spot_img
Home Blog Page 5556

ଇଞ୍ଜେକସନ ଦେବାରେ ବିଳମ୍ବ ହେବାରୁ ଡାକ୍ତର ନର୍ସଙ୍କୁ ପିଟିଲେ ଦୁର୍ବୃତ୍ତ

ବାଲିପାଟଣା: ରାଜଧାନୀ ଉପକଣ୍ଠ ବାଲିପାଟଣା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ କାର୍ଯ୍ୟରତ ଡାକ୍ତରଙ୍କୁ ମାଡ଼। ନର୍ସ ଏବଂ ସିକ୍ୟୁରିଟି ଗାର୍ଡଙ୍କୁ ମଧ୍ୟ ମାଡ ମାରିଛନ୍ତି ଦୁଇଜଣ ଦୁର୍ବୃତ୍ତ। ଦୁର୍ବୃତ୍ତଙ୍କ ମାଡରେ ଡାକ୍ତର ରତିରଞ୍ଜନ ସ୍ୱାଇଁ ଆହାତ ହୋଇଛନ୍ତି। ମାଡ ମାରିବାର ଭିଜୁଆଲ ସିସିଟିଭିରେ କଏଦ ହୋଇଛି। ସୋମବାର ରାତି ପ୍ରାୟ ୧୧ଟା ସମୟରେ ଡାକ୍ତର ରତିରଞ୍ଜନ ସ୍ୱାଇଁ ମେଡିକାଲରେ ରୋଗୀ ଚିକିତ୍ସା କରୁଥିଲେ। ଏହି ସମୟରେ ଅଠାନ୍ତର ଗ୍ରାମର ଚିତରଞ୍ଜ ବେହେରାଙ୍କ ସ୍ୱାସ୍ଥ୍ୟ ସମସ୍ୟା ଥିବାରୁ ମେଡିକାଲ ଆସିଥିଲେ। ଡାକ୍ତର ରତିରଞ୍ଜନ ଏକ ଇଂଜେକ୍‌ସନ୍ ଦେବାପାଇଁ ପ୍ରେସକ୍ରାଇବ୍ କରିଥିଲେ।

କାର୍ଯ୍ୟରତ ନର୍ସ ସିଲା ସାହୁ ଇଂଜେକ୍ସନ୍ ଦେବାକୁ ଆସିବା ଭିତରେ କାହିଁକି ବିଳମ୍ବ ହେଉଛି ବୋଲି ଚିତରଞ୍ଜ ଏବଂ ତାଙ୍କର ଜଣେ ସହଯୋଗୀ ପାଟିତୁଣ୍ଡ କରିଥିଲେ। ସିକ୍ୟୁରିଟି ଗାର୍ଡ ସେମାନଙ୍କୁ ବୁଝାଇବାକୁ ଚେଷ୍ଟା କରିବା ବେଳେ ସେମାନେ ଡାକ୍ତର ରତିରଂଜନ, ନର୍ସ ସିଲା ଏବଂ ସିକ୍ୟୁରିଟି ଗାର୍ଡଙ୍କୁ ମାଡ ମାରିଥିଲେ। ଦୁର୍ବୃତ୍ତଙ୍କ ମାଡରେ ତିନିଜଣ ଆହାତ ହୋଇଛନ୍ତି। ମାଡ ମାରି ଘଟଣା ସ୍ଥଳରୁ ଫେରାର ହୋଇଯାଇଥିଲେ ଦୁଇ ଦୁର୍ବୃତ୍ତ। ସେପଟେ ଘଟଣା ସ୍ଥଳପୋଲିସ ପହଞ୍ଚି ପ୍ରାଥମିକ ତଦନ୍ତ ଆରମ୍ଭ କରିଥିଲା।

ସ୍ୱଳ୍ପ ବୃଷ୍ଟିପାତ କାରଣରୁ ଚାଷୀଙ୍କ ମୁଣ୍ଡରେ ଚଡ଼କ, ରୁଆ ବେଉଷଣ ପାଇଁ ବର୍ଷାକୁ ଅପେକ୍ଷା

ସୋନପୁର: ସୁବର୍ଣ୍ଣପୁର ଜିଲ୍ଲାରେ ଚଳିତ ବର୍ଷ ସ୍ୱଳ୍ପ ବୃଷ୍ଟିପାତ ଚାଷୀଙ୍କ ମୁଣ୍ଡରେ ଚଡକ ପକାଇଛି। କାଁ ଭାଁ ଲଘୁଚାପ ବର୍ଷାକୁ ଛାଡ଼ିଦେଲେ ଜିଲ୍ଲାରେ ବର୍ଷାର ପରିମାଣ ଖୁବ କମ ରହିଛି। ଫଳରେ ଜିଲ୍ଲାର ଚାଷୀ ଚାଷ ପାଇଁ ବିଲରେ ତଳି ପକାଇଥିବା ବେଳେ ରୁଆ ବେଉଷଣ ପାଇଁ ବର୍ଷା ଜଳକୁ ଅପେକ୍ଷା କରି ଚିନ୍ତାରେ ରହିଛି। କିଛି କିଛି ସ୍ଥାନରେ ତଳି ପକାଇଥିବା ଜମି ବର୍ଷା ଅଭାବରୁ ଫାଟି ଆଁ କଲାଣି। ଚଳିତ ବର୍ଷ ଠିକ ସମୟରେ ମୌସୁମୀର ଆଗମନ ଦେଖି ଚାଷୀ ଖରିଫ ଋତୁରେ ଚାଷ କାମ ଭଲ ହେବ ବୋଲି ଆଶା କରିଥିଲା।

ହେଲେ ଆକାଶରେ କେବଳ ଭସା ବାଦାଲ ଦେଖି ଭଲ ଚାଷର ଆଶା ବି ସେହି ବାଦଲ ସହ ଭାସି ଚାଲିଯାଉଛି। ଅଣ ଜଳସେଚିତ ଅଞ୍ଚଳ ସୋନପୁର, ବୀରମହାରାଜପୁର, ଉଲୁଣ୍ଡା, ତରଭା ଆଦି ବ୍ଲକ ମାନଙ୍କରେ ରୁଆ ବେଉଷଣ ଠପ ହୋଇଯାଇଛି। ଜଳ ସେଚନର କୌଣସି ବ୍ୟବସ୍ଥା ନଥିବାରୁ କେମିତି ଚାଷ କରିବ ସେ ଚିନ୍ତାରେ ଏବେ ଚାଷୀ। ଗୋଟିଏ ପଟେ  ବର୍ଷା ଅଭାବରୁ ଚାଷୀ ଚିନ୍ତାରେ ପଡିଥିବା ବେଳେ ଅନ୍ୟପଟେ ଖରିଫ ଚାଷ ଦିନକୁ ଦିନ ବିଳମ୍ବ ହେବାରେ ଲାଗିଛି।

