spot_img
Home Blog Page 5669

କରୋନାର ତୃତୀୟ ଲହର ନେଇ କିଛି ଏଭଳି କହିଲେ ବିଶେଷଜ୍ଞ

ଭୁବନେଶ୍ୱର: କରୋନାର ତୃତୀୟ ଲହର ବଡ଼ ଧରଣର ରୂପ ନେଇନପାରେ । ଭଲ ଇମ୍ୟୁନିଟି ଆସି ଯାଇଥିବ ଏବଂ ଭ୍ୟାକ୍ସିନେସନ ଡ୍ରାଇଭ ମଧ୍ୟ ଦ୍ରୁତ ଭାବେ ହେଉଛି । ତେଣୁ ବିଶେଷ ପ୍ରଭାବ ପଡିବ ନାହିଁ ବୋଲି ସ୍ୱାସ୍ଥ୍ୟ ବିଶେଷଜ୍ଞ ଡାକ୍ତର ନିରୋଜ ମିଶ୍ର କହିଛନ୍ତି । ଇତିହାସ ବି କହୁଛି ସ୍ପାନିଶ ଫ୍ଲୁ ସମୟରେ ଦ୍ୱିତୀୟ ଲହର ହିଁ ଅଧିକ କ୍ଷତି କରିଥିଲା । ମାତ୍ର ତୃତୀୟ ଓ ଚତୁର୍ଥ ଲହର ସେମିତି ବଡ଼ ଧରଣର ଆସିନଥିଲା । ଡେଲାଟା ପ୍ଲସ୍ ଭ୍ୟାରିଆଣ୍ଟରେ ଟିକା କାମ କରିବ କି ନାହିଁ, ଏପରି କିଛି ଚର୍ଚ୍ଚା କେବଳ ଆକଳନ । ତେବେ ସ୍ଫୁଟିନିକ-ଭି ଡେଲଟା ପ୍ଲସ୍ ଭ୍ୟାରିଆଣ୍ଟ ପାଇଁ ବୁଷ୍ଟର ଡୋଜ ହୋଇପାରେ ବୋଲି ସ୍ୱାସ୍ଥ୍ୟ ବିଶେଷଜ୍ଞ ଡାକ୍ତର ନିରୋଜ ମିଶ୍ର କହିଛନ୍ତି । ତୃତୀୟ ଲହରରେ ଶିଶୁମାନେ ଅଧିକ ଆକ୍ରାନ୍ତ ହେବେ କି ନାହିଁ, ସେ ନେଇ WHO ଓ ଏମ୍‌ସ ଭାରତରେ ଅନୁଧ୍ୟାନ କରିଛନ୍ତି । ଦିଲ୍ଲୀ ଅର୍ବାନ, ଦିଲ୍ଲୀ ରୁରାଲ, ଭୁବନେଶ୍ୱର, ଗୋରଖପୁର, ଅଗରତାଲା ଭଳି ୫ ଟି ସ୍ଥାନରେ ୧୦ ହଜାର ଲୋକଙ୍କୁ ନେଇ ଷ୍ଟଡି କରାଯାଇଥିଲା । ଯେଉଁଥିରୁ ଜଣାପଡ଼ିଛି ଯେ, ପିଲାମାନଙ୍କର ମଧ୍ୟ ଆଣ୍ଟିବଡି ବହୁତ ଉନ୍ନତି କରିଛି । ତେଣୁ ସେମାନେ ଅଧିକ ପ୍ରଭାବିତ ହେବାର ଆଶଙ୍କା ନାହିଁ । ଗ୍ରାମାଞ୍ଚଳ ଲୋକମାନଙ୍କର ମଧ୍ୟ ଆଣ୍ଟିବଡି ଡେଭଲପ ହୋଇଛି । ଯାହାଦ୍ୱାରା ଦ୍ୱିତୀୟ ଲହରରେ ଆକଳନଠୁ କମ କ୍ଷୟକ୍ଷତି ହେଲା । ଦୁଇଟି ଡୋଜ ନେବା ପରେ ବ୍ରେକ-ଥ୍ରୁ ଇନଫେକସନ ଅନୁଧ୍ୟାନ ପାଇଁ ବିଶେଷଜ୍ଞମାନଙ୍କୁ ନେଇ କମିଟି ଗଠନ କରାଯାଇଛି । ଭ୍ୟାକ୍ସିନ ନେବା ପରେ କେମିତି ଆଣ୍ଟିବଡି ଡେଭଲପ ହେଉଛି, ତାହା ଷ୍ଟଡି କରାଯିବ । ଦରକାର ପଡ଼ିଲେ ଗୋଟିଏ ବୁଷ୍ଟର ଡୋଜ ନେଇପାରିବେ । ସ୍ଫୁଟିନିକ-ଭି, ନୋଭାଭାକ୍ସ ବୁଷ୍ଟର ଡୋଜ ହିସାବରେ କାମ କରିବ । ଟିକା ନେବା ପରେ ଆଣ୍ଟିବଡି ଯାହାର କମ ରହୁଛି, ସେମାନଙ୍କୁ ବୁଷ୍ଟର ଡୋଜ ଦିଆଯିବ ବୋଲି ସ୍ୱାସ୍ଥ୍ୟ ବିଶେଷଜ୍ଞ ଡାକ୍ତର ନିରୋଜ ମିଶ୍ର କହିଛନ୍ତି ।

