spot_img
Home Blog Page 5622

ସେରମ୍ ଇନଷ୍ଟିଚ୍ୟୁଟକୁ ଝଟକା, ମିଳିଲାନି କୋଭାଭାକ୍ସକୁ ଟ୍ରାଏଲ ଅନୁମତି

ନୂଆଦିଲ୍ଲୀ: ଭାରତର ସବୁଠୁ ବଡ଼ ଫାର୍ମା କମ୍ପାନୀ ସେରମ୍ ଇନଷ୍ଟିଚ୍ୟୁଟକୁ ଝଟକା। ପିଲାଙ୍କ କ୍ଷେତ୍ରରେ ବ୍ୟବହାର ପାଇଁ ସେରମ୍ ପ୍ରସ୍ତୁତ କରିଥିବା କରୋନା ଟିକା କୋଭାଭାକ୍ସ ଟ୍ରାଏଲ ପାଇଁ ଅନୁମତି ଦେଲାନି ସରକାରୀ ପ୍ୟାନେଲ।

Poonawala Expected To Launch Trial Of Kovovax In India By September

୨ରୁ ୧୭ବର୍ଷ ପିଲାଙ୍କ କ୍ଷେତ୍ରରେ କୋଭାଭାକ୍ସ ଟିକାର ଦ୍ୱିତୀୟ ଓ ତୃତୀୟ ପର୍ଯ୍ୟାୟ ଟ୍ରାଏଲ ନ କରିବାକୁ ସୁପାରିସ କରିଛି ପ୍ୟାନେଲ । ପିଲାଙ୍କ ଉପରେ ଟିକା ଟ୍ରାଏଲ କରିବାକୁ ସେରମ ଇନଷ୍ଟିଚ୍ୟୁଟ୍ ଗତ ୨୮ ତାରିଖରେ DCGIର ଅନୁମତି ଲୋଡ଼ିଥିଲା।

Serum Institute Vaccine Covishield Gets DCGI Approvals

ହେଲେ କେନ୍ଦ୍ର ସରକାରଙ୍କ ପ୍ୟାନେଲ ଅନୁମତି ଦେବାକୁ ମନା କରିଦେଇଛି । ଅନ୍ୟ କୌଣସି ଦେଶରେ କୋଭୋଭାକ୍ସକୁ ଅନୁମତି ମିଳି ନଥିବାରୁ ପିଲାଙ୍କ କ୍ଷେତ୍ରରେ ଟ୍ରାଏଲ ପାଇଁ ମଞ୍ଜୁରୀ ଦେବାକୁ ବିଶେଷଜ୍ଞ ଟିମ୍ ମନା କରିଦେଇଛନ୍ତି ।

ଜୁଲାଇ ମଧ୍ୟ ଭାଗରେ କମିବ ସଂକ୍ରମଣ, ସର୍ଭିଲାନ୍ସ ଓ ଟ୍ରେସିଂ ଉପରେ ଗୁରୁତ୍ୱ

ଭୁବନେଶ୍ୱର: ରାଜ୍ୟରେ ଦୈନିକ ସଂକ୍ରମଣ ମାମଲା ୩ ହଜାର ଉପରେ ରହିଛି । ଜୁଲାଇ ମଧ୍ୟଭାଗ ସୁଦ୍ଧା ସଂକ୍ରମଣ ମାମଲା ଖସିବା ନେଇ ଆଶା ରଖିଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ । ସଂକ୍ରମଣ ରୋକିବାକୁ ସରକାର ୩ଗୋଟି ପିଲାର ନିର୍ଦ୍ଧାରଣ କରିଛନ୍ତି । ଟ୍ରିଟମେଣ୍ଟ ସହ ସର୍ଭିଲାନ୍ସ ଓ କଣ୍ଟାକ୍ଟ ଟ୍ରେସିଂକୁ ଗୁରୁତ୍ୱ ଦିଆ ଯାଉଥିବା କହିଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର ।

Covid Cases May Decline From Mid July Says Health Director

ଲକଡାଉନ ଆଂଶିକ କୋହଳ ହୋଇଛି । ‘ବି’ ବର୍ଗରେ ଖିବା ଜିଲ୍ଲା ଗୁଡ଼ିକରେ କଟକଣା କଡ଼ାକଡ଼ି କରାଯାଇଛି । ୧୦ ଜିଲ୍ଲାରେ କୋଭିଡ୍ ବ୍ୟାପୁଛି । ଏହାର କାରଣ ହେଲା ଭାଇରସକୁ ଯେଉଁ ପରିବେଶ ଦରକାର ତାହା ଏଠି ମିଳୁଛି । ତଥାପି ଆମ ପାଇଁ ଭଲ ଖବର ହେଉଛି ପୂର୍ବରୁ ‘ବି’ ବର୍ଗରେ ଥିବା ଜିଲ୍ଲା ମଧ୍ୟ ‘ଏ’କୁ ଯାଇଛନ୍ତି । ଜୀବନ ଓ ଜୀବିକାକୁ ଗୁରୁତ୍ୱ ଦେଇ ସରକାର କଟକଣା କୋହଳ କରିଛନ୍ତି । ସମସ୍ତେ ଗାଇଡଲାଇନ୍ ମାନିଲେ ସଂକ୍ରମଣ ନିଶ୍ଚିତ କମିବ ।

