ଭୁବନେଶ୍ୱର: ପଶ୍ଚିମବଙ୍ଗ ବିଧାନସଭା ନିର୍ବାଚନରେ ଶୋଚନୀୟ ପରାଜୟ ପରେ ହତାଶ ହୋଇଯାଇଛି ବିଜେପି। କର୍ଣ୍ଣାଟକ, ମଧ୍ୟପ୍ରଦେଶ ଓ ଉତ୍ତରପ୍ରଦେଶରେ ସାଂଗଠନିକ ସମସ୍ୟା ମଧ୍ୟ ବିଜେପିକୁ ବିଚଳିତ କରିଛି। ତେଣୁ ଏଭଳି ଅବସ୍ଥାରେ ରାଜ୍ୟ ବିଜେପି ନିଜ କର୍ମୀମାନଙ୍କୁ ମନଗଢ଼ା ବିବୃତି ଦେଇ ଉତ୍ସାହିତ କରିବାକୁ ଚେଷ୍ଟା କରୁଛି ବୋଲି ବିଜେଡି ମୁଖପାତ୍ର ଏଲିନା ଦାସ କହିଛନ୍ତି। ଓଡ଼ିଶାରେ ଅତି ହତାଶ ଅବସ୍ଥାରେ ଥିବା ବିଜେପି, ନିଜର କାର୍ଯ୍ୟକାରିଣୀ ବୈଠକରେ ମିଥ୍ୟା ବିବୃତି ଉପସ୍ଥାପନ କରିଥିଲା । ଯାହାକୁ ନେଇ ପ୍ରତିକ୍ରିୟା ପ୍ରକାଶ କରିଛି ବିଜେଡି । ଅନ୍ୟ ରାଜ୍ୟ ତୁଳନାରେ ଓଡ଼ିଶାରେ କୋଭିଡ ମୁକାବିଲା ସଫଳ ହୋଇଛି । ସ୍ଥିତି ଅନେକ ସୁଧୁରିଲାଣି । କେନ୍ଦ୍ର ମଧ୍ୟ ଅନେକ ଯୋଜନାରେ ସଫଳତା ପାଇଁ ପୁରୁସ୍କୃତ କରିଛି । ଏସବୁ ରାଜ୍ୟ ବିଜେପି ନେତା ଅବଗତ ନାହାନ୍ତି ବୋଲି ବିଜେଡି ମୁଖପାତ୍ର ଏଲିନା ଦାସ କହିଛନ୍ତି
୨ଡିଜି ଔଷଧର କର୍ମସିଆଲ୍ ଲଞ୍ଚ ପାଇଁ Dr. Reddysର ଘୋଷଣା
ନୂଆଦିଲ୍ଲୀ: ଡକ୍ଟର ରେଡିସ ଲାବରେଟୋରୀ ପକ୍ଷରୁ ପ୍ରସ୍ତୁତ କୋଭିଡ-୧୯ ଔଷଧ ୨-ଡିଜିର ବ୍ୟବସାୟିକ ଶୁଭାରମ୍ଭ ଘୋଷଣା କରାଯାଇଛି। କୋଭିଡର ଚିକିତ୍ସା ଲାଗି ପ୍ରତିରକ୍ଷା ଗବେଷଣା ଓ ବିକାଶ ସଂଗଠନ ବା ଡିଆରଡିଓ ସହାୟତା କରୁଥିବା ବେଳେ ଏହାର ଉତ୍ପାଦନ ଡକ୍ଟର ରେଡ୍ଡୀଙ୍କ ଦ୍ୱାରା କରାଯାଉଛି | କମ୍ପାନୀ ଏହାର ଟ୍ୱିଟରରେ ୨-ଡିଜିର ବ୍ୟବସାୟିକ ଲଞ୍ଚ ଘୋଷଣା କରିଛି।
ରେଡିସ ଲାବରେଟୋରୀ ଅନୁଯାୟୀ, ଜୁଲାଇ ପ୍ରାରମ୍ଭରେ କମ୍ପାନୀ ଏହି ଔଷଧକୁ ସରକାରୀ ଏବଂ ବେସରକାରୀ ଡାକ୍ତରଖାନା ଯୋଗାଇବ। ଏହାକୁ ବଜାରରେ 2-DGTM ଭାବରେ ବିକ୍ରି କରାଯିବ ବୋଲି ଜଣାପଡିଛି।
Dr. Reddy's announces the commercial launch of 2DG™. Know more: https://t.co/mrrKxbKxQ8#COVID19 #2DG #DrReddys pic.twitter.com/K8RozCVtNj
— Dr. Reddy’s Laboratories Ltd (@drreddys) June 28, 2021
