spot_img
Home Blog Page 5724

ଜୁହି ଚାଓ୍ୱଲାଙ୍କ ଆବେଦନ ଖାରଜ କରି ୨୦ ଲକ୍ଷ ଟଙ୍କାର ଜୋରିମନା ଲଗାଇଲେ ଦିଲ୍ଲୀ ହାଇକୋର୍ଟ

ନୂଆଦିଲ୍ଲୀ:  ବଲିଉଡ ଅଭିନେତ୍ରୀ ଜୁହି ଚାଓ୍ୱଲାଙ୍କୁ ଦିଲ୍ଲୀ ହାଇକୋର୍ଟର ଝଟକା ।  ଅଭିନେତ୍ରୀ ଜୁହି ଚାୱଲାଙ୍କ ୫ଜି ନେଟୱାର୍କିଂ ବିରୋଧରେ ଦାଖଲ କରିଥିବା ଆବେଦନକୁ ଖାରଜ କରି ଦିଲ୍ଲୀ ହାଇକୋର୍ଟ ଅଭିଯୋଗକାରୀଙ୍କ ଉପରେ ୨୦ ଲକ୍ଷ ଟଙ୍କା ଜରିମାନା ଲଗାଇଛନ୍ତି । କୋର୍ଟ ଏହାକୁ ପ୍ରମାଣହୀନ ଆବେଦନ ବୋଲି କହିଛନ୍ତି । ସୂଚନାଯୋଗ୍ୟ  ଏହାପୂର୍ବରୁ ଶୁଣାଣି ସମୟରେ ଦିଲ୍ଲୀ ହାଇକୋର୍ଟର ଜଷ୍ଟିସ ଜେ.ଆର. ମିଡାଙ୍କ ଏକ ବେଞ୍ଚ ଜୁନ୍ ୨ରେ ଏହି ମାମଲାର ଶୁଣାଣି କରି ରାୟ ସଂରକ୍ଷିତ ରଖିଥିଲେ ।

 

 ବେଞ୍ଚ ପକ୍ଷରୁ କୁହାଯାଇଛି ଯେ ଜୁହି ଚାୱଲାଙ୍କ ଆବେଦନ ତ୍ରୁଟିପୂର୍ଣ୍ଣ ଏବଂ କେବଳ ଗଣମାଧ୍ୟମ ପ୍ରଚାର ପାଇଁ ଏହା ଦାଖଲ କରାଯାଇଛି। ଏହି ମାମଲାରେ ସରକାରଙ୍କ ନିକଟକୁ ଯିବା ପରିବର୍ତ୍ତେ ସେ କାହିଁକି କୋର୍ଟରେ ଆବେଦନ କରିଛନ୍ତି ବୋଲି ବେଞ୍ଚ୍‌ ଜୁହିଙ୍କୁ ମଧ୍ୟ ପଚାରିଥିଲେ। ଏହା  ସହିତ ଶୁକ୍ରବାର  ଶୁଣାଣି ବେଳେ ଦିଲ୍ଲୀ ହାଇକୋର୍ଟ ଅଭିନେତ୍ରୀ ଜୁହିଙ୍କ ୫ଜି ନେଟୱାର୍କିଙ୍ଗ ବିରୋଧରେ ଆବେଦନକୁ ଖାରଜ କରିଦେଇଛନ୍ତି। ଏଥିସହ ଜୁହି ଚାୱଲାଙ୍କୁ ବକେୟା କୋର୍ଟ ଫି ଜମା କରିବାକୁ ନିର୍ଦ୍ଦେଶ ଦିଆଯାଇଛି । ଜୁହି ମିଡିଆ ପ୍ଲାଟଫର୍ମରେ ଶୁଣାଣିର ଲିଙ୍କ୍ ଶେୟାର  କରିବାକୁ ନେଇ ମଧ୍ୟ କୋର୍ଟ ପ୍ରଶ୍ନ କରିଛନ୍ତି। କୋର୍ଟ କହିଛନ୍ତି ଯେ ଜୁହି ଚାୱଲା ପ୍ରକ୍ରିୟାର ଅପବ୍ୟବହାର କରିଛନ୍ତି।

ଶୁଣାଣି ସମୟରେ ବିଶୃଙ୍ଖଳା ସୃଷ୍ଟି କରୁଥିବା ବ୍ୟକ୍ତିଙ୍କୁ ଚିହ୍ନଟ କରିବା ଏବଂ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ କୋର୍ଟ ଦିଲ୍ଲୀ ପୋଲିସକୁ  ନିର୍ଦ୍ଦେଶ ଦେଇଛନ୍ତି।

ସୂଚନା ମୁତାବକ ଦେଶରେ ୫ଜି ବେତାର ନେଟୱାର୍କ ପ୍ରତିଷ୍ଠା ବିରୋଧରେ ଜୁହି ଚାୱଲା ମାମଲା ରୁଜୁ କରିଥିଲେ | ସୋମବାର ଦିଲ୍ଲୀ ହାଇକୋର୍ଟଙ୍କ ନିକଟକୁ ଯାଇ ନାଗରିକ, ପଶୁ, ଉଦ୍ଭିଦ ଏବଂ ଜୀବଜନ୍ତୁଙ୍କ ଉପରେ ୫ଜି ବେତାର ନେଟୱର୍କର ବିକିରଣ ଖରାପ ପ୍ରଭାବ ପକାଇବ ବୋଲି ଦର୍ଶାଇ ମାମଲା ରୁଜୁ କରିଥିଲେ ଜୁହି ଚାୱଲା । ଯାହାକୁ ନେଇ ଆଜି ଶୁଣାଣି କରିଛନ୍ତି ଦିଲ୍ଲୀ ହାଇକୋର୍ଟ ।

ଆଶା ସଞ୍ଚାର କଲେ ୨୦ ବର୍ଷର ଯୁବକ: ସମ୍ କୋଭିଡ ହସ୍ପିଟାଲରେ ଦୀର୍ଘ ଦିନ ଧରି ଭେଣ୍ଟିଲେଟରରେ ରହିବା ପରେ ସୁସ୍ଥ ହେଲେ

