spot_img
Home Blog Page 5604

ଜୁଲାଇ ୨୦ରୁ ଆରମ୍ଭ JEE ମେନ୍, ଜୁଲାଇ ୨୦ରୁ ୨୫ ମଧ୍ୟରେ ସେସନ୍ ୩-୪ ପରୀକ୍ଷା

ନୂଆଦିଲ୍ଲୀ: ଜୁଲାଇ ୨୦ରୁ ଆରମ୍ଭ ହେବ ଚଳିତ ବର୍ଷର JEE ମେନ୍ । ଜୁଲାଇ ୨୦ରୁ ୨୫ ମଧ୍ୟରେ ସେସନ-୩ର ପରୀକ୍ଷା ହେବ । ସେହିପରି ଜୁଲାଇ ୨୭ରୁ ଅଗଷ୍ଟ ୨ମଧ୍ୟରେ ସେସନ-୪ ପାଇଁ ପରୀକ୍ଷା ହେବ । ଏନେଇ ସୂଚନା ଦେଇଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ରମେଶ ପୋଖରିଆଲ । କରୋନା ପାଇଁ ସହର ଓ ପରୀକ୍ଷା କେନ୍ଦ୍ର ସଂଖ୍ୟା ବୃଦ୍ଧି କରାଯାଉଛି ।

କେନ୍ଦ୍ରଶିକ୍ଷା ମନ୍ତ୍ରାଳୟ ପକ୍ଷରୁ ମିଳିଥିବା ସୂଚନା ମୁତାବକ ୩ ଶହ ୩୪ ସହରର ୮ ଶହ ୨୮କେନ୍ଦ୍ରରେ ପରୀକ୍ଷା ଅନୁଷ୍ଠିତ ହେବେ । କରୋନା ଗାଇଡଲାଇନରେ ପରୀକ୍ଷା ଅନୁଷ୍ଠିତ ହେବାକୁ ଥିବା ବେଳେ ମାସ୍କ ଓ ସାମାଜିକ ଦୂରତା ବାଧ୍ୟତା ମୂଳକ କରାଯାଇଛି । କୋଭିଡ ସଂକ୍ରମଣ ବୃଦ୍ଧି ଜନିକତ କାରଣରୁ ଗତବର୍ଷ ପରୀକ୍ଷା ହେବାରେ ବିଭ୍ରାଟ ସୃଷ୍ଟି ହୋଇଥିଲା  । କିନ୍ତୁ ବର୍ତ୍ତମାନ କ୍ରମଃଶ ସ୍ଥିତିରେ ସୁଧାର ଆସିଥିବାରୁ ପରୀକ୍ଷା ହେବ ବୋଲି ସୂଚନା ଦେଇଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ରମେଶ ପୋଖରିଆଲ  ।

ବୁଧବାର ସଂଧ୍ୟାରେ ମନ୍ତ୍ରୀମଣ୍ଡଳ ସମ୍ପ୍ରସାରଣ, ୨୦ରୁ ଅଧିକ ନୂଆ ମୁହଁ

ନୂଆଦିଲ୍ଲୀ:  ବୁଧବାର ସଂଧ୍ୟା ସୁଦ୍ଧା କେନ୍ଦ୍ର ମନ୍ତ୍ରିମଣ୍ଡଳ ଅଦଳ ବଦଳ ଚର୍ଚ୍ଚାରେ ପଡିପାରେ ପୂର୍ଣ୍ଣଛେଦ  । ଅର୍ଥାତ ଆସନ୍ତାକାଲି ଅପରାହ୍ନରେ କେନ୍ଦ୍ରମନ୍ତ୍ରିମଣ୍ଡଳ କେନ୍ଦ୍ର ମନ୍ତ୍ରିମଣ୍ଡଳ ସମ୍ପ୍ରସାରଣ ହେବାକୁ ଯାଉଛି । କେନ୍ଦ୍ରରେ ଏନ୍‌ଡିଏ ସରକାରର ଦ୍ବିତୀୟ ପାଳିରେ ପ୍ରଥମ ଥର ପାଇଁ କ୍ୟାବିନେଟ ବିସ୍ତାର ହେବାକୁ ଯାଉଛି । ଆସନ୍ତା ବର୍ଷ ହେବାକୁ ଥିବା ବିଧାନସଭା ନିର୍ବାଚନକୁ ନଜରରେ ରଖି ମନ୍ତ୍ରୀମଣ୍ଡଳ ବିସ୍ତାର ହେବ । ବର୍ତ୍ତମାନ ଥିବା କିଛି ମନ୍ତ୍ରୀଙ୍କୁ ମଧ୍ୟ ଦାୟିତ୍ବରୁ ହଟାଯାଇପାରେ । କାହାକୁ ମିଳିବ ମନ୍ତ୍ରୀ ପଦ ତାରି ଉପରେ ସମସ୍ତଙ୍କ ନଜର । କିଛି ଆଶାୟୀ ଏବେଠୁ ଦିଲ୍ଲୀରେ ଡେରା ପକାଇଲେଣି ।

ଆସନ୍ତା ବର୍ଷ ହେବାକୁ ଥିବା ୫ଟି ରାଜ୍ୟର ବିଧାନସଭା ନିର୍ବାଚନକୁ ନଜରରେ ରଖି ମନ୍ତ୍ରୀ ପରିଷଦ ବିସ୍ତାର ହେବ । ବର୍ତ୍ତମାନ ଥିବା କିଛି ମନ୍ତ୍ରୀଙ୍କୁ ମଧ୍ୟ ଦାୟିତ୍ବରୁ ହଟାଯିବ । ରାଜ୍ୟସଭା ସାଂସଦ ଜ୍ୟୋତିରାଦିତ୍ୟା ସିନ୍ଧିଆ, ମହାରାଷ୍ଟ୍ରର ବରିଷ୍ଠ ନେତା ନାରାୟଣ ରାଣେ, ଆସାମର ପୂର୍ବତନ ମୁଖ୍ୟମନ୍ତ୍ରୀ ସର୍ବାନନ୍ଦ ସୋନଓ୍ବାଲେ ଦିଲ୍ଲୀରେ ପହଞ୍ଚିଛନ୍ତି । ଜେଡିୟୁର ଆର ପି ସିଂ ମଧ୍ୟ ଅପରାହ୍ନରେ ଦିଲ୍ଲୀରେ ପହଞ୍ଚିଛନ୍ତି । ମଧ୍ୟପ୍ରଦେଶରେ କଂଗ୍ରେସ ସରକାର ଭାଙ୍ଗି ବିଜେପି ସରକାର ଗଢ଼ିବାରେ ମୁଖ୍ୟ ପୁରୋଧା ସାଜିଥିବା ସିନ୍ଧିଆଙ୍କୁ ମିଳିବ ଗୁରୁ ଦାୟିୁତ୍ବ ।

ଅନ୍ୟପଟେ ମନ୍ତ୍ରୀମଣ୍ଡଳରେ ୨୦ ନୂଆ ଚେହେରାଙ୍କୁ ସାମିଲ କରାଯାଇପାରେ ବୋଲି ଚର୍ଚ୍ଚା ହେଉଛି । ଏଥିସହ ଓଡ଼ିଶାରୁ ରାଜ୍ୟସଭା ସାଂସଦ ହୋଇଥିବା ଅଶ୍ବିନୀ ବୈଷ୍ଣବଙ୍କୁ ମଧ୍ୟ ମନ୍ତ୍ରୀପଦ ମିଳିପାରେ । ଏବେ ଓଡ଼ିଶାରୁ ଦୁଇ ଜଣ କେନ୍ଦ୍ର ମନ୍ତ୍ରୀ ଥିବା ବେଳେ ଏହି ସଂଖ୍ୟା ବଢାଇବାକୁ ବିଜେପି ଯୋଜନା କରୁଛି । ମନ୍ତ୍ରୀମଣ୍ଡଳରେ ଉତ୍ତରପ୍ରଦେଶ, ବିହାର, ମହାରାଷ୍ଟ୍ର, ପଶ୍ଚିମବଙ୍ଗର ନେତାଙ୍କୁ ସାମିଲ ହୋଇପାରନ୍ତି । ୨୦୨୪ ନିର୍ବାଚନ ପୂର୍ବରୁ ପ୍ରଧାନମନ୍ତ୍ରୀ ମୋଦି ନୂଆ ଟିମ୍ ସହ ମଇଦାନକୁ ଓହ୍ଲାଇବେ ବୋଲି ବିଶେଷଜ୍ଞ କହିଛନ୍ତି ।

ସେପଟେ ମନ୍ତ୍ରୀମଣ୍ଡଳ ସମ୍ପ୍ରସାରଣ ଭିତରେ ବିହାର ମୁଖ୍ୟମନ୍ତ୍ରୀ ନୀତିଶ କୁମାର ସାମାନ୍ୟ ଅସନ୍ତୋଷ ଥିବା ଦେଖିବାକୁ ମିଳିଛି । ତାଙ୍କର ଇଛା ସହଯୋଗୀ ଦଳ ଭାବେ ଜେଡିୟୁରୁ ୪ ଜଣଙ୍କୁ ମନ୍ତ୍ରୀ ପଦ ମିଳୁ । ନିକଟରେ ଏହି ଚର୍ଚ୍ଚା କରିବା ପାଇଁ ଦିଲ୍ଲୀ ଯାଇ ପ୍ରଧାନମନ୍ତ୍ରୀଙ୍କୁ ମଧ୍ୟ ସେ ଭେଟିଥିଲେ । ଏପଟେ କେନ୍ଦ୍ର ମନ୍ତ୍ରୀମଣ୍ଡଳ ସମ୍ପ୍ରସାରଣ ପୂର୍ବରୁ ରାଜ୍ୟପାଳ ସ୍ତରରେ ବଡଧରଣର ପରିବର୍ତ୍ତନ । କେନ୍ଦ୍ର ସାମାଜିକ ନ୍ୟାୟ ଓ ସଶକ୍ତିକରଣ ମନ୍ତ୍ରୀ ଥାଓ୍ବରଚାନ୍ଦ ଗେହଲଟ ହୋଇଛନ୍ତି କର୍ଣ୍ଣାଟକ ରାଜ୍ୟପାଳ । ଏହା ସହ ବଦଳିଛନ୍ତି ଅନ୍ୟ ୭ ରାଜ୍ୟର ରାଜ୍ୟପାଳ ।

୮ ରାଜ୍ୟ ପାଇଁ ନୂଆ ରାଜ୍ୟପାଳଙ୍କୁ ନିଯୁକ୍ତି ଦେଇଛନ୍ତି ରାଷ୍ଟ୍ରପତି ରାମନାଥ କୋବିନ୍ଦ । ମିଜୋରାମର ରାଜ୍ୟପାଳ ଦାୟିତ୍ବ ତୁଲାଇବେ ହରିବାବୁ କମ୍ଭମପତି । ସେହିଭଳି ମଧ୍ୟପ୍ରଦେଶ ରାଜ୍ୟପାଳ ଭାବେ ମଙ୍ଗୁଭାଇ ଛଗନଭାଇ ପଟେଲଙ୍କୁ ନିଯୁକ୍ତି ମିଳିଛି । ହିମାଚଳପ୍ରଦେଶ ପାଇଁ ରାଜେନ୍ଦ୍ର ବିଶ୍ୱନାଥ ଆର୍ଲକରଙ୍କୁ ଦାୟିତ୍ବ ମିଳିଛି । ସେହିପରି ଗୋଆ ପାଇଁ ପିଏସ୍ ଶ୍ରୀଧରନ ପିଲାଇ, ତ୍ରିପୁରା ପାଇଁ ସତ୍ୟଦେବ ନାରାୟଣ ଆର୍ଯ୍ୟଙ୍କୁ ରାଜ୍ୟପାଳ ଭାବେ ନିଯୁକ୍ତି ମିଳିଛି । ରମେଶ ବୈସଙ୍କୁ ଝାଡ଼ଖଣ୍ଡ ଓ ବନ୍ଦାରୁ ଦତ୍ତାତ୍ରୟଙ୍କୁ ହରିୟାଣା ରାଜ୍ୟପାଳ ଭାବେ ନିଯୁକ୍ତି ଦେଇଛନ୍ତି ରାଷ୍ଟ୍ରପତି ।

ପଦ ପାଇଁ ବିଧାନ ପରିଷଦ; ମୁଖ୍ୟମନ୍ତ୍ରୀ ପଦ ବଜାୟ ରଖିବା ନେଇ ମୁଖ୍ୟମନ୍ତ୍ରୀଙ୍କ ଷ୍ଟ୍ରାଟେଜୀ

କୋଲକାତା: ବିଧାନସଭା ନହେଲେ ବି ବିଧାନ ପରିଷଦ ଦେଇ ମୁଖ୍ୟମନ୍ତ୍ରୀ ରହିବେ ମମତା ବାନାର୍ଜୀ । ଏନେଇ ସବୁ ପ୍ରସ୍ତୁତି ସମୟ ଥାଉ ଥାଉ ଆରମ୍ଭ ହୋଇଯାଇଛି । ଆଜି ବିଧାନସଭାରେ ୧୯୬ ଜଣ ସଦସ୍ୟଙ୍କ ସମର୍ଥନରେ ବିଧାନ ପରିଷଦକୁ ନେଇ ପ୍ରସ୍ତାବ ପାରିତ କରିଛନ୍ତି ରାଜ୍ୟ ସରକାର । ୬୯ ଜଣ ସଦସ୍ୟ ଏହି ପ୍ରସ୍ତାବକୁ ବିରୋଧ କରିଥିଲେ । ଉତ୍ତରାଖଣ୍ଡ ସ୍ଥିତି ପରେ ଏବେ ଦିଦି ପଶ୍ଚିମବଙ୍ଗରେ ବିଧାନପରିଷଦ କାର୍ଯ୍ୟକ୍ଷମ କରିବାକୁ ଅଣ୍ଟା ଭିଡିଛନ୍ତି । ତଥାପି ଦିଦିଙ୍କର ସମସ୍ୟା ଏବେ ବି ଯାଇନି । କାରଣ ଏଥିପାଇଁ ସଂସଦର ମଧ୍ୟ ଅନୁମତି ଆବଶ୍ୟକ ।

ଲୋକସଭାରେ ବିଜେପିର ବହୁମତ ଥିବା ଦିଦିଙ୍କ ଏହି ପ୍ଲାନ ମଧ୍ୟ ଏତେ ଶିଘ୍ର ସଫଳ ହେବ ନାହିଁ ବୋଲି କୁହାଯାଉଛି । ନନ୍ଦିଗ୍ରାମ ଆସନରୁ ବିଧାନସଭା ନିର୍ବାଚନ ହାରିବା ପରେ ଦିଦି ମୁଖ୍ୟମନ୍ତ୍ରୀ ଭାବେ ଶପଥ ନେଇସାରିଛନ୍ତି । ତାଙ୍କ ପାଖରେ ନଭେମ୍ବର ୫ ପର୍ଯ୍ୟନ୍ତ ସମୟ ଅଛି । ତାରି ଭିତରେ ଦିଦି ଉପ ନିର୍ବାଚନ ଜିତିବା ନିହାତି ଆବଶ୍ୟକ । କିନ୍ତୁ ବର୍ତ୍ତମାନର କୋଭିଡ ସ୍ଥିତି ଯୋଗୁଁ ଉପନିର୍ବାଚନ ଏଡାଇ ଦିଆଯାଇପାରେ ବୋଲି ଚର୍ଚ୍ଚା ହେଉଛି । ଯଦି ନିର୍ବାଚନ ନହୁଏ, ବିଧାନ ପରିଷଦକୁ ନିର୍ବାଚିତ ହୋଇ ମୁଖ୍ୟମନ୍ତ୍ରୀ ହୋଇ ରହିବେ ବୋଲି ଦିଦି ଯୋଜନା କରିଛନ୍ତି ।

ସୁସ୍ଥ ହୋଇ ଫେରିଲେ, ଫୋନ ସ୍ୱିଚ୍ ଅଫ୍ କଲେ

ଭୁବନେଶ୍ୱର: କରୋନାରୁ ସୁସ୍ଥ ହୋଇ ଘରକୁ ଫେରିଛନ୍ତି କଂଗ୍ରେସ ବିଧାୟକ ତାରା ପ୍ରସାଦ ବାହୀନିପତି । ବର୍ତ୍ତମାନ ୧୦ ଦିନ ଅବଜର୍ଭେସନରେ ରହିବାକୁ ପରାମର୍ଥ ଦେଇଛନ୍ତି ଡାକ୍ତର । ତେଣୁ ସେ ୧୦ ଦିନ ଫୋନ ସ୍ୱିଚ୍ ଅଫ୍ କରି ରଖିବେ ବୋଲି ନିଜ ସୋସିଆଲ ମିଡିଆରେ ସୂଚନା ଦେଇଛନ୍ତି । ସେ କହିଛନ୍ତି ଯେ, କରୋନାରୁ ସୁସ୍ଥ ହେବା ପରେ ବି ତାଙ୍କୁ ୧୦ ଦିନ ନିରିକ୍ଷଣରେ ରହିବାକୁ ଡାକ୍ତର ପରାମର୍ଶ ଦେଇଛନ୍ତି । ଏବଂ ବାରମ୍ବାର ଫୋନ କଲ ଆସୁଥିବାରୁ ସେ ଭଲରେ ବିଶ୍ରାମ କରିପାରୁନାହାନ୍ତି । ତେଣୁ ୧୦ ଦିନ ପାଇଁ ମୋବାଇଲ ସ୍ୱିଚ୍ ଅଫ କରି ବିଶ୍ରାମ ନେବେ ବୋଲି ସେ କହିଛନ୍ତି । ଦରକାର ପଡ଼ିଲେ ସ୍ୱାସ୍ଥ୍ୟ ପରୀକ୍ଷା କରିବା ପାଇଁ ହାଇଦ୍ରାବାଦ ଯାଇପାରନ୍ତି ବୋଲି ତାରା କହିଛନ୍ତି । ସମୂର୍ଣ୍ଣ ସୁସ୍ଥ ହୋଇ ସମସ୍ତ ଫୋନ କଲରୁ ଚେକ କରିବେ ବୋଲି ତାରା ପ୍ରସାଦ କହିଛନ୍ତି ।

ସୀମା ସେପଟେ ପେଟ୍ରୋଲ ୨୫ କମ୍, ଏପଟେ ବିକିବାକୁ ବ୍ୟାକୁଳ ଦଲାଲ୍

ନନ୍ଦିଘୋଷ ବ୍ୟୁରୋ: କନ୍ଦାଇଲାଣି ପେଟ୍ରୋଲ  । ଗାଡ଼ି ଧରିବାକୁ ବି ଅଧେ ଡରିଲେଣି  । ଦେଶର ଅଧିକାଂଶ ସ୍ଥାନରେ  ଶହେ ପାର କଲାଣି ପେଟ୍ରୋଲ ଓ ଡିଜେଲ  ଦର । ଏମିତି ବି ସ୍ଥିତି ହେଲାଣି ରାଜ୍ୟରେ ଏବେ ବି ୧୧ ସହରରେ ଲିଟର ପିଛା ଶହେ ଟଙ୍କାରୁ ଅଧିକ ଦରରେ ମିଳୁଛି ପେଟ୍ରୋଲ  ।  କିନ୍ତୁ ଭାରତରେ ତୈଳ ଦରର ଅହେତୁକ ବୃଦ୍ଧିରେ ଫାଇଦା ନେଉଛନ୍ତି ନେପାଳୀ oil smuggler  । ସୀମାନ୍ତ ରାଜ୍ୟ ଗୁଡ଼ିକରେ ଚଳାଇଛନ୍ତି ନେଟୱାର୍କ  । ଯଥେଷ୍ଟ କମ ଟଙ୍କାରେ ପେଟ୍ରୋଲ ଓ ଡିଜେଲ କ୍ରୟ କରି ଭାରତୀୟ ବଜାରରେ କରୁଛନ୍ତି ବିକ୍ରୟ  । ଆଉ ହେଉଛନ୍ତି ମାଲାମାଲ  ।

ନେପାଳରେ ପେଟ୍ରୋଲ ଲିଟର ପିଛା ଭାରତ ମାର୍କେଟରୁ ଯଥେଷ୍ଟ କମ ଦରରେ ବିକ୍ରୟ ହେଉଛି  । ଯାହାର ଫାଇଦା ଉଠାଉଛନ୍ତି କିଛି ଅନ୍ତ୍ରରାଷ୍ଟ୍ରୀୟ ବର୍ଡର ଚୋରାଚାଲାଣକାରୀ  । ଇଣ୍ଡିଆ-ନେପାଳ ସୀମାରେ କିଛି ଏଭଳି ଗୁପ୍ତ ସ୍ଥାନ ରହିଛି  । ଯେଉଁବାଟେ ଏହି smuggler ଗ୍ୟାଙ୍ଗ ବେପାର ଚଳାଇଛନ୍ତି  ।  ଅର୍ଥାତ ନେପାଳ ମାର୍କେଟରୁ ପେଟ୍ରୋଲ କିଣି ଭାରତ ମାର୍କେଟରେ ବେଆଇନ ଭାବେ ବିକ୍ରି କରୁଛନ୍ତି  । ନେପାଳରେ ବର୍ତ୍ତମାନ ପେଟ୍ରୋଲ ଲିଟର ପିଛା ୭୮ ଟଙ୍କା ଥିବାବେଳେ  ଡିଜେଲ ଲିଟର ପିଛା ରହିଛି ୬୮ ଟଙ୍କା  । ଏବଂ ଭାରତ ମାର୍କେଟରେ ୨୫ ରୁ ୩୦ ଟଙ୍କା ଅଧିକ ପେଟ୍ରୋଲ ଦର ରହିଥିବାବେଳେ ଡିଜେଲ ଦର ମଧ୍ୟ ୨୦ରୁ ୨୫ ଟଙ୍କା ଚଢା ରହିଛି  । ସୀମାନ୍ତରେ କିଛି ଗଳିଆ ଯାଗା ଦେଖି ଏଭଳି ଗୋଲକଧନ୍ଧା ଚଳାଇଛନ୍ତି Smuggler  ।

ଭାରତ ନେପାଳ ମଧ୍ୟରେ ସମୁଦାୟ ୧୭୫୦ କିଲୋମିଟରର ସୀମାବର୍ତ୍ତୀ ଇଲାକା ରହିଛି  । ଯାହା ମଧ୍ୟରୁ ସିଦ୍ଧାର୍ଥନଗରର ଜନପଦ ଅଞ୍ଚଳରେ ରହିଛି ୬୮ କିଲୋମିଟର ବ୍ୟାପ୍ତ ଖୋଲା ସୀମା  । ସେପଟେ ଦୁଇ ଦେଶ ମଧ୍ୟରେ ୭୦ଟି ବୋର୍ଡର ପୋଷ୍ଟ ମଧ୍ୟ ରହିଛି  । ଯେଉଁବାଟେ ହିଁ ଦୁଇ ଦେଶ ମଧ୍ୟରେ ଛୋଟମୋଟ ଗାଡି ଚଳାଚଳ କରିଥାଏ  । ଆଉ ଯେଉଁ ୬୮ କିଲୋମିଟରର ଖୋଲା ସୀମା ପଡିଛି, ସେହିସୀମାରେ ରହିଛି ବଢନି, ଖୁନୱା, ଅଲିଗଢୱା ଏବଂ କକରହବା ବର୍ଡର  । କିନ୍ତୁ ୭୦ଟି ପୋଷ୍ଟକୁ ଛାଡିଦେଲେ ଏମିତି ଅନେକ ଛୋଟମୋଟ ରାସ୍ତା ରହିଛି  ଯେଉଁପଟେ ବେଧଡ଼କ ଭାବେ ଯିବା ଆସିବା କରିଥାନ୍ତି ସୀମାନ୍ତ ଲୋକେ  । କିନ୍ତୁ ବେଆଇନ ପେଟ୍ରୋଲ ବିକ୍ରି ସମ୍ବନ୍ଧରେ ସେତେବେଳେ ଜଣାପଡ଼ିଥିଲା, ଯେତେବେଳେ ପୋଲିସ ହାତରେ ପଡିଥିଲେ ଏହି ଚୋରାଚାଲାଣକାରୀ ଏବଂ ପେଟ୍ରୋଲଭର୍ତ୍ତୀ ଗାଡ଼ି  । ଜାଣନ୍ତୁ କେମିତି ଜାଣିଲା ବର୍ଡର ପୋଲିସ  ।

ଗତ ରବିବାର  । ଲୋଟନ ପୋଲିସ ହାତରେ ଲାଗେ ପ୍ରଥମ କେସ  । ୧୦୦ ଲିଟର ଡିଜଲ ସହ ଧରାପଡ଼େ ଜଣେ ନେପାଳୀ ନାଗରିକ  । ।  ଏହାପରେ ଠୋଠେରା ବର୍ଜରରେ ଗିରଫ ହୁଏ ଏହି ବ୍ୟକ୍ତି  । ଆଉ ଏହି ଡିଜେଲ ନେପାଳରୁ ହିଁ ଭାରତକୁ ଅବୈଦ୍ଧ ଭାବେ ଚାଲାଣ ହେଉଥିବା ଜଣାପଡ଼େ  । ଏବଂ ସୀମାନ୍ତ ମାର୍କେଟରେ ଭାରତୀୟ ଦର ହିସାବରେ ବିକ୍ରି କରିବାକୁ ଆଣିଥିବା ନେଇ ସ୍ପଷ୍ଟ କରେ ଗିରଫ ହୋଇଥିବା ବ୍ୟକ୍ତି  ।

ସେହିପରି ଦ୍ୱିତୀୟ କେସ ମଧ୍ୟ ସୀମାନ୍ତ ଆଲିଗଡ ବର୍ଡରରୁ ଆସିଛି  । ୫୦ ଲିଟର ଡିଜେଲ ଭର୍ତି ହୋଇଥିବା ଏକ ଗାଡିକୁ SSB ଅର୍ଥାତ ସଶସ୍ତ୍ର ସୀମା ବଳ ଜବତ କରିବା ସହ ଜଣେ ବ୍ୟକ୍ତିଙ୍କୁ ଗିରଫ କରିବାରେ ସଫଳ ହୁଏ  । ଏବଂ ଗିରଫ ହୋଇଥିବା ବ୍ୟକ୍ତି ନେପାଳ ସୀମାନ୍ତ ଚାକରଚୌଡ଼ା ଗ୍ରାମର ବାସୀନ୍ଦା ହୋଇଥିବା ମଧ୍ୟ ପୋଲିସ ଖବର ପାଏ  । କିନ୍ତୁ ସବୁଠାରୁ ବଡ କଥା ହେଉଛି ସୀମାନ୍ତରେ ଗୋଲକଧନ୍ଧା ଚଳାଇଥିବା ଏହି ଗ୍ୟାଙ୍ଗ ପେଟ୍ରୋକଳାବଜାରୀ ଛାଡ଼ିବାକୁ ନାରାଜ  । ଏଥିରୁ ଯଥେଷ୍ଟ ଲାଭ ହେଉଥିବାବେଳେ ବିନା ଦ୍ୱିଧାରେ ମାଲାମାଲ ହେଉଛନ୍ତି ସ୍ମଗଲର  । ଅନ୍ୟପଟେ ଏଭଳି ଖବର ପାଇବା ପରେ ସିଦ୍ଧାର୍ଥନଗର ଏସପି ସୀମାନ୍ତରେ ପୋଟ୍ରୋଲିଙ୍ଗ ବଢାଇଥିବା କହିଛନ୍ତି  ।

ଶିଳ୍ପାୟନ କ୍ଷେତ୍ରରେ ଆଉ ପାଦେ ଆଗେଇଲେ ଓଡ଼ିଶା ସରକାର, ପ୍ରତିଷ୍ଠା ହେବେ ୫ଟି ବଡ଼ ଶିଳ୍ପ

ଭୁବନେଶ୍ୱର: ଶିଳ୍ପାୟନ କ୍ଷେତ୍ରରେ ଆଉ ପାଦେ ଆଗେଇଲେ ରାଜ୍ୟସରକାର । ରାଜ୍ୟରେ ପ୍ରତିଷ୍ଠା ହେବେ ଆଉ ୫ଟି ବଡ଼ ଶିଳ୍ପ । ଏଥିପାଇଁ ରାଜ୍ୟରେ ୧ ଲକ୍ଷ ୪୬ ହଜାର କୋଟି ଟଙ୍କାର ପୁଞ୍ଜି ବିନିଯୋଗ ହେବ । ଯେଉଁଥିରେ ପ୍ରତ୍ୟେକ୍ଷ ଓ ପରୋକ୍ଷ ଭାବେ ୨୬ ହଜାର ୯୫୯ ଜଣ ନିଯୁକ୍ତି ପାଇବେ । ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉଚ୍ଚସ୍ତରୀୟ କମିଟି ଏସବୁ ପ୍ରକଳ୍ପକୁ ମଞ୍ଜୁରୀ ଦେଇଛି ।

ଭୂଷଣ ପାଓ୍ବାର ଓ ଷ୍ଟିଲ ପ୍ଲାଣ୍ଟ ଲିମିଟେଡ୍‌ ଇସ୍ପାତ ଉତ୍ପାଦନକୁ ୫ ଏମ୍‌ଟିପିଏରୁ ୧୫ ଏମ୍‌ଟିପିଏ ସଂପ୍ରାସାରଣ କରିବ । ସେହିପରି ଯାଜପୁର କଳିଙ୍ଗନଗରରେ ଥିବା ଟାଟା ଷ୍ଟିଲ ଲିମିଟେଡ୍‌ ଇସ୍ପାଦ ଉତ୍ପାଦନ ୮ ଏମ୍‌ଟିପିଏ, ହଟ୍‌ ରୋଲ୍‌ଡ କଏଲ୍‌ ୭ ଏମ୍‌ଟିପିଏ ପର୍ଯ୍ୟନ୍ତ ସଂପ୍ରସାରଣ କରାଯିବ । ଜିନ୍ଦଲ ଷ୍ଟିଲ ଆଣ୍ଡ ପାଓ୍ବାର ଲିମିଟେଡ୍‌, ରୁଙ୍ଗଟା ଷ୍ଟିଲ ପ୍ଲାଣ୍ଟ୍‌ ଲିମିଟେଡ୍‌ ସଂପ୍ରସାରଣ ପାଇଁ ସରକାରଙ୍କୁ ଦେଇଥିବା ପ୍ରସ୍ତାବକୁ ମଞ୍ଜୁରୀ ମିଳିଛି ।

ଗତ ଆର୍ଥିକ ବର୍ଷରେ କରୋନା ଜାରି ଥିବାବେଳେ ରାଜ୍ୟ ସରକାରଙ୍କ ଉତ୍ତମ ମାନର ଇଜ୍‌ ଅଫ୍‌ ଡୁଇଙ୍ଗ ଯୋଗୁ ୨ଲକ୍ଷ ୯୬ ହଜାର କୋଟି ଟଙ୍କାର ପୁଞ୍ଜି ବିନିଯୋଗ ପ୍ରସ୍ତାବ ମିଳିଥିଲା । ଚଳିତ ବର୍ଷ ବି କରୋନା ମହାମାରୀ ଜାରି ଥିବା ସତ୍ତ୍ବେ ବଡ଼ ବଡ଼ କମ୍ପାନୀମାନେ ରାଜ୍ୟ ସରକାରଙ୍କ ଶିଳ୍ପନୀତି ପ୍ରତି ପୁଣି ଆସ୍ଥା ପ୍ରକଟ କରିଛନ୍ତି ।

କଟକର ତାରକାସି ସାମଗ୍ରୀକୁ ମିଳିବ GI ଟ୍ୟାଗ୍: ପ୍ରସ୍ତୁତି ଆରମ୍ଭ କରିଛନ୍ତି ରାଜ୍ୟ ସରକାର 

କଟକ: କଟକରେ ଆହୁରି ଚମକିବ ତାରକସି ସାମଗ୍ରୀ । ଖୁବଶୀଘ୍ର ମିଳିପାରେ ଜିଆଇ ଟ୍ୟାଗ୍ । ବିଶ୍ବ ବଜାରରେ ବଢିବ ଚାହିଦା । ବିଦ୍ଧିବଦ୍ଧ ପ୍ରକ୍ରିୟା ଆରମ୍ଭ କଲେ ରାଜ୍ୟ ସରକାର । ଏଣିକି ବିଶ୍ବ ବଜାରରେ ମିଳିବ କଟକର ନିଖୁଣ କାରିଗରୀ । ଉପକୃତ ହେବେ କାରୀଗର, ବଢିବ ରୋଜଗାର । କାରଣ ତାରକସି ସାମଗ୍ରୀକୁ ଜିଆଇ ଟ୍ୟାଗ ମିଳିବା ନେଇ ପ୍ରସ୍ତୁତି ଆରମ୍ଭ କରିଛନ୍ତି ରାଜ୍ୟ ସରକାର । ମାନ୍ୟତା ପାଇଁ ବିଧିବଦ୍ଧ ଭାବରେ ଆବେଦନ କରିଛି ଓଏସଆଇସି । ସରକାରଙ୍କ ଏଭଳି ଉଦ୍ୟମକୁ ସ୍ବାଗତ କରିଛନ୍ତି ତାରକସି କାରିଗର ।

ତାରକସି କାରିଗରଙ୍କ ପାଇଁ କଟକରେ ସ୍ବତନ୍ତ୍ର ମାର୍କେଟ କରିବାକୁ ସରକାର ଯୋଜନା କରିଛନ୍ତି । ତେବେ ଏହି ସାମଗ୍ରୀକୁ ଜିଆଇ ଟ୍ୟାଗ୍ ମିଳିଲେ ବିଶ୍ବର ସୁବୁ ସ୍ଥାନରେ ଏକାକୁ ବିକ୍ରି କରାଯାଇପାରିବ । ଏଭଳି ପଦକ୍ଷେପ ପାଇଁ ରାଜ୍ୟ ସରକାରଙ୍କୁ କୃତଜ୍ଞତା ଜଣାଇଛନ୍ତି ରାଜ୍ୟସଭା ସାଂସଦ ସୁବାସ ସିଂହ । ଏହା ସହିତ କଟକ ବାରବାଟି ବିଧାୟକ ମଧ୍ୟ ସରକାରଙ୍କୁ ଧନ୍ୟବାଦ ଦେଇଛନ୍ତି ।

କାରିଗର କୁଳର ଉନ୍ନତି ପାଇଁ ରାଜ୍ୟ ସରକାର ପ୍ରତିଶ୍ରୁତିବଦ୍ଧ । ତାରକସି କାମକୁ ଜିଆଇ ମାନ୍ୟତା ପାଇଁ ସରକାରଙ୍କ ତତ୍ପରତା ଏହାକୁ ପ୍ରମାଣିତ କରୁଛି ।

ଯାଜପୁର ଜିଲ୍ଲା ବୈତରଣୀ ନଦୀ ଉପରେ ହେବ ବ୍ୟାରେଜ୍, ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଦେଲେ ଯାଜପୁରବାସୀ

ଯାଜପୁର: ଯାଜପୁର ଜିଲ୍ଲା ବୈତରଣୀ ନଦୀ ଉପରେ ହେବ ବ୍ୟାରେଜ୍ । ରାଜ୍ୟ ସରକାରଙ୍କ ପକ୍ଷରୁ ମଞ୍ଜୁରୀ ମିଳିବା ପରେ ମୁଖ୍ୟମନ୍ତ୍ରୀଙ୍କ ଧନ୍ୟବାଦ ଜଣାଇଛନ୍ତି ଯାଜପୁର ଜିଲ୍ଲାବାସୀ । ଜିଲ୍ଲା ସମ୍ମିଳନୀ କକ୍ଷରେ ଭିଡିଓ କନଫେରିସିଂ ମାଧ୍ୟମରେ ବିଜେଡି ସାଂଗଠନିକ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ, ଯାଜପୁର ପୋର୍ରାଞ୍ଚଳର ପୂର୍ବତନ ପୌରଧକ୍ଷ ଭାବପ୍ରସାଦ ଦାସ, ବିଡିଓ ସୌରଭ ଚକ୍ରବର୍ତୀ ପ୍ରମୁଖ ଉପସ୍ଥିତ ରହି ଧନ୍ୟବାଦ ଜ୍ଞାପନ କରିଛନ୍ତି । ବୈତରଣୀ ନଦୀ ଉପରେ ଏହି ବ୍ୟାରେଜ 118 କୋଟି ଟଙ୍କା ବ୍ୟୟ ନିର୍ମାଣ ହେବ । ଏହି ପ୍ରକଳ୍ପ ଦ୍ଵାରା ଚାଷ ପାଇଁ ଜଳ ସଙ୍କଟ ଦୂର ହେବା ସହ ଜଳ ସଂରକ୍ଷଣ , ବୃହତ ଉଠା ଜଳସେଚନକୁ ଜଳଯୋଗାଣ ସୁଦୃଢୀକରଣ , ପାନୀୟ ଜଳ ଯୋଗାଣ ଆଦି ହୋଇପାରିବ । ଜିଲ୍ଲାର ପ୍ରାୟ ୧୮ଟି ପଞ୍ଚାୟତର ଲୋକେ ଏଥିରେ ଉପକୃତ ହେବେ ।

ଏକ ଲକ୍ଷ ୪୦ ହଜାର ଟଙ୍କାର iPhone ନେଇ ଯୁବତୀ ଫେରାର

ଭୁବନେଶ୍ୱର: ଭୁବନେଶ୍ବରରେ ସ୍ମାର୍ଟ ଫୋନ୍ କିଣି ଚମ୍ପଟ ମାରିଲେ ସୁନ୍ଦରୀ । ସିସିଟିଭିରେ କଏଦ ହେଲା କାରନାମା । ମୋବାଇଲ ଦୋକାନରୁ iphone କିଣି ଫେରାର ହେଲେ ଯୁବତୀ। ଏକ ଲକ୍ଷ ୪୦ ହଜାର ଟଙ୍କାର iphone କିଣି ଫେରାର ମାରିଥିବା ସହିଦନଗର ଥାନାରେ ଅଭିଯୋଗ ହୋଇଛି । ଭୁବନେଶ୍ୱର ସହିଦନଗରରେ ଥିବା ଏକ ମୋବାଇଲ ଦୋକାନକୁ ଗତକାଲି iphone କିଣିବାକୁ ଯାଇଥିଲେ ଯୁବତୀ ଜଣକ । ମୋବାଇଲ କିଣିବା ପରେ ବିଲ କଲେ ।

କିନ୍ତୁ ଟଙ୍କା ଦେଲା ବେଳକୁ ଏଟିଏମ କାର୍ଡ ଖରାପ ହୋଇଯାଇଛି ବୋଲି କହିଥିଲେ । ଘରକୁ ଆସନ୍ତୁ , ବାପାଙ୍କ ଏଟିଏମରୁ କାଢିକି ଦେବି ବୋଲି କହିବା ପରେ ଯୁବତୀଙ୍କ ସାଙ୍ଗରେ ଦୋକାନ ପିଲାଙ୍କୁ ପଠାଇଥିଲେ ଦୋକାନ ମାଲିକ । ମାତ୍ର ଅଧାରାସ୍ତାରେ ପେଟ୍ରୋଲ ପକାଇବାକୁ କହି ଝିଅ ଜଣକ ଫେରାର ହୋଇ ଯାଇଥିଲେ । ଯୁବତୀଙ୍କ କାରନାମା ସିସିଟିଭିରେ ରେକର୍ଡ ହୋଇଥିବା ବେଳେ ସହୀଦନଗର ଥାନାରେ ଅଭିଯୋଗ କରିଛନ୍ତି ମୋବାଇଲ ଦୋକାନୀ ।

ଜଗନ୍ନାଥଙ୍କ ପ୍ରେମରେ ୨୨ ବର୍ଷୀୟ ଯୁବକ: ଶସ୍ୟରେ ତିଆରି କରିଛନ୍ତି ଚତୁର୍ଦ୍ଧା ବିଗ୍ରହ

ନୟାଗଡ଼: ଶସ୍ୟରେ ମହାପ୍ରଭୁ । ଧାନରେ ଝଟକୁଛନ୍ତି ଚତୁର୍ଦ୍ଧାମୂର୍ତ୍ତି । ଶୁକ୍ଲ ଧାନ ଓ ମୁଗରେ ଚାରି ବିଗ୍ରହ । ଜଗନ୍ନାଥ,ବଳଭଦ୍ର, ଶୁଭଦ୍ରା, ଓ ସୁଦର୍ଶନଙ୍କର ଚତୁର୍ଦ୍ଧା ବିଗ୍ରହକୁ ତିଆରି କରିଛନ୍ତି ନୟାଗଡ଼ ଜିଲ୍ଲା ଦଶପଲ୍ଲାର ଜଣେ ୨୨ ବର୍ଷିୟ ଯୁବକ । ଜଗନ୍ନାଥ ପ୍ରେମୀ ତଥା ଅନନ୍ୟ ପ୍ରତିଭାଧାରୀ ଅବଦିତ ସାହୁ, ପ୍ରାୟ ୩ ଲକ୍ଷ ଧାନ ଓ ୩ ହଜାର ମୁଗରେ ମହାପ୍ରଭୁଙ୍କର ଏଭଳି ବିରଳ କଳାକୃତିକୁ ଶସ୍ୟରେ ଜୀବନ କରିଛନ୍ତି । ଏଥିପାଇଁ ତାଙ୍କୁ ତିନିମାସ କଠିନ ପରିଶ୍ରମ କରିବାକୁ ପଡିଛି ।

ଲକଡାଉନ ସମୟରେ ଶସ୍ୟରେ ଚାରି ବିଗ୍ରହଙ୍କୁ ତିଆରି କରିବା ପାଇଁ ଅବଦିତ ସାହୁ ଚିନ୍ତା କରିଥଲେ । ଅରୁଆ ଧାନ, ମୁଗ ସଂଗ୍ରହ କରି ସୋଲ ଓ ଅଠା ସାହାର୍ଯ୍ୟରେ ମହାପ୍ରଭୂଙ୍କ ମୂର୍ତ୍ତି ନିର୍ମାଣ କରିଛନ୍ତି । ଏଥିପାଇଁ ତାଙ୍କୁ ତିନିମାସ ସମୟ ଲାଗିଥିବା ବେଳେ ଦେବସ୍ନାନ ପୂର୍ଣ୍ଣିମାରେ ଏହାକୁ ଶେଷ କରିଛନ୍ତି । ଏହା ସହିତ ସେ ମାଟିରେ ରଙ୍ଗ ଦେଇ ଜଗନ୍ନାଥଙ୍କ ବହୁ ସୁନ୍ଦର ସୁନ୍ଦର ମୂର୍ତ୍ତି ମଧ୍ୟ ତିଆରି କରିଛନ୍ତି ଅବଦିତ ।

ଜଗନାଥଙ୍କ ପ୍ରତି ଏଭଳି ପ୍ରଗାଢ଼ ଭକ୍ତି ଓ ନିଆରା କଳାକୃତି ନିର୍ମାଣକୁ ନେଇ ଅବଦିତଙ୍କୁ ସ୍ଥାନୀୟ ଅଞ୍ଚଳରେ ବେଶ ପ୍ରଶଂସା ମିଳିଛି ।