ତାର କରିଛି । ଯାହାକୁ ପ୍ରତିହତ କରିବା ଲାଗି ସବୁଠି ଭ୍ୟାକ୍ସିନେସନ୍ ଆରମ୍ଭ ହୋଇଯାଇଛି। ଏଭଳି ସମୟରେ ବ୍ରାଜିଲର ବିଶେଷଜ୍ଞମାନେ ଏକ ତଥ୍ୟ ଦେଇଛନ୍ତି, ଯାହାକୁ ଶୁଣିଲେ ଆଶ୍ଚର୍ଯ୍ୟ ଲାଗିବ । ବିଶେଷଜ୍ଞଙ୍କ ଅନୁଯାୟୀ, କରୋନା ଭାଇରସକୁ ଶେଷ କରିବ ସାପ ବିଷ । ଏକ ବିଶେଷ ପ୍ରକାର ସାପର ବିଷରେ ଥିବା ମଲେକ୍ୟୁଲ୍ ମାଙ୍କଡ ଶରୀରରେ କରୋନା ସଂକ୍ରମଣ ବୃଦ୍ଧିକୁ ରୋକପାରିଥିଲା । ମଣିଷ ଶରୀରରେ ମଧ୍ୟ ଏହାର ପ୍ରୟୋଗ କରାଯାଇପାରିବ ବୋଲି ବିଶେଷଜ୍ଞ ମାନେ ଆଶା କରିଛନ୍ତି।

ରାଏଟର୍ସର ରିପୋର୍ଟ ଅନୁଯାୟୀ, ଚଳିତ ମାସରେ ପ୍ରକାଶିତ ବୖେଜ୍ଞାନିକ ପତ୍ରିକା ମଲିକ୍ୟୁଲ୍ସ ଅନୁସାରେ, ଜରାକୁସ ପିଟ୍ ୱାଇପର ସାପ ଦ୍ୱାରା ଉତ୍ପାଦିତ ଏକ ଅଣୁ, ମାଙ୍କଡ଼ କୋଷରେ ଥିବା ଭାଇରସର କ୍ଷମତାକୁ ୭୫%  ଯାଏଁ ରୋକିପାରୁଛି । ସାଓ ପାେଲୋ ବିଶ୍ୱବିଦ୍ୟାଳୟର ପ୍ରଫେସର ତଥା ରିସର୍ଚ୍ଚର ରାଫେଲ ଗିଡୋ କହିଛନ୍ତି ଯେ ସାପ ବିଷର ଏହି ଅଂଶ ଭାଇରସର ଏକ ଖାସ୍ ପ୍ରୋଟିନକୁ ରୋକିପାରିବ।

ଉକ୍ତ ରିପୋର୍ଟରେ ଆହୁରି ମଧ୍ୟ କୁହାଯାଇଛି ଆଗାମୀ ଭବିଷ୍ୟତରେ ରିସର୍ଚ୍ଚର ମାନେ ବିଷର ମଲିକ୍ୟୁଲର ଭିନ୍ନ ଭିନ୍ନ ମାତ୍ରା ଉପରେ ଏହାର ପ୍ରଭାବ ପରୀକ୍ଷା କରିବେ । ଯାହା ଫଳରେ ପ୍ରଥମ ପର୍ଯ୍ୟାୟରେ ଏହା କେତେଦୂର କାମ କରିବ ସେନେଇ ତର୍ଜମା କରାଯିବ ।  ଏନେଇ ସୂଚନା ଦେଇଛି ଏହି ରିସର୍ଚ୍ଚରେ ସାମିଲ ଥିବା ସାଓ ପାେଲୋ ବିଶ୍ୱବିଦ୍ୟାଳୟ।

ବ୍ରାଜିଲର ସବୁଠାରୁ ଲମ୍ବା ସାପ ମଧ୍ୟରୁ ଜରାକସ୍ ସାପ ଅନ୍ୟତମ | ଏହାର ଲମ୍ବ ପ୍ରାୟ ୬ ଫୁଟ୍ ରହିଥାଏ | ଏହି ସାପଗୁଡ଼ିକ ଉପକୂଳ ଆଟଲାଣ୍ଟିକ୍ ଜଙ୍ଗଲରେ ବାସ କରନ୍ତି । ଏହାବ୍ୟତୀତ ଏମାନେ ବଲିଭିଆ, ପାରାଗୁଏ ଏବଂ ଆର୍ଜେଣ୍ଟିନାରେ ମଧ୍ୟ ଦେଖାଯାଇଥାଏ ।