ଏଥିସହିତ ପଢ଼ନ୍ତୁ: କଣ୍ଠଶିଳ୍ପୀ ତପୁ ମିଶ୍ରଙ୍କୁ ରାଜ୍ୟ ସଂସ୍କୃତି ବଭାଗ ପକ୍ଷରୁ ୧ ଲକ୍ଷ ଟଙ୍କାର ସହାୟତା

କଣ୍ଠଶିଳ୍ପୀ ତପୁ ମିଶ୍ରଙ୍କୁ ରାଜ୍ୟ ସଂସ୍କୃତି ବଭାଗ ପକ୍ଷରୁ ୧ ଲକ୍ଷ ଟଙ୍କାର ସହାୟତା

ଭୁବନେଶ୍ୱର: ଲୋକପ୍ରିୟ କଣ୍ଠଶିଳ୍ପୀ ତପୁ ମିଶ୍ରଙ୍କୁ ରାଜ୍ୟ ସଂସ୍କୃତି ବିଭାଗ ସହାୟତା । ୧ ଲକ୍ଷ ଟଙ୍କା ଆର୍ଥିକ ସହାୟତା ଯୋଗାଇ ଦେଲା ରାଜ୍ୟ ସଂସ୍କୃତି ବିଭାଗ । ତପୁଙ୍କ ଚିକିତ୍ସା ନେଇ ରାଜ୍ୟ କଳାକାର ଓ୍ୱେଲଫେୟାର ଫଣ୍ଡ ପକ୍ଷରୁ ଏହି ସୟାହତା ଯୋଗାଇ ଦିଆଯାଇଛି ।

କରୋନାରୁ ସୁସ୍ଥ ପରେ ଏବେ ଫୁସଫୁସ ସଂକ୍ରମିତ ହୋଇ ଚିକିତ୍ସାଧୀନ ଅଛନ୍ତି ତପୁ । ଭୁବନେଶ୍ୱରର ସମ୍‌ ହସ୍‌ପିଟାଲରେ ସେ ଚିକିତ୍ସାଧୀନ ଅଛନ୍ତି । ମାତ୍ର ତାଙ୍କ ସ୍ୱାସ୍ଥ୍ୟବସ୍ଥାରେ ସୁଧାର ଆସୁନି । ସେପଟେ ତପୁଙ୍କ ଚିକିତ୍ସା ପାଇଁ ଆର୍ଥିକ ସହାୟତା ଦେବାକୁ ପରିବାର ଲୋକ ଅନୁରୋଧ କରିଛନ୍ତି । ଆଧୁନିକ ଓଡ଼ିଆ ସଂଗୀତ ଜଗତରେ ଜଣାଶୁଣା ନାଁ ତପୁ ମିଶ୍ର । ଦୀର୍ଘ ଦୁଇ ଦଶନ୍ଧି ଧରି ସେ ଓଡ଼ିଆ ଦର୍ଶକ ଓ ଶ୍ରୋତାଙ୍କୁ ଦେଇଛନ୍ତି ବହୁ ହିଟ୍‌ ଗୀତ । ତପୁଙ୍କ ଅସୁସ୍ଥତା ଖବର ଶୁଣି ଶୁଭେଛୁ ମାନେ ତପୁ ମିଶ୍ରଙ୍କ ଆଶୁ ଆରୋଗ୍ୟ କାମନା କରିଛନ୍ତି ।

ଜଣେ ଭର୍ସାଟାଇଲ ଫିମେଲ ପ୍ଲେ- ବ୍ୟାକ୍‌ ସିଙ୍ଗର ଭାବେ ସେ ହାତେଇଛନ୍ତି ବହୁ ପ୍ରଶଂସା । ଯେତେବେଳେ ମୁମ୍ବାଇ ଓ କୋଲକାତାରୁ ସିଙ୍ଗରମାନେ ଆସି ଓଡ଼ିଆ ଗୀତ ଗାଉଥିଲେ, ସେତେବେଳେ ତପୁ ଫିଲ୍ମ ଇଣ୍ଡଷ୍ଟ୍ରିରେ ରଖିଥିଲେ ପାଦ । ପନ୍ଦର ବର୍ଷ ହୋଇଥିବା ବେଳେ ତପୁ ଆରମ୍ଭ କରିଥିଲେ କ୍ୟାରିଅର୍‌ । କଭର ସଙ୍ଗ୍‌ ହେଉ ଅବା ଷ୍ଟୁଡିଓ ଭର୍ସନ ପ୍ରତିଟି ଗୀତକୁ ସେ ମନ ଦେଇ ଗାଇଥାନ୍ତି । ରଙ୍ଗବତୀ ଗୀତର ଗୁରୁ ପ୍ରଭୁଦତ୍ତ ପ୍ରଧାନ ଓ ଜ୍ଞାନ ରଞ୍ଜନ ମହାପାତ୍ରଙ୍କ ଠାରୁ କ୍ଲାସିକାଲ ଗୀତ ଶିକ୍ଷା କରିଛନ୍ତି ତପୁ ମିଶ୍ର । ଏହାପରେ ବିଶିଷ୍ଟ ଗୀତିକାର, ନିର୍ଦ୍ଦେଶକ ସ୍ୱରୂପ ନାୟକ ତାଙ୍କୁ ଓଲିଉଡ୍‌ରେ ବ୍ରେକ ଦେଇଥିଲେ ।

