spot_img
Home Blog Page 5549

ବିକାନେର୍‌ରେ ଭୂମିକମ୍ପ: ରିକ୍ଟର ସ୍କେଲରେ ୪.୮ ତୀବ୍ରତା ରେକର୍ଡ

ରାଜସ୍ଥାନ: ବିକାନେର୍‌ଠାରେ ଭୂମିକମ୍ପ । ସକାଳ ୭ଘଣ୍ଟା ୪୨ମିନିଟ ସମୟରେ ଭୂମିକମ୍ପ । ରିକ୍ଟର ସ୍କେଲରେ ୪.୮ତୀବ୍ରତା ରେକର୍ଡ । ଏ ନେଇ ନେସ୍‌ନାଲ୍‌ ସେଣ୍ଟର୍‌ ଫର୍‌ ସେସମୋଲୋଜି ପକ୍ଷରୁ ଟ୍ୱିଟ୍ ଯୋଗେ ସୂଚିତ କରାଯାଇଛି ।

ଏହି ଅଞ୍ଚଳରେ ଗତକାଲି ମଧ୍ୟ ଭୂକମ୍ପ ଅନୁଭୂତ ହୋଇଥିଲା। ବିକାନେର୍‌ଠାରେ ଗତକାଲି ଭୋର୍‌ ୫.୨୪ ସମୟରେ ୫.୩ ତୀବ୍ରତା ବିଶିଷ୍ଟ ଭୂକମ୍ପ ଅନୁଭୂତ ‌ହୋଇଥିବା ସୂଚନା ରହିଛି ।

ଏଥିସହିତ ପଢ଼ନ୍ତୁ: ଆଫଗାନିସ୍ତାନର ୮୫ ପ୍ରତିଶତ ଅଞ୍ଚଳ ତାଲିବାନ କବଳରେ

ଦେଶରେ ଆଉ ୪୧ ହଜାର ୩୮୩ଜଣ କରୋନା ସଂକ୍ରମିତ ଚିହ୍ନଟ

ଭୁବନେଶ୍ୱର: ଦେଶରେ ସାମାନ୍ୟ ବଢିଛି କରୋନା ସଂକ୍ରମଣ ଦିନକରେ ୪୧ହଜାର ୩୮୩ ସଂକ୍ରମିତ ଚିହ୍ନଟ ହୋଇଥିବା ବେଳେ ୫୦୭ଜଣଙ୍କ ଜୀବନ ନେଇଛି କିଲର କରୋନା ୨୪ଗଣ୍ଟାରେ ୩୮ହଜାର ୬୫୨ ସଂକ୍ରମିତ ସୁସ୍ଥ ହୋଇଥିବା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ସୂଚନା ମିଳିଛି । ଦେଶରେ ମୋଟ୍ ସଂକ୍ରମିତଙ୍କ ସଂଖ୍ୟା ୩କୋଟି ୧୨ଲକ୍ଷ ୫୭ହଜାର ୭୨୦ରେ ପହଞ୍ଚିଥିବା ବେଲେ ମୋଟ୍ ସୁସ୍ଥ ହେଲେଣି ୩କୋଟି ୪ଲକ୍ଷ ୨୯ହଜାର ୩୩୯ । ଆକ୍ଟିଭ କେସ୍ ୪ଲକ୍ଷ ୯ହଜାର ୩୯୪ ଥିବା ବେଳେ ମୋଟ୍ ମୃତ୍ୟୁସଂଖ୍ୟା ୪ଲକ୍ଷ ୧୮ହଜାର ୯୮୭କୁ ବୃଦ୍ଧି ହୋଇଛି । ଦେଶରେ ବର୍ତ୍ତମାନ ଯାଏ ୪୧କୋଟି ୭୮ଲକ୍ଷ ୫୧ହଜାର ୧୫୧ଜଣଙ୍କୁ ଟିକା ଦିଆଯାଇଛି ।

