spot_img
Home Blog Page 5725

ସମୂଦ୍ରରେ ଦେଖିବାକୁ ମିଳିବ ମେଡ୍‌ ଇନ୍‌ ଇଣ୍ଡିଆର ଦମ୍‌, ୬ଟି ସବମରିନ୍‌ ପାଇଁ ୫୦ ହଜାର କୋଟି ଡିଫେନ୍ସ ପ୍ରସ୍ତାବକୁ ମଞ୍ଜୁରୀ

ନୂଆଦିଲ୍ଲୀ:  ଭାରତୀୟ ନୌସେନାର ଶକ୍ତି ବଢାଇବା ପାଇଁ ଶୁକ୍ରବାର ପ୍ରତିରକ୍ଷା ମନ୍ତ୍ରଣାଳୟ ବଡ଼ ନିଷ୍ପତ୍ତି ନେଇଛନ୍ତି । ପ୍ରତିରକ୍ଷା ମନ୍ତ୍ରଣାଳୟ ପ୍ରୋଜେକ୍ଟ ୭୫-ଇଣ୍ଡିଆ ଦ୍ୱାରା ୬ଟି ସବମରିନ୍‌ନିର୍ମାଣ କରିବା ପାଇଁ ମଞ୍ଜୁରୀ ଦେଇଛନ୍ତି । ଦୀର୍ଘଦିନ ଧରି ଅଟକି ରହିଥିବା ପ୍ରକଳ୍ପ ଖୁବଶୀଘ୍ର କାର୍ଯ୍ୟକାରୀ ହେବ ।

 

ପ୍ରତିରକ୍ଷା ମନ୍ତ୍ରୀ ରାଜନାଥ ସିଂଙ୍କ ଅଧ୍ୟକ୍ଷତାରେ ବସିଥିବା ବୈଠକରେ ୫୦ ହଜାର କୋଟିର ଏହି ପ୍ରକଳ୍ପକୁ ମଞ୍ଜୁରୀ ମିଳିଛି । ଏହି ପ୍ରୋଜେକ୍ଟକୁ ସ୍ୱେଦେଶୀ କମ୍ପାନୀ ମଝଗାଓଁ ଡକ୍ସ ଲିମିଟେଡ୍‌ଏବଂ L & Tକୁ ଦାୟୀତ୍ୱଭାର ପ୍ରଦାନ କରାଯାଇଛି ।

ସମୂଦ୍ରରେ ନିଜର ଶକ୍ତି ବଢାଇବା ପାଇଁ ଭାରତୀୟ ନେଭି ଏହି ପ୍ରୋଜେକ୍ଟକୁ ଆରମ୍ଭ କରିଛି । ନିର୍ମାଣ ହେବାକୁ ଥିବା ୬ଟି ବଡ଼ ସବମରିନ୍‌ଡିଜେଲ ଏବଂ ଇଲକ୍ଟ୍ରିକ୍‌ପର୍ଯ୍ୟବେଷିତ । ଏହାର ଆକାର ବର୍ତ୍ତମାନର ସ୍କର୍ପିଅନ କ୍ଲାସ ସମମରିନର ୫୦ ଗୁଣା ଅଧିକ ହେବ ।

ଭାରତୀୟ ନେଭି ନିକଟରେ ପ୍ରାୟ ୧୪୦ଟି ସବମରିନ୍‌ଏବଂ ସରଫେସ ଓ୍ୱାରଶିପ୍‌ରହିଛି । ଅନ୍ୟପଟେ ଯଦି ପାକିସ୍ତାନୀ ନେଭି ସହିତ ତୁଳନା କରିବା ତେବେ ତାଙ୍କ ନିକଟରେ ମାତ୍ର ୨୦ଟି ରହିଛି । କିନ୍ତୁ ଭାରତର ମୁକାବିଲା କେବଳ ପାକିସ୍ତାନ ସହିତ ନୁହେଁ ବରହ ଚୀନ୍‌ସହିତ ମଧ୍ୟ, ଯିଏ ଭାରତ ମହାସାଗରରେ ଅନୁପ୍ରବେଶ କରିବାକୁ ବାରମ୍ବାର ଚେଷ୍ଟା କରୁଛି ।

