spot_img
Home Blog Page 5551

ସୁନାବେଶରେ କେଉଁ ଦିଅଁଙ୍କୁ କେତେ ସୁନାରେ ଆଭୂଷଣ କରାଯାଏ?

ଭୁବନେଶ୍ୱର:  ଆଜି ମହାପ୍ରଭୁଙ୍କ ପବିତ୍ର ସୁନାବେଶ । ମହଣ ମହଣ ସୁନାରେ ସଜେଇ ହେବେ ଶ୍ରୀଜିଉ । ଚଳିତବର୍ଷ କୋଭିଡ୍ କଟକଣା ପାଇଁ ମହାପ୍ରଭୁଙ୍କ ସୁନାବେଶ ଦର୍ଶନରୁ ବଞ୍ଚିତ ହେବେ ଶ୍ରଦ୍ଧାଳୁ । ମଙ୍ଗଳ ଆଳତୀ, ମଇଲମ, ତଡ଼ପ ଲାଗି, ଅବକାଶ, ବେଶ ଶେଷ, ଗୋପାଳ ବଲ୍ଳଭ, ସକାଳ ଧୂପ, ମଇଲମ, ମହାସ୍ନାନ ଓ ସର୍ବାଙ୍ଗ, ବେଶ ଶେଷ ପରେ ଅନ୍ୟାନ୍ୟ ନୀତି ବଢ଼ି ମେକାପ ସର୍ବାଙ୍ଗ ପରେ ଶ୍ରୀ ଜୀଉଙ୍କ ସୁନାବେଶ ନୀତି ଅନୁଷ୍ଠିତ ହେବ । ଏ ନେଇ ସୁରକ୍ଷା ବ୍ୟବସ୍ଥା କଡାକଡି କରାଯାଇଥିବା ବେଳେ ସହରରେ ଲଗାଯାଇଥିବା କର୍ଫ୍ୟୁ କୋହଳ କରାଯାଇଛି । କେବଳ ଶ୍ରୀ ମନ୍ଦିର ଚତୁର୍ପାଶ୍ୱରେ କର୍ଫ୍ୟୁ ବଳବତ୍ତର ରହିବ । ଗତକାଲି ଶୃଙ୍ଖଳିତ ଭାବେ ବାହୁଡା ନୀତି ସମ୍ପନ୍ନ ହୋଇଥିବା ବେଳେ ଏବେ ରଥାରୂଢ ଶ୍ରୀବିଗ୍ରହଙ୍କ ଚାଲିଛି ନୀତିକାନ୍ତି ।

ତେବେ ୧୩୮ ପ୍ରକାରର ରତ୍ନରେ ଖଞ୍ଜିତ ସୁନାରେ ସଜେଇ ହୋଇ ମନ ମୋହିବାକୁ ପ୍ରସ୍ତୁତ ହୋଇ ହେଲେଣି ଦାରୁ ବିଗ୍ରହ ।
ସିଂହାରୀ, ପାଳିଆ,ଖୁଣ୍ଟିଆ,ଭଣ୍ଡାର ମେକାପ, ଚାଙ୍ଗଡ଼ା ମେକାପ ସେବକମାନେ ମହାପ୍ରଭୁଙ୍କୁ ସୁନାରେ ଛାଉଣି କରିବେ । କିନ୍ତୁ କେତେ ଓଜନର ସୁନା ଅଳଙ୍କାର ସୁନା ବେଶରେ ବ୍ୟବହାର ହୁଏ, ତାହାକୁ ନେଇ ନାନା ମୁନିଙ୍କର ନାନା ମତ । କୁହାଯାଏ ଦିଅଁ ମାନଙ୍କୁ ପରିଧାନ କରାଯାଉଥିବା ପ୍ରତି ମାଳାର ଓଜନ ୧୨୦ ତୋଳା ବା ୧ କିଲୋ ୧୬୦ ଗ୍ରାମ୍‌। ଶ୍ରୀ ଜଗନ୍ନାଥଙ୍କ ଶ୍ରୀହସ୍ତ ଏବଂ ଶ୍ରୀପୟରରେ ପରିଧାନ କରାଯାଉଥିବା ସୁନାର ଓଜନ ୮୧୮ ତୋଳା ୯ କିଲୋ ୨୭୬ ଗ୍ରାମ୍‌। ବଳଭଦ୍ରଙ୍କ ଶ୍ରୀହସ୍ତ ଏବଂ ଶ୍ରୀପୟରରେ ପରିଧାନ କରାଯାଉଥିବା ସୁନାର ଓଜନ ୭୧୦ ତୋଳା ବା ୮ କିଲୋ ୫୧ ଗ୍ରାମ୍‌।

