spot_img
Home Blog Page 5624

ସୁରକ୍ଷିତ ନୁହେଁ OK ଗୁଗୁଲ୍‌: କମ୍ପାନୀ କର୍ମଚାରୀ ବି ଶୁଣୁଛନ୍ତି ଆପଣଙ୍କ କଥା

ନୂଆଦିଲ୍ଲୀ: ଗୁଗୁଲ ଆଜିର ଟେକ୍ନୋଲୋଜି ଦୁନିଆରେ ଏକ ବଡ଼ ଭୂମିକା ଗ୍ରହଣ କରିଛି। ଆମ ଜୀବନର ପ୍ରତିଟି କାର୍ଯ୍ୟରେ ଆଗ ଗୁଗୁଲକୁ ଖୋଜା ପଡ଼ିଥାଏ। କାରଣ ଗୁଗୁଲ ହେଉଛି ଏକ ବିଶ୍ୱସ୍ତ ନେଟଓ୍ୱର୍କ। ଆଜି ପର୍ଯ୍ୟନ୍ତ ଆମକୁ ପ୍ରତିଟି ପ୍ରଶ୍ନର ଉତ୍ତର ଦେଇଛି ଗୁଗୁଲ। ଜୀବନର କଠିନ ରାସ୍ତାକୁ ବହୁ ମାତ୍ରାରେ ସଳରିକରଣର କରିଦେଇଛି। କହିବାକୁ ଗଲେ ଗୁଗୁଲ ସହିତ ଆମେ ଏତେମାତ୍ରାରେ ଜଡ଼ିତ ହୋଇସାରିଛେ ଯେ ଏବେ ଗୁଗୁଲ ଠାରୁ ଦୁରେଇ ରହିବା ଅସମ୍ଭବ ମାତ୍ର। କିନ୍ତୁ କିଛି ଦିନ ହେବେ ଫେସବୁକ, ଟ୍ୱିଟର ବିବାଦ ମଧ୍ୟକୁ ଠେଲି  ହୋଇଯାଇଛନ୍ତି। ଆଉ ଏବେ ବିବାଦକୁ ଆସିଛି ଗୁଗୁଲ।

ଗୁଗୁଲ ତାର ଡାଟା ଗୋପନୀୟତା ଏବଂ ସୁରକ୍ଷାକୁ ନେଇ ଏକ ବୈଠକ କରିଛି। ଯେଉଁ ବୈଠକରେ ଗୁଗୁଲ ଏମିତି କିଛି ତଥ୍ୟ ରଖିଥିଲା ଯେଉଁଥିପାଇଁ ଏବେ ନିଜେ ବିବାଦ ଭିତରକୁ ଠେଲି ହୋଇଯାଇଛି। ବୈଠକରେ ଗୁଗୁଲ ଏକ ଗୁରୁତ୍ୱପୂର୍ଣ୍ଣ ସୂଚନା ଦେଇଛି। ଏମିତି ଏକ ସୂଚନା ଯାହା ଆପଣଙ୍କ ବ୍ୟକ୍ତିଗତ ଜୀବନ ଉପରେ ଅନେକ ମାତ୍ରାରେ ପ୍ରଭାବ ପକାଇ ପାରେ। କଥାଟି ହେଉଛି ଗୁଗୁଲ ଆସିଷ୍ଟାନ୍ସ ମାନେ ଓକେ ଗୁଗୁଲ। ଗୁଗୁଲ୍ କର୍ମଚାରୀଙ୍କୁ ଯେତେବେଳେ ‘ଓକ ଗୁଗଲ୍’ କହିବା ପରେ କିଛି କଥା ପଚାରନ୍ଦତି ସେତେବେଳେ ଗୁଗୁଲ୍ କର୍ମଚାରୀମାନେ ସେହି ରେକର୍ଡିଂ ମଧ୍ୟ ଶୁଣିପାରିବେ ବୋଲି କୁହାଯାଇଛି। ସୂଚନା ପ୍ରଯୁକ୍ତିବିଦ୍ୟା ସଂସଦୀୟ ଷ୍ଟାଣ୍ଡିଂ କମିଟିକୁ ଗୁଗୁଲ ଏହି ସୂଚନା ଦେଇଛି।

ତେବେ ଆପଣ ମାନେ ଭାବୁଥିବେ ଓକେ ଗୁଗୁଲ କଣ। ଓକେ ଗୁଗୁଲ ହେଉଛି ଗୁଗୁଲର ଆସିଷ୍ଟାଣ୍ଟ। ଗୁଗୁଲରେ  ସର୍ଚ ପ୍ରୋସେସକୁ ଅଧିକ ଶରଳିକରଣ କରିବା ପାଇଁ ଭଏସ ରେକଗନାଇଜେସନ ଆରମ୍ଭ କରାଯାଇଥିଲା । ଯେଉଁଥିରେ ଜଣେ ବ୍ୟକ୍ତି ଓକେ ଗୁଗୁଲରେ ତାଙ୍କର ପ୍ରଶ୍ନ ପଚାରି ଉତ୍ତର ପାଇପାରିବେ। କିନ୍ତୁ ଏହା ଏବେ ଅସୁବିଧାର କାରଣ ପାଲଟିଛି।

ଶଶି ଥରୁରଙ୍କ ନେତୃତ୍ୱରେ ଗଠିତ କମିଟି ଏହାକୁ ବ୍ୟବହାରକାରୀଙ୍କ ଗୋପନୀୟତାକୁ ଗୁରୁତ ଭାବରେ ଉଲ୍ଲଂଘନ କରିଛି ବୋଲି କହିଛି। ଏହା ଉପରେ କମିଟି ଖୁବ ଶୀଘ୍ର ଏକ ରିପୋର୍ଟ ପ୍ରସ୍ତୁତ କରି ସରକାରଙ୍କୁ କିଛି ପରାମର୍ଶ ଦେବ ବୋଲି ମଧ୍ୟ କହିଛି। ପ୍ୟାନେଲ ସୂତ୍ରରୁ ପ୍ରକାଶ ଯେ ଗୁଗୁଲ ସ୍ପଷ୍ଟ କରିଛି ଯେ ଯେତେବେଳେ ଉପଭୋକ୍ତାମାନେ ଗୁଗୁଲ ଆସିଷ୍ଟାଣ୍ଟ ଆରମ୍ଭ କରି ‘ଓକ, ଗୁଗୁଲ’ କୁହନ୍ତି, ସେତେବେଳେ ଏହି କଥା ତାଙ୍କର କର୍ମଚାରୀ ଶଶୁଣିପାରନ୍ତି।

