spot_img
Home Blog Page 5545

ଲୀଳାଖେଳା ସାରି ନୀଳ କନ୍ଦରକୁ ବିଜେ ହେଉଛନ୍ତି ଶ୍ରୀଜିଉ, ଚାଲିଛି ଗୋଟି ପହଣ୍ଡି

ପୁରୀ: ଆଜି ହେଉଛି ମହାପ୍ରଭୁଙ୍କର ନୀଳାଦ୍ରି ବିଜେ। ଲୀଳାଖେଳା ସାରି ଜନ୍ମବେଦୀରୁ ରତ୍ନବେଦୀକୁ ବାହୁଡ଼ିବା ପରେ ଆଜି ଲେଉଟିଯିବେ ନୀଳକନ୍ଦରକୁ। ରଥଯାତ୍ରା ଶେଷ କରି ରତ୍ନବେଦୀକୁ ବାହୁଡ଼ିବେ ମହାବାହୁ। ଏଥିପାଇଁ ଆରମ୍ଭ ହୋଇଛି ଶ୍ରୀଜିଉଙ୍କର ପହଣ୍ଡି। ରଥଯାତ୍ରାରେ ଧାଡ଼ି ପହଣ୍ଡି ହେଉଥିବା ବେଳେ ନୀଳାଦ୍ରୀବିଜେରେ ହେଉଛି ଗୋଟି ପହଣ୍ଡି। ଜଣେ ଜଣେ କରି ପହଣ୍ଡି ହୋଇ ଯିବେ ଶ୍ରୀମନ୍ଦିର ଭିତରକୁ। ସୁଦର୍ଶନଙ୍କର ପହଣ୍ଡି ସରିଥିବା ବେଳେ ଏବେ ଆରମ୍ଭ ହୋଇଛି ବଡ଼ ଭାଇଁ ବଳଭଦ୍ରଙ୍କର ପହଣ୍ଡି।

ସେପଟେ ଶ୍ରୀମନ୍ଦିରରେ ମହପ୍ରଭୁଙ୍କ ଅପେକ୍ଷାରେ ଅଛନ୍ତି ଅଭିମାନିନୀ ମହାଲକ୍ଷ୍ମୀ। ମହାପ୍ରଭୁଙ୍କ ପହଣ୍ଡି ସମୟରେ କଂସା କବାଟ କିଳି ବାଟ ଓଗାଳିବେ ଲକ୍ଷ୍ମୀ ସାଆନ୍ତାଣି। ଚାଲିବ କଥା କଟାକଟି। ପରିଶେଷରେ ଅଭିମାନିନୀ ଲକ୍ଷ୍ମୀ ସାଆନ୍ତାଣୀଙ୍କୁ ରସଗୋଲା ଦେଇ ମାନଭଞ୍ଜନ କରିବେ ମହବାହୁ।

ପେଗାସସର ଟାର୍ଗେଟରେ ଅନିଲ ଅମ୍ବାନୀଙ୍କ ସହ ପୂର୍ବତନ ସିବିଆଇ ନିର୍ଦ୍ଦେଶକ

ନୂଆଦିଲ୍ଲୀ: ଶିଳ୍ପପତି ଅନୀଲ ଅମ୍ବାନୀ, ପୂର୍ବତନ ସିବିଆଇ ନିର୍ଦ୍ଦେଶକ ଆଲୋକ ବର୍ମା, ପୂର୍ବତନ ସ୍ୱତନ୍ତ୍ର ନିର୍ଦ୍ଦେଶକ ରାକେଶ ଆସ୍ଥାନା ଓ ପୂର୍ବତନ ଅତିରିକ୍ତ ନିର୍ଦ୍ଦେଶକ ଏ.କେ. ଶର୍ମାଙ୍କୁ ପେଗାସସ ଜରିଆରେ ଟାର୍ଗେଟ କରାଯାଇଛି। ଦି ୱାଇରରେ ପ୍ରକାଶିତ ରିପୋର୍ଟରେ ଏହା କୁହାଯିବା ପରେ ଚାଞ୍ଚଲ୍ୟ ଖେଳିଯାଇଛି।

ସୂଚନା ଅନୁଯାୟୀ, ଫ୍ରାନ୍ସର ନନପ୍ରଫିସ ଫରବିଡେନ ଷ୍ଟୋରିଜ ଓ ଆମ୍ନେଷ୍ଟି ଇଣ୍ଟରନ୍ୟାସନାଲର ସହଭାଗିତାରେ ଚାଲିଥିବା ଦି ୱାଇର ପକ୍ଷରୁ କୁହାଯାଇଛି ଯେ ଅନୀଲ ଅମ୍ବାନୀଙ୍କ କେତେକ କର୍ମଚାରୀ, ଫ୍ରାନସ କମ୍ପାନୀ ଡାସଲ୍ଟ ଆଭିଏସନରର ଭାରତ ପ୍ରତିନିଧି ଭେଙ୍କଟରାଓ ରୋସିନାଙ୍କ ଫୋନକୁ ପେଗାସସ ଜରିଆରେ ଟାର୍ଗେଟ କରାଯାଇଛି।