ଜିଲ୍ଲାରେ ଗତ ଜୁନ ମାସରେ ୨୧୭ ମିଲିମିଟର ବର୍ଷାର ଆବଶ୍ୟକତା ଥିବା ବେଳେ ୨୦୯ ମିଲିମିଟର ସ୍ୱାଭାବିକ ବର୍ଷା ହୋଇଛି। ଫଳରେ ଚାଷୀ ଆଗୁଆ ଚାଷ କାମ ଆରମ୍ଭ କରିଥିଲେ। ହେଲେ ଚାଷୀ ରୁଆକାମ ସାରିଦେଇଥିବା ବେଳେ ଜୁଲାଇ ମାସରେ ୩୧୯ ମିଲିମିଟର ଜାଗରେ ବର୍ତ୍ତମାନ ପର୍ଯ୍ୟନ୍ତ ମାତ୍ର ୭୯ ମିଲିମିଟର ବର୍ଷା ରେକର୍ଡ କରାଯାଇଛି। ଜିଲ୍ଲାର ୨ ଟି ବ୍ଲକକୁ ଛାଡିଦେଲେ ପ୍ରାୟ ସମସ୍ତ ବ୍ଲକରେ ବର୍ଷା ଉପରେ ନିର୍ଭର କରି ଚାଷ କରିଥାଏ ଚାଷୀ।  ତେବେ ଚାଷ ଉପରେ ନିର୍ଭର କରି ଚଳୁଥିବା ଚାଷୀ କେମିତି ପରିବାର ଚଳାଇବ ସେ ଚିନ୍ତାରେ । ସ୍ୱଳ୍ପ ବୃଷ୍ଟିପାତ ଯୋଗୁଁ ଜିଲ୍ଲାର ଶହ ଶହ ହେକ୍ଟର ଧାନଚାଷ ନଷ୍ଟ ହେବାକୁ ବସିଲାଣି। ବର୍ତମାନ ମଧ୍ୟ ବହୁ ଚାଷ ଜମି ପଡିଆ ପଡିଛି ।

 

ରାଜ୍ୟରେ ସୁଧୁରୁଛି କରୋନା ପରିସ୍ଥିତି, ହେଲେ ଚିନ୍ତା ବଢ଼ାଉଛି ଖୋର୍ଦ୍ଧା ଜିଲ୍ଲାରେ ସଂକ୍ରମଣ

ଭୁବନେଶ୍ୱର: ରାଜ୍ୟରେ କମିବାରେ ଲାଗିଛି କରୋନା ସଂକ୍ରମଣ। ରାଜ୍ୟରେ ତଳମୁହାଁ ହୋଇଛି କରୋନାର ଦୈନିକ ସଂକ୍ରମଣ। ଗତ ୨୪ ଘଣ୍ଟା ମଧ୍ୟରେ ୨୦୮୫ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି। କ୍ୱାରେଣ୍ଟାଇନ ସେଣ୍ଟରରୁ ୧୧୯୮ ଜଣ ଚିହ୍ନଟ ହୋଇଥିବା ବେଳେ ଲୋକାଲ କଣ୍ଟାକ୍ଟ ରହିଛି ୮୮୭। କିନ୍ତୁ ଚିନ୍ତା ବଢ଼ାଉଛି ଖୋର୍ଦ୍ଧାରେ ସଂକ୍ରଣ। ହଠାତ ବଢ଼ୁଛି ହଠାତ କମୁଛି ସଂକ୍ରମଣ। ଖୋର୍ଦ୍ଧାରୁ ସର୍ବାଧିକ ୫୨୮ ଜଣ ସଂକ୍ରମିତ ଚିହ୍ନଟ ହୋଇଛନ୍ତି। ସେହିଭଳି କଟକରୁ ୨୧୦ ଜଣ ସଂକ୍ରମିତ ଚିହ୍ନଟ ହୋଇଛନ୍ତି। ବାଲେଶ୍ୱରରୁ ୧୧୩, ବରଗଡ଼ରୁ ୧୫, ଭଦ୍ରକରୁ ୧୭୩, ବଲାଙ୍ଗୀରରୁ ୭, ବୌଦ୍ଧରୁ ୩, ଦେବଗଡ଼ରୁ ୪, ଢ଼େଙ୍କାନାଳରୁ ୪୧, ଗଜପତିରୁ ୧୯, ଗଞ୍ଜାମରୁ ୧୪, ଜଗତସିଂହପୁରରୁ ୧୦୮, ଯାଜପୁରରୁ ୧୩୨, ଝାରସୁଗୁଡ଼ାରୁ ୨, ଗଳାହାଣ୍ଡିରୁ ୧୦, ଗନ୍ଧମାଳରୁ ୧୮, କେନ୍ଦ୍ରାପଡ଼ାରୁ ୯୪, କେନ୍ଦୁଝରରୁ ୨୪, କୋରାପୁଟ ୧୬, ମାଲକାନାଗିରିରୁ ୧୯, ମୟୂରଭଞ୍ଜ ୮୪, ନବରଙ୍ଗପୁର ୧୮, ନୟାଗଡ଼ ୬୦, ନୂଆପଡ଼ା ୫, ପୁରୀ ୧୦୬, ରାୟଗଡ଼ା ୧୪, ସମ୍ବଲପୁର ୩୬, ସୋନପୁର ୪, ସୁନ୍ଦରଗଡ଼ ୨୫, ଷ୍ଟେଟପୁଲରୁ ୧୧୦ ଜଣ ସଂକ୍ରମିତ ଚିହ୍ନଟ ହୋଇଛନ୍ତି।

ମୁହଁ ଖୋଲିଲେ ବିଦ୍ୟା: କହିଲେ ସୌମ୍ୟଙ୍କର ଥିଲା ଅଲଗା ଝିଅ ସହିତ ସମ୍ପର୍କ, ଫୋନ୍‌ରେ ଘଣ୍ଟାଘଣ୍ଟା କଥା ହେଉଥିଲେ