ଏଥିସହିତ ପଢ଼ନ୍ତୁ: ଆଫଗାନିସ୍ତାନର ୮୫ ପ୍ରତିଶତ ଅଞ୍ଚଳ ତାଲିବାନ କବଳରେ

କୁଆଖାଇ ନଦୀ ପଠାରୁ ବାହାରିଲା ପୁରୁଷଙ୍କ ମୃତଦେହ: ଶବ ବ୍ୟବଚ୍ଛେଦ ପାଇଁ ଏମ୍ସ ପଠାଯିବ

ଭୁବନେଶ୍ୱର: କୁଆଖାଇ ନଦୀପଠାରୁ ମାଜିଷ୍ଟ୍ରେଟଙ୍କ ଉପସ୍ଥିତିରେ ମୃତଦେହ ଉଦ୍ଧାର ହୋଇଛି । ମୃତଦେହ ଜଣେ ପୁରୁଷଙ୍କ ହୋଇଥିବା ବେଳେ ପୋଷ୍ଟମର୍ଟମ ପାଇଁ ମରଶରୀରକୁ ଏମ୍ସ ପଠାଯିବ ବୋଲି ଡିସିପି କହିଛନ୍ତି । ଅନ୍ୟ ପକ୍ଷରେ ଜୋନ୍ ଏସିପି, ଆଇଆଇସି, ସାଇଣ୍ଟିଫିକ୍ ଟିମ୍, ସ୍ପେଶାଲ ସ୍କ୍ୱାଡ୍ ପହଞ୍ଚି ତଦନ୍ତ ଜୋରଦାର କରିଛନ୍ତି । କାଲି ରାତି ସାରା ନଦୀ ପଠାରେ ପୋଲିସ ମୃତଦେହକୁ ଜଗି ରହିଥିବା ବେଳେ ଆଜି ମୃତଦେହ ଉଦ୍ଧାର ପରେ ଶବ ବ୍ୟବଚ୍ଛେଦ ପାଇଁ ପଠାଯିବ । ସୂଚନା ଅନୁସାରେ ଗତକାଲି ବରିମୁଣ୍ଡ ପଞ୍ଚାୟତ ବାଲିଯାତ୍ରା ପଡିଆଠାରେ ଏକ ଗଳିତ ମୃତଦେହ ପୋତି ହୋଇ ରହିଥିବା ସ୍ଥାନୀୟ ଲୋକେ ଦେଖିବା ପରେ ମଞ୍ଚେଶ୍ୱର ଥାନାକୁ ଖବର ଦେଇଥିଲେ । ୩ରୁ ୪ ଦିନ ତଳେ ହତ୍ୟା କରାଯାଇ ଶବକୁ  ପୋତାଯାଇଥିବା ଅନୁମାନ କରାଯାଉଛି । ସ୍ଥାନୀୟ ଲୋକଙ୍କ  କହିବା ଅନୁସାରେ କିଛିଦିନ ତଳେ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ହୋଇଥିଲା  । ସେମାନେ ଏଭଳି କାଣ୍ଡ ଘଟାଇଥାଇପାରନ୍ତି ବୋଲି ସନ୍ଦେହ କରାଯ଼ାଉଛି  ।

ଏଥିସହିତ ପଢ଼ନ୍ତୁ: ରାଜ୍ୟରେ ଆଉ ୧ହଜାର ୯୪୮ ଜଣ କରୋନା ସଂକ୍ରମିତ ଚିହ୍ନଟ

କୁଆଖାଇ ନଦୀପଠାରେ ମୃତଦେହ ମିଳିବା ଘଟଣା: ମାଜିଷ୍ଟ୍ରେଟଙ୍କ ଉପସ୍ଥିତିରେ ଚାଲିଛି ମୃତଦେହ ଉଦ୍ଧାର