ସୂଚନା ଅନୁଯାୟୀ, ପ୍ରଥମ ପର୍ଯ୍ୟାୟରେ ବିଭିନ୍ନ ମେଟ୍ରୋର ହସ୍ପିଟାଲ ଓ ଟାୟର ୱାନ ସିଟିରେ ଏହା ଉପଲବଧ ହେବ। ପରେ ଦେଶର ଅନ୍ୟାନ୍ୟ ଭାଗକୁ ଏହି ଔଷଧ ପଠାଯିବ । ଏହି ଔଷଧ କୋଭିଡର ମୁକାବିଲା ଲାଗି ସକ୍ଷମ ଏବଂ ଅକ୍ସିଜେନ ସମସ୍ୟା ଦୂର କରିବାରେ ବ୍ୟାପକ ସହାୟକ ହେବ। ଡକ୍ଟର ରେଡିସ ପକ୍ଷରୁ ଏହି ଔଷଧ ଦେଶର ପ୍ରମୁଖ ସରକାରୀ ତଥା ବେସକାରୀ ହସ୍ପିଟାଲକୁ ଯୋଗାଇବ।

ଅପରପକ୍ଷେ ସାଚେଟର ଦାମ ସର୍ବାଧିକ ୯୯୦ ଟଙ୍କା ରହିବ। ପ୍ରେସକ୍ରିପସନ ଅନୁସାରେ ଏହି ଔଷଧକୁ ଖିଆଯାଇପାରିବ। ଏହି ଔଷଧର ଜରୁରୀକାଳୀନ ବ୍ୟବହାର ଲାଗି ଗତ ମେ ୧ ତାରିଖରେ ଅନୁମତି ପ୍ରଦାନ କରାଯାଇଛି। ଅତି କମରୁ ଅଧିକ ସଂକ୍ରମିତ ରୋଗୀଙ୍କ ଲାଗି ୨଼଼ଡିଜି ଔଷଧ ମହୌଷଧି ପାଲଟିପାରେ।
କରୋନା ଟିକା ନେବା ପରେ ଦୃଷ୍ଟିହୀନ ଫେରି ପାଇଲେ ଦୃଷ୍ଟି ଶକ୍ତି
ମାଲକାନାଗିରି: କରୋନା ଟିକା ନେଇ ଅନେକ ଗୁଜବ ଆପଣ ମାନେ ଶୁଣିବାକୁ ପାଇଥିବେ। କରୋନା ଟିକା ନେଲେ ମୃତ୍ୟୁ ହେଉଛି, ଲୋକେ ଦୃଷ୍ଟିହୀନ ହୋଇଯାଉଛନ୍ତି ଏମିତି ଅନେକ କିଛି। ଯେଉଁଥିପାଇଁ ଲୋକେ ଟିକା ନେବାକୁ ଭୟ ମଧ୍ୟ କରୁଛନ୍ତି। ଦେଶରେ ଏମିତି ଅନେକ ଅଞ୍ଚଳ ରହିଛି ଯେଉଁଠି କେବଳ ଗୁଜବର ପ୍ରଚାର ପାଇଁ ଲୋକେ ଟିକା ନେବାକୁ ଭୟ କରୁଛନ୍ତି ଏବଂ ଟିକାକୁ ବାରଣ ମଧ୍ୟ କରିଛନ୍ତି। କିନ୍ତୁ ଆମେ ଆଜି ଆପଣକୁ ଏମିତି ଏକ ଘଟଣା ବିଷୟରେ କହିବୁ ଯାହା ଆପଣଙ୍କୁ ଚକିତ କରିଦେବ। ଆପଣ ବିଶ୍ୱାସ କରିବାକୁ ଚାହୁଁ ନଥିଲେ ମଧ୍ୟ ବିଶ୍ୱାସ କରିବାକୁ ବାଧ୍ୟ ହେବେ।
କରୋନା ଟିକା ଯାହା କରୋନାରୁ ବଞ୍ଚାଇବା ପାଇଁ ଏକମାତ୍ର ସଞ୍ଜୀବନୀ। ଟିକା ନେବା ପରେ ପାର୍ଶ୍ଵ ପ୍ରତିକ୍ରିୟା କଥା ଆପଣମାନେ ଶୁଣିଥିବେ। କିନ୍ତୁ ଟିକା ନେବା ପରେ ଦୃଷ୍ଟିଶକ୍ତି ଫେରି ଆସିବା କଥା ଶୁଣି ନଥିବେ। ଏପରିକି ଅପରେସନ ଆଉ ଆବଶ୍ୟକ ପଡ଼ିଲା ନାହିଁ। ଆପଣ ଥରେ ଭାବନ୍ତୁତ ଯଦି ଏହି ଟିକା, କରୋନାରୁ ବଞ୍ଚାଇବା ସହ ଗୋଟିଏ ଅନ୍ଧକୁ ମଧ୍ୟ ଭଲ କରିଦିଏ ତେବେ କଣ ହେବ। ଆପଣ ଭାବୁଥିବେ ଆମେ ଆପଣଙ୍କୁ ଏମିତି କଣା କାହିଁକି