spot_img
Home Blog Page 5525

ମହିଳା ବକ୍ସିଂ ଫ୍ଲାଇୱେଟରେ କଲମ୍ବିଆର ଇଂଗ୍ରିଟ ଭେଲେନ୍ସିଆଙ୍କଠାରୁ ପରାସ୍ତ ହେଲେ ମେରିକମ୍

ଟୋକିଓ: ଟୋକିଓ ଅଲିମ୍ପକରେ ନିରାଶ କଲେ ମେରିକମ୍ । ପ୍ରିକ୍ୱାର୍ଟରରେ ପରାଜିତ ହେଲେ ଜିଦି ଗର୍ଲ । ମହିଳା ବକ୍ସିଂ ଫ୍ଲାଇୱେଟରେ ପରାସ୍ତ ହୋଇଛନ୍ତି ମେରିକମ୍ । କଲମ୍ବିଆର ଇଂଗ୍ରିଟ ଭେଲେନ୍ସିଆଙ୍କଠାରୁ ହାରିଲେ ମେରିକମ୍ । ଏଥିସହ ମେରି କମଙ୍କ ଟୋକିଓ ଅଲିମ୍ପିକ ଅଭିଯାନ ନିରାଶର ସମାପ୍ତ ହୋଇଛି।

ପ୍ରଥମ ରାଉଣ୍ଡରେ ମେରି କମ କୋଲମ୍ବିଆ ବକ୍ସରଙ୍କଠୁ ୧-୪ରେ ହାରିଥିଲେ। ଦ୍ଵିତୀୟ ରାଉଣ୍ଡରେ ଜୋରଦାର ପ୍ରତ୍ୟାବର୍ତ୍ତନ କରି ଭାରତୀୟ ବକ୍ସର ୩-୨ରେ ଜିତିଥିଲେ। କିନ୍ତୁ ତୃତୀୟ ରାଉଣ୍ଡରେ ଭାଲେନସିଆ ମୁକାବିଲାକୁ ୩-୨ରେ ଜିତି ନେଇଥିଲେ।

କୋଲମ୍ବିଆର ଏହି ଖେଳାଳି ୨୦୧୬ ରିଓ ଅଲିମ୍ପିକର କାଂସ୍ୟ ପଦକ ଜିତିଥିଲେ। ମେରି କମ ଏହା ପୂର୍ବରୁ ଦୁଇ ଥର କୋଲମ୍ବିଆ ବକ୍ସରଙ୍କ ସହ ମୁହାଁମୁହିଁ ହୋଇଥିଲେ ଏବଂ ଉଭୟ ଥର ଜିତିଥିଲେ। ଏଥିରେ ୨୦୧୯ ବିଶ୍ଵ ଚାମ୍ପିଅନଶିପର କ୍ଵାର୍ଟର ଫାଇନାଲ ମଧ୍ୟ ସାମିଲ। ହେଲେ ଆଜିର ମୁକାବିଲାରେ କୋଲମ୍ବିଆର ବକ୍ସର ଇଙ୍ଗ୍ରିଟ୍ ଭାଲେନସିଆ ତାଙ୍କ ଉପରେ ଭାରି ପଡିଛନ୍ତି। ମେରି କମ ଭାଲେନସିଆଙ୍କଠୁ ୩-୨ରେ ପରାଜିତ ହୋଇଛନ୍ତି।

ଏହା ପୂର୍ବରୁ ମେରି କମ ଡୋମିନିକା ଗଣରାଜ୍ୟର ମିଗୁଏଲିନା ଗାର୍ସିଆଙ୍କୁ ହରାଇ ଟୋକିଓ ଅଲିମ୍ପିକର ପ୍ରିକ୍ଵାର୍ଟର ଫାଇନାଲରେ ପ୍ରବେଶ କରିଥିଲେ। ୨୦୧୨ ଅଲିମ୍ପିକରେ ମେରି କମ କାଂସ୍ୟ ପଦକ ଜିତିଥିଲେ।

ସ୍ପାଇୱେୟାର ଏନଏସଓ ପେଗାସସକୁ ଧକ୍କା, NSOର ମାଲିକାନା ଥିବା ଘରୋଇ ଇକ୍ୱିଟି ସଂସ୍ଥା ରଦ୍ଦ ହେବ

ନୂଆଦିଲ୍ଲୀ: ଭାରତରେ ଝଡ ସୃଷ୍ଟି କରିଥିବା ସ୍ପାଇଓ୍ବେୟାର ଏନଏସଓ ପେଗାସସକୁ ଝଟକା । NSOର ମାଲିକାନା ଥିବା ଘରୋଇ ଇକ୍ୱିଟି ସଂସ୍ଥାକୁ ରଦ୍ଦ କରାଯାଉଛି ବୋଲି ଖବର ପ୍ରକାଶ ପାଇଛି । ସହପ୍ରତିଷ୍ଠାତାଙ୍କ ସହ ବିବାଦ ପରେ ଏନଏସଓକୁ ୨୦୧୯ରେ କ୍ରୟ କରିଥିବା ଲଣ୍ଡନସ୍ଥିତ ନୋଭାଲପିନା କ୍ୟାପିଟାଲକୁ ଲିକ୍ୟୁଡେଟ ବା ରଦ୍ଦ କରାଯାଉଛି ।