ଶ୍ରୀଲଙ୍କାରେ ଜନ୍ମ ନେଲା ଯାଆଁଳା ହାତୀଛୁଆ

ଶ୍ରୀଲଙ୍କା: ଶ୍ରୀଲଙ୍କା ପିନ୍ନାୱାଲାରେ ଜନ୍ମ ନେଲା ୨ ଯାଆଁଳା ହାତୀଛୁଆ। ୨୫ ବର୍ଷୀୟ ମାଈ ହାତୀ ସୁରଙ୍ଗୀ ଯାଆଁଳା ଛୁଆ ଜନ୍ମ ଦେଇଥିବା ବେଳେ ଉଭୟ ମା ଓ ଛୁଆ ସୁସ୍ଥ ଅଛନ୍ତି। ଏନେଇ କତ୍ତୃପକ୍ଷ ସୂଚନା ଦେଇଛନ୍ତି । ୧୯୪୧ ଠାରୁ ଶ୍ରୀଲଙ୍କାରେ ଏପରି  ଯାଆଁଳା ହାତୀ ଛୁଆ ଜନ୍ମ ନେବା ପ୍ରଥମ ଘଟଣା ।

ସୂଚନା ଅନୁଯାୟୀ, ଜନ୍ମିତ ହାତୀ ଛୁଆ ଛୋଟ ହୋଇଥିବା ବେଳେ ସୁସ୍ଥ ଅଛନ୍ତି । ୨୦୦୯ରେ ସୁରଙ୍ଗୀ ହାତୀ ଶାବକ ଜନ୍ମ ଦେଇଥିଲା । କରୋନା କଟକଣା ପାଇଁ ଏବେ ପର୍ଯ୍ୟଟକଙ୍କୁ ହାତୀ ସଫାରୀ ବୁଲିବା ମନା ହୋଇଛି ।

ତେବେ ଶ୍ରୀଲଙ୍କାରେ ୨୦୦ ପାଳିତ ହାତୀ ଥିବା ବେଳେ ଜଙ୍ଗଲୀ ହାତୀ ୭ ହଜାର ୫ ଶହ ରହିଛନ୍ତି। ଅପରପକ୍ଷେ ବିଗତ ୧୫ ବର୍ଷ ଭିତରେ ଜଙ୍ଗଲରୁ ୪୦ ହାତୀ ଛୁଆଙ୍କୁ ଚୋରି କରାଯାଇଥିବା ସୂଚନା ମିଳିଛି।

ମାଲଗୋଦାମ ଡାଲି ବ୍ୟବସାୟୀ ହତ୍ୟା ଘଟଣା, ୭ ବର୍ଷ ପରେ ଅଭିଯୁକ୍ତ ଗିରଫ

କଟକ: ବହୁ ଚର୍ଚ୍ଚିତ ମାଲଗୋଦାମ ଡାଲି ବ୍ୟବସାୟୀ ମହମ୍ମଦ ଫାରୁକ ହତ୍ୟା ଘଟଣାର ଅନ୍ୟତମ ମୁଖ୍ୟ ଅଭିଯୁକ୍ତ ଗିରଫ । ଫେରାର ଅଭିଯୁକ୍ତ ଶଙ୍କର ଓରଫ ଦୀପକ କୁମାର ନାୟକଙ୍କୁ ୭ ବର୍ଷ ପରେ ଗିରଫ କରିଛି ମାଲଗୋଦାମ ଥାନା ପୋଲିସ । ଶଙ୍କର ଠାରୁ ବନ୍ଧୁକ ଓ ଗୁଳି ଜବତ କରିଛି ପୋଲିସ । ହତ୍ୟାକାଣ୍ଡ ଭିଆଇବା ପରେ ଶଙ୍କର ରାଜ୍ୟ ବାହାରକୁ ଫେରାର ହୋଇଯାଇଥିଲା । ରାଜ୍ୟ ବାହାରୁ ଘରକୁ ଆସି ପୁଣି ଥରେ ରାଜ୍ୟ ବାହାର କୁ ଯିବା ପାଇଁ ଉଦ୍ୟମ କରୁଥିବା ବେଳେ ପୋଲିସ ଗିରଫ କରିବାରେ ସଫଳ ହୋଇଛି  ।

ସେପଟେ ଏନେଇ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ । ମାମଲାରେ ପୂର୍ବରୁ ଡି-ବ୍ରଦର୍ସଙ୍କ ସମେତ 5ଜଣ ସହଯୋଗୀକୁ ଗିରଫ କରିଛି ପୋଲିସ । ସେପଟେ ବିଳମ୍ବରେ ହେଲେ ବି ଅଭିଯୁକ୍ତଙ୍କୁ ଗିରଫ କରାଯାଇଥିବାରୁ ଖୁସି ଜାହିର କରିଛନ୍ତି ହତ୍ୟାକାଣ୍ଡର ଶୀକାର ଫାରୁକଙ୍କ ସମ୍ପର୍କୀୟ । ଡାଲି ବ୍ୟବସାୟୀ ମହମ୍ମଦ ଫାରୁକଙ୍କୁ ଶଙ୍କର  ହତ୍ୟା କରିଥିବାବେଳେ ଶଙ୍କରଙ୍କୁ ଖଲାସ କରିବା ପଛରେ ଡି ବଦର୍ସଙ୍କ ହାତ ରହିଥିବା କହିଛି ପୋଲିସ  ।