କହୁଛୁ। ହଁ ଦର୍ଶକ ବନ୍ଧୁ, ଏମିତି କହିବାର ଏକ ବିରାଟ କାରଣର ରହିଛି। ଯାହା ଶୁଣିବା ପରେ ଆପଣ ଚମକି ପଡ଼ିବେ। ଘଟଣାଟି ହେଉଛି କରୋନା ଟିକା ନେବା ପରେ ଜଣେ ବ୍ୟକ୍ତି ତାଙ୍କର ଦୃଷ୍ଟି ଶକ୍ତି ଫେରି ପାଇଛନ୍ତି। ୧୮ ବର୍ଷର ଦୃଷ୍ଟିହୀନ ରୋଗ କରୋନା ଟିକା ନେବା ପରେ ଭଲ ହୋଇଯାଇଛି। ଦର୍ଶକବନ୍ଧୁ ଏହା ଆପଣଙ୍କୁ ମିଛ ଲାଗୁଥାଇପାରେ। ଆମେ ଆପରଣଙ୍କୁ କହିଦେବାକୁ ଚାହୁଁଯେ ଏହା କୌଣସି ବାହାସ୍ପୋଟ ନୁହେଁ। ଏହା ଦୃଷ୍ଟିଶକ୍ତି ଫେରି ପାଇଥିବା ବ୍ୟକ୍ତିଙ୍କର ଗଭିର ବିଶ୍ୱାସ।
ଏମିତି ଘଟଣା ଦେଖିବାକୁ ମିଳିଛି ମାଲକାନଗିରି ଜିଲ୍ଲା କୁଡୁମୁଲୁଗୁମ୍ମା ଅଞ୍ଚଳରେ। ଜଣେ ଦୃଷ୍ଟିହୀନ ଫେରି ପାଇଛନ୍ତି ଦୃଷ୍ଟିଶକ୍ତି। ହୃଷୀକେଶ ସେଠୀ ନାମକ ଜଣେ ବ୍ୟକ୍ତି ୧୮ ବର୍ଷ ହେଲା ଦେଖି ପାରୁନଥିଲେ। ହାଇଦ୍ରାବାଦର ଘରୋଇ ଡକ୍ତରଖାନାରେ ଦେଖାଇବା ପରେ ଡାକ୍ତର ତାଙ୍କୁ ଅପରେସନ ପାଇଁ ପରାମର୍ଶ ଦେଇଥିଲେ। ନଚେତ ଆଖି ଭଲ ହେବନି ବୋଲି ଡାକ୍ତର ପରାମର୍ଶ ଦେଇଥିଲେ। ହୃଷୀକେଶଙ୍କ ପାଖରେ ଯାହା କିଛି ଥିଲା ବିକାବିକି କରି କେବଳ ବାମ ଆଖିର କିଛି ଚିକିତ୍ସା କରିଥିଲେ। ଡାହାଣ ଆଖି ପାଇଁ ଟଙ୍କା ଯୋଗାଡ଼ କରି ପାରିନଥିଲେ। ଯେଉଁଥିପାଇଁ ଦୀର୍ଘ ଦିନ ହେଲା ଆଖିରେ ଦେଖି ପାରୁନଥିଲେ। କେବଳ ଭାଗ୍ୟକୁ ଆଦରି ଓ ସରକାରଙ୍କୁ ଗୁହାରି କରି ଆସୁଥିଲେ ହୃଷୀକେଶ। କିନ୍ତୁ ଏବେ କରୋନାର ପ୍ରଥମ ଡୋଜ ଗତ ମଇ ୮ ତାରିଖରେ ନେବା ପରଠୁ ଧୀରେ ଧୀରେ ଆଖିରେ ଦେଖିବା ସମ୍ଭବ ହୋଇପାରିଛି। ଏଭଳି ଘଟଣା ବିରଳ। ସ୍ଥାନୀୟ ବାସିନ୍ଦା ଏଥିରେ ଆଶ୍ଚର୍ଯ୍ୟ ପ୍ରକଟ କରିଛନ୍ତି। ତେବେ ଘଟଣାରେ କୌଣସି ବୈଜ୍ଞାନିକ କାରଣ ଜଣାପଡ଼ିନାହିଁ। କୌଣସି ଡାକ୍ତରଙ୍କର ମଧ୍ୟ ପ୍ରତିକ୍ରିୟା ମିଳିପାରିନାହିଁ। ତେବେ ହୃଷୀକେଶଙ୍କର ଦାବି ଯେ, କରୋନା ଟିକା ନେବା ପରେ ତାଙ୍କର ଦୃଷ୍ଟି ଶକ୍ତି ଫେରିଆସିଛି।
୩ ଧାନ କମ୍ପାନୀ ମାଲିକଙ୍କ କେଳେଙ୍କାରୀ, କୋଟି କୋଟି ଟଙ୍କାର ଚାଉଳ ହଡ଼ପ ଅଭିଯୋଗ