୨୦୧୯ ରେ ଗୁଗୁଲ୍ ପ୍ରଡକ୍ଟ ମ୍ୟାନେଜର୍  ଡେଭିଡ ମୋନସି ମଧ୍ୟ ଏକ ବ୍ଲଗରେ ସ୍ୱୀକାର କରିଛନ୍ତି ଯେ ତାଙ୍କ ଭାଷା ବିଶେଷଜ୍ଞମାନେ ରେକର୍ଡିଂ ଶୁଣନ୍ତି ଯାହା ଦ୍ୱାରା ଗୁଗୁଲ୍ ସ୍ପିଚ୍ ସେବା ଉନ୍ନତ କରିବାରେ ସହାୟକ ହୋଇପାରିବ। ତେବେ ଶଶିଙ୍କ ବୈଠକରେ ଥିବା ସଦଶ୍ୟ ମାନେ ମଧ୍ୟ ଗୁଗୁଲକୁ ଘେରିଛନ୍ତି। ସଦସ୍ୟମାନେ ଗୁଗୁଲକୁ  ଟାର୍ଗେଟ କରି କହିଛନ୍ତି ଯେ, ଏବେ ଆମକୁ ଜଣାପଡ଼ିଲାଯେ କାହିଁକି ଓକେ ଗୁଗୁଲରେ ପ୍ରଶ୍ନ କଲା ପରେ ଏତେ ସାରା ଆଡ ଆମ ପାଖକୁ ଆସିବାକୁ ଲାଗୁଥିଲା। ପୂର୍ବରୁ ଗୁଗୁଲ କହିଥିଲା ଓକେ ଗୁଗୁଲରେ ହେଉଥିବା ବାର୍ତ୍ତାଳାପକୁ ଗୁଗୁଲ ରେକଡିଂ କରି ରଖୁଛି। କିନ୍ତୁ ସେହି ରେକଡିଂକୁ ଗୁଗୁଲ କର୍ମଚାରୀ ମାନେ ଶୁଣୁଛନ୍ତି ତାହା କହିନଥିଲା।

ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରଣାଳୟ (MEITY) ତରଫରୁ ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ଗୁଗୁଲ ପରି କମ୍ପାନୀ ଗୁଡ଼ିକ ଜମା ହୋଇଥିବା ତଥ୍ୟକୁ ଡିଲିଟ କରୁନାହାନ୍ତି ଯେପର୍ଯ୍ୟନ୍ତ ଉପଭୋକ୍ତା ଏହାକୁ ନିଜେ ଡିଲିଟ୍ ନକରନ୍ତି। ଯାହା ଉରପରେ ସରକାର ନଜର ରଖିଛନ୍ତି।

 

 

 

ବରଗଡ଼ ଯୁବକଙ୍କ ଉଦ୍ଭାବନ: ବ୍ୟାଟେରୀରେ ଚାଲିବ ସାଇକେଲ୍, ଥରେ ଚାର୍ଜ କଲେ ୧୦୦ କିମି

ବରଗଡ଼: ନିଜସ୍ବ ଜ୍ଞାନ କୌଶଳରେ ଯୁବକଙ୍କ କମାଲ । ବ୍ୟାଟେରୀ ଚାଳିତ ସାଇକେଲ୍ ତିଆରି କଲେ ବରଗଡ଼ ଜିଲ୍ଲା ମାଣ୍ଡୋସିଲ ଗାଁର ଦୁଇ ଭାଇ । ଏହି ସାଇକେଲ୍‌କୁ ଥରେ ଚାର୍ଚ୍ଚ କଲେ ୧୦୦ କିଲୋମିଟର ପର୍ଯ୍ୟନ୍ତ ଯାଉଛି । ଏଥିପାଇଁ କମ୍ ବିଦ୍ୟୁତ୍ ଖର୍ଚ୍ଚ ମଧ୍ୟ ହେଉଛି । ତୈଳଦର ଆକାଶଛୁଆଁ ରହିଥିବା ବେଳେ ବ୍ୟାଟେରୀ ଚାଳିତ ସାଇକେଲ୍ ଲୋକଙ୍କୁ ଆଶ୍ବସ୍ତି ଦେବ ।

ମାଣ୍ଡୋସିଲ ଗାଁର ମେକାନିକାଲ୍ ଇଞ୍ଜିନିୟର । ତିଆରି କଲେ ବ୍ୟାଟେରୀ ଚାଳିତ ସାଇକେଲ୍ । ଥରେ ଚାର୍ଚ୍ଚ କଲେ ଗଡୁଛି ୧୦୦ କିଲୋମିଟର । ଦୃଢ ଇଛାଶକ୍ତି ଓ କଠିନ ପରିଶ୍ରମ, ମଣିଷକୁ ସଫଳତାର ଶୀର୍ଷରେ ପହଁଚାଏ । ଯାହାକୁ ପ୍ରମାଣିତ କରି ଦେଖାଇଛନ୍ତି ବରଗଡ଼ ଜିଲ୍ଲା ପାଇକମାଳ ବ୍ଲକ୍ ମାଣ୍ଡୋସିଲ ଗାଁର ଦୁଇ ଭାଇ ବିଜୁ ଖୁଣ୍ଟିଆ ଓ ଅଜୁ ଖୁଣ୍ଟିଆ । ନିଜସ୍ବ ଜ୍ଞାନ କୌଶଳରେ କମାଲ କରି ଦେଖାଇଛନ୍ତି । ତୈଳଦର ଆକାଶଛୁଆଁ ବେଳେ ତିଆରି କରିଛନ୍ତି ବ୍ୟାଟେରୀ ଚାଳିତ ସାଇକେଲ୍ ।