ସେହିପରି ୨୦୧୮ରେ ଆଲୋକ ବର୍ମାଙ୍କ ଫୋନ ନମ୍ବରକୁ ଟାର୍ଗେଟ କରାଯାଇଥିଲା। ସେହି ବର୍ଷ ତାଙ୍କର ଡେପୁଟି ରାକେଶ ଆସ୍ଥାନାଙ୍କ ବିରୋଧରେ ଆଲୋକ ବର୍ମା ବିଭିନ୍ନ କାରଣକୁ ନେଇ ମାମଲା ଦାୟର କରିଥିଲେ। ସିବିଆଇରେ ବିବାଦ ପରେ ଏ.କେ. ଶର୍ମାଙ୍କୁ ଅନ୍ୟ ଏକ ବିଭାଗକୁ ବଦଳି କରିଦିଆଯାଇଥିଲା। ଆଲୋକ ବର୍ମାଙ୍କ କିଛି ପରିବାର ସଦସ୍ୟଙ୍କ ଫୋନ ବି ଟାର୍ଗେଟରେ ଥିଲା ବୋଲି କୁହାଯାଇଛି।

ଅପରପକ୍ଷେ କଂଗ୍ରେସ ନେତା ରାହୁଲ ଗାନ୍ଧୀ କହିଛନ୍ତି ଯେ ତାଙ୍କର ସମସ୍ତ ଫୋନକୁ ପେଗାସସ ଜରିଆରେ ଟ୍ୟାପ କରାଯାଇଛି । ଏନେଇ ଗୁଇନ୍ଦା ବିଭାଗ ଠାରୁ ତାଙ୍କ ନିକଟକୁ ସୂଚନା ଆସିଛି ବୋଲି ସେ କହିଛନ୍ତି। ଏହି ଘଟଣାରେ ସେ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ଇସ୍ତଫା ଦାବି କରିଛନ୍ତି।

 

ପୁଣି ଜମ୍ମୁ ଓ କାଶ୍ମୀରରେ ଡ୍ରୋନ ଖସାଇଲେ ଯବାନ

ଶ୍ରୀନଗର: ଶତ୍ରୁର ହୀନ ଉଦ୍ୟମକୁ ପଣ୍ଡ କଲା ପୋଲିସ । ଜମ୍ମୁ ଓ କାଶ୍ମୀରର କଣାଚକ ଇଲାକା ଅନ୍ତର୍ଗତ ଭାରତୀୟ ସୀମାର ପ୍ରାୟ ୬ କିଲୋମିଟର ଭିତରେ ଏକ ଡ୍ରୋନକୁ ଖସାଇ ଦିଆଯାଇଛି । ତାହା ଏକ ହେକ୍ସାକପ୍ଟର ହୋଇଥିବାବେଳେ ତନ୍ମଧ୍ୟରୁ ୫ କେଜି ବିସ୍ଫୋରକ ଜବତ ହୋଇଛି ।

ବୁଧବାର ସ୍ଥାନୀୟ ସତଓ୍ବାରୀ ଇଲାକାରେ ଏକ ଡ୍ରୋନ ଠାବ ହୋଇଥିଲା । ମାତ୍ର ତାହା କିଛି ସମୟ ପରେ ଫେରି ଯାଇଥିଲା । ଜାମ୍ମୁ ଏୟାରବେସ ନିକଟରେ ଉଡୁଥିବା ଏହି ଡ୍ରୋନକୁ ଏନଏସଜି ଦ୍ବାରା ଲଗାଯାଇଥିବା ରାଡାରରୁ ଠାବ କରାଯାଇଥିଲା ।

ଗତ ମାସରେ ଜାମ୍ମୁ ଏୟାରଫୋର୍ସ ବେସ ଉପରେ ହାମଲା ପରେ ଏନଏସଜି ପକ୍ଷରୁ ବିଭିନ୍ନ ସ୍ଥାନରେ ହାଇଫ୍ରିକ୍ବେନ୍ସି ରାଡାର ଲଗାଯାଇଛି । ଗତ କିଛି ଦିନ ଧରି ବାରମ୍ବାର ଭାରତୀୟ ସୀମାରେ ସନ୍ଦିଗ୍ଧ ଡ୍ରୋନ ଠାବ ହେଉଥିବାବେଳେ ଶତ୍ରୁର ଗତିବିଧି ଉପରେ କଡା ନଜର ରଖାଯାଇଛି । ସୀମାରେ ଏବେ ସଶସ୍ତ୍ର ସୀମା ବଳ ପକ୍ଷରୁ ସତର୍କ ଦୃଷ୍ଟି ଦିଆଯାଇଛି ।

ଏସିଏଫ୍‌ ସୌମ୍ୟଙ୍କ ମୃତ୍ୟୁ ମାମଲାରେ ଡିଏଫ୍‌ଓଙ୍କୁ ଜେରା

ପାରଳାଖେମୁଣ୍ଡି: ACF ସୌମ୍ୟରଞ୍ଜନଙ୍କ ମୃତ୍ୟୁ ମାମଲାରେ ତନାଘନା । ମୃତ୍ୟୁର ୧୧ ଦିନ ପରେ ସାମ୍ନାକୁ ଆସିଲେ ବିବାଦରେ ଥିବା ଡିଏଫଓ ସଂଗ୍ରାମ କେଶରୀ ବେହେରା । ଆଜି ଡିଏଫଓଙ୍କ କାର୍ଯ୍ୟାଳୟରେ ପହଞ୍ଚିଛି ପୋଲିସ ଓ କ୍ରାଇମବ୍ରାଞ୍ଚ ଟିମ୍ । ଘଟଣାରେ ଆଜି ଡିଏଫଓଙ୍କୁ ଜେରା କରୁଛି ପୋଲିସ ଓ କ୍ରାଇମବ୍ରାଞ୍ଚ ଟିମ୍ । ନିଜ ସରକାରୀ ବାସଭବନରେ ଥିଲେ ଡିଏଫଓ । ଘର ବାହାରକୁ ଆସିବା ପରେ ଗଜପତି ତାଙ୍କୁ ଜେରା କରାଯାଉଛି । ଏସଡିପିଓ ଓ ତଦନ୍ତକାରୀ ଅଧିକାରୀ ଉପସ୍ଥିତି ଅଛନ୍ତି । ବିଦ୍ୟ୍ୟାଭାରତୀଙ୍କ ସହ ତାଙ୍କର କି ସମ୍ପର୍କ ଅଛି । ତାଙ୍କ ଘରକୁ ବିଦ୍ୟାଭାରତୀ ଆସିଛନ୍ତି ନା ନାହିଁ ସେନେଇ ପଚରାଉଚରା କରାଯାଉଛି । ସେ ସୌମ୍ୟରଞ୍ଜନଙ୍କୁ କାହିଁକି ବାରମ୍ବାର ବାହାରକୁ ପଠାଉଥିଲେ । ଏହାସହ ଜବତ ହୋଇଥିବା ଟୁର ଡାଏରୀ ସମ୍ପର୍କରେ ମଧ୍ୟ ଜେରା କରାଯାଉଛି । ଡିଏଫଓଙ୍କ ସୁରକ୍ଷା ପାଇଁ କାର୍ଯ୍ୟାଳୟ ପରିସରରେ ମୁତୟନ ହୋଇଛନ୍ତି ସୁରକ୍ଷାକର୍ମୀ ।