ଭୁବନେଶ୍ୱର: ଦୁର୍ନୀତିଗ୍ରସ୍ତ ଅଧିକାରୀଙ୍କ ପରେ ଏବେ ସରକାରଙ୍କୁ ଚୂନ ଲଗାଇଛନ୍ତି ଖୋର୍ଦ୍ଧା ଜିଲ୍ଲାର ୩ ମିଲର। ସରକାରଙ୍କୁ ଚାଉଳ ନଦେଇ କୋଟି କୋଟି ଟଙ୍କା ହଡ଼ପ କରିଛନ୍ତି। ଯୋଗାଣ ନିଗମ ଅଧିକାରୀଙ୍କ ଅବହେଳା ଯୋଗୁ ମିଲରଙ୍କ ଉପରେ ଧାର୍ଯ୍ୟ ପ୍ରାୟ ୫ କୋଟି ଟଙ୍କା ଆଦାୟ ହୋଇପାରିନି। ନନ୍ଦିଘୋଷ ଟିଭିର ଅନୁସନ୍ଧାନରୁ ଜଣାପଡ଼ିଛି ସରକାରଙ୍କୁ ଅର୍ଥ ପ୍ରଦାନ କରିବାକୁ ଥିବା କେତେକ ମିଲର ଫେରାର ହୋଇଯାଇଛନ୍ତି। ସେମାନଙ୍କର ଟେର୍ ପାଉନାହାନ୍ତି ଜିଲ୍ଲା ଯୋଗାଣ ଅଧିକାରୀ। ନନ୍ଦିଘୋଷ ଟିଭିର ଏକ୍ସକ୍ଲୁସିଭ ରିପୋର୍ଟ।

ବାବୁଙ୍କ ପରେ ମିଲର। ସରକାରଙ୍କୁ ଚୂନ ଲଗାଇ ଛୁ। ଖୋର୍ଦ୍ଧା ଜିଲ୍ଲା ସାରୁଅର ମେସର୍ସ୍ କଳିଙ୍ଗ ଏଗ୍ରିକଲଚରାଲ୍ ପ୍ରାଇଭେଟ୍ ଲିମିଟେଡ୍। ୨୦୧୨-୧୩ ଖରିଫ ବର୍ଷରେ ଯୋଗାଣ ନିଗମକୁ ଚାଉଳ ହେରଫେର କରିବା ଘଟଣାରେ ୩ କୋଟି ୩ ଲକ୍ଷ ୨୧ ହଜାର ୨୮୨ ଟଙ୍କା ସରକାରଙ୍କୁ ଫେରସ୍ତ କରିବାକୁ ଧାର୍ଯ୍ୟ କରାଯାଇଥିଲା। ଖୋର୍ଦ୍ଧା ଜଙ୍କିଆର ମେସର୍ସ ବଜରଙ୍ଗୀ ଫୁଡ୍ ଇଣ୍ଡଷ୍ଟ୍ରିଜ୍ ଉପରେ ସେହିବର୍ଷ ପାଇଁ ୬୮ ଲକ୍ଷ ୭ ହଜାର ୬୨୬ ଟଙ୍କା ଫେରସ୍ତ ପାଇଁ ହୋଇଥିଲା ନିର୍ଦ୍ଦେଶ। ୨୦୧୩-୧୪ ଖରିଫ ବର୍ଷ ପାଇଁ ବେଗୁନିଆର ମେସର୍ସ ମା’ ମଙ୍ଗଳା ରାଇସ୍ ଆଣ୍ଡ୍ ଡାଲ ମିଲ ଠାରୁ କ୍ଷତିପୂରଣ ବାବଦରେ ଖୋର୍ଦ୍ଧା ଜିଲ୍ଲା ଯୋଗାଣ ଅଧିକାରୀ ୧ କୋଟି ୧୫ ଲକ୍ଷ ୨୦ ହଜାର ୭୫୨ ଟଙ୍କା ଧାର୍ଯ୍ୟ କରିଥିଲେ।

ଏସବୁ ମିଲରମାନଙ୍କଠାରୁ ଧାର୍ଯ୍ୟ ହୋଇଥିବା ଟଙ୍କା ଆଦାୟ ପାଇଁ ଜିଲ୍ଲା ଯୋଗାଣ ଅଧିକାରୀ ୨୦୧୯ ଅଗଷ୍ଟ ୧୬ ତାରିଖରେ ଯୋଗାଣ ନିଗମ ମହାପ୍ରବନ୍ଧକଙ୍କୁ ଚିଠି ଲେଖିଲେ। ମିଲରଙ୍କ ଭିତରୁ ମା ମଙ୍ଗଳା ରାଇସ୍ ଆଣ୍ଡ୍ ଡାଲ ମିଲ ସରକାରଙ୍କୁ କ୍ଷତିଭରଣା ବାବଦରେ ଓ୍ୱାନ୍ ଟାଇମ୍ ସେଟଲମେଣ୍ଟ୍ କରିବାକୁ ଗତବର୍ଷ ଜୁଲାଇ ୩୦ ତାରିଖରେ ନିବେଦନ କଲେ। ଯାହାର ମଞ୍ଜୁରୀ ପାଇଁ ଜିଲ୍ଲା ଯୋଗାଣ ଅଧିକାରୀ ନିଗମକୁ ପଠାଇଲେ। କିନ୍ତୁ ନନ୍ଦିଘୋଷ ଟିଭିର ଅନୁସନ୍ଧାନରୁ ଜଣାପଡ଼ିଛି ମା ମଙ୍ଗଳା ମିଲ କେବେଠାରୁ ବନ୍ଦ ହୋଇଯାଇଛି। କଳିଙ୍ଗ ଏଗ୍ରିକଲଚରାଲ୍ ପ୍ରାଇଭେଟ୍ ଲିମିଟେଡ୍ ମଧ୍ୟ ଅର୍ଦ୍ଧଭଗ୍ନ ଅବସ୍ଥାରେ ପଡି ରହିଛି। ସେହିପରି ଜଙ୍କିଆ ବଜରଙ୍ଗି ମିଲର ଅସ୍ତିତ୍ୱ ମିଳୁନାହିଁ।