ବାତିଲ ହେଲା ଚଳିତ ବର୍ଷର ଦ୍ୱାଦଶ ଶ୍ରେଣୀ ପରୀକ୍ଷା

ଭୁବେନେଶ୍ୱର: କରୋନା କାଳରେ ବାତିଲ ହେଲା ଯୁକ୍ତ ୨ ପରୀକ୍ଷା। ଯୁକ୍ତ ଦୁଇ ପରୀକ୍ଷା ବାତିଲ କରିଛନ୍ତି ରାଜ୍ୟ ସରକାର। ଏନେଇ ଆଜି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ସାରା ଦେଶରେ କୋଭିଡ ମହାମାରୀର ଦ୍ୱିତୀୟ ଲହର ବର୍ତ୍ତମାନ ଏକ ଅଭାବନୀୟ ପରିସ୍ଥିତି ସୃଷ୍ଟି କରିଛି। ଏଥିରେ ସବୁଠାରୁ ଅଧିକ ପ୍ରଭାବିତ ହୋଇଛି ପିଲାମାନଙ୍କ ପାଠପଢା ଓ ଲୋକମାନଙ୍କର ଜୀବନଜୀବିକା। କିନ୍ତୁ ଏସବୁ ଠାରୁ ଉର୍ଦ୍ଧ୍ୱରେ ରହିଛି ମଣିଷ ଜୀବନର ସୁରକ୍ଷା ବୋଲି ମୁଖ୍ୟମନ୍ତ୍ରୀ କହିଛନ୍ତି।

ମୁଖ୍ୟମନ୍ତ୍ରୀ କହିଛନ୍ତି ଯେ ଜୀବନ ଆଗ, ଆଉସବୁ ପଛ। ଜୀବନ ସୁରକ୍ଷିତ ରହିଲେ ଆଗକୁ ସବୁକିଛି କରିହେବ। ତେବେ ଆମ ପିଲାମନଙ୍କର ସ୍ୱାସ୍ଥ୍ୟ ସୁରକ୍ଷା ପରୀକ୍ଷା ଠାରୁ ବହୁ ଅଧିକ ଗୁରୁତ୍ୱପୂର୍ଣ୍ଣ। କରୋନା କାଳରେ ପରୀକ୍ଷା କରାଯାଇଥିଲେ ଛାତ୍ରଛାତ୍ରୀ, ଶିକ୍ଷକ ଶିକ୍ଷୟତ୍ରୀ ଓ ଅଭିଭାବକ ମାନେ ବହୁ ଅସୁବିଧାର ସମ୍ମୁଖୀନ ହୋଇଥାନ୍ତେ। ଏସବୁକୁ ଦୃଷ୍ଟିରେ ରଖି ରାଜ୍ୟ ସରକାର ପରୀକ୍ଷା ବାତିଲ ସଂକ୍ରାନ୍ତୀୟ ଏହି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଗ୍ରହଣ କରିଛନ୍ତି ବୋଲି ମୁଖ୍ୟମନ୍ତ୍ରୀ କହିଛନ୍ତି।

ତେବେ ମୂଲ୍ୟାୟନ କେମିତି କରାଯିବ ସେ ନେଇ କିଛି ନିଷ୍ପତ୍ତି ହୋଇନାହିଁ। ବିଶେଷଜ୍ଞଙ୍କ ପରାମର୍ଶ ନେଇ ମୂଲ୍ୟାୟନ ସ୍ଥିର କରିବାକୁ CHSEକୁ ନିର୍ଦ୍ଦେଶ ଦିଆଯାଇଛି। ତା’ସହିତ ନିର୍ଦ୍ଦିଷ୍ଟ ସମୟ ମଧ୍ୟରେ ମୂଲ୍ୟାୟନ କରିବାକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି।

ମୂଲ୍ୟାୟନରେ ଯେଉଁ ଛାତ୍ରଛାତ୍ରୀ ଅସନ୍ତୁଷ୍ଟ ହେବ, ସେମାନଙ୍କ ପାଇଁ ବି ବିକଳ୍ପ ବ୍ୟବସ୍ଥା ରଖାଯାଇଛି। ସେମାନେ ଚାହିଁଲେ ପରୀକ୍ଷା ଦେଇପାରିବେ। ପରିସ୍ଥିତି ସ୍ୱାଭାବିକ ହେଲେ ମୂଲ୍ୟାୟନରେ ଅସନ୍ତୁଷ୍ଟ ଛାତ୍ରଛାତ୍ରୀ ପରୀକ୍ଷା ଦେଇପାରିବେ। ପରିସ୍ଥିତି ସମୀକ୍ଷା କରି ପରୀକ୍ଷା କେବେ କରାଯିବ, ତାହା CHSE ନିର୍ଣ୍ଣୟ କରିବ।

