spot_img
Home Blog Page 5547

ପଞ୍ଜାବ କଂଗ୍ରେସ ଦେଖିବ ନୂଆ ନେତା, ଦାୟିତ୍ୱ ନେବେ ସିଦ୍ଧୁ

ଚଣ୍ଡିଗଡ: ଆସନ୍ତାକାଲି ପଞ୍ଜାବ କଂଗ୍ରେସ ଦେଖିବ ନୂଆ ନେତା । ବିଧିବଦ୍ଧ ଭାବେ ପଞ୍ଜାବ କଂଗ୍ରେସର ଅଧ୍ୟକ୍ଷ ଭାବେ ଦାୟିତ୍ୱ ନେବେ ନବଜୋତ ସିଂ ସିଦ୍ଧୁ । ଏହା ପୂର୍ବରୁ ସେ ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂଙ୍କୁ ନିମନ୍ତ୍ରଣ ପଠାଇଛନ୍ତି । ନିମନ୍ତ୍ରଣ ସ୍ୱୀକାର କରିବା ସହ ଦାୟିତ୍ୱ ଗ୍ରହଣ ସମାରୋହରେ ସାମିଲ ହେବେ ବୋଲି କହିଛନ୍ତି ଅମରିନ୍ଦର ସିଂ।

ବହୁ ବାଦବିବାଦ ପରେ ସିଦ୍ଧୁଙ୍କୁ ପଞ୍ଜାବ କଂଗ୍ରେସର ଦାୟିତ୍ୱ ମିଳିଛି । ମୁଖ୍ୟମନ୍ତ୍ରୀ କ୍ୟାପଟେନ୍ ଅମରିନ୍ଦର ସିଂ ଖୋଲାଖୋଲି ସିଦ୍ଧୁଙ୍କୁ ବିରୋଧ କରୁଥିଲେ । ହେଲେ କଂଗ୍ରେସ ହାଇକମାଣ୍ଡଙ୍କ ନିର୍ଦ୍ଦେଶକ୍ରମେ ସିଦ୍ଧୁ ଅଧ୍ୟକ୍ଷ ହେବା ସହ ଚାରି ନୂଆ କାର୍ଯ୍ୟକାରୀ ଅଧ୍ୟକ୍ଷ ନିଯୁକ୍ତି ହୋଇଛନ୍ତି । କାଲି ପଞ୍ଜାବ କଂଗ୍ରେସ ଏକଜୁଟ ହୋଇ ନୂଆ ଅଧ୍ୟକ୍ଷଙ୍କୁ ସ୍ୱାଗତ କରିବେ।

ତେବେ ଏଥିରେ ସମସ୍ତ ବିଧାୟକ, ମନ୍ତ୍ରୀ ଓ ସାଂସଦ ସାମିଲ ହେବେ ବୋଲି କହିଛନ୍ତି ପଞ୍ଜାବ କଂଗ୍ରେସ ପ୍ରଭାରୀ ହରିଶ ରାୱତ। ଆସନ୍ତା ବର୍ଷ ରହିଛି ପଞ୍ଜାବରେ ବିଧାନସଭା ନିର୍ବାଚନ ଏହା ପୂର୍ବରୁ ସିଦ୍ଧୁଙ୍କୁ ଦାୟିତ୍ୱ ଦେଇ କଂଗ୍ରେସ ପୁଣି ଥରେ ସରକାରକୁ ଫେରିବାକୁ ରଣନୀତି କରିଛି।

ବାଲିଯାତ୍ରା ପଡିଆ ନିକଟରୁ ମୃତଦେହ ଉଦ୍ଧାର; ସମ୍ପୂର୍ଣ୍ଣ ବିବରଣୀ ଦେଲା ପୋଲିସ

ଭୁବନେଶ୍ୱର: ଭୁବନେଶ୍ୱର କୁଆଖାଇ ବାଲିଯାତ୍ରା ପଡିଆ ନିକଟରୁ ଉଦ୍ଧାର ମୃତଦେହର ସମ୍ପୂର୍ଣ୍ଣ ବିବରଣୀ ପ୍ରଦାନ କରିଛି ପୋଲିସ୍ । ମୃତ ଯୁବକଙ୍କ ବୟସ ୧୮ରୁ ୨୫ ମଧ୍ୟରେ ହୋଇଥିବାବେଳେ ତାଙ୍କ ଉଚ୍ଚତା ୫ ଫୁଟ ୮ ଇଞ୍ଚ ଓ ଓଜନ ୪୬ କିଲୋଗ୍ରାମ।

ପୋଲିସର ସୂଚନା ଅନୁଯାୟୀ, ରଙ୍ଗ କଳା ଓ ସେ ଏକ କଳା ରଙ୍ଗର ଟ୍ରାକ୍ ସୁଟ୍ ଓ ଧଳା ରଙ୍ଗର ପ୍ରିଣ୍ଟେଡ୍ ଫୁଲ ସାର୍ଟ ପିନ୍ଧିଛନ୍ତି । ସେ ନିଜ ଡାହାଣ ପଟ କାନରେ ଏକ କୁଣ୍ଡଳ ପିନ୍ଧିଛନ୍ତି । ମୃତଦେହ ନିକଟରୁ ଗୋଟିଏ ନାଲି ଓ ନେଳିଆ ରଙ୍ଗର ଗୋଟିଏ ସ୍ଲିପର ଚପଲ ଉଦ୍ଧାର ହୋଇଛି । ତାଙ୍କ ବିଷୟରେ କାହାରି ନିକଟରେ ସୂଚନା ଥିଲେ ମଞ୍ଚେଶ୍ୱର ଥାନାକୁ ଫୋନ ନମ୍ବର 8280338321 କିମ୍ବା ପୋଲିସ୍ କମିଶନରଙ୍କ ଅଫିସ ଲ୍ୟାଣ୍ଡ ଲାଇନ ନମ୍ବର 0674-254055କୁ ଜଣାଇବାକୁ କୁହାଯାଇଛି ।