ମିଲରମାନେ ସରକାରଙ୍କ କୋଟି କୋଟି ଟଙ୍କା ହଡ଼ପ କଲେ। ସେମାନଙ୍କ ଉପରେ କଣ କାର୍ଯ୍ୟାନୁଷ୍ଠାନ ନିଆଯାଇଛି ସେନେଇ ଜିଲ୍ଲା ଯୋଗାଣ ଅଧୀକାରୀଙ୍କୁ ପଚାରିବାରୁ କୋର୍ଟରେ ମକଦ୍ଦମା କରାଯାଇଥିବା କହି ଦୋଷ ଖସାଇଦେଇଛନ୍ତି। ଯୋଗାଣ ନିଗମ ପରିଚାଳନା ନିର୍ଦ୍ଦେଶକ ଏ ନେଇ ଅନୁଧ୍ୟାନ କରାଯିବ ବୋଲି କହିଛନ୍ତି।
ଫୋନ୍ ଚୋରି ହେବା ମାତ୍ରେ କରନ୍ତୁ ଏହି କାମ; ନଚେତ୍ ବ୍ୟାଙ୍କ ହୋଇପାରେ ଖାଲି
ନୂଆଦିଲ୍ଲୀ: ବର୍ତ୍ତମାନର ଡିଜିଟାଲ୍ ଯୁଗରେ ସବୁ ପର୍ସନାଲ୍ ଇନଫର୍ମେସନ୍ ସ୍ମାର୍ଟଫୋନରେ ରହିଛି । ଏଥିରେ ଅନଲାଇନ୍ ବ୍ୟାଙ୍କିଂ ଡିଟେଲସ୍ ଆଉ ମୋବାଇଲ୍ ୱାଲେଟ୍ ବି ସାମିଲ ରହିଛି। ଏଭଳି ସ୍ଥଳେ ଯଦି ଆପଣଙ୍କ ଫୋନ୍ ଚୋରି ହୋଇଯାଉଛି ତାହେଲେ ଆପଣଙ୍କ ବ୍ୟାଙ୍କ ଆକାଉଣ୍ଟ ଆସେସ୍ କରିବାକୁ ଲାଗିଥାଏ ଚୋର । ଯାହା ଫଳରେ ଆପଣଙ୍କ ଆକାଉଣ୍ଟ ଖାଲି ହୋଇଯିବାର ଆଶଙ୍କା ରହିଛି ।
ହେଲେ କିଛି ଏଭଳି ଟିପ୍ସ ଅଛି, ଯାହାକୁ ଆପଣାଇ ଆପଣ ନିଜ ଆକାଉଣ୍ଟରେ ଥିବା ସଞ୍ଚିତ ଅର୍ଥକୁ ବଞ୍ଚାଇ ପାରିବେ। ଜାଣନ୍ତୁ…
ଟେଲିକମ୍ ଅପରେଟରକୁ କଲ କରି ସିମ୍ ବ୍ଲକ୍ କରନ୍ତୁ-
ପ୍ରଥମେ ଟେଲିକମ୍ ଅପରେଟରଙ୍କୁ କଲ କରି ନିଜର ସିମ୍ କାର୍ଡକୁ ବ୍ଲକ୍ କରନ୍ତୁ । ଫଳରେ ଆପଣଙ୍କର ବ୍ୟକ୍ତିଗତ ସୂଚନା ଲିକ୍ ହେବ ନାହିଁ । ଏହା ପରେ ଆପଣ ସମାନ ମୋବାଇଲ୍ ନମ୍ବରରେ ଆଉ ଏକ ନୂଆ ସିମ୍ ନେଇପାରିବେ ।
ଇଣ୍ଟରନେଟ୍ ଏବଂ ମୋବାଇଲ୍ ବ୍ୟାଙ୍କିଂ ଆସେସ୍ ବ୍ଲକ୍ କରନ୍ତୁ
ମୋବାଇଲ୍ ଫୋନ୍ ଚୋରି ହେବା ମାତ୍ରେ ତୁରନ୍ତ ବ୍ୟାଙ୍କକୁ କଲ୍ କରି ଅନଲାଇନ୍ ବ୍ୟାଙ୍କିଂ ସେବା ବନ୍ଦ କରନ୍ତୁ । ଏହା ପରେ କେହି ଆସେସ୍ କରିପାରିବେ ନାହିଁ । କାରଣ OTP ସାହାଯ୍ୟରେ ସେମାନେ ଏହାକୁ ଆସେସ୍ କରିଥାନ୍ତେ ।
ବ୍ୟାଙ୍କ ଯାଇ ମୋବାଇଲ୍ ନମ୍ବର ବଦଳାନ୍ତୁ-