ଏଥିସହିତ ପଢ଼ନ୍ତୁ: ନନ୍ଦିଘୋଷ ଟିଭି ହାତରେ ଏସିଏଫ୍‌ ସୌମ୍ୟଙ୍କ ହାତ ଲେଖା ଡାଏରୀ: ଲେଖିଛନ୍ତି ‘ତୁମେ ଯାହା ଚାହିଁବ, ତାହା କରିବାକୁ ପ୍ରସ୍ତୁତ’

ମୌସୁମୀ ଅଧିବେଶନରେ ଦୁର୍ବ୍ୟବହାର; ଶାନ୍ତନୁ ସେନ୍ ସସପେଣ୍ଡ

ନୂଆଦିଲ୍ଲୀ: ସଂସଦର ମୌସୁମୀ ଅଧିବେଶରୁ ସସପେଣ୍ଡ ହେଲେ ଟିଏମ୍‌ସି ରାଜ୍ୟସଭା ସଦସ୍ୟ ଶାନ୍ତନୁ ସେନ୍ । IT ମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କଠାରୁ କାଗଜ ଛଡ଼ାଇ ଚିରି ଦେବା ଘଟଣାରେ ଶାନ୍ତନୁଙ୍କୁ ସସପେଣ୍ଡ କରାଯାଇଛି। ପେଗାସସ୍ ସ୍ପାଏ ହ୍ୟାକିଂକୁ ନେଇ ଗତକାଲି IT ମନ୍ତ୍ରୀ ଅଶ୍ୱିନୀ ବୈଷ୍ଣବ ଗୃହରେ ବିବୃତି ରଖୁଥିବା ବେଳେ ଶାନ୍ତନୁ ତାଙ୍କ ହାତରୁ କାଗଜ ଛଡ଼ାଇ ଚିରି ଦେଇଥିଲେ।

ଏହାପରେ ଶାନ୍ତନୁଙ୍କୁ ଗୃହରୁ ସସପେଣ୍ଡ କରିବା ପାଇଁ ବିଜେପି ଦାବି କରିଥିଲା। ସୂଚନା ଅନୁଯାୟୀ, ଚଳିତ ମୌସୁମୀ ଅଧିବେଶନର ସମସ୍ତ କାର୍ଯ୍ୟ ଦିବସରୁ ଶାନ୍ତନୁଙ୍କୁ ନିଲମ୍ବିତ କରାଯାଇଛି।

ରାଜ୍ୟସଭାରେ ସଞ୍ଚାର ମନ୍ତ୍ରୀ ଅଶ୍ୱିନୀ ବୈଷ୍ଣବ ପେଗାସସ୍ ମାମଲାରେ ବୟାନ୍ ଦେବା ପୂର୍ବରୁ ତାଙ୍କ ହାତରୁ କାଗଜ ଛଡାଇ ଉପସଭାପତିଙ୍କ ଆଡକୁ ଫୋପାଡିଛନ୍ତି ଟିଏମସି ସାଂସଦ ଶାନ୍ତନୁ ସେନ୍ । ଯାହାକୁ ନେଇ କ୍ଷୋଭ ପ୍ରକାଶ କରିଛନ୍ତି କେନ୍ଦ୍ର ମନ୍ତ୍ରୀ ହରଦୀପ ସିଂହ ପୁରୀ।

ଅଧିକ ପଢନ୍ତୁ- ରାଜ୍ୟସଭାରେ ହାଇଡ୍ରାମା; ଅଶ୍ୱିନୀ ବୈଷ୍ଣବଙ୍କ ହାତରୁ ବୟାନ୍ କପି ଛଡାଇ ନେଲେ ଟିଏମସି ସାଂସଦ

ପ୍ରାଇଭେସି ପଲିସିରେ ଟ୍ୱିଟର କଲା ପରିବର୍ତ୍ତନ: ଜାଣନ୍ତୁୁ କେବେଠୁ ହେବ ଲାଗୁ

ନୂଆଦିଲ୍ଲୀ:  ମାଇକ୍ରୋ ବ୍ଳଗିଂ ସାଇଟ୍ ଟ୍ୱିଟର ଏବଂ ସରକାରଙ୍କ ମଧ୍ୟରେ ଚାଲିଥିବା ବିବାଦ ଏବେ ସମାପ୍ତ ହେଲା ଭଳି ମନେ ହେଉଛି । ଗତ କିଛି ଦିନ ମଧ୍ୟରେ ଟ୍ୱିଟର ଅନେକ ଗୁଡ଼ିଏ ଫିଚର୍ସ ଆଡ୍ କରିଛି । ଏହା ସହିତ କମ୍ପାନୀ ଏହାର ସର୍ତ୍ତାବଳୀ, ସେବା ଏବଂ ପ୍ରାଇଭେସି ବା ଗୋପନୀୟତା ନିୟମରେ ମଧ୍ୟ ଅନେକ ପରିବର୍ତ୍ତନ ଆଣିଛି । ତେବେ ଏହି ନୂଆ ନିୟମଗୁଡ଼ିକ ଅଗଷ୍ଟ ୧୯ରୁ ଲାଗୁ ହେବ ।