ଅଧିକ ପଢନ୍ତୁ- ମଞ୍ଚେଶ୍ୱରରେ ଚାଞ୍ଚଲ୍ୟ, ବାଲିରେ ଅଧାପୋତା ମୃତଦେହ

ମଞ୍ଚେଶ୍ୱର ଥାନା ବରିମୁଣ୍ଡ ବାଲିଯାତ୍ରା ପଡ଼ିଆରେ ପୋତା ମୃତଦେହକୁ ସାଇଂଟିଫିକ୍ ଟିମ୍ ଉପସ୍ଥିତିରେ ଆଜି ଉଦ୍ଧାର କରିଥିଲା ପୋଲିସ୍ । ପରେ ଏମ୍ସରେ ମୃଦେହର ବ୍ୟବଚ୍ଛେଦ କରାଯାଇଛି । କ୍ରାଇମପ୍ଲଟର କରାଯାଇଛି ଥ୍ରୀ-ଡି ସ୍କାନ୍ । ପରବର୍ତ୍ତୀ ସମୟରେ ସ୍ପଟ ନଷ୍ଟ ହୋଇଗଲେ ମଧ୍ୟ ଏହି ସ୍କାନର ଆଧାରରେ ତଦନ୍ତକୁ ଆଗେଇ ନିଆଯାଇପାରିବ । ସେପଟେ ଆଖପାଖ ଥାନାରେ ହୋଇଥିବା ମିସିଂ ରିପୋର୍ଟ ଅନୁସାରେ ତଦନ୍ତ କରାଯିବ ବୋଲି ସୂଚନା ଦେଇଛନ୍ତି ଭୁବନେଶ୍ୱର ଡିସିପି ।

 

ସେଫ୍ଟିକ୍ ଟ୍ୟାଙ୍କରେ ଶ୍ୱାସରୁଦ୍ଧ ହୋଇ ୩ ମୃତ

ଗୋପାଳପୁର: ସେଫ୍ଟିକ୍ ଟ୍ୟାଙ୍କର ସେଣ୍ଟ୍ରି କାମ ବେଳେ ବେଳେ ତିନି ଶ୍ରମିକଙ୍କ ମୃତ୍ୟୁ । ଗୋପାଳପୁର ଥାନା ଅନ୍ତର୍ଗତ ବିକ୍ରମପୁରରେ ଘଟିଛି ଅଭାବନୀୟ ଘଟଣା । ମୃତକ ମାନେ ଏମ୍.ସଦନନ୍ଦମ୍ପି , କ୍ରିଷ୍ଣା ରେଡ୍ଡୀ ଓ ପି.ତରେନେୟା ବୋଲି ଜଣାପଡିଛି।

ସୂଚନା ଅନୁଯାୟୀ, ଗାଁର ଟି. ସିଧେଶୁଙ୍କ ନୂତନ ଭାବେ ତିଆରି ହୋଇଥିବା ଲେଟିନ ଟ୍ୟାଙ୍କିର ସେଣ୍ଟ୍ରିଂଙ୍ଗ ଖୋଲିବା ପାଇଁ ପ୍ରଥମେ ମିସ୍ତ୍ରୀ ଏମ୍. ସଦାନନ୍ଦମ ଭିତରକୁ ଯାଇଥିଲେ । କିଛି ସମୟ ପରେ ନ ଆସିବାରୁ ପରେ କ୍ରିଷ୍ଣା ଭିତରକୁ ଯାଇଥିଲେ । କିଛି ସମୟ ପରେ ସେ ମଧ୍ୟ ନ ଫେରିବାରୁ ପି. ତାରେନେୟା ଭିତରକୁ ଯାଇଥିଲେ । ହେଲେ ତିନି ଜଣଙ୍କ ଟ୍ୟାଙ୍କ ଭିତରେ ଶ୍ବାସ ରୁଦ୍ଧ ହୋଇ ଚେତାସୁନ୍ୟ ହୋଇ ପଡିଥିଲେ ।

ତେବେ ସେମାନଙ୍କୁ ଗ୍ରାମବସୀ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ବ୍ରହ୍ମପୁର ବଡ଼ ମେଡିକାଲ୍ ପଠାଇଥିଲେ । ସେଠାରେ ଡାକ୍ତର ସେମାନଙ୍କୁ ମୃତ୍ୟୁ ଘୋଷଣା କରିଥିଲେ। ଗୋପାଳପୁର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିଥିବା ବେଳେ ଆସନ୍ତା କାଲି ଶବ ବ୍ୟବଚ୍ଛେଦ କରାଯିବ ବୋଲି ପୋଲିସ ସୁତ୍ରରୁ ପ୍ରକାଶ ।

କିଏ ଏହି ଟୁକ ? କଟକ କେସର ଇନଫୋସିଟି କନେକ୍ସନ କିଛି ଅଛି କି ?