ଗର୍ଭବତୀ ମାନଙ୍କୁ ଟିକାକରଣ ପାଇଁ ନିର୍ଦ୍ଦେଶ ଆସିଛି ତାହା ଆରମ୍ଭ କରାଯିବ । ଅମାନିଆଙ୍କୁ ସ୍ୱାସ୍ଥ୍ୟ ବିଭାଗର ଅନୁରୋଧ ଗାଇଡଲାଇନ୍ ଉଲ୍ଲଂଘନ କରନ୍ତୁ ନାହିଁ । ଏବେ ୫୦୦ ରୋଗୀ ଭେଣ୍ଟିଲେଟରରେ ଥିବାବେଳେ ଆଇସିୟୁରେ ୨ ହଜାର ଆକ୍ରାନ୍ତ ଅଛି । ତେଣୁ ମୃତ୍ୟୁ ସଂଖ୍ୟା ଧିରେ ଧିରେ କମିବ ବୋଲି ଆଶା କରାଯାଉଛି ।

ଆସୁଛି ଆଉ ଏକ ନୂଆ ଭ୍ୟାକ୍ସିନ; ୧୨ ବର୍ଷରୁ ଅଧିକ ବୟସ୍କଙ୍କୁ ଦିଆଯାଇପାରିବ ଏହି ଟିକା

ନୂଆଦିଲ୍ଲୀ: କୋଭିଡ ମହାମାରୀ ବିରୋଧୀ ଲଢେଇରେ ଖୁବଶୀଘ୍ର ସାମିଲ ହେବାକୁ ଯାଉଛି ଆଉ ଏକ ନୂଆ ଭ୍ୟାକ୍ସିନ। ଜାଇଡସ୍ କାଡିଲାର ନୂଆ ଟିକାର ନାମ ଡିଏନଏ ଭ୍ୟାକ୍ସିନ (ZYCOV-D) ବୋଲି ଜଣାପଡିଛି। ଏହାର ଜରୁରୀକାଳୀନ ବ୍ୟବହାର ପାଇଁ ଖୁବଶୀଘ୍ର ଅନୁମତି ମିଳିବାକୁ ଯାଉଛି।

Delta Variant Can Infect Despite Covishield Covaxin Doses AIIMS Study

ଏବେକା ସମୟରେ ବ୍ୟବହାର ହେଉଥିବା ଭ୍ୟାକ୍ସିନ ଠାରୁ ଏହା ପୂରା ଅଲଗା। ୧୨ ବର୍ଷରୁ ଅଧିକ ବୟସ୍କଙ୍କୁ ଏହି ଟିକା ଦିଆଯାଇ ପାରିବ ବୋଲି କମ୍ପାନୀ ପକ୍ଷରୁ ଦାବି କରାଯାଇଛି। ଅନ୍ୟ ଭ୍ୟାକ୍ସିନ୍ ପକ୍ଷରୁ ଦୁଇ ଡୋଜ୍ ଦିଆଯାଉଥିବା ବେଳେ ଏହି ଭ୍ୟାକ୍ସିନ୍ ୩ଟି ଡୋଜ୍ ଦେବାକୁ ପଡିବ । ଏନେଇ କମ୍ପାନୀ ପକ୍ଷରୁ ଡିସିଜିଆଇକୁ ଆବେଦନ କରାଯାଇଛି ।

ଜୁଲାଇ ଶେଷ ଆଡକୁ ଏହି ଟିକାର ବ୍ୟବହାର ଆରମ୍ଭ ହେବା ସମ୍ଭାବନା ରହିଛି। ଟିକାର ତୃତୀୟ ପର୍ଯ୍ୟାୟ ଟ୍ରାଏଲ ସରିଥିବା ଜଣାପଡିଛି। ଦେଶରେ ବର୍ତ୍ତମାନ ସେରମର କୋଭିସିଲ୍ଡ, ଭାରତ ବାୟୋଟେକର କୋଭାକ୍ସିନ ଟିକା ଦିଆଯାଉଛି। ସ୍ପୁଟନିକ୍ ଭି ଓ ମଡର୍ଣ୍ଣା ଟିକାକୁ ଜରୁରୀକାଳୀନ ବ୍ୟବହାର ପାଇଁ ଅନୁମତି ମିଳିଛି।