ଏହି ବ୍ୟାଟେରୀ ଚାଳିତ ସାଇକେଲ୍ ତିଆରି ପାଇଁ ଦୁଇ ଭାଇଙ୍କୁ ଏକ ମାସ ସମୟ ଲାଗିଛି । ଏଥିପାଇଁ ୨୫ ହଜାର ଟଙ୍କା ଖର୍ଚ୍ଚ ହୋଇଛି । ଏଥିରେ ଗୋଟିଏ ମଟର, ବ୍ୟାଟେରୀ, ଲାଇଟ୍ ଓ ମିଟର ଖଞ୍ଜା ଯାଇଛି । ଏହି ସାଇେକେଲ୍କୁ ଥରେ ଚାର୍ଚ୍ଚ କଲେ ୧୦୦ କିଲୋମିଟର ଯାଉଛି । ଚାର୍ଚ୍ଚ କରିବା ଲାଗି ଖୁବ୍ କମ୍ ବିଦ୍ୟୁତ୍ ଖର୍ଚ୍ଚ ମଧ୍ୟ ହେଉଛି ବୋଲି କହିଛନ୍ତି ସାଇକେଲ୍ ନିର୍ମାତା । ମହଙ୍ଗା ତୈଳ ଦର ସମୟରେ ଏହି ବ୍ୟାଟେରୀ ଚାଳିତ ସାଇକେଲ୍ ଆଶ୍ବସ୍ତି ଦେବ । ତେବେ ସରକାରୀ ସହାୟତା ମିଳିଲେ ଆହୁରି ଅଧିକ ସାଇକେଲ୍ ତିଆରି କରିବା ଆଶା ରଖିଛନ୍ତି ଦୁଇ ଭାଇ ।

ଏଥିସହିତ ପଢ଼ନ୍ତୁ: ରୋଜଗାରର ଦେଉଛି ଆମ୍ବ ଟାକୁଆ: କୋଇଲି କାଢ଼ି ହୋଇଛନ୍ତି ରୋଜଗାରକ୍ଷମ

୨୨ ବର୍ଷ ପୂର୍ବରୁ ପରିବାର ବିରୁଦ୍ଧରେ ଯାଇ ରାଜ କୌଶଲଙ୍କୁ ବିବାହ କରିଥିଲେ ମନ୍ଦିରା, ଦେଖନ୍ତୁ ଫଟୋ

ନୂଆଦିଲ୍ଲୀ: ମନ୍ଦିରାଙ୍କୁ ଛାଡ଼ି ସବୁଦିନ ପାଇଁ ଅଫେରା ରାଇଜକୁ ଚାଲିଯାଇଛନ୍ତି ରାଜ। ହୃଦଘାତ କାରଣରୁ ଆଜି ସକାଳେ ରାଜଙ୍କ ଦେହାନ୍ତ ହୋଇଛି। ରାଜଙ୍କ ମୃତ୍ୟୁ ମନ୍ଦିରାଙ୍କୁ ପୁରା ଦୋହଲାଇ ଦେଇଛି। ମନ୍ଦିରାଙ୍କୁ ଦୁଃଖର ସାଗରେ ଭସାଇ ଚାଲିଯାଇଛନ୍ତି ରାଜ। ଏଭଳି ପରିସ୍ଥିତିରେ ସମଗ୍ର ଚଳଚ୍ଚିତ୍ର ଇଣ୍ଡଷ୍ଟ୍ରିରେ ଶୋକର ଲହରୀ ଖେଳିଯାଇଛି। ମନ୍ଦିରାଙ୍କୁ ସମ୍ଭାଳିବା ପରିବାର ପକ୍ଷରେ ବହୁତ ହେଉଛି।

ରାଜଙ୍କ ମୃତ୍ୟୁ ପରେ ମନ୍ଦିରା ସମ୍ପୂର୍ଣ୍ଣ ଭାବରେ ଭାଙ୍ଗିପଡ଼ିଛନ୍ତି। ଆମେ ଆପଣଙ୍କୁ କହିଦେବାକୁ ଚାହୁଁ ଯେ ମନ୍ଦିରା ଏବଂ ରାଜଙ୍କ ବାହାଘରରେ ଆସିଛି ଅନେକ ବାଧାବିଘ୍ନ। ମନ୍ଦିରା ତାଙ୍କ ପରିବାରର ବିଦ୍ଧରେ ଯାଇ ବିବାହ କରିଥିଲେ। ମନ୍ଦିରା ଏବଂ ରାଜଙ୍କ ୨୨ ବର୍ଷ ହେବ ବାହାଘର ହୋଇଥିଲା। ମନ୍ଦିରା ଏବଂ ରାଜଙ୍କ ଦୁଇଟି ସନ୍ତାନ ରିହିଛି। ଜଣକୁ ଜନ୍ମ କରିଥିବା ବେଳେ ଅନ୍ୟ ଜଣକୁ ଆଡପ୍ଟ କରିଛନ୍ତି ମନ୍ଦିରା।

 

ମନ୍ଦିରା ଏବଂ ରାଜଙ୍କ ଲଭଷ୍ଟୋରୀ ଆରମ୍ଭ ହୁଏ ୧୯୯୬ ମସିହାରୁ। ଏକ ଅଡିସନ ଗ୍ରାଉଣ୍ଡରୁ ଆରମ୍ଭ ହୁଏ ଲଭର ଅଡିସନ। ସେତେବେଳେ ରାଜ କୌସଲ ଏତେଟା ଫେମସ ହୋଇଦନଥିଲେ।