ସେହିପରି ଜଗନ୍ନାଥଙ୍କ ସୁନା ମୁକୁଟର ଓଜନ ୬୧୦ ତୋଳା ବା ୬ କିଲୋ ୯୧୭ଗ୍ରାମ । ବଳଭଦ୍ରଙ୍କ ମୁକୁଟ ୪୩୪ ତୋଳା ଅର୍ଥାତ ୪ କିଲୋ ୯୨୧ ଗ୍ରାମ, ଦେବୀ ସୁଭଦ୍ରାଙ୍କ ମୁକୁଟର ଓଜନ ୨୭୪ ତୋଳା ବା ୩ କିଲୋ ୧୦୭ ଗ୍ରାମ ।

ଶ୍ରୀଜଗନ୍ନାଥଙ୍କ ବେଶ ଲାଗି ମୁଖ୍ୟ ଅଳଙ୍କାର ହେଉଛି , ଶ୍ରୀଭୁଜ, ଶ୍ରୀପୟର, କିରୀଟ, ଓଡିଆଣି, ଚନ୍ଦ୍ର ସୂର୍ଯ୍ୟ, ଆଡକାନି, ଘାଗଡା ମାଳି, କଦମ୍ବମାଳି, ତିଳକ, ଚନ୍ଦ୍ରିକା, ଅଳକା, ଝୋବା କଣ୍ଠି, ସ୍ୱର୍ଣ୍ଣ ଚକ୍ର ଓ ରୌପ୍ୟ ଶଙ୍ଖ, ହରିଡା କଦମ୍ବ ମାଳି, ବାହାଡା ମାଳି, ତାବିଜ ମାଳି, ସେବତି ମାଳି, ତ୍ରିଖଣ୍ଡିକା, ତ୍ରିଖଣ୍ଡିକା କମର ପଟି ।

ଶ୍ରୀବଳଭଦ୍ରଙ୍କ ଅଳଙ୍କାର ମଧ୍ୟରେ ରହିଛି, ଶ୍ରୀପୟର, ଶ୍ରୀଭୁଜ, କିରୀଟ, ଓଡିଆଣି, କୁଣ୍ଡଳ, ଚନ୍ଦ୍ର ସୂର୍ଯ୍ୟ, ଆଡକାନି, ଘାଗଡା ମାଳି, କଦମ୍ବମାଳି, ତିଳକ, ଚନ୍ଦ୍ରିକା, ଅଳକା, ଝୋବା କଣ୍ଠି, ହଳ ଓ ମୂଷଳ, ବାହାଡା ମାଳି, ବାଘନଖ ମାଳି, ସେବତୀ ମାଳି, ତ୍ରିଖଣ୍ଡିକା କମରପଟି ।

ଦେବୀ ସୁଭଦ୍ରାଙ୍କ ବିଶେଷ ଅଳଙ୍କାର ମଧ୍ୟରେ ରହିଛି, କିରୀଟ, ଓଡିଆଣି, କାନ, ଚନ୍ଦ୍ର ସୂର୍ଯ୍ୟ, ଘାଗଡା ମାଳି, କଦମ୍ବ ମାଳି, ତଗଡି ୨ଟି, ସେବତୀ ମାଳି ।
ଏହି ମନଲୋଭା ଦୃଶ୍ୟକୁ ଦେଖିବା ପାଇଁ ଖୁବ୍‌ଉତ୍ସାହ ସହିତ ଚାହିଁ ବସିଛନ୍ତି ଭକ୍ତ ।

 

 

ଟୋକିଓ ୨୦୨୦: ଉଦଘାଟନ ସମାରୋହରେ ଉପସ୍ଥିତ ରହିବେ ୧୫ଟି ଦେଶର ନେତା

ଟୋକିଓ: କୋଭିଡ ମହାମାରୀରେ ପ୍ରଭାବିତ ଟୋକିଓ ଅଲମ୍ପିକ୍ସର ଶୁକ୍ରବାର ହେବାକୁ ଥିବା ଉଦଘାଟନ ସମାରୋହରେ ପ୍ରାୟ ୧୫ଟି ଦେଶର ନେତା ଉପସ୍ଥିତ ରହିବାର ସମ୍ଭାବନା ରହିଛି । ଖବର ଅନୁସାରେ ସମାରୋହ ସମୟରେ ଷ୍ଟାଡିୟମରେ ବ୍ୟକ୍ତିଗତ ଭାବରେ ପ୍ରାୟ ୧ ହଜାର ଲୋକ ଉପସ୍ଥିତ ରହିପାରନ୍ତି ।