ସିବିଆଇ ଅଫିସରମାନେ ପିନ୍ଧିପାରିବେନି ଜିନ୍ସ, ଟି-ସାର୍ଟ କିମ୍ବା ସ୍ପୋର୍ଟ ଜୋତା

ନୂଆଦିଲ୍ଲୀ: ସିବିଆଇ ଅଧିକାରୀଙ୍କୁ ଆଉ କାଜୁଆଲ ପୋଷାକରେ ଦେଖିବାକୁ ମିଳିବ ନାହିଁ। କାଜୁଆଲ ପୋଷାକ ମାନେ ହେଉଛି ଜିନ୍ସ, ଟି ସାର୍ଟ କି ସ୍ପୋର୍ଟ ଜୋତାରେ। ସିବିଆଇ ଅଧିକାରୀ କିମ୍ବା କର୍ମଚାରୀ ପିନ୍ଧିପାରିବେନି ଜିନ୍ସ , ଟି–ସାର୍ଟ କିମ୍ବା ସ୍ପୋର୍ଟ ଜୋତା। ଏଥର କର୍ମଚାରୀମାନେ କେବେଳ ଫର୍ମାଲ ପୋଷାକରେ ହିଁ ନଜର ଆସିବେ। କାମରେ ଥିବା ସମୟରେ ପୂର୍ବ ଭଳି ଆଉ ପିନ୍ଧି ପାରିବେ ନାହିଁ କାଜୁଆଲ ପୋଷାକ।

ସେଣ୍ଟ୍ରାଲ୍ ବ୍ୟୁରୋ ଅଫ୍ ଇନଭେଷ୍ଟିଗେସନ୍ ସିବିଆଇର ନୂଆ ନିର୍ଦ୍ଦେଶକ ସୁବୋଧ କୁମାର ଜୟସୱାଲ୍ ଦାୟିତ୍ୱ ଗ୍ରହଣ କରିବା ପରେ ଏମିତି ପଦକ୍ଷେପ ନେଇଛନ୍ତି । ସେ ଆସିବା ପରେ  ସର୍ବ ପ୍ରଥମେ ଅଧିକାରୀ ଏବଂ କର୍ମଚାରୀଙ୍କ ଡ୍ରେସ୍ କୋଡ୍ ସ୍ଥିର କରିଛନ୍ତି। ସିବିଆଇର ନୂଆ ମୁଖ୍ୟ ନିର୍ଦ୍ଦେଶ ଦେଇଛନ୍ତି ଯେ, ଏଜେନ୍ସିର ପ୍ରତ୍ୟେକ ଅଧିକାରୀ ବା କର୍ମଚାରୀମାନେ ଅଫିସରେ ଉପଯୁକ୍ତ ଆନୁଷ୍ଠାନିକ ବା ଫର୍ମାଲ ପୋଷାକ ପିନ୍ଧିବେ। ଏହାସହ ସେ ଅଫିସରେ ଜିନ୍ସ, ଟି–ସାର୍ଟ ଏବଂ ସ୍ପୋର୍ଟସ ଜୋତା ପିନ୍ଧିବାକୁ ବାରଣ କରିଛନ୍ତି ।

ପୁରୁଷ ଅଧିକାରୀଙ୍କ ପାଇଁ ନିର୍ଦ୍ଦେଶ ଦିଆଯାଇଛି ଯେ, ସେମାନେ କେବଳ ଫର୍ମାଲ ସାର୍ଟ–ପ୍ୟାଣ୍ଟ ଏବଂ ସାଧା ଜୋତା ପିନ୍ଧିବେ। କେବଳ ଏତିକି ନୁହେଁ, ଅଧିକାରୀ କିମ୍ବା କର୍ମଚାରୀମାନେ ସେମାନଙ୍କ କେଶ ପ୍ରତି ମଧ୍ୟ ବିଶେଷ ଧ୍ୟାନ ଦେବେ। ଏହାସହ ମହିଳା ଅଧିକାରୀ କିମ୍ବା କର୍ମଚାରୀ ଡ୍ୟୁଟିରେ ଥିବାବେଳେ କେବଳ ଶାଢି, ସୁଟ୍ ଏବଂ ଫର୍ମାଲ୍ ସାର୍ଟ ପିନ୍ଧିବାକୁ କୁହାଯାଇଛି। ସିବିଆଇ ନିର୍ଦ୍ଦେଶକ ସୁବୋଧ କୁମାର ଜୟସୱାଲଙ୍କ ଅନୁମୋଦନ କ୍ରମେ ଉପ ନିର୍ଦ୍ଦେଶକ ଅନୁପ ଟି ମୈଥ୍ୟୁଙ୍କ ଦ୍ୱାରା ଜାରି କରାଯାଇଥିବା ନିର୍ଦ୍ଦେଶରେ ଏମିତି କୁହାଯାଇଛି।

ଏହି ନିର୍ଦ୍ଦେଶରେ ସ୍ପଷ୍ଟ ଭାବେ କୁହାଯାଇଛି ଯେ, ଅଫିସରେ ଜିନ୍ସ, ଟି–ସାର୍ଟ, ସ୍ପୋର୍ଟସ୍ ଜୋତା, ଚପଲ ପିନ୍ଧିବାକୁ ଅନୁମତି ନାହିଁ। ଏହି ନିର୍ଦ୍ଦେଶରେ ଦେଶର ସିବିଆଇର ସମସ୍ତ ଶାଖାର ମୁଖ୍ୟମାନଙ୍କୁ ଏହି ନିର୍ଦ୍ଦେଶାବଳୀକୁ କଡାକଡି ପାଳନ କରିବାକୁ ମଧ୍ୟ କୁହାଯାଇଛି।

