spot_img
Home Blog Page 5560

ଉତ୍ତରାଖଣ୍ଡରେ ବାଦଲଫଟା ବର୍ଷା; ୪ ନିଖୋଜ

ଡେରାଡୁନ୍: ଦେଶର ବିଭିନ୍ନ ସ୍ଥାନରେ ଜାରି ରହିଛି ପ୍ରବଳ ବର୍ଷା । ଅପରପକ୍ଷେ ଉତ୍ତରାଖଣ୍ଡରେ ମଧ୍ୟ ବାଦଲଫଟା ବର୍ଷା ଲାଗି ରହିଛି। ଯାହା ଫଳରେ ୩ଜଣଙ୍କ ମୃତ୍ୟୁ ହୋଇଥିବା ବେଳେ ୪ଜଣ ନିଖୋଜ ଥିବା ସୂଚନା ମିଳିଛି । ଉତ୍ତରକାଶି ଜିଲ୍ଲାର ମାଣ୍ଡୋ ଜିଲ୍ଲାରେ ବାଦଲଫଟା ବର୍ଷାରେ ଏହି ଅଘଟଣ ଘଟିଛି ।

ସୂଚନା ଅନୁଯାୟୀ, ଗତକାଲି ବିଳମ୍ବିତ ରାତିରେ ଭୀଷଣ ବର୍ଷା ହୋଇଥିଲା । ଏସଡିଆରଏଫ୍ ଟିମ୍ ଉଦ୍ଧାର କାର୍ଯ୍ୟରେ ନିୟୋଜିତ ଅଛନ୍ତି । ଏହି ଅଞ୍ଚଳରେ ଏବେବି ଉଦ୍ଧାର କାର୍ଯ୍ୟ ଜାରି ରହିଥିବା ଜଣାପଡିଛି ।

ସେହିପରି ଦିଲ୍ଲୀରେ ବର୍ଷା ଯୋଗୁଁ ଗରମରୁ ସାମାନ୍ୟ ମୁକ୍ତି ପାଇଛନ୍ତି ଦିଲ୍ଲୀବାସୀ । ହେଲେ ପ୍ରବଳ ବର୍ଷା ଯୋଗୁଁ ଯାତାୟତରେ ଏକପ୍ରକାର ବାଧା ସୃଷ୍ଟି ହୋଇଛି। ଦିଲ୍ଲୀ ଏନସିଆରର କିଛି ସ୍ଥାନରେ ସକାଳୁ ସକାଳୁ ଭୀଷଣ ବର୍ଷା ହୋଇଛି । ଆସନ୍ତା ୨୧ତାରିଖ ଯାଏଁ ବର୍ଷା ଜାରି ରହିବ ବୋଲି ପୂର୍ବାନୁମାନ କରିଛି ଆଇଏମଡି । ଜାତୀୟ ରାଜପଥରେ ପାଣି ଜମିଥିବା ବେଳେ ଯାତାୟତ ଗୋଟେ ପ୍ରକାର ପ୍ରଭାବିତ ହୋଇଛି । ପ୍ରଗତି ମୈଦାନ , ପାଲାମ୍ ଆଦି ଅଞ୍ଚଳରେ ରାସ୍ତା ଉପରେ ଚାଲିଛି ବର୍ଷା ପାଣି ।

କେବଳ ଏତିକି ନୁହେଁ ହରିୟାଣାର ଗୁରୁଗ୍ରାମରେ ମଧ୍ୟ ପ୍ରବଳ ବର୍ଷା ହୋଇଥିବା ସୂଚନା ମିଳିଛି। ଫଳରେ ରାସ୍ତାରେ ଲହଡି ମାରୁଛି ବର୍ଷା ପାଣି । ପାଣିରେ କିଛି ଗାଡି ମଧ୍ୟ ଫସିଥିବା ଦେଖିବାକୁ ମିଳିଛି । ତେବେ ବର୍ଷା ସାଙ୍ଗକୁ ରାସ୍ତାରେ ପାଣି ଜମିବା ଯୋଗୁଁ ଯାତାୟତରେ ବାଧା ମଧ୍ୟ ଉପୁଜିଛି।

ରାଜ୍ୟରେ ଧିରେ ଧିରେ କମିବାରେ ଲାଗିଛି କରୋନା ସଂକ୍ରମଣ

ଭୁବନେଶ୍ୱର: ରାଜ୍ୟରେ ସୁଧୁରୁଛି କରୋନା ପରିସ୍ଥିତି। ଦିନକରେ ୧୬ଶହ ୪୮ ପଜିଟିଭ ଚିହ୍ନଟ ହୋଇଥିବା ବେଳେ ୫୮ ଆକ୍ରାନ୍ତଙ୍କ ଜୀବନ ନେଇଛି କିଲର କରୋନା। ୨୪ ଘଣ୍ଟାରେ ସୁସ୍ଥ ହୋଇଛନ୍ତି ୨ହଜାର ୪୯୨ ଆକ୍ରାନ୍ତ। କ୍ୱାରେଣ୍ଟାଇନ ସେଣ୍ଟରରୁ ୯୫୫ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ  ଲୋକାଲ କେସ୍ ରହିଛି ୬୯୩। ୪ଜିଲ୍ଲାରେ ଶହେ ଉପରେ ରହିଛି ସଂକ୍ରମଣ। କଟକରୁ ସର୍ବାଧିକ ୩୩୫, ଖୋର୍ଦ୍ଧାରୁ ୨୩୦, ଯାଜପୁରରୁ ୧୧୩, ଜଗତସିଂହପୁରରୁ ୧୧୨, ଅନୁଗୁଳରୁ ୮୯, ବାଲେଶ୍ୱରରୁ ୮୩, ଭଦ୍ରକ ଓ ମୟୂରଭଞ୍ଜରୁ ୭୭ଜଣ ଲେଖାଏଁ, ନୟାଗଡ଼ରୁ ୭୩, ପୁରୀରୁ ୬୭, ଢେଙ୍କାନାଳରୁ ୫୪, କେନ୍ଦ୍ରାପଡାରୁ ୫୦, ଷ୍ଟେଟପୁଲରୁ ୪୪, ମାଲକାନଗିରିରୁ ୩୫, ସୁନ୍ଦରଗଡ଼ରୁ ୩୩, ସମ୍ବଲପୁରରୁ ୨୪, ରାୟଗଡ଼ା ଓ କେନ୍ଦୁଝରରୁ ୨୧ଜଣ ଲେଖାଏଁ, ବରଗଡ଼ରୁ ୧୭, କନ୍ଧମାଳରୁ ୧୫, ନବରଙ୍ଗପୁରରୁ ୧୨, କଳାହାଣ୍ଡି ଓ ଗଞ୍ଜାମରୁ ୧୧ଜଣ ଲେଖାଏଁ, ସୋନପୁରରୁ ୧୦, ଝାରସୁଗାଡରୁ ୯, ନୂଆପଡାରୁ ୭, କୋରାପୁଟରୁ ୬, ବୌଦ୍ଧ ଓ ଗଜପତିରୁ ୫ଜଣ ଲେଖାଏଁ , ବଲାଙ୍ଗୀରୁ ଓ ଦେବଗଡ଼ରୁ ଜଣେ ଲେଖାଏଁ ସଂକ୍ରମିତ ଚିହ୍ନଟ ହୋଇଛନ୍ତି। ରାଜ୍ୟରେ ମୋଟ୍ ସଂକ୍ରମିତଙ୍କ ସଂଖ୍ୟା ୯ଲକ୍ଷ ୫୫ହଜାର ୯୭୪ ଥିବା ବେଳେ ମୋଟ୍ ସୁସ୍ଥ ହୋଇଛନ୍ତି ୯ଲକ୍ଷ ୩୦ହଜାର ୪୧୮। ଆକ୍ଟିଭ କେସ୍ ୨୦ହଜାର ୩୮୭।

ଅନେକ ଦିନ ପରେ ସ୍ୱଭାବିକ ହେଲା ବସ୍‌ ଚଳାଚଳ, ଚଳଚଞ୍ଚଳ ହୋଇଛି ଯାତ୍ରୀ ପରିବହନ ସେବା

ଭୁବନେଶ୍ୱର: ଆଜିଠାରୁ ରାଜ୍ୟରେ ସ୍ୱାଭାବିକ ହେଲା ବସ ଚଳାଚଳ। ବରମୁଣ୍ଡା ବସଷ୍ଟାଣ୍ଡରୁ ରାଜ୍ୟର ସବୁ ଜିଲ୍ଲାକୁ ବସ ଚଳାଚଳ ଆରମ୍ଭ ହୋଇଛି। ଚଳଚଞ୍ଚଳ ହୋଇଛି ଯାତ୍ରୀ ପରିବହନ ସେବା। କରୋନା ଗାଇଡଲାଇନ ସହ ଯାତ୍ରୀମାନେ ବସରେ ବସି ଗନ୍ତବ୍ୟ ସ୍ଥଳକୁ ଯାଉଛନ୍ତି। ସମସ୍ତଙ୍କ ମୁହଁରେ ରହିଛି ମାସ୍କ। ସରକାରଙ୍କ କଟକଣାକୁ ଦୃଷ୍ଟିରେ ରଖି ବସରେ ନୋ ମାସ୍କ ନୋ ଏଣ୍ଟ୍ରି ଲେଖାଯାଇଛି। ସକାଳୁ ସକାଳୁ ଅର୍ଡିନାରି ବସ ଚଳାଚଳ ଆରମ୍ଭ ହୋଇଥିବା ବେଳେ ସନ୍ଧ୍ୟାରେ ନାଇଟକୋଚ୍ ଚଳାଚଳ ଆରମ୍ଭ କରିବ।

ବସରେ ଯେତିକି ସିଟ୍ ରହିଛି ସେତିକି ଯାତ୍ରୀ ଯାତ୍ରା କରିବେ। ଠିଆ ହୋଇ କୌଣସି ଯାତ୍ରୀ ଯାତ୍ରା କରିପାରିବେ ନାହିଁ ବୋଲି ସରକାରଙ୍କ କଟକଣା ରହିଛି। ଘରୋଇ ଏବଂ ସରକାରୀ ବସ ସମେତ ଭୁବନେଶ୍ୱର ରେ ମୋବସ ଚଳାଚଳ ମଧ୍ୟ ସ୍ୱାଭାବିକ ହୋଇଛି। ସରକାରଙ୍କ ଅନୁମତି ପରେ ବସ ଚଳାଚଳ ନେଇ ଘରୋଇ ବସ ମାଲିକ ସଂଘ ବସ ଚଳାଇବା ନେଇ ମନା କରିଥିଲେ। ଶନିବାର ଦିନ ଏନେଇ ପରିବହନ ମନ୍ତ୍ରୀ, ସଚିବ, କମିଶନର ଓ ଫାଇନାନ୍ସ ସେକ୍ରେଟାରୀ ଙ୍କ ସହ ରାଜ୍ୟ ଘରୋଇ ବସ୍ ମାଲିକ ସଂଘ ର ଆଲୋଚନା ପରେ ଆଜିଠାରୁ ବସ ଚଳାଚଳ ପାଇଁ ନିଷ୍ପତି ନେଇଥିଲା ମାଲିକ ସଂଘ।

ଟୋକିଓ ଅଲମ୍ପିକ୍ସ: ନଖରେ ଖେଳାଳି ଆଙ୍କିଲେ ତ୍ରୀରଙ୍ଗା ଓ ଅଲମ୍ପିକ ରିଙ୍ଗ୍ସ

ନୂଆଦିଲ୍ଲୀ: ଖେଳର ମହାକୁମ୍ଭ ‘ଟୋକିଓ ଅଲମ୍ପିକ୍ସ’ ଆୟୋଜନକୁ ଆଉ ଦିନ କେଇଟା ବାକି ରହିଛି । ଏହା ପୂର୍ବରୁ ଖେଳାଳି ମାନେ ଧିରେ ଧିରେ ପହଞ୍ଚିବାରେ ଲାଗିଛନ୍ତି । ଜୁଲାଇ ୨୩ରୁ ଆରମ୍ଭ ହେଉଥିବା ଟୋକିଓ ଅଲମ୍ପିକ୍ସ ଅଗଷ୍ଟ ୮ ଯାଏଁ ଚାଲିବ ।

ପ୍ରଥମ ପର୍ଯ୍ୟାୟରେ ଭାରତରୁ ୮୮ ଜଣ ସଦସ୍ୟ ଟୋକିଓ ପହଞ୍ଚିଥିବା ବେଳେ ସେଥିରେ ଟେବୁଲ୍ ଟେନିସରୁ ୪ ଜଣ ଖେଳାଳି ରହିଛନ୍ତି। ଟୋକିଓ ଅଲିମ୍ପିକ୍ସ ପାଇଁ ପ୍ରତିଯୋଗୀମାନଙ୍କ ମଧ୍ୟରେ ଅଭିଜ୍ଞ ଟେବୁଲ୍ ଟେନିସ୍ ଖେଳାଳି ଅଚନ୍ତ ଶରଥ କମଲ ଏବଂ ମନିକା ବତ୍ରା ପଦକ ଜିତିବାର ଆଶା ରହିଛି ।

ଟୋକିଓରେ ପହଞ୍ଚିବା ପରେ ମନିକା ନିଜ ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରେ ଏକ ଫଟୋ ସେୟାର କରିଛନ୍ତି । ତାଙ୍କ ନଖରେ ‘INDIA’ ଲେଖାଯାଇଥିବାବେଳେ ଦୁଇଟି ନଖରେ ତ୍ରୀରଙ୍ଗା ଏବଂ ଅଲିମ୍ପିକ୍ ରିଙ୍ଗ ଚିତ୍ରିତ ହୋଇଛି । ଏହି ଚିତ୍ରଟି ଖୁବ୍ ଭାଇରାଲ ହେବାରେ ଲାଗିଛି।

ମନିକା ତାଙ୍କ ର଼୍ୟାଙ୍କିଙ୍ଗ ପାଇଁ ରିଓ ଅଲିମ୍ପିକ୍ସ ଲାଗି ଯୋଗ୍ୟତା ଅର୍ଜନ କରିଛନ୍ତି। ମନିକା ମିକ୍ସଡ୍ ଡବଲରେ ଶରଥଙ୍କ ସହ ଯୋଡି କରିବେ। ୨୦୧୮ କମନୱେଲଥ ଗେମ୍ସରେ ମନିକା ୪ଟି ପଦକ ଜିତିଥିଲେ । ସେ ମହିଳା ସିଙ୍ଗଲ୍ସ ଏବଂ ଟିମ୍ ଇଭେଣ୍ଟରେ ସ୍ୱର୍ଣ୍ଣ ଏବଂ ଡବଲ୍ସରେ ରୌପ୍ୟ ପଦକ ଜିତିଥିଲେ । ତେବେ ଏହା ମନିକାଙ୍କର ଦ୍ୱିତୀୟ ଅଲିମ୍ପିକ୍ସ ।

ବିରଜା ପାଞ୍ଜି ଅନୁଯାୟୀ ଆରଡ଼ି ପୀଠରେ ଆରମ୍ଭ ହେଲା ଶ୍ରାବଣ ଯାତ୍ରା, କାଉଡ଼ିଆଙ୍କୁ ବାରଣ ମନ୍ଦିର

ଆରଡ଼ି: ବିରଜା ପଞ୍ଜିକା ଅନୁଯାୟୀ ଆଜିଠୁ ଆଖଣ୍ଡଳମଣିଙ୍କ ମନ୍ଦିରରେ ଶ୍ରାବଣ ଯାତ୍ରା ଆରମ୍ଭ। ଚଳିତ ବର୍ଷ କୋଭିଡ କଟକଣା ଯୋଗୁ କାଉଡିଆ ଭକ୍ତଙ୍କୁ ପ୍ରଶାସନ ପକ୍ଷରୁ ବାରଣ କରାଯାଇଛି। ପୂର୍ବବର୍ଷ ପରି ଚଳିତବର୍ଷ ଶୁଭିବନି କାଉଡିଆଙ୍କର ବୋଲବୋମ ଧ୍ୱନି। କେବଳ ସୀମିତ ସେବାୟତଙ୍କ ଦ୍ୱାରା ସମସ୍ତ ନୀତିକାନ୍ତି ସମ୍ପନ୍ନ କରିବାକୁ ପରାମର୍ଶ ଦିଆଯାଇଛି।

ମନ୍ଦିର ପରିସରରେ ସମସ୍ତ ନୀତିକାନ୍ତି ଯେପରି ସୁଚାର ରୂପେ ସମାପନ ହେବ ସେଥିପାଇଁ ମନ୍ଦିର ପରିଚାଳକଙ୍କୁ ପରାମର୍ଶ ଦିଆଯାଇଛି। ଏହାସହ ପୀଠରେ କଡା ସୁରକ୍ଷା ବ୍ୟବସ୍ଥା କରାଯିବା ସହିତ ନଦୀଘାଟ ଓ ପୁଷ୍କରିଣୀରେ ଯେପରି କୌଣସି ଭକ୍ତ ଜଳ ନ ଉଠାଇବେ ସେଥିପ୍ରତି କଡା ନଜର ରଖିବାକୁ ଜିଲ୍ଲାପାଳ ଜ୍ଞାନ ଦାସ ନିର୍ଦ୍ଦେଶ ଦେଇଛନ୍ତି।

ଆଜିଠାରୁ ଆରମ୍ଭ ମୌସୁମୀ ଅଧିବେଶନ, ଦରଦାମ ବୃଦ୍ଧି ଓ କୃଷି ଆଇନ ହେବ ମୁଖ୍ୟ ଅସ୍ତ୍ର

ନୂଆଦିଲ୍ଲୀ: ଆଜିଠାରୁ ଆରମ୍ଭ ହେବ ସଂସଦର ମୌସୁମୀ ଅଧିବେଶନ। କୋଭିଡ୍‌ କଟକଣା ଭିତରେ ଆରମ୍ଭ ହେବାକୁ ଯାଉଛି ମୌସୁମୀ ଅଧିବେଶନ। ଏଥର ଅଧିବେଶନ ସରଗରମ ହେବା ସହ ଅନେକ ପ୍ରସଙ୍ଗରେ ସରକାରଙ୍କୁ ଘେରିବାକୁ ପ୍ରସ୍ତୁତ ଅଛନ୍ତି ବିରୋଧୀ। ଦରବୃଦ୍ଧି, କୋଭିଡ ପରିଚାଳନା, କୃଷି ଆଇନ ଭଳି ଅନେକ ପ୍ରସଙ୍ଗ ଏଥର ଅଧିବେଶନକୁ ସରଗରମ କରିବ। ସରକାର ମଧ୍ୟ ଏହି ପ୍ରସଙ୍ଗରେ ବିରୋଧୀଙ୍କୁ ଜବାବ ଦେବାକୁ ପ୍ରସ୍ତୁତ ଅଛନ୍ତି। ସଂସଦରେ ୩୮ଟି ପ୍ରସ୍ତାବ ପଡ଼ିରହିଥିବା ବେଳେ ଏଥିରୁ ୯ଟି ପାରିତ କରିବାକୁ ସରକାର ଯୋଜନା କରିଛନ୍ତି। ଏଥିସହ ଆଉ ୧୭ଟି ପ୍ରସ୍ତାବ ଆଗତ ସହ ପାରିତ କରିପାରନ୍ତି।

ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା, ଜନସଂଖ୍ୟା ନିୟନ୍ତ୍ରଣ ଓ ୟୁନିଫର୍ମ ସିଭିଲ କୋଡ୍‌ ପ୍ରସଙ୍ଗ ଏଥର ସଂସଦକୁ ସରଗରମ କରିପାରେ। ଅଗଷ୍ଟ ୧୩ ପର୍ଯ୍ୟନ୍ତ ଚାଲିବ ସଂସଦର ମୌସୁମୀ ଅଧିବେଶନ। ଏଥର ମୋଟ ୧୯ଟି କାର୍ଯ୍ୟଦିବସ ରହିଛି। ଉଭୟ ଲୋକସଭା ଓ ରାଜ୍ୟସଭାର ଅଧିବେଶନ ସକାଳ ୧୧ରୁ ସନ୍ଧ୍ୟା ୬ ଯାଏଁ ଚାଲିବ। କୋଭିଡ ପାଇଁ ସଂସଦରେ ଯୋଗଦେବାକୁ ଏଥର କିଛି ନିୟମ କରାଯାଇଛି। ଗୋଟିଏ ଡୋଜ୍ ଟିକା ହେଲେ ବି ଟିକା ନେବାକୁ ପଡ଼ିବ। ତଥ୍ୟ ଅନୁସାରେ ଲୋକସଭାର ୪୪୪ ଏବଂ ରାଜ୍ୟସଭାର ୨୧୮ ସଦସ୍ୟ ଟିକା ନେଇସାରିଛନ୍ତି।

ନବଜୋତ ସିଂହ ସିଦ୍ଧୁ ହେଲେ ପଞ୍ଜାବ ପିସିସି ସଭାପତି

ନୂଆଦିଲ୍ଲୀ: ପଞ୍ଜାବ ପିସିସି ସଭାପତି ନିଯୁକ୍ତ ହେଲେ କଂଗ୍ରେସ ବିଧାୟକ ନବଜୋତ ସିଂହ ସିଦ୍ଧୁ । ଦୀର୍ଘ ଦିନ ହେଲା ଚାଲିଥିବା ବିବାଦରେ ପୂର୍ଣ୍ଣଛେଦ ପକାଇ ସିଦ୍ଧୁଙ୍କୁ ରାଜ୍ୟ ମୁଖିଆ ଭାବେ ଦାୟିତ୍ୱ ଦେଇଛି ଏଆଇସିସି । ସିଦ୍ଧୁଙ୍କ ସମେତ ୪ ଜଣ କାର୍ଯ୍ୟକାରୀ ସଭାପତି ମଧ୍ୟ ନିଯୁକ୍ତ ହୋଇଛନ୍ତି । ସେମାନେ ହେଲେ ସଙ୍ଗତ ସିଂହ ଗିଲଜିଆନ, ସୁଖିନ୍ଦର ସିଂହ ଡାନି, ପବନ ଗୋୟଲ ଏବଂ କୁଲଜିତ୍‌ ସିଂହ ନଗରା ।

नवजोत सिंह सिद्धू बनाए गए पंजाब कांग्रेस अध्यक्ष

ପ୍ରେସ୍‌ ବିଜ୍ଞପ୍ତି ଅନୁସାରେ ଦଳର ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧୀ ନବଜୋତ ସିଂହ ସିଦ୍ଧୁଙ୍କୁ ତତ୍କାଳ ପ୍ରଭାବରେ ପଞ୍ଜାବ କଂଗ୍ରେସ ସଭାପତି ନିଯୁକ୍ତ କରିଛନ୍ତି । ଏହା ସହ ୪ ଜଣ କାର୍ଯ୍ୟକାରୀ ଅଧ୍ୟକ୍ଷ ମଧ୍ୟ ନିଯୁକ୍ତ ହୋଇଛନ୍ତି । ସିଦ୍ଧୁଙ୍କୁ ପିସିସି ସଭାପତି କରାଯିବା ପରେ ମୁଖ୍ୟମନ୍ତ୍ରୀ ଅମରିନ୍ଦର ସିଂହ ଏହାକୁ ଗ୍ରହଣ କରିବେ କି ନାହିଁ ତାକୁ ନେଇ ଚର୍ଚ୍ଚା ଆରମ୍ଭ ହୋଇଗଲାଣି । ଯଦିଓ ସେ ଏଆଇସିସିର ନିଷ୍ପତ୍ତିକୁ ମାନିବେ ବୋଲି କହିଥିଲେ କିନ୍ତୁ ପିସିସି ସଭାପତି ଭାବେ ସେ ସିଦ୍ଧୁଙ୍କୁ ଦେଖିବାକୁ ଚାହୁଁନଥିଲେ । ଏହାକୁ ନେଇ ପଞ୍ଜାବ କଂଗ୍ରେସରେ ଦଳୀୟ କନ୍ଦଳ ଉଗ୍ର ରୂପ ମଧ୍ୟ ନେଇଥିଲା ।

ଡିଏଫଓଙ୍କ କାର୍ଯ୍ୟାଳୟରେ ସୌମ୍ୟରଞ୍ଜନଙ୍କ ଡ୍ୟୁଟି ସମ୍ପର୍କିତ ଦସ୍ତାବିଜ୍ ଖୋଜୁଛି ପୋଲିସ

ପାରଳାଖେମୁଣ୍ଡି: ପାରଳାଖେମୁଣ୍ଡି ସହକାରୀ ବନ ସଂରକ୍ଷକ ସୌମ୍ୟରଞ୍ଜନ ମହାପାତ୍ରଙ୍କ ମୃତ୍ୟୁ ଘଟଣା । ଡିଏଫଓଙ୍କ କାର୍ଯ୍ୟାଳୟରେ ଛାନଭିନ୍‌ କରିଛି ପୋଲିସ । ଡିଏଫଓ ସଂଗ୍ରାମ କେଶରୀ ବେହେରାଙ୍କ ଅଫିସରେ ଛାନଭିନ୍‌ କରାଯାଇଛି । ସୌମ୍ୟରଞ୍ଜନଙ୍କ ଡ୍ୟୁଟି ସମ୍ପର୍କିତ ଦସ୍ତାବିଜ୍ ନେଇ ଯାଞ୍ଚ ପାଇଁ ଉଦ୍ୟମ କରିଥିଲେ । ଏହି ସମୟରେ କାର୍ଯ୍ୟାଳୟରେ ଉପସ୍ଥିତ ସହକାରୀ ବନ ସଂରକ୍ଷକ ଗୌରିପ୍ରସାଦ ରଥଙ୍କୁ ତାଙ୍କ ଲଗ୍ ବୁକ୍, ଆଟେଣ୍ଡାନ୍ସ ଏବଂ ଟୁର୍ ଡାଏରୀ ସହ ଅନ୍ୟାନ୍ୟ ଦସ୍ତାବିଜ୍ ମାଗିଥିଲେ । ତେବେ ସେ ଏସବୁ ଦେବା ପାଇଁ ସମୟ ମାଗିଥିଲେ । ଫଳରେ ସେଠାରୁ ଖାଲି ହାତରେ ଫେରିଥିଲା ପୋଲିସ ।

 Police Searching Duty Document Of ACF Soumya In DFO Office

ଅଫିସ୍‌ କାମ ଆଳ ଦେଖାଇ ସୌମ୍ୟରଞ୍ଜନଙ୍କୁ ରାତି ଡ୍ୟୁଟି ଦିଆ ଯାଉଥିବା ନେଇ ତାଙ୍କ ପରିବାର ଲୋକେ ଅଭିଯୋଗ କରିଛନ୍ତି । ଡିଏଫଓ ଓ ବିଦ୍ୟାଭାରତୀଙ୍କ ମଧ୍ୟରେ ଅନୈତିକ ସମ୍ପର୍କ ଥିବା ଓ ଏଥିରେ ରୋଷେୟା ସହଯୋଗ କରୁଥିବା ଅଭିଯୋଗ ହୋଇଛି । ଏପର୍ଯ୍ୟନ୍ତ ଡିଏଫଓ ସଂଗ୍ରାମ କେଶରୀ ବେହେରା ଓ ବିଦ୍ୟାଭାରତୀଙ୍କ ବୟାନ ରେକର୍ଡ କରିପାରିନି ପୋଲିସ । କେବଳ ରୋଷେୟାକୁ ଜେରା ହୋଇଛି ।

 Police Searching Duty Document Of ACF Soumya In DFO Office

ଗତକାଲି ରାତିରେ ଗଜପତି ଏସପିଙ୍କୁ ପୂରା ଘଟଣାର ଡେମୋ ଦେଖାଇଛି ରୋଷେୟା । ପ୍ରାୟ ୫୦ ମିନିଟ୍‌ ଧରି ଘଟଣାସ୍ଥଳରେ ତନାଘନା କରିଛନ୍ତି । ପାରଳାଖେମୁଣ୍ଡି ପୋଲିସର ୫ ଜଣିଆ ଟିମ୍ ବାଲେଶ୍ୱର ଆସିଛି । ସୌମ୍ୟଙ୍କ ପରିବାର ଓ ବିଦ୍ୟାଭାରତୀଙ୍କୁ ଜେରା କରିବ ଟିମ୍ । ସେପଟେ ସାଇଣ୍ଟିଫିକ୍ ଟିମ୍‌ ସୌମ୍ୟଙ୍କ ଘରୁ ଡାଏରୀ, ଚିଠି ଜବତ କରିଛି । ଏଥିରେ ମୃତ୍ୟୁ ସମ୍ପର୍କିତ ଗୁରୁତ୍ୱପୂର୍ଣ୍ଣ ତଥ୍ୟ ଥିବା ପୋଲିସ କହିଛି ।

ଧାୱନଙ୍କ ଧୂଆଁଦାର ବ୍ୟାଟିଂ, ୭ ୱିକେଟରେ ଜିତିଲା ଭାରତ

କଲୋମ୍ବା: ଶ୍ରୀଲଙ୍କାରେ ଟିମ୍ ଧାୱନର ଧୂଆଁଦାର ପ୍ରଦର୍ଶନ ଦେଖିବାକୁ ମିଳିଛି । ଧାୱନଙ୍କ ବ୍ୟାଟିଂରେ ଧରାଶୟୀ ହୋଇ ଘରୋଇ ପିଚରେ ୭ ୱିକେଟରେ ହାର୍ ମାନିଛି ଶ୍ରୀଲଙ୍କା । ପ୍ରଥମେ ଟସ୍ ଜିତି ଘରୋଇ ଦଳ ବ୍ୟାଟିଂ କରିଥିଲା । ନିର୍ଦ୍ଧାରିତ ୫୦ ଓଭରରେ ଶ୍ରୀଲଙ୍କ ୯ ୱିକେଟ ହରାଇ ୨୬୨ ରନ୍ କରିବାରେ ସକ୍ଷମ ହୋଇଥିଲା ।

Colombo Odi India Won By 7 Wickets

୨୬୩ ରନର ପିଛା କରୁଥିବା ଭାରତର ୩୬.୪ ଓଭରରେ ୩ ୱିକେଟ ହରାଇ ମ୍ୟାଚକୁ ଜିତି ନେଇଛି । ଭାରତ ପକ୍ଷରୁ ଅଧିନାୟକ ଶିଖର ଧାୱନ ଅପରାଜିତ ୮୬ ରନର ପାଳି ଖେଳିଥିବା ବେଳେ ସୂର୍ଯ୍ୟକୁମାର ଯାଦବ ୩୧ ରନ୍ କରିଛନ୍ତି । ପୃଥ୍ୱୀ ଶ ୪୩ ରନ୍, ଇଶାନ କିଷାନ ୫୯ ରନ୍, ମନୀଷ ପାଣ୍ଡେ ୨୬ ରନ୍ କରିଛନ୍ତି ।

Colombo Odi India Won By 7 Wickets

ସେହିଭଳି ଦୀପକ ଚହର, ଚହଲ ଓ କୁଲଦୀପ ଯାଦବ ୨ଟି ଲେଖାଏଁ ୱିକେଟ୍ ନେଇଥିବା ବେଳେ ହାର୍ଦ୍ଦିକ ପାଣ୍ଡ୍ୟା ଓ କୁର୍ଣ୍ଣାଲ ପାଣ୍ଡ୍ୟା ଗୋଟିଏ ଲେଖାଏଁ ୱିକେଟ୍ ନେଇଛନ୍ତି । ୩ ଟିକିଆ ଦିନିକିଆ ସିରିଜରେ ଭାରତ ୧-୦ରେ ଶ୍ରୀଲଙ୍କା ଠାରୁ ଆଗୁଆ ରହି ଦଳର ମନୋବଳ ବଢ଼ାଇଛି ।

ଗୁରୁଗ୍ରାମରେ ଧସିଲା ୩ ମହଲା କୋଠା, ଭଗ୍ନାଂଶ ତଳେ ଏକାଧିକ ଫସିଥିବା ଆଶଙ୍କା

ନୂଆଦିଲ୍ଲୀ: ଗୁରୁଗ୍ରାମରେ ଭୁଶୁଡ଼ିଲା ୩ ମହଲା ବିଶିଷ୍ଟ କୋଠା । ବିଲ୍ଡିଂର ଭଗ୍ନାଂଶ ତଳେ ଏକାଧିକ ଲୋକ ଫସିଥିବା ଆଶଙ୍କା କରାଯାଉଛି । ଫରୁଖନଗରର ଖାବସପୁର ଅଞ୍ଚଳରେ ଏହି ଦୁର୍ଘଟଣା ଘଟିଛି । ଘଟଣାସ୍ଥଳରେ ଜିଲ୍ଲା ପ୍ରଶାସନ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି । ରାତି ପ୍ରାୟ ୭ଟା ୩୦ ପାଖାପାଖି କୋଠାଟି ଭୁଶୁଡ଼ି ପଡ଼ିଥିଲା । ତେବେ ବିଲ୍ଡିଂ କାହିଁକି ଭୁଶୁଡ଼ିଲା ଜଣାପଡ଼ିନାହିଁ ।

ଘଟଣାସ୍ଥଳରେ ଥିବା ଡିସିପି ରାଜୀବ ଦେସୱାଲ କହିଛନ୍ତି, ‘ଆମକୁ କୋଠା ଭୁଶୁଡ଼ିବା ନେଇ ସୂଚନା ମିଳିଥିଲା । ଅଗ୍ନିଶମ ବାହିନୀ ଓ ପୋଲିସ ପ୍ରଶାସନ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।’

ଅନ୍ୟପଟେ ପ୍ରବଳ ମୌସୁମୀ ବର୍ଷା ଓ ଭୂସ୍ଖଳନ ଯୋଗୁଁ ମୁମ୍ବାଇରେ ବନ୍ୟା ପରିସ୍ଥିତି ଉପୁଜିଛି । ପୃଥକ ପୃଥକ ଦୁର୍ଘଟଣାରେ ବିକ୍ରୋଲୋରେ ରବିବାର ୨୮ ଜଣଙ୍କ ମୃତ୍ୟୁ ହୋଇଥିବା ଜଣାପଡ଼ିଛି ।