spot_img
Home Blog Page 5623

୨୪ ଘଣ୍ଟାରେ ୩ ହଜାର ୮୭ କୋଭିଡ୍ ସଂକ୍ରମିତ ଚିହ୍ନଟ

ଭୁବନେଶ୍ୱର: ରାଜ୍ୟରେ ଦୈନିକ କୋଭିଡ୍ ସଂକ୍ରମଣ ୩ ହଜାର ଉପରେ ରହିଛି । ଗତ ୨୪ ଘଣ୍ଟାରେ ରାଜ୍ୟରେ ୩ ହଜାର ୮୭ ଜଣ କୋଭିଡ୍ ସଂକ୍ରମିତ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନରୁ ୧୭୭୫ଟି ପଜିଟିଭ୍ ମାମଲା ଆସିଥିବା ବେଳେ ୧୩୧୨ଟି ମାମଲା ହେଉଛି ସ୍ଥାନୀୟ ସଂକ୍ରମଣ । ଖୋର୍ଦ୍ଧା ଜିଲ୍ଲାରେ ସର୍ବାଧିକ ୫୮୪ ସଂକ୍ରମିତ ଚିହ୍ନଟ ହୋଇଥିବା ବେଳେ କଟକରୁ ୪୬୨ ଜଣଙ୍କ ନମୁନା ପଜିଟିଭ୍ ଆସିଛି ।

ଅନୁଗୁଳରୁ ୭୮ ଜଣ ସଂକ୍ରମିତ ଚିହ୍ନଟ ହୋଇଥିବା ବେଳେ ବାଲେଶ୍ୱରରୁ ୨୪୬, ବରଗଡ଼ରୁ ୩୬, ଭଦ୍ରକରୁ ୧୪୫, ବଲାଙ୍ଗିରରୁ ୨୧, ବୌଦ୍ଧରୁ ୩୫, ଦେବଗଡ଼ରୁ ୩, ଢେଙ୍କାନାଳରୁ ୯୫, ଗଜପତିରୁ ୧୬,ଗଞ୍ଜାମରୁ ୨୨, ଜଗତସିଂହପୁରରୁ ୬୦, ଯାଜପୁରରୁ ୨୦୫, ଝାରସୁଗୁଡ଼ାରୁ ୫, କଳାହାଣ୍ଡିରୁ ୧୭, କନ୍ଧମାଳରୁ ୨୮, କେନ୍ଦ୍ରାପଡ଼ାରୁ ୭୦ ସଂକ୍ରମିତ ଚିହ୍ନଟ ହୋଇଛନ୍ତି ।

ସେହିଭଳି କେନ୍ଦୁଝରରୁ ୭୨, କୋରାପୁଟରୁ ୭୭, ମାଲକାନଗିରିରୁ ୮୪, ମୟୂରଭଞ୍ଜରୁ ୧୫୪, ନବରଙ୍ଗପୁରରୁ ୩୫, ନୟାଗଡ଼ରୁ ୧୧୦, ନୂଆପଡ଼ାରୁ ୬, ପୁରୀରୁ ୧୮୯, ରାୟଗଡ଼ାରୁ ୨୧, ସମ୍ବଲପୁରରୁ ୩୧, ସୋନପୁରରୁ ୨୪, ସୁନ୍ଦରଗଡ଼ରୁ ୫୯ ଓ ଷ୍ଟେଟପୁଲରୁ ୯୭ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏଥିସହ ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୯ ଲକ୍ଷ ୧୨ ହଜାର ୮୮୭କୁ ବୃଦ୍ଧି ପାଇଛି । ୩୧ ହଜାର ୨୩୧ଟି ସକ୍ରିୟ ସଂକ୍ରମଣ ମାମଲା ରହିଥିବା ବେଳେ ୮ ଲକ୍ଷ ୭୭ ହଜାର ୫୪୦ ଜଣ କରୋନାରୁ ସୁସ୍ଥ ହୋଇଛନ୍ତି ।

ରାଜ୍ୟରେ ଦିନକରେ ୪୫ ଜଣଙ୍କ ମୁଣ୍ଡ ନେଲା କରୋନା

ଭୁବନେଶ୍ୱର: କମୁଛି ସଂକ୍ରମଣ, ଥମୁନି ମୃତ୍ୟୁ । ରାଜ୍ୟରେ କରୋନାରେ ଦୈନିକ ୪୦ରୁ ଅଧିକ ଆକ୍ରାନ୍ତ ମୃତ୍ୟୁବରଣ କରୁଛନ୍ତି । ଗତ ୨୪ ଘଣ୍ଟାରେ ରାଜ୍ୟରେ ଆଉ ୪୫ ଜଣ କରୋନା ଆକ୍ରାନ୍ତ ଜୀବନ ହାରିଛନ୍ତି । ଏଥିସହ ରାଜ୍ୟରେ ମୋଟ କରୋନା ମୃତକଙ୍କ ସଂଖ୍ୟା ୪ ହଜାର ୬୩କୁ ବୃଦ୍ଧି ପାଇଛି ।