କଟକ: ମର୍କତନଗର ଅଞ୍ଚଳର ନବ ବିବାହିତ ମୋହିତ ଶର୍ମା ଆଣିଛନ୍ତି ସାଂଘାତିକ ଅଭିଯୋଗ। ଏ ଅଭିଯୋଗ ପୁଣି ତାଙ୍କ ପତ୍ନୀଙ୍କ ନାଁ ରେ । ଆଉ ଅଭିଯୋଗ ହେଲା ପ୍ରେମ କରି ବାହା ହୋଇଥିବା ଏହି ପତ୍ନୀର ଦେହ ସାରା ରହିଛି ଆଉ କେଉଁ ଯୁବକ ନାଁରେ ପରମାନେଣ୍ଟ ଟାଟୁ। ଖାଲି ସେତିକି ନୁହେଁ, ସେ ଟାଟୁ ପୁଣି ଲେଖିଛନ୍ତି ତାଙ୍କର ପୂର୍ବତନ ପ୍ରେମିକ। ଆଉ ବିବାହ ପରେ ମଧ୍ୟ ସମ୍ପୃକ୍ତ ଟୁକ ନାମଧାରୀ ଯୁବକଙ୍କ ସହ ତାଙ୍କର ଚାଲିଛି ଅହରାତ୍ରୀ ନଗ୍ନ ଭିଡିଓ ଚ୍ୟାଟିଂ।

ଏ ବିଷୟକୁ କେମିତି ସହିବି? ଆଇନ ତ ତାଙ୍କ ହାତରେ। ମୋତେ ସେଥିରୁ ମୁକ୍ତି ଦିଅନ୍ତୁ ବୋଲି କହି ସବୁ ପ୍ରମାଣ ଆଉ ଫଟୋ ଧରି ମର୍କତ ନଗର ଥାନାରେ ସେ ଦାୟର କରିଛନ୍ତି ସଙ୍ଗୀନ ଏତଲା। ଯଦିଓ ଏହି ଏତଲାରେ ଅଭିଯୁକ୍ତ ପତ୍ନୀଙ୍କୁ ଏଯାଏ ଜେରା କରାଯାଇଥିବା ନେଇ ପୁଲିସ କୌଣସି ସୂଚନା ଦେଇନି କିନ୍ତୁ ଏହି ଘଟଣାର ପର୍ଦାରେ ସାମ୍ନାକୁ ଆସିଛି ୨୦୨୦ ବର୍ଷର ବହୁ ଚର୍ଚିତ ଇନ୍ଫୋସିଟି ଫାୟାରିଂ ଘଟଣା। ସେହି ଘଟଣାରେ ଯେଉଁ ଫ୍ୟାଶନ୍ ଡିଜାଇନର ଛାତ୍ରୀଙ୍କୁ ପ୍ରେମିକ ଗୁଳି ମାରିଥିଲା ସେହି ପ୍ରେମିକର ନାଁ ବି ଟୁକ ଥିଲା। ପୁଲିସ ତାଙ୍କୁ ଫେବୃୟାରୀ ୧୩ ତାରିଖରେ ଗିରଫ କରିଥିଲା। ପ୍ରଶ୍ନ ସେହି ଟୁକ ଓରଫ୍ ପ୍ରଦୀପ ଅଗସ୍ତି ଏବେକାର ଅଭିଯୁକ୍ତ ଟୁକ ଏକ ନୁହଁନ୍ତି ତ? ପୁଣି ଯେଉଁ ଝିଅକୁ ନେଇ ସେତେବେଳେ ସାରା ଭୁବନେଶ୍ୱରରୁ ବାଲେଶ୍ୱର ଚର୍ଚିତ ହୋଇଥିଲା, ମୋହିତ୍ ସେହି ଝିଅ କଥା କହୁନାହାନ୍ତି ତ?

କାରଣ ସେତେବଳେ ଗୁଳିକାଣ୍ଡର ଶିକାର ଝିଅର ବାପା କ୍ୟାମେରା ଆଗରେ ଟୁକ ନାମରେ ଜଣେ ଯୁବକଙ୍କୁ ଦାୟୀ କରିଥିଲେ । ଟୁକ ବିବାହିତ ଥାଇ ବି ତାଙ୍କ ଝିଅ ପଛରେ ପଡିଥିଲା । ଝିଅକୁ ଡରାଇ ଧମକାଇ ସମ୍ପର୍କ ରଖିବାକୁ ବାଧ୍ୟ କରୁଥିଲା । ଝିଅକୁ ଡରାଇବାକୁ ବନ୍ଧୁକ ନେଇ ତା’ ହଷ୍ଟେଲକୁ ଯାଇଥିଲା । ସେଠାରେ ବନ୍ଧୁକ ଦେଖାଇ ଧମକାଉଥିଲା । ଝିଅ ବନ୍ଧୁକକୁ ଖେଳନା ବନ୍ଧୁକ କହିବାରୁ ତା’ ଗୋଡକୁ ଟୁକ ଗୁଳି ମାରିଥିଲା ବୋଲି କହିଥିଲେ ସଂପୃକ୍ତ ଫ୍ୟାଶନ ଡିଜାଇନରଙ୍କ ବାପା ।