ମନ୍ଦିରା ଏବଂ ରାଜ କୌଶଲ ପ୍ରଥମେ ୧୯୯୬ ରେ ମୁକୁଲ ଆନନ୍ଦଙ୍କ ଘରେ ସାକ୍ଷାତ ହୁଅନ୍ତି। ମନ୍ଦିରା ସେତେବେଳେ ଫିଲ୍ମରେ ଅଭିନୟ ପାଇଁ ଷ୍ଟ୍ରଗଲ କରୁଥିଲେ। ମନ୍ଦିରା ସେଠାରେ ଅଡିସନରେ ପାଇଁ ପହଞ୍ଚିଥିଲେ ଏବଂ ରାଜ ମୁକୁଲ ଆନନ୍ଦଙ୍କ ସହକାରୀ ଭାବରେ କାର୍ଯ୍ୟ କରୁଥିଲେ। ମୁକୁଲଙ୍କ ଘରରେ ଆରମ୍ଭ ହୋଇଥିଲା ଉଭୟଙ୍କ ପ୍ରେମ କାହାଣୀ।

୩ ବର୍ଷର ପ୍ରେମ ପରେ ମନ୍ଦିରା ୧୪ ଫେବୃଆରୀ ୧୯୯୯ରେ ରାଜ କୌଶଲଙ୍କୁ ବିବାହ କରିଥିଲେ। କିନ୍ତୁ ଏହି ବିବାହ ପାଇଁ ମନ୍ଦିରାଙ୍କ ଘର ଲୋକ ଆଦୌରାଜି ନଥିଲେ। ମନ୍ଦିରାଙ୍କ ପିତାମାତା ଚାହୁଁଥିଲେ ଯେ ସେ ଜଣେ ଚଳଚ୍ଚିତ୍ର ନିର୍ଦ୍ଦେଶକଙ୍କ ସହିତ ବିବାହ କରନ୍ତୁ ବୋଲି। ଆଉ ସେତେବେ କୌଶଲ ଆନନ୍ଦଙ୍କ ସହକାରୀ ଭାବେ କାରର୍ଯ୍ୟ କରୁଥିଲେ। କିନ୍ତୁ ଉଭୟଙ୍କ ପ୍ରେମ ଏତେ ଗଭିର ଥିଲା ଯେ କହି ମଧ୍ୟ ତାଙ୍କ ପ୍ରେମକୁ ଭାଙ୍ଗିପାରି ନଥିଲେ। ଆଉ ଏବେ ଅଫେରା ରାଇଜକୁ ଚାଲିଯାଇଛନ୍ତି ରାଜ କୌଶଲ।

 

 

ରୋଜଗାରର ଦେଉଛି ଆମ୍ବ ଟାକୁଆ: କୋଇଲି କାଢ଼ି ହୋଇଛନ୍ତି ରୋଜଗାରକ୍ଷମ

ବାଲିଗୁଡ଼ା: ସଂକ୍ରମଣକୁ ରୋକିବା ପାଇଁ ସହରଠୁ ଗାଁ ସବୁଠି ପଡ଼ିଛି ତାଲା । ଏହାରି ଭିତରେ କାମ ନପାଇ ଭୋକରେ ଦିନ କାଟୁଛନ୍ତି ଗରିବ ଶ୍ରେଣୀର ଲୋକେ । ହେଲେ କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ବ୍ଲକ୍ ଦଣ୍ଡିମାହାରେ ରୋଜଗାର ଦେଖାଇଛି ଆମ୍ବ ଟାକୁଆ । ଆମ୍ବ ଟାକୁଆରୁ କୋଇଲି କାଢ଼ି ରୋଜଗାରକ୍ଷମ ହୋଇଛନ୍ତି ୧୦ରୁ ୧୫ଜଣ ଲୋକ ।

କରୋନା କେବଳ ଜୀବନ ନେଉନି ବଂର ଜୀବିକା ଛଡ଼ାଇ ନେଉଛି । ସଂକ୍ରମଣକୁ ରୋକିବା ପାଇଁ ଗାଁଠୁ ସହର ସବୁଠି ପଡ଼ିଛି ତାଲା । ଏହାରି ଭିତରେ ଭୋକ ସହ ଲଢେଇ କରୁଛନ୍ତି ଗରିବ ଶ୍ରେଣୀର ଲୋକ । ହେଲେ କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ବ୍ଲକ୍ ଦଣ୍ଡିମାହାରେ ରୋଜାଗର ଦେଖାଇଛି ଆମ୍ବ ଟାକୁଆ । ଗାଁର ଲକ୍ଷଣ ବିନ୍ଧାଣୀ ଆମ୍ବ ଟାକୁଆରୁ କୋଇଲି ବାହାର କରି ନିଜେ ରୋଜଗାରକ୍ଷମ ହୋଇଛନ୍ତି । ଏହାସହ ୧୫ ରୁ ୨୦ ଜଣଙ୍କୁ ରୋଜଗାରକ୍ଷମ କରାଇଛନ୍ତି ଲକ୍ଷଣ । କାମ ନପାଇ ଦୁଃଖରେ ଥିବା ମହିଳାମାନେ ଏଥିରେ ନିୟୋଜିତ ହୋଇ ବେଶ ଖୁସି ଅଛନ୍ତି ।ଜିଲ୍ଲାରେ ଚଳିତ ବର୍ଷ ପ୍ରଚୁର ଆମ୍ବ ଅମଳ ହୋଇଥିବାରୁ ଏଭଳି ବୁଦ୍ଧି ଖଟାଇଛନ୍ତି ଲକ୍ଷଣ । ବାହାର ରାଜ୍ୟରେ କୋଇଲିର ବେଶ ଚାହିଦା ରହିଛି । ଏଥିପାଇଁ ଆଖପାଖ ଅଞ୍ଚଳରୁ ଆମ୍ବ ଟାକୁଆ ସଂଗ୍ରହ କରି ସେଥିରୁ କୋଇଲି ବାହାର କରୁଛନ୍ତି ଲକ୍ଷଣ । ନିଜେ ଏଥିରେ ନିୟୋଜିତ ହେବା ସହ ଏମାନଙ୍କୁ ବି ଦେଇଛନ୍ତି ରୋଜଗାର । ତେବେ ଏଭଳି ସଂକଟ ସମୟରେ ଲକ୍ଷଣଙ୍କ ଏଭଳି ପ୍ରୟାସ ଅଞ୍ଚଳରେ ଏକ ଉଦାହରଣ ସୃଷ୍ଟି କରିଛି । ମହାମାରୀରେ କାମ ନପାଇ ଅନେକ ଗରିବ ଶ୍ରେଣୀର ଲୋକ ଭୋକ ସହ ଲଢେଇ କରୁଛନ୍ତି । ଏଭଳି ପରିସ୍ଥିତିରେ ଲକ୍ଷଣଙ୍କ ଏହି କାର୍ଯ୍ୟ ଏମାନଙ୍କ ପେଟରେ ଦାନା ଯୋଗାଇ ପାରିଛି