ଜାପାନ ସରକାରଙ୍କ ମୁଖ୍ୟ କ୍ୟାବିନେଟ୍‌ସଚିବ କାସ୍ତୁନୋବୁ କେଟୋଙ୍କ ପକ୍ଷରୁ ‘କ୍ୟୋଡୋ ସମାଚାର ଏଜେନ୍ସି’ କହିଛିଯେ, କୋଭିଡ ୧୯ ମହାମାରୀ ସଂକ୍ରମଣକୁ ଦୃଷ୍ଟିରେ ରଖି ରାଷ୍ଟ୍ରୀୟ ଷ୍ଟାଡିୟମରେ ଉଦଘାଟନ ସମାରୋହରେ ଲୋକଙ୍କ ଉପସ୍ଥିତିକୁ ସୀମିତ କରିବା ପାଇଁ ଆୟୋଜକ ନିଷ୍ପତ୍ତି ନେଇଛନ୍ତି ।


କେଟୋଙ୍କ କହିବା ଅନୁସାରେ ପ୍ରାୟ ୭୦ଟି କ୍ୟାବିନେଟ୍‌ସ୍ତରୀୟ ଅଧିକାରୀ ଜାପାନ ଗସ୍ତ କରିବାର ସମ୍ଭାବନା ରହିଛି । କିନ୍ତୁ କେତେଜଣ ବିଶିଷ୍ଟ ବ୍ୟକ୍ତି ସମାରୋହରେ ଉପସ୍ଥିତ ରହିବେ ତାହାକୁ ନେଇ ଏବେ ମଧ୍ୟ ସୁନିଶ୍ଚିତ କରାଯାଇନାହିଁ ।

ଫ୍ରାନ୍ସର ରାଷ୍ଟ୍ରପତି ଇମାନୁଏଲ ମେକ୍ରୋ, ମଙ୍ଗୋଲିୟୋର ପ୍ରଧାନମନ୍ତ୍ରୀ ଲୁସାନାମସରାଇ ଓୟୁନ ଏର୍ଡେନ ଏବଂ ଆମେରିକାର ପ୍ରଥମ ମହିଳା ଜିଲ ବାଇଡେନଙ୍କ ବ୍ୟତୀତ ଅନ୍ୟ କେତେକ ନେତା ସମାରୋହରେ ଉପସ୍ଥିତ ରହିବା ପାଇଁ ପ୍ରତିଶୃତି ଦେଇଛନ୍ତି ।

ଜାପାନରେ କରୋନା ଭୂତାଣୁ ମାମଲା ବଢୁଥିବା ହେତୁ କେତେକ ନେତା ଯାତ୍ରା ରବ୍ଦ କରିବାକୁ ବାଧ୍ୟ ହୋଇଛନ୍ତି । ତେବେ ଏହି ସମୟରେ ଦର୍ଶକଙ୍କୁ ଷ୍ଟାଡିୟମ ମଧ୍ୟକୁ ପ୍ରବେଶ ନିଷେଧ ରହିବ ।

କ୍ରାଇମବ୍ରାଞ୍ଚ ଏସ୍‌ଟିଏଫ୍ ହାତରେ ବାଘ ଶିକାରୀ: ବାଘ ଛାଲ, ବନ୍ଧୁକ ଓ ଗୁଳି ଜବତ

ଭୁବନେଶ୍ୱର: କ୍ରାଇମବ୍ରାଞ୍ଚ ଏସଟିଏଫ କବଜାରେ ବାଘ ଶିକାରୀ । ବୌଦ୍ଧ ମନମୁଣ୍ଡାରୁ ଶିକାରୀ ହର ରଣାକୁ ଗିରଫ କଲା ଏସଟିଏଫ । ବାଘ ଛାଲ ସହ ବନ୍ଧୁକ ଗୁଳି ଜବତ କରାଯାଇଛି । ଡିଲ୍‌ ଚାଲିଥିବା ବେଳେ ମାଡ଼ି ବସିଲା ଏସଟିଏଫ ସ୍ୱତନ୍ତ୍ର ଟିମ୍ । ଛାଲର ଫରେନସିକ ଯାଞ୍ଚ ପାଇଁ ଡେରାଡୁନକୁ ପଠାଯିବ । ରାଜ୍ୟରେ ବର୍ଷକ ମଧ୍ୟରେ ୧୫ଟି କଲରାପତରିଆ ବାଘ ଛାଲ , ୯ଟି ହାତୀ ଦାନ୍ତ, ୩ଟି ଜୀବନ୍ତ ବଜ୍ରକାପ୍ତା ଜବତ ଓ ୨୮ ଜଣଙ୍କୁ ଗିରଫ କରିଛି ଏସଟିଏଫ ।

 

 

ନୂଆ ଲୁକ୍‌ ଏବଂ ନୂଆ ନାଁ ସହିତ ପୁଣି ଭାରତକୁ ଫେରିବ ଟିକ୍‌ଟକ୍‌!