କଟକର ସିଡିଏ ସେକ୍ଟରରେ ପରିବାର ସହିତ ରହୁଥିବା ମୋହିତ ନଭେମ୍ବର ୨୫ରେ ବାଲେଶ୍ୱରର ମୋନାଲି (ଛଦ୍ମ ନାମ) ଦାସଙ୍କୁ ପ୍ରେମ ବିବାହ କରିଥିଲେ। କିନ୍ତୁ ଏହା ପରେ ଆରମ୍ଭ ହୋଇଥିଲା ମୋହିତଙ୍କ ମୋହଭଙ୍ଗର ସମୟ । ମୋହିତଙ୍କ ଅନୁସାରେ ପ୍ରେମ ବିବାହ ପରେ ତାଙ୍କ ଜୀବନ ନର୍କ ପାଲଟି ଯାଇଥିଲା । ତାଙ୍କ ପତ୍ନୀ ତାଙ୍କୁ କଥା କଥାକେ ନିର୍ଯାତନା ଦେଉଥିଲେ । ବିବାହର ଚତୁର୍ଥୀ ରାତ୍ରୀରୁ ହିଁ ତାଙ୍କ ସହିତ ମାନସିକ ନିର୍ଯାତନା ଆରମ୍ଭ ହୋଇଥିଲା । ମୋହିତଙ୍କ ଅନୁସାରେ ଚତୁର୍ଥୀ ରାତ୍ରିରେ ତାଙ୍କ ପାଖକୁ ଗୋଟିଏ ଅଜଣା ନମ୍ବରରୁ କଲ ଆସିଥିଲା । କଲ କରିଥିବା ବ୍ୟକ୍ତି ନିଜକୁ ଟୁକ ବୋଲି ପରିଚୟ ଦେଇଥିଲେ । ଆଉ ମୋହିତଙ୍କୁ ନିଜ ପତ୍ନୀଙ୍କଠାରୁ ଦୁରେଇ ରହିବାକୁ ଧମକ ଦେଇଥିଲେ । ମୋହିତଙ୍କ ଅନୁସାରେ ଟୁକ ତାଙ୍କୁ ଧମକ ଦେଇଥିଲା ଯେ, ତୋ ପତ୍ନୀ ସହିତ ମୋର ଆଗରୁ ସମ୍ପର୍କ ଅଛି । ଏମିତିକି ସେ ତା ଗୁପ୍ତାଙ୍ଗରେ ନିଜ ନାମ ଲେଖାଥିବା ଦାବି କରିଥିଲା । ଏହି ଘଟଣା ପରେ ମୋହିତ ଡରି ଯାଇଥିଲେ । କାରଣ ଟୁକ ତାଙ୍କୁ ଜୀବନରେ ମାରି ଦେବାକୁ ଧମକ ଦେଇଥିଲେ ।

 

ଶେଷ ହୋଇଛି ମହାପ୍ରଭୁଙ୍କ ଅଧରପଣା ନୀତି

ପୁରୀ: ମହାପ୍ରଭୁଙ୍କ ଅଧରପଣା ନୀତି ଶେଷ ହୋଇଛି। ରଥରେ ଥିବା ପାର୍ଶ୍ୱ ଦେବାଦେବୀ ଓ ଚଣ୍ଡି ଚାମଣ୍ଡାଙ୍କୁ ତୃପ୍ତ କରିବା ପାଇଁ ରଥ ଉପରେ ଅଧରପଣା ନୀତି କରିବାର ପରମ୍ପରା ରହିଛି । ମଧ୍ୟାହ୍ନ ଧୂପ ପରେ ରଥ ଉପରେ ଅନୁଷ୍ଠିତ ହୋଇଥାଏ ଏହି ଅଧର ପଣା ନୀତି ।

ଶ୍ରୀଜୀଉମାନଙ୍କ ଅଧର ପର୍ଯ୍ୟନ୍ତ ଉଚ୍ଚ ମାଟିହାଣ୍ତିର ବଡ଼ ଓଡ଼ିଆ ମଠ, ରାଘବ ଦାସ ମଠ ଏବଂ ଶ୍ରୀମନ୍ଦିର ପ୍ରଶାସନ ପକ୍ଷରୁ ପ୍ରସ୍ତୁତ ପଣାକୁ ଭୋଗ କରାଯାଇଥାଏ । ପାଣିଆ ଆପଟ ସେବାୟତମାନେ ଛାଉଣୀ ମଠ କୂଅରୁ ପାଣି ଆଣିବା ପରେ ଛେନା, କଦଳୀ, କ୍ଷୀର, ଗୋଲମରିଚ, ସର, କର୍ପୂର ଓ ଜାଇଫଳ ଗୁଣ୍ତ ଇତ୍ୟାଦି ମିଶାଇ ସୁଆର ସବାୟତମାନେ ପଣା ପ୍ରସ୍ତୁତ କରିଥାନ୍ତି।

ପୂଜାପଣ୍ତାମାନେ ଏହି ପଣାକୁ ଶ୍ରୀଜିଉମାନଙ୍କୁ ସମର୍ପଣ କରିବା ପରେ ହାଣ୍ତିଗୁଡ଼ିକ ରଥ ଉପରେ ଭାଙ୍ଗି ଦିଆଯାଇଥାଏ । ଆସନ୍ତାକାଲି ନୀଳାଦ୍ରିବିଜେ । ବଡ଼ଦାଣ୍ଡରୁ ଲୀଳାଖେଳା ସାରି ଭାଇ ଭଉଣୀଙ୍କ ସହ ନୀଳକନ୍ଦରକୁ ବାହୁଡ଼ି ଯିବେ ନୀଳମଣି ।

 

ତେବେ ଅଧରପଣା ନୀତି ଶୃଙ୍ଖଳିତ ଭାବେ ଆଜି ଶେଷ ହୋଇଥିବା ବେଳେ ଆସନ୍ତାକାଲି ନୀଳାଦ୍ରୀ ବିଜେ ନୀତି ମଧ୍ୟ ଶୃଙ୍ଖଳିତ ଭାବେ କରାଯିବା ନେଇ ଲକ୍ଷ୍ୟ ରଖାଯାଇଛି ।

 