କୂଳ ଖାଇ ଗାଁ ଆଡ଼କୁ ମାଡ଼ି ଆସୁଛି ସମୁଦ୍ର, ଭସାଇ ନେଉଛି ଘରଦ୍ୱାର

ବ୍ରହ୍ମପୁର: ମାଡ଼ି ଆସୁଛି ସମୁଦ୍ର । କୌଣସି ବର୍ଷା କି ବାତ୍ୟା ପ୍ରଭାବରେ ସମୁଦ୍ର କୂଲ ଲଂଘୁନି । ବରଂ ଅଚାନକ ସମୁଦ୍ରରେ ଉଚ୍ଚ ଜୁଆର ଆସି କୂଳ ଖାଇବାରେ ଲାଗିଛି । ସମୁଦ୍ରର ଲୁଣ ପାଣି ଗଞ୍ଜାମ ଜିଲ୍ଲା ଚିକିଟି ବ୍ଲକ ରାମେୟାପାଟଣା ଗାଁ ଭିତରକୁ ପଶିଛି । ସମୁଦ୍ର ପାଣି ମାଡ଼ରେ ଗାଁର ଅନେକ ଘର ସମୁଦ୍ରରେ ଲିନ ହୋଇଯାଇଛି ।

 Ramayapatna, The Worst Affected Village In The Sea Erosion

ଗାଁରେ ଥିବା ପକ୍କା ଘର ଠାରୁ ଆରମ୍ଭ କରି ପକ୍କା ଘର ନଷ୍ଟ ହେଉଥିବା ଦେଖିବାକୁ ମିଳିଛି । ସମୁଦ୍ରରେ ଉଚ ଜୁଆର ଢେଉ ଆସି କୂଳ ଖାଇବାରେ ଲାଗିଛି । ଫଳରେ ଗ୍ରାମବାସୀଙ୍କ ମଧ୍ୟରେ ଭୟର ବାତାବରଣ ଖେଳି ଯାଇଛି । ଲୋକ ମାନେ କୂଳରେ ଥିବା ଘର ଛାଡ଼ି ସୁରକ୍ଷିତ ସ୍ଥାନକୁ ଚାଲି ଯାଇଛନ୍ତି । ଏହିଭଳି ପ୍ରତିବର୍ଷ ଉଚ୍ଚ ଜୁଆର ଆସିବା ଫଳରେ ଅନେକ ଘରଦ୍ୱାର ଭାଙ୍ଗି ନଷ୍ଟ ହେଉଛି ।

ଆଜି ‘ଜାତୀୟ ଡାକ୍ତର ଦିବସ’; ସମ୍ବୋଧିତ କରିବେ ପ୍ରଧାନମନ୍ତ୍ରୀ ମୋଦି

ନୂଆଦିଲ୍ଲୀ: ଆଜି ହେଉଛି ଜାତୀୟ ଡାକ୍ତର ଦିବସ। ଭଗବାନଙ୍କର ଦ୍ୱିତୀୟ ଅବତାର ବୋଲାଉଥିବା ଡାକ୍ତରଙ୍କ ପ୍ରତି ସମ୍ମାନ ପ୍ରକଟ କରିବା ପାଇଁ ଜୁଲାଇ ମାସ ୧ ତାରିଖରେ ଜାତୀୟ ଡାକ୍ତର ଦିବସ ପାଳନ କରାଯାଇଥାଏ। ଏହି ଅବସରରେ ଆଜି ଦିନ ୩ଟାରେ ଦେଶର ଡାକ୍ତରମାନଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସମ୍ବୋଧିତ କରିବାର କାର୍ଯ୍ୟକ୍ରମ ରହିଛି ।

Yanam District Has Highest Corona Positivity Rate In India

ପ୍ରଧାନମନ୍ତ୍ରୀଙ୍କ ଅଭିଭାଷଣ ପରେ ଆଇଏମଏର ମୁଖ୍ୟାଳୟରେ ନୀତି ଆୟୋଗ ସଦସ୍ୟ ଡାକ୍ତର ବି.କେ ପଲ, କେନ୍ଦ୍ରୀୟ ସ୍ୱାସ୍ଥ୍ୟ ସଚିବ ରାଜେଶ ଭୂଷଣ, ଦିଲ୍ଲୀ ଏମ୍ସର ନିର୍ଦ୍ଦେଶକ ଡାକ୍ତର ରଣଦୀପ ଗୁଲେରିଆ, ଆଇଏମର ଅଧ୍ୟକ୍ଷ ଜେ.ଏ. ଜୟାଲାଲ ଓ ଡାକ୍ତର କେତନ ଦେଶାଇ ମୃତ ଡାକ୍ତର ମାନଙ୍କୁ ଶ୍ରଦ୍ଧାଞ୍ଜଳୀ ଦେବା ସହ ଦେଶର ଡାକ୍ତର ମାନଙ୍କୁ ସମ୍ବୋଧିତ କରିବେ।