ଭୁବନେଶ୍ୱର: ମହାମାରୀର ମହାମୁକାବିଲାରେ ବିଜୟୀ ହୋଇଛନ୍ତି ୨୦ ବର୍ଷର ଯୁବକ । କରୋନା ମହାମାରୀ ଘାତକ ସତ ତେବେ ଏହାକୁ ପରାସ୍ତ କରିବା ଅସମ୍ଭବ ନୁହେଁ, ଏହି କଥାକୁ ପ୍ରମାଣିତ କରିଦେଖାଇଛନ୍ତି ମୁନିଗୁଡ଼ାର ପ୍ରତୀକ୍ଷ କାଦମ୍ୱାଲୁ । ସମ୍ କୋଭିଡ ହସ୍ପିଟାଲରେ କରୋନାକୁ ପରାସ୍ତ କରି ଘରକୁ ଫେରିଛନ୍ତି ପ୍ରତୀକ୍ଷ କାଦାମ୍ୱାଲୁ । ଦୀର୍ଘ ୧ ମାସ ଧରି ଏହି ଅଦୃଶ୍ୟ ଶତ୍ରୁ ସହିତ ଯୁଦ୍ଧ କରିବା ପରେ ଶେଷରେ କୋଭିଡକୁ ପରାଜୟ କରି ସୁସ୍ଥ ହୋଇ ଫେରିଛନ୍ତି ପ୍ରତୀକ୍ଷ । ରାୟଗଡ଼ାସ୍ଥିତ ମୁନିଗୁଡ଼ା ଅଞ୍ଚଳର ଯୁକ୍ତ ୩ ଶେଷ ବର୍ଷର ଛାତ୍ର ପ୍ରତୀକ୍ଷ କରୋନା ସଂକ୍ରମିତ ହୋଇ ଗତ ଏପ୍ରିଲ ୩୦ ତାରିଖ ଦିନ ସମ୍ କୋଭିଡ ହସ୍ପିଟାଲରେ ଭର୍ତ୍ତି ହୋଇଥିଲେ । ହସ୍ପିଟାଲରେ ଭର୍ତ୍ତି ହେବା ସମୟରେ ତାଙ୍କ ଅବସ୍ଥା ସଂକଟାପନ୍ନ ଥିଲା । ତାଙ୍କୁ ତୁରନ୍ତ ଆଇସିୟୁରେ ଭର୍ତ୍ତି କରାଯାଇ ଚିକିତ୍ସା ଆରମ୍ଭ କରାଯାଇଥିଲା । ସ୍ୱାସ୍ଥ୍ୟାବସ୍ଥା କ୍ରମଶଃ ବିଗିଡ଼ିବାରୁ ତାଙ୍କୁ ଭେଣ୍ଟିଲେଟରରେ ରଖାଯାଇଥିଲା ଏହା ସହ ତାଙ୍କର ଶରୀରରେ ଟ୍ରାକିଓଷ୍ଟୁମି ମଧ୍ୟ କରାଯାଇଥିଲା ।

ତେବେ ସମ୍‌ର ଡାକ୍ତର, ନର୍ସ ଏବଂ ସ୍ୱାସ୍ଥ୍ୟକର୍ମୀମାନେ ଅକ୍ଳାନ୍ତ ପରିଶ୍ରମ କରିଥିଲେ ତାଙ୍କୁ ସୁସ୍ଥ କରିବା ପାଇଁ । ସେମାନଙ୍କର ପରିଶ୍ରମ ସଫଳ ବି ହୋଇଥିଲା । ଧିରେ ଧିରେ ସୁସ୍ଥ ହୋଇଥିଲେ ପ୍ରତୀକ୍ଷ । ଭେଣ୍ଟିଲେଟରରୁ ବାହାରିବା ସହ କିଛି ଦିନ ମଧ୍ୟରେ ଆଇସିୟୁରୁ ମଧ୍ୟ ତାଙ୍କୁ ବାହାରକୁ ନିଆଯାଇ ଓ୍ୱାର୍ଡରେ ଚିକିତ୍ସା କରାଯାଇଥିଲା । ଧୀରେ ଧୀରେ ସୁସ୍ଥ ହେବା ସହ କୋଭିଡ ମୁକ୍ତ ହୋଇଥିଲେ ପ୍ରତୀକ୍ଷ । ଏହି ସମୟରେ ତାଙ୍କ ପରିବାର ସହ ନିୟମିତ ଯୋଗାଯୋଗରେ ଥିଲେ ସମ୍ କେଭିଡ ହସ୍ପିଟାଲ ହେଲ୍ପଡେସ୍କ । ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ଖବର ଦେବା ସହ ଭିଡିଓ କଲ୍ କରି ପ୍ରତୀକ୍ଷ କିଭଳି ଅଛନ୍ତି ସେ ଦୃଶ୍ୟ ମଧ୍ୟ ପରିବାରକୁ ଦେଖାଉଥିଲେ । ଦୀର୍ଘ ଏକ ମାସର ଚିକିତ୍ସା ଫଳରେ ସେ ଏବେ ସୁସ୍ଥ ହୋଇ ନିଜ ଘର ମୁନିଗୁଡ଼ା ଫେରିଯାଇଛନ୍ତି । ସମ୍ କେଭିଡ ହସ୍ପିଟାଲରେ ତାଙ୍କ ଚିକିତ୍ସା ପଦ୍ଧତିକୁ ନେଇ ଡାକ୍ତର, ନର୍ସ, ସ୍ୱାସ୍ଥ୍ୟକର୍ମୀଙ୍କୁ କୃତଜ୍ଞତା ଜଣାଇଛନ୍ତି ତାଙ୍କ ପରିବାରବର୍ଗ ।

କୋ-ଓ୍ୱିନ ନାମରେ ଦୃତ ଗତିରେ ବ୍ୟାପୁଛି ମାଲଓ୍ୱେର, ଡାଉନଲୋଡ କଲେ ଆକାଉଣ୍ଟ ହୋଇଯିବାର ଭୟ

ସାରା ଦେଶରେ ଜାରି ରହିଛି କୋଭିଡ ଭ୍ୟାକ୍ସିନର ଅଭାବ । ଆଉ ଏହା ହିଁ ଭ୍ୟାକ୍ସିନେସନରେ ବିଳମ୍ବର କାରଣ ସାଜିଛି । ଯାହାକୁ ନେଇ ଲୋକଙ୍କ ମଧ୍ୟରେ ତୀବ୍ର ଅସନ୍ତୋଷ ସୃଷ୍ଟି ହୋଇଛି । କିଭଳି ଯଥାଶୀଘ୍ର ଭ୍ୟାକ୍ସିନ ମିଳିବ ତାହାକୁ ନେଇ ଲୋକଙ୍କ ମଧ୍ୟରେ ବ୍ୟଗ୍ରତା ଦେଖାଦେଇଛି । ଅନ୍ୟପଟେ ଏହାର ଫାଇଦା ଉଠାଉଛନ୍ତି ସ୍କାମର୍ସ ।

ଭ୍ୟାକ୍ସିନ୍‌ସ୍ଲଟ୍‌ବୁକ୍‌କରିବା ପାଇଁ କୋ-ଓ୍ୱିନ୍‌ପ୍ଲାଟଫର୍ମକୁ ଯିବାକୁ ପଡ଼େ । ଏବେ ଏହି ପ୍ଲାଟଫର୍ମ ସ୍କାମର୍ସଙ୍କୁ ଲୋକଙ୍କ ସହିତ ସ୍କାମ୍‌କରିବା ପାଇଁ ଏକ ସୁଯୋଗ ଦେଇଛି । ଯାହାର ଦୁରପଯୋଗ କରୁଛନ୍ତି ସ୍କାମର୍ସ । ଏହାକୁ ବ୍ୟବହାର କରି ସ୍କାମର୍ସ ଆଣ୍ଡରଏଡ୍‌ମାଲଓ୍ୱେରର ବ୍ୟାପକ ପ୍ରସାର କରୁଛନ୍ତି, ଯାହା ଲୋକଙ୍କ ପାଇଁ ଖୁବ୍‌କ୍ଷତିକାରକ ହୋଇପାରେ। ଅର୍ଥାତ୍‌ଯଦି ଆପଣ ସ୍କାମର୍ସଙ୍କ ସ୍କାମର ଶୀକାର ହେଉଛନ୍ତି ତେବେ ଆପଣଙ୍କ ଆକାଉଣ୍ଟ ପୂରା ଖାଲି ହୋଇପାରେ ।