ଭୁବନେଶ୍ୱରରେ ପହଞ୍ଚିଲା ବିଜୟ ସାହୁଙ୍କ ପାର୍ଥିବ ଶରୀର

ଭୁବନେଶ୍ୱର: ଭୁବନେଶ୍ୱର ବିମାନବନ୍ଦରରେ ପହଞ୍ଚିଲା ସାଇ ଇଣ୍ଟରନ୍ୟାସନାଲ ସ୍କୁଲର ଚେୟାରମ୍ୟାନ ବିଜୟ ସାହୁଙ୍କ ପାର୍ଥିବ ଶରୀର। ବିମାନ ବନ୍ଦରରୁ ବାରଙ୍ଗ ରେସିଡେନ୍ସିଆଲ ସ୍କୁଲ ଓ ପରେ ପଟିଆ ସାଇ ଇଣ୍ଟରନ୍ୟାସନାଲ ସ୍କୁଲକୁ ନିଆଯିବ ମର ଶରୀର। ଏହାପରେ ଶାସ୍ତ୍ରୀ ନଗର ସ୍ଥିତ ବାସଭବନରେ ପରିବାର କରିବେ ଶେଷ ଦର୍ଶନ। ରାଷ୍ଟ୍ରୀୟ ମର୍ଯ୍ୟାଦା ସହ ସତ୍ୟନଗର ଶ୍ମଶାନରେ ହେବ ଶେଷକୃତ୍ୟ। କୋଭିଡ ନିୟମ ଅନୁସାରେ ହେବ ଶେଷକୃତ୍ୟ। ଗତକାଲି ହାଇଦ୍ରାବାଦର ଏକ ହସ୍ପିଟାଲରେ ତାଙ୍କର ଦେହାନ୍ତ ହୋଇଥିଲା। କୋଭିଡରେ ସଂକ୍ରମିତ ହୋଇ ଚିକିତ୍ସିତ ହେଉଥିଲେ। ଶେଷ ଦର୍ଶନ ପାଇଁ ରାଜ୍ୟ ସରକାରଙ୍କ ପକ୍ଷରୁ ୫ଟି ସଚିବ ଉପସ୍ଥିତ ଅଛନ୍ତି। ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ ମଧ୍ୟ ଉପସ୍ଥିତ ଅଛନ୍ତି।

ରାଜ୍ୟରେ କରୋନାର ତୃତୀୟ ଲହର ଅଧିକ କ୍ଷତି କରିବ ନାହିଁ: ଡାକ୍ତର ନିରୋଜ ମିଶ୍ର

ଭୁବନେଶ୍ୱର: ରାଜ୍ୟରେ ଧିରେ ଧିରେ ସୁଧୁରୁଛି କରୋନା ସ୍ଥିତି। କରୋନା ସଂକ୍ରମଣ ହାର କମିବାକୁ ଲାଗିଛି। ସବୁଠାରୁ କମ୍‌ ପଜିଟିଭ ହାର ଆଜି ଚିହ୍ନଟ ହୋଇଛନ୍ତି। କରୋନାର ଦ୍ୱିତୀୟ ଲହର ମଝିରେ ଦୈନିକ ପଜିଟିଭ ହାର ୨୬ ପ୍ରତିଶତ ଥିଲା। ଏବେ ଏହା ଖସି ୧୧ ପ୍ରତିଶତରେ ପହଞ୍ଚିଛି। ଲକ୍‌ଡାଉନ୍‌ ଉଠିଲା ବେଳକୁ ଦୈନିକ ସଂକ୍ରମଣ ହାର ୫ ପ୍ରତିଶତ ତଳକୁ ଥିବ ସଂକ୍ରମଣ ବୋଲି ସ୍ୱାସ୍ଥ୍ୟ ବିଶେଷଜ୍ଞ ଡାକ୍ତର ନିରୋଜ ମିଶ୍ର କହିଛନ୍ତି। ତେବେ ଯଦି ଆଗକୁ ଏମିତି ସ୍ଥିତି ରୁହେ ମାନେ କରୋନା ସଂକ୍ରମଣ କମିବାକୁ ଲାଗେ ତେବେ ଲକ୍‌ଡାଉନ୍‌ କୋହଳ ହୋଇପାରେ ବୋଲି କହିଛନ୍ତି ଡାକ୍ତର ନିରୋଜ ମିଶ୍ର।