ସୋର: ଘନଉଛି ଏସିଏଫ୍‌ ସୌମ୍ୟଙ୍କ ମୃତ୍ୟୁ ରହସ୍ୟ। ଛନ୍ଦିହୋଇ ଚାଲିଛି ମୃତ୍ୟୁର କାରଣ। ଦୀର୍ଘ ୭ ଦିନ ପରେ ବି ମୃତ୍ୟୁର କାରଣ ପାଉନି ପୋଲିସ। କିନ୍ତୁ ଏହାରି ଭିତରେ ଆସିବାରେ ଲାଗିଛି ଗୋଟିଏ ପରେ ଗୋଟିଏ ଚାଞ୍ଚଲ୍ୟକର ବୟାନ। ଗତକାଲି ସୌମ୍ୟଙ୍କ ମାଆ ବାପା ମାମୁଁଙ୍କର ବୟାନ ଆସିଲା ପରେ ଆଜି ଆସିଛି ସନ୍ଦେହ ଘେରରେ ଥିବା ସୌମ୍ୟଙ୍କ ସ୍ତ୍ରୀ ବିଦ୍ୟାଭାରତୀଙ୍କ ବୟାନ। ବିଦ୍ୟା କହିଛନ୍ତିଯେ ସୌମ୍ୟଙ୍କର ଥିଲା ଅଲଗା ଝିଅ ସହ ସମ୍ପର୍କ।

କାହିଁକି ମୋ ଶାଶୁ ଘରର ଲୋକ ମୋ ବିସୟରେ ଏଭଳଳି ମିଛ କଥା କହୁଛନ୍ତି ମୁଁ ଜାଣିନି। କିନ୍ତୁ ମୋ ଶାଶୁ ମୋତେ ସବୁବେଳେ କୁହନ୍ତି ମୁଁ ଯେମିତି ବୋହୂ ଚାହୁଁଥିଲି ମୋସେ ସେମିତି ବୋହୂଟିଏ ମିଳିଛି। କିନ୍ତୁ ଏବେ ସେମାନଙ୍କର କଥାରେ ପରିବର୍ତ୍ତନ ହୋଇଛି ବୋଲି ବିଦ୍ୟା କହିଛନ୍ତି। ସୌମ୍ୟଙ୍କ ସହ ବିଦ୍ୟାଙ୍କର ବହୁତ ଭଲ ସମ୍ପର୍କ ରହିଥିଲା ବୋଲି ବିଦ୍ୟା କହିଛନ୍ତି। ବାହାଘରର ୩ ମାସ ପର୍ଯ୍ୟନ୍ତ ସବୁ ଠିକ ଚାଲିଥିଲା। କିନ୍ତୁ ଭୁବନେଶ୍ୱରୁ ଆସିଲା ପରେ ସବୁ କିଛି ବଦଳି ଯାଇଥିଲା। ସେବେଠାରୁ କଳି ଝଗଡ଼ା ହେବା ଆରମ୍ଭ ହୋଇଥିଲା।

ଭୁବନେଶ୍ୱରରେ ତାଙ୍କ ପାଖକୁ ଏକ ଅଜଣା ନମ୍ବରରୁ କଲ ଆସିଥିଲା। ଯାହା ଗୋଟେ ଝିଅର ଥିଲା ବୋଲି ବିଦ୍ୟା ଅଭିଯୋଗ ଆଣିଛନ୍ତି। ବିଦ୍ୟା କହିଛନ୍ତି ଯେ କଲ କରିଥିବା ଝିଅ ସୌମ୍ୟଙ୍କୁ କହୁଥିଲା “କଣ ସୌମ୍ୟ ଏତେ ଦିନ ହେଲାଣି କଲ କି ମେଜେନ କରୁନ, କଣ ଭୁଲି ଗଲଣିନା କଣ”। ବିଦ୍ୟା କହିଛନ୍ତି ଯେ ତାଙ୍କର ଏକ ଅଲଗା ଝିଅ ସହ ସମ୍ପର୍କ ରହିଥିଲା।

ଏହା ପୂର୍ବରୁ ମଧ୍ୟ ସେ ଗୋଟି ଝିଅକୁ I love you  ମେସେଜ କରିଥିବାର ମୁଁ ଦେଖି ଦେଇଥିଲି। ଏହା ପରେ ସେ ମୋତେ ତାଙ୍କ ଫୋନ ଠାରୁ ଦୁରେଇ ରଖନ୍ତି। ମୋତେ ତାଙ୍କ ଫୋନ୍‌ର ପାସଓ୍ୱାଡ ଦିଅନ୍ତିନି ବୋଲି କ୍ୟାମେରା ସାମ୍ନାରେ କହିଛନ୍ତି ବିଦ୍ୟା। ଫୋନ୍‌ରେ ଘଣ୍ଟାଘଣ୍ଟା କଥା ହୁଅନ୍ତି ବୋଲି ବିଦ୍ୟା କହିଛନ୍ତି। ମୁଁ ତାଙ୍କ ଫୋନରେ ତାଙ୍କ କଣ୍ଟାକ୍ଟ ଠାରୁ ଫେସବୁକ କି ହ୍ୱଟସ୍‌ଆପ୍‌ ମେସେଜ ଯାହା ଦେଖିଲେ ସୌମ୍ୟ ତାକୁ ଡିଲିଟ କରିଦିଅନ୍ତି ବୋଲି କହିଛନ୍ତି ବିଦ୍ୟା। ସେପଟେ ସେ ଆହୁରି କହିଛନ୍ତି ଯେ ସୌମ୍ୟ ହସ୍ପିଟାଲରେ ଥିବା ବେଳେ ମୋତେ I Love You ବି କହିଛନ୍ତି।

ସେପଟେ ବ୍ୟାଚ୍‌ଲର ପାର୍ଟି କଥାକୁ ନେଇ ମୁହଁ ଖୋଲିଛନ୍ତି ବିଦ୍ୟା। ବିଦ୍ୟା କହିଛନ୍ତି ସେଇଟା ବ୍ୟାଚଲର ପାର୍ଟି ନଥିଲା ଆମ ବାହାଘର ପାର୍ଟି ଥିଲା। କରୋନା ସମୟରେ ଭୋଜି ଦେଇନଥିଲୁ ସେଥିପାଇଁ ଏହି ଭୋଜି ଦିଆଯାଇଥିଲା। ମୁଁ ମୋ ସାଙ୍ଗ ମାନଙ୍କୁ ଡାକି ଏହି ଭୋଜି ଦେଇଥିଲି। ମୋ ଶାଶୁ ଘର ଲୋକେ ଯାହାବି ମୋ କ୍ଷେତ୍ରରେ ଅଭିଯୋଗ ଆଣିଛନ୍ତି ସେ ସବୁ ଭିତିହିନ୍ନ। ସେହି ସବୁ କଥାରେ କେୌଣସି ସତ୍ୟତା ନାହିଁ ବୋଲି ବିଦ୍ୟା କହିଛନ୍ତି।