ତାଙ୍କ ସହିତ ସେ କୋଲକାତା ଯାଇ ଅନେକ ଡବିଂ କରିଛନ୍ତି । ଫିଲ୍ମ କୁଳନନ୍ଦନରେ ସେ ପ୍ରଥମ ଗୀତ ଗାଇଥିଲେ । ସେହିଠାରୁ ତାଙ୍କର କଣ୍ଠଶିଳ୍ପୀ ଜୀବନର ଜୟଯାତ୍ରା ଆଗକୁ ବଢ଼ିଚାଲିଛି । ତପୁ ମିଶ୍ରଙ୍କ ଅବସ୍ଥା ଗୁରୁତର ଥିବାରୁ ତାଙ୍କ ଫ୍ୟାନମାନେ ତାଙ୍କୁ ଆଶୁ ଆରୋଗ୍ୟ କାମନା କରିଛନ୍ତି । ଏଯୁଗର କୃଷ୍ଣ ସୁଦାମା, ମାତୃଶକ୍ତି, ଯେ ପାଞ୍ଚେ ପରମନ୍ଦ, ଆଇ ଲଭ୍‌ ୟୁ ଓ ଚକୋଲେଟ ଭଳି ବହୁ ଫିଲ୍ମରେ ସେ ହିଟ୍‌ ଗୀତ ଗାଇଛନ୍ତି । ଆଇ ଲଭ୍‌ ୟୁ ଫିଲ୍ମରେ ସେ ପାଇଥିଲେ ଢେରସାରା ପ୍ରଶଂସା । ଆରେ ନା.. ବଜାନା ବଂଶୀ, ଏହି ଗୀତ ତାଙ୍କୁ ଆଣିଦେଇଥିଲା ପ୍ଲେ-ବ୍ୟାକ୍‌ ସିଙ୍ଗରର ପ୍ରସିଦ୍ଧି । ସେ ସମ୍ବଲପୁରୀ ଭାଷାରେ ଅନେକ ଗୀତ ଗାଇଛନ୍ତି । କିଛି ଗୀତରେ ସେ ନିଜେ ନିର୍ଦ୍ଦେଶନା ବି ଦେଇଛନ୍ତି । ଚାରିଥର ରାଜ୍ୟ ପୁରସ୍କାର ପାଇଛନ୍ତି ତପୁ ମିଶ୍ର । ସମସ୍ତେ ତାଙ୍କ ଆଶୁ ଆରୋଗ୍ୟ କାମନା କରିଛନ୍ତି ।