ନୂଆଦିଲ୍ଲୀ: ଲୋକପ୍ରିୟ ଭିଡ଼ିଓ ଶେୟାରିଂ ଆପ୍‌ ଟିକ୍‌ଟକ୍‌ ଖୁବଶୀଘ୍ର ପୁଣିଥରେ ଭାରତକୁ ଫେରିପାରେ, ତାହା ମଧ୍ୟ ନୂଆ ଲୁକ୍‌ ଏବଂ ନୂଆ ନାମ ସହିତ । ରିପୋର୍ଟ ଅନୁସାରେ ଟିକଟକର ପ୍ୟାରେଣ୍ଟ କମ୍ପାନୀ ବାଇଟ୍‌ଡ୍ୟାନ୍ସ ତାହାର ଏହି ସଟ୍‌ ଭିଡ଼ିଓ ଆପର ନୂଆ ଟ୍ରେଡ୍‌ମାର୍କ ପାଇଁ କଣ୍ଟ୍ରୋଲର ଜେନେରାଲ ଅଫ୍‌ପେଟେଣ୍ଟସ, ଡିଜାଇନ୍‌ ଆଣ୍ଡ୍‌ ଟ୍ରେଡ୍‌ମାର୍କରେ ଆପ୍ଲାଇ କରିଛି ।


ସୂଚନାଯୋଗ୍ୟ ଗତବର୍ଷ ଜୁନରେ କେନ୍ଦ୍ର ସରକାର ୫୬ଟି ଚୀନ୍‌ଆପକୁ ବ୍ୟାନ୍‌କରିଥିଲେ, ଯେଉଁଥିରେ ଟିକ୍‌ଟକ୍‌ମଧ୍ୟ ସାମିଲ ଥିଲା । ଏହା ବ୍ୟାନ୍‌ହେବାପରେ ସମସ୍ତ ଆପ୍‌ଷ୍ଟୋରରୁ ଏହାକୁ ହଟାଇ ଦିଆଯାଇଥିଲା ।


ରିପୋର୍ଟ ଅନୁସାରେ ବାଇଟ୍‌ଡ୍ୟାନ୍ସ ଭାରତରେ ନିଜ ଆପ୍‌ର ପ୍ରତ୍ୟାବର୍ତ୍ତନ ନେଇ କେନ୍ଦ୍ର ସରକାରଙ୍କ ସହିତ ଆଲୋଚନା କରୁଛି । ତେବେ ନୂଆ ଆଇଟି ନିୟମ ପାଳନ କରିବ ବୋଲି କମ୍ପାନୀ ସରକାରଙ୍କୁ ଭରସା ଦେଇଛି ।ସୂଚନାଯୋଗ୍ୟ ବାଇଟ୍‌ଡ୍ୟାନ୍ସ ୨୦୧୯ରେ ବ୍ୟାନ୍‌ପୂର୍ବରୁ ଭାରତରେ ନିଜ ଚିଫ୍‌ନୋଡାଲ ଅଫ୍‌ଗ୍ରିଭାନ୍ସ ଅଫିସର ନିଯୁକ୍ତ କରିଥିଲା ।


ସଟ୍‌ ଭିଡ଼ିଓ ଆପ୍‌ ଟିକଟକ୍‌ ଭାରତରେ ଖୁବ୍‌ ଲୋକପ୍ରିୟତା ସାଉଣ୍ଟି ଥିଲା । ବ୍ୟାନ ହେବା ସମୟରେ ଭାରତରେ ଏହାର ପ୍ରାୟ ୨୦ କୋଟି ୟୁଜର୍ସ ଥିଲେ । ଟିକଟକ୍‌ ବ୍ୟାନ ହେବାପରେ ଫେସବୁକ, ଇଂଷ୍ଟାଗ୍ରାମ ମଧ୍ୟ ନିଜର ଏହି ଫିଚର ଲଞ୍ଚ୍‌ କରିଥିଲେ । ଖାଲି ସେତିକି ନୁହେଁ ଟିକଟକ୍‌ ଭଳି ଏକାଧିକ ଭିଡ଼ିଓ ଭାରତରେ ଲଞ୍ଚ୍‌କରିଛି । ଏବେ ଟିକଟକ୍‌ ପୁଣିଥରେ ଫେରିବାର ଅର୍ଥ ହେଉଛି କଡ଼ା ଟକ୍କରକୁ ସାମ୍ନା କରିବା ।

ସାଇଣ୍ଟିଫିକ୍ ଟିମ୍ ହାତରେ ବିଦ୍ୟାଭାରତୀଙ୍କ ଚିଠି: ଲେଖିଛନ୍ତି, ‘ହେ ପ୍ରଭୁ ସବୁ ଭୁଲକୁ କ୍ଷମା କରି ଦିଅ’