ଭୁବନେଶ୍ୱର: କୁଆଖାଇ ନଦୀପଠାରେ ମୃତଦେହ ମିଳିବା ଘଟଣା । ମାଜିଷ୍ଟ୍ରେଟଙ୍କ ଉପସ୍ଥିତିରେ ବାଲି ଭିତରୁ ମୃତଦେହକୁ ଉଦ୍ଧାର ନେଇ ପ୍ରକ୍ରିୟା ଆରମ୍ଭ । ପ୍ରାୟ ୫ ଫୁଟ ମାଟି ଖୋଳି ମୃତଦେହକୁ ପୋତାଯାଇଥିବା ପୋଲିସ ଅନୁମାନ କରୁଛି । କାଲି ରାତି ସାରା ନଦୀ ପଠାରେ ପୋଲିସ ମୃତଦେହକୁ ଜଗି ରହିଥିବା ବେଳେ ଆଜି ଶବ ବ୍ୟବଚ୍ଛେଦ କରାଯିବ । ସୂଚନା ଅନୁସାରେ ଗତକାଲି ବରିମୁଣ୍ଡ ପଞ୍ଚାୟତ ବାଲିଯାତ୍ରା ପଡ଼ିଆଠାରେ ଏକ ଗଳିତ ମୃତଦେହ ପୋତି ହୋଇ ରହିଥିବା ସ୍ଥାନୀୟ ଲୋକେ ଦେଖିବା ପରେ ମଞ୍ଚେଶ୍ୱର ଥାନାକୁ ଖବର ଦେଇଥିଲେ । ସ୍ଥାନୀୟ ପୋଲିସ ଓ ସ୍ପେଶାଲ ସ୍କ୍ବାର୍ଡ ଘଟଣାସ୍ଥଳରେ ପହଞ୍ଚି ପ୍ରାଥମିକ ତଦନ୍ତ କରୁଛନ୍ତି । ୩ରୁ ୪ ଦିନ ତଳେ ହତ୍ୟା କରାଯାଇ ଶବକୁ  ପୋତାଯାଇଥିବା ଅନୁମାନ କରାଯାଉଛି । ସ୍ଥାନୀୟ ଲୋକଙ୍କ  କହିବା ଅନୁସାରେ କିଛିଦିନ ତଳେ ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ହୋଇଥିଲା  । ସେମାନେ ଏଭଳି କାଣ୍ଡ ଘଟାଇଥାଇପାରନ୍ତି ବୋଲି ସନ୍ଦେହ କରାଯ଼ାଉଛି  ।