ବିଶେଷକରି ଟ୍ୱିଟର ସ୍ପେସ୍, ଟ୍ୱିଟର ବ୍ଲୁ ଏବଂ ପେମେଣ୍ଟ ବିଭାଗରେ ଏହି କିଛି ନୂଆ ଫିଚର୍ସ ଆଡ୍ କରିବା ସହ ଏଥିଲାଗ ନିୟମରେ ପରିବର୍ତ୍ତନ ଆଣିଛି । ପ୍ରାଇଭେସି ପଲିସିର ପ୍ରଥମ ଭାଗରେ ରହିଛି ଟ୍ୱିଟର ସ୍ପେସ୍ । ଯାହା ସାହାଯ୍ୟରେ ଟ୍ୱିଟର ବ୍ୟବହାରକାରୀ ନିଜ ମଧ୍ୟରେ ଅଡିଓ ମାଧ୍ୟମରେ ବାର୍ତ୍ତାଳାପ କରିପାରିବେ | ଟ୍ୱିଟର ଅନୁଯାୟୀ, ସ୍ପେଶରେ ହୋଇଥିବା ବାର୍ତ୍ତାଳାପ ସାର୍ବଜନୀନ । ଏଣୁ ଏହାର ଗୋପନୀୟତା ନେଇ କୌଣସି ଆବଶ୍ୟକତା ନାହିଁ ।

ଏଥିସହିତ ଟ୍ୱିଟର ବ୍ଳୁ’ର ପ୍ରାଇଭେସି ପଲିସିରେ ମଧ୍ୟ ପରିବର୍ତ୍ତନ କରାଯାଇଛି । ତେବେ ଏହା ଏକ ପ୍ରିମିୟମ୍ ସବସ୍କ୍ରିପସନ୍ ଫିଚର । ଯାହା ବର୍ତ୍ତମାନ କାନାଡା ଏବଂ ଅଷ୍ଟ୍ରେଲିଆରେ ସୀମିତ | ଏହା ବ୍ୟତୀତ ଟ୍ୱିଟର ଅଟୋ ପ୍ଲେ ଭିଡିଓ ଫିଚର୍ସରେ ମଧ୍ୟ କିଛି ପରିବର୍ତ୍ତନ ଆଣିଛି । କମ୍ପାନୀ ପକ୍ଷରୁ କୁହାଯାଇଛି ଯେ, ଏହା ପ୍ରାୟତ ଥାର୍ଡ ପାର୍ଟି ଦ୍ୱାରା ନିୟନ୍ତ୍ରିତ । ୟୁଜର ଚାହିଁଲେ ସେଟିଂରେ ଯାଇ ଏହାକୁ ବନ୍ଦ କରିପାରିବେ ।

ଏଥିସହିତ ପଢ଼ନ୍ତୁ: ଭାରତରେ ଆରମ୍ଭ ହେବ ଡିଜିଟାଲ କରେନ୍ସୀ,ସେଣ୍ଟ୍ରାଲ୍ ବ୍ୟାଙ୍କ୍ ଡିଜିଟାଲ୍ କରେନ୍ସୀ ( ସିବିଡିସି) ପ୍ରଚଳନ ପାଇଁ ଆରବିଆଇ ତତ୍ପର

ଶିଳ୍ପା ସେଟ୍ଟୀ ଓ ରାଜ କୁନ୍ଦ୍ରାଙ୍କଠାରୁ କେଜିଏ ସୁନା ସହ ୩ ଲକ୍ଷ ଟଙ୍କା କ୍ଷତିପୂରଣ ପାଇଲେ ସଚିନ ଯୋଶୀ

ନୂଆଦିଲ୍ଲୀ: ଅନୈତିକ ପର୍ଣ୍ଣ ବ୍ୟବସାୟର ସାମ୍ରାଜ୍ୟ ବିସ୍ତାର କରି ଧରା ପଡ଼ିଥିବା ଅଭିନେତ୍ରୀ ସିଲ୍ପା ସେଟ୍ଟୀଙ୍କ ସ୍ୱାମୀ ରାଜ କୁନ୍ଦ୍ରାଙ୍କ ବ୍ୟବସାୟର ଆଉ ଏକ କଳା କାରନାମାକୁ ଉନ୍ମୋଚନ କରିଛନ୍ତି ଅଭିନେତା ସଚିନ୍ ଯୋଶୀ। ଉଭୟ ଶିଳ୍ପା ଓ ରାଜ କୁନ୍ଦ୍ରା ନିର୍ଦେଶକ ଭାବେ କାମ କରୁଥିବା ତଥା ଶିଳ୍ପାଙ୍କ ଅଧ୍ୟକ୍ଷତାରେ ଚାଲୁଥିବା ସତ୍ୟଯୁଗ ଗୋଲ୍ହ କିପରି ତାଙ୍କୁ ଏବଂ ତାଙ୍କ ପରି ଶହ ଶହ ନିବେଶକଙ୍କ ଆଖରେ ଆଙ୍ଗୁଠି ଗେଞ୍ଜି ଠକିଥିଲା ତାହାକୁ ବଣ୍ଣନା କରିଛନ୍ତି। ଖାଲି ସେତିକି ନୁହେଁ, କୋର୍ଟଙ୍କ ନିକଟରେ ଏହି ଠକଙ୍କୁ ପଦାରେ ପକାଇ ସେ ତାଙ୍କ କମ୍ପାନୀଠୁ ୧ କିଲୋ ସୁନା ଏବଂ ୩ ଲକ୍ଷ ଟଙ୍କା କ୍ଷତିପୂରଣ ପାଇଥିବା ବି ଗଣମାଧ୍ୟମ ଆଗରେ କହିଛନ୍ତି।