ତେବେ କ’ଣ ଏହି ମାଲଓ୍ୱେର?
ମାଲଓ୍ୱେର ହେଉଛି ଏକ ହାନିକାରକ କମ୍ପ୍ୟୁଟର ପ୍ରୋଗ୍ରାମ । ଏହା ନିଜର କପି କ୍ରିଏଟ୍‌କରି ଅନ୍ୟ କମ୍ପ୍ୟୁଟର, ସର୍ଭର, କ୍ଲାଏଣ୍ଟ ଏବଂ କମ୍ପ୍ୟୁଟର ନେଟଓ୍ୱର୍କକୁ ଡ୍ୟାମେଜ୍‌କରିଥାଏ ।

ତେବେ ସ୍କାମର୍ସ କିଭଳି ଏହାକୁ ବ୍ୟବହାର କରନ୍ତି ?
ଏହା ମାଧ୍ୟମରେ ଲୋକଙ୍କୁ ଏକ ମେସେଜ୍‌ପଠାଯାଏ । ଏଥିରେ ଫ୍ରି କରୋନା ଭ୍ୟାକ୍ସିନେସନ ସ୍ଲଟ୍‌ ବୁକ୍‌କରିବା ପାଇଁ କୁହାଯାଏ । SMS ସହିତ ପଠାଯାଏ ଏକ ଲିଙ୍କ୍‌। ଯାହା ଆଣ୍ଡରଏଡ ମାଲଓ୍ୱେରର ଲିଙ୍କ୍‌। ଲିଙ୍କ୍‌ଉପରେ କ୍ଲିକ କରିବା ମାତ୍ରେ ସେହି ବ୍ୟକ୍ତିଙ୍କ ମୋବାଇଲ ଫୋନରେ ମାଲଓ୍ୱେର ଇନଷ୍ଟଲ ହୋଇଯାଏ । ଏହି ମାଲଓ୍ୱେର ୟୁଜର୍ସଙ୍କ ଫୋନରୁ କଣ୍ଟାକ୍ଟ ଓ SMS ସହିତ ଅନ୍ୟ ଡିଟେଲ୍ସର ଆକ୍ସେସ ମାଗେ । ସାଇବର ସିକ୍ୟୁରିଟି ଫର୍ମ ESET Lukas Stefankoର ମାଲଓ୍ୱେରର ରିସର୍ଚରଙ୍କ କହିବା ହେଉଛି ଏହି ମାଲଓ୍ୱେର ଚଳିତ ବର୍ଷ ଅପ୍ରେଲ ମାସରେ ଆରମ୍ଭ ହୋଇଥିଲା ଏବଂ ଏହା ଲଗାତାର ସକ୍ରିୟ ରହିଛି ।

ମାଲଓ୍ୱେରକୁ covid 19 vaccine, covid 19 vaccine registration ଏବଂ Vaccine Registration ଭଳି ଅନେକ ନାମ ଦିଆଯାଇଛି । ତେବେ SMS ପଠାଉଥିବା ଫେକ୍‌କୋ-ଓ୍ୱିନ୍‌ଭ୍ୟାକ୍ସିନ ରେଜିଷ୍ଟ୍ରେସନ ଆପ୍‌ଠାରୁ ସାବଧାନ ରହିବା ପାଇଁ କହିଛି Indian Computer Emergency Response Team ।

ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଏହି ଆପ୍‌, SMS ଜରିଆରେ ଆପେ ଆପେ ଅନ୍ୟ କଣ୍ଟାକ୍ଟ ସହିତ ବ୍ୟାପିଯାଏ । ଏହାପରେ ଲୋକଙ୍କ ବ୍ୟକ୍ତିଗତ ତଥ୍ୟ ନେଇ ଆର୍ଥିକ ଫ୍ରଡ୍‌କରିପାରେ । ତେଣୁ ଏହାକୁ ନେଇ ୟୁଜର୍ସ ସାବଧାନ ରହିବା ନିହାତି ଜରୁରୀ ।

ଦ୍ୱାଦଶ ଶ୍ରେଣୀ ପିଲାଙ୍କୁ ମିଳିବନି ଟିକା

ନୂଆଦିଲ୍ଲୀ: ଦିଲ୍ଲୀ ହାଇକୋର୍ଟରେ ପହଞ୍ଚିଲା ଦ୍ୱାଦଶ ଶ୍ରେଣୀ ପିଲାଙ୍କୁ ଟିକା ଦେବା ମାମଲା । ଏହି ମାମଲାରେ ଶୁକ୍ରବାର କେନ୍ଦ୍ର ସରକାର ହାଇକୋର୍ଟରେ ଦାଖଲ ହୋଇଥିବା ସତ୍ୟପାଠରେ କହିଛନ୍ତିଯେ, ଭାରତ ବାୟୋଟେକକୁ ଡ୍ରଗ୍ସ କଣ୍ଟ୍ରୋଲର ଜେନେରାଲ ଅଫ୍‌ଇଣ୍ଡିଆ ବା ଡିସିଜିଆଇ ୧୨ ମଇକୁ ସୁସ୍ଥ ଦ୍ୱାଦଶ ଶ୍ରେଣୀ ପିଲାଙ୍କୁ ଟିକା ଦେବାପାଇଁ ଅନୁମତି ଦେଇଛନ୍ତି । ତେଣୁ ଏବେ ଦ୍ୱାଦଶ ଶ୍ରେଣୀ ପିଲାଙ୍କୁ ଭ୍ୟାକ୍ସିନ୍‌ଦିଆଯାଇପାରିବ ନାହିଁ ।

ଯେପର୍ଯ୍ୟନ୍ତ ଭ୍ୟାକ୍ସିନର ସଫଳ ପରୀକ୍ଷଣ ସରିନାହିଁ ସେପର୍ଯ୍ୟନ୍ତ ଭ୍ୟାକ୍ସିନ୍‌ଦିଆଯାଇପାରିବ ନାହିଁ ବୋଲି କହିଛନ୍ତି କେନ୍ଦ୍ର ସରକାର । କେନ୍ଦ୍ର ସରକାର ଏହା ମଧ୍ୟ କହିଛନ୍ତିଯେ, ଭ୍ୟାକ୍ସିନ କମ୍ପାନୀ ନିକଟରେ ଏବେ ଜରୁରୀକାଳୀନ ପରିସ୍ଥିତିରେ ଭ୍ୟାକ୍ସିନ୍‌ଦେବାପାଇଁ ଅନୁମତି ରହିଛି, କିନ୍ତୁ ଛୋଟ ପିଲାଙ୍କ କ୍ଷେତ୍ରରେ କ୍ଲିନିକାଲ ଟ୍ରାଏଲ ପୂରା ହୋଇନାହିଁ ।