ଏଥିସହିତ ପଢ଼ନ୍ତୁ: ରାଜ୍ୟରେ ଆଉ ୧ହଜାର ୯୪୮ ଜଣ କରୋନା ସଂକ୍ରମିତ ଚିହ୍ନଟ

ରାଜ୍ୟରେ ଆଉ ୧ହଜାର ୯୪୮ ଜଣ କରୋନା ସଂକ୍ରମିତ ଚିହ୍ନଟ

ଭୁବନେଶ୍ୱର: ରାଜ୍ୟରେ ଆଉ ୧ହଜାର ୯୪୮ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ କ୍ୱାରେଣ୍ଟାଇନ୍ ସେଣ୍ଟରରୁ ୧୧୨୦ ଓ ସ୍ଥାନୀୟ ଅଞ୍ଚଳରୁ ୮୨୮ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଖୋର୍ଦ୍ଧାରୁ ସର୍ବାଧିକ ୪୮୦ ଜଣ ଚିହ୍ନଟ ହୋଇଥିବା ବେଳେ ଅନୁଗୁଳରୁ ୮୫, ବାଲେଶ୍ୱର ୯୮, ବରଗଡ଼ ୧୭, ଭଦ୍ରକ ୫୯, ବଲାଙ୍ଗୀର ୭, ବୌଦ୍ଧ ୪, କଟକ ୨୭୯, ଦେବଗଡ଼ ୫, ଢେଙ୍କାନାଳ ୩୪, ଗଜପତି ୪, ଗଞ୍ଜାମ ୬, ଜଗତସିଂହପୁର ୧୧୩, ଯାଜପୁର ୧୧୫, ଝାରସୁଗୁଡ଼ା ୬, କଳାହାଣ୍ଡି ୪, କନ୍ଧମାଳ ୧୯, କେନ୍ଦ୍ରାପଡ଼ା ୧୧୨, କେନ୍ଦୁଝର ୨୧, କୋରାପୁଟ ୭, ମାଲକାନଗିରି ୨୪, ମୟୂରଭଞ୍ଜ ୬୬, ନବରଙ୍ଗପୁର ୯, ନୟାଗଡ଼ ୮୮, ନୂଆପଡ଼ା ୨, ପୁରୀ ୮୩, ରାୟଗଡ଼ା ୧୮, ସମ୍ୱଲପୁର ୨୫, ସୋନପୁର ୧୨, ସୁନ୍ଦରଗଡ଼ ୪୭ ଏବଂ ଷ୍ଟେଟ୍ ପୁଲରୁ ୯୯ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ତେବେ ଏବେ ବି ରାଜ୍ୟରେ ୧୯ ହଜାର ୬୨୩ ଜଣ କରୋନା ମାମଲା ଆକ୍ଟିଭ ରହିଛି ।

ଫକିରମୋହନ ବିଶ୍ୱବିଦ୍ୟାଳୟ ନେଇ ଆଜି କୁଳପତି ଚୟନ

ବାଲେଶ୍ୱର: ଆଜି ହେବ ଫକିରମୋହନ ବିଶ୍ୱବିଦ୍ୟାଳୟର କୁଳପତି ଚୟନ । କୁଳାଧିପତି ପ୍ରଫେସର ଗଣେଶୀ ଲାଲଙ୍କ ମୋହର ବାଜିବା ପରେ ନୂଆ କୁଳପତିଙ୍କ ନାଁ ଘୋଷଣା କରାଯିବ । ଫକିରମୋହନ ବିଶ୍ୱବିଦ୍ୟାଳୟ କୁଳପତି ପାଇଁ ମୋଟ ୧୦ ଜଣ ଆବେଦନ କରିଥିବା ବେଳେ, ସେମାନଙ୍କ ମଧ୍ୟରୁ ୩ ଜଣଙ୍କ ନାଁ ତାଲିକା କରାଯାଇଛି । ଆଜି ରାଜ୍ୟପାଳ ସେମାନଙ୍କ ସାକ୍ଷାତକାର ନେବେ । ଏଥିପାଇଁ ଆଜି ସେମାନଙ୍କୁ ରାଜଭବନରେ ପହଞ୍ଚିବା ପାଇଁ କୁହାଯାଇଛି । ଗତ ୨୩ ନଭେମ୍ବର ୨୦୨୦ରେ ଉତ୍କଳ ବିଶ୍ୱବିଦ୍ୟାଳୟ ସମେତ ୬ଟି ବିଶ୍ୱବିଦ୍ୟାଳୟ ପାଇଁ କୁଳପତି ନିଯୁକ୍ତ କରାଯାଇଥିଲା । ସେତେବେଳେ କ୍ଲଷ୍ଟର ଇନୋଭେସନ ସେଣ୍ଟର ନିର୍ଦ୍ଦେଶକ ତଥା ଦିଲ୍ଲୀ ବିଶ୍ୱବିଦ୍ୟାଳୟର ବଟାନି ପ୍ରଫେସର ଦିନବନ୍ଧୁ ସାହୁଙ୍କୁ ୪ ବର୍ଷ ପାଇଁ ଫକିରମୋହନ ବିଶ୍ୱବିଦ୍ୟାଳୟର କୁଳପତି ଭାବେ ନିଯୁକ୍ତି ଦିଆଯାଇଥିଲା । ହେଲେ ୪ ମାସ ମଧ୍ୟରେ ପ୍ରଫେସର ଦିନବନ୍ଧୁ ସାହୁ ବ୍ୟକ୍ତିଗତ କାରଣ ଦର୍ଶାଇ ଇସ୍ତଫା ଦେଇଥିଲେ । ସେବେଠାରୁ ବାରିପଦା ଶ୍ରୀ ରାମଚନ୍ଦ୍ର ଭଞ୍ଜଦେଓ ବିଶ୍ୱବିଦ୍ୟାଳୟର କୁଳପତି କିଶୋର କୁମାର ବାସାଙ୍କୁ ଅତିରିକ୍ତ ଭାବେ ଫକିରମୋହନ ବିଶ୍ୱବିଦ୍ୟାଳୟର ନୂଆ କୁଳପତି ନିଯୁକ୍ତ ପର୍ଯ୍ୟନ୍ତ ଦାୟିତ୍ୱ ଦିଆଯାଇଛି । ଆଜି ସାକ୍ଷାତକାର ପରେ ନୂଆ କୁଳପତି ଘୋଷଣା ହେବାର ସମ୍ଭାବନା ରହିଛି ।