ଏଥିସହିତ ପଢ଼ନ୍ତୁ: ଅଗଷ୍ଟ ଦ୍ୱିତୀୟ ସପ୍ତାହରେ ବାହାରିବ ଯୁକ୍ତ ୨ ପରୀକ୍ଷା ଫଳ

ଅଗଷ୍ଟ ଦ୍ୱିତୀୟ ସପ୍ତାହରେ ବାହାରିବ ଯୁକ୍ତ ୨ ପରୀକ୍ଷା ଫଳ

ଭୁବନେଶ୍ୱର:ଅଗଷ୍ଟ ଦ୍ବିତୀୟ ସପ୍ତାହରେ ବାହାରିବ ଯୁକ୍ତ ଦୁଇ ପରୀକ୍ଷା ଫଳ । ଏନେଇ ମୂଲ୍ୟାୟନ ଫର୍ମୁଲାକୁ ବିଧିବଦ୍ଧ ସ୍ୱୀକୃତି ମିଳିଛି । ଏକ୍ସପର୍ଟ କମିଟି ଦେଇଥିବା ପ୍ରସ୍ତାବ ଅନୁସାରେ ପରିଷଦ ମୂଲ୍ୟାୟନ କରିବ । ଦଶମ ଶ୍ରେଣୀ ବୋର୍ଡ ମାର୍କ ଆଧାରରେ ଥିଓରୀ ପେପରରେ ନମ୍ବର ମିଳିବ । ସେହିପରି ଏକ୍ସରେଗୁଲାର ପରୀକ୍ଷାର୍ଥୀଙ୍କୁ ଗତ ବର୍ଷ ପରୀକ୍ଷା ଅନୁସାରେ ମାର୍କ ମିଳିବ। ପ୍ରାକ୍ଟିକାଲ ପାଇଁ ହାଇସ୍କୁଲ ସ୍ତରର ମାର୍କିଂ ଆଧାରରେ ନମ୍ବର ମିଳିବ । ପରୀକ୍ଷା ଫଳରେ ସନ୍ତୁଷ୍ଟ ନହେଲେ ସ୍ଥିତି ଅନୁସାରେ ଆଉ ଥରେ ଅଫ୍‌ଲାଇନ୍‌ ମୋଡ୍‌ରେ ପରୀକ୍ଷା ଦେଇପାରିବେ । ଏକ୍ସପର୍ଟ କମିଟିର ମାର୍କିଂ ପଦ୍ଧତିକୁ ସିଏଚଏସଇ ଓ୍ୱେବସାଇଟ୍‌ରେ ଅପଲୋଡ୍ କରାଯିବ । ମୂଲ୍ୟାୟନରେ ସନୁଷ୍ଟ ନଥିବା ପିଲାଙ୍କୁ ପରୀକ୍ଷା ଦେବା ନେଇ ସ୍ୱତନ୍ତ୍ର ବ୍ୟବସ୍ଥା କରାଯିବ । ରାଜ୍ୟରେ କରୋନା ପ୍ରଭାବ ଯୋଗୁଁ ଛାତ୍ରଛାତ୍ରୀ, ଶିକ୍ଷକ, ଅଭିଭାବକଙ୍କ ସୁରକ୍ଷା ଦୃଷ୍ଟିରୁ ଯୁକ୍ତ ୨ ପରୀକ୍ଷାକୁ ବାତିଲ କରିଥିଲେ ରାଜ୍ୟ ସରକାର । ଏନେଇ ଗତ ୪ ତାରିଖରେ ଘୋଷଣା କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ସାରା ଦେଶରେ କୋଭିଡ ମହାମାରୀର ଦ୍ୱିତୀୟ ଲହର  ଏକ ଅଭାବନୀୟ ପରିସ୍ଥିତି ସୃଷ୍ଟି କରିଛି। ଏଥିରେ ସବୁଠାରୁ ଅଧିକ ପ୍ରଭାବିତ ହୋଇଛି ପିଲାମାନଙ୍କ ପାଠପଢା ଓ ଲୋକମାନଙ୍କର ଜୀବନଜୀବିକା। କିନ୍ତୁ ଏସବୁ ଠାରୁ ଉର୍ଦ୍ଧ୍ୱରେ ରହିଛି ମଣିଷ ଜୀବନର ସୁରକ୍ଷା ବୋଲି କହିଥିଲେ ମୁଖ୍ୟମନ୍ତ୍ରୀ ।

ପାର୍କିଂ ପାଇଁ ଉଚ୍ଛେଦକୁ ନେଇ ନୟାପଲ୍ଲୀରେ ପୋଲିସ ଓ ସାଧାରଣ ଜନତାଙ୍କ ମଧ୍ୟରେ ଧସ୍ତାଧସ୍ତି

ଭୁବନେଶ୍ୱର: ପାର୍କିଂ ପାଇଁ ଉଚ୍ଛେଦକୁ ନେଇ ଭୁବନେଶ୍ବରରେ ଉତ୍ତେଜନା। ନୟାପଲ୍ଲୀରେ ପୋଲିସ ଓ ସାଧାରଣ ଜନତାଙ୍କ ମଧ୍ୟରେ ଧସ୍ତାଧସ୍ତି ହୋଇଛି। ଭୁବନେଶ୍ୱର ଦ-ଓ୍ବାର୍ଲ୍ଡ ନିକଟରେ ଥିବା ପାର୍କିଂ ପାଇଁ ଉଛେଦକୁ ନେଇ ଜନସାଧାରଣଙ୍କ ମଧ୍ୟରେ ଅସନ୍ତୋଷ ଦେଖାଦେବା ସହ ବିରୋଧ କରିଛନ୍ତି। କଳିଙ୍ଗ ଷ୍ଟାଡିୟମ ୧ନମ୍ବର ଗେଟ ପାର୍ଶ୍ୱରେ ଥିବା ଶ୍ମଶାନ ଓ ପଡିଆକୁ ଷ୍ଟାଡିୟମ ଶହ ମିଶାଇକୁ ଅଡର ଆସିଥିବା ବେଳେ ଏଥିପାଇଁ ଉଚ୍ଛେଦ ହୋଇଥାନ୍ତା।

ଏ ନେଇ ଅଞ୍ଚଳ ବାସୀଙ୍କ ପକ୍ଷରୁ ଏକ ସ୍ମାରକ ପତ୍ର ରାଜ୍ୟ ସରକାରଙ୍କୁ ପ୍ରଦାନ କରାଯାଇଛି। ତେବେ ପୂର୍ବ ପୁରୁଷଙ୍କ ଶ୍ମଶାନ ଓ ପଡିଆକୁ କୌଣସି ପରିସ୍ଥିତିରେ ଛାଡ଼ିବୁ ନାହିଁ ବୋଲି ସ୍ଥାନୀୟ ବାସିନ୍ଦା ଚେତାବନୀ ଦେଇଛନ୍ତି।