ସେ ଆହୁରି ମଧ୍ୟ କହିଛନ୍ତି ଆଗକୁ ସେତେଟା ଘାତକ ହେବ ନାହିଁ କରୋନା। ତୃତୀୟ ଲହର ସେତେଟା ଘାତକ ହେବନି ବୋଲି ସେ କହିଛନ୍ତି। ତୃତୀୟ ଲହର ଦେଖି ରାଜ୍ୟ ସରକାର ବହୁତ ଆଗୁଆ ପଦକ୍ଷେପ ନେଇଛନ୍ତି, ଯାହା ଭଲ କଥା। ତୃତୀୟ ଲହରରେ ମୃତ୍ୟୁ ସଂଖ୍ୟା ୪ପ୍ରତିଶତ ରହିବ। ଏହା ସହ ତୃତୀୟ ଲହର ବେଳକୁ ବହୁ ଲୋକ ଟିକା ନେଇସାରିଥିବେ ଏବଂ ଔଷଧବି କିଛି ଆସି ଯାଇଥିବ। ତେଣୁ ତାହା ଘାତକ ହେବ ନାହଁ। ଦ୍ୱିତୀୟ ଡୋଜ ଟିକା ପ୍ରକ୍ରିୟାରେ ୩ମାସ ବିଳମ୍ବ ହେଲେ କିଛି ଅସୁବିଧା ହେବ ନାହଁ ବୋଲି ସ୍ୱାସ୍ଥ୍ୟ ବିଶେଷଜ୍ଞ ଡାକ୍ତର ନିରୋଜ ମିଶ୍ର କହିଛନ୍ତି।

ଚାକିରି ଦେବେ କହି ଦୁଷ୍କର୍ମ କଲେ ପୋଲିସ ବାବୁ, ନ୍ୟାସନାଲ ଆଥଲେଟଙ୍କ ଅଭିଯୋଗରେ ହଇଚଇ

ଲୁଧିୟାନା: ପଞ୍ଜାବର ଲୁଧିୟାନାରେ ସାମ୍ନାକୁ ଆସିଛି ଏକ ରୋମାଂଚକ ଘଟଣା । ଜଣେ ପୋଲିସ ଅଫିସରଙ୍କ ଉପରେ ଦୁଷ୍କର୍ମ ଅଭିଯୋଗ ଆଣିଛନ୍ତି ଜଣେ ମହିଳା । ପୀଡ଼ିତ ମହିଳା ଦୀର୍ଘ ସମୟ ଧରି ଦୁଷ୍କର୍ମର ଶୀକାର ହୋଇଥିବା ଅଭିଯୋଗ କରିଛନ୍ତି । ଘଟଣା ସାମ୍ନାକୁ ଆସିବା ପରେ ପୋଲିସ ମହଲରେ ଚାଂଚଲ୍ୟ ସୃଷ୍ଟି ହୋଇଛି ।

 


ପୀଡ଼ିତ ମହିଳା ହେଉଛନ୍ତି ଜଣେ ନ୍ୟାସନାଲ ଓ୍ୱେଟଲିଫ୍ଟିଂ ଖେଳାଳି, ଆଉ ସେ ନ୍ୟାୟ ପାଇଁ ପୋଲିସ କମିଶନରଙ୍କୁ ଗୁହାରି କରିଛନ୍ତି । ତେବେ ବରିଷ୍ଠ ପୋଲିସ ଅଧିକାରୀ ଏହି ମାମଲାକୁ ଗୁରୁତର ସହିତ ତଦନ୍ତ କରିବା ପାଇଁ କହିଛନ୍ତି ।

ମହିଳା ନ୍ୟାସନାଲ ଓ୍ୱେଟଲିଫ୍ଟିଂ ଖେଳାଳିଙ୍କର ପୋଲିସ ଅଫିସରଙ୍କ ଉପରେ ଦୁଷ୍କର୍ମ ଅଭିଯୋଗ ଆଣିବା ଘଟଣା ହଇଚଇ ସୃଷ୍ଟି କରିଛି । ସ୍ପୋର୍ଟସ କୋଟାରେ ଚାକିରି ଦେବେ କହି ବାରମ୍ବାର ହୋଟେଲକୁ ଡାକୁଥିଲେ ପୋଲିସ ଅଫିସର ଏବଂ ମହିଳାଙ୍କ ସହିତ କରୁଥିଲେ ଦୁଷ୍କର୍ମ । ସେତିକିରେ ଶେଷ ହୋଇନଥିଲା ପୂରା କାହାଣୀ । କ୍ୟାମେରାରେ ଅଶ୍ଳୀଳ ଭିଡ଼ିଓ ମଧ୍ୟ କଏଦ କରାଯାଇଥିଲା । ମିଛ ସାମ୍ନାକୁ ଆସିବା ପରେ ବିରୋଧ କରିଥିଲେ ମହିଳା । କିନ୍ତୁ ଭିଡ଼ିଓକୁ ବ୍ୟବାହାର କରି ବ୍ଲାକମେଲ କଲେ ପୋଲିସ ବାବୁ । ପ୍ରାୟ ଏକ ବର୍ଷ ହେବ ତାଙ୍କୁ ମିଛ କହୁଥିବା ହୃଦୟଙ୍ଗମ କରିବା ପରେ ମୁହଁ ଖୋଲିଛନ୍ତି ମହିଳା ଏବଂ ପୋଲିସ ଅଫିସରଙ୍କ ବିରୋଧରେ ଥାନାରେ ଅଭିଯୋଗ ଆଣିଛନ୍ତି ।