ନଦୀରେ ଗାଧୋଉଥିବା ବେଳେ ଭାସିଗଲେ ୩ ସାଙ୍ଗ

ଜଗତସିଂହପୁର: ଏରାଗାରୀରେ ଘଟିଛି ଅଭାବନୀୟ ଘଟଣା । ନଦୀରେ ଗାଧୋଉଥିବା ଘଟିଛି ଅଘଟଣ । ବୁଧବାର ନଈରେ ଗାଧୋଉଥିବା ବେଳେ ଭାସିଗଲେ ୩ ସାଙ୍ଗ । ଦୁଇ ଜଣ ସୁରକ୍ଷିତ ଉଦ୍ଧାର ହୋଇଥିବା ବେଳେ ଏବେ ବି ଜଣେ ନିଖୋଜ ଅଛନ୍ତି । । ଜଗତସିଂହପୁର ତିର୍ତ୍ତୋଲ ବ୍ଲକ ଏରାଗାରୀ ଠାରେ ଘଟିଛି ଏହି ଅଘଟଣ । ଅଭିନା ମଲ୍ଲିକଙ୍କ ପୁଅ ସୁମନ ମଲ୍ଲିକ ନିଜ ସାଙ୍ଗ ଦୁଇ ଜଣଙ୍କ ସହିତ ମିଶି ପାଇକନଦୀ ଗାଧୋଇବାକୁ ଯାଇଥିଲେ । ଗାଧୋଇବା ବେଳେ ଖେକୁଦରେ ନଦୀ ପାର ହୋଇ ଆରପଟ ଶଙ୍ଖେଶ୍ୱର ଯିବାକୁ ଚେଷ୍ଟା କରିଥିଲେ ତିନି ସାଙ୍ଗ । ହେଲେ ନଦୀ ସୁଅରେ ତିନି ସାଙ୍ଗ ଭାସି ଯାଇଥିଲେ । ହେଲେ ଦୁଇ ଜଣଙ୍କ ଉଦ୍ଧାର କରାଯାଇଥିବା ବେଳେ ସୁମନ ଏ ପର୍ଯ୍ୟନ୍ତ ନିଖୋଜ ରହିଛି । ଘଟଣା ସ୍ଥଳରେ ତିର୍ତ୍ତୋଲ ଅଗ୍ନିଶମ ବିଭାଗ ଓ ସ୍ଥାନୀୟ ଗ୍ରାମବାସୀ ମାନେ ମିଶି ଖୋଜାଖୋଜି ଜାରି ରଖିଛନ୍ତି ।

ଏଥିସହିତ ପଢ଼ନ୍ତୁ: ଟୋକିଓ ଅଲିମ୍ପିକ୍ସରେ ଦୌଡ଼ିବେ ଦୌଡ଼ ରାଣୀ ଦୂତୀ ଚାନ୍ଦ 

ଟୋକିଓ ଅଲିମ୍ପିକ୍ସରେ ଦୌଡ଼ିବେ ଦୌଡ଼ ରାଣୀ ଦୂତୀ ଚାନ୍ଦ

ନୂଆଦିଲ୍ଲୀ: ଇଣ୍ଡିଆନ ସ୍ପ୍ରିଣ୍ଟର ଦୂତି ଚାନ୍ଦଙ୍କୁ ମିଳିଲା ଅଲିମ୍ପିକ୍ସ ଟିକେଟ୍ । ଟୋକିଓ ଅଲିମ୍ପିକ୍ସ ଲାଗି ସେ ୧୦୦ ଓ ୨୦୦ ମିଟର ରେସରେ ଭାଗ ନେବା ଲାଗି ଯୋଗ୍ୟତା ହାସଲ କରିଛନ୍ତି । ବିଶ୍ବ  ରାଙ୍କିଂ ଆଧାରରେ ତାଙ୍କୁ ମନୋନୀତ କରାଯାଇଛି । ନିକଟରେ ହୋଇଥିବା ଦୁଇଟି ଯୋଗ୍ୟତା ପର୍ଯ୍ୟାୟ ଦୌଡରେ ସେ ଅଲିମ୍ପିକ ଯୋଗ୍ୟତାରୁ ବଞ୍ଚିତ ହୋଇଥିଲେ ବି ବିଶ୍ବ ରାଙ୍କିଙ୍ଗ ଲାଗି ତାଙ୍କୁ ଟିକେଟ ମିଳିବ ବୋଲି ଅନୁମାନ କରାଯାଉଥିଲା । ସେ ଭାରତୀୟ ଗ୍ରାଣ୍ଡ ପିକ୍ସରେ ୧୧.୭ ସେକଣ୍ଡରେ ରେସ ଶେଷ କରି ନିଜ ପୂରୁଣା ରେକର୍ଡ ଭାଙ୍ଗିବା ସହ  ଜାତୀୟ ରେକର୍ଡ ପ୍ରତିଷ୍ଠା କରିଥିଲେ । ୧୦୦ ମିଟର ଦୌଡରେ ଦୂତୀ ବିଶ୍ବରେ ୪୪ ତମ ସ୍ଥାନରେ ଥିବାବେଳେ ୨୦୦ ମିଟର ରେସରେ ୫୧ତମ ସ୍ଥାନରେ ଅଛନ୍ତି ।