ଗୋପାଳପୁରରେ ଟାଟା ଚା’ ପ୍ୟାକେଜିଂ ୟୁନିଟ୍, ଉଦଘାଟନ କଲେ ମୁଖ୍ୟମନ୍ତ୍ରୀ

ଗୋପାଳପୁର: ଗୋପାଳପୁରରେ ଟାଟା ଚା’ ପ୍ୟାକେଜିଂ ୟୁନିଟକୁ ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏଥିପାଇଁ ୧୦୦ କୋଟିର ପୁଞ୍ଜି ନିବେଶ କରାଯାଇଛି ।

ସୂଚନା ଅନୁଯାୟୀ, ଏହା ଦେଶର ସର୍ବବୃହତ ପ୍ୟାକେଜିଂ ୟୁନିଟ୍ ହେବ । ଏଥିରେ ଗଞ୍ଜାମ ଜିଲ୍ଲାର ୯ଶହରୁ ଅଧିକ ଲୋକଙ୍କୁ ନିଯୁକ୍ତି ସୁଯୋଗ ମିଳିବ । ଆଗକୁ ଏହା ଦେଶର ସର୍ବବୃହତ ପ୍ୟାକେଜିଂ ୟୁନିଟ୍ ଭାବେ ନିର୍ମାଣ କରାଯିବ । ଚା’ ପ୍ୟାକେଜିଂ ୟୁନିଟ୍‌ରେ ଅତ୍ୟାଧୁନିକ ଜ୍ଞାନ କୌଶଳର ବ୍ୟବହାର କରାଯାଇଛି ।

ଏବେ ଏହାର ଉତ୍ପାଦନ କ୍ଷମତା ୧୫ ମିଲିୟନ୍‌ କେଜି ଥିବା ବେଳେ ଆଗକୁ ଏହାକୁ ୫୦ ମିଲିୟନ କେଜିକୁ ବଢାଯିବ । ଓଡ଼ିଶା, ଆନ୍ଧ୍ରପ୍ରଦେଶ, କର୍ଣ୍ଣାଟକ, ତାମିଲନାଡୁ, ତେଲେଙ୍ଗାନା ଓ କେନ୍ଦ୍ରୀୟ ଭାରତକୁ ସପ୍ଲାଏ କରାଯିବ। ଦକ୍ଷିଣ ଓ କେନ୍ଦ୍ର ଭାରତକୁ ସୃଷ୍ଟି ହେବ ସପ୍ଲାଏ ଚେନ୍ । ଶିଳ୍ପ ବିକେନ୍ଦ୍ରୀକରଣରେ ଅଧିକ ନିଯୁକ୍ତି ସୁଯୋଗ ସୃଷ୍ଟି ହେବ ।

ଏହି ଅବସରରେ ମୁଖ୍ୟମନ୍ତ୍ରୀ ଓଡ଼ିଶାରେ ଟାଟା ଗ୍ରୁପର ଭୂମିକାକୁ ପ୍ରଶଂସା କରିଥିଲେ । ଏପରିକି ରାଜ୍ୟର ଶିଳ୍ପ ବିକାଶ କ୍ଷେତ୍ରରେ ଏହାର ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି କହିଛନ୍ତି ।

ରାଜ୍ୟରେ ଆଗାମୀ ୨ଦିନ ଧରି ପ୍ରବଳ ବର୍ଷା ଆଶଙ୍କା

ଭୁବନେଶ୍ୱର: ଦକ୍ଷିଣ ବାଂଲାଦେଶ ଏବଂ ଏହାର ଆଖପାଖରେ ସୃଷ୍ଟି ହୋଇଥିବା ଘୂର୍ଣ୍ଣିବଳୟ ଲୋପ୍ରେସରରେ ପରିଣତ ହୋଇଛି । ଏହାର ପ୍ରଭାବରେ ଆସନ୍ତା ୨ଦିନ ଧରି ପ୍ରବଳ ବର୍ଷା ହେବା ନେଇ ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ କେନ୍ଦ୍ର ।

ପାଣିପାଗ କେନ୍ଦ୍ର ପକ୍ଷରୁ ୨୩ ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରାଯାଇଛି। ଏହାସହିତ ୧୭ ଜିଲ୍ଲାରେ ପ୍ରବଳରୁ ଅତିପ୍ରବଳ ବର୍ଷା ନେଇ ସତର୍କତା ଜାରି କରାଯାଇଛି। କଟକ ଓ ଭୁବନେଶ୍ୱରରେ ପ୍ରବଳ ବର୍ଷା ହେବାର ସମ୍ଭାବନା ରହିଛି । ଏଥିପାଇଁ କଟକ ଓ ଭୁବନେଶ୍ୱରକୁ ମଧ୍ୟ ୟେଲୋ ଆଲର୍ଟ ଜାରି କରାଯାଇଛି । ବାଲେଶ୍ୱର, ଭଦ୍ରକ, ରାୟଗଡା, ବଲାଙ୍ଗୀର, ନୂଆପଡା, ନବରଙ୍ଗପୁର, ଅନୁଗୁଳ, ଢେଙ୍କାନାଳକୁ ୟେଲୋ ଆଲର୍ଟ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର ।

ଏହା ସହିତ କେନ୍ଦୁଝର, ଝାରସୁଗୁଡା, ବରଗଡ, ସୁନ୍ଦରଗଡ଼, ସମ୍ବଲପୁର, ଦେବଗଡ଼, ବୌଦ୍ଧ, ସୋନପୁର, ମାଲକାନଗିରି, କୋରାପୁଟ, ଗଜପତି, ଗଞ୍ଜାମ, କନ୍ଧମାଳ, କଳାହାଣ୍ଡି, ଯାଜପୁରକୁ ମଧ୍ୟ ସତର୍କ କରାଯାଇଛି। ବରଗଡ, ଝାରସୁଗୁଡା, ସୁନ୍ଦରଗଡ଼, ସମ୍ବଲପୁର, ନୂଆପଡା, ବଲାଙ୍ଗୀର, ଦେବଗଡ, କେନ୍ଦୁଝର, ନବରଙ୍ଗପୁର, ସୋନପୁର, ବୌଦ୍ଧ, ଅନୁଗୁଳ ଓ ଯାଜପୁରରେରେ ପ୍ରବଳରୁ ଅତିପ୍ରବଳ ବର୍ଷା ହେବାର ସମ୍ବାବନା ରହିଛି ।