 

ସୂଚନାଯୋଗ୍ୟ ଦିଲ୍ଲୀ ହାଇକୋର୍ଟରେ ଜଣେ ଛାତ୍ର ଏକ ଆବେଦନପତ୍ର ଦାଖଲ କରିଥିଲେ । ଯେଉଁଥିରେ ଦ୍ୱାଦଶ ଶ୍ରେଣୀ ପିଲାଙ୍କୁ ଭ୍ୟାକ୍ସିନ୍‌ଦେବା କଥା ଉଲ୍ଲେଖ ଥିଲା । ହାଇକୋର୍ଟ ଏହି ଆବେଦନରେ ନୋଟିସ ଜାରି କରି କେନ୍ଦ୍ର ସରକାରଙ୍କୁ ଜବାବ ମାଗିଥିଲେ ।
ନିକଟରେ କରୋନା ସମୟରେ ଅନାଥ ହୋଇଥିବା ପିଲାଙ୍କୁ ନେଇ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଶୁଣାଇଛନ୍ତି ଦିଲ୍ଲୀ ହାଇକୋର୍ଟ । ଏହି ପିଲାଙ୍କ ପାଇଁ ୨୪ ଘଣ୍ଟା ସେଲ୍ଟର ହୋମ୍‌ଖୋଲିବା ପାଇଁ ଆଦେଶ ଦେଇଛନ୍ତି କୋର୍ଟ । ଯେଉଁଠାରେ ସେମାନଙ୍କୁ ସମସ୍ତ ପ୍ରକାରର ସୁବିଧା ମିଳିବ ।

ଇମ୍ଫା ଖଣି କର୍ତ୍ତୃପକ୍ଷଙ୍କ ଅବହେଳା ଯୋଗୁଁ ଚାଲିଗଲା ଶ୍ରମିକଙ୍କ ଜୀବନ: ବେସାହାରା ହୋଇଗଲା ପୂରା ପରିବାର

ଯାଜପୁର ରୋଡ: ଇମ୍ଫା ଖଣି କତ୍ତୃପକ୍ଷଙ୍କ ଅବହେଳା ଯୋଗୁଁ ଚାଲିଗଲା ଶ୍ରମିକଙ୍କ ଜୀବନ । ଘରର ଏକମାତ୍ର ରୋଜଗାରିଆ ପୁଅକୁ ହରାଇ ବେସାହାରା ପୂରା ପରିବାର । ନ୍ୟାୟ ପାଇଁ ଏବେ ଆଇନର ଦ୍ବାରସ୍ଥ ହୋଇଛନ୍ତି ମୃତ ଶ୍ରମିକଙ୍କ ପତ୍ନୀ । ଏଭଳି ଘଟଣା ନଜରକୁ ଆସିଛି ଯାଜପୁର ସୁକିନ୍ଦା ଖଣି ଅଞ୍ଚଳରେ । କାଳିଆପାଣି ସ୍ଥିତ ଇମ୍ଫା କ୍ରୋମାଇଟ୍ ଖଣିରେ ମେ’ ୨୩ ତାରିଖ ଦିନ ଦୁର୍ଘଟଣା ଘଟି ଜଣେ ଶ୍ରମିକଙ୍କ ଜୀବନ ଚାଲିଯାଇଛି । ଏନେଇ ଥାନାରେ ମୃତକଙ୍କ ପତ୍ନୀ ଏତଲା ଦେଇଛନ୍ତି । ସେପଟେ ଏବାବଦରେ ମୁହଁ ଖୋଲୁନାହାନ୍ତି ଇମ୍ଫା କର୍ତ୍ତୃପକ୍ଷ ।

ଇମ୍ଫା ପାଇଁ ଉଜୁଡ଼ିଗଲା ମୋ ସଂସାର । ଅନାଥ ହୋଇଗଲେ ମୋ ପିଲା । କତ୍ତୃପକ୍ଷଙ୍କ ଅବହେଳା ଯୋଗୁଁ ଚାଲିଗଲା ମୋ ସ୍ବାମୀଙ୍କ ଜୀବନ । ଏଥିପାଇଁ ଇମ୍ଫା ମାଲିକ ଓ ମ୍ୟାନେଜର ହିଁ ଦାୟୀ । କୋହୋ ଭରା କଣ୍ଠରେ ବୁକୁ ଫଟା କାନ୍ଦ କାନ୍ଦି ଏଭଳି କହୁଛନ୍ତି ମହିଳା ଜଣକ । କାରଣ ଇମ୍ଫା ଖଣି କମ୍ପାନୀ କର୍ତ୍ତୃପକ୍ଷ ଅବହେଳା ପାଇଁ ତାଙ୍କ ସ୍ବାମୀଙ୍କ ଜୀବନ ଚାଲିଯାଇଛି । ଆଉ ରୋଜଗାରିଆ ପୁଅକୁ ହରାଇ ପୂରା ପରିବାର ବେସାହାରା ହୋଇଯାଇଛି । ଏଭଳି ଦୁଃଖର କଳା ବାଦଲ ଘୋଟି ଯାଇଛି ଯାଜପୁର ଜିଲ୍ଲା ସୁକିନ୍ଦା ଖଣି ଅଞ୍ଚଳ କୁସୁମୁଣ୍ଡିଆ ଗାଁର ମୀନତି ଲୋହାରଙ୍କ ପରିବାରରେ । ସ୍ବାମୀ ମୁନା ଲୋହାର ଇମ୍ଫା କ୍ରସର ୟୁନିଟି ଦୁର୍ଘଟଣାରେ ପ୍ରାଣ ହରାଇଛନ୍ତି । ଆଉ ନ୍ୟାୟ ଆଶାରେ ଥାନାର ଦ୍ବାରସ୍ଥ ହୋଇଛନ୍ତି ପରିବାର ।