ଶିଳ୍ପା ଓ ରାଜ କୁନ୍ଦ୍ରା ଦ୍ୱାରା ପରିଚାଳିତ ସତ୍ୟଯୁଗ ଗୋଲ୍ଡ କମ୍ପାନୀ ତାଙ୍କୁ ଠକିଥିବା ନେଇ ବମ୍ବେ ହାଇକୋର୍ଟଙ୍କୁ ଜଣାଇଥିଲେ ସଚିନ୍ ଯୋଶୀ। ୨୦୨୧ ଜାନୁୟାରୀ ମାସରେ ସେ ପୁଲିସ ନିକଟରେ ଏନେଇ ମାମଲା ଦାୟର କରିଥିଲେ। ଆଉ ଏହି ମାମଲାର ବିଚାର କରି କୋର୍ଟ ସତ୍ୟଯୁଗ କମ୍ପାନୀକୁ ୧ କିଲୋ ସୁନା ଦେବାକୁ ଆଦେଶ ଦେବା ସହ , ଏହି ଆଇନର ଲଢ଼େଇ ଲଢ଼ିବାକୁ ସେ ଯେଉଁ ୩ ଲକ୍ଷ ଟଙ୍କର ଖର୍ଚ କରିଛନ୍ତି ତାହାକୁ ତୁରନ୍ତ ପଇଠ କରିବାକୁ କହିଥିଲେ। ଗଣମାଧ୍ୟମକୁ ଯୋଶୀ କହିଛନ୍ତି ଏହି ଘଟଣାଟି ହେଉଛି ଶହ ଶହ ସଂଖ୍ୟାର ନିବେଶକଙ୍କୁ ଠକିଥିବାର ଏକ ନମୁନା। ଅନ୍ୟମାନଙ୍କ ଭଳି ସେ ସତ୍ୟଯୁଗ ଗୋଲ୍ଡ କମ୍ପାନୀରେ ନିଜ ପୁଞ୍ଜିକୁ ବଢ଼ାଇବା ଲାଗି ନିବେଶ କରିଥିଲେ। ଏହି ଯୋଜନାରେ ସେ ଅନ୍ୟମାନଙ୍କ ଭଳି କେବେ ସୁନା ପାଇବା ଲକ୍ଷ୍ୟ ରଖି ନଥିଲେ। ଏଣୁ କମ୍ପାନୀ ତାଙ୍କୁ ନିବେଶର ଫାଇଦା ଦେବା ଆବଶ୍ୟକ ଥିଲା। କିନ୍ତୁ ଶିଳ୍ପା ଓ ରାଜ୍‌ଙ୍କ କମ୍ପାନୀ ତାଙ୍କ ଦ୍ୱାରା ନିବେଶ କରାଯାଇଥିବା ପୁଞ୍ଜିଦ୍ୱାରା ସୁନା କଣିଛନ୍ତି ଏବଂ ଏହା ଦ୍ୱାରା ଏବେ ତାଙ୍କର କ୍ଷତି ହୋଇଛି ବୋଲି ଦର୍ଶାଇଥିଲେ। ଖାଲି ସେତିକି ନୁହେଁ କମ୍ପାନୀର କ୍ଷତି ବାବଦରେ ୨୫ ଲକ୍ଷ ୫୦ ହଜାର ଟଙ୍କାର ଜୋରିମାନା ଦାବି କରିଥିଲେ। ସେତେବେଳେକୁ ସଚିନ୍ ୧୮ ଲକ୍ଷ ୫୭ ହଜାର ଟଙ୍କା ଶିଳ୍ପାଙ୍କ କମ୍ପାନୀରେ ଜମା ରଖି ସାରିଥିଲେ। ଏଣୁ ତାଙ୍କ ଦ୍ୱାରା ଜମା କରାଯାଇଥିବା ୧୮ ଲକ୍ଷ ୫୭ ହଜାର ଟଙ୍କା ପାଇବା ଲାଗି ତାଙ୍କୁ ସାଢ଼େ ୨୫ ଲକ୍ଷ ଜମାଦେବା ଲାଗି ସତ୍ୟଯୁଗ ଗୋଲ୍ଡ ଆଦେଶ ଦେଇଥିଲା। ନହେଲା ସମୁଦାୟ ଟଙ୍କା ରଫାଦଫା ହେବାର ଆଶଙ୍କା ଥିଲା। ଏହାକୁ ଦିନ ଅଧରେ ଠକାମୀ କାର୍ଯ୍ୟ ବୋଲି ବିବେଚନା କରି ସଚିନ୍ କୋର୍ଟଙ୍କ ଦ୍ୱାରସ୍ଥ ହୋଇଥିଲେ ଏବଂ କୋର୍ଟ ଉଭୟ ପକ୍ଷଙ୍କୁ ଶୁଣିବା ପରେ ସଚିନ୍‌ଙ୍କୁ ସୁନା ସହ ତାଙ୍କ ଆଇନଗତ ଲଢ଼େଇ ବାବଦ ଖର୍ଚ୍ଚ ପ୍ରଦାନ ପାଇଁ ନିର୍ଦେଶ ଦେଇଛନ୍ତି। ଏବେ ରାଜ କୁନ୍ଦ୍ରାଙ୍କୁ କ୍ରାଇମ୍ ବ୍ରାଞ୍ଚ ଗିରଫ କରିବା ଘଟଣାକୁ ସେ କର୍ମ ଫଳ ବୋଲି ଅଭିହିତ କରିଛନ୍ତି।