ଯଦି ଫୋନ୍ ନମ୍ବରକୁ ବ୍ଲକ୍ କରିବା ପରେ ମଧ୍ୟ ଆପଣ ଭାବୁଛନ୍ତି କିଛି ବିପଦ ଅଛି ବୋଲି ତାହେଲେ ଆପଣ ତୁରନ୍ତ ବ୍ୟାଙ୍କକୁ ଯାଇ ନିଜ ଫୋନ୍ ନମ୍ବର ବଦଳାଇ ପାରିବେ । ଏହା ପରେ ଆପଣ ନିଜର ସମସ୍ତ ପାସୱାର୍ଡକୁ ରିସେଟ୍ କରିପାରିବେ ।
ଆଧାର ସେଣ୍ଟର ଯାଇ ମୋବାଇଲ୍ ନମ୍ବର ବଦଳାନ୍ତୁ-
ନିକଟସ୍ଥ ଆଧାର କେନ୍ଦ୍ରକୁ ଯାଇ ତୁରନ୍ତ ମୋବାଇଲ୍ ନମ୍ବର ବଦଳାଇ ଦିଅନ୍ତୁ ।
ସବୁ ଅନଲାଇନ୍ ପେମେଣ୍ଟ ଆପକୁ ବନ୍ଦ କରନ୍ତୁ-
ପ୍ରଥମେ ହେଲ୍ପ ଡେସ୍କକୁ କଲ୍ କରି ଫୋନ୍ ପେ, ଗୁଗୁଲ୍ ପେ ଏବଂ ପେଟିଏମର ମୋବାଇଲ୍ ୱାଲେଟ୍ ବନ୍ଦ କରି ଦିଅନ୍ତୁ । ଯଦି ଆପଣ ଏହାକୁ ୱେବସାଇଟ୍ କିମ୍ବା ଅନ୍ୟ ଫୋନରୁ କରିବାକୁ ଚେଷ୍ଟା କରନ୍ତୁ ତାହେଲେ ଆପଣଙ୍କୁ OTP ଦେବାକୁ ପଡିବ । ସେଥିପାଇଁ ସବୁବେଳେ ହେଲ୍ପ ଡେସ୍କର ସାହାଯ୍ୟ ନିଅନ୍ତୁ ।
ସୋସିଆଲ ମିଡିଆ ଆକାଉଣ୍ଟକୁ ବନ୍ଦ କରନ୍ତୁ-
ଯଦି କେହି ସୋସିଆଲ ମିଡିଆ ଆକାଉଣ୍ଟର ଆସେସ୍ ପାଇଯାଏ ତାହେଲେ ସମସ୍ୟା ସୃଷ୍ଟି ହୋଇପାରେ । ତେଣୁ ଯଦି ଆପଣ ସୋସିଆଲ ମିଡିଆ ଆକାଉଣ୍ଟଗୁଡିକର ପାସୱାର୍ଡ ଜାଣିଛନ୍ତି ତେବେ ଏହାକୁ ତୁରନ୍ତ ବନ୍ଦ କରିଦିଅନ୍ତୁ । ଫଳରେ କେହି ଆଉ ଅପବ୍ୟବହାର କରିପାରିବେ ନାହିଁ ।
ପୂରଣ ହେବ ବ୍ରହ୍ମପୁର ବାସୀଙ୍କ ସ୍ୱପ୍ନ, ବଦଳିବ ସହରର ରୂପରେଖ
ବ୍ରହ୍ମପୁର: ବ୍ରହ୍ମପୁର ସହର ବାସୀଙ୍କ ସ୍ମାର୍ଟ ସିଟିର ସ୍ୱପ୍ନକୁ ପୂରଣ ଲାଗି ଅଣ୍ଟା ଭିଡିଛି ମହାନଗର ନିଗମ। ସହର ବାସୀଙ୍କ ଆବଶ୍ୟକତାକୁ ଦୃଷ୍ଟିରେ ରଖି ବ୍ରହ୍ମପୁର ମହାନଗର ନିଗମ ପକ୍ଷରୁ ବିଭିନ୍ନ ପ୍ରକଳ୍ପ ନିର୍ମାଣ ପାଇଁ ରୂପ ରେଖ ପ୍ରସ୍ତୁତ କରାଯାଇଛି। ଏନେଇ ଚଳିତ ବର୍ଷ ପାଖା ପାଖି ୪ସହ କୋଟି ଟଙ୍କା ର ବଜେଟ୍ ଉପରେ ମୋହର ବାଜିଛି। ଏଥର ବଜେଟ୍ ରେ ସହରର ସୌନ୍ଦର୍ଯ୍ୟର କାରଣ ସାଙ୍ଗକୁ ଜନ ସାଧାରଣଙ୍କ ମୌଳିକ ସୁବିଧାକୁ ଅଧିକ ଗୁରୁତ୍ୱ ଦିଆଯାଇଛି।