ମେ’ ୨୩ ତାରିଖରେ ସୁକିନ୍ଦା ସ୍ଥିତ କାଳିଆପାଣି ଇମ୍ଫା କ୍ରୋମାଇଟ୍ ଖଣିରେ ମୁନା ଲୋହାର କ୍ରସର ୟୁନିଟ୍‌ରେ କାମ କରୁଥିବା ସମୟରେ ଦୁର୍ଘଟଣା ଘଟିଥିଲା । ବକେଟ୍ ହାପର ଖସିପଡ଼ିବା ଯୋଗୁଁ ମୁନା କ୍ରସର ୟୁନିଟ୍ ଚାପି ହୋଇ ମୃତ୍ୟୁବରଣ କରିଛନ୍ତି । କ୍ରସର ୟୁନିଟ୍ ଖରାପ ଥିବା ସତ୍ତ୍ବେ ଖଣି କର୍ତ୍ତୃପକ୍ଷ ମୁନାଙ୍କୁ କ୍ରସରରେ କାମ କରିବାକୁ କହିଥିଲେ । ଯାହା ଫଳରେ ମୁନାଙ୍କର ମୃତ୍ୟୁ ହୋଇଛି ବୋଲି ଅଭିଯୋଗ କରିଛନ୍ତି ପରିବାରବର୍ଗ । ତେବେ କ୍ରସର ୟୁନିଟି ଯଦି ଖରାପ ଥିଲା କେମିତି ଏତେ ବେପରୁଆ ହୋଇଗଲେ ଇମ୍ଫା ଖଣି କତ୍ତୃପକ୍ଷ । କାହିଁକି ମୁନା ଲୋହାରଙ୍କ ଜୀବନକୁ ବିପଦ ଭିତରକୁ ଠେଲି ଦେଲେ । ଖଣି କତ୍ତୃପକ୍ଷ ଜାଣିଶୁଣି ଏହି କାମ କରିନାହାଁନ୍ତି ତ । ଏଥିପାଇଁ କିଏ ଦାୟି । ଦୋଷୀ ବିରୋଧରେ ପ୍ରଶାସନ କାର୍ଯ୍ୟାନୁଷ୍ଠାନ ନେବ ତ । ଏହି ଭଳି ଅନେକ ପ୍ରଶ୍ନ ଭିତରେ ଘାଣ୍ଟି ହେଉଛନ୍ତି ମୁନାଙ୍କ ପରିବାର ଲୋକ । ସେପଟେ ଏବାବଦରେ ଖଣି କର୍ତ୍ତୃପକ୍ଷଙ୍କ କୌଣସି ପ୍ରତିକ୍ରିୟା ମିଳିପାରିନାହିଁ । କାର୍ଯ୍ୟରତ ସମୟରେ ମୁନା ମୃତ୍ୟୁ ହୋଇଥିବାରୁ ସହାୟତା ପାଇଁ ପ୍ରତିଶ୍ରୁତି ଦେଇଛନ୍ତି ଖଣି କମ୍ପାନୀ କତ୍ତୃପକ୍ଷ । ହେଲେ ଏହା କେବେ ମିଳିବ ତାକୁ ନେଇ ଏବେ ସନ୍ଦେହ ଘରରେ ପରିବାର ।

ଏଥିସହିତ ପଢ଼ନ୍ତୁ: ରାଜ୍ୟରେ କରୋନାର ତୃତୀୟ ଲହର ଅଧିକ କ୍ଷତି କରିବ ନାହିଁ: ଡାକ୍ତର ନିରୋଜ ମିଶ୍ର

ରାଜଧାନୀରେ ପ୍ରେମୀ ଯୁଗଳଙ୍କ ହାଇଡ୍ରାମା: ପ୍ରେମିକକୁ ବାହା ହେବାକୁ ବିବାହିତା ପ୍ରେମିକାର ଜିଦ୍

ଭୁବନେଶ୍ୱର: ରାଜଧାନୀରେ ପ୍ରେମୀ ଯୁଗଳଙ୍କ ପ୍ରେମ ପାଲା । ପ୍ରତିଶ୍ରୁତି ଦେଇ ପ୍ରତାରିତ କରିଥିବା ପ୍ରେମିକକୁ କୌଶଳ କ୍ରମେ ଧରିବା ପରେ ରାଜଧାନୀର ରାଜରାସ୍ତାରେ ଦେଖିବାକୁ ମିଳିଛି ହାଇଡ୍ରାମା । ଧୋକ୍କା ଦେଇ ଭୂଆଁ ବୁଲାଉଥିବା ପ୍ରେମିକକୁ ଯୁବତୀ ଜଣକ ଅନ୍ୟ ଏକ ନମ୍ବରରୁ ନାମ ବଦଳାଇ କଥା ହେବାରୁ ଦେଖା କରିଥିଲେ । ସେତେବେଳେ ଯୁବତୀ ଜଣକ ରଙ୍ଗେ ହାତ ଧରିଥଲେ । କ୍ୟାପିଟାଲ ଥାନା ପୋଲିସ ଦୁଇ ଜଣକୁ ନେଇ ପଚାର ଉଚରା କରିଛି।

ଲକଡାଉନରେ ପ୍ରେମୀଯୁଗଳଙ୍କ ଠିଆ ପାଲା । ସିନ୍ଦୁରର ଅଧିକାର ପାଇଁ ୩୦ ମିନିଟର  ହାଇଡ୍ରାମା। ହାତଗଣ୍ଠି  ପାଇଁ ହାତାହତି। ପ୍ରେମ ପାଇଁ ମହାଭାରତ। ଟିକେ ଭଲ କରି ଭିଡିଓକୁ ଦେଖନ୍ତୁ। କିଭଳି  ଉଭୟଙ୍କ ମଧ୍ୟରେ ଚାଲିଛି ଯୁକ୍ତି ତର୍କ। ଯୁବତୀ ଜଣକ କାନ୍ଦି କାନ୍ଦି କହୁଛନ୍ତି। ଏ କୌଣସି ଫିଲ୍ମ ସୁଟିଂ ସେଟର ଦୃଶ୍ୟ ନୁହେଁ।  ଏଭଳି ଘଟଣା ରାଜଧାନୀରେ ସତ ସତିକା ଘଟିଛି। ଦୁଇ ପ୍ରେମୀଯୁଗଳ ପରସ୍ପରକୁ ଗଲା ଅକ୍ଟୋବର ମାସରୁ ଉଭୟ ଉଭୟଙ୍କୁ ଭଲ ପାଉଥିଲେ ଏବଂ ଲିଭ ଇନ ରିଲେସନସିପରେ ଭୁବନେଶ୍ୱର ରହୁଥିଲେ | ପ୍ରେମିକ ଜଣକ ରାଉରକେଲାର ରଞ୍ଜିତ ନାୟକ ଏବଂ ପ୍ରେମିକା ହେଉଛି ଭୁବନେଶ୍ୱର। ରଞ୍ଜିତ ଯୁବତୀ ଜଣକୁ ବିବାହ ପ୍ରତିଶ୍ରୁତି ଦେଇ ଶାରୀରିକ ସମ୍ପର୍କ ରଖିଥିଲେ। ପରେ ଧରା ଛୁଆଁ ଦେଇ ନଥିଲେ | ପ୍ରେମିକା ପ୍ରେମିକଙ୍କ ଘରକୁ ବାରମ୍ବାର ଯାଇ ହତାଶ ହୋଇ ଫେରିଥିଲେ | ପ୍ରେମିକ ଫୋନ ନ ଉଠାଇବା ସହ ଘର ଲୋକ ତାଙ୍କ ସହ ବିବାହ କରାଇବାକୁ ଚାହୁଁ ନାହାନ୍ତି ବୋଲି କହୁଥିଲା | ତେବେ ଏହି ଲକଡାଉନ ସମୟରେ ପ୍ରେମିକା ଜଣକ ପ୍ରେମିକ ଘର ରାଉରକେଲା ପହଞ୍ଚିଥିଲେ । ଗତକାଲି ଉଭୟ ଦୁଇ ଜଣ ଭୁବନେଶ୍ୱର ଆସିଥିଲେ, ଆଜି ଆଇଜି ପାର୍କ ନିକଟରେ ପ୍ରେମିକା ବିବାହ କରିବା ପାଇଁ ଜିଦ ଧରି ବସିଲେ କିନ୍ତୁ ପ୍ରେମିକ ଜଣକ ରାଜି ନଥିବାରୁ ଖସି ପଳାଇବାକୁ ବସିଥିଲେ। ଏହି ସମୟରେ ଯୁବତୀ ଜଣକ ତାଙ୍କ ପେଣ୍ଟ ପକେଟକୁ ଜାବୁଡି ଧରିଥିଲେ।  ଏପରିକି ଏହି ସମୟରେ ଦୁଇ ଜଣକ ମଧ୍ୟରେ ଯୁକ୍ତି ତର୍କ ସହ ହାତାହତି ପର୍ଯ୍ୟନ୍ତ ଯାଇଥିଲା |