ଗୁପ୍ତଚର କାର୍ଯ୍ୟକଳାପ ସଂକ୍ରାନ୍ତ ଗୁରୁତର ଅଭିଯୋଗ ଆସିବା ପରେ ନୋଭାଲପିନା ଏହି ପଦକ୍ଷେପ ନେଇଛି । କମ୍ପାନୀ ଏହି ପଦକ୍ଷେପ ନେବା ପରେ ଏନଏସଓର ଭବିଷ୍ୟତ ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି । ଏସ୍ତୋନୀୟ କ୍ୟାସିନୋ ଗ୍ରୁପ ଅଲିମ୍ପିକ ଏଣ୍ଟରଟେନମେଣ୍ଟ ଓ ଫ୍ରାନ୍ସ ଫାର୍ମାସ୍ୟୁଟିକାଲ କମ୍ପାନୀ ଏକ୍ସଓର ମଧ୍ୟ ମାଲିକାନା ହାସଲ କରିଛି ନୋଭାଲପିନା ।

ଏହାର ସହପ୍ରତିଷ୍ଠାତାଙ୍କ ସହ ମତପାର୍ଥକ୍ୟପରେ ନୋଭାଲପିନାକୁ ଲିକ୍ୟୁଡେଟ କରାଯିବ ବୋଲି କୁହାଯାଇଛି । କେବଳ ଭାରତ ନୁହେଁ ଅନେକ ଦେଶରେ ପେଗାସସ ଜରିଆରେ ଫୋନ ହ୍ୟାକ ମାମଲା ନେଇ ଝଡ ସୃଷ୍ଟି ହୋଇଥିଲା । ସାମାଜିକ କର୍ମୀ, ନେତା, ମନ୍ତ୍ରୀ, ବିଚାପରତି ପ୍ରମୁଖଙ୍କ ଫୋନ ହ୍ୟାକ ନେଇ ଲୋକସଭାରେ ଜାରି ରହିଛି ତମ୍ବିତୋଫାନ ।

କଟକ ଓ ଖୋର୍ଦ୍ଧା ଜିଲ୍ଲାରେ ସମ୍ପୂର୍ଣ୍ଣ ଅନ୍‌ଲକ୍ ନେଇ କିଛି ଏଭଳି କହିଲେ ସ୍ୱାସ୍ଥ୍ୟ ବିଶେଷଜ୍ଞ

ଭୁବନେଶ୍ୱର: କଟକ ଓ ଖୋର୍ଦ୍ଧା ଜିଲ୍ଲାରେ ସମ୍ପୂର୍ଣ୍ଣ ଅନଲକ୍ ହେବାର ସମ୍ଭାବନା ନାହିଁ । ସ୍ଥିତି, ସମୟ, ସଂକ୍ରମଣକୁ ଅନୁଧ୍ୟାନ କରି ନିଷ୍ପତ୍ତି ନିଆଯିବ । ବିଶେଷଜ୍ଞ କମିଟି ଟିମ୍ ଯାହା କହିବେ ସେହି ଅନୁସାରେ ନିଷ୍ପତ୍ତି ନିଆଯିବ ବୋଲି ଡିଏମ୍‌ଇଟି ନିର୍ଦ୍ଦେଶକ ସି.ବି.କେ ମହାନ୍ତି କହିଛନ୍ତି । ଏବେ ରାଜ୍ୟରେ ସଂକ୍ରମଣର ସ୍ଥିତି ସ୍ଥିର ରହିଛି । ଗତ କିଛି ଦିନ ହେବ ୧୬ଶହରୁ ୧୭ଶହ ଭିତରେ ହିଁ ଟ୍ରେଣ୍ଡ ରହୁଛି । ଵିଶେଷ ବଢ଼ି ନାହିଁ । ତେଣୁ ସଂକ୍ରମଣ ହାର, ବିଭିନ୍ନ ଜିଲ୍ଲାର ସ୍ଥିତିକୁ ସମୀକ୍ଷା କରି ରାଜ୍ୟ ସରକାର ଅନଲକ ପ୍ରକ୍ରିୟାକୁ ଯିବେ । ଆମ ରାଜ୍ୟରେ ଦୈନିକ ସଂକ୍ରମଣ ହାରାହାରି ୧୮ ଶହ ରହୁଛି । ଜାତୀୟ ହାର ତୁଳନାରେ ଆମ ସଂଖ୍ୟା ନଗଣ୍ୟ ବୋଲି ଡିଏମଇଟି ନିର୍ଦ୍ଦେଶକ ସି.ବି.କେ ମହାନ୍ତି କହିଛନ୍ତି ।

 

ଏଥିସହିତ ପଢ଼ନ୍ତୁ: ରାଜ୍ୟରେ ଆଉ ୧୬୧୫ ଜଣ କରୋନା ସଂକ୍ରମିତ ଚିହ୍ନଟ

 