ଏଥିସହିତ ପଢ଼ନ୍ତୁ: ‘ରାଜୀବ ଗାନ୍ଧୀ ଖେଳରତ୍ନ’ ପାଇଁ ଦୌଡ଼ରାଣୀ ଦୂତୀ ଚାନ୍ଦଙ୍କ ନାଁ ସୁପାରିସ୍

କୋଭିସିଲ୍ଡ ଟିକାର ଆଉ ୧ ଲକ୍ଷ ଡୋଜ୍ ରାଜ୍ୟରେ ପହଞ୍ଚିବ

ଭୁବନେଶ୍ୱର: ବୁଧବାର ରାଜ୍ୟରେ ପହଞ୍ଚିବ କୋଭିସିଲ୍ଡ ଟିକାର ଆଉ ୧ ଲକ୍ଷ  ଡୋଜ । ଜୁନ ମାସରେ ୧୯ ଲକ୍ଷ୫୮ହଜାର ୩୭୦ ଟିକା ରାଜ୍ୟକୁ କେନ୍ଦ୍ର ସରକାର ପ୍ରଦାନ କରିଛନ୍ତି। ଜୁନ୍ କୋଟା ସରିଯିବା ପରେ ରାଜ୍ୟ ସରକାର ଆଉ ୬ ଲକ୍ଷ ଡୋଜ ଦେବାକୁ ଅନୁରୋଧ କରିଥିଲେ । ଜୁନ ମାସର କୋଟା ଅନୁସାରେ କୋଭାକ୍ସିନ ଟିକା ୪ ଲକ୍ଷ 31ହଜାର 130ଡୋଜ ଆସିବା କଥା। ବର୍ତ୍ତମାନ ସୁଦ୍ଧା ୩,୪୦,୮୫୦ ଆସିଛି । ଆଉ ୯୦ହଜାର ୨୮୦ ଆସି ନଥିବା ସୂଚନା ଦେଇଛନ୍ତି ପରିବାରକଲ୍ୟାଣ ନିର୍ଦ୍ଦେଶକ ବିଜୟ ପାଣିଗ୍ରାହୀ ।
ସୂଚନା ଯୋଗ୍ୟ ଯେ, ରାଜ୍ୟରେ ଦୈନିକ କୋଭିଡ୍ ସଂକ୍ରମଣ ପୁଣି ଥରେ ୩ ହଜାର ଡେଇଁଛି । ଗତ ୨୪ ଘଣ୍ଟାରେ ରାଜ୍ୟରେ ୩ ହଜାର ୩୭୧ ଜଣ କୋଭିଡ୍ ସଂକ୍ରମିତ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନରୁ ୧୯୨୨ଟି ପଜିଟିଭ୍ ମାମଲା ଆସିଥିବା ବେଳେ ୧୪୪୯ଟି ମାମଲା ହେଉଛି ସ୍ଥାନୀୟ ସଂକ୍ରମଣ । ଖୋର୍ଦ୍ଧା ଜିଲ୍ଲାରେ ସର୍ବାଧିକ ୫୩୦ ସଂକ୍ରମିତ ଚିହ୍ନଟ ହୋଇଥିବା ବେଳେ କଟକରୁ ୪୬୮ ଜଣଙ୍କ ନମୁନା ପଜିଟିଭ୍ ଆସିଛି ।

ଏଥିସହିତ ପଢ଼ନ୍ତୁ: ରାଜ୍ୟରେ ୧୬ ଜୁଲାଇ ସକାଳ ୬ ଯାଏଁ ଆଂଶିକ ଲକ୍‌ଡାଉନ

ରାଜ୍ୟରେ ୧୬ ଜୁଲାଇ ସକାଳ ୬ ଯାଏଁ ଆଂଶିକ ଲକ୍‌ଡାଉନ

ଭୁବନେଶ୍ୱର: ମୁଖ୍ୟ ଶାସନ ସଚିବ ସୁରେଶ ମହାପାତ୍ରଙ୍କ ପ୍ରେସ୍‌ ମିଟ। ୧୬ ଜୁଲାଇ ସକାଳ ୬ ଯାଏଁ ରାଜ୍ୟରେ ଆଂଶିକ ଲକ୍‌ଡ଼ାଉନ । କାଟାଗୋରୀ ଏ ରେ ୨୦ ଜିଲ୍ଲା ଏବଂ କାଟେଗୋରୀ ବି ରେ ୧୦ ଜିଲ୍ଲା ରହିଛି। ତେବେ କାଟାଗୋରୀ ଏ ରେ ପୂର୍ବରୁ ଥିବା ୧୭ ଜିଲ୍ଲାରେ ସାମିଲ ହୋଇଛି ଆଉ ୩ ଜିଲ୍ଲା। ସେହି ୩ଟି ଜିଲ୍ଲା ହେଉଛି ଅଗୁଗୁଳ, କେଉଁଝର ଏବଂ ଢ଼େଙ୍କାନାଳ। ୫ ପ୍ରତିଶତରୁ ଅଧିକ ଥିବା ଥିବା ଅଞ୍ଚଳକୁ କାଟାଗୋରୀ ବି ରେ ସାମିଲ କରାଯାଇଛି। ଯେଉଁଠି ୧୦୦ ଜଣଙ୍କୁ ପରୀକ୍ଷା କଲେ ୫ ଜଣରୁ ଅଧିକ କରୋନା ସଂକ୍ରମିତ ବାହାରୁଛନ୍ତି।