ଉଭୟ ପ୍ରେମୀ  ଯୁଗଳଙ୍କ ପାଲା ଦେଖି ଲୋକ ଭିଡ଼ ହୋଇଥିଲେ। କାହିଁକି ବାହା ହେବନି ବୋଲ ପ୍ରଶ୍ନ କରିବାରୁ  ଯୁବକ ଜଣକ କହିଥିଲେ ସେ ଆଗ ଛାଡ଼ପତ୍ର ଦେଉ  ତା’ପରେ ବାହା ହେବି। ଯୁବତୀ ଜଣକ ପୂର୍ବରୁ ବିବାହିତ ଥିବା ବେଳେ ତାଙ୍କର ଝିଅ ଟିଏ ଥିବା ଜଣା ପଡ଼ିଛି। ପ୍ରେମୀ ଯୁଗଳ ହାଇଡ୍ରାମା ଦେଖିବା ପାଇଁ ଜମିଥିଲା ଲୋକଙ୍କ ଭିଡ଼ । ଶେଷରେ ପୋଲିସ ନିକଟରେ ଏହି ଖବର ପହଞ୍ଚିବା ପରେ ଘଟଣାସ୍ଥଳରେ କ୍ୟାପିଟାଲ ଥାଲା ପୋଲିସ ପହଞ୍ଚି ଦୁଇ ଜଣକୁ ଥାନାକୁ ନେଇ ପଚରା ଉଚରା କରୁଛି  ।

ଏବେ ଲ୍ୟାବରେ ପ୍ରସ୍ତୁତ ହେବ ମା’ କ୍ଷୀର

  ନବଜାତ ଶିଶୁ ପାଇଁ ଖୁବ୍‌ଜରୁରୀ ମା କ୍ଷୀର । କିନ୍ତୁ କେବେ କେବେ କୌଣସି ସମସ୍ୟା ଯୋଗୁଁ ଶିଶୁକୁ ମା’ କ୍ଷୀର ମିଳିବାରେ ସମସ୍ୟା ଦେଖାଦିଏ । ଯାହା ଏକ ମୁଣ୍ଡବ୍ୟଥାର କାରଣ ପାଲଟିଯାଏ । ଏଭଳି ସମସ୍ୟାରୁ ଖୁବଶୀଘ୍ର ମୁକ୍ତି ମିଳିବାକୁ ଯାଉଛି । କାରଣ ଜ୍ଞାନ କୌଶଳ ଆଜି ଏଭଳି ସ୍ଥାନରେ ପହଞ୍ଚିଛି ଯାହାକୁ ବ୍ୟବହାର କରି ଲ୍ୟାବରେ କ୍ଷୀର ପ୍ରସ୍ତୁତ କରାଯିବ । ମା’ କ୍ଷୀର ଭଳି ଏହି କ୍ଷୀରରେ ମଧ୍ୟ ସମାନ ପୋଷକ ତତ୍ତ୍ୱ ମିଳିବ ।

ଆମେରିକାର ଜଣେ ମହିଳା ବୈଜ୍ଞାନିକ ଏହି ଜ୍ଞାନ କୌଶଳ ଉପରେ ଗବେଷଣା କରୁଛନ୍ତି । ବୈଜ୍ଞାନିକ ଏହାର ନାଁ ଦେଇଛନ୍ତି ‘ବାୟୋମିଲ୍କ’ । ବୈଜ୍ଞାନିକ ଏହାକୁ ନେଇ ପରୀକ୍ଷଣ ମଧ୍ୟ କରି ସାରିଛନ୍ତି । ଖାଲି ସେତିକି ନୁହେଁ ବରଂ ଏହା ମଧ୍ୟ କୁହାଯାଉଛି ମା କ୍ଷୀର ଅପେକ୍ଷା ଲ୍ୟାବରେ ପ୍ରସ୍ତୁତ କ୍ଷୀର ଅଧିକ ପୋଷକଯୁକ୍ତ ।

ବାୟୋମିଲ୍କ ପ୍ରସ୍ତୁତ କରିଥିବା କମ୍ପାନୀର ସହ ସଂସ୍ଥାପକ ଲାଲା ଷ୍ଟିକଲ୍ୟାଣ୍ଡଙ୍କ କହିବା ହେଉଛି ବାୟୋମିଲ୍କର ନ୍ୟୁଟ୍ରିଶନାଲ ଏବଂ କମ୍ପୋଜିସନ ଅନ୍ୟ କୌଣସି ପ୍ରଡକ୍ଟ ତୁଳନାରେ ଯଥେଷ୍ଟ ଅଧିକ । ଖାସ୍‌କଥା ହେଉଛି ମହିଳା ବୈଜ୍ଞାନିକଙ୍କ ସହିତ ସେହିଭଳି କିଛି ସମସ୍ୟା ଦେଖା ଦେଇଥିଲା । ଯାହା ତାଙ୍କୁ ଏଭଳି ଏକ ଗବେଷଣା କରିବା ପାଇଁ ବାଧ୍ୟ କରିଥିଲା । ୨୦୧୩ ପରଠାରୁ ସେ ଏହା ଉପରେ ଗବେଷଣା କରିବା ଆରମ୍ଭ କରିଥିଲେ । ତେବେ ତିନି ବର୍ଷ ମଧ୍ୟରେ ଏହା ବଜାରରେ ଉପଲବ୍ଧ ହେବ ।

ଯୋଡ଼ା ମାଛ ଦୂର କରେ ଦୁର୍ଭାଗ୍ୟ!