କରୋନା ସମୟରେ ନିଜ ଜୀବନକୁ ଉତ୍ସର୍ଗ କରି ଅନବରତ ସେମାନେ କରି ଚାଲିଛନ୍ତି ରୋଗୀଙ୍କ ସେବା। ସାରା ଦେଶରେ କରୋନାର ଆତଙ୍କ ଚାଲିଥିବା ବେଳେ ଏମାନେ ଏଥିରେ ସମ୍ମୁଖ ଯୋଦ୍ଧା ଭାବେ ଛିଡ଼ା ହୋଇ ଅଦୃଶ୍ୟ ଭୂତାଣୁ ସହିତ ଲଢେଇ କରୁଛନ୍ତି। ପ୍ରତିଟି ଡାକ୍ତରଙ୍କ ସେବାକୁ ଦେଶବାସୀ ମଧ୍ୟ ସଲାମ କରୁଛନ୍ତି।

OPSC Recommends 786 Doctors Name For Appointment During Covid

ଉଲ୍ଲେଖଯୋଗ୍ୟ, ଦେଶରେ ଗତ ୨୪ ଘଣ୍ଟା ମଧ୍ୟରେ ୪୮ ହଜାର ୭୮୬ ସଂକ୍ରମିତ ଚିହ୍ନଟ ହୋଇଛନ୍ତି। ପ୍ରାୟ ୧୦୦୫ ଜଣଙ୍କ ଜୀବନ ନେଇଛି କରୋନା ଭାଇରସ୍। ୨୪ ଘଣ୍ଟାରେ ସୁସ୍ଥ ହୋଇଛନ୍ତି ୬୧ ହଜାର ୫୮୮ ଆକ୍ରାନ୍ତ । ଦେଶରେ ମୋଟ୍ କରୋନା ଆକ୍ରାନ୍ତଙ୍କ ସଂଖ୍ୟା ୩ କୋଟି ୦୪ ଲକ୍ଷ ୧୧ହଜାର ୬୩୪ ଥିବା ବେଳେ ମୋଟ୍ ସୁସ୍ଥ ହୋଇଛନ୍ତି ୨କୋଟି ୯୪ଲକ୍ଷ ୮୮ହଜାର ୯୧୮ । ଆକ୍ଟିଭ କେସ୍ ୫ ଲକ୍ଷ ୨୩ ହଜାର ୨୫୭ ଥିବା ବେଳେ ମୋଟ୍ କରୋନା ମୃତ୍ୟୁ ସଂଖ୍ୟା ୩ ଲକ୍ଷ ୯୯ ହଜାର ୪୫୯ରେ ପହଞ୍ଚିଛି ।

ଦିନକରେ ୪୮ ହଜାର ୭୮୬ ସଂକ୍ରମିତ ଚିହ୍ନଟ

ନୂଆଦିଲ୍ଲୀ: ଦେଶରେ ଗତ ୨୪ ଘଣ୍ଟା ମଧ୍ୟରେ ୪୮ ହଜାର ୭୮୬ ସଂକ୍ରମିତ ଚିହ୍ନଟ ହୋଇଛନ୍ତି। ପ୍ରାୟ ୧୦୦୫ ଜଣଙ୍କ ଜୀବନ ନେଇଛି କରୋନା ଭାଇରସ୍ । ୨୪ ଘଣ୍ଟାରେ ସୁସ୍ଥ ହୋଇଛନ୍ତି ୬୧ ହଜାର ୫୮୮ ଆକ୍ରାନ୍ତ । ଏନେଇ ସୂଚନା ଦେଇଛି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ।

ଦେଶରେ ମୋଟ୍ କରୋନା ଆକ୍ରାନ୍ତଙ୍କ ସଂଖ୍ୟା ୩ କୋଟି ୦୪ ଲକ୍ଷ ୧୧ହଜାର ୬୩୪ ଥିବା ବେଳେ ମୋଟ୍ ସୁସ୍ଥ ହୋଇଛନ୍ତି ୨କୋଟି ୯୪ଲକ୍ଷ ୮୮ହଜାର ୯୧୮ । ଆକ୍ଟିଭ କେସ୍ ୫ ଲକ୍ଷ ୨୩ ହଜାର ୨୫୭ ଥିବା ବେଳେ ମୋଟ୍ କରୋନା ମୃତ୍ୟୁ ସଂଖ୍ୟା ୩ ଲକ୍ଷ ୯୯ ହଜାର ୪୫୯ରେ ପହଞ୍ଚିଛି ।