 

ତେବେ ରାଜ୍ୟରେ ଏପର୍ଯ୍ୟନ୍ତ ୨୪ ପ୍ରତିଶତ କମ୍ ବର୍ଷା ହୋଇଥିବା ବେଳେ ୧୧ଜିଲ୍ଲାରେ ସ୍ୱାଭାବିକ ବର୍ଷା ହୋଇଛି । ଲଘୁଚାପ ପ୍ରଭାବରେ ଆଗାମୀ ୫ଦିନ ଯାଏଁ ଅନେକ ସ୍ଥାନରେ ବର୍ଷା ଜାରି ରହିବ ବୋଲି ପାଣିପାଗ କେନ୍ଦ୍ର ପକ୍ଷରୁ ସତର୍କ ସୂଚନା ଜାରି କରାଯାଇଛି।

ପ୍ରେମ ପରେ ପ୍ରତାରଣା; ଥାନାର ଦ୍ୱାରସ୍ତ ହେଲେ ସ୍ୱାମୀ

କଟକ: ପ୍ରେମ ବିବାହ କରି ପ୍ରତାରଣାର ଶିକାର ହୋଇଛନ୍ତି କଟକର ଜଣେ ଯୁବକ । ଏଭଳି ଅଭିଯୋଗ ଆସିଛି କଟକର ମର୍କତ ନଗର ଅଂଚଳରୁ। ସମ୍ପୃକ୍ତ ଯୁବକ ଜଣକ ମୋହିତ ଶର୍ମା ବୋଲି ଜଣାପଡିଛି ।

ସୂଚନା ଅନୁଯାୟୀ, କଟକର ସିଡିଏ ସେକ୍ଟରରେ ପରିବାର ସହିତ ରହୁଥିବା ମୋହିତ ନଭେମ୍ବର ୨୫ରେ ବାଲେଶ୍ୱରର ଜଣେ ଯୁବତୀଙ୍କୁ ପ୍ରେମ ବିବାହ କରିଥିଲେ। କିନ୍ତୁ ଏହା ପରେ ଆରମ୍ଭ ହୋଇଥିଲା ମୋହିତଙ୍କ ମୋହଭଙ୍ଗର ସମୟ । ମୋହିତଙ୍କ ଅନୁସାରେ ପ୍ରେମ ବିବାହ ପରେ ତାଙ୍କ ଜୀବନ ନର୍କ ପାଲଟି ଯାଇଥିଲା । ତାଙ୍କ ପତ୍ନୀ ତାଙ୍କୁ କଥା କଥାକେ ନିର୍ଯାତନା ଦେଉଥିଲେ । ବିବାହର ଚତୁର୍ଥୀ ରାତ୍ରୀରୁ ହିଁ ତାଙ୍କ ସହିତ ମାନସିକ ନିର୍ଯାତନା ଆରମ୍ଭ ହୋଇଥିଲା । ମୋହିତଙ୍କ ଅନୁସାରେ ଚତୁର୍ଥୀ ରାତ୍ରିରେ ତାଙ୍କ ପାଖକୁ ଗୋଟିଏ ଅଜଣା ନମ୍ବରରୁ କଲ ଆସିଥିଲା । କଲ କରିଥିବା ବ୍ୟକ୍ତି ନିଜକୁ ଟୁକ ବୋଲି ପରିଚୟ ଦେଇଥିଲେ । ଆଉ ତାଙ୍କୁ ନିଜ ପତ୍ନୀଙ୍କଠାରୁ ଦୁରେଇ ରହିବାକୁ ଧମକ ଦେଇଥିଲେ ।

ମୋହିତଙ୍କ ଅନୁସାରେ ଟୁକ ତାଙ୍କୁ ଧମକ ଦେଇଥିଲା ଯେ, ତୋ ପତ୍ନୀ ସହିତ ମୋର ଆଗରୁ ସମ୍ପର୍କ ଅଛି । ଏମିତିକି ସେ ସମ୍ପୃକ୍ତ ଯୁବତୀଙ୍କ ଗୁପ୍ତାଙ୍ଗରେ ତାଙ୍କ ନାମ ଲେଖାଥିବା ଦାବି କରିଥିଲା । ଏହି ଘଟଣା ପରେ ମୋହିତ ଡରି ଯାଇଥିଲେ । କାରଣ ଟୁକ ତାଙ୍କୁ ଜୀବନରେ ମାରି ଦେବାକୁ ଧମକ ଦେଇଥିଲେ । ମୋହିତଙ୍କ ଅନୁସାରେ ତାଙ୍କ ପତ୍ନୀ ଘରେ ମଦ ପିଇବା ସହିତ ତାଙ୍କୁ ପିଇବାକୁ ବାଧ୍ୟ କରୁଥିଲେ । ପରିବାର ଲୋକଙ୍କୁ ମିଛ ମାମଲାରେ ଫସାଇବାକୁ ଧମକ ଦେଉଥିଲେ ।