କର୍ଫ୍ୟୁ ପାଇଁ ବଡ଼ଦାଣ୍ଡରେ ନାହିଁ ଶ୍ରଦ୍ଧାଳୁଙ୍କ ଭିଡ଼

ପୁରୀ: ଜନ୍ମବେଦୀରେ ସରିଲା ୯ ଦିନର ଲୀଳା ଖେଳା । ଆଜି ଶ୍ରୀମନ୍ଦିର ଅଭିମୁଖେ ବାହୁଡ଼ିବେ ଚତୁର୍ଦ୍ଧାମୂରତି । ହେଲେ ବଡ଼ଦାଣ୍ଡ ଜନଶୂନ୍ୟ । ଲୀଳାମୟଙ୍କୁ ଦେଖିବାକୁ ଭକ୍ତ ଚାହିଁ ରହିଛି ଆତୁର ଭାବେ । କେତେବେଳେ ଗୋଟି ପହଣ୍ଡିରେ ନାକଚଣା ଦ୍ୱାର ଦେଇ ବାହାରିବେ ମହାପ୍ରଭୁ । ଜନ୍ମବେଦୀରେ ଶୀଜିଉଙ୍କ ନୀତିକାନ୍ତି ଚାଲିଛି । ବେଳ ଗଡ଼ିବା ସହ ମହାବାହୁଙ୍କୁ ରଥ ଉପରେ ଦେଖିବାକୁ ଉତ୍ସାହର ସହ ଚାହିଁ ରହିଛନ୍ତି ଶ୍ରଦ୍ଧାଳୁ ।

No Crowd In Puri Badadanda For Bahuda Yatra

ଚଳିତବର୍ଷ ମଧ୍ୟ କରୋନା କଟକଣା ଭିତରେ ଚାଲିଛି ଶ୍ରୀଜିଉଙ୍କ ବିଶ୍ୱପ୍ରସିଦ୍ଧ ଘୋଷଯାତ୍ରା । କୋଭିଡ୍ ନେଗେଟିଭ୍ ରିପୋର୍ଟ ଥିବା ଏବଂ ଦୁଇ ଡୋଜ୍ ଟିକା ନେଇଥିବା ସେବାୟତ ଓ ପୋଲିସ ଏଥିରେ ସାମିଲ୍ ହୋଇଛନ୍ତି । ପୁରୀରେ ଲାଗୁ ହୋଇଛି କର୍ଫ୍ୟୁ । ସମସ୍ତେ ଘରେ ବସି ଟେଲିଭିଜନ୍ ମାଧ୍ୟମରେ ମହାପ୍ରଭୁଙ୍କ ଦିବ୍ୟ ଦର୍ଶନ କରିବା ପାଇଁ ପ୍ରଶାସନ କରିଛି ସମସ୍ତ ବ୍ୟବସ୍ଥା ।

No Crowd In Puri Badadanda For Bahuda Yatra

ଭକ୍ତରହିତ ଭାବେ ପାଳନ ହେଉଛି ବାହୁଡ଼ା ଯାତ୍ରା । ତେଣୁ ବଡ଼ଦାଣ୍ଡରେ ଗହଳି ନାହିଁ । ଜନଶୂନ୍ୟ ହୋଇ ପଡ଼ିଛି କାଳିଆର ବଡ଼ଦାଣ୍ଡ । ଦିନେ ଏଇ ବଡ଼ଦାଣ୍ଡରେ ତ ଲକ୍ଷ ଲକ୍ଷ ଭକ୍ତଙ୍କ ଗହଳି ଥିଲା । କିନ୍ତୁ ମହାମାରୀ କରୋନା ପାଇଁ ବିନା ଭକ୍ତରେ ହେଉଛି କାଳିଆ ସାଆନ୍ତଙ୍କ ବାହୁଡ଼ା ଯାତ୍ରା ।

ନିର୍ଦ୍ଧାରିତ ସମୟରେ ଚାଲିଛି ଶ୍ରୀଜିଉଙ୍କ ବାହୁଡ଼ା ନୀତିକାନ୍ତି

ପୁରୀ: ଜନ୍ମବେଦୀରୁ ରତ୍ନବେଦୀକୁ ବାହୁଡ଼ିବେ ମହାବାହୁ । ଏଥିପାଇଁ ଶ୍ରୀ ଗୁଣ୍ଡିଚା ମନ୍ଦିରରେ ଚତୁର୍ଦ୍ଧା ମୂର୍ତ୍ତିଙ୍କ ନୀତିକାନ୍ତି ଚାଲିଛି । ହରିଶୟନ ଏକାଦଶୀରେ ଶ୍ରୀଜିଉଙ୍କ ବାହୁଡ଼ା ଯାତ୍ରା ପାଇଁ ମଙ୍ଗଳ ଆଳତି, ମଇଲମ, ତଡ଼ପଲାଗି, ଅବକାଶ ପୂଜ ନିର୍ଦ୍ଧାରିତ ସମୟ ପୂର୍ବରୁ ସମ୍ପନ୍ନ ହୋଇଛି । ସୂର୍ଯ୍ୟପୂଜା ସକାଳ ୫ଟା ୩୦ରେ ସରିଥିବା ବେଳେ, ଦ୍ୱାରପାଳ ପୂଜା ୫ଟା ୪୦ରେ ଓ ବେଶ ଶେଷ ସରିଛି ।

Bahuda Yatra Rituals Of Deities Going On Puri

ଗୋପାଳ ବଲ୍ଲଭ ଓ ସକାଳ ଧୂପ (ଖେଚୁଡ଼ି ଭୋଗ) ୫ଟା ୪୫ରେ ଶେଷ ହୋଇଛି । ସେନାପଟା ଲାଗି ୭ଟାରୁ ୧୧ଟା ୩୦ ମଧ୍ୟରେ ହେବାକୁ ଥିବାବେଳେ ମଙ୍ଗଳାର୍ପଣ ଦିନ ୧୧ଟା ୪୫, ବାହୁଡ଼ା ପହଣ୍ଡି ଦିନ ୧୨ଟାରୁ ୨ଟା ୩୦ ମଧ୍ୟରେ ହେବାକୁ ନୀତି ନିର୍ଘଣ୍ଟ ହୋଇଛି । ସେହିଭଳି ବେଶ ଶେଷ ୧ଟାରୁ ୨ଟା ୩୦ ମଧ୍ୟରେ, ଛେରା ପହଁରା ୨ଟା ୩୦ରୁ ୩ଟା ୩୦ ମଧ୍ୟରେ ହେବ ।