ତେବେ ଦେଶରେ ମୋଟ୍ ଟିକାକରଣ ୩୩ କୋଟି ୫୭ ଲକ୍ଷ ୧୬ ହଜାର ୦୧୯ ରେ ପହଞ୍ଚିଛି ।

ୟୁରୋପୀୟ ରାଷ୍ଟ୍ରସଂଘକୁ ଭାରତର ଧମକ; ଟିକାକୁ ଅନୁମତି ନଦେଲେ କ୍ୱାରେଣ୍ଟାଇନ୍

ନୂଆଦିଲ୍ଲୀ: ୟୁରୋପୀୟ ରାଷ୍ଟ୍ରସଂଘକୁ ଭାରତ ପକ୍ଷରୁ ଏକପ୍ରକାର ଧମକ ଦିଆଯାଇଛି। ବିଦେଶରେ କୋଭିସିଲ୍ଡ ଓ କୋଭାକ୍ସିନ ଟିକାକୁ ଗ୍ରହଣ କରାନଗଲେ ଭାରତ ଆସୁଥିବା ନାଗରିକ ମାନଙ୍କୁ କ୍ୱାରେଣ୍ଟାଇନରେ ରହିବାକୁ ପଡିବ ବୋଲି କୁହାଯାଇଛି। ଭାରତରେ ତିଆରି ଟିକାକୁ ଗ୍ରହଣ କରିବା ଲାଗି ୟୁରୋପୀୟ ରାଷ୍ଟ୍ରସଂଘ ଅନିଚ୍ଛୁକ ଥିବା ବେଳେ, ଯେସାକୁ ତେସା ନୀତି ଆପଣାଇଛି ଭାରତ।

ସୂଚନା ଅନୁଯାୟୀ, ଭାକ୍ସିନେସନ ପାସପୋର୍ଟ କ୍ଷେତ୍ରରେ ଭାରତୀୟ ଟିକାକୁ ବ୍ୟବହାର କରିବା ଲାଗି ୟୁରୋପୀୟ ରାଷ୍ଟ୍ରସଂଘ ଚାହୁଁନାହାନ୍ତି। ଯାହାକୁ ନେଇ କ୍ଷୁବ୍ଧ ହୋଇଛି ଭାରତ । ବୈଦେଶିକ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ, ଯଦି ୟୁରୋପୀୟ ରାଷ୍ଟ୍ର ସଂଘ କୋଭାକ୍ସିନ ଓ କୋଭିସିଲ୍ଡ ଗ୍ରହଣ କରିବେ ନାହିଁ । ତେବେ ସେଠାରୁ ଭାରତ ଆସୁଥିବା ନାଗରିକଙ୍କ ଲାଗି କ୍ୱାରେଣ୍ଟାଇନ ବାଧ୍ୟତାମୂଳକ ହେବ। ଡିଜିଟାଲ କୋଭିଡ ସାର୍ଟିଫିକେଟରେ କୋଭିସିଲ୍ଡ ଓ କୋଭାକ୍ସିନ ନେଇ ନିଶ୍ଚିତ ସୂଚନା ରହିବା ଜରୁରୀ ବୋଲି ୟୁରୋପୀୟ ରାଷ୍ଟ୍ରସଂଘକୁ କହିଛି ଭାରତ ।

ତେବେ ୟୁରୋପିଆନ ମେଡିସିନସ ଏଜେନ୍ସ ଦ୍ୱାରା ମଞ୍ଜୁରୀପ୍ରାପ୍ତ ଟିକାକୁ ହିଁ ୟୁରୋପୀୟ ରାଷ୍ଟ୍ରସଂଘ ଗ୍ରହଣ କରୁଛି। ସେଗୁଡିକ ହେଲା ଫାଇଜର, ମଡର୍ଣ୍ଣା, ଆଷ୍ଟ୍ରାଜେନକା ଓ ଜନସନ। ମାତ୍ର ଆଷ୍ଟ୍ରାଜେନକାର ଭାରତୀୟ ଭର୍ସନ କୋଭିସିଲ୍ଡକୁ ୟୁରୋପୀୟ ରାଷ୍ଟ୍ରସଂଘ ପକ୍ଷରୁ ଅନୁମତି ଦିଆଯାଇନାହିଁ । ସେପଟେ ଭାରତ ସ୍ଥିତ ୟୁରୋପୀୟ ରାଷ୍ଟ୍ରସଂଘ ରାଷ୍ଟ୍ରଦୂତ ୟୁଗୋ ଅଷ୍ଟୁଟୋ କହିଛନ୍ତି, ଏନେଇ ପଦକ୍ଷେପ ନିଆଯିବ।