ନଭେମ୍ବର ୨୦୨୦ରେ ତାଙ୍କ ବିବାହ ହୋଇଥିଲା । ଫେସବୁକରୁ ସେମାନଙ୍କ ପ୍ରେମ ଆରମ୍ଭ ହୋଇଥିଲା । ମୋହିତଙ୍କ ଅନୁସାରେ ଫେସବୁକରେ ସମ୍ପର୍କ ହେବା ପରେ ପରସ୍ପର ମଧ୍ୟରେ ହ୍ୱାଟସଅପ୍ ନମ୍ବର ଆଦାନ ପ୍ରଦାନ ହୋଇଥିଲା । ହ୍ୱାଟସ ଆପରେ ସେମାନେ କିଛି ଦିନ କଥା ହେବା ପରେ ମୋହିତଙ୍କୁ ସମ୍ପୃକ୍ତ ଯୁବତୀ ଜଣକ ବିବାହ କରିବାକୁ ପ୍ରସ୍ତାବ ଦେଇଥିଲେ । ତେବେ ମୋହିତ ଏତେଶୀଘ୍ର ବିବାହ କରିବାକୁ ରାଜି ନଥିଲେ । ମୋହିତଙ୍କ ଅନୁସାରେ ସେ ବିବାହ ପାଇଁ ଏକ ବର୍ଷ ସମୟ ମାଗିଥିଲେ । କିନ୍ତୁ ସେ ତାଙ୍କୁ ତୁରନ୍ତ ବିବାହ କରିବାକୁ ଚାପ ପକାଇଥିଲେ । ଏପରିକି ଯୁବତୀଙ୍କ ବାପା-ମା ବିବାହ ନକଲେ ଜୀବନରେ ମାରିଦେବୁ ବୋଲି ଧମକ ଦେଇଥିଲେ ।

ଜୁଲାଇ ମାସରେ ସେ କାହାକୁ ନଜଣାଇ ନିଜ ବାପଘରକୁ ଚାଲି ଯିବା ପରେ ଏବେ ମୋହିତ ନ୍ୟାୟ ପାଇଁ ଥାନା ଦ୍ୱାରସ୍ତ ହୋଇଛନ୍ତି । କଟକ ମର୍କତ ନଗର ଥାନାରେ ମୋହିତ ଏତଲା ଦେଇଛନ୍ତି । ତେବେ ଏନେଇ ତାଙ୍କ ପତ୍ନୀଙ୍କ ଆଡୁ କୌଣସି ପ୍ରତିକ୍ରିୟା ମିଳିନାହିଁ ।

ରଥ ଉପରେ ମହାପ୍ରଭୁଙ୍କ ଅଧରପଣା ନୀତି; ଦେଖନ୍ତୁ…

ପୁରୀ: ଆଜି ରଥାରୂଢ ଶ୍ରୀଜିଉଙ୍କର ସଂପନ୍ନ ହେବ ଅଧରପଣା ନୀତି । ଏହି ନୀତିରେ ଅଶରୀରୀ, ପାର୍ଶ୍ୱ ଦେବାଦେବୀମାନେ ମହାପ୍ରଭୁଙ୍କ ଅଧରାମୃତ ପାନ କରି ତୃପ୍ତ ହୋଇଥାନ୍ତି। ଆଷାଢ ଶୁକ୍ଳ ଦ୍ୱାଦଶୀ ତିଥିରେ ରଥ ଉପରେ ଏହି ନୀତି ସଂପନ୍ନ ହୁଏ । ପ୍ରଭୁଙ୍କର ଏହି ମାନବୀୟ ଲୀଳାକୁ ଦର୍ଶନ କରିବା ପାଇଁ ଶ୍ରଦ୍ଧାଳୁ ଅପେକ୍ଷାରେ ରହିଛନ୍ତି ।  ସେହି ଦିବ୍ୟ ମୁହୂର୍ତ୍ତକୁ ଦେଖିଲେ ଯେକେହିବି ଭାବବିହ୍ୱଳ ହୋଇପଡିବେ ।

ବାହୁଡା ପରେ ସୁନାବେଶରେ ଦର୍ଶନ ଦେଇଥାନ୍ତି ଠାକୁର । ଏହାପରେ ଏକ ସ୍ୱତନ୍ତ୍ର ଶୈଳୀରେ ନିର୍ମିତ ରଥାରୁଢ଼ ଠାକୁରମାନଙ୍କ ଅଧର ଉଚ୍ଚ ପର୍ଯ୍ୟନ୍ତ ମାଟି ହାଣ୍ଡି, ବା ଲାଉ ଆକୃତିର କୁଡୁଆରେ ହେଉଥିବା ପଣା ଭୋଗକୁ ଅଧର ପଣା କୁହାଯାଏ।  ତେବେ ପ୍ରତ୍ୟେକ ହାଣ୍ଡି ସମାନ ମାପର ହୋଇ ନଥାଏ। ଏହା ଅଶରୀରୀ, ଭୂତ, ପ୍ରେତଙ୍କ ଉଦ୍ଦେଶ୍ୟରେ ଭଙ୍ଗାଯାଇଥିବା ମତବାଦ ରହିଛି । ରଥ ଉପରେ ଠାକୁରମାନଙ୍କ ଉଦ୍ଦେଶ୍ୟରେ ଅଧର ପଣା ଭୋଗହୋଇ ରଥର ପାର୍ଶ୍ୱ ଦେବାଦେବୀ ଓ ଅନ୍ୟାନ୍ୟ ଚଣ୍ଡି ଚାମୁଣ୍ଡା ପାଇଁ ଅଧର ହାଣ୍ଡି ଭଙ୍ଗାଯାଇଥାଏ ।