ଏଥିସହିତ ପଢ଼ନ୍ତୁ: ରାହୁଲ ଗାନ୍ଧୀଙ୍କ ଦାବି: ‘ଟ୍ୟାପ୍ ହୋଇଛି ମୋ ଫୋନ୍, ଇସ୍ତଫା ଦିଅନ୍ତୁ ଶାହ’

 

କରୋନା ସ୍ଥିତି ନେଇ ମୁଖ୍ୟମନ୍ତ୍ରୀଙ୍କ ସମୀକ୍ଷା: ‘ପରିସ୍ଥିତି ନିୟନ୍ତ୍ରାଧିନ, ତଥାପି ଆତ୍ମସନ୍ତୋଷ ନୁହେଁ’

ଭୁବନେଶ୍ୱର: ଶୁକ୍ରବାର ମୁଖ୍ୟମନ୍ତ୍ରୀ ନବୀନ ପଟ୍ଟନୟକ ରାଜ୍ୟରେ କୋଭିଡର ସ୍ଥିତି, ତୃତୀୟ ଲହର ମୁକାବିଲା ପାଇଁ ପ୍ରସ୍ତୁତି ଏବଂ କୋଭିଡ ସହାୟତା ସମ୍ପର୍କରେ ସମୀକ୍ଷା କରିଛନ୍ତି । ଏହି ଅବସରରେ ମୁଖ୍ୟମନ୍ତ୍ରୀ କହିଥିଲେ ଯେ ଗତ କିଛି ସପ୍ତାହ ହେଲା ରାଜ୍ୟରେ ପଜିଟିଭିଟି ହାର କମିଥିଲେ ମଧ୍ୟ, କେତେକ ଜିଲ୍ଲାରେ ସଂକ୍ରମଣ ସ୍ଥିତିରେ ଆହୁରି ଉନ୍ନତି ଆସିବାକୁ ବାକି ଅଛି । ଯଦିଓ ପରିସ୍ଥିତି ନିୟନ୍ତ୍ରଣାଧୀନ, ତଥାପି ଆତ୍ମସନ୍ତୋଷ ନୁହେଁ, ଅଧିକ ସତର୍କତା ହିଁ ଆମକୁ ସୁରକ୍ଷିତ ରଖିବ ବୋଲି ମୁଖ୍ୟମନ୍ତ୍ରୀ କହିଛନ୍ତି । ତେଣୁ ଲୋକମାନେ ଯେପରି ଅଯଥାରେ ଗହଳି ନ କରିବେ, ତାକୁ ଦୃଷ୍ଟିରେ ରଖି କୋଭିଡ ନିୟମାବଳୀକୁ କଡ଼ାକଡ଼ି ଭାବରେ ପାଳନ କରିବା ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି।

ବିଶେଷଜ୍ଞମାନଙ୍କର ମତକୁ ଉଦ୍ଧାର କରି ମୁଖ୍ୟମନ୍ତ୍ରୀ କହିଥିଲେ ଯେ ଯଦି ଅଗଷ୍ଟ ଶେଷ ବେଳକୁ ତୃତୀୟ ଲହରୀ ଆସେ, ସେଥିପାଇଁ ଆମକୁ ଏହାର ପୂର୍ଣ୍ଣ ପ୍ରସ୍ତୁତିର ସହ ମୁକାବିଲା କରିବାକୁ ହେବ । ସ୍ୱାସ୍ଥ୍ୟସେବା ରାଜ୍ୟ ସରକାରଙ୍କର ସର୍ବୋଚ୍ଚ ପ୍ରାଥମିକତା ବୋଲି ମତ ଦେଇ ମୁଖ୍ୟମନ୍ତ୍ରୀ କହିଥିଲେ ଯେ ସ୍ୱାସ୍ଥ୍ୟସେବା ଭିତ୍ତିଭୂମିର ସୁଦୃଢୀକରଣ ସହିତ ମାନବସମ୍ବଳ ବିନିଯୋଗ ଉପରେ ରାଜ୍ୟ ସରକାର ଗୁରୁତ୍ୱ ଦେଉଛନ୍ତି । ଲୋକମାନେ ଯେପରି ବିନା କୌଣସି ଅସୁବିଧାରେ ସ୍ୱାସ୍ଥ୍ୟ ସେବା ପାଇପାରିବେ, ସେ ଦିଗରେ ଜିଲ୍ଲା ପ୍ରଶାସନର ଗୁରୁଦାୟିତ୍ୱ ରହିଛି । ପ୍ରତି ଜୀବନ ମୂଲ୍ୟବାନ। ଏହା ହେଉଛି ରାଜ୍ୟ ସରକାରଙ୍କର ସ୍ୱାସ୍ଥ୍ୟ ନୀତିର ଆଧାର ବୋଲି ମୁଖ୍ୟମନ୍ତ୍ରୀ କହିଥିଲେ। ତେଣୁ ଜିଲ୍ଲା ହସ୍‌ପିଟାଲ ଠାରୁ ଆରମ୍ଭ କରି CHC ଲେଭଲ ପର୍ଯ୍ୟନ୍ତ ଯେଭଳି ସ୍ୱାସ୍ଥ୍ୟସେବାରେ କୌଣସି ଅସୁବିଧା ନ ହୁଏ, ସେଥିପାଇଁ ଥାନା IICଙ୍କ ଠାରୁ ଆରମ୍ଭ କରି ବିଡିଓ, ଏସ୍‌.ଡି.ପି.ଓ, ସବ୍‌କଲେକ୍ଟର, ଏସ୍‌.ପି ଓ ଜିଲ୍ଲାପାଳ ସମସ୍ତେ ଏହାକୁ ସେମାନଙ୍କର ମୂଳ ଦାୟିତ୍ୱର ଅଂଶଭାବରେ ଜ୍ଞାନ କରି ଯତ୍ନବାନ ହେବାପାଇଁ ମୁଖ୍ୟମନ୍ତ୍ରୀ ପରାମର୍ଶ ଦେଇଥିଲେ ।