ରାଶିରେ ଯଦି ଗ୍ରହ ଦୋଷ ଥାଏ ତେବେ ଘର ସହିତ କାର୍ଯ୍ୟସ୍ଥଳରେ ମଧ୍ୟ ନକରାତ୍ମକ ଶକ୍ତି ବୃଦ୍ଧି ପାଇଥାଏ । ଏହା ସହିତ ସବୁ କାମ ଉପରେ ଏହାର ଖରାପ ପ୍ରଭାବ ପଡିବାକୁ ଲାଗିଥାଏ । ନକରାତ୍ମକ ଶକ୍ତିକୁ ଦୂର କରିବା ପାଇଁ ଯଦି ଉପାୟ ପାଉନାହାଁନ୍ତି ତେବେ ଘରେ ମାଛ ଯୋଡାକୁ ରଖନ୍ତୁ । ଘର ଏବଂ କାର୍ଯ୍ୟାଳୟରେ ମାଛ ଯୋଡା ରଖିବା ଫଳରେ ସୌଭାଗ୍ୟ ବୃଦ୍ଧି ହୋଇଥାଏ । ବାସ୍ତୁଶାସ୍ତ୍ର ଏବଂ ଫେଙ୍ଗଶୁଇ ଅନୁସାରେ ମାଛ ଯୋଡା ଘର ଏବଂ କାର୍ଯ୍ୟାଳୟର ନକରାତ୍ମକ ଶକ୍ତିକୁ ସକରାତ୍ମକ ଶକ୍ତିରେ ପରିଣତ କରିଥାଏ । ଫଳସ୍ୱରୂପ ବ୍ୟକ୍ତିର ନିର୍ଣ୍ଣୟ ନେବାର କ୍ଷମତା ଓ ମାନସିକ ଶକ୍ତି ବୃଦ୍ଧି ପାଇଥାଏ ।

ମାଛର ପ୍ରତିରୂପ ଆକାଶର ତାରା ମାଧ୍ୟମରେ ମୀନ ରାଶି ରୂପେ ପ୍ରଦର୍ଶିତ ହୋଇଥାଏ । ଏହାର ଆକୃତି ଦୁଇ ମାଛର ଯୋଡିକୁ ଦର୍ଶାଇଥାଏ । ଜ୍ୟୋତିଷଶାସ୍ତ୍ରରେ ଏହାକୁ ମୀନ ରାଶି ସଂଜ୍ଞା ଦିଆଯାଇଛି । ଏବଂ ମୀନ ରାଶିର ନିୟନ୍ତ୍ରଣ ଦେବତାଙ୍କର ଗୁରୁ ବୃହସ୍ପତିଙ୍କ ପାଖରେ ରହିଥାଏ । ଦେବ ଗୁରୁ ବୃହସ୍ପତିଙ୍କୁ ଶୁଭ ଗ୍ରହ ଭାବେ ଗ୍ରହଣ କରାଯାଇଛି ଯାହାର ପ୍ରଭାବରେ ବ୍ୟକ୍ତି ଜ୍ଞାନବାନ ହୋଇ ସୁଖ-ସମୃଦ୍ଧି, ମାନ-ସମ୍ମାନ, ସମାଜରେ ପ୍ରତିଷ୍ଠା ଅର୍ଜନ କରିଥାଏ । ମାଛ ଯୋଡା ଚିତ୍ରକୁ ବୃହସ୍ପତିବାର ଦିନ ଘରେ କିମ୍ବା କାର୍ଯ୍ୟାଳୟରେ ଲଗାଇଲେ କିମ୍ବା ରଖିଲେ ଏହା ଶୁଭ ପରିଣାମ ଦେଇଥାଏ ।

 

ସଠିକ ଦିଗରେ ଝୁଲାନ୍ତୁ ମାଛ ଯୋଡା-
ବାସ୍ତୁଶାସ୍ତ୍ର ଅନୁସାରେ ମାଛ ଯୋଡା ଚିତ୍ରକୁ ସଠିକ ଦିଗରେ ଝୁଲାଇବା ଫଳରେ ସକରାତ୍ମକ ପ୍ରଭାବ ଶୀଘ୍ର ପ୍ରାପ୍ତ ହୋଇଥାଏ । ପୂର୍ବ ଦିଗ ଅଥବା ଉତ୍ତର ଦିଗ ଅଥବା ପୂର୍ବ-ଉତ୍ତର ଦିଗରେ କିମ୍ବା ଐଶାନ୍ୟ କୋଣରେ ମାଛ ଯୋଡା ଝୁଲାଇବା ଫଳରେ ଘରର ସଦସ୍ୟଙ୍କର ଭାଗ୍ୟୋଦୟ ହୋଇଥାଏ । ଏହାକୁ ଦୋକାନରେ ଝୁଲାଇବା ଦ୍ୱାରା ଆୟ ବୃଦ୍ଧି ହୋଇଥାଏ । ଏହା ସହିତ କାର୍ଯ୍ୟାଳୟରେ ମଧ୍ୟ ଉନ୍ନତି ହୋଇଥାଏ ।

ପ୍ରେମ ଏବଂ ସମ୍ପନ୍ନତାର ପ୍ରତୀକ ଗୋଲ୍ଡ ଫିସ-
ଫେଙ୍ଗଶୁଇ ଅନୁସାରେ ଗୋଲ୍ଡ ଫିସ ସବୁଠାରୁ ଅଧିକ ପବିତ୍ର ଏବଂ ସମ୍ପନ୍ନତା ଦେଇଥାଏ । ଯଦି ଘରେ ବଡ ଆକ୍ୱାରିୟମ ରଖିବା ପାଇଁ ସ୍ଥାନ ନଥାଏ ତେବେ ଏକ ଛୋଟ ଆକ୍ୱାରିୟମରେ ଆପଣ ଗୋଲ୍ଡ ଫିସ ଯୋଡା ରଖିପାରିବେ । ଏହାକୁ ପ୍ରେମର ପ୍ରତୀକ ରୂପେ ଗ୍ରହଣ କରାଯାଇଥାଏ । ଏହା ସହିତ ଆପଣ କ୍ରିଷ୍ଟଲ ମାଛ ଯୋଡା ମଧ୍ୟ ରଖିପାରିବେ ।

ଧନ ପ୍ରାପ୍ତି ହେବ –
ଜଳ ବହିବା ଭଳି ଟଙ୍କା ମଧ୍ୟ ସରିଯାଏ । ଶାସ୍ତ୍ରରେ ଲକ୍ଷ୍ମୀଙ୍କୁ ଚଂଚଳା କୁହାଯାଇଛି । ମାଛର ଜଳ ସହିତ ସମ୍ପର୍କ ଥିବାରୁ ଏବଂ ଭଗବାନ ବିଷ୍ଣୁଙ୍କର ମତ୍ସ୍ୟ ଅବତାର କାରଣରୁ ଧନ ସମ୍ପତ୍ତିକୁ ଶୀଘ୍ର ଆକର୍ଷିତ କରିଥାଏ । ମାଛ ଯୋଡା ରଖିବା ଫଳରେ ବାକି ରହିଥିବା କାର୍ଯ୍ୟ ପୂର୍ଣ୍ଣ ହୋଇଥାଏ । ହିନ୍ଦୁଶାସ୍ତ୍ର ଅନୁସାରେ ଭଗବାନ ବିଷ୍ଣୁ ମତ୍ସ୍ୟ ଅବତାରରେ ପୃଥିବୀ ପୃଷ୍ଠରେ ଅବତରଣ କରିଥିଲେ । ଧନର ଦେବୀ ଲକ୍ଷ୍ମୀ ଭଗବାନ ବିଷ୍ଣୁଙ୍କ ପତ୍ନୀ ହୋଇଥିବାରୁ ମାଛଙ୍କ ସେବା ବା ମାଛ ସହିତ ସଂବନ୍ଧିତ ଉପାୟ କରିବା ଫଳରେ ଧନ ପାପ୍ତି ହୋଇଥାଏ ।