ଏସ୍‌ସିବିରେ ପହଞ୍ଚିଲା ୪ଟି ଏକମୋ ମେସିନ୍: ଉଦ୍‌ଘାଟନ କରିବେ ମୁଖ୍ୟମନ୍ତ୍ରୀ

କଟକ: ଏସସିବି ମେଡିକାଲରେ ପହଞ୍ଚିଲା ଆଉ ୪ଟି ଏକ୍‌ମୋ ମେସିନ । ଏହାକୁ ମିଶାଇ ତିନୋଟି ପର୍ଯ୍ୟାୟରେ ଆସିଲା ମୋଟ ୯ଟି ଏକମୋ ମେସିନ । ଏଥିପାଇଁ ଆବଶ୍ୟକ ବୈଷୟିକ ଟିମ୍‌କୁ ଚୟନ କରାଯାଇ ସେମାନଙ୍କୁ ଏବେ କୋଲକାତାକୁ ଟ୍ରେନିଂ ପାଇଁ ପଠାଯାଇଛି । ପରେ ଏହି ସବୁ ମେସିନକୁ ଲଗାଯାଇ ଅଗଷ୍ଟ ୧୫ରେ ଉଦଘାଟନ କରାଯିବ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାକୁ ଉଦଘାଟନ କରିବେ । ଫଳରେ ଅତି ଗୁରୁତର ତଥା ଆବଶ୍ୟକ ରୋଗୀ ମାଗଣାରେ ଏସସିବିରେ ଏକମୋ ଚିକିତ୍ସା ପାଇପାରିବେ। ସୂଚନା ଯୋଗ୍ୟ ଯେ, କରୋନା ଦ୍ୱିତୀୟ ଲହରରେ ଲୋକେ ବିଶେଷ ଭାବେ ଫୁସଫୁସ୍ ଜନିତ ସମସ୍ୟାର ସମ୍ମୁଖିନ ହେଉଛନ୍ତି । ଆଉ ଏହାର ଚିକିତ୍ସା ଦିଗରେ ଏକମୋ ବେଶ ଫଳପ୍ରଦ ହୋଇଥିବା ବେଳେ ଏଥିଲାଗି ବାହାର ରାଜ୍ୟକୁ ଲୋକଙ୍କୁ ଯିବାକୁ ପଡ଼ୁଥିଲା । ଏଣୁ ଏହି ସୁବିଧାକୁ ରାଜ୍ୟରେ ଯୋଗାଇଦେବା ପାଇଁ ରାଜ୍ୟ ସରକାର ତୁରନ୍ତ ପଦକ୍ଷେପ ନେବା ସହ ବିଦେଶରୁ ଏହି ମେସିନ୍ ଆମଦାନୀ କରିଛନ୍ତି । ଯାହା ଫଳରେ ଲୋକେ ଫୁସଫୁସ୍ ଜନିତ ରୋଗର ଚିକିତ୍ସା ସହଜରେ କରାଇପାରିବେ  । ଏବଂ ଏଭଳି ଚିକିତ୍ସା ଲାଗି ଆଉ ବାହାର ରାଜ୍ୟକୁ ମଧ୍ୟ ଯିବାକୁ ପଡ଼ିବନାହିଁ ।

ଏଥିସହିତ ପଢ଼ନ୍ତୁ: ଦରମା ବୃଦ୍ଧି ଦାବିରେ ଆନ୍ଦୋଳନ: ପୁରୁଣା ସଫେଇ କର୍ମଚାରୀଙ୍କୁ ନୂଆ ସଫେଇ କର୍ମଚାରୀ ଭୁଜାଲିରେ ଆକ୍ରମଣ ଅଭିଯୋଗ

ଦରମା ବୃଦ୍ଧି ଦାବିରେ ଆନ୍ଦୋଳନ: ପୁରୁଣା ସଫେଇ କର୍ମଚାରୀଙ୍କୁ ନୂଆ ସଫେଇ କର୍ମଚାରୀ ଭୁଜାଲିରେ ଆକ୍ରମଣ ଅଭିଯୋଗ

ସମ୍ୱଲପୁର: ବୁର୍ଲା ଭିମସାରରେ ୨ ସୁଇପର ଗୋଷ୍ଠୀଙ୍କ ମଧ୍ୟରେ ଗଣ୍ଡଗୋଳ । ୨ଜଣ ସୁଇପରଙ୍କୁ ଭୁଜାଲିରେ ମରଣାନ୍ତକ ଆକ୍ରମଣ । ଗୁରୁତର ଅବସ୍ଥାରେ ଦୁଇ ଜଣଙ୍କୁ ଭିମସାରରେ ଭର୍ତ୍ତି । ସୂଚନା ଅନୁସାରେ, ଦରମା ବୃଦ୍ଧି ଦାବିରେ କିଛି ସୁଇପର ଆନ୍ଦୋଳନରେ ବସିଛନ୍ତି । ଏହି ସମୟରେ ସଂସ୍ଥା ତରଫରୁ ଅନ୍ୟ ସୁଇପର ଆଣି କାମ କରାଯାଇଛି । ଆନ୍ଦୋଳନରତ ସୁଇପର କାମ କରିବାକୁ ମନା କରିବାରୁ ଉଭୟ ପକ୍ଷ ମଧ୍ୟରେ ପାଟିତୁଣ୍ଡ ହୋଇଥିଲା । ଗତକାଲି ରାତିରେ କାମ କରୁଥିବା ସୁଇପରଙ୍କ ମଧ୍ୟରୁ ଜଣେ ସୁଇପର ଆନ୍ଦୋଳନରତ ସୁଇପରଙ୍କୁ ଧମକ ଦେଇଥିଲେ । ଏହାକୁ ନେଇ ଆନ୍ଦୋଳନରତ ସୁଇପରମାନେ ଥାନାରେ ଏତଲା ଦେଇଥିଲେ । ଏହା ପରେ ଆଜି ଆନ୍ଦୋଳନରତ ୨ଜଣ ସୁଇପରଙ୍କୁ କାମ କରୁଥିବା ସୁଇପର ଭୁଜାଲିରେ ଆକ୍ରମଣ କରିଥିବା ଅଭିଯୋଗ ହୋଇଛି ।