ସ୍ମାର୍ଟ ହେବ ରେଶମ ନଗରୀ ! ସହରର ବଦଳିବ ରୂପରେଖ ! ଅତିଶୀଘ୍ର ପୁରଣ ହେବ ବ୍ରହ୍ମପୁର ବାସୀଙ୍କ ସ୍ୱପ୍ନ। ବିଏମସି ପକ୍ଷରୁ ଆଗତ ହୋଇଥିବା ୩ସହ ୮୯ କୋଟି ଟଙ୍କାର ବଜେଟ୍ ଉପରେ ବାଜିଲା ମୋହର। ବ୍ରହ୍ମପୁର ସହରର ବାସୀଙ୍କ ଆବଶ୍ୟକତା କୁ ଦୃଷ୍ଟିରେ ରଖି ଚଳିତ ବର୍ଷ ବିଭିନ୍ନ ପ୍ରକଳ୍ପ ର ରୂପରେଖ ପ୍ରସ୍ତୁତ ହୋଇଥିବା ବେଳେ ଚଳିତ ବଜେଟ୍ ରେ ସ୍ଥାନିତ କରାଯାଇଛି। ସହରର ଅନ୍ୟତମ ଆକର୍ଷଣ ବେଢା ବନ୍ଧର ସୌନ୍ଦର୍ଯ୍ୟ କରଣ ଲାଗି ୫୦ କୋଟି ଟଙ୍କା ବ୍ୟୟ ଅଟକଳର ଲକ୍ଷ ରଖାଯାଇଛି। ସେହିପରି ଆଗୁଳା ବନ୍ଧର ସୌନ୍ଦର୍ଯ୍ୟ କରଣ ଲାଗି ୪ କୋଟି, ବଡ ବଜାର ପେଣ୍ଡିରିଗାଡି ମାର୍କେଟ କମ୍ପେକ୍ସ ଲାଗି ୨୫ କୋଟି, ସହର ମଧ୍ୟରେ ୨୦ ଟି ସ୍ମାର୍ଟ ରୋଡ ଲାଗି ୨୦ କୋଟି ,ଆମିଷ ଓ ନିରାମିଷ ସ୍ମାର୍ଟ ମାର୍କେଟ ପାଇଁ ୧୫ କୋଟି ଟଙ୍କା ବ୍ୟୟବରାଦ କରାଯାଇଛି। ବ୍ରହ୍ମପୁର ମହାନଗର ନିଗମ ରାଜ୍ୟ ସରକାର ଓ କେନ୍ଦ୍ର ସରକାରଙ୍କ ବିଭିନ୍ନ ଯୋଜନା ରେ ଏହି ପ୍ରକଳ୍ପକୁ ସ୍ଥାନିତ କରି ନିର୍ଦ୍ଧାରିତ ସମୟ ସୀମା ମଧ୍ୟରେ ସମସ୍ତ ପ୍ରକଳ୍ପକୁ ବାସ୍ତବ ରୂପରେଖ ଦେବା କୁ ଲକ୍ଷ୍ୟ ରଖାଯାଇଛି।
ବଜେଟରେ ସହରର ସୌନ୍ଦର୍ଯ୍ୟକରଣ ଓ ମୌଳିକ ସୁବିଧାକୁ ଗୁରୁତ୍ୱ ଦିଆ ଯାଇଛି। ମହାନଗରର ନିଗମର କମିସନର ଓ ବ୍ରହ୍ମପୁର ବିଧାୟକ ମିଳିତ ଭାବେ ବିଭିନ୍ନ ୱାର୍ଡବାସୀଙ୍କ ସହ ଆଲୋଚନା କରିବା ପରେ ଏହି ବଜେଟ୍ ପ୍ରସ୍ତୁତ କରାଯାଇଛି। ଏକ କୋଟି ଟଙ୍କା ବ୍ୟୟରେ ଦୁଇଟି ବାସ୍କେଟ ବଲ କୋର୍ଟ, ୱେଲକମ ଗେଟ ଲାଗି ୪ କୋଟି, କଲ୍ୟାଣ ମଣ୍ଡପ ଗୁଡିକୁ ସ୍ମାର୍ଟ କରିବାଲାଗି ୨ କୋଟି, ସାଇଁସ ପାର୍କ ଓ ପ୍ଲାନେଟୋରିୟମ ଲାଗି ୧.୫ କୋଟି ଟଙ୍କା ବ୍ୟୟ ବରାଦର ଲକ୍ଷ ରଖାଯାଇଛି। ଦୁଇଟି ସ୍ମାର୍ଟ ପାର୍କ ଓ ଓଭରବ୍ରିଜ ଗୁଡିକ ର ସୌନ୍ଦର୍ଯ୍ଯ କରଣକୁ ମଧ୍ୟ ଗୁରୁତ୍ୱ ଦିଆଯାଇଛି।
ଓଡ଼ିଶାକୁ ଆସିଲା ସ୍ପୁଟନିକ୍-ଭି ଟିକା, କୋୱିନ୍ ଆପ ମାଧ୍ୟମରେ କରିପାରିବେ ପଞ୍ଜିକରଣ
ଭୁବନେଶ୍ୱର: କରୋନା ସଂକ୍ରମଣକୁ ଦୃଷ୍ଟିରେ ରଖି ରାଜ୍ୟରେ ଟିକାକରଣକୁ ଯୋରଦାର କରିଛନ୍ତି ରାଜ୍ୟ ସରକାର। କାରଣ କରୋନାରୁ ବଞ୍ଚିବା ପାଇଁ କରୋନା ଟିକା ହେଉଛି ଏକମାତ୍ର ସଞ୍ଜୀବନୀ। ସେଥିପାଇଁ ସମସ୍ତଙ୍କୁ ନିଶ୍ଚିତ ଟିକା ନେବା ପାଇଁ ଅନୁରୋଧ କରାଯାଉଛି। ତେବେ ପୂର୍ବରୁ ଓଡ଼ିଶାରେ କେବଳ କୋଭିଶିଲ୍ଡ ଏବଂ କୋଭାକ୍ସିନ ଟିକା ମିଳୁଥିବା ବେଳେ ଏବେ ଆଉ ଏକ ଟିକା ସାମିିଲ ହୋଇଛି। ଓଡ଼ିଶାକୁ ଆସିଲା ସ୍ପୁଟନିକ୍ ଭି ଟିକା।