ବଡ଼ ଓଡ଼ିଆ ମଠ ଓ ରାଘବ ଦାସ ମଠ ପକ୍ଷରୁ ପ୍ରସ୍ତୁତ ପଣାକୁ ଏବଂ ଶ୍ରୀମନ୍ଦିର ପ୍ରଶାସନ ପକ୍ଷରୁ ପଣାକୁ ଭୋଗ କରାଯାଇଥାଏ । ପାଣିଆ ଆପଟ ସେବାୟତ ମାନେ ଛାଉଣୀ ମଠ କୂଅରୁ ପାଣି ଆଣିବା ପରେ ଛେନା, କଦଳୀ, କ୍ଷୀର, ଗୋଲମରିଚ, ସର, କର୍ପୂର ଓ ଜାଇଫଳ ଗୁଣ୍ତ ଇତ୍ୟାଦି ମିଶାଇ ସୁଆର ସବୋୟତ ମାନେ ଏହାକୁ ପ୍ରସ୍ତୁତ କରିଥାନ୍ତି।

ଶାସ୍ତ୍ରଜ୍ଞଙ୍କ ମତରେ ରଥରେ ଅବସ୍ଥାନ କରୁଥିବା ଚଣ୍ଡୀ-ଚାମୁଣ୍ଡାଙ୍କ ପାଇଁ ଏହି ଅଧରପଣା ନୀତି ହୋଇଥାଏ । ଫଳରେ ସେମାନେ ଶାନ୍ତି ହୋଇ ନିଜ ସ୍ଥାନ ଫେରିଥାନ୍ତି ।  ଆଜିର ଏହି ନୀତି ପରେ ଆସନ୍ତାକାଲି ଚତୁର୍ଦ୍ଧାମୂର୍ତ୍ତିଙ୍କ ନୀଳାଦ୍ରି ବିଜେ ନୀତି ଅନୁଷ୍ଠିତ ହେବ ।

 

ସେମାନେ କୃଷକ ନୁହଁନ୍ତି, ଜଣେ ଜଣେ ଗୁଣ୍ଡା: ମୀନାକ୍ଷି ଲେଖି

ନୂଆଦିଲ୍ଲୀ: କୃଷକ ଆନ୍ଦୋଳନ ଜାରି ରହିଥିବା ବେଳେ ଆଲୋଚନା ଜରିଆରେ ସମସ୍ୟାର ସମାଧାନ ପାଇଁ କୃଷି ମନ୍ତ୍ରୀ ନରେନ୍ଦ୍ର ସିଂହ ତୋମାର ଜୋର୍ ଦେଇଛନ୍ତି । ଏନେଇ ସରକାର କଥାବାର୍ତ୍ତା ହେବାକୁ ପ୍ରସ୍ତୁତ ଅଛନ୍ତି ବୋଲି ସେ କହିଛନ୍ତି। ସେପଟେ କୃଷକଙ୍କୁ ନେଇ ବିବାଦୀୟ ବୟାନ୍ ଦେଇଛନ୍ତି ବିଦେଶ ରାଜ୍ୟ ମନ୍ତ୍ରୀ । ଯାହାକୁ ନେଇ ଚର୍ଚ୍ଚା ଜୋର୍ ଧରିଛି ।

ଏପରିକି ବିଦେଶ ରାଜ୍ୟ ମନ୍ତ୍ରୀ ମୀନାକ୍ଷି ଲେଖି କୃଷକ ମାନଙ୍କୁ ଗୁଣ୍ଡା କହିବାକୁ ମଧ୍ୟ ପଛାଇ ନାହାଁନ୍ତି । ଏକ ପ୍ରେସ୍ ବିଜ୍ଞପ୍ତିରେ ମୀନାକ୍ଷି କହିଛନ୍ତି ଯେ, କୃଷକ ମାନେ ଗୁଣ୍ଡା, ଆଉ ଯେଉଁମାନେ ଆନ୍ଦୋଳନ କରୁଛନ୍ତି ସେମାନେ କୃଷକ ନୁହଁନ୍ତି । କୃଷକ ଆନ୍ଦୋଳନ ଆଢୁଆଳରେ ପଲିଟିକ୍ସ କରାଯାଉଛି ।

ଏହି ଅବସରରେ ସେ ପେଗାସସ୍ ମାମଲାକୁ ନେଇ ବିରୋଧିଙ୍କ ଉପରେ ମଧ୍ୟ ଜୋରଦାର ବର୍ଷିଛନ୍ତି । ଏହା ମାଧ୍ୟମରେ ଏକ ମିଛ କାହାଣୀ ଲେଖାଯାଉଛି । ୟେଲୋ ପେଜରେ ଏକ ଲିଷ୍ଟ ବନାଯାଇଛି ଏବଂ ଏହା ଦ୍ୱାରା ସଂସଦକୁ ଚଳାଇ ଦିଆଯାଉନାହିଁ । ପୂର୍ବରୁ ଏମନେଷ୍ଟି ଓ ଏନଏସଓ ନିଜ ପକ୍ଷ ରଖିଛନ୍ତି । ତଥାପି ଭାରତକୁ ବଦନାମ୍ କରିବାରେ ଲାଗିପଡିଛନ୍ତି । କେବଳ ଏତିକି ନୁହେଁ ଲୋକତନ୍ତ୍ରର ସମସ୍ତ ସ୍ତମ୍ଭକୁ ମଧ୍ୟ ବରବାଦ୍ କରିବାକୁ ଚାହୁଁଛନ୍ତି ବୋଲି ଅଭିଯୋଗ କରିଛନ୍ତି ।