ଏଥିସହିତ ପଢ଼ନ୍ତୁ: ଗାଁ ଦାଣ୍ଡରେ ଶିଶୁକୁ ଗୋଡ଼ାଇ ଗୋଡ଼ାଇ ହାଣିଲା, ବଡ଼ ଭାଇ ଆଟକାଇବାରୁ ତାକୁ ମଧ୍ୟ ମାରିଲା ଦୁର୍ବୃତ୍ତ

Tokyo Olympics 2020: ମିଆଁ ବ୍ଲେଚ୍‌ଫେଲ୍‌ଟ୍‌ଙ୍କୁ ପରାସ୍ତ କରି କ୍ୱାର୍ଟର୍‌ଫାଇନାଲରେ ପି.ଭି ସିନ୍ଧୁ

ଟୋକିଓ: ଗୁରୁବାର ଦିନ ଟୋକିଓ ଅଲିମ୍ପିକ୍ସ୍‌ରେ ବିଶ୍ୱର ୧୩ ନମ୍ବର ବ୍ୟାଡ୍‌ମିଣ୍ଟନ୍‌ ଖେଳାଳି ଡେନ୍‌ମାର୍କର ମିଆଁ ବ୍ଲେଚ୍‌ଫେଲ୍‌ଟ୍‌ଙ୍କୁ ପରାସ୍ତ କରି କ୍ୱାର୍ଟର୍‌ଫାଇନାଲ୍‌ରେ ପ୍ରବେଶ କରିଛନ୍ତି ପିଭି ସିନ୍ଧୁ । ସିନ୍ଧୁ ମିଆଁଙ୍କୁ ପ୍ରତ୍ୟକ୍ଷ ପ୍ରତିଯୋଗିତାରେ ୨୧-୧୫, ୨୧-୧୩ରେ ପରାସ୍ତ କରିଛନ୍ତି।

‘ବ୍ୟାଡ୍‌ମିଣ୍ଟନ୍‌ ଏଲିମିନେସନ୍ ରାଉଣ୍ଡ୍‌ସ୍‌’ରେ ପ୍ରବେଶ କରିବା ପୂର୍ବରୁ ବ୍ଲେଚ୍‌ଫେଲ୍‌ଟ୍‌ ‘ଗ୍ରୁପ୍‌ ୱାନ୍‌’ର ଶୀର୍ଷକୁ ଉତ୍ତୀର୍ଣ୍ଣ ହୋଇ ପ୍ରି- କ୍ୱାର୍ଟର୍‌ସ୍‌ରେ ସିନ୍ଧୁଙ୍କୁ ମୁକାବିଲା କରିବା ଅଧିକାର ହାସଲ କରିଥିଲେ। ୨୦୨୧ରେ ନିଊନତମ ପରିମାଣର ଟୁର୍ଣ୍ଣାମେଣ୍ଟ୍‌ ଏବଂ ଅଲିମ୍ପିକ୍ସ୍‌ ପଏଣ୍ଟ୍‌ ଥିବା ସତ୍ତ୍ୱେ ଏଥର ବ୍ଲେଚ୍‌ଫେଲ୍‌ଟ୍‌ ଦୁଇ ଥର ସିନ୍ଧୁଙ୍କୁ ମୁକାବିଲା କରିପାରିଛନ୍ତି।

ଏହାପରେ ସିନ୍ଧୁ ଜାପାନର ବିଶ୍ୱର ୪ ନମ୍ବର ଖେଳାଳି ଅକାନି ୟାମାଗୁଚି ଏବଂ ୧୨ ନମ୍ବର ଖେଳାଳି କୋରିଆର କିମ୍ ଗାଏଉନ୍‌ଙ୍କୁ ମୁକାବିଲା କରିବେ। ବୁଧବାର ଦିନ ମାତ୍ର ୪୧ ମିନିଟ୍‌ରେ ସିନ୍ଧୁ ବିଶ୍ୱର ୩୪ ନମ୍ବର ତଥା ଖୁବ୍‌ ପାରଦର୍ଶୀ ଖେଳାଳି ହଙ୍ଗ୍‌କଙ୍ଗ୍‌ର ଏନ୍‌ୱାଇ ଚେଉଙ୍ଗ୍‌ଙ୍କୁ ୨୧-୯, ୨୧-୧୬ରେ ପରାସ୍ତ କରି ‘ଗ୍ରୁପ୍‌-ଜେ’ର ଶୀର୍ଷକୁ ଉତ୍ତୀର୍ଣ୍ଣ ହୋଇଥିଲେ।

ପ୍ରଥମ ଥର ପାଇଁ ଭାରତରୁ ଲଣ୍ଡନକୁ ରପ୍ତାନୀ ହେଲା ସବୁଠୁ ରାଗ ଲଙ୍କା, ପ୍ରଧାନମନ୍ତ୍ରୀ କହିଲେ ଏମିତି କଥା

ଲଣ୍ଡନରେ ପହଁଚିଲା ସବୁଠୁ ରାଗ ଲାଗୁଥିବା ଲଙ୍କା । ନାଗାଲାଣ୍ଡର କିଙ୍ଗ୍ ଚିଲି ବା ଭୁତ ଜାଲୋକିଆ ନାମରେ ପରିଚିତ ଏହି ଲଙ୍କାକୁ ପ୍ରଥମ ଥର ପାଇଁ ଲଣ୍ଡନ ରପ୍ତାନୀ କରାଯାଇଛି । ଏହାକୁ ବିଶ୍ୱର ସବୁଠାରୁ ରାଗ ଲଙ୍କା କୁହାଯାଏ ।