ଚାରମାଳ ଫିଟା ଓ ଘୋଡ଼ା ଲାଗିବା ୩ଟାରୁ ୪ଟା ମଧ୍ୟରେ ସରିବା ପରେ ଅପରାହ୍ଣ ୪ଟାରୁ ରଥଟଣା ଆରମ୍ଭ ହେବ । ରଥଟଣା ସରିବା ପରେ ଅନ୍ୟାନ୍ୟ. ନୀତିକାନ୍ତି କରାଯିବ । ବୁଧବାର, ଦ୍ୱାଦଶୀ, ବଡ଼ ତଡ଼ାଉ ବେଶ ବା ସୁନାବେଶ ଅନୁଷ୍ଠିତ ହେବ । ପ୍ରାତଃ ୬ଟାରୁ ୬ଟା ୩୦ ମଧ୍ୟରେ ୩ ରଥରେ ମଙ୍ଗଳ ଆଳତି ସମ୍ପନ୍ନ ହେବ । ମଇଲମ-ତଡ଼ପଲାଗି ସକାଳ ୭ଟା, ଅବକାଶ ୮ଟା ଓ ବେଶଶେଷ ୯ଟା ସୁଦ୍ଧା ସରିବ ।

Bahuda Yatra Rituals Of Deities Going On Puri

ବାହୁଡ଼ା ଯାତ୍ରା ପାଇଁ ପୁରୀରେ ସୋମବାର ରାତିରୁ କର୍ଫ୍ୟୁ ଲାଗିଛି । କର୍ଫ୍ୟୁ ବୁଧବାର ରାତିରେ ହଟିବ । ବିନା ପାସରେ କେହି ଯେଭଳି ବଡ଼ଦାଣ୍ଡକୁ ନ ଆସିବେ ସେ ନେଇ ପ୍ରଶାସନ ପଦକ୍ଷେପ ନେଇଛି । ଜେଇଇ ମେନ୍ ପରୀକ୍ଷାର୍ଥୀ ଚେକିଂ ଗେଟରେ ଆଡମିଟ୍ କାର୍ଡ ଦେଖାଇ ଯାଇ ପାରିବେ ।

ନାବାଳିକାକୁ ଦୁଷ୍କର୍ମ ଘଟଣାରେ ଦୁଇ ଅଭିଯୁକ୍ତ ନାବାଳକଙ୍କୁ ୨୦ ବର୍ଷ ଜେଲ୍

ନୟାଗଡ଼: ନୟାଗଡ଼ ଚିଲଡ୍ରେନ କୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ । ଶରଣକୁଳ ଥାନା ଅଞ୍ଚଳରେ ୨୦୧୭ ମସିହାରେ ନାବାଳିକାକୁ ଦୁଷ୍କର୍ମ କରି ଭିଡିଓ ଭାଇରାଲ୍ କରିବା ଘଟଣାରେ ଦୁଇ ଅଭିଯୁକ୍ତ ନାବାଳକଙ୍କୁ ୨୦ ବର୍ଷ ଜେଲ ଦଣ୍ଡ ସହ  ୫୦ ହଜାର ଟଙ୍କା ଜରିମାନା ଶୁଣାଇଛନ୍ତି କୋର୍ଟ । ଗତ ୨୦୧୭ ମସିହା ଫେବ୍ରୁଆରୀ ୨୦ ତାରିଖରେ ଜଣେ ଦଶମ ଶ୍ରେଣୀର ଛାତ୍ରୀ ନିକଟସ୍ଥ ବ୍ୟାଙ୍କକୁ ନିଜର ବାଲାନ୍ସ ଚେକ୍ କରିବାକୁ ଯିବାବେଳେ ୨ ନାବାଳକ ସାମୁହିକ ଦୁଷ୍କର୍ମ କରିଥିଲେ ।

ଏହାର ପରେ ଭିଡିଓ ଉତ୍ତୋଳନ କରି ସେସିଆଲ ମିଡିଆରେ ଭାଇରାଲ କରିଥିଲେ । ଶରଣକୁଳ ପୋଲିସ ଏନେଇ ଏକ ମାମଲା ୨୦୧୭ ମସିହା ଏପ୍ରିଲ ୨ ତାରିଖରେ ରୁଜୁ କରିଥିଲା । ଆଜି କୋର୍ଟ ଏହି ମାମଲାର ଶୁଣାଣି କରିଛନ୍ତି । ତେବେ ଫାଇନ ଆଦାୟ ନହେଲେ ଦଣ୍ଡ ବଢିବ ବୋଲି ସୂଚନା ମିଳିଛି । ଉଭୟ ନାବାଳକ ବ୍ରହ୍ମପୁର ବାଳ ସୁଧାର ଗୃହରେ ଥିଲେ ।

ବ୍ୟାଙ୍କ ଜାତୀୟ କରଣରୁ କଂଗ୍ରେସରେ ବିଦ୍ରୋହ, ବହିଷ୍କୃତ ହୋଇଥିଲେ ଇନ୍ଦିରା……

ନନ୍ଦିଘୋଷ ବ୍ୟୁରୋ: ୧୯୬୯ ମସିହା । ଇନ୍ଦିରାଗାନ୍ଧୀ ପ୍ରଧାନମନ୍ତ୍ରୀ ହେବାର ତିନି ବର୍ଷ ବିତି ସାରିଥାଏ । ସେତେବଳ ପର୍ଯ୍ୟନ୍ତ ମଧ୍ୟ ଗୁଙ୍ଗି ଗୁଡିା କୁହାଯାଉଥିବା ଇନ୍ଦିରାଙ୍କ ଛବି ଉପରେ କୈଣସି ପ୍ରଭାବ ପଡିନଥାଏ । ଅର୍ଥାତ ଲୋକପ୍ରିୟତା ସେହିଭଳି ଅକ୍ଷୁର୍ଣ୍ଣ ଥାଏ । ସେପଟେ ବିପକ୍ଷ ଦଳ ଗୁଡ଼ିକ ଇନ୍ଦିରା ଗାନ୍ଧୀଙ୍କୁ କଂଗ୍ରେସ ସିଣ୍ଡିକେଟର ଗୁଙ୍ଗି ଗୁଡିଆ ବୋଲି କହିବା ସହ ହାଲ୍ଲାବୋଲ ଜାରି ରଖିଥାନ୍ତି । ସେତେବେଳକୁ ଇନ୍ଦିରାଙ୍କ ସହ ପୁରୁଣା ନେତା ତଥା ପ୍ରତିଷ୍ଠାତା ନେତାଙ୍କ ମତ ପାର୍ଥକ୍ୟ ଆରମ୍ଭ ହୋଇଥାଏ । କିନ୍ତୁ ଏହି ସମୟରେ ଇନ୍ଦିରା ଖେଲିଥିଲେ ଏମିତି ଏକ ମାଷ୍ଟରଷ୍ଚ୍ରୋକ । ଯାହା ବିରୋଧିଙ୍କ ସମେତ ମତପାର୍ଥକ୍ୟରେ ଥିବା ନେତାଙ୍କୁ ଘାଇଲା କରିଦେଇଥିଲା । ଅର୍ଥାତ ଇନ୍ଦିରାଙ୍କୁ ଗରୀବିଙ୍କ ମସିହା ସଜାଇଦେଇଥିଲା ଏହି ନିଷ୍ପତ୍ତି ।