କୋଭିଡ୍ ନିୟମ ଉଲ୍ଲଂଘନ, ପୁଣି ସିଲ୍ ହେଲା ବିଶାଲ ମଲ୍

ଭୁବନେଶ୍ୱର: ରାଜ୍ୟରେ ସଂକ୍ରମଣ ହାର ଖସିଥିବା ବେଳେ ସରକାର କଟକଣାକୁ ସାମାନ୍ୟ କୋହଳ କରିଛନ୍ତି । ବି ବର୍ଗ ଜିଲ୍ଲାରେ ଦିନ ୨ଟା ଯାଏ ଦୋକାନବଜାର ଖୋଲିବାକୁ ଅନୁମତି ମିଳିଛି । ସପିଂ ମଲ୍ ଖୋଲିବା ପାଇଁ ଅନୁମତି ଦିଆଯାଇ ନାହିଁ । କିନ୍ତୁ ସବୁ କଟକଣାକୁ ବେଖାତିର୍ କରି ଆଇଡି ମାର୍କେଟରେ ଥିବା ବିଶାଲ ମଲ୍ ଖୋଲିଥିଲା । ବିଶାଲ୍ ମଲକୁ ବିଏମସିର ଏନଫୋର୍ସମେଣ୍ଟ ସ୍କ୍ୱାଡ୍ ସିଲ୍ କରିଛି । ପୂର୍ବରୁ ମଧ୍ୟ ବିଶାଲ୍ ମଲକୁ ସିଲ୍ କରିଥିଲା ବିଏମସି ।

ଏଥିସହ ପଢ଼ନ୍ତୁ: ମଧ୍ୟବିତ୍ତଙ୍କ ଉପରେ ପୁଣି ମହଙ୍ଗା ମାଡ଼, ତୈଳ ପରେ ବଢ଼ିଲା ଗ୍ୟାସ ଦାମ

ଅନ୍ୟପଟେ ଭୁବନେଶ୍ୱରରେ ଏନଫୋର୍ସମେଣ୍ଟକୁ ଅଧିକ କଡ଼ାକଡ଼ି କରିବ ବିଏମସି । ଏଥିପାଇଁ ଏନଫୋର୍ସମେଣ୍ଟ ସ୍କ୍ୱାଡ୍ ସଂଖ୍ୟା ବୃଦ୍ଧି କରାଯାଇଛି । ମାର୍କେଟ ବା ହାଟ ବଜାରକୁ ଯାନବାହନ ନେଇ ଯିବାକୁ ଅନୁମତି ଦିଆଯାଇନାହିଁ । ତଥାପି ଅଧିକାଂଶ ଲୋକ ଗାଡ଼ି ଧରି ମାର୍କେଟ୍ ଯାଉଛନ୍ତି । ଗାଇଡଲାଇନ୍ ଖିଲାପକାରୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନିଆଯିବ । ଅଧିକ ଜରିମାନା ଆଦାୟ ସହ ଯାନବାହନକୁ ଜବତ କରାଯିବ ବୋଲି କହିଛନ୍ତି ବିଏମସି ଅତିରିକ୍ତ କମିଶନର ଲକ୍ଷ୍ମୀକାନ୍ତ ସେଠୀ ।

ମଧ୍ୟବିତ୍ତଙ୍କ ଉପରେ ପୁଣି ମହଙ୍ଗା ମାଡ଼, ତୈଳ ପରେ ବଢ଼ିଲା ଗ୍ୟାସ ଦାମ

ନୂଆଦିଲ୍ଲୀ: ମଧ୍ୟବିତ୍ତଙ୍କ ଉପରେ ପୁଣି ମହଙ୍ଗା ମାଡ଼ । ଖାଇବା ତେଲ, ଡିଜେଲ୍ ଦର ବଢ଼ି ବଢ଼ି ଚାଲିଥିବା ବେଳେ ଆଜି ରନ୍ଧନ ଗ୍ୟାସ୍ ସିଲିଣ୍ଡରଦର ବଢ଼ିଛି । ଏଲପିଜି ସିଲିଣ୍ଡର ଦାମ ପିଛା ୨୫ ଟଙ୍କା ବୃଦ୍ଧି ପାଇଛି । ଏଥିସହ ରାଜଧାନୀ ଦିଲ୍ଲୀରେ ସିଲିଣ୍ଡର ଦାମ ୮୩୪ ଟଙ୍କାକୁ ବୃଦ୍ଧି ପାଇଥିବା ବେଳେ ମୁମ୍ବାଇରେ ଗ୍ୟାସ୍ ସିଲିଣ୍ଡର ପିଛା ଦର ୮୩୪ ଓ ଚେନ୍ନାଇରେ ୮୫୦ ଟଙ୍କା ରହିଛି ।