ଏସିଏଫ ସୌମ୍ୟରଞ୍ଜନଙ୍କ ମୃତ୍ୟୁ ମାମଲାରେ ବଡ଼ ଖୁଲାସା । ତଦନ୍ତକାରୀ ସାଇଣ୍ଟିଫିକ୍ ଟିମ୍ ହାତରେ ଲାଗିଛି ଏକ ଗୁରୁତ୍ୱପୂର୍ଣ୍ଣ ଚିଠି । ଏହି ଚିଠି ବିଦ୍ୟାଭାରତୀ ଲେଖିଥିବା ଜଣାପଡିଛି । ପୃଥିବୀରେ ମୁଁ ତମକୁ ସବୁଠାରୁ ଅଧିକ ଘୃଣା କରେ । ହେ ପ୍ରଭୁ ସବୁ ଭୁଲକୁ କ୍ଷମା କର । ମୋ ଜୀବନକୁ ନଷ୍ଟ ହେବାକୁ ଦିଅନାହିଁ । କେମିତି ଆଉ ୩ ଦିନ କଟିବ ୧୨ ତାରିଖରୁ ୧୫ ତାରିଖ ପରେ ଶାନ୍ତିରେ ରହିବି ବୋଲି ଚିଠିରେ ଲେଖାହୋଇଛି । ମୁଁ ଏହି ଲୋକକୁ ସବୁଠାରୁ ଅଧିକ ଘୃଣା କରେ । ମୋ ନାଁକୁ ଏହି ଲୋକ ସହ ଯୋଡିବାକୁ ମଧ୍ୟ ମୋତେ ଖରାପ ଲାଗୁଛି । ଗୋଟିଏ ଭୁଲ ନିଷ୍ପତ୍ତି କେମିତି ଜୀବନ ନଷ୍ଟ କରିଦିଏ । ପ୍ଲିଜ ମୋତେ କ୍ଷମା କରିଦିଅ । ଜୀବନସାରା ପାଇଁ କଷ୍ଟ ଦେଖିପାରିବିନି । ମୁଁ କାହାର କେବେ କ୍ଷତି କରିନି । କେବେ କାହାର କ୍ଷତି ଚାହିଁନି ବୋଲି ଚିଠିରେ ଲେଖା ହୋଇଛି । ଯାହାକୁ ନେଇ ଏବେ ଚାଞ୍ଚଲ୍ୟ ସୃଷ୍ଟି ହୋଇଛି । ସୌମ୍ୟରଞ୍ଜନଙ୍କ ସହ ଝଗଡ଼ା ହେଲେ ନିଜର ମନର କୋହକୁ ସେ ଏଭଳି ଲେଖି ଦେଇଥିଲେ ବୋଲି ବିଦ୍ୟାଭାରତୀ କହିଛନ୍ତି ।

ଭୂକମ୍ପର ତୀବ୍ର ଝଟକାରେ ଦୋହଲିଲା ବିକାନୀର

ବିକାନୀର: ବୁଧବାର ସକାଳେ ରାଜସ୍ଥାନର ବିକାନୀରରେ ଭୂମିକମ୍ପର ତୀବ୍ର ଝଟକା ଅନୁଭୂତ ହୋଇଛି । ଯାହାର ତୀବ୍ରତା ରିକ୍ଟର ସ୍କେଲରେ ୫.୩ । ନ୍ୟାସନାଲ ସେଣ୍ଟର ଫର ସିସ୍ମୋଲୋଜି ଅନୁସାରେ ସକାଳ ୫ଟା ୨୪ରେ ବିକାନୀରରେ ଏହି ଭୂମିକମ୍ପ ଅନୁଭୂତ ହୋଇଛି । କିନ୍ତୁ ଏପର୍ଯ୍ୟନ୍ତ ଏଥିରେ କୌଣସି ପ୍ରକାରର କ୍ଷତି ପହଞ୍ଚିଥିବା ଖବର ସାମ୍ନାକୁ ଆସିନାହିଁ ।

ରାଜସ୍ଥାନ ପୂର୍ବରୁ ମେଘାଳୟରେ ରାତି ପ୍ରାୟ ୨ ଘଣ୍ଟା ୧୦ ମିନିଟରେ ଭୂମିକମ୍ପ ଅନୁଭୂତ ହୋଇଛି । ରିକ୍ଚର ସ୍କେଲରେ ଏହାର ତୀବ୍ରତା ୪.୧ ଥିବା ଜାତୀୟ ଭୂକମ୍ପ ବିଜ୍ଞାନ କେନ୍ଦ୍ର ପକ୍ଷରୁ କୁହାଯାଇଛି । ରିପୋର୍ଟ ଅନୁସାରେ ସେହିପରି ସକାଳ ୪ଟା ୫୭ ମିନିଟରେ ଲଦାଖର ଲେହରେ ୩.୬ ତୀବ୍ରତାର ଏକ ଭୂମିକମ୍ପ ଅନୁଭୂତ ହୋଇଛି ବୋଲି ଏନସିଏସ କହିଛି । କିନ୍ତୁ ଏଠାରେ ମଧ୍ୟ କୌଣସି ପ୍ରକାରର କ୍ଷତି ପହଞ୍ଚି ନଥିବା କୁହାଯାଉଛି ।


କାହିଁକି ଆସେ ଭୂମିକମ୍ପ?