ସ୍ପୁଟନିକ୍ ଭି ଟିକାକୁ ଋଷ ଉତ୍ପାଦନ କରିଥିଲା। ଓଡ଼ିଶାର ଦୁଇଟି ଘରୋଇ ହସ୍ପିଟାଲରେ ଉପଲବ୍ଧ ହୋଇଛି ସ୍ଫୁଟନିକ-ଭି ଟିକା। କିନ୍ତୁ ଏହି ଟିକାକୁ ଏପର୍ଯ୍ୟନ୍ତ ରାଜ୍ୟ ସରକାର ମାଗଣା କରିନାହାନ୍ତି। ଏହି ଟିକା ବିନା ମୂଲ୍ୟରେ ମିଳିପାରିବ ନାହିଁ। ସ୍ଫୁଟନିକ-ଭି କରୋନା ଟିକାର ମୂଲ୍ୟ ୧୧୪୫ଟଙ୍କା ରହିଛି। କୋୱିନ୍ ଆପରେ ପଞ୍ଜିକରଣ କରି ଲୋକେ ଏହାକୁ ନେଇ ପାରିବେ। ଘରୋଇ ହସ୍ପିଟାଲ ସିଧାସଳଖ ଟିକା ଉତ୍ପାଦନ କମ୍ପାନୀ ଠାରୁ କିଣିବା ପାଇଁ ଅନୁମତି ମିଳିଛି।
ଜୁଲାଇ ୧ ପରେ ଖୋଲିବ ନା ପୁଣି ବନ୍ଦ ହେବ ରାଜ୍ୟ, ସବୁ ଜିଲ୍ଲାର ସ୍ଥିତିକୁ ନେଇ ଚାଲିଛି ବିଚାରବିମର୍ଶ
ଭୁବନେଶ୍ୱର: ଜୁଲାଇ ୧ରେ କଣ ହେବ ? ଲକ୍ଡାଉନ୍ କୋହଳ ହେବ ନା ବଳବତ୍ତର ରହିବ? ରାଜ୍ୟରେ କିଛି ଜିଲ୍ଲାରେ କ୍ରମାଗତ ସଂକ୍ରମଣ କମୁଥିବା ବେଳେ ଆଉ କିଛି ଜିଲ୍ଲାରେ ବଢୁଛି। ସଂକ୍ରମଣ ଟ୍ରେଣ୍ଡକୁ ଦେଖି ରାଜ୍ୟ ସରକାର ଲକ୍ଡାଉନ୍ ନେଇ ଚୂଡ଼ାନ୍ତ ନିଷ୍ପତ୍ତି ନେବେ ବୋଲି ଡିଏମ୍ଇଟି ନିର୍ଦ୍ଦେଶକ କହିଛନ୍ତି। ଲକ୍ଡାଉନ୍ ନିଷ୍ପତ୍ତି ନେବା ପୂର୍ବରୁ ପଜିଟିଭ ହାର, ଦୈନିକ ସଂକ୍ରମଣ, ଟିକାକରଣ, କରୋନା କଟକଣା କେତେ ମାନୁଛନ୍ତି ସେସବୁକୁ ବିଚାର କରିବେ ସରକାର। ସବୁ ଜିଲ୍ଲାର ସ୍ଥିତି ଅନୁଧ୍ୟାନ କରି ଜୁଲାଇ ମାସରେ ନୂଆ କଟକଣା ଜାରି କରାଯିବ।
ରାଜ୍ୟରେ ବର୍ତ୍ତମାନ କରୋନା ସଂକ୍ରମଣ ନିୟନ୍ତ୍ରଣ ସ୍ଥିତିରେ ଥିବା ବେଳେ ଖୋର୍ଦ୍ଧା, କଟକ, ପୁରୀ, ନୟାଗଡ଼ ଜିଲ୍ଲାରେ ପଜିଟିଭ ହାର ୫ପ୍ରତିଶତ ଉପରେ ରହୁଛି। ତେଣୁ ଏସବୁ ଜିଲ୍ଲାରେ ଜୁଲାଇ ୧ ପରେ କଣ ହେବ, ସେନେଇ ରାଜ୍ୟ ସରକାର ବିଚାରବିମର୍ଶ କରୁଛନ୍ତି। ରାଜ୍ୟରେ ମୋଟ୍ ୨୧ଟି ଜିଲ୍ଲା ଗ୍ରୀନ୍ ଜୋନରେ ଥିବା ବେଳେ ୪ଟି ଜିଲ୍ଲା ରେଡ୍ ଜୋନରେ ରହିଛି। ସେପଟେ କଟକଣା କୋହଳ କରି ମାସ୍କ ପିନ୍ଧିବା ନିୟମକୁ ଅଧିକ କଡ଼ାକଡି କରିବାକୁ ବିଶେଷଜ୍ଞ ପରାମର୍ଶ ଦେଇଛନ୍ତି।