ଏଥିସହିତ ପଢ଼ନ୍ତୁ: ଦିଦି ପାଳନ କରିବେ ’ଖେଲା ହୋବେ ଦିବସ’, ବିଜେପି ମୁକ୍ତ ନେଇ ଆହ୍ୱାନ

ରଥ ଉପରେ ଆଜି ଅଧରପଣା ନୀତି: ଚଣ୍ଡୀ-ଚାମୁଣ୍ଡା ଓ ଅଶରୀରୀମାନଙ୍କୁ ସମର୍ପିତ ହେବ ପଣା

ପୁରୀ: ଆଜି ଶ୍ରୀଜିଉଙ୍କ ଅଧରପଣା ନୀତି  । ରଥ ଉପରେ ବିଗ୍ରହଙ୍କ ସାମ୍ନାରେ ସମ୍ପନ୍ନ ହେବ ନୀତିକାନ୍ତି  । ଶ୍ରୀମନ୍ଦିର ସ୍ୱତ୍ୱଲିପି ଅନୁସାରେ ସିଂହଦ୍ୱାର ସମ୍ମୁଖରେ ମହାପ୍ରଭୁମାନଙ୍କର ଦକ୍ଷିଣାଭିମୁଖୀ ଯାତ୍ରା ସମାପ୍ତି ପରେ ଅଧରପଣା ନୀତି ନେଇ ଉଲ୍ଲେଖ ରହିଛି । ରଥରୁଢ ଦିଅଁମାନଙ୍କ ସ୍ୱତନ୍ତ୍ର ଶୈଳୀରେ ନିର୍ମିତ ଅଧର ଉଚ୍ଚ ମାଟି ହାଣ୍ଡି ରେ ଏହି ପଣା ଦିଆଯାଉଥିବାରୁ ଏହାକୁ ଅଧର ପଣା କୁହାଯାଏ । ଅଧରପଣା ଭୋଗ ବିଧିତ ପ୍ରାୟ ୪୫୦ରୁ ଅଧିକ ପୁରୁଣା ବୋଲି କୁହାଯାଏ । ପୂର୍ବରୁ ଦଶମୀ, ଏକାଦଶୀ ଓ ଦ୍ୱାଦଶୀରେ ତିନିଥର ଠାକୁରଙ୍କ ଅଧରପଣା ନୀତି ହେଉଥିଲା ବୋଲି ସଂସ୍କୃତିଗବେଷକ କହନ୍ତି । କିନ୍ତୁ ବର୍ତ୍ତମାନ ଏହା କେବଳ ଥରେ ହିଁ କରାଯାଉଛି । ପଣାରେ ଲାଗୁଥିବା ସମସ୍ତ ସାମଗ୍ରୀ ପୁରୀର ବଡ ଓଡିଆ ମଠ ଓ ରାଘବଦାସ ମଠ ଯୋଗାଇଥାନ୍ତି । ସିଂହଦ୍ୱାର ନିକଟସ୍ଥ କୂପରୁ ଅଧରପଣା ନୀତି ପାଇଁ ପାଣି ଆସିଥାଏ । ଶାସ୍ତ୍ରଜ୍ଞଙ୍କ ମତରେ ରଥରେ ଅବସ୍ଥାନ କରୁଥିବା ଚଣ୍ଡୀ-ଚାମୁଣ୍ଡାଙ୍କ ପାଇଁ ଏହି ଅଧରପଣା ନୀତି ହୋଇଥାଏ । ଫଳରେ ସେମାନେ ଶାନ୍ତି ହୋଇ ନିଜ ସ୍ଥାନ ଫେରିଥାନ୍ତି ।  ଆଜିର ଏହି ନୀତି ପରେ ଆସନ୍ତାକାଲି ଚତୁର୍ଦ୍ଧାମୂର୍ତ୍ତିଙ୍କ ନୀଳାଦ୍ରି ବିଜେ ନୀତି ଅନୁଷ୍ଠିତ ହେବ ।