ବାଣିଜ୍ୟ ମନ୍ତ୍ରାଳୟ ବୁଧବାର ଏହି ସୂଚନା ଦେଇଛି । ମନ୍ତ୍ରାଳୟ ତରଫରୁ କୁହାଯାଇଛି ଯେ, ରାଜା ଲଙ୍କା ନାଗାଲାଣ୍ଡରୁ ବୁଧବାର ଲଣ୍ଡନରେ ପହଁଚିଛି । ଗୌହାଟୀ ହୋଇ ଏହି ପ୍ରଥମ ଥର ଲଣ୍ଡନ ଯାଇଛି ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଏହା ଉପରେ ଖୁସି ଜାହିର କରିଛନ୍ତି । ସେ ଲେଖିଛନ୍ତି ଯେ, ଚମତ୍କାର ଖବର । ଯେଉଁ ଲୋକମାନେ ଏହି ଲଙ୍କା ଖାଇଛନ୍ତି କେବଳ ସେମାନେ ହିଁ ଏହାର ରାଗ ବାବଦରେ ଜାଣିଛନ୍ତି ।

ଏହି ଲଙ୍କାକୁ ସ୍କବାଇଲ୍ ହିଟ୍ ୟୁନିଟ୍ ଆଧାରରେ ବିଶ୍ୱର ସବୁଠାରୁ ରାଗ ଲଙ୍କା ବୋଲି ମନେ କରାଯାଏ । ଲଣ୍ଡନ ପଠାଯାଇଥିବା ଲଙ୍କା ନାଗାଲାଣ୍ଡର ପାରେନ୍ ଜିଲ୍ଲାରୁ ଅଣାଯାଇଛି । ଏହି ଲଙ୍କାକୁ ୨୦୦୮ରେ ଜିଆଇ ଟ୍ୟାଗ୍ ମିଳିସାରିଛି ।

ତେବେ ଏହି ଲଙ୍କା ବହୁତ ଶୀଘ୍ର ଖରାପ ହୋଇଯାଏ । ତେଣୁ ଏହାକୁ ରପ୍ତାନୀ କରିବା ଏକ ଚ୍ୟାଲେଞ୍ଜ ଥିଲା । କିଙ୍ଗ୍ ଚିଲ୍ଲି ବା ରାଜା ଲଙ୍କା ସୋଲାନାସିଏ ପ୍ରଜାତିର ଅଟେ । ଏହାପୂର୍ବରୁ ଆସାମରୁ ଲଣ୍ଡନକୁ ଲେମ୍ବୁ ରପ୍ତାନୀ କରାଯାଇଛି । ଏପରିକି ଆମେରିକାକୁ ନାଲି ଚାଉଳ ମଧ୍ୟ ରପ୍ତାନୀ କରିଛି ଭାରତ ।

ଚାନ୍ଦବାଲି ମୁଖ୍ୟ ଚିକିତ୍ସାଳୟରେ ଚାଲିଛି ଲାଞ୍ଚ କାରବାର: କ୍ୟାମେରାରେ କଏଦ ହେଲା ଦୃଶ୍ୟ

ଆରଡ଼ି: ଭଦ୍ରକ ଜିଲ୍ଲା ଚାନ୍ଦବାଲି ମୁଖ୍ୟ ଚିକିତ୍ସାଳୟରେ ଚାଲିଛି ଲାଞ୍ଚ କାରବାର । କ୍ୟାମେରାରେ କଏଦ ହୋଇଛି ଲାଞ୍ଚ କାରବାରର କଳା କାରନାମା । ଯେଉଁଥିରେ ମେଡିକାଲ କିରାଣୀ ପ୍ରିୟବତ ମିଶ୍ର ଲାଞ୍ଚ ନେଉଥିବା ଦେଖିବାକୁ ମିଳିଛି । ଶ୍ରୀ ମିଶ୍ର ଜନ୍ମ ମୃତ୍ୟୁ ପ୍ରମାଣ ପତ୍ର ଦେବାରେ ବିଳମ୍ୱ କରିବା ସହ ଏଥିଲାଗି ଲାଞ୍ଚ ନେଉଥିବା ଜଣାପଡ଼ିଛି ।

ତେବେ ପୂର୍ବରୁ ଏଭଳି ଲାଞ୍ଚ କାରବାର ନେଇ ଦୃଷ୍ଟି ଆକର୍ଷଣ କରାଯାଇଥିବା ସତ୍ତ୍ୱେ ଚାନ୍ଦବାଲି ମେଡିକାଲ କର୍ତ୍ତୃପକ୍ଷ ଏଥିପ୍ରତି ଦୃଷ୍ଟି ଦେଉନାହାନ୍ତି ଅଭିଯୋଗ ହୋଇଛି । ଚାନ୍ଦବାଲି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଉପରେ ସମଗ୍ର ଅଞ୍ଚଳ ନିର୍ଭର କରିଥାନ୍ତି । ମୃତ୍ୟୁ ପ୍ରମାଣପତ୍ର ଆବେଦନର ୭ଦିନ ମଧ୍ୟରେ ଦେବାକୁ ନିୟମ ଥିବାବେଳେ ଏଠାରେ ଅତିକମରେ ଦୁଇରୁ ତିନି ମାସ ଦୌଡିବାକୁ ପଡ଼ିଥାଏ । ଏହି ବିଭାଗରେ ଥିବା କିରାଣୀ ପ୍ରିୟବ୍ରତ ମିଶ୍ର ପ୍ରମାଣପତ୍ର ଦେବାରେ ବିଳମ୍ବ ଏବଂ ଏଥିଲାଗି ଅର୍ଥ ଆଦାୟ କରୁଥିବା ଅଭିଯୋଗ ହୋଇଆସୁଥିବା ବେଳେ ଏବେ ଅଫିସ ଭିତରେ ପଇସା ନେଉଥିବା ଦୃଶ୍ୟ କ୍ୟାମେରାରେ କଏଦ ହୋଇଛି ।