କୋଭିଡର ଦ୍ୱିତୀୟ ଲହର ସମୟରେ ମୁଖ୍ୟମନ୍ତ୍ରୀ ଗରିବ ଲୋକଙ୍କ ପାଇଁ ବିଶେଷତଃ ଛୋଟ ଚାଷୀ, ନିର୍ମାଣ ଶ୍ରମିକ, ମନରେଗା ଶ୍ରମିକ, ଆଦିମ ଜନଜାତି ପରିବାର, ଅନୁସୁଚିତ ଜାତି, ଜନଜାତି ଛାତ୍ରଛାତ୍ରୀ ଓ ମିଶନ ଶକ୍ତିର ମା’ ମାନଙ୍କ ଠାରୁ ଆରମ୍ଭ କରି ଉଠା ଦୋକାନି ବିଭିନ୍ନ ବର୍ଗର ଲୋକଙ୍କ ପାଇଁ କୋଭିଡ ସହାୟତା ଘୋଷଣା କରିଥିଲେ । ରାଜ୍ୟ ସରକାରଙ୍କର ୧୦ଟି ବିଭାଗର ବିଭିନ୍ନ କାର୍ଯ୍ୟକ୍ରମରେ ଏହି ସହାୟତା କାର୍ଯ୍ୟକ୍ରମ ଅନ୍ତର୍ଭୁକ୍ତ କରାଯାଇଛି । ଏପର୍ଯ୍ୟନ୍ତ ଉପରୋକ୍ତ ବର୍ଗର ଲୋକମାନଙ୍କୁ ୨୦୦୪ କୋଟି ଟଙ୍କା ପର୍ଯ୍ୟନ୍ତ ସହାୟତା ପ୍ରଦାନ କରାଯାଇଛି ବୋଲି ବୈଠକରୁ ଜଣାପଡ଼ିଛି ।

ବୈଠକରେ ଅଂଶଗ୍ରହଣ କରି ମୁଖ୍ୟ ଶାସନ ସଚିବ ସୁରେଶ ମହାପାତ୍ର ଶିକ୍ଷକ ତଥା ସ୍କୁଲର କର୍ମଚାରୀମାନଙ୍କ ଟିକାକରଣ ଉପରେ ଗୁରୁତ୍ୱାରୋପ କରିଥିଲେ। ସ୍ୱାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ପି.କେ. ମହାପାତ୍ର ତୃତୀୟ ଲହରର ମୁକାବିଲା ପାଇଁ ପ୍ରସ୍ତୁତି ସମ୍ପର୍କରେ ବୈଠକରେ ଅବଗତ କରିଥିଲେ । ଉନ୍ନୟନ କମିଶନର ତଥା ସ୍ୱତନ୍ତ୍ର ରିଲିଫ କମିଶନର ପ୍ରଦୀପ କୁମାର ଜେନା ମୁଖ୍ୟମନ୍ତ୍ରୀଙ୍କ କୋଭିଡ ସହାୟତା କାର୍ଯ୍ୟକାରୀତା ସଂପର୍କରେ ଉପସ୍ଥାପନା ରଖିଥିଲେ । ବୈଠକରେ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାର କାର୍ଯ୍ୟକାରୀତା ସମ୍ପର୍କରେ ମଧ୍ୟ ସମୀକ୍ଷା କରାଯାଇଥିଲା ।

ଏଥିସହିତ ପଢ଼ନ୍ତୁ: ରାଜ୍ୟରେ ଆଉ ୧ହଜାର ୯୧୭ଜଣ କରୋନା ସଂକ୍ରମିତ ଚିହ୍ନଟ: ୬୯ ଜଣଙ୍କ ମୃତ୍ୟୁ

ଅଗଷ୍ଟ ୧ରୁ JNUରେ ନାମଲେଖା ପ୍ରକ୍ରିୟା ଆରମ୍ଭ

ନୂଆଦିଲ୍ଲୀ: ଜବାହରଲାଲ ନେହେରୁ ୟୁନିଭରସିଟି (JNU)ରେ ଆସନ୍ତା ଅଗଷ୍ଟ ୧ ତାରିଖରୁ ଆରମ୍ଭ ହେବାକୁ ଯାଉଛି ନାମଲେଖା ପ୍ରକ୍ରିୟା। JNU ପ୍ରବେଶିକା ପରୀକ୍ଷା ପାଇଁ ପିଲାମାନେ ୧ ତାରିଖରୁ ଆବେଦନ କରିପାରିବେ । କରୋନା କଟକଣା ଯୋଗୁ ପ୍ରବେଶିକା ପରୀକ୍ଷା ସମ୍ପୂର୍ଣ୍ଣ ଭାବେ ଅନଲାଇନ ଯୋଗେ ହେବ।