ଏଥିସହିତ ପଢ଼ନ୍ତୁ: ମାସ୍କ ପିନ୍ଧିନଥିଲେ, କହିବାରୁ.. ସାମ୍ବାଦିକଙ୍କୁ ପିଟିଲେ ମହିଳା କନଷ୍ଟେବଳ

ଆଫଗାନିସ୍ତାନର ୮୫ ପ୍ରତିଶତ ଅଞ୍ଚଳ ତାଲିବାନ କବଳରେ

କାବୁଲ: ତାଲିବାନ କବଳରେ ଆଫଗାନିସ୍ତାନ । ଦେଶର ପ୍ରାୟ ୮୫ ପ୍ରତିଶତ ଅଞ୍ଚଳ ଏବେ ତାଲିବାନ କବଳରେ । ଏନେଇ ଘୋଷଣା କରିଛନ୍ତି ସଂଗଠନ ମୁଖପାତ୍ର ବିସମିଲ୍ଲା ରେହମାନି ରହିମ । ସେ କହିଚନ୍ତି ଖୁବ୍ ଶୀଘ୍ର ଅନ୍ୟାନ୍ୟ ଅଞ୍ଚଳକୁ ତାଲିବାନ ଅଧିକୃତ କରିବ । ତେବେ ପାକ୍ ଗୁଇନ୍ଦାସଂସ୍ଥାଠାରୁ ସୈନ୍ୟ ସହାୟତା ମିଳୁଥିବା ଖବରକୁ ଅଗ୍ରାହ୍ୟ କରିଛନ୍ତି । ତାଲିବାନୀ ଶାସନରେ ନାରୀର ଅଧିକାର ପ୍ରସଙ୍ଗରେ ସେ କହିଥିଲେ- ନାରୀମାନଙ୍କୁ ସେମାନଙ୍କ ପୂର୍ଣ୍ଣ ଅଧିକାର ଦିଆଯିବ ।