ପୃଥିବୀ ମଧ୍ୟରେ ରହିଛି ୭ଟି ପ୍ଲେଟ୍‌। ଯାହା ଲଗାତାର ଘୁରୁଥାଏ । ଏହି ପ୍ଲେଟ୍‌ଅଧିକ ଧକ୍କା ହେଉଥିବା ସ୍ଥାନକୁ ଫ୍ଲଟ୍‌ଲାଇନ୍‌କୁହାଯାଏ । ବାରମ୍ବାର ଦକ୍କା ହେବାଦ୍ୱାରା ପ୍ଲେଟ୍ସ ଭାଙ୍ଗିବା ଆରମ୍ଭ କରେ । ଏହାଦ୍ୱାରା ଭୂମିକମ୍ପ ଆସିଥାଏ ।

ବକରୀ ଇଦ୍ ଅବସରରେ ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ଭୁବନେଶ୍ୱର: ସମଗ୍ର ଦେଶରେ ଆଜି ମୁସଲମାନ ଭାଇ-ଭଉଣୀମାନେ ପାଳୁଛନ୍ତି ବଳିଦାନର ପର୍ବ ଇଦ୍ ଅଲ୍‌ ଅଦା ବା ବକରୀ ଇଦ୍ । ଆନନ୍ଦ ଉଲ୍ଲାସ ମଧ୍ୟରେ ଏହି ପର୍ବ ପାଳନ କରୁଛନ୍ତି ମୁସଲମାନ ଭାଇ ଓ ଭଉଣୀ । ଏହି ଅବସରରେ କରୋନା କଟକଣା ଯୋଗୁଁ ଘରେ ରହି ଏହି ବଳିଦାନର ପର୍ବ ପାଳୁଛନ୍ତି । ଏହି ଅବସରରେ ମୁସଲମାନ୍ ଭାଇ ଓ ଭଉଣୀମାନଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଶୁଭେଚ୍ଛା ଜଣାଇଛନ୍ତି ।

ଏହି ପର୍ବ ସମାଜରେ ଶାନ୍ତି ଓ ମୈତ୍ରି ଭାବ ଜାଗ୍ରତ କରିବ ବୋଲି ମୁଖ୍ୟମନ୍ତ୍ରୀ କହିଛନ୍ତି । ତେବେ କୋରୋନା ମହାମାରୀ ଯୋଗୁଁ  କଟକଣା ମଧ୍ୟରେ ଏହି ପର୍ବ ଅନୁଷ୍ଠିତ ହେଉଥିବା ବେଳେ, ବିଭିନ୍ନ ମସଜିଦ୍ ସମେତ ଇଦଗାହାରେ ମଧ୍ୟ ନମାଜ୍ ପାଠ କରାଯାଇଛି । ତେବେ ଏହି ନମାଜ୍ ପାଠ କେବଳ ପାଞ୍ଚ ଜଣକୁ ନେଇ ଅନୁଷ୍ଠିତ ହେବ  ।

ଦିଅଁ ଦର୍ଶନରୁ ବଞ୍ଚିତ ଭକ୍ତ: ରଥ ଚଢ଼ି ଫଟୋ ଉଠାଇଲେ

ବିନା ଭକ୍ତରେ ହେଉଛି ବିଶ୍ୱପ୍ରସିଦ୍ଧ ରଥଯାତ୍ରା । ହେଲେ ବଡ଼ଠାକୁରଙ୍କ ରଥରେ ୨ଯୁବକଙ୍କ ଫଟୋ ଏବେ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି । ଦୁଇ ଯୁବକ ସେଲଫି ନେଇ ସୋସିଆଲ ମିଡିଆରେ ସେୟାର କରିଛନ୍ତି । ଏହି ଦୁଇଜଣ ସେବାୟତ ନା ଅଣ ସେବାୟତ ତାହା ସ୍ପଷ୍ଟ ହୋଇନଥିବାବେଳେ ଏହି ଦୁଇଜଣ ତାଙ୍କ ସୋସିଆଲ ସାଇଡରେ ଏହିପରି ଫଟୋ ଉଠାଇ ନିଜକୁ ଧନ୍ୟ ମନେ କରିଥିବା ଲେଖିଛନ୍ତି ।