ସାବରମତୀ ନଦୀରୁ ମିଳିଲା କରୋନା ଭାଇରସ୍

ଗାନ୍ଧିନଗର: କରୋନା ପଜିଟିଭ୍ ହେଲା ଗୁଜରାଟର ସାବରମତୀ ନଦୀ । ନଦୀ ଜଳ ସାମ୍ପୁଲରୁ ମିଳିଲା କରୋନା ଭୂତାଣୁ । ଧୀରେ ଧୀରେ ଦେଶରେ ସଂକ୍ରମିତଙ୍କ ସଂଖ୍ୟା ହ୍ରାସ ପାଉଥିବା ବେଳେ ସାମ୍ନାକୁ ଆସିଛି ଏଭଳି ଏକ ଚିନ୍ତାଜନକ ରିପୋର୍ଟ । ଗୁଜରାଟର ସାବରମତୀ ନଦୀ ଜଳରୁ ମିଳିଛି କରୋନା ଭୂତାଣୁ । ଗୁଜରାଟର ଅହମ୍ମଦାବାଦ ଦେଇ ପ୍ରବାହିତ ସାବରମତୀ ନଦୀର ସମସ୍ତ ସାମ୍ପୁଲ କରୋନା ପଜିଟିଭ୍ ଆସିଛି ।

ସାବରମତୀ ନଦୀ ସମେତ ଦୁଇଟି ବିରାଟ ପୋଖରୀ କାଙ୍କରିଆ ଓ ଚନ୍ଦୋଲା ପାଣି ସାମ୍ପୁଲରେ ମଧ୍ୟ କରୋନା ଭୂତାଣୁ ଥିବା ରିପୋର୍ଟ ଆସିଛି । ପୂର୍ବରୁ ଗଙ୍ଗାନଦୀର ବିଭିନ୍ନ ସିଓ୍ବେଜରେ କରୋନା ଭୂତାଣୁ ଚିହ୍ନଟ କରାଯାଇଥିଲା । ହେଲେ ଏବେ ପ୍ରାକୃତିକ ଜଳଉତ୍ସରେ କରୋନା ଭୂତାଣୁ ମିଳିବା ପରେ ଚିନ୍ତା ବଢ଼ିଯାଇଛି । ଆଇଆଇଟି ଗାନ୍ଧିନଗର ପକ୍ଷରୁ ସାବରମତୀ ନଦୀ ଜଳ ସାମ୍ପୁଲ ନିଆଯାଇଥିଲା । ପରୀକ୍ଷା କରାଯିବା ପରେ ଏଥିରେ କରୋନା ଭୂତାଣୁ ଥିବା ଜଣାପଡ଼ିଛି ବୋଲି ପ୍ରଫେସର ମନିଷ କୁମାର କହିଛନ୍ତି । ଅନୁସନ୍ଧାନ ବେଳେ ୨୫ ପ୍ରତିଶତ ଜଳ ନମୁନାରେ କରୋନା ଭାଇରସର ଉପସ୍ଥିତି ଚିହ୍ନଟ ହୋଇଛି, ଯାହା ଅତ୍ୟନ୍ତ ବିପଜ୍ଜନକ ବୋଲି ମଧ୍ୟ କୁହାଯାଇଛି।

ଏହି ଅନୁସନ୍ଧାନ ସମ୍ପର୍କରେ ଆଇଆଇଟି ଗାନ୍ଧିନଗରର ପୃଥିବୀ ଏବଂ ବିଜ୍ଞାନ ବିଭାଗର ପ୍ରଫେସର ମନୀଷ କୁମାର କହିଛନ୍ତି ଯେ, ଏହି ଜଳ ନମୁନାଗୁଡିକ ନଦୀରୁ ୩ ସେପ୍ଟେମ୍ବରରୁ ଡିସେମ୍ବର ୨୯, ୨୦୨୦ ପର୍ଯ୍ୟନ୍ତ ନିଆଯାଉଥିଲା। ନମୁନା ନେବା ପରେ ଏହାର ଯାଞ୍ଚ କରାଯାଇଥିଲା ଏବଂ ଏଥିରୁ କରୋନା ଭାଇରସ ମିଳିଛି । ମନୀଷ କୁମାରଙ୍କ ଅନୁଯାୟୀ ସାବରମତି ନଦୀରୁ ୬୯୪ଟି ନମୁନା, କାଙ୍କାରିଆ ପୋଖରୀରୁ ୫୪୯ଟି ଏବଂ ଚାନ୍ଦୋଲା ପୋଖରୀରୁ ୪୦୨ଟି ନମୁନା ପରୀକ୍ଷା କରାଯାଇଥିଲା । ଏହି ନମୁନାଗୁଡ଼ିକରୁ ହିଁ କରୋନା ଭାଇରସ ଚିହ୍ନଟ ହୋଇଛି ।