ତେବେ ସାଙ୍ଗେ ସାଙ୍ଗେ ଶ୍ରୀ ମିଶ୍ର ଲାଞ୍ଚ ନେଇଥିବା ଟଙ୍କା ସବୁ ଟେବୁଲ ତଳେ ଫିଙ୍ଗି ଦେବା ସହ ଲାଞ୍ଚ ନେଉଥିବା କଥାକୁ ଅସ୍ୱୀକାର କରିଛନ୍ତି । ଏ ନେଇ ମେଡିକାଲ ଅଫିସର ବିଷ୍ଣୁ ସାହୁଙ୍କ ସହ ଯୋଗାଯୋଗ କରାଯାଇଥିଲେ ମଧ୍ୟ ଏ ନେଇ କୌଣସି ପ୍ରତିକ୍ରିୟା ମିଳିପାରିନାହିିଁ ।  ଅପରପକ୍ଷରେ ଘଟଣାର ତଦନ୍ତ କରି ଲାଞ୍ଚ କାରବାର ବନ୍ଦ କରିବା ଏବଂ ଲାଞ୍ଚ ନେଉଥିବା କିରାଣୀ ପ୍ରିୟବ୍ରତ ମିଶ୍ରଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହ ଏହି ଲାଞ୍ଚ କାରବାର ପଛରେ ଆଉ କାହା କାହା ସମ୍ପୃକ୍ତି ରହିଛି ତାକୁ ଧରିବା ପାଇଁ ସାଧାରଣରେ ଦାବି ହୋଇଛି ।

ଏଥିସହିତ ପଢ଼ନ୍ତୁ: ଗାଁ ଦାଣ୍ଡରେ ଶିଶୁକୁ ଗୋଡ଼ାଇ ଗୋଡ଼ାଇ ହାଣିଲା, ବଡ଼ ଭାଇ ଆଟକାଇବାରୁ ତାକୁ ମଧ୍ୟ ମାରିଲା ଦୁର୍ବୃତ୍ତ

International Tiger Day: ଆପଣ ଘରେ ପାଳି ପାରିବେ କି ବାଘ ? ଜାଣନ୍ତୁ କ’ଣ କହୁଛି ଆଇନ

ନୂଆଦିଲ୍ଲୀ: ଜୁଲାଇ ୨୯ ତାରିଖକୁ ପ୍ରତିବର୍ଷ ଅନ୍ତର୍ଜାତୀୟ ବ୍ୟାଘ୍ର ଦିବସ ରୂପେ ଖାସ ଉଦ୍ଦେଶ୍ୟରେ ପାଳନ କରାଯାଏ । ବିଶ୍ୱବ୍ୟାପୀ ବିପଦ ଆଡ଼କୁ ମାଡ଼ି ଯାଉଥିବା ଏହି ପ୍ରଜାତିର ସୁରକ୍ଷା ପାଇଁ ଲୋକମାନଙ୍କୁ ସଚେତନ କରିବା ଉଦ୍ଦେଶ୍ୟରେ ଏହି ଦିବସ ପାଳନ କରିବାର ପ୍ରଥା ଆରମ୍ଭ ହୋଇଥିଲା । ଏହି ଦିନକୁ Global Tiger Day ଭାବରେ ମଧ୍ୟ ପାଳନ କରାଯାଏ ।

ତେବେ ଦେଖିବାକୁ ସୁନ୍ଦର ଏହି ପ୍ରଜାତି ପ୍ରକୃତରେ ଖୁବ ଭୟଙ୍କ ଅଟେ । ତଥାପି କିଛି ଲୋକ ବାଘକୁ ନିଜ ଘରେ ପାଳିବା ପାଇଁ ଚିନ୍ତା କରନ୍ତି । ତେବେ ସତରେ କଣ ଆପଣ କୁକୁର, ବିଲେଇ ପାଳିବା ଭଳି ବାଘକୁ ମଧ୍ୟ ଘରେ ପାଳିପାରିବେ ? ଅନ୍ତର୍ଜାତୀୟ ବ୍ୟାଘ୍ର ଦିବସରେ ଆଜି ଆମେ ଆପଣଙ୍କୁ ଏବିଷୟରେ ସବିଶେଷ ସୂଚନା ଦେବୁ…