କର୍ଣ୍ଣାଟକରେ କ୍ଷୀର ଓ ମାଂସ ଅପେକ୍ଷା ମଦ ବିକ୍ରି ବେଶୀ

ବାଙ୍ଗାଲୋର: ଲକଡାଉନ ବେଳେ କର୍ଣ୍ଣାଟକରେ କ୍ଷୀର ଓ ମାଂସ ବିକ୍ରି କମିଛି । ହେଲେ ଏହି ସମୟରେ ମଦ ବିକ୍ରି ଢେର ଅଧିକା ରହିଛି। ମେ ମାସରେ ମଦ ବିକ୍ରି ଟଙ୍କା ବ୍ୟାଙ୍କରେ ଡିପୋଜିଟ୍ ଓ ଜିଏସଟି ପୈଠକୁ ନେଇ ଏହି ତଥ୍ୟ ସାମ୍ନାକୁ ଆସିଛି  । ରାଜ୍ୟରେ ଲକଡାଉନ୍ ସମୟରେ ସମସ୍ତ ଜରୁରୀ ବ୍ୟବସ୍ଥାକୁ ସକାଳ ୬ରୁ ୧୦ ପର୍ଯ୍ୟନ୍ତ ଖୋଲା ରଖାଯାଇଛି । କିନ୍ତୁ ଏହି ସ୍ବଳ୍ପ ସମୟରେ ବି ମଦ ବିକ୍ରି ଅଧିକ ରହିଥିବା ସୂଚନା ରହିଛି ।

ତେବେ ଅତ୍ୟଧିକ ପରିମାଣରେ ମଦ ବିକ୍ରି ପାଇଁ ଏହି ସମୟରେ ଦୁଇ ହଜାର ୧୨୯ କୋଟିର ରାଜସ୍ବ ଆଦାୟ ହୋଇଛି  ।  ଯଦିଓ ଏହା  ୨୦୨୦ ତୁଳନାରେ ମାତ୍ର ୬ ପ୍ରତିଶତ କମ ବୋଲି ସୂଚନା ମିଳିଛି । ଗତ ୨୦୨୦ ମେ’ରେ ୩୩ ଦଶମିକ ୨୩ ଲକ୍ଷ ଟଙ୍କାର ବିଅର କେସ୍ ବିକ୍ରି ହୋଇଥିଲା  । ଗତ ମାସରେ କିନ୍ତୁ ୨୦ ଦଶମିକ ୧୯ ଲକ୍ଷ ଟଙ୍କାର ବିଅର କେସ୍ ବିକ୍ରି ହୋଇଛି  । ଯାହାକୁ ଦେଖିଲେ ଲକଡାଉନ୍ ପିରିୟଡରେ ଅଧିକ ମଦ ବିକ୍ରି ହୋଇଥିବ ଜଣା ପଡ଼ିଛି  । ଅନ୍ୟ ଏକ ତଥ୍ୟ ଅନୁଯାଇ ଲକଡାଉନ ବେଳେ ଲୋକେ ଘରେ ରହି ବୋର ହେବା ଅପେକ୍ଷା ମଦ୍ୟପାନକୁ ଅଧିକ ପସନ୍ଦ କରୁଥିବା ଜଣାପଡିଛି  ।

ଏସିଆର ସବୁଠୁ ବଡ଼ ବସ୍ତି ଏବେ କରୋନା ମୁକ୍ତ

ମୁମ୍ବାଇ: କରୋନା କାଳରେ ଅଶ୍ବସ୍ତିକର ଖବର । କରୋନାର ଦ୍ୱିତୀୟ ଲହରୀ ଦେଶର ମେରୁଦଣ୍ଡ ଭାଙ୍ଗି ଥିବା ବେଳେ ଏବେ ସଂକ୍ରମଣରେ ସାମାନ୍ୟ ବ୍ରେକ ଲାଗିଲା ଭଳି ନଜର ଆସିଛି । ନିକଟରେ ଏକ କରୋନାର ହଟସ୍ପଟ ଭାବେ ଚିହ୍ନଟ ହେଉଥିବା ବେଳେ ଏବେ ସେ ସ୍ଥାନ ଏବେ କରୋନା ମୁକ୍ତ ହୋଇଛି । ଏସିଆର ସବୁଠୁ ବଡ଼ ବସ୍ତି ଏବେ କରୋନା ମୁକ୍ତ ହୋଇଛି । ମୁମ୍ବାଇରେ ଥିବା ଧରାଭି ବସ୍ତିରେ କରୋନା ସ୍ଥିତିରେ ଯଥେଷ୍ଟ ଉନ୍ନତି ଆସିଛି। ଦିନେ କରୋନା ହଟସ୍ପଟ ଭାବେ ପରିଚିତ ଧରାଭିରେ ଗତ ୩ ଦିନରେ ମାତ୍ର ଜଣେ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।

ସେହିପରି ଗତ ୨୪ ଘଣ୍ଟା ଭିତରେ ଏହି ବସ୍ତିରେ କେହି ନୂଆ ସଂକ୍ରମିତ ଚିହ୍ନଟ ହୋଇନଥିବା ଜଣାପଡିଛି । ମୁମ୍ବାଇର ବସ୍ତିବାସିନ୍ଦା କରୋନାକୁ ମାତ୍ ଦେବାରେ ସମର୍ଥ ହୋଇଛନ୍ତି । ସ୍ଥାନୀୟ ପ୍ରଶାସନର ପ୍ରୟାସ ଓ ବସ୍ତିର ଲୋକମାନଙ୍କ ସହଯୋଗ ଯୋଗୁ ଏହା ସମ୍ଭବ ହୋଇପାରିଛି । ଧରାଭିରେ ମୋଟ୍ ସଂକ୍ରମଣ ମାମଲା ୬ ହଜାର ୮୨୯ ଥିବାବେଳେ ସେମାନଙ୍କ ଭିତରୁ ୬ ହଜାର ୪୫୧ ଜଣ ସୁସ୍ଥ ହୋଇଛନ୍ତି ।

ଚଳିତବର୍ଷ ଏପ୍ରିଲ ଆରମ୍ଭରୁ ଏଠାରେ କରେନା ସଂକ୍ରମିତଙ୍କ ସଂଖ୍ୟା ବଢ଼ି ଚାଲିଥିଲା । ସାଢ଼େ ୬ ଲକ୍ଷରୁ ଊର୍ଦ୍ଧ୍ବ ଲୋକ ରହୁଥିବା ଏହି ବସ୍ତିରେ କରୋନା ନିୟନ୍ତ୍ରଣ ପାଇଁ ଅଣ୍ଟା ଭିଡ଼ିଥିଲା ମହାନଗର ନିଗମ । ଏବେ ମହାରାଷ୍ଟ୍ରର ପ୍ରାୟ ସବୁ ଜିଲ୍ଲାରେ କରୋନା ସଂକ୍ରମଣରେ ଦ୍ରୁତ ହ୍ରାସ ପାଇଛି । ତା ସାଙ୍ଗକୁ ଧରାଭି ବସ୍ତିରେ ବି ସଂକ୍ରମଣ କମିବା ଆଶ୍ବସ୍ତି ଆଣିଛି ।