ମୌଳିକ ଅଧିକାରରୁ କାହାରିକୁ ବଞ୍ଚିତ କରାଯିବ ନାହିଁ । ମହିଳାମାନଙ୍କ ନିଯୁକ୍ତି ଓ କାମଦାମ ସମ୍ପର୍କରେ ବି କୌଣସି କଟକଣା ନାହିଁ ବୋଲି ସେ କହିଛନ୍ତି । ଭାରତୀୟ ଫଟୋ ଜର୍ଣ୍ଣାଲିଷ୍ଟ ଡାନିସ ସିଦ୍ଦିକଙ୍କ ମୃତ୍ୟୁ ଘଟଣାରେ ବି ତାଲିବାନର ହାତ ନାହିଁ ବୋଲି ସେ କହିଛନ୍ତି । ଶତ୍ରୁ ସୈନ୍ୟ ହାତରେ ତାଙ୍କର ମୃତ୍ୟୁ ଘଟିଛି ବୋଲି ସେ କହିଛନ୍ତି । ସେହିପରି ଆଫଗାନିସ୍ତାନରେ ଭାରତୀୟ ପ୍ରକଳ୍ପଗୁଡିକୁ ତାଲିବାନ ଟାର୍ଗେଟ କରୁଛି ବୋଲି ହେଉଥିବା ଖବରକୁ ସେ ଖଣ୍ଡନ କରିଛନ୍ତି ।

ଦିଦି ପାଳନ କରିବେ ’ଖେଲା ହୋବେ ଦିବସ’, ବିଜେପି ମୁକ୍ତ ନେଇ ଆହ୍ୱାନ

କୋଲକାତା: ଆସନ୍ତା ଅଗଷ୍ଟ ୧୬କୁ ଖେଲା ହୋବେ ଦିବସ ପାଳନ କରିବେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ । ଯେପର୍ଯ୍ୟନ୍ତ ଦେଶ ବିଜେପି ମୁକ୍ତ ନହୋଇଛି ସେପର୍ଯ୍ୟନ୍ତ ଖେଲା ହୋବେ ଦିବସ ପାଳନ ହେବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହମନ୍ତ୍ରୀ ଅମିତ ଶାହାଙ୍କୁ ଟାର୍ଗେଟ କରିବା ସହ ଭିସି ମାଧ୍ୟମରେ ଉଦ୍‌ବୋଧନ ଦେଇଥିଲେ ଦିଦି ।

ଦେଶରେ ସ୍ବାଧିନତା ଆଜି ବିପଦରେ ଅଛି । କେନ୍ଦ୍ରୀୟ ତଦନ୍ତକାରୀ ସଂସ୍ଥାର ଅପବ୍ୟବହାର କରାଯାଉଛି । ବିଜେପି ନିଜେ ଏକ ଭାଇରସ ଲୋଡେଡ ପାର୍ଟି ବୋଲି କହିଛନ୍ତି ମମତା । କରୋନାଠୁ ଅଧିକ ଭାଇରସ ବିଜେପିରେ ଅଛନ୍ତି ବୋଲି ଦିଦି କହିଛନ୍ତି । ଦେଶରେ ବେରୋଜଗାର ବଢିଛି । ଗୁଳି ଓ ଗାଳି ଭାଷାରେ ବିଜେପି ଶାସନ କରୁଛି ବୋଲି ଦିଦି ଅଭିଯୋଗ କରିଛନ୍ତି ।

ପଶ୍ଚିମବହ୍ଗରେ ମମତା ସରକାର ଏବଂ କେନ୍ଦ୍ରରେ ମୋଦି ସରକାରଙ୍କ ମଧ୍ୟରେ ଲାଗିଥିବା ଶୀତଳ ଯୁଦ୍ଧ ଥମିବାରେ ନା ଧରୁନାହିଁ  । ଗୋଟେପଟେ ନିର୍ବାଚନୀ ହିଂସାରେ ପଶ୍ଚିମବଙ୍ଗରେ ସାଧାରମ ବିଜେପି କାର୍ଯ୍ୟକର୍ତ୍ତାଙ୍କ ମୃତ୍ୟୁକୁ ନେଇ ବିଜେପି ସାଧାରଣ ସଭା ଜରିଆରେ ରାଜ୍ୟ ସରକାରକୁ ବିରୋଧ କରିଆସୁଛି  । ଅନ୍ୟପଟେ ମମତାଙ୍କ ସରକାର କେନ୍ଦ୍ର ଜାତୀୟ ସଂସ୍ଥା ଗୁଡ଼ିକୁ ନିୟୋଜିତ କରି ଅସ୍ଥିରତା ସୃଷ୍ଟି କରୁଥିବା ନେଇ ଆଭିଯୋଗ ଆଣିଛନ୍ତି ମମତା ବାନାର୍ଜୀ  । ଯାହାକୁ ନେଇ ସେ ଖେଲା ହବେ କାର୍ଯ୍ୟକ୍ରମ ଚଳାଇବାକୁ ସ୍ଥିର କରିଛନ୍ତି  ।