ପୂରଣ କରିବାକୁ ହେବ ଏହି ସବୁ ସର୍ତ୍ତ-

ଆଇନଗତ ଅନୁମତି ବିନା ଭାରତରେ କେହି ବାଘ ବା ସିଂହକୁ ପାଳିପାରିବେନି । Wild Life Protection Act ଅଧୀନରେ ଏହି ପଶୁ ମାନଙ୍କୁ ବ୍ୟକ୍ତିଗତ ରୂପେ ପାଳିବାର ଅନୁମତି ଦିଆଯାଇନାହିଁ । ଯଦି ଆପଣ ତଥାପି ବାଘ ବା ସିଂହ ପାଳିବାକୁ ଚାହୁଛନ୍ତି ତେବେ ରାଜ୍ୟ ମୁଖ୍ୟ ୱାଇଲ୍ଡ ଲାଇଭ ୱାର୍ଡେନଙ୍କ ପାଖରୁ ଏଥିପାଇଁ ଅନୁମତି ନେବାକୁ ପଡ଼ିବ । ଆପଣଙ୍କୁ ବାଘ/ ସିଂହର ପ୍ରତ୍ୟେକ ଆବଶ୍ୟକତା ପୂରଣ କରିବାକୁ ପଡିବ । ଏହା ବ୍ୟତୀତ ସୁରକ୍ଷାର ସମସ୍ତ ବ୍ୟବସ୍ଥା କରିବାକୁ ପଡ଼ିବ ।

ଯଦି କୈଣସି ଦୁର୍ଘଟଣା ହୁଏ ତେବେ ଆପଣ ଏଥିପାଇଁ ଦାୟି ହେବେ । ଭୂମିକମ୍ପରେ ଯଦି ଆପଣଙ୍କ ଘର କାନ୍ଥ ଭାଙ୍ଗିଯାଏ ଓ ବାଘ କାନ୍ଥ ଭାଙ୍ଗି ଚାଲିଯାଏ ଓ କୈଣସି ବ୍ୟକ୍ତିର ଜୀବନ ନିଏ ତେବେ ଏଥି ପାଇଁ ଆପଣ ଆଇନଗତ କାର୍ଯ୍ୟାନୁଷ୍ଠାନ ପାଇଁ ପ୍ରସ୍ତୁତ ରୁହନ୍ତୁ । Chief Wild Life Warden ଙ୍କୁ ସବିଶେଷ ତଥ୍ୟ ଦେବାକୁ ପଡ଼ିବ ଯେ, ଆପଣ କାହିଁକି ବାଘ ପାଳିବାକୁ ଚାହୁଁଛନ୍ତି । ଯଦି ଆପଣ ତଥ୍ୟ ଦେବାରେ ଅସମର୍ଥ ହୁଅନ୍ତି ତେବେ ଆପଣ ଘରେ ବାଘ ପାଳିପାରିବେ ।

କିଛି ଦେଶରେ ରହିଛି ଅନୁମତି-

୨୦୧୫ ମସିହାରେ ମଧ୍ୟ ପ୍ରଦେଶ ସରକାରର ପୂର୍ବତନ ପଶୁପାଳନ ମନ୍ତ୍ରୀ କୁସୁମ ମେହଡେଲ ଏକ ଅଜବ ପ୍ରସ୍ତାବ ଦେଇଥିଲେ । ସେ ରାଜ୍ୟ ଜଙ୍ଗଲ ମନ୍ତ୍ରୀଙ୍କୁ ଏକ ପ୍ରସ୍ତାବ ଦେଇଥିଲେ ଯେଉଁଥିରେ ବାଘଙ୍କୁ ସୁରକ୍ଷା ଦେବା ପାଇଁ ଏବଂ ତାଙ୍କ ସଂଖ୍ୟା ବୃଦ୍ଧି କରିବା ପାଇଁ ଆଇନଗତ ଭାବେ ତାଙ୍କୁ ଘରେ ପାଳିବାର ଅନୁମତି ମାଗିଥିଲେ । ସେ ତାଙ୍କ ପ୍ରସ୍ତାବ ପଛରେ ଥାଇଲ୍ୟାଣ୍ଡ ଭଳି କିଛି ଦକ୍ଷିଣ-ପୂର୍ବ ଏସୀୟ ଦେଶ ଏବଂ କିଛି ଆଫ୍ରିକୀୟ ଦେଶ ବିଷୟରେ ଉଲ୍ଲେଖ କରିଛନ୍ତି। ଥାଇଲ୍ୟାଣ୍ଡ ଏବଂ ଅନ୍ୟାନ୍ୟ ଦେଶର ଲୋକମାନେ ବାଘ ଏବଂ ସିଂହଙ୍କୁ ନିଜ ଘରେ ରଖିପାରିବେ । ମନ୍ତ୍ରୀଙ୍କ କହିବା ଅନୁଯାୟୀ, ଏମିତି କରିବା ଦ୍ୱାରା ସେହି ଦେଶଗୁଡ଼ିକରେ ପଶୁମାନଙ୍କର ଜନସଂଖ୍ୟା ବୃଦ୍ଧି ପାଇଛି ।

ଭାରତରେ ବର୍ତ୍ତମାନ କେତେ ବାଘ ଅଛନ୍ତି ?