ଟୋକିଓ ଅଲିମ୍ପିକ ପାଇଁ ଭାରତୀୟ ହକି ଦଳରେ ୨ ଓଡ଼ିଆ

ଭୁବନେଶ୍ୱର: ଟୋକିଓ ଅଲିମ୍ପିକକୁ ଟିକେଟ୍। ଭାରତୀୟ ହକି ଦଳରେ ୨ ଓଡିଆ। ଡିଫେଣ୍ଡର ବିରେନ୍ଦ୍ର ଲାକ୍ରା ଓ ଅମିତ ରୋହି ଦାସଙ୍କୁ ଅଲିମ୍ପିକ୍ ଟିକେଟ୍। ହକି ଇଣ୍ଡିଆ ପକ୍ଷରୁ ୧୬ ଜଣିଆ ପୁରୁଷ ଟିମ୍ ଘୋଷଣା କରାଯାଇଛି। ୧୦ଜଣ ନୂଆ ମୁହାଁ ଥିବା ବେଳେ ବାକି ୬ଜଣ ଦଳରେ ବରିଷ୍ଠ ସଦସ୍ୟ ରହିଛନ୍ତି। ସ୍ପୋର୍ଟ୍ସ ଅଥରିଟି ଅଫ୍ ଇଣ୍ଡିଆ ବେଙ୍ଗାଳୁରୁରେ ଏବେ ଏମାନେ ଅଭ୍ୟାସ କରୁଛନ୍ତି। ୨୦୧୬ରେ ଆଣ୍ଠୁରେ ଆଘାତ ଯୋଗୁ ବୀରେନ୍ଦ୍ର ଲାକ୍ରା ବାଦ୍ ପଡିଥିଲେ। ଏଥର ତାଙ୍କୁ ସୁଯୋଗ ମିଳିଛି। ସେହିପରି ଟିମରେ ଅମିତ ରୋହିଦାସଙ୍କୁ ସାମିଲ କରାଯାଇଥିବା ହକି ଇଣ୍ଡିଆ କହିଛି। ଗତକାଲି ମହିଳା ହକି ଦଳରେ ଏକମାତ୍ର ଓଡିଆ ଖେଳାଳି ଦୀପଗ୍ରେସ୍ ଏକ୍କାଙ୍କୁ ଟିକେଟ୍ ମିଳିଛି। ଭାରତୀୟ ପୁରୁଷ ଦଳ ପୁଲ୍ ଏରେ ଥିବା ବେଳେ ଆର୍ଜେଣ୍ଟିନା, ଅଷ୍ଟ୍ରେଲିଆ, ନ୍ୟୁଜିଲାଣ୍ଡ ଓ ହୋଷ୍ଟ ଜାପାନ ସହ ଖେଳିବ। ଟୁର୍ଣ୍ଣାମେଣ୍ଟ ୨୩ ଜୁଲାଇରୁ ଆରମ୍ଭ ହୋଇ ୫ ଅଗଷ୍ଟ ଯାଏ ଚାଲିବ।

ଚଳିତ ବର୍ଷ ଅନଲାଇନରେ ହେବ ୟୁଜି, ପିଜି ଶେଷବର୍ଷ ଛାତ୍ରଛାତ୍ରୀଙ୍କ ପରୀକ୍ଷା

ଭୁବନେଶ୍ୱର: ଚଳିତ ବର୍ଷ ଅନଲାଇନରେ ହେବ ୟୁଜି, ପିଜି ଶେଷବର୍ଷ ଛାତ୍ରଛାତ୍ରୀଙ୍କ ପରୀକ୍ଷା । ଆଜି ସମସ୍ତ ବିଶ୍ବବିଦ୍ୟାଳୟର କୁଳପତିଙ୍କ ସହ ଭିସିରେ ଆଲୋଚନା ପରେ ସୂଚନା ଦେଇଛନ୍ତି ଉଚ୍ଚଶିକ୍ଷାମନ୍ତ୍ରୀ ଡକ୍ଟର ଅରୁଣ କୁମାର ସାହୁ । ମନ୍ତ୍ରୀ କହିଛନ୍ତି, ଅନଲାଇନ ପରୀକ୍ଷାର ରୂପରେଖ କିପରି ହେବ ଓ ତାରିଖ ଧାର୍ଯ୍ୟ ନେଇ ବିଶ୍ବବିଦ୍ୟାଳୟ କର୍ତ୍ତୃପକ୍ଷଙ୍କୁ ନିଷ୍ପତ୍ତି ନେବାକୁ ଦାୟିତ୍ବ ଦିଆଯାଇଛି । ଏପରିକି ବ୍ୟାକ୍ ପେପର ଥିବା ଛାତ୍ରଛାତ୍ରୀ ମାନେ ଜୁଲାଇ, ଅଗଷ୍ଟ ଭିତରେ ପରୀକ୍ଷା ଦେଇପାରିବେ । ଆସନ୍ତା ଅଗଷ୍ଟ ଶେଷ ସପ୍ତାହରୁ ସେପଟେମ୍ବର ମାସ ମଧ୍ୟରେ ପରୀକ୍ଷା ଫଳ ପ୍ରକାଶ ପାଇବ । କରୋନା ମହାମାରୀକୁ ଦୃଷ୍ଟିରେ ରଖି ଛାତ୍ରଛାତ୍ରୀଙ୍କ ଜୀବନ ସୁରକ୍ଷା ପାଇଁ ରାଜ୍ୟ ସରକାର ଏହି ନିଷ୍ପତ୍ତି ନେଇଥିବା ମନ୍ତ୍ରୀ ସୂଚନା ଦେଇଛନ୍ତି । ଅନ୍ୟ ସେମିଷ୍ଟର ସମ୍ପର୍କରେ ସରକାର ବିଚାର ଆଲୋଚନା କରି ପରବର୍ତ୍ତୀ ସମୟରେ ନିଷ୍ପତ୍ତି ନେବେ ବୋଲି ମନ୍ତ୍ରୀ କହିଛନ୍ତି ।