ମାସ୍କ ପିନ୍ଧିନଥିଲେ, କହିବାରୁ.. ସାମ୍ବାଦିକଙ୍କୁ ପିଟିଲେ ମହିଳା କନଷ୍ଟେବଳ

କେନ୍ଦ୍ରାପଡ଼ା: ସୋସିଆଲ ମିଡ଼ିଆରେ ଏକ ପୋଷ୍ଟ କୁ କେନ୍ଦ୍ର କରି କେନ୍ଦ୍ରାପଡାର ଜଣେ ୱେବ ଚାନେଲ ସାମ୍ବାଦିକଙ୍କୁ  ମହିଳା କନେଷ୍ଟବଳ ଙ୍କ ମାଡ। ସୋସିଆଲ ମିଡିଆରେ ମହିଳା କନେଷ୍ଟବଳ ଜଣକ ମାସ୍କ ନପିନ୍ଧି କାର୍ଯ୍ୟ କରୁଥିବା ଫଟୋ ଭାଇରାଲ୍ କୁ ନେଇ ତାତିଲେ ମହିଳା କନେଷ୍ଟବଳ । ରାଗିଯାଇ ହାତ ଉଠାଇଲେ ସାମ୍ବାଦିକ ଙ୍କ ଉପରକୁ। ସାମ୍ବାଦିକ ଜଣକ ମୁଁ ସାମ୍ବାଦିକ ସାମ୍ବାଦିକ ବୋଲି କହୁଥିଲେ ମଧ୍ୟ କିଛି ଶୁଣି ନଥିଲେ ମହିଳା କନେଷ୍ଟବଳ।

କେନ୍ଦ୍ରାପଡା ଏସ . ପି ଙ୍କ କାର୍ଯ୍ୟଳୟ ସମ୍ମୁଖରେ ବିଜେପି ଧାରଣା ସ୍ଥଳକୁ ଖବର ସଂଗ୍ରହ ପାଇଁ ଯାଇଥିବା ସାମ୍ବାଦିକ ଜଣକ ମହିଳା କନେଷ୍ଟବଳ ମାସ୍କ ପିନ୍ଧିନଥିବା ଫଟୋକୁ ସୋସିଆଲ ମିଡିଆରେ ଛାଡିଥିଲେ। ଏହି ଘଟଣାରେ ଖପା ହୋଇ ମହିଳା  କନେଷ୍ଟବଳ ଉକ୍ତ ସାମ୍ବାଦିକ ଙ୍କ କଲର କୁ ଟାଣି ମାଡ ମାରିଲେ। ଘଟଣା ସ୍ଥଳରେ ଧାରଣାରେ ବସିଥିବା କେନ୍ଦ୍ରାପଡା ବିଜେପିର ନେତାମାନେ ମହିଳା କନେଷ୍ଟବଳ ଜଣକ ସାମ୍ବାଦିକ ଙ୍କୁ ମାରୁଥିବାର ଦେଖଣାହାରୀ ସାଜିଥିଲେ । ଏହି ଘଟଣାକୁ ବୁଦ୍ଧିଜୀବୀ ଓ ସାମ୍ବାଦିକ ମହଲ ରେ ନିନ୍ଦା କରିବା ସହ ମହିଳା କନେଷ୍ଟବଳ ଙ୍କୁ ନିଲମ୍ବନ ଦାବି କରିଛନ୍ତି