ସୂଚନା ଅନୁଯାୟୀ, ଚଳିତବର୍ଷ ୟୁନିଭରସିଟି ପକ୍ଷରୁ ୬ଟି ନୂଆ PHD ପ୍ରୋଗ୍ରାମ ଆରମ୍ଭ କରାଯାଇଛି। ନ୍ୟାସନାଲ ସିକ୍ୟୁରିଟି, ଇଞ୍ଜିନିୟରିଂ, ମାଇକ୍ରୋ ସିଷ୍ଟମ ଓ ସିଷ୍ଟମ ମେଡିସିନରେ ନୂଆ PHD ପ୍ରୋଗ୍ରାମ ଆରମ୍ଭ କରାଯାଇଛି ବୋଲି କହିଛନ୍ତି ମାମିଦାଲା ଜଗଦେଶ କୁମାର ସୂଚନା ଦେଇଛନ୍ତି ।

ତେବେ ୨୦୨୧–୨୨ ଶିକ୍ଷାବର୍ଷ ପାଇଁ ଅନଲାଇନରେ ଏଣ୍ଟ୍ରାନ୍ସ ହେବାକୁ ଥିବା ବେଳେ ସେପ୍ଟେମ୍ବର ଶେଷ ସପ୍ତାହରେ ପ୍ରବେଶିକା ପରୀକ୍ଷା ଆୟୋଜନ କରାଯାଇପାରେ ବୋଲି ସୂଚନା ମିଳିଛି।

ରାହୁଲ ଗାନ୍ଧୀଙ୍କ ଦାବି: ‘ଟ୍ୟାପ୍ ହୋଇଛି ମୋ ଫୋନ୍, ଇସ୍ତଫା ଦିଅନ୍ତୁ ଶାହ’

ନୂଆଦିଲ୍ଲୀ: ହ୍ୟାକ୍ ହୋଇଛି କଂଗ୍ରେସ ପୂର୍ବତନ ଅଧ୍ୟକ୍ଷ ତଥା ସାଂସଦ ରାହୁଲ ଗାନ୍ଧୀଙ୍କ ଫୋନ୍ । କିଛି ଏଭଳି ଦାବି କରିଛନ୍ତି ଖୋଦ୍ ରାହୁଲ ଗାନ୍ଧୀ । ସେ କହିଛନ୍ତି ଏହା କେବଳ ମୋ ବ୍ୟକ୍ତିଗତ କଥା ନୁହେଁ, ବରଂ ଏହା ଜନତାଙ୍କ ସ୍ୱର ଉପରେ ଆକ୍ରମଣ । ଏଥିଲାଗି ସେ ଅମିତ ଶାହଙ୍କ ଇସ୍ତଫା ମଧ୍ୟ ଦାବି କରିଛନ୍ତି । ଏବଂ ନ୍ୟାୟିକ ତଦନ୍ତ ନେଇ ମଧ୍ୟ ସେ ଦାବି କରିଛନ୍ତି ।

ରାହୁଲ ଗାନ୍ଧୀ ଆହୁରି କହିଛନ୍ତି ଯେ, ପେଗାସସ୍ ଏକ ଅସ୍ତ୍ର  । ଇସ୍ରାଏଲ ସରକାର ଏହାକୁ ଏକ ଅସ୍ତ୍ର ଭାବେ ବିବେଚିତ କରିଛନ୍ତି । ଏହାକୁ ଆତଙ୍କବାଦୀ ଏବଂ ଅପରାଧୀଙ୍କ ବିରୋଧରେ ବ୍ୟବହାର ହୋଇଥାଏ । ପ୍ରଧାନମନ୍ତ୍ରୀ ଏବଂ ଗୃହମନ୍ତ୍ରୀ ଏହାକୁ ଦେଶର ବିଭିନ୍ନ ଏଜେନ୍ସି ଏବଂ ଲୋକତନ୍ତ୍ର ବିରୋଧରେ ଏହାକୁ ପ୍ରୟୋଗ କରିଥିବା ରାହୁଲ କହିଛନ୍ତି ।

ଅପରପକ୍ଷରେ କଂଗ୍ରେସ ସାଂସଦ ପେଗାସସ୍ ସ୍ପାଇଓ୍ୱେରର ବ୍ୟବହାର କରି ରାହୁଲଙ୍କ ଗାନ୍ଧୀଙ୍କ ଉପରେ ଗୁଇନ୍ଦାଗିରି ଚଳାଇଥିବା ମାମଲାର ସୁପ୍ରିମକୋର୍ଟଙ୍କ ତତ୍ତ୍ୱାବଧାନରେ ନ୍ୟାୟିକ ତଦନ୍ତ ନେଇ ଦାବି କରିଛନ୍ତି । ଲୋକସଭା ଏବଂ ରାଜ୍ୟସଭାର କିଛି ସଦସ୍ୟ ସଂସଦ ପରିସରରେ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ନିକଟରେ ଏ ନେଇ ବିକ୍ଷୋଭ ପ୍ରଦର୍ଶନ କରିଥିଲେ । କଂଗ୍ରେସ ସଂଗଠନ ମହାସଚିବ ବେଣୁଗୋପାଳ ରାଜ୍ୟସଭାରେ ବିପକ୍ଷ ନେତା ମଲ୍ଲିକାର୍ଜୁନ ଖଡଗେ, ଲୋକସଭା କଂଗ୍ରେସ ନେତା ଅଧିର ରଞ୍ଜନ ଚୌଧୁରୀ ଏବଂ କଂଗ୍ରେସର ବହୁ ଅନ୍ୟ ସାଂସଦ ବିକ୍ଷୋଭ ପ୍ରଦର୍ଶନରେ ଉପସ୍ଥିତ ଥିଲେ ।