 

ତୁରନ୍ତ ମାମଲାକୁ ଗୁରୁତର ସହିତ ନେଇ ଜଣେ ମହିଳା ପୋଲିସ୍‌କର୍ମଚାରୀଙ୍କୁ ନିଯୁକ୍ତ କରିଛନ୍ତି ପୋଲିସ୍‌କମିଶନର । ମାମଲାକୁ ନେଇ ଏଡିସିପି ପ୍ରଜ୍ଞା ଜୈନଙ୍କ କହିବା ହେଉଛି ଘଟଣାର ତଦନ୍ତ ଜାରି ରହିଛି । ଅନ୍ୟପଟେ ଯଦି ଘଟଣା ସତ ତେବେ ଏହାକୁ ନେଇ କମିଶନରେଟ୍‌ପୋଲିସ୍‌କ’ଣ କରୁଛି ତାହାକୁ ନେଇ ପ୍ରଶ୍ନ ଉଠୁଛି ।

ଚୋରା ଚାଲାଣ ବେଳେ ଓଲଟିଲା ଗୋରୁ ବୋଝେଇ କଣ୍ଟେନର, ୩୦ ଗୋରୁ ମୃତ

ବରପାଲି: ଗାଇ ଚୋରା ଚାଲାଣ ବେଳେ ଓଲଟିଲା ଗୋରୁ ବୋଝେଇ କଣ୍ଟେନର। ବାରସାମ୍ୟ ହରାଇ ଓଲଟିଲା କଣ୍ଟେନର। ତେବେ କଣ୍ଟେନର ଓଲଟି ଫଳରେ ୩୦ଟି ଗୋରୁଙ୍କର ଘଟଣା ସ୍ଥଳରେ ମୃତ ହୋଇଥିବା ବେଳେ ଜଣେ ବ୍ୟକ୍ତିଙ୍କର ମଧ୍ୟ ମୃତ ହୋଇଛି। ଏଭଳି ଏକ ଘଟଣା ବରଗଡ଼ ଜିଲ୍ଲା ବରପାଲି – ଟିଙ୍ଗିପାଲି ଛକ ରୋଡ ନିକଟରେ ଘଟିଛି।

ତେବେ ଗାଈ ଚୋରା ଚାଲାଣ ହେଉଥିବା ପ୍ରଥମିକ ତଦନ୍ତରୁ ସୂଚନା ମିଳିଛି। ଦୁର୍ଘଟଣା ପରେ ଘଟଣା ସ୍ଥଳରେ ବରପାଲି ପୋଲିସ ଓ ପ୍ରଶାସନିକ ଅଧିକାରୀ ପହଞ୍ଚି ଘଟଣାର ତଦନ୍ତ କରୁଛନ୍ତି। ତେବେ ଗାଡ଼ିଟି କେମିତି ଓଲଟିଲା ଏବଂ ଗାଡିରେ ଏତେବ ପରିମାଣରେ ଗୋରୁଙ୍କୁ ନେଇ କେଉଁଠିକୁ ଯାଉଥିଲା ତାହା ବର୍ତ୍ତମାନ ସୁଦ୍ଧା ଜଣାପଡିନାହିଁ। ଦୁର୍ଘଟଣା ପରେ ଗାଡ଼ିର ଡ୍ରାଇଭର ଫେରାର ହୋଇଯାଇଛି।

୧୮ରୁ୪୪ ବର୍ଷ ବୟସ ବର୍ଗଙ୍କୁ ଟିକା ପାଇଁ ଆରମ୍ଭ ହେବ ସ୍ୱତନ୍ତ୍ର ଡ୍ରାଇଭ

ଭୁବନେଶ୍ୱର: ୧୮ରୁ୪୪ ବର୍ଷ ବୟସ ବର୍ଗଙ୍କ ଦ୍ୱିତୀୟ ଡୋଜ ଟିକାକରଣ ପାଇଁ ବିଏମସିର ପ୍ରସ୍ତୁତି। ଆସନ୍ତା ୮ ଓ ୯ ତାରିଖରୁ ଆରମ୍ଭ ହେବ ସ୍ୱତନ୍ତ୍ର ଡ୍ରାଇଭ। ଟିକାର ଅଭାବ କାରଣରୁ ବନ୍ଦ ଥିବା ମୋବିଲାଇଜେସନ କେନ୍ଦ୍ର ପୁଣି ହେବ କାର୍ଯ୍ୟକ୍ଷମ। ପୂର୍ବରୁ ଗତ ମେ ୩, ୪ ଓ୫ ତାରିଖରେ ପ୍ରଥମ ଡୋଜ ନେଇଥିବା ବ୍ୟକ୍ତିଙ୍କୁ ଦିଆଯିବ ଦ୍ୱିତୀୟ ଡୋଜ ଟିକା।