ଯଦି ସେବାୟତ ହୋଇଥାନ୍ତେ ତାହାହେଲେ ଏହି ଲେଖା ହୋଇନଥାନ୍ତା । ସେମାନେ ବଳଭଦ୍ରଙ୍କ ସିଂହାସନରେ ବସି ଦୁଇଜଣ ଫଟୋ ଉଠାଇଛନ୍ତି । ଦୁଇଜଣ ମାସ୍କ ପିନ୍ଧିଛନ୍ତି ତେଣୁ ଏହା ଚଳିତ ବର୍ଷର ବୋଲି ଅନୁମାନ କରିହେଉଛି । ବର୍ତ୍ତମାନର କଟକଣା ଯୋଗୁଁ ସାଧାରଣ ଭକ୍ତ ରଥ ସ୍ପର୍ଶ କରିପାରୁନଥିବା ବେଳେ କେମିତି ରଥ ଉପରେ ଚଢି ସେଲଫି ନେଲେ ଦୁଇ ଯୁବକ ଏ ନେଇ ପ୍ରଶ୍ନ ଉଠିଛି । ଏଥିସହିତ ଏଭଳି ଘଟଣା ନେଇ ସାଧାରଣରେ ଉଦ୍‌ବେଗ ପ୍ରକାଶ ପାଇଛି ।

 

କେନ୍ଦ୍ର ସରକାରଙ୍କ ଚାଷୀ ମାରଣା ନୀତି ବିରୋଧରେ ସୁବର୍ଣ୍ଣପୁର ଜିଲ୍ଲା ମହିଳା ବିଜେଡିର ବିକ୍ଷୋଭ: ଧାନ କିଣା ବକେୟା ଟଙ୍କା ଦେବାକୁ ଦାବି

ସୁବର୍ଣ୍ଣପୁର: କେନ୍ଦ୍ର ସରକାରଙ୍କ ଚାଷୀ ମାରଣା ନୀତି ବିରୋଧରେ ଜିଲ୍ଲା ବିଜେଡି ମହିଳା ମୋର୍ଚ୍ଚା ପକ୍ଷରୁ ଡଙ୍ଗୁରିପାଲ୍ଲୀ ଏଫସିଆଇ ଗୋଦାମ ସମ୍ମୁଖରେ ବିକ୍ଷୋଭ ପ୍ରଦର୍ଶନ । ବିଜେଡି ଜିଲ୍ଲା ମହିଳା ସଭାପତି ପଦ୍ମିନୀ ବଘାରଙ୍କ ନେତୃତ୍ୱରେ ମହିଳାମାନେ ପ୍ରଥମେ ଡଙ୍ଗୁରିପାଲ୍ଲୀ ଏଫ୍‌ସିଆଇ ଛକରୁ ଏକ ଶୋଭାଯାତ୍ରାରେ ବାହାରି  କେନ୍ଦ୍ର ସରକାରଙ୍କ ବିରୋଧରେ ବିଭିନ୍ନ ପ୍ରକାର ସ୍ଳୋଗାନ୍ ଦେଇ ସହର ପରିକ୍ରମା କରିଥିଲେ । ପରେ ପରେ ଏଫସିଆଇ ସମ୍ମୁଖରେ ଧାରଣା ଦେଇଥିଲେ । ଏହି ଧାରଣାରେ ଜିଲ୍ଲା ବିଜେଡି ସଭାପତି ସରୋଜ କମ୍ପ, ଜିଲ୍ଲା ଉପ ସଭାପତି ରମେଶ ପୁଝାରୀ, ବିନିକା ବ୍ଲକ ଅଧ୍ୟକ୍ଷ ଅଶୋକ ନନ୍ଦ, ଡୁଙ୍ଗୁରିପାଲ୍ଲି ବ୍ଲକ ଅଦ୍ଧ୍ୟକ୍ଷ ମକରଧ୍ୱଜ ସାହୁଙ୍କ ସମେତ ଜିଲ୍ଲା ବିଜେଡି ଯୁବ ମୋର୍ଚ୍ଚା, ଛାତ୍ର ସଂଘ ସହିତ ଶତାଧିକ କର୍ମୀ ସାମିଲ ହୋଇଥିଲେ । ଚାଷୀମାନଙ୍କ ସମସ୍ୟା ସମାଧାନ ନ ହେଲେ ଆଗାମୀ ଦିନରେ ଆନ୍ଦୋଳନ ଭୟାବହ ହେବ ବୋଲି ଚେତାବନୀ ଦେଇଛନ୍ତି ବିଜେଡି କର୍ମୀମାନେ ।