LPG Cylinder Became Costlier By Rs 25 From Today

ସେହିଭଳି ଦର ବୃଦ୍ଧି ପରେ କୋଲକାତା ଓ ଭୁବନେଶ୍ୱରରେ ସିଲିଣ୍ଡର ପିଛା ଦାମ ୮୬୧ ଟଙ୍କା ରହିଛି । ଏହା ପୂର୍ବରୁ ଦିଲ୍ଲୀରେ ଗ୍ୟାସ୍ ଦର ୮୦୯ ଟଙ୍କା ଥିଲା । ଏପ୍ରିଲରେ ସିଲିଣ୍ଡର ପିଛା ୧୦ ଟଙ୍କା ଶସ୍ତା ହୋଇଥିଲା । ଏହାପରେ ମେ ଓ ଜୁନ୍ ମାସରେ ଦର ଅପରିବର୍ତ୍ତିତ ରହିଥିବା ବେଳେ ଜୁଲାଇରେ ସିଲିଣ୍ଡର ପିଛା ୨୫ ଟଙ୍କା ବୃଦ୍ଧି ପାଇଛି ।

୬ ମାସରେ ବଢ଼ିଛି ୧୩୮ ଟଙ୍କା

ଚଳିତବର୍ଷ ଜାନୁଆରୀ ୧ରେ ଦିଲ୍ଲୀରେ ଗ୍ୟାସ୍ ସିଲିଣ୍ଡର ପିଛା ଦର ୬୯୪ ଟଙ୍କା ରହିଥିଲା । ଜୁଲାଇ ୧ରେ ଆଜି ଦର ୮୩୪ ଟଙ୍କା ରହିଛି । ଅର୍ଥାତ୍ ଚଳିତବର୍ଷ ୬ ମାସରେ ଗ୍ୟାସ୍ ଦର ୧୩୮ ଟଙ୍କା ବଢ଼ିଛି । ଦିଲ୍ଲୀରେ ୧୯ କେଜି ସିଲିଣ୍ଡର ଦାମ ୭୬ ଟଙ୍କା ୫୦ ପଇସା ବୃଦ୍ଧି ପାଇ ୧୫୫୦ ଟଙ୍କା ହୋଇଛି ।

ଏଟିଏମରୁ ଟଙ୍କା ଉଠାଣରୁ ନେଇ TDS ଯାଏଁ ଆଜିଠୁ କ’ଣ ସବୁ ବଦଳିବ, ଜାଣନ୍ତୁ…

ଭୁବନେଶ୍ୱର: ଆଜିଠୁ ଆରମ୍ଭ ହେଉଛି ନୂଆ ମାସ । ମାସର ପ୍ରଥମ ଦିନରେ ଅନେକ କିଛିରେ ପରିବର୍ତ୍ତନ ହୋଇଛି । ଆଉ ଯାହା ଆପଣଙ୍କ ଦୈନନ୍ଦିନ ଜୀବନ ଉପରେ ପ୍ରଭାବ ମଧ୍ୟ ପକାଇବ । ସେସବୁ ବିଷୟରେ ଜାଣିବା ନିହାତି ଆବଶ୍ୟକ । କାରଣ ବଦଳିଥିବା ନିୟମ ବିଷୟରେ ଜାଣିଲେ ହିଁ ଆପଣ ଠିକ୍ ସମୟରେ ସେ କାର୍ଯ୍ୟ କରିପାରିବେ ।

SBI ଏଟିଏମରୁ ଟଙ୍କା ଉଠାଇଲେ ଅଧିକ ଚାର୍ଜ

Withdrawl Money From SBI ATM To TDS These Rules Will Change From Today

ଦେଶର ବଡ଼ ବ୍ୟାଙ୍କ ଅର୍ଥାତ୍ ଭାରତୀୟ ଷ୍ଟେଟ ବ୍ୟାଙ୍କରେ ଆଜିଠୁ କିଛି ପରିବର୍ତ୍ତନ ହେଉଛି । ଯାହା ସିଧାସଳଖ ଆପଣଙ୍କ ପକେଟକୁ ବାଧିବ । ଯଦି ଆପଣ ଏସବିଆଇ ଏଟିଏମରୁ ମାସକରେ ୪ ଥରରୁ ଅଧିକ ଥର ଟଙ୍କା ଉଠାଉଛନ୍ତି ତ ଆପଣଙ୍କୁ ଅତିରିକ୍ତ ଚାର୍ଜ ଦେବାକୁ ପଡ଼ିବ । ୪ ଥର ଟଙ୍କା ଉଠାଣ ପରେ ପଞ୍ଚମ ଉଠାଣ ପରେ ପ୍ରତି ୱିଥଡ୍ରରେ ୧୫ ଟଙ୍କା ପ୍ଲସ ଜିଏସଟି ଦେବାକୁ ହେବ ।