ମୋବିଲାଇଜେସନ ସେଣ୍ଟର ଜରିଆରେ ଟିକା ନେଇଥିବା ବ୍ୟକ୍ତିଙ୍କୁ ବିଏମସି ପକ୍ଷରୁ ସୂଚନା ଦିଆଯିବା ସହ ପୂର୍ବରୁ ଦେଇଥିବା କେନ୍ଦ୍ରରେ ହିଁ ଦିଆଯିବ ଟିକା। ତେବେ ଯେଉଁମାନେ କୋଉଇନ ଆପ ଜରିଆରେ ସ୍ଲଟ ବୁକିଂ କରି ଟିକା ନେଇଥିଲେ ସେମାନଙ୍କୁ ପୁଣି ସ୍ଲଟ ବୁକିଂ କରିବାକୁ ହେବ। ଟିକାର ପରିମାଣକୁ ଦୃଷ୍ଟିରେ ରଖି ଟିକାକରଣ କରାଯିବ। ଏନେଇ ସୂଚନା ଦେଇଛନ୍ତି ବିଏମସି ଅତିରିକ୍ତ କମିଶନର ଲକ୍ଷ୍ମୀକାନ୍ତ ସେଠୀ।

କରୋନା ସମୟରେ ରେପୋ ରେଟରେ କୌଣସି ପରିବର୍ତ୍ତନ ନାହିଁ !

ନୂଆଦିଲ୍ଲୀ: ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ଗଭର୍ଣ୍ଣର ଶକ୍ତିକାନ୍ତ ଦାସ ଆଜି କେନ୍ଦ୍ରୀୟ ବ୍ୟାଙ୍କର ମୁଦ୍ରା ନୀତି କମିଟି (ଏମପିସି)ର ପ୍ରମୁଖ ହାର ଉପରେ ନିଷ୍ପତ୍ତି ଘୋଷଣା କରିଛନ୍ତି। ରିଜର୍ଭ ବ୍ୟାଙ୍କ ଗଭର୍ଣ୍ଣର ଶକ୍ତିକାନ୍ତ ଦାସ ଏଥର ମୁଦ୍ରା ନୀତିରେ କୌଣସି ପରିବର୍ତ୍ତନ କରିନାହାଁନ୍ତି। ମୁଦ୍ରାସ୍ଫୀତି ବୃଦ୍ଧି ହେତୁ ରିଜର୍ଭ ବ୍ୟାଙ୍କର ଏମପିସି ହାରରେ କୌଣସି ପରିବର୍ତ୍ତନ ନକରିବାକୁ ନିଷ୍ପତ୍ତି ନେଇଛି। ଆରବିଆଇର ଏମପିସି ନିଷ୍ପତ୍ତି ନେଇଛି ଯେ, କରୋନାର ପ୍ରଭାବ ଶେଷ ନହେବା ପର୍ଯ୍ୟନ୍ତ କେବଳ ଆବାସିକ ପଦ୍ଧତି ହିଁ ବଜାୟ ରହିବ। କରୋନା ମହାମାରୀ ହେତୁ ଆର୍ଥିକ ପରିସ୍ଥିତି ନସୁଧୁରିବା ଯାଏଁ ଏବଂ ପୁନରୁଦ୍ଧାର ଜାରି ରଖିବା ପାଇଁ ଏହି ପଦ୍ଧତିରେ କୌଣସି ପରିବର୍ତ୍ତନ କରାଯାଇପାରିବ ନାହିଁ । ତେଣୁ ଦରରେ କୌଣସି ପରିବର୍ତ୍ତନ ନକରିବାକୁ ଆରବିଆଇ ନିଷ୍ପତ୍ତି ନେଇଛି ।