ସୂଚନା ଯୋଗ୍ୟ ଯେ, ରାଜ୍ୟରେ ୨୦ଲକ୍ଷ ମେଟ୍ରିକ ଟନରୁ ୭ଲକ୍ଷ ମେଟ୍ରିକ୍ ଟନ୍ ଚାଉଳ ଏବେବି ଅଛି । ଏହି ୭ଲକ୍ଷ ମେଟ୍ରିକ୍ ଟନ୍ ଚାଉଳ କେନ୍ଦ୍ର ସରକାର କେବେ ନେବେ ବୋଲି କେନ୍ଦ୍ର ସରକାରଙ୍କ ପକ୍ଷରୁ ସ୍ପଷ୍ଟ ହୋଇନାହିଁ । ୨୦୧୧ ମସିହା ଠାରୁ ଓଡିଶା ଚାଉଳରେ ବଳକା ରାଜ୍ୟ ହୋଇପାରିଛି । କୃଷି ନୀତି, ଆଧୁନିକ ଯନ୍ତ୍ରପାତି, ଅମଳ କ୍ଷମ ବିହନ ଏହି ସବୁ ପଦକ୍ଷେପ ନେଇଛନ୍ତି ରାଜ୍ୟ ସରକାର । ଧାନକିଣା ପ୍ରକ୍ରିୟା ୨୦୦୩-୨୦୦୪ରୁ ଓଡ଼ିଶା ସରକାର ସୁରୁଖୁରୁରେ ଚଳାଇ ଆସିଛନ୍ତି । ଡିଜିଟାଇଜେସନ, ମଣ୍ଡି, ଡିବିଟି ବ୍ୟବସ୍ଥା ହୋଇଛି । ଓଡିଶା ସରକାର ଋଣ ଆଣି ଧାନ କିଣନ୍ତି ଓ ପରବର୍ତ୍ତୀ ସମୟରେ କେନ୍ଦ୍ର ସରକାର ଅର୍ଥ ଦିଅନ୍ତି । ଧାନ କିଣା ସରିବା ପରେ ଗତ ବର୍ଷର ୬ ହଜାର୫୭୦ କୋଟି ଟଙ୍କା କେନ୍ଦ୍ର ସରକାର ଦେଇନାହାନ୍ତି ।

ଏଥିସହିତ ପଢ଼ନ୍ତୁ: ରାଜ୍ୟର ୪ ଜିଲ୍ଲାରେ ବନ୍ଦ ରହିଛି ଟିକାକରଣ

 

୨୪ ଘଣ୍ଟାରେ ଦେଶରେ ଚିହ୍ନଟ ହୋଇଛନ୍ତି ୪୨ ହଜାର ୧୫ ଆକ୍ରାନ୍ତ

ନୂଆଦିଲ୍ଲୀ:   ପୁଣି ଦେଶରେ ବଢ଼ିଲା କରୋନା ସଂକ୍ରମଣ । ଗତ ୨୪ ଘଣ୍ଟାରେ ଚିହ୍ନଟ ହୋଇଛନ୍ତି ଆଉ ୪୨ ହଜାର ୧୫ ଆକ୍ରାନ୍ତ । ଏହା ସହିତ ଦେଶର କରୋନା ମୃତ୍ୟୁ ସଂଖ୍ୟା ମଧ୍ୟ ୩୯୯୮କୁ ବୃଦ୍ଧି ପାଇଛି । ଗତ ପ୍ରାୟ ଏକ ମାସ ହେବ ଦୈନିକ ପଜିଟିଭିଟି ହାର ୩ ପ୍ରତିଶତ ତଳେ ରହିଛି ।

Corona Lambda Variant Is More Dangerous Than Delta Malaysia Warns

ସେହିପରି ଆଉ ୩ହଜାର ୯୯୮ ଜଣଙ୍କ ଜୀବନ ନେଇଛି ମହାମାରୀ । ଗତ ୨୪ ଘଣ୍ଟାରେ କରୋନାରୁ ସୁସ୍ଥ ହୋଇଛନ୍ତି ୩୬ ହଜାର ୯୭୭ଜଣ କରୋନା ଆକ୍ରାନ୍ତ । ବର୍ତ୍ତମାନ ସୁଦ୍ଧା କରୋନାରେ ୩ କୋଟି ୧୨ ଲକ୍ଷ ୧୬ ହଜାର ୩୩୭ ଜଣ ଆକ୍ରାନ୍ତ ହୋଇଥିବା ବେଳେ, ସୁସ୍ଥ ହେଲେଣି ୩ କୋଟି ୩ ଲକ୍ଷ ୯୦ ହଜାର ୭୬୮୭ ଜଣ ।

ସେହିପରି ଆକ୍ଟିଭ୍ କେସ୍ ରହିଛି ୪ ଲକ୍ଷ ୭ ହଜାର ୧୭୦ ଜଣ । ମହାମାରୀ କରୋନରେ ସାରା ଦେଶରେ ପ୍ରାଣ ହରାଇଲେଣି ୪ ଲକ୍ଷ ୧୮ ହଜାର ୪୮୦ ଜଣ ।

କୋଭିଡରୁ ସାମାନ୍ୟ ଆଶ୍ୱସ୍ତି ପାଇଁ   ସାରା ଦେଶରେ ଟିକାକରଣ ପ୍ରକ୍ରିୟା ଜାରି ରହିଛି ।