SBI ଚେକବୁକର ନୂଆ ନିୟମ

Withdrawl Money From SBI ATM To TDS These Rules Will Change From Today

ଟଙ୍କା ଉଠାଣ ସହ ଏସବିଆଇ ଚେକବୁକ୍ ପାଇଁ ନିୟମ କରିଛି । ଏହି ନିୟମ ଅନୁସାରେ, ଆପଣ ଏସବିଆଇ ଚେକବୁକ୍ ବ୍ୟବହାର କରୁଥିଲେ ଅଧିକ ଟଙ୍କା ଦେବାକୁ ପଡ଼ିବ । ୧୦ଟି ଚେକ୍ ପାଇଁ ଗ୍ରାହକଙ୍କୁ ୪୦ ଟଙ୍କା ପ୍ଲସ ଜିଏସଟି ଦେବାକୁ ହେବ । ଏସବିଆଇର ବେସିକ୍ ସେଭିଂ ବ୍ୟାଙ୍କ ଡିପୋଜିଟ୍ ଆକାଉଣ୍ଟଧାରୀଙ୍କୁ ପ୍ରତିବର୍ଷ ୧୦ ପେଜ୍ ବିଶିଷ୍ଟ ଚେକବୁକ୍ ମାଗଣା ଦିଏ । ଏହା ବାଦ୍ ଯଦି ଆପଣ ୧୦ ପୃଷ୍ଠାର ଚେକବୁକ୍ ନେବେ ତ ୪୦ ଟଙ୍କା ପ୍ଲସ ଜିଏସଟି ଏବଂ ୨୫ ପୃଷ୍ଠାର ଚେକବୁକ୍ ପାଇଁ ୭୫ ଟଙ୍କା ପ୍ଲସ ଜିଏସଟି ଦେବାକୁ ହେବ । ଏଥିସହ ତତ୍କାଳ ୧୦ ପୃଷ୍ଠାର ଚେକବୁକ୍ ପାଇଁ ୫୦ ଟଙ୍କା ସହ ଜିଏସଟି ଲାଗିବ । ତେବେ ଏହି ନିୟମ ବରିଷ୍ଠ ନାଗରିକଙ୍କ କ୍ଷେତ୍ରରେ ଲାଗୁ ହେବ ନାହିଁ ।

ଆୟକର ରିଟର୍ଣ୍ଣ ନଦେଲେ ଅଧିକTDS

Withdrawl Money From SBI ATM To TDS These Rules Will Change From Today

ଆୟକର ରିଟର୍ଣ୍ଣ ଦାଖଲ କରୁନଥିଲେ ଅଧିକ ଟିଡିଏସ, ଟିସିଏସ୍ ଦେବାକୁ ପଡ଼ିବ । ବାର୍ଷିକ ୫୦ ହଜାର ଟଙ୍କାରୁ ଅଧିକ ଟିଡିଏସ୍ ଥିବା ବ୍ୟକ୍ତିଙ୍କ କ୍ଷେତ୍ରରେ ଏହା ଲାଗୁ ହେବ । ସେହିଭଳି ଆୟକର ଦାଖଲ ନକଲେ ଅଧିକ ଟିକସ ଦେବାକୁ ପଡ଼ିବ ।

ବଦଳିବ IFSC କୋଡ୍

Withdrawl Money From SBI ATM To TDS These Rules Will Change From Today

ଆଜିଠୁ ସିଣ୍ଡିକେଟ୍ ବ୍ୟାଙ୍କର IFSC କୋଡ୍ ବଦଳିବାକୁ ଯାଉଛି । ଗତବର୍ଷ ସିଣ୍ଡିକେଟ୍ ବ୍ୟାଙ୍କକୁ କାନାରା ବ୍ୟାଙ୍କ ସହ ମିଶ୍ରଣ କରାଯାଇଥିଲା । ତେଣୁ ସିଣ୍ଡିକେଟ୍ ବ୍ୟାଙ୍କର ଗ୍ରାହକଙ୍କୁ ଆଜିଠୁ କାନାରା ବ୍ୟାଙ୍କର IFSC କୋଡ୍ ମିଳିବ । ଆଜିଠୁ ସିଣ୍ଡିକେଟ୍ ବ୍ୟାଙ୍କର IFSC କୋଡ୍ ଅବୈଧ ହୋଇଯିବ ।

ବଦଳିପାରେ ଗ୍ୟାସ୍ ଦର

Withdrawl Money From SBI ATM To TDS These Rules Will Change From Today

ପ୍ରତିମାସର ପ୍ରଥମ ଦିନରେ କେନ୍ଦ୍ର ସରକାର ଏଲପିଜି ସିଲିଣ୍ଡର ଦର ଧାର୍ଯ୍ୟ କରନ୍ତି । ଗତମାସରେ ସରକାର ୧୯ କେଜି ବିଶିଷ୍ଟ କମର୍ସିଆଲ୍ ସିଲିଣ୍ଡର ଦର ୧୨୨ ଟଙ୍କା କମ୍ କରିଥିଲେ । ସେହିଭଳି ଏଥର ଗ୍ୟାସର ଦର ବଦଳିବା ନେଇ ଆକଳନ କରାଯାଉଛି । କାରଣ ଅଶୌଧିତ ତୈଳଦର ନିୟମିତ ଭାବେ ବଢ଼ି ଚାଲିଛି ।