ନକଲି କରୋନା ମେଡିସିନ ଜବତ ଘଟଣା, ରାଜ୍ୟର ବିଭିନ୍ନ ଜିଲ୍ଲାକୁ ଲମ୍ବିଛି ଚେର

କଟକ: କଟକରୁ ନକଲି କରୋନା ମେଡିସିନ ଜବତ ଘଟଣାରେ କ୍ରାଇମବ୍ରାଞ୍ଚ ତଦନ୍ତ ଆରମ୍ଭ। ଶିବ ଜେନାଙ୍କ ସହ ଏକାଧିକ ବ୍ୟକ୍ତିଙ୍କ ସଂପୃକ୍ତି ଥିବା ଓ ଏହାର ଚେର ରାଜ୍ୟର ବିଭିନ୍ନ ଜିଲ୍ଲାକୁ ଲମ୍ବିଥିବା ନନ୍ଦିଘୋଷ ଟିଭି ହାତରେ ଲାଗିଛି ତଥ୍ୟ। କଟକ ସିଡିଏ- ୬ରେ ଥିବା ସ୍ୱାଗତ‌ ଏଣ୍ଟରପ୍ରାଇଜର୍ସ ମାଧ୍ୟମରେ ନକଲି ମେଡିସିନ କଟକ ସମେତ ରାଜ୍ୟର ବିଭିନ୍ନ ଜିଲ୍ଲାକୁ ଯୋଗାଣ ହେଉଥିଲା ।

ସେପଟେ ମେଡିସିନ ବିକ୍ରେତା ସଂଘ ଘଟଣାକୁ ନେଇ କଡ଼ା ଆଭିମୁଖ୍ୟ ନେଇଛି । ଓଡ଼ିଶାରେ ବିକ୍ରି ହେଉଥିବା ମେଡିସିନର ଆନାଲିଟିକାଲ ରିପୋର୍ଟ ତୁରନ୍ତ ଦେବାପାଇଁ ସମ୍ପୃକ୍ତ ସଂସ୍ଥାର କତ୍ତୃପକ୍ଷଙ୍କୁ ନିର୍ଦ୍ଦେଶ ଦିଆଯାଇଛି । ରିପୋର୍ଟ ନଦେଲେ ରାଜ୍ୟରେ ଏଣିକି ସେହି ମେଡିସିନ ବିକ୍ରି ହୋଇପାରିବନାହିଁ ବୋଲି ଚରମବାଣୀ ଶୁଣାଇଛି ସଂଘ ।

ଏଥି ସହିତ ନିମ୍ନମାନର ତଥା ନକଲି ମେଡିସିନ ବିକ୍ରି ପାଇଁ ଡାକ୍ତରମାନେ ମଧ୍ୟ ଦାୟୀ ବୋଲି ସଂଘ ଅଭିଯୋଗ କରିଛି । ତେବେ ଅଭିଯୋଗକୁ ଖଣ୍ଡନ କରିଛନ୍ତି ଡାକ୍ତର । ମେଡିସିନର ଗୁଣବତ୍ତା ସମ୍ପର୍କରେ ଜାଣିବାର କୌଶଳ ତାଙ୍କ ପାଖରେ ନାହିଁ । କମ୍ପାନୀ ପକ୍ଷରୁ ଏମଆର ମେଡିସିନର ଗୁଣ ସମ୍ପର୍କରେ ଜଣାଇଥାନ୍ତି । ସେହି ଅନୁଯାୟୀ ମେଡିସିନ ପରାମର୍ଶ ଦିଆଯାଏ । ଏବେ ତାଙ୍କୁ ଅନାଲିଟିକାଲ ରିପୋର୍ଟ ମଗାଯିବ ବୋଲି ଡାକ୍ତର କହିଛନ୍ତି ।

ମୁଖ୍ୟମନ୍ତ୍ରୀଙ୍କ କୋଭିଡ୍‌ ପ୍ୟାକେଜରେ ଲାଭବାନ ହେବେ ନିମ୍ନବର୍ଗର ଲୋକ

ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ୧୬୯୦ କୋଟି ଟଙ୍କାର କୋଭିଡ୍‌ ପ୍ୟାକେଜରେ ସମାଜର ସବୁଠାରୁ ନିମ୍ନବର୍ଗର ଲୋକଙ୍କ ଲାଭବାନ ହେବେ। ଏଥିରେ ଭୂମିହୀନ ଚାଷୀଙ୍କ ପାଇଁ ସହାୟତା ରାଶି ଦିଆଯାଇଛି। ସହରର ଗରିବଙ୍କ ପାଇଁ ବି କରାଯାଇଛି ବ୍ୟବସ୍ଥା। ବିଜେଡି ମୁଖ୍ୟାଳୟ ସାଧାରଣ ସମ୍ପାଦକ ସଞ୍ଜୟ ଦାସବର୍ମା କହିଛନ୍ତି, କୋଭିଡ ଯୋଗୁ ଅର୍ଥନୀତି ଭୁଶୁଡି ପଡ଼ିଥିବା ବେଳେ ଗ୍ରାମୀଣ ଅର୍ଥନୀତିକୁ ମନରେଗା ଜରିଆରେ ଜାରି ରଖିବାକୁ ପ୍ରୋତ୍ସାହନ ଦିଆଯାଇଛି।