୫ ପ୍ରତିଶତରୁ ଅଧିକ ଥିବା ଅଞ୍ଚଳକୁ କାଟାଗୋରୀ ବି’ ରେ ସାମିଲ କରାଯାଇଛି। ଗତ ୧୦ ଦିନ ଭିତରେ ଗକାଟାଗୋରୀ ବିରେ ଥିବା ଜିଲ୍ଲା ଗୁଡ଼ିକରେ ସଂକ୍ରମିତଙ୍କ ସଂଖ୍ୟା ବହୁତ କମ୍‌ରେ କମିବାରେ ଲାଗିଛି। ତେଣୁ ସେହି ସବୁ ଜିଲ୍ଲାରେ କଟକଣାକୁ କଡ଼ାକଡ଼ି ପାଳନ କରିବାକୁ କୁହାଯାଇଛି। ଗତ କାଲି ମଧ୍ୟ ମୁଖ୍ୟମନ୍ତ୍ରୀ ଏଥିପାଇଁ ନିର୍ଦ୍ଦେଶ ଦେଇଥିଲେ।

ତେବେ ରାଜ୍ୟରେ ଧିରେ ଧିରେ କରୋନା ପରିସ୍ଥିତି ଦେଖି ଅନ୍‌ଲକ୍‌ କରାଯିବ ବୋଲି ମୁଖ୍ୟ ଶାସନ ସଚିବ କହିଛନ୍ତି। ତେବେ କାଟାଗୋରୀ ଏ ଜିଲ୍ଲାରେ ସକାଳ ୬ ରୁ ସନ୍ଧ୍ୟା ୬ ପର୍ଯ୍ୟନ୍ତ ସମସ୍ତ ଦୋକାନ ଖୋଲ ରହିବ। କାଟାଗୋରୀ ଏ ରେ ଥିବା ୨୦ ଟି ଜିଲା୍ଲାରେ ଗୋଟିଏ ଜିଲ୍ଲାରୁ ଆଉ ଗୋଟିଏ ଜିଲାକୁ ବସ୍‌ ଚଳାଚଳ ହୋଇପାରିବ। ଟ୍ୟାକ୍ସି ଅଟୋ ଜାଇପାରିବ। ୨୦ ଜିଲ୍ଲାରେ ଛୋଟ ଛୋଟ ସେଲୁନ ଖୋଲିପାରିବ। ସବୁଠାରୁ ବଡ଼ କଥା ହେଉଛି କାଟାଗୋରୀ ଏ ରେ ଆଉଟ ଡ଼ୋର ଇନ୍‌ ଡୋର ଫିଲ୍ମ ସୁଟିଂ ହୋଇପାରିବ। ଏବେ ଆସନ୍ତା କାଲିଠାରୁ ୨୦ ଟି ଜିଲ୍ଲାରେ ସାପ୍ତାହିକ ହାଟ ଖୋଲା ରହିବ କିନ୍ତୁ କରୋନା କଟକଣା ସହ। ତେବେ ଏହି ୨୦ଟି ଜିଲ୍ଲାରେ ଓ୍ୱିକେଣ୍ଟ ସଟଡାଉନ ହେବ ନାହିଁ। ମଲ ସ୍ପା ପାର୍ଲର ବନ୍ଦ ରହିବ। ସାରା ଓଡ଼ିଶାରେ ସନ୍ଧ୍ୟା ୬ଟାରୁ ସକାଳ ୬ଟା ଯାଏ ନାଇଟ କର୍ଫ୍ୟୁ କାର୍ଯ୍ୟକାରି ରହିବ।

ସେହିପରି କ୍ୟାଟାଗୋରୀ ବି ରେ ରହିଛି ନୟାଗଡ଼, ପୁରୀ, ଖୋର୍ଦ୍ଧା, କଟକ, ଜଗତସିଂହପୁର, କେନ୍ଦ୍ରାପଡ଼ା, ଯାଜପୁର, ଭଦ୍ରକ, ବାଲେଶ୍ୱର, ଏବଂ ମୟୂରଭଞ୍ଜ। ଏହି ସବୁ ଜିଲ୍ଲାରେ ସଂକ୍ରମଣ ଅଧିକ ରହୁଛି। ଏହି ୧୦ ଟି ଜିଲ୍ଲାରେ ସକାଳ ୬ଟାରୁ ଦିନ ଦୁଇଟା ପର୍ଯ୍ୟନ୍ତ ସମସ୍ତ ଦୋକାନ ବଜାର ଖୋଲା ରହିବ। କେବଳ ମଲ ସ୍ପା ପାର୍ଲକୁ ଛାଡ଼ି। ଦିନ ଦୁଇଟା ପରେ ଦୋକାନ ଖୋଲା ଥିଲେ ତାକୁ ସିଲ କରାଯିବ। ଦୋକାନ ବାହାରେ ଥିବା ଗ୍ରାହକ ମାନେ କରୋନା କଟକଣା ମାନିବାକୁ ଅନୁରୋଧ କରାଯାଇଛି। ମାର୍କେଟ କମ୍ପେକ୍ସରେ ଥିବା କର୍ମକର୍ତାଙ୍କୁ ଏଥିପ୍ରତି ଧ୍ୟାନ ଦେବାକୁ କୁହାଯାଇଛି। ୧୦ ଜିଲ୍ଲାରେ କେବଳ ଆଉଟ ଡୋର ଫିଲ୍ମ ସୁଟିଂ କରାଯିବକୁ ଅନୁମତି ଦିଆଯାଇଛି। ସାପ୍ତାହିକ ମାର୍କେଟ ବନ୍ଦ ରହିବ।