ବର୍ତ୍ତମାନ ବିଶ୍ୱର ବାଘ ସଂଖ୍ୟାର ୭୦ ପ୍ରତିଶତ କେବଳ ଭାରତରେ ଅଛନ୍ତି । ବିଂଶ ଶତାବ୍ଦୀରେ ଦେଶରେ ବାଘ ସଂଖ୍ୟା ୨୦,୦୦୦ ରୁ ୪୦,୦୦୦ ମଧ୍ୟରେ ଥିଲା । କିନ୍ତୁ ରାଜା ଏବଂ ବ୍ରିଟିଶ ଅଧିକାରୀଙ୍କ ଶିକାର ସୌକ ଯୋଗୁଁ ଏହା ହ୍ରାସ ପାଇଲା । ବର୍ତ୍ତମାନ ଦେଶରେ କେବଳ ୨,୯୬୭ଟି ବାଘ ଜୀବିତ ଅଛନ୍ତି । ବାଘ ସଂଖ୍ୟାକୁ ବଞ୍ଚାଇବା ପାଇଁ ୧୯୭୩ ରେ ଜିମ କର୍ବେଟ ନ୍ୟାସନାଲ ପାର୍କରେ ପ୍ରୋଜେକ୍ଟ ଟାଇଗର ଆରମ୍ଭ କରାଯାଇଥିଲା । ଏହାଦ୍ୱାରା, ସେମାନଙ୍କ ସଂରକ୍ଷଣରେ ଅନେକ ସାହାଯ୍ୟ ଉପଲବ୍ଧ ଥିଲା । ଏହି ପ୍ରକଳ୍ପ ଆରମ୍ଭ ହେବା ସମୟରେ ଭାରତରେ କେବଳ ୯ ଟି ବ୍ୟାଘ୍ର ସଂରକ୍ଷଣ ସ୍ଥାନ ଥିଲା । ବର୍ତ୍ତମାନ ଏହି ସଂଖ୍ୟା ୪୭ କୁ ବୃଦ୍ଧି ପାଇଛି । ଏହି ୪୭ଟି ବ୍ୟାଘ୍ର ସଂରକ୍ଷଣ ଦେଶର ୧୮ଟି ଟାଇଗର ରେଞ୍ଜ ରାଜ୍ୟ ଉପରେ ବିସ୍ତାର ହୋଇଛି ।

IASସ୍ତରରେ ଅଦଳବଦଳ: ବିଶାଳ ଦେବ ହେଲେ ଅର୍ଥ ବିଭାଗ ପ୍ରମୁଖ ସଚିବ

ଭୁବନେଶ୍ୱର: ଆଇଏଏସ୍ ସ୍ତରରେ ଛୋଟ ଧରଣର ଅଦଳବଦଳ କରିଛନ୍ତି ରାଜ୍ୟ ସରକାର ।  ଆଇଏଏସ୍ ଅଶୋକ ମିନାଙ୍କୁ ପଞ୍ଚାୟତିରାଜ ଓ ପାନୀୟ ଜଳ ବିଭାଗର ପ୍ରମୁଖ ସଚିବ ଭାବେ ନିଯୁକ୍ତି । ସେ ବର୍ତ୍ତମାନ ଅର୍ଥ ବିଭାଗର ପ୍ରମୁଖ ସଚିବ ଭାବେ କାର୍ଯ୍ୟ କରୁଛନ୍ତି । ସେହିପରି ପର୍ଯ୍ୟଟନ ଓ କ୍ରୀଡ଼ା ବିଭାଗ ପ୍ରମୁଖ ସଚିବ ବିଶାଳ ଦେବଙ୍କୁ ଅର୍ଥ ବିଭାଗ ପ୍ରମୁଖ ସଚିବ ଭାବେ ନୂଆ ନିଯୁକ୍ତି ମିଳିଛି । ଅପରପକ୍ଷରେ ପଞ୍ଚାୟତିରାଜ ବିଭାଗ ପ୍ରମୁଖ ସଚିବ ଥିବା ଡି.କେ ସିଂହଙ୍କୁ ଷ୍ଟିଲ୍ ଏବଂ ଖଣିଜ ସମ୍ପଦକ ବିଭାଗ ପ୍ରମୁଖ ସଚିବ ଭାବେ ନିଯୁକ୍ତି ମିଳିଛି । ସେହିଭଳି ଷ୍ଟିଲ୍ ଏବଂ ଖଣିଜ ସମ୍ପଦ ବିଭାଗ ପ୍ରମୁଖ ସଚିବ ଥିବା ସୁରେନ୍ଦ୍ର କୁମାରଙ୍କୁ ସାଧାରଣ ପ୍ରଶାସନ ବିଭାଗ ପ୍ରମୁଖ ସଚିବ ଭାବେ ନିଯୁକ୍ତି ମିଳିଛି । ଏଥିସହି ପର୍ଯ୍ୟଟନ ବିଭାଗର ଅତିରିକ୍ତ ଦାୟିତ୍ୱ ମଧ୍ୟ ତୁଲାଇବେ ସୁରେନ୍ଦ୍ର କୁମାର । ସେହିଭଳି ମୁଖ୍ୟମନ୍ତ୍ରୀଙ୍କ ସ୍ୱତନ୍ତ୍ର ସଚିବ ଥିବା ଆର ଭିନେଲ୍‌କ୍ରିଷ୍ଣାଙ୍କୁ କ୍ରୀଡ଼ା ଓ ଯୁବ ବ୍ୟପାର ବିଭାଗ ଅତିରିକ୍ତ ଦାୟିତ୍ୱ ଦିଆଯାଇଛି ।

ଏଥିସହିତ ପଢ଼ନ୍ତୁ: ପୁରୀ ପ୍ରଶାସନ ନଜରରେ ବକୁଳ ବନ, ଉନ୍ନତିକରଣ ନେଇ ପର୍ଯ୍ୟଟନ ବିଭାଗର ପଦକ୍ଷେପ