SFSରେ ୫ କିଲୋଗ୍ରାମ ଚାଉଳ ପ୍ୟାକେଜ, ପଞ୍ଜୀକୃତ ନିର୍ମାଣ ଶ୍ରମିକଙ୍କ ପାଇଁ ସ୍ୱତନ୍ତ୍ର ୧୫୦୦ ଟଙ୍କା ବ୍ୟବସ୍ଥା ହୋଇଛି। SC- STଙ୍କ ପାଇଁ ସ୍ୱତନ୍ତ୍ର ପ୍ୟାକେଜ, ୫ହଜାର ଓ ଭିନ୍ନକ୍ଷମ ଛାତ୍ରଛାତ୍ରୀଙ୍କ ପାଇଁ ମଧ୍ୟ ଅଛି ପ୍ୟାକେଜ। ଯେଉଁ ବର୍ଗ ସାମିଲ ହୋଇଛନ୍ତି, ଏପରି କରିବାରେ ଭାରତବର୍ଷରେ ଓଡ଼ିଶା ପ୍ରଥମ ରାଜ୍ୟ। ଏହା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦୂରଦୃଷ୍ଟି ସଂପନ୍ନ ନିଷ୍ପତ୍ତି। କୋଭିଡ ସମୟରେ ଏହି ପ୍ୟାକେଜ ସମାଜର ସବୁ ତଳ ଵର୍ଗକୁ ପ୍ରୋତ୍ସାହନ ଦେବ। ଅନେକ ପ୍ରବାସୀ ଶ୍ରମିକ ଫେରିଛନ୍ତି, କିଛି ଅଛନ୍ତି। ସେମାନଙ୍କୁ ସରକାର ସହଯୋଗ ଦେଉଛନ୍ତି, ତା’ ବାଦ ମନ୍‌ରେଗାରେ ଅଧିକ ୫୦ ଟଙ୍କା ଯାହା ମୁଖ୍ୟମନ୍ତ୍ରୀ ଘୋଷଣା କରିଛନ୍ତି, ତାହା ଗ୍ରାମ୍ୟ ଅର୍ଥନୀତିକୁ ସୁଦୃଢ଼ କରିବ ବୋଲି ବିଜେଡି ମୁଖ୍ୟାଳୟ ସାଧାରଣ ସମ୍ପାଦକ ସଞ୍ଜୟ ଦାସବର୍ମା କହିଛନ୍ତି।

ବାରିପଦାରେ ନୂଆ ଅକ୍ସିଜେନ ପ୍ଲାଣ୍ଟର ଶିଳାନ୍ୟାସ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ

ବାରିପଦା: ଆଜି ଅପରାହ୍ନରେ ବାରିପଦାର ପଣ୍ଡିତ ରଘୁନାଥ ମୁର୍ମୁ ମେଡିକାଲ କଲେଜ ହସ୍ପିଟାଲ ପରିସରରେ ନୂତନ ଅକ୍ସିଜେନ ପ୍ଲାଣ୍ଟର ଶିଳାନ୍ୟାସ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଅକ୍ସିଜେନ ପ୍ଲାଣ୍ଟ ଶିଳାନ୍ୟାସ ହେବା ଫଳରେ ମୟୂରଭଞ୍ଜ ଜିଲ୍ଲା ସହ ଅନ୍ୟ ଜିଲ୍ଲାର ବିଭିନ୍ନ ହସ୍ପିଟାଲରେ ଚିକିତ୍ସିତ ହେଉଥିବା ରୋଗୀମାନେ ଆବଶ୍ୟକ ମୁତାବକ ଅକ୍ସିଜେନ ପାଇପାରିବେ। ଏଠାରେ ଦୁଇ ପ୍ରକାର ଅକ୍ସିଜେନ ସୁବିଧା ମିଳିପାରିବ।

ଆଜି ଅପରାହ୍ନ ୫ଟା ୩୦ ମିନିଟ ସମୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡିଓ କନଫରେନ୍ସ ମାଧ୍ୟମରେ ଏହାର ଶିଳାନ୍ୟାସ କରିବେ। ସେହିଭଳି ଆଜି ସନ୍ଧ୍ୟା ସାଢେ ପାଞ୍ଚଟା ସମୟରେ  ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିସି ମାଧ୍ୟମରେ ସୁନ୍ଦରଗଡ଼ ଜିଲ୍ଲାର ଏହିସଵୁ ପ୍ରକଳ୍ପର ଭିତ୍ତିପ୍ରସ୍ତର ଓ ଉଦଘାଟନ କରିବାର କାର୍ଯ୍ୟକ୍ରମ ରହିଛି। ସୁନ୍ଦରଗଡ଼ ହସ୍ପିଟାଲ ନିକଟରେ ଏହି କାର୍ଯ୍ୟକ୍ରମ ଅନୁଷ୍ଠିତ ହେବ।