ରେପୋ ରେଟ୍ ରେ କୌଣସି ପରିବର୍ତ୍ତନ ହୋଇନାହିଁ

ମାର୍ଜିନାଲ ଷ୍ଟାଣ୍ଡିଂ ଫାସିଲିଟି (MSF) ଏବଂ ବ୍ୟାଙ୍କ ଦର ପୂର୍ବ ଭଳି ୪.୨୫ ପ୍ରତିଶତରେ ଅପରିବର୍ତ୍ତିତ ରହିବ । ରିପୋର୍ଟ ରେପୋ ରେଟ୍ ରେ ମଧ୍ୟ କୌଣସି ପରିବର୍ତ୍ତନ ହୋଇନାହିଁ । ଏମପିସି ରେପୋ ରେଟକୁ ୪ ପ୍ରତିଶତରେ ରଖିଥିବା ବେଳେ ଏବଂ ରିଭର୍ସ ରେପୋ ରେଟକୁ ୩.୩୫ ପ୍ରତିଶତରେ ରଖାଯାଇଛି। ଆରବିଆଇର MPCର ତିନି ଦିନିଆ ବୈଠକ ଜୁନ୍ ୨ରୁ ଆରମ୍ଭ ହୋଇଥିଲା। ଏହି ନିଷ୍ପତ୍ତି ଏମିତି ସମୟରେ ନିଆଯାଇଛି ଯେଉଁ ସମୟରେ କରୋନାର ଦ୍ୱିତୀୟ ଲହର ଦେଶର ଅର୍ଥନୀତିରେ ଖରାପ ପ୍ରଭାବ ପକାଇଛି।

ଆରବିଆଇର ମୁଦ୍ରା ନୀତି

ରିଭର୍ସ ରେପୋ ରେଟ ୩.୩୫%, MSF ହାର ୪.୨୫% ଏବଂ ବ୍ୟାଙ୍କ ହାର ୪.୨୫% ରେ ସ୍ତିର ରହିଛି ।

ଆରବିଆଇ ଗଭର୍ଣ୍ଣର ଶକ୍ତିକାନ୍ତ କହିଛନ୍ତି ଯେ, ଯେତେ କଷ୍ଟ ପରିସ୍ଥିତି ହେବ, ତାହାକୁ ଅତିକ୍ରମ କରିବାକୁ ସେତେ ଶୀଘ୍ର ଆଗକୁ ବଢିବାକୁ ସାହାଯ୍ୟ ମିଳିବ ।

ଗଭର୍ଣ୍ଣର ଶକ୍ତିକାନ୍ତ ଦାସ କହିଛନ୍ତି ଯେ, ଏମପିସି ରେପୋ ରେଟକୁ ୪%ରେ ଅପରିବର୍ତ୍ତିତ ରଖିବାକୁ ନିଷ୍ପତ୍ତି ନେଇଛି।

ବିଶେଷଜ୍ଞମାନେ ମୁଦ୍ରାସ୍ଫୀତି ପାଇଁ ଏକ ଉନ୍ନତ ସଂଶୋଧନ ଏବଂ ଜିଡିପି ଅଭିବୃଦ୍ଧି ପାଇଁ ଏକ ନିମ୍ନ ସଂଶୋଧନ ପାଇଁ ପୂର୍ବାନୁମାନ କରିଛନ୍ତି।

କଇଁଚ ଚୋରା ଚାଲାଣ ଚାଲିଥିଲା ବେଳେ ମାଡ଼ି ବସିଲା ବନ ବିଭାଗ, ୧୫୦ କଇଁଚ ଉଦ୍ଧାର

କାଲିମେଳା: ଲକ୍‌ଡାଉନ୍‌ରେ ଚାଲିଛି କଇଁଚ ଚୋରା ଚାଲାଣ। ମାଲକାନଗିରି ଜିଲ୍ଲା କାଲିମେଳା ବନ ବିଭାଗ ପକ୍ଷରୁ କଇଁଛ ଚୋରାଚାଲାଣ ରାକେଟର ପର୍ଦ୍ଦାଫାସ୍‌ କରାଯାଇଛି। ଚଡ଼ାଉ ସମୟରେ ଚାଲାଣକାରୀଙ୍କ ଠାରୁ ୧୫୦ଟି ଜୀଅନ୍ତା କଇଁଛ ଉଦ୍ଧାର କରାଯାଇଥିବା ବେଳେ ୨ଟି ବାଇକ ଜବତ କରାଯାଇଛି।

ଆନ୍ଧ୍ର ଜଙ୍ଗଲରୁ କଇଁଛ ଆଣି କାଲିମେଳା ଟିଗଲ ପଞ୍ଚାୟତର ଏମପିଭି-୬୫ରେ ବିକ୍ରି ପାଇଁ ଡିଲ୍‌ ବେଳେ ଚଢାଉ କରିଥିଲା ବନ ବିଭାଗ। ଚୋରାଚାଲାଣରେ କିଛି ଆନ୍ତଃରାଜ୍ୟ ମାଫିଆ ଓ ସ୍ଥାନୀୟ ବ୍ୟବସାୟୀ ସାମିଲ ଥିବା ସନ୍ଦେହ କରାଯାଉଛି। ତେବେ ଘଟଣାସ୍ଥଳରୁ ମାଫିଆମାନେ ଫେରାର ହୋଇଯାଇଥିବା ବେଳେ ତଦନ୍ତ ଜାରି ରଖିଛି ବନ ବିଭାଗ।