ସାରା ଓଡ଼ିଶାରେ ଛୋଟ ଛୋଟ ସେଲୁନ ଖୋଲିବାକୁ କୁହାଯାଇଛି। ସାରା ରାଜ୍ୟରେ ଉଠାଦୋକାନୀ ବିକ୍ରି କରିପାରିବେ। ଲୋକେ କେବଳ ଉଠା ଦୋକାନୀଙ୍କ ଠାରୁ ପାର୍ସଲ ନେଇପାରିବେ। ଏହା ସାରା ରାଜ୍ୟ ପାଇଁ ଲାଗୁ।

ଏଥିସହିତ ପଢ଼ନ୍ତୁ: କୋଭିସିଲ୍ଡ ଟିକାର ଆଉ ୧ ଲକ୍ଷ ଡୋଜ୍ ରାଜ୍ୟରେ ପହଞ୍ଚିବ

ରାଉରକେଲା ଇସ୍ପାତ କାରଖାନା କର୍ମଚାରୀଙ୍କ ଦିନିକିଆ ଆନ୍ଦୋଳନ

ରାଉରକେଲା: ନୂତନ ମଜୁରୀ ଚୁକ୍ତିନାମା ଦାବିରେ ଦିନିକିଆ ଆନ୍ଦୋଳନ କରୁଛନ୍ତି ରାଉରକେଲା ଇସ୍ପାତ କାରଖାନା କର୍ମଚାରୀ। ବିଭିନ୍ନ ଶ୍ରମିକ ସଂଗଠନ ପଷରୁ ରାଉରକେଲା ଇସ୍ପାତ କାରଖାନାର ସମସ୍ତ ଗେଟ୍ ସମ୍ମୁଖରେ ବିକ୍ଷୋଭ କରାଯାଉଛି। ଧର୍ମଘଟ ଯୋଗୁଁ ଇସ୍ପାତ କାରଖାନାରେ ଉତ୍ପାଦନ ବ୍ୟାହତ ହେବା ସହ ଧର୍ମଘଟ ଆନ୍ଦୋଳନ ସଫଳ ହୋଇଥିବା ଶ୍ରମିକ ସଂଗଠନ ପକ୍ଷରୁ କୁହାଯାଇଛି। ଇସ୍ପାତ କାରଖାନାରେ କାର୍ଯ୍ୟ କରୁଥିବା କର୍ମଚାରୀଙ୍କ ନୂତନ ମଜୁରୀ ଚୁକ୍ତିନାମା କାର୍ଯ୍ୟକାରୀ ହେବାରେ ୪ ବର୍ଷ ୬ ମାସ ବିଳମ୍ବ ହୋଇଥିବା ଅଭିଯୋଗ ହେଉଛି। ୨୦୧୭ ମସିହା ଜାନୁଆରୀ ପହିଲାରୁ ନୂତନ ମଜୁରୀ ଚୁକ୍ତିନାମା କାର୍ଯ୍ୟକାରୀ ହେବାର ଥିଲେ ମଧ୍ୟ ଏହା ବିଳମ୍ବ ହେଉଥିବା ଅଭିଯୋଗ ହୋଇଛି। ଏହାର ପ୍ରତିବାଦରେ ବିଭିନ୍ନ ଶ୍ରମିକ ସଂଗଠନ ପକ୍ଷରୁ ଧର୍ମଘଟ କରାଯାଇଛି।

 

୧୦୮ ନମ୍ବର ସହ ମିଶିଲା ଗର୍ଭବତୀଙ୍କ ପାଇଁ ଥିବା ୧୦୨ ଆମ୍ବୁଲାନ୍ସ ସେବା

ଭୁବନେଶ୍ୱର: ୧୦୨ ନୁହେଁ ଏବେ କେବଳ ୧୦୮। ପୂର୍ବରୁ ଗର୍ଭବତୀ ଏବଂ ନବଜାତକ ଶିଶୁ ମାନଙ୍କ ପାଇଁ ଉପଲବ୍ଧ ଥିବା ୧୦୨ ଆମ୍ବୁଲାନ୍ସ ସେବାକୁ ୧୦୮ ନମ୍ବର ସହ ମିଶ୍ରଣ କରାଯାଇଛି। ଏହା ଦ୍ୱାରା ରାଜ୍ୟରେ ପ୍ରତ୍ୟେକ ଗର୍ଭବତୀ ଏବଂ ଛୋଟ ଶିଶୁଙ୍କର ଆମ୍ବୁଲାନ୍ସ ଆବଶ୍ୟକତା ପାଇଁ କେବଳ ମାଗଣା ୧୦୮ ନମ୍ବରକୁ ହିଁ କଲ୍‌ କରିବାକୁ ହେବ। ଏ ସଂପର୍କରେ ସୂଚନା ଦେଇଛନ୍ତି ଓଡିଶାରେ ୧୦୮ ଆମ୍ବୁଲାନ୍ସ ପ୍ରକଳ୍ପ ମୁଖ୍ୟ, ଶ୍ରୀ ସବ୍ୟସାଚୀ ବିଶ୍ୱାଳ କହିଛନ୍ତି। ଏହା ଦ୍ୱାରା ଗର୍ଭବତୀଙ୍କ ଠାରୁ ନେଇ ବିଭିନ୍ନ ରୋଗୀ ନିକଟସ୍ଥ ସରକାରୀ ହସ୍ପିଟାଲକୁ ଯିବାକୁ ହେଲେ କେବଳ ୧୦୮ ନମ୍ବରକୁ ହିଁ କଲ୍‌ କରିବେ। ପୂର୍ବରୁ ଗର୍ଭବତୀ ଏବଂ ଏକ ବର୍ଷରୁ କମ୍‌ ଶିଶୁଙ୍କ ପାଇଁ ପ୍ରଚଳିତ ୧୦୨ ଆମ୍ବୁଲାନ୍ସ ସେବା ଏବଂ ଏହାର କଲ୍‌ ସେଣ୍ଟରକୁ ୧୦୮ ସହ ମିଶ୍ରଣ କରଯାଇଛି।