ଠିକ ଆଜିର ଦିନରେ ଅର୍ଥାତ ୧୯୬୯ ମସିହା ଜୁଲାଇ ୧୯ ତାରିଖରେ ପ୍ରଧାନମନ୍ତ୍ରୀ ଇନ୍ଦିରାଗାନ୍ଧୀ ହଠାତ ନେଇଥିଲେ ଏକ ଡିସିସନ । ଦେଶରେ ଥିବା ୧୪ଟି ଘରୋଇ ବ୍ୟାଙ୍କକୁ ରାଷ୍ଟ୍ରୀୟକରଣ କରିବା ନେଇ ଘୋଷଣା କରିଥିଲେ । ଦେଶର ଅର୍ଥବ୍ୟବସ୍ଥାକୁ ଦୃଷ୍ଟିରେ ରଖି ତତ୍କାଳୀନ ପ୍ରଧାନମନ୍ତ୍ରୀଙ୍କ ଅନ୍ତିମ ନିଷ୍ପତ୍ତି ରାଜନୀତିର ପାଣିପାଗକୁ ବି ହଠାତ ଦୋହଲାଇ ଦେଇଥିଲା । ଇନ୍ଦିରା ଗାନ୍ଧୀ ନିଜର ଛବିକୁ ଚମକାଇବାକୁ ଯାଇ ବ୍ୟାଙ୍ଗ ଗୁଡ଼ିକ ଜାତୀକରଣ କରିବା ନେଇ ନିଷ୍ପତ୍ତି ନେଇଥିଲେ । ସେପଟେ ଏହି ନିଷ୍ପତିକୁ ସାଧାରଣରୁ ଅତି ସାଧାରଣ ଲୋକ ମଦ୍ୟ ସମର୍ଥନ କରିବା ଦେଖାଦେଇଥିଲା । ପଳରେ କଂଗ୍ରେସରେ ଗୁଙ୍ଗି ଗୁଡିଆ ହୋଇ ରହିଥିବା ଇନ୍ଦିରାଙ୍କ ତାକତ ଆହୁରି ବଢିବାରେ ଲାଗିଲା । ଏକଥା ମଧ୍ୟ ସତ କି ୧୯୬୦ ମସିହାରେ ଦେଶରେ ଥିବା ଘରୋଇ ବ୍ୟାଙ୍କ ଗୁଡ଼ିକର ପାରଦର୍ଶିତା ନିମ୍ନଗାମୀ ଘଟିଥିଲା  ।

ସେପଟେ ସରକାରକୁ ଏକଥା ମଧ୍ୟ ହୃଦବୋଧ ହୋଇଥିଲା କି, ଦେଶରେ ଥିବା ଘରୋଇ ବ୍ୟାଙ୍କ ଗୁଡ଼ିକ ଅର୍ଥନିତୀ ଅବିବୃଦ୍ଧିରେ ସଫଳ ଭୂମିକା ନିର୍ବାହ କରୁନାହାଁନ୍ତି । ଯେଉଁଠି ଅଧିକ ଲାଭ ଦେଖୁଛନ୍ତି ସେଠାରେ ପୁଞ୍ଜିନିବେଶ କରୁଛନ୍ତି । ଏହାଛଡ଼ା ସାଧାରଣ ଉପଭୋକ୍ତାଙ୍କୁ ମନଇଛା ଠକିବା ନେଇ ସେ ସମୟରେ ମଧ୍ୟ ଅଭିଯୋଗ ହୋଇ ଆସୁଥିଲା । ସରକାର ଚାହୁଁଥିଲେ ଏହି ପୁଞ୍ଜିକୁ ପ୍ରାଇଭେଟ ବ୍ୟାଙ୍କ ଗୁଡ଼ିକ ଅନ୍ୟ ସ୍ଥାନରେ ବିନିଯୋଗ କରିବା ପରିବର୍ତ୍ତେ କୃଷି, କ୍ଷୁଦ୍ର ଶିଲ୍ପ ଏବଂ ଲଘୁ ଉଦ୍ୟୋଗରେ ବିନିଯୋଗ କରନ୍ତୁ ବୋଲି । ଦେଶ ଗୋଟେପଟେ ଆର୍ଥିକ ସଂଙ୍କଟ ଦେଇ ଗତି କରୁଥିବାବେଳେ ଏକ ରିପୋର୍ଟ ମଧ୍ୟ ପ୍ରକାଶ ପାଇଥିଲା । ଯେଉଁଥିରେ ଉଲ୍ଲେଖ ରହିଥିଲା କି ଦେଶର ୧୪ଟି ଘରୋଇ ବ୍ୟାଙ୍କ ନିକଟରେ ପାଖାପାଖି ୭୦ ପ୍ରତିଶତ ପୁଞ୍ଜି ରହିଥିଲା ।

ଅନ୍ୟପଟେ ୧୯୬୯ ମସିହା ଜୁଲାଇ ୧୨ ତାରିଖରେ ବେଙ୍ଗାଲୁରରେ କଂଗ୍ରେସର ଜାତୀୟ ଅଧିବେସନ ଚାଲିଥାଏ । ଆଉ ଏହି ଅଧିବେସନରେବ୍ୟାଙ୍କ ଗୁଡ଼ିକୁ ରାଷ୍ଚ୍ରାୟତୀକରଣ କରିବା ନେଇ ପ୍ରସ୍ତାବ ରଖିଥିଲେ ଇନ୍ଦିରା । କିନ୍ତୁ ଅଧିବେସନରେ ଉପସ୍ଥିତ କୈଣସି ନେତା ଏହି କଥାକୁ ଗୁରୁତ୍ୱ ଦେଇନଥିଲେ । କାରଣ ସେ ଭାବି ନେଇଥିଲେ ଯେ ଇନ୍ଦିରା କେବଳ ପ୍ରସ୍ତାବ ଦେଇଛନ୍ତି, ଯାହା କାର୍ଯ୍ୟକାରୀ ହେବାକୁ ଅନେକ ଦିନ ବାକି ରହିଛି । କିନ୍ତୁ ଇନ୍ଦିରାଙ୍କ ଉଦେଶ୍ୟ ଥିଲା ଆଉ କିଛି । କାରଣ ରାଷ୍ଟ୍ରପତି ଡକ୍ଚର ଜାକିର ହୁସେନଙ୍କ ଅଚାନକ ମୃତ୍ୟୁ ଘଟିଥାଏ । ଏବଂ କାର୍ଯ୍ୟକାରୀ ରାଷ୍ଚ୍ରପତି ଭାବେ ଦାୟିତ୍ୱ ନିର୍ବାହ କରୁଥିବା ଭିଭି ଗିରି ମଧ୍ୟ ୨୦ ଜୁଲାଇରେ ଇସ୍ଥଫା ଦେବା ନେଇ ଘୋଷଣା କରିଥାନ୍ତି । ତେଣୁ ଏପରି ସ୍ଥିତିରେ ହଠାତ ନିଷ୍ପତ୍ତି ନେବାକୁ ବାଧ୍ୟ ହୋଇଥିଲେ ତତ୍କାଳୀନ ପ୍ରଧାନମନ୍ତ୍ରୀ ଇନ୍ଦିରାଗାନ୍ଧୀ । ଶେଷରେ କମ କଥା କହୁଥିବା ଏହି ନେତା ଶେଷରେ ବିରୋଧିଙ୍କ ପାଟି ଚୁପ୍ କରିଦେଇଥିଲେ ।

ସେପଟେ ଇନ୍ଦିରାଙ୍କ ଏହି ନିଷ୍ପତି ଉପରେ ନାରାଜ ଥିଲେ ଦଳର ଅନେକ ପୁରୁଖା ନେତା । ଯେମିତିକି ସେସମୟରେ ଇନ୍ଦିରାଙ୍କ କ୍ୟାବିନେଟରେ ଅର୍ଥମନ୍ତ୍ରୀ ଥିବା ଥିବା ମୋରାରଜୀ ଦେଶାଇ ବ୍ୟାଙ୍କ ଗୁଡ଼ିକୁ ରାଷ୍ଟ୍ରାୟତିକରଣ କରିବା ନିଷ୍ପତିକୁ ବିରୋଧ କରିଥିଲେ । ଇନ୍ଦିରାଙ୍କୁ ଲଗାତର ମୋରରଜୀ ଦେଶାଇ ବିରୋଧକୁ ସାମ୍ନା କରୁଥିଲେ । କିନ୍ତୁ ଏହାରି ଭିତରେ ନାଟକୀୟ ଢଙ୍ଗରେ ବଦଳିଯାଇଥିଲା ଦେଶାଇଙ୍କ ମୁଦ୍ଦା । ମୋରରଜୀ ଦେଶାଇ ଏବଂ ପୁତ୍ର କ୍ରାନ୍ତୀ ଦେଶାଇଙ୍କ ନାମରେ ହଠାତ ଆସେ ଦେଶରେ ଆର୍ଥିକ ହେରଫେର ଅଭିଯୋଗ । କିଛି ସଂସ୍ଥା ଠାରୁ ଟଙ୍କା ନେବା ସହ ବ୍ୟକ୍ତିଗତ ଫାଇଦା ଉଠାଇଥିବା ନେଇ ଆରୋପ ମଧ୍ୟ ଆସେ । ଆଉ ଏସବୁ ଯାହା ଘଟେ ସବୁକିଛି ଥାଏ ନାଟକୀୟ ଢଙ୍ଗରେ । ଦେଶାଇଙ୍କ ଉପରେ ଅଭିଯୋଗ ଆସିବା ପରେ ଇନ୍ଦିରା ମନ୍ତ୍ରୀ ମଣ୍ଡଳରେ ତାଙ୍କୁ ପରିବର୍ତ୍ତନ କରିବା ନେଇ ଆଦେଶ ଦିଅନ୍ତି କିନ୍ତୁ ମୋରାରଜୀ କ୍ୟାବିନେଟ ପଦରୁ ଇସ୍ତଫା ଦେଇଦେଇଥିଲେ ।

ଆଉ ମୋରାରଜୀଙ୍କ ଇସ୍ତଫା ପରେ କଂଗ୍ରସର ପୁରୁଖା ନେତାଙ୍କ ଟାର୍ଗେଟରେ ଥାଆନ୍ତି ଇନ୍ଦିରା । କୌଣସି ମୂହୂର୍ତ୍ତରେ ପ୍ରତିଶୋଧ ନେବାକୁ ଏହି ଟିମ ପ୍ରସ୍ତୁତ ଥାଏ । ଆଉ ଏହାର ସୁଯୋଗ ରାଷ୍ଟ୍ରପତି ନିର୍ବାଚନରେ ହିଁ ଅବତୀର୍ଣ୍ଣ ହୋଇଥାଏ । ଯେତେବେଳେ କଂଗ୍ରେସରୁ ରାଷ୍ଚ୍ରପତି ପ୍ରାର୍ଥୀ ହୋଇଥିବା ନିଲମ ସଞ୍ଜୀବ ରେଡ୍ଡୀଙ୍କ ପରିବର୍ତ୍ତେ ଇନ୍ଦିରା ନିର୍ଦଳୀୟ ପ୍ରାଥୀ ହୋଇଥିବା ଭିଭି ଗିରିଙ୍କୁ ରାଷ୍ଟ୍ରପତି ନିର୍ବାଚନରେ ସହଯୋଗ କରନ୍ତି । ଆଉ ଏହା ପରେ ଇନ୍ଦିରାଙ୍କ ବିରୋଧରେ ତାତିକି ଥିବା ପୁରୁଣା କଂଗ୍ରେସ ଆଉ ଅପେକ୍ଷା କରିନଥିଲା । ଶେଷରେ ୧୨ ନଭେମ୍ବର ୧୯୬୯ରେ କଂଗ୍ରେସରୁ ହିଁ କଂଗ୍ରେସର ଫାୟାର ବିଗ୍ରେଡ ଇନ୍ଦିରା ଗାନ୍ଧୀଙ୍କୁ ବହିଷ୍କାର କରାଯାଇଥିଲା । ଆଉ ଏହା ପରେ ଦେଶରେ ଦୁଇ ଭାଗ ହୋଇଯାଇଥିଲା କଂଗ୍ରେସ ଦଳ  ।

ଅଶ୍ଲୀଳ ଫିଲ୍ମ ତିଆରି ଅଭିଯୋଗରେ ବନ୍ଧା ହେଲେ ଶିଳ୍ପା ସେଟ୍ଟୀଙ୍କ ସ୍ୱାମୀ  

ମୁମ୍ବାଇ: ଅଭିନେତ୍ରୀ ଶିଳ୍ପା ସେଟ୍ଟୀଙ୍କ ସ୍ୱାମୀ ଗିରଫ । ବିଶିଷ୍ଟ ବ୍ୟବସାୟୀ ରାଜ କୁନ୍ଦ୍ରାଙ୍କୁ କ୍ରାଇମବ୍ରାଞ୍ଚ ଗିରଫ କରିଛି । ଅଶ୍ଲୀଳ ଫିଲ୍ମ ନିର୍ମାଣ ଏବଂ ସେସବୁକୁ ଆପ୍ଲିକେସନ୍ ଜରିଆରେ ରାଜ କୁନ୍ଦ୍ରା ଛାଡ଼ୁଥିଲେ । ଏହି ମାମଲାରେ ସେ ମୁଖ୍ୟ ଅଭିଯୁକ୍ତ । ତାଙ୍କ ବିରୋଧରେ ଯଥେଷ୍ଟ ପ୍ରମାଣ ରହିଥିବା ମୁମ୍ବାଇ ପୋଲିସ କମିଶନର କହିଛନ୍ତି ।

ଶିଳ୍ପା ଓ ରାଜ କୁନ୍ଦ୍ରା ୨୦୦୯ ମସିହାରେ ବିବାହ କରିଥିଲେ ।

ବାହୁଡ଼ା ଯାତ୍ରା ପାଇଁ ଶ୍ରୀକ୍ଷେତ୍ରରେ ଲାଗିଲା ୪୮ଘଣ୍ଟିଆ କର୍ଫ୍ୟୁ

ପୁରୀ: ଆସନ୍ତାକାଲି ବାହୁଡ଼ା ଯାତ୍ରା । ଭାଇ-ଭଉଣୀଙ୍କ ସହ ଶ୍ରୀଗୁଣ୍ଡିଚା ମନ୍ଦିରକୁ ନବଦିନାତ୍ମକ ଯାତ୍ରାରେ ଆସିଥିବା ମହାପ୍ରଭୁ ମଙ୍ଗଳବାର ଶ୍ରୀମନ୍ଦିର ଅଭିମୁଖେ ବାହୁଡ଼ିବେ । ଆଜି ଶ୍ରୀଗୁଣ୍ଡିଚା ମନ୍ଦିର ଜନ୍ମବେଦୀରେ ସନ୍ଧ୍ୟା ଦର୍ଶନ ନୀତି ହୋଇଛି । କରୋନା କଟକଣା ଯୋଗୁ ଦର୍ଶନରୁ ବଞ୍ଚିତ ହୋଇଛନ୍ତି ଭକ୍ତ । କାଲି ବାହୁଡ଼ା ପାଇଁ ଶ୍ରୀଗୁଣ୍ଡିଚା ମନ୍ଦିରକୁ ଶ୍ରୀଜଗନ୍ନାଥଙ୍କ ଟାହିଆ ପ୍ରବେଶ ହୋଇଛି । ଆସନ୍ତାକାଲି ଫେରିବା ବାଟରେ ଶ୍ରୀଜିଉଙ୍କୁ ମାଉସୀ ମା’ ମନ୍ଦିର ପକ୍ଷରୁ ପୋଡ଼ପିଠା ଲାଗି ହେବ । ଏଥିପାଇଁ ସ୍ୱତନ୍ତ୍ର ଭାବେ ପୋଡ଼ପିଠା ପ୍ରସ୍ତୁତ କରାଯାଇଛି ।
ସେପଟେ ବାହୁଡ଼ା ଯାତ୍ରା, ସୁନାବେଶ, ଅଧରପଣା ଓ ନୀଳାଦ୍ରି ବିଜେ ନୀତିକୁ ଶୃଙ୍ଖଳିତ କରିବା ପାଇଁ ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ଅଧ୍ୟକ୍ଷତାରେ ବୈଠକ ବସିଥିଲା । କ’ଣ ବ୍ୟବସ୍ଥା କରାଯାଇଛି, ଆଉ କ’ଣ କରାଯିବ ସେନେଇ ସମୀକ୍ଷା ହୋଇଛି । ଆଜି ରାତି ୮ଟାରୁ ପୁରୀରେ ଲାଗୁ ହୋଇଛି କର୍ଫ୍ୟୁ । ବୁଧବାର ରାତି ୮ଟା ପର୍ଯ୍ୟନ୍ତ ପୁରୀରେ କର୍ଫ୍ୟୁ ଜାରି ରହିବ । ତଦାରଖ ପାଇଁ ୧୦ଟି ସ୍ୱତନ୍ତ୍ର ଟିମ୍ ଗଠନ କରାଯାଇଛି । ବରିଷ୍ଠ ପୋଲିସ ଅଧିକାରୀଙ୍କ ସହ ଭିଡିଓଗ୍ରାଫର ରହିବେ ।

Bahuda Yatra 48 Hours Curfew Imposed In Puri

ତିନି ରଥ ପାଇଁ ମଧ୍ୟ ତିନୋଟି ଟିମ୍‌ ହୋଇଛି । ବିନା ପାସ୍‌ରେ ପ୍ରବେଶ କରୁଥିବା ଲୋକଙ୍କ ଉପରେ ନଜର ରହିବ । ଶ୍ରୀଗୁଣ୍ଡିଚା ଯାତ୍ରା ପରି ସୁରକ୍ଷା ବ୍ୟବସ୍ଥା କରାଯାଇଛି । ବାହୁଡ଼ା ଓ ସୁନାବେଶ ପାଇଁ ଲାଇଭ୍ ଟେଲିକାଷ୍ଟ କରାଯିବ । ବାହୁଡ଼ା ଯାତ୍ରାରେ ରଥଟଣା ସମୟରେ ଅଗ୍ନିଶମ ବିଭାଗ ଦ୍ୱାରା ଜଳ ସିଞ୍ଚନ ହେବ, ପ୍ରଚୁର ପାନୀୟ ଜଳ ବ୍ୟବସ୍ଥା କରାଯାଇଛି । ଜିଲ୍ଲାପାଳ, ଏସପିଙ୍କ ସହ ବିଭିନ୍ନ ବିଭାଗର ଅଧିକାରୀ ଏହି ବୈଠକରେ ଉପସ୍ଥିତ ଥିଲେ ।

ଅନ୍ୟପଟେ ଜେଇଇ ମେନ ପରୀକ୍ଷା ଦେବାକୁ ଯାଉଥିବା ପରୀକ୍ଷାର୍ଥୀଙ୍କ ଲାଗି କର୍ଫ୍ୟୁ କୋହଳ କରାଯାଇଛି । ପରୀକ୍ଷାର୍ଥୀ ଚେକିଂ ପଏଣ୍ଟରେ ନିଜର ଆଡମିଟ୍ କାର୍ଡ ଦେଖାଇ ଯାଇପାରିବେ ।