ଅନୁଗୁଳ ଜିଲ୍ଲାରୁ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ବାଲେଶ୍ୱରରୁ ଜଣେ, ବରଗଡ଼ରୁ ୩ ଜଣ, ଭୁବନେଶ୍ୱରରୁ ୫ ଜଣ, କଟକରୁ ୨ ଜଣ, ଢେଙ୍କାନାଳରୁ ଜଣେ, ଗଞ୍ଜାମରୁ ୪ ଜଣ, ଯାଜପୁରରୁ ଜଣେ, ଝାରସୁଗୁଡ଼ାରୁ ଜଣେ, କେନ୍ଦୁଝରରୁ ୪ ଜଣ, ଖୋର୍ଦ୍ଧାରୁ ୪ ଜଣ, ମୟୂରଭଞ୍ଜରୁ ଜଣେ, ନବରଙ୍ଗପୁରରୁ ଜଣେ, ନୟାଗଡ଼ରୁ ୫ ଜଣ, ପୁରୀରୁ ୫ ଜଣ, ସମ୍ବଲପୁରରୁ ୨ ଜଣ, ସୁନ୍ଦରଗଡ଼ରୁ ୩ ଜଣ ଆକ୍ରାନ୍ତ ପ୍ରାଣ ହରାଇଛନ୍ତି ।

ପୂର୍ବ ଶତ୍ରୁତାକୁ ନେଇ ଗୁଳିମାଡ଼, ଯୁବକ ଗୁରୁତର

ଅନୁଗୁଳ: ବନ୍ତଳା ଥାନା ବଡ଼କନ୍ତକୁଳ ଗାଁରେ ବିଳମ୍ବିତ ରାତିରେ ଗୁଳିକାଣ୍ଡ ହୋଇଛି । ଏଥିରେ ଜଣେ ଯୁବକ ଆହତ ହୋଇଛନ୍ତି । ଆହତ ଯୁବକ ହେଉଛନ୍ତି ଅଖିଳ ବେହେରା । ଅଖିଳଙ୍କୁ ଆହତ ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।

ସୂଚନା ଅନୁସାରେ ବଡ଼କନ୍ତକୁଳ ଗାଁର ଅଖିଳ ବେହେରା ଓ ଶିଶିର ସାହୁଙ୍କ ମଧ୍ୟରେ ପୂର୍ବ ଶତ୍ରୁତା ଲାଗି ରହିଥିଲା । ଗତକାଲି ଉଭୟଙ୍କ ମଧ୍ୟରେ ବଚସା ହୋଇଥିଲା । ଏଥିରେ ଉତ୍ତ୍ୟକ୍ତ ହୋଇ ଶିଶିର, ଅଖିଳଙ୍କ ଉପରକୁ ଗୁଳି ଚଳାଇ ଥିଲେ । ଗାଁ ଲୋକ ଆହତ ଅଖିଳଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରିଛନ୍ତି  ।

Unlock Odisha: ଆଜିଠୁ ୨୦ ଜିଲ୍ଲାରେ ସନ୍ଧ୍ୟା ୬ ଯାଏଁ ଖୋଲା ରହିବ ଦୋକାନ, ୧୦ ଜିଲ୍ଲାରେ ଦିନ ୨ଟା ପରେ କଟକଣା

ଭୁବନେଶ୍ୱର: କମୁଛି ସଂକ୍ରମଣ, ଖୋଲୁଛି ଓଡ଼ିଶା । ଆଜିଠୁ ରାଜ୍ୟରେ ଆଂଶିକ ଲକଡାଉନ ଜାରି କରାଯାଇଛି । ଏହି କଟକଣା ଜୁଲାଇ ୧୬ ତାରିଖ ସକାଳ ୬ଟା ପର୍ଯ୍ୟନ୍ତ ବଳବତ୍ତର ରହିବ । ସଂକ୍ରମଣ ସାମାନ୍ୟ ହ୍ରାସ ପାଇଥିବାରୁ  ରାଜ୍ୟ ଜିଲ୍ଲା ଗୁଡ଼ିକୁ ୨ ଭାଗରେ ବିଭକ୍ତ କରାଯାଇଛି । କାଟେଗୋରୀ (A) ଓ କାଟେଗୋରୀ (B)ରେ ରାଜ୍ୟକୁ ବିଭକ୍ତ କରାଯାଇଛି । କାଟେଗୋରୀ-Aରେ ୨୦ଟି ଜିଲ୍ଲା ଥିବା ବେଳେ, କାଟେଗୋରୀ-Bରେ ୧୦ ଜିଲ୍ଲା ରହିଛି ।

ପୂର୍ବରୁ କାଟେଗାରୀ-ଏରେ ୧୭ ଜିଲ୍ଲା ଥିଲା । ଏବେ କାଟେଗୋରୀ (ଏ)ରେ ଅନୁଗୁଳ, ଢ଼େଙ୍କାନାଳ ଓ କେନ୍ଦୁଝର ଜିଲ୍ଲାକୁ ସାମିଲ କରାଯାଇଛି । ନୂଆ ନିଷ୍ପତ୍ତି ଅନୁସାରେ, ରାଜ୍ୟରେ ଧିରେ ଧିରେ ଅନଲକ୍ କରାଯିବ । ସେହିପରି କାଟେଗୋରୀ-Aରେ ସପ୍ତାହାନ୍ତ ସଟଡାଉନ୍ ଲାଗୁ ହେବ ନାହିଁ ବୋଲି କହିଛନ୍ତି ମୁଖ୍ୟ ଶାସନ ସଚିବ ସୁରେଶ ମହାପାତ୍ର । ହେଲେ ସାରା ରାଜ୍ୟରେ ନାଇଟ୍ କର୍ଫ୍ୟୁ ବଳବତ୍ତର ରହିବ । ନାଇଟ୍ କର୍ଫ୍ୟୁରେ ଜରୁରୀକାଳୀନ ସେବାକୁ ମିଳିବ ଅନୁମତି ।

 Unlock Odisha, Partially Restriction In 20 District Till 16th July

ସାରା ରାଜ୍ୟରେ ଖୋଲା ରହିବ ଛୋଟ ସେଲୁନ୍ । ଉଠା ଦୋକାନୀଙ୍କୁ ବ୍ୟବସାୟ ପାଇଁ ଅନୁମତି ଦିଆଯାଇଛି । ହେଲେ ଏହି ଉଠା ଦେକାନରୁ କେବଳ ପାର୍ସଲ ନେଇପାରିବେ ଗ୍ରାହକ । ଦୋକାନରେ ବସି ଖାଇବାକୁ ବାରଣ କରାଯାଇଛି । ଏହାସହ ସାରା ରାଜ୍ୟରେ ଜାରି ରହିବ କୃଷିକାର୍ଯ୍ୟ । ଅତ୍ୟାବଶ୍ୟକ ସେବାକୁ ଅନୁମତି ମିଳିଥିବା ବେଳେ, ବ୍ୟାଙ୍କ, ବିଦ୍ୟୁତ୍ ଅଫିସ, ଟେଲିଫୋନ୍ ଅଫିସ୍ ଖୋଲା ରହିବ । ନିର୍ମାଣ କାର୍ଯ୍ୟ ଜାରି ରହିବ । କିନ୍ତୁ ସିନେମା ହଲ୍, ସପିଂ ମଲ୍, ଯାତ୍ରା ହୋଇପାରିବ ନାହିଁ ।

ରାଜନୈତିକ ସମାବେଶ, ଧାର୍ମିକ ସମାବେଶକୁ ବାରଣ କରାଯାଇଛି । ବିବାହ ଓ ଶୁଦ୍ଧିକ୍ରିୟାରେ ପୂର୍ବପରି କଟକଣା ବଳବତ୍ତର ରହିବ । ବିବାହରେ ଭୋଜିଭାତକୁ ମିଳିବନି ଅନୁମତି । ଶିକ୍ଷାନୁଷ୍ଠାନ, କୋଚିଂ କ୍ଲାସ୍ ବନ୍ଦ ରହିବ । ପ୍ରଦର୍ଶନୀ ଓ ବାଣିଜ୍ୟ ମେଳା ହୋଇପାରିବ ନାହିଁ । ଧର୍ମାନୁଷ୍ଠାନ ପୂର୍ବପରି ବନ୍ଦ ରଖିବାକୁ ନିଷ୍ପତ୍ତି ହୋଇଥିବା ବେଳେ, କେବଳ ରୀତିନୀତି ଅନୁସାରେ ଚାଲିବ ନୀତିକାନ୍ତି । ନିହାତି ଦରକାର ନଥିଲେ ବଜାରକୁ ଯିବାକୁ ବାରଣ କରାଯାଇଛି । ମାସ୍କ ସହ ସାମାଜିକ ଦୂରତା ବଜାୟ ରଖିବାକୁ ଗୁରୁତ୍ୱ ଦିଆଯାଇଛି ।

୧୬ ଜିଲ୍ଲାରେ ଆଜି ଟିକାକରଣ ବନ୍ଦ, ମାତ୍ର ୧୧୪ଟି କେନ୍ଦ୍ରରେ ଦିଆଯିବ ଭ୍ୟାକ୍ସିନ୍

ଭୁବନେଶ୍ୱର: ଟଳୁନି ଟିକା ସଂକଟ । ଟିକା ଅଭାବ ଯୋଗୁଁ ଆଜି ରାଜ୍ୟର ୧୬ ଜିଲ୍ଲାରେ ସମ୍ପୂର୍ଣ୍ଣ ବନ୍ଦ ରହିବ ଟିକାରଣ । ଏହି ଜିଲ୍ଲା ଗୁଡ଼ିକ ହେଲା ଅନୁଗୁଳ, ବଲାଙ୍ଗିର, ବାଲେଶ୍ୱର, ବରଗଡ଼, ଭଦ୍ରକ, ଦେବଗଡ଼, ଢେଙ୍କାନାଳ, ଗଞ୍ଜାମ, ଯାଜପୁର, ଝାରସୁଗୁଡ଼ା, କନ୍ଧମାଳ, କେନ୍ଦ୍ରାପଡ଼ା, କୋରାପୁଟ, ନବରଙ୍ଗପୁର, ସୋନପୁର, ସୁନ୍ଦରଗଡ଼ । ରାଜ୍ୟରେ ମୋଟ ୧୬୧୩ ଟିକା କେନ୍ଦ୍ରରୁ ୧୪୯୯ ଟିକା କେନ୍ଦ୍ରରେ ଟିକାକରଣ ବନ୍ଦ ରହିବ । ମାତ୍ର ୧୧୪ ଟିକା କେନ୍ଦ୍ରରେ ଚାଲିବ ଟିକାକରଣ ।

Covishield Shortage In Odisha, Vaccination Stopped In 11 District

ଜୁନ୍ ୩୦ ସୁଦ୍ଧା ରାଜ୍ୟ ପାଖରେ କୋଭିସିଲ୍ଡର ୧୯ ହଜାର ୫୨୦ ଡୋଜ ରହିଥିବା ବେଳେ କୋଭାକ୍ସିନ ୩ ଲକ୍ଷ ୨୪ ହଜାର ୯୧୦ ରହିଛି । ଟିକା ଦାୟିତ୍ୱ କେନ୍ଦ୍ର ସରକାରଙ୍କ ହୋଇଥିବାରୁ କେନ୍ଦ୍ର ଯେତେ ଟିକା ଦେବ ସେତିକି ପରିମାଣରେ ରାଜ୍ୟ ବ୍ୟବହାର କରିବ ବୋଲି ଡିଏମଇଟି ନିର୍ଦ୍ଦେଶକ କହିଛନ୍ତି । ଜୁନ ମାସରେ କୋଟା ଅନୁସାରେ କୋଭାକ୍ସିନ ଟିକା ୪ଲକ୍ଷ ୩୧ହଜାର ୧୩୦ ଡୋଜ ଆସିବା କଥା । ବର୍ତ୍ତମାନ ସୁଦ୍ଧା ୩ ଲକ୍ଷ ୪୦ହଜାର ୮୫୦ ଡୋଜ ଆସିଛି ।

ରାସ୍ତା ପାର ବେଳେ ଗାଡ଼ି ଧକ୍କାରେ କଲରାପତରିଆ ବାଘ ମୃତ

ନୟାଗଡ଼: ଅଜଣା ଗାଡି ଧକ୍କାରେ କଲରା ପତରିଆ ବାଘର ମୃତ୍ୟୁ । ଖୋର୍ଦ୍ଧା-ନୟାଗଡ଼ ୫୭ ନମ୍ବର ଜାତୀୟ ରାଜପଥରେ ଘଟିଛି ଏହି ଦୁର୍ଘଟଣା । ନୟାଗଡ଼ ଜିଲ୍ଲା ଦଶପଲ୍ଲା ବ୍ଲକ ବାଣୀଗୋଛା ଥାନା ଜାମୁସାହି-ବୁଗୁଡା ଶାଳ ଭଙ୍ଗା ଜଙ୍ଗଲରୁ ବାଘଟି ରାସ୍ତା ପାର ହେଉଥିବା ବେଳେ କୌଣସି ଅଜଣା ଗାଡ଼ି ଧକ୍କାରେ ଘଟଣା ସ୍ଥଳରେ ବାଘଟି ର ମୃତ୍ୟୁ ହୋଇଛି । ତେବେ ଖବର ପାଇ ବାଣୀଗୋଛାସ୍ଥ ପଶ୍ଚିମ ମହାନଦୀ ବନ୍ୟପ୍ରାଣୀ ଡିଭିଜନର ବନାଞ୍ଚଳ ଅଧିକାରୀ ଘଟଣା ସ୍ଥଳରେ ପହଞ୍ଚି ମୃତ ବାଘ ଟି କୁ କାର୍ଯ୍ୟାଳୟ କୁ ନେଇଛନ୍ତି । ଆସନ୍ତାକାଲି ଦଶପଲ୍ଲା ପ୍ରାଣୀ ଚିକିତ୍ସାଳୟରେ ମୃତ ବାଘର ଶବ ବ୍ୟବଚ୍ଛେଦ କରାଯିବ ବୋଲି ସୂଚନା ରହିଛି ।

ଏଥିସହିତ ପଢ଼ନ୍ତୁ: ନଦୀରେ ଗାଧୋଉଥିବା ବେଳେ ଭାସିଗଲେ ୩ ସାଙ୍ଗ

ରାଜ୍ୟରେ ଆଉ ୩ହଜାର ୨୩୩ ଜଣ କରୋନା ସଂକ୍ରମିତ ସୁସ୍ଥ

ଭୁବନେଶ୍ୱର: ରାଜ୍ୟରେ ଆଉ ୩ ହଜାର ୨୩୩ ଜଣ କରୋନା ସଂକ୍ରମିତ ସୁସ୍ଥ ହୋଇଛନ୍ତି । ଏ ନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟ୍ୱିଟ୍ ଯୋଗେ ସୂଚିତ କରାଯାଇଛି । ଏଥି ସହିତ ରାଜ୍ୟରେ ମୋଟ କରୋନାରୁ ସୁସ୍ଥ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୮ ଲକ୍ଷ ୭୭ ହଜାର ୫୪୦ରେ ପହଞ୍ଚିଛି ।

ବୁଧବାର ସୁସ୍ଥ ହୋଇଥିବା ସଂକ୍ରମିତଙ୍କ ମଧ୍ୟରେ ଖୋର୍ଦ୍ଧାର ସର୍ବାଧିକ ୫୮୮ ଜଣ ରହିଥିବା ବେଳେ  ଯାଜପୁର ଜିଲ୍ଲାରୁ ୩୩୪ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି । କଟକରୁ ୨୯୪, ପୁରୀରୁ ୨୧୫, ବାଲେଶ୍ୱରରୁ ୨୦୩, ଅନୁଗୁଳରୁ ୧୭୫, କେନ୍ଦ୍ରାପଡ଼ାରୁ ୧୪୭, ଜଗତସିଂହପୁରରୁ ୧୪୩, ଭଦ୍ରକରୁ ୧୩୩, ମୟୂରଭଂଜରୁ ୧୨୮ ଓ ନୟାଗଡ଼ରୁ ୧୦୪ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି ।

ଏଥିସହିତ ପଢ଼ନ୍ତୁ: ବରଗଡ଼ ଯୁବକଙ୍କ ଉଦ୍ଭାବନ: ବ୍ୟାଟେରୀରେ ଚାଲିବ ସାଇକେଲ୍, ଥରେ ଚାର୍ଜ କଲେ ୧୦୦ କିମି

ଭିଜିଲାନ୍ସ ବିଭାଗ ଆଇଜି ଭାବେ କାର୍ଯ୍ୟରେ ଯୋଗଦେଲେ ବରିଷ୍ଠ ଆଇପିଏସ୍ ଅସିତ୍ ପାଣିଗ୍ରାହୀ

ଭୁବନେଶ୍ୱର: ଭିଜିଲାନ୍ସ ବିଭାଗ ଆଇଜି ଭାବେ ଦାୟିତ୍ୱ ଗ୍ରହଣ କଲେ ଆଇପିଏସ୍ ଅଫିସର ଅସିତ୍ ପାଣିଗ୍ରାହୀ ।  ୧୯୯୬ ବ୍ୟାଚର ବରିଷ୍ଠ ଆଇପିଏସ୍ ଅଧିକାରୀ ହେଉଛନ୍ତି ଅସିତ୍ ପାଣିଗ୍ରାହୀ । ସେ ଆଜି ଅପରାହ୍ଣରେ ଦୁର୍ନୀତି ନିବାରଣ ବିଭାଗ ( ଭିଜିଲାନ୍ସ) ଆଇଜି ଭାବେ ଭିଜିଲାନ୍ସ ନିର୍ଦ୍ଦେଶାଳୟରେ ଦାୟିତ୍ୱ ଗ୍ରହଣ କରିଛନ୍ତି । ଶ୍ରୀ ପାଣିଗ୍ରାହୀ ପୂର୍ବରୁ ଅଗ୍ନିଶମ ବିଭାଗ, ରାଜ୍ୟ ପୋଲିସ ମୁଖ୍ୟାଳୟ, କ୍ରାଇମବ୍ରାଞ୍ଚ ଓ ପୂର୍ବାଞ୍ଚଳ ରେଞ୍ଜ ଆଇ.ଜି ଭାବରେ ସଫଳତାର ସହିତ କାର୍ଯ୍ୟ କରିଛନ୍ତି । ପ୍ରକାଶ ଥାଉ କି. ଶ୍ରୀ ପାଣିଗ୍ରାହୀ ମାଲକାନଗିରି, ଅନୁଗୁଳ, ପୁରୀ, କେନ୍ଦୁଝର, ସମ୍ୱଲପୁର ଓ ଯାଜପୁରରେ ଏସ୍‌ପି ଭାବରେ କାର୍ଯ୍ୟକରି ସୁନାମ ଅର୍ଜନ କରିଛନ୍ତି । ଜଣେ ଦକ୍ଷ ପୋଲସ ଅଫିସର ଭାବରେ ୨୦୧୬ ମସିହାରେ ସେ ରାଷ୍ଟ୍ରପତି ପଦକରେ ସମ୍ମାନିତ ହୋଇଛନ୍ତି ।

ଏଥିସହିତ ପଢ଼ନ୍ତୁ: ପକ୍କା ଘର ମିଳିବା ପରେ ବି ବସ୍ତି ଛାଡ଼ୁନାହାନ୍ତି : ଭଡ଼ାରେ ଲଗାଉଛନ୍ତି ଘର

‘କାଳିଆ’ ଯୋଜନାରେ ୧୮ ଲକ୍ଷ ଭୂମିହୀନ କୃଷକ ପରିବାରକୁ ୩୮୬ କୋଟି ଟଙ୍କାର ସହାୟତା

ଭୁବନେଶ୍ୱର: କାଳିଆ ଯୋଜନାର ଭୂମିହୀନ କୃଷକ ପରିବାର ପାଇଲେ ମୁଖ୍ୟମନ୍ତ୍ରୀଙ୍କ କୋଭିଡ ସହାୟତା । ୧୮ ଲକ୍ଷ ପରିବାରକୁ ୩୮୬ କୋଟି ଟଙ୍କାର ସହାୟତା ପ୍ରଦାନ କଲେ ମୁଖ୍ୟମନ୍ତ୍ରୀ । ସ୍ବାମୀନାଥନ କମିଟି ରିପୋର୍ଟ ଲାଗୁ ହେବା ପର୍ଯ୍ୟନ୍ତ ଲଢ଼େଇ ଜାରି ରହିବ ବୋଲି କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ବୁଧବାର କାଳିଆ ଯୋଜନା ଅନ୍ତର୍ଗତ ଭୂମିହୀନ କୃଷକ ପରିବାରମାନଙ୍କୁ ୩୮୬ କୋଟି ଟଙ୍କାର ମୁଖ୍ୟମନ୍ତ୍ରୀଙ୍କ କୋଭିଡ ସହାୟତା ପ୍ରଦାନ କରାଯାଇଛି । ଏହାଦ୍ବାରା ୧୮ ଲକ୍ଷ ଭୂମିହୀନ କୃଷକ ପରିବାର ଉପକୃତ ହେବେ । ଏଥିରେ ପ୍ରତ୍ୟେକ ଭୂମିହୀନ ଚାଷୀ କାଳିଆ ଯୋଜନାର କିସ୍ତି ସହିତ ଅତିରିକ୍ତ ଭାବେ ୧ ହଜାର ଟଙ୍କା ମୁଖ୍ୟମନ୍ତ୍ରୀଙ୍କ କୋଭିଡ ସହାୟତା ପାଇବେ । ଏହି ଅବସରରେ ମୁଖ୍ୟମନ୍ତ୍ରୀ ଉଦବୋଧନ ଦେଇ କହିଛନ୍ତି ଯେ, ଚାଷୀ, ଶ୍ରମିକ ଓ ମଜଦୁରମାନଙ୍କ ପରି ଖଟିଖିଆ ବର୍ଗ ହେଉଛନ୍ତି ଆମ ଅର୍ଥନୀତି ନାଭିକେନ୍ଦ୍ର । । ଏ ସମସ୍ତଙ୍କ ତ୍ୟାଗ ହିଁ ଆମ ଅର୍ଥନୀତିକୁ ସମୃଦ୍ଧ କରିଥାଏ । କୃଷି କ୍ଷେତ୍ରର ସବୁ ସଫଳତା ପଛରେ ଭୂମିହୀନ ଚାଷୀର ତ୍ୟାଗ ଓ ପରିଶ୍ରମ ରହିଛି । ଆମେ ତା’ର ତ୍ୟାଗକୁ ସମ୍ମାନ କରୁ । ତା’ର ସ୍ଵାର୍ଥର ସୁରକ୍ଷା ପାଇଁ ଆମର ଲଢେଇ ଜାରି ରହିଛି । ଏମ୍‌ଏସ୍ ସ୍ୱାମୀନାଥନ୍ କମିଟିର ସୁପାରିସକୁ କାର୍ଯ୍ୟକାରୀ କରିବା ପାଇଁ ରାଜ୍ୟ ସରକାର ସବୁବେଳେ ଦାବି କରି ଆସିଛନ୍ତି । ଏହା ପୂରଣ ହେଲା ପର୍ଯ୍ୟନ୍ତ ଆମର ଲଢେଇ ଜାରି ରହିବ ବୋଲି ସେ କହିଛନ୍ତି । କାଳିଆ ଯୋଜନା ଯୋଗୁଁ ରାଜ୍ୟର ଲକ୍ଷ ଲକ୍ଷ ଚାଷୀ ପରିବାର ମୁହଁରେ ହସ ଆଣିଛି ଓ ମନରେ ଭରସା ଦେଇଛି । ବର୍ତ୍ତମାନ କୋଭିଡ ଯୋଗୁଁ ଅର୍ଥନୀତି ଉପରେ ଗଭୀର ପ୍ରଭାବ ପଢିଛି । ପ୍ରଥମ ଲହରରେ କୃଷି ହିଁ ଆମ ଅର୍ଥନୀତିକୁ ବଞ୍ଚାଇ ଥିଲା । ଦ୍ଵିତୀୟ ଲହରରେ ଲକଡାଉନ ସଟଡାଉନ ଯୋଗୁଁ ଲୋକଙ୍କ ଜୀବିକା ଉପରେ ଗଭୀର ପ୍ରଭାବ ପଡିଛି । ସେଥିପାଇଁ ରାଜ୍ୟ ସରକାର ଚାଷୀ, ଶ୍ରମିକ, ଉଠା ଦୋକାନୀ, ଦୁଗ୍ଧ ଚାଷୀ ଆଦି ବିଭିନ୍ନ ବର୍ଗର ଲୋକମାନଙ୍କ ପାଇଁ କୋଭିଡ ପ୍ୟାକେଜ ଘୋଷଣା କରିଛନ୍ତି । କୋଭିଡ ବିରୋଧରେ ଲଢେଇ କେବଳ ସରକାର ବା ଡାକ୍ତର ବା ସ୍ୱାସ୍ଥ୍ୟକର୍ମୀ ମାନଙ୍କର ନୁହେଁ । ଏହା ଆମ ସମସ୍ତଙ୍କର ଲଢେଇ । ତେଣୁ ଏହି ଲଢେଇରେ ବିଜୟ ପାଇଁ ଚାଷୀ ଭାଇ ମାନେ ସମସ୍ତେ ଟିକା ନେବା ସହିତ କୋଭିଡର ନିୟମ ପାଳନ କରିବା ପାଇଁ ମୁଖ୍ୟମନ୍ତ୍ରୀ ନିବେଦନ କରିଛନ୍ତି । ଏହି ଅବସରରେ ମୁଖ୍ୟମନ୍ତ୍ରୀ ୩ ଜଣ ଭୂମିହୀନ ଚାଷୀଙ୍କ ସହିତ କାଳିଆ ଯୋଜନାର ସୁଫଳ ବିଷୟରେ ଆଲୋଚନା କରିଥିଲେ । ଏହି ସହାୟତା ଚାଷୀଙ୍କ ବ୍ୟାଙ୍କ ଆକାଉଣ୍ଟ ରେ ସିଧାସଳଖ ଜମା କରାଯାଇଛି । କାଳିଆ ଯୋଜନାରେ ଚାଷୀମାନେ ୩ ଟି କିସ୍ତି ରେ ୧୨,୫୦୦ ଟଙ୍କା ପାଇଥାନ୍ତି । ସୂଚନାଯୋଗ୍ୟ ଯେ ବଳରାମ ଯୋଜନାରେ ମଧ୍ୟ ଭୂମିହୀନ ଚାଷୀ ମାନଙ୍କୁ ବିଭିନ୍ନ ପ୍ରକାର ଆନୁଷଙ୍ଗିକ କାର୍ଯ୍ୟ ପାଇଁ କୃଷିଋଣ ସହାୟତା ଯୋଗାଇ ଦିଆଯାଉଛି ।

ଏଥିସହିତ ପଢ଼ନ୍ତୁ: ପକ୍କା ଘର ମିଳିବା ପରେ ବି ବସ୍ତି ଛାଡ଼ୁନାହାନ୍ତି : ଭଡ଼ାରେ ଲଗାଉଛନ୍ତି ଘର

ପକ୍କା ଘର ମିଳିବା ପରେ ବି ବସ୍ତି ଛାଡ଼ୁନାହାନ୍ତି : ଭଡ଼ାରେ ଲଗାଉଛନ୍ତି ଘର

ଭୁବନେଶ୍ୱର: ବିଏମସି ଓ ବିଡିଏ ପକ୍ଷରୁ ଆଜି ଭୁବନେଶ୍ୱରରେ ହୋଇଛି ବଡଧରଣର ଉଛେଦ କାର୍ଯ୍ୟ। ପ୍ରଥମେ ଥଇଥାନ ଓ ବାରମ୍ବାର ତାଗିଦ ସତ୍ୱେ ଅମାନିଆ ହେବାରୁ ଜବରଦଖଲକାରୀଙ୍କ ବିରୋଧରେ ହୋଇଛି କାର୍ଯ୍ୟାନୁଷ୍ଠାନ। ଉଛେଦ ସହ ଆରମ୍ଭ ହୋଇଛି ଦୟା କେନାଲ ପାର୍ଶ୍ଵରେ ଡବଲ ରୋଡ଼ ନିର୍ମାଣ କାର୍ଯ୍ୟ।

ବସ୍ତି ବାସିନ୍ଦାଙ୍କୁ ପର୍ଯ୍ୟାୟ କ୍ରମେ ତାଲିକା ଭୁକ୍ତ କରି ବିଭିନ୍ନ ଯୋଜନାରେ ଯୋଗାଇ ଦିଆଯାଉଛି ପକ୍କା ଘର। ଘର ମିଳିବା ପରେ ମଧ୍ୟ ବସ୍ତି ଘର ଛାଡିବା ପରିବର୍ତ୍ତେ ଭଡ଼ାରେ ଲଗାଉଛନ୍ତି ଲୋକେ। ଫଳରେ ସୃଷ୍ଟି ହେଉଛି ଜଟିଳ ପରିସ୍ଥିତି। ଭୁବନେଶ୍ୱର ଠାରୁ ପୁରୀ ରାସ୍ତାର ଟ୍ରାଫିକ ସମସ୍ୟାର ସମାଧାନ ପାଇଁ ଦୟା ପଶ୍ଚିମ କେନାଲ ପାର୍ଶ୍ବରେ ନିର୍ମାଣ ହେଉଛି ସମାନ୍ତରାଳ ଡବଲ ରୋଡ଼। ରାସ୍ତା ନିର୍ମାଣ କାର୍ଯ୍ୟ ଶେଷ ହେବାଜୁ ବସିଥିବା ବେଳେ ମହିଷାଖାଲ ବସ୍ତିରେ ଜବରଦଖଲ ଯୋଗୁଁ ସୃଷ୍ଟି ହୋଇଛି ସମସ୍ୟା । ବିଜେବି ନଗର ଠାରୁ ଗେରେଜ ଛକ ପର୍ଯ୍ୟନ୍ତ ରାସ୍ତା ନିର୍ମାଣ ହୋଇପାରୁନାହିଁ। ଆଜି ବିଏମସି, ବିଡିଏ ଓ ପୋଲିସର ମିଳିତ ଚଢ଼ାଉ କରି ଶତାଧିକ ଘରକୁ ଉଛେଦ କରାଯାଇଛି। ଉତ୍ତେଜନା ସତ୍ବେ ବ୍ୟାପକ ପୋଲିସ ମୁତୟନ କରି ଜବରଦଖଲ ଉଛେଦ କରାଯାଇଛି। କଟକ ଠାରୁ ପୁରୀ ଭାୟା ଭୁବନେଶ୍ୱର ଯାତାୟତ କଷ୍ଟକର ହେଲାଣି। ଫଳରେ ଜବର ଦଖଲ ଛତ୍ସେଦ ପାଇଁ ବିଏମସି ଓ ବିଡିଏ ପକ୍ଷରୁ ହୋଇଥିବା ଉଦ୍ୟମ ସର୍ବସାଧାରଣଙ୍କ ହିତରେ ବେଶ ସାହାୟକ ହେବ ବୋଲି ମତ ପ୍ରକାଶ ପାଇଛି । କେବଳ ପୁରୀ ଠାରୁ ଭୁବନେଶ୍ୱର ରାସ୍ତାର ସମସ୍ୟା ନୁହଁ ବଂର ଜୟଦେବ ବିହାର ଛକ ଠାରୁ ନନ୍ଦନକାନନ ରୋଡ଼ର ଟ୍ରାଫିକ ସମସ୍ୟାର ସମାଧାନ ପାଇଁ କରାଯାଉଛି ବିକଳ୍ପ ବ୍ୟବସ୍ଥା। ଉଭୟ ପ୍ରକଳ୍ପ ଶେଷ ହେଲେ ଲୋକଙ୍କ ଗମନାଗମନରେ ଆଉ ସମସ୍ୟା ରହିବ ନାହିଁ ।

ଏଥିସହିତ ପଢ଼ନ୍ତୁ: ବରଗଡ଼ ଯୁବକଙ୍କ ଉଦ୍ଭାବନ: ବ୍ୟାଟେରୀରେ ଚାଲିବ ସାଇକେଲ୍, ଥରେ ଚାର୍ଜ କଲେ